غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-12-2013, 06:49 PM
شعاع المطيري شعاع المطيري غير متصل
©؛°¨غرامي جديد¨°؛©
 
B10 رواية تكفين ضميني وداوي قلبي المجروح


السلاآاآام عليكم اليوم جبت لكم رواية من تأليف صديقتي وحبيت تشوفوها وتعطوني رايكم بصراحه هي كاتبه موهوبه بس تحتاج الدعم والتشجيع منكم واي تقييم منكم راح تتقبله بصدر رحب ورجاءءءءء خاص اللي راح يشتم ويتعدى حدود لا يقراء الروايه من البدايه والي ما راح تعجبوه يطلع من الموضوع بهدوء وشكرا :-)
وتمنياتي انها من كل قلبي تعجبكم
اليكم اول بارت








رواية : تكفين ضميني وداوي قلبي المجروح
الكاتبه:ابرار البديري. ★







البارت 1










في المزرعه:
وقفت عند باب المطبخ اللي يطل عالحديقه ونزلت طرحتها على كتوفها وهي رافعه راسها للسماء وتقول بصوت عالي :بناااااااااااااات تعالوا مطر


في جهة اخرى بنفس المكان
وقف يتأملها وهي تلعب بالمطر وتذكر كلام جده قبل شوي :شوق بنت عمك وإذا ما اخذتها قلبي ماراح يرضى عنك يا فهد..تنهد وهو يقول بخاطره:صدق البنت مافيها شي ينعاب بس انا ما اقدر اتزوج بعد هند الله يرحمها.

فهد وعينه بالارض:احم..انتبهت له وتغطت بسرعه
مشى متجه لها بيدخل من باب المطبخ بس شافها للحين واقفخ وتناظر فيه
فهد:بدخل !!
شوق:هاه ! ايه تفضل وبعدت عن الباب
دخل ولما وصل لنص المطبخ لف يناظر فيها ولا شعوريا ابتسم وهو يشوفها تلعب تحت المطر ومستانسه.
فهد:ادخلي الجو بارد لا تمرضين
شوق بدون ما تلتفت له :ادخل انت مالك شغل فيني
فهد انقهر:ايه احسن خليك ان شاء الله تموتين ونفتك منك ومشى وتركها اما هي ما اهتمت لكلامه الجارح لأنها تعودت عليه.











في مكان اخر..مستشفى الطب النفسي.
طلع من مكتبه ومشى بأسياب المستشفى بهيبته المعتاده وهو يفكر بالمريضه اللي صارلها اسبوع من جت وهي مو راضيه تتكلم وتقوله وش قصتها..وصل لغرفتها
د.ريان ببتسامه:السلام عليكم
........ ناظرت فيه بحقد وماردت عليه كالعاده.
ريان:كيفك اليوم ان شاء الله احسن
........نزلت من السرير وقربت منه وقالت وعينها بعينه:كنت بخير !
ريان تنرفز من اسلوبها:جنى وبعدين معك
جنى بصراخ:انت اللي وبعدين معك ماعندك اهل تروح لهم اربع وعشرين ساعه جاي عندي.
ريان وهو يحاول يمسك اعصابه:انا ابي اساعدك
جنى:وانا ما طلبت مساعدتك اطلع برا
دخلت الممرضه " روز ":السلام عليكم
جنى بعصبيه:روز تعالي طلعي الغبي هذا من غرفتي..ولفت متجهه لسريرها بس مسكها مع ذراعها بقوه ولفها له وصرخ:شوفي اسلوبك الزفت هذا ما ينفع معي وان ما غيرتيه يمين بالله لأدفنك هنا ساااامعه ودفها وطلع.
جنى طاحت عالارض وهي ترجف من الخوف صراخه ذكرها بأشياء ماتبي تذكرها.
روز قربت منها وتحاول تهديها:جنى حبيبتي اهدي دكتور ريان ما يقصد
جنى وعينها على باب الغرفه همست:هو بعد يبي يقتلني !!
روز:منهو ؟؟ قصدك الدكتور ريان
جنى لفت لروز:اطلعي برا
روز:جنى لات....
جني قاطعتها بصراخ:قلت لك اطلعي برا
روز:خلاص ي عمري بطلع بس انتي اهدي.. وطلعت وتركتها

