غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 28-12-2013, 09:34 PM
صورة Versace الرمزية
Versace Versace غير متصل
©؛°¨غرامي فعال ¨°؛©
 
الافتراضي رد: رواية لسعات الماضي /بقلمي


السلام عليكم و رحمة الله و بركآته
البارت الثالث
لا يلهيكم عن الصلاة !
اللهم بلغت اللهم فاشهد


ملاحظة: تم تغير اسم الرواية من مظلومة الى :
رواية لسعات الماضي /بقلمي

بسم الله الرحمن الرحيم


♛♛♛♛

في احدى المدراس الشبهه قديمه
في الممر الطويل

دق الجرس معلن وقت بدا الفسحة

ثواني و انتشروا البنات مثل النمل في كل مكان
اللي ع الدرج مع صحباتها
واللي واقفه تتكلم
واللي تزاعق
واللي تصرخ ع المعلمه
واللي في الحمام تتعدل وتتكشخ
" ما ااعرف يمكنه مغلطه بين المدرسه و قاعة الافراح !! ولا يمكن حد قايل لها ان فيه عرس في المدرسه "
المدرسه فوضى بمعنى الكلمه

طلعت من الصف بعد تعب من البنات المزدحمات
لمحت زولها و قالت بصوت عالي و اهي تأشر بيدها : شوووق يا شووووق

"كأني اعرف هالصوت"" لفت تدور بعيونها, انرسمت الابتسامه على شفايفها بعد ما شافت اللي تأشر من بعييد
ركضت لها
قالت واهي تضحك : اخبار الادارة عساها طيبه
ضحكت و اهي ترجع شعرها الاسود لورا اذنها : ايييه طااافج نص عمرج
مسكت يدها و ركضت للساحه : يالله تعالي ابا اعرف شو صار بالتفصيييل الممل
قعدوا في زاوية بعيدة عن البنات يتخللها بعض الضوء
قالت بحماس و اهي تحط يدها تبعد الضوء عن عيونها : رسيييل شوو صار يالله قوولي
تربعت و فكت الشبس تبلع
جرت كيس الشبس عن يدها و قالت و اهي تتأفف: اففف انتي ما تشبعيين ابد !!
ضحكت اهي تمسكه من يدها و تطنشها: اخذت كم تهزيئة من المديرة و قالت لي ارجعي لي ع اخر الدوام
لوت فمها و قالت : عمتك مراح ترضى لهل المهزلة
رسيل بلا مبالاة : عاادي الامور طيبه و حنا ابخيير
شوق بعدم اطمئنان : والله احس ان هالمره مراح تعدي ع خير
ولا فيه بنت عاقله تاكل في الصف و وبكل وقاحه تعزم الابله و البنات ع الاكل
ضحكت رسييل و اهي تاكل: شسوي جوعاانه ثم قلبت جد وقالت: شوفي عااد كل شي و لا الاكل اتحمل الملل و طلباتك اللي ما تخلص اوكي بس انك تحرميني من الاكل فلا ثم لا ثم لا
هزت راسها باسف هالبنت مو صاحيه : طيب وش بتستفيدين من البلع الزايد فصل و راح تنفصلين
قاطعتها : اسبوع
كملت : و دراسه مو فالحه فيها
قاطعتها : اخرتي خدامه في المدرسه
كملت و اهي تطنش كلامها : و الناس تكرهك ماحد يحبك لا اسلوب و لا اخلاق
قاطعتها : هذا انتي تحبيني
قالت واهي تتنهد : الظروف جبرتني لك شسوي ماحد بيصاحبني لاني وجهه فقر
ضحكت : وانا وجهه عز ؟!
هذاني بنت حرام و ما قلت شي
عادي عايشه حياتي مثل الناس
تربعت بحماس و اهي تكمل : شسمه تبغين اكملك كلامي اشتريلي شبس
و اقولك اشياء عمرك ما سمعتيها
ضحكت : يا مصلحجية
طلعت الشبس من جييبها و رمته على وجهها
قالت بفرح : جعلني ما انحرم منج
عاد تعرفين خيتج عمتها ما تكثر من مصروفها حدها 5 ريال في اليوم
و المقصف (اللي يبيعون الاكل) ملاعين من يوم ما شافوني اقولهم كم الشبس قالوا بــ 2 ريال
وهم قبل شوي بايعينه حق البنات ب ريال و غير الشوكلاتات و اكل المطاعم اللي تدخلهم بالسريه انتي خليني ساكته لافضح ام امهم اليوم وقالت بضييق: وشسمه والله قسم ما اعرف هي ليش حاطتني في راسها كل ما شافتني غلت الاسعار و يصيير العصير بريالين او ثلاثه !!
مسكت راسها من الكلام اللي تقووله : حسبي الله ع عدوينك شو دراك بهالكلام كله
حكت راسها باحراج و قالت بهمس و اهي تقرب راسها من شوق: شسمه تراني مرات لما اجوع احلل الريال اللي اخذته مني
شوق بصدمه : اهىىىى انتي مو صاحيه
سكرت فمها بسرعه و اهي تلتفت يمين يسار : اسكتي لاحد ينتبه و يقعد يترصدنا في الطلعه و الرجعه
نزلت يديها عن فمها واهي معصبه : وانا اقول شبلاها البنت ساكته عن الحرمه لما تبيع لها بريالين , هالشي غلط والله غلط حراام انتي تعتبرين سراقه
قالت بابتسامه عبيطه : و ابشرك بعد مرات اسحب عصير عصيرين معاها
شهقت بقووة : يا كلببه
خبطتها ع كتفها و قالت و اهي معصبه : لا جد انا ما امزح معك يعني عاجبك اللي يصير
انتي ما تخافين ربك عادي عندك
قالت بضييق : شوفي من ناحية اني متضايقه فانا متضايقه بس حتى هي ليش تنصب علي
لفت راسها على جنب و قالت : لا جد كنت اخذ بس ادفع والله
شوق بشك : ما اصدق
رسيل لفت لها : والله من جدك انا اللي دايما اقول للبنات... يدفعون الدين اللي ياخذونه
شوق بحزم : ما اصدق ادفعي 100 ريال اللي مجمعتيهم في المقصف
شهقت رسييل : لا انتي تمزحين
يا قطع قلبي فلوسي راح تروح
رن الجرس
شوق واهي تقوم مبتعد عنها : لا تكلميني الا لما تدفعينهم
ركضت وراها و اهي تلحقها : خلاص خلاص بدفعهم بكره
وقفت شوق و اهي تقول : وعد
رسيل واهي تمسك يدها : وعد
رسيل... مرجوجة... ربما لرجتها حكمة... الاكل هو حياتها... لا تحب اخبار الناس بمشاعرها... حتى اقرب الناس لها.... التجاهل هو عنوانها... و الفرح هو حياتها .... ان لم يصنع لك القدر الفرح فلتصنعه بنفسك وان لم تقدر فلتصنعه لغيرك
...
الآصـدقـآء أوطـآن صـغيـرهـ ,,.!!
هـم جنـّة الدنيـآ ..
انـهم الوجـه الاخـر ل الحـب ..
.. .. الـوجـه آلـذي لا يـصدأ آبـدآ ,,. !!

