غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-12-2013, 07:59 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
11302798202 رويتي الاولى:ياحلو الايام لو ترجع


سلام

احم طبعاً هذي الروايه بقلمي اتمنى من جد تشجّعوني لان الثقه عندي في تناقص
وما احلل اي احد ينسبها لنفسه
انا في البدآيه كنت الله يصلحني اقرآ الروآيآت الأدبيه >يقآل لي مثقفه
بس والله يا انها مافيها متعه الا لا نفسّت
الزبده حلآت الروآيآت العاميّه بس المهم اني صرت اقرآ واقرآ واقرآ روآيآت عامميه واحس اني ختمّت ابو الروآيآت بس كان يقهرني شي ياخي تصير الروآيه كلها حزن بحزن مات ابوها وامها من اول الروايه بعدين تتزوج ويكفخها ومدري وش يصير
وتجي روايه ثانيه تصيى كلها ضحك وهبال وفجأه الولد حب البنت وتزوجو
ويييين وييين ياحبيبي الزبده اني مال امي ف الكتابه بس قلت اجرب حظي
وحبيت اجيب فكره جديده عن سالفة عيال العم
اتمنى من جد تعجبكم روايتي عشان اكمّل معاكم
لوف يو كلكم




&&&&&&&&&&&&&&&&&&&&&
________
****
عائلة ابو فيصل
الاب : سعد
فيه فهاوه شوي طيب وحنون على عياله مايعصب الا ع الاشياء اللي تستاهل
الام: نوره
حارّه مرا فيها شويّة عصبيه شديده شوي ، تهتم بشكلها كثيير وجسمها حلو ب النسبه لعمرها
عيالهم:
فيصل: عمره 25 متوظّف في شركة اتصالات ، حنون ، سوالفة عجيبه يحب ينرفز اخوه زياد* مملوح* الصغيروعنده سكسوكه
عبد الله :
في ثالث ثانوي خفييف دم مررر يدرس حاسب آلي ، مرجوج ومايجلس فاضي , شعره كثيف واجتماعي جداً
يلبس نطاره
عمر :
هادي "شوي سنه ثاني جامعه مريّح امه وابوه من ناحية القوانين :( ب العربي"مطيع" عليه تعليقات :(
واخيراً اخر العنقود زياد :
بزر في خامس ابتدائي في بثاره شوي مدلع ، يكككره الدراسه ويتمنى يكون عنده اخت ، يتنرفز من اخوه الكبير فيصل , ابتسامته غبيه
===================="
في احد الصباحات المشرقه
ام ناصر نوره:"وهي تشوف الصاله حوسه من العاب زياد وسياكله" ياااا الله صباح خير
حسبي الله على ابليسك يازياد
طلعت على غرفة زياد بتصحيه للمدرسه
ام ناصر : زيااااااد زياااااد !
زيااااد وصمخ قوووم ! ، شدعوه عاد لو انك ميت قوم خلصني
زياد: اووف يمه تكفين ابي اغيب
ام ناصر: كيفك احسن ترا الاستاذ متصل على ابوك يقول فيه رحله !" طبعاً تشلّخ عليه"
( وماتشوف الا غبار زياد رايح يتجهّز)
طلعت من غرفة زياد لغرفة عمر تصحيه
ام ناصر : يا الله ياعمر ع الجامعه
عمر : يلا يلا قايم > مطيع قايله لكم :(
وتولى فيصل مهمة تقويم فيصل وعبد الله
================"
وفي منطقة ثانيه بعييده عن بيت ابو فيصل

،،، بيت ابو عبد العزيز
عائله مكونه من اربع بنات وولدين
ساره، امجاد، خلود ، ولاء، عبد العزيز ، محمد
-
ساره: بنت متهوره شوي ، على قدر كبيييييير من الجماال ( طولها متوسّط ، شعرها لنص ظهرها كثيف وناعم بني غاااامق، خشمها مسلول ، بيضا بيآضهآ ملفت ) ماتشبه خواتها ابد ولا امها وابوها دايم لها طالعه لمين؟ هي واختها امجاد مايجتمعون مايصلحون ابدد
خفيفة دمم وحساسه
،،،

امجاد: فيها نذاله وعنيده دايم تكشف فضايح ساره وتهددها فيهم بس تبقى تحب ساره (في اول متوسط)
خلود: اختهم الكبيره عاقله ودفرره فيها دين وطيبه مراا واكثر وحده يحبونها الام والاب تدرس بمنطقه ثانيه (ب الجامعه)
ولاء: تحب تقلد ساره في اللبس والطبع' تعتبرها مثلها' (ف الروضه)
*البنات ملامحهم عاديه *
عبد العزيز: رايق، بس مايتحمل الضغوط ، حسساس وعنده حب كبير لاخوانه عمره(24)
محمد: نذل شوي يمووت ف الكوره هلالي اصلي فيه هدوء علاقته قويه ب اخوانه عمره 20
=======
وفي نفس الصباح المشرق اللي كان في بيت ابو فيصل