طق طق
ريان:تفضل
روز دخلت وجلست:دكتور
ريان:هلا
روز تنهدت:ما كان لازم تسوي اللي سويته
ريان:شسوي هالبنت بالذات من اشوفها ما عاد اقدر اتحكم بأعصابي كل شي فيها ينرفزني غصب.
روز:بس لازم تتحمل شوي مايصير كذا
ريان:اول مره تمر علي حاله زي حالتها ..احس اني مب فاهم شي المرضى اللي قبلها افهمهم من عيونهم بس هذي مادري ليه مو فاهمها.
روز:الله يعين والله هالبنت مسكينه تدري وش تقولي قبل شوي
ريان:وش تقول ؟
روز:تقول انك تبي تقتلها..شكلها خافت منك كثير.
ريان:معك رقم احد من اهلها
روز:ايه الحرمه اللي جابتها عطتني رقم ابوها
ريان:اي حرمه؟
روز:هذي وحده من جارات جنى شافتها طايحه عند باب بيتهم وجابتها هنا وعطتني رقم ابوها
ريان:خلاص دقي عليه وخليه بكره يجي ضروري..ووقف وهو ينزل البالطو الابيض :انا لازم امشي الحين.





















في المزرعه..الساعه 9 فالليل كانوا كلهم مجتمعين في بيت الشعر.
مرام:جدي قوم ارقص
عهد وهي تضحك:اي والله جدي قوم ارقص شوي خلنا نضحك
الجده:وجع يا بنت استحي
عهد:يوووووووه جده وشفيك ترا ما حنا صاكينه عين لا تخافين
الكل:هههههههههههههههههههههههههههههههههههه
وليد:تدرون عاد ان اليوم ذكرى زواج جدي وجدتي
عهد:امممممااااا ؟!!!

بشاير بضحكه:وانا اقول جدتي وش عندها كاشخه اليوم
عهد ووليد ومرام:ههههههههههههههههههههههههههههههه
مشعل بضحكه:شوق شغلي المسجل عندك خل الحبايب يرقصون
شوق:هههههههههههههههههه طيب وشغلت المسجل وكانت اغنية "تمر سنين وانت الحب "
الشباب والبنات اول ماسمعوا كلمات الاغنيه:اووووووووووووووووووووووووه
عهد ومحمد ومرام ووليد ومشعل يغنون مع الاغنية بصوت واحد:تمر سنين وانت الحب عسى الله لا يفرقنا حبيبي م..............ماقدروا يكملون وانفجروا ضحك على شكل جدتهم اللي عصبت.
الجده:اقلعي اليهودي اللي يغني اقلعيييه.
شوق طفت المسجل وهي تضحك
مرام:لبى الخدود صاروا حمر كل ذا حيا
الكل:ههههههههههههههههههههههههه
عهد:لو انا مكانك يا جده كان اروح البس فستان عرسي واكشخ.
وليد:اي فستان عرس يرحم امك على ايامهم ما فيه فساتين قميص مشجر ويخب عليهم هههههههههه
عهد:من جد هههههههههههههههههههههههههه
الجده تنهدت وهي تتذكر ايام البدو قبل:ايييييه على ايامنا نتزوج واحنا صغار مانعرف شي.
شوق بعفويه:ليتني كنت عايشه معكم بذاك الوقت احس احلى من الحين
فهد:ليه يعني عشان تتزوجين بدري
الكل ماعدا شوق:هههههههههههههههههههههههههههه
شوق حمرت خدودها ونزلت راسها
............:السلام عليكم
الكل:وعليكم السلام
الجده:ياوليدي علامك تأخرت
ريان تنهد:ابد والله يالغاليه بس كان عندي شوية شغل
الجده:الله يعطيك العافيه..يلا يا بنات قوموا حطوا العشاء











بعد العشاء
كانت واقفه عند كلب الحراسه وتتكلم معه:اتحداك تلحقني يا كلب .. يلا اشوف الحقني..ماتقدر ماتقد ومدت لسانها له ورمت عليه علبة الببسي اول ما شافته يطلع لسانه ويتحرك حطت رجلها وهي تصارخ.