♛♛♛♛

....: اندلعت الثورة الفرنسية عام 1789 و ذلك يعود لعدة اسباب منها العوامل السياسية مثل الاستبداد و العوامل الاقتصادية مثل فرض الحقوق الجمركية كما ان فشل محاولات الاصلاح في القضاء على العجز المالي اثر بشكل كبير على فرنسا و دفع سكانها لهذه الثورة .......

تثاوب بملل و رجع حط يده تحت ذقنه و سرح في عاالم الاحلام

مرت دقايق قليله حتى صحى من سرحانه على صوت المعلم و هو يقول : فارس متى اندلعت الثورة الفرنسية ؟!

فارس بفهاوه : هااه
ضحك الصف وثواني ثم سكتوا لما شافوا المعلم يناظرهم
تمالك المعلم اعصابه ثم قال : في اي دوله اندلعت الثورة الفرنسيه ؟!
حك شعره بغباء و قال : النرويج ؟!
الصف هنا فطس ضحك
تأمل المعلم بفهاوه اصلا اهو مو معهم
العقل في مكان و الجسد في مكان
قال المعلم بصراخ و اهو يأشر ع الباب : برااااا براااا
قام بكسل و اهو يحك راسه
مشى بكل برود و فتح الباب و رزعه بقوه غياضا للمعلم
غمض المعلم عيونه ثواني ثم كمل
:
الثورة الفرنسية كانت بداية لعهد نابليون بونابـــ....
سكت ثم تقدم بكل هدوء ووقف قدام الطاوله

كان مندمج في الرسم ع الدفتر و مو حواليه
اففف ليش الدنيا مظلمه كذا
رفع راسه و انصدم من الواقف قدامه
عم الهدووء في المكان
الكل قاعد يترقب الحكم
قال بكل هدوء : تفضل اطلع برا
متعب بتوتر : بــ..
صرخ و اهو يأشر بيده : تفضل اطلع برا
سكر الدفتر و حطه في الشنطه
ثم طلع بدون اي كلمه

لف المعلم بعصبية للطلاب : فيه حد يبغا يطلع ؟!

مرت ثواني
ثم قال بهمس : استغفر الله العظيم
..