ساره: منسدحه ب غرفتها
وسهرانه ع الايباد من امس الليل مو حاسه ب الوقت
الام"ام عبد العزيز" : ( دخلت الغرفه) بتصحيهم للمدرسه وتشوف ساره جالسه ع الايباد !!
الام: يااااسلااااام هذي آخرتها سهرانه على ه الزفت؟
ساره: لااا يمه انا كنننت كنت اذاكر فيه
الام: (تخصرت) ايوه فهميني شلون
ساره: ( ياذا الوهقه) جد يمه شفيك مو مصدقتني ابحث للمدرسه انا فيه
الام: اها تبحثين طول الليل ! ، وبعدين من شاف وجهك ماقال تحرص ع الدراسه
الله يعين بس جيبي ه الايباد وقومي للمدرسه
انا: بس يمه نعسانه !
الام: ( طلعت عيونها) نععععم! طبيعي لانك...
توها بتكمل
ساره: لا لا يرحم والدينك خلاص قايمه قايمه
( قامت وهي تلعن الساعه اللي سهرت فيها )
وكملت ام عبد العزيز تقوم اخوانها
==============================
في بيت ابو فيصل
على الغدى بعد مارجعو من الدوامات
زياد: ( فيه الصيحه) يمه اقول للاستاذ متى بنروح الرحله يقول لي روح الله يستر عليك بس اي رحله !
الام: قول له الله يسامحك ( تسلّك له)
عبد الله : خلاص ولا يهمك تبي اوديك بعد الغدى الملاهي؟
زيااد : قوول والله ؟؟ اييه اكيد
عبد الله : لا ماني موديك ( وهو شاق الابتسامه )
زياد : اصلاً داري ماتسويها انت توديني الملاهي :(
عمر : عبد الله شرايك تنام من الحين ؟ ذبحتني الصبح وانا اصحيك !!
عبد الله : ها ها ها مطلوب مني اضحك الحين يعني ؟
عمر : كل تبن بكرا ماني مقومك
الام: عبد الله بكرا محد مقومك ان ماقمت بسرعه
زياد : هههههههههههه واااك محد بيقومك
عبد الله : لا ب اللهي؟ تضحك انت ووجهك ماكنهم اليوم قوموك بكذبة الرحله
زياد : مو كذبه !! صح يمه
الام : اييه صصح كل كل الله يهديك وانت ساكت
(طبعاً فيصل في الدوام مارجع )

==============

في بيت ابو عبد العزيز

ساره : ( وهي تحذف الشنطه ع الارض وتنسدح بعبايتها على اقرب كنبه ) اااااااه وش ذاا تععبت ابي اناام
امجاد : وخري بجلس
ساره: اللله اكككببر طوول عمرك منقّعه ب الغرفه ويوم اني ميته ومنسدحه جيتي بتجلسينن!
امجاد : مكتوبه ب اسمك وانا مدري؟
ساره : ( قامت صفقتها على راسها وركض للغرفه) > من القهر :(
ام عبد العزيز : يلا انتي واختك مو ناويين تتغدون؟
امجاد: ساره ف الغرفه ياجعلها تخيس فيها
الام: فتحت الواتس اب تكلم ساره تنزل للغدى
وزي ماتوقعت لقتها داخله حتى وهي ميته نعاس
ارسلت لها ( الغدا طال عمرك لا نعطلك )
=============================
في بيت ابو فيصل
( وكعادتهم العصريه يفرشون بحديقة البيت ويتقهوون )
الاب: ووالله يانوره ما اشوف لك الا ذاك العامل المسيكين اللي يكككسر الخااطر
( قاطعهم زياد)
زياد: يمه
يمه
يماااه
امااه
الام : خير ( وهي شوي وبتسطره)
زياد : ليش ماعندنا اخت كلنا اولاد تقل شقّة شباب
عبد الله : الحين انت معتبر نفسك شابّ يا بابا؟
عمر: ( يكلم زياد) اقول بس احمد ربك بلا خرابيطك هذا اللي صار بعد جابتنا كلنا عيال
( وفي وسط النقاش دخل عليهم فيصل راجع من الدوام)
فيصل: ( وهو يصفق زياد على راسه) السلام عليكم
كلهم: عليكم السلام
فيصل : ايوه ! وش كنتو تتناقشون فيه امتعونا
عمر : زياد يقول ليه ماعندنا اخت
عبد الله : هههههههههههههههههههههههههه مفكر السالفه على كيف امي
فيصل : ( وهو يكلم امه وابوه ) هاه فكروا فيها ترا يمديكم ويغمز
ابو فيصل : ( وهو مكمل ويغمز لولده) والله ماعندي مانع وميت ابي بنت قبلكم
ام فيصل : خير انت وياه وش ه التوسّع ف السالفه ف الجنه بيصير عندي بنت :(
كلهم: هههههههههههههههههههههههه(حتى زياد اللي مافهم سالفة يمديكم)
======================
صباح اليوم التالي
( في مدرسة ساره)
في حصة الرياضيات
ساره : ههههههههههههههههههههههههههههههه
منيره :( صديقتها) اتحفيني وش مضحكك من صباح الله خير !
ساره: شوفي الباب
منيره وهي تشوفه: ايوه ؟ وش فيه ؟
ساره : لا ابد سلامتك بس حسيت شكله يضحك
مدري البلا منّي ولا من حصّة الرياضيات :(
منيره وهي تكتب اللي ع السبوره: منك اكيد :( !
==================
في بيت (ابو عبد العزيز )
*العصر
ساره وهي منسدحه ب الصاله : خلود
خلود: هاه
ساره: خوخه
خلود: نعم! شفيك ؟
ساره : اختي الكبيره
خلود وهي تحط يدها على جبهتي: مو مسخنه ياقلبي اجل وش فيك انهبلتي؟
ساره: لا لا جد تشوفين ه الجدار ؟
خلود: ايه
انا: وش لونه؟
خلودوهي تب تشوف وش اخرتها: لونه بيج
ساره: علييييك نور ، طيب وش تستفيدين من الكلام اللي قلناه تو؟
خلود وهي زهقانه : مدري عنك وعن خرابيطك
ساره : ااه يابقره تستفيدين ان قدامك جدار ب الاضافه الى ذالك لونه بيج !
خلود:لاحول ولا قوة الا ب الله حالتك مستعصيه بقوم احسن لي
( ترررررررررن) التلفون :
فطوم بنت عمتي: الو
ساره: هلااااا والله جااابك الله
شرايك فيني ؟ مو على الوزن هلا والله جابك الله
فطوم: لها الدرجه فراقي مأثّر فيك ؟ ( تستهبل)
ساره: اقول انقلعي خلصي شتبين متصله
فطوم : شرايك نتجمع اليوم ميته زهق
ساره: خلاص مو مشكله بقول لامي نشتغل حق مشروع المدرسه وضبطي لنا فلم حلو
فطوم وهي تضحك: ان شاء الله بس ترا مالي دخل ان كشفتك امجادوه وقامت تهدد تعلم
سار: فكيني بس يلا وكلمي اسوم وماريه يجون
=====================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-12-2013, 08:07 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: رويتي الاولى:ياحلو الايام لو ترجع/بقلمي