طراااااااااااااااااااااااااااخ
طاحت عالارض ورفعت راسها تشوف الشي اللي صقعت فيه :محمد !!!!
محمد وهو يصد عنها :وش فيك تصارخين ؟!! وليش طالعه بدون طرحه ؟! ما تستحين انتي ؟؟
عهد شوي وتبكي:انا.....
محمد:خلاص ادخلي لحد يشوفك
عهد بخاطرها:يغار علي ؟؟ ايه اكيد لو ما يغار ما قالي هالكلام الحمدلله يارب انه طلع يبادلني نفس الشعور الحمدلله..وراحت تركض لداخل قبل لا يشوفها احد.
رفع راسه وشافها تركض وتدخل قسم الحريم:خبله هالبنت .











في مجلس الرجال..ما كان فيه الا فهد وجده
الجد:فكرت بالموضوع
فهد:يا جدي الله يهديك انا قايلك هالموضوع بالذات مابيك تفاتحني فيه مره ثانيه.
الجد:يعني زعلي عادي عندك
فهد:لا والله يالغالي بس انت عارف ما اقدر اتزوج بعد وفاة زوجتي الله يرحمها
الجد:زوجتك الله يرحمها ويغفرلها لا توقف حياتك عشانها تزوج وخلنا نشوف عيالك
فهد:.........
الجد:قلت لك ان ما وافقت لا اعرفك ولا تعرفني عاد انت كيفك
ناظر في جده شوي بعدها تنهد:طيب موافق بس على شرط مابي الزواج الا بعد سنتين
الجد:ايه احسن بعد عشان يمديها تخلص من الجامعه
دخل ابو فهد:السلام عليكم
الجد وهو طاير من الفرحه:ابشرك يابو فهد ولد قرر يتزوج شوق بنت عمه
ابو فهد وهو يجلس:ما شاء الله عالبركه والله منت سهل يابوي عرفت كيف تقنعه.





















اشرقت الشمس لتعلن بداية يوم جديد وخيوطها الذهبيه تمتد في السماء الصافيه.





















" يوم السبت " الكل رجعوا لبيوتهم.
في بيت ابو فهد
ترررررررن تررررررن
ام فهد:مروم حبيبتي ردي عالتليفون
مرام بملل :طيب .. وردت:الو
اول ما سمع صوتها ابتسم:صباح الخير
مرام:صباح النور..مين؟
.......تحطم:افا بس ماعرفتيني ؟!
مرام:اممممم ايييييييييه عمي ريااااان
.........ارتبك:هاه؟؟ايه ايه اخبارك ياروح عمك انتي
مرام:بخير الحمدلله انت اخبارك
......:بخير دامك بخير ي قلبي
مرام بضحكه:الله الله وش هالكلام الزين اكيد تبي شي ؟
........:لا والله حبيبتي مابي شي بس بغيت أسألك محمد موجود ؟
مرام:ايه موجود تبي اناديه لك ؟
.......:لالا بس خليه يرد على جواله
مرام:اوكي
........:يلا حبيبي تبين شي
مرام بضحكه:سلامتك.

ممداها تسكر التليفون الا ودق مره ثانيه
مرام:الو
......:هلا مرام صباح الخير
مرام:ياررررربي ريانوه لا تستهبل توك داق وش تبي بعد ؟
ريان بصدمه:متى دقيت عليك يالنصابه؟
مرام:قبل شوي !
ريان:انا !!؟
مرام:ايه انت ؟؟!
ريان:قسم ما دقيت عليك
مرام خافت:لا تستهبل عاد.
ريان:والله ما دقيت عليك يا بنت المهم ابوك موجود ؟
مرام:ياخي قسم بالله انت نصاب تبي تخوفني.
ريان عصب :قلت لك مو انا عطيني اخوي اخلصي علي.
مرام:ابوي نايم.
ريان:طيب اذا صحى خليه يكلمني ضروري.. وسكر بوجها.
مرام:الحيوان سكر بوجهي ؟؟؟؟!!!




















بعد مرور اسبوع تمت خطبة شوق وفهد على خير والكل فرح لهم..واتفقوا ان الملكه والزواج بعد سنتين.







