غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-12-2013, 01:54 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رواية غلا خالد ( منقولة )


السلام عليكم حبيت انقلكم رواية عجبتني حيل
انا راح انقلكم بارت بارت


راح ابدا معاكم الحين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-12-2013, 02:01 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


ببدأ بأبطال القصه على طول ..:




(غلا):بنت في قمه الروعه والجمال تمتلك اجمل الوصايف بيضا وشعرها اسود طويييل،عمرها 17 سنه يتيمه من وعت على الدنيا،ربت بالاول فالكويت عند اهل امها ومن بعدها رجعت لقطر لاهل ابوها لانهم شافوا ان هم اولى،ربتها يدتها ويدها وتدخل عمها(سعــد) هم فتربيتها كان سنه صغير لكن حبها حييييييل وتعلق فيها


(سعود):عمها يكبر ابوها بكم سنه عصبي لكن مو وايد بس كلمته دايمآ هي الي ماشيه يعني كن فيكون عنده ولدين بس (خالد23،عمر17)متزوج من وحده تقرب له (لطيفه) كانت مزاااجيه ومزاجها فيه نوع من التمرد
عيالهم كانو عكسهم صج خالد في منتهى الرومانسيه الممزوجه بالعبط
وعمر شخصيته تجذبك من اول كلمه له...


(عاليه):رفيجة غلاا واختها وصديقة دررررررررربها من صغرتهم كانت بيوتهم جنب بعض ومايلعبون الا مع بعض


~اترككم مع القصه~


.++الـــجـــزء الاول .++

غلا بدارها تدرس لاخر امتحان عليها صارت الحين بالصف الثالث الثانوي اي اخر مرحله دراسيه ولازم تشد حيل حيلها عشان تجيب اعلى نسبه كان امتحان لغه انجليزيه وهي وايد شاطره فيه تحس بالتفاهه قاعده تدرس شي صامته سكرت كل شي وطلعت للصاله تشوف وين عمها سعد طلعت ومالقت غير عمتها تغريد تدرس ولدها الصغير علي


تغريد: وخمسه × خمسه كم؟؟؟؟؟؟؟؟
علي: عشششششششششره
تغريد تضربه بالفاين: خمسه وعشريييييييييييين ياكلببببببببببب
علي:زيييييين يمه والله كنت بقوله بس نسيت
تغريد: ايه هاي حالتنا احنا...تلتفت لغلا..:ها غلا خلصتي؟
غلا:اي من زمان...عمي سعد وينه؟
تغريد:مادري عنه والله

راحت غلا قعدت بالصاله المسكره تشوف التلفزيون وهي تتعشى
دخل عليها عمها

سعد:ها غلااي بروحها؟
غلاا:هلاا عمي..شوفة عينك لاانيس ولا ونيس
سعد:هاهاهاهاها ودراكولا وين راح؟
غلا:عمممممممي لاتقول عن نفسك دراكولا
سعد:حاضر..المهم انا ربعي بيمرون علي الحين.تبين شي؟
غلا:سلامتك عمي وحدك الساعه 10 ونص ان مارجعت افتن عليك ترا
سعد:حشى مرتي مو بنت اخوي
غلا:انت تتمنى
سعد:ههههههههههههههههههه صح صح يلا سلام
غلا:الله وياك....


.....خلصت عشا وقعدت تاكل ايس-كريم..شافت الساعه توها 7 ونص اكيد عاليه خلصت شالت السماعه وضربت على الرقم
ترررن ترررررن


جا راشد اخوها يشيله..بصوته المبحوح: الووو !
غلا انسطلت: الوو السلام عليكم
راشد:عليكم السلام ياهلا..
غلا:موجوده عاليه؟
راشد:اي لحظه الشيخه....يسد بيده مع انه صوته مسموع:عاليييييه ياعالييييييييييييييه
عاليه:هلاااااااااااا..
راشد:تليفون تعالي..
جات عاليه وشلته:هلا غلوي
غلا:يالساحره شدراج؟
عاليه:من مأذيني بتليفوناته غيرج؟
غلا صدقت:صج اوكي يلا باي(((على طول سكرت)))

توتوتوتتتتتت
اراويها الكلبهههههههههه
رجع سعد وراح لغلا

سعد:غلا باجر بيجي اخوي سعود ترا
غلا تصرقعت:خير صاير شي؟
سعد:علمي علمج قال يبي يشوفج انتي
غلا انصب قلبها:اوكي

وراحت نامت وفبالها الف سؤال وشك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-12-2013, 02:02 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


صحت غلا على صوت المنبه اللي بط راسهاا ودشت الحمام (وانتوا بكرامه) خلصت ولبست وتعدلت للمدرسه ونزلت لقت عمتها تغريد وعيالها يتريقون وعمها سعد
راحت قعدت عند عمها عصب ماسلمت




سعد:ها غلا ششعورج بآخر يوم امتحاااان؟
غلا:الله يوفقنا عمممممممممممممي
سعد:ههههههه موفقه انشالله..


صخوا وقعدوا ياكلون جات فاطمه البنت العوده لتغريد كانت بمدرسه انجليزيه واغلب حجيها انجليزي ومنغره بحالها (على شنو مادري؟)


فاطمه:هاااااااااااي
سعد بعصبيه:وعليكم السلاام ياهانممممممم
فاطمه افتشلت:اوه
تغريد:الناس تسلم مب تقول هاي
فاطمه وهي مبحلقه عينها لسقف:سووووو؟
تغريد:إنا لله
سعد:ماعليج اختي كملي كملي

خلصو ومن بعدها كلٍ قام لشغله0000

رجعت غلا من المدرسه وهي ميييييييته اناسه انها خلصت امتحانات وافتكت اخيرآ،،،اول ماوصلت حذفت روحها على السرير ونااااااااااااااااامت،رجع سعد عمها على الغدا وراح غرفتها فتحها لقاها نايمه ماحب يصحيها خلاها نايمه،غلا قامت قريب المغرب توها قايمه الا تدخل عمتها تغريد


تغريد:ها غلا خلصتي مبروك
غلا:هههه الله يبارك فيج عمتي
تغريد بارتباك:يلا لبسي سعود تحت ينطرج

غلا تناست جزئيآ سالفة عمها سعود

غلا:هاا! اي اوكي ثواني واجهز

لبست غلا جلابيه بيضا فيها رسمات بالمخمل الاسود لمت نص شعرها وخلت الباقي مفتوح...
نزلت لعمامها ولقت يدتها وياهم..سلمت ولصقت بعمها سعــــــــد