( في بيت ابو فيصل)
زياد: اووووف والله زهققان ، شرايك تصير اخو طيب يا عمر وتودي اخوك الصغير مشوار حلو
عمر : ايوه؟ وبعدين اعشي اخوي الصغير ؟ وارجعه البيت واحل عنه الواجبات؟ :)
واشيله لفراشه؟ وش رايك؟
زيادوعيونه بتدمع: الله يقطعك الخيال يعذب ااه بس لو يصير كيذا
عمر : اقول بس افتح لغتي الخالده وحل الواجب تقول امي
عبد الله: ليه وينها ؟
زياد : في بيت عمي سليمان رايحه عشان حصه بنته والده ومتفقه تشوف هناك صديقتها حنان
عبد الله: اعوذ ب الله اسكت انا قلت وينها ماقلت قلي وش تسمعت من امي
عمر: الزبده حل واجبك بازياد احسن لك
زياد: لو عندي اخت كان ودتني معاها الالعاب
عبد الله : اها ، طيب حل حل واجبك بس

=============================
في بيت عمة ساره
فطوم : حياكم الله تو مانور البيت
ساره : اقول كلي تبن مسويه ذربه وترحبين
ماريه وهي تضحك : ساره ان شاء الله قلتي لامك جايه تذاكرين، اختبار ولا جايه عشان البحث ولا المشروع ولا وشو
ساره : تتطنزين انتي ووجهك هذا وجهي ان كذبت مره ثانيه على امي عشان تشوفوني
اسوم:ماودكم تدخلون؟
فطوم : يلا امشو المجلس
ساره: بلا مجلس بلا هم امشي غرفتك
فطوم: على كيفها تقرر الاخت يلا الغرفه الغرفه :(
========================
في بيت ابو ناصر
فيصل وعبد الله وعمر مع ولد عمهم سليمان'رائد'
فيصل: هههههههههههههههههههههه نكتتك زي وجهك يا عبد الله بس بضحك
عبد الله : بعتبرها ترقيعه لانك ماتبي تعترف بخفّة دمي
رائد : طيب يلا النكته اللي بعدها
عبد الله : خير انت بعد عجبتك السالفه ؟
رائد : جد اخلص قول اللي بعدها
عبد الله : لا بخليها لوقت الحاجه
فيصل : ترا كلها نكته حسستني انها اكل ولا بنزين
رائد: الا شخبار زياد لازال يبي اخت
فيصل : وانت شدراك ؟
رائد : كان في بيتنا قبل امس ويشوف اختي نوره تذاكر لاخوي عبد الرحمن
وابد جلس يفضفض لنا :(
عبد الله : ههههههههههههههههههههه ه الابقر
فيصل : خل يعطونه خواتك شوي حنان م شا الله شكثرهم ويسكر ه السالفه علينا
======================
في بيت عمة ساره
ماريا وهي تمسح دموعها : واااااو يجنن الفلم من جد يصيح
ياقلبي عليه هـ الولد
ساره : مالت عليكم وعلى فلمكم الخايس نبي شي فيه طق ومطاقق موب قاصين علينا بذا الفلم الهندي
اجل طق صديقه ب القدر ودخل في غيبيوبه ! وقتم يصيح عليه طيب ليه تطقّه ياحمار
اسوم: هههههههههههههههههههه هوصدق سلامات بس حلو
ساره: طيب اسمعوا على مايجي السواق تذكرون ذكرياتنا مع بعض
كميّة السماجه اللي كانت فينا :(
ماريا: الله يستر اذكر كل طفولتي معاكم عنيفه
اسوم: ساره تذكرين يوم احمد ولد عمي يصقع راسك ب الجدار عشانك مو راضيه تروحين بيتهم
ساره: ايه الله ياخذه غثيث ه الولد الا تذكرون يوم نروح من بيت جدي للبقاله من فوق الجدار نمشي على الجدان
فطوم: ولا راعي البقاله اللي حافظنا :(
اييه بس ايام حلوه
==================
اليوم هو اول ايام رمضان المبارك
ومع الدوامات والتعب
في مدرسة ساره في الفسحه :
ساره: ااااه حر عطش بموت
منيره ( صديقتها): احتسبي الاجر
ساره ودمعت عيونها : مشتهيه بيبسي بااااااارد معرررق من البروده مع نص تيس ومندي
منيره: اعوذ ب الله اسد موب بنت اللي يشوف شكلك الناعم يقول بتقول مشتهيه بان كيك وميلك تشيك ولا جالكسي
ساره: فكيني بلا ه الخرابيط مايملى البطن الا كلامي اللي مو عاجبك
منيره : شـ السالفه وين البنات ليه الساحه فظت فجأه ؟
ساره ببرود : هذا لان الفسحه خلصت وبدت الحصه يا الفالحه !
منيره وهي متخرعه: هااااااا تستهبلين ولا تستهبلين ؟
ساره : استهبل الاولى
منيره : قومي ي الظريفه الحين علينا انجليزي ابله سميره النذله ماهي مدخلتنا
ساره : اقرب كذبه مقنعه وتدخلنا غصبن عن خشمها
منيره: يلا وريني
ساره وهي تضرب الباب وتدخل : احم
الاستاذه : نعم؟
ساره : شلون نعم
الاستاذه: يعني شتبون؟
ساره: نب ندخل !
الاستاذه: ومن متى يدخلون البنات بعد ما ادخل انا
ساره : ايه بس احنا ماكنا نلعب كنا ب الاداره
منيره وهي تقرص ساره : لا يابقره لا
الاستاذه: ادخلي انتي وياها ولي كلام مع الاداره واتاكد
ساره: معليه تاكدي
منيره وهي تمشي معاي : بعد واثقه تقولين اسالي الاداره :( ياويلي عليك يابنت
====================
في بيت ابو فيصل
قبل اذان المغرب بدقايق
ام فيصل : سانيت حركي النار لا يحترق بسسسرعه
( وهي تصرخ ) ياااازيااااااااد نااد اخوانك يلا مابقى شي
فيصل: الله اكككبر الللله اكككبر
عبد الله : يووه مرا ظريف فكرناك مؤذن المسجد وجينا بنفطر
زياد : ههههههههههههههه
ابو فيصل وهو جاي : اذن ياعيال سموّ ب الله
الكل : بسم الله
ام فيصل بعد ماجلست : ادعو ترا الدعوه مستجابه صايمين وبعد الاذان اللله
عمر وهو يشوف زياد رافع يدينه يدعي: وش دعيت اخ زياد ؟
زياد : دعيت ان يصير عندي اخت تعطيني وجه
فيصل : كححححح اح كحح > شرق
ام فيصل وهي تعطيه الماي : بسم الله عليك
فيصل : ههههههههههههههههههههههههه يا ذا الاخت اللي تحلم فيها
عمر: ماشاء الله عبد الله ماله حس يبللع مشتغل اكل
فيصل : ولا يبان فيه ه المعصقل
ام فيصل: ماشاء الله انت وياه لا يجي ولدي شي
فيصل: بسم الله على ولدك واحنا عيال الجيران
ام فيصل : انتوا مثل ...
قاطعها زياد: اصابعي ما اقدر استغني عن واحد فيهم كل واحد له مكانته
الكل: ههههههههههههههههههههههههه
===========================
اما بيت ابو عبد العزيز في مزرعة عمهم فطور جماعي مع عمامهم وعماتهم
فطوم: بنات وش ذا الزحمه مغير يبلعون مافيه مكان لنا
مرة عمي : روحو كلو في المطبخ بنات مع الشغالات
ساره بصوت واطي: كلي زق قال ف المطبخ كلو انا وحده صايمه وابي اعبي بطني
اسوم: ايه مهو احنا فاطرين وانتي صايمه الحال من بعضه ياماما !!
ماريا: اقول امشو امشو المطبخ
ساره وهي تفتح ثلاجة مزرعة عمها: وااو بيبسي وتبوله وحركات اقول عطوني صحن خل اترس لي
فطوم: اااه يافشيلتنا يابنات ه البنت ماتستحي على وجهها
اسوم: سكري الثلاجه لا يجي احد يقول ه اللي مايستحون
ساره: شدعوه عاد حسستوني اني حراميه مزرعة عمي عادي نمون
(طلعو البنات من المطبخ وهم خايفين يجي احد يشوف ساره تحوس ف الثلاجه)
=================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-12-2013, 08:11 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: رويتي الاولى:ياحلو الايام لو ترجع/بقلمي