فارس 18 سنة

♛♛♛♛

في جناحها الضخم
وفي غرفتها الوردية

واقفه قدام المرايه
ماسكه البودرة بيد و الفرشاة بيد ثانيه
تأملت جمالها الخلاب
بشرة بيضا مثل الثلج
شعر اشقر (صبغه)
عيون سودا و جسم مثل عاراضات الازياء
ابتسمت ع جمالها الطبيعي
خففت البلاشر ثم ابتسمت برضى ع شكلها
ارسلت لنفسها بوسه ع الهواء

دخلت عليها بهدوء وقعدت على السرير
بكل اعجاب لاختها : حلو شكلك والله اخاف تغطين علي
لفت عليها ثم ضحكت و تقرب لها : لا لا انتي الاصل يا ناريمان
لمتها بقووة واهي تكمل : ربي لا يحرمني منك
ضحكت ع حركات اختها
بعدت عنها و رجعت للمرايه تكمل شغلها
كملت
: طيب يالله اخلصي بنتأخر ع الصالون
انا بنزل يالله انتظرك تحت في الصاله

قالت و اهي تلم شعرها : طيب

طلعت اختها من غرفتها او بالاصح جناحها
قالت بضييق : ياربي ابغا اقصه تقصف من تحت
راحت للحمام و مسكت الكريم
مسحت ع يدينها
بعد 10 دقايق طلعت من الحمام لغرفتها
سمعت صوت جوالها يرن
قالت واهي اتسرع مشيتها :يوووه اتأخرت عليها
ركضت و فتحت باب غرفة الملابس
راحت لقسم العبايات
احتارت بين العبايات المعلقة
حوالي 100 عباية موجودة
درات بين العبايات
بهمس: لا مو هاذي و لا هاذي
اففففف
مشت لاخر القسم
ابتسمت برضى واهي تفكها : ايواا هاااذي
لبستها بسرعه و نزلت لاختها اللي تنتظرها تحت


الريم 20 سنة
ناريمان 38 سنة


♛♛♛♛

وقف ع جنب الجدار جنب فارس
تأفف بضيق مو عاجبه اللي يصير هو مو جاي علشان يلعب
لف له فارس ناظره شوي بعدين شاح نظره عنه
فتح جواله بسرعه واهو يتلفت يمين و يسار
كتب بسرعه ثم سكره و حط في جيبه
كل هذا تحت انظار متعب المصدومة
عقوبة الموبايل في المدرسة هي الفصل نهائيا
مدرستهم خاصه ومررره متشددة
غمز له و ضحك
ثم تركه في صدمته
نفض متعب تفكيره و قرر يطنش اللي شافه
اهو اصلا مو ناقص مشاكل كلن يعرف مصلحته وين

♛♛♛♛

سالي و حمد كانوا قاعدين ع الدرج الطويل الموجود في نص الصالة و يتناقشون بحدة
سالي واهي واقفه ومتخصره وبكل اعتراض : نخبر مامي
حمد بعصبية : غبيه انتي ماما ما بتسوي شي بنخبر بابــ..
قطع عليهم اللي وقف قدامهم بتحدي وقال بمكر: يالله قدامي
رافعت راسها له و قالت بغرور : وبأمر مين
ابتسم بخبث و قال : بأمر من يزيد
اعتلت دقات قلبها وصارت تدق بقوة
قالت بخوف و جسمها يرجف : خالي يزيييد
وقف شعر يده و اهو يسمع اسمه قال و اهو يبلع غصته : يا ويلنا
قال بكل هدوء و اهو يتكتف : دقيقة اذا ما مشيتوا بدق عليه و بقول له ما يريدون يمشون
اعتلت الابتسامه ع ثغره لما شافهم يتسحبون قدامه و كل واحد يدفع الثاني
قال لنفسه واهو يمشي وراهم " والله ماحد يعرف لهم غيره, ااه خاطري اعرف هو شو مسوي بهم "

♛♛♛♛

دخلت العامله للصف وبيدها ورقة
عطتها للمعلمه اللي وقفت الدرس من يوم ما دخلت
قالت بحزم و صوتها بدا يعلا تدريجيا : انتي ما تعرفين تدقين الباب ؟؟ ولا اهلك ما علموك ولا بس فاضيه انك تقطعين شرح المعلمات
ضحك الفصل الا وجهين عبسو بضييق من هالحالة
سكتت العامله بإحراج و حز في خاطرها
و اهي منزله راسها حطت الورقة ع الطاوله و طلعت بسرعه تتجنب اي نقاش
قالت الملعمه بتأفف و عيونها متعلقة في الورقة : اخت رسيل تفضلي ع الاداره
غصت رسيل بالسندويشه اللي تاكلها
ضربتها شوق بقوة ع ظهرها
تورطت شوق و خبت السندويشه قبل لا تنتبه الابله
عطتها ماي بسرعه ع اساس انها غصت بالماي
نزلت المعلمه الورقة و قالت بملل : رسيل ما تسمعين طرشى مثلا
رسيل بتعب من الكح : خييير
افففف يا روح ما اطولك: روحي الادراة تبغاكي و لا ما تسمعين ؟!
قامت رسيل بكل بروود ومشت طالعه لبرا بدون اي كلمه و لا الود ودها اترد على موقفها مع العامله يا حبها للمشاكل ><
..
مرت ساعه على وجودها في الادارة
رفعت يدها تشوف الساعه خلاص الدوام خلص
ثواني و رن الجرس
قامت بسرعه و حطت كتبها في الشنطة
مشت بتطلع بس وقفت و ضربت راسها بيدها
نست كتب رسيل
لفت بسرعه و لمت قشها و شالت عبايتها
نزلت تحت للساحه و قدرت تلمحها قريب من الادارة
راحت لها بسرعه
سحبت العبايه و لبستها واخذت الشنطة من يدها
قالت شوق بهمس و اهي تراقب تعابير وجهها : شو صار ؟!
ابتسمت رسيل واهي اتقول: المديرة قالت لولا ان الامتحانات نص السنة بعد ثلاثة اسابيع كان انتي ذلحين مفصوله نهائيا من المدرسه و حلفت ان سويت مشكله بتفصلني
ضحكت شوق بارتياح: يعني خلاص مافي مشاكل
حاوطتها بيدها و اهم رايحين للباص : مافي مشاكل