عطوني رايكم xd <3  

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-12-2013, 11:03 PM
نووجةو نووجةو غير متصل
©؛°¨غرامي فعال ¨°؛©
 
الافتراضي رد: رواية تكفين ضميني وداوي قلبي المجروح


بداية موفقة ومشوقة بانتظار التكملة والبارت الجديد على نار ﻻتتاخرى علينا يا قمر بليييييز .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-01-2014, 07:53 PM
شعاع المطيري شعاع المطيري غير متصل
©؛°¨غرامي جديد¨°؛©
 
B10 رد: رواية تكفين ضميني وداوي قلبي المجروح


قبل مانبدأ بالبارت الثاني بعرفكم بالشخصيات.



الجد: فهد
الجده: حصه رزقهم الله باربع عيال ( علي - فيصل - خالد - ريان ).
علي:زوجته منيره ( عيالهم )
فهد:29 سنه يشتغل بشركة العايله..تزوج هند وتوفت بعد زواجهم بسنتين .
محمد:23 سنه..اخر سنه بالجامعه " ادارة اعمال "
بشاير : 22 سنه .. اخر سنه بالجامعه " طب "
مرام :19 سنه اول جامعه " علم نفس "



خالد:زوجته وفاء ( عيالهم )
وليد:24 سنه يشتغل بشركة العايله
مشعل:23 سنه اخر سنه بالجامعه " ادارة اعمال "


فيصل:طليقته عبير وعنده منها بنتين ساكنين مع ابوهم وخميس وجمعه يروحون عند امهم.
شوق:22سنه اخر سنه بالجامعه " طب " صديقة بشاير الروح بالروح
عهد:18 سنه ثالث ثانوي




ريان:30 سنه دكتور نفسي.



















البارت الثاني ×.










مستشفى الطب النفسي......
ريان:صباح الخير
اول ما شافته كشرت ولفت للجهه الثانيه:اي خير يجي من ورا شوفتك
ريان بخاطره"يارب ألهمني الصبر ولا تخليني اتهور واذبحها ":فيه شخص حاب يشوفك
جنى لفت له بسرعه:مين ؟؟
ريان وهو يناظر بالباب:تفضل
دخل بهدؤء وابتسم بخبث وهو يشوفها قاعده عالسرير وواضح انها منصدمه بشوفته..قرب منها وهي للحين ماتحركت
.........ضمها وهو يهمس بأذنها:والله لأقتلك مثل ما قتلتيها يالمجنونه.
جنى دفته بقوه ونزلت من السرير وهي تصارخ:انا ماقتلتها ماقتلتها
...........:جنى يا بنتي وشفيك
ريان:مـ......سكت وهو شوي وينجلط لما رمت نفسها بحضنه وقعدت تبكي فجأه تسارعت دقات قلبه وماعرف وش يسوي.
ريان وهو ماسك كتوفها ويحاول يبعدها عنه:خلاص ابعدي
جنى وهي تصيح ومتمسكه فيه:مابي خله يروح هو يبي يقتلني خله يروح
ابو جنى عصب:دام انت دكتور بنتي عز الله تعالجت.
ريان انقهر:واضح انك مخوفها ولا كان ماسوت كذا
ابو جنى:هذي مجنونه ما ينشره عليها بس انت يا محترم اشوفك مبسوط على حركاتها..عموما انا رايح وطلع
ريان:لحظه لحظه..جنى ابعدي عني بروح اكلمه قبل لا يروح
رفعت راسها وناظرت فيه ببراءه :بيقتلك ترا لا تروح له.
ريان عصب عالاخر وصرخ وهو يدفها بقوه:ابععععدي الله ياخذك..وطلع بسرعه يتلفت يدور ابوها بس مالقاه
ريان تنرفز:الله ياخذك انتي وابوك.. وراح لمكتبه.






