سعود:ها ياغلا خلصتي امتحاناتج؟
غلا بخوف:اي عمي اليوم
سعود:ايه مبروك مبروك،،ومتى النتايج؟
غلا:بعد اسبوعين انشالله
سعود:اي وياعمر ولدي انتي
غلا ماتعرف عمر نغزها سعد: اي صح صح عمي

تموا ساكتين

سعود:زين يايمه انا اليوم باخذ غلا وياي

غلا انصدمممممممت
سعد لف وجهه عنها

امه:وين بتاخذها غلا بيتها هني..
سعود:تعيش عندي يمه احسن هني انتو نص اليوم لاهيين عنها
سعد:بس انت عندك خالد وعمر وين تاخذها ياسعود؟ ريايل وهي غريبه عليهم
سعود:سبع ثمك غريبه على عيال عمهااااا..يلا ياغلا اخر الاسبوع ابيج عندي

طلع سعود وغلا ماتت صياح عند عمها سعد:عمي الله يخليييييييييييك شلون اروح،عمي تكفى كلمه(تروح ليدتها)..يمه كلمييييييييييه

اليده:يايمه سعود راسه حصــــى مانقدر له وانا قبل لاتييين حاولت وياه لكن مامنه فايده

غلا استسلمت وراحت دارها تصييييييييح وكلمت عاليه وقالت لها
سكروا من بعض وعاليه تحاجي امها

عاليه:يما غلاا بياخذها عمها وتعيش عنده
ام راشد:ياهالمسكينه الله يعينها

عاليه انكسر خاطرها صج عليها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-12-2013, 02:03 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


سعد كان قاعد ويااامه يحاول فيها على ان غلا ماتطلع من هالبيت لكن لاهي ولا ولدها سعد صوتهم مسموع عند سعود..
صعد سعد لغلا ولقاها بدارها مطفيه الليتات وكتفيه بنور الابجورات بس ومتكوره على كرسي بدارها وتصييييييييييييييح من كل قلبها



سعد يمسح على راسها:ليش غلااي تصيح؟
غلا ترفع عيونها وهي مختفيه من كثر الصيااح:عمممممممممممي(تلم عليه وتصييح)
سعد انكسر خاطره:بس ياغلا ليش هالدمووع..مسحيهم يلا..غاليين علي ماتدرين يعني؟
غلا:عمي واللي يسلمممممممك مابي اروح هناك،عمي مرته انت ماتعرف طبعها انا ماتكيف وياها انا مكيفه حياتي كلها هني واللي يسلم راسك ياعمي مابي اروح
سعد:ياغلا اذا ماسوينا طلب سعود ماندري شنو نتايجه علينا،انا مب مخليج كلش كل يوم باجيج وبغثج مثل هني واكثر
غلا تمسح دموعها:اييه..
سعد:يلا انا بروح وبرجع تبين شي؟
غلا:سلامتك...

سعد سلام..وسكر الباب من وراه
غلا قعدت تفكر ((لو انا مب يتيمه جان مو هذا حاالي عاله على عماامي كل سنه فبيت،شهالمهزززله،افففففف)
تسبحت ونامت

- ثاني يوم -

صحت غلا على صوت عمتها تغريد

تغريد:غلاا حبيبتي يلا قومي..
غلا بكل نعومه:هلاا عمتي
تغريد:سعد قالي اقعدج يبيج..هو راح يتسبح
غلا:انشالله..ثواني وانزل
تغريد:يلا لاتبطين عليه
غلا:اوكي

قامت غلا وتسنعت ونزلت لعمها سعد على انها بتاكل لها شي على الصبح وهي نفسها منسسسسسسسسسسده

سعد: يه يه يه شهالجمال شهالحلاه
غلا:هههههههههههههه ياعيارتك ياعمي
سعد:الصراحه الصراحه طالع ياسعد ولا اجكر رجل فهالكون

غلا وتغريد اللي كانت واقفه بعيد تعدل
شعرها:هههههههههههههههههههههههههههههههههههههههههههه ههههههههههههههههههههههههههه..
تغريد:..الله يقطع ابليسك يا سعد
سعد:شفيكمممم عادي الصراحه حلوه ترا
غلا:ههههههههههههههه
سعد:شفتي شلون احلى وانتي شاقه حلجج مب دموعج اربع اربع
غلاا:عممممممممي عاد
سعد:خلاص بنجب..صج ترى بكره بنروح بيت سعود
غلا رجعت للي هي فيه وطالعت الارض:اي اوكي
سعد:يلا عاااااااااد انا عازمج على طلعه معتبره اليوم
غلا: على وين عممي؟
سعد:سبرايييييييز
غلا:هاهاهاها ياخطير ياسعد
سعد:ماكو احتررام هين..روحي بدلي وبحذفج عند السفاره الامريكيه صبري علي وبحط لافته مشاركه في تنظيم القاعده
غلاا:ههههههههههههههههههههههههههههههههههههههههههههه هههههه حشى عليك ثواني واجهز مو تشرد
سعد:يلا يلا بسرعه بعد لين العشره..........واحد..تسعه..عشره..خلاص بمشي انا
غلا:عممممممممممممممممممممي
سعد: زين زين

(راحت غلا وياعمها سعد للمول واحد من المجمعات في قطر وتشرت من كل شي لها ولعمها سعد وسعود حتى مرته لطيفه ووعيالهم خالد و عمر وبعدها تغدوا فالاوبرا ورجعوا البيت)



++++++++++++++++++++++++++++++++++++++++++++++++++ ++++++++++++++++++++++++++++++++++++++++++++++++++ ++++++++++++++++++++++++++++++++++++++++++++++++++ ++++++++++++++++++++++


اليوم هو اخر يوم لغلا فبيت جدها قاعده تسكر شناطها هي معزومه عند رفيجتها عاليه بيوصلها عمها وبيروح يقط اغراضها فبيت سعود ويرجع على الثمان ياخذها
لبست غلا بدي فيروزي وتنوره مخصره عنابيه غامقه طويله وكانت ملفلفه شعرها تكحلت وحطت جلوس خفيف تكشخت ونزلت
وهي طالعه كانت فاطمه توها داشه

فاطمه:هاي
غلاا:اهلين
فاطمه:يقولون خلاص بتطلعين فروم هيير
غلا:اي بخفف عليكم
فاطمه:والله كنتي وناسه صج ماكان في بينا شي بس انتي كيوت girl

غلا ابتسمت وسلموا على بعض وطلعت غلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-12-2013, 02:03 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


الجزء 3

فتحت عاليه الباب تستقبل رفيجتها غلا


عاليه:هلا وغلاااااا
غلا: هلا فيج (وسلموا على بعض)
عاليه:تفضلي...