♛♛♛♛

في احدى الصالونات الغاليه
واللي ما يدخلها غير الهاي هاي

قاعده ع الكرسي تتكلم بهمس و تبتسم متجاهله اللي قاعده تراقبها في الكرسي اللي جنبها
تأملت المراية اللي قدامها بتفكيير واهي شبه سامعه المحادثه اللي تدور
قالت و الخبث بعينها معقوووله !!
سكرت البنت من الجوال و اهي تبتسم
لفت عليها و قالت : لو سمحتي
رفعت عينها عن الجوال و قالت واهي تبتسم : هلا
قالت باستفسار : انتي الريم اخت رجل الاعمال زيد ال .....
ابتسمت بفخر واهي تهز راسها : وصلتي لها يا قلبي
ابتسمت لها و قالت : اها
لفت تكمل طقطيقها ع الجوال
لمع بعينها الخبث و اهي تخطط في راسها شي
قامت من الكرسي و راحت لصاحبة الصالون
قالت بكل هدوء : كم الحساب ؟!
قالت صاحبه الصالون بهدوء وبابتسامه : اممم 5000 ريال حبيبتي
مسكت كرت البنك و عطتها ياه
و صاحبة الصالون بدورها عطته للبنت اللي كانت وراها قاعده ع المكتب
قالت صاحبة الصالون بابتسامه : لا تحرمينا من وجودك حبيبتي
قالت بابتسامه : كل شهر بتشوفيني هنا خدمتكم وايد حلوه
ابتسمت صاحبة الصالون و اهي تمد لها الكرت : هذا من ذوقك يا قلبي
لفت منهية النقاش و متوجه للخارج
فتحت الباب و ططلعت
فتح السواق لها الباب و دخلت السياره
حركت السياره
فتحت موبايلها و ثواني وجاها صوته
قالت بكل هدوءء: اخت يزيد ال... موجوده في صالون....
من اليوم ورايح تتبعها و شوفها وين تروح و اذا شفت شبهه و لا شي صوره لي
قال بكل هدوء: تم اسبوع بالكثير و يوصلك اللي تبغينه
ابتسمت بخبث و اهي تسكر الجوال
وقفت السياره في احدى الطرق القديمه
لبست عبايتها القديمه فوق العبايه الجديده و نزلت متوجهه لبيتها


♛♛♛♛

دخلت البيت و لقتها في وجهها
قالت بعصبية واهي شوي و تصييح : وين الاكل
قالت و اهي تتجاهلها متوجهه للغرفه علشان ما تشوف شكلها او تدقق
: روحي البقاله و خذي اللي تبغينه و حطيه حساب قوليله حساب العمه و اهي ع طول بيعطيكي
زفرت براحه و ركضت لغررفتها تجيب عباتها قبل لا تغير رايها

دخلت الغرفه و قفلته مرتين تتأكد انها ما تدخل عليها
تأملت شكلها في المرايه مع انها عجزت الا انها ما فقدت جمالها البسيط
شافت شعرها بعد ما صبغته بالاسود تغطي الشعر الابيض
شويه ضعيف و قليل .. طبيعي لانها كبرت
بس مع ذلك ما فقدت حبها للاعتناء لنفسها
تركت شعرها و تأملت الغرفه
لونها الفستقي>< كان كفيل بكرهها للغرفه
و حجمها المتوسط
رمت عباتها و راحت للحمام تتسبح تمسح وجهها من المكياج الخفييف
علشان رسيل ما تلاحظ اي شي

