غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-01-2014, 05:12 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الخامس والعشرين**




في هالاثناء بدر وصل...
عبدالعزيز(ياخذ نفس عميق):تميم انت كنت تدري بشي؟
تميم(نزل عينه بالارض وعقب هز راسه بنعم)
عبدالعزيز:وشالي تعرفه؟؟..قولي ولي سلمك..
تميم:وليد قلبه كان يضعف يوم وراء يوم..قالي تميم خلنا نعتمر واعتمرنا..وعقب تعب جم يوم وديته المستشفى ورقدوه وكنا على اساس في الشاليهات علشان محد يدري..هذي كانت رغبته..ماكان يبي حد يدري بتعبه..وعقب ترجيته علشان نسافر ويتعالج برع..ورحنا..(هني بوعبدالعزيز وصل)..
بوعبدالعزيز:طمنوني..
سلطان:ليحين مثل ماهو..
عبدالعزيز:كمل ياتميم..
تميم:ولما سافرنا..سووا له فحوصات والدكتور قاله نفس الكلام القلب قاعد يضعف..والحل الوحيد قلب بديل..دورنا ماحصلنا..وليد اصر ان نرد البلاد بسرعة..كان خايف يصير فيه شي وهو بعيد عنكم..قالي ماابي شي الا اني اكون وسط هلي..
بوعبدالعزيز(دمعت عينه)
بدر..دمعت عينه..تميم سلطان..عندما تدمع عيون الرجال..
وعقب دقايق...يدخل بوعبدالعزيز علشان يشوف وليد..ماهي الا ثواني..الا ينسمع صوت توقف نبض القلب..الممرضات يتجمعون..وبوعبدالعزيز ماهو مصدق..يمسك يده باردة..وليد..ياوليد قوم انا ابوك ياوليد..الكل يدخل..والدكاترة يتجمعون حوله..والممرضات يطلعونهم برع....
عقب شوي...طلع الدكتور...والحزن في وجهه...
الدكتور:الله يرحمه..
هني كان الخبر صدمة بالنسبة لهم..ماتوقعوا ان فعلا وليد بيروح عنهم..عبدالعزيز ماتحمل..دخل..شافهم يشيلون عنه الاجهزة ويغطون راسه..ماتحمل بدى يبجي..ويبجي..
عبدالعزيز:وليد قوم..وليد..وليد تكفى لاتروح عنا..وليد..مااقدر اقولهم انك مت..مااقدر..قوم..
راح سلطان عنده ومسكاه..
سلطان:امش ياعبدالعزيز..
عبدالعزيز:وليد ياسلطان..وليد..
سلطان:ترحم عليه ياريال..امش..
بوعبدالعزيز راح بحضن بدر..اللي كانوا يبجون..من الصدمة...الناس اللي كانت موجودة كانت تطالعهم بنظرات غريبة..وكان فيهم رياييل راحوا لهم وحاولوا يذكرونهم بالله..وان يترحمون عليه..
التليفونات ترن..ومحد قادر يرد..أسماء اتصلت في عبدالعزيز كم مرة..لين مارد وهو يبجي..
عبدالعزيز:اسماء وليد راح..راح عنا يااسماء..
اسماء(قامت وراحت بعيد علشان محد يحس عليها ودمعت عيونها من سمعت صوت عبدالعزيز):الله يرحمه..هدي ياعبدالعزيز..
عبدالعزيز:مااقدر يااسماء ماأقدر..هذا وليد..انت اكثر وحدة تعرفين ايش يعني لي..
بوعبدالعزيز(بضيق وحزن):انا مااقدر اقولهم شي..
سلطان:انا بروح اخبرهم..
وفعلا سلطان راح بيت اخته..دق الجرس..ودخل...
ام عبدالعزيز(من شافت سلطان خافت قامت):وين وليد؟
سلطان(قرب منها):قولي إنا لله وإنا إليه راجعون..
ام عبدالعزيز(بصرخة قوية):لالالالالالالالالالالالالا...
سلطان(مسكها وقعدها)
وطبعا الكل تفاجأ بالخبر..وقعدوا يبجون...موزة ماتحملت الخبر..راحت فوق دخلت غرفتها وقعدت تبجي..
في بيت محمد..محمد يدخل البيت يحصل مريم لابسه وقربت صوب الباب..
مريم:ياللا محمد نمشي..ابي اروح اشوف وليد..
محمد(حده متضايق من الخبر مسك يدها):خلينا نقعد شوي..
مريم:ماكو وقت..ابي اروح اشوفه..
محمد:معليه بس نقعد شوي..
عقب ماقعدوا..
محمد:مريم احنا مسلمين ولازم نؤمن بقضاء الله وقدره..
مريم(وتبي تسمع الباقي):وبعدين؟
محمد:إنا لله وإنا إليه راجعون..وليد في ذمة الله..
مريم(ماصدقت..قعدت تناظر محمد خمس دقايق وهي تتذكر شريط ذكرياتها مع وليد فجأة قعدت تبجي)
محمد(خذاها بحضنه)
في بيت بوعبدالعزيز...
عبدالعزيز وتميم وبدر وبوعبدالعزيز يدخلون البيت وحالهم مايعلم به الا رب العالمين...والكل يقوم...بالدموع والصياح...
ام عبدالعزيز(رفعت راسها وشافت ريلها):وليد ياسعود..وليد..ولدي..حشاشة يوفي راح عني..
بوعبدالعزيز(قرب منها ودمعته على خده وقعد عندها):ترحمي عليه..مثواه الجنة ان شاء الله..
ام عبدالعزيز:وليد..وليد ماشبعت منك يايمه..ليش هديتني ورحت..تكفى ارجع لي..
سلطان:الله يرحمه..وادعي له..هو محتاج دعواتكم..
مريم دخلت البيت...وهي تبجي..وصرخت:وليييييييييييييييييييييييييييييييييد.. (قعدت على الارض وهي تبجي)..
راح لها تميم..وحضنها...ماقدرت تتحمل اكثر..وماهي مصدقة...هدت تميم وركضت بشكل ملحوظ والكل كان عينه على مريم..ركضت لين ماوصلت غرفته..
فتحت الباب وماحصلته..قعدت تصارخ من الالم والحزن على فراقه..
لحقها تميم..ومريم كانت في حالة غريبة..
مريم(تصارخ وتنادي بإسمه)



تميم(يمسكها علشان يطلعها من هالمكان لكن...)
مريم:هدوني..ابي اخوي..وينك ياولييييييد...
تميم(دموعه نزلت من شاف حال مريم وحاول ييودها علشان ماتدخل اكثر):امشي يامريم..
مريم:ماابي..(صرخت بصوت عالي)..وليييييييييييد..
تميم(قعد يقرأ في أذنها آية الكرسي وسور القصار لين ماهدت شوي وعقب حضنها وبجى معاها)
في بيت بويوسف...يوسف ينزل تحت..ويقعد مع هله..ومن حسن حضنه ان الكل قاعد..والحزن والضيق بوجهه..
ام يوسف:يمه اشفيك؟
يوسف:البقى براسكم..
الكل اندهش بكلمة يوسف..
بويوسف:في من؟؟
يوسف(رفع راسه وشافهم كلهم عيونهم عليه ينتظرون يسمعون الاسم):وليد ولد خالتي..
هني الصدمة كانت غير متوقعة..قمر بس سمعت الاسم حست انها جذبه..قامت وراحت غرفتها..ام يوسف دمعت عينها...
بويوسف:متى صار هالحجي؟
يوسف:من شوي..كان تعبان في المستشفى..وعقب توفى الله يرحمه..
بويوسف:قوم عيل خلنا نروح..
ام يوسف:وصلنا احنا بعد بيت اختي..
جواهر دخلت على قمر..كانت تصيح وهي على سريرها..قعدت جنبها وهي تمسح على شعرها وتبجي على ولد خالتها وعلى اختها....
قمر(ارفعت راسها):جواهر قولي لي ان الخبر جذب..قولي لي ان وليد حي مامات..تكفييييين..
جواهر(حضنتها وماهي قادرة تتكلم)
قمر:ليش هداني وراح..ليش؟؟؟؟؟
جواهر:قمر..قومي لبسي عباتج وخلنا نروح بيت خالتي..
قمر:ماابي..ماني رايحة مكان..




الرياييل يروحون علشان يغسلون الميت ويكفنونه...وعقب كل هذا..ودوا الميت فريجهم علشان يصلون عليه في المسجد..والناس لما سمعت بالخبر تجمعوا في هالمسجد علشان يصلون عليه..عقب ماصلوا عليه..ودوه بيتهم علشان يبون يشوفونه قبل دفنه..دخلوا الميت في المجلس..ودخلت ام عبدالعزيز علشان تشوف ولدها..قربت منه وايدها ترتجف لين ماشالت عن وجهه الكفن..وشافت شكله..دمعت عينها..وقعدت تدعي له بقلبها..وقربوا خواته وهم يبجون..جات مريم ولما شافته ماصدقت..قعدت تبجي..اسماء راحت فوق تنادي موزة...
اسماء:قومي ياموزة..روحي شوفيه قبل ليودونه..
موزة(وهي تبجي):ماابي..ماابي اشوفه..حرام عليه ليش هدانا ورااااح..
اسماء:استغفري ربج..هذا قضاء وقدر..قومي ياموزة..(ساعدتها ونزلتها تحت)
خذوه من البيت وودوه المقبره..كان القبر جاهز...نزلوه واللي كان يدفنه تميم وعبدالعزيز...وعقب ماخلصوا..قعدوا يدعون له..والناس كانت موجودة حولهم...خلاص وليد راح تحت التراب..وماعاد في شي يخليه يرجع..هذا هو حال الجميع..بقى بروحه بين الحساب والجزاء..
قرب منهم محمد اللي شاف الدموع بعيونهم..
محمد:ادعوا له..تراه قاعد يحاسب..
وفتحوا ابواب بيت بوسالم لعزاء الرجال..وبيت بوعبدالعزيز لعزاء الحريم...
مريم راحت غرفة وليد..شافت ثوبه اللي معلق خذته وتشم ريحته هذا دهن العود اللي يحبه وليد.. وراحت تقعد على الكرسي وهي تبجي..وتتذكر آخر مرة شافته وكلمته..وليش اصر وليد انه يي يزورني ويعطيني دفتره ويوديني حديقة الحيوان..يعني هو كان يدري انه....(زاد البجي)
وموزة...جواهر كانت عندها..
في بيت راشد...راشد يدخل البيت..ويحصل امه وفاطمة قاعدين يسولفون ويضحكون....
راشد(يقعد)
ام راشد:وين كنت يمه؟
راشد:واحد من الجماعة توفى الله يرحمه..ورحنا نصلي عليه..ورحنا المقبره..
ام راشد:من من الجماعة؟
راشد:ولد خالة جواهر..
فاطمة(خافت):من فيهم؟
راشد:وليد..
فاطمة(انصدمت):الله يرحمه..مسكينة مريم..اشلون حالها الحين..راشد تكفى ودني لهم..
ام راشد:قوم يمه وصلنا لهم..هذولا نسايبنا..ولازم نروح لهم..
راشد:عيل تزهبوا..
وراحت فاطمة تدور على مريم..وماتدري وين غرفتها..راحت سألت أسماء..راحت اسماء معاها..وفتحوا غرفتها ماحصلوها..اسماء عرفت وين مريم..وماحبت تدخل غرفة وليد...
اسماء(اشرت لها):تشوفين هالغرفة؟
فاطمة:أي..
اسماء:بتحصلينها داخل..
فاطمة:مشكورة..
ودخلت..شافتها قاعدة عند الدريشة وثوب اخوها بحضنها وحالها يعور القلب..ومنزله راسها وهي تبجي..سكرت الباب فاطمة وراحت عندها..ونزلت لها.....
مريم(ارفعت راسها):فاطمة..(طاحت بحضنها)
فاطمة(قعدت تمسح على ظهرها وشعرها ودموع فاطمة على خدها):ترحمي عليه..هو الحين بحاجة لدعواتكم..
مريم(هدت فاطمة):فاطمة وليد راح عنا..وماراح يرد..
فاطمة:مريم هدي شوي..هم السابقون..ونحن بهم اللاحقون..الموت حق علينا كلنا..
مريم:هو كان يدري انه بيموت ليش ماقالي..ليش؟؟؟
فاطمة:ايش تبين يقولج..وبعدين من يدري انه متى بيموت..هذا في علم الغيب..استغفري ربج..
الصبح...الساعة 8..تروح منيرة تقعد مريم وموزة...
منيرة:مريم قومي غسلي وجهج ونزلي تحت..محمد يبيج..
مريم(قامت وقعدت وراحت منيرة..تذكرت ليش هي هني):الله يرحمك ياخوي..
تحت...ام عبدالعزيز قاعدة بالصالة مع خواتها وامها..واسماء وبناتها...تنزل مريم..وتسلم...
منيرة:روحي المجلس محمد ينتظرج..
مريم(راحت المجلس حصلته قاعد اول ماشافها وقف)
محمد:عظم الله اجركم..
مريم(دمعتها سبقت كلمتها):اجرنا واجرك..(وقعدت)
محمد:مريم حبيبتي..وليد الحين ماهو بحاجة لدموعكم..دموعكم مابتسوي له شي..ادعي له..ادعي له يامريم..
بعد يومين من العزاء..تنزل جواهر من فوق في بيت خالتها...
جواهر:يمه انا رايحة مع يوسف البيت.بشوف قمر اذا تبي شي..
ام يوسف:روحي يمه..وخليها تاكل..
جواهر:ان شاء الله..مع السلامة..
اسماء(جات ومعاها عصير ليمون نزلت عند ام عبدالعزيز):عمتي شربي العصير..
ام عبدالعزيز(بتعب وضيقة):ماابي..ماابي يااسماء..
ام سالم:مو على كيفج..لازم تشربين وتاكلين..تبين تذبحين عمرج؟
ام عبدالعزيز:ماابي شي..(دمعت عينها وقامت)..ماابي شي..(وراحت غرفة وليد فتحت الباب..حصلت مريم قاعد)
مريم(قامت لما شافت امها)





ام عبدالعزيز(صارت تبجي لما شافت غرفته واغراضه مسكت السرير وهي تتألم من داخلها على فراق ولدها)
يدخل بوعبدالعزيز مع عبدالعزيز...عبدالعزيز يأشر على مريم انها تطلع...وطلعوا....
بوعبدالعزيز(قرب منها):فوزية..
ام عبدالعزيز:سعود..ماني قادرة اصدق ان وليد ولدي راح بيوم وليلة..مااقدر..(تاخذ الفاين وتمسح دموعها)..
بوعبدالعزيز:الله يرحمه..الله يرحمه..فوزية..مايصير تسوين بعمرج جذي..انتي من امس ماكلتي شي..ولاشربتي شي..مب زين..حرام اللي تسوينه بعمرج..
ام عبدالعزيز:مااشتهي ياسعود..مااشتهي شي من عقبه..
بوعبدالعزيز:من له نفس ياكل..لكن شنسوي..تبين نذبح عمرنا..فوزية..ولدج الحين محتاج دعواتج..
ام عبدالعزيز:انا شكيت فيه من فترة..كان يتكلم معاي وكأنه كان بيموت قريب..حتى الصندوق عطاني اياه علشان اعطي قمر..الظاهر انه كان يدري..آآآه..
الساعة 12 بالليل..يدخل عبدالعزيز غرفته...ويحصل اسماء ترقد مشعل...بدل ملابسه وقعد على السرير...
اسماء:يعطيك العافية..
عبدالعزيز:الله يعافيج..
اسماء:اشلونك؟
عبدالعزيز(بكل ضيق):وبقى فيني لون..
اسماء:عبدالعزيز..انت ريال ومؤمن بقضاء الله وقدره..خليك اقوى من جذي..خلك واقف جنب امك وابوك وخواتك بهالمحنة..
عبدالعزيز(ودمعته):وانا؟؟..من يوقف بمحنتي؟..ليش انا اللي اكون اقوى..
اسماء(قربت منه):انا كلي لك..اللي بخاطرك قوله لي..احنا لبعض..
في بيت بويوسف....في غرفة قمر..كانت جواهر تحاول تأكلها...دخل يوسف....
يوسف:ماكلت؟
جواهر:لا..
يوسف:جواهر خلينا شوي..
جواهر(قامت):حاضر..عن اذنكم..
وراحت غرفتها....شافت تليفونها 6 مكالمات لم يرد عليها ..حطت التليفون على السرير وراحت ترتب شعرها..وقعدت على السرير وهي تفكر باللي صار..رن تليفونها...
جواهر:هلا راشد..
راشد:صوتج وايد متغير..يبين انج تعبانة..
جواهر:أي والله تعبانة..كنت قاعدة عند بنت خالتي..عورت قلبي وهي تبجي وتشوف بصوره..وماهي مصدقة..وارد البيت احصل اختي..(دمعت عينها وسكتت)
راشد:الله يكون بعونها..خلج عندها..هي محتاجتج..
جواهر:انت اخبارك؟
راشد:الحمدلله..
بغرفة قمر...
يوسف:قمر..انا من ساعة قاعد اكلمج..ردي علي..
قمر(ترفع راسها):ايش تبي اقولك؟
يوسف:حسسيني انج موجودة..
قمر:هذاني موجودة..(دموعها نزلت)..ايش تبون فيني خلوني اموت..
يوسف(عصب):ايش هالحجي..قمر..
قمر(علت صوتها):ياعل قمر الموت..
يوسف:قمر..اشفيج انت..الريال مات والله يرحمه..تبين تذبحين عمرج؟
قمر:اذا يصير ليش لا..
يوسف:لهالدرجة استسلمتي وخليتي الشيطان يلعب براسج علشان تموتين..وايمانج ضعيف؟؟
قمر:يوسف..ماانت حاسس باللي في داخلي..اللي مات كان يعني لي الكثير..اللي مات ماكان شوية بحياتي..(مسكت ثوبه وهي تبجي)..تقدر ترده لي؟؟..قول..
يوسف(مسكها وقعدها على السرير وظل ساكت)
بكرة الصبح..على الساعة 7 ونص...تكون ام عبدالعزيز قاعدة في الصالة مع عيالها..بوعبدالعزيز يي ويقرب من ام عبدالعزيز..يقعد عندها ويمد يده...
بوعبدالعزيز:هاج يافوزية..كلي لج شوي وشربي هالحليب..ولاتقولين ماابي..غصب بتاكلين..
ام عبدالعزيز(خذت منه وحاولت تاكل شوي):سمعوني يابنات..ابيكم تروحون عقب شوي عند قمر..لازم تروحون لها..
هالة:ان شاء الله يمه..اكيد بنروح لها..
بوعبدالعزيز:وين مريم؟
خولة:ماادري..موزة انت ماقعدتيها؟
موزة:ماحصلتها بغرفتها..
عبدالعزيز(قام):انا بروح اشوفها..
عرف مريم وين بتكون..دخل غرفة وليد..وشافها قاعدة على مكتبه وفاتحه لاب توبه وتشوف صوره لما راح الكشتة ولما سافر مع تميم..ودمعت عينها..قرب منها عبدالعزيز ومسح على شعرها....
عبدالعزيز(تألم لما شاف صور وليد):مريم قومي..قومي خلنا ننزل تحت..
مريم(لفت صوبه ودموعها على خده):عبدالعزيز..يعني وليد ماهو راد؟
عبدالعزيز(قال في نفسه:تكفين يامريم كافي..مااقدر اتحمل):قومي يامريم..ادعي له بالجنة..
مريم:وليد..
عبدالعزيز(ييودها وقومها من الكرسي):ياللا نمشي..كلهم قاعدين تحت..وعقب شوي البنات رايحين عند قمر..
مريم:لا..ماابي اروح لها..هي من ريحة الغالي..وليد كان يحبها وايد..اذا شفتها بموت..
عبدالعزيز:بسم الله عليج..مو مشكلة لاتروحين..بس نزلي تحت..ومسحي دموعج..
نزلوا تحت...
بوعبدالعزيز:تعالي يامريم..تعالي قعدي عندي..
مريم(قعدت عنده وابوها لمها ماقدرت تخفي دموعها وقعدت تصيح)
خلت الكل يسترجع الحزن..وام عبدالعزيز اللي قعدت تصيح...
مريم:يبه..يبه..(تسكت)
بوعبدالعزيز:عيوني..آمري..
مريم:يبه ابي وليد..(وراحت في صياح قوي لين ماقام عبدالعزيز ومعاه اسماء خذوها وودها الصوب الثاني)
اسماء(خذت فاين ومسحت دموعها):بس يامريم..خلاص..انت قاعدة تعذبينه وهو في قبره..
عبدالعزيز:اسماء..جيبي لها شي تاكله..
اسماء(قامت):ان شاء الله..
عبدالعزيز:مريم حبيبتي..مانبي نزيد هم امي..احنا ماصدقنا هدت شوي وكلت..خليتيها تصيح مرة ثانية..
مريم:مب بيدي..غصب عني..كل ركن في هالبيت يذكرني فيه..عبدالعزيز..هذا اخوي..اللي هو اخوك..فراقه صعب علينا..ومااقدر ايود دموعي على فراقه..مااقدر..
اسماء(جات ومعاها ساندويش ولبن):ياللا مريم..كلي..
مريم:ماابي..
عبدالعزيز:مريم..انت لازم تاكلين..علشان امي..
مريم:مااشتهي..حلمت فيه قبل ليموت..وقلت حق امي قالت لي هي بعد حلمت..واكتشفنا انه مات وراح عنا..
ام عبدالعزيز(جات وشافت دموع بنتها قعدت عندها وضمتها وقعدوا يصيحون):بس يايمه..بس..الله يرحمه..ويرزقه الفردوس..(مسحت دموعها)..مريم حبيبتي..كلي..كلي شي..علشاني..
مريم(تسمح دموعها):ان شاء الله..
في بيت بويوسف...تروح مها مع جواهر عند قمر...
مها:قمر حبيبتي..قومي نزلي معانا تحت..في ضيوف جايين يشوفونج..
قمر:ماابي اشوف حد..
جواهر:قمر..نزلي شوي..بس سلمي عليهم وتعالي فوق..جايين بس علشان يشوفونج..
مها:ياللا ..
ونزلت معاهم..
في عزاء الحريم...كانت ام عبدالعزيز قاعدة وتستقبل المعزين..ودموعها على خدها..وصارت تدعي له بقلبها..
اليوم هو آخر يوم في عزاء وليد الله يرحمه...في بيت بوعبدالعزيز على الساعة 11 بالليل...
ام عبدالعزيز:قوموا يابنات كل وحدة ترد بيتها..
خولة:وانت يمه؟
ام عبدالعزيز:اشفيني؟..انا بخير..انتوا هادين عيالكم وابو عيالكم..ردوا بيوتكم..وباجر تعالوا..ياللا محد يقعد..
بوعبدالعزيز:امكم معاها حق..كل وحدة ترد بيتها..
ام عبدالعزيز:وين مريم؟
منيرة:فوق يمه بغرفتها..
ام عبدالعزيز:قولي لها خلها ترد بيتها..
منيرة:ان شاء الله يمه..(قامت وراحت لها)
مريم:منو؟
منيرة:منيرة..
مريم:دخلي..
منيرة(دخلت وشافتها ضامة عمرها):مريم امي تقولج ردي بيتج..
مريم:نعم؟
منيرة:كلنا بنرد بيوتنا..وانت بعد..
مريم:ماني طالعة من هني..
منيرة:وريلج؟
مريم:ماابي اطلع من هني..
منيرة:خلاص بس لاتبجين..
نزلت تحت...
ام عبدالعزيز:وينهي؟
منيرة:يمه رفضت..وقالت ماابي ارد..
ام عبدالعزيز(قامت)
عبدالعزيز(قام):خلج يمه..انا بروح لها..
ام عبدالعزيز:معليه انا ابي اكلمها شوي..
عبدالعزيز راح معاها..ودخلوا غرفتها..ام عبدالعزيز قعدت عندها...
ام عبدالعزيز:مريم محمد تحت وخله يردج البيت..
مريم:ماابي اروح..
ام عبدالعزيز:مريم يمه..ردي بيتج..
مريم:وانت؟..اهدج لا..
ام عبدالعزيز:ياعمري يامريم..انا بخير..تطمني..وبعدين ماني بروحي..ابوج واخوج وزوجته وموزة عندي..وبعدين باجر تعالي..ولاتنسين انج تخرج هالفصل..ولازم ترجعين الجامعة علشان تدرسين وتتخرجين..لاتخلين الحزن يخرب حياتج..الواحد تصيده مشاكل في حياته وتمر به احزان..بس الحياة ماوقفت..سمعتيني يامريم؟
مريم:سمعتج يمه..
ام عبدالعزيز:ياللا قومي..نزلي تحت..وردي بيتج..
مريم:ان شاء الله..
ام عبدالعزيز:باجر الصبح روحي الجامعة وعقب اذا بغيتي تيين تعالي..
ومع مرور عشرة ايام من وفاة وليد الله يرحمه..يوم السبت...في بيت بوعبدالعزيز...الصبح..على الساعة 10..تنادي ام عبدالعزيز الخدامة..
الخدامة:نعم ماما؟
ام عبدالعزيز:خذي هالصندوق ووديه تحت..
ولبست عبايتها ونزلت..
عبدالعزيز:وين يمه؟
ام عبدالعزيز:بروح عند قمر..ماني مطولة..توصلني..
عبدالعزيز:من عيوني..بس اجيب سويج السيارة..
في شغل بوعبدالعزيز..يزوره رفيجه بواحمد...
بواحمد:هونها وتهون وانا اخوك..
بوعبدالعزيز:اهدي بال الكل..الا بالي..وليد الله يرحمه من وهو كان عمره 10 سنوات وانا كنت اسافر برع..كنت بعيد عنه..لين ماصار عمره 16 سنة..تركت السفر وتميت بالبلاد..ووليد كانت علاقته بأمه قوية..اكثر مني..لأني كنت بعيد عنه..بس لما كبر تغير وصار يحب يي صوبي..ويتكلم..مع اني ماعطيته حقه يابواحمد..هذا ولدي..
ام احمد:مثواه الجنة ان شاء الله..الله يرحمه..
في بيت بويوسف....
ام عبدالعزيز(قامت):خلج ياعائشة انا بروح لها فوق..بس خلي الخدامة تودي الصندوق فوق..
ام يوسف:ان شاء الله..
وراحت فوق..فتحت غرفتها حصلتها قاعدة ودموعها على خدها...قمر شافت خالتها بغت تبجي لكن ...
ام عبدالعزيز:تعالي ياقمر..
وراحت بحضن خالتها..ام يوسف وجواهر كانوا واقفين...
ام عبدالعزيز(مسحت دموعها):الله يشهد ان وليد الله يرحمه ايشقد كان يحبج..لكن الله ماكتب..ومالج الا تدعين له..وهذا الصندوق..عطاني اياه وليد..وقالي اعطيه اياج..وماادري شالي بداخله..قمر حبيبتي..انت وراج جامعة ودراسة..كملي دراستج..ولاتغيبين اكثر من جذي..والله يعوضج..
وراحت عنها..
قمر ماتصورت ان وليد تذكرها قبل ليموت..فتحت الصندوق..وشافت هدايا..استغربت..حصلت عطر..مكتوب عليه..إهداء الى قمر..وشافت بلايز اكسسورات وانواع ثانية..اكتشفت ان كل هدية وراها مناسبة كان يتخيلها وليد..ماتحملت قمر قعدت تصيح وهي تحضن الهدايا..
وشوي دخلت عليها جواهر...
قمر:جواهر أبي وليد..حرام عليكم لاتمنعوني عنه..
جواهر(تضايقت على حال أختها راحت وحضنتها):بس ياقمر..
قمر:جواهر تكفين أبي اشوفه بس شوي..ليش راح وهداني بروحي..



ياترى قمر ومريم بيعدون هالمحنة؟؟...وياترى في خبر ممكن يغير أجواء الحزن؟؟

تابعونا ولاتقاطعونا..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-01-2014, 05:15 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل السادس والعشرين**



ومع مرور الايام...في الجامعة..فاطمة قاعدة مع جواهر.....
فاطمة:مريم وايد تغيرت..مو مريم اللي اعرفها..لاتتكلم ولاتتصل..ولاتضحك..
جواهر:عذريها يافاطمة..هذا اخوها اللي مات..ومريم كانت دايما وياه..ماتنلام..اختي قمر اللي ماكانت زوجته متضايقة..وتبين مريم اللي هي اخته وكانت بينهم ذكريات تنساه..مستحيل تتقبل الموضوع بهالسهولة..يبيلها وقت لين ماتتغير نفسيتها..
فاطمة(طلعت تليفونها):خلني اتصل فيها اشوف وينهي..آلو..
مريم:هلا فاطمة..
فاطمة:وينج؟
مريم:ويني؟..(تشوف حولها)..ماادري..بلا انا في الطريق رايحة المكتبة..
فاطمة:ايش عندج في المكتبة؟
مريم:ايش عندي؟..اي صح..بروح آخذ الكتاب اللي قالنا عنه الدكتور..
فاطمة:لاتروحين انا جبته..تعالي عندنا..
مريم:انت وين؟
فاطمة:انا بالنشاط..
مريم:ماني جايه النشاط..انا بروح كلية العلوم..تبين تيين تعالي..مع السلامة..
فاطمة:ماقلت لج..الله يعينها..
حزة الغداء...في بيت بوعبدالعزيز..كلهم قاعدين يتغدون....يرن تليفون البيت..يروح سعود يرد...
سعود:السلام عليكم..
موزة:وعليكم السلام..سعود حبيبي عطني ابوك..
سعود:يبه عمتي موزة..
عبدالعزيز(يقوم):السلام عليكم ..
موزة:وعليكم السلام..عبدالعزيز انا بخلص على الساعة 3 ونص من بيمرني؟
عبدالعزيز:انا بمرج..مع السلامة..
محمد يروح ياخذ مريم من الجامعة....وهم في السيارة......
مريم:محمد..معليه توديني المستشفى..
محمد:ليش؟
مريم:ماادري تعبانة شوي..
محمد:ايش حاسة؟
مريم:ماادري..
محمد:الحين بنروح..
وراحوا الطواري...محمد نطرها برع...لين ماطلعت...
محمد(قام وراح لها):ايش قالوا لج؟
مريم:ماادري..قالوا لي لازم تسوين تحاليل وماادري وشو..بروح وبرد..
محمد:تبين أي معاج؟
مريم:لا خلك هني..ماني مطولة..
على الساعة 4 وربع..تروح ام يوسف عند اختها ام عبدالعزيز...
ام عبدالعزيز:عائشة..لاتفكرون تأجلون عرس جواهر علشانا..
ام يوسف:من له خلق للعرس..
ام عبدالعزيز:لا ياعائشة..الريال ماله ذنب ينتظر..زوجوهم..ولاتحاتينا..عيالي كلهم بيحضرون عرس جواهر..
ام يوسف:وانت؟..اذا ماانت حاضرة ماني مسوية العرس..
ام عبدالعزيز:بحضر ان شاء الله..
في المستشفى...مريم تيي....
مريم:محمد..
محمد(رفع راسه وشافها وقام):ها ايش قالوا لج؟
مريم:بقولك في السيارة..خلنا نمشي..
وراحوا السيارة...
محمد:ياللا قولي..شغلتي بالي..
مريم(ابتسمت):انا حامل..
محمد(ماصدق):والله؟
مريم:أي..التحاليل كلها تأكد اني حامل..
محمد:وايشقد صار لج؟
مريم:تقولي الدكتورة انت في الاسبوع الثالث..
محمد:اللهم لك الحمد والشكر..فرحتيني..
مريم:نبي حلاوة البشارة..
محمد(يشغل السيارة ويسوق):من عيوني..انت تامرين..مريم..
مريم:لبيه..
محمد:ايش رايج تروحين عند امج وتبشرينها بهالخبر..
مريم:مااقدر يامحمد..امي متضايقة..
محمد:بالعكس..هالخبر بيغير من نفسيتها..انا الحين بوديج لها..
في بيت بوسالم...
ام سالم:مها وين ريلج؟
مها:الحين نازل..
سلطان(نزل):السلام عليكم..
ام سالم:وعليكم السلام..ياللا يمه نمشي..
في بيت بوعبدالعزيز...



