غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 18-01-2014, 07:37 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الثاني والثلاثين**




في بيت محمد..في غرفة النوم..مريم قاعدة تمشط شعرها ومحمد قاعد يدور على كتاب...
مريم(بكل هدوء):زوجتك بأي شهر؟
محمد(صعق من اللي سمعاه استغرب من وين تدري):زوجتي!!
مريم:أي زوجتك نورة..بأي شهر في الحمل؟
محمد:وانت ايش دراج انها حامل؟!!
مريم(هدت المشط):دريت..
محمد:العنود قالت لج؟
مريم:لا..المهم اني دريت..مو مهم من قالي..ليش متضايق..بجييك ياهل..
محمد:ويعني..هالياهال حق امه..انا عيالي منج انت..
مريم:محمد عيال نورة هم عيالك..لاتقول هالكلام جدامي..هذي حقيقة..
محمد(قرب منها):مريم هذا مو كلام..هذي مشاعر..فعلا انا مالي عيال الا منج..
مريم:ونورة؟
محمد:ماهي الا ظروف اجمعتني فيها..
مريم:وعيالك يتشتتون علشان امهم اجمعتك فيها ظروف؟؟
محمد:ايش قصدج؟
مريم:قصدي ان..قصدي ان كافي كلام يامحمد..نورة صارت زوجتك..والياهل بيكون بإسمك..(قامت وفتحت الباب)
محمد:وين؟
مريم:بروح اشوف العيال..
في بيت بوسالم..وعلى الساعة اربعه الفجر...فاطمة تقوم على الالام..وتقعد تصيح..وهي تصارخ..وتنادي تميم..اللي قام وتخرع على فاطمة..وعلى طول خذاها للمستشفى...
في بيت محمد...محمد يرد من المسجد..يحصل مريم تصلي..وقعد على الكرسي..نطرها لين ماخصلت...
محمد:تقبل الله..
مريم:منا ومنكم..
محمد(تذكر اتصال ابوه حزة الفجر ويقوله لازم تيي الحين عند زوجتك وهو متردد ماعارف شيقولها):مريم انا طالع..
مريم(استغربت سؤاله):بتطلع وين بتروح؟
محمد:مابقى شي على الصبح..اليوم بنت خالتي عندها موعد في المستشفى..ولازم تروح من وهل..
مريم(فصخت اليلال وعدلت السجاده وقامت):ليش تقول بنت خالتي..قول زوجتي..
محمد:مريم..
مريم:والعيال من بيوصلهم؟
محمد(حس انه توهق):بوصلها وبمر آخذهم..
مريم:آخف يتأخرون على الدوام..انت ادرى بالزحمة..
محمد:خلاص بوصلهم وعقب بوصلها المستشفى..
مريم:بكيفك..
محمد:وين؟
مريم:بروح ازهب الريوق..(وعقب ماطلعت)..
محمد:يعني مااعرف اقول كلمتين على بعض..
في المطبخ..دخل محمد...
محمد:أنا آسف يامريم..
مريم(وهي تشتغل):على شنو؟
محمد:على اللي قلته من شوي..
مريم:انت ماقلت شي غلط..هذي زوجتك ولها حق عليك..
محمد(استغرب)
الصبح على الساعة 8ونص..يرن تليفون البيت...
مريم:صباح النور..حيالله الغالية..
ام عبدالعزيز:اشلونج؟
مريم:الحمدلله..انتوا شاخباركم؟
ام عبدالعزيز:كلنا بخير..طمنيني على ريلج والعيال؟
مريم:الحمدلله طيبين..
ام عبدالعزيز:جايتج بخبر..شنو بيونسج..
مريم:شنو يمه؟(محمد يدخل البيت مريم استغربت انه رد بهالوقت)
ام عبدالعزيز:حزري من حامل عندنا من بناتنا؟
مريم:يعني من خواتي..ولا من بنات العيلة؟
ام عبدالعزيز:من العيلة..
مريم(قعدت تفكر):من قمر؟
ام عبدالعزيز:لا..
مريم:عيل من؟
ام عبدالعزيز:فاطمة..
مريم:صدق؟!!
ام عبدالعزيز:أي..توها امي متصله علي وتخبرني..
مريم:الحمدلله..وهي اشلونها؟
ام عبدالعزيز:الحمدلله بخير..كانت تعبانة وتميم خذاها المستشفى وطلعت حامل..
مريم:وهي وينهي في بيت جدي؟
ام عبدالعزيز:اكيد..
مريم:خلاص انا الحين رايحة لها..مستانسة حدي..لازم اروح ابارك لها...ان شاء الله..مع السلامة..محمد ليش مارحت الدوام؟
محمد:بس جذي ماخذ اجازة..الا ايش عندكم اخبار؟
مريم:فاطمة مرت خالي تميم حامل..
محمد:مبروكين..
مريم:الله يبارك فيك..محمد معليه توصلني بيت جدي..
محمد:من عيوني..
مريم:بس خلني أتأكد هي موجودة ولا طالعة..
في غرفة تميم...قاعد مع زوجته وهم يتريقون ويضحكون..يندق الباب...
فاطمة:خلاص روح شوف من عند الباب..
تميم(يفتح الباب):هلا والله..
مريم:ألف مبروك..
تميم:الله يبارك فيج..
وتدخل مريم وتبارك حق فاطمة..وتقعد تسولف معاهم..
مريم:ماتصدقين ايشقد مستانسة لج..
فاطمة:تسلمين ياقلبي..حتى انا مستانسة..
تميم(وهو يتعدل):عاد ها لازم ديرين بالج على الياهل عدل..وتسمعين كلام الدكتورة..
وتمر الايام..والكل ينشغل بتجهيزات عرس ولد سالم..
في بيت راشد....في الصالة قاعدة ام راشد مع فاطمة وجواهر يسولفون....
جواهر:أي لون فستانج؟
فاطمة:اسود..
جواهر:حلو عليج الاسود..لأنج بيضة..
فاطمة:وانت ايش صار على فستانج؟
جواهر:عند الخياط..وراشد بجيبه لي عقب باجر..
فاطمة:متأخرة وايد..العرس عقب ثلاثة ايام..
جواهر:شسوي..انشغلت..وانت ادرى بأخوج مايخليني اتسوق الا معاه..
فاطمة:الله يخليه لج..
ام راشد:اقول فاطمة..ام ريلج قالت لي يوم كلمتها ان بنت سلطان تعبانة من جم يوم وفيها سخونه وماتروح..ايش صار عليها؟
فاطمة:الحمدلله حالتها تحسنت عن قبل..
ام راشد:الحمدلله..
راشد(يدخل البيت وهو حزين ومتضايق يقعد)
جواهر:راشد اشفيك؟
راشد(والعبرة خانقته):رفيجي فيصل توفى..
ام راشد:لاحول ولاقوة الا بالله..واشلون؟
راشد:بحادث..
فاطمة:عظم الله اجرك ياخوي..
راشد:اجرنا واجرج..
ام راشد:ومتى توفى؟
راشد:من شوي وصلني الخبر..(قام)..رايح ابدل علشان بروح بوهامور..
جواهر(قامت):عن اذنكم..
في الغرفة..راشد دخل الحمام..وجواهر قعدت ترتب اغراضه..وقعدت على الكرسي مجابل المنظرة وهي تنتظره...طلع راشد وقعد ينشف وجهه بالفوطة...
جواهر:لاتزعل روحك حبيبي..الله يرحمه ويغمد روحه الجنة..
راشد:متضايق وايد ياجواهر..الريال متزوج وعنده بنتين وولد..الكبيرة عمرها 9 سنوات والولد عمره 5 سنوات والصغيرة عمرها سنتين..مسكينة زوجته..وايد صعب عليها..
جواهر:الله يصبرها..
يوم الجمعة...الكل مشغول من الصبح في عرس ولد سالم..
في بيت بوعبدالعزيز...في غرفة موزة....
ام عبدالعزيز:ياللا يمه قومي..بسج رقاد الساعة صارت 11..
موزة:يمه تكفين خليني انام بعد شوي ناديني على 12..ماصار لي وايد رادة من المستشفى..
ام عبدالعزيز:ادري..بس انت تدرين اليوم عرس ولد خالج..
موزة:انزين مو مشكلة بيمديني اتزهب..
ام عبدالعزيز:على راحتج..
في بيت راشد...



جواهر تزهب البخور وهي بغرفتها...راشد كان يرتب عمره جدام المنظرة...تقرب منه جواهر..
جواهر(شافت الضيق بعيونه):راشد فديتك اذا تعبان ماني رايحة العرس الليلة..
راشد(ابتسم لها):لاحبيبتي..روحي العرس..مايصير ماتروحين عرس ولد خالج..
جواهر:بس مو اهم منك..انت زوجي وابو عيالي..اذا ماوقفت معاك اوقف مع من..
راشد(خذ منها البخور ويبخر نفسه):الله لايحرمني من هالقلب..
جواهر:ايش قلت؟
راشد(عطاها المبخرة وحبها على راسها):أحبج يوم تغزلين فيني..(وطلع)
جواهر(انحرجت منه)
على الساعة خمسة العصر...في بيت بوعبدالعزيز...وهم في الغرفة اللي تحت...
هالة:ليش مريوم ماجات؟
موزة:تقول ان ريلها مرضان شوي وماتقدر تهده لين حزة العرس..
منيرة:يحليلها..
خولة(قامت):ايش رايكم بمكياجي؟
موزة(تكلم الكوافيرة):لحظة شوي..اشوفج خولة..واو تهبلين ماشاء الله عليج..خلاص انا بسوي نفسج..
هالة:ياليت مريوم هني..جان خليتها تحط لي مكياج..
منيرة:ليش ؟؟
هالة:لأن مكياجها خفيف وحلو..
في بيت محمد..مريم كانت تزهب عمرها..جدام المنظرة..ومحمد في المسجد...مريم وهي تكشخ عمرها..تذكرت محمد..واللي سواه..واللي هي قاعدة تسويه..تحس انها ظلمته وايد..ماقدرت تتحمل..قالت في نفسها:ودي ارد لك مثل اول..محمد لو فعلا كان يحبها ويبيها جان ماتعلق فيني بزود..وصار يحاول يراضيني بأي طريقة علشان ترد ايامنا مثل اول..(وتذكرت القصيدة اللي قالتها لمحمد ماقدرت تتحمل خافت انه تضايق على كلامها دمعت عينها على الايام اللي راحت من غير وناسة)
محمد(دخل وشاف دموعها قرب منها)
مريم(رفعت راسها شافته فالمنظرة ودها تقوم وتروح بحضنه الدافي)
محمد(نزل لها ومسك ايدينها وهي لااراديا راحت بحضنه وقعد يمسح على شعرها الناعم المسشور)
مريم:أنا آسفه يامحمد..جفيتك وايد..سامحني..
محمد(مسح دموعها):كان معاج حق تسوين كل هذا..لكن شنقول..قدر الله وماشاء فعل..
مريم:يعني انت راضي علي؟
محمد(ابتسم لها):راضي عليج من اول ماتزوجنا..
في بيت راشد...راشد يدخل البيت....
راشد:ياللا انا رديت..وينهم مب زاهبين؟
ام راشد:بلا زاهبين..
راشد:عيل وين جواهر وفاطمة؟..ان شاء الله ليحين يتمكيجون؟
ام راشد:لا فديتك خلصوا..بس الظاهر رايحين يلبسون فساتينهم..
راشد:بروح اشوفهم..
دق الباب..ودخل...شافها بشكل غير عن كل مرة..وقف مكانه وهو فاج عينه..
جواهر(لما لفّت شافت راشد):رديت؟
راشد:.......
جواهر:اشفيك تطالعني جذي؟
راشد(قرب منها):حلفي انج جواهر؟
جواهر(ضحكت):ليش؟
راشد:وايد متغيرة..صاير حلوة وايد..شمسويه بعمرج؟
جواهر(استحت):عجبتك؟
راشد:ماشاء الله عليج..تهبلين..قمر ماشاء الله عليج..أخاف عليج من عيون الناس..
جواهر:لاتخاف..
تدخل فاطمة...وانتهبت ان راشد موجود....
راشد:انا اقول جبر من من متعلم هالحركة..من عمته..
فاطمة:أي حركة؟
جواهر(تضحك)
راشد:فديت هالضحكة..
فاطمة:ياعم ايش عندك.. تغزل فيها عدل اليوم..
راشد:مايخصج..مرة ثانية لما يدخلون يدقون الباب..عيب صرتي مرة وبتصيرين ام بعد..
فاطمة:ايش دراني انك هني..حسبتك ماجيت..
راشد:جواهر انا من صجي..اخاف عليج من عيون الناس..
فاطمة:وانا؟؟
راشد:روحي زين..انت عندج ريلج..
فاطمة:ياسلام..يعني عادي عندك اطلع جذي جدام الرياييل؟
راشد:علشان اذبحج..
فاطمة:بل بل بل..اعصابك..
راشد:جواهر ماتطلعين جذي..
جواهر:ليش؟
راشد:اخاف عليج من الحساد..
فاطمة:زوجتك جميلة ماشاء الله عليها..
راشد:ادري..بس بصراحة اليوم غير..وانا ماابيج تروحين جذي..
جواهر(استغربت):اشفيها..ماهي اول مرة اروح جذي..
راشد:يعني لازم تلبسين فستان حلو؟
جواهر:الفستان انت منقيه لي..
راشد:وانا ايش دراني انه بيطلع حلو جذي..وشعرج ومكياجج..لا جواهر..ماتروحين..
فاطمة:راشد اشفيك..هذا عرس ولد خالها ومن حقها تكشخ..بعدين تأخرنا على العرس..(انتبهت انظارهم لبعض فانسحبت بهدوء وسكرت الباب)
جواهر(بضيق):خلاص..علشانك ماني رايحة..بتم في البيت..
راشد:انا ماقلت ماتروحين..بس شكلج وايد يجذب..
جواهر:شسوي اذا الله خلقني بهالجمال..يعني انخش عن الناس..قاريه على نفسي..وربي بيحفظني..
تحت...
ام راشد:عيل وين اخوج ومرته؟
فاطمة:ماادري عنهم..راشد مزاجه مايخترب الا حزة الوناسة..
في بيت محمد....
محمد:الحين مكياجج اخترب..ايش رايج امكيجج انا؟
مريم(تضحك):لاتكفى..الحين بعدل روحي..روح شوف جاسم تزهب..
محمد:والريم؟
مريم:طرشتها بيت ابوي..
محمد:زين سويتي..
مريم:اقول حبيبي..خذت دواك؟
محمد:أي خذته..
في بيت راشد...راشد ينزل...
ام راشد:عيل وين زوجتك؟
فاطمة(تضايقت من تصرف راشد)
جواهر(تنزل):كاني عمتي..
فاطمة(استانست):الحمدلله..
ام راشد:ياللا ياعيال بنتأخر..
راشد:ياللا نمشي..
والكل يستانس بهالليلة....وتمر الايام بهدوء ووناسة...
في بيت بوعبدالعزيز...في الصالة....
مريم:ايش رايكم؟
عبدالعزيز:حلوة الفكرة..انا بشاركم..
مريم:لافديتك..العزيمة علي انا ومحمد..
سعود:عاد اهم شي من وين؟
مريم:انت ايش ترشح من مطاعم؟
مشعل:نبي ذبايح..
سعود:لاشنو ذبايح..علشان نمتن..
اسماء:عاد من متنك..
سعود:خلني ضعيف احسن..ايش رايج تجيبون بوفيهات..
مريم:انا بعد اقترحت على محمد هالاقتراح..بس من وين؟
ام عبدالعزيز تطلع من غرفتها وتنزل تحت وتحصل عيالها يسولفون..تقعد.....
ام عبدالعزيز:عيل وين عيالج؟
مريم:الريم فوق مع الدانة..وجاسم طلع مع ابوه..
سعود:جدتي سمعي عمتي مريم بتسوي لنا عزيمة عودة..
ام عبدالعزيز:شالمناسبة؟
مريم:ماكو..بس جذي لمة أهل..بسويها في بيت جدي..
ام عبدالعزيز:بتعزمين الكل؟
مريم:أي يمه..وبنجيب الاكل زاهب من المطعم..كان في ودي اطبخ بس مااقدر..
ام عبدالعزيز:لابعد روحي طبخي..ومتى عزيمتكم؟
مريم:خاطري على هالاسبوع..يوم الخميس..وبعزم اهل ريلي بعد..
بدر يدخل ويسلم عليهم ويقعد.....
مريم:اشلونك بدر؟
بدر:الحمدلله..انت شاخبارج؟
مريم:بخير..زين انك جيت..انا ومحمد عازمين الاهل يوم الخميس هذا..على العشاء..فحياك انت وزوجتك وعيالك..
بدر:ان شاء الله..الا وين ابوي؟
عبدالعزيز:محد..
بدر:متى بيرد؟
ام عبدالعزيز:مب الحين..على التسع بيرد..تبيه في شي؟
بدر:لا بس أسأل عنه..
في بيت بوسالم....في الصالة قاعدة مها تسولف مع فاطمة...تيي هند...
هند:يمه وين ابوي؟
مها:راح المسجد..ليش؟
هند:ابي اروح المكتبة..
مها:خلاص اتصلي فيه علشان مايدخل سيارته..
فاطمة:ماشاء الله عليهم بناتج..يشبهونج ويشبهون ابوهم..
مها:ماتبين تصلين؟
فاطمة:بلا..
مها:عيل خلنا نصلي ونيي نزهب العشاء قبل ليرد عمي..
ومع مرور يومين....في بيت محمد...مريم تكون بالمطبخ تزهب العصير..وتروح الصالة...
مريم:حيالله خالي..تفضل..
سلطان(ياخذ منها العصير):زاد فضلج..
مريم:تفضل محمد..
سلطان:ماقلت محمد ايش صار على بيتكم؟
محمد(مريم تقعد):ماشي..بس المقاول ذابحني..وايد أذاني..ودي اغيره بس مااقدر..
سلطان:ايشقد بقى لك على البيت؟
محمد:بقى نص الشغل..
سلطان:صار لك تشتغل في البيت من خمس سنوات..معقول لحد الحين ماخصلت؟
محمد:شاسوي يابوسارة..لين ماحصلت الارض المناسبة ولين ماخصلنا اجراءات البناء ولين ماحصلنا المقاول سالفة..ولاتنسى الارض كبيرة وعليها مصاريف..
سلطان:الله يسهل عليكم..
مريم:خالي قالولك عن عزيمتنا؟
سلطان:أي قالت امي..شالمناسبة؟
محمد:من غير مناسبة..جمعة أهل..
سلطان:عيل لو خلص بيتكم ايش بتسوون؟
مريم:هذي بعد لها عزيمة ان شاء الله بس في بيتنا..
سلطان:بس ها نبي عزيمة معتبرة اكبر من اللي جايه..
محمد:فالك طيب..مريم وين جاسم والريم؟
مريم:يذاكرون..مابقى شي على امتحاناتهم..عقب اسبوعين..
محمد:سلطان شكلك شيبت..
سلطان:أنا؟
محمد:أي..شعرك صار ابيض..
سلطان:لهالدرجة يبين تحت الغترة؟
محمد:لأني قاعد جدامك فيبين..
مريم:كبرت ياخالي..
سلطان:شنسوي..ماعدنا صغار..
في بيت بوعبدالعزيز...قاعدين جميع يسولفون وبوعبدالعزيز يطالع الاخبار....
عبدالعزيز:اليوم وانا راد من المسجد شفت شباب يحفصون بشكل جنوني..خفت على عمري وانا مار من عندهم..
اسماء:هذا انتحار..
ام عبدالعزيز:الله يبعدنا شر الحوادث..
عبدالعزيز:سعود مو تروح مع ربعك حزة الطيش..
سعود:من انا؟
عبدالعزيز:لا انا..ادري ان ربعك منهم..دير بالك مو تروح معاهم..
اسماء:أي يمه دير بالك..اذا هم بايعين اعمارهم واهاليهم مايبونهم..فإحنا نبيك..
بوعبدالعزيز:ليش في اهالي مايبون عيالهم..الله يهدي هالشباب..ياما شباب ذبحوا اعمارهم بطيشهم..واهاليهم المساكين اللي ينتظرون ردتهم والا يسمعون بخبر وفاتهم..
ام عبدالعزيز:الله يخلي لنا عيالنا ويطول بأعمارهم..
بوعبدالعزيز:اقول عبدالعزيز..
عبدالعزيز:لبيه يبه..
بوعبدالعزيز:تعرف التاجر بوعبدالله..
عبدالعزيز:أي اعرفه..
بوعبدالعزيز:وتعرف التاجر بونورة..
عبدالعزيز:أي سمعت عنه..ليش؟
بوعبدالعزيز:اخوك بدر جايب لي مشروع فيه شراكة مع بونورة..فقلت ماادري آخذ عنده ولا لا..
عبدالعزيز:تبي نصيحتي..لاتشاركه في شي..
بوعبدالعزيز:ليش؟
عبدالعزيز:هذا بونورة مشارك ابو واحد من الربع وتبهدل وياه..وسبب له مشاكل في الشراكة..الريال كره عمره يوم شارك بونورة..خلك بعيد عنه احسن..
بوعبدالعزيز:بس بدر يمدح فيه..ويقول كل مشاريعه تربح..
عبدالعزيز:يبه شتقول..بدر لازم يمدح فيه..بونورة يصير ريل عمة مرته..
بوعبدالعزيز:ماقالي..
عبدالعزيز:اقولك سمعت عنه وايد عند الربع..
بوعبدالعزيز:وبوعبدالله؟
عبدالعزيز:بوعبدالله ماعليه كلام..يعني يشاركك وقلبه وسيع..ومشاريعه تربحه ومرات اذا شريكه ماكان عنده يساعده وايد ويصبر عليه..
بوعبدالعزيز:يعني أشاركه؟
ام عبدالعزيز:ايش لك بالشراكة وعوار الراس؟
بوعبدالعزيز:خلني اشارك الريال..على الاقل نحصل شي من وراء مشاريعه وهم نتعلم السوق عدل..
في بيت راشد...في المطبخ...قاعدة جواهر جنب راشد اللي قاعد يتعشى...
جواهر:انزين قولي ايش سويت؟
راشد:في العرس؟
جواهر:لا بموضوع مدرسة ولدك محمد..
راشد(وهو ياكل):قلت بروح باجر وبشوف المدير وبكلمه..
ام راشد(تدخل):السلام عليكم..
الجميع:وعليكم السلام..
راشد:غريبة ياام راشد قاعدة لهالحزة..
ام راشد:عطشت يايمه..ونسيت اودي وياي ماي للغرفة..الا انت شتسوي هني..حد يتعشى هالوقت؟
راشد:شسوي يمه ميت من الجوع وتوني راد..
ام راشد:مو على اساس كنت معزوم على عرس..
راشد:رحت العرس..بس ماتعشيت..كل ذبايح..وكل دهون..وانت تدرين مب زين لي علشان الكوليسترول..
والايام تمر..وتمر...
في الجامعة..وتحديدا في نشاط الطلاب...
سعود:خالد امش ورانا محاضرة..تأخرنا..
خالد:وهالشيفة اسكت عنه؟
سعود:خلك احسن منه ولاترد عليه..خلك ريال..امش لاننطرد..وعقب يصير خير..
ولما دخلوا المحاضرة..الدكتور كان يتكلم مع الطلبة عن الامتحان...
الدكتور:الامتحان كان كويس وسهل زي المايه..لي كده درجاتكو سيئة اوي..هو انتوا مابتدرسوش؟؟..وانا من اول السنة باعمل أي معاكو؟؟..على العموم عندي اتنين بس جابوا درجة كويسة..وخمسة رسوب..والباقي نص نص..
سعود:اكيد انا من الاثنين اللي درجتهم زينة..
الدكتور:من سعود؟..لا..مستحيل تكون انت..
سعود:ليش دكتور..انا دارس ومقدم زين في الامتحان..
الدكتور:دالوأتي بوزع الورق وبتشوف درجتك..
في بيت بوعلي....



العنود:اخبارج؟
نورة:الحمدلله..
العنود:في أي شهر الحين؟
نورة:في الخامس..
العنود:الله يسهل عليج..مب انا اللي خلصت التاسع وماربيت..
ام علي:بتربين ان شاء الله..هالتأخير عادي..
نورة:انزين جان رحتي المستشفى..
العنود:رحت وقالت لي كل شي تمام..
ام علي:الحمدلله..
العنود:من زمان ماشفت محمد..جاي اليوم؟
ام علي:المفروض..
محمد(دخل)
العنود(قامت علشان تسلم عليه):عمرك طويل..
محمد(يسلم على امه):كنتوا بسيرتي؟
العنود:كنت أسأل عنك..
محمد(يقعد):اشلونج نورة؟
نورة:الحمدلله..انت اشلونك؟
محمد:بخير..اخبارج العنود؟
العنود:ماشي حالنا..وينك ياريال من زمان ماشفناك..
محمد:شسوي مشاغل..والعيال وراهم امتحانات..
العنود:متى بيخلصون؟
محمد:باجر آخر يوم..
في الجامعة...