=================
صباح جديد على بيت ابو عبد العزيز
في يوم الجمعه( مافيه دوام)
ساره : يمه
امها: نعم
ساره بصوت قصير: يعني زي ماتعرفين شهر رمضان شهر فضيل
امهاوهي تطبخ : ايوه
ساره: ويصومون فيه الناس
امها : الحين بها الملعقه على راسك خلصيني ياقلبي
ساره برجاء: ب المختصر صديقتي عازماتني افطر ببيتهم و
قاطعتها امها: افكر
ساره مسويه مؤدبه : خلاص ولايهمك يمه فكري ، تبين مساعده شي؟
امها وهي تضحك : ياشين التمصلح تعرفين تتمصلحين بعرف استغلّك تعالي ساعديني
ساره ف نفسها بققره بقرره يا انا : يلا بس بروح اغسل
في طريقها شافت اخوها عبد العزيز
ساره : احم عزوز
عبد العزيز يطالعها بنص عين: نعم
ساره : تخيل انك بنت
عبد العزيز يجاريها : ايوه
ساره: وصديقتك عازمتك تفطر عندها وامك ب الموت رضت وخلتك تروح تساعدها ف المطبخ عشان ه الطلعه وخواتك متسدحات وبعدين رحت لاخوك تبيه يوصلك بيت صديقتك الا مايرضى
وعاد يروح تعبك ع الفاضي
عبد العزيز : الله ياجرني وبتصل على صديقتي وبقول لها تخيلي انك ولد واختك تقول لك ودني بيت صديقتي وانت تعبان
ساره مسويه مسكينه: اوك يجي منك اكثر يا اخوي العزيز خل اروح اشوف محمد

==================="
في بيت ام فيصل

ام فيصل : والله ه الوضع ماينفع لازم سواق
ابو فيصل : مع اني مو مقتنع وعيالنا كل واحد اطول من الثاني بس يلا شكل مامنهم رجا
زياد: الللله والله لا افلّها مع السواق مطاعم وملاهي
فيصل وهو يحك اذنه : معليش اخوي زياد حبيبي عيد ناوي تصيع وتاخذ راحتك؟
عبد الله : ههههههههههههههههه ايوه زياد بعدين بعد المطعم وين تروح؟
ابو فيصل : خل يجي السواق على خير
زياد : طيب خلاص غيرت رايي فيصل شرايك تتزوج وتجيب لنا بنت
فيصل يسلك له: حاظر تبي اليوم ولا بكرا