مريم تدخل البيت وتحصل خواتها قاعدين وخالتها...
في الطابق الثاني...عبدالعزيز حس بضيقة..ودخل غرفة وليد...هدوء عجيب..





وقعد يتذكر كل حياته مع وليد..تذكر ضحكته سوالفه غشمرته..وقف عند الدريشة..ويطالع الدنيا منها...وكمل ذكرياته مع وليد...لما كانوا يروحون المدرسة مع بعض..أيام الدراسة واللعب والهياته..أيام النجاح وفرحتها وتقطيع الكيك والاحتفالات اللي كانت تصير في البيت..طلعات البر والبحر والسباحة مع بعض...لحظات السفر والعمرة واليد باليد بالطاعة والاستغفار...تذكر يوم عرسه لما وليد رقص جدام الناس وهو مستانس وزفه لين باب الفندق..تذكر لما رب العالمين رزقاه بسعود..وليد طار من الفرحة وماخلى حد الا وقاله..وعزم العيلة على حسابه من وناسته...
عبدالعزيز:ليش ياوليد..ليش رحت عني بهالسرعة..كنت مستانس معاك..وفرحان بوجودك بحياتنا..انت كنت الابتسامة في هالبيت..رحت بغمضة عين..الدنيا قست علينا بفراقك........
تحت بالصالة....
عقب هدوء تم عشر دقايق...
مريم:يمه..
ام عبدالعزيز(ترفع راسها):خير يمه..
مريم(تبلع ريقها):أنا...أنا حامل..
ام عبدالعزيز(ابتسمت لها واشرت لها بيدينها):تعالي عندي..
مريم(راحت لها وحضنتها وحبتها)
ام عبدالعزيز:ألف مبروك يابعد عمري..
مريم:الله يبارك فيج..
والكل يبارك لها...
ام عبدالعزيز:متى رحتي المستشفى؟
مريم:من شوي..حسيت بتعب ومحمد وداني..
ام عبدالعزيز:وايشقد صار لج؟
مريم:هذا ثالث اسبوع لي..
ام عبدالعزيز:الحمدلله..وماقالت شي؟
مريم:بلا..قالت لي لازم اهتم بصحتي وآكل عدل..يعني من هالحجي..
ام عبدالعزيز:لازم تسمعين كلام الدكتورة..علشان ماتتعبين..
مريم:ان شاء الله..
ام عبدالعزيز:توج رادة من الجامعة؟
مريم:أي يمه..طلعت من الجامعة ورحت المستشفى..
ام عبدالعزيز:قومي هالة عطيها شي تاكله..
مريم:ماابي يمه..
ام عبدالعزيز:لازم تاكلين..قومي هالة..
هالة:ان شاء الله يمه..
وتيي ام سالم وسلطان يدخل..ويقعدون....
ام يوسف:يمه مريم حامل..
ام سالم(استانست):ألف مبروك يامريم..هذي الاخبار اللي تفرح..
مريم:الله يبارك فيج يدتي..
سلطان:مبروك..
مريم:الله يبارك فيك..
هالة:مريم تعالي..
سلطان:عيل وين موزة؟
منيرة:راقدة..ردت من الجامعة تعبانة ونامت..
في بيت راشد...



يرن تليفون فاطمة بالمسج...
فاطمة(تفتح المسج وتفج عينها وماتصدق على طول تتصل):ألف مبروووووووووك..
مريم:الله يبارك فيج..
فاطمة:من متى؟
مريم:توني اليوم رحت المستشفى وخبروني..
فاطمة:واخيرا بيوصل ولي العهد..
مريم:الحمدلله..
فاطمة:مريومو بتصيرين ام..وانا خالته..
مريم(تبتسم):ليش لا..
فاطمة:اذا جبتي ولد ايش بتسمينه؟
مريم:في خاطري وليد..
فاطمة:واذا بنت؟
مريم:يمكن الريم..
فاطمة:ديري بالج على نفسج عدل..
مريم:ان شاء الله..ياللا فطوم بسكر ريلي جى..
فاطمة:سلمي عليه..
مريم:سكتي..مع السلامة..
محمد(يقعد عندها):عساني ماانحرم من هالابتسامة..
مريم:تسلم..
محمد:قومي بدلي علشان نروح نتعشى برع بمناسبة هالخبر..
مريم:ان شاء الله..
الاشهر تمر بسرعة بعد أحداث حزينة..تتغير وايد اشياء....جواهر تعرس وتروح بيت ريلها...مريم تتخرج من الجامعة ويوصل حمالها في الشهر الخامس..وفاطمة تتخرج من الجامعة وتتوظف في مدرسة..وموزة تستمر بدراستها في جامعتها....
في بيت راشد...وتحديدا في غرفة راشد..جواهر كانت قاعدة تمشط شعرها الطويل الاسود الناعم..دخل راشد...ولما شافها..
راشد:فديت هالجمال..عيني عليج باردة..تدرين انا لازم اكافئ فطوم اختي..
جواهر:ليش؟
راشد:لأنها اختارتج لي..
جواهر(وجهها صار احمر وربطت شعرها وتعطرت وراحت صوب الباب)
راشد(وقف عند الباب ومنعها):وين؟
جواهر(تبي تشرد منه):بروح عند امك..
راشد:لا..الحين انا جاي من الصلاة ابي اقعد معاج..تبين تهديني وتروحين؟
جواهر(نزلت راسها)
راشد(رفع راسها وعطاها نظرة حب):أحبج..تعرفين يعني شنو احبج..(مسك يدها وقعدها على الكرسي)..تصدقين جواهر..ماكنت متوقع اني لما اتزوج بحب زوجتي بجنون..والله اني محظوظ فيج..
في بيت بويوسف....
بويوسف:ايش قالت لج؟
ام يوسف:تقول ماابي اتزوج لين مااتخرج..
بويوسف:هذا مو حجي..هذا ثاني واحد ييها وماتبيه..
ام يوسف:شسوي فيها..
بويوسف:انا بروح اكلمها..
في بيت بوعبدالعزيز...
موزة:مريم ايش بتسمين ولدج؟
مريم:وايش دراج انه ولد؟
موزة:لاحقين على البنت انت قولي..
مريم:في خاطري اسميه وليد..
ام عبدالعزيز:لا..
استغربوا..
ام عبدالعزيز:محد يسمي ولده وليد..
مريم:ليش يمه؟
ام عبدالعزيز:بس..ماابي حد يسمي عياله بإسم وليد..
مريم:ان شاء الله..
منيرة(تبي تغير لهم الجو):واذا بنت؟
مريم:بنت بسميها الريم..
موزة:حلو الاسم..
عقب يومين...في بيت راشد..راشد يكون تعبان..مسخن ومتزكم وحالته حاله...
جواهر تقرب منه وتحط على راسه كمادات..هدته وراحت تسوي له شوربة..وردت الغرفة..قعدت عنده وهي تمسح على رقبته فيكس..راشد يقوم...
راشد(يبتسم وهو تعبان):تعبتج معاي..
جواهر:تعبك راحة..اهم شي ترتاح..دام انك قمت..قوم اقعد علشان تشرب الشوربة..وايد زينة لك..
راشد(قام وقعد):بس انت شربيني..
جواهر:من عيوني..
راشد(وهو يشرب):جان زين كل يوم مريض علشان ادلعيني..
جواهر(ابتسمت له):بسم الله عليك..إن شاء الله هذي آخر مرة..
راشد:بعد مادلعيني..
جواهر:لاتخاف بدلعك..كم راشد عندي..
راشد(يفرك عينه)
جواهر:اشفيك؟
راشد:ماني مصدق ان اللي جدامي جواهر..
جواهر(تضحك):ليش؟
راشد:واخيرا سمعت منج هالكلام..
جواهر(وجهها صار احمر)
راشد:خلاص..بنسكت بس شربيني..
ومع مرور ايام...في بيت محمد...
محمد:مريم الدكتورة ماقالت لج بنت ولا ولد..
مريم:لا..تقولي مايبين..
محمد:اللي يي من رب العالمين حلو..
مريم:اذا كان ولد ايش بتسميه؟
محمد:ابي اسميه على اسم الوالد..
مريم:جاسم؟
محمد:أي..
مريم:حلو..(قامت)
محمد:وين؟
مريم:بروح ازهب الكيكة علشان نروح بيت ابوك..
في بيت بوسالم...تميم ينزل....
تميم:وين امي؟
سلطان:بغرفتها تصلي..
تميم:ايشقد صار لها؟
سلطان:من ربع ساعة..
راح غرفتها..حصلها على السجادة تدعي..تميم يروح ويتربع عندها....
تميم:ادعي لي..
ام سالم:يالله ياكريم..توفق ولدي تميم وتوفقه دنيا وآخرة وترزقه بالزوجة الصالحة التي تسعده..
تميم:آمين..
ام سالم:بغيت شي؟
تميم:ابيج انت يايمه..
ام سالم:خير فديتك..صاير شي؟
تميم:متضايق..
ام سالم:اشفيك متضايق؟
تميم:حاس بفراغ عقب وليد الله يرحمه..
ام سالم:تزوج يايمه..لتزوجت ماراح تحس بالوحدة..
تميم:اتزوج؟!!
ام سالم:أي تزوج واشفيها..اذا تبي ادور لك على وحدة أنا حاضرة..
تميم:خليني افكر..
ام سالم:من متى وانت تقولي خليني افكر..
تميم:عطيني يومين وبقرر..
في بيت بوعبدالعزيز...موزة بالجامعة واسماء وعبدالعزيز بدارهم..وبوعبدالعزيز في الشغل...
ام عبدالعزيز مشت لين ماريلها وصلتها لغرفة وليد...فتحت الباب....
حست بهدوء وحزن بداخلها انها خلاص ماراح تشوفه..قربت من كبته فتحته حصلت ملابسه..من كل الانواع وهذي الثياب اللي مخيطها جديدة حق الشتاء..آآآآآآه ياوليد..(دمعت عينها)..رحت عني..(فتحت الدرج حصلت صوره وهو صغير)..وليد..وليد..(مشت ومشت لين ماحصلت صورته على التسريحة خذت البرواز وضمته وهي تبجي)..وليد يمه..ابي اشوفك..ابي اقعد معاك ليش رحت عني ياقلبي..يمه ياوليد..رد علي..(وصارت تبجي بصوت عالي..عبدالعزيز واسماء سمعوها وجاوا على طول)
عبدالعزيز(مسكها):يمه شالي يابج هني؟
ام عبدالعزيز:روحي جابتني هني..عند وليد..
عبدالعزيز(تضايق على امه ساعدها وقعدها على الكرسي):اسماء جيبي لها ماي..
اسماء:ان شاء الله..
يوم الجمعة....بالليل تروح جواهر بيت ابوها..وتدخل غرفة قمر...
جواهر:اخبارج؟
قمر:بخير..
جواهر:سمعي عندي لج خبر بيفرحج..
قمر:شنو؟
في بيت بوعبدالعزيز...
سلطان:أخاف يطلع يشبهني..وعقب توهقين..
مريم:أي والله اخاف اتوهق من بيتزوجه..واذا بنت لا بالله عنست اذا تشابهك..
سلطان(على انه عصب):ييلج الشرف عيالج يشبهوني..
مريم(تضحك):اكيد..
سلطان:وين الكوكتيل اللي سويتيه؟
مريم(قامت):الحين بجيبه..ثواني..
على الساعة 11 بالليل في بيت راشد...وبغرفة راشد..كانت جواهر تمسح مكياجها وتعدل شعرها...وراشد قاعد يلعب بتليفونه على السرير...
جواهر(وهي مترددة ومستحية):راشد..
راشد:عيون راشد..
جواهر:ترى انت قريب بتصير ابو..
راشد(مااستوعب اللي سمعاه هد التليفون وراح لها):شنو قلتي؟
جواهر:قلت بتصير ابو..
راشد(فاج عينه):حامل؟؟
جواهر(استحت وراحت عنه)
راشد(استانس):فديت المستحي..جواهر انت حامل؟..ياسلالالالالالام..لا صدق انا باين..
جواهر:بسم الله عليك..
راشد(قرب منها ومسك يدها وحطاه على قلبه):سمعي..سمعي ايش تسمعين صج حمدلله والشكر من الوناسة ماني مركز..حسي بدقات قلبي..كلها حب لج..ألف مبروك ياقلبي..
جواهر:الله يبارك فيك..
راشد:وايش بنسميه المحروس؟
جواهر:انت ايش تبي؟
راشد:انا؟..محمد طبعا..على اسم الوالد الله يرحمه..
جواهر:الله يرحمه..واذا جاتك بنت؟
راشد:والله اذا بنت أخاف صج أجن..بتطلع عليج..
ومع مرور الشهور والاسابيع والايام...مريم ولدت وجابت بنت..وسموها الريم..وقمر تخرجت من الجامعة واشتغلت بوزارة..والعنود ونورة تخرجوا من الثانوية..ودخلوا الجامعة علشان يكملون مسيرة التعليم...وجواهر يوصل حمالها بالشهر الرابع..
في بيت محمد...مريم بالمطبخ تزهب الغداء...ورتبت طاولة الاكل..وراحت تبدل ملابسها وتصلي..وكانت الريم راقدة وهذا من حسن حظ مريم..وعقب محمد يدخل البيت ومعاه اغراض البيت...تطلع مريم من غرفة النوم...
مريم:يعطيك العافية حبي..
محمد:الله يعافيج..ريحة الاكل ذبحتني..ميت من الجوع..
مريم:ثواني وبتتغدى..بس بدل..
محمد:عيل وين الريم؟
مريم:راقدة..وقت مناسب..خلنا نتغدى قبل لتقوم..
محمد:ياللا..ترى الاغراض اللي بغيتيها جبتها..
مريم:تسلم يالغالي..عساك دايم لنا..
بالجامعة...جواهر تمشي لين ماتوصل السيارة..وتركب...
جواهر:السلام عليكم..
راشد:وعليكم السلام..أخبارج؟
جواهر:بخير..تعبت من الجامعة..متى اتخرج..
راشد:ياللا مابقى شي..أخبار المحروس؟
جواهر(تبي تغير الموضوع):اقول راشد..قبل لنرد البيت..ابيك توديني الجمعية أبي اشتري جم غرض..
راشد:من عيوني كم ام محمد عندي انا..
في بيت بوعبدالعزيز...



اسماء:أصب لج شاي عمتي؟
ام عبدالعزيز:ياليت..عبدالعزيز راح يجيب موزة؟
اسماء(تمد لها):أي..(قعدت)
ام عبدالعزيز:الدانة يمه عطيني التليفون..
الدانة:ان شاء الله..
ام عبدالعزيز(تتصل):السلام عليكم....اشلونج حبيبتي؟...الحمدلله كلنا بخير...اشتقنا حق الريم وينهي؟
مريم:الريم فديتها تلعوزني في الليل ومن الصبح قاعدة..
ام عبدالعزيز(تبتسم):فديتها..جيبيها عندي..
مريم:ان شاء الله..تامرين يالغالية....مع السلامة..من كان؟
محمد:هذي العنود خلصت من الجامعة وتقول تعال خذنا..
مريم:اقول محمد..
محمد:خير..
مريم:اخوك سيف ماهو راد؟
محمد:بيي بعيد الاضحى ان شاء الله..ياللا انا رايح البس..
مريم:انزين اصبر وصلني بيت ابوي..
في سيارة عبدالعزيز...
عبدالعزيز:اشلون الدراسة معاج؟
موزة:زينة..بس اتعب وايد..
عبدالعزيز:انت قدها..
موزة:باقي وايد على التخرج..
عبدالعزيز:بتمر الايام بسرعة ومابتحسين..
موزة:ياليت والله..شنو الغداء؟
عبدالعزيز:sea food ..
موزة:ياسلام..من اللي طابخ؟
عبدالعزيز:امي ومرتي..
موزة:جوعتني بزيادة..
وفي يوم من الايام...في بيت بوسالم...يرن تليفون البيت.....
ام سالم:السلام عليكم....هلا ببنيتي...احنا بخير والحمدلله..طمنيني عنج انت وريلج؟...ماشاء الله هذي الاخبار اللي تفرح..بالمبارك يمه...اكيد بيي عندج..بس انت خبريني قبل...ان شاء الله يوصل...سلمي على غانم..مع السلامة..
بوسالم:هذي حصة؟
ام سالم:أي..وسلمت عليك..
بوسالم:الله يسلمها..اخبارها؟
ام سالم:الحمدلله..وبشرتني انها حامل..
بوسالم:الحمدلله..
ام سالم:وتقول لازم تيين حزة الولادة..
بوسالم:ليش مايجون هني؟
ام سالم:علشان شغل غانم..
سلطان(ينزل ويسلم)
ام سالم:وين بتروح يمه؟
سلطان:بروح اجيب سيارتي من الوكالة..تبون شي؟
بوسالم:سلامتك..من بيوديك؟
سلطان:تميم..مع السلامة..
في بيت بويوسف...
كانت ام يوسف قاعدة مع جواهر وقمر بالصالة يسولفون..ومرة وحدة....
جواهر(تحس بألالام):يمه..لحقي علي..
ام يوسف:اشفيج؟؟
جواهر:ماادري حاسة بألالام..
ام يوسف:قومي قمر نادي يوسف..
في بيت راشد...تروح فاطمة عند راشد..وتصحيه...
فاطمة:رشود قوم..
راشد(قام وهو معصب):رشود بعينج..
فاطمة:بعيني؟!!..معليه..مايخالف قوم..زوجتك تعبانة وهي في المستشفى...
راشد(فز من مكانه):ايش؟؟..من خبراج؟
فاطمة:قمر اتصلت علي علشان اخبرك..تقول يوسف اتصل عليك وايد وانت ماترد..قوم..
راشد(من غير مايغسل وجهه لبس ملابسه وطار)
ام يوسف:راشد يمه دير بالك وانت تسوق..
في بيت محمد...يرن جرس البيت...يدخل محمد ومعاه الاكياس...
محمد:ياللا حبيبتي..قومي غسلي ايدينج علشان نتعشى..
مريم:ريحة الاكل تشهي..
محمد(وهو يفتح الاكياس):أي..بسرعة..
مريم:ان شاء الله..
في المستشفى...عند الطواري...
راشد(يركض لين ماوصل لهم):طمني يوسف..ايش صار على جواهر؟



بدري على ولادة جواهر..شالي صاير مع جواهر؟؟...وفي أحداث مهمة في انتظاركم..

ماعليكم الا انكم تابعونا..

أشوفكم على خير..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 18-01-2014, 05:23 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل السابع والعشرين**




في المستشفى...عند الطواري...
راشد(يركض لين ماوصل لهم):طمني يوسف..ايش صار على جواهر؟
يوسف:ولاشي يبون يسوون لها عملية قيصرية..
راشد:ايش له..وبعدين توها على الولادة..بقى لها شهر..
يوسف:ماادري الدكتورة جات وخبرتنا..تعال معاي نروح للدكتورة..
وراحوا لها...
الدكتورة:لو سمحت لازم توقع على العملية..
راشد:دكتورة بدري عليها..
الدكتورة:الجنين تعبان ولازم ينولد..لو سمحت تفضل معاي علشان توقع ورقة العملية..
في بيت بوعبدالعزيز..



يرن تليفون البيت...ترد اسماء...
اسماء:السلام عليكم..
قمر:وعليكم السلام..أخبارج أسماء؟
اسماء:الحمدلله..انت اخبارج قمر؟
قمر:بخير..خالتي موجودة؟
اسماء:أي نعم موجودة ..تبين أناديها..
قمر:لا..بس أبيج تخبرينها إن جواهر ربت وجابت محمد..
اسماء:بالمبارك..
قمر:الله يبارك فيج..
اسماء:ان شاء الله بخبرها..مع السلامة..
ام عبدالعزيز(تيي وتقعد):من كنت تحاجين؟
اسماء:هذي قمر..تقول إن جواهر ربت وجاها محمد..
ام عبدالعزيز:توها مبجر على الولادة..
اسماء:ماادري ياعمتي..
ام عبدالعزيز:عطيني التليفون خلني اتصل فيهم..
في بيت مريم...يرن تليفون البيت...
مريم:السلام عليكم..
اسماء:وعليكم السلام..أخبارج ياأم الريم؟
مريم:الحمدلله..انتوا اخباركم؟
اسماء:الحمدلله..كلنا بخير..طمنيني على البنوتة..
مريم:تسلم عليكم..
اسماء:اقول مريم بغيت اخبرج عن جواهر..تراها ربت وجاها محمد..
مريم:ماشاء الله..محمد بعد..فديت محمدي..
اسماء(تضحك):الله يخليه لج..
مريم:آمين..تسلمين ياام سعود...سلمي عليهم..مع السلامة..
محمد:ايش عندكم..جايبين طاريي؟
مريم:جواهر بنت خالتي جاها ولد سموه محمد..
محمد:ياسلام..وايش معنى محمد؟..لهالدرجة يحبون اسمي؟
مريم:وايد لأنك ريلي..علشان ابو ريلها..
محمد:أي..انزين تعالي خذي الريم..نايمة..
مريم(قامت):فديتها والله..
وتمر السنين على خير..وتصير تغييرات كثيرة في حياتهم..
محمد ومريم ينرزقون بجاسم..وريم تكبر ويصير عمرها 15 سنة..وجاسم 12 سنة..وموزة تتخرج من الجامعة وتشتغل في المستشفى دكتورة طب عام..
وعبدالعزيز عياله يكبرون وينرزقون بتوم بنت وولد..سموهم خالد والهنوف..
وسلطان الله يرزقه بهند والريم..وجواهر تنرزق بولد سموه جبر وبنت اسمها رغد..وقمر تتزوج وتنرزق بولد سموه بدر..
والعنود أخت محمد تتزوج ونورة بنت خالتهم تتزوج..
وتمر الايام على خير..والكل مشغول بحياته...
في بيت راشد...
كلهم متجمعين على الفطور..وناطرين يأذن أذان المغرب..
راشد(يقوم):ياللا جبر..علشان نلحق على الصلاة..
جبر(وهو ياكل):انطر بعد شوي..أنا ميت من الجوع..
راشد:واحنا هاذي حالتنا معاك كل يوم..قوم..
جبر(قام وهو ياكل)
راشد:بنرجع البيت..ماشايف أكل بعمرك..
جواهر:ياللا جبر بسك..
في بيت بوعبدالعزيز...الرياييل يدخلون البيت..يحصلون الحريم يزهبون طاولة الاكل..
سعود(يقعد):ياللا عجلوا..وراي امتحان ومذاكرة..
اسماء:ثواني..خلي جدك وابوك ييون..وين مشعل؟
سعود:راح يلبس بيجامته..
اسماء:وانت ايش عندك قاعد بثوبك؟
سعود:مالي خلق اروح وارد..
ويقعدون كلهم ويفطرون...
بوعبدالعزيز:عبدالعزيز متى اجازة الخمس الاواخر؟
عبدالعزيز:عقب باجر ان شاء الله..
سعود:لولا رمضان جان دعيت على دكاترتنا بالجامعة..يعني ماتحلالهم الامتحانات الا عقب رمضان..
مشعل:أي والله..يعني الواحد اشلون يتونس بالعيد..
بوعبدالعزيز:ام عبدالعزيز موزة ماردت من المستشفى؟
ام عبدالعزيز:لا والله..قالت بترد على الساعة 10..لأن اليوم عندها مناوبة..
في بيت محمد...قاعدين في الصالة..
محمد:الريم متى امتحانج؟
الريم:بعد العيد..
محمد:وانت جاسم؟
جاسم:بعد العيد..
مريم:دوم جذي يسوون في الطلبة..
محمد:شدوا حيلكم بالدراسة..
جاسم:انا مب رايح باجر المدرسة..
مريم:ليش ان شاء الله؟
جاسم:لإن عقب باجر اجازة..
محمد:ويعني..ماكو غياب باجر..(قام)..أنا بروح أتزهب للصلاة..انت بعد قوم تزهب..
في المستشفى...موزة كانت بغرفة مريضة...
موزة:اشلونج يمه؟
المريضة:الحمدلله على كل حال..متى بترخصوني يابنيتي؟
موزة:قريب ان شاء الله..بس بالاول نتطمن عليج..
ولد المريضة:دكتورة اخبار امي؟
موزة:الحمدلله الوالدة في تحسن..والكوليسترول نزل عن قبل..بس عندها الضغط مازال مرتفع..بس مع العلاج راح تتحسن ان شاء الله..(قعدت تكتب في ملفها وعقب)..سلامتج يمه..ماتشوفين شر..عن اذنكم..
وعقب ماطلعت من الغرفة...
الممرضة:هذا ملف المريضة اللي كانت مسوية عملية الزايدة..بتشوفينها؟
موزة:ليش وين الدكتور عبدالله؟
الممرضة:راح عند مرضى الرجال..
موزة:وين ملف المريضة؟
الممرضة(تمد يدها):تفضلي..
موزة(قعدت تقرأ لين ماعطتها):شوفي اذا في حد عندها..علشان ادخل اشوفها..
وعقب دقايق تدخل موزة...
موزة:اشلونج عبير؟
عبير:الحمدلله..متى بطلع دكتورة؟
موزة(تبتسم):كل ماادخل على مريضة تقولي هالجملة..
الام:ليش يادكتورة من يحب قعدة المستشفى..
موزة:معاج حق..(تكلم الممرضة)..في حد شافها اليوم؟
الممرضة:لا..بس مر عليها الدكتور حسين..
موزة:شاف الجرح؟
الممرضة:لا..
موزة:لو سمحتي ممكن شوي..
الام:بس انا امها لازم اطلع؟
موزة:ياليت..
الام(قامت):حاضر..
في بيت بوسالم...
عقب صلاة التراويح..يتجمعون كلهم يشربون شاي وقهوة والحلو...
تميم:تسلم ايدج حصة على الحلو..وايد حلو..
حصة:عليك بالعافية..
سلطان:غانم متى راد؟
حصة:قبل العيد بيوم..
سلطان:وايشقد اجازته؟
حصة:اربعة ايام..
ام سالم:روحي حصة شوفي بنتج قاعدة تصيح..
حصة(قامت):ان شاء الله يمه..
ام سالم:أخبار زوجتك الحين؟
تميم:الحمدلله..(يرن تليفونه يطلع بالحوش)..آلو...نعم...انا في بيت ابوي تبين شي؟...ماادري..متى ماجيت جيت..مع السلامة..
فاطمة:مع السلامة..(حست بضيق ودمعت عينها)..
رن تليفونها...
فاطمة:هلا مريم..
مريم:اشلونج فطوم..
فاطمة:بخير..انت شاخبارج؟
مريم:الحمدلله..سمعي بقولج شي..باجر على الفطور عازمتكم..اوكي..
فاطمة:لا مريوم..
مريم:مافي شي اسمه لا مريوم..انا عزمت وخلاص..
فاطمة:كلمتي خالج؟
مريم:الحين باتصله..ياللا مع السلامة..تصدق محمد احس من صوتها انها متضايقة وايد..
محمد:اكيد ولدهم مات وشي طبيعي بيحسون بالضيقة..
مريم(تتصل في خالها):السلام عليكم..هلا بالخال..اشلونك؟
تميم:بخير انت شاخبارج؟
مريم:الحمدلله....كلهم بخير..اسمع خالي..
في بيت بوعلي...نورة تزور خالتها..ومحد يكون بالصالة...
نورة:خالتي..
ام علي:نعم..
نورة(بخوف):خالتي أنا ابي اتطلق من ريلي..
ام علي(فجت عينها واستغربت):ليش يابنيتي؟
نورة(قعدت تصيح وحضنتها خالتها)
ام علي:خير يايمه ايش صاير؟
نورة(تمسح دموعها):خالتي..ريلي متزوجني علشان فلوسي مو علشان شي ثاني..كل يوم يطلب مني مبلغ ويقولي انا بحاجته..مااقدر اقوله لا..يمكن صج محتاج..اعطيه وبالاخر اكتشفت ان الفلوس ماخذها وخاشه عنده في البنك..
ام علي:ومن اللي قالج انه يخش الفلوس؟
نورة:سمعته يقول حق واحد من ربعه..إنه متزوجني علشان فلوسي وهو متزوج علي..(قعدت تصيح)
ام علي(انصدمت وماقدرت تقولها ولاشي خذت التليفون واتصلت على ريلها)
نورة(قامت):خالتي ماني رادة البيت..بروح داري..
ام علي:روحي يمه ارتاحي..
ام علي(اتصلت في العنود):العنود يمه..تعالي عند نورة..اي هي عندنا..عندها مشكلة عودة...ريلها..انت تعالي وعقب بتعرفين السالفة كلها..مع السلامة..
في محمد..يرن تليفون البيت...
مريم:السلام عليكم...هلا عمتي..بخير انت شاخبارج؟..الحمدلله كلهم بخير..محمد؟..اي نعم موجود..لحظة..محمد..امك بالتليفون..
محمد(يروح عند التليفون):السلام عليكم..
مريم:ريم يمه تعالي معاي المطبخ خلني ازهب السحور من الحين..
ريم:ان شاء الله..
جاسم:يمه انا جعت..
مريم:تعال المطبخ..
وعقب خمس دقايق...
محمد:اقول مريم..
مريم:عيوني..
محمد:انا بروح بيت ابوي..
مريم(شافته متضايق):صاير شي؟
محمد:أي..
مريم:خير؟
محمد:في مشكلة..انا بروح اشوفهم وراد..بروح ابدل..
مريم:ريم يمه ديري بالج وانت تقشرين البطاطا..بروح عند ابوكم وبرد..
في الغرفة..
مريم:محمد ايش صاير؟
محمد(وهو يلبس):نورة..
مريم:اشفيها؟
محمد:ريلها متزوج عليها وقاعد يلهف فلوسها..
مريم:لاحول ولاقوة الا بالله..
محمد:انا اوريه..ياخذ من بناتنا ويسوي فيها جذي..صج مو ريال..يراكض وراء فلوس زوجته..صج مايستحي..
مريم:لاتنسى ان احنا برمضان..
محمد:استغفر الله..انا رايح..مع السلامة..
مريم:في حفظ الله..
في بيت بوعلي..في غرفة نورة...
العنود:ايش صار بالضبط؟
نورة:اول مرة طلب مني مبلغ 20 ألف ريال..وقالي انه محتاج علشان قسط البيت اللي شاريه..وانا صدقته وعطيته..وعقب طلب مني مبلغ 8000 ريال..قلت له ماعندي حاليا انتظر شوي..جاني عقبه بإسبوع وقالي ابي 12000..شكيت..قلت معقولة هو ماعنده فلوس..عطيته خمسة مع ان عندي بس ماعطيته..حاولت اكون اذكى منه..لين قبل جم يوم طلب مني مبلغ بخمسين ألف..وصدفة سمعته يتكلم في التليفون مع رفيجه ويقوله..لاتخاف باخذ كل فلوسها بس اصبر علي شوي..علشان ماتحس اني متزوجها علشان فلوسها..وسمعته مرة يتكلم مع وحدة ويتغزل فيها..ويقولها اليوم كله عندج..وهذي اللي عندي بطلقها بس عقب مااقطها بالشارع..(قعدت تصيح)
العنود(ضمتها):بس ياحبيبتي..قطعتي قلبي..الحين بتشوفين ابوي واخواني ايش بيسوون فيه..
العنود:ماابي شي منه بس ابيه يطلقني ويرجع لي فلوسي..
وصارت الساعة 11..جى ريلها سلمان..بس دخلوه المجلس واستلموه..وكان عصبي بردوده..
سلمان:لو سمحتوا نادوها لي..ابي اشوفها..
وجات نورة..ودخلت المجلس بوجود ريل خالتها ومحمد وعلي..
سلمان:ليش ماتغطين عن الرياييل؟
نورة:هالشي يخصني..وبعدين هم هلي قبل لتدخل حياتي..
سلمان(انقهر):ياللا نمشي البيت..
نورة:آسفه..ماني رايحة معاك..هذا بيتي..واللي عليك انك تطرش لي ورقة طلاقي..وتنسى اني كنت زوجتك يوم من الايام..
سلمان(حاول انه يكون لطيف معاها):نورة ايش هالكلام..خلينا نرد البيت ونتفاهم..
نورة(مسكت اعصابها):اسمع ياسلمان..ردة البيت انساها..وورقة طلاقي بتوصلني باجر..وعلى فكرة الفلوس اللي خذتها مني كلها ترجعها لي..ريال ينطح ريال..
سلمان(عصب):نعم؟؟..اي فلوس ان شاء الله..ليكون على بالج اني فقير وماعندي فلوس؟
نورة:أي هذا اللي عرفته عنك..اعتقد سمعتني فلوسي ترجعها..
سلمان:ماعندج اثبات اني خذت فلوسج..لاتتهمين الناس..
نورة(ابتسمت بخبث):لاتخاف عندي دليل كبير انك خذت فلوسي وراح اسلمه للشرطة اذا ماوصلت فلوسي خلال اسبوع..عن اذنك..
وراحت..سلمان انصدم وهو واقف مكانه..ريل خالتها وعيال خالتها اندهشوا بقوة شخصيتها وذكائها..
وعقب ماراح سلمان..كلهم قعدوا بالصالة..
علي:نورة شنو دليلج؟
نورة:مسجلة صوته وهو يقولي اني راح ارد لج الفلوس على نهاية الشهر..وكم مبلغ ماخذ مني..
بوعلي:ماشاء الله عليج يانورة..ماينخاف عليج..
نورة:مثل ماهو ذكي انا أذكى منه..
باجر في بيت بوعبدالعزيز...