قعدت عاليه وغلا فالصاله كانت شوي مفتوحه سولفو وشوي الا راشد مار من بره بس مو منتبه لهم كلش كان شايل اخوه (نايف) الصغير ويلاعبه

عاليه:ها غلووي..شخبار عمج سعود؟
غلا:إيييه والله مايندرى عنه ياعاليه..الله يعينا انا بطلع من عندج سيده لهم
عاليه:لا انشالله كل شي بيعجبج
غلا: انشالله...

...جات ام عاليه وسلمت على غلا وقعدت شوي وياهم من بعدها راحت وياعيالها الباقيين بيت اهلها وخلت راشد يوصلها ويرجع لاخته...
قعدت غلا وعاليه يسولفون ويهذرون من بعدها قامو يتعشون وغلا جنت على اكلهم كانت صج يوعاانه وقضت عليه
على الساعه ثمان جاها عمها سعد وودعت رفيجتها وصاحت وعاليه تهدي فيها،بعدها تغشت وطلعت
فالسياره كان الصمت سايد على غلا وعمها وسعد يبي يلطف الجو لكن يحس بشي واقف في بلعومه على سالفة غلا

سعد: هاا انشالله استانستي غلاا؟
غلا: اي حمدالله..
سعد:حمدالله..ويرجع يسكت..
غلا: عمي..!
سعد: سمي..
غلا:عمي اذا رحت بيت عمي سعود بتخليني؟
سعد:افاا يابنت اخوي،،انا اخليج،شلون اقدر،انتي بنتي ماخليج لو شيصير
غلا:انزين بتنزل وياي؟
سعد وهو يدش بالسياره الحوش الوسييييييع لبيت اخوه سعود:اكييييييييييد

غلا ارتاحت شوي من هم اول مقابله لها وابتسمت بكل حزن
بيت العم سعود كان كبييييييييير وحوشه وسيع بانيه على 3 اراضي البيت الكبير بالنص وعلى اليمين مخلي الارض لبيت خالد لما يتزوج واليسار بيت عمر هم لما يعرس،كان البيت جناااااااااان وتصميمه على الهيئه الرومانيه يعني البيت تشغله العواميد

دخلت غلا وهي متمسكه فعمها البيت من الداخل كان ولاا احلـــــــــــى الاثاث الراقي شاغل كل البيت والديكور الحلو فكل مكان وريحة الدخون والعود والطيب تفووح من كل زاويه..

دخلت ومشوا ماسمعو الا صوت العم سعود المليان هيبه يهلي من بعيد وهو يمشي لهم: هلا هلا حياك ياسعد..

سلم سعد على اخوه وغلا باست راسه ودخلو سلمت على لطيفه وكان عمر قاعد بس هي ماعرفته،قعدوا

سعود:هذا ولدي ياغلا عرفتيه ؟
غلا ابتسمت..سعد رد :اكيد شلون ماتعرفه..شحالك ياعمرر؟
عمر وهو متسبه من كل عقله فجمال غلا: بخير حمدالله..

(عمرر من دخلت غلا وهو يطالع فيها بياكلها بعيونه،شاف بنات بقطر لكن بربع من جمال غلا ولابيشوف كانت صج مبينه حلوه بهاليوم)

تموا يسولفون وغلا تبتسم لكل من يكلمها دون ماترد وعمر ينسطل اكثرررررررررر..

سعد: خلاص عيل اخليكمم..غلا تقوي من مسكتها..وتطالعه بعيون كلها توسل
غلا: وين عمي،خلك بعد شوي..
سعد: خلاص حبيبتي وراي دوام بكره نسيتي؟
غلا: الله يخليك عمي شوي تكفى
سعود:خلاص ياغلا خليه باجر وراه دوام..

غلا استسلمت ونزلت عينها فالارض من الرهبه اللي تكنها بداخلها لعمها سعود وقالت بصوت مليان خوف:حاضر

مسح على راسها سعد وراحو كلهم وياه لعند الباب قبل لايطلع حب راس غلا وطلع وغلا تنشف دموعها عشان لايشوفونها..
قعد معاهم العم سعود يمكن 10 دقايق من بعدها استأذن منعزم على عشا

لطيفه:ها غلا حبيبتي تعشيتي ولا تبين نحط لج شي تاكلينه؟
غلا بخوف:لا كلت

قعدوا فمصت وعمر لين الحين ماشال عينه عنها وكل شوي تطيح عينها بعينه بس هي تقول لا يمكن صدف صج هي انعجبت فوسامته كان صج وسيم ملامحه حاااااده كل شي فيه يلفت بطريقه واضحه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-12-2013, 02:04 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


الـــــجــــزء 4


++++++++++++++++++++++++++++++++++++++++++++++++++ ++++++++++++++


انفتح باب الصاله بدخلة الولد الكبير للعم سعود وهو خالد طبعآ خالد هذا ولا حد من عايلتهم كلها وصل لدرجة وسامته،كانت عيونه كبااااااار وحواجبه مقرونه وممتده وخشمه سليل واسمر وطويل جتوفه عراض كانت ملامحه حلووووه ولو انه لفظ حلوه ماستعمل للرجال بس زينه مستعصي وماله تعبير

المهم دخل خالد ومعاه ابوه وكانت غلا توها نازله لابسه جلابيه عنااابيه غامقه ولافه شيلتها وقاعده حذا لطيفه عمر كان صاعد لداره وغلا نازله قعد يطالعها لين مانزلت من على الدري وهي تقول فباله( شفييييييه؟ )
عمر فباله لا ومطنشه بعد..هين)

دخلت غلا وانصدمت من خالد [ابييييه شنو ذي،في واحد حلو جي! واااي صج يهبل]..سوت روحها انها كلش يعني ماشافت شي وهي من داخلها تبي تقعد بس تتمنظر فيه..
ماانكر لكم ان خالد عجبته نعومة غلا وجاذبية ملامحها بس قال عادي توني شايفها باجر اتعود بس صج عجبته عيونها كانت حلووووووه ووناعسه ووسيعه تعجبه هالعيون هو بشكل جنوني

سعود يساسر خالد...خالد:هلا وغلا ببنت عمي،نورتي بيتناااا
غلا تخسبقت (ويه من انا،يحلوووك): تسلم..
خالد:انا خالد عرفتيني ولا لاء؟

غلا ابتسمت بخجل ونزلت عينها فالارض
خالد فباله يحليلهاااا والله تونس...:المهم يبا ليدي تلوفي انا رايح انام تامروني بشي؟!