يوم الخميس..
وقفت والشر يتطاير من عيونها:نععععععععم !!!!! وليكون وافقتي ؟!
شوق بخوف وتردد:ا ا ايه وافقت.
ام شوق جن جنونها:وليه ما أخذتي رأيي بالأول ؟؟ ولا رأيي ماعاد يهمك
شوق:لا والله يمه يهمني بس ابوي طلب مني ما اقولك لين تتم الخطبه.
ام شوق:ايه طبعا مايبيك تقولين لي لانه يدري اني ماراح اوافق ازوجك لولد اخوه الصايع..بس انا اعلمك امشي معي وسحبتها من شعرها للمطبخ واخذت سكين وحطتها عالنار لين صارت حمراء.
شوق تبكي:يمه وش بتسوين حرام عليك
عهد نزلت دموعها وهي تشوف امها تحط السكين على فخذ شوق وما وعت الا على صراخها.
عهد بدموع:انتي ايش !! ما فيك ذرة رحمه ؟!! ترا حنا بناتك ما حنا من الشارع عشان تسوين فينا كذا.
ام شوق قربت من عهد:جد والله انتم بناتي ؟؟؟! وعطتها كف بأقوى ما عندها :ليتني مت ولا جبتكم..ولف لشوق وضحكة بسخريه:والحين بشوف ولد علي كيف بياخذك وانتي مشوهه..المهم اسمعي انتي وياها انا بطلع واذا رجعت مابي اشوفكم وراحت وتركتهم فالشقه لحالهم
عهد ركضت لاختها وحضنتها وقعدت تبكي معها:اوجعتك ؟؟!! جعل ايديها الكسر
شوق:لا عهد لا تدعين عليها هذي مهما كان امنا الله يسامحها
عهد صرخت:الله لا يسامحها هذي مو ام هذي ابليس نسيتي وش سوت فيك.
شوق:ما عليه المهم مابي احد يدري عن اللي صار وان دريت انك قايله لاحد بزعل منك..يلا امشي نرجع بيت ابوي.
عهد وهي تسند شوق:يلا حبيبتي قومي.



























في بيت ابو فهد في الصاله قاعدين ام فهد وبشاير ومرام فجأه اندق الجرس.
ام فهد:كنددااااا يا كندددااااا
كندا:نعم مدام
ام فهد:افتحي الباب
كندا:حاضر مدام وراحت تفتح الباب دخلت بكل عصبيه وهي تصارخ
............:وينه ولدكم وينه الصاااااايع
ام فهد وبناتها وقفوا منصدمين.
ام فهد:خير ان شاء الله داخله علينا وشياطينك معك
ام شوق:شياطين تلبسك انتي وعيالك الصايعيين
بشاير عصبت:هيه انتي احترمي نفسك
ام شوق:اسمعوا عاد علمن يوصلكم ويتعداكم بنتي ان ما بعدتوا عنها لايصير لكم شي مايسركم.
............:وش بتسوين يعني ؟
ام شوق لفت لمصدر الصوت: برفع عليكم قضيه وبقول مزوجين بنتي غصب عنها.
فهد ابتسم:طيب واللي يقولك اني الليله بملك عليها غصبن عنك وعن اللي جابوك.
ام شوق ارتفع ضغطها:والله ما اخليكم تتهنون بس هين اصبروا علي.
مرام:يلا بس يلا اعلى ما بخيلك اركبيه.
ام شوق طلعت وجنون الدنيا كلها فوق راسها.

فهد وهو يقعد:ياخي هالحرمه مريضه الله يشفيها بس
مرام:جد مريضه
ام فهد قعدت:انت صدق بتملك عليها الليله ولاىقلت كذا بس عشان تغيض امها.
فهد تنهد:لا يمه بملك الليله خلي هالمريضه تموت بحرتها
بشاير بصدمه:من جدك ؟؟ وشو لا ما يمدي والله خلها بعد اسبوع عالأقل بعدين شوق ماجهزت شي للحين.
فهد:مب لازم تجهز نفسها..الليله بنملك وبكره بنسافر النمسا لان عندي شغل هناك واذا رجعنا نسوي عرس.
مرام:لا فهود الله يخليك نبي نفرح فيكم ياخي.
فهد:قلت لكم اذا رجعنا من السفر نسوي عرس خلاص عاد لاتزعجوني..انتبه لأمه اللي ساكته وسرحانه:الغاليه شفيها سرحانه.
ام فهد تنهدت:والله ياولدي خايفه
فهد:افا بس وش خايفه منه
ام فهد:اخاف ام شوق تسبب لكم مشاكل لها اول مالها تالي.
فهد:الله يهديك يمه انتي عارفه امها ماعندها الا الكلام لا تخافين بس.
محمد دخل:سلاام
الكل:وعليكم السلام
مرام:جهز نفسك اخوك بيعرس الليله
محمد:فارقي بس انتي وراسك ذا
مرام:الشرهه على اللي يبشرك.
محمد ناظر فهد:جد والله فهيد بتعرس الليله.
فهد تنهد:ان شاء الله
محمد:اوف لهدرجه مستعجل
فهد بضحكه:شسوي ياخوك طفشنا من العزوبيه
محمد:ههههههههههههههههههه قم قم نروح للاستراحه بكلم الشباب بنسوي لك حفلة توديع العزوبيه.
فهد:يلا مشينا


