عند مكتب الدكاترة..يدخل سعود ومعاه رفيجه خالد....
سعود:دكتور لو سمحت وين الدكتور صبري؟
الدكتور:حالا حيجي..
سعود(بصوت واطي):انا اوريه..
وعقب ماجى وقعد..وهو يشرب الشاي...
الدكتور:عاوز اي ياسعود..
سعود:ابي خضرة..
الدكتور:نعم؟!!
سعود:انت عارف انا ليش جاي..دكتور اجوبتي كلها صحيحة وانت حاط عليها اكس..ليش؟؟
الدكتور:بس مش نفس الطريقة اللي انا كنت عاوزها..
سعود(مسك اعصابه):دكتور اجوبتي نفس اجوبة حسن..بس الاسلوب يفرق..
الدكتور:انت قلت الاسلوب يفرق..يعني هو جابها صح وانت لا..
سعود:ياسلام..لازم يكون نفس اسلوبك؟
الدكتور:وانت بتعصب ليه؟
سعود:حرام عليك دكتور..صار لي ثلاثة ايام ادرس في مقررك بالاخر تعطيني هالدرجة..
وطلع وهو معصب..
خالد:هدي ياريال..على الاقل احسن من اخوك اللي راسب..
سعود:والله ماني ساكت عنه..ذبحت عمري من الدراسة آخر شي يعطيني 12 من 20 انا اوريه..
خالد:ايش بتسوي؟
سعود:ايش بسوي؟..بروح عند العميد..
خالد:انت من صجك؟
سعود:بتيي ولا اروح بروحي؟
خالد:بيي..
عند العميد....
العميد:تفضلوا..
وعقب ماقعدوا....
سعود:دكتور بقولك القصة من بدايتها..هالدكتور حاط دوبه بدوبي من اول ماعلقت عليه في المحاضرة..
العميد:ايش علقت؟
سعود:سألنا سؤال..وانا جاوبته..قالي انت غلط..وانا الصح..قلت له دكتور عندي اثباتات على معلوماتي انها صحيحة..عاد هو افتشل جدام الطلبة يوم شاف واحد من الطلاب تحداه بمعلومة..ومن وقتها حاقد علي..وينزل من درجاتي..روح شوف ورقة امتحاني يادكتور..حال كل صح..ودارس للمادة ثلاثة ايام.واخر شي يعطيني هالدرجة..
العميد:مشكلة بعض الدكاترة مايحبون ان الطالب يبين له انه غلطان..
سعود:يعني محد يغلط؟..كلنا نغلط..
العميد:وانت خالد كم جبت عنده؟
خالد:راسب مع مرتبة الشرف..
العميد(ابتسم):ليش؟
خالد:روح شوف الدكتور شمسوي في الطلبة..مرسب الاغلبية..ماادري اشفيه..
سعود:دكتور من صجي..ابيك تسولي شي..
العميد:ابشر ياسعود..بحاول اتفاهم معاه..
سعود:تسلم دكتور..ماقصرت..
في بيت محمد....مريم في المطبخ....يدخل جاسم...
جاسم:يمه انا جوعان..
مريم:وين وصلت في الدراسة؟
جاسم:بقى لي الوحدة الاخيرة..
مريم:شد حيلك باجر آخر امتحان..والاجتماعيات ماهو صعب..
جاسم:ادعي لي..انا جوعان..
مريم:الحين بجيب لكم شي تاكلونه..
في بيت راشد....
راشد:محمد ادرس عدل..باجر آخر يوم..
محمد:ان شاء الله..
راشد:وانت جبر؟
جبر:تعبت من الدراسة..
راشد:ياحبيبي انت..اللي يقول قاعد تدرس من الصبح..توك من ساعتين فاتح الكتاب..
جبر:ماابي ادرس..ابي العب..
راشد:جبر..ماكو لعب لين ماتخلص الامتحانات..
جبر:غصب؟
راشد:أي غصب..
جواهر(تدخل ومعاها ساندويتشات وعصير):جبت لكم أكل..
جبر(يروح عند امه):أي يمه انا ميت من الجوع..تعبت وانا ادرس..
راشد: باين..
جواهر:ذاكروا عدل..علشان باجر نقدر نطلع..
جبر:ياحظها رغد ماعندها مدرسة ولاامتحانات..
راشد:جاي دورها..اكل وانت ساكت..(قام)..عيل وين نصيب ابوهم؟..ولا هو يدّرس بلاش؟
جواهر(ابتسمت):نصيبك مو هني..
في بيت بوعبدالعزيز...
عبدالعزيز:عيل وين الدانة؟
اسماء:فوق تدرس..
عبدالعزيز:الله يوفقها..
سعود(يدخل البيت وهو متضايق ويكط كتبه على الكنب):السلام عليكم..
الجميع:وعليكم السلام..
عبدالعزيز:اشفيك؟
سعود:ولاشي..
عبدالعزيز:لاوالله..كل هالضيقة بوجهك وتقول ولاشي..
اسماء:ايش صاير سعود؟
سعود:هالفقمة منزل درجتي مثل وجهه..
عبدالعزيز(ناظر اسماء بإستغراب):مين هالفقمة؟؟
سعود:دكتورنا..وماادري على ايش دكتور..
اسماء:حد يقول عن دكتور في الجامعة فقمة؟
سعود:يستاهل اكثر..لو متعود على السب جان قلت اكبر..اللي يبيهم يعطيهم احسن الدرجات..واللي مايبيهم يلعب بدرجاتهم..
عبدالعزيز:ليش كم معطيك؟
في بيت راشد...
جواهر:ايش رايك؟
راشد(وهو ياكل):لذيذ..
جواهر:الحمدلله انه عجباك..
راشد:ترى هذا مايغني عن العشاء..
جواهر:لاتحاتي؟؟هذي بس تسد الجوع..
في بيت بوسالم...بغرفة سلطان.....
مها(تدخل وتقعد على السرير):تعبت..
سلطان(وهو يطالع تلفزيون):من ايش؟
مها:من البنات..كل وحدة تناديني من صوب..
سلطان(هد التلفزيون وراح لها):عذريني ماجيت اساعدج..
مها:عادي..انت تعبت اليوم وايد..
سلطان:كل من مدير قسمنا..ماجى على باله الاجتماع الا اليوم..
مها:اهم شي ارتحت؟
سلطان:الحمدلله..بشوفتج ارتاح..
مها:انزين قولي..هالصيف وين بنودي العيال..تراهم من الحين قاعدين يسألون..
سلطان:ماادري..انت وين تقترحين؟
مها:على حسب الميزانية..
عقب يومين...
في بيت محمد...في غرفة النوم...محمد راقد على السرير ومريم قاعدة جنبه...
مريم:خذ البندول..
محمد(قام علشان ياخذ الدواء وعقب ماشرب رقد)
مريم:محمد اذا تعبان خلني اتصل في عبدالعزيز يوديك المستشفى..
محمد:شوي والالم بيروح..
مريم:اجيب لك شي تشربه؟
محمد:جيبي..
مريم:الحين ثواني..
طلعت حصلت عيالها فوجهها..
الريم:يمه ابوي اشفيه؟
مريم:شوي تعبان..
جاسم:معليه ندخل نشوفه؟
مريم:بس من غير ازعاج..
في الغرفة..
الريم:يبه سلامتك..
محمد:الله يسلمج..
جاسم:يبه اشفيك؟؟
محمد:شوي تعبان..والحين بتحسن..قولوا لي متى نتايجكم؟
جاسم:ليحين مامبين..
مريم(جات):ياللا قوم علشان تشرب..
في بيت بوسالم..قاعدين تحت...
هند:هايبه ايش قلت؟
سلطان:في ايش؟
هند:في السفرة يابوسارة..
سلطان:ليش احنا بنسافر؟
الريم:يبه؟!!
سلطان:من قالكم بنسافر؟
سارة:ماعليكم..ابوي طيب..بس يتغشمر معاكم..ان شاء الله عقب جم يوم بنسافر..
سلطان:وانت من حطاج المتحدث الرسمي عني؟
سارة:انا سارة البنت العودة..
سلطان:لاوالله..انا ماقلت ان بنسافر..
هند:يمه..
مها:هذا ابوكم عندكم وقولوا له..
سارة:يبه تكفى سفرنا..
سلطان:وين العمرة؟
هند:مايخالف بنروح العمرة..بس نروح مكان ثاني..
سلطان:انتوا من وين متعلمين هالطمع..مكان واحد..
الريم:نروح فرنسا..
سلطان:حلفي..
الريم:ليش يبه؟
هند:اشفيها فرنسا؟
سلطان:انتوا ايش فيكم طايرين بعيد..خلكم قراب..
سارة:يعني قراب وين؟
سلطان:مصر..المغرب..
تميم:روحوا تايلند..ايش رايك..مكان حلو وتغيير جو..(يطالع فاطمة)..ايش رايج نروح معاهم؟
فاطمة:نروح..
هند:أي يبه خلنا نروح تايلند..وايد حلوة..
سلطان:وانت ايش دراج؟
هند:ذاك اليوم مدرستنا قالت لنا انها راحت مرة ومدحت في المكان..
سلطان:وانت مدرستج تقعد تسولف معاكم ولاتشرح؟
سارة:ها يبه ايش قلت؟
سلطان:خل نشوف امج شتقول..
هند:ها يمه ايش رايج؟
مها:اللي يقوله ابوج انا ماعندي مانع..
سارة:عيل مبروك علينا السفر..
سلطان:لا والله..وانا مالي راي..
سارة:امي قالت رايها من رايك..يعني انت موافق..
هند(قامت وقعدت عند ابوها وحبت راسه):تكفى يبه ودنا..
سلطان:زين..
استانسوا..
سلطان:بس على شرط..
هند:انت تامر اشرط باللي تبيه..
سلطان:اشوف شهاداتكم بالاول..اذا تفشل ماوديكم..
هند:وليش ماقلت لنا بالاول..
سلطان:ليش انت ناوية تفشلينا؟
هند:لا..بس جان تحمسنا للدراسة اكثر..
في بيت بوعبدالعزيز...
يرن تليفون عبدالعزيز...
عبدالعزيز:آلو...هلا مريم..اشفيج؟...اشفيه تعبان؟...انزين انا الحين جاي..مع السلامة..
ام عبدالعزيز:ايش صاير؟
عبدالعزيز:هذي مريم تقول محمد كليته تعوره ووايد متألم..بروح اوديه الطواري..
ام عبدالعزيز:ودني معاك..بروح البس عبايتي..




محمد تعبان..ياترى حياة مريم ومحمد بتظل مستقرة؟؟

تابعونا في فصل 33


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 18-01-2014, 07:39 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الثالث والثلاثين**





في بيت محمد...
ام عبدالعزيز:تطمني يايمه..ان شاء الله بيكون بخير..
مريم:يمه كان يتألم بصوت عالي..تقطع قلبي على صوته..ياليت فيني ولافيه..
ام عبدالعزيز:ان شاء الله خير..خالج تميم نفس الشي كانت تجيه هالالام بكليته دايما وكان عنده حصى في الكلى..وكان يستمر بالعلاج لين ماتحسنت حالته..
مريم:تعتقدين يمه عنده حصى؟
ام عبدالعزيز:مايندرى يمه..اتصلي في عبدالعزيز..
مريم(تتصل):مع اني ماخليت شي الا وعطيته..
في المستشفى...
عبدالعزيز:محمد بخير..كاهو نايم..
مريم:ايش قاله الدكتور؟
عبدالعزيز:عطوه مسكن بس ليحين يبون يسوون له فحوصات وتحاليل علشان يعرفون من ايش هالالام..
مريم:يعني بتطولون؟
عبدالعزيز:يمكن..بس انت لاتحاتين..ريلج بخير..
مريم:مشكور عبدالعزيز...مع السلامة..
ام عبدالعزيز:ايش قالج؟
في بيت بوسالم...
تميم:ايش رايك نخبر بيت اختي فوزية يجون معانا..
سلطان:فوزية مستحيل تيي..
ام سالم:أي يمه ودوها معاكم..خلوها تغير جو..من وقت ماتوفى وليد الله يرحمه وهي ماسافرت الا العمرة..خلوها تشوف الدنيا..
سلطان:فالج طيب يالغالية..باجر بروح لها وبكلمها..
فاطمة:ياسلام يعني مريم وعيالها جايين؟
تميم:ان شاء الله..بس مايكون ريلها مشغول..
يندق جرس البيت...
تميم(قام):اكيد هذا سعود..
سلطان:ايش عنده؟
تميم(ينادي الخدامة):روحي فتحي الباب..جاي ياخذ الرنج..
سلطان:انصحك تأجره بتكسب..
تميم:المفروض..فاطمة دخلي داخل..
فاطمة:ان شاء الله..
سلطان:وانتوا بنات مها..
وقاموا...دخل سعود وسلم على يده ويدته وخواله وقعد....
ام سالم:اصب لك شاي؟
سعود:لا..بس بتقهوى..
تميم:قعدي يمه انا بصب له قهوة..
بوسالم:اخبارك ياولدي؟
سعود:بخير جدي..هذا احنا عايشين..
سلطان:اقول سعود متى بتخلص امتحاناتك؟
سعود:الاسبوع الجاي..
تميم:بتاخذ صيفي؟
سعود:لا يامعود وين صيفي..انا مقرر ويالربع نسافر هالصيف..
تميم:وين؟
سعود:ايطاليا..
سلطان:انزين اسمع انا عندي لك اقتراح..انا وياخالك تميم مسافرين تايلند..ايش رايكم تييون معانا؟
سعود:خوش فكرة..عاد مايندرى ابوي بيوافق..
سلطان:وليش مايوافق؟
سعود:اقول بس..ها خالي وين السويج؟
تميم:من جابك؟
سعود:واحد من الربع..(قام)..ياللا انا استأذن..
ام سالم:بدري يمه..
سعود:عندي امتحان ولازم ارد علشان اذاكر..
ام سالم:الله يوفقك..
سعود:نبي هالدعوات الطيبة جدتي..ياللا في امان الله..
سلطان:خبر ابوك عن السفرة..
سعود(وهو واقف عند الباب):ان شاء الله بس يرد البيت بقوله..
سلطان(بطنازة):ليش ابوك صار يسهر برع البيت؟
سعود:لا وين..عمره ماسواها..بس بوجاسم ريل عمتي مريم تعبان ووداه المستشفى..
بوسالم:اشفيه؟
سعود:ماادري يقولون كليته..
ام سالم:قوم سلطان اتصل في مريم..
سلطان:ان شاء الله يمه..
سعود:مع السلامة..
الجميع:مع السلامة..
في بيت محمد...مريم راحت تزهب العشاء..يرن تليفونها ردت ام عبدالعزيز....
ام عبدالعزيز:هلا سلطان...الحمدلله بخير...اي انا عند مريم..ولاشي الحمدلله تحسنت حالته..يقول عبدالعزيز طلع عنده حصى..اي وايد ناس تتشكى من هالمرض أي بس تميم الحمدلله تحسنت حالته..مريم في المطبخ قاعدة تزهب العشاء لأنهم بالطريق..اي..يوصل وانت بعد سلم عليهم..مع السلامة..
مريم(تيي):من كان يمه؟
ام عبدالعزيز:خالج سلطان..
مريم:من وين درى؟
ام عبدالعزيز:ماادري..
مريم:تراني زهبت العشاء..ماتروحون لين ماتعشون..
ام عبدالعزيز:فديتج يمه تعبناج..
مريم:تعبكم راحة..ريم حبيبتي قومي ساعديني..
الريم(قامت):ان شاء الله..
في بيت راشد...في الغرفة.....
راشد:باجر شنو؟
جواهر:الجمعة..
راشد:حلو..انا عازمكم على الغداء..
جواهر:ياسلام..ووين؟
راشد:في المعصرة اللي جنب البيت..
جواهر(تضحك):عادي دام العزيمة منك مانمانع..
راشد:فديت الطيبين..اي هذا الحجي الزين اللي احب اسمعه منج..
جواهر:شسوي انا استحي..
راشد:عاد مني؟؟
جواهر(قامت)
راشد:وين؟
جواهر:بشوف العيال ليكون سهرانين..
راشد:ياخي خلهم يسهرون..الدنيا اجازة..تعالي نوميني انا..
جواهر(وقفت عند الباب):أحبك..(وراحت)
راشد:يابنت الذين تشردين بعد..معليه انا اوريج..
في غرفة العيال....
جواهر:شتسوون؟
محمد:نلعب ورق..
جواهر:انزين لاتسهرون..وراكم صلاة الصبح..تصبحون على خير..
العيال:وانت من هله..
راحت الغرفة..ماحصلت راشد..استغربت..راحت الحمام هم ماكان موجود..زاد استغرابها نزلت تحت حصلته قاعد في الصالة والريموت في يده ويفر القنوات..راحت وقعدت عنده....
جواهر:ليش فوق مافي تلفزيون؟
راشد:ايش تبين فيني روحي عند عيالج..رقديهم..انا بالطكاك..ليش جايه تسألين عني..
جواهر(عرفت انه قاعد يتدلع):اول مادخلت الغرفة شفتها مظلمة..عرفت انك مو موجود..الغرفة ماتسوى من غيرك..الحين اروح شاسوي بروحي؟
راشد(استانس):روحي نامي..رقدي بنتج شوفيها يمكن صاحية..
جواهر(سوت نفسها زعلانة وقامت وهي تمشي على الدري):حسافة حبيبي زعلان علي..مو مشكلة بأجل السهرة ليوم ثاني..
وراحت الغرفة ورتبت السهرة وشغلت اللاب توب وجهزت الفيلم والعصير والمكسرات..وغيرت ملابسها وطفت الانوار وخلت الجو بأنوار اللاب توب..دخل راشد..استخف على الجو..
راشد:ياسلام على الريحة..ايش حلاة هالجمال..مانقدر عليه..
جواهر:مو على اساس زعلان شالي جابك؟
راشد:عيل هالسهرة حق من؟
جواهر:حق جواهر ورغد..
راشد:فديت ام رغد انا..(مسك يدها وحبها)..احبج يابعد قلبي..
جواهر:وانا بعد احبك ياراشد..
راشد(ماصدق):صج!!..ماني مصدق واخيرا نطقتيها وبوجهي..فديتج..
في بيت محمد...محمد كان راقد على السرير..ومريم كانت تجيب دواه..وقعدت عنده...
مريم:ياللا فديتك قوم علشان تاخذ دواك..
محمد(قعد وخذ دواه ورقد)
مريم:ياللا الحين نام..علشان ترتاح..تبي شي؟
محمد:سلامتج..بس تعالي نامي..تعبتج معاي..
مريم:تعبك راحة ياحياتي..الحين جايه..بس أطل على العيال..
باجر العصر..على الساعة 4...في بيت بوعلي....
ام علي:هايمه ايش قالت لج؟
العنود:تقول ان محمد تعبان علشان جذي مامركم..
ام علي:اشفيه تعبان؟
العنود:تقول امس كليته كانت تعوره وودوه الطواري..
بوعلي:اشلونه الحين؟
العنود:الحمدلله..
نورة:وماقالت الدكتور ايش قاله؟
العنود:بلا..تقول عنده حصى..
ام علي:فديت ولدي..انا بروح ألبس ودني له يابوعلي..
بوعلي:ياللا انا بعد بروح اتزهب..وانتوا ياعيال تعالوا معانا..
العنود:انا بيي..
ام علي:وانت نورة؟
نورة:لاخالتي..انا بقعد هني..
بوعلي:امشي يانورة..
نورة:بس ياعمي..
بوعلي:امشي..مريم مو من النوع اللي تصد الناس..قومي لبسي..
في بيت محمد..يرن التليفون...
مريم:السلام عليكم...الحمدلله بخير..انتوا شاخباركم؟...محمد بخير..احسن من امس..ليحين متألم شوي بس احسن من امس..اي معطينه ادوية...تسلمين جدتي..ان شاء الله..سلمي عليهم..يوصل..مع السلامة..(قامت وراحت عند محمد في الغرفة)..هذي جدتي متصلة تسأل عنك..
محمد:سألت عنها العافية..
مريم:وتسلم عليك..
محمد:الله يسلمها..مريم..
مريم:عيوني..
محمد:أبي اطلع من الغرفة تعبت..وديني الصالة..
مريم:أخاف تتعب..
محمد:ماراح اتعب ان شاء الله..بس ساعديني..
مريم:ان شاء الله..
في بيت بوعبدالعزيز...
بوعبدالعزيز:فوزية قومي خلنا نروح عند محمد نتطمن عليه..
ام عبدالعزيز:ان شاء الله..
موزة:ودوني معاكم..على الاقل اغير جو..من زمان مازرت مريوم..
في بيت راشد...
جواهر(تنزل):ياللا راشد انا جاهزة..
راشد:ووين محمد وجبر؟
جواهر:يمكن في الحوش يلعبون..خالتي انا رايحة بيت ابوي تامريني بشي؟
ام راشد:لافديتج ماابي شي..سلمي على امج..
جواهر:ان شاء الله..
ام راشد:لاتأخر يمه علشان نروح بيت عمك..
راشد:ان شاء الله..
في بيت محمد...محمد مشغل التلفزيون وقاعد مع مريم يشوفون برنامج اجتماعي..وجاسم والريم يرسمون....
يندق جرس البيت...مريم قامت...
مريم:قوم جاسم روح شوف من عند الباب..وانت ريم شيلي اغراضكم..
الريم:ان شاء الله..
جاسم يدخل..
جاسم:يبه جدي وجدتي وعمتي..
مريم:حياكم..تفضلوا..
دخلوا وسلموا على بعض..وقعدوا..
بوعلي:سلامتك يابوجاسم..خطاك الشر..
محمد:الله يسلمك يبه..
بوعلي:مو على اساس تحسنت حالتك..شالي رجع الحصى مرة ثانية؟
مريم(فجت عينها مستغربة)
محمد:ماادري يبه..بس الدكتور قالي عادي..
العنود:وان شاء الله مو عودة الحصى؟
محمد:لا صغيرة..بس صج تألمت من قلب..
ام علي:الحمدلله انك بخير..
مريم(قامت):عن اذنكم..
راحت مريم تسوي العصير..والكل كان مشغول ويسولف..الا نورة اللي كانت ساكتة...
محمد:نورة اشلونج؟
نورة:الحمدلله..انت اخبار صحتك؟
محمد:الحمدلله..
ام علي:قومي روحي قعدي عنده..
نورة:خالتي..
ام علي:قومي..ريلج اشفيج انت..
محمد:تعالي نورة..
نورة(قعدت عنده)
محمد:اخبارج مع الحمل؟
نورة:الحمدلله..
مريم(تيي ومعاها صينية العصير وانتبهت ان نورة قاعدة عند محمد ضيفتهم واحد واحد وقعدت عند العنود)
بوعلي:بردتي على قلوبنا بهالعصير..تسلم ايدج..
مريم:بالعافية..تراكم بتتعشون عندنا الليلة..
ام علي:لا يمه احنا بنرد..وبعدين انت حامل وين فيج على الطباخة..
مريم:معليه خالتي..انا احب اطبخ..وبعدين مستانسين بجيتكم..
محمد:أي يمه قعدوا تعشوا ويانا..
مريم(بصوت واطي):عنود..
العنود:خير؟
مريم:تعالي معاي المطبخ..
وراحوا المطبخ...
مريم:عنود بسألج سؤال..
العنود:خير مريم؟
مريم:محمد كان عنده حصوة من قبل؟
العنود:أي..
مريم:من متى؟
العنود:من قبل لتتزوجون..
مريم:أي يعني من كم سنة؟
العنود:ايام لما كان بالجامعة..بس عقب خفت عليه لين ماخلاص ماعاد يحس فيها..الا الحين ردت له مرة ثانية..
مريم:الا اخبارج..متى بتولدين؟
العنود:سكتي يامريم..ماادري متى بولد..خلصت التاسع..
مريم:والله؟؟
العنود:أي..بس الدكتورة تقولي عادي..ان شاء الله اربي بسرعة تعبت وايد..
مريم:الله يقومج بالسلامة..
العنود:الله يسمع منج..انت في أي شهر الحين؟
مريم:في السابع..
العنود:زين بينج وبين نورة شهرين..(انتبهت ايش قالت)
مريم(سكتت شوي وعقب):لا اقل من شهرين..
العنود:سمحي لي يامريم..
مريم(ابتسمت):عادي..نورة مثل اختي..
يندق جرس البيت..تروح مريم تخبر جاسم يفتح الباب..ويدخلون داخل..الرياييل في المجلس والحريم بالصالة..
ام عبدالعزيز:يمه مريم وين السجادات علشان نصلي..
مريم:ثواني..
وعقب ماصلوا..مريم راحت المطبخ مع اختها موزة....
موزة:أخبارج مريوم؟
مريم:الحمدلله..انت اخبار شغلج يادكتورة؟
موزة:ماشي..ايش قاعدة تسوين؟
مريم:ازهب العشاء..
موزة:ومن قالج ان احنا بنتم للعشاء..
مريم:مب على كيفكم تردون..
موزة:آسفه حبيبتي عندي مناوبة اليوم على الساعة 9 لازم ارد من وهل ابي اتسبح وعندي جم شغله بخلصها..وبعدين امي وابوي لازم يردون البيت..
مريم:ليش ان شاء الله؟
موزة:لأن جايينهم ضيوف..
مريم:من؟
موزة:بيت عمتي..
مريم:انا بروح اكلم امي..
في الصالة...
ام عبدالعزيز:لافديتج بنرد البيت..
مريم:مايصير يمه انا قاعدة ازهب العشاء..
ام عبدالعزيز:مرات جايه..لازم نرد البيت بيت عمتج جايينا..
مريم:على راحتكم..وانتوا عمتي ماتروحون..
ام علي:ولايهمج..
وعقب مايروحون بيت بوعبدالعزيز..دشت نورة المطبخ عند مريم والريم....
مريم:هلا نورة..حياج قعدي..
نورة(قعدت على الكرسي):جايه اساعدج..
مريم:تسلمين..ماكو شي تسوينه..هذي الريم قاعدة تساعدني..روحي ارتاحي وقعدي معاهم..
في الصالة...
محمد(بغى يقوم)
ام علي:وين؟
محمد:عطشت بروح اشرب ماي..
العنود(قامت):خلك قاعد..انا بروح اجيب لك..
نورة(جات وقعدت معاهم وهي ساكتة وانظارها على محمد اللي باين انه تعبان)
يوم الاحد بالليل على الساعة 3...تقوم اسماء وتروح غرفة سعود ماتحصله...تنزل تحت وتحصله قاعد في الصالة يدرس...
اسماء:فديتك يمه قاعد تدرس..
سعود:أي يمه شسوي..امتحاني الصبح..ولازم اكون مستعد..
اسماء:من امس وانت تذاكر ماشاء الله عليك..ارتاح شوي..
سعود:لايمه..انا كنت راقد من ساعة قعدت..خليني ادرس ابي اثبت للدكتور من هو سعود اللي تهاون فيه..
اسماء:الله يوفقك في الامتحان وتجيب اعلى الدرجات..
سعود:آمين..انت شالي مقعدج..باقي على اذان الفجر..
اسماء:قمت علشان اطل عليك..لأني عارفتك قلقان من الامتحان..تبي اجيب لك شي تشربه تاكله؟
سعود:لايمه تسلمين..ماني مشتهي شي..بس اقدم الامتحان وعقب يصير خير..
اسماء:باجر آخر يوم لك؟
سعود:ان شاء الله..
اسماء:ياللا ماابي اعطلك..موفق..
الساعة 8 الصبح..في بيت محمد...كانت مريم مزهبة الريوق وراحت تنادي محمد...
مريم:اجيب لك الريوق؟
محمد:لا..(قام)..انا بروح بنفسي للريوق..
مريم:ليش اتعب روحك حبيبي..ارتاح..
محمد:الحمدلله انا اليوم احسن..
مريم:الحمدلله..
محمد:مابتقعدين العيال؟
مريم:لاخلهم راقدين..الدنيا اجازة..
في بيت بوعبدالعزيز..



.قاعدة اسماء مع ام عبدالعزيز...ينزل سعود....
سعود:صباح الخير..
الجميع:صباح النور..
اسماء:هايمه مستعد؟
سعود:دعواتكم..
اسماء:موفق ياقلبي..
سعود:جدتي الله يخليج ادعي لي..
ام عبدالعزيز:ان شاء الله من عيوني..يارب يسهل عليك الامتحان وتجيب الدرجة اللي تبيها..
سعود:آآآآمين..ياللا انا رايح..
اسماء:والريوق؟
سعود:مااقدر اتريق..خلني امتحن بالاول..ياللا في امان الله..
الجميع:في حفظ الله..
اسماء:دير بالك وانت تسوق..
سعود:ان شاء الله..
اسماء:عمتي ايش قلتوا على السفر؟
ام عبدالعزيز:والله ماادري..انا قلت حق عمج وقال ماعنده مانع..
اسماء:وموزة بتيي؟
ام عبدالعزيز:خلها توافق بالاول على موضوعها..
في بيت محمد...مريم تتكلم في التليفون مع امها.....
مريم:أي موضوع؟
ام عبدالعزيز:مو امس بيت عمتج جاوا عندنا..ماتدرين ليش جايين؟
مريم:لا..ليش؟
ام عبدالعزيز:يبون موزة حق ماجد..
مريم:ليش ماجد متى رد؟
ام عبدالعزيز:من جم اسبوع..
مريم:معقولة ماتزوج؟
ام عبدالعزيز:عمتج تقول لا..
مريم:صار عمره 39 سنة..معقولة ماتزوج؟؟
ام عبدالعزيز:مااعتقد..بعدين انت تعرفين ماجد ماشاء الله عليه واحد خلوق مايعيبه شي..
مريم:في هاي صدقتي يمه..وموزة ايش رايها؟
ام عبدالعزيز:ليش انا كلمتها..من امس وهي في المستشفى.....لا ماردت..ماادري قالت يمكن على 12..
مريم:الله يكتب اللي فيه الخير..
ام عبدالعزيز:آمين..ياليتها توافق..تعالي مريم بغيت اخبرج..خوالج مسافرين تايلند ويبون نروح وياهم..تييون؟
مريم(تشوف محمد):والله ماادري يايمه..لازم اشاور محمد..انت تدرين هو يشتغل وبعدين هو شوي تعبان..ليش من بيروح فيكم؟
ام عبدالعزيز:سلطان ملزم علي الا اروح وياهم..
مريم:زين سوا فيج..يعني بتروحين؟
ام عبدالعزيز:ان شاء الله..مع ابوج وموزة..
مريم:ترضى تاخذ اجازة..
ام عبدالعزيز:غصب عنها..خلها ترتاح شوي..
مريم:وعبدالعزيز وعياله؟
ام عبدالعزيز:هم موافقين بس ينتظرون نتايج عيالهم وسعود اليوم آخر يوم له من الامتحانات..
مريم:أي ادري دز لي مسج يقولي ادعي لي....ان شاء الله..سلمي على اسماء..مع السلامة..في اخبار جديدة في الجريدة؟
محمد:لا..انت عندج اخبار؟
مريم:أي عندي اخبار..
محمد:قولي..
مريم:امي تقول ان بيت خوالي رايحين تايلند على الصيف..فيبون نروح جميع..
محمد:اشلون بتروحين وانت حامل؟
مريم:أي صح..نسيت..
محمد:مابيخلونج تركبين الطيارة..والسفرة طويلة عليج بتتعبين وآخاف تربين هناك..
مريم:فال الله ولافالك..
محمد(يضحك):ليش؟
مريم:وليش اولد هناك..اولد هني احسن لي..بس افكر بالعيال..اكيد في خاطرهم يسافرون خاصة ان عيال اخوي وخوالي بيسافرون..
محمد:ايش رايج نطرشهم مع هلج..
مريم:من صجك؟
محمد:اشفيها خلهم يروحون ماكو حد غريب جدهم معاهم وخوالهم..
مريم:اخاف عليهم..كل واحد بينشغل بعياله..لايامحمد مااقدر..
محمد:بكيفج..روحي صحيهم بسهم رقاد..
في الجامعة



وفي قاعة الامتحان...الطلبة مقهورين على الدكتور لأنه جايب أسئلة غريبة.....
خالد:دكتور من وين جايب هالاسئلة..انا دارس الكتاب كله وماقريت هالنوعية من الاسئلة..
الدكتور:الظاهر انك كنت تذاكر وانت نايم..
الطلبة يضحكون..
خالد(بصوت واطي):والله محد نايم غيرك روح شوف نفسك في المنظرة..
سعود(منقهر على اسئلة الدكتور وحس انه يبي يتحدى)
الدكتور(قرب):ابقى خلينا نشوف يااستاذ سعود شطارتك..
سعود(مسك اعصابه):بتشوف..
في بيت بوعبدالعزيز....
اسماء:يارب سهل الامتحان على ولدي..يارب وفقه ولاتوقفه في ولاسؤال..
ام عبدالعزيز:آمين..الله يفتح عليه..
اسماء:من جم يوم وهو يذاكر في هالامتحان..كل بسبة هالدكتور اللي مأذيه..
ام عبدالعزيز:انا ماادري هالدكاترة ايش يستفيدون من هالحركات..
اسماء:انا ادري..
ام عبدالعزيز:مريم فديتها صار فيها نفس الشي..تأذت ويادكتورها..
يرن تليفون اسماء...
اسماء:هلا عبدالعزيز..
عبدالعزيز:سعود مارد؟
اسماء:لا فديته في الامتحان..
عبدالعزيز:اتصله من الصبح مايرد..
اسماء:الظاهر ماكان يبي يتكلم مع حد علشان مايتوتر بزود..
عبدالعزيز:انزين اذا اتصل او كلمتيه خله يدز لي مسج ويبشرني لأن عندي اجتماع عقب شوي..
في الجامعة...عقب الامتحان..طلعوا الطلبة وهم يتناقشون في الامتحان...
خالد:ها سعود ايش سويت؟
سعود:حاط لنا امتحان طويل وصعب والوقت ايش قصره..صج يقهر..لكن بنشوف من اللي بيفوز في النهاية..
خالد:تحديته من قلب ياريال..
سعود:لأنه صج قاهرني..
الدكتور طلع من القاعة وشاف سعود واقف مع خالد وقف لهم..
الدكتور:عملت ايه ياسعود؟
سعود(يبي يحره):ايش هالامتحان السهل يادكتور..توقعتك بتييب لنا امتحان صعب..بس الحمدلله زين جبت لنا امتحان سهل..
الدكتور(منصدم):الامتحان كان سهل؟
سعود:أي يادكتور..وايد بعد زي المايه..
الدكتور استغرب وراح عنهم...
خالد(مات من الضحك):قهرته..
سعود:يستاهل..
خالد:ياللا امش خلنا نروح نصلي ونتغدى في مطعم زوين..
سعود:لا مااقدر..
خالد:ليش؟
سعود:تعبان وفيني نوده ومالي خلق اكل..ابي اصلي وارقد..
خالد:عيل على العشاء..اوكي؟
سعود:اوكي..ياللا في امان الله..
خالد:في امان الله..
العصر...في بيت محمد....
مريم:انت ملزم تطلع؟
محمد:أي حبيبتي..لازم اروح اشوف البيت..
مريم:بتروح بروحك؟
محمد:لا عيسى بمرني..لأنه يبيني في شغله..وانت قومي لبسي علشان اوصلج بيت ابوج..
في بيت بوسالم....