غلا ماتت على عبطه

لطيفه:امك انا شنو ليدي تلوفي...(لطيفه كانت صغيره بالسن يعني اللي يشوفها هي وخالد ولدها يظنهم اخوان)
خالد يطق جتفها:يلا عاد يماا لاتتدلعين..
سعود بعصبيه:خالـــــــــــد
خالد تصرقع:سم يبا..!
سعود:مانبي شي روح نام عشان لاتتأخر باجر
خالد يلتفت لغلا ويشوفها بنظره تقطع القلب:شفتي غلا مايبوني،،إيييه لي الله اروح انام انا تصبحون على خير
الكل:وانت من اهله

قعدو شوي يسولفون وغلا تثاوبت وقالت بتروح تنام
مشت غلا تشوف البيت بعد ماورتها لطيفه كل زاويه فيه واختارت غرفه يم مكتب عمها باخر الممر وغرفة خالد وعمر باول الممر المعاكس لها،،شافت ان محد فالممر والشيله كانت مظايقتها توها بتفصخها الا تشوف عمر متسند على طوفة الممر الفاصل بين غرفتها ومكتب ابوووه

غلا طاح قلبها من مكانه..شفيه واقف جي؟..بسم الله توها بتروح تدش الغرفه يحط ايده بالعرض يمنعها
غلا ماتت تبي تكفخه باقرب شي عندها...بسسسسسسسسسسسسسسسسسسسسسسس

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-12-2013, 02:04 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


الجزء5


خالد قرب من غلا: خيــــــــــــر غلا آمرري..!
غلا:_____________________.
خالد:شفيج؟
غلا وهي تمشي عنه:لالا ولاشي..
خالد سرع ووقف جدامها ويرفع حاااجب:معقووووووووووله!! واصله لداري وماتبين شي..قولي قولي عاادي
غلا وشوي تصيح:ولاشي والله ظنيت اني لين الحين فبيت ابوي العود وجيت هني لعمي سعـد بـــس هااي..
خالد وهو يفكر ويبي يخرعها:اممممممممممممممممممممممم..

غلا ميته خرعه وعيونها امتلت دموع وراحت عنه

خالد:سمعييييييييييييييي
غلا انتفضت ومالتفتت له:سم!
خالد:افا عليج يالغلا اصير لج عمج سعـد ولايهممممج..ماله داعي تتخرعين شنو وحش انا؟
غلا:لا.........وتمشي عنه تروح دراها..

وطاحت على السرير( يااااااااااااااااااااااااااااربي شهالفشله واااااااااااي اتوووب مره ثانيه ماسرح بشي) وغفت عينها بدون لاتحس،،صحت غلا قرريب المغرب ونزلت لقت عمر ياااكل ومندمج حده فالماك جكن من ماكدونالز والكاتشاب والمايونيز على ثوبه

غلا انصدمت كان شكله كيوووووت حتى هو انصدم طالعه قمر بالأحمررر لكن صج افتشل من روحه هي متكشخه وهو فقمة التبهدل
قعدت غلا تسولف ويا خالتها وعمر كل شوي يخزها وتطيح عينه بعينها كانت جلابيتها لف يعني شوي من ساقها يبين وعمر طاحت عينه عليها هي انتبهت وبسرعه خستها عمر تسبه وقام راح وطول الوقت وهو يفكر شنو هااااااي ليش ماانتبه لها طول الفتره اللي طافت شهالآيه فالجمال اللي جابها عمي الله يرحمه

بعد صلاة العشا كلهم تجمعوا يتعشون

خالد:عمور مازحرت؟
عمر:بلا زاحر من مساع
خالد:وشتبي بالعشاااااااااااا قوم زين
لطيفه:ويي كفاك الله خل ولدي ياكل اللي يبي

عمر انحرج مايبي امه تقول هالكلام كبر عليه وخصوصآ جدام غلا

خالد:يمممممممه هف العشا وانا الفقير المسكين ماكلت شي
سعود:انت فقير؟ والله ماظن
خالد:خمسه وخميسسسسسسسسسه فعين الحسود
سعود:هههه بسك من هالحجي واكل

سكتوا وقعدوا ياكلون

عمرر:يبااا
سعود:هلا؟
عمر:يبا باجر كم سياره بتمشي؟
سعود: 2 يبا ليش؟
عمر:اسأل يبا ومن اللي بيسوق؟
سعود:الاولى انا وامك وغلا وانت والثانيه خالد والاغراض
خالد انفقص ويهه من هالخبر:هاااااه!
عمر:وااااااااااااااااااااااااااك واك واك لو سمحت عاد انا اغراضي وايد حاسب عليها ها سكر عليها الحزام

خالد يصر على اسنانه:ابوي ابوي شقول؟
سعود بعصبيه:عمـــــــــــــــــــر

عمر انجب من حاله

بعدها قعدوا شوي وكل راح ناام ثاني يوم الصبح مشو مثل ماقال العم سعود وصلوا الزرع وكان البيت اللي خالص توه من التجديد طالع ولا احلـى كان كل البيت بتدرجات الازرق وقمه فالفخامه غلا قعدت تطالع كل شي فالبيت الرسم على الجدار ولا السقف ولا التحف شي ولا احلى دخلت غرفه كانت لين الحين مافيها شي بس دريشه تطل على جزء متوسط من الزرع واشعة الشمس داخله ومسويه شكل روعه قعدت تطالع وعمر كان ماشي لفوق يبي يروح ينام انتبه لغلا وانتهز الفرصه ودخل لها غلا حست ان حد دخل عليها غلا على طول جات بتطلع خافت يسوي لها مثل هذيك المره

عمر بلهجه سريعه:وين وين وين.؟
غلا:ـــ؟
عمر:هذي عاد لا داري ولا دارج
غلا:ادري
عمر:دامج تدرين شكنتي تسوين هني؟
غلا:انت ليش تحب تحقق وياي؟
عمر:تهميني
غلا:@@ ها!
عمر:قلت شي غلط انااااااااا؟

غلا على طول راحت فوق..
بدلت لبست بدله سبور واسعه شوي لونها وردي والاورنج مع السماوي والاحمر ولبست شيله سماويه داخل عليها والوردي لفتها ولبست نظاره وررررررررررديه ديور وحطت قلوس خفيف مايل للفوشي الفاتح وتكحلت ورشت عطر بارد وطلعت...