خلال ساعه وحده بس انتشر الخبر بين العايله وكلهم استعدوا للحفله اللي بتصير في بيت ابو فهد.






الساعه 2 ونص .. البنات كلهم بالمشغل




شوق شوي وتبكي:يارررربي وش ألبس الحين والله ما شريت شي.
بشاير:شواقه وش فيك قلنا لك ألبسي الفستان السكري اللي شريناه لزواج هنوف صديقتي والله يجنن.
مرام:يوووه عاد فهود لو يشوفك بالفستان ذاك بينجلط.
شوق استحت:........
الكوفيره:وين العروسه ؟
شوق حمرت خدودها:انا
الكوفيره ابتسمت:يلا حبيبتي تعالي اسوي لك الميك اب
شوق قعدت عالكرسي وهي تناظر نفسها بالمرايه غمضت عيونها وتذكرت لما كانوا صغار




فهد"11 سنه "
شوق"4 سنوات"



شوق:فهد فهد
فهد:نعم
شوق:سولي زي ابوي وريان
فهد:وش سوو ؟؟
شوق ببراءه:ابوي شال ريان ورفعه فوووووووق.
فهد:طيب تعالي وشالها وهو يقول:يوه ثقيله انتي
شوق:لا مب كذا ارفعني بعد
فهد حاول يرفعها بس طاحت من بين يدينه على راسها.






رجعت لواقعها ~
شوق:هههههههه
الكوفيره ضحكت على ضحكتها:بسم الله وشفيك
شوق:لا ابد بس تذكرت شي
الكوفيره ابتسمت:طيب غمضي عيونك
شوق تنهدت وغمضت عيونها وبخاطرها " معقوله رجع يحبني مثل قبل ؟؟ بلا غباء يعني لو ما يحبك ما جا واخطبك..بس وش اللي خلاه يقدم الزواج مو كان يبيه بعد سنتين ..يمكن ماقدر يصبر ويبيني معاه اليوم قبل بكره ...واخيرا بيتحقق حلمي وبيكون ملكي وبأعيش معه تحت سقف واحد..يارب انا بحلم ولا علم".


















الساعه 9 ونص..كانت قاعده عالكوشه ومعها جدتها وام فهد وام وليد ومرام وبشاير وعهد متغطيه عشان فهد بيدخل..دقات تسبق انفاسها حست انها بتموت من الحيا هذا وهو للحين ما دخل وشافها...بعد دقايق انفتح الباب ودخل فهد ومعه ابوه وابوها و الجد...لا شعوريا وقفت وعينها بالارض ..قرب منها وباس جبينها وهمس:مبروك
شوق بهمس:الله يبارك فيك.
بعد ما باركوا لهم الكل وتصوروا مع بعض طلعوا المعاريس للفندق اللي حاجزينه..قعدوا فالصاله
فهد:اخبارك
شوق:الحمدلله بخير
فهد:......
شوق:..........
شوق:وانت ؟
فهد تنهد:بخير
شوق لا شعوريا لفت تناظر فيه:......
فهد حس بنظراتها ولف لها:وش فيك تناظريني كذا ؟
شوق نزلت راسها:ولا شي
فهد حط يده على دقنها ورفع راسها:راسك ذا لو اشوفه نازل بكسره لك
شوق"هذا وش فيه ينافخ" : ان شاء الله.
فهد وهو ينزل شماغه:بكره بنسافر
شوق لفت له بسرعه:وين ؟
فهد:النمسا
شوق:اها
فهد بدون نفس:طبعا مب شهر عسل بس لأن عندي شغل هناك ويمكن نقعد اسبوعين ونرجع.
شوق:ليش تكلمني كذا ؟ وكأنك مجبور علي
فهد:هذا انتي قلتيها مجبور عليك..ولولا خاطر جدي ما اخذتك بس احمدي ربك
شوق انصدمت من كلامه:؟؟؟؟؟؟؟؟؟؟؟
فهد وقف بيدخل الغرفه بس جمد لما سمع كلامها وهي تصارخ..
شوق وقفت:انت اللي تحمد ربك اني وافقت عليك انا بنت ما ناقصني شي الحمدلله ومع هذا اخذت واحد ارمل............ما حست الا بأصابعه تنطبع على خدها من قوة الكف.
فهد بصراخ وهو يشد شعرها:انتي شكلك مثل امك واطيه وكلبه ومريضه بعد بس ما اكون فهد ولا علي ان ماربيتك. ودفها بقوه وطاحت عالارض منهاره وتبكي اما هو طلع من الفندق بكبره وركب سيارته ما يدري وين يروح.



