تميم:فوزية ماردت عليك؟
سلطان:بلا..قالت بتيي هي وبوعبدالعزيز وموزة بس ينتظرون نتايج عيال عبدالعزيز..
تميم:وبناتها؟
سلطان:كل وحده مشغول بشي..اللي بتسافر مع ريلها مكان ثاني واللي ريلها مشغول..واللي عندها ظروف..
تميم:ومريم؟
سلطان:ماادري..قالت فوزية بكلمها وبرد عليك..الظاهر مشغولة بمحمد..
في بيت بوعبدالعزيز....
مريم:عيل وين سعود؟
عبدالعزيز:فوق في داره راقد..حتى ماشفته ولاعرفت شي عن امتحانه..
مريم:ايش دعوة ماسألتوه؟
اسماء:اول مادخل علينا كان تعبان ونعسان قالي لاتحاتين ولما اقوم بخبركم..
عبدالعزيز:قوم مشعل ناد اخوك بتفوته صلاة العصر..
مشعل:ان شاء الله..
ام عبدالعزيز:ها مريم كلمتي محمد؟
مريم:أي يمه كلمته..بس احنا مانقدر نيي معاكم..
موزة:ليش؟
مريم:لأني في السابع وماراح يرضون اركب الطيارة..
عبدالعزيز:الله يخلي لنا الواسطة..
مريم:على قولة محمد اخاف اتعب واولد هناك..
ام عبدالعزيز:شنو تولدين هناك..بقى لج شهرين..
مريم:ادري يمه..بس السفرة طويلة وبتعبني..
ام عبدالعزيز:معاج حق..انزين على الاقل طرشوا عيالكم ويانا..
عبدالعزيز:أي صح طرشوهم ويانا..على الاقل يستانسون بدل قعدة البيت..
مريم:ومن بيدير باله عليهم؟
ام عبدالعزيز:انا موجودة ابوج موجود..
عبدالعزيز:انا موجود اشفيج انت..خلاص قولي حق محمد انهم رايحين معانا..
مشعل(نزل)
عبدالعزيز:قعدته؟
مشعل:كان يصلي..الحين بينزل..
سعود(نزل وسلم عليهم وقعد)
عبدالعزيز:بشر ايش سويت في الامتحان..
سعود:شاقول عن هالفقمة..
يضحكون...
عبدالعزيز:سعود كم مرة قلت لك لاتسب..
سعود:مقهور حدي عليه..انت ماتعرف شيمسوي فينا..جايب لنا امتحان طويل والوقت قصير وأسئلة غريبة ماداخله في المنهج..
مريم:على كيفه؟
سعود:أي حضرته يبي يتحداني..لأني اشتكيت له عند العميد..بس انا وريته..
عبدالعزيز:ايش سويت؟
سعود:ذبحته..
الكل فج عينه...
عبدالعزيز:نعم؟!!
سعود:اشفيكم تطالعون جذي؟..ذبحته قهر..مثل ماقهرني هالفقمة..
موزة:ايش سويت؟
سعود:الله يسلمكم حصلت كتاب شبيه بكتابنا..وذاكرت منه عدل وكنت واثق انه بجيب الاسئلة من هالكتاب..عاد انا ماقصرت بالاجوبة نفسها بالكتاب خلنا نشوف ايش بيصير فيه..يمكن الحين في المستشفى جاته جلطة من الصدمة..
اسماء:سعود لاتفاول على الريال..
سعود:انا اقول يمكن..
عبدالعزيز:وانت شالي خلاك واثق انه بجيب من ذاك الكتاب؟
سعود:ولدك ذكي يايبه..مرة رحت مكتبه..ماحصلته..الا اشوف هالكتاب على مكتبه..عاد انا كتبت اسم الكتاب..ومرة وحدة الدكتور يدخل ويحصلني جدام مكتبه تفاجأ..اول ماقعد على مكتبه حط الجريدة على الكتاب..بس مايدري اني شريت الكتاب ودرست منه..
مريم:واشلون دكتوركم يجيب لكم اسئلة خارج الكتاب..
سعود:بعد دكتورنا غير عن الطبيعين..
عبدالعزيز:يمكن الكتاب كتاب عادي..مب شرط ياخذ منه اسئلة حق الامتحانات..
سعود:واحنا ايش ورانا..درست الكتابين المهم ارد له اللي سواه فيني..
مريم:بس زين سويت فيه..ياليت كنت كبير على ايامي جان انتقمت من دكتورنا اللي بهدلني..وآخر شي عطاني c+ ..
عبدالعزيز:انت خطير ياريال..
سعود:طالعين عليكم..اقول الوالدة تراني جوعان..من امس ماماكل شي..
اسماء(قامت):الحين..
مريم قامت وراحت فوق...
عبدالعزيز:وين؟
مريم:فوق..ماني مطولة..
عبدالعزيز(عرف هي وين رايحة)
وهي فوق حصلت موزة وهي تنزل...
مريم:موزة..
موزة(وقفت):نعم..
مريم:تعالي شوي ابيج..
وراحوا غرفة موزة..
مريم:امي قالت لج عن بيت عمتي؟
موزة:أي قالت لي..
مريم:وانت ايش رايج؟
موزة:ماادري يامريم..ودي ارفض..بس مترددة..
مريم:ليش ودج ترفضين؟
موزة:سببي واضح..ماكو ريال يرضى زوجته تطلع وتدخل متى مالشغل يبيها..الريال يحب يرد بيته يحصل زوجته موجودة..اكله زاهب..البيت مرتب..وانا ماعندي وقت حق هالاشياء..
مريم:يعني كل دكتورة ماتسوي هالشي حق زوجها؟
موزة:بلا..بس..
مريم:بس شنو؟..قولي اللي بخاطرج..
موزة:ماادري ليش أحس ان ماجد ولد عمتي كبير علي..
مريم:موزة وين كبير عليج..الريال عمره 39 سنة..وانت عمرج 32 سنة..يعني بينكم سبع سنين..وبعدين تعالي انت شالي حادج على حالات الطوارئ..اشتغلي دكتورة عاديه بمكتبها وتنتظر المريض وبس..
موزة:بس انا احب شغلي..
مريم:ياموزة..مرات الواحد يضطر يتنازل عن شي يحبه علشان يعيش حياة احسن..
موزة:يعني الزواج هو الاحسن؟
مريم:أي ياموزة..الزواج ستر للبنت..وعلى الاقل في واحد بعيش معاج يحس فيج ويعرف طبعج ويساعدج في كل امورج..
موزة:ماادري..انا ماابي اتزوج..ماهو طموحي..
مريم(قامت):على راحتج..بس انت استخيري وفكري عدل قبل لتقررين..ماجد ولد عمتي صج انه كان مسافر برع البلاد سنين علشان يكمل دراسته..بس ماشاء الله عليه ريال والنعم فيه..فكري عدل..
وطلعت..وهي تمشي تبي تنزل تحت..تنتبه ان غرفة وليد مفتوحة..استغربت ادخلت داخل بهدوء حصلت..........




تعتقدون من اللي بيكون في غرفة وليد؟؟..وياترى موزة بتوافق على ماجد؟؟..وماجد ايش قصته بالضبط؟؟

تابعوني في فصل 34

في حفظ الله ورعابته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 18-01-2014, 07:46 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الرابع والثلاثين**





وهي تمشي تبي تنزل تحت..تنتبه ان غرفة وليد مفتوحة..استغربت ادخلت داخل بهدوء حصلت عبدالعزيز قاعد وهو يطالع صورة وليد..تأثرت قربت منه.....
مريم:عبدالعزيز..
عبدالعزيز(لف صوبها):مريم..توقعت بحصلج هني..
مريم:بغيت ايي..بس قعدت شوي مع موزة..اشفيك؟؟
عبدالعزيز:طول هالسنين اللي راحوا ماكان عندي وقت علشان افكر ان وفاة وليد هي حقيقة..الحين يوم فضيت شوي وعيالي كبروا صرت افكر فيه وايد..ومرات لما اشوف سعود اتذكر وليد..واحسه هو..
مريم(تضايقت على حال اخوها):الله يرزقه الجنة..
عبدالعزيز:آآمين..ماقدرت اقعد اضايق عمري اكثر من اللي سويته لأن وراي زوجه محتاجتني وراي عيالي اللي يبوني..امي وابوي اللي فقدوا ولدهم وبدر اللي بعيد عنهم..وانا ماقدرت ابتعد عنهم..لأني احبهم واعرف انهم بحاجتي..خواتي اللي احبهم اعرف انهم بيحتاجوني يوم..
مريم:ونفسك ياعبدالعزيز..مافكرت ايش تبي؟؟وايش تحتاج؟؟
عبدالعزيز:وين الوقت لنفسي يامريم..الحمدلله ان الحياة مشت معانا..وظروف حياتنا تعدلت..
مريم:الحمدلله..
ومع مرور الايام...في بيت راشد...
فاطمة:جواهر مب مسافرين هالسنة؟
جواهر:لامانقدر..انت تدرين مانقدر نهد امج بروحها..
فاطمة:فديتج ياجواهر يالي تفكرين في امي..عادي سافروا وانا بتم عندها مع تميم..
جواهر:لاحبيبتي..ريلج حجز لكم وين تبين تقعدين؟
فاطمة:من صجي جواهر..الحجز بنكسله..وانتوا سافروا..
جواهر(تبتسم):اصلا ماكنا ناويين على السفر هالسنة..رغد ليحين صغيرة..خلها تكبر شوي وعقب نسافر..
في بيت بوعبدالعزيز....
سعود ينزل وهو لابس...
اسماء:وين؟
سعود:بروح الجامعة..العميد متصل فيني وقالي تعال..
اسماء:خير ان شاء الله؟
سعود:ماادري..الظاهر من الامتحان..دعواتج..
اسماء:دير بالك وانت تسوق..
سعود:ان شاء الله..مع السلامة..
وراح الجامعة..



دخل مكتب العميد..وعقب السلام قعد...
سعود:خير دكتور..صرت احاتي..
العميد:ليش تحاتي؟
سعود:اتصالك فاجأني..
العميد:ايش سويت بإمتحان الدكتور؟
سعود:الحمدلله..أسألته ماكانت سهلة..بس بدعت بالاجوبة..
العميد:الدكتور تعجب من ورقتك..ماصدق انها ورقتك..
سعود:ليش؟
العميد:جاي يقولي هالطالب الوحيد اللي عندي مجاوب صح بالامتحان..
سعود:ليش الباقيين راسبين؟
العميد:مب راسبين بس انت تدري الدكتور شنهي الاجوبة اللي يبيها..
سعود:وكم عطاني في الامتحان؟؟
العميد:فل مارك..
سعود:صج؟..الحمدلله..وكم ماعطيني في المادة؟
العميد:b+ ..
سعود:وليش مب a؟
العميد:علشان درجتك في الامتحان اللي فات..
سعود:الحمدلله على كل حال..
العميد:بس تعال من وين جبت اجوبة الاسئلة الصعبة؟
سعود(ضحك):عرفتهم بذكائي..
العميد:وانا اشهد انك ذكي..على العموم مبروك..
سعود:الله يبارك فيك..
وتمر الايام سلطان وعياله مع تميم وزوجته وبيت بوعبدالعزيز يسافرون جميع تايلند..واتم مريم بروحها مع محمد في البيت...
محمد يدخل البيت بعد صلاة العصر...
محمد:السلام عليكم..
مريم:وعليكم السلام..
محمد(قعد عندها):اشفيه القمر زعلان؟
مريم:مشتاقة لهم..
محمد:من؟؟ حددي..
مريم:عيالي امي ابوي كلهم..
محمد:اول مرة يسافرون ويهدونج بروحج؟
مريم:مب اول مرة بس تذكر يوم امي وابوي راحوا العمرة بس خوالي كانوا موجودين وعبدالعزيز كان موجود..بس هالمرة غير..
محمد:انزين ايش رايج احنا بعد نطلع ونغير جو..يعني ايش معنى هم؟؟
مريم:وين نروح؟
محمد:نروح نتمشى شوي وعقب نتعشى بمطعم وعقب نكمل سهرتنا في البيت..ايش رايج؟
مريم:خوش فكرة..متى نطلع؟
محمد:عقب شوي..(طلع تليفونه)..بس باتصل في امي اتطمن عليهم..
مريم:ليش حد فيه شي؟
محمد:أي هم بالمستشفى..
مريم:ليش العنود والحمدلله ربت وطلعت من المستشفى..من تعبان؟
محمد(بتردد):نورة شوي تعبت ودوها المستشفى..
مريم:ومن وداها؟
محمد:ابوي وامي..
مريم:اشفيها تعبانة؟
محمد:ماادري امي تقول حست بتعب ودوها المستشفى..
مريم:وانت ليش قاعد؟
محمد(استغرب):شنو؟
مريم:زوجتك تعبانة وانت قاعد هني شيتسوي؟..قوم روح لهم..يمكن محتاجينك..
محمد:يمكن ردوا البيت..خلني اتصل فيهم..(استغرب ردة فعل مريم)..هلا يبه اخبار نورة؟....الحمدلله..وينكم الحين؟...ان شاء الله اكيد بمركم..مع السلامة..
مريم:اخبارها؟
محمد:الحمدلله احسن وهم الحين قاعدين يردون البيت..
مريم:انزين قوم روح لها..لازم تطمن عليها..
محمد:مريم انت ايش قاعدة تقولين؟
مريم:اللي سمعته..
محمد:مريم انا ....
مريم(قاطعته):اعرف ايش بتقول..محمد حتى لو انت تعتبرها اختك..لازم تطمن عليها وتسأل عنها..تراها انسانة ولها مشاعر..وهي مالها ذنب باللي صار..فحرام عليك تسوي فيها جذي..يمكن هي متضايقة بس ماتتكلم..حاول تقرب منها كأخ اذا ماكنت تبي كزوج..
محمد(تفاجأ بأسلوبها الغريب)
راحت الغرفة..ومحمد قاعد مكانه ويفكر بكلام مريم..رفع راسه شافها....
محمد:وين؟
مريم:نروح بيت ابوك..ياللا امش..
في تايلند..



في الفندق...يدخل سلطان غرفة بوعبدالعزيز...
سلطان:انت ليحين قاعدة؟!..قومي يالعجوز..
ام عبدالعزيز(تضحك على اخوها):أنا عجوز الله يسامحك..صدقني مافيني اطلع..ظهري يعورني..
سلطان:تدلعي علينا..
ام عبدالعزيز:صدقني ماادلع..
موزة:ماخذتي دواج؟
ام عبدالعزيز:خذته بس امس وايد مشينا وانا مااتحمل..
سلطان:ماقلت لج عجوز..
ام عبدالعزيز:انتوا روحوا..انا بتم بالفندق..
بوعبدالعزيز:خلاص انتوا رحوا واحنا يمكن جينا وراكم..
موزة:يمه تبين اتم عندج؟
ام عبدالعزيز:لايمه ابوج عندي..انتي روحي خلج مع عيال اختج..
موزة:ان شاء الله..
في بيت بوعلي...



مريم:الحمدلله كلهم بخير..
ام علي:واخبار الريم وجاسم؟
مريم:الحمدلله..مستانسين..
ام علي:زين طرشتوهم خلهم يستانسون..
محمد كان فوق عند نورة اللي كانت منسدحة على السرير في غرفتها....
محمد:ليش نايمة هني؟
نورة:مو غرفتي؟
محمد:كانت غرفتج..غرفتج هي غرفتي..
نورة:أخبارك محمد؟
محمد:الحمدلله بخير..
نورة:واخبار مريم؟
محمد:مريم بخير هي تحت..
نورة(استغربت):تحت؟!!
محمد:أي هي اصرت تيي علشان تطمن عليج..
نورة:ماقصرت..
محمد:لاتعبين روحج..مابقى شي على ولادتج..
نورة:والله اني ماسوي شي..ماادري هالتعب من وين يجيني..
محمد:امي تقول ماتاكلين عدل..
نورة:مافيني آكل اكثر من اللازم..
محمد:لازم تاكلين اكثر انتوا الحين اثنين مو واحد..نورة..
نورة:لبيه..
محمد:اذا احتجتي شي اتصلي فيني..انا ريلج ومن حقج اني اكون بجنبج..
نورة:بس..
محمد:لا بس ولاشي..انا قلت لج..ادري اني قصرت بحقج وايد..بس غصب عني..
نورة:لايامحمد انت ماقصرت علي..أنا اللي عالة عليك..
محمد:ايش هالحجي يانورة..آخر مرة اسمع منج هالحجي..انت زوجتي ولج مكانة بقلبي..(قام)
نورة(منصدمة من كلامه):وين؟
محمد:غرفتج حلوة..
نورة:عيونك الحلوة..
محمد(قرب من صورة امها وابوها):الله يرحمهم..
نورة(تذكرتهم ودمعت عينها)
محمد:تصدقين تشابهين امج وايد..(لف صوبها شاف دمعتها قرب منها وقعد عندها)..ليش؟
نورة:مشتاقة لحنانها..مشتاقة لحضنها الدافي..امي كانت هي كل شي بحياتي..
محمد(مسك ايدينها):وانا وين رحت؟؟..أنا لج يانورة..
نورة:بس انت زوجتك مريم..
محمد:وانت بعد زوجتي..
نورة:لايامحمد ماابي اخرب علاقتك بمريم..
محمد:بالعكس علاقتي بمريم وايد زينة..واحنا سمنة على عسل مثل مايقولون..لحتجتي شي وفي ودج تفضفضين تراني موجود..
يندق الباب....
محمد:مسحي دموعج..منو؟
ام علي:انا ومريم..
نورة:حياكم خالتي..
في بيت راشد...