خالد كان تحت ياكل SpRiNg RoLl:الله الله على الكاشخيييييييييين...كل هاي للزررع
غلا بخجل:ههه شدعوى...
خالد:عيوني عليهممممممممم شهالوردي شهالزين شخليتو لنا
غلا:...........؟
خالد:اموت واعرف انتي من شنو تستحين
غلا:ماستحي انا
خالد: صح صح زين تعالي هاج خذي هاي اكلي(يعطيها SpRiNg RoLl مدبدبه)
غلا:مشكور..
خالد:خذيها زيييييييييين لايزرعنا عمي سعد بالحوش

غلا فطست ضحك
عليه:ههههههههههههههههههههههههههههههههههههههههههههه ههههههههههههههههههههه شدعوى
خالد:وادمر يالغلا محلفنا فيج
غلا:حياتي والله عمي
خالد يطالع السما:إييييه الله لنا بختك يالعم
غلا: زين زين هذي شنو؟
خالد يبوس يده ويحمد الله:حمدالله يارب انطقت البنت الف حمد وشكر
غلا:ههههههههههه بس عاد خالد شدعوى ماني غتمه
خالد:انشالله..تفضلي هاي بالدجااااااااج تحبينه ولا تبين جييز؟
غلا:لالا جكن
خالد:ياعيني شوي شوي على الانقلش

غلا:هههه(تاخذ لها عصير اورنج وتصبه فبوتل وتاخذ عوود وتقط كل شي بالزباله وخالد معطيها ظهره كان واقف ياكل المطبخ كان بتصميم مكسيكي وهو كل شوي يلف يطالعها ويرجع ياكل ماشالله عليها)....تبي شي خالد؟

خالد:هلاا؟
غلا(شفيه)؟:اقوول تبـي شي؟
خالد:لا سلامتج..
غلا:يلا باي عيل..
خالد:الله وياج


وطلعت غلا تتمشى بروحها والجو ولا احلـــــــــــــــــــــــــــــى قعدت بين صخرتين كبار وقطت شيلتها وفتحت شعرها خلته يطييير تونست حيييييييييل فجأه مر زول عمر بعيونها وتخرعت بسرعه تحجبت ورجعت داخل البيت لقته يلبس الجوتي ويلف شي على رقبته كأنه بيطلع بس كان معصصصصصصصب حده توه صاحي من النوم رفع عينه شافها صج حلوه بس ماقال لها ولاشي لانه يدري اذا قال كلمه بيدمر الدنياااااااااااااا

غلا راحت ترتاح شوي وبعدها بتنزل تاكل وتقعد وتشوف حالهااا شلون عمر طلع يتمشى وغلا وصلت الدار تشوف الزرع وشافت خالد كان شكله يجنننننننننننننننننننن لابس ثوب اسود وكاب ويددددددخن تظايقت اول مره تدري انه يدخن هو كان يحاول انه يترك التدخين وكان قادر انه يترك بس هو دايمآ غصب عليه يشوف روحه تلجأ للتدخين
صج عجبها شكله ولا الديرتي جنااااااااااااااااان عليه بدلت غلا ونااااااامت من زود التعب الي فيها.....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-12-2013, 02:08 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


الجزء6


++++++++++++++++++++++++++++++++++++++++++++++++++ ++++++


صحت غلا وهي تحس بنشاط مو طبيعي فيها تبي تشوف كل شي بالمزرعه..

الجو كان بااارد وحلو يرد الرووح وكان توه مأذن المغرب غسلت وصلت وقعدت تتكشخ عشان تنزل لبست بنطلون اسود فضفااض شويه على الخصر شريطه ورديه ولبست معاه بدي شوي مخصر بنفس درجة الوردي اللي بالشريطه عليه رسمة بنت من الخمسينات كحلت عيونها الوسيعه فحمتهممممم وحطت Gloss بلون الـBaby Pink اللون المفضل عند البانت p: حطت شوي بلاش وردي وتعطرت قعدت تشوف بالشيل طلعت وحده هاااااديه سوده وعلى طرفينها فراشه بالوردي لمت شعرها الناعم ولفت شيلتها ولبست كم شي ونزلت لقت عمر وكأنه ينطرهاا محد بالبيت لمحتهم من دريشة دارها قاعدين بقعده بعيده تعجبت ان عمر مو وياهم ،،، لقته قاعد على الكرسي اللي بالصاله ويهز ريله ولاف وجهه الصوب الثاني كأنه ينطر حد... سمع خطواتها وبسرعه لف وجهه ووقف على طول (اووووووف شنو هاي)

غلا بابتسامه نورت وجهها:هلا عمرر..
عمر وده الارض تنشق وتبلعه من زود الوناسه يوم سمع اسمه اول مره تنطقه:هلاا وغلاااااا
غلا:ليش مارحت وياهم؟
عمر:نااطرج...!
غلا(هااااه!):ناطرني؟ ليش! خير صاير شيي؟؟
عمر:لالالالالا...نسيتي؟
غلا بحيره:شنوو.؟
عمر:تذكررري..
غلا بقلة حيله:عمممممممممممممممممممممممممممممممممممممممممممم مممممممممممممممر
عمر(ااااخ عليج):امري
غلا استحت صج:لشنو ناطرني
عمر:بوريج البيت الخشب نسيتي؟
غلا تحط ايدها على جبينها توه طاري عليها:ياالله شلون راحت عن بااالي،،،اسمح لي عمررر
عمر:افا عليييييج ولايهمج،،،يلا مشينا؟
غلا:اي اكيد..

وتموا يمشون وعمر كل شوي ينكت لها بالطريق لانه شوي بعيد وغلا تموت ضحك

عمر يمد يده:هااج
غلا تمد يدها:شنو؟

عمر يحط بايدها توفو كانو ياكلونها وهم صغار،
غلا قلبها تم ينبض بقوو وحست انها استحت منه:الله عليك ياولد عمي مانسيت
عمر:هههههه يطري عليج ياغلا...شهالنذاااااااااااله الي فيج ابي 1 كنت
غلا:هههههههههههههههههههههههههههههههههههههههههههههه هه يااهل حرام عليك
عمر:ياهل ونذله وعمي يقولي بررريئه....آآآآآآآخ بس آخ
غلا(؟؟؟؟؟؟؟؟؟؟؟؟؟؟؟؟):.........................!!