موزة قاعدة مع امها في الصالة...
ام عبدالعزيز:يمه موزة ماانت رايحة الدوام اليوم؟
موزة:بلا بس عقب الفطور ان شاء الله..
ام عبدالعزيز:وبتمين لين الصبح؟
موزة:أي يمه..
ام عبدالعزيز:تعب عليج..
موزة:شسوي هذا شغلي..
ام عبدالعزيز:انزين عيل قومي ريحي..
موزة:عقب صلاة العصر بريح شوي..مابقى شي على الاذان..
في بيت محمد..يجون الضيوف ويفطرون...وتقعد مريم تسولف مع فاطمة..
فاطمة:يامريم..خالج يحملني مسؤولية وفاة ولدنا..
مريم:فاطمة حبيبتي..هذا قضاء وقدر..
فاطمة:قلت له..ماكو فايدة..تغير علي..ماعاد تميم اللي اعرفه..صار جاف المشاعر..ومايقعد عندي..وعقب صلاة التراويح يا عند هله يا عند ربعه..زين بس يي حزة الفطور..والايام العادية كان يتغدى بس لا يتريق ولايتعشى..كأنه يعاقبني..مثل ماهو ولده هو ولدي انا بعد..
مريم:فاطمة بسألج سؤال..اشلون مات ولدكم؟؟..محد قدر يفهمنا شالي صار معاكم بالضبط..
فاطمة:انا كنت بالمطبخ وكان عيسى يلعب بالالعاب في الصالة..حطيت السمج بالفرن ورحت اشوفه..ويوم رحت حصلته طايح على الالعاب رحت اشوفه حسبته رقد..بس يوم مسكته حسيت ان فيه شي مو طبيعي..وصرت اناديه مايرد علي..صرت اصارخ وسمعني تميم ونزل وشافه بيدي وانا اصارخ خذناه المستشفى بسرعة جنونية وقعدنا برع ننتظر الدكتور..ويوم طلع خبرنا بهالشي..
مريم:الدكتور ايش قالكم؟
فاطمة:قالنا قضاء وقدر..
مريم:الله يرزقكم واحد غيره..ويعوضكم خير..
فاطمة:آمين..
وتمر الايام ويخلص رمضان والكل يحتفل بالعيد..الا نورة لأنها تطلقت من سلمان..وافتكت من شره..
وثالث يوم العيد...دخل تميم البيت..شاف فاطمة قاعدة وهي متضايقة تطالع تلفزيون..قعد عندها..وظل ساكت....
تميم:فاطمة..
فاطمة:لبيه..
تميم:قومي لبسي خلنا نتغدى برع..
فاطمة(مااستوعبت اللي قاله لكن راحت تلبس)
وهم بالمطعم..كان السكوت هو جليسهم..
فاطمة:تميم..سامحني..وصدقني ربك كريم وبيرزقنا بواحد غيره..
تميم(ابتسم لها):انسي الموضوع يافاطمة..أنا جاي هني علشان نفتح صفحة جديدة بينا..واللي صار كان قضاء وقدر..ولااعتراض..صحيح اني تغيرت عليج كأني عاقبتج..بس سامحيني..غصب عني..انت تدرين اني كنت احبه وايد..وهذا ثاني شخص حبيته وراح عني..
فاطمة(تضايقت على حال زوجها مسكت يده):الله يخليك لي ولايحرمني منك يوم..أنا أحبك وايد ياتميم..وان شاء الله ربي بيعوضنا..
في بيت بوعبدالعزيز..كلهم قاعدين حول امهم وابوهم...
مريم:ماشاء الله على خالد والهنوف مايشبهون بعض..
عبدالعزيز:الا يشبهون..
مريم:ماادري ليش أحسهم مايشبهون بعض..
منيرة:الهنوف تشبه ابوها..وخالد يشبه امه..
اسماء:حتى هلي يقولون جذي..
سعود(يدخل البيت ويقعد معاهم)
خولة:أخبارك ياسعود؟
سعود:الحمدلله..
هالة:اسماء ماناويين تزوجونه؟
اسماء:خله يتخرج..
هالة:ومتى تخرجه؟
سعود:عقب سنة ونص..
مريم:انت ليش جذي بطيء؟
سعود:يبه انا قاعد ادرس هندسة كميائية..مو ايشي عادي..
موزة:لاحبيبي مو مثل الطب..
سعود:هالتخصص مانقدر عليه..
مريم:عيل لتخرجت ان شاء الله وين بتشتغل؟
سعود:ماادري..
ومع أيام....
في بيت بوعلي...



العنود تدخل البيت وتروح تقعد مع نورة...
العنود:اشلونج؟
نورة:بخير..انت اخبارج؟
العنود:الحمدلله..قولي لي مبروك..
نورة:أكيد حامل..
العنود:أي..
نورة(حبتها):ألف مبروك..وبأي شهر؟
العنود:توني بالاول..
نورة:ديري بالج على صحتج..
العنود:ايش رايج نطلع اليوم..
نورة:سمحيلي مااقدر..
العنود:العدة وخلصتيها..ايش له تقعدين بالبيت؟
نورة:مالي خلق..
العنود:ليكون حنيتي له؟
نورة:لاحبيبتي..بس صج مالي خلق..
العنود:ولي سلمج خلنا نطلع..ونتعشى ونرد..
نورة:وين ريلج عنج؟
العنود:طلع مع ربعه..ها ايش قلتي؟
نورة:امري لله..
العنود:فديت نورة انا..
تحت...
ام علي(تتصل):السلام عليكم...هلا يمه محمد اشلونك؟...الحمدلله كلنا بخير...اخبار مرتك وعيالك؟...اقول محمد تقدر تمرنا عقب الصلاة؟...اي صلاة العشاء...انا وابوك نبيك بسالفة..
محمد:خير يمه؟
ام علي:خير ان شاء الله..لييت بتعرف..
محمد:خلاص عقب الصلاة بمركم..مع السلامة..
مريم:جاسم ناد ريم ابيها تساعدني في المطبخ..
جاسم:ريم..ريمو..
ريم:ايش تبي؟
جاسم:امي تبيج في المطبخ..
ريم:الحين بروح..
محمد(يروح المطبخ):اقول يالغالية..
مريم:خير حبيبي..
محمد:عقب صلاة العشاء رايح بيت ابوي..متصلين فيني ويبوني..
مريم:خير ان شاء الله..
محمد:ماادري شالسالفة..انا الحين طالع علشان مواعد واحد من الربع عند المسجد..تامريني بشي؟
مريم:بتتعشى معانا؟
محمد:انتوا سبقوني..تبين شي؟
مريم:سلامتك..دير بالك وانت تسوق..
في بيت بوعبدالعزيز...عبدالعزيز يدخل البيت مع زوجته...
ام عبدالعزيز:هلا وعليكم السلام..
يقعدون...
عبدالعزيز:موزة ردت؟
ام عبدالعزيز:أي يمه ردت من شوي..
عبدالعزيز(قام):عن اذنكم شوي..
وراح غرفتها..دق الباب..
موزة:من؟
عبدالعزيز:عبدالعزيز..
موزة(فتحت الباب):حياك عبدالعزيز..
عبدالعزيز(دخل):اشلونج؟
موزة:الحمدلله..من زمان ماشايفك..
عبدالعزيز:حتى احنا..
موزة:شسوي مشاغل المستشفى..
عبدالعزيز(قعد):قعدي..ابيج بسالفة..
موزة(قعدت):خير؟
عبدالعزيز:موزة انا بدخل في الموضوع على طول من غير مقدمات..في واحد متقدم لج..
موزة:من؟
عبدالعزيز:واحد عنده شركته الخاصة..ووضعه ممتاز..
موزة:تعتقد اني بوافق؟
عبدالعزيز:ليش لا..ريال مافيه الا كل خير..
موزة:عبدالعزيز انا لايمكن اوافق على الزواج..دام اني صرت دكتورة..شغلي يحكم علي اني اتبعه بكل احواله..وانا اذا تزوجت زوجي لما يرد البيت لازم يحصل الاكل زاهب ويبيني في البيت ونطلع ويعني من هالقبيل وانا مااقدر..عندي ثلاثة ايام منوابة في الاسبوع..وين يقدر الريال يتحمل هالشي؟
عبدالعزيز:بس الريال يدري انج دكتورة وعارف شغلج..
موزة:يقول..بكرة عقب الزواج كل شي يتغير..ويمكن يفرض علي رايه ويخليني اقدم استقالتي..
عبدالعزيز:هذا رايج الاخير؟
موزة:أي نعم..هذا رايي الاخير..
عبدالعزيز(قام):على راحتج..هذي حياتج وانت ادري فيها..بتنزلين؟
موزة:أي نازلة اتعشى..
في بيت بوعلي..قاعد محمد مع امه وابوه وهم يشربون شاي...
محمد:خير يبه بغيتوني بسالفة؟
بوعلي(يناظر ام علي):أي يبه..
محمد:خير..



الظاهر ام علي وبوعلي عندهم سالفة مهمة..بس شنهي؟؟

أشوفكم على خير..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 18-01-2014, 05:24 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل السابع والعشرين**




في المستشفى...عند الطواري...
راشد(يركض لين ماوصل لهم):طمني يوسف..ايش صار على جواهر؟
يوسف:ولاشي يبون يسوون لها عملية قيصرية..
راشد:ايش له..وبعدين توها على الولادة..بقى لها شهر..
يوسف:ماادري الدكتورة جات وخبرتنا..تعال معاي نروح للدكتورة..
وراحوا لها...
الدكتورة:لو سمحت لازم توقع على العملية..
راشد:دكتورة بدري عليها..
الدكتورة:الجنين تعبان ولازم ينولد..لو سمحت تفضل معاي علشان توقع ورقة العملية..
في بيت بوعبدالعزيز..



يرن تليفون البيت...ترد اسماء...
اسماء:السلام عليكم..
قمر:وعليكم السلام..أخبارج أسماء؟
اسماء:الحمدلله..انت اخبارج قمر؟
قمر:بخير..خالتي موجودة؟
اسماء:أي نعم موجودة ..تبين أناديها..
قمر:لا..بس أبيج تخبرينها إن جواهر ربت وجابت محمد..
اسماء:بالمبارك..
قمر:الله يبارك فيج..
اسماء:ان شاء الله بخبرها..مع السلامة..
ام عبدالعزيز(تيي وتقعد):من كنت تحاجين؟
اسماء:هذي قمر..تقول إن جواهر ربت وجاها محمد..
ام عبدالعزيز:توها مبجر على الولادة..
اسماء:ماادري ياعمتي..
ام عبدالعزيز:عطيني التليفون خلني اتصل فيهم..
في بيت مريم...يرن تليفون البيت...
مريم:السلام عليكم..
اسماء:وعليكم السلام..أخبارج ياأم الريم؟
مريم:الحمدلله..انتوا اخباركم؟
اسماء:الحمدلله..كلنا بخير..طمنيني على البنوتة..
مريم:تسلم عليكم..
اسماء:اقول مريم بغيت اخبرج عن جواهر..تراها ربت وجاها محمد..
مريم:ماشاء الله..محمد بعد..فديت محمدي..
اسماء(تضحك):الله يخليه لج..
مريم:آمين..تسلمين ياام سعود...سلمي عليهم..مع السلامة..
محمد:ايش عندكم..جايبين طاريي؟
مريم:جواهر بنت خالتي جاها ولد سموه محمد..
محمد:ياسلام..وايش معنى محمد؟..لهالدرجة يحبون اسمي؟
مريم:وايد لأنك ريلي..علشان ابو ريلها..
محمد:أي..انزين تعالي خذي الريم..نايمة..
مريم(قامت):فديتها والله..
وتمر السنين على خير..وتصير تغييرات كثيرة في حياتهم..
محمد ومريم ينرزقون بجاسم..وريم تكبر ويصير عمرها 15 سنة..وجاسم 12 سنة..وموزة تتخرج من الجامعة وتشتغل في المستشفى دكتورة طب عام..
وعبدالعزيز عياله يكبرون وينرزقون بتوم بنت وولد..سموهم خالد والهنوف..
وسلطان الله يرزقه بهند والريم..وجواهر تنرزق بولد سموه جبر وبنت اسمها رغد..وقمر تتزوج وتنرزق بولد سموه بدر..
والعنود أخت محمد تتزوج ونورة بنت خالتهم تتزوج..
وتمر الايام على خير..والكل مشغول بحياته...
في بيت راشد...
كلهم متجمعين على الفطور..وناطرين يأذن أذان المغرب..
راشد(يقوم):ياللا جبر..علشان نلحق على الصلاة..
جبر(وهو ياكل):انطر بعد شوي..أنا ميت من الجوع..
راشد:واحنا هاذي حالتنا معاك كل يوم..قوم..
جبر(قام وهو ياكل)
راشد:بنرجع البيت..ماشايف أكل بعمرك..
جواهر:ياللا جبر بسك..
في بيت بوعبدالعزيز...الرياييل يدخلون البيت..يحصلون الحريم يزهبون طاولة الاكل..
سعود(يقعد):ياللا عجلوا..وراي امتحان ومذاكرة..
اسماء:ثواني..خلي جدك وابوك ييون..وين مشعل؟
سعود:راح يلبس بيجامته..
اسماء:وانت ايش عندك قاعد بثوبك؟
سعود:مالي خلق اروح وارد..
ويقعدون كلهم ويفطرون...
بوعبدالعزيز:عبدالعزيز متى اجازة الخمس الاواخر؟
عبدالعزيز:عقب باجر ان شاء الله..
سعود:لولا رمضان جان دعيت على دكاترتنا بالجامعة..يعني ماتحلالهم الامتحانات الا عقب رمضان..
مشعل:أي والله..يعني الواحد اشلون يتونس بالعيد..
بوعبدالعزيز:ام عبدالعزيز موزة ماردت من المستشفى؟
ام عبدالعزيز:لا والله..قالت بترد على الساعة 10..لأن اليوم عندها مناوبة..
في بيت محمد...قاعدين في الصالة..
محمد:الريم متى امتحانج؟
الريم:بعد العيد..
محمد:وانت جاسم؟
جاسم:بعد العيد..
مريم:دوم جذي يسوون في الطلبة..
محمد:شدوا حيلكم بالدراسة..
جاسم:انا مب رايح باجر المدرسة..
مريم:ليش ان شاء الله؟
جاسم:لإن عقب باجر اجازة..
محمد:ويعني..ماكو غياب باجر..(قام)..أنا بروح أتزهب للصلاة..انت بعد قوم تزهب..
في المستشفى...موزة كانت بغرفة مريضة...
موزة:اشلونج يمه؟
المريضة:الحمدلله على كل حال..متى بترخصوني يابنيتي؟
موزة:قريب ان شاء الله..بس بالاول نتطمن عليج..
ولد المريضة:دكتورة اخبار امي؟
موزة:الحمدلله الوالدة في تحسن..والكوليسترول نزل عن قبل..بس عندها الضغط مازال مرتفع..بس مع العلاج راح تتحسن ان شاء الله..(قعدت تكتب في ملفها وعقب)..سلامتج يمه..ماتشوفين شر..عن اذنكم..
وعقب ماطلعت من الغرفة...
الممرضة:هذا ملف المريضة اللي كانت مسوية عملية الزايدة..بتشوفينها؟
موزة:ليش وين الدكتور عبدالله؟
الممرضة:راح عند مرضى الرجال..
موزة:وين ملف المريضة؟
الممرضة(تمد يدها):تفضلي..
موزة(قعدت تقرأ لين ماعطتها):شوفي اذا في حد عندها..علشان ادخل اشوفها..
وعقب دقايق تدخل موزة...
موزة:اشلونج عبير؟
عبير:الحمدلله..متى بطلع دكتورة؟
موزة(تبتسم):كل ماادخل على مريضة تقولي هالجملة..
الام:ليش يادكتورة من يحب قعدة المستشفى..
موزة:معاج حق..(تكلم الممرضة)..في حد شافها اليوم؟
الممرضة:لا..بس مر عليها الدكتور حسين..
موزة:شاف الجرح؟
الممرضة:لا..
موزة:لو سمحتي ممكن شوي..
الام:بس انا امها لازم اطلع؟
موزة:ياليت..
الام(قامت):حاضر..
في بيت بوسالم...
عقب صلاة التراويح..يتجمعون كلهم يشربون شاي وقهوة والحلو...
تميم:تسلم ايدج حصة على الحلو..وايد حلو..
حصة:عليك بالعافية..
سلطان:غانم متى راد؟
حصة:قبل العيد بيوم..
سلطان:وايشقد اجازته؟
حصة:اربعة ايام..
ام سالم:روحي حصة شوفي بنتج قاعدة تصيح..
حصة(قامت):ان شاء الله يمه..
ام سالم:أخبار زوجتك الحين؟
تميم:الحمدلله..(يرن تليفونه يطلع بالحوش)..آلو...نعم...انا في بيت ابوي تبين شي؟...ماادري..متى ماجيت جيت..مع السلامة..
فاطمة:مع السلامة..(حست بضيق ودمعت عينها)..
رن تليفونها...
فاطمة:هلا مريم..
مريم:اشلونج فطوم..
فاطمة:بخير..انت شاخبارج؟
مريم:الحمدلله..سمعي بقولج شي..باجر على الفطور عازمتكم..اوكي..
فاطمة:لا مريوم..
مريم:مافي شي اسمه لا مريوم..انا عزمت وخلاص..
فاطمة:كلمتي خالج؟
مريم:الحين باتصله..ياللا مع السلامة..تصدق محمد احس من صوتها انها متضايقة وايد..
محمد:اكيد ولدهم مات وشي طبيعي بيحسون بالضيقة..
مريم(تتصل في خالها):السلام عليكم..هلا بالخال..اشلونك؟
تميم:بخير انت شاخبارج؟
مريم:الحمدلله....كلهم بخير..اسمع خالي..
في بيت بوعلي...نورة تزور خالتها..ومحد يكون بالصالة...
نورة:خالتي..
ام علي:نعم..
نورة(بخوف):خالتي أنا ابي اتطلق من ريلي..
ام علي(فجت عينها واستغربت):ليش يابنيتي؟
نورة(قعدت تصيح وحضنتها خالتها)
ام علي:خير يايمه ايش صاير؟
نورة(تمسح دموعها):خالتي..ريلي متزوجني علشان فلوسي مو علشان شي ثاني..كل يوم يطلب مني مبلغ ويقولي انا بحاجته..مااقدر اقوله لا..يمكن صج محتاج..اعطيه وبالاخر اكتشفت ان الفلوس ماخذها وخاشه عنده في البنك..
ام علي:ومن اللي قالج انه يخش الفلوس؟
نورة:سمعته يقول حق واحد من ربعه..إنه متزوجني علشان فلوسي وهو متزوج علي..(قعدت تصيح)
ام علي(انصدمت وماقدرت تقولها ولاشي خذت التليفون واتصلت على ريلها)
نورة(قامت):خالتي ماني رادة البيت..بروح داري..
ام علي:روحي يمه ارتاحي..
ام علي(اتصلت في العنود):العنود يمه..تعالي عند نورة..اي هي عندنا..عندها مشكلة عودة...ريلها..انت تعالي وعقب بتعرفين السالفة كلها..مع السلامة..
في محمد..يرن تليفون البيت...
مريم:السلام عليكم...هلا عمتي..بخير انت شاخبارج؟..الحمدلله كلهم بخير..محمد؟..اي نعم موجود..لحظة..محمد..امك بالتليفون..
محمد(يروح عند التليفون):السلام عليكم..
مريم:ريم يمه تعالي معاي المطبخ خلني ازهب السحور من الحين..
ريم:ان شاء الله..
جاسم:يمه انا جعت..
مريم:تعال المطبخ..
وعقب خمس دقايق...
محمد:اقول مريم..
مريم:عيوني..
محمد:انا بروح بيت ابوي..
مريم(شافته متضايق):صاير شي؟
محمد:أي..
مريم:خير؟
محمد:في مشكلة..انا بروح اشوفهم وراد..بروح ابدل..
مريم:ريم يمه ديري بالج وانت تقشرين البطاطا..بروح عند ابوكم وبرد..
في الغرفة..
مريم:محمد ايش صاير؟
محمد(وهو يلبس):نورة..
مريم:اشفيها؟
محمد:ريلها متزوج عليها وقاعد يلهف فلوسها..
مريم:لاحول ولاقوة الا بالله..
محمد:انا اوريه..ياخذ من بناتنا ويسوي فيها جذي..صج مو ريال..يراكض وراء فلوس زوجته..صج مايستحي..
مريم:لاتنسى ان احنا برمضان..
محمد:استغفر الله..انا رايح..مع السلامة..
مريم:في حفظ الله..
في بيت بوعلي..في غرفة نورة...
العنود:ايش صار بالضبط؟
نورة:اول مرة طلب مني مبلغ 20 ألف ريال..وقالي انه محتاج علشان قسط البيت اللي شاريه..وانا صدقته وعطيته..وعقب طلب مني مبلغ 8000 ريال..قلت له ماعندي حاليا انتظر شوي..جاني عقبه بإسبوع وقالي ابي 12000..شكيت..قلت معقولة هو ماعنده فلوس..عطيته خمسة مع ان عندي بس ماعطيته..حاولت اكون اذكى منه..لين قبل جم يوم طلب مني مبلغ بخمسين ألف..وصدفة سمعته يتكلم في التليفون مع رفيجه ويقوله..لاتخاف باخذ كل فلوسها بس اصبر علي شوي..علشان ماتحس اني متزوجها علشان فلوسها..وسمعته مرة يتكلم مع وحدة ويتغزل فيها..ويقولها اليوم كله عندج..وهذي اللي عندي بطلقها بس عقب مااقطها بالشارع..(قعدت تصيح)
العنود(ضمتها):بس ياحبيبتي..قطعتي قلبي..الحين بتشوفين ابوي واخواني ايش بيسوون فيه..
العنود:ماابي شي منه بس ابيه يطلقني ويرجع لي فلوسي..
وصارت الساعة 11..جى ريلها سلمان..بس دخلوه المجلس واستلموه..وكان عصبي بردوده..
سلمان:لو سمحتوا نادوها لي..ابي اشوفها..
وجات نورة..ودخلت المجلس بوجود ريل خالتها ومحمد وعلي..
سلمان:ليش ماتغطين عن الرياييل؟
نورة:هالشي يخصني..وبعدين هم هلي قبل لتدخل حياتي..
سلمان(انقهر):ياللا نمشي البيت..
نورة:آسفه..ماني رايحة معاك..هذا بيتي..واللي عليك انك تطرش لي ورقة طلاقي..وتنسى اني كنت زوجتك يوم من الايام..
سلمان(حاول انه يكون لطيف معاها):نورة ايش هالكلام..خلينا نرد البيت ونتفاهم..
نورة(مسكت اعصابها):اسمع ياسلمان..ردة البيت انساها..وورقة طلاقي بتوصلني باجر..وعلى فكرة الفلوس اللي خذتها مني كلها ترجعها لي..ريال ينطح ريال..
سلمان(عصب):نعم؟؟..اي فلوس ان شاء الله..ليكون على بالج اني فقير وماعندي فلوس؟
نورة:أي هذا اللي عرفته عنك..اعتقد سمعتني فلوسي ترجعها..
سلمان:ماعندج اثبات اني خذت فلوسج..لاتتهمين الناس..
نورة(ابتسمت بخبث):لاتخاف عندي دليل كبير انك خذت فلوسي وراح اسلمه للشرطة اذا ماوصلت فلوسي خلال اسبوع..عن اذنك..
وراحت..سلمان انصدم وهو واقف مكانه..ريل خالتها وعيال خالتها اندهشوا بقوة شخصيتها وذكائها..
وعقب ماراح سلمان..كلهم قعدوا بالصالة..
علي:نورة شنو دليلج؟
نورة:مسجلة صوته وهو يقولي اني راح ارد لج الفلوس على نهاية الشهر..وكم مبلغ ماخذ مني..
بوعلي:ماشاء الله عليج يانورة..ماينخاف عليج..
نورة:مثل ماهو ذكي انا أذكى منه..
باجر في بيت بوعبدالعزيز...