راشد وعياله يرجعون ويقعدون في الصالة...جواهر تنزل.....
جواهر:قوة..
راشد:الله يقويج ويقويني..عيالج ذولا ذبحوني..وبخصوص جبر..
جواهر(تقعد عنده):فديتهم..ايش سويتوا في ابوكم؟
محمد:ماسوينا شي..
جبر:ابوي صاير شايب..كل الابهات يلعبون مع عيالهم واحنا ابونا قاعد على الكرسي ويطالعنا..
جواهر(تضحك على اسلوب جبر)
راشد:لسانه متبري منه..
ام راشد:طالع عليك..يوم انت صغير مثله..
راشد:انا؟!!
ام راشد:أي..وابوك الله يرحمه دوم يتشكى من اسلوبك مثلك الحين..
جواهر:شفت الدنيا دواره..تعشيتوا؟
محمد:أي يمه تعيشنا..
جواهر:وانت راشد؟
راشد:لاطبعا..من متى انا اتعشى من غيرج..
جواهر(استحت)
ام راشد:الله يخليكم حق بعض..
جبر:يبه زهب روحك حق باجر علشان تودينا السيلين..
راشد:من يزهب روحه؟؟
جبر:انت..
راشد:لا والله..وانا فاضي لك شيخ جبر..
جبر:واشفيها يعني..
جواهر:ارتاحوا شوي وعقب باجر روحوا..
جبر:انا مرتاح من زمان..
راشد:انا بموت..
جواهر:بسم الله عليك..
راشد:عيالج بيذبحوني..
جبر:ياسلام بنروح السيلين..
راشد:من بيوديك؟
جبر:انت يبه..
راشد(يقلده):انت يبه..السيلين مو لك حق الشباب..
جبر:انا شباب يبه..اعجبك..
راشد(يطالع جواهر وهو فاج عينه):تعال اشوف..
جبر(يقرب):شنو؟
راشد:انت وين متعلم هالحجي؟
جبر:منك..مو جدتي تقول لما كنت صغير كنت جذي..
جواهر وام راشد يضحكون...
راشد:ماينقال شي جدام الياهال..
جواهر:محمد خذ اخوك ورحوا بدلوا ملابسكم..
راشد:قومي زهبي لنا العشاء قبل لأطيح..
جواهر:بسم الله عليك..(قامت)..ثواني..
راشد:يمه فطوم مااتصلت؟
ام راشد:بلا اول ماطلعتوا هي اتصلت..
راشد:اخبارهم؟
في المطعم...
محمد:ايش رايج بهالمطعم؟
مريم:حلو..وتصميمه حلو بعد..
محمد:هذا المطعم جديد..فاتحينه من ثلاث شهور..
مريم:واشلون اكله؟
محمد:الحين بتجربين..اكله فضيع..
مريم:من متى مجرب من عندهم؟
محمد:يوم انعزمت عند الربع..
في الفندق...
فاطمة(تنسدح على السرير):آآه تعبت اليوم من الدوارة..صج تايلند تهبل بجمالها..
تميم:مستانسة؟
فاطمة:وايد..
تميم(يقعد عندها):أخبار ولدي؟
فاطمة:يمكن بنت؟
تميم:اللي يي من رب العالمين خير..اخباره؟
فاطمة:الحمدلله..
تميم:الظاهر عاجبته تايلند..
ومع مرور الاسابيع...يوصل حمل مريم في بداية التاسع....ونورة قبلها بشهر وشوي.. والطلاب يستعدون لسنة دراسية جديدة..
في بيت بوعبدالعزيز...
سعود ينزل تحت...
اسماء:وين رايح؟
سعود:عندي موعد اسنان..
اسماء:بتروح بروحك؟
سعود:أي..تبين شي؟
اسماء:سلامتك..دير بالك وانت تسوق..
سعود:ان شاء الله..
في العيادة....سعود قاعد يقرأ له مجله...تيي الممرضة...
الممرضة:سعود عبدالعزيز..
سعود:نعم..
الممرضة:تفضل معي..
دخل على الدكتور وقعد....
الدكتور:كيف حالك ياسعود؟
سعود:بخير دكتور..
الدكتور:واخبار الجامعة؟
سعود:الاسبوع الجاي الدوام..
الدكتور:ومتى بتتخرج؟
سعود:قريب ان شاء الله..
الدكتور:موفق..من زمان مازايرني..وينك؟
سعود:ومن يحب يزور دكتور الاسنان..
الدكتور(يضحك):لهالدرجة احنا نخوف؟
سعود:والله يادكتور لو فيني اتحمل جان ماجيتك..
الدكتور:الياهال مانلومهم صغار يوم يخافون منا انتوا ليش تخافون؟
سعود:دكتور الاسنان يخوف كل الاعمار..
الدكتور:خير ياسعود شنهي مشكلتك؟
سعود:دكتور ضرسي العقل ذابحني..ابي اشيله وافتك..
الدكتور:انا قلت لك شيله بس انت قلت لا بتحمل..
سعود:شاسوي دكتور حسبت اقدر اتحمل..بس وين..
الدكتور:أي بس انت آخر مرة جيتني..كان قبل خمس شهور..كل هالفترة كنت تتحمل؟
سعود:مو جذي..بس الالام كانت خفيفة وفيني اتحملها..بس من جم يوم زادت علي الالام..لدرجة ماقدرت انام..
الدكتور:انزين خلينا نشوفك..
في بيت محمد...مريم بالمطبخ تطبخ....يرن تليفون البيت....ترد عليه وهي بالمطبخ....
مريم:السلام عليكم..
ام عبدالعزيز:وعليكم السلام..وينج يالقاطعة سألي عن امج..
مريم:فديتج يمه عذريني..شسوي انشغلت هالفترة بسبت مدارس العيال يتبضعون للمدرسة ..
ام عبدالعزيز:مداومين في المدرسة؟
مريم:أي يمه من بداية الاسبوع..
ام عبدالعزيز:انت اخبارج واخبار الياهل؟
مريم:بخير يايمه..مايندرى متى بربي..تعبت..ابي افتك..
ام عبدالعزيز:ان شاء الله قريب..انت دخلتي التاسع..
مريم:أي..
ام عبدالعزيز:شتسوين اسمع ازعاج عندج..
مريم:في المطبخ ازهب لهم الغداء..
ام عبدالعزيز:يابنت قعدي مكانج ريحي..انت بالشهر الاخير..
مريم:شسوي يمه..محمد بالدوام والعيال بالمدرسة تبينهم يردون البيت ومايحصلون غداء..
ام عبدالعزيز:اشتروا من المطاعم..انا بطبخ لكم..بس انت ارتاحي..
مريم:خلاص خليها باجر..الا ماقلتي يمه..اشوف سالفة اختي موزة مالها طاري..شنو رديتوه؟
ام عبدالعزيز:لايايمه مارديناه..بس ولد عمتج سافر علشان يخلص اوراقه وقال هم فرصه موزة تفكر..
مريم:الحين بيصير لهم ثلاث شهور على الموضوع..معقول شهرين وشوي كان مسافر؟
ام عبدالعزيز:أي يمه..عمتج تقول عنده شوية اشغال يبي يخلصها علشان مايرجع مرة ثانية..
مريم:وموزة ايش رايها؟
ام عبدالعزيز:كل مافاتحتها بالموضوع تقول لما يرد يصير خير..
الظهر عقب الدوام...في بيت راشد وهم يتغدون....
راشد:على فكرة انا مسافر عقب جم يوم..
جواهر:وين؟
راشد:رايح ابوظبي..عندنا مؤتمر..ولازم احضر..
جواهر:وايشقد بتم؟
راشد:اسبوع..
ام راشد:واحنا بنقعد بروحنا؟
راشد:بشوف بكلم تميم وفاطمة اذا يقدرون يباتون عندكم اسبوع..
في المستشفى...موزة راحت تطل على المرضى مع الدكتورة لمياء..وهم يتمشون....
موزة:دكتورة أخبارج؟
لمياء:بخير..
موزة:بسألج سؤال..تحسين بصعوبة انج توافقين بين بيتج وبين شغلج؟
لمياء:أي مرات..بس احاول ان اقدر افرق بين شغلي وبيتي..لأن ريلي مسكين ماله ذنب..لأني مرات اكون تعبانة من الشغل ومالي خلق اسوي شي في البيت الا اني انام..وافكر بريلي مسكين يبي عشاء يبي وحده تقعد معاه..فاضغط على عمري علشانه..
موزة(ابتسمت لها):الله يخليكم حق بعض..
لمياء:ليش في عريس؟
موزة:بيني وبينج..اي..
لمياء:قولي من الصبح..كلميني عنه..
موزة(وقفت):شاقولج..مترددة..ماادري اوافق ولا ارفض..
لمياء:امشي..ليش ترفضين؟
موزة(وهم يتمشون):خايفة..
لمياء:من شنو؟
موزة:وصلنا..لخصلنا شغل بكملج السالفة..
لمياء:اكيد؟
موزة:ان شاء الله..
الممرضة:دكتورة لمياء في مريضة متوجعه اوي من العملية..
لمياء:في أي غرفة؟
في بيت راشد...على الساعة 4...جواهر راحت تقعد راشد من النوم....
جواهر:الفواكه تحت..احنا ننتظرك..
راشد:جواهر..
جواهر:لبيه..
راشد:سكري الباب ابيج شوي..
جواهر(سكرت الباب)
راشد:تعالي قعدي عندي..
جواهر(قعدت عنده)
راشد:متضايقة لأني بسافر؟
جواهر:.....
راشد:مضطر والله..بغيت ارفض بس ماقدرت لأني رفضت سفرتين قبل ومااقدر ارفض هالمرة بعد..مو من صالحي في الشغل..انا ماصدقت انهم رقوني..تحملي شوي..بس اسبوع..انزين؟
جواهر(حاولت تبتسم له):ان شاء الله..(قامت)..ياللا قوم علشان ماتأخر صلاتك اكثر..
العصر في بيت محمد...في الصالة محمد قاعد واللاب توب مفتوح...مريم تيي ومعاها كوفيين..تمد يدها...
مريم:محمد..
محمد(رفع راسه):مشكورة حبيبتي..
مريم(تقعد وتشرب):شيتسوي؟
محمد:اجيك على بعض المواقع اللي مشترك فيها..ماقلتي لي بقى لج موعد بعد؟
مريم:أي عندي موعد الاسبوع الجاي..
جاسم(يي ويقعد عند امه)
مريم:اشلون الدراسة؟
جاسم:زينة..جيت اريح..
مريم:روح افتح الثلاجة خذ لك عصير وبرد على قلبك..محمد حبيبي عطني الريموت..
محمد:ان شاء الله..
فتحت التلفزيون..وقعدت تفر القنوات..لين ماحصلت شي زين وقعدت تطالع...طولت على الصوت..وجاسم جى وقعد معاهم....
محمد(رفع راسه):ماشاء الله عليه هالدكتور رهيب في مواضيعه ومناقشاته..
مريم:سمعت عنه وايد..وسمعت له كم البوم..جاسم حبيبي روح ناد اختك وخلها تيي تشوف معانا..
الريم(جات وقفت):ياسلام..(قعدت)
مريم:وانت من وين تعرفينه؟
الريم:سمعت له اشرطة كنت ماخذتها من رفيجتي..وسمعت ان له برنامج وايد حلو..الظاهر هذا هو..
في بيت راشد...راشد وعياله يردون من المسجد ويقعدون....
محمد:يمه انا جوعان..شنو العشاء..
راشد:تونا المغرب..بقى وايد لين العشاء..
محمد:عادي ناكل الحين وناكل العشاء..
جبر(يفتح التلفزيون ويقعد يطالع كرتون)
راشد:انتوا ماوراكم دراسة؟
محمد:انا خلصت واجباتي..جبر من الصبح قاعد يلعب..
جبر:وانت ايش تبي فيني..احل ولا انام..انا كيفي..
راشد(عصب):جبر..شنو كيفي..مافي شي اسمه كيفي..قوم ياللا بند التلفزيون وقوم حل واجباتك..
جبر(خاف من ابوه)
وعقب ماراحوا....
جواهر:اشفيك على الولد..شوي شوي عليه..
راشد:هالولد وايد متكيسل..ماادري اشفيه..
جواهر:لاتعصب..جبر ياهل..
راشد:أي صح..بس لازم يتعلم من الحين..زهبتي شنطتي؟
جواهر:رتبت اغراضك..بس شوفه بالاول يمكن بغيت شي وانا مااحطيته..
راشد(قام):عيل وين امي؟
جواهر:راحت ترتاح شوي..تقول راسها يعورها..
راشد:خلني اروح اشوفها..
في بيت بوعبدالعزيز...عبدالعزيز يدخل البيت يحصل موزة قاعدة وتاكل موز...
عبدالعزيز:شكله يشهي..
موزة:تبي؟
عبدالعزيز:ياليت..(قعد)
موزة(قامت):الحين بجيب لك..
وعقب ماجات وقعدت...
عبدالعزيز:عيل وين البيت؟
موزة:امي محد راحت عند منيرة..
عبدالعزيز:ايش عندها منيرة؟
موزة:ماادري..وابوي في شغله..
عبدالعزيز(وهو ياكل):اقول موزة..
موزة:خير؟
عبدالعزيز:ايش صار على موضوع ولد عمتي؟
موزة(وقفت من الاكل)
عبدالعزيز:اشفيج؟
موزة:مافيني..
عبدالعزيز:توني اليوم وانا اصلي المغرب حصلته في المسجد..وسلمت عليه..وسألته متى رد..قالي امس..
موزة:......
عبدالعزيز:موزة اشفيج؟
موزة:مافيني شي..
عبدالعزيز:عيل ليش احس ان في شي..
موزة(كملت أكلها):مافيني شي..بس تذكرت شغلي..
عبدالعزيز:موزة..في سبب مقنع يمنعج توافقين على ماجد؟
موزة:لاتسألني ياعبدالعزيز..
عبدالعزيز(استغرب):ليش؟
موزة:ماادري..بس لاتسألني..
عبدالعزيز:مافكرتي بالموضوع؟
موزة:فكرت وايد..بس ماني قادرة اتخذ قراري..
عبدالعزيز:ليش؟
موزة:مترددة..
ويمر اربعة ايام...مريم تولد...وتجيب بنت يسمونها الجازي..في المستشفى...كان سلطان ومها عندها....
سلطان:من سماها؟
مريم:احنا الاثنين..
مها:الله يخليها لكم..
مريم:تسلمين..
ام عبدالعزيز:سلطان تشبه من؟
سلطان:ايش هالسؤال ياام عبدالعزيز البنت جميلة على من يعني..على خالها..
موزة:من خالها عبدالعزيز؟
سلطان:لاحبيبتي خالها العود..
يضحكون....
يندق الباب..وتدخل وحدة...
ام فهد:السلام عليكم..
الجميع:وعليكم السلام..
ام فهد(تسلم على ام عبدالعزيز):مبروك ماجاكم..
ام عبدالعزيز:الله يبارك فيج ياام فهد..حياج..
وعقب السلام...
سلطان:ياللا مها نمشي..
وعقب ماراح سلطان....
ام فهد:اخباركم ياام عبدالعزيز؟
ام عبدالعزيز:الحمدلله..انتوا شاخباركم؟
ام فهد:كلنا بخير..
موزة:ياللا مريوم انا رايحة..وراي شغل..
مريم:بانتظرج في الليل..
موزة:مع السلامة..
الجميع:مع السلامة..
موزة طلعت وتمشي لين ماتوصل لين المصعد..يوقفها واحد....
موزة(تلتفت له وتتفاجأ)
ماجد:اشلونج موزة؟
موزة:الحمدلله..
ماجد:أقدر اتكلم معاج شوي..
موزة(انحطت في موقف صعب):تفضل معاي..
وراحت تقعد في غرفة استراحة الدكاترة...
ماجد:أنا آسف لأني جيتج بمكان شغلج..بس انا كنت مضطر اني اشوفج..وصلت الوالدة عندكم وقلت فرصة مناسبة اني اتكلم معاج..
موزة:خير ياماجد..
ماجد:موزة انا أبيج زوجة لي..ليش رفضتيني؟
موزة:انا مارفضتك..
ماجد:يعني موافقة؟
موزة:ولاقلت اني موافقة..
ماجد:موزة..أنا مب صغير..ولا انت صغيرة..وكل واحد فينا يعرف مستقبله..ويعرف مصلحته عدل..عبدالعزيز شرح لي ظروف شغلج..وانا مامانعت..بالعكس انا بساعدج..لكن في نفس الوقت انا بعد محتاج منج مساعدة..
موزة:محتاج مني مساعدة؟!!
ماجد:أي..موزة مو معقولة انج بتظلين من غير زواج علشان شغلج..انا راضي فيج كدكتورة..وبالعكس يشرفني ان زوجتي تكون دكتورة..واعتقد الفترة اللي راحت كانت كافية للتفكير..
موزة:بس انا مب الشخص اللي انت تبيه..
ماجد:موزة انسي اني كنت احب اختج..انا خلاص نسيت..وهالموضوع صار له فترة طويلة..يوصل العشرين سنة..
موزة:عيل ليش سافرت برع عقب اللي صار..
ماجد:سافرت لأني قررت اني انساها..عقب ماتقدمنا لأختج وهي رفضت..انا ماتحملت هالصدمة..لأني كنت متوقع انها بتوافق..وتفاجأت بردها..وقررت السفر..وحاولت اكمل دراستي هناك وهم انساها..(قام)..ماني مطول عليج..بس فكري بالموضوع اكثر..عن اذنج..
في بيت بوعبدالعزيز...سعود يرد البيت مع جدته..ويقعدون....
اسماء:أخبار مريم؟
ام عبدالعزيز:الحمدلله..
اسماء:ماقالوا متى بيرخصونها؟
ام عبدالعزيز:باجر ان شاء الله..
سعود(قام):يمه انا جوعان..بروح اتسبح وبيي اتعشى..
اسماء:لين مايوصل جدك بيكون العشاء زاهب..
في بيت راشد...على الساعة 11 يرجع راشد...ومايحصل حد في الصالة..راح غرفته..حصل جواهر قاعدة تقرأ مجلة..
راشد(يسكر الباب):السلام عليكم..
جواهر(حطت المجلة على الطاولة):وعليكم السلام..
راشد:تأخرت؟
جواهر:شوي..
راشد:شسوي الربع لزموا علي اتم زيادة..(يفصخ الشماغ)..شتسوين؟
جواهر:اتسلى بالمجلة..شنو تعشيت؟
راشد:كانوا جايبين عشاء من المطعم..
جواهر:ليكون كثرت..اخاف اكلهم كان فيه زيت وايد..
راشد(قعد عندها):لاتخافين..انا ماكلت الا شوي..أبي فاكهة طيبة من ايدينج..
جواهر(ابتسمت له):من عيوني..انت بدل وانا بجيب لك الفواكة..
في المستشفى...
موزة:مريم..
مريم:نعم..
موزة:اليوم شفت ماجد..
مريم:ماجد ولد عمتي؟
موزة:أي..
مريم:وين شفيته؟
موزة:جاني المستشفى..
مريم:صج؟!..ايش عنده؟
موزة:جاي يسألني عن رايي..
مريم:وايش قلتي له؟
موزة:ماقلت له شي..مريم بسألج سؤال..ليش رفضتيه؟
مريم:هو قالج شي؟



ماجد له قصة مع مريم..ياترى شنهي؟؟..وهل موزة بتوافق عليه؟؟

هذا اللي راح نعرفه في فصل 35


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 18-01-2014, 08:00 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الرابع والثلاثين**





وهي تمشي تبي تنزل تحت..تنتبه ان غرفة وليد مفتوحة..استغربت ادخلت داخل بهدوء حصلت عبدالعزيز قاعد وهو يطالع صورة وليد..تأثرت قربت منه.....
مريم:عبدالعزيز..
عبدالعزيز(لف صوبها):مريم..توقعت بحصلج هني..
مريم:بغيت ايي..بس قعدت شوي مع موزة..اشفيك؟؟
عبدالعزيز:طول هالسنين اللي راحوا ماكان عندي وقت علشان افكر ان وفاة وليد هي حقيقة..الحين يوم فضيت شوي وعيالي كبروا صرت افكر فيه وايد..ومرات لما اشوف سعود اتذكر وليد..واحسه هو..
مريم(تضايقت على حال اخوها):الله يرزقه الجنة..
عبدالعزيز:آآمين..ماقدرت اقعد اضايق عمري اكثر من اللي سويته لأن وراي زوجه محتاجتني وراي عيالي اللي يبوني..امي وابوي اللي فقدوا ولدهم وبدر اللي بعيد عنهم..وانا ماقدرت ابتعد عنهم..لأني احبهم واعرف انهم بحاجتي..خواتي اللي احبهم اعرف انهم بيحتاجوني يوم..
مريم:ونفسك ياعبدالعزيز..مافكرت ايش تبي؟؟وايش تحتاج؟؟
عبدالعزيز:وين الوقت لنفسي يامريم..الحمدلله ان الحياة مشت معانا..وظروف حياتنا تعدلت..
مريم:الحمدلله..
ومع مرور الايام...في بيت راشد...
فاطمة:جواهر مب مسافرين هالسنة؟
جواهر:لامانقدر..انت تدرين مانقدر نهد امج بروحها..
فاطمة:فديتج ياجواهر يالي تفكرين في امي..عادي سافروا وانا بتم عندها مع تميم..
جواهر:لاحبيبتي..ريلج حجز لكم وين تبين تقعدين؟
فاطمة:من صجي جواهر..الحجز بنكسله..وانتوا سافروا..
جواهر(تبتسم):اصلا ماكنا ناويين على السفر هالسنة..رغد ليحين صغيرة..خلها تكبر شوي وعقب نسافر..
في بيت بوعبدالعزيز....
سعود ينزل وهو لابس...
اسماء:وين؟
سعود:بروح الجامعة..العميد متصل فيني وقالي تعال..
اسماء:خير ان شاء الله؟
سعود:ماادري..الظاهر من الامتحان..دعواتج..
اسماء:دير بالك وانت تسوق..
سعود:ان شاء الله..مع السلامة..
وراح الجامعة..



دخل مكتب العميد..وعقب السلام قعد...
سعود:خير دكتور..صرت احاتي..
العميد:ليش تحاتي؟
سعود:اتصالك فاجأني..
العميد:ايش سويت بإمتحان الدكتور؟
سعود:الحمدلله..أسألته ماكانت سهلة..بس بدعت بالاجوبة..
العميد:الدكتور تعجب من ورقتك..ماصدق انها ورقتك..
سعود:ليش؟
العميد:جاي يقولي هالطالب الوحيد اللي عندي مجاوب صح بالامتحان..
سعود:ليش الباقيين راسبين؟
العميد:مب راسبين بس انت تدري الدكتور شنهي الاجوبة اللي يبيها..
سعود:وكم عطاني في الامتحان؟؟
العميد:فل مارك..
سعود:صج؟..الحمدلله..وكم ماعطيني في المادة؟
العميد:b+ ..
سعود:وليش مب a؟
العميد:علشان درجتك في الامتحان اللي فات..
سعود:الحمدلله على كل حال..
العميد:بس تعال من وين جبت اجوبة الاسئلة الصعبة؟
سعود(ضحك):عرفتهم بذكائي..
العميد:وانا اشهد انك ذكي..على العموم مبروك..
سعود:الله يبارك فيك..
وتمر الايام سلطان وعياله مع تميم وزوجته وبيت بوعبدالعزيز يسافرون جميع تايلند..واتم مريم بروحها مع محمد في البيت...
محمد يدخل البيت بعد صلاة العصر...
محمد:السلام عليكم..
مريم:وعليكم السلام..
محمد(قعد عندها):اشفيه القمر زعلان؟
مريم:مشتاقة لهم..
محمد:من؟؟ حددي..
مريم:عيالي امي ابوي كلهم..
محمد:اول مرة يسافرون ويهدونج بروحج؟
مريم:مب اول مرة بس تذكر يوم امي وابوي راحوا العمرة بس خوالي كانوا موجودين وعبدالعزيز كان موجود..بس هالمرة غير..
محمد:انزين ايش رايج احنا بعد نطلع ونغير جو..يعني ايش معنى هم؟؟
مريم:وين نروح؟
محمد:نروح نتمشى شوي وعقب نتعشى بمطعم وعقب نكمل سهرتنا في البيت..ايش رايج؟
مريم:خوش فكرة..متى نطلع؟
محمد:عقب شوي..(طلع تليفونه)..بس باتصل في امي اتطمن عليهم..
مريم:ليش حد فيه شي؟
محمد:أي هم بالمستشفى..
مريم:ليش العنود والحمدلله ربت وطلعت من المستشفى..من تعبان؟
محمد(بتردد):نورة شوي تعبت ودوها المستشفى..
مريم:ومن وداها؟
محمد:ابوي وامي..
مريم:اشفيها تعبانة؟
محمد:ماادري امي تقول حست بتعب ودوها المستشفى..
مريم:وانت ليش قاعد؟
محمد(استغرب):شنو؟
مريم:زوجتك تعبانة وانت قاعد هني شيتسوي؟..قوم روح لهم..يمكن محتاجينك..
محمد:يمكن ردوا البيت..خلني اتصل فيهم..(استغرب ردة فعل مريم)..هلا يبه اخبار نورة؟....الحمدلله..وينكم الحين؟...ان شاء الله اكيد بمركم..مع السلامة..
مريم:اخبارها؟
محمد:الحمدلله احسن وهم الحين قاعدين يردون البيت..
مريم:انزين قوم روح لها..لازم تطمن عليها..
محمد:مريم انت ايش قاعدة تقولين؟
مريم:اللي سمعته..
محمد:مريم انا ....
مريم(قاطعته):اعرف ايش بتقول..محمد حتى لو انت تعتبرها اختك..لازم تطمن عليها وتسأل عنها..تراها انسانة ولها مشاعر..وهي مالها ذنب باللي صار..فحرام عليك تسوي فيها جذي..يمكن هي متضايقة بس ماتتكلم..حاول تقرب منها كأخ اذا ماكنت تبي كزوج..
محمد(تفاجأ بأسلوبها الغريب)
راحت الغرفة..ومحمد قاعد مكانه ويفكر بكلام مريم..رفع راسه شافها....
محمد:وين؟
مريم:نروح بيت ابوك..ياللا امش..
في تايلند..



في الفندق...يدخل سلطان غرفة بوعبدالعزيز...
سلطان:انت ليحين قاعدة؟!..قومي يالعجوز..
ام عبدالعزيز(تضحك على اخوها):أنا عجوز الله يسامحك..صدقني مافيني اطلع..ظهري يعورني..
سلطان:تدلعي علينا..
ام عبدالعزيز:صدقني ماادلع..
موزة:ماخذتي دواج؟
ام عبدالعزيز:خذته بس امس وايد مشينا وانا مااتحمل..
سلطان:ماقلت لج عجوز..
ام عبدالعزيز:انتوا روحوا..انا بتم بالفندق..
بوعبدالعزيز:خلاص انتوا رحوا واحنا يمكن جينا وراكم..
موزة:يمه تبين اتم عندج؟
ام عبدالعزيز:لايمه ابوج عندي..انتي روحي خلج مع عيال اختج..
موزة:ان شاء الله..
في بيت بوعلي...



مريم:الحمدلله كلهم بخير..
ام علي:واخبار الريم وجاسم؟
مريم:الحمدلله..مستانسين..
ام علي:زين طرشتوهم خلهم يستانسون..
محمد كان فوق عند نورة اللي كانت منسدحة على السرير في غرفتها....
محمد:ليش نايمة هني؟
نورة:مو غرفتي؟
محمد:كانت غرفتج..غرفتج هي غرفتي..
نورة:أخبارك محمد؟
محمد:الحمدلله بخير..
نورة:واخبار مريم؟
محمد:مريم بخير هي تحت..
نورة(استغربت):تحت؟!!
محمد:أي هي اصرت تيي علشان تطمن عليج..
نورة:ماقصرت..
محمد:لاتعبين روحج..مابقى شي على ولادتج..
نورة:والله اني ماسوي شي..ماادري هالتعب من وين يجيني..
محمد:امي تقول ماتاكلين عدل..
نورة:مافيني آكل اكثر من اللازم..
محمد:لازم تاكلين اكثر انتوا الحين اثنين مو واحد..نورة..
نورة:لبيه..
محمد:اذا احتجتي شي اتصلي فيني..انا ريلج ومن حقج اني اكون بجنبج..
نورة:بس..
محمد:لا بس ولاشي..انا قلت لج..ادري اني قصرت بحقج وايد..بس غصب عني..
نورة:لايامحمد انت ماقصرت علي..أنا اللي عالة عليك..
محمد:ايش هالحجي يانورة..آخر مرة اسمع منج هالحجي..انت زوجتي ولج مكانة بقلبي..(قام)
نورة(منصدمة من كلامه):وين؟
محمد:غرفتج حلوة..
نورة:عيونك الحلوة..
محمد(قرب من صورة امها وابوها):الله يرحمهم..
نورة(تذكرتهم ودمعت عينها)
محمد:تصدقين تشابهين امج وايد..(لف صوبها شاف دمعتها قرب منها وقعد عندها)..ليش؟
نورة:مشتاقة لحنانها..مشتاقة لحضنها الدافي..امي كانت هي كل شي بحياتي..
محمد(مسك ايدينها):وانا وين رحت؟؟..أنا لج يانورة..
نورة:بس انت زوجتك مريم..
محمد:وانت بعد زوجتي..
نورة:لايامحمد ماابي اخرب علاقتك بمريم..
محمد:بالعكس علاقتي بمريم وايد زينة..واحنا سمنة على عسل مثل مايقولون..لحتجتي شي وفي ودج تفضفضين تراني موجود..
يندق الباب....
محمد:مسحي دموعج..منو؟
ام علي:انا ومريم..
نورة:حياكم خالتي..
في بيت راشد...