عمر كمل طريجه وغلا من وراه وصلوا البيت

غلا:صج؟
عمر:والله
غلا:احلف
عمر:ههههههههههه اي بتركبين هاي الدري
غلا تروح عنه:اسمح لي
عمر يوقفها:يلا غلا قطعنا كل هالطريج وبالأخير لاا
غلا:لالالا عمر وربي اخاف شلون اركبه بطيييح
عمر :ولايهمج انتي ركبي قبلي وان طحتي لاقدر الله امسكج
غلا:نعممممممممم؟
عمر حس ان فهمته غلط:اسف خلاص سوي اللي يريحج
غلا عور قلبها حرام ناطرني واقوله لا:خلاص بركب بس انت قبل
عمر تشقق:حاااااااااااااااااااااااااضر..من هالعين قبل هالعين
غلا:هههههه نصاب

عمر ركب فثانيه وغلا تحط ريل وترجع تشيلها اخر شي اركبت وخذت لها حوالي دقيقه وهي بس تركبه

عمر:حمدالله على السلامه.....نورتي
غلا:ههههههههههههههههههههههههههههههه...
عمر: ها افتح؟
غلا:ايي يلا
عمر:اكيد؟
غلا:اكيدييييييييييييييييييييييييين
عمر:مب تعيبين اذا ماعجبج
غلا:لالالا انت افتح وبس

عمر فتح الباب ودخل قبلها شغل الليتات وانبهرت غلا بروعة المكااااااان كان هو فناان بالرسم وراسم على كل الجدران ومسوي شغلات وحركات ماتخطر
على البال كلشششششششششششششششششششششششششششش
معلق صوره وصور ربعه والعايله حتى في صوره غلا فيها كانو كل اليهال مصورين بعيد ميلاده وغلا اموره طالعه


غلاا:ييع من هاااي؟
عمر يقرب عشان يشوف:ويين؟
غلا تاشر له :هاااي
عمر قعد يطالع ايدها(الله):هاااه!
غلا:شفيك؟من؟
عمر:انتيييييييييييييييي وبدون يع
غلا:ههههههه طيب

وقعدت تكمل وتمشي فالمكان حدها انعجبت لقت روحها فهالمكاان وعمر قعد على الشبك اللي يتعلق بعمودين ويصير مثل السرير(صراحة ماعرف شسمه بس الناس تحطه اذا راحت البحر او شي)

وقعد يطالع غلا.....وهي سرحانه وراح عن بالها كل شيييييييييييييييييييييييييييي وعمر سرح فيهاا حتى
غلا قعدت تمشي وتمشي ونست انها فوق الارض مو عليها وفجأه لقت روحها تطير بالجوووو لين القاع

خالد اللي كان يتمشى تحت البيت ويدخن انتبه لها وصرخ: غلا غلا تحملي

عمر حتى انتبه وسرع لها بس طيحتها كانت اسرررررررررررررررررررررررع بكثير وطاحت بايد خااااااالد
طاحت بايده ولما فتحت عينها شافت انها بايده وشكلهم متخرعين وهي تخرعت ازيد اغمى عليها وخالد ركض فيها
لين داخل البيت وكلهم تخرعو عمر بشكل جنوني تخرع حس الذنب كله ذنبه خالد اللي يده بدت تحس بعوار فظييييع ماقددر يتحمل من كبر المسااافه اللي جات منها غلا راح المستشفى وجبسوها له ورجع وغلا كانت نايمه
يوم صحت فتحت عينها ولقتهم كلهم شافت ايد خالد وماتتتتت بمكانها(انا شسوييييييييييت بهالمسكيين)حست بذنب فظيع

العم سعود:ها يبا انشالله ماصار فيج شي؟
غلا:لا عمي..

وسولفو شوي وغلا ترد على قد السؤال طول الوقت تفكر بخالد شسوت فيييه استصغرت حالها صج
طلعت لطيفه وريلها وخالد وعمر كان يتأخر عمدآ

عمر يلف عليها بشويش:حمدالله على سلامتج غلا...
غلا:الله يسلمك..
عمر:اسف غلا الذنب كله علي صدقيني مادريت ولاحسيت
غلا:لاتقول جي انت مالك دخل..المسكين خالد كله مني تجبرت ايده
عمر حس بغيره شديييييييييييييييييده من اخوه خالد:اهاا خلاص عيل اخليج ترتاحين..
غلا(؟؟!!..):.................

طلع عمر وهو حد متنرفزززززززززززززز
الساعه 10 طلعت غلا الصاله مالقت غير خالد يشرب كعادته بلاك كوفي مره يموت عليها مع زقاير عنده هاي شي ولا احلى

غلا:....................
خالد:مسااااااااااااااااااااء الخير غلا..
غلا (واااااااي):مساااء النور هلا بخاالد..
خالد:الله الله شصاير فالدنيا كل هاي لي
غلا:ههههههه..
خالد:تشربين؟
غلا:لالالا..
خالد:شتحبين عيل،،قولي والله اجيب لج
غلا:لالالا مشكور
خالد:يلا عاد مب اخوان احنا قولي عاد
غلا:تسلم
خالد:ورررررربي ازعل
غلا:خلاص خلاص عصير توت لوسمحت
خالد:بععععععد توت
غلا:هههههههههههههههههههههههههههههههههههههههههههههه ههههههههههههههههههههههههههههههههه
خالد:تامرين

(دعس راسه فالثلاجه يدور مالفى غير علبه صغيره لف لقا غلا وبيهه تخرع على طول طلعه وهو ماسكه ومبقق عينه كانه مجرم بشي: كااه

غلا:ههههههه شفيك!
خالد:خرعتيني
غلا: اسفه وهاته لاتشيل شي انت
خالد:اوه اوه والله خوش شي الخوات ترا
غلا:والاخوان بعد
خالد:زين زين انشالله دوم هالاخوه

غلا ابتسمت وصبت العصير بكاس وقعدت مع خالد بالصاله بس بكراسي بعااااااااااااد سولوفوا وشوي

غلا:اسفه خالد
خالد:افاا ..........على شنو
غلا:ايدك..كله مني
خالد بلهجه تحنن الصخر:افا عليييييج يابنت عمي اخسر يديني الثنتين ولاروحة اختي افا بس افا

غلا(ياربي عليك):والله ماعرف شقولك صج صج ماانسى لك هالموقف لين مااموت
خالد:بعيد الشر...(بلهجه طفوليه) لوسمحتي لاتفاولين على اختيييييييييييييييييي
غلا:حااااضر,,المهم اانا بروح انام شوي احس نفسي متكسره وايد تامرني بشي
خالد:سلامتج وانا شكلي بروح انام تعبان من هالخرا الزقاير
غلا: ابتسمت وراحت عنه
خالد:تصبحين على خييييييييييررررررررررررررر
غلا:وانت من اهله

ووووونام كل منهم وهو حاس بتعب من حادثة اليوم اللي الله ستر منها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-12-2013, 02:10 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


هذا الجزء7




صحت غلا على صوت تقرقع وناس تشيل وتحط قامت غسلت ولبست ونزلت لقت لطيفه تشطب على كل شي لانهم بيرجعون..