♛♛♛♛


في المكتب البني العملاق
الكتب مرصفه على كل الجدران بعضها الانجليزي و بعضها العربي
و ما فيها غير مكتب و كرسيه وكرسيين قدام المكتب
وو را المكتب شباك متوسط الحجم يطل على الحديقة الكبيرة
كانوا في هالمكتب
واقفين و منزلين راسهم
الدموع شوي و بتنزل
قال بعصبيه واهو يتمالك اعصابه لانهم اصغار: فيه شي اسمه احترام للكبار عيب اللي سوتوه عيب انكم تعلون صوتكم على اللي اكبر منكم عييب
قالت و اهي تصيح : بس
قاطعها بصراخ : انتي بالذات تسكتين
غمض عيونه ثواني ثم قال و اهي ينادي : باسم يا باسم
دخل باسم مكتبه البني وقال : امر طال عمرك
قال بحدة و اهو يأشر عليهم : هالاثنين ممنوعين من الطلوع لبرا و ممنوعين من الاجهزة الالكترونيه لمدة ثلاثة ايام و لو بس شفتهم معلين صوتهم عليك و او على حد بلغني بس و شوف شو راح اسوي بهم
هز باسم راسه و قال بهدوء لهم : يالله روحوا لبرا عندكم درس بيانوا
طلعو و اهم يصيحون ع الصامت
بعد ما طلعوا قال بكل هدوء و اهو يوجهه الكلام لباسم بضييق: مو منهم من ابوهم مدام ابوهم معلمهم هالحركات و معلمهم استصغار الناس فما اقدر اسوي شي لهم
نزل راسه بتفهم و قال : الله يهديهم و مشكور ع المساعده انا بس حبيت اكسر راسهم لانهم هالايام بدؤا بالمشاكل خصوصا ان ابوهم لاهي في الشغل و امهم لاهية في المحاكم
هز راسه وقال بهدوء: باسم اذا ما عليك امر قول لميري تسوي لي قهوة بعد شوي بروح الشركة
ابتسم وقال : من عيوني
رجع راسه للورق يتضايق من فكرة عدم المساواة بين الفقير و الغني
اهو الوحيد اللي في عايلته متواضع يحب الناس
كم مره فهم زوج اخته ان هالشي غلط بس ابدا راكبه الغرور
وكونه ما يحب يعيد الكلام مرتين وقف عن نصيحته و خلاه ع هواه
بس اللي ضايقه ذلحين ان الاولاد صاروا يسوون اللي يسويه
فمثلا سالي و حمد صاروا يهينون الخدم و يقولون كلام اكبر من عمرهم
وهالشي غلط اذا كبروا شو راح يسوون اذا هم كذا
زفر بضيييق واهو يبعد تفكيره عنهم : الله يعين بس
رجع عينه ع الورقة و بدأ بتوقيع الاوراق المهمه لشركته

♛♛♛♛

يزيد 30 سنة يشتغل في شركته الخاصه و شركته من الشركات الكبرى و غير متزوج اعزب
اسمه معرووف في كل مكان ووصل لاوروبا و الكل يتمنى انه يدخل مشروع ممعاه
متواضع و الكل يحبه بس عصبي ووقت الجد الكل يخاف منه
واذا حط حد في راسه فأبعدوا عنه ووايد متسلط يفرض رايه و مستحييل يعيد الكلام اكثر من مرتين
جميل جمال مو طبيعي عيونه مكحله من الله و رموشه طويله انفه طويل كانه سلة سيف لونه برونزي مع شوية سمار شعره بني و طويل لاذنه جسمه معضل شوي و طويل و عريض جسمه يصرخ من الرجوله ا

♛♛♛♛

في غرفة الطعام اللي تتوسطها الطاوله الذهبيه الطويله
و الخدم المصطفين ع الباب ينتظرون اي اوامر منهم
الغرفه كانت ذهبيه متداخله مع بيج و بني
و فيها عدة شبابك مع ستاير فخمه
و فيها مرايه دائرية كبيره شوي تتوسط الجدار
و في وسط الطاوله كان هنناك ثريا صغيرة معلقة من فوق
كانت الغرفة في قمة الفخامه

كانت عايلة ال ... مجتمعين

يتوسط الطاوله يزيد و على يمينه فيصل و قدامه ناريمان
و جنب فيصل بالترتيب فارس و حمد
وجنب ناريمان الريم و سالي

قال بهدوء يكسر صوت الملاعق موجهه حديثه لزوج اخته : اخبار الشغل
قال و اهو يحط الملعقة و ينظف فمه بالمنديل : تماام الحمدلله
وجهه له السؤال واهو يعرف الاجابة : منت ناوي تدخل معي
ولا لسه ع قرارك
قال واهو يسكر هالحديث اللي يكرهه : لا و لا راح ادخل
قال بسخريه : براحتك
غمض عيونه لثواني يكرهه يكون خدام حد (يعني انه يشتغل مع حد ) يحب يكون مستقل و لهل السبب طلب يضم ورث زوجته مع شركته ورثها من ابوها بعد ما مات من اعمامها اللي من يوم ما فرقوا الورث تفرقوا و استقروا كل واحد وفتح له شركه