======================"
قبل اذان المغرب بساعه
في بيت ابو عبد العزيز
عبد العزيز : سساره!! ماجهزتي؟؟
ساره: لااااااه لاتقول غيرت رايك وبتوديني ؟ لحظه لحظه دمعت عيني وش ه الرومنسيه ياعزوز
عبد العزيز : ههههههههههههههههه ابد بس خيالك نفع
ساره : ثواني وتلقاني ف السياره يا الغلا
عبد العزيز: بلاها لحاجتك لا اغير رايي
ساره وهي تضحك : فديتك
========================
في بيت منيره صديقة ساره
منيره : ههههههههههههههههههههههه
ساره: عاد ما اشوف الا امجاد متربعه عند دولاب الجزم تاكل ايس كريم ! وكل ما احد قال لها شفيك قالت كيفي
قلت لها فضفضي لي يا اختي ش السالفه وضعك مزري
منيره : اكيد تفلت ف وجهك
ساره : لا اشوه عطتني نظره ماحسيت بنفسي الا انا ب المطبخ اقطّع بصل
منيره: ، تصدقين عاد مدري شلون انتي بها العايله ابد ابد ماتشبهينهم كل واحد ماخذ لمحه من الثاني الا انتي
ساره : لا قوليها يابنت قولي يعني انهم جايبيني من دار الايتام
منيره : تخيلي عااد
ساره : ياشينك انتي وخيالاتك ، اقول مو ناويه تضيفيني ترا امداني هظّمت الفطور !
منيره : وتضلين ساره الخبله :(
===========================
في بيت ابو فيصل
زياد : يمه يوم ولدتيني فكرتي اني بنت؟
ام فيصل : يارب ذا الولد موب طبيعي (ضربته ع راسه) عيالي كلهم اولاد اعقل
ابو فيصل: هههههههههههههههههههههههه عاد لو اقول له السالفه القديمه احسّه بيحترق
عمر: وش السالفه
فيصل بعد ماترك جواله : وشو اللي وش السالفه ؟
عبد الله : انت ركز من البدايه ولا لا تسال
زياد وهو مسوي بيصيح : الزبده وشو قولو خل يحترق قلبي
ابو فيصل : الحمد الله ع كل حال بعد عبد الله حملت امكم وكانت الصور الاشعاعيه تقول انها بنت عاد مابقى فستان ولعبه واسم ما اخترناه بس ربي كتب وولدت امكم في منطقة ** يعني ماكنا في ه المنطقه
وكان المستشفى مو ذاك الزود وقالو ان البنت ماتت
ام فيصل: عاد صارت سالفه بعدها ويقولون ماماتت وان واحد شاف الممرضه تبدلها ومدري وين حطتها الظاهر ف غرفة مريضواخرها طلعت اشاعات ويقولون ه الممرضه مريضه نفسياً
زياد بعد خمس دقايق من الهدووء : لييييييييه يعني كان عندي اخت اككيد ماماتت يبى الا ما ماتت ابيها
فيصل : ايوه اخ زياد وشو بعد ؟ لا تخلي ابوي يتحسف قال لك السالفه وتالف قصص على كيفك !
عبد الله : ااخ بس لو ه البنت موجوده كان الحين ساحبين عليكم وطالعين نتعشى برا
عمر وهو يبتسم : طيب اعتبرني هي واعزمني ع العشى
فيصل يطالعهم ويتحمد : ماودكم تغيرون السالفه بعض الناس طنقرو ( يقصد زياد)
=====================
في مدرسة ساره اليوم الثاني
منيره: الحين وش سالفة ذا dna اللي ب الاحياء ؟ والله موب فاهمه شي
ساره: وشو اللي موب فاهمه يا ثوره مايبي له شي شوفي (** وقامت تشرح لها)
منيره : الا على الطاري الحين موب هذا تحليل الـdna نفسه اللي يسوونه ب المستشفى عشان يعرفون الولد ولد مين ؟
ساره وهي تضحك : شاطره اجل فيه فايده من ه المسلسلات والروايات اللي تقرينها
( دخلت استاذة الاحياء) : يلا يابنات فرقو الطاولات بسسرعه
ساره: مغصني بطني
منيره: تعرفين تاكلين زق؟ تراني موب فاهمه الا ذا dna ومامغصني بطني :(
(بعد ماتوزعت الاوراق)
الاستاذه: هههههى!! منيرررره!! تغشين عيني عينك انتي وياها ؟
منيره ياذا الوهقه : لا استاذه ماغشينا بس التفتت عليها
ساره: وش دخلني انا ؟ :(
الاستاذه: ولا كلمه انتي وياها تعالو أأشر على اوراقكم
=====================================
( في شركة الاتصالات)
عند فيصل
فيصل: اقول لك والله مدري ش السالفه ماوعيت الا ابوي ف وجهي
حمد( موظّف): هههههههههههههههه تستاهل انت ووجهك قايل لك من قبل
شوي الا يدخل زياد
فيصل: هههئئ!! شجابك هنا انت!!
زياد: ابوي مرسلني اشوف وضعك
فيصل بعصبيه: ياليل البثاره اخلص شجابك
حمد : ههههههههههههههههههه
زياد : اعوذ ب الله انت اوفر معصب امزح معاك جيت لان المدرسه قريبه وودي كيذا ارجع معاك
على فكره ياحمد تراه مسوي شخصيه قدامك ولا هو ف البيت يهمزّ رجولي
حمد وهو ميت ضحك : اااه اجل مسوي شخصيه علينا
فيصل وهو مطلع عيونه : الله ياخذك ي الغثّا امش يلا امش قدامي ، مسوي يضحّك بعد
==================
في بيت ابو فيصل
(عبد الله وعمر ) في حديقة البيت
عبد الله: وانت وش مدخلك بينهم مسوي بتفزع لاخوياك :( !
عمر ووجهه احمر:قسم ب الله يخرعون عصاقل ماتوقعت بيلعنون خامسي كيذا
عبد الله وهو كاتم ضحكته: طيب ي القوي رح غسل وجهك لاتشوفك امي وتتخرع ي حبيب الماما
عمر وهو معصب: ماتضحك ترا وماني مغسّل
عبد الله وهو متوجه لهوز الزرع ويفتح: هاه غيرت رايك ؟
عمر: والله مانيب رايق لك وخر عني بس
عبد الله فتح الهوز واشره على عمر : ههههههههههههههههههههه هذا غسيل وجه وسباحه عصفورين بحجر
عمر وهو يسحب منه الهوز ويرشه عليه: وهذا عشان ماتستظرف مره ثانيه
(جا زياد وشافهم مبللين مايدري ش السالفه)
ومايشوفون الا زياد ساحب الهوز ويرش على نفسه!
عبد الله وعمر : هههههههههههههههههههههههههههههههههههههههه خير انت؟
زياد: والله شفتكم مبللين قلت اسوي زيكم الا وش فكرتها اللعبه؟
ابو فيصل وهو داخل البيت: بسسسم اللله !! شفيكم ياعيال؟؟
زياد: انا كنت امشي برا واسمع عبد الله يقول لعمر لا تخاف عادي نلعب ب الماي ونخرب الزرع وعاد عمر اقتنع وصار اللي صار وانا تبللت لاني احاول اوقفهم
ابو فيصل وهو يضحك: الله يعطيك العافيه يلا داخل انت وياه لا تبردون
=================
في بيت ابو عبد العزيز
( في المطبخ)
ساره: انتي كم بيبي فيه؟
راجيتا: انا في واهد ولد بس هدا بابا تاني
ساره وهي مو فاهمه: اها انتي شغل وين اول؟
راجيتا: انا سوي مشكل مشكل مع هبيبي بئدين هو كلام كلاس مايبقى انا
ساره : والله ما اقول الا الله ياخذني يوم اني تاركه اشغالي وجالسه اسولف معك
امجاد من وراها: الله والاشغال تاكلين ولا تبرشمين لصديقتك ولا تشلخين على امي عشان تروحين بيت عمتي؟
ساره وهي متوهقه لان امجاد عارفه سوالفها: ترا النميمه اشد من القتل ! :(
امجاد : هههههههههههههه خواافه
(في الصاله)
ام عبد العزيز ودموعها بعينها: شلون يعني؟
ابو عبد العزيز: يامره تعوذي من الشيطان موب صحيح ان شاء الله الممرضه يقولون فيها مرض نفسي وتخربط بس عشان يبرون ذمتهم المستشفى نوديها الشهر الجاي نفحص
ام عبد العزيز وهي تتنفس بعمق: ههه الحمد الله بس وش مخليها ه الممرضه الخبله :(
ابو عبد العزيز : ماتشتغل الحين هي بس يقولون صار لها شهر تجيهم وتعيد عليهم نفس الموضوع وهي تبكي يبي لها علاج ه النفسيه
ام عبد العزيز : المهم الموضوع لايطلع لانه من اساسه مو صحيح