راشد وعياله يرجعون ويقعدون في الصالة...جواهر تنزل.....
جواهر:قوة..
راشد:الله يقويج ويقويني..عيالج ذولا ذبحوني..وبخصوص جبر..
جواهر(تقعد عنده):فديتهم..ايش سويتوا في ابوكم؟
محمد:ماسوينا شي..
جبر:ابوي صاير شايب..كل الابهات يلعبون مع عيالهم واحنا ابونا قاعد على الكرسي ويطالعنا..
جواهر(تضحك على اسلوب جبر)
راشد:لسانه متبري منه..
ام راشد:طالع عليك..يوم انت صغير مثله..
راشد:انا؟!!
ام راشد:أي..وابوك الله يرحمه دوم يتشكى من اسلوبك مثلك الحين..
جواهر:شفت الدنيا دواره..تعشيتوا؟
محمد:أي يمه تعيشنا..
جواهر:وانت راشد؟
راشد:لاطبعا..من متى انا اتعشى من غيرج..
جواهر(استحت)
ام راشد:الله يخليكم حق بعض..
جبر:يبه زهب روحك حق باجر علشان تودينا السيلين..
راشد:من يزهب روحه؟؟
جبر:انت..
راشد:لا والله..وانا فاضي لك شيخ جبر..
جبر:واشفيها يعني..
جواهر:ارتاحوا شوي وعقب باجر روحوا..
جبر:انا مرتاح من زمان..
راشد:انا بموت..
جواهر:بسم الله عليك..
راشد:عيالج بيذبحوني..
جبر:ياسلام بنروح السيلين..
راشد:من بيوديك؟
جبر:انت يبه..
راشد(يقلده):انت يبه..السيلين مو لك حق الشباب..
جبر:انا شباب يبه..اعجبك..
راشد(يطالع جواهر وهو فاج عينه):تعال اشوف..
جبر(يقرب):شنو؟
راشد:انت وين متعلم هالحجي؟
جبر:منك..مو جدتي تقول لما كنت صغير كنت جذي..
جواهر وام راشد يضحكون...
راشد:ماينقال شي جدام الياهال..
جواهر:محمد خذ اخوك ورحوا بدلوا ملابسكم..
راشد:قومي زهبي لنا العشاء قبل لأطيح..
جواهر:بسم الله عليك..(قامت)..ثواني..
راشد:يمه فطوم مااتصلت؟
ام راشد:بلا اول ماطلعتوا هي اتصلت..
راشد:اخبارهم؟
في المطعم...
محمد:ايش رايج بهالمطعم؟
مريم:حلو..وتصميمه حلو بعد..
محمد:هذا المطعم جديد..فاتحينه من ثلاث شهور..
مريم:واشلون اكله؟
محمد:الحين بتجربين..اكله فضيع..
مريم:من متى مجرب من عندهم؟
محمد:يوم انعزمت عند الربع..
في الفندق...
فاطمة(تنسدح على السرير):آآه تعبت اليوم من الدوارة..صج تايلند تهبل بجمالها..
تميم:مستانسة؟
فاطمة:وايد..
تميم(يقعد عندها):أخبار ولدي؟
فاطمة:يمكن بنت؟
تميم:اللي يي من رب العالمين خير..اخباره؟
فاطمة:الحمدلله..
تميم:الظاهر عاجبته تايلند..
ومع مرور الاسابيع...يوصل حمل مريم في بداية التاسع....ونورة قبلها بشهر وشوي.. والطلاب يستعدون لسنة دراسية جديدة..
في بيت بوعبدالعزيز...
سعود ينزل تحت...
اسماء:وين رايح؟
سعود:عندي موعد اسنان..
اسماء:بتروح بروحك؟
سعود:أي..تبين شي؟
اسماء:سلامتك..دير بالك وانت تسوق..
سعود:ان شاء الله..
في العيادة....سعود قاعد يقرأ له مجله...تيي الممرضة...
الممرضة:سعود عبدالعزيز..
سعود:نعم..
الممرضة:تفضل معي..
دخل على الدكتور وقعد....
الدكتور:كيف حالك ياسعود؟
سعود:بخير دكتور..
الدكتور:واخبار الجامعة؟
سعود:الاسبوع الجاي الدوام..
الدكتور:ومتى بتتخرج؟
سعود:قريب ان شاء الله..
الدكتور:موفق..من زمان مازايرني..وينك؟
سعود:ومن يحب يزور دكتور الاسنان..
الدكتور(يضحك):لهالدرجة احنا نخوف؟
سعود:والله يادكتور لو فيني اتحمل جان ماجيتك..
الدكتور:الياهال مانلومهم صغار يوم يخافون منا انتوا ليش تخافون؟
سعود:دكتور الاسنان يخوف كل الاعمار..
الدكتور:خير ياسعود شنهي مشكلتك؟
سعود:دكتور ضرسي العقل ذابحني..ابي اشيله وافتك..
الدكتور:انا قلت لك شيله بس انت قلت لا بتحمل..
سعود:شاسوي دكتور حسبت اقدر اتحمل..بس وين..
الدكتور:أي بس انت آخر مرة جيتني..كان قبل خمس شهور..كل هالفترة كنت تتحمل؟
سعود:مو جذي..بس الالام كانت خفيفة وفيني اتحملها..بس من جم يوم زادت علي الالام..لدرجة ماقدرت انام..
الدكتور:انزين خلينا نشوفك..
في بيت محمد...مريم بالمطبخ تطبخ....يرن تليفون البيت....ترد عليه وهي بالمطبخ....
مريم:السلام عليكم..
ام عبدالعزيز:وعليكم السلام..وينج يالقاطعة سألي عن امج..
مريم:فديتج يمه عذريني..شسوي انشغلت هالفترة بسبت مدارس العيال يتبضعون للمدرسة ..
ام عبدالعزيز:مداومين في المدرسة؟
مريم:أي يمه من بداية الاسبوع..
ام عبدالعزيز:انت اخبارج واخبار الياهل؟
مريم:بخير يايمه..مايندرى متى بربي..تعبت..ابي افتك..
ام عبدالعزيز:ان شاء الله قريب..انت دخلتي التاسع..
مريم:أي..
ام عبدالعزيز:شتسوين اسمع ازعاج عندج..
مريم:في المطبخ ازهب لهم الغداء..
ام عبدالعزيز:يابنت قعدي مكانج ريحي..انت بالشهر الاخير..
مريم:شسوي يمه..محمد بالدوام والعيال بالمدرسة تبينهم يردون البيت ومايحصلون غداء..
ام عبدالعزيز:اشتروا من المطاعم..انا بطبخ لكم..بس انت ارتاحي..
مريم:خلاص خليها باجر..الا ماقلتي يمه..اشوف سالفة اختي موزة مالها طاري..شنو رديتوه؟
ام عبدالعزيز:لايايمه مارديناه..بس ولد عمتج سافر علشان يخلص اوراقه وقال هم فرصه موزة تفكر..
مريم:الحين بيصير لهم ثلاث شهور على الموضوع..معقول شهرين وشوي كان مسافر؟
ام عبدالعزيز:أي يمه..عمتج تقول عنده شوية اشغال يبي يخلصها علشان مايرجع مرة ثانية..
مريم:وموزة ايش رايها؟
ام عبدالعزيز:كل مافاتحتها بالموضوع تقول لما يرد يصير خير..
الظهر عقب الدوام...في بيت راشد وهم يتغدون....
راشد:على فكرة انا مسافر عقب جم يوم..
جواهر:وين؟
راشد:رايح ابوظبي..عندنا مؤتمر..ولازم احضر..
جواهر:وايشقد بتم؟
راشد:اسبوع..
ام راشد:واحنا بنقعد بروحنا؟
راشد:بشوف بكلم تميم وفاطمة اذا يقدرون يباتون عندكم اسبوع..
في المستشفى...موزة راحت تطل على المرضى مع الدكتورة لمياء..وهم يتمشون....
موزة:دكتورة أخبارج؟
لمياء:بخير..
موزة:بسألج سؤال..تحسين بصعوبة انج توافقين بين بيتج وبين شغلج؟
لمياء:أي مرات..بس احاول ان اقدر افرق بين شغلي وبيتي..لأن ريلي مسكين ماله ذنب..لأني مرات اكون تعبانة من الشغل ومالي خلق اسوي شي في البيت الا اني انام..وافكر بريلي مسكين يبي عشاء يبي وحده تقعد معاه..فاضغط على عمري علشانه..
موزة(ابتسمت لها):الله يخليكم حق بعض..
لمياء:ليش في عريس؟
موزة:بيني وبينج..اي..
لمياء:قولي من الصبح..كلميني عنه..
موزة(وقفت):شاقولج..مترددة..ماادري اوافق ولا ارفض..
لمياء:امشي..ليش ترفضين؟
موزة(وهم يتمشون):خايفة..
لمياء:من شنو؟
موزة:وصلنا..لخصلنا شغل بكملج السالفة..
لمياء:اكيد؟
موزة:ان شاء الله..
الممرضة:دكتورة لمياء في مريضة متوجعه اوي من العملية..
لمياء:في أي غرفة؟
في بيت راشد...على الساعة 4...جواهر راحت تقعد راشد من النوم....
جواهر:الفواكه تحت..احنا ننتظرك..
راشد:جواهر..
جواهر:لبيه..
راشد:سكري الباب ابيج شوي..
جواهر(سكرت الباب)
راشد:تعالي قعدي عندي..
جواهر(قعدت عنده)
راشد:متضايقة لأني بسافر؟
جواهر:.....
راشد:مضطر والله..بغيت ارفض بس ماقدرت لأني رفضت سفرتين قبل ومااقدر ارفض هالمرة بعد..مو من صالحي في الشغل..انا ماصدقت انهم رقوني..تحملي شوي..بس اسبوع..انزين؟
جواهر(حاولت تبتسم له):ان شاء الله..(قامت)..ياللا قوم علشان ماتأخر صلاتك اكثر..
العصر في بيت محمد...في الصالة محمد قاعد واللاب توب مفتوح...مريم تيي ومعاها كوفيين..تمد يدها...
مريم:محمد..
محمد(رفع راسه):مشكورة حبيبتي..
مريم(تقعد وتشرب):شيتسوي؟
محمد:اجيك على بعض المواقع اللي مشترك فيها..ماقلتي لي بقى لج موعد بعد؟
مريم:أي عندي موعد الاسبوع الجاي..
جاسم(يي ويقعد عند امه)
مريم:اشلون الدراسة؟
جاسم:زينة..جيت اريح..
مريم:روح افتح الثلاجة خذ لك عصير وبرد على قلبك..محمد حبيبي عطني الريموت..
محمد:ان شاء الله..
فتحت التلفزيون..وقعدت تفر القنوات..لين ماحصلت شي زين وقعدت تطالع...طولت على الصوت..وجاسم جى وقعد معاهم....
محمد(رفع راسه):ماشاء الله عليه هالدكتور رهيب في مواضيعه ومناقشاته..
مريم:سمعت عنه وايد..وسمعت له كم البوم..جاسم حبيبي روح ناد اختك وخلها تيي تشوف معانا..
الريم(جات وقفت):ياسلام..(قعدت)
مريم:وانت من وين تعرفينه؟
الريم:سمعت له اشرطة كنت ماخذتها من رفيجتي..وسمعت ان له برنامج وايد حلو..الظاهر هذا هو..
في بيت راشد...راشد وعياله يردون من المسجد ويقعدون....
محمد:يمه انا جوعان..شنو العشاء..
راشد:تونا المغرب..بقى وايد لين العشاء..
محمد:عادي ناكل الحين وناكل العشاء..
جبر(يفتح التلفزيون ويقعد يطالع كرتون)
راشد:انتوا ماوراكم دراسة؟
محمد:انا خلصت واجباتي..جبر من الصبح قاعد يلعب..
جبر:وانت ايش تبي فيني..احل ولا انام..انا كيفي..
راشد(عصب):جبر..شنو كيفي..مافي شي اسمه كيفي..قوم ياللا بند التلفزيون وقوم حل واجباتك..
جبر(خاف من ابوه)
وعقب ماراحوا....
جواهر:اشفيك على الولد..شوي شوي عليه..
راشد:هالولد وايد متكيسل..ماادري اشفيه..
جواهر:لاتعصب..جبر ياهل..
راشد:أي صح..بس لازم يتعلم من الحين..زهبتي شنطتي؟
جواهر:رتبت اغراضك..بس شوفه بالاول يمكن بغيت شي وانا مااحطيته..
راشد(قام):عيل وين امي؟
جواهر:راحت ترتاح شوي..تقول راسها يعورها..
راشد:خلني اروح اشوفها..
في بيت بوعبدالعزيز...عبدالعزيز يدخل البيت يحصل موزة قاعدة وتاكل موز...
عبدالعزيز:شكله يشهي..
موزة:تبي؟
عبدالعزيز:ياليت..(قعد)
موزة(قامت):الحين بجيب لك..
وعقب ماجات وقعدت...
عبدالعزيز:عيل وين البيت؟
موزة:امي محد راحت عند منيرة..
عبدالعزيز:ايش عندها منيرة؟
موزة:ماادري..وابوي في شغله..
عبدالعزيز(وهو ياكل):اقول موزة..
موزة:خير؟
عبدالعزيز:ايش صار على موضوع ولد عمتي؟
موزة(وقفت من الاكل)
عبدالعزيز:اشفيج؟
موزة:مافيني..
عبدالعزيز:توني اليوم وانا اصلي المغرب حصلته في المسجد..وسلمت عليه..وسألته متى رد..قالي امس..
موزة:......
عبدالعزيز:موزة اشفيج؟
موزة:مافيني شي..
عبدالعزيز:عيل ليش احس ان في شي..
موزة(كملت أكلها):مافيني شي..بس تذكرت شغلي..
عبدالعزيز:موزة..في سبب مقنع يمنعج توافقين على ماجد؟
موزة:لاتسألني ياعبدالعزيز..
عبدالعزيز(استغرب):ليش؟
موزة:ماادري..بس لاتسألني..
عبدالعزيز:مافكرتي بالموضوع؟
موزة:فكرت وايد..بس ماني قادرة اتخذ قراري..
عبدالعزيز:ليش؟
موزة:مترددة..
ويمر اربعة ايام...مريم تولد...وتجيب بنت يسمونها الجازي..في المستشفى...كان سلطان ومها عندها....
سلطان:من سماها؟
مريم:احنا الاثنين..
مها:الله يخليها لكم..
مريم:تسلمين..
ام عبدالعزيز:سلطان تشبه من؟
سلطان:ايش هالسؤال ياام عبدالعزيز البنت جميلة على من يعني..على خالها..
موزة:من خالها عبدالعزيز؟
سلطان:لاحبيبتي خالها العود..
يضحكون....
يندق الباب..وتدخل وحدة...
ام فهد:السلام عليكم..
الجميع:وعليكم السلام..
ام فهد(تسلم على ام عبدالعزيز):مبروك ماجاكم..
ام عبدالعزيز:الله يبارك فيج ياام فهد..حياج..
وعقب السلام...
سلطان:ياللا مها نمشي..
وعقب ماراح سلطان....
ام فهد:اخباركم ياام عبدالعزيز؟
ام عبدالعزيز:الحمدلله..انتوا شاخباركم؟
ام فهد:كلنا بخير..
موزة:ياللا مريوم انا رايحة..وراي شغل..
مريم:بانتظرج في الليل..
موزة:مع السلامة..
الجميع:مع السلامة..
موزة طلعت وتمشي لين ماتوصل لين المصعد..يوقفها واحد....
موزة(تلتفت له وتتفاجأ)
ماجد:اشلونج موزة؟
موزة:الحمدلله..
ماجد:أقدر اتكلم معاج شوي..
موزة(انحطت في موقف صعب):تفضل معاي..
وراحت تقعد في غرفة استراحة الدكاترة...
ماجد:أنا آسف لأني جيتج بمكان شغلج..بس انا كنت مضطر اني اشوفج..وصلت الوالدة عندكم وقلت فرصة مناسبة اني اتكلم معاج..
موزة:خير ياماجد..
ماجد:موزة انا أبيج زوجة لي..ليش رفضتيني؟
موزة:انا مارفضتك..
ماجد:يعني موافقة؟
موزة:ولاقلت اني موافقة..
ماجد:موزة..أنا مب صغير..ولا انت صغيرة..وكل واحد فينا يعرف مستقبله..ويعرف مصلحته عدل..عبدالعزيز شرح لي ظروف شغلج..وانا مامانعت..بالعكس انا بساعدج..لكن في نفس الوقت انا بعد محتاج منج مساعدة..
موزة:محتاج مني مساعدة؟!!
ماجد:أي..موزة مو معقولة انج بتظلين من غير زواج علشان شغلج..انا راضي فيج كدكتورة..وبالعكس يشرفني ان زوجتي تكون دكتورة..واعتقد الفترة اللي راحت كانت كافية للتفكير..
موزة:بس انا مب الشخص اللي انت تبيه..
ماجد:موزة انسي اني كنت احب اختج..انا خلاص نسيت..وهالموضوع صار له فترة طويلة..يوصل العشرين سنة..
موزة:عيل ليش سافرت برع عقب اللي صار..
ماجد:سافرت لأني قررت اني انساها..عقب ماتقدمنا لأختج وهي رفضت..انا ماتحملت هالصدمة..لأني كنت متوقع انها بتوافق..وتفاجأت بردها..وقررت السفر..وحاولت اكمل دراستي هناك وهم انساها..(قام)..ماني مطول عليج..بس فكري بالموضوع اكثر..عن اذنج..
في بيت بوعبدالعزيز...سعود يرد البيت مع جدته..ويقعدون....
اسماء:أخبار مريم؟
ام عبدالعزيز:الحمدلله..
اسماء:ماقالوا متى بيرخصونها؟
ام عبدالعزيز:باجر ان شاء الله..
سعود(قام):يمه انا جوعان..بروح اتسبح وبيي اتعشى..
اسماء:لين مايوصل جدك بيكون العشاء زاهب..
في بيت راشد...على الساعة 11 يرجع راشد...ومايحصل حد في الصالة..راح غرفته..حصل جواهر قاعدة تقرأ مجلة..
راشد(يسكر الباب):السلام عليكم..
جواهر(حطت المجلة على الطاولة):وعليكم السلام..
راشد:تأخرت؟
جواهر:شوي..
راشد:شسوي الربع لزموا علي اتم زيادة..(يفصخ الشماغ)..شتسوين؟
جواهر:اتسلى بالمجلة..شنو تعشيت؟
راشد:كانوا جايبين عشاء من المطعم..
جواهر:ليكون كثرت..اخاف اكلهم كان فيه زيت وايد..
راشد(قعد عندها):لاتخافين..انا ماكلت الا شوي..أبي فاكهة طيبة من ايدينج..
جواهر(ابتسمت له):من عيوني..انت بدل وانا بجيب لك الفواكة..
في المستشفى...
موزة:مريم..
مريم:نعم..
موزة:اليوم شفت ماجد..
مريم:ماجد ولد عمتي؟
موزة:أي..
مريم:وين شفيته؟
موزة:جاني المستشفى..
مريم:صج؟!..ايش عنده؟
موزة:جاي يسألني عن رايي..
مريم:وايش قلتي له؟
موزة:ماقلت له شي..مريم بسألج سؤال..ليش رفضتيه؟
مريم:هو قالج شي؟



ماجد له قصة مع مريم..ياترى شنهي؟؟..وهل موزة بتوافق عليه؟؟

هذا اللي راح نعرفه في فصل 35


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 18-01-2014, 08:06 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الخامس والثلاثين**





في المستشفى...
موزة:مريم..
مريم:نعم..
موزة:اليوم شفت ماجد..
مريم:ماجد ولد عمتي؟
موزة:أي..
مريم:وين شفيته؟
موزة:جاني المستشفى..
مريم:صج؟!..ايش عنده؟
موزة:جاي يسألني عن الزواج..
مريم:وايش قلتي له؟
موزة:ماقلت له شي..مريم بسألج سؤال..ليش رفضتيه؟
مريم:هو قالج شي؟
موزة:انت جاوبيني بالاول..
مريم:رفضته لأني ماكنت ابي اتزوج..
موزة:أي بس انت كنت تحبينه..
مريم:ومين اللي قص عليج اني كنت احبه؟
موزة:عيل ابتساماتج وحركاتج ايش معناتها؟
مريم:شوفي ياموزة..من واحنا كنا صغار عبدالعزيز وماجد كانوا مع بعض وايد..واحنا كنا نشوفهم في الدخلة والطلعة..وناسية لما كنا نطلع مع بعض..مع اخته دانة..فكنت اعتبره مثل اخوي مثل عبدالعزيز..كنت احترمه واتغشمر معاه لأني كنت جذي مع عبدالعزيز..عمري ماحملت له مشاعر حب او زواج..هو توقع مني اني احبه مثل ماهو يحبني..ولما تقدم لي وانا رفضت انصدم..واعتبر اني كنت العب عليه..اخته دانه قالت لي كلام ماينقال..جرحت مشاعري..وانا قعدت ادافع عن نفسي..لين ماسكرت التليفون بوجهي..واقطعت علاقتها فينا..وماجد سافر علشان مشاعره..وزين علاقة ابوي وعمتي ماصار فيها شي..وانت تتذكرين زين لما تقدم لي محمد انا كنت رافضة فكرة الزواج..بس خالي سلطان وايد اصر لين ماتزوجت..
موزة:مااعرف شاقولج..ماجد خلاني اعيد التفكير من اول وجديد..
عقب يومين...في بيت بوعلي...
العنود:ماقالوا لج بنت ولا ولد؟
نورة:بلا..بس انا قلت ماني قايلة لحد..
العنود:حتى محمد مايدري؟
نورة:اصلا ماسألني..أحسن خليها مفاجأة..
ام علي(تيي):صليتوا العشاء؟
العنود:لا يمه..
ام علي:قوموا صلوا..
نورة:ان شاء الله خالتي..
ام علي:الا وين محمد؟
نورة:طلع راح عند مريم..
ام علي:أي زين..قوموا صلوا وساعدوني نزهب العشاء..
في بيت بوعبدالعزيز...بوعبدالعزيز يدخل البيت..ويسلم ويقعد....
بوعبدالعزيز:شنو الليلة ماكو عشاء؟
ام عبدالعزيز:بلا..
بوعبدالعزيز:مانشم شي..
عبدالعزيز:عاد ابوي كل شي ولا العشاء..
بوعبدالعزيز:أي بعد اشلون نرقد..
يضحكون...
ام عبدالعزيز:الليلة معزومين..
بوعبدالعزيز:وين؟
ام عبدالعزيز:عند محمد ريل بنتك..
بوعبدالعزيز:شالمناسبة؟
ام عبدالعزيز:بس جذي..راح يجيب العشاء مع سعود..الحين بيوصلون انت روح بدل..
اسماء:قوم عبدالعزيز ساعدني نزهب السفرة..
عبدالعزيز(قام):عيل وين عيالنا؟
اسماء:قاعدين يحلون واجباتهم..امش..
ام عبدالعزيز (راحت عند مريم):اشفيها؟
مريم:يمه تعالي خذيها ذبحتني من الصياح..
ام عبدالعزيز(خذتها):فديتها بنتي..بس ماما..
مريم:أف..ريم ماكانت جذي ولا جاسم..
ام عبدالعزيز:كل واحد وله طبعه..
في الصالة....ينزل بوعبدالعزيز ويحصل موزة قاعدة تقرأ كتاب...يقعد جنبها ويحط ايده حول كتفها...
بوعبدالعزيز:اشلونها بنتي؟
موزة(تبتسم):بخير..
بوعبدالعزيز:واشلون مرضاج؟
موزة:الحمدلله..
بوعبدالعزيز(قعد بجدية):هايابنيتي..ايش قلتي؟
موزة:على شنو يبه؟
بوعبدالعزيز:على زواجج من ماجد..
موزة:انت شتقول يبه؟
بوعبدالعزيز:ماجد والنعم فيه..ريال عاقل دارس دراسات عليا..وله منصبه في الشغل..ومعطينه بيت..ومعاشه زين..والريال واحد مصلي خلوق..يعني شاقولج اكثر من جذي..
موزة:اللي تشوفه يبه..
بوعبدالعزيز:لا..اللي تشوفينه انت..
موزة:رايي من رايك..
العشاء يوصل...ومحمد قاعد يتعشى مع مريم في الغرفة....
محمد(وهو ياكل):ايش رايج؟
مريم:لذيذ..اول مرة آكل من عنده..
محمد:من شهر فاتحينه..وتوه من جم يوم يقولي عنه عيسى..وكل ماابي اوديج انسى..
مريم:الا اخبار عيسى؟
محمد:متبهدل ويا أهل زوجته..
مريم:ايش دعوة..مو اهل زوجته بيت عمه؟
محمد:بعد شتقولين..
مريم:الله يفك ازمته..
تليفون محمد يرن...
محمد:مااقدر ارد ايدي وصخه..
مريم:يمكن حد يبيك ضروري..
محمد:اذا رن مرة ثانية برد..
ورن مرة ثانية...
محمد(قام):هذا الحمام؟
مريم:أي..
محمد:ابي اغسل يدي..
وعقب ماغسل طلع تليفونه...
محمد:السلام عليكم.....انا عند مريم...من؟...من؟!!!...ومن هذا بعد؟...لا والله عقب كل هالسنين ماجى الا الحين...ايش يبي؟...لاحول...ونورة راحت عنده؟...انزين....يعني لازم...ايش يبي فيني..انزين انزين خلاص انا الحين جاي..مع السلامة..
مريم:خير؟
محمد:هذي العنود..تقول ان في واحد جاينا البيت ويقول انه عم نورة..
مريم:شنو؟!!...عمها من وين؟
محمد:انا ادري..
مريم:ايش دعوة كان هني كل هالسنين ومايدري وينهي؟؟
محمد:عمها مب عايش هني..اصلا ابوها مب قطري..ابوها من برع قطر وتجنس بس زوجته قطرية..
مريم:اول مرة اسمع منك هالمعلومة..ايش يبي جاي عقب كل هالفترة؟
محمد:ماادري..(قام)..خلني اروح لهم..
مريم:محمد دير بالك مو ياخذها..
محمد(استغرب):يصير خير..بس ابي حد يسوي لي طريج..
مريم:خلني اتصل في سعود..
عند طاولة الاكل...يرن تليفون سعود....
سعود:هذي عمتي مريم تقول محمد يبي يروح وسووا له طريق..
بوعبدالعزيز:وين بيروح تو بدري..
سعود:تقول طلع عنده شغل ويبي يروح..
في بيت بوعلي...
محمد يدخل...يحصل العنود قاعدة مع بنتها....
محمد:وين امي؟
العنود:عند نورة فوق..
محمد:وليحين الريال قاعد؟
العنود:ينتظرونك..
محمد:انا داخل..اقول شاسم الريال؟
العنود:يوسف..
في المجلس...عقب السلام..
يوسف:محمد انا جاي آخذ نورة وارد بلادي..
محمد(تفاجأ):نعم؟!!
يوسف:نورة خلاص لازم ترجع لأهلها..
محمد:واحنا وين رحنا مو اهلها؟؟
يوسف:أي بس انت متزوج..ولازم ترد حق زوجتك وعيالك..ونورة لازم ترد لنا..
محمد(قام):اسمعني نورة زوجتي..وانا ماني مطلقها ولاهي بتروح معاك ولا شي ثاني..
يوسف(عصب):بس انا ولي امرها..
محمد:ياسلام وينك عنها كل هالسنين؟؟
يوسف:انا ماكنت ادري ان اخوي كان عنده بنت؟
محمد:واشلون دريت؟
بوعلي:عم نورة يامحمد ماصار له وايد طالع من السجن..وماكان يدري عن اخوه الا من فترة بسيطة..
محمد:خلاص اتخيل ان اخوك ماتزوج من الاصل..
يوسف:محمد انت لازم تطلقها ونورة بترجع معاي..
محمد(عصب):أي قول انك جاي علشان فلوسها..
بوعلي:محمد..ايش هالحجي..انت ناسي ان هالريال ضيف عندنا..
يوسف:وانا ايش عرفني بفلوس نورة..
محمد:عيل في عم عاقل يبي بنت اخوه تتطلق من غير سبب؟
يوسف:انا مااقدر اعيش هني..لازم ارد بلادي..ونورة بحاجتي..
محمد:مشكور..احنا مستغنين عن خدماتك..نورة ماعليها قصور..انا زوجها وموجود..
يوسف:واذا قلت لك ان نورة موافقة..
محمد(تفاجأ فج عينه):شوف اذا لك شي عندي روح اشتكي علي..(وطلع من المجلس راح غرفة نورة فتح الباب بقو حصلها قاعدة ترتب اغراضها وام علي قاعدة عندها)
محمد(بعصبية):ايش قاعدة تسوين؟
نورة(خافت):.........
محمد:تبين تروحين معاه؟؟
نورة:خلاص يامحمد انت الحين بترتاح مني..
محمد:نورة آخر مرة اسمع منج هالحجي..انت زوجتي..وانا ماراح اطلقج..سمعتي..ياللا اشوف رجعي اغراضج..وعمج هذا خله يرد من مكان ماجى..
نورة:بس يامحمد انا...
محمد:ماابي اسمع شي..اللي قلته يمشي..انت عبالج عمج ليش جاي..علشان فلوسج..
نورة(بدت دموعها تنزل وحست بضيقة):ياعل فلوسي تحترق..حرام عليكم..صايرة مثل اللعبة ماادري وين اروح بهالارض..تعبت..تعبت..حرام عليكم..انا صرت انسانة غير مرغوبة وكل واحد يبيني علشان مصلحته..حرام عليييييييكم..
محمد(قرب منها ومسك ذراعها ويحاول يهدها وام علي طلعت من الغرفة):بس يانورة..
نورة:ماابي..خلوني بحالي..
محمد:نورة حبيبتي خلاص..هدي شوي ابي اقولج شي..هدي..
نورة(سكتت)
محمد(قعدها):نورة انا ماقلت هالكلام كله الا وانا صادق عند رب العالمين..انت زوجتي..ولاتتتخيلين اني بخليج تروحين بهالسهولة..
نورة:ومريم؟
محمد:مريم زوجتي الاولى وهي حبي الاول..بس انت بعد زوجتي..صحيح الظروف هي اللي جمعتني فيج..لكن خلاص..هذا مو معناته اني اتخلى عنج..انت الحين صرتي بذمتي..ومريم هي بنفسها قالت لي لاتخليها تروح..
باجر العصر في بيت بوسالم...سلطان يدخل البيت..يحصل هند وريم قاعدين يطالعون تلفزيون...
سلطان:ايش قاعدين تطالعون؟
ريم:مسلسل..
سلطان(يقعد):سخيف هالمسلسل..ماوراكم مذاكرة انتوا؟
هند:باجر اجازة يبه..
سلطان:يعني خلاص ماكو مذاكرة..
مها(تنزل):السلام عليكم..
سلطان:هلا وعليكم السلام..
مها(تقعد جنبه):خلصت شغلك؟
سلطان:أي..عيل وين سارة؟
سارة(تنزل):انا موجودة..
سلطان:غريبة مب قاعدة وياهم..
سارة:كنت احل واجباتي..
سلطان:هذي بنتي الشاطرة..
ريم:ايش تقصد يبه؟
سلطان:مااقصد شي..الا وين امي؟
مها:ماادري يمكن بدارها..
سلطان(يهمس بإذنها):ايش رايج اعشيج بمطعم اليوم..
مها(ابتسمت):بروحنا؟
سلطان:أي..
مها:والبنات؟
سلطان:نقطهم في بيت ابوج..او يتمون في البيت..ايش رايج؟
مها:من صجك؟
سلطان:أي من صجي..من زمان ماطلعنا بروحنا..
مها:على راحتك..
في بيت بوعبدالعزيز...في غرفة مريم....
ام عبدالعزيز:وايش صار عقب؟
مريم:ولاشي..الريال رد ديرته..
ام عبدالعزيز:مسكينة نورة..
مريم:يمه ايش صار على الملجة..ماحددوا؟
ام عبدالعزيز:بلا من شوي اتصلت فيني عمتج وتقول يبون الملجة عقب يومين..
مريم:يحليلها موزة..وهي تدري؟
ام عبدالعزيز:لا..اتصلت عليها كم مرة ماترد الظاهر مشغولة..
مريم:بس مب على كيفها تعرس الحين..
هالة:ليش ان شاء الله؟
مريم:وين فيني البس فستان مع هالكرشة..
ام عبدالعزيز:وتبين البنية تعطل الريال علشان كرشتج؟!!
مريم(تضحك):عيل اشلون تبيني اروح العرس؟
ام عبدالعزيز:عادي..لبسي أي شي..خلها تتزوج وتروح بيت ريلها..
هالة:الا يمه بغيت اسألج وين بيت ماجد؟
ام عبدالعزيز:ماادري..اكيد عبدالعزيز يدري..
وتمر الايام..في بيت راشد..تكون ام راشد قاعدة في غرفتها وتصلي..يدخل عليها راشد...عقب ماتخلص صلاة تلتفت تحصل راشد..تقوم تسلم عليه...
ام راشد:حمدلله على سلامتك يايمه..
راشد:الله يسلمج..
ام راشد:ماقلت انك بترجع اليوم..
راشد:حبيت أفاجأكم..عيل وين جواهر؟
ام راشد:من ساعة خلصت من المطبخ وراحت داركم تقول تبي ترتبها..
راشد:فديتها والله تتعب كل يوم..
ام راشد:قلت لها كم مرة خلي الخدامة تطبخ..تقول لا..
راشد:فديتها زوجتي..(قام):ياللا يمه انا رايح داري..
جواهر كانت لابسه بادي وبنطلون..ورافعه شعرها..وشكلها عادي..ومشغله اغنية وقاعدة ترتب الغرفة..الا وشوي راشد يفتح الباب..لكن هي ماانتهبت من الاغنية اللي مشغلتها..وقعدت تكمل شغلها..وراشد واقف ويتأمل في شكلها العجيب وهي بهالمنظر..اول مرة يشوفها جذي..من وقت ماتزوجوا...شكلها بسيط...جواهر حصلت تحت الكرسي مسبحة راشد..خذتها وشمتها ومسحته على خدودها..وابتمست..وقالت...
جواهر:وينك يابعد عمري..ماتدري ايشقد مشتاقة لك..أحبك أحبك موووت..
راشد(كيّف على هالحجي ابتسم ودخل):احم احم..
جواهر(اخترعت لفت شافته طاحت المسبحة من يدها):راشد!!
راشد(قرب منها وحط شنطته على الارض ومسك يدنها):أي راشد..
جواهر:حمدلله على السلامة..
راشد:الله يسلمج..ايش هالحلاة؟
جواهر:ألوع الجبد ادري..ماكنت اعرف انك جاي اليوم..جان تعدلت..شكلي مو حلو..
راشد:انت بكل حلاتج حلوة بعيني..
جواهر(استحت)
راشد:فديتج والله..
جواهر:بروح اتسبح وابدل ملابسي..
راشد:بس انا عاجبني شكلج وانت جذي..اول مرة اشوفج بهالشكل..
جواهر:تتغشمر معاي؟..(تشوف نفسها بالمنظرة)..وين حلوة حرام عليك..شكلي يفشل..
راشد:تبين احلف؟
جواهر:خلاص مصدقتك..ليش ماخبرتني انك جاي اليوم؟
راشد:حبيت أفاجأج وهم اشوف هالشكل..
جواهر(ابتسمت)
في المستشفى...قاعدة موزة مع الدكتورة لمياء..يشربون شاي...
لمياء:متى العرس ان شاء الله؟
موزة:ماادري ماحددت..
لمياء:استعيلي ياموزة..قد ماراح من العمر مابقى..وترى الحياة الزوجية وايد حلوة..مع ان فيها مسؤولية..لكن بكرة لتزوجتي بتعرفين ايش اقصد..
موزة:دكتورة..
لمياء:نعم؟
موزة:يمديج تعطين وقت لعيالج؟
لمياء:لازم..ذولا عيالي..الحين ياموزة مو مثل قبل 20 سنة..جيل الحين محتاجين نكون فوق راسهم وبجنبهم في أي شي يحتاجونه..لأن الدنيا تغيرت والواحد يبي لعياله الزين والستر..
موزة(وتتأمل في الكوب):معاج حق..
لمياء:تبين بسكوت؟
موزة:هاا..لا مشكورة..
على الساعة 3 ونص العصر..عقب الصلاة يرد محمد البيت ويدخل غرفته يحصل نورة قاعدة تمشط شعرها..محمد يفصخ شماغه ويغير ملابسه ويلبس بيجامته ويتمدد على السرير...
نورة(تلتفت له):محمد..
محمد:لبيه..
نورة(نزلت راسها وعقب رفعته):ابي اقولك شي..
محمد:خير يانورة..
نورة:إذا لاقدر الله صار فيني شي دير بالك على ولدي..
محمد(استغرب كلامها):ايش هالحجي يانورة؟
نورة:عندي احساس اني بلحق امي وابوي..
محمد(ماعجباه الكلام):نورة..انسي هالحجي..
نورة(حطت المشط على التسريحة):بس انا عندي احساس..وحلمانة..
محمد:بإيش حلمانة؟
نورة(قامت):ماداعي اقول..
محمد:نورة تعالي قعدي هني..
نورة(قعدت عنده)
محمد(بهداوة):قولي لي باللي تحسين فيه واللي حلمتي فيه..
نورة:احس ان يومي قرب..واني بلحق امي وابوي..
محمد:وشالي حلمتيه؟
نورة:حلمت مرة بأمي الله يرحمها..وبأبوي الله يرحمه..
محمد:شنو؟
نورة:حلمت ان كنت امشي وامشي ولاادري وين قاعدة اروح..الا فجأة تطلع امي من وين ماادري..تقولي نورة تعالي عندي..انا انتظرج..أبي بشوفج قريب عندي..
محمد(تضايق)
نورة:وحلمت اني كنت قاعدة ومرة وحدة ابوي يدخل علي ويمسك يدي ويقولي تعالي معاي..وعقب ماادري ايش صار..
محمد(بضيق):هذي احلام يانورة..
نورة:ادري..بس في احلام تتحقق يامحمد..
محمد:نورة انت محتاجة ترتاحين..وتغيرين جو..
نورة:ايش قصدك؟
محمد:اقصد يبلنا مرة نطلع..انا بنام شوي..ناديني قبل الاذان بربع ساعة..
وتمر الايام..والاسابيع والشهر....
الساعة 3 الفجر..في بيت محمد..وفي غرفة النوم تحديدا...مريم تقوم على صياح الجازي..وتحاول تسكتها...يرن تليفون محمد..لكن محمد مايقوم..مريم وهي ماسكة الجازي تقرب منه وتناديه..
مريم:محمد..محمد..يامحمد..
محمد(يقوم والنوم بعينه):شنو مريم؟
مريم:تليفونك يرن..
محمد(يقعد وياخذ تليفونه):من هذا ابوي؟!!..غريبة..
مريم:انزين رد عليه..بس ماما خلاص..تعالي اسوي لج حليب..
محمد:السلام عليكم...هلا يبه...اي كنت نايم وماسمعت التليفون...خير؟...وين؟؟...انزين انزين خلاص انا الحين جاي..(قام بسرعة)
مريم:محمد ايش صاير؟
محمد(يغسل وجهه وهو بالحمام):نورة تعبانة وودوها المستشفى..
مريم:يمكن ولادتها؟
محمد:ماادري..انا بروح لهم..
مريم:دير بالك وانت تسوق بهالوقت..
محمد(وهو يبدل):هالوقت مب زحمة..
مريم:حتى ولو لاتسرع..ان شاء الله بتوصل وبتطمن عليها..
في المستشفى....
ام علي قاعدة في الانتظار وبوعلي واقف ينتظر محمد...محمد يصف سيارته ويركض للطواري..يدور على ابوه يمين يسار لين ماحصلاه..
محمد:ها يبه طمني..
بوعلي:نورة شوي تعبانة..
ام علي(تسمع صوت محمد تيي):وينك يامحمد نورة وايد تعبانة..
محمد:اشفيها؟؟
ام علي:ماادري مرة وحده حرارتها ارتفعت وصارت تهلوس بالحجي وماادري شتقول..وصارت تتألم لين ماجبناها..
محمد(تضايق وتذكر كلام نورة يوم خبرته عن الحلم حس بالخوف):وهي وين الحين؟
ام علي:داخل بالولادة..
محمد:ليش بيولدونها؟
ام علي:الدكتور يقول احتمال..
وشوي توصل وحدة لابسه بالطو الدكاترة..وتقرب منهم وتسلم...
محمد:موزة؟
موزة:أخباركم ؟
ام علي:هلا بنيتي..
موزة:اشفيها نورة؟
محمد:من خبراج؟
موزة:كان عندي مناوبة اليوم ومريم اتصلت فيني..خير اشفيها نورة؟
محمد:موزة ياليت تروحين تشوفينها لنا وتعرفين شالسالفة..
موزة:ان شاء الله..عن اذنكم..
في بيت محمد...مريم رقدت الجازي وقعدت تطالع الساعة وهي متوترة وخايفة..بغت تتصل في محمد..بس غيرت رايها..وراحت تتوضى وتصلي..
في المستشفى...