قالت ناريمان و اهي تقطع الحديث تجنبا للمشاكل :
وين معزمين تكون السفره الاجازة ( اجازة الفصل الاول )
فارس نط : فرنسا
الريم برفض قاطع : لا لا كوريا
فيصل بدون مبالاة : كيفكم قرروا انتو
يزيد بصوته الجهوري واهو يتخذ القرار : بنروح فينسيا في ايطاليا
(فينيسيا معروفه بمدينة الحب و الرومانسية ><)
بصوت وااحد : يااا عيييني
غمزت له ناريمان : لا تكون مواعد اليبن اهناك
ابتسم لها : واي حب هاذي
فيصل ابتسم بخبث : لا لا هذا رايح فيها
ابتسم لهم واهو يقول : تطمنوا عندي اجتماع هناك مع واحد من رجل الاعمال و ضروري اروح
عبست الريم : شغل شغل شغل كله شغل
قام و اهي يقول منهي للنقاش ومتجاهل كلامها: سفره دايمه ان شاءالله

وتوجه لغرفته



بسم الله نوضح لكم العايلة :

يزيد تم تعريفه
خواته ثنتين
الريم تم تعريف شكلها ... بنت بسرعه ينضحك عليها .. رقيقه و دلوعه بس فيها العادة الخايسه
اللي هي الغرور و التكبر و استصغار الناس >< .. اهي في رابع سنه جامعه اخر سنه لها تخصص
ادب انجليزي .. نسبتها ما ساعدتها في دخول تخصص حلو و بعد هي ما تحب الدراسه و اخرتها البيت ع قولتها ^^

ناريمان محاميه تهتم جدا بقضايا المرأة و حقوقها مشغولة معظم الوقت بس ابدا ما تترك عيالها يعني تهتم فيهم شعرها كيرلي مثل مريام فارس ولونه بني
طويله و جسمها شوي مليان و ينفع لها ^^ بشرتها فاتحه جايه ع اللون الاصفر شوي عيونها كبار و سود انفها صغيروني و فمها نفس الشي
جميله بس ما توصل لجمال الريم



♛♛♛♛


وصل الغرفة و هو تعبان من اللف في الاسواق
عيونه تعووره من شدة الانتباه في الاسواق
شغلته مره صعبه

فتح الباب و دخل ما قلى حد في الصالة رمى شماغه (الغترة) ع الكنب طفى التلفيزيون و ضوء الصالة و دخل لغرفة العيال
شافهم نايمين غطى سالم اللي كان متكور ع حاله دايما هالولد يحزن عليه ما يلاقي حد يكلمه
هو مشغول بأحمد و امه ع قولتها مشغوله بخلودي حتى امي ما تقدر تتكلم معاه
صحاه من سرحانه تقلب سالم في نومه
اطلق تنهيده طويله ثم طلع بشويش و سكر الباب
مشى عبر الممر اللي يربط الغرف ببعضها
دخل بهدوء و شافها غاطه في النوم
رفع يده و انصدم ان الساعه 9
فيه حرمه تترك زوجها وتنام بدري !؟
ما عندها شغله بكره اجازة و ما عندها دوام في المدرسة
(تشتغل معلمة )
اتضايق منها و دخل للحمام علشان يتوضا و يقرأ له بعض من ايات القرأن ثم يقعد مع امه في الصالة

"" محمد ""
♛♛♛♛

خلص البارت
اتمنى انه عجبكم ووضح لكم الشخصيات

التوقعات :

- ما لاحظتوا شي غريب في العمه عمة رسيل ؟! يعني شي يفر الراس ؟!

- من تتوقعون البنت اللي كانت تكلم ولد ؟!

- يزيد شخصية جديده شو رايكم فيها ؟!

والسلام عليكم ورحمة الله و بركآته
اسمحولي يا بنات البارتات اللي قبل ماكان فيها احداث ><
يا رب يرضيكم هالبارت

نشوفكم في البارت 4 بإذن الله

ملاحظة : لم يتم تحديد بعد ايت ايام للبارات ن شاءالله بحدده ع الاسبوع الياي







تعديل Versace; بتاريخ 29-12-2013 الساعة 12:14 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 28-12-2013, 09:36 PM
صورة Versace الرمزية
Versace Versace غير متصل
©؛°¨غرامي فعال ¨°؛©
 
الافتراضي رد: رواية لسعات الماضي /بقلمي


اقتباس:
المشاركة الأساسية كتبها $ غروري سر أنوثتي $ مشاهدة المشاركة
هلا والله بــ فرزاتشي
تسلم إيدك علىى البارت الأكثر من رااائع
رأيكم يهمني
1- في شخصية رسيل !
أمم شخصيتها حلوه ومرحه
2- في شخصية فيصل وهووسه في الوقت و الموقف اللي صار !
أمم يعني هو شخصيته حلوه بس أحسه ما عنده إحساس
هووسه بالوقت إحسه مبالغ فيه وبقوه كمان يعني مو لهدرجه
أبببببد ما عجبني يعني مفروض يحط نفسه محل الرجال ويشوف إحساسه كيف
شو تتوقعون سارة لقت في الزباله –الله يكرمكم- ؟
أممم يمكن شافت أبره والله ما خطر ببالي إلا كذا
يعني يمكن زوجها محمد مدمن بس لمى قلتي إنه يشتغل بالهيئه إستبعدت الفكره
شو تتوقعون نوع المشاكل اللي تواجه متعب ؟! وشو سبب ضيقته الاساسي؟!
أمممم أكيد إهانات من الطلاب بما أنه فقير - أمم أكيييد من المدرسه
اتمنى ان البارت حاز على رضاكم من حيث الوصف و السرد
وأكيييييييد حاز على رضانا وأكثر كمان
سووووووري خيتو على الرد المتأخر
وأنا في إنتظار البارت الجاي بفارغ الصبر
اقتباس:
المشاركة الأساسية كتبها $ غروري سر أنوثتي $ مشاهدة المشاركة
وصح نسيت أقلك
لا تقولي إنه فيصل هو البطل
لأنه ككثيييييير كبير بالنسبه لأسيل
هلا يا قلبي منوره الرواية ^^
ان شاءالله يعجبك البارت و يكون وضح لك اكثر ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 28-12-2013, 11:53 PM
صورة $ غروري سر أنوثتي $ الرمزية
$ غروري سر أنوثتي $ $ غروري سر أنوثتي $ متصل الآن
فَـ { يَآ ربْ } فّرج هُمَوماً آنتَ تَعلمُهَآ ♥:) !
 