في بيت ابو فهد - كلهم مجتمعين بالصاله -
مرام كانت تسولف وتضحك مع البنات ولا درت عن الشخص اللي من قعد وهو بس يناظرها
ريان وهو يهمس لوليد:اقول يالحبيب اثقل شوي ترا اخوها بيقوم يدفنك الحين.
وليد:وش ؟؟ ليه ؟؟
ريان:وش هاه يعني على بالك محد منتبه لك
وليد يهمس لريان:احبها ياعمي احبها مب بيدي عيوني غصب تناظر فيها.
ريان :والله شكلها ما درت عنك بس اهجد
وليد لف لريان وتكلم بجديه:ايه تعال بسألك..بالله صوتي يشبه صوتك
ريان:لا تخسي وش جاب صوتي لصوتك
وليد:يا حيوان عاد من زين صوتك..بس ذاك اليوم كلمت ناس اول ما سمعوا صوتي قالوا انت ريان
ريان:لحظه لحظه كني اعرف هالناس .. وليدوه ليكون انت اللي مكلم مرام ذاك اليوم وقايلها انك انا.
وليد:لا اعوذ بالله وش هالكلام
ريان:اسمع عاد قسم ان ما تركت حركات المبزره ذي لأعلم ابوها.
وليد:حركات مبزره هاه عالاقل اشوى من اللي يتميلح عند وحده اصغر منه ب20 سنه.
ريان:ياحيوان من اللي قايلك هالكلام
وليد:مشعل و محمد
مشعل ومحمد سمعوا وليد وانفجروا ضحك والكل يناظر فيهم
ريان عطاهم نظره خلاهم يسكتون ولف لوليد:عاد انت مالقيت تصدق الا الحمير ذولا.
مشعل:اقول اسكت اسكت بس لا تخلينا نفضحك ترا وصلتنا اخبار خلنا ساكتين بس.
ريان بثقه:ما عندكم ما عند جدتي.





















يوم جديد مليئ بالأحداث.......
فتحت عيونها بتعب على اصوات العصافير اللي عند شباكها جلست وشافت الساعه خمس بالضبط اخذت لها شاور سريع وتوضت وصلت الفجر لبست فستان ابيض حرير ساده وفكت شعرها البني اللي يوصل لاخر ظهرها..حطت مرطب على شفايفها وتعطرت وطلعت للصاله وطلبت لها فطور..شوي ووصل الفطور حطته عالطاوله وبدت تفطر وهي تحاول ماتفكر فيه.
شوق بخاطرها:بس هو من امس ما جاء ياربي لا يكون صار فيه شي .. ياكل تبن وش علي منه انا ان شاء الله بستين داهيه..وكملت فطورها.
اما هو كان نايم بسيارته اللي واقفه عند البحر..صحى ونزل يتوضأ ويصلي الفجر قعد شوي قدام البحر يفكر كيف بيعيش مع وحده ما يحبها تنهد وركب سيارته ورجع للفندق.
خلصت من الفطور وحطته بالمطبخ وقعدت عند التلفزيون تبي اي شي يشغلها عشان ماتفكر فيه .
انتبهت لباب الجناح اللي انفتح اول ما شافته فز قلبها ووقفت:فهد !!!
فهد وهو يناظر فيها من فوق لتحت:جهزي الشنط بعد ساعه موعد طيارتنا ودخل الغرفه.
شوق وهي تضرب جبهتها بقهر:الله ياخذني انا ليه سويت كذا اول ما شفته الحين بيقول كانت خايفه علي وتفكر فيني ومدري وشو ياررررربي من غبائي.
