موزة قاعدة مع امها في الصالة...
ام عبدالعزيز:يمه موزة ماانت رايحة الدوام اليوم؟
موزة:بلا بس عقب الفطور ان شاء الله..
ام عبدالعزيز:وبتمين لين الصبح؟
موزة:أي يمه..
ام عبدالعزيز:تعب عليج..
موزة:شسوي هذا شغلي..
ام عبدالعزيز:انزين عيل قومي ريحي..
موزة:عقب صلاة العصر بريح شوي..مابقى شي على الاذان..
في بيت محمد..يجون الضيوف ويفطرون...وتقعد مريم تسولف مع فاطمة..
فاطمة:يامريم..خالج يحملني مسؤولية وفاة ولدنا..
مريم:فاطمة حبيبتي..هذا قضاء وقدر..
فاطمة:قلت له..ماكو فايدة..تغير علي..ماعاد تميم اللي اعرفه..صار جاف المشاعر..ومايقعد عندي..وعقب صلاة التراويح يا عند هله يا عند ربعه..زين بس يي حزة الفطور..والايام العادية كان يتغدى بس لا يتريق ولايتعشى..كأنه يعاقبني..مثل ماهو ولده هو ولدي انا بعد..
مريم:فاطمة بسألج سؤال..اشلون مات ولدكم؟؟..محد قدر يفهمنا شالي صار معاكم بالضبط..
فاطمة:انا كنت بالمطبخ وكان عيسى يلعب بالالعاب في الصالة..حطيت السمج بالفرن ورحت اشوفه..ويوم رحت حصلته طايح على الالعاب رحت اشوفه حسبته رقد..بس يوم مسكته حسيت ان فيه شي مو طبيعي..وصرت اناديه مايرد علي..صرت اصارخ وسمعني تميم ونزل وشافه بيدي وانا اصارخ خذناه المستشفى بسرعة جنونية وقعدنا برع ننتظر الدكتور..ويوم طلع خبرنا بهالشي..
مريم:الدكتور ايش قالكم؟
فاطمة:قالنا قضاء وقدر..
مريم:الله يرزقكم واحد غيره..ويعوضكم خير..
فاطمة:آمين..
وتمر الايام ويخلص رمضان والكل يحتفل بالعيد..الا نورة لأنها تطلقت من سلمان..وافتكت من شره..
وثالث يوم العيد...دخل تميم البيت..شاف فاطمة قاعدة وهي متضايقة تطالع تلفزيون..قعد عندها..وظل ساكت....
تميم:فاطمة..
فاطمة:لبيه..
تميم:قومي لبسي خلنا نتغدى برع..
فاطمة(مااستوعبت اللي قاله لكن راحت تلبس)
وهم بالمطعم..كان السكوت هو جليسهم..
فاطمة:تميم..سامحني..وصدقني ربك كريم وبيرزقنا بواحد غيره..
تميم(ابتسم لها):انسي الموضوع يافاطمة..أنا جاي هني علشان نفتح صفحة جديدة بينا..واللي صار كان قضاء وقدر..ولااعتراض..صحيح اني تغيرت عليج كأني عاقبتج..بس سامحيني..غصب عني..انت تدرين اني كنت احبه وايد..وهذا ثاني شخص حبيته وراح عني..
فاطمة(تضايقت على حال زوجها مسكت يده):الله يخليك لي ولايحرمني منك يوم..أنا أحبك وايد ياتميم..وان شاء الله ربي بيعوضنا..
في بيت بوعبدالعزيز..كلهم قاعدين حول امهم وابوهم...
مريم:ماشاء الله على خالد والهنوف مايشبهون بعض..
عبدالعزيز:الا يشبهون..
مريم:ماادري ليش أحسهم مايشبهون بعض..
منيرة:الهنوف تشبه ابوها..وخالد يشبه امه..
اسماء:حتى هلي يقولون جذي..
سعود(يدخل البيت ويقعد معاهم)
خولة:أخبارك ياسعود؟
سعود:الحمدلله..
هالة:اسماء ماناويين تزوجونه؟
اسماء:خله يتخرج..
هالة:ومتى تخرجه؟
سعود:عقب سنة ونص..
مريم:انت ليش جذي بطيء؟
سعود:يبه انا قاعد ادرس هندسة كميائية..مو ايشي عادي..
موزة:لاحبيبي مو مثل الطب..
سعود:هالتخصص مانقدر عليه..
مريم:عيل لتخرجت ان شاء الله وين بتشتغل؟
سعود:ماادري..
ومع أيام....
في بيت بوعلي...



العنود تدخل البيت وتروح تقعد مع نورة...
العنود:اشلونج؟
نورة:بخير..انت اخبارج؟
العنود:الحمدلله..قولي لي مبروك..
نورة:أكيد حامل..
العنود:أي..
نورة(حبتها):ألف مبروك..وبأي شهر؟
العنود:توني بالاول..
نورة:ديري بالج على صحتج..
العنود:ايش رايج نطلع اليوم..
نورة:سمحيلي مااقدر..
العنود:العدة وخلصتيها..ايش له تقعدين بالبيت؟
نورة:مالي خلق..
العنود:ليكون حنيتي له؟
نورة:لاحبيبتي..بس صج مالي خلق..
العنود:ولي سلمج خلنا نطلع..ونتعشى ونرد..
نورة:وين ريلج عنج؟
العنود:طلع مع ربعه..ها ايش قلتي؟
نورة:امري لله..
العنود:فديت نورة انا..
تحت...
ام علي(تتصل):السلام عليكم...هلا يمه محمد اشلونك؟...الحمدلله كلنا بخير...اخبار مرتك وعيالك؟...اقول محمد تقدر تمرنا عقب الصلاة؟...اي صلاة العشاء...انا وابوك نبيك بسالفة..
محمد:خير يمه؟
ام علي:خير ان شاء الله..لييت بتعرف..
محمد:خلاص عقب الصلاة بمركم..مع السلامة..
مريم:جاسم ناد ريم ابيها تساعدني في المطبخ..
جاسم:ريم..ريمو..
ريم:ايش تبي؟
جاسم:امي تبيج في المطبخ..
ريم:الحين بروح..
محمد(يروح المطبخ):اقول يالغالية..
مريم:خير حبيبي..
محمد:عقب صلاة العشاء رايح بيت ابوي..متصلين فيني ويبوني..
مريم:خير ان شاء الله..
محمد:ماادري شالسالفة..انا الحين طالع علشان مواعد واحد من الربع عند المسجد..تامريني بشي؟
مريم:بتتعشى معانا؟
محمد:انتوا سبقوني..تبين شي؟
مريم:سلامتك..دير بالك وانت تسوق..
في بيت بوعبدالعزيز...عبدالعزيز يدخل البيت مع زوجته...
ام عبدالعزيز:هلا وعليكم السلام..
يقعدون...
عبدالعزيز:موزة ردت؟
ام عبدالعزيز:أي يمه ردت من شوي..
عبدالعزيز(قام):عن اذنكم شوي..
وراح غرفتها..دق الباب..
موزة:من؟
عبدالعزيز:عبدالعزيز..
موزة(فتحت الباب):حياك عبدالعزيز..
عبدالعزيز(دخل):اشلونج؟
موزة:الحمدلله..من زمان ماشايفك..
عبدالعزيز:حتى احنا..
موزة:شسوي مشاغل المستشفى..
عبدالعزيز(قعد):قعدي..ابيج بسالفة..
موزة(قعدت):خير؟
عبدالعزيز:موزة انا بدخل في الموضوع على طول من غير مقدمات..في واحد متقدم لج..
موزة:من؟
عبدالعزيز:واحد عنده شركته الخاصة..ووضعه ممتاز..
موزة:تعتقد اني بوافق؟
عبدالعزيز:ليش لا..ريال مافيه الا كل خير..
موزة:عبدالعزيز انا لايمكن اوافق على الزواج..دام اني صرت دكتورة..شغلي يحكم علي اني اتبعه بكل احواله..وانا اذا تزوجت زوجي لما يرد البيت لازم يحصل الاكل زاهب ويبيني في البيت ونطلع ويعني من هالقبيل وانا مااقدر..عندي ثلاثة ايام منوابة في الاسبوع..وين يقدر الريال يتحمل هالشي؟
عبدالعزيز:بس الريال يدري انج دكتورة وعارف شغلج..
موزة:يقول..بكرة عقب الزواج كل شي يتغير..ويمكن يفرض علي رايه ويخليني اقدم استقالتي..
عبدالعزيز:هذا رايج الاخير؟
موزة:أي نعم..هذا رايي الاخير..
عبدالعزيز(قام):على راحتج..هذي حياتج وانت ادري فيها..بتنزلين؟
موزة:أي نازلة اتعشى..
في بيت بوعلي..قاعد محمد مع امه وابوه وهم يشربون شاي...
محمد:خير يبه بغيتوني بسالفة؟
بوعلي(يناظر ام علي):أي يبه..
محمد:خير..



الظاهر ام علي وبوعلي عندهم سالفة مهمة..بس شنهي؟؟

أشوفكم على خير..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 18-01-2014, 05:37 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الثامن والعشرين**




في بيت بوعلي..قاعد محمد مع امه وابوه وهم يشربون شاي...
محمد:خير يبه بغيتوني بسالفة؟
بوعلي(يناظر ام علي):أي يبه..
محمد:خير..
بوعلي:الخير بوجهك..اقول يبه محمد..انا وامك نفكر بنورة بنت خالتك..
محمد:اشفيها نورة؟
ام علي:يايمه البنت وحيدة مالها بهالدنيا الا احنا..والبنت مطلقة..واحنا ماتامين لها..فنبي نستر على البنية قبل للأمانة تروح لعند ربك..
محمد:بعد عمر طويل..ليش من متقدم لها؟
بوعلي:محد..
محمد(استغرب):عيل اشلون..ماني فاهم..
ام علي(تناظر بوعلي وهي خايفة من ردة فعل ولدها):احنا قلنا..ان نزوجها..
محمد:تزوجونها!!..لمن؟
بوعلي:لك انت..
محمد(مااستوعب اللي سمعاه):نعم؟!!..ايش قلت يبه؟
بوعلي:يابوك مانحصل احسن منك يستر على البنية..
محمد:بس يايبه انا متزوج وعندي عيال..
ام علي:مايخالف يمه..الشرع حلل اربع..وبعدين ظروف بنت خالتك هي اللي تحدك على الزواج الثاني..
محمد(عصب):شنو الظروف تحدني!!..انا متزوج ولايمكن اتزوج على زوجتي..
بوعلي:محمد..اشفيك معصب؟
محمد:السموحة..بس الكلام اللي تقولونه مو معقول..
ام علي:ليش مو معقول..مافيها شي اذا تستر على البنية..
محمد:يايمه انا ريال متزوج وعندي عيال وعيالي ماهم صغار..يعني حرام اهدم بيتي على حساب غيري..
ام علي:ماتحجى يابوعلي..
بوعلي:محمد يبه..صحيح انت متزوج وعندك عيال..بس بيتك ان شاء الله ماراح ينهدم..
محمد:يبه انا احب زوجتي وايد واحب عيالي ولايمكن افكر يوم اني اخرب سعادتهم..
بوعلي:لاتخاف..زوجتك ماراح تسوي شي اذا تفهمت الوضع..
محمد:يبه يمه..اشفيكم علي؟..ايش معنى انا اللي مختاريني..وين اخواني؟؟
ام علي:اخوك علي متزوج ثنتين..واخوك سيف متزوج وحده مطلقة ورايح بعيد عنا مع عياله..وماهو راد..وحمد مسافر مع زوجته وعياله من سنة علشان يكمل دراسته..ومايندرى متى بيرد..وانت انسب واحد لها..على الاقل اتطمن عليها..
محمد:انتظروا عليها يمكن ييها واحد يتقدم لها..
بوعلي:أي حد بيتقدم لها بيكون طمعان بفلوسها..
محمد:وانا شسوي لها..لايمكن اقدر اوافق..
ام علي:ليش؟
محمد:يايمه افهميني..انا ابي زوجتي..ومااقدر اضايقها..انت تعرفين اذا درت ايش بيصير فيها..
ام علي:كلها يومين تزعل وترد لك..
محمد:يمه مريم ايش سوت لكم؟
ام علي:زوجتك ماسوت شي..بالعكس انا احبها وايد وهي مثل وحده من بناتي..علشان جذي اخترت الضرة الزينة اللي ماتخرب حياتك انت وبنت خالتك..
محمد(مستغرب من افكارهم):وليش ماتعيش بروحها..هي قد هالشي..
بوعلي:اشلون ترضى ان بنت خالتك تعيش بروحها من غير ريال؟؟
محمد:وانا ماارضى اخرب بيتي..انا ادري اذا مريم درت ايش بتسوي..
ام علي:بتزعل شوي وعقب بترضى بالامر الواقع..محمد يمه لاتزعلني..
بوعلي:فكر بالموضوع وعقب قرر..ترى انت احسن واحد يناسبها..
مرة وحدة تدخل العنود مع نورة..ويسلمون.....
نورة:محمد اشلونك؟
محمد(مصدوم من كلامهم وقف):هلا نورة..ياللا عن اذنكم..مع السلامة..
الجميع:مع السلامة..
العنود:يمه اشفيه محمد؟
ام علي:مافيه شي..شنو شاريين؟
في بيت محمد..مريم قاعدة تطالع تلفزيون مع عيالها...يدخل محمد فجأة عليهم..ويشوفهم قاعدين يطالعون تلفزيون ويكسرون حب..قال في نفسه...
محمد:اشلون قلبي يطاوعني اهدم هالبيت المعمور..واخرب سعادتهم على حساب غيري..حرام..مااقدر..
مريم وعيالها انتبهوا وقوف محمد وهو يطالعهم...راح عنهم غرفته...
مريم(قامت):لخلصتوا سكروا التلفزيون..
وراحت الغرفة..حصلت محمد فاصخ الغترة وحاطها على السرير وفاتح ازرته وهو سرحان..خذت الغترة وحطت مكانها..وقربت منه..ومسكت يده وفصخت ساعته..وحطته في الدرج..وقعدت عنده وهي مبتسمة...
مريم:في ايش سرحان؟
محمد:فيج يامريم..
مريم(استغربت نظرة محمد لها):لهالدرجة تحبني؟
محمد(مسك ايدينها):مو بس احبج..اموت فيج..ولايمكن استغنى عنج ايش ماصار..
مريم(ماهي عارفة شنو سبب هالكلام والنظرات):محمد ايش رايك تغير ملابسك..
محمد:الحين..
مريم(قامت):بروح اشوف العيال وجايه..
في بيت راشد...جواهر قاعدة تسكت بنتهم الصغيرة رغد..
راشد(فتح عينه):جواهر سكتيها..
جواهر:شسوي فيها ماتسكت..انطر شوي علي..خلني اسوي لها حليب..
راشد(عصب):قلت لج سكتيها..وراي دوام من الصبح..
جواهر:تحمل شوي..
راشد(قام وهو معصب):يوووووه..أف..
وطلع من الغرفة وسكر الباب..
الصبح على الساعة 7 تكون ام عبدالعزيز قاعدة تتريق مع بوعبدالعزيز تنزل موزة وهي لابسه...
موزة:صباح الخير..
الجميع:صباح النور..
موزة تقعد معاهم...
ام عبدالعزيز:على وين؟
موزة:رايحة المستشفى..
ام عبدالعزيز:مو على اساس ان اليوم اجازة..
موزة(وهي تتريق):اتصلوا فيني وقالوا لي ان الدكتورة اعتذرت لأن عندها ظروف فبروح بدالها..
ام عبدالعزيز:ومتى بتردين؟
موزة:ماادري..ليش طالعين؟
ام عبدالعزيز:أي رايحين بيت ابوي..
موزة:خلاص اذا خلصت بمركم هناك..(قامت)..ياللا مع السلامة..
بوعبدالعزيز:ديري بالج وانت تسوقين..
موزة:ان شاء الله..
بوعبدالعزيز:عيالنا كبروا..
ام عبدالعزيز:أي والله..كل وحدة انشغلت بحياتها وعيالها..الله يوفقهم وين مايكونون..
في بيت محمد...مريم راحت المطبخ اطلع اللحم من الفريزر..وسمعت صوت الباب..استغربت راحت تشوف...
مريم:ليش رجعت؟
محمد:تعبان شوي وابي انام..
مريم(استغربت):تعبان اشفيك؟
محمد:ولاشي..مارقدت عدل..
مريم:والشغل؟
محمد:ماخذ اجازة..(وراح الغرفة)
مريم(استغربت تصرف محمد..من امس وهو غريب)
في غرفتهم..بدل محمد ملابسه وقعد على السرير يفكر..
محمد:اشلون اقدر اتزوج على مريم..صعب علي اسويها..وعيالي شاقولهم؟..وليش انا بالذات من اخواني..بكسر قلب مريم..وانا مااقدر افارقها..وعيالي ايش بتكون نظرتهم لي..وامي وابوي اللي مصريين على الزواج..ونورة هم مسكينة..لكن مااقدر اتخيلها زوجه لي..هي كانت مثل العنود..ياربي شسوي..انا محتار..
اذا وافقت بهدم بيتي..واذا رفضت بخسر امي وابوي..شسوي؟؟؟
مريم(تدق الباب وتدخل شافته قاعد يفكر):محمد..
محمد(انتبه لها):عيون محمد..
مريم(قعدت عنده وعيونها عليه):صاير شي؟
محمد:شي مثل شنو؟
مريم:ماادري احسك متضايق..
محمد:ماني متضايق..ارتاحي..
مريم:عيل شاتفكر فيه؟
محمد:في الدنيا..
مريم:اشفيها الدنيا؟
محمد:صارت لي مشكلة شوي مع الاهل..لاتقلقين علي..
مريم:خير ان شاء الله..لاتحاتي..ربك كريم وبيسهل امورك..
محمد:ان شاء الله..
على الساعة 2 ونص قاعدين كلهم على طاولة الغداء..
ام راشد:جواهر يمه وين ريلج؟
جواهر(قامت):بروح اشوفه..
راحت فوق..فتحت الباب حصلته قاعد على السرير ويلعب بتليفونه..
جواهر:الغداء زاهب..(وبغت تسكر الباب)
راشد:جواهر..
جواهر:نعم؟
راشد:تعالي شوي..
جواهر:ايش تبي؟
راشد:تعالي شوي عندي..
جواهر:انا مرتاحة هني..قول ايش تبي..امك تنتظرنا..
راشد:لهالدرجة ماتبين تشوفيني..عيونج بعيدة عني..
جواهر:انا نازلة..(وسكرت الباب)
راشد(قام ولحقها ومسك يدها بقو):تسكرين الباب بوجهي؟؟
جواهر:هد يدي عورتني..(راشد هدها)..انا ماسكرت في وجهك..بس عيب عليك امك تنتظرنا..
راشد:حسابي معاج بعدين..
جواهر:مشكور..
راشد(استغرب)
ونزلوا يتغدون...
ام راشد:وينكم تأخرتوا..
راشد:السموحة يمه..
العصر في بيت بوعلي..



العنود قاعدة مع امها يسولفون...
العنود(انصدمت):يمه ايش هالحجي؟؟
ام علي:اشفيج فاجه عينج ومستغربة؟
العنود:يمه انت من صجج تبين تزوجين محمد اخوي حق نورة؟
ام علي:قصري حسج..اشفيها..اخوج محمد اولى من الغريب..
العنود:يمه شنو اولى من الغريب..انت ناسية ان محمد متزوج وعنده عيال وهو عايش مستانس معاهم..
ام علي:ادري..بس انا ابي استر على بنت خالتج..ماتدرين الاعمار بيد الله..وبكرة بيي واحد ويقص عليها بجم كلمة ويتزوجها وياخذ كل فلوسها..على الاقل محمد بيحافظ عليها وعلى حلالها..
العنود:يمه صح اللي تقولينه..بس مريم ايش بيصير فيها لدرت..
ام علي:مريم ماراح تدري..واذا درت مو مشكلة تزعل لها يومين وعقب ترضى..
العنود:اشوفج يمه صرتي ماتحبينها..
ام علي:بالعكس يايمه انا احبها واعتبرها مثل بنتي..علشان جذي بضمن ان لها ضرة زينة..
العنود:وشنو اللي يدريج انها بتكون معاها زينة..في زوجه ترضى ريلها يتزوج عليها..وتكون زينة مع ضرتها هذي مستحيلة..
ام علي:عادي انت ناسية ام مبارك ريلها تزوج عليها بنت جيرانهم وهي كبر بنته والبنية علاقتها وايد زينة مع ضرتها..
العنود:يمه مو كل الناس تتشابه..
ام علي:المهم احنا كلمناه وهو اللحين يفكر..وان شاء الله بيوافق..
العنود:كلمتوه؟؟
ام علي:أي..
العنود:الله ياستر من اللي جاي..
ام علي:ماصاير شي ان شاء الله..
في بيت محمد..على الساعة 6..يطلع...
مريم:وين؟
محمد:رايح اشوف المقاول..علشان بيتنا..
مريم:ومتى راد؟
محمد:عقب ساعة ان شاء الله..
مريم:لاتأخر علينا..علشان توصلنا بيت جدي..
محمد:ان شاء الله..
في بيت راشد..يدخل راشد البيت..وينادي عياله محد يرد..تيي امه من غرفتها..وهي ماسكه المسبحة..
راشد:يمه وين جواهر والعيال؟
ام راشد(تقعد):بدورهم..
راشد:اناديهم محد يرد..
ام راشد:انت ناديت عيالك ماناديت زوجتك..جان ردت عليك..يمه راشد ليكون مزعلها بشي..
راشد:ليش هي اشتكت لج؟
ام راشد:لا..ماقالت شي..بس انت اللي فاضح عمرك..
راشد(قام):مافينا شي..انا رايح غرفتنا..عن اذنج يمه..
دق الباب ودخل وشافها قاعدة على الكرسي وشعرها الناعم لافته وحاطه يدها على بطنها...راشد اخترع..قرب منها...
راشد:جواهر اشفيج؟
جواهر:مافيني شي..انت رديت..(حاولت تغير قعدتها)
راشد:جواهر انت تعبانة..خلني اوديج المستشفى..
جواهر:ماله داعي..انا بخير..
راشد:وين حاسة بألم؟
جواهر(حاولت تقوم راشد ماخلاها):صدقني ماكو شي..
راشد(عصب):جواهر..انا أسألج وين يعورج؟
جواهر(خافت منه):بطني..
راشد:قومي خلني اوديج المستشفى..
جواهر:ماله داعي..الحين بصير بخير..
راشد(قومها):لبسي عباتج وخلني اوديج..
جواهر:راشد ماله لزمة..
راشد:اللي قلته يمشي..
واضطرت تلبس ونزلت معاه تحت...
راشد:يمه احنا طالعين رايحين المستشفى خلي الخدامة دير بالها على رغد..
ام راشد:خير يمه؟
راشد:جواهر شوي تعبانة..
ام راشد:خير جواهر يابنيتي..
جواهر:بطني يعورني ياعمتي..
ام راشد:روح يمه ودها..وطمني عليها..
في بيت بوسالم....
ام يوسف:اخبارج يافوزية..من زمان ماشفناج..
ام عبدالعزيز:انا كل يومين في بيت ابوي انت اللي ماتيين..
ام يوسف:شاسوي انشغلت بأحفادي..اخبار مريم وعيالها؟
ام عبدالعزيز:الحمدلله..هي جايه الحين..
حصة:عيل وين جواهر ياعائشة؟
ام يوسف:قالت بتيي..
في العيادة..عقب الفحص...
راشد:خير دكتور؟
الدكتور:لازم نسوي لها تصوير تلفزيوني..وعقب ببين كل شي..
راشد:ومتى التصوير؟
الدكتور:تعالوا باجر على الساعة 4..
راشد:ليش مب الحين؟
الدكتور:لأن قسم التصوير عندنا يسكر على الساعة 7..ماراح اكتب على ادوه..لين مانشوف نتيجة التصوير..بس اذا ماتحملتي الالام خذي لج بندول..وبكرة ان شاء الله ببين كل شي..
راشد(قام):مشكور دكتور..
طلعوا من العيادة..وركبوا السيارة....وظلوا ساكتين....
راشد:جواهر حبيبتي..أنا آسف غلطت عليج اليوم..
جواهر(سكتت وقعدت تطالع الدنيا من الدريشة)
راشد:جواهر..تسمعيني؟
جواهر:راشد لو سمحت معليه توصلني بيت جدي..لأنهم ينتظروني..
راشد:بس انا قاعد احاجيج..
جواهر:إنأجل حجينا لردينا البيت..
في بيت بوسالم...قاعدين مستانسين يسولفون ويضحكون...
مريم تروح الصالة مع قمر وجواهر..يطلع لهم سلطان...
سلطان(يقعد):ايش عندكم قاعدين هني؟
قمر:نسولف..انت ليش هديت الرياييل..
سلطان:جاي اسلم عليكم..
مريم:فديت خالي..اخبارك؟
سلطان:بخير..انتوا اخباركم؟
جواهر:احنا بخير..مقاطعنا..ماادري اذا سوينا فيك شي..
سلطان:تدرون مشاغل الدنيا..
مريم:في هذي معاك حق..
سلطان:عيل وين الدكتورة؟
مريم:داخل تسولف مع الحريم عن المستشفى والامراض..غثوني..قلت خلني اطلع أحسن لي..
سلطان:الله يبعدنا شر المرض..
الجميع:آآمين..
على الساعة 11 وربع في بيت راشد..تروح جواهر غرفتها..وتفصخ عبايتها..وتقعد ترتب شعرها وعقب تروح علشان تبدل ملابسها..راشد يروح غرفة عياله..يحصلهم قاعدين يسولفون...
راشد:ايش عندكم قاعدين؟
محمد:ولاشي يبه..نسولف..
راشد:بكرة وراكم دوام..لاتسهرون..تصبحون على خير..
الجميع:وانت من هله..
وراح غرفته...حصل جواهر ترقد رغد...
راشد(قرب منها وظل ساكت وعقب):اشلونج الحين؟
جواهر:بخير..
راشد:احسن من العصر؟
جواهر(تقعد):الحمدلله..
راشد(يقعد جنبها):زعلانة؟
جواهر:أي زعلانة..
راشد:آسف ياعمري..ادري اني غلطت عليج..بس الظاهر ماكنت بوعيي..
جواهر:معليه..حصل خير..قوم روح بدل ملابسك..
راشد:مسامحتني؟
جواهر(ابتسمت):مسامحتك..
راشد(حب راسها):الله يخليج لي..
على الساعة 4 ونص الفجر..تقوم مريم من النوم ماتحصل محمد في الغرفة..طلعت من الغرفة..حصلت محمد قاعد في الصالة ويفكر..قربت منه...
مريم:محمد ايش عندك قاعد هني؟
محمد:ماجاني نوم..
مريم:انزين قاعد يأذن..
محمد(قام):ياللا انا رايح المسجد..قعدي جاسم..
مريم:ان شاء الله..
مريم قعدت تفكر بمحمد..اشفيه صار له هالجم وايد يفكر..ليكون صاير شي جايد في بيت ابوه..صرت خايفة عليه..
في بيت بوعبدالعزيز...



ام عبدالعزيز قاعدة مع اسماء....
ام عبدالعزيز:اخبار بنات عمج؟
اسماء:الحمدلله..
ام عبدالعزيز:افكر بموزة..
اسماء:اشفيها موزة عمتي؟
ام عبدالعزيز:هذا ثاني واحد يتقدم لها وترفض..
اسماء:تعلقها بشغلها يمنعها من التفكير بالزواج..
ام عبدالعزيز:ودي افرح فيها..بس هي معنده..
اسماء:ياعمتي..تبين الصج..موزة معاها حق ترفض..الريال يحسب انه يقدر يعيش مع دكتورة..لكن مايقدر..بكرة بيحس انها تطلع وايد ويمكن تصير مشاكل بينهم..وهي ماتبي حياتها تخترب من اولها..
ام عبدالعزيز:تبين تقنعيني ان كل دكاترة الحريم مو متزوجين؟؟
اسماء:لاطبعا..
ام عبدالعزيز:عيل اشلون هم عايشين..لو الوحدة ترتب وتنظم حياتها مابتحصل مشاكل..بس هي اللي تحب شغلها..
اسماء:معاج حق ياعمتي..
عقب الغداء..تروح مريم غرفتها تحصل محمد قاعد على النت...
مريم(تقعد على السرير):محمد في شي شاغل بالك؟
محمد(يلتفت لها):شي مثل شنو؟
مريم:ماادري..انت من جم يوم مو طبيعي وصرت تفكر وايد..كل ماابي أسألك احسك تهرب مني..اقول يمكن في شي يخص هله ومو من حقي اعرف..لكن يي انك ماتنام الليل وتقعد تفكر هالشي مااقدر اسكت عليه..صرت احاتيك يامحمد..انت غالي علي..ومافيني اشوفك متضايق..
محمد(قام وقعد جنبها):يابعد عمري يامريم..أنا بخير..لاتقلقين علي..
مريم:اشلون مااقلق عليك واشوفك سرحان وتفكر..شاركني تفكيرك..
محمد(حس بضيق):صدقيني يامريم لو عندي شي راح اقولج..انت تعرفين اسراري كلها عندج..
في العيادة..عقب التصوير....
الدكتور:اليوم حسيتي بالالام؟
جواهر:أي دكتور..
راشد:خير دكتور شنهي نتيجة التصوير؟
الدكتور:والله التصوير نتيجته اوكي..بس نبي نسوي لها منظار للمعدة والقولون..
راشد:ليش دكتور؟
الدكتور:نبي نتأكد من سلامتهم..
جواهر:دكتور يعني لازم اسوي المنظار؟
الدكتور:المفروض نسويه علشان نعرف المشكلة..
راشد:واشلون بتسوون لها اياه؟
الدكتور:لازم نسوي لها في مستشفى حمد..
راشد:متى؟
الدكتور:لازم تاخذون موعد..وانا راح ارتب معاهم..
في السيارة....
جواهر(بخوف):راشد..أنا ماابي اسوي المنظار..
راشد:ليش؟
جواهر:ماابي..
راشد:خايفة؟
جواهر:أي خايفة..وماابي اسوي..ماني مضطرة..
راشد:ليش مو مضطرة..انت تعبانة..
جواهر:ولو..الامي ماهي حادة..
راشد:وتنتظرين تتعبين بزيادة..لا ياجواهر..
جواهر:راشد تكفى لاتجبرني..ماابي اسوي..
راشد:انا ابي اتطمن عليج..والمنظار مايخوف..الدكتور قالج بنج موضعي..
جواهر:ماابي..
راشد:جواهر صغيرة انت علشان تخافين؟
جواهر:أي صغيرة..بس ماني مسويته..
في بيت بوعلي....