غلا:صباح الخير يمه(تبوس راسها)..
لطيفه:هلا يمه صبااح النووور..يلا اكلي لج شي وطلعي اغراضج على الـ12 ونص بنمشي..
غلا تطالع ساعتها:توها يمه الساعه 8
لطيفه:وانا شسوي بعمج سعووووووووووووود
غلا:ههههههههههههههه خلاص انشالله اكل وابرز اغراضي
لطيفه:زين

قعدت غلا تاكل بروحها بهدوء كعادتها نزل عمر وعلى باله غلا

نايمه:يممممممممممممممممممه(من فوق الدري)
لطيفه:هاا يمه هني انااا

نزل وهو لابس بجامه عليها صورة قارفلد لونها اسود ولقارفلد
بالاورنج:يوعااااااااااان يمه
لطيفه:اقعد ويا غلا واكل


عمر جنه حد كافخه كف(غلاا هنيييييييييييييييييي؟ وانا مبهدل جي،،يلف ويهه يطالعها)..
غلا التفت شافته (يحلييييييييييييييييييييييييييييييييييله شوف البجاامه تجنن هههههه) ابتسمت له ورجعت لاكلها..
راح عمر يبدل وبعدها بشوي دخل خاالد وقعد على اول كرسي بالصاله وغلا تطالع التلفزيون حذف روحه


خالد على الكرسي:آآآآآآآآآآآآآآآآآآآآآآآآآآآخ والله بموت تعب
لطيفه:شفيك حبيبي؟
غلا:شصاير؟
خالد:ابوي الحنوووووووووون خلانا ننظف الحصن اليوم الله عليــــــــــــــــه
لطيفه:هههههههههههههههههه اي احسن
خالد بعصبيه خفيفه:يمممممممممممممممممممممممه
غلا:هههه يعطيك العافيه عيل...
خالد(يحليلها):يعاااافيج انشالله، والله ياغلا ركبت على واحد صج انه ولد كلب وولد حصان شسوي؟
غلا:هههههههههههههههههههههههههههه ليش؟
خالد:الكلب الحين توني منظفك اركبه يقطني...ماعليييييييييييه الدنيا تدور ادري انا
غلا ولطيفه:ههههههههههههههههههههههههههههههههههههههههههه هههههههههههههههههههههه
خالد:يمممممممه عطشااااان
لطيفه:وانا شبابد له الله يخس ابليسكم عمور يوعان وانت عطشان فاتحه جمعيه انااااااااااا؟
خالد:شدعووووى يمه موعياااالج احناااااااااااااااااا؟(هني قامت غلا تحط ريوق لخالد من زود حنته)
لطيفه:وانت شكبرك ماتعرف تقوم تاكل؟
خالد:يمممه من صجج غشمره يباااااااااااااااا(يقوم يبي يبوس راسها وبين شكثر هو اطول منها لانه دنع عدل)
لطيفه:رح رح وخررررررر عني
خالد:يلا عاد يمه لطيفه يلاااااااااااااااااااا
غلا تشيل الصينيه وخالد عينه عليها:كاه الريوق خاالد..
خالد انصعق:شنو هاي؟
غلا بتعجب: ريوقك؟!
خالد:تسلممممممممممممم ايدج

لطيفه عجبها الموقف وماعجبها
قعد خالد ياكل بشهيه من زود اليوع
بعدها كل نزل وركب السياره ورجعوا الدوحه
غلا سيده تسبحت وناااااااااااااااااااااااااااااااااااااااااااااااا مت
وخالد وعمر مثلها ولطيفه وسعود طلعوا مع بعض
قامت غلا قعدت فالصاله واتصل لها عمها سعد بيمر عليها ويطلعون بعدها راحت لبست وكشخت وكالعاده رتبت الدار وعلى ماخلصت وصل عمها بعدها قام خالد واتصل عليه واحد من ربعه وطلعو ماتم غير عمر
قعد عمر يحوس فالبيت ياكل يمشي يشوف التلفزيون يحوس على النت مر عند دار غلا وذبحته اللقافه

دامها محد ادخل اشوف دارهاااا تردد وايد وفالأخير دخل اول مافتح الباب هف عليه الهوا البار والريحه الحلوه العود وريحة الياسمييييين انعجب بالريحه تدوخ صج قعد يطالع المكان بارد ومرتب يشرح الصدر كل شي ناعم وانيق فهاللحظات دخلت غلا البيت وركبت على الدري بتروح دارها
وعمر منسجم فالمكان ولاحس بأي شي من حوله لاخطوات غلا ولااي شي




ياترررررررررررررررررررررررى شبيصير اذا غلا شافته بدارها ؟؟؟؟؟؟؟؟؟؟
شممكن تسوي فيه او شممكن يصير بينهم؟؟ !!
تدرون شبتسووووووووون ولااقول؟
تنطروني فالنيو باارت وانشالله مااطول وثانكس












--------------------------------------------------------------------------------

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-12-2013, 02:11 PM
صورة *Meera* الرمزية
*Meera* *Meera* غير متصل
©؛°¨غرامي جديد¨°؛©
 
الافتراضي رد: رواية غلا خالد ( منقولة )


الــجـــزء 8




وصلت غلا عند دراها وشافتها مفتوحه انصدمت من ممكن يكون داخل؟ تجدمت شوي شافت واحد واقف وتعجبت (( كانها قامة عمر ؟ هاا شيسوي هني؟ )) : عمــــــر ؟!!..

عمر انخبص لونه وانصدم وتغيرت ملامحه وكانه حد صاب عليه ماااي بارد لف عليها ببطء : غلا !.!.!
غلا : شتسوي بداري؟
عمر : ها،، لا ولاشي
غلا : شلون ولاشي ؟
عمر وهو يتنحنح : أصلآ انا شفتـ ..... شفت الليتات كلها شغاله وجيت اطفيها
غلا : انا متأكده اني طفيت كل شي قبل لااطلع
عمر : يمكن نسيتي !
غلا وهي تتذكر : يمكن .
عمر ارتاح وحس انها تبيه يطلع : خلاص اخليج اناواسف على دخلتي

طلع عنها عمر وقعدت غلا ،، هذا شيسوي بداري ؟ لوعمي ولا خالتي شافتنا ؟ الله يهداه بس يمكن صاج

بعدها باسبوعين بعد الغدا ..