الافتراضي رد: رواية لسعات الماضي /بقلمي


واااااااااااو فرزاتشي
بارت روووووووعه وخورراااافي بشكل ما تتصوريه
توقعاتي :
- ما لاحظتوا شي غريب في العمه عمة رسيل ؟! يعني شي يفر الراس ؟!
أكيد لاحظنا شي غريب يكفي إنها رايحه لصالون الهاي هاي ولا ولابسه عبايه جديده
والسؤال الأهم إيش تبغى بإخت يزيد
وكمان مين هي هذه العمه عشان ترضى تعيش بحيات الفقر وهي تقدر تعيش بقصر

- من تتوقعون البنت اللي كانت تكلم ولد ؟!
بما إنها سأألتها إنتي إخت يزيد وقالتلها إي
فما اتوقع إنها نريمان لانها متزوجه
أتوقع الريم وبما إنك قلتي إنه يضحك عليها بالسهوله فأتوقع إنها هي

- يزيد شخصية جديده شو رايكم فيها ؟!
يجنننننننن ياريت الكل مثله
لحظه الحين أنا ما فهمت هو كان متزوج وزوجته ماتت ولا شلون
والمهم أتوقع إنه هو البطل لا تقولي لا كمان
بس هذا إلي عندي
وأنا في إنتظار البارت الجاي بفارغ الصبر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 29-12-2013, 12:17 AM
صورة Versace الرمزية
Versace Versace غير متصل
©؛°¨غرامي فعال ¨°؛©
 
الافتراضي رد: رواية لسعات الماضي /بقلمي


اقتباس:
المشاركة الأساسية كتبها $ غروري سر أنوثتي $ مشاهدة المشاركة
واااااااااااو فرزاتشي
بارت روووووووعه وخورراااافي بشكل ما تتصوريه
توقعاتي :
- ما لاحظتوا شي غريب في العمه عمة رسيل ؟! يعني شي يفر الراس ؟!
أكيد لاحظنا شي غريب يكفي إنها رايحه لصالون الهاي هاي ولا ولابسه عبايه جديده
والسؤال الأهم إيش تبغى بإخت يزيد
وكمان مين هي هذه العمه عشان ترضى تعيش بحيات الفقر وهي تقدر تعيش بقصر

- من تتوقعون البنت اللي كانت تكلم ولد ؟!
بما إنها سأألتها إنتي إخت يزيد وقالتلها إي
فما اتوقع إنها نريمان لانها متزوجه
أتوقع الريم وبما إنك قلتي إنه يضحك عليها بالسهوله فأتوقع إنها هي

- يزيد شخصية جديده شو رايكم فيها ؟!
يجنننننننن ياريت الكل مثله
لحظه الحين أنا ما فهمت هو كان متزوج وزوجته ماتت ولا شلون
والمهم أتوقع إنه هو البطل لا تقولي لا كمان
بس هذا إلي عندي
وأنا في إنتظار البارت الجاي بفارغ الصبر
هلا يا قلبي
اهم شي انه عجبك ^^
شسمه ما بقول شي علشان ما احرق عليكي الرواية
يزيد يا قلبي مو متزوج مجرد سوالف يسونها ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 29-12-2013, 12:32 AM
0فتوون0 0فتوون0 غير متصل
©؛°¨غرامي مشارك¨°؛©
 
الافتراضي رد: رواية لسعات الماضي /بقلمي


مشكوره على البارت

العمه غريبه ليه متنكره وعايشه بالفقر والشيء الثاني وش العلاقة بينها وبين رسيل يعني باي صفه رسيل عايشه معها

اممممم عندي احساس يا يزيد او فيصل راح يكون من نصيب رسيل

وعندي توقع كمان ان العمه حابه تنتقم من يزيد وبتبدء ب اخته الريم

ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 29-12-2013, 12:45 AM
صورة Versace الرمزية
Versace Versace غير متصل
©؛°¨غرامي فعال ¨°؛©
 