=========================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-12-2013, 01:51 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: روايتي الاولى:ياحلو الايام لو ترجع/بقلمي


=========================
في بيت ابو عبد العزيز
( العصر)
البنات مجتمعين
ساره: والله اقول لكم الحماره منقصتني وانا ماغشيت كله من منيروه الخبله مو حافظه لي الا dna لانها قاريتها ف روايه مدري شايفتها ف مسلسل
فطوم: شسمها الروايه؟
ساره: شدراني انا بعد بس اقول لكم السالفه :(
اسوم: طيب شرايكم نطلب من مطعم ماتغديت
ماريه: لااااا تكفون ب اسمن صايره اكل كثير
ساره: تنقلعين ولا تنقلعين؟
اسوم وهي شاقه ب البسمه: تنقلع
ساره: الزبده كم رقم هارديز ؟ ايه
(واتصلت )920001213
ساره: الو
ابي اطلب لو سمحت
4تشيكن هالوبينو
ايه كبير
مع الجبنه ايه بيبسي حجم كبير
فطوم : ههههههههههههههههه ياحماره كبير كبير ش شايفتنا
ساره وهي تفرصها : ايوه وجبات كلهم
اذا جا خل يتصل ع هذا الرقم
شكراً
ساره: اقووول بنااات شفتو المحلات اللي فتحت قريب من بيتنا ؟؟
ماريا : الله واكبر والمحلات كلها بو ريالين ومحل ورد ومحل جوالات
ساره: افاا لازم التحطيم يعني ، ؟ الزبده اسم انها محلات
شرايكم نروح نحوس فيها شوي قريبه تراها نروح مشي
فطوم : استخفيتي اككيد
اسوم: ولو شافنا احد اخاف انا
ساره: ليش انتوا كيذا افف مين بيشوفنا اهلي كلهم طالعين ووش يوديهم ه المحلات
دقيقتين ونرجع
( طبعاً تستغربون ليه ه التعقيد فيه سالفه زي كيذا لكنهم مو نفس اغلب الروايات اللي يتلاقون ف كوفي ومدري وش عايلتهم محافظه شوي ومايطلعون الا مع خواتهم او امهم )
===
بعد خمس دقايق من الاقناع وهم يمشون ف الشارع
ساره : هههئئ!
البنات: يممممه شصااار مين شفتي من اهلنا ؟؟؟
ساره : يالبى شووفو ذا ولد الجيران يجنن
فطوم : الله ياخذك اخذ عزيز مقتدر خرعتينا ع الفاضي
ساره : لا جد يافطيم شوفيه الصبح احلى واحلى يالبى ( طبعاً ماتحبه بس تستهبل خاقه عليه)
اسوم: هاه الحين نلف ولا وين ؟
ساره: ايه هينا
فطوم: هههههههههههههههههههههههههه شفيها ماريه ساكته ؟
ساره : شكلها قامطه لان من جد لو يشوفها واحد من اخوانها بيذبحها عمي محمد
( في محل ابو ريالين)
ساره: بكم ذا؟
البايع: ب15
ساره بصوت عالي: الحين موب محلكم اسمه ابو ريالين وشو له ب15؟
( البنات يسوون نفسهم مايعرفونها)
ساره وهي تشهق: هههئيئ!! بنات شوفو ذا الدفتر بثلاثين والله سعر وجبة تشيكن هالوبينو
الا جد شرايكم نرجع قبل يجي المطعم
بنات بنات
( تلتفت وتشوف مافيه ب المحل الا هي والبايع اللي يطالعها بنظرات شك انها مجنونه)
والبنات طلعوا من الفشيله
=======================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-12-2013, 01:56 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: روايتي الاولى:ياحلو الايام لو ترجع/بقلمي