خالد : آآآآآآآآآآآخ والله خوش غدا انترست
لطيفه : ههه بالعافيه
عمر :
لطيفه : يلا غلا وعمر دوركم وراكم دراسه ترا
عمر + غلا : انشالله..
عمر قرب منها : القلوب عند بعضها؟؟؟؟

غلا انصدمت شلون يقول لها هالكلام؟ وعلى طول راحت غرفتها

خالد يمسكه من ثوبه : انت هبل شلون تقول لها هالكلام
عمر ينزل يد خالد : ماصار شي يه زل لساني ( وراح داره )


قامت غلا من بعد العصر وقعدت تراجع لين بعد اذان المغرب راحت بعدها وتسبحت ولبست جلابيه ورديه عليها رسم بالمخمل الفوشي والبني المحروق كحلت عينها ولفت شيلتها ونزلت

لقت خالد ولطيفه( تتكلم فالتليفون ) وعمها سعد بعد سلمت وقعدت عند عمها

سعد : ها غلااي شخبار دراستج ؟
غلا : حمدالله توني مخلصه
سعد : بااارك لله فيج
قعدوا يسولفون ومن بعدها سأل سعد : الا عمير وينه ؟
خالد : فاخ
سعد : هههه امش وياي خنقعده
خالد: يلا
سعد : تعالي غلا
غلا : لا بقعد هني
سعد : اقول امشي
غلا ( اففف ) : انشالله

وراحو لدار عمر دخل خالد وراه سعد وبظهره غلا
دخل خالد وشغل كل الليتات وطفى التكييييف وفتح الدرايش وجر لحافه
خالد وهو مسترسل: قم قم قم قم قم قم قم قم ( صحى عمر وهو متنرفز صج ) قم قم قم قم قم

عمر يحذفه بمخده صغيره : شتبي شتبي شتبي انت ؟
سعد : قم صلاتك ياعمر
عمر : اوووووووووووه

سعد انصدم شلون يقول له اوه؟ هاي وهو عمه

خالد وهو معصب : شنو اوه بعد عمك يالتبن احترم روحك

غلا من ورا عمها اللي عمر مالاحظ وجودها من طول سعد كانت تشوف مكتبه عليه تقرير المدرسه كل درجاته B & C
وكان مخلي رسمتين هو راسمهم نفس الشي بس وحده بالفحم على ورق أبيض والثانيه ورق اسود وبالطبشورر الاربيض
كانت تشبه غلا لدرجة ان هي حست بهالشي المواضح نفس القعده اللي بدارها عند الدريشه بنت قاعده ومثمنه ريلها والهوا يطير شعرها والقمر منووووور

خالد: قووووم احسن لك
عمر : اووووه طلعو برع

طلع خالد وطلعت غلا وياه اللي حسته صج زعل
عمر اختبض ( غلا هنييييييييييييييي ؟ )

سعد : عمور اشوف لسانك طولان علي وعلى خالد ناسي اني عمك وانه اخوك الكبيرر؟
عمر : من متى غلا هني؟
سعد تعجب !! مو اول مره يساله عن غلا : مالك خص وانجب انشالله دواك عند سعود

غلا اللي كانت تلحق خالد ومب ملحقه اخر شي استسلمت وقالت بصوتها الناعم : خاااااااااااااااااالد...
خالد انتبه ولف : عيوووووووونه ( اوب غلا ) .. اوه من متى وراي
غلا: من مساااعه وانا الحقك بس ماشالله عليك سريع
خالد :: هههه اسف وربي ماشفتج
غلا : لا ولايهمك بس انا مابيك تزعل من كلام عمر اكيد ظايقك
خالد: لالا ماعليه شوي وبنسى
غلا : لا عاد انا اخووووي مابيه يطلع من هني زعلان
خالد ياشر على عيونه الثنتين : من هذي قبل هذي .. آمري بعد ؟
غلا انقلب لونها افتشششششششششلت : لا سلامتك
خالد : Ok bubye 4 now..Sorry but I got to go sis
غلا : هههه Ok bro Take Care
خالد : هههههههههه لايحوشك
غلا: هههههه عشان ماتتحداني again
خالد: لالا تبت وربي ههههههه ( رن جواله ) سلام ابوي .. وطلع عنها


غلا راحت وشافت عمها نازل وبيطلع سلمت عليه وراحت وهي تشيل روحها من التعب تحس انها بتتصخن قريب شافت عمر اللي نازل من فوق ولاعبررررررررررررته وطلعت على الدري وهو نازل ،، عمر ( بعددددددد وماتعبر ، يكون زعلانه اني ماعبرتها بالدار؟ ولاكلام الغدا.؟ وليييييييين وربي راسي شااب .؟ )

راحت غلا وهي تدفي روحها وترتاح شوي
عمر اللي كان قاعد وياا امه وهو بعااااااااااااالم ثاني

تكلمه امه : عمررر !
عمر سرحان : .............
لطيفه : عمورر
عمر انتبه : هلا هلا يمه شفيج
لطيفه : شفيك مريض؟ ليش صاخ ؟
عمر : ها؟
لطيفه : اييه اللي ماخذ عقلك
عمر ( اوه ) : ...
لطيفه : تبي تاكل؟
عمر : وشو ؟
لطيفه : اكل اكل يالهبل هم هم ؟
عمر : اي والله بطني خالي

جابو له الاكل وقعد ياكل ودخل خالد وهو مسوي روحه شوي زعلان على عمر ،، عمر انتبه لاخوه

راح حذاه : هاااااااااااا بوسّّّّـعود شفيه الشيخ؟
خالد : قم انجلع لاتقعد حذاي
عمر : هب هب شوي شوي علينا
خالد : اراويك يالهيس اطلع هاه
عمر :هههههههههههه يلا عاد خويلد ماتعرفني سموحه ياخوي
خالد يضربه بوكس خفيف : مالت عليك اقول ،، امش يلا ابي اروح اشتري لي ثياب محد وياي
عمر : على هالخشممممممممممممممممممممم
قام ولمه خالد الطويل على خفيف : هههههههههههههههه تسلم تسلم

رواية غلا خالد ( منقولة )

الوسوم
الكاتبة , دامي , رواية , yazie
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM

الساعة الآن +3: 10:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1