الافتراضي رد: رواية لسعات الماضي /بقلمي


اقتباس:
المشاركة الأساسية كتبها 0فتوون0 مشاهدة المشاركة
مشكوره على البارت

العمه غريبه ليه متنكره وعايشه بالفقر والشيء الثاني وش العلاقة بينها وبين رسيل يعني باي صفه رسيل عايشه معها

اممممم عندي احساس يا يزيد او فيصل راح يكون من نصيب رسيل

وعندي توقع كمان ان العمه حابه تنتقم من يزيد وبتبدء ب اخته الريم

ننتظرك
هلا يا قلبي
اي والله غريبه هع ^^
ان شاءالله مع البارتات الجايه تفهمين يا قلبي ^^
طيب ما سألتي نفسك ايش السبب علشان تنتقم من اخت يزيد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 29-12-2013, 01:37 AM
صورة اشطورهـ الرمزية
اشطورهـ اشطورهـ غير متصل
©؛°¨غرامي مجتهد¨°؛©
 
الافتراضي رد: رواية لسعات الماضي /بقلمي


روآيه حلووة و متحمسه للبارتات اليايه ..

احس في دراما بتصير .. خصوصا في أكثر من جهة لها أحداثها المميزة ..

أبدعتي و بانتظار البارتات الياية ..

تقبلـي ردي .. ^.^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 29-12-2013, 01:41 AM
صورة Versace الرمزية
Versace Versace غير متصل
©؛°¨غرامي فعال ¨°؛©
 
الافتراضي رد: رواية لسعات الماضي /بقلمي


اقتباس:
المشاركة الأساسية كتبها اشطورهـ مشاهدة المشاركة
روآيه حلووة و متحمسه للبارتات اليايه ..

احس في دراما بتصير .. خصوصا في أكثر من جهة لها أحداثها المميزة ..

أبدعتي و بانتظار البارتات الياية ..

تقبلـي ردي .. ^.^
هلا يا قلبي نورتي الرواية
هههه ان شاءالله اكون عند حسن ظنكم
نورتي يالغلا ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 29-12-2013, 10:59 AM
صورة nooni aldoseri الرمزية
nooni aldoseri nooni aldoseri غير متصل
©؛°¨غرامي مشارك¨°؛©
 
الافتراضي رد: رواية لسعات الماضي /بقلمي


- ما لاحظتوا شي غريب في العمه عمة رسيل؟!
الاا ..لاحظنا كيف وحده مثلها عندها وتقدر تعيش احين من حياة الفقر ذي وراضيه ع نفسها تعيشها وليهه سالت اذا كانت اخت يزيد ولا لااا ..شو علاقتها فيهااا ..!!
- من تتوقعون البنت اللي كانت تكلم ولد ؟! 
اتووووقعع الريمم ..دامم انها ينلعب عليها وتصدق
- يزيد شخصية جديده شو رايكم فيها ؟!
شخصيهه بتعبب وانا اقووووول جميلهه عسسسل وربي ومن احلى شخصيات الروايهه ..وشسمهه ذا ي ريت كلهههم مثلهه و اتمنى يصير بطل الروايه ..بس سؤال وش علاقتهه برسيل والعمهه ليههه تسأال وشسمه بعد في شي ..معقولههه يكون في صلة قرابههه بينهممم اللي هو يزيد ورسيل ...!!!!

والبارت جوناااااااااااااان واكيد نال ع اعجابنااااا ...سلمت اناملككك ي عسسل ..ننتظر البارت الجااااااااي ع احر من الجمر ..

تقبلي مروري ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 29-12-2013, 12:13 PM
صورة مجروحة زمانه الرمزية
مجروحة زمانه مجروحة زمانه غير متصل
©؛°¨غرامي جديد¨°؛©
 
الافتراضي رد: رواية لسعات الماضي /بقلمي


الصراااحه هاذي اول روااايه اكوون اتابعها بالتفصيل بالعاده احب اقرا الروايات الي يكونن مكمله
وشكرااااا على الباااااارت الجميل ^_^

التوقعات :

- ما لاحظتوا شي غريب في العمه عمة رسيل ؟! يعني شي يفر الراس ؟!
طبعا اولا العمه هيه الحرمه الي سألت الريم عن زياااد واتوقع هيه من ضمن عائلة يزيد وضروفها كانت مثل ليلى يعني حملت بالحرام عشان كذا عاشت في الفقر وخلت رسيل تعيش معها (مجرد توقع مااظن انه صدق )

- من تتوقعون البنت اللي كانت تكلم ولد ؟!
الريم او نريمان وحده فيهم بس اظن انها الريم

- يزيد شخصية جديده شو رايكم فيها ؟!
شخصيه حلوه متواضعه احسه رح يقدر يغير حال سالي وحمد بما انهم ياخفوا منه ورح يخليلهم متواضعين

وفي النهايه تسلملي طلتك الحلوه وروايتك الجميله والبااارت المزيوون ^_^


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1