موزة تييهم...
محمد:طمنيني ياموزة..
موزة:نورة شوي تعبانة..وحرارتها مرتفعة..واحتمال كبير يولدونها قيصري..خالتي تبين تشوفينها؟
ام علي:أي والله ياليت..
موزة:تفضلي معاي..
بوعلي(شاف الحزن بوجه محمد):معليه يابوك..ان شاء الله بتقوم بالسلامة..امش خلنا نروح نصلي الفجر..قبل لتشرق الشمس..
محمد:ان شاء الله..
وعقب ماصلوا..استند محمد على الطوفة وقعد يفكر بكلام نورة حرفيا..وخايف من ان كلامها يتحقق..ماعرف ليش حاس بالخوف والضيقة..يقطع افكاره ابوه....
بوعلي:محمد..
محمد:لبيه يبه..
بوعلي:أنا آسف..
محمد:على شنو؟؟
بوعلي:خليتك تشيل هم على ظهرك..زودت عليك المسؤولية..
محمد:يايبه هالكلام الحين لايودي ولايجيب..
بوعلي:ادري يابوك..بس ابيك تحللني..ادري ان انا وامك غلطنا بحقك وغصبناك على شي انت ماتبيه..بس كنا نبي لها الستر..
محمد:معليه يايبه..كل شي في هالدنيا مقدر ومكتوب..ياللا نمشي..
وصلوا عند الانتظار..بوعلي قعد في انتظار الرجال..ومحمد واقف ينتظر موزة ولا امه..عقب ربع ساعة..تيي موزة ومعاها وام علي..
محمد:طمنوني عليها..
موزة:نورة ليحين نايمة تعبانه..والدكتورة تقول لازم يسوون لها عملية..
محمد:واشفيها تعبانة؟
موزة:حرارتها مرتفعه..ومن التعب كان مغمي عليها اول ماوصلت المستشفى..ايش قررت يامحمد؟
محمد:انت ايش رايج؟
موزة:كلام الدكتورة عين العقل..
محمد:خلاص سووا اللي تشوفونه زين لها..
موزة:انزين تفضل معاي علشان توقع على عمليتها..
في بيت محمد..مريم كانت بالمطبخ تزهب الريوق حق عيالها..شافت الساعة 5ونص..ومحمد مارجع..خافت..بغت تتصل بس مترددة..راحت عند التليفون....
مريم:هلا موزة..طمنيني شالاخبار؟...انزين؟...الله يعينها..محمد وينه؟...انزين خلاص قولي له لايرد البيت..بخلي سعود يوصل العيال المدرسة..مع السلامة..
وعقب نص ساعة..واقفين برع ينتظرون نتيجة العملية...
ام علي:موزة يمه انت ردي البيت..من الفجر وانت ويانا..
موزة:معليه خالتي خليني اتطمن على نورة عقب برد..
محمد:تعبناج ياموزة..ردي البيت..
موزة:معليه يامحمد..هذي رغبتي ورغبة مريم..
محمد(استغرب):مريم؟!!
موزة:أي..
الممرضة تطلع برع....
الممرضة:نورة حسن؟
محمد:نعم..
الممرضة:انت جوزها؟
محمد:أي نعم..
الممرضة:مبروك جالكوا صبي..زي القمر..
موزة:واخبار نورة؟
الممرضة:كويسة..بعد شويه حتروح العناية..عن ازنكو..
محمد:العناية؟..ليش؟؟
موزة:لازم تكون تحت الملاحظة لين باجر..
بوعلي:مبروك ياولدي..
محمد:الله يبارك فيك يبه..
ام علي:مبروك يامحمد..
محمد:الله يبارك فيج يمه..
موزة:مبروك محمد..ياللا عن اذنكم..
محمد:انا نسيت العيال..
موزة(رجعت):ريح يامحمد..مريم اتصلت في سعود..ووصلهم المدرسة..عن اذنكم..
في بيت محمد...يرن جرس البيت...تروح مريم تفتح الباب تحصل امها وموزة...ويدخلون ويقعدون بالصالة....
مريم:ايش هالزيارة المفاجأة..
ام عبدالعزيز:جينا نطل عليج..وينهي بنتي؟
مريم:الحين بجيبها..
ام عبدالعزيز:شكلها طبيعية..
موزة:الله يعينها..
وجات مريم وعطت الجازي حق امها..
موزة:مريوم انا جوعانة..ماعندج شي آكله؟
مريم:بلا..الحين بجيب لج شي تاكلينه..
موزة:خلج..انا بروح اشوف شي آكله..
ام عبدالعزيز:محمد مارد؟
مريم:لا..الظاهر هو ليحين بالمستشفى..الله يعينها نورة..مسكينة ماتستاهل..
ام عبدالعزيز:على ايش ماتستاهل؟
مريم:التعب اللي صادها قبل الولادة..
ام عبدالعزيز:أي معاج حق..متضايقة؟
مريم:ليش؟
ام عبدالعزيز:لأن محمد جاه ولد؟
مريم:ليش اتضايق..هذي كتابة رب العالمين..وبعدين لو تضايقت ايش بيصير..ولا ايش بيتغير..نورة مسكينة مالها ذنب باللي صار..وهالولد هي محتاجته..خلها يايمه..خلها تسوي اللي تبيه..
ام عبدالعزيز:غريبة ان اللي جدامي مريم..
مريم:ادري انج بتستغربين..انا احب محمد وايد..ومتعلقه فيه..واذا خسرته بخسر وايد اشياء منهم عيالي..بعدين هو مبين حبه واخلاصه لي..وزوجته ضحيه..
في الجامعة....



وتحديدا في المحاضرة..الدكتور يشرح..وخالد قاعد عند سعود...
خالد(بشويش):شيقول هذا..مصدق عمره حد فاهمه..اوكي واوكي انزين شنو اللي هو اوكي..سعود شيقول هذا؟
سعود:انا ادري..
خالد:وليش تسوي عمرك فاهم عيل..والدكتور يقولك فاهم..تقوله أي..
سعود:اسكت تراه يطالعنا..
عقب المحاضرة..طلعوا برع...
سعود:اشفيك انت فشلتنا..
خالد:ماني فاهم شي..
سعود:من صجك ماانت فاهم شي؟
خالد:ولاشي..
سعود:عيل اشلون خذت التوفل؟؟
خالد:حظ..بالحظ جبناها..ويارب الحظ وياي على طول..
سعود:حمدلله والشكر..انا انصحك تروح تتعلم انجليزي احسن لك..ولابتضيع في هالمقرر..
خالد:وانت فاهم؟
سعود:يعني..
خالد:خلاص فهمني..
سعود:انا رايح..
خالد:وين؟
سعود:بروح النشاط..تيي؟
خالد:ايي..ايش ورانا..
وهم يتمشون...
سعود:مو تنام داخل..وتفشلنا مثل ذيج المرة..
خالد:النوم سلطان..
سعود:عيل روح بروحك..
خالد:خلاص تعال..
في بيت محمد...محمد يرد البيت..ويدور مريم يحصلها في المطبخ..
محمد:قوة..
مريم:الله يقويك..
محمد:عيل وين الجازي عنج؟
مريم:فديتها راقدة..زين سوت..علشان الحق ازهب الغداء..
محمد:بروح اتسبح..عن اذنج..
محمد راح يتسبح..ومريم راحت الغرفة ترتب ملابسه..طلع محمد من الحمام..شافها واقفة وتنتظره...
مريم(بإبتسامة):نعيما..
محمد:الله ينعم عليج..(قرب منها)
مريم(وهي ماسكه المشط):ممكن؟
محمد:ممكن..(قعد)..لاتدلعيني وايد..
مريم:ريلي فديته ليش ماادلعه..
محمد:من كثر ماتمشطين شعري باجر انسى..
مريم:أعلمك حبيبي..(عقب ماخلصت..خذت الكريم ومسحته على وجهه وايدينه)
محمد:اشوف غيرتي الكريم..بالعادة تحطين لي الثاني..
مريم:خلص..فشريت لك هاي..
محمد:صاير جني الجازي..
مريم(ابتسمت له):فديت الجازي وابوها..
بدى السكوت بينهم دقايق..وعقب...
مريم:مبروك ماجاك..تستاهل سلامتها..
محمد(تضايق لأن هالكلمة جات من زوجته وحبيبته بغى يمسك ايدنها ويتحجى لكن)
مريم:عن اذنك..
محمد:مريم..
مريم:نسيت الطبخة على النار..
وراحت....
محمد لبس بيجامته وراح وراها...
محمد:مريم..
مريم:لبيه..
محمد:تعالي شوي ابيج في الصالة..
مريم:بس انا قاعدة اطبخ..
محمد:معليه تعالي شوي ابيج..
مريم(عارفة محمد ايش يبي منها)
راحت له حصلته قاعد في الصالة..قعدت...
محمد(قام وقعد عندها ولوى عليها):قولي اللي في خاطرج..
مريم:ومن اللي قالك ان في شي بخاطري؟
محمد:انت يامريم قلتي لي..
مريم(استغربت):أنا!!
محمد:أي..ماتشوفيني رديت وماداومت..علشان اسمع اللي بخاطرج..
مريم:أي بس مارحت الشغل علشان كنت بالمستشفى..
محمد:بس انا هديت المستشفى واللي فيه علشان اسمع اللي في خاطرج..
مريم:بس انا ماقلت لك شي..
محمد:بلا..قلت لي..ولا انا شالي رجعني..
مريم:محمد اشفيك انا ماكلمتك اليوم عقب ماطلعت..
محمد:ليش معصبة؟؟
مريم:آسفة..انا مو معصبة..
محمد:شفتي ..قلت لج في شي في خاطرج..
مريم(نزلت راسها)
محمد:قلبي يامريم قالي..ان في شي في خاطرج..وانت قلبي..يعني انت اللي قلتي لي..
مريم:محمد انت ماتريقت..خلني اروح اجيب لك الريوق..
محمد:بتريق ومعاج..بس عقب مانتكلم..(رفع راسها)..قولي لي..انا محمد..محمد يامريم..ادري ان عندج كلام تبين تقولينه..قولي..انا اسمعج..
مريم(تبجي)


مريم اشفيها؟؟..شكلها عندها شي تبيه تقوله لمحمد..ونورة ايش بيصير فيها؟؟

تابعونا في فصل 36


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 28-01-2014, 12:32 PM
frooh26 frooh26 غير متصل
©؛°¨غرامي مشارك¨°؛©
 
الافتراضي رد: محطة الوفاء الكاتبة / اميرة الوهج


إبداع

ننتظر البقيهـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 21-02-2014, 08:11 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل السادس والثلاثين**

في نشاط الجامعة...



سعود يقوم....
خالد:وين؟
سعود:دام الدكتور اعتذر..بروح الشغل..
خالد:شغل!!..من متى؟؟
سعود:من جم يوم..
خالد:وين؟
سعود:عند خالي..
خالد:تشتغل وياه؟
سعود:أي نعم..
خالد:ايش تشتغل؟
سعود:مدير مكتبه..
خالد:ياسلام عليك..
في بيت محمد....
محمد(وهو ماسك ايدينها):انا افتخر فيج يامريم كزوجة واخت وصديقة وام وكل شي بحياتي..تعالي نقعد هناك..وحطي راسج على حضني وبقرا لج قرآن..
وقعد محمد يقرا لها قرآن يهدي بالها..لين ماشاف دموع مريم..وخلاها بدموعها وكمل قرآءته..لين ماخلص السورة..وقامت مريم..حبت راسه..
مريم:جزاك الله خير..الحين حسيت براحة..
محمد:الحمدلله..
مريم(شافت الساعة):اوه الساعة صارت 11..اجيب لك شي تاكله؟
محمد:ياليت..جعت..
مريم:من عيوني..
وعقب ماجابت له..قعد ياكل...
محمد:وليش ماتاكلين معاي؟
مريم:لو كلت الحين مابتغدى..ماقلت لي اخبار نورة؟
محمد:الحمدلله..هي الحين بالعناية..
مريم:الله يقومها بالسلامة..العصر ودني لها..
محمد:ان شاء الله..
مريم:ياللا عن اذنك بروح اكمل الغداء..
عقب الغداء..في بيت راشد...



في غرفة النوم....
جواهر:اليوم اتصلت فيني امي وتقول ان ضرة مريم ربت وجابت ولد..
راشد:صج؟..وايش سموه؟
جواهر:ماادري..بس زوجته في العناية..
راشد:ليش؟
جواهر:مسوين لها عملية قيصرية..
راشد:أي..تذكرين جواهر..يوم جبتي محمد..لما كنت في العناية..كنت تصيحين وتتدلعين علينا..تصدقين حزتها وايد تضايقت يوم شفتج بهالحالة..وامي تقولي البنية مافيها شي..الظاهر من البنج صاير فيها جذي..
جواهر:صج كنت متضايق..اول مرة اسمع منك هالقصة..
راشد:انت ذكرتيني فيها..كنت خايف..ورحت وانا معصب عند الممرضة اقولها وين الدكتور اللي سوا العملية حق زوجتي..تقولي ليش؟..قلت لها وأنا معصب ابي اشوفه..جان اروح للدكتور واعصب عليه..يبتسم لي..ويقولي هدي..زوجتك بخير..وهذا عادي اللي يصير معاها..وقالي انتظر لما تطلع من العناية وشوف النتيجة..وصج لما طلعوج من العناية عرفت انج جواهر..خوفتيني والله..
جواهر:فديت القلب الطيب اللي يخاف علي..
راشد:ايش قلتي؟؟
جواهر:هاا..ولاشي..
راشد:لا لا..عيدي اللي قلتيه..
في العناية المتوسطة في الطابق الثاني من مستشفى حمد..



يدخل محمد مع امه ومريم..ويسألون عن سرير نورة..ويروحون يشوفونها..كانت نايمة..قربت منها ام علي وتمسح على راسها...
محمد:انا بروح اشوف الدكتورة..
مريم:يحليلها نورة صارت ام..الا عمتي وين الياهل؟
ام علي:تصدقين من زود قلقنا عليها ماشفناه..
مريم:خلاص ليي محمد بنروح نشوفه..
نورة(تفتح عينها وتشوف خالتها ومريم والتعب باين عليها)
ام علي(تحب راسها):حمدلله على سلامتج..
نورة(بتعب):الله يسلمج..
مريم(تحب راسها):ألف حمدلله على السلامة..مبروك ماجاكم..
نورة:الله يبارك فيج..
ام علي:ها يمه اشلونج؟
نورة:احس بألم وتعبانة ودايخة..
مريم:هذا كله من البنج..ماعطوج مسكن؟
نورة:ماادري..ماحسيت بشي..كل كنت نايمة..
مريم:الحين بروح اشوف لج الممرضة..
محمد(يدخل يشوف نورة وعينه بعيونها ومريم واقفة):حمدلله على السلامة..
نورة:الله يسلمك..
محمد(قرب منها وحب راسها):مبروك..
نورة:الله يبارك فيك..
مريم:شفت الدكتورة؟
محمد:ماحصلتها..شفت الممرضة..وقالت لي الحمدلله نورة بخير..وباجر الصبح ان شاء الله بيطلعونها من هني..
مريم:بس هي متألمة..بروح اشوف الممرضة..
محمد:تحسين بألم؟
نورة:أي..محمد..
محمد:لبيه؟
نورة:شفت الياهل؟
محمد:أي شفته..
ام علي:متى؟
محمد:الصبح قبل لأطلع من المستشفى مريت اشوفه..
نورة:اخباره؟
محمد:الحمدلله..صغيرون ويشابهج..
نورة(ابتسمت):صج يشابهني؟
محمد:أي..
نورة:ايش بتسميه؟
محمد:لا..الاسم عليج..
نورة:علي انا؟..ليش؟
محمد:انت في شنو خاطرج؟
نورة:ايش رايك بخالد؟
محمد:وااايد حلو..خلاص نسمية خالد..
مريم تدخل...
ام علي:حصلتي الممرضة؟
مريم:أي عمتي..وقالت الحين جايه..دام الممرضة بتنشغل شوي مع نورة خلنا نروح نشوف البيبي..ماتبون تسمونه؟
محمد:نورة سمته..
مريم:صج..شنو؟
نورة:خالد..
مريم:وايد حلو اسم خالد..
الممرضة دخلت..والبقية طلعوا..وراحوا يشوفون خالد في الحضانة اللي قريبه من الام..
في بيت بوعبدالعزيز...



اخوان ام عبدالعزيز قاعدين في المجلس مع امهم واختهم والبقية...
سلطان:مريوم ماهي جايه اليوم عندج؟
ام عبدالعزيز:قلت لها تعالي..قالت لي بشوف..راحت المستشفى..
ام سالم:اشفيها؟
ام عبدالعزيز:مافيها شي يمه..بس رايحة تزور نورة في المستشفى..
سلطان:ليش اشفيها؟
ام عبدالعزيز:ربت..
سلطان:وايش جابت؟
ام عبدالعزيز:ولد..
تميم:وبنتج صاحية تزور ضرتها؟
ام سالم:أي والله بنتج غريبة..
ام عبدالعزيز:مافيها شي يايمه..خلها تروح..وبعدين نورة مالها ذنب..ومريم تعتبرها مثل اختها..
تميم:انا لو اتزوج على فاطمة مابترد البيت..
سلطان:ليش مريم ايش سوت..خلها تعيش بالطريقة اللي هي تبيها..
عبدالعزيز:اشلون سعود وياك؟
تميم:زين..ماشاء الله عليه يحب الشغل..لو استمر بنشاطه بخليه ياخذ مكاني..
عبدالعزيز:لايسمعك..
تميم:ليش؟
عبدالعزيز:مابيصدق..
تميم:مع ان صار له كم يوم يشتغل عندي..الا ان شغله عاجبني..الله يخيله لكم..وقلت مكافأته بعطيه سيارتي الرنج..
في السيارة...
مريم:حجزت لها جناج؟
محمد:أي اليوم الصبح قبل لأرد رحت وحجزت..بتروحين بيت ابوج؟
مريم:أي عيالنا هناك..
محمد:ياللا مشينا..
في بيت بوعبدالعزيز...محمد يدخل المجلس ومريم تدخل الصالة...
مريم:من في المجلس؟
موزة:يدتج وخوالج..
مريم:ويدي؟
موزة:ليحين ماجى..رحتي عند نورة؟
مريم(تقعد):أي رحت..
موزة:اخبارها؟
مريم:الحمدلله باجر الصبح بيطلعونها من العناية..عيل وين الجازي؟
موزة:عند امي في المجلس..
مريم:والريم وجاسم؟
موزة:فوق مع عيال عبدالعزيز..
ام عبدالعزيز تدخل وتسلم عليها..
مريم:وين الجازي؟
ام عبدالعزيز:عند ابوها..
عقب العشاء..مريم كانت قاعدة في الصالة تتكلم في التليفون مع فاطمة...
مريم:وانت متى بتربين؟
فاطمة:والله ماادري..انا بروحي زهقت وتعبت..
مريم:الله يعينج..(سلطان يدخل ويقعد)..عيل سلمي على جواهر..مع السلامة..
سلطان:اخبارج؟
مريم:بخير..انت اخبارك؟
سلطان:ماشي حالنا..كنت تحاجين قمر؟
مريم:لا هذي فاطمة مرت تميم..
سلطان:اشوفج مستانسة..
مريم:الحمدلله الله يدوم علينا..
سلطان:آآمين..اقولج..
مريم:خير..
سلطان:ايش رايج نسافر العمرة..
مريم:نسافر العمرة ؟
سلطان:انا ومها وانت ومحمد..
مريم:وعيالنا..
سلطان:هديهم عند امج..وانا عيالي بهدهم عند ام مها..
مريم:فكرة..
سلطان:نروح اسبوع نقعد جم يوم في مكة وعقب نروح المدينة..ايش قلتي؟
مريم:والله فكرة..انزين روح قول حق محمد وشوفه شيقول..
في بيت محمد..وفي غرفة النوم قبل النوم....
محمد:اليوم سلطان يقولي ايش رايكم نروح العمرة..
مريم:وانت ايش قلت له؟
محمد:قلت بتفق مع حبيبتي وبرد عليك..ايش رايج؟
مريم:والله عجبتني الفكرة..بس العيال..
محمد:من صغرهم..بس الجازي..
مريم:ماادري والله بكيفك..استخير وشوف شيصير..
وتمر الايام واسبوع وفاطمة وتميم ينرزقون بولد يسمونه وليد..وسلطان ومها ومحمد ومريم يسافرون العمرة..وهم في الحرم..



عقب الصلاة..مريم ومها يروحون عند رياييلهم وكل واحد ماسك زوجته ويطوفون حول الكعبة..وعقب الطواف..راحوا يصلون ركعتين....
مريم:ياسلام على الجو..والمنظر رهيييب..
محمد:أي والله..الله يجزيه خير خالج علشان اقترح نيي هني..في احلى من هالمكان..نمشي؟
مريم:أي نمشي..وانا وايد جوعانة..
محمد:الحين بنروح الفندق وبنتغدى..
مريم:وخالي؟
محمد:ياانه سبقنا..او بيلحقنا..
وعقب يومين...في بيت بوعبدالعزيز..موزة قاعدة مع اخوها وزوجته وعيالهم..يرن تليفونه...
موزة:السلام عليكم...الحمدلله انت اشلونك؟
ماجد:بخير..وينج؟
موزة:في البيت..
ماجد:شتسوين؟
موزة:ولاشي من شوي رديت من المستشفى وقاعدة مع اخوي وعياله..(قامت وراحت المجلس)
ماجد:انزين بغيت ٍأسألج..
موزة:هلا..
ماجد:متى مقررة العرس؟
موزة:والله ماادري..بكيفك انت..
ماجد:ايش رايج على الشهر الياي..
موزة(فجت عينها):شنو؟؟
ماجد:أي..ولاتبين انتظر اكثر..مااحنا ياهال..ايش قلتي؟
موزة:عطني فرصة اشوف جدول الشغل وبرد عليك..
ماجد:بس لاتطولين علي..
موزة:ان شاء الله..مع السلامة..
عبدالعزيز(يدخل ويقعد):هذا ماجد؟
موزة:أي..
عبدالعزيز:اخباره؟
موزة:الحمدلله..
عبدالعزيز:اشلونج وياه؟
موزة:ماادري شاقولك ياخوي..مااحس بشي اتجاهه..
عبدالعزيز:عادي مع مرور الايام ان شاء الله بتتغير وايد اشياء..ترى ماجد نعم الريال وشخصيته وايد عجيبة..بكرة لتزوجتيه بتعرفين شاقصد..
موزة:الله يسهل الامور..
عبدالعزيز:عيل متى عرسكم؟
موزة:هو متصل علشان هالسالفة..
عبدالعزيز:ومتى ان شاء الله؟
في المدينة...مريم ومها واقفين برع الحرم ينتظرون سلطان ومحمد...
مها:كاهم جاو..
كل واحد فيهم ماسك بيده كوب....
محمد:تفضلي حبيبتي هذا ماي زمزم من ايديني..
مريم:مشكور..الله يسقيك من الكوثر..
سلطان:تفضلي يابعد عمري..
مها:تسلم..
سلطان:وين نروح؟
مريم:خلنا نروح نتسوق شوي..ابي اشتري هدايا حق عيالنا..
سلطان:أي صح لازم..ولا البنات بيطحون بجبدي..
محمد:ادل؟
سلطان:بصراحة بضيعكم..لأن من زمان ماجاي المدينة..والمكان تغير..
محمد:امشوا وياي..بس لازم ناخذ لنا سيارة..
في بيت بوعلي...



في غرفة نورة...تدخل عليها العنود....
العنود:اخبار خلود؟
نورة:بخير..
العنود:الا محمد متى بيرد؟
نورة:باجر ان شاء الله..
العنود:له وحشه والله..
نورة:عنود معليه تعطيني علبة الفاين..هذا خلود ذبحني وايد يرجع..
العنود:من ايش؟
نورة:ماادري..
العنود:ليش ماوديتيه المستشفى؟
نورة:خلي محمد يرد وعقب يصير خير..
العنود:انت صاحيه تخلين ولدج ينتظر ريلج..
نورة:امج قالت لي عادي..الياهال جذي..
العنود:أي بس انا بنتي مهب جذي..
عقب مرور ثلاثة اسابيع...في بيت بوعبدالعزيز...في الصالة....
مريم:مسكيها شوي..تعبتني..
خولة:حبيبتي الجازي..فديتها والله..
ام عبدالعزيز:وين رايحة؟
مريم:بروح شوي فوق وبرد..
عبدالعزيز(عرف هي وين رايحة)
فتحت الباب ودخلت شافت الغرفة مغبرة..سكرت الباب وراحت صوب الكرسي..فتحت الدريشة والجو حلو وقطرات المطر تنكت عليها..