=======================
في بيت ابو فيصل
( على العشى)
ام فيصل: ااه والله ودي بروحه للحرم
زياد: ايييييه اماانه امااانه يبى
عبد الله: وش ه الحماس؟ وبعدين وش تسوي بمكه؟
زياد: اول شي باخذ لي عمره
عمر وهو ماسك الضحكه: ايوه؟
زياد: وبعدها با اطوف وبعدين بشتري هدايا
فيصل وهو يتحمّد: على اساس العمره شي والطواف شي ، ولا بعد متحمس لفقرة الهدايا ، لمين تشتري ياحظي؟
ابو فيصل: الحين اجازه نص الفصلين متى؟
ام فيصل وهي تحسب: اممم بعد شهرين تقريباً
ابو فيصل : خلاص ان شاء الله نحجز فيها على مكه
=============================
في بيت ابو عبد العزيز
عبد العزيز: هههههههههههههههههههههههه ايوه السماجه اقصد النكته اللي بعدها؟
ساره وهي تضحك: يقول لك فيه نمله تمشي ليه؟
عبد العزيز : ليه؟
ساره ووجها احمر من الضحك: اهههه هههههههههههههههههههه اه جوعانه تدور اكل
عبد العزيز وهو يحذف عليها المخده ويقوم: لا عاد ه النكته زي وجهك وواضح انها من تأليفك
محمد وهو يدخل: عليهم وش السالفه ؟؟
عبد العزيز: ابد ياخوي بس انصحك ماتجلس
ساره وهي تنسدح: اااه يادنيا توك ميت ضحك على خفّة دمي وش اللي غيرك
( وحست انها منسدحه على شي مبلل)
وتشم وتصرخ
ساره : ااااااااااااااااااااا لاااااااه اهىئ
ام عبد العزيز : شففييك ياخبله؟؟؟
ساره: انسدحت ع الكنبه اللي بالت فيها ولاء
ام عبد العزيز وهي معصبه: ماتشوفين يعني مبلوله !!
ساره: بعد تهاوشيني يمه هاوشي بنتك اللي مابقى الا تنقّع المطبخ :(
محمد: يمه خلود بتجي بكره؟
ام عبد العزيز : ايه
===========================
اليوم اللي بعده ( مكالمة جوال)
فطوم: اقول لك اليوم البازار اخر يوم امانه خلينا نروح انا وانتي واسوم وماريه
ساره: والله تحمست خلاص كلميهم
راحت ساره وفتحت دولاب الملابس
طلّعت لها فستان اسود قصير مع اكسسوارات ذهبيه ناعمه
وحطت لها كحله فرنسيه وروج عنابي وبرونز
وطلعت الصاله تدور جزمتها
ام عبد العزيز : خييير خيير ؟ لايكون زهقانه و متكشخه ؟
ساره بتحطيم : حرام عليك يمه ه السوالف بطلتها من يوم ايام المتوسط
ام عبد العزيز وهي تضحك : اجل ليه متكشخه ؟
ساره وهي شاقه البسمه: بروح البازار مع بنات عمي
ام عبد العزيز وهي تبتسم نفس ابتسامة ساره وبطنازه: ومين عطاك الموافقه؟
ساره وهي مفتحه عينها: يمه يهون عليك تشوفيني متكشخه كيذا وتهونين ؟
ام عبد العزيز : روحي روحي وانتبهي لنفسك وماعليك من البنات اللي عليهم حركات نص كم
( صاير لساره مواقف وهي ب المتوسط مع البويات) عشان كيذا امها تحذرها
ساره: ان شاء الله يا بعد قلبي يا حصوصقلب أسود (ورق اللعب)

=====================
في السياره ( مع السواق)
ساره: الحين انتوا تدلون وينه ؟ ترا مالي دخل ما ادل
اسوم: ولا انا ولا ماريه
فطوم : اااا امم انا ادل
ساره بنص عين : اشك والله ايوه الحين وين نروح؟
فطوم : سيده سيددده وبعدين اذكر انه فيه لفه يمين يلفها
السواق: وين روه؟
فطوم: يووه وين كان فيه لفه يمين اذكر غريبه
( السيارات يضربون هرن وراهم)
ساره: انا ما ادري شلون صدقت انك تدلين اوك خورشيد روح سيده
( اخرتها اتصلت فطوم على اخوها يوصف للسواق)
* في البازار * ( اللي مو فاهم وشو البازار هو نفس الملتقى النسائي يكون فيه اركان بيع ركن اكل ركن اكسسورارات ركن شنط ركن تصوير وكيذا وغالباً يتسوى في المدارس بس ب الليل)
ساره وهي تفصخ عباتها: الله ياخذك يافطوم طول الطريق سيده سيده واخرتها اختفت اللفه ع قولتك يعني الشارع يتحرك؟
ماريا: الحمد الله ع السلامه بس وفكونا خل نستانس
اسوم: هههههههههههههههه الا ماشفتوا ذيك البويه السمرا اللي يم الباب؟
ساره: والله ماشفت شي سيده ع الحمامات انا
فطوم : هههههههههههههه لا تقولين اللي كانت تطالع ف ساروه ؟
ساره: لااا تكفوون لا تجيبون ه السيره قدام امي لا تحرم علي اروح بازار
امشو اشم ريحة ذره تجيب الراس :(
فطوم: طبعاً ساره على طول ع الاكل
ساره : بنااات واااه شوفو ركن التصوير يصوروننا صوره جماعيه ذكرى لها اليوم
اسوم: لاااه انا اعتفس شكلي من الطريق
ساره: ههههههههههههههههههههههه ااه يابطني احس لو بشوف الصوره بعدين ماراح اتذكر الا فطوم ف الطريق وهي تقول سيده سيده :(
ماريه: امشو بس نصوّر
ساره وهي تسال اللي تصور : بكم الصوره؟
الحرمه: الصوره ب40
ساره: الله شدعوه كان يمديني بها الاربعين اشتري ثمانيه ذره !!
( وطبعاً جت ساره ثلاث فرصات اليمه )
الحرمه تطالع وفيها الضحكه: هاه بتصورين ؟
ساره : بنصور صوره جماعيّه
الحرمه: يلا
* كانت صوره عفويه مرره لانهم كانو كل ماجت بتصور يضحكون مو قادرين والمصوره عصبت وطبعت لهم الصوره وهم يضحكون*
( نسخو من الصوره اربع نسخ وكل وحده خذت نسخه )
اسوم: يع بنات طالعه سمينه انا ب الصوره :(
فطوم: ههههههههههههه على اساس انك رشيقه !
ساره: بنات شرايكم نروح عند الاكل
البنات: انتي وين يروح الاكل اللي تاكلينه؟
ساره وهي تحرّك حواجبها : والله في اللي انتوا خابرين
=======================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-12-2013, 01:57 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: روايتي الاولى:ياحلو الايام لو ترجع/بقلمي