بوعلي:اتصلتي فيه؟
ام علي:أي..وقال بالطريق..
العنود تدخل..وتسلم عليهم....
العنود(تقعد):وين نورة؟
ام علي:طلعت تشتري لها جم غرض..
العنود:من متى؟
ام علي:من ربع ساعة..
العنود:راحت مع دريولها؟
ام علي:أي..
وعقب عشر دقايق يدخل محمد..ويسلم ويقعد وهو متوتر...
بوعلي:فكرت؟
العنود(خايفة)
ام علي:احنا نبي مصلحتها..ومصلحتها معاك..اتمنى انك فكرت عدل وتخلينا راضيين عليك..
محمد(رفع راسه):وزوجتي وعيالي شاقولهم؟
ام علي:حاليا لاتقولهم شي..خلي الموضوع هادي..وكل شي بوقته حلو..
محمد:بس انا قاعد اخونها..
ام علي:ليش تخونها..انت بتتزوج بالحلال..وبموافقة هلك بعد..
بوعلي:ادري يامحمد انها صعبه عليك..بس احنا نبي نستر عليها..وقد ماراح من العمر مابقى..
ام علي:ايش قلت يايمه..وافق وريحني..
محمد(بكل تردد):موافق..
العنود(انصدمت):موافق!!!..اشلون يامحمد؟؟...ومريم اللي كنت تحبها وعيالك اللي متعلق فيهم؟؟..هذا كله وين راح؟؟
بوعلي(عصب):العنود..قعدي وانت ساكته..
العنود:يبه حرام عليكم..الريال متزوج..وبتخربون بيته..
ام علي:عن الحجي اللي ماله معنى..مابنخرب بيته ولاشي..
نورة(توصل):السلام عليكم..
الجميع:وعليكم السلام..
بوعلي:زين انج ييتي..
نورة:خير..
بوعلي:قعدي يابنيتي..
نورة(قعدت وهي تشوف عيون العنود)
بوعلي:سمعي يانورة..محمد ولدي بيتزوجج..
نورة(الصدمة كانت قوية وماهي مستوعبة):شنو ياعمي؟
ام علي:نورة يمه..احنا نبي لج الراحة والستر..فمحمد بيستر عليج وبيتزوجج..
نورة(ماهي مصدقة):بس محمد متزوج..
بوعلي:مايخالف..ويعني متزوج..
نورة:زوجته وعياله؟؟؟
ام علي:ماعنده مشكلة..
نورة:لاياخالتي..انا ماارضى اخرب بيت..
بوعلي:نورة..انت لازم تتزوجين ولد خالتج..
نورة(قامت والدموع بعيونها):ليش لازم؟؟..مجبورة؟؟
بوعلي:أي مجبورة..
نورة:ليش انا عالة عليكم؟؟
ام علي:ايش هالحجي..يابنيتي احنا كبرنا..ويومنا قرب..نبي نتطمن عليج..
نورة(دمعتها نزلت):أنا آسفة ياخالتي..مستحيل ادخل ضرة واخرب بيت..ولابعد أكون ضرة على من؟..على مريم لاياخالتي..سمحولي..(وراحت غرفتها حتى اغراضها هدتهم بالصالة)
بوعلي:وانت ليش ساكت؟
محمد:ايش تبوني اقول؟؟
ام علي:قولها كلمتين حلوين..على الاقل تقتنع..
العنود(قامت):بروح اشوفها..
ام علي:مو تغسلين مخها..
راحت غرفة نورة..وبغت تفتحها شافته مقفول..
العنود:نورة فتحي الباب انا العنود..
نورة:خلوني بروحي..
العنود:نورة فديتج فجي الباب..
نورة(فتحت الباب وراحت تقعد على الكرسي)
العنود(سكرت الباب وقعدت عندها):نورة..بلاها الدموع..
نورة:عنود امج وابوج يبون يزوجوني غصب..محمد اخوج مثل اخوي اشلون تبوني اتزوجه..
العنود:نورة حبيبتي..ادري الموضوع مضايقج..بس ما بالبيد حيله..امي وابوي مُصريين..
نورة:ومريم وعيالها..اشلون احط عيني بعينهم؟؟
العنود:مااعرف شاقولج..
نورة:يعني ماانت راضية..
العنود:لاطبعا..لااراضها لج ولااراضها لخوي..
نورة:شفتي ياالعنود لو امي ولا ابوي عندي جان ماجبروني على الزواج..
العنود:لاتلومينهم يانورة..امي وابوي كبروا في السن..وهم خايفين عليج لياخذج واحد ثاني ويقص عليج..وهم متأكدين ان محمد هو الشخص الوحيد اللي يناسبج..
نورة:بس محمد مثل اخوي..وياليته مو متزوج..مااقدر..مااقدر..
في بيت بوسالم...في المرسم...



مريم:خالي..خايفة على محمد..
سلطان:ليش اشفيه محمد؟
مريم:ماادري والله..كل ماأسأله يقولي شوية مشاكل في بيت ابوي..وكل سرحان ويفكر..صرت قلقانة عليه..
سلطان:يمكن صج في مشاكل في بيت ابوه..
مريم:ادري ان مو من حقي اتدخل..بس ماادري احس فيه شي مو طبيعي..
سلطان:لاتفكرين وايد..ان شاء الله تنحل مشاكلهم..
مريم:آآمين..
في بيت بوعلي...في غرفة نورة...
ام علي:نورة اللي سويناه علشان مصلحتج..
نورة:فهميني ياخالتي..فهموني..مااقدر ادخل بحياة حد ثاني..تعتقدين ايش بيكون شعور مريم لما تدري؟؟..عيالها شنو بتكون ردة فعلهم؟؟..مااقدر اتحمل..لا..
ام علي:فاهمتج يابنيتي..بس هذا كله علشانج..
نورة:خالتي انا راضية اني اعيش بروحي..ماني اول وحدة تعيش بروحها..
ام علي:ايش هالحجي؟؟..واذا احتجتي شي؟؟
نورة:انتوا موجودين بناتج موجودين..
في بيت محمد...مريم ترد البيت...وتروح تسوي عشاء..وعقب مايتعشون عيالها..يقعدون يطالعون تلفزيون...يدخل محمد البيت وحالته حاله..يفتح ازرة ثوبه..مريم تفز من مكانها وتروح له...
مريم(بخوف):محمد اشفيك؟؟
محمد(ياخذ نفس):وديني الغرفة..
مريم:ان شاء الله..جاسم ساعدني..
جاسم:ان شاء الله يمه..
دخلوا الغرفة..والريم خذت غترة وعقال ابوها ورقدوه على السرير..
مريم:ريم يمه روحي جيبي ماي حق ابوج..
الريم:ان شاء الله يمه...
جاسم:يبه خلنا نوديك المستشفى..
مريم:أي محمد تكفى خلنا نوديك..
محمد:انا بخير..ماني رايح مكان..بشوفتكم ارتاح..
الريم(جات وعطت الماي حق ابوها وشرب)
محمد:ياعيال خلوني بروحي مع امكم..
وطلعوا...
محمد:مريم قربي شوي..
مريم(قربت)
محمد:عطيني ايدينج..
مريم(مدت ايدينها)
محمد:احبج يامريم..احبج..
مريم(استغربت تصرف محمد وخافت عليه ودمعت عينها):وانا بعد احبك..محمد انت تعبان خلني اوديك المستشفى..
محمد(مسح دمعتها):انا بخير..
مريم:لا يامحمد..انت فيك شي..وشي جايد بعد..تكفى قولي..شالي فيك؟؟
محمد:مريم انا بخير تطمني..خلاص مشكلة هلي انحلت..وانا شوي تعبان لأني كنت مصدع..
مريم:أمانة يامحمد انت بخير؟
محمد(يبتسم):بخير..والحين ارتحت الحمدلله..بس ماعليج امر معليه اشرب من ايدينج عصير ليمون؟
مريم:من عيوني..دقايق ويكون زاهب..ماتبي شي ثاني؟
محمد:سلامتج..
مريم:بس انت ماتعشيت..
محمد:خلاص بتعشى معاج..
مريم(ابتسمت):فديت ريلي..تقدر تبدل ملابسك؟
محمد:بقدر ان شاء الله..انت روحي زهبي العشاء والعصير وانا ببدل..
مريم:اذا تبي انادي جاسم..
محمد:لا اقدر بروحي..
وعقب ماطلعت مريم..تم محمد بروحه يفكر....اشلون اقدر اكسر قلبج يامريم..اشلون..مافيني على فرقاج..بس انا استخرت وربي يسر لي الزواج..آآآآآه يازمن..
ومع مرور ثلاثة ايام....في بيت بوعبدالعزيز....
ام عبدالعزيز(تشرب الشاي):اقول منيرة..
منيرة:خير يمه..
ام عبدالعزيز:اخبار اختج خولة..صار لها يومين مامبينة..
منيرة:ريلها مسافر..ومتوهقة بعيالها ودراستهم..
ام عبدالعزيز:احاول اتصل فيها محد يرد..
منيرة:انا بعد اتصل فيها ماترد..مرة بنتها ردت علي وقالت امي مشغولة..
فوق في غرفة سعود..كان راقد..يرن تليفونه....
سعود(يرد وهو راقد):آلو..
خالد(رفيجه):انت ليحين راقد؟
سعود:شتشوف؟
خالد:مااشوف شي..انزين قوم ياللا علشان نلحق على المحاضرة..
سعود:مافيني على السواقة..نعسان حدي..امس كنت سهران مع اخوي..
خالد:وانا بعد مافيني على السواقة..كنت سهران على النت لين الفجر..وانا معتمد عليك..قوم..
سعود:قوم انت..انا مااقدر..
خالد:ياسلام..واشلون بتروح الجامعة؟
سعود:انت رفيجي وخوي وبتمر تاخذني..
خالد:لا والله..انا ابيك انت اللي تسوق..
سعود:ليش تبي يصير فيك شي اليوم..ياللا قوم..
خالد:صج كسول..
سعود:ماشاء الله عليك انت..اذا نعسان لاتسوق ونروح فيها..خلك نايم احسن..
اسماء(تدخل وتفتح الليتات):صباح الخير..
سعود(يفتح عينه):مع السلامة..صباح النور..
اسماء:كنت تحاجي من؟
سعود:هذا خالد..اقوله تعال مرني..يقولي مااقدر اسوق..
اسماء:وانت ليش ماتسوق؟
سعود:نعسان حدي مافيني على السواقة..
اسماء:ياللا قوم..مسوية لك ريوق..وبتنشط شوي وبتقدر تسوق..
سعود:فديت الغالية اللي تهتم فيني..
اسماء:قوم..لاتأخر..
سعود:ان شاء الله..
في شغل محمد...يرن تليفونه....
محمد:وعليكم السلام...الحمدلله بخير..انت اشلونك؟....ليش؟....اليوم!!!...بهالسرعة؟...(حس بضيقة)..إن شاء الله..انت تامر..مع السلامة..
عيسى:محمد اشفيك؟
محمد:هذا ابوي..
عيسى:خير؟
محمد:يخبرني ان الملجة اليوم..
عيسى:بتسويها يامحمد؟
محمد:ماادري ياعيسى..انا استخرت ووافقت على الاستخارة..بس قلبي معورني على زوجتي..ماادري لدرت ايش بيصير فيها..
عيسى:محمد لازم تفكر عدل قبل لتخطي خطوة..ولازم تعرف ان الزوجة الاولى لايمكن تقبل بهالشي..ويمكن تبتعد عنك..ويمكن بعد تطلب الطلاق..
محمد(انصدم):مستحيل..
عيسى:مافي شي مستحيل..هذا من حقها..هي بتقولك انا ماقصرت بحقك..وحبيتك ليش دخلت علي ضرة..ممكن يامحمد تسمع كلام مايعجبك منها..هذا كله من حقها..
محمد(تضايق بزود):يعني شسوي؟؟
عيسى:ماادري..هذي حياتك وقرارك..انا علي النصيحة..والباقي عليك..
محمد:وامي وابوي ورضاهم علي؟
عيسى:ادري ان الموضوع صعب عليك..وصرت محتار تختار من فيهم..لكن لازم تفكر بعمق اكثر..وبنت خالتك موافقة؟
محمد:لا..
عيسى:لا!!
محمد:ماهي موافقة..ومجبورة توافق علشان امي وابوي..
عيسى:موضوعك صعب..الله يعينكم..


تعتقدون محمد بيتزوج نورة؟؟...وياترى مريم اشلون بتعرف بالسالفة؟؟ وايش بيصير فيها؟؟

هذي كلها تساؤلات وجوابها في فصل 29

انتظروني..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 18-01-2014, 05:40 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل التاسع والعشرين**




في بيت بوسالم...في غرفة سلطان...
سلطان:فديت المها..تعالي قعدي عندي..
مها:خلنا ننزل عند امك..تحصلها قاعدة بروحها..
سلطان:أي صح ماقلت لج..تميم وزوجته بييون يعيشون عندنا..
مها:صج؟
سلطان:أي واخيرا قرر..
مها:شالي غير رايه؟
سلطان:يقولي اهني احسن..
مها:يحليله..
سلطان:يحليلها زوجتي..الله يخليها لي..
مها:قوم..بسك غزل..
سلطان:زوجتي ومن حقي اتغزل فيها..سمعتي اللي يقول..
في بيت راشد...



في المطبخ..كانت جواهر تطبخ..وعقب ماخلصت..طلعت وشافت ام راشد قاعدة اطالع تلفزيون في الصالة..
جواهر:عمتي العشاء جهز..انا رايحة فوق أبدل ملابسي قبل ليرد راشد..
ام راشد:يعطيج العافية..
جواهر:الله يعافيج..عن اذنج..
تروح غرفتهم وتسكر الباب..وتطيح على السرير وهي تتألم..تقوم مرة ثانية وتروح ادور على البندول وتاخذه وتشرب وراه الماي..وترقد على السرير لعلى الالم يخف قبل ليي راشد..
تحت راشد وصل..وسلم على امه..
راشد:عيل وين جواهر؟
ام راشد:راحت تبدل ملابسها..توها طالعة من المطبخ..
راشد:الريحة تثبت..انا بعد رايح ابدل..لأني ميت من الجوع..
راح..وفتح الباب حصل جواهر قاعدة على الكرسي وتمشط شعرها جدام المنظرة..
راشد:مساء الخير..
جواهر:مساء النور..
راشد:يعطيج العافية على العشاء..
جواهر:الله يعافيك..بدل علشان نروح نتعشى..
راشد:ثواني..
في المطعم..محمد ويازوجته وعياله..وهم يسولفون ويضحكون...
الريم:يبه الليلة استمعت وايد..
محمد:استانستوا؟
جاسم:وايد..
محمد:وانت مريم؟
مريم:دام اني مع زوجي وعيالي اكيد بستانس..
محمد(ابتسم لها)
وردوا البيت..راحت مريم تبدل ملابسها..وتم محمد بالصالة وفتح التلفزيون علشان يشوف الاخبار..يرن تليفونه...
محمد:هلا يبه...الحمدلله بخير انتوا شاخباركم؟
بوعلي:تأخرت..
محمد:على شنو؟
بوعلي:انت ناسي انك تزوجت ولازم تكون عند زوجتك الليلة..
محمد(فج عينه):يبه مااقدر..
بوعلي:ليش ماتقدر؟
محمد(خفض صوته):اشلون اطلع ابات برع البيت..شاقولهم؟؟
بوعلي:قولهم بتروح عند زوجتك..
محمد:يبه!!
بوعلي:ياولدي يامحمد..نورة الحين صارت زوجتك..ولازم تيي عندها..
محمد:وانا مااقدر اطلع من البيت الليلة..اصبر علي شوي..
بوعلي:بعطيك فرصة لباجر..
محمد:مع السلامة..
مريم(تيي):كنت تحاجي حد؟
محمد:هاا..اي ابوي..
مريم:محمد اشفيك؟
محمد:مافيني..بس تذكرت ان المفروض اليوم اروح بيت ابوي ونسيت..وهو متصل علي يقولي ليش ماجيت..
مريم:مو مشكلة ان شاء الله باجر..(وقعدت عنده)..
في بيت راشد..وعقب ماتعشوا..راحت جواهر المطبخ تلم الاغراض..وراشد وامه وعياله في الصالة...
راشد:شتطالعين يمه؟
ام راشد:اشوف هالمسلسل..
راشد:يحليلج يايمه..
مرة وحدة يسمعون صوت شي انكسر بالمطبخ..قام راشد..وراح...
راشد:جواهر شنو اللي انكسر؟
جواهر(بتعب وتحاول تخفيه عن راشد):ولاشي..الصحن انزلق من يدي..
راشد:لاتلمين المكسور..نادي الخدامة..
جواهر:ان شاء الله..
وشوي راشد يبي يلف الا..
جواهر(لااراديا):آآآي..
راشد(لف صوبها):جواهر اشفيج؟؟
جواهر(بألم):بطني ياراشد..آآي..
راشد(على طول راح لها ومسك ايدينها وحاول يساعدها وطلعها من المطبخ)
ام راشد:اشفيها جواهر؟
راشد:تعبانة..(قعدها على الكرسي)..خليج هني..بروح اجيب عباتج واوديج المستشفى..
جواهر:ماابي..عطني بندول وبريح..
راشد:مستحيل..بوديج المستشفى غصب عنج..
في بيت تميم...
قاعدين سهرانين على فيلم...تقوم فاطمة...
تميم:وين؟
فاطمة:بروح اجيب العصير تحصله ثلج في الفريزر..
تميم:ولاتنسين الشيبس..
فاطمة:ان شاء الله..
وعقب ماجات فاطمة...
فاطمة:جرب العصير..طعمه وايد حلو..
تميم:من يشهد؟
فاطمة(ابتسمت):انت جرب..
تميم(جرب):امم..لذيذ..من وين تعلمتي؟
فاطمة:من مريم..
تميم:فديت مريم والله..
فاطمة:ماشاء الله عليها تعرف كل شي..طالعه على امها..
تميم:ياللا شوفي خلص الاعلان..
في المستشفى...
الدكتور يطلع....
راشد:ها دكتور طمني..
الدكتور:زوجتك؟
راشد:أي نعم..
الدكتور:لازم نسوي لها منظار..احتمال تكون عندها مشكلة في المعدة..
راشد:مشكلة مثل شنو؟
الدكتور:حاليا ماندري..بس عقب المنظار ببين..
راشد:ومتى بتسوون لها؟
الدكتور:بعد شوي..عن اذنك..
يرن تليفونه...
راشد:هلا محمد..امك بخير...لا بيسون لها منظار..ماادري والله..مع السلامة..
وعقب المنظار...يطلع الدكتور...
راشد:ها دكتور ايش طلع معاها؟
الدكتور:التهاب حاد في المعدة..
راشد(منصدم):التهاب!!
الدكتور:اي التهاب..بس الحمدلله هي بخير ونايمة..وبتقوم بعد ساعة..عن اذنك..
راشد:دكتور..من ايش جاها التهاب..
الدكتور:احتمال من الاكل..بس لاتحاتي هذا شي عادية وتصير كثير عند الناس..عن اذنك..
راشد:دكتور..آسف..بس بغيت أسأل متى تقدر تطلع؟
الدكتور:الفجر ان شاء الله..
راشد:انزين اقدر اشوفها؟
الدكتور:بعد مايطلعونها تقدر تشوفها..عن اذنك..
في بيت محمد...مريم تقوم وتقعد محمد...وتروح تقعد جاسم والريم للصلاة...محمد لبس وقبل ليطلع....
محمد:مريم..عقب الصلاة ماني راد البيت..
مريم(استغربت):ليش؟
محمد:بروح بيت ابوي..
مريم:خير ان شاء الله؟
محمد:خير..بس الوالد كبر في السن..وصار يحب يناديني علشان اقعد معاه..
مريم:مو مشكلة..بتتريق عندهم؟
محمد:اعتقد..واليوم اجازة..ماكو مدارس..على الضحى او عقب صلاة الظهر برد ان شاء الله..بس هالله هالله بالغداء الزين..
مريم:ان شاء الله..
في بيت بوعلي...



في غرفة نورة..تدخل عليها خالتها...شافتها على السجادة...
ام علي:نورة حبيبتي..محمد تحت..وبييج فوق..
نورة(اخترعت):شنو؟؟
ام علي:خلاص محمد الحين صار ريلج..والريال يبي زوجته..
نورة(حست بضيق)
ام علي:ياللا قومي..روحي داره..تراني رتبت الدار مع الخدامة..
نورة قامت بأمر خالتها..وفصخت يلال الصلاة ورتبت عمرها شوي..وراحت غرفة محمد..اللي عمرها مادخلتها من يوم مادخلت هالبيت..حست بضيق وكان ودها تبجي على حالها..وقفت عند الدريشة وهي تتأمل منظر الفجر..الا شوي ودخل محمد...
محمد:السلام عليكم..
نورة:وعليكم السلام..
محمد(لأول مرة يشوف نورة من غير شيله):أخبارج نورة؟
نورة:الحمدلله..
محمد(فصخ غترته وقعد)
نورة(حست بشعوره):محمد..أنا آسفة..ماكنت أبي أسبب لك مشاكل..لكن هذا القدر ومكتوب لنا..
محمد(تضايق):الحمدلله على كل حال..
نورة:مريم قلت لها؟
محمد:لا..
نورة:مايخالف يامحمد..ربك كريم..وان شاء الله مو صاير الا كل خير..
محمد:خايف من ردة فعلها..ماادري اشلون بتستقبل الخبر..
نورة:اذا محد فينا قالها من وين بتدري؟
محمد:الدنيا صغيرة يانورة..ومافي شي ينخش..
نورة:في هاي معاك حق..انزين محمد..انا متنازلة من نصيبي..لاتيي عندي الا حزة العصر علشان مريم ماتشك بشي..
محمد:وامي وابوي؟
نورة:انا حرة متنازلة..
محمد:هم سمعوج من الاول علشان يسمعونج الحين..
نورة:محمد انت مااستخرت؟
محمد:بلا..
نورة:وشنو جواب الاستخارة؟
محمد:حسيت براحة..مع اني ....
نورة:مع انك ماتبي..ادري يامحمد..والله حاسه فيك..لكن ما بالبيد حيله..انت سويت هالشي علشان رضاهم..وانا ماقدرت ارفض لأني لازم انفذ اوامرهم دام اني عايشة معاهم..لكن الحمدلله على كل حال..(قربت منه ووقفت جدامه)..اذا حاس بضيقه خلنا نطلع نشم هواء..
محمد:وين؟
نورة:أي مكان..ان شاء الله الكورنيش..
في بيت راشد...راشد يوصل ومعاه جواهر..ويحاول يساعدها لين مانامت على السرير..
الصبح الساعة 8 في بيت بوعبدالعزيز...