وراح تفكيرها بكل شخص عزيز عليها...رن تليفونها...
مريم:هلا فطوم..
فاطمة:اشلونج؟
مريم:بخير..وانت؟
فاطمة:الحمدلله..وينج؟
مريم:في بيت ابوي..
فاطمة:عندج الجو هادي..
مريم:أي انا فوق..
فاطمة:وليش قاعدة بروحج؟
مريم:قاعدة في غرفة وليد الله يرحمه..
فاطمة:الله يهداج..متصلة اقولج روحي شوفي الجو برع..
مريم:فاتحة الدريشة والمطر ينكت علي..
فاطمة:تذكرين مريوم لما كنا بالجامعة وكانت تمطر..
مريم:ايييي يافاطمة..بصراحة اشتقت لأيام الجامعة..
فاطمة:حتى انا..الله يذكر ذيج الايام بخير..
يندق الباب ويدخل عبدالعزيز...
مريم:بكلمج عقب..مع السلامة..
عبدالعزيز:شتسوين؟
مريم:ولاشي استرجع بعض الذكريات..
عبدالعزيز(يقعد):بتمرضين..
مريم:خلنا نستانس بالمطر..
عبدالعزيز:ذكرتيني لما كنت في الابتدائي..كنت تحبين تطلعين في المطر..والمديرة تتصل في امي وتقولها هذي بنتج مامنها فايدة كل شوي تطلع تحت المطر..
مريم:أي اذكر..شسوي كنت احب المطر..
عبدالعزيز:أي ذيج الايام كانت تمطر من قلب..والمطر يوصل لركبنا..
مريم:علشان جذي كنت اطلع..
عبدالعزيز:آخرتها مرضتي..ومرض جايد..
مريم:اذكر يوم امي تصيح فوق راسي..
عبدالعزيز:ورقدوج ثلاثة ايام بالمستشفى..علشان حرارتج ماكانت تنزل..
مريم:أي واذكر وليد الله يرحمه كان يقعد فوق راسي ويعطي اوامر..كان يجبرني على الاكل..وطول يومه كان عندي..
عبدالعزيز:الله يرحمه..
مريم:ذيج الايام كلها براءة..
عبدالعزيز:يبيلنا مرة نسترجع بعض الذكريات..
مريم:ومع الصور عاد..
عبدالعزيز:خلاص لازم مرة لما كلنا نتجمع نجيب الصور..
مريم:ليش مانروح البر..دام الجو حلو..
عبدالعزيز:انا عندي واحد من الربع عنده مزرعة عوووودة..وفيها بنايتين في وسط المزرعة..والمزرعة فيها خدم ومزارعين وسواقين وحتى لما فيها حد يطرش دكتور العائلة يتم في المزرعة يمكن حد يحتاجه..
مريم:ماشاء الله خوش مزرعة..هذي يبيلها اجازة الربيع..
عبدالعزيز:ايش رايج نقضي الاجازة هناك؟
مريم:أي والله..اذا يصير ليش لا..
عبدالعزيز:خلاص انا بكلم رفيجي علشان احجز قبل لحد من الربع يقوله..
مريم:يمكن هم بيقعدون فيها..
عبدالعزيز:لا رفيجي هله بيسافرون هالاجازة..
مريم:ياسلام..مابقى شي على الاجازة..
وفعلا خططوا الجميع انهم يروحون المزرعة..وقرروا انهم يتمون اسبوع في المزرعة..وكل واحد صار يزهب عمره..
في بيت محمد...على الساعة 8 ونص محمد يرد البيت..يحصل الريم قاعدة وفي حضنها الجازي وتشربها حليب وجاسم قاعد يطالع تلفزيون...عقب السلام...
محمد:عيل وين امكم؟
الريم:راحت تصلي..
محمد راح الغرفة..حصلها تصلي..بدل ملابسه وتكلم في التليفون وعقب....
محمد:تقبل الله..
مريم:منا ومنكم..من كنت تحاجي؟
محمد:هذا عيسى..ليش صليتي متأخر؟
مريم:الجازي ماخلتني بحالي..يالله لين ماخليتها تسكت شوي وعطيتها الريم..تعشيت؟
محمد:لا..
مريم:الحين بزهب العشاء..بغيت اقولك محمد..
محمد:عيوني..
مريم:مو تنسى تخبر نورة تيي معانا..
محمد:من صجج؟
مريم:طبعا من صجي..خلها تطلع تغير جو..
محمد:خلاص بقولها باجر..
مريم راحت وسكرت الباب...
محمد قعد يفكر بينه وبين نفسه بتصرفات مريم..
هل فعلا هي تشفق عليها ولا تبي تشوف اهتمام محمد فيها..
يوم الخميس بعد الدوام الكل يشيل اغراضه ويحطه بالسيارة ويروحون المزرعة...والطريق طويل..والمزرعة كانوا الخدم يجهزونها وينظفونها..لين ماصارت الساعة خمسة وصلوا..ودخلوا داخل بسيارتهم وصفوها والخدم استقبلوهم وخذوا الاغراض منهم...
تميم:ياسلالالالام على الجو..رهيب..
سلطان:أي والله..
بوسالم:لاتنسون الصلاة مابقى شي..
سلطان:ان شاء الله يبه..
وقعدوا يرتبون اغراضهم والحريم تموا في بناية والرياييل في بناية..وبدلوا ملابسهم وصلوا المغرب..
عند الرياييل....
تميم:رفيجك هذا من متى وهو يشتغل علشان جمع هالفلوس وسوى هالمزرعة العجيبة..ماشاء الله عليه..
عبدالعزيز:اصلا هم ماشاء الله عليهم ناس راهيين..وهو اشتغل في التجارة من عقب ماتخرج من بريطانيا..ومسك شغل ابوه وهالمزرعة من تصميمهم..
تميم:من وين تعرفه؟
عبدالعزيز:هذا رفيج الطفولة..من ايام المدارس اعرفه..وهو الوحيد اللي تم معاي لين ماكبرنا..
سعود(قام):انا بروح اتمشى..
تميم(قام):خذني معاك..
عند الحريم...
يرن تليفون موزة...
موزة:السلام عليكم..هلا ماجد..انا داخل..انزين..مع السلامة..(قامت)
جواهر:وين؟
موزة:بروح اتمشى شوي برع..عن اذنكم..
مريم:نورة عطيني خالد وانت روحي سوي له حليب..
نورة:مشكورة..
فاطمة:مريوم..
مريم:خير؟
فاطمة:اقولج الاسبوع اللي طاف يوم الدنيا مطرت كنت طالعة ولابسه علشان بروح اشتري جم غرض حق وليد..جان وانا اتمشى اتزحلق من الماي واطيح على راسي..
مريم(تضحك):والله؟
فاطمة:أي ضحكي..والله تعورت..تميم فديته ركض على طول وساعدني وطبعا اختج مبلولة..
مريم:واشلون دخلتي البيت؟؟
فاطمة:تميم سوى لي طريق ورحت غرفتي..
مريم:ماوصختي البيت؟
فاطمة:فصخت عبايتي..بس صج كنت في موقف لايحسد عليه..زين ماكنت في الشارع..جان صرت مطنزة للناس..
جواهر:تعالي عقب وشوفي البلوتوث..
فاطمة:أي والله..
بين الشجر والدنيا صارت المغرب..والانوار في كل مكان في المزرعة..ماجد وموزة يتمشون..والسكوت كان هو رفيقهم....
ماجد:اشلون شغلج؟
موزة:الحمدلله..
ماجد:وايشقد ماخذه اجازة؟
موزة:اسبوع بس..
ماجد:الظاهر انج تحبين شغلج وايد..
موزة:أي..جان مادخلت طب..
ماجد:ومتى ان شاء الله بيلتم شملنا؟
موزة:........
ماجد(وقف):موزة..(وقفت)..انا اتكلم معاج من صجي..متى راح تقررين؟؟
موزة:ماادري ياماجد..
ماجد:بسألج سؤال..انت ماخذتني غصب؟
موزة:لا ياماجد..لاتقول هالكلام..انا وافقت عليك برغبة مني..وعقب تفكير..قدرت اقرر..انت الشخص الوحيد اللي تقدم لي ووافقت عليه..لاتعتقد اني أأخر زواجنا علشان شي..لا..انا بس خايفة من باجر..
ماجد:خايفة من ايش؟؟
موزة:خايفة اني باجر مااقدر افرق بين شغلي والبيت..
ماجد:لو من البداية نظمتي شغلج ووقتج..راح تقدرين تفرقين بينهم..
موزة:اشلون علمني..
ماجد:اشطبي المناوبات من جدولج..
موزة:نعم؟!!
ماجد:أي..شي طبيعي تسوين هالشي..ان كنتي بتتزوجيني انا او غيري..حياتج الحين غير ياموزة..المفروض ماتفكرين بنفسج وبس..في شخص ثاني لازم يكون له نصيب من تفكيرج..واشتغلي دكتورة في العيادة الخارجية..وبس..استمري على هالشي..وعقب تقدرين تفرقين بين الاثنين..على الاقل العصر ماعندج دوام ولا في الليل..وبعدين ماانت جراحة علشان تكون عندج عمليات ولا يحتاجونج في الطواري..
موزة:بس انا مساعدة جراح..
ماجد:يعني شنو؟؟
موزة:يعني يحتاجوني مرات في المستشفى عند المرضى..
ماجد:مرات..وتكون هذي الحالات طارئة..صح؟..ياموزة فكري اكثر..انا ماعدت صغير..ابي اتزوج وابي اعيش حياتي بإستقرار وراحة..ابي اشوف عيالي..ابي اربيهم..العمر قاعد يمشي واحنا ماسوينا شي..
عند الشباب....
تميم:شد حيلك ياريال وتزوج..
سعود:اتزوج!!
تميم:أي..
سعود:لاوين ياخالي..بدري علينا..
تميم:مو انت تقول بقى لك سنة ونص على التخرج..
سعود:بلا..
تميم:انزين لين ماتحصل بنت الحلال ويخطبونها وتزهب عمرها بيكون باقي لك سنة..وتزوج لين التخرج..
سعود:لا ياخالي ماني مستعد للزواج..
تميم:انت تشتغل الحمدلله..واذا تبي بزود معاشك..
سعود:ماتقصر..بس انا حاليا ماافكر بالزواج..
تميم:سعود بٍسألك سؤال..وابيك تجابوني بصراحة وماتتهرب مني..
سعود:خير خالي..
تميم:انت دخنت من قبل؟؟
سعود(تفاجأ من كلام تميم)
تميم:سعود رد علي..
سعود(بلع ريقه):ليش تسأل هالسؤال؟
تميم:انت جاوبني بالاول..
سعود:..........
تميم:يعني دخنت؟
سعود:أي..
تميم:من متى؟
سعود:من زمان من اول مادخلت الجامعة دخنت فترة وعقب هديت..
تميم:والحين؟؟
سعود:مرات..يعني كلش نادر..اذا حصلت حد وياه سيجارة ادخن..
تميم:صدمتني..
سعود:اشلون دريت؟
تميم:عرفت..
سعود:اشلون؟؟؟
تميم:من شكلك..
سعود:ليش شكلي يبين؟؟
تميم:انا عرفت..يمكن غيري مايعرف..
سعود:واشلون عرفت؟
تميم:كان عندي رفيجي يدخن واعرف حركات المدخن وعلامات التدخين..ليش ياسعود؟؟
سعود:شسوي..شباب خربوني وراحوا عني..
تميم:واشلون هديته؟
سعود:لما قررت اني اهد التدخين رحت لعند دكتور وساعدني..والحين نادر كلش اذا دخنت..
تميم:حتى النادر لاتسويه..وكشفت على روحك؟
سعود:بس من ذيك المرة لما رحت عند الدكتور طلب مني اسوي فحوصات..
تميم:وايش كانت النتيجة؟
سعود:الحمدلله كل شي سليم..
باجر الصبح..على الساعة سبعة..مريم وفاطمة كانوا يتمشون بين الزرع..وهم يسولفون...صادهم....
تميم:صباح الخير..
مريم:صباح النور..
فاطمة:صباح الفل والياسمين..
تميم:فديت اللي عندهم ذوق..
مريم:ايش قصدك؟
تميم:مااقصد شي..شالي مقعدكم من الصبح؟
مريم:ماتدري ان احنا الثنتين عندنا منبه خاص يقعدنا..
تميم(يضحك):الله يعينكم..
مريم:أي صج الله يعينا..مو انتوا يالرياييل..حتى صياح الياهال ماتحبون تسمعونه بس تبونهم جاهزين نظاف وشبعانين حليب ويضحكون..
فاطمة:في هذي صدقتي..
تميم:لا والله..انا الغلطان اللي جاي عندكم..
فاطمة(تمسك يده):لا فديتك لاتروح..
تميم:انا زعلت..
فاطمة:كل شي ولازعل بووليد..فديت بووليد انا..
تميم:ابيج تراضيني..
فاطمة:من عيوني..
مريم:عن اذنكم..
وراحت تمشي علشان تروح بنايتهم..الا في حد وراها ويعطيها ورده....
مريم(تلف وراها):محمد..
محمد:صباح الورد..
مريم:صباح الجوري..
محمد:تفضلي..
مريم(تاخذ الوردة وتشمها):ياسلالام ريحتها حلوة..من وين لك؟
محمد:من المزرعة..أستأذنت من المزارع..بس علشان اعطيج اياها..
مريم:تسلم ياعمري..
محمد:اخبار الجازي؟
مريم:بخير..لولاها جان ماحصلت منك وردة على الصبح..
محمد:صج..ليش؟؟
في الفيلا...
منيرة:موزة روحي نادي مريم وفاطمة علشان نتريق..
موزة:ماحصلتي الا انا..نادي حد من الياهال..
منيرة:ماكو حد كلهم نايمين..ماكو حد من الصبح روحي..
ام عبدالعزيز:لبسي عباتج..
موزة:ان شاء الله..
وراحت تناديهم...حصلت كل وحده مع ريلها..راحت بالاول عند تميم....
تميم:ان شاء الله يادكتورة..
موزة:ماعليك امر خالي ناد في طريقك مريوم..استحي اروح وريلها وياها..
تميم:انزين..
هدتهم موزة وتمشي علشان تروح الفيلا..الا ....
ماجد:موزة..موزة..
موزة(تلف):ماجد؟
ماجد:صباح الخير..
موزة:صباح الخير..
ماجد:اخبارج؟
موزة:الحمدلله..
ماجد:عقب الريوق خليني اشوفج..
موزة:ان شاء الله..
واستغلوا هالطلعة في اللعب والسوالف وبعضهم فرشوا لهم الزولية بين الشجر وقعدوا يشربون شاي ويكسرون حب..
عند الحريم وهو يكسرون في هالحب...
فاطمة:تصدقين مريوم لما جينا هني واشوف الخدم والمزرعة اتذكرت شنو..
مريم:شنو؟
فاطمة:كراتين اول..مثل سيدرك وشهلاء ولين تذكرين..
مريم:أي..الله يذكر ذيج الايام..صج كانت خوش كراتين..(قامت)
فاطمة:وين؟
مريم:بروح اتمشى شوي..تعبت من القعدة..
فاطمة:مع ريلج؟
مريم:لا وين..ريلي مع الرياييل..بتمشى شوي..نورة تيين؟
نورة:ياللا..
وقعدوا يتمشون...وهم ساكتين.....
نورة:مريم مشكورة على كل اللي سويتيه علشاني..
مريم:انا ماسويت شي..كل اللي سويته مثل أي اخت تسوي حق اختها..
نورة:مريم..بقولج شي..
مريم:قولي..
نورة:اذا صار فيني شي لاقدر الله..ديري بالج على ولدي..
مريم:ايش هالكلام يانورة؟؟
نورة:معليه يامريم..كل واحد فينا مكتوب له الموت..وانا ابي اوصي بولدي..ومحمد ماداعي اوصيج عليه..انت اكثر وحدة تعرفين له..
مريم:نورة كلميني عن محمد من لما دخلتي بيت خالتج..
ومرت الساعات...والحريم دخلوا الفيلا..والرياييل بعد..وظل سعود وتميم وراشد يتمشون في الليل..سعود كان مجدم عنهم..واول ماطلع تليفونه من مخباته طاح من يده..ودنع علشان ياخذ تليفونه فجأة..........




ياترى شالي بيصير في سعود؟؟
ترقبونا في الفصل القادم إن شاء الله..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 21-02-2014, 08:16 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل السابع والثلاثين**




ومرت الساعات...والحريم دخلوا الفيلا..والرياييل بعد..وظل سعود وتميم وراشد يتمشون في الليل..سعود كان مجدم عنهم..واول ماطلع تليفونه من مخباته طاح من يده..ودنع علشان ياخذ تليفونه فجأة يحس بشي عض يده..وحس بالالام قوية وقعد يصارخ بشدة..تميم وراشد على طول ركيض صوب سعود..ويكتشفون ان اللي عاضه ثعبان وقعد تميم يحاول يبعد الثعبان بطريقة ماتأذي سعود..لين ماتخلص منه وذبحاه..وراح راشد ينادي الرياييل..والتموا حوله وخذوه داخل..وسعود صار يعرق ويتألم وهو يصارخ..وعبدالعزيز خاف على ولده واايد..وراحوا ينادون الدكتور...دخلوا سعود غرفة الدكتور...
عبدالعزيز:دكتور تكفى ساعد ولدي..
دكتور:حاضر..
عند الحريم...
قمر:جواهر بغيت أسألج أي دكتور اسنان تروحين له انت وريلج؟
جواهر:ليش؟
قمر:بدر فديته من جم يوم متألم من ضرسه أبي اوديه..
تيي امهم...
ام يوسف:اقولكم بنات وين خالتكم؟
قمر:ماادري يمه..
عند الرياييل...
عبدالعزيز:دكتور طمني..
الدكتور:الحمدلله وقفت السم من انتشاره..
الجميع:الحمدلله..
الدكتور:وعطيته مسكن وشوية ادوية..وان شاء الله خلال اربع ساعات بتستقر حالته..
عبدالعزيز:مشكور دكتور..
ردوا الرياييل للفيلا....
سلطان:ماشاء الله عليه صاحب المزرعة صارف عليها من القلب..غرفة الدكتور كأنها الطواري..
بوعبدالعزيز:المفروض جذي يكون..لأن الواحد يطول لين مايوصل المستشفى..
عند سعود....
تميم:هدي ياعبدالعزيز ولدك بخير الحمدلله..
عبدالعزيز:الحمدلله..خفت عليه وايد..من سمعت صوته وهو يتألم وينزف..
محمد:الحمدلله ان السم ماانتشر في جسمه والدكتور وصل في الوقت المناسب..
عبدالعزيز:ايش كنتوا تسوون هناك؟
تميم:كنا نتمشى..بس ماادري شالي خلا سعود يدنع..
محمد:بس غريبة ليش في ثعابين هني؟؟
عبدالعزيز:ماادري..مع ان رفيجي قالي ماكو حيوانات ولا في خطورة..
راشد:هذا خطر على الياهال يلعبون بالمزرعة وفي ثعابين..
تميم:خلنا نروح نخبرهم مايطلعون..اخاف تدري ام سعود معليه؟
عبدالعزيز:خلها تدري احسن..
عند الحريم...في غرفة مريم وفاطمة ونورة...تدخل موزة....
موزة:مريم لحقي على سعود..
مريم(فزت):ايش صاير؟؟
موزة:سعود لدغاه ثعبان..
مريم:جذابه؟
موزة:امشي..
وراحوا له...واسماء بدت تبجي..
عبدالعزيز:اسماء البجي ماله داعي الولد بخير الحمدلله..
موزة:ايش صار له ياخوي؟
عبدالعزيز:ماادري عنه شالي موديه هناك..
اسماء(تمسح على راسه):متى بيقوم؟
عبدالعزيز:الدكتور قال عقب اربع ساعات بتستقر حالته..
اسماء:فديتك يايمه..شالي سويته بعمرك..
بوعبدالعزيز:لاتقعدون هني..الدكتور بيي كل شوي يطل عليه..
عبدالعزيز:انتوا روحوا انا هني موجود عنده..
اسماء:بس انا ابي اقعد هني..
عبدالعزيز:اذا قام بخبرج..
والكل راح يرتاح...عبدالعزيز تم عند سعود والدكتور مافارق سعود..لين الساعة 2 في الليل سعود صار يتحرك ويفتح عيونه..وينادي...
عبدالعزيز(يقوم من النوم ويمسك يده):خير ياسعود..
سعود:الثعبان..الثعبان..
عبدالعزيز:الحمدلله الدكتور عالج يدك..
سعود(وهو مسكر عينه ويرص بيده بيد ابوه):الثعبان..الثعبان..
عبدالعزيز:دكتور اشفيه؟؟
الدكتور:الظاهر مازال متأثر..
عقب صلاة الفجر..مريم ماترقد...تحاول ترقد بنتها وعقب تطلع من الغرفة تحصل فاطمة قاعدة تطالع تلفزيون....
مريم:ايش عندج قاعدة هني؟
فاطمة:ولاشي ماييني نوم..
مريم:وليد راقد؟
فاطمة:أي فديته راقد..
مريم:انزين ايش رايج نسوي لنا حليب وساندويتش ونطلع نتمشى برع..
فاطمة:صار..
عند سعود....
سلطان:ماقام؟
عبدالعزيز:بلا قام في الليل وقعد يقول الثعبان الثعبان وعقب سكت..
سلطان:الظاهر ليحين متخيل الثعبان..
عبدالعزيز:الدكتور يقول بعد جذي..
محمد:امس من ذبح الثعبان؟؟
راشد:تميم..
سلطان:ودفنتوه؟؟
راشد:ليش لازم يندفن؟
سلطان:طبعا..اذا مااندفن بجي ثعبان غيره وبيشوف صورة اللي ذبح رفيجه بعين الثعبان الميت وبينتقم منه..
محمد:من صجك؟؟
عبدالعزيز:أي صح سلطان معاه حق..انا بعد سمعت جذي..
محمد:انا بروح ادفنه..راشد تعال معاي دلني مكان الثعبان..
في المزرعة فاطمة ومريم يتمشون بين الشجر وهم يسولفون...
فاطمة:الساندويتش كان لذيذ ابي واحد ثاني..
مريم:حتى انا تصدقين..ماقلتي لي فاطمة..اخبارج مع تميم؟
فاطمة:الحمدلله..احمد ربي واشكره انه تغير..ولا ماادري ايش كان بيصير فيني..
مريم:الحمدلله..
فاطمة:وانت؟
مريم:اشفيني انا؟
فاطمة:اشلونج مع ريلج عقب اللي صار؟
مريم:الحمدلله..ماادري ليش احس ان نورة كاسرة خاطري..وصرت اتعاطف معاها..
فاطمة:الله يجزيج الجنة..تسوين فيها خير..هي مسكينة مالها حد بهالدنيا..
وهم يسولفون ومندمجين بالسوالف..فجأة محمد من بعيد هو وراشد ماقدروا يوفقون مكانهم..محمد قعد يصارخ بأعلى صوت عنده علشان ينادي مريم..لكن مريم ماافهمت شالسالفة لكبر المزرعة وماهي عارفة شالي قاله محمد..محمد يركض بسرعة وراشد وراه وبسرعة وبسرعة..لين ماصارخ بقو ومريم وقفت وماتدري شالسالفة وشوي ينط على مريم وطاحوا الصوب الثاني..وراشد قعد يذبح الثعبان بعصايته...وفاطمة قعدت تصارخ في رياييل سمعوا صوتها وجى سلطان ومعاه يوسف...وصاروا يساعدون راشد علشان يذبحون الثعبان..
محمد(يقوم):مريم انت بخير؟
مريم(تاخذ نفسها):انا بخير..وانت؟
محمد:الحمدلله انا بخير..
ويقومون وهم ينظفون الوصاخة من على ثوبهم...
ودفنوا الثعبان..وكل واحد فيهم دخل داخل...
عند الرياييل...
سلطان:انا اقول لو نرد بيوتنا وايد ابرك لنا..
بويوسف:ليش؟؟
يوسف:طلع ثعبان ثاني..وبغى يهاجم البنات..
بوسالم:لاحول ولاقوة الا بالله..
بوعبدالعزيز:سلطان من البنات اللي كانوا؟
سلطان:مريم ومرت تميم..
بوعبدالعزيز(تخرع):عسى ماصار لهم شي؟
سلطان:لا تطمن هم بخير..محمد وصل بالوقت المناسب..الحمدلله..
سعود يقوم ويفتح عينه....
عبدالعزيز:حمدلله على السلامة..
سعود(بتعب):الله يسلمك..
الدكتور:اشلون تحس الحين؟
سعود:الحمدلله..
الدكتور:الحمدلله..ياللا عن اذنكم..
محمد:ايش سويت فينا ياريال..خوفتنا عليك..
سلطان:أي والله..وابوك المسكين من امس ماغفوت عينه لحظة لين مايتطمن عليك..
سعود(ابتسم لأبوه):فديت بوسعود..تعبتك معاي..
عبدالعزيز:تعبك راحة حبيبي..الحمدلله انك قمت بالسلامة..
سعود:روح يبه ارتاح..
عبدالعزيز:انا مرتاح..
بوعبدالعزيز:قوم ياعبدالعزيز..روح ريح شوي..انت من امس قاعد..ياللا قوم..
العصر الساعة اربعه...عند الحريم.....
جواهر تطلع من غرفتها وهي لابسه عبايتها وشيلتها....
ام سالم:وين رايحة؟
جواهر:راشد برع يبيني..
فاطمة:انا لو منج مااروح..
جواهر:ليش؟
فاطمة:كفاية اللي صار لنا..
جواهر:لاتخافين ريلي وياي..
وراحت له...
عند الرياييل...قاعدين يسولفون....
بوعبدالعزيز:اقولك عبدالعزيز خلنا نرد باجر الصبح..
عبدالعزيز:ليش يبه؟
بوعبدالعزيز:علشان الثعابين..امس طلع حق سعود واليوم طلع للبنات..مو ناقصين حد بعد يصير فيه شي..
عبدالعزيز:ليش حد صار فيه شي من البنات؟
سلطان:محد صار له شي..بس بغى يصير لهم شي ومحمد ماشاء الله وصل في الوقت المناسب..
تميم:ومن اللي كان؟
سلطان:مريم و..ومرتك..
تميم(فز من مكانه وهو مخترع):شنو؟؟مرتي؟؟
سلطان:أي..بس هم بخير..
تميم طلع وراح صوب فيلا الحريم..وناد الخدامة علشان تنادي فاطمة...
عند جواهر وراشد..وهم يتمشون...
راشد:اشتقت لج وااايد..افتقدج هالجم يوم..
جواهر:حتى انا..
راشد:فديت هالوجه..ايش رايج بالمكان؟
جواهر:حلو..
راشد:تصدقين خاطري مرة ثانية اوديج فرنسا..
جواهر:ياليت والله..
راشد:خلاص في الصيف نسافر فرنسا..
جواهر:ان شاء الله..
عند الفيلا....
فاطمة:انا بخير لاتحاتي..
تميم:صج يعني مافيج شي؟
فاطمة:أي صج مافيني شي..انت وينك فيه من الصبح؟
تميم:كنت مصدع فرقدت..
فاطمة:واشلونك الحين؟
تميم:الحمدلله..الا مريوم شاخبارها؟
فاطمة:بخير..
تميم:ماتعورت؟
فاطمة:لاماتعورت الحمدلله..
على الساعة 7 في الليل يدخل الدكتور عند سعود...ويشوفه..عقب يقعد عنده.....
الدكتور:سعود انت ادخن؟
سعود(حس بشي غريب وابوه قاعد عنده ويطالع بنظرات استغراب)
عبدالعزيز:ليش دكتور؟؟
الدكتور:الظاهر ان سعود يدخن..صح سعود؟
عبدالعزيز(مسك اعصابه):رد على الدكتور..
سعود(بلع ريقه):كنت..
الدكتور:من متى؟؟
سعود:من سنتين تقريبا..
الدكتور:وانت الحين ماادخن؟
سعود(خذ نفس عميق وعقب):من وقت لوقت..
عبدالعزيز(قام وهدهم)
تميم كان قاعد مع محمد ويوسف وماجد يسولفون...يمر بينهم عبدالعزيز وهو معصب وطلع من الفيلا...
يوسف:اشفيه؟؟
ماجد:شكله معصب..
تميم(قام):بروح اشوفه..
برع في المرزعة...
تميم:اشفيك عبدالعزيز؟؟
عبدالعزيز(بعصبية):ولدي سعود كان يدخن؟؟؟؟
تميم:وانت اشلون دريت؟؟
عبدالعزيز:توه الدكتور يسأله..
تميم:بس هو خف من التدخين الحين..
عبدالعزيز:يعني انت كنت تدري؟
تميم:من فترة بسيطة..
عبدالعزيز:وليش ماقالي..اصلا شالي خلاه يدخن..
ومع مرور الساعات...يزهبون اعمارهم علشان يردون...
في يوم الاربعاء...في بيت محمد...مريم تتكلم في التليفون.....
مريم:طمنيني على سعود..
اسماء:الحمدلله احسن من قبل..
مريم:اتصل فيه مايرد علي..
اسماء:أي فديته في الجامعة..عنده محاضرة..
مريم:الله يوفقه..عيل اخليج وسلمي على عبدالعزيز..مع السلامة..
محمد(يقعد):من تحاجين؟
مريم:هذي مرت عبدالعزيز..كنت أسألها عن سعود..شكلك مارقدت..
محمد:بلا رقدت..شغلي التلفزيون خلنا نشوف شي..
مريم(تمد يدها):هاك..انا بروح ازهب الايس كريم..
محمد:اقولج اليوم بتروحين بيت ابوج؟
مريم:مااعتقد..ليش؟
محمد:ولاشي قلت نروح بيت ابوي..من زمان مارحنا..
مريم:على راحتك حبيبي..
في بيت راشد..