الساعه التاسعه صباحا..مستشفى الطب النفسي
ريان:ماودك تقولي لي وش سالفتك
جنى:وانت ما ودك تطلع برا
ريان:صدقيني انا ابي اساعدك قولي لي وش سالفتك ووعد مني الكلام اللي بتقولينه مايطلع لأحد بس بيني وبينك..قولي لاتخافين.
جنى:هه ادري لو بقولك مابتصدقني وبتقعد تعايرني بسالفتي مثلهم.
ريان:اوعدك اصدقك بكل شي تقولينه واوقف معك للنهايه بس انتي اوثقي فيني وماراح تندمين
جنى:خلاص بفكر بعدين اقولك
ريان بملل:اخذي راحتك
جنى:دكتور
ريان:هلا
جنى:عادي اطلب منك طلب
ريان:امري
جنى:امس شفت معك شي مربع ولونه اسود.
ريان باستغراب:مربع ولونه اسود ؟؟؟؟
جنى وهي تنزل من السرير وتوقف قدامه:لو سمحت اوقف
ريان وقف بملل:وش عندك ؟
جنى دخلت يدها في جيب البالطو الابيض وطلعت جواله:اقصد هذا
ريان ابتسم: طيب وش فيه ؟
جنى وهي تحضن الجوال ببراءه:ابيه خله معي
ريان:لا اسف ما اقدر اطلبي اي شي ثاني غيره
جنى قعدت عالسرير:الله يخليك والله ماراح اخربه بس بلعب فيه العاب.
ريان:ما فيه ألعاب
جنى:إلا
ريان:قلت لك ما فيه
جنى:إلا فيه
ريان:طيب هاتي اطلعها لك
جنى مدت له الجوال وهي طايره من الفرحه:بسرعه
ريان:لا عطيني كف بعد
جنى قربت منه ببراءه وباست خده بقوه:دكتوري لو سمحت طلع لي اللعبه.
لا شعوريا طاح الجوال من بين يدينه وهو يحاول يستوعب حركتها.
جنى نزلت للارض وهي تأخذ جوال:اشوى ما انكسر..غبي انت ليش ترميه عالأرض.
ريان اخذ جواله من بين يدينها وطلع بسرعه وهي قعدت تبكي وتسبه سب.





















انتهى البارت - .



تتوقعون وش التطورات اللي بتصير بين فهد وشوق؟؟؟؟؟؟؟؟
وريان الى متى بيتحمل حركات جنى الجريئه ومتى راح تكشف له كل اسرارها ؟؟؟؟؟؟؟؟
وليد تتوقعون مرام بتبادله نفس الشعور ولا بيكون حب من طرفه واحد ؟؟؟؟؟؟؟؟؟؟؟
ام شوق بتنفذ تهديدها ولا اللي قالته مجرد كلام ؟؟؟؟؟؟؟






ترقبوا البارت الثالث - بعد الاختبارات بأذن الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-01-2014, 07:26 PM
شعاع المطيري شعاع المطيري غير متصل
©؛°¨غرامي جديد¨°؛©
 
Upload7356c8664c رد: رواية تكفين ضميني وداوي قلبي المجروح


الرجاء من المشرفين على هذا القسم حذف الموضوع لعدم قدرة الكاتبه على اكمال الروايه بسبب ظروف خاصه بها وشكرا.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-01-2014, 08:26 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية تكفين ضميني وداوي قلبي المجروح


تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

رواية تكفين ضميني وداوي قلبي المجروح

الوسوم
ضحك ، وناسه ، حب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
قررت أموت بحبك ( العنود و خالد ) / بقلمي ، كاملة عنودة غرام روايات كامله - يتم نقل الرواية هنا بعد اكتمالها 1444 19-05-2011 03:07 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM

الساعة الآن +3: 07:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1