يقومون كلهم من النوم ويقعدون يتريقون...
عبدالعزيز:غريبة سعود قاعد مااصدق..
ام عبدالعزيز:قول لااله الا الله على الولد..ماصدقنا يقعد الجمعة معانا من الصبح..
عبدالعزيز:ماشاء الله..ايش عندك قاعد من الصبح؟
سعود:قلت اجرب صبح الجمعة اشلون..
عبدالعزيز:لاوالله..
سعود:الصج عندي امتحان..وقايم علشان اذاكر..
عبدالعزيز:وانت مشعل تذاكر؟؟
مشعل:أي اذاكر..
في بيت بوعلي...ام علي قاعدة مع بوعلي يتريقون....
بوعلي:قومي قعديهم خلهم يتريقون معانا..
ام علي:خلهم مع بعض توهم عرسان..
بوعلي:قومي قعديهم..خلهم يتريقون معانا..والله اني احب جلسات محمد..
ام علي(قامت):ان شاء الله..
واول ماوصلت لعند الدري نورة تنزل...
نورة:صباح الخير خالتي..
ام علي(بإبتسامة):صباح النور ياعروس..
نورة(تضايقت)
ام علي:زين قعدتوا..كنت توني جايه علشان اقعدكم نتريق جميع..
نورة:صباح الخير عمي..
بوعلي:صباح النور..اشلونج يابنيتي؟
نورة:بخير..
بوعلي:وين محمد مااشوفه معاج..
نورة:محمد راقد..قالي اقعده على العشر..
بوعلي:ايش عنده راقد لحد الحين..مو من عوايده..
نورة:لأن عقب الفجر مانام..
ام علي:ليش مانام؟
نورة:كنا طالعين عقب الفجر..رحنا نتشمى شوي..
ام علي:زين..ان شاء الله استانستي؟
نورة(وهي رايحة المطبخ):الحمدلله..
في بيت بوسالم...
سلطان في غرفته يقرأ سورة الكهف تدخل عليه بنته هند..
هند(تحب راسه):صباح الخير يبه..
سلطان(يفصخ نظارته):صباح النور..حيالله هند..
هند(بإبتسامته المعتادة):اشلونك يبه؟
سلطان:بخير..
هند:يبه اليوم عقب الغداء طالعه مع بنت خالتي..فأبيك تملي بوكي..
سلطان:وانت وبنت خالتج كل اسبوع لازم في السوق..عن ابو شنو تشترون؟؟
هند:يبه نتمشى نتشرى نغير جو..
سلطان:والدراسة؟
هند:تونا الجمعة..لاحقين على الدراسة..
سلطان:كم تبين؟
هند:ابوي كريم وانا استاهل..
سلطان:آخ منج انت..عطيني بوكي على الطاولة..
هند(قامت):ان شاء الله..(جابته)
سلطان(يبي يتغشمر معاها):يكفيج مية؟
هند:شنووووو؟؟؟
سلطان:كلتيني اشوف..شنو سابج انا؟
هند:آسفة يبه..مااقصد..بس شنو مية..هالمية ماتسوي شي..
سلطان:انت حتى الخمسمية ماتسوي شي عندج..انت مايملي عينج الا الشيكات..
هند(تضحك):فديت ابوي اللي فاهمني..
سلطان:علشان جذي..ماراح اعطيج الا خمسمية..واسبوع الجاي لاتجين وتقولين يبه ماعندي فلوس ابي اطلع..سوي مثل خواتج..
هند(تحب راس ابوها):مشكور..عسى عمرك طويل يالغالي..
في بيت بوعلي...محمد ينزل تحت...يحصل نورة تقرأ قرآن...مابغى يزعجها دخل المطبخ..قامت نورة وسكرت القرآن وراحت وراه...
نورة:صباح الخير..
محمد:صباح الخير..
نورة:الريوق زاهب..روح اقعد بجيب لك اياه..
محمد:مشكورة..
وهو ياكل....
نورة:بتروح عند مريم؟
محمد:والله في خاطري..(انتبه)..أنا آسف يانورة..
نورة:لاعادي..هاذي زوجتك..ومن حقك تقول عنها جذي..بالعكس انا ابيك تروح لها..هي ماتستاهل..
محمد:مشكورة نورة..هاي من طيب اصلج..
نورة:انزين روح لها الحين..
محمد:وامي وابوي؟
نورة:عادي ريال عند زوجته..ايش يبون يقولون..
محمد:خلاص بروح لها..
ام علي(تنزل):صباح الخير..
محمد(قام وحب راسها):صباح الخير..
ام علي:ايش رايك اليوم تروح انت ونورة تتغدون برع في مطعم..
محمد(يناظر نورة):بس انا رايح عقب شوي عند مريم..
ام علي:بس انت توك معرس..ولازم تقعد مع زوجتك..
نورة:عادي ياخالتي..أنا راضية خله يروح..
ام علي:بكيفك..نورة الخدامة بدت بالغداء؟
نورة:اعتقد..
مريم كانت تطبخ في المطبخ وهي مشغلة على إذاعة قطر للقرآن الكريم..وفجأة وهي رايحة تفتح الثلاجة شافت محمد واقف عند الباب ويطالعها وهو ساكت....
مريم:محمد!!
محمد(ابتسم لها):صباح الخير..
مريم:صباح النور..مادريت انك جاي..
محمد:اشتقت لج..وماقدرت اطول اكثر..
مريم(ابتسمت):تريقت؟
محمد:أي تريقت..
مريم:انزين مب رايح الصلاة؟
محمد:بلا بروح..والحين بروح اتسبح..ممكن تزهبيني للصلاة؟
مريم:من عيوني..
ومع مرور اسبوع...في بيت تميم.....
فاطمة(تتصل):السلام عليكم..
مريم:وعليكم السلام..
فاطمة:وينج كل هاي علشان تردين؟
مريم:سوري والله..انشغلت شوي..
فاطمة:اخبارج؟
مريم:الحمدلله..انتوا شاخباركم؟
فاطمة:الحمدلله..اقولج اليوم عندج شي؟
مريم:ليش؟
فاطمة:ودي اطلع السوق..وابيج ترافجيني..
مريم:اوكي ماعندي مانع..بس خليني اشاور ريلي وارد عليج..
فاطمة:لاتطاولين..مع السلامة..
مريم:مع السلامة..
في بيت بوعلي...في غرفة محمد....قاعد يقرأ كتاب..ونورة ترتب الغرفة...يرن تليفون محمد....
محمد:السلام عليكم..
مريم:وعليكم السلام..أخبارك؟
محمد:بخير..انت اشلونج؟
مريم:الحمدلله..متى بترد البيت؟
محمد(يشوف نورة اللي قاعدة ترتب الغرفة):عقب العشاء ان شاء الله..عندي كم شغله بخلصها وبيي..وعقب شوي بروح اشوف البيت وين وصل..
مريم:انزين حبيبي..ابي استأذنك..ابي اروح السوق اليوم مع فاطمة..اذا تسمح لي..
محمد:روحي..تبين فلوس؟
مريم:مشكور حبيبي..معاي..
محمد:متى بتردين؟
مريم:على المغرب ان شاء الله..تامرني بشي؟
محمد:والعيال؟
مريم:في البيت..وراهم واجبات..
محمد:ديري بالج على نفسج..
مريم:ان شاء الله..مع السلامة..
محمد:مع السلامة..
نورة(وقفت عن الشغل):محمد لما تكلم مريم خذ راحتك معاها..اعتبرني بنت خالتك وبس..(وطلعت من الغرفة)..
محمد(تألم على حال بنت خالته)
في بيت بوعبدالعزيز....
موزة(تتغدى)
سعود:حد يتغدى الساعة خمس؟
موزة:أنا..
سعود:وليش ماتغديتي في المستشفى؟
موزة:اكل البيت أحلى..اي انتوا الشباب مايحلى بعينكم الا اكل المطاعم..
سعود:اقول عمتي؟
موزة:خير؟
سعود:مامليتي من المستشفى؟
موزة:بالعكس الا يزداد حبي في المستشفى والمرضى يوم وراء يوم..
سعود:وع من يحب المستشفى؟
موزة:أنا..لأني احب تخصصي..
أسماء(تيي):سعود وين رفيجك؟
سعود:ماادري عنه تأخر..
موزة:ليش وين طالع؟
سعود:ولامكان..رفيجي بييني البيت علشان نخلص البحث..
في بيت بوعلي...
نورة(تقوم):خالتي انا رايحة السوق أشتري لي جم غرض..تبين شي؟
ام علي:بتروحين مع محمد؟
نورة(ناظرته وسكتت)
ام علي:لازم تروحين معاه..الحين ماكو تروحين بروحج..قوم محمد ود زوجتك..
محمد:ان شاء الله..تزهبي نورة..
نورة:ان شاء الله..
في السوق...
فاطمة:مريوم ايش رايج بهالجلابية تهبل..
مريم:أي حلوة..اشتريها..
فاطمة:في خاطري بس عندي نفس اللون ومالبسته..تقولين اشتري؟
مريم:اذا في خاطرج اشتري..
فاطمة:ماادري..محتارة..خلاص خلنا نكمل..وبفكر في الطريق اذا بغيته برجع..
مريم:اخاف ماتحصلينه عقب..
فاطمة:اذا لي فيه نصيب باخذه..
مريم:انزين خلنا نروح صوب العبي..أبي اشتري لي شيله..
فاطمة(وهم يتمشون):ماتبين عباية؟
مريم:الاسبوع اللي طاف رحت مع الريم وشريت..بس ماحصلت شيله حلوة..خلنا ندخل هالمحل..
وصاروا يدورون بهالمحلات...لين مادخلوا هالمحل...وكانت مريم وفاطمة يختارون بلايز..فجأة..مريم تنتبه لشي..شافت نورة..عرفتها من صوتها وشكلها..هي تعرفها بالنقاب..بغت تروح تسلم عليها الا شافت محمد داخل وراها...استغربت..قالت في نفسها اكيد محمد جايب اخته ونورة السوق..بس ماشافت حد ثالث معاهم..حاولت تبتعد شوي علشان محمد مايلاحظ وجودها..
البياعة:مساء الخير..
نورة:مساء الخير..(وهي تشوف التنورة)..عندج نفس هذا أبيض؟
البياعة:أي عندنا..
نورة:ممكن اشوفه..
البياعة:تكرم عينك..سواني..
وعقب شوي..تجيبه....
البياعة(ترويها تنورة ثانية):شو رأيك بهي؟
نورة:ماادري..
البياعة:إنت شو رأيك؟
محمد(مايحب يسولف مع الحريم):اذا عاجبج اشتريه..أنا بانتظرج هناك..
وراحت البياعة مع نورة الصوب الثاني..ومريم وفاطمة حاولوا انهم مايبينون..واشغلوا نفسهم بشي...
فاطمة:خلينا نطلع..
مريم:ماني طالعة..لين مااعرف محمد شيسوي هني..محمد عمره مايطلع من غير اخته..في شي غريب..
البياعة:مدام شو رأيك بهالتنورة؟..جديدة..
نورة:حلوة..
البياعة:طيب شو رأيك تجربيه وفرجي جوزك..
نورة:حلوة بس زوجي مايحب هالموديل..
مريم(انصدمت وفجت عينها وهي تطالع فاطمة):زوجها!!!
فاطمة(هدت الملابس اللي بيدها وخذت مريم وطلعوا من المحل):يمكن مب نورة..
مريم(وهي بحالة صدمة):عيل الريال هم مب محمد؟؟
فاطمة:يمكن تقصد زوجها..
مريم:نورة مطلقة من زمان..(دمعتها نزلت)..مستحيل محمد متزوج علي..مستحيل..
فاطمة:يمكن ماحصلت حد يوديها السوق جابها محمد..
مريم:مستحيل..عمره محمد ماسواها..وبعدين هي قالت زوجي!!..فاطمة انا ابي ارد البيت..تكفين..
فاطمة:ان شاء الله..
محمد(وهو واقف تذكر ان مريم قالت بتروح السوق وخايف انها تشوفه..راح عند نورة):خلصتي؟
نورة:أي ياللا نمشي..
في البيت...مريم تدخل البيت وتروح غرفتها وهي تبجي..وماهي مصدقة..مسحت دموعها..وحاولت تهدي شوي..وخذت تليفونها واتصلت في العنود.....
مريم:اشلونج العنود؟
العنود:بخير..حيالله مريم مرت اخوي..انتوا اشلونكم..من زمان ماشفناج..
مريم:شنسوي مشاغل الدنيا..أخبار الحمال معاج؟
العنود:الحمدلله أحسن من الشهور الاولى..
مريم:الا اخبار نورة بنت خالتج؟
العنود(حست بغصه):بخير..
مريم:سمعت انها تزوجت..
العنود(فجت عينها ومستغربة):من قالج؟
مريم:يعني صج تزوجت؟
العنود(ماعرفت تجذب):بالاول قولي لي من اللي قالج؟
مريم:سمعت من ناس واثقة منهم..الله يسامحكم تزوجونها وماتخبروني..لهالدرجة غريبة عنكم..على الاقل انبارك لها..
العنود(قالت في نفسها:مسكينة يامريم)
مريم:وين بيتها علشان اروح لها باجر وابارك لها..
العنود:محمد ماقالج..
مريم:لا..الظاهر انه نسى..
العنود:لإن زواجها صار فجأة وبسرعة صارت الملجة..حتى انا ماحضرت..
مريم:ومن ماخذها من العايلة؟
العنود:أي من العايلة..
مريم:خلاص باجر باتصلها علشان اروح لها البيت وابارك لها..
وعقب ماسكرت صارت محتارة..معقولة نورة متزوجة غير محمد..بس محمد ايش كان يسوي معاها!!!
عقب صلاة العشاء..يدخل محمد البيت...ويحصل عياله يطالعون تليفزيون..يدخل المطبخ مايحصل شي زاهب..استغرب...راح غرفة النوم..حصل مريم تصلي...انتظرها لين ماخلصت...
محمد:تقبل الله..
مريم:منا ومنكم..تعشيت؟
محمد:لا..مستغرب مااشوف العشاء زاهب..اكيد توج راجعة..
مريم:لاوالله من المغرب رديت..بس كنت شوي تعبانة..وماكان فيني اطبخ..
محمد(راح وقعد عندها):بسم الله عليج..اشفيج؟؟
مريم(بغت تبجي بحضنه لكن):مافيني..بس كنت مصدعة..
محمد:سلامتج..
مريم:الله يسلمك..
محمد:رحتي السوق؟
مريم:أي رحت..
محمد:شريتي شي؟
مريم:أي شريت شوية اغراض..
باجر العصر في بيت راشد...في الصالة.....
راشد:خذتي الدواء؟
جواهر:أي..
راشد:واشلون الحين تحسين انج تحسنتي؟
جواهر:الحمدلله..
جبر(يي):يبه أبيك تشرح لي شوية مسائل في الرياضيات..
راشد:امك اشطر مني..
جبر:ها يمه تشرحين لي؟
جواهر:بشرح لك..جيب كتابك..
في بيت بوعبدالعزيز...في غرفة سعود...
سعود(يرن تليفونه):هلا والله بعمتي....الحمدلله بخير انت شاخبارج؟...ولاشي قاعد احل واجب...متى؟...ليش يعني؟
مريم:مثل ماقلت لك..ماابي محمد يشوفك..اول مايطلع للصلاة خلك عند الباب..
سعود:ليش ايش صاير؟
مريم:بعدين بقولك..بس اهم شي لاتنسى مابقى شي على الاذان..
سعود:ان شاء الله..مع السلامة..
مريم:مع السلامة..
محمد(يدخل الغرفة ويقعد جنبها):شتسوين بروحج؟
مريم:محمد..
محمد:لبيه..
مريم:انت امس رحت السوق؟
محمد(حس بشي غريب):شنو؟
مريم:محمد سألتك سؤال انت امس كنت بالسوق؟
محمد:أي..
مريم:مع من؟
محمد(خلاص حس ان الدنيا وقفت):كنت رايح عندي شغل..
مريم:مع من؟
محمد:......
مريم(اكتشفت ان سكوته اكبر دليل):مع بنت خالتك صح؟
محمد(وهو منزل راسه):أي..
مريم:وليش كنتوا بروحكم؟
محمد:.......
مريم:محمد انا قاعدة احاجيك..(وقفت)..تزوجتها؟؟
محمد(رفع راسه ومنصدم اشلون عرفت)
مريم:تبي تعرف اشلون عرفت..شفتكم امس..(دمعت عينها)..سمعتها يوم تقول ان زوجي مايحب هالموديل..زوجي!!...ليش يامحمد؟؟...أنا ايش سويت فيك؟؟...بإيش قصرت بحقك..قولي...اذا كانت بخاطرك ليش تزوجتني بالاول..انت يامحمد دمرتني..دمرتني..
محمد(ماهو عارف شيرد عليها وقف وحاول انه يتكلم):مريم..
مريم:ماابي اسمع شي..تبي تدافع عن نفسك؟..ماعندك سبب مقنع يخليك تسوي اللي سويته..
يندق باب الغرفة...
محمد(يروح ويفتحه):نعم؟
جاسم:يبه أذن..ومابقى شي على الاقامة..ياللا نمشي..
محمد:ياللا انت روح وانا جاي وراك..(سكر الباب)..بصلي وبرد افهمج..
واول ماطلع محمد جى سعود وخذى مريم والريم وراحوا بيت بوعبدالعزيز...دخلت مريم وهي تبجي..شافت امها قاعدة راحت بحضنها هي تبجي...
ام عبدالعزيز(مستغربة):ايش صاير؟؟
سعود:ماادري..
اسماء:مب انت اللي جبتها؟
سعود:أي..بس مااعرف اشفيها..
ام عبدالعزيز(تحاول ترفع راسها):يمه مريم اشفيج؟؟..ايش صاير؟؟
مريم(تبجي)
ام عبدالعزيز:كلتي قلبي قولي ايش صاير؟؟
اسماء:ريم حبيبتي امج اشفيها؟
الريم:ماادري..
ام عبدالعزيز:مريم تحجي..
مريم(ترفع راسها):يمه محمد..(تبجي مرة ثانية)
ام عبالعزيز:اشفيه محمد صار له شي؟؟
مريم:محمد تزوج علي يايمه..
الكل اندهش..وماهو مستوعب هالكلمتين محمد تزوج!!!
ام عبدالعزيز:اشلون؟؟؟
مريم:تزوج بنت خالته..
محمد رد البيت..وماحصل حد فيه...عرف انها راحت بيت ابوها لما اكتشف انها ماخذه اغراضها معاها..
في بيت بوعبدالعزيز..الكل التم هناك..ومستغربين من تصرف محمد..محمد ماقدر يتحمل السكوت..فقرر انه يروح بيت بوعبدالعزيز...
في الصالة والاجواء متوترة وحزينة....
عبدالعزيز:مريم..محمد في المجلس..
مريم(بس سمعت اسمه قامت وراحت غرفتها)
بوعبدالعزيز(قام):انا رايح له..
ام عبدالعزيز(قامت):وانا بعد جايه معاك..
في المجلس ومع النقاش...
محمد:عذروني..والله الموضوع صار غصب عني..مهب بيدي..
بوعبدالعزيز:مااقدر اتخيل ان الموضوع صج..اشلون سويتها؟؟
محمد:عمي قلت لك غصب عني..هالشي كان امر من امي وابوي..وماقدرت اقول لا..
ام عبدالعزيز:وبنتي؟؟..مافكرت بمشاعرها؟؟
محمد:كنت بين نارين..وماعرفت شاختار..
ام عبدالعزيز:بس انت اخترت..اخترت بنت خالتك..
محمد:انا احب مريم ولايمكن اتخلى عنها..
بوعبدالعزيز:عيل انتظر اللي بييك..انا مااقدر اجبرها على شي هي ماتبيه..ولابلومها باللي هي فيه..اللي سويته في حقها مب شويه..
محمد:انزين عطوني فرصة اتكلم معاها..ابرر موقفي..
ام عبدالعزيز:انت كسرت قلب بنتي..وتنتظر يامحمد انك تتكلم معاها؟؟
محمد:عمتي..صدقوني انا ماكنت ابي اتزوج..ولاعمري فكرت بالزواج على مريم..مريم هي دنيتي وحياتي..واذا مامصدقيني..سألوا أبوي امي..حتى خواتي..انا ماني موافق..بس كنت مضطر..
وتم النقاش بينهم لين الساعة 9..قرر سلطان انه يروح لعند مريم...
في الصالة...
عبدالعزيز:اسماء روحي دارنا...سلطان يبي يدخل..
اسماء(قامت):ان شاء الله..
دق باب غرفتها..ماسمع رد فتح الباب..ماحصل حد..عرف هي وين...في غرفة وليد الله يرحمه..دخل...شافها قاعدة على الكرسي عند الدريشة ودموعها نازله...
سلطان:بلاها الدموع يامريم..مااحب اشوف دموعج..
مريم:...........
سلطان:استهدي بالله..جان قعدتي معاه وتفاهتمي على اللي سواه..
مريم:تبيه شيقول؟؟..اي عذر بيقوله مااني عاذرته..خلاص صورة محمد انكسرت بعيني..
سلطان(قرب منها):لايامريم..هذا زوجج وابو عيالج..
مريم:كان..واللي كان ماضي وانتهى..
سلطان:مريم انتوا بينكم عيال..بتهدينه؟؟
مريم:مو من حقي؟؟
سلطان:لايامريم..لاتفكرين بهالشي..كل شي بالتفاهم يمشي..
عبدالعزيز(يدخل):مريم محمد تحت ويبي يشوفج..
مريم(قامت):ماابي اشوفه ولا ابي اسمع صوته..وقولو له ينسى ان له زوجة اسمها مريم..
عبدالعزيز(ناظر سلطان وسلطان أشر له انه يروح)
تحت في المجلس...
محمد:يعني شنو؟؟
بوعبدالعزيز:ياولدي..روح البيت ارتاح..وخلها عندنا جم يوم لين ماتهدى..وعقب يصير خير..
محمد:مشكور ياعمي..أنا آسف مرة ثانية..مع السلامة..
الجميع:مع السلامة..
في الصالة....
موزة:يمه ماتبين تروحين تشوفينها؟
ام عبدالعزيز:خلي خالج يتكلم معاها عقب انا بروح لها..ماادري والله شاقولها..اقولها معليه..مااقدر..ادري ان اللي صار لها مب شويه..
فوق...
سلطان:وبعدين؟
مريم:خالي خلني بروحي..خلوني اقعد مع نفسي شوي..
عبدالعزيز(يدخل):مريم محمد ماسوى هالشي الا بظروف جبرته..
مريم:انت ياعبدالعزيز تقول هالكلام؟؟؟
سلطان:انت قعدي معاه وسمعيه..
مريم(دموعها نزلت):لو وليد كان حي جان مارضى بحالي هذا..وانتوا جايين عندي علشان دافعون عنه؟؟
عبدالعزيز:احنا ماندافع عنه..لكن لاتظلمين الريال..
مريم:الحين انا اللي ظالمته؟!!..عيل هو ايش؟؟خلوني بروحي..خلوني بروحي..
سلطان:امش ياعبدالعزيز..
في بيت بوسالم....
ام سالم:قومي سارة اتصلي في ابوج..
سارة(قامت):ان شاء الله جدتي..
سلطان(يدخل البيت):السلام عليكم..
الجميع:وعليكم السلام..
مها:وينك تأخرت وماترد على تليفونك..
سلطان(قعد):ريم يبه جيبي لي ماي..
الريم(تقوم):ان شاء الله يبه..
ام سالم:ماتحجى وين كنت؟
سلطان:بس اشرب ماي..ريجي نشف..
وعقب ماشرب...
مها:سارة يمه خذي خواتج وروحوا فوق..
سارة:ان شاء الله..
ام سالم:تحجى ياسلطان..شكلك مايطمن..
سلطان:ماكو شي..بس ...مريم بنت فوزية ريلها تزوج عليها..
انصدموا...
ام سالم:اشلون؟؟؟..ومتى صار هالحجي؟؟
سلطان:من عشرة ايام..وتوها اليوم تدري..
ام سالم:ومريم اشلون حالها؟؟
سلطان:الله يعلم بحالها وبس..اللي يقول إن صاير شي جايد..
مها:ماتنلام ياسلطان..ولا في مرة ترضى ريلها يتزوج عليها..
سلطان:صح كلامج..بس وجها متغير وكلها دموع..وشكلها صج يعور القلب..ذكرتني يوم توفى وليد الله يرحمه..
ام سالم:وماعرفتوا ليش تزوج عليها؟؟
سلطان:بلا..على رغبة امه وابوه..
ام سالم:شنو؟؟؟
سلطان:يايمه محمد تزوج بنت خالته اللي عايشة معاهم..
مها:نورة؟!!...ليش؟؟



مريم مسكينة..واللي صار لها مب شوية..ياترى مريم صج بتطلق من محمد عقب كل هالسنين اللي عاشوها مع بعض؟؟

تابعونا في فصل 30


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 18-01-2014, 07:26 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الثلاثون**

في غرفة وليد...مريم بدموعها وهي قاعدة على الكرسي...

مريم:ليش يامحمد..ليش سويت فيني جذي..استاهل؟...حرام عليك..انا كنت احبك واعشقك..شالي تغير؟؟..شالي سويته فيك؟؟...دمرتني يامحمد..دمرتني..حرام عليك..عقب كل هالسنين تسوي فيني جذي..وينك ياوليد..وينك ياوليد تشوف حال اختك..
تدخل ام عبدالعزيز...ومعاها الخدامة....
ام عبدالعزيز:خليه على الطاولة..وروحي وسكري الباب وراج...(قربت منها)..قومي يامريم..تعالي نقعد هناك..
مريم(قامت)
ام عبدالعزيز(قعدوا مدت يدها باللبن):شربي يمه..
مريم:ماابي..ماابي شي..
ام عبدالعزيز:علشاني يامريم..لاتسوين بعمرج جذي..الدنيا ماتستاهل منج دمعة وحدة..
مريم:واللي سواه فيني محمد مايستاهل مني دمعة؟؟
ام عبدالعزيز:معاج حق يايمه تزعلين وتتضايقين وتبجين وتتألمين..بس انت فكري بالاول..محمد هذا عاش معاج 15سنة..معقولة يخونج عقب هالعمر؟؟
مريم:يمه...
ام عبدالعزيز(قاطعتها):خليني اكمل..فكري فيها يامريم..نورة بنت خالته كانت جدام عينه من سنين من قبل ليي صوبنا..ليش ماتزوجها؟؟..وهي ماكانت صغيرة..كانت تناسبه..فكري شالي حداه على الزواج الحين..
مريم:وانتوا ايش دراكم انه مو زمان متزوجها..
ام عبدالعزيز:يايمه..الريال من عشرة ايام متزوجها..وهالشي صار غصب عنه..أمر من امه وابوه..
مريم(انصدمت اكثر)
في بيت بوعلي...محمد يدخل البيت ومنهد حيله من الضيق والتفكير..شاف امه وابوه قاعدين...قعد....
بوعلي(استغرب شكله):محمد اشفيك؟؟
محمد(رفع راسه وهو متضايق):دمرتوا بيتي(نورة نزلت ووقفت عند هالكلمات)..زوجتي طلعت من البيت وهدتني..وموقفها صعب..حتى ماعطتني فرصة اني اشوفها او اتكلم معاها..
ام علي(تأثرت على حال ولدها):معليه يايمه..عطها فرصة جم يوم تفكر وترتاح..وعقب كل شي بيتصلح..
محمد(رفع صوته):وين يتصلح وهي طالبه الطلاق..
نورة(تضايقت وراحت دارها)
بوعلي:موصاير شي ان شاء الله..خلها ترتاج جم يوم عند اهلها وعقب بنروح جميع عندها..
محمد راح غرفته وحاول يفكر ان يسوي شي يقدر يرجع مريم..قام وتوضى وصلى العشاء..تذكر ان نورة ماهي موجودة ولاشافها..قال في نفسه ليكون سمعتني وانا اتكلم مع امي وابوي..مسكينة يانورة انت المظلومة فينا..
قام وراح غرفتها...دق الباب.....
نورة(مسحت دموعها):من؟
محمد:محمد..
نورة(استغربت قامت ورتبت شكلها وراحت تفتح الباب):خير محمد؟
محمد:بتخليني واقف؟
نورة:اسمحلي..حياك..
وقعدوا....
محمد:نورة اشفيج؟؟
نورة:مافيني شي..
محمد:الا فيج..انت شكلج كنت تصيحين..مو جذي؟
نورة(قامت):ازهب لك العشاء؟
محمد(قام):نورة انت مو طبيعية..اشفيج؟؟
نورة:.....
محمد:نورة ادري ان صعب عليج تتقبليني كزوج..بس شسوي اذا القدر هو اللي جمعنا..تحمليني..
نورة:لايامحمد..انا متضايقة علشانك..علشان مريم..اللي ماتستاهل..انا خلاص تدمرت..بس مريم لا..
محمد(بكل حزن):مريم عرفت كل شي يانورة..
نورة:وانت بتسكت؟
محمد:حاولت اني اشوفها..لكنها رفضت..تكلمت مع اهلها وشرحت لهم اللي صار..لكن ماالومهم..اللي صار لبنتهم ماهو بشوي..
نورة:انا مستعدة اساعدك..بس حياتك ماتنهدم..
محمد:مريم طالبة الطلاق..ايش بقى بعد..
نورة:لايامحمد..لاتستسلم بهالسهولة..تنسى 15 سنة؟؟..لا..محمد انت اقوى من جذي..حاول بكل الطرق انك ترجعها..وصدقني راح ترجع..
محمد:حتى لو رجعت..يمكن ترجع علشان عيالها..وماراح ترد مريم الاولية..
نورة:محمد انت ذكي وتعرف كل شي..لازم تسوي المستحيل علشان ترجعها..وانا مالك خص فيني..انساني هالفترة لين ماترجعها..
محمد:مشكورة يانورة..هذا من طيب اصلج..بس خلني اصبر جم يوم لي ماتهدى..
في غرفة عبدالعزيز....
اسماء:ايش بتسوون؟
عبدالعزيز:ايش بنسوي؟..ولاشي..القرار بيدها..ياترد له ياتطلق منه..
اسماء:بهالسهولة؟؟
عبدالعزيز:مااقدر اجبرها انها ترد له..ياليته لو قالها السالفة قبل ليسوي شي..على الاقل احسن من الحين..
اسماء:معاك حق..روح اقعد معاها كلمها..
عبدالعزيز:الحين!!..الساعة 1..
اسماء:صدقني هي قاعدة..من وين بجيها النوم؟..قوم روح لها..اكيد هي محتاجة تتكلم مع حد..
في غرفة وليد...دق الباب...
مريم:تفضل..
عبدالعزيز(دخل حصلها متربعه على السرير ومنزله راسها راح وقعد عندها):ماكلتي شي يامريم..مب زين..
مريم:.........
عبدالعزيز:مريم قولي اللي تبينه وانا بسويه لج..
مريم(رفعت راسها):ابي اتطلق منه..تساعدني؟؟
عبدالعزيز(سكت شوي وعقب):وعيالج؟؟
مريم:بيني وبينه..عيالي ماعادوا صغار..ويفهمون كل شي..
عبدالعزيز:لايامريم..لاتكونين انانية وتفكرين بنفسج وبس..عيالج محتاجين لج انت ومحتاجين لأبوهم بعد..ماتعرفين ان طلاقج من ابوهم ممكن يأثر على دراستهم ونفسيتهم..فكري فيهم على الاقل..
مريم:اذا ابوهم مافكر في امهم ولا فيهم تبيني انا افكر بحد..
عبدالعزيز:هذولا عيالج يامريم..اشفيج انت؟؟
مريم:ادري انهم عيالي..وانا احبهم ولايمكن افرط بهم..بس شسوي ياعبدالعزيز..انا قلبي انجرح..ودمه غزير مين يداويه؟؟؟
عبدالعزيز(تألم على حالها):حاس فيج يامريم..بس فكري عدل الطلاق ماهو الطريق الوحيد..
في غرفة محمد...على الفجر...يدخل محمد يحصل نورة بالحمام...واول ماطلعت تفاجأت بوجوده...
محمد(وهو واقف):حامل؟؟
نورة(وقفت مكانها وماهي عارفة ترد)
محمد(بكل هدوء):جاوبيني..حامل؟؟
نورة(هزت راسها)
محمد(قط الغترة على السرير وقعد نزل راسه وحط ايدينه على وجهه وحس ان الدنيا سكرت البيبان بوجهه)
نورة(دمعت عينها ونزلت له):محمد تكفى سامحني..سامحني..
محمد(رفع راسه):هذا مو منج..الله كاتبه..
نورة(وقفت):ادري ان هالشي انت ماتبيه..بس انا ابيه..ابي هالولد او البنت تعيش معاي..وبخليك تعيش بروحك مع زوجتك مستانس..ماابي اخرب عليكم اكثر..اللي سويته كافي..
محمد(وقف ومسك كتوفها):لايانورة..لاتعتقدين ان عقب ماتزوجتج بتخلى عنج..خلاص صرتي في ذمتي..ولج حقوقج..واللي صار بيني وبين مريم..ربي بيحلها..لاتضايقين عمرج..انت مالج ذنب..(مسح دموعها)..تعالي ارتاحي..
ومع مرور يومين...في بيت بوعبدالعزيز....
سعود:جدتي..في ضيوف جايين عندنا..
ام عبدالعزيز:من؟؟
سعود:ماادري..بس شفت سيارة واقفة عند الباب..
الدانة:اشلون شفتها؟
سعود:من الدريشة..
فوق في غرفة وليد...تدخل موزة...شافت اختها قاعدة على السرير....
موزة:مريم صليتي العشاء؟
مريم:لا..
موزة:انزين قومي صلي العشاء..
مريم(قامت وهي تمشي حست بدوخة وبغت تطيح لحقت عليها موزة)
موزة(ماسكتها):اشفيج مريم؟
مريم:ماادري حاسه بدوخة..
موزة(ساعدتها):ارتاحي على السرير..خليني اشوف ضغطج..
تحت...
ام عبدالعزيز:جيتكم عزيزة وغالية علينا ياام علي..لكن تعرفين مااقدر اقرر عن بنتي..هذي حياتها..واللي جاها مو شوي..يعني على الاقل لو محمد مخبرها من الاول كان احسن..
ام علي:الله يشهد ياام عبدالعزيز ان معزة مريم من معزة بناتي..بس والله اني خايفة على بنت اختي من عقبنا..وانا كبرت في السن ماني تامة لها..وخايفة يجيها واحد ويطمع بفلوسها وتتلعوز وياه..
ام عبدالعزيز:لج طولة العمر ياام علي..
ام علي:تسلمين..وانسب واحد من عيالي هو محمد..علي فديته متزوج ثنتين..وسيف ولدي مسافر من سنين وماهو راد الحين..وحمد مسافر من عنده شغل..ومحمد كان انسب واحد لهالزواج..بغينا الستر لبنتنا..
ام عبدالعزيز:والله ماني عارفه شاقولج ياام علي..
ام علي:نادوها لي خلوني اكلمها بنفسي..
ام عبدالعزيز:روحي يااسماء..شوفيها ليش ماجات..
اسماء(قامت):ان شاء الله عمتي..
وراحت فوق...
اسماء:موزة اشفيها مريم؟
موزة:ضغطها نازل..
اسماء(قربت):سلامتج يامريم..
مريم:الله يسلمج..
اسماء:عمتج تحت..
مريم(استغربت):عمتي؟!!..من عمتي؟
اسماء:انت ماقلتي لها؟
موزة:لا..شفتها تعبانة ماقلت لها شي..
اسماء:عمتج ام ريلج..تبي تشوفج..
مريم:روحي قولي لها مريم تقولج جزاج الله خير..
اسماء(تناظر موزة):عن اذنكم..
في بيت بوعلي...كانت العنود مع نورة.....
نورة(بخوف):عنود..انا حامل..
العنود(ماتوقعت تسمع هالخبر):شنو؟؟؟
نورة:انا حامل..
العنود:ليش يانورة؟؟؟...ليش تسرعتي؟؟
نورة:عنود ارجوج فهميني..
العنود:حرام عليج ليش سويتي جذي؟؟
نورة(صارخت):عنود..بسج اتهامات..انا ماسويت شي..حرام عليج..انا مظلومة..انا بغيت هالولد علشان يكون وياي ومااحتاج لحد بهالدنيا..وابي ارجع مريم حق محمد وترد حياتهم..ياليتني مت ولاسمعت منج هالكلام يالعنود..
العنود(انكسر خاطرها على بنت خالتها):سامحيني يانورة..متضايقة على حال اخوي..عذريني..ادري انج بريئة بهالزواج..والله يصبرج..
في بيت بوعبدالعزيز...في المجلس...
موزة(تدخل):اسماء تعالي شوي..
ام عبدالعزيز:وين مريم؟
موزة:يمه مريم شوي تعبانة وماتقدر تنزل..
ام عبدالعزيز:اشفيها تعبانة؟
موزة:ضغطها نازل..الظاهر من قلة الاكل..عن اذنكم..
وطلعوا...
اسماء:خير؟
موزة:لحقي علي يااسماء..مريم وايد تعبانة..
اسماء(اخترعت):اشفيها؟؟
موزة:ماادري تقول بطنها يعورها..
اسماء:خلنا نروح نشوفها..
موزة:انت روحي لها وانا بخبر عبدالعزيز..
فوق..عبدالعزيز يدخل مع موزة....
عبدالعزيز:مريم اشفيج؟؟
مريم(بألم):ماادري ياعبدالعزيز..حاسه بمغص..
عبدالعزيز:انزين قومي خلنا نوديج المستشفى..موزة لبسي وتعالي..
موزة:ان شاء الله..
مريم:عبدالعزيز..الله يخليك ماابي محمد يدري..ماابي اشوفه..آآآه..
وخذوا مريم وركبوها السيارة...وعقب ماراحوا بوعلي وام علي..تم محمد على امل يشوف مريم..جى بوعبدالعزيز ينادي..
بوعبدالعزيز:وين عبدالعزيز؟
اسماء:طلع..
بوعبدالعزيز:وهذا حزته..وين عمتج؟
اسماء:عمتي بالحمام..الحين بناديها..عمي..
بوعبدالعزيز:خير؟
ام عبدالعزيز(تيي)
اسماء(بتوتر):مريم تعبانة وودوها المستشفى..
ام عبدالعزيز(تخرعت على بنتها):من وداها؟
اسماء:عبدالعزيز وموزة..
بوعبدالعزيز:اشفيها مريم؟
اسماء:ماادري كانت تعبانة وودوها..
ام عبدالعزيز:ليش ماقلتي لي..
اسماء:مريم مابغت محمد وهله يعرفون..
ام عبدالعزيز:الله يسامحج يامريم..انا بروح البس عباتي..
راحت ام عبدالعزيز مع ريلها وسعود..ومحمد راح بسيارته...
في الطواري...
موزة(تطلع)
عبدالعزيز:ها موزة طمنيني..
موزة(طلعت نظارتها):مريم حامل..
عبدالعزيز(انصدم):شنو؟؟..حامل؟؟
موزة:وفي الشهر الاول..
عبدالعزيز:وهي درت؟
موزة(هزت راسها بنعم)
عبدالعزيز:واشلون استقبلت الخبر؟
موزة:الله يعلم بحالها..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 18-01-2014, 07:27 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج



الا وشوي يدخلون المستشفى..ويسألون عن مريم...ويحصلون عبدالعزيز واقف مع موزة...
ام عبدالعزيز:موزة طمنيني على بنتي..
موزة(تناظر عبدالعزيز):بنتج بخير..
ام عبدالعزيز:عيل اشفيها تعبانة؟
موزة:مريم حامل يايمه..
الكل انصدم وسكت لثواني..
ام عبدالعزيز:ابي اشوفها..
موزة:حياج يمه..
ودخلوا...وعقب شوي جى سعود ومحمد...
محمد:عبدالعزيز طمني عليها..
عبدالعزيز:مبروك..زوجتك حامل..
في الغرفة...
مريم(تبجي):ماابي..ماابي يايمه..حرام عليكم..
ام عبدالعزيز(لمت بنتها):فديت عمرج يايمه..لاتبجين وتعورين قلبي..هذا حكمة ربج..تعترضين عليها؟
مريم:ونعم بالله..انا ابي انفصل عنه ويجيني ياهل منه بعد..ماابي..ماابي شي من محمد..
يدخل سعود...
سعود(تألم على حال عمته):عمتي موزة..
موزة(قربت منه):نعم؟
سعود:محمد برع يبي يشوفها..
مريم(سمعت):سعود تكفى وغلاتي عندك مادخله...هالريال ماابي اشوفه..تسمعني..
سعود(ناظر جدته وعمته موزة)
موزة:انا بخبره..
وطلعت...
موزة:بوجاسم..مريم شوي تعبانة..وماتقدر تشوف حد حاليا..خلوها ترتاج..وعقب تعال..
محمد:بس هذي زوجتي..ومن حقي اشوفها..
موزة:محمد انصحك لاتدخل..اذا دخلت بتندم..هي تعبانة ونفسيتها ....
محمد:فهمت..الظاهر اني صرت غير مرغوب..عن اذنكم..
عبدالعزيز لحقاه ووصلوا للمواقف...
عبدالعزيز:لاتقول هالكلام يامحمد..انت لازم تقدر صدمتها..انت المفروض كنت مسوي حسابك لهالشي..
محمد:ماتوقعت انها ماتبي تشوفني..
عبدالعزيز:محمد..انت تعرف انها تبي الطلاق..وهالشي طبيعي..لأنها حست انها انهانت منك..
محمد:والحل ياعبدالعزيز؟
عبدالعزيز:قلت لك..خلها ترتاح عندنا حتى ولو اسبوع..وعقب تعال..يمكن نفسيتها تحسنت..
محمد:انت شايف جذي؟
عبدالعزيز:أي..
في بيت بوعلي..محمد يرد البيت يحصل نورة قاعدة مع خالتها والعنود...
محمد:السلام عليكم..
الجميع:وعليكم السلام..
ام علي:هايمه شفتها؟
محمد(وقف عند الدري):يمه مريم تعبت وودوها المستشفى..وطلعت..وطلعت حامل..(وراح غرفته)
الكل انصدم...
العنود:حامل!!
ام علي:قومي يانورة روحي عند ريلج..
نورة(قامت):ان شاء الله خالتي..
بالاول راحت المطبخ سوت له عصير ليمون..وراحت غرفته..دقت الباب...
محمد:منو؟
نورة:نورة..
محمد:دخلي..(دخلت)..ليش تدخلين بإستذان ناسية ان هالغرفة لنا..
نورة(مدت يدها):تفضل..
محمد(رفع راسه شاف العصير تذكر مريم اللي كانت دايمه تدلعه..خذ منها):مشكورة..
نورة:لاتضايق عمرك يامحمد..ان شاء الله بتهدى الامور..وكل شي بينحل..واذا تبيني اروح لها..مستعدة..
محمد:بخليها ترتاح جم يوم..وبنشوف عقبها ايش يصير..
الصبح في بيت بوعبدالعزيز...تروح مريم تقعد الريم للمدرسة....
مريم:ريم حبيبتي..ريم..
ريم(تقوم):يمه..
مريم:قومي حبيبتي الساعة 6..علشان يمدي خالج يوصلج المدرسة..
ريم:ان شاء الله..وجاسم؟
مريم:جاسم الحين بروح اقعده..وبشوف سعود اذا يقدر يوصله..لاترقدين مرة ثانية..
الريم(قامت):ان شاء الله..
في غرفة سعود..تدخل مريم...
مريم:سعود..سعود..
سعود(يفتح عينه):عمتي مريم؟
مريم:أي قوم ابيك شوي..
سعود(قعد):خير عمتي؟
مريم:ماعليك امر..تقدر توصل جاسم المدرسة؟
سعود:ان شاء الله..
مريم:لاترقد مرة ثانية..أخاف تروح عليك نومه والولد مايروح المدرسة..كنت ابي ابوك يوصله بس خفت يتأخر على دوامه فقلت يكفي يوصل الريم..
سعود:اذا تبين اوصل الريم بعد عادي..انت تامرين عمتي..
مريم:تسلم حبيبي..
تحت ام عبدالعزيز قاعدة على طاولة الاكل مع بوعبدالعزيز وعبدالعزيز واسماء ومريم والعيال...
مريم:ريم حبيبتي..سويت لج ساندويتش حق المدرسة وحطيته بشنطتج..
اسماء:يحليلج يامريم ليحين تدلعينهم؟
مريم:شسوي..بس هم بعد يقولون لي نبي ساندويتشاتج انت..
ام عبدالعزيز:لأن امهم طباخة..
مريم(ابتسمت)
عبدالعزيز:ياللا دانة الهنوف الريم..علشان مانتأخر..
سعود(يي):عيل وين جاسم؟
مريم:كاهو وراك..
سعود:تريقت؟
جاسم:لا بعدي..
سعود:انزين تريق علشان مانتأخر الشوارع زحمة..
مريم:سعود ماتبي تتريق؟
سعود:لاعمتي..
اسماء:سعود مايتريق الحين..لصارت 9 يمكن يتريق..
سعود(يقعد):عيل وين خالد ومشعل؟
اسماء:انت ماشفتهم قبل لتنزل؟
سعود:مااذكر..يمه روحي شوفيهم ليتأخرون وعقب ينطردون مثل ذيج المرة..
اسماء(قامت):أي والله..خلني اروح اشوفهم..
في الشغل...
عيسى:محمد اشفيك؟؟
محمد:زوجتي ياعيسى عرفت كل شي..
عيسى:ادري..مو انت خبرتني..
محمد:والشي اللي ماتعرفه ان طلعت زوجتي الثانية حامل..
عيسى(تفاجأ):من صجك؟؟
محمد:أي..والشي الثاني بعد ان زوجتي الاولى هي بعد حامل..
عيسى:يابختك يامحمد..
محمد(بضيق):تطنز؟
عيسى:شاقولك مبروك؟..ولا ايش؟؟
محمد:متضايق وايد..ماني متعود اقوم من النوم ومااحصل زوجتي عندي ولااشوف عيالي..حتى المدرسة مب انا اللي اوصلهم..
عيسى:محمد..اسمع اللي بقولك اياه..علشان تتقرب منها اكثر..استغل عيالك..هم الحبل اللي بينك وبينها..فعلشان ترجع علاقتكم بعض..انت وصل عيالك المدرسة ورجعهم وطلعهم مثل اول..وخلهم هم يأثرون على امهم..يمكن ردت البيت..
محمد:لو ردت البيت بترد علشانهم..
عيسى:المهم ترجع..والباقي عليك انت..
محمد:باكلم عبدالعزيز اليوم ان شاء الله..
في بيت بوعبدالعزيز...



بوعبدالعزيز(واقف عند الباب):تبين شي غير اللي كتبتيه؟
ام عبدالعزيز:سلامتك..بغيت اجي معاك..بس ظهري يعورني..
بوعبدالعزيز:خذتي ادويتج؟
ام عبدالعزيز:أي خذتها عقب الريوق..
بوعبدالعزيز:ياللا مع السلامة..
ام عبدالعزيز:مع السلامة..في حفظ الله..
اسماء(قامت):عمتي شنو طلعتي حق الغداء؟
ام عبدالعزيز:طلعت سمج وربيان..
اسماء:عيل خلني اشوف الخدم نظفوا الروبيان..
مريم(قامت)
ام عبدالعزيز:وين؟
مريم:بروح غرفتي..
ام عبدالعزيز:قعدي هني..
مريم(قعدت):ان شاء الله..
ام عبدالعزيز:خليني اسوي لج حليب..انت محتاجة فيتامينات وكالسيوم..ماسمعتي الدكتورة ايش قالت لج امس..
على الساعة 9 يرن تليفون البيت...يقوم سعود يرد...
سعود:السلام عليكم...اي نعم...لحظة شوي..(قام وراح المطبخ)..جدتي..
ام عبدالعزيز:نعم؟
سعود:في حرمة تبيج في التليفون..
ام عبدالعزيز:ماقالت من؟
سعود:لا..يمه وين الريوق؟
اسماء:ياللا ثواني..انت روح اقعد..
تروح ام عبدالعزيز ترد...
ام عبدالعزيز:السلام عليكم.....هلا ياام علي..بخير الحمدلله انتوا شاخباركم؟...الله يبارك فيج...تسلمين..الحمدلله احسن من امس..اي قالوا لها عندها نقص فيتامينات...(تناظر مريم اللي تأشر لها انها ماتبي تكلمها)..هي شوي تعبانة وملزمين عليها الراحة..ان شاء الله مرة ثانية..تسلمين مشكورة ماقصرتي..يوصل ان شاء الله وانت بعد بلغي سلامي للبنات..مع السلامة..
مريم(قامت)
ام عبدالعزيز:وين رايحة؟
مريم:بروح اجيب تليفوني..
ومع مرور اسبوع والكل على نفس حاله..ومريم مُصرة على الطلاق....وفي يوم من الايام..مريم تكون بغرفتها..يندق الباب...
مريم:منو؟
الريم:انا..
مريم:تعالي..
الريم(دخلت وقعدت عند امها):يمه..
مريم:نعم..
الريم:يمه لي متى بنظل على هالحالة؟..متى بنرجع البيت؟
مريم(ماعرفت تجاوب بنتها)
الريم:يمه ياحلات قعداتنا مع بعض..نضحك ونسولف ونطلع ونغير جو..أنا ادري ان ابوي غلط بحقج..بس يايمه احنا نبيكم انتوا الاثنين مافينا نعيش من غيركم..يمه فكري فينا..فكري في ابوي..انت ماشفتيه من وقت ماطلعنا من البيت وشكله متغير ووجهه مصفر..وماياكل عدل ولا حتى يسولف..واللي يشوفه يقول واحد عمره 50 سنة..
جاسم(يدخل وينزل لأمه):يمه انت ماتحبينا؟؟
مريم:من قالكم هالكلام؟
جاسم:يمه احنا نحبكم..ونبيكم لبعض..
تحت...
ام عبدالعزيز:روح لها يامحمد..ماكو حد فوق..موزة بالشغل ومرت عبدالعزيز محد..خذ راحتك..
محمد(حس ان فرصته الوحيدة هي الحين راح فوق لوين مادلوه غرفتها سمع اصوات عياله قرب وهو خايف من ردة فعلها قرب بزيادة لين مادق الباب اللي كان مفتوح شوي)
مريم:منو؟
محمد(فتح الباب وشافها..حس انها تغيرت وايد..حس بشوق كبير لها)
مريم(تفاجأت بدخوله وماتوقعت انها بتشوفه عقب اللي صار..حست بضيق بعدت عيونها عنه)
محمد(دخل الغرفة):ريم جاسم..خلونا بروحنا..
ريم:ان شاء الله يبه..
محمد:وسكري الباب وراج..
وطلعوا...
محمد(قعد جنبها واول مامسك يدها..مريم سحبتها على طول وقامت وراحت بعيد عنه..محمد تعجب):مريم..تكفين سامحيني..اللي سويته كان غصب عني..لو بيدي جان ماسويت هالشي..مريم بعدج عني مسبب لي ازمة نفسية..انت تدرين اني احبج ولايمكن استغنى عنج..انا لي قلب واحد وانت الوحيدة اللي فيه..ماتعرفين ايامي اشلون مرت من غيرج..مريم انت حبي الاول والاخير..وانت تعرفين هالشي..مريم ردي علي..قولي لي شي..
مريم(ماهزتها مشاعرها بالكلام اللي سمعته منه):سويت فيني جريمة..أنت دمرتني..العدو اللي هو العدو مايسوي اللي سويته..
محمد(فج عينه ماهو مصدق مريم تقول جذي):مريم..تكفين انسي اللي راح..وخلنا نفتح صفحة جديدة..انا ابيج انت وبس..تكفين مريم..تكفين..
مريم(ودمعتها نازلة):

انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي iiظلالك


محمد(حس براحة عقب ماسمع هالابيات):الحمدلله انج فهمتيني..صدقيني انا احبج..وانت زوجتي وام عيالي..ومافيني افرط فيج ايش ماصار..(قرب منها)..ياللا مريم خلنا نمشي خلنا نرد بيتنا..خلنا نرد لحياتنا..ياللا..
مريم(مشت عنه):

صحيح ان الفراق اقسى ولكن الوصال iiمحال
وانا صعب على ارضي غرورك واضعف iiقبالك
بعد ما حققت عيني فبعدك للرقاد امال
اعود للسهر! ياخوي فال الله ولا iiفالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك iiبرمال
ابشكي للعرب فرقاك واضحك عند عذالك
ابهديك الوصال فراق واهديك الفراق iiوصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على iiبالك
اذا حبك هبال اطفال لك عندي هبال iiاطفال
ولا وابشر بعد بهبال حب ماهو iiبهبالك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 18-01-2014, 07:28 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج



محمد(صعق من اللي سمعاه..كلامها قوي ماتحمل طلع من الغرفة)
مريم(تسندت على الطوفة وهي تبجي ومتألمة)
تحت...محمد ينزل بسرعة ....
ام عبدالعزيز:محمد..محمد..
محمد(وقف)
ام عبدالعزيز:بشرني..
محمد(لف صوب عمته والضيق والحزن باين عليه):ولاشي..ماكو بشارة..مع السلامة..
وطلع ركب سيارته..صار قاعد بالسيارة عشر دقايق وهو يفكر باللي سمعاه..ماهو مصدق ولا هو مستوعب..شغل سيارته..ومشى..وهو مايدري وين رايح..
في بيت بويوسف...ام يوسف قاعدة مع مرت ولدها وبناتها...
جواهر:يمه اخبار مريم؟
ام يوسف:اليوم كلمت خالتج وتقول مثل ماهي..معنده وتبي الطلاق..
قمر:الله يصبرها..حاولت اتصل فيها كم مرة بس ماترد..
حمدة:الله يكون بعونها..هي بعد ماتنلام..الله يعين عيالها..
جواهر:عيالها وياها؟
ام يوسف:أي..
قمر(تذكرت وليد فجأة):الله يرحمه وليد..لو كان موجود جان مريم كانت حالتها احسن..
ام يوسف:الله يرحمه..
ام يوسف:ماقلتي جواهر حصلتي وظيفة؟
جواهر:هذا رابع مكان احصل فيه على شغل وراشد مايرضى..
ام يوسف:ليش؟
جواهر:يقول ماابيج تشتغلين..انا اكفي..
قمر:يحليله راشد..الريال يبي يريحج..وانت شالج بالشغل؟
جواهر:ابي اغير جو..اطلع اشوف الناس..
قمر:وبنتج؟
جواهر:اشفيها بنتي..عادي احطها عند الخدامة..بس راشد يرضى زين..
في بيت بوسالم...

ام سالم بوسالم وسلطان وزوجته وتميم وزوجته قاعدين...
بوسالم:ايش صار على سالفة مريم؟
ام سالم:ولاشي..تقول لي فوزية ان مريم معنده وتبي الطلاق..
بوسالم:الله يهداها..
تميم:سلطان..ليش انت ماتكلمها؟
سلطان:حاولت..ماطلعت بنتيجة..مريم ماعادت مثل اول تغيرت وايد..وافكارها بعد تغيرت..
فاطمة:حتى انا حاولت اتصل فيها كم مرة لكنها ماترد..بغيت اروح لها البيت بس ترددت..
ام سالم:روحي يافاطمة..روحي لها شوفي حالها وانصحيها..هي رفجيتج وانت ادرى بها..يمكن الله يهديها وترد بيتها..
فاطمة:ها تميم توصلني؟
تميم:انزين روحي لبسي..
في بيت بوعلي...
ام علي:نورة يمه..قومي اتصلي في ريلج شوفي وينه..تأخر وايد..من العصر رايح لهم..
نورة(مابغت تتصل لكن اوامر):ان شاء الله..(خذت تليفونها واتصلت لكن تليفونه مغلق)..خالتي تليفونه مغلق..مسكر..
ام علي:صرت احاتيه..
بوعلي:لاتحاتين..الريال بخير..يمكن قاعد يتفاهم مع زوجته..
ام علي:صارت الساعة 8 ونص..وهو راح لهم على الاربع ونص..كل هذا؟؟
بوعلي:عادي..
في بيت بوعبدالعزيز...فاطمة تروح غرفة مريم..تدق الباب..وتدخل..تحصلها قاعدة على السجادة وتسبح وبنتها عندها...
فاطمة:السلام عليكم..
الجميع:وعليكم السلام..
فاطمة(بإبتسامة):اشلونج الريم؟
الريم:الحمدلله..
فاطمة:اشلونج مريم؟
مريم:بخير..
الريم(قامت):عن اذنكم..
فاطمة(قعدت عند مريم):متغيره وايد..
مريم:.....
فاطمة:مريم..صار لي من جم يوم اتصل فيج ماتردين..شنو ناسيه تليفونج في البيت؟
مريم:لا..بس ماارد على التليفون الا اذا كانت من مدرسة العيال..
فاطمة:مريم حبيبتي..قولي اللي في خاطرج..
مريم:مافي شي بخاطري..كل اللي بالخاطر راح..
فاطمة:أفا..واحنا وبن رحنا..مالنا خاطر عندج؟
مريم:ماادري يافاطمة..اذا اقرب الناس لي خان عشرتي وياه وراح..تبين اعرف غيره اذا يحبني ولا لا..وايش دراني اللي غيره مايغدر فيني..الزمن ماله أمان..
فاطمة:تعوذي من الشيطان..
مريم:اعوذ بالله من الشيطان..
فاطمة:صلي على النبي..
مريم:اللهم صلي وسلم عليه..
فاطمة:بسألج سؤال..وجاوبيني من غير لف ودوران..يااي يا لا..انت سمعتي تبريرات ريلج؟
مريم:لا..
فاطمة:عرفتي ليش هو سوا هالشي؟
مريم:أي..
فاطمة:تعرفين؟!!
مريم:سمعت من امي ومن سلطان ومن عبدالعزيز..
فاطمة:وايش رايج باللي سمعتيه؟
مريم:مع كل اللي سمعته ماينغفر له..
فاطمة:مريم..حسبت قلبج اوسع من جذي..ربج اللي هو خالقج وخالق الدنيا..كريم ورحيم وغفور بعباده..يغفر لعبد يرتكب معصية..وانت ماقادرة تغفرين خطأ ريلج..ولابعد سواه غصب عنه إجباري..مب برغبته..لو بيده جان ماسواها..وانت الوحيدة اللي تعرفين ان محمد عمره ماقص عليج..انه يحبج..معقوله زواج 15 سنة كان خداع؟؟..لايامريم..فكري بعقلج..حتى نورة المسكينة..هي بنفسها ماكانت تبي هالزواج..ورفضت بقو..وقالت ماابي اتزوج..وطلبت انها تعيش بروحها ولاتدخل ضرة على حد..وبخصوص انت..قالت مستحيل اسوي هالشي في مريم..لكن انجبرت دام انها عايشة مع خالتها وريلها..
مريم:هذا كلام..
فاطمة:ماهو كلام..العنود اخت محمد حاولت تتصل فيج كم مرة لكن انت ماتردين..ولاانت راضية تقابلين احد..فاتصلت فيني وكلمتني..وقالت كل شي..حتى محمد ريلج كان رافض وماكان يبي يتزوج..لكن اصرار امه وابوه اضطر انه يوافق..
في بيت بوعلي...محمد يدخل البيت على الساعة 10..الكل يستغرب من شكله..الكل يوقف..
ام علي(خافت عليه):محمد ايش صار لك؟
محمد(بحزن):ولاشي..حادث بسيط..
بوعلي:متى؟؟
محمد:من ثلاث ساعات..
بوعلي:وليش ماخبرتنا؟
محمد:مابغيتكم تحاتوني..
ام علي:اشلون صار لك الحادث؟
محمد:قلت لج يمه حادث بسيط..
ام علي:ماتعورت مكان ثاني؟
محمد:لا..
ام علي:الحمدلله..
محمد:انا رايح ارتاح..
وراح داره..نورة لحقته..دقت الباب..ودخلت...
نورة:حمدلله على السلامة..
محمد:الله يسلمج..نورة ماعليج امر بس معليه تجيبين لي البيجامة..
نورة:ان شاء الله..
ومع مرور ثلاثة ايام..في بيت بوعبدالعزيز..
يدخل سلطان ويسلم ويقعد....
سلطان:عيل وين موزة؟
ام عبدالعزيز:في المستشفى..
سلطان:ومتى بترجع؟
ام عبدالعزيز:على الساعة 9..
سلطان:اخبار مريم؟
ام عبدالعزيز:شاقولك ياخوي..مريم ماادري ايش صار فيها..ماعادت تسمع كلام حد..
سلطان:ماتنلام يافوزية..البنت كانت تحب ريلها وايد ويوم تزوج عليها مب شويه بحقها..
ام عبدالعزيز:صح كلامك..بس الريال انجبر بهالزواج..وهو يبيها..
سلطان:في حد عندها؟
ام عبدالعزيز:يمكن عيالها..
سلطان(قام):دريتوا ان محمد صار له حادث..
ام عبدالعزيز:شنو؟؟
سلطان:من جم يوم..
ام عبدالعزيز:وان شاء الله ماتعور؟
سلطان:بلا..صاده كسر بيده اليسرى..
ام عبدالعزيز:لاحول ولاقوة بالا بالله..وهو اشلونه الحين؟
سلطان:ماادري انا ماشفته..بس واحد من الربع قالي..
ام عبدالعزيز:انا اقول هالجم يوم لااتصل ولا جى صوبنا..
فوق في غرفة مريم...كانت ادرس عيالها..اندق الباب..مريم خافت..سلطان دخل...
سلطان(شاف الخوف بعيونها):السلام عليكم..
الجميع:وعليكم السلام..
سلطان:اشلونكم؟
الريم:بخير..
سلطان:اخبارك يابومحمد؟
جاسم:بخير..
سلطان(قعد):ايش رايكم تروحون تذاكرون تحت عند جدتكم..تراها قاعدة بروحها..
الريم(لمت اغراضها):ان شاء الله..ياللا جاسم..
وعقب مافضى المكان...
سلطان:اشلونج مريم؟
مريم:الحمدلله..
سلطان:لي متى بتظلين على هالحال..ماناوية تطلعين..تغيريين جو..
مريم:وين تبيني اروح؟
سلطان:قعدي عند امج..طلعي شمي الهواء..تمشي بالحوش..سوي شي..لاتقعدين جذي تفكرين بشي مامنه فايدة..تبين تمرضين نفسج..
مريم:خلاص مابقى شي احاتيه..
سلطان:وعيالج؟
مريم:بس عيالي..
سلطان:مريم بسألج سؤال..انت جرحتيه بكلامج؟
مريم(استغربت سؤاله):من؟
سلطان:محمد..لما جاج ايش قلتي له؟
مريم:ليش تسأل؟
سلطان:الظاهر الكلام اللي قلتيه أثر عليه وايد..وخلاه يسوي حادث..
مريم(انصدمت بالخبر):حادث!!
سلطان:أي حادث..لما طلع من عندج صار له الحادث..
مريم(سوت عمرها مو مهتمه):وايش دراك انه لما طلع من عندي..
سلطان:مريم..انت تحبينه..
مريم:كان..
سلطان:ومازلتي..مريم محمد تعبان وايد..ومحتاج لج..حرام اللي تسوينه فيه..الريال تعور بالحادث..ايده اليسرى انكسرت..حسي فيه..
مريم(تألمت على حاله):وانا بعد تعورت بداخلي ياخالي..ليش ماحس فيني؟
سلطان:مريم..الريال جاج كم مرة وكان يبي يشوفج لكن انت رفضتي..وهله جاوا علشان يراضونج انت مارضيتي تطلعين لهم..ولما مرضتي ودخلتي المستشفى الريال لحقكم بسيارته وكان قلقان عليج ورفضتي تشوفينه..كل يوم كان ييكم البيت وانت ترفضين انج ترجعين له ومصره تطلبين الطلاق..يامريم..حافظي على بيتج..ترى عيالج بحاجتج انت وابوهم..وزوجته الثانية مجرد اسم..الريال متعلق فيج انت..
في بيت بوعلي...محمد قاعد في الصالة وتفكيره بكلمات مريم...نورة تيي...
نورة:محمد اجيب ادواك؟
محمد:ياليت..
نورة:الحين..
في المطبخ...
نورة:خالتي..
ام علي:خير..
نورة:ودي اروح عند مريم..يمكن قدرت اقنعها ترد بيتها..محمد كاسر خاطري..وحالته ماتسر..
ام علي:أي والله يابنيتي..ياليت لو مريم ترجع..محمد شكله متغير..
نورة:يعني اروح؟
ام علي:بس توافق تشوفج..
نورة:بحاول ..
ام علي:ومن بيوديج؟
نورة:محمد..
ام علي:ومحمد ايش بتقولين له؟
نورة:بقوله اني رايحة لمريم..
في الصالة...
محمد:لا يانورة..
نورة:ليش؟
محمد:اخاف تزيدين الحطب نار..
ام علي:يايمه خلها تروح وتجرب حظها..يمكن تسمع منها..
نورة:محمد انا لازم ارجع مريم البيت..وعيالك اللي في النص بينكم..ماكاسرين خاطركم؟
على الساعة 6 المغرب في بيت بوعبدالعزيز...
بوعبدالعزيز:من في المجلس؟
ام عبدالعزيز:زوجة محمد..
بوعبدالعزيز:ايش عندها جايه؟
ام عبدالعزيز:ماادري..اسماء تعالي معاي..
اسماء:ان شاء الله..
في المجلس....
نورة:خالتي..أنا أدري انكم ماتبون تشوفوني..لكن سامحوني..مو غلطتي إن امي وابوي ماتوا وتركوني عند خالتي..اصعب شي علي اني فاقدة امي وابوي..لو كانوا موجودين جان ماصار اللي صار..يوم اللي خبروني بهالزواج..كانت صدمة لي..تمنيت لحظتها لو امي عايشة علشان تمنع هالزواج..لأن رايي مانفع بشي..مو أنا ياخالتي اللي تدخل ضرة على حد..مو أنا اللي اخرب واشتت بيوت..الله يشهد ان مريم لها معزة بقلبي..ومحمد كان مثل اخوي مو اكثر..ولايمكن كنت ارضى ان هالشي يصير..لكن تجري الرياح بما لاتشتهي السفن..
ام عبدالعزيز(انكسر خاطرها عليها):معليه يانورة..الغلطة ماهي غلطتج..
نورة:انزين خالتي تكفين خليني اشوف مريم..ابيها ترد بيتها..محمد ماعاد مثل اول..حالته ماتسر..وعقب الطيحة صار مايتكلم..ولونه مخطوف..ومااحب اشوف ولد خالتي على هالحالة..مايرضيني..خليني اشوفها..
ام عبدالعزيز(قامت):بروح اشوفها..
فوق في غرفة مريم..كانت الريم عندها....
ام عبدالعزيز:مريم يمه..في ضيفه تحت تبي تشوفج..
مريم:قولي لها مريم نايمة..
ام عبدالعزيز:تبين اجذب؟
مريم:ماابي اشوف حد..
ام عبدالعزيز:مريم..قومي نزلي معاي..شوفي ضيفتج ايش تبي منج..
مريم:من هي؟
ام عبدالعزيز:انت تعالي..
مريم:يمه ليكون...
ام عبدالعزيز:لاتخافين مب هو..قلت لج وحده..ياللا..
ونزلت معاها..ودخلت المجلس..وشافت نورة..نورة وقفت ومريم ظلت واقفة وهي تطالع نورة بنظرات حزن وغضب صدتها..علشان تروح لكن...
نورة(راحت لها):مريم..سمعيني..تكفين..بس بقولج كلمتين وعقبها روحي..واذا ماتبين تشوفيني..لاتشوفيني..بس سمعيني..
في الصالة...كانت ام سالم موجودة..وقاعده مع بنتها واسماء...
ام سالم:فوزية..اشلون هاده بنتج مع ضرتها؟
ام عبدالعزيز:اشفيها؟
ام سالم:شنو اشفيها..بنتج تعبانة وماتدري باللي تسويه..قومي روحي شوفيهم..أخاف تسوي شي في بنت الناس..قومي..