.في الصالة...
جواهر:خلصت دراسة؟
محمد:أي يمه خلصت..
جواهر:وين اخوك؟
محمد:قاعد يحل واجباته..
جواهر:اشلون تحسه ماشي في الدراسة؟
محمد:جبر طول الوقت يلعب..
جواهر:شسوي فيه..ياما قلت له مايسمع الحجي..ياوله من ابوه..
ام راشد:ماشفتي درجاته؟
جواهر:بلا ياعمتي..بس درجاته متوسطة وهو ماله خلق دراسة..
راشد يوصل ويقعد...
ام راشد:وين كنت؟
راشد:كنت مواعد واحد علشان الارض..
ام راشد:وايش قالك؟
راشد:قالي بشاور الاهل وبرد عليك..عيل وين جبر؟
محمد:فوق يدرس..
راشد:وانت؟
محمد:انا خلصت..
راشد:ابيك شاطر دوم..
جبر ينزل..ويقعد ويفتح التلفزيون....
راشد:خلصت دراستك؟
جبر:أي..
محمد:مااسرع..
جبر:مايخصك..
راشد:شنو مايخصك..هذا اخوك العود ولازم تحترمه..
جبر:انزين معليه ماتتكلمون علشان اشوف تلفزيون..
راشد(فاج عينه وهو يطالع جواهر)
جواهر:جبر..عيب هالكلام..
جبر:انزين نبي نشوف تلفزيون..
راشد(عصب وقام راح غرفته)
جواهر:جي زين زعلت ابوك..
جبر:انا ماسويت شي..
محمد:ماسويت شي..حد يتكلم مع ابوه جذي..
في بيت بوعبدالعزيز...



عبدالعزيز يرد البيت مع عياله من الصلاة..ويقعدون في الصالة...موزة ترد من الشغل وتقعد معاهم...
موزة:يمه انا ميتة من الجوع..مافي شي آكله؟
ام عبدالعزيز:تبين الغداء ولاتنتظرين العشاء؟
موزة:أي شي..انا ميتة من الجوع..
ام عبدالعزيز:انزين قومي بدلي وبخبر الخدامة تسخن لج الاكل..
وتمر الايام...في بيت بوسالم...تميم يدخل الغرفة يحصل فاطمة قاعدة مع وليد...
تميم:السلام عليكم..
فاطمة:هلا وعليكم السلام..
تميم:اشلون ولدي؟
فاطمة:بخير..تراه اذيه مو راضي يرقد..الظاهر كان ينتظرك..
تميم:فديته والله..خلني اغسل يدي علشان اقدر اشيله..
في بيت بوعبدالعزيز...
اسماء:مريم ليش ماتجبين لكم خدامة تساعدج في شغل البيت..
مريم:مالي خلق خدامة..وبعدين بيتنا صغير..
ام عبدالعزيز:ايش صار على بيتكم؟
مريم:يعني في النهاية بقى يعطونا الكهرباء وانأثث البيت..
اسماء:وبعد مب جايبه خدامة؟
مريم:احتمال كبير اجيبها..
ام عبدالعزيز:ليش جذي تأخرتوا في البيت؟
مريم:شسوي يمه البيت يبيله مصاريف..من فترة محمد خذ قرض من البنك علشان يخلص البيت..عيل موزة متى رادة؟
ام عبدالعزيز:يمكن توصل عقب ساعة..
مريم:ايش صار على عرسهم؟
ام عبدالعزيز:ماجد مستعجل بس هي لا..
مريم:يعني شنو؟
ام عبدالعزيز:تقول خلوها في الصيف..
مريم:ايش دعوة..بعدين هي ماوراها شي..
ام عبدالعزيز:شسوي فيها..ماقدرت اقنعها..
مريم:وين سعود؟
اسماء:فوق..
مريم:خلاص انا بروح له..
في غرفة سعود..قاعد يدرس ويتكلم في التليفون..يندق الباب...
سعود:ادخل..قلت لك مااقدر ايي اليوم..
مريم(تدخل)
سعود:ياهلا والله..مااحاجيك انت..ياللا بسكر..مايخصك ياللا في امان الله..(يقوم)..هلا والله بعمتي..
مريم:اخبارك؟
سعود:الحمدلله..
مريم:اشلونها يدك؟
سعود:بخير..حياج..
مريم:قاعد تدرس؟
سعود:أي..
مريم:ماابي ازعجك..
سعود:لاعادي ايش دعوة حياج..قعدي..
قعدوا...
مريم:ليحين ماتصالحت ويا ابوك؟
سعود:مو راضي يكلمني..
مريم:ماينلام..انت صدمته ياسعود..
سعود:انا اعترف اني غلطت..والحين متندم..وبعدين انا هاد السجاير من زمااان..
مريم:شالي خلاك ادخن اصلا..
سعود:بعد شباب..
مريم:الله يهداكم..وابوك لي متى راح اتراضيه؟؟
سعود:حاولت اكلمه كم مرة بس يتهرب مني..
مريم:ابوك ياسعود قلبه طيب..هذا اخوي العود..ماشفت منه شي قاسي..بس انت غلطت ولازم تتحمل غلطتك..وفكر عدل..تراك انت ولده العود..وابوك يرفع راسه يحصلك انت..فلا تخرب علاقتك فيه..(قامت)..ياللا ماابي اشغلك اكثر..
طلعت..وسعود قعد يفكر بكلام مريم..مريم راحت غرفة وليد الله يرحمه..خذت اللاب توب وقعدت على كرسيها المفضل وحاولت ادور على شي تسمعه..ماحصلت ولاملف فيه اغاني..استغربت..حصلت ملف فيه قرآن لعدة مشايخ..شغلت قرآن على سورة الكهف بصوت مؤثر وخاشع..وقعدت تلعب في الملفات ولفت نظرها عنوان ملف غريب..مكتوب..لحظة هدايتي..مريم استغربت..فتحته وحصلت فيه ملف وورد..دخلته وقعدت تقرأ..
تحت...عبدالعزيز يدخل...
عبدالعزيز:السلام عليكم..
الجميع:وعليكم السلام..
عبدالعزيز(يقعد):من عندنا؟
ام عبدالعزيز:مريم..
عبدالعزيز:عيل وينهي؟
ام عبدالعزيز:راحت فوق عند سعود..
اسماء:عبدالعزيز جبت الاغراض؟
عبدالعزيز:أي عطيتهم الخدامة..
اسماء(قامت):خلني اروح ازهب العشاء..دانة تعالي ساعديني..
ام عبدالعزيز:ماشفت ابوك في المسجد؟
عبدالعزيز:لا..ليش قال بيرد من وهل؟
ام عبدالعزيز:قال يمكن..قوم روح بدل ثوبك وتعال..
عبدالعزيز(قام):ان شاء الله..
وصل فوق شاف سعود بوجهه..
سعود(حب راسه):السلام عليكم..
عبدالعزيز(عطاه نظره وراح غرفته)
سعود(لحق ابوه ودخل معاه الغرفة):يبه تكفى سامحني..اعترفت بغلطتي..وصدقني ماراح اعيدها بس سامحني..
عبدالعزيز(فصخ غترته وفتح ازرت ثوبه سعود قرب منه)
سعود:يبه..انا ولدك العود..يهون عليك ماتكلمني..
عبدالعزيز:ويهون عليك اللي سويته فيني؟
سعود(استحى من ابوه):مايهون علي..بس انا غلطت..واعترف بهالشي..يبه انا مااقدر على زعلك..مو احنا اتفقنا ان نكون ربع..وانت رفيجي وانا صارحتك بكل شي..يبه سامحني..
عبدالعزيز:ليش سويت جذي ياسعود؟؟
سعود:لحظة ضعف..
عبدالعزيز:ماابي هالشي يتكرر مرة ثانية..
سعود(حب راسه):انت تامر يبه..المهم انك راضي علي..
عبدالعزيز:عيل وين عمتك؟
سعود:عمتي مريم؟
عبدالعزيز:أي..
سعود:ماادري..جاتني وعقب راحت..
عبدالعزيز(عرف هي وين)
عقب نص ساعة..مريم تنزل تحت تحصلهم كلهم قاعدين..
مريم:الله يبعد عيون الحاسدين عنكم..
الجميع:آآآمين..
مريم(قعدت):يمه ترى باخذ لاب توب وليد جم يوم وبرجعه..
ام عبدالعزيز:خذيه لج..محطوط في غرفته ومحد مستفيد منه..
مريم(تنتبه على عبدالعزيز بنظراته الغريبة):الا اشوف سعود قاعد عند ابوه..مبروك تراضيتوا..
سعود:الله يبارك فيج عمتي..
مريم:تراك ياعبدالعزيز زعلك جايد..
عبدالعزيز:أي جايد..لاحد يجربه..
مريم:الله لايجيب هاليوم..
بوعبدالعزيز:أي والله..الله لايجيب هاليوم..ايش حلاتكم وانتوا ويابعض..
موزة:فديت ابوي..ياحلات اللمات..
يرن تليفون مريم..
مريم:هلا محمد..انت وينك فيه؟؟.........خلاص..
عيل لوصلت دقي لي..مع السلامة..
ام عبدالعزيز:وينه ريلج؟
مريم:يقول بيتأخر..ويقول تعشوا انتوا..
اسماء(قامت):عيل انا بروح انجب العشاء..
مريم(قامت):خذيني معاج..
في بيت بوسالم...يقومون من العشاء....
سلطان:تسلم يدج ياام وليد..
فاطمة:عليكم بالعافية..
الرياييل راحوا يقعدون...
ام سالم(تقعد):ياربي..
تميم:يمه متى موعدج؟
ام سالم:ماادري والله..مها شافته لي بس نسيت..
سلطان:مها..يامها..
مها(تيي من المطبخ):نعم..
سلطان:متى موعد امي؟
مها:عقب باجر ان شاء الله..
تميم:عيل لاتنسين..
سارة:ياللا تصبحون على خير..
الجميع:وانت من هله..
سلطان:وين راحوا خواتج؟
سارة:قاعدين هناك يطالعون تلفزيون..
سلطان:خذيهم في طريقج خلهم يرقدون..
سارة:ان شاء الله..
في بيت محمد...عقب مابدلوا ملابسهم وفرشوا اسنانهم..مريم كانت قاعدة على السرير..محمد شغل الابجورة وقعد على السرير...
مريم:محمد..
محمد:لبيه..
مريم:أبي أسألك سؤال..
محمد:عيوني لج..
مريم:تذكر لما رحت مع وليد الله يرحمه الكشته؟
محمد:اشلون انسى هاليوم..اتذكره وكأن امس كان..
مريم:من كان معاكم في الكشتة؟
محمد:ربعنا ونسايب ربعنا..يعني من هالناس..ليش؟؟
مريم:ماكان واحد غريب عنكم؟
محمد:مثل من؟
مريم:شيخ..
محمد:وانت من وين دريتي؟
مريم:يعني كان موجود؟
محمد:أي كان موجود..
مريم:وليش ماقلت لي؟
محمد:بقولج اذا قلتي لي من وين دريتي..وشالي ذكراج بهالسالفة؟؟
مريم:حصلت معلومات من وليد بنفسه..
محمد:اشلون؟؟
مريم:كان كاتب عن يوم الكشتة في لاب توبه..ودريت..
محمد:دام السالفة جذي..انا بقولج شي..وليد الله يرحمه طلب مني مااخبرج بوجود الشيخ ويانا..علشان يعرف انج راح تسألينه وهو ماكان يبي يجاوبج..بغى تكون حياته قبل وفاته سريه علشان محد يكشف شي..
مريم:الله يرحمك ياوليد..
محمد:الله يرحمه..وشنو حصلتي؟
مريم:حصلت كلام وايد يامحمد..ماصدقت انه اخوي..انصدمت..وليد الله يرحمه تاب قبل ليموت..تاب من وايد اشياء..الله يرحمه....



مريم عرفت الكثير عن حياة وليد الله يرحمه قبل ليتوفى وراح نعرف عن هالكثير..وفي أحداث في انتظارنا..

خلكم معانا..
في حفظ الله ورعايته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 21-02-2014, 08:21 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل الثامن والثلاثين**




في الجامعة...



سعود يطلع من المحاضرة ويا خالد رفيجه...
سعود:انا ميت من الجوع..بروح اتريق تيي؟
خالد:عندي محاضرة عقب شوي مااقدر..
سعود:عيل انا بروح..
وهو يمشي يحصل عميد الكلية..ويسلم عليه...
العميد:سلامات اشفيها يدك؟
سعود:الله يسلمك..ولاشي كنا طالعين مع الاهل مزرعة فلدغني ثعبان..
العميد:ثعبان!!..من وين؟؟
سعود:والله ماادري..
العميد:شنو كان سام؟
سعود:يقول الدكتور..بس الحمدلله وصل للسم قبل لينتشر..
العميد:سلامات..طهور ان شاء الله..
سعود:تسلم دكتور..
العميد:اخبار الدراسة معاك؟
في بيت محمد..مريم قاعدة في الصالة وتقرى قصة وليد في الكشتة....
وليد:كنا كلنا جميع قاعدين والشيخ يتكلم..وكل واحد يسأله سؤال..وانا ظليت ساكت وحزين يوم اسمع كلام الشيخ..تأثرت بكلامه..وقلت ويني عن هالطاعة كل هالسنين اللي راحت..ومرة وحدة الشيخ يناديني..
الشيخ :وليد..ياوليد..
وليد:لبيه..
الشيخ:اشوفك ساكت..اشفيك؟
وليد:ولاشي..بس افكر بكلامك..
وليد:وقعدنا هالقعدة..لين عقب صلاة العشاء..تعشينا وانتشرنا..والشيخ بغى يرد..وقبل ليرد جى صوبي..وقعدنا نتمشى...
الشيخ:أخبارك ياوليد..
وليد:بخير طال عمرك..
الشيخ:ليش اشوفك حزين؟
وليد(والعبرة خانقته):دكتور انا مابقى شي من عمري..(دمعت عينه)..وايامي معدودة..ولما سمعت كلامك مااعرف ايش صار فيني..حسيت انك تتكلم عني..انا عصيت وايد..وايد..
الشيخ:خير ياوليد اشفيك انت تعبان؟
وليد:أي ياشيخ..انا مريض..ومرضي مامنه شفى..
الشيخ:خير ان شاء الله؟
وليد:قلبي ياشيخ تعبان..وماكو له امل انه ينبض اكثر من جذي..الا بقلب بديل..ومن وين اجيب القلب البديل؟؟
الشيخ:ماتعالجت؟
وليد:سافرت مرتين وسويت عملية وتعالجت مني..بس ماكو امل لازم قلب..خلاص انا سلمت امري لرب العالمين..بس تعرف ياشيخ شالي مضايقني..امي اللي متعلق فيها..واختي اللي كانت لي صديقة مو بس اخت..ماادري ايش بيكون شعورهم ليسمعون خبر وفاتي..
الشيخ:لن يصيبنا الا ماكتبه الله لنا..
وليد:ونعم بالله..دكتور انا ابي اتوب..انا عصيت وااايد..كنت اسمع اغاني وكنت اعصي رب العالمين..ايش اقدر اسوي..
الشيخ:من هاللحظة قرر انك تبي تتغير..
وليد:قررت..
الشيخ:روح توضى وصلي لك ركعتين وادعي رب العالمين انه يغفر لك..ابكي وابكي وادعي يارب اغفر لي..ولاتيأس من رحمة الله..
وليد:وعقب ماتبت وبكيت..شفت قلبي ينبض..وعرفت ان نهايتي قريبة..ولازم تزيد طاعتي..ويمكن انام اليوم مااصحى باجر..








مريم(ماتحملت الكلام المكتوب والفلاش اللي حصلته في اللاب توب دمعت عينها على اخوها..سمعت صياح الجازي وراحت تاخذها)
يرن تليفون البيت...تروح تاخذ السماعة وهي شايلة الجازي...
مريم:وعليكم السلام...هلا نورة...بخير انت شاخبارج؟...واخبار خالد؟
نورة:الحمدلله..كلنا بخير..انتوا شاخباركم؟...واخبار الجازي اسمع صوتها..
مريم:أي توها قاعدة..وتصيح..
نورة:خلاص عيل ماابي اعطلج..
مريم:بغيتي شي؟
نورة:بغيتج في سالفة..بس خلاص خليها بعدين..
مريم:خلاص لنامت الجازي باتصل فيج..
نورة:على خير ان شاء الله..مع السلامة..
مريم:مع السلامة..
في شغل محمد....
محمد:هدي ياريال ربك بيفرجها..
عيسى:تعبت يامحمد..ماني عارف شاسوي..
محمد:انت شايف عمرك في المنظرة؟..شكلك كبران عشر سنوات..
عيسى:شسوي..يقولون تزوج علشان تستقر..والله ماشفت الاستقرار من وقت ماتزوجت..
محمد:الله يعينك ياعيسى..يعني البنت فيها عيب؟
عيسى:البنت ماتنعاب يامحمد..اهلها اللي ينعابون..
محمد:بس هذولا اهلك..وبيت اهل زوجتك هو بيت عمك..
عيسى:هذا اللي ذابحني..تصدق مرت عمي كل يوم عندنا في البيت..وتقعد من العصر لين الليل..وتدخل في كل جبيرة وصغيرة في حياتنا..وخواتها كل شوي يقولون لها سوي جذي ولاتسوين جذي..واخوانها ابد ماكو منهم فايدة..وعمي الله يسامحه مايتدخل بشي..تعبت والله..الظاهر اني بهاجر..
محمد:ايش هالحجي..
عيسى:تصدق يامحمد..فكرت اني اتزوج عليها علشان احس براحة واستقرار..
محمد:انزين انت ليش ماتقعد معاها وتكلمها..احسن من المواجهة مافي..
عيسى:أي مواجهة..على بالك انا ماكلمتها..اهلها غاسلين مخها..تعرف يعني شنو..
في بيت بوعلي...يرن تليفون نورة....
نورة:وعليكم السلام...بخير.......لاعادي......نامت الجازي؟
مريم:أي نامت..خير نورة؟
نورة:بغيت اكلمج بسالفة..
مريم:تفضلي..
في بيت راشد...



على الساعة وحده الظهر..تدخل ام يوسف غرفة جواهر..وتقرب منها وتحب راسها..تفتح عينها جواهر...
جواهر:يمه..
ام يوسف:اشلونج الحين؟
جواهر(سكرت عينها):تعبانة..احس بدوخة..وراسي ثقيل..
ام يوسف(تزخ جبينها):حرارتج مرتفعه..ماتصلتي في راشد؟
جواهر:لا..
ام يوسف:انزين قومي خلني انا وابوج نوديج المستشفى..
جواهر:مايحتاي..ماابي اروح..
ام يوسف:حرارتج مرتفعه..اشفيج انت..
جواهر:ماابي..
ام يوسف:ام راشد تقول انج كنت ترجعين..
جواهر:أي..صادتني لوعة..وكنت ارجع..
ام يوسف:من فيكم كان مريض؟
جواهر:محد..
ام يوسف:عيل من من ماخذه المرض؟
جواهر:ماادري..
ام يوسف(فصخت عبايتها):خلني احط لج كمادات علشان حرارتج تنزل..
على الساعة 2 يدخل راشد البيت..يحصل امه قاعدة في الصالة مع رغد...
راشد:السلام عليكم..
ام راشد:وعليكم السلام..
محمد+جبر:السلام عليكم جدتي..
ام راشد:هلا والله وعليكم السلام..
راشد:عيل وين جواهر؟
ام راشد:جواهر يمه فوق راقدة..
راشد(استغرب):راقدة؟!!
ام راشد:أي يمه..زوجتك مريضة..وامها عندها..
راشد:شنو؟؟..اشفيها مريضة؟
ام راشد:الظاهر ماخذه برد..
راشد(راح وفتح باب الغرفة حصلها راقده وعلى جبينها كمادات..وامها قاعدة عندها):جواهر..
ام يوسف:راشد..
راشد:عمتي اشفيها جواهر؟
ام يوسف:مسخنة..وفيها لوعة وترجع..
راشد(يقعد عندها ويمسح على راسها)
جواهر(تفتح عينها):وصلتوا؟
راشد:اشلونج الحين؟
جواهر:ليحين تعبانة..
راشد:انزين قومي اوديج المستشفى..
جواهر:ماابي اروح..
ام يوسف:من وقت ماجيت عندها وانا اقولها خلنا نوديج المستشفى..ماهي راضية..
راشد:مو على كيفج ياللا امشي..
جواهر(تحس بلوعة تفز من مكانها وركيض للحمام)
راشد:مو على كيفها..الحين بنوديها..(راح لها الحمام وحاول يساعدها)
في بيت محمد...عقب الغداء..
مريم:محمد بتروح الصلاة؟
محمد:أي..تبين شي؟
مريم:لا..بس بغيت اسولف معاك..
محمد:خلاص لرديت بنقعد نسولف..مع السلامة..
مريم:مع السلامة..(تسمع صياح الجازي)..ريم حبيبتي روحي جيبيها..
الريم(تقوم):ان شاء الله..
في بيت بوسالم...



على الساعة 4 العصر...فاطمة تيي تقعد مع ريلها وام ريلها وبوريلها...
ام سالم:تشربين شاي؟
فاطمة:انا بصب لي..تميم ابيك توصلني عند امي..
تميم:توج امس كنت عندهم..
فاطمة:جواهر مريضة وابي اروح ازورها..
ام سالم:جواهر مريضة؟..اشفيها؟
فاطمة:ماادري..بس امي تقول مسخنة وترجع..
تميم:ماودوها المستشفى؟
فاطمة:تقول راشد خذاها بالغصب..
ام سالم:خلني اتصل في عائشة..
فاطمة:امها راحت وياها المستشفى..
في بيت محمد...تكون الساعة 4ونص..
مريم:جاسم روح ناد ابوك..
الريم:يمه يوم الخميس عندنا طبق خيري..وابي اشارك فيه..
مريم:خلاص ذكريني الاربعاء ازهب لج اشياء..
جاسم(يقعد)
مريم:صحيته؟
جاسم:أي قام..
مريم:ياللا قوموا كملوا مذاكرة..
عقب عشر دقايق يي محمد ويقعد عندها..
محمد:ليش مرقدتها هني؟
مريم:مافيني كل دقيقة اقوم واجيبها..خلها جنبي..
محمد:انزين ماقلتي لي شنهي السوالف اللي عندج..
مريم(حست بإرتباك):محمد..
محمد:عيون محمد..آمري..
مريم:بغيت أسألك ليش ماتطلع ويانورة؟
محمد(فج عينه وهو مستغرب):نعم؟!!
مريم:ليش ماتطلعون ويا بعض..مطعم حديقة..يعني من هالاماكن..
محمد:ليش هالكلام؟
مريم:محمد..لاتنسى ان هذي زوجتك..ومن حقها عليك انك تطلعها..
محمد:بس هي راضية..
مريم:انت ايش دراك..هي مالها حد الا انت..روح لها وخلها تغير الجو شوي..عشيها برع..
محمد:وانت؟
مريم:انا ايش فيني؟؟..انا بخير..
في بيت راشد...يدخلون جميع..وراشد يوصل جواهر الغرفة...ويفصخ عبايتها ويرقدها على السرير....في الصالة...
فاطمة:اشلونها الحين خالتي؟
ام يوسف:اشوه الحمدلله..
تميم:ايش قالكم الدكتور؟
ام يوسف:يقول فيروس ماادري وشو..
ام راشد:ماعطوها ادوية؟
ام يوسف:بلا..عطوها ابرتين..وركبوا لها مغذي جم ساعة..لين ماتحسنت شوي..
راشد(ينزل):فاطمة قومي سوي لها شوربة..
فاطمة(تقوم):ان شاء الله..
تميم:ايش قالها الدكتور؟
راشد:يقول فيروس..
ام راشد:حرارتها نزلت؟
راشد:أي الحمدلله..انا بروح لها..لخلصت فاطمة خلها تجيبه..
راح حصل باب الغرفة مفتوح وعياله داخل..
جبر:ماما انت تعبانة؟
جواهر(بتعب):أي ماما..قولي درست؟
جبر:أي درست..
جواهر:وانت محمد؟
محمد:أي يمه درست..
راشد(يقعد جنبها على السرير):ياللا خلوا ماما ترتاح..وانتوا رحوا كملوا دراسة..
جبر:يبه ماما بتصير زينة؟
راشد:ان شاء الله..انت اسمع كلام المدرسة وحل واجباتك وجيب علامات عالية علشان امك تصير زينة..
جبر:صج ماما؟
جواهر:أي حبيبي..
وطلعوا...
راشد:على الله عاد يسمع الحجي..سمعتيه يوم يقولج ماما؟
جواهر:أي..
راشد:يبي يدلع عمره..ولا مايقولها الا اذا في شي..
جواهر:تعبتك معاي اليوم..
راشد:فديت روحج..لاتعب ولاشي..انت زوجتي..وكل وقتي وراحتي لج..كم جواهر عندي؟؟
جواهر(تبتسم)
راشد:بشريني عنج اشلون تحسين الحين؟
جواهر:الحمدلله..احسن..
في بيت محمد..مريم تقوم...
مريم:دير بالك عليها..بروح اغسل الصحون..
محمد:ان شاء الله..(وقعد يفكر بكلام مريم)
مريم راحت المطبخ وشغلت المسجل على شريط الاناشيد اللي أهداها اياه محمد..وعلت على الصوت..ونزلت دمعة حارة من قلبها..خذت نفس ولبست القفاز وبدت تغسل صحون...
في بيت بوعبدالعزيز...موزة تدخل البيت..وتسلم....
ام عبدالعزيز:موزة انت ماحددتي موعد العرس مع ماجد؟
موزة:لا..ليش؟
ام عبدالعزيز:وانت ان شاء الله ايش تنتظرين؟
موزة:قلت له بشوف جدول شغلي والشغل ليحين ماردوا علي علشان الاجازة..
منيرة:من كثر اجازاتج اللي خذتيها..
موزة:شسوي مب بيدي..أنا بروح ابدل..
ام عبدالعزيز:هالبنت كلش مو طبيعية..
عبدالعزيز(قام):انا بروح اشوفها..
دق الباب..وفتح الباب..وقعد على الكرسي..
عبدالعزيز:متى دوامج باجر؟
موزة:نفس اليوم..
عبدالعزيز:إذا تبين موافقة الشغل على الاجازة..انا بدبرها..عندي واحد من الربع اخوه يشتغل في المستشفى..وبخليه يخلص اجراءات الاجازة..
موزة:لا ماله داعي..انا بمرهم باجر..
عبدالعزيز:موزة..انت موافقة على ماجد؟
موزة:ليش تسأل هالسؤال؟
عبدالعزيز:موزة..قولي الصج..تكلمين الحين احسن من بعدين..
موزة:ماجد مافيه شي ياخوي..ريال والنعم فيه..بس انا اللي خايفة شوي..وماادري إذا اقدر اسعده ولا لا..
عبدالعزيز:كلنا ياموزة قبل لنتزوج نفكر بهالشي..وعقب الحياة تتغير..وكل واحد يحاول يقرب نفسه من الثاني..علشان تزداد محبتهم أكثر..
موزة:..........
عبدالعزيز:موزة..انت ليحين تفكرين؟
موزة:.........
عبدالعزيز:لاتقعدين تسوين مثل مريم..تقول ماابي اتزوج..وآخر شي تزوجت..
موزة:مريوم غير عني..
عبدالعزيز:شالي غير عنج؟
موزة:مريوم كانت رافضة فكرة الزواج لين ماتتخرج..لكن انا ....
عبدالعزيز:انت شنو؟
موزة:انا..انا كنت رافضة فكرة الزواج اصلا..خاصة اني احب شغلي وايد..
عبدالعزيز:حب الشغل ماهو عائق للزواج..وماجد قالج ماراح يمنعج من شغلج..
موزة:خلاص ان شاء الله باجر بروح الشغل وبشوف ايش صار على الاجازة..
في بيت محمد...محمد يروح يلبس..ويدخل المطبخ...
محمد:مريم انا