=======================
في بيت ابو فيصل
ام فيصل بعصبيه: عبد الله وش ذا وش ه الغرفه مو معقول الشغاله مو قادره تلحق تنظفها
عبد الله: شدعوه يمه خلها لا تنظفها الا كل اسبوع
عمر وهويضحك: والله من الوصاخه
فيصل وهو يدخل الصاله : وشو اللي من الوصاخه
عبد الله : وانت بس هذا حالك تجي على اخر السوالف وتبي نعيد ؟
ام فيصل : المهم ياعبد الله خلك نظيف ياولدي الكفار وهم كفار نظيفين شلون احنا ي المسلمين
زياد وهو مبتسم: المفروض نصير انظف منهم
عبد الله : انت كل زق
عمر : لاغرفه نظيفه ولا لسان نظيف
فيصل : هههههههههههههههههه حلوه حلوه كففك
عمر ب استهبال: اسحب ملفك :(
زياد عجبته: ههههههههههههههههههههههه
عبد الله : هه زياده السخيف عجبته كفك اسحب ملفك :(
عمر : تكفى زياد لا تسويها لاحد يقطعون علاقتهم فيك
ابو فيصل وهو نازل من الدرج : يلا ياعيال
فيصل: وشو؟
عبد الله : ههههههههه شكلك مع الشغل ناسي فقرة الغدا
ابو فيصل: الله يهديك ياولدي ريّح نفسك شكل الشغل عامل عمايله
ام فيصل: الحين لارحنا المكه ان شاء الله في اجازة النصفين وين نحط سانيت ؟ > الخدامه
ابو فيصل: نوديها معنا ناخذ اجر عمرتها ان شاء الله
عمر: يازياد لاتجي معنا مكه
زياد وهو معصب: لييه؟
ععمر : لان هيناك يخطفونك التكارنه ويقطعون يدك
ام فيصل بعصبيه: عمر الله يهديك وش ه الكلام لا تخوف اخوك
ابو فيصل وهو يضحك : يمزح مع اخوه خليه
عبد الله : لا مايمزح معاك يازياد يخلونك تطر معاهم
بس لاتخاف اذا صار لك كيذا بعطيك مية ريال مو عشره
====================
يوم الخميس
في مدرسة ساره ، الحصّه الرابعه
ساره وهي زهقانه : الحصّه تجيب الالم
منيره: وش نسوي يعني
ساره: شوفي عايشه الحماره الحين قبل ماتطلع الابله بتقول لها وشو الواجب :(
( دخلت المراقبه )
المراقبه: ساره الـ*** خذي شنطتك وعبايتك واطلعي استئذان
ساره وهي تشهق: منيره شصاير ب الدنيا مستئذنين لي
منيره : الله ياخذك وش اسوي بروحي الحين
ساره وهي تدخل اغراضها وتضحك : اجلسي مع زهراء المصريه ولا الغثيثه اللي خبري خبرك
منيره وهي بتصيح : سخيفه روحي بس روحي
( ب السياره)
ساره : هااي دادي وش صاير ب الدنيا مستئذنين ولا كل البيت ف السياره وتطل ورا وش ه الشنط اللي ورا؟ وابوي بعد جاي ياخذنا اووه وش السالفه
ام عبد العزيز: الله يهديك ياساره ريحي لسانك شوي
ساره: طيب اشبعوا فضولي
ابو عبد العزيز وهو يضحك : رايحين البحر مع عمامك
ساره : ههههههههههههههه وااااااو يبا اي لوف يوكم وش ه الفكره الحلوه
الا جد وش فيهم الاخوات نايمات ووين عبد العزيز ومحمد ؟
ابو عبد العزيز : رايحين مع عيال عمهم في سياره وحده
ساره : تلقى الحين عبد العزيز مططنققر اعرفه اخلاقه الصبح قافله خل اتصل عليه استهبل
ام عبد العزيز : عقلي بلا حركاتك جمبه عيال عمه ماله داعي
ساره وهي حاطه الجوال باذنها: شدعوه عاد اكلمه جوال انا
عبد العزيز : نعم
ساره: هلا والله
عبد العزيز : نعم
ساره : هذا بيت ال*****
عبد العزيز وهو عارفها: لا و بلا استهبال
ساره: طيب وش رايك ب المثل اللي يقول
قاطعها عبد العزيز : ساره شرايك تسكرين لاني متكيسل اسكر حتى
(التفت احمد بسرعه اول ماسمع اسمها وهو فرحان)
احمد ولد عمهم وهو يحب ساره
احمد يتميلح: احم عبد العزيز سلامات معصب من تكلّم؟
ساره وهي ع السماعه تسمعه : عزوز من ه الملقوف؟ قل له مالك دخل
عبد العزيز : انتي اللي شدخلك يلا شوفي لك شي تتسلين فيه غيري وسكر ف وجهها
احمد وهو مبتسم : ساره؟ لازالت خبله
عبد العزيز : وانت وش عرفك انها خبله؟
احمد: شدعوه عاد لو اني ما اصير لها بعرف !
عبد العزيز وهو يضحك : اعقل ولا تطري محارمنا على لسانك
احمد وهو مبتسم وفي قلبه: يازين سارتي
======================

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-12-2013, 02:01 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: رويتي الاولى:ياحلو الايام لو ترجع/بقلمي


ابي اشوف ولو رد واحد يحمّسني اكمّل :(

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-01-2014, 07:26 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: رويتي الاولى:ياحلو الايام لو ترجع/بقلمي


وينكم ياعالم :(

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-02-2018, 10:45 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رويتي الاولى:ياحلو الايام لو ترجع/بقلمي


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

رويتي الاولى:ياحلو الايام لو ترجع

الوسوم
الايام , الاولى:ياحلو , ترجع/بقلمي , رؤيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مهما تفرقنا الايام تجمعنا / بقلمي؛كاملة tota A ash روايات كامله - يتم نقل الرواية هنا بعد اكتمالها 2022 27-01-2019 01:47 PM
جتنا صواديف الايام نوير العطوي خواطر - نثر - عذب الكلام 2 23-01-2018 12:23 PM
وهل لي بعودت الايام وعودتك !! حمامه حزينه خواطر - نثر - عذب الكلام 9 27-07-2015 02:15 PM
برنامج جوال (Android Cleaner) لتسريع وتحسين الاداء وحذف الملفات الضارة Mileys ايفون - iPhone - اندرويد - Android - IOS 4 07-03-2015 02:09 PM

الساعة الآن +3: 06:58 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1