ياترى مريم ايش بتتصرف؟؟..وهلا فعلا عائلة محمد بتتشتت؟؟

تابعونا في فصل 31


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 18-01-2014, 07:28 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الحادي والثلاثين**




في الصالة...كانت ام سالم موجودة..وقاعده مع بنتها واسماء...
ام سالم:فوزية..اشلون هاده بنتج مع ضرتها؟
ام عبدالعزيز:اشفيها؟
ام سالم:شنو اشفيها..بنتج تعبانة وماتدري باللي تسويه..قومي روحي شوفيهم..أخاف تسوي شي في بنت الناس..قومي..
راحت المجلس...
مريم(ظلت واقفه)
نورة:مريم..انا مااحمل أي مشاعر اتجاه محمد..محمد مثل اخوي وبس..وهالزواج كله انا كنت رافضته بشده..لكن خالتي وريلها اصروا على هالزواج..حاولت افرض رايي لكن ماقدرت..حتى محمد كان رافض..انجبرنا احنا الاثنين..مريم..انا عمري مافكرت اني اكون ضرة ولا بعد اكون ضرتج؟..مريم انت لج معزة بقلبي..وماكان في ودي اشوفج بهالحاله..ولااحب اشوف محمد بالحالة اللي هو فيها..محمد يامريم يناديج بأحلامه..محمد ماهو قادر ياكل ولايشرب ولاحتى يسولف وهو باله عندج..محمد ماعاد مثل اول..لونه مخطوف..وعقب الحادث صارت حالته اسوء..تراني ماابي شي غير انكم تردون لبعض..وانا متنازله عن ايامي كلها لج..مريم تكفين ردي لمحمد..محمد مايستاهل..واللي سواه علشان رضى امه وابوه..انا شخصيا اعرف ان محمد يحبج فاعرفي اني لايمكن آخذه منج..تطمني من هالناحيه..
مريم(بغت تبجي لكن فضلت انها تطلع)
ام عبدالعزيز:معليه يابنيتي..عذريها..
نورة:اتمنى انها تقتنع وترد لمحمد..
فوق في غرفتها...حصلت الريم قاعدة...كتمت دمعتها..طلعت وراحت غرفة وليد..قفلت الباب..وقعدت تصيح..تذكرت كل ايامها مع محمد..قلبها عورها لما اسمعت عن محمد..ودها تشوفه..ودها بضمته الحانية..ودها بإيده الدافية..صرخت:ليييييييييش ليش يامحمد..ليش سويت جذي..كسرت قلبي..آآآه..أحبك أحبك بجنون..بس ليش سويت جذي..
على الساعة 8 ونص...تحت الكل قاعد....
عبدالعزيز:عيل وين مريم؟
اسماء:فوق..
عبدالعزيز:مريتها الغرفة ماحصلتها..بس شفت بنتها..
ام عبدالعزيز:عيل بتحصلها في غرفة وليد الله يرحمه..
عبدالعزيز(قام):بروح اشوفها..
ام عبدالعزيز:عبدالعزيز..اصبر(قامت)..خذ معاك عشاها يمكن تقدر تقنعها..
عبدالعزيز:ليش صار شي بعد؟؟
اسماء:مرت محمد جات تشوفها..
عبدالعزيز:ومريم راحت لها؟
اسماء:أي..
عبدالعزيز:وايش صار؟
ام عبدالعزيز:ولاشي..ظلت البنية تتكلم ومريم ساكته وبالاخر هدت المكان وطلعت..
يندق الباب..
عبدالعزيز:مريم فتحي الباب..انا عبدالعزيز..
مريم(مسحت دموعها وراحت تفتح الباب)
عبدالعزيز شاف دمعة نزلت وباين عليها انها كانت تصيح مريم خشت وجهها عن اخوها..عبدالعزيز حط الاكل على الطاولة..
عبدالعزيز:جبت لج العشاء..ولازم تاكلين..تعالي قعدي..
مريم(قعدت على السرير):ماابي عشاء..
عبدالعزيز(قعد عندها):ليش يامريم؟
مريم(دموعها تجمعت وماقدرت تيود عمرها طاحت بحضن عبدالعزيز وهي تبجي)
وعقب....
عبدالعزيز(عطاها فاين):مسحي دموعج..
مريم(مسحت دموعها)
عبدالعزيز:الوقت اللي قعدتي فيه بروحج وفكرتي..اعتقد انه انتهى..ولازم الحين تردين لحياتج الطبيعية..بين هلج وعيالج..انا ماشفت محمد علشان اقولج عنه..لكن سمعت من سلطان ان حالته ماتسر..انا ماادري شالي دار بينكم لما شافج..وماابي اعرف..لأن هالشي مايخصني..بس فكري بعقلانية اكثر..لاتفكرين بمشاعرج..فكري بالريم وبجاسم..اللي يرفعون راسهم ويشوفون امهم وابوهم حولهم..مريم انت مب صغيرة..الريال غلط وخلاص سامحيه..الحياة ماوقفت..اكبر دليل ان الريال شاريج ويحبج مع اللي صار له..وكل يوم جاي عندنا علشان يشوفوج ويقولج اللي بخاطره..عطيه فرصة..رب العالمين رحيم بعباده ويغفر لهم..واحنا العباد مانغفر لبعضنا..ايش هالقلب القاسي..انا اعرف ان قلبج طيب..وانج بتسامحينه..صح؟
مريم:......
عبدالعزيز:صح يامريم؟؟
مريم:صح..
عبدالعزيز:عيل ياللا قومي..علشان تاكلين..
وهي تاكل..تدخل اسماء...
اسماء:سمحوا لي قطعت عليكم..
مريم:حياج بأي وقت..ماانت غريبة..انت اختي..
اسماء:فديتج مريوم..بس جايه اخبرج..ان ابوج يقولج نزلي تحت..بومحمد تحت ويبي يشوفج..
مريم(انصدمت):عمي؟؟
عبدالعزيز:بروحه؟
اسماء:أي بروحه..وانت بعد انزل..
عبدالعزيز:ياللا قومي خلنا ننزل..الريال جاي يشوفج..لاتردينه..
تحت في المجلس...
بوعلي:مريم يبه..سامحينا..سامحينا انا وعمتج..ادري غلطنا بحقج..بس اعذرينا..وانت مثل وحدة من بناتي..وماارضى لج الزعل بس غصب عنا..ومحمد ماله غيرج..وهو يبيج..وانا يابنيتي مايرضيني اشوف ولدي بهاالحالة..واسكت..
مريم:وانا ياعمي..ليش محد فكر بمشاعري..ليش محد فيكم شاورني..ليش ماقلتوا لي..ليش خليتوني اشوفه مع زوجته وهم بالسوق..ليش خليتوا قلبي يتقطع على هالشوفه..لو قايلين لي كان اهون علي..
بوعلي:معاج حق..ماالومج..احنا غلطنا..ومنج السموحة..
بوعبدالعزيز:ماصار شي يابوعلي..هذا كله قدر ومكتوب..والحمدلله على كل حال..
بوعلي:ومثل ماقلت لج يابنيتي..محمد ماله ذنب..هو كان رافض وقال بنفسه اني مااقدر اتزوج على مريم..لأني مستانس بحياتي..لكن احنا اللي جبرناه..وانا جاي اليوم علشان اراضيح..واردج بيتج..بين زوجج وعيالج..
مريم:.........
بوعلي:ايش قلتي يابنيتي..ماني طالع لين ماتعطيني كلمة..
مريم(هدت شوي):جيتك عزيزة علي ياعمي..وانت ماقصرت..بس انا اليوم مااقدر اطلع..خلني ارتاح جم يوم هني وعقب يصير خير..
بوعلي:يعني خلاص بتردين بيتج؟
مريم:....
بوعلي:علشاني يابنتي..ردي بيتج علشاني..
مريم:ان شاء الله..
في غرفة محمد...كانت نورة تمشط شعرها..ومحمد قاعد يفكر وهو قاعد على السرير...يندق الباب...تروح نورة تفتح الباب....
نورة:هلا عمي حياك..
بوعلي:محمد قاعد.
نورة:أي عمي قاعد..حياك..
بوعلي(دخل):السلام عليكم..
محمد(وقف):وعليكم السلام..حياك يبه..
بوعلي:ماني مطول بس جيت اقولك شي..زوجتك الحمدلله اقتنعت انها ترد البيت..والحين جى دورك..
محمد(ماصدق):اشلون يبه؟؟
بوعلي:مو مهم اشلون..المهم انها بترد..والباقي عليك..بين شطارتك..ياللا تصبحون على خير..
نورة:وانت من هله عمي..(سكرت الباب وراحت عند محمد)..ألف مبروك يامحمد..صج عمي فرحني..اشفيك محمد؟
محمد:ماني مصدق..اشلون وافقت؟؟(تذكر كلامها)
نورة:على قولة عمي..مو مهم اشلون..المهم اقتنعت..
في بيت بوعبدالعزيز



على الصبح...مريم كانت تزهب ساندويتشات عيالها...تدخل الريم...
الريم(تحب امها):صباح الخير..
مريم(بإبتسامة):صباح النور..
الريم:يمه..في اغراض ناقصتني وابي اروح اجيبهم..
مريم:من وين؟
الريم:من البيت..
مريم:ان شاء الله اليوم رادين البيت..
الريم(استانست):صج يمه؟؟
مريم:أي..
ام عبدالعزيز(دخلت المطبخ وسمعتهم واستانست):صباح الخير..
الجميع:صباح النور..
ام عبدالعزيز:ريم حبيبتي روحي تريقي الحين ابوج بيي..
الريم:ان شاء الله..
مريم:ريم وين جاسم؟
الريم:كاهو قاعد ينزل..
ام عبدالعزيز:متى رادة؟
مريم:على العصر ان شاء الله..
ام عبدالعزيز:عسى الله يوفقج ويسعدج يابنيتي..
في السيارة...
الريم:يبه عندنا لك مفاجأة..
محمد:شنهي؟
جاسم:انت قول..
محمد:ماادري..قولوا انتوا..
الريم:اليوم بنرد البيت..
محمد(ماصدق):كلكم؟؟
جاسم:كلنا..
محمد:ومتى؟
الريم:ماادري..بس امي قالت ان اليوم بنرد البيت..
في الشغل....
عيسى:الحمدلله..ياللا شد حيلك ياريال..
محمد:ماادري اشلون بتكون..هي نفسها ولا بتتغير؟
عيسى:اسمعني يامحمد..طلع شطارتك معاها..حتى لو تغيرت انت حاول انك ترجع الحب بينكم..الله يخليكم حق بعض..
محمد:آآمين..
في بيت بوسالم....



ام سالم تروح تقعد في الصالة....
ام سالم:فاطمة من كان في التليفون؟
فاطمة:هذي خالتي ام عبدالعزيز..
ام سالم:وايش قالت؟
فاطمة:بغت تطمنا على مريم..وافقت ترد بيتها..
ام سالم:اللهم لك الحمد والشكر..عيل وين مها؟
فاطمة:مو اليوم مجلس امهات عيالها..
ام سالم:أي بلا..قالت لي امس..انا اللي نسيت..اخبار امج يافاطمة؟
فاطمة:الحمدلله بخير..عمي طلع؟
ام سالم:لا ليحين..قاعد يتزهب..
فاطمة:في خاطري نسوي لمه..من عقب المشاكل..
ام سالم:أي والله..ايش رايج نروح نتسوق ونشتري اغراض ونعزم الكل على العشاء؟
فاطمة:خوش فكرة عمتي..من بيودينا؟
بوسالم(يطلع لهم):انا بوديكم..
ام سالم:مو تقول مواعد واحد من ربعك..
بوسالم:ماعندي شي مهم معاه..اذا تبوني اوصلكم قوموا تزهبوا..
ام سالم(قامت):ياللا فاطمة..
فاطمة(قامت):بس خليني اخبر تميم..
العصر...تدق الباب مريم...تفتح لها اسماء...
اسماء:حيالله أم جاسم..
مريم:عبدالعزيز هني؟
اسماء:أي نعم موجود..حياج..
مريم(دخلت):السلام عليكم..
عبدالعزيز:وعليكم السلام..
مريم:عبدالعزيز ممكن توصلني البيت..
عبدالعزيز(ناظر اسماء وماصدق)
مريم:آسفه لأني طلبت منك وانت تعبان من الدوام..بس سعود محد بالجامعة وماعندي حد يوصلني..
عبدالعزيز:عادي..لاني تعبان ولاشي..انتوا زاهبين؟
مريم:أي نعم..
عبدالعزيز:خلاص ثواني واكون زاهب..
في بيت بوعلي...



محمد يدخل البيت...
محمد:عيل وين نورة؟
ام علي:طلعت ترتب بيتكم..
محمد:وانتوا ايش دراكم؟
ام علي:انا اتصلت في عمتك أسأل عن مريم وخبرتني..
محمد:انزين انا جاي آخذ جم شغله ورايح البيت..
ام علي:موفق يابعد عمري..
مريم تدخل البيت...تشوفه مرتب ومبخر..وريحته حلوة..اشتاقت لبيتها..عيالها كل واحد فيهم راح غرفته..ظلت مريم تمشى في البيت ودخلت المطبخ..شافت المطبخ نظيف وكأن حد توه جاي ومنظف البيت..دخلت غرفتها وشافت باقة ورد..ومكتوب عليها....
نورتي البيت غلاتي..عسى الله لايحرمني من هالوجه الجميل..
مريم(فصخت عبايتها وقعدت على السرير وهي تفكر في اللي صار)
فجأة تسمع صوت حد دخل البيت عرفت انه محمد..فتح الباب..مريم رفعت انظارها وقعدت تشوفه..محمد سكر الباب..وقرب منها..وشاف الباقة واستغرب...
محمد:حمدلله على سلامتج..
مريم:الله يسلمك..
محمد:اشلونج مريم؟
مريم:الحمدلله..
محمد:سامحتيني؟
مريم(شافت ايده المكسورة ووجهه المتغير ولحيته بغت تمسح على وجهه بس غمضت عينها لحظات وعقب):مسامحتك..(قامت)
محمد(استانس):الحمدلله..
مريم:اشلونها يدك؟
محمد:الحمدلله..صج انها تعورني مرات..بس اسكتها بالادوية..
مريم:سلامتك..
محمد:الله يسلمج..
مريم:متى صار لك الحادث؟
محمد(تذكر كلامها القوي):من عقب ماطلعت من عندج..
مريم(تضايقت):آسفه محمد..
محمد(مسك ايدينها وحبها):أنا اللي آسف..خليتج تتضايقين وتزعلين..أحبج يامريم..تعرفين يعني شنو احبج..
في بيت بويوسف...
قمر:ايش بغت جدتي؟
ام يوسف:الليلة معزومين في بيت ابوي..
قمر:صج؟..شالمناسبة؟
ام يوسف:ولاشي..من غير مناسبة..لمة..من زمان ماتجمعنا..
قمر:أي والله..كل واحد فينا انشغل بحياته..
ام يوسف:اتصلي في اختج وخبريها..
في بيت بوعبدالعزيز...
ام عبدالعزيز:فديت امي..
عبدالعزيز:يحليلها جدتي..يمه مو موزة ردت من الشغل؟
ام عبدالعزيز:أي ردت..
عبدالعزيز:عيل وينهي مااشوفها..
ام عبدالعزيز:يمكن تصلي ولاشي..
في بيت محمد..يرن تليفون البيت...
جاسم:وعليكم السلام..بخير..امي؟..لحظة..
راح يدق الباب...طلع محمد...
محمد:نعم..
جاسم:يبه وين امي؟
محمد:ايش تبي فيها؟
جاسم:جدتي في التليفون تبيها..
محمد:انزين..(سكر الباب)..حبيبتي امج بالتليفون..
راحت مريم....
مريم:الحمدلله انت اشلونج يمه؟....احسن من قبل...متى؟..الليلة؟..شالمناسبة؟...يحليلها جدتي..ان شاء الله..اكيد..مع السلامة..
محمد(يقعد):في مناسبة؟
مريم:لا..بس بيت جدي عازمينا على العشاء..من زمان ماتجمعنا في بيتهم..
محمد:زين ان باجر ماكو دوام..
مريم:ومن اللي قال ان باجر ماكو دوام؟
محمد:انا ماعندي دوام..
مريم(سكتت وراحت تشوف عيالها)
وتمر ايام..ومحمد يلاحظ ان مريم ماردت مثل قبل..مازال في شي بقلبها..صار يحاول معاها بكل الطرق لكن ماكو فايده..ماعرف شيسوي..ويوم من الايام..مريم كانت بالمطبخ..يدخل محمد...
محمد(بإبتسامته المعتادة):قوة..
مريم(وهي مشغوله بشغلها):الله يقويك..اقول محمد..
محمد:لبيه عيوني..
مريم:معليه تشتري لي خل..لأني مسويه مخلل ومحتاجة خل..ونسيت اقولك تجيبه وانت راد من الصلاة..
محمد:مو مشكلة حبي..الحين بروح اشتريه..كم واحد تبين؟
مريم:جيب ثلاث..
محمد:وماتبين شي ثاني؟
مريم:لا سلامتك..ان شاء الله عقب نروح الجمعية..لأن في وايد اشياء ناقصة في البيت..
محمد:خلاص انت حددي اليوم ونروح..
في بيت بوسالم...
ام سالم:ومابغى ولدك يحدد موعد العرس..
سالم:شسوي فيه يمه..متوهق مع زوجته..انت تدرين بالحريم لين مايتزهبون..
ام سالم:أي والله..ومتى عرسه؟
سالم:ان شاء الله على الشهر الياي..
ام يوسف:الحين انتوا تأخرتوا في العرس الحين مستعيلين..
سالم:والله انا مالي بهالشغلات..بس جاي اخبركم علشان يمديكم تتزهبون..حصة ماهي جايه؟
ام سالم:والله ماادري..على حسب شغل ريلها..
سالم(قام)
بوسالم:وين؟
سالم:مشغول وايد..ولازم اروح..
ام سالم:اقعد تعشى معانا..
سالم:تسلمين يمه..بس مواعد واحد ولازم اروح..
ام سالم:على راحتك..
في بيت راشد...



جواهر(تتكلم في التليفون):ان شاء الله..سلمي عليهم..مع السلامة..
راشد:من تحاجين؟
جواهر:امي..
راشد:اخبارها؟
جواهر:الحمدلله..وتسلم عليك..
راشد:الله يسلمها..ايش عندج تقولين لها يبيلنا نتشرى عدل..
جواهر:أي تخبرني ان عمر ولد خالي سالم عرسه على الشهر الياي..ولازم نروح نتسوق للعرس..
راشد:يعني لازم تروحين؟
جواهر:طبعا..عرس ولد خالي..
راشد:ياسلام..وانا؟؟
جواهر:انت شنو؟
راشد:بتهديني بروحي؟
جواهر:انت بعد معزوم على العرس..
راشد:حتى لو معزوم..احب اقعد مع زوجتي..
جواهر:اقول راشد امك قاعدة بروحها تحت؟
راشد:مااعتقد..امي راحت تنام..انت ماتعرفين انها تنام عقب صلاة العشاء..ولا تتهربين؟
جواهر(قامت):عيل خلني اروح اشوف العيال راقدين ولا لا..
راشد:اقول قعدي..انت لي متى بتظلين على هالحالة..كل تستحين..عيالج صاروا كبار وانت ليحين تستحين؟؟
جواهر(إبتسمت بخجل وطلعت)
راشد:فديت اللي يستحون..
ويوم من الايام تاخذ مريم بنتها ويروحون مع فاطمة السوق...ولما ردوا راحوا بيت جدهم وقعدوا يسولفون....
ام سالم(تقعد):شريتوا شي؟
فاطمة:بعض الاشياء..بس ماحصلنا قطع حق الفساتين..
ام سالم:بتحصلون ان شاء الله..أخبار محمد مريم..
مريم:الحمدلله..
ام سالم:مها ايش صار على العشاء؟
مها:زاهب..تبون ننجبه؟
ام سالم:أي..
مها(قامت):ياللا ثواني..
ام سالم(قامت):خلني اساعدج..
فاطمة(قامت):خلني اروح اساعدهم..
تميم(مسكها من عبايتها):قعدي..اخبارج مريوم..
مريم:بخير..
تميم(ماعجباه حالها):تراني شريت آخر موديل للرنج..شنو يهبل..اول مرة احب الرنج..فيه وايد اشياء طوروها..وصايره عجيبه السيارة..
مريم:صج..مبروك عليك..
تميم(شاف برودتها):الله يبارك فيج..بالعادة لما تسمعين اسم الرنج تنقزين..ايش عندج ساكتة؟
مريم:ولاشي..الظاهر اني تعبانة من السوق..
فاطمة:صج والله تعبانة؟
مريم:شوي..بس راسي يعورني..
فاطمة:بروح ابدل وبيي..
تميم:وانا بعد..
في بيت بوعلي...
نورة:محمد باجر عندي موعد في المستشفى..معليه توصلني..
محمد:الساعة جم؟
نورة:لازم اكون على ال7..لأن اذا تأخرت بيكون زحمة..
ام علي:الدكتورة ماعطتج موعد للولادة؟
نورة:بلا..
وقعدوا يسولفون..ومحمد باله مع مريم..اللي ماتدري بحمال نورة..مايعرف شيقولها..صار يحاتي..
في غرفة تميم...
تميم:اقول فاطمة..
فاطمة:لبيه..
تميم:مريم مو جنها متغيره..احس قبل كانت تسولف تتغشمر..الحين لا..صايره وحدة باردة ماادري اشلون..
فاطمة:معاك حق..انا بعد لاحظت عليها هالشي..الظاهر هي ليحين في الصدمة..
يوم الاربعاء...على الساعة 11 الصبح يرن جرس البيت..مريم استغربت من بييها هالحزة..راحت علشان تشوف من..
مريم:منو؟
نورة:نورة..
مريم(فتحت الباب)
نورة:السلام عليكم..
مريم:وعليكم السلام..
وظلوا واقفين ثواني..
نورة:بنظل واقفين؟
مريم:حياج..
وعقب ماقعدوا...
نورة:سمحيلي جايه بهالوقت..بس انسب وقت اقدر اشوفج فيه..ادري انج ماتبين تشوفيني..بس معليه عطيني من وقتج دقايق..ابيج في سالفة..
مريم(قامت):بس ثواني..اسكر الفرن..
ولما جات مريم ضيفتها عصير..وقعدت...
نورة(وهي ماسكة كوب العصير):سمعيني يامريم..انا جايه اقولج كلمتين..بس ابيج تفهميني..وماابيج تتضايقين..سمعيني للآخر..
مريم:خير نورة؟
نورة:أنا حامل..
مريم(انصدمت فجت عينها وماهي مستوعبة)
نورة:ادري انج ماكنت متوقعه تسمعين هالخبر..
مريم(بضيق):ليش مااتوقع انت زوجته ومن حقج هالشي..
نورة:لازم هالشي كان يصير..أنا أبي هالياهل علشان اعيش معاه بروحي..واخلي محمد لج..علشان محمد جزء مايتجزأ لشخصين..محمد لشخص واحد وبس اللي هي انت..
انا بغيت هالياهال ان كان ولد ولا بنت مو مهم المهم يكون لي حد بهالدنيا..ومااحتاج لحد..ادري ان محمد يفكر وايد اشلون يفتح معاج الموضوع علشان يخبرج..بس خايف..فقلت لازم ايي بنفسي واخبرج..مع اني ادري انج حامل..واتمنى ان الله يسهل عليج..
مريم:بأي شهر؟
نورة:وصلت شهر ونص..
مريم:......
نورة(قامت):انا لازم امشي..خالتي تنتظرني..وماابي محمد يرد ويحصلني هني..اتمنى يامريم انج تكونين فاهمتني..
واول مابغت تطلع...
مريم:نورة..
نورة(لفت)
مريم:مشكورة..
نورة(ابتسمت)
على الغداء...
مريم:ماعطوكم جداول الامتحان؟
جاسم:انا عطوني..
مريم:وانت ريم؟
الريم:لا ليحين..
محمد:مريم اليوم موعدج لاتنسين..
مريم:ان شاء الله..
الريم:واحنا وين بنروح؟
مريم:بنوصلكم بيت جدكم..وفي الردة بنييكم هناك..
جاسم:ياسلام عيل بلعب مع عيال خالاتي..
في بيت راشد..جواهر كانت تزهب شنطة رغد..دخل عليها راشد...
راشد:شنو مب رايحة؟
جواهر:بلا..بس ازهب شنطة رغد..
راشد:حتى هالنتفة عندها شنطة..ولابعد شنطة اكبر منها..
جواهر:فديت هالنتفة..
راشد:وفديت ام هالنتفة..
جواهر:اقول وين العيال؟
راشد(وقف جدامها):يعني لي متى؟؟..مو من حقي اسمع كلام غزل منج؟؟
جواهر(استحت):......
راشد:على الاقل قولي احبك..
مرة وحدة دخل جبر...راشد تخرع....
جبر:يمه ياللا نمشي..تعبت وانا انطر..
راشد:احلف..(جواهر تضحك حست ان جبر انقذها)..جبر..
جبر:نعم؟
راشد:تعال اشوف..
جبر(قرب من ابوه):شنو يبه؟
راشد(يقلده):شنو يبه..حد يدخل غرفة الناس من غير مايدق الباب..
جبر:وين الناس؟؟..مااشوف حد..
جواهر(تضحك)
راشد:هذا ولدج يستعبط؟..واحنا شنو ان شاء الله؟؟
جبر:انت ابوي وهذي امي..
راشد:ياسلام..يعني مادق الباب؟
جبر:هذي رغد عندكم..ليش ادق الباب..
راشد:هذا ولدج مايستحي..اقول قرب..
جبر(خاف)
راشد(على انه معصب):اشفيك خايف باكلك انا؟
جبر:انزين انا ايش سويت؟
راشد:مرة ثانية لما تبي تدخل غرفة حد دق الباب..حتى لو كانت غرفة اخوك سمعت..
جبر:سمعت..
راشد:ياللا امش..
في بيت بوعبدالعزيز...قاعدين يسولفون...جات مريم وقعدت معاهم....
ام عبدالعزيز:ها يمه ايش قالت لج الدكتورة؟
مريم:الحمدلله..كل شي تمام..
ام عبدالعزيز:الحمدلله..
منيرة:يعني خلاص ماتابعين في المستشفى؟
مريم:بلا اتابع..بس محمد اصر اني اروح العيادة..
ام عبدالعزيز:الحمدلله انج بخير..ريلج دخل؟
مريم:أي يمه في المجلس..
ام عبدالعزيز:عيل خلنا نقوم نزهب العشاء..
اسماء(قامت):ياللا..تيين موزة؟
موزة(قامت):ليش لا..
مريم:عيل وين خولة وهالة؟
منيرة(قامت):محد فيهم جى..يقولون مشغولين..انا بروح اساعدهم..
مريم(قامت بعد بس راحت مكان ثاني)
في المطبخ...يدخل عليهم عبدالعزيز وسعود...
سعود:انا ميت من الجوع..ياللا جدتي..
ام عبدالعزيز:الحين فديتك..عيل وين مريم عنكم؟
عبدالعزيز:أي صح وينهي..انا ماشفتها بالصالة..
منيرة:يمكن راحت تصلي ولا تشوف عيالها..
ام عبدالعزيز:سعود يمه روح نادها..
سعود:ان شاء الله..
عبدالعزيز:تعال سعود..انت خلك هني..انا بروح اشوفها..
يشوف باب غرفتها مفتوح..دخل..شاف الريم قاعدة على النت...
عبدالعزيز:وين امج؟
الريم:ماادري ماشفتها..ليش هي جات؟
عبدالعزيز:أي..نزلي تحت..يبون يتعشون..عيل وين جاسم؟
الريم:تحت..
عبدالعزيز:انزين نزلي..(قعد يفكر لين ماراح يدق الباب وفتحاه..حصلها قاعدة على الكرسي..ولافه شعرها وفاتحه الدريشة وهي سرحانه واللاب توب عندها قرب)..السلام عليكم..
مريم(انتبهت له):وعليكم السلام..
عبدالعزيز(حب يفرفش لها الجو):شكلج قاعدة تفكرين بمحمد..(دنع علشان يشوف اللاب توب ايش فيه طل شوي وانصدم وفج عينه وتضايق وقام وقعد على السرير ومجابلها)..
مريم:مااقدر مااشوفه..مشتاقة له وايد ياعبدالعزيز..كل شي بهالبيت يذكرني فيه..وغرفته هذي لي معاها ذكريات..مااقدر ادخل البيت وماادخل هالغرفة..مع ان صوره في كل مكان في الغرفة..الا اني لازم افتح لاب توبه واشوف صوره بكل حالاته اللي مصورها وفي كل مكان..
عبدالعزيز(تضايق لأنه تذكر اخوه):ولما تشوفينه تحسين براحة؟
مريم:يمكن..
عبدالعزيز(قام وهو ماشي):نزلي تحت..علشان يبون يتعشون..
ونزل تحت..وهو رايح المجلس..
اسماء:عبدالعزيز..
عبدالعزيز(وقف والضيقه باينه عليه):نعم..
اسماء:اشفيك؟
عبدالعزيز:ولاشي..تبين شي؟
اسماء(استغربت):لا..وين مريم؟
عبدالعزيز:الحين بتنزل..(وراح)
في بيت محمد..في غرفة النوم..مريم قاعدة تمشط شعرها ومحمد قاعد يدور على كتاب...
مريم(بكل هدوء):زوجتك بأي شهر؟
محمد(صعق من اللي سمعاه استغرب من وين تدري):زوجتي!!
مريم:أي زوجتك نورة..بأي شهر في الحمل؟



مازالت في مشاكل في حياة مريم ومحمد..ولي متى بتظل هالمشاكل؟؟

وأحداث كثيرة بإنتظاركم..

تابعونا..



تعديل اسطوره !; بتاريخ 18-01-2014 الساعة 07:36 PM.
الرد باقتباس
إضافة رد

محطة الوفاء الكاتبة / اميرة الوهج؛كاملة

الوسوم
أيّة , اميرة , الوفاء , النهي , الكاتبة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لم أبحث عن الحب يوما لكن التقيته في طريقي فعبثت به فضولا و ليتني لم أفعل ؛كاملة Darkness . . روايات كامله - يتم نقل الرواية هنا بعد اكتمالها 193 18-01-2016 12:58 AM
عيشتني تحت رحمتك وفي لحظة موتي اعترفت لي بحبك / بقلمي أححلامم طفلة أرشيف الروايات المغلقة - لعدم إكتمالها 185 28-09-2013 05:56 PM
الحرب العالمية الثالثة على الابواب ومجموعة مقالات مهم عطا الله مواضيع عامة - غرام 1 21-08-2011 06:50 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
كل شي عن يوم الجمعة الأحكام والشروط والسنن وفتاوي العلماء وأخطاء الناس فيه مبدع قطر مواضيع إسلامية - فقه - عقيدة 8 24-02-2008 12:10 PM

الساعة الآن +3: 02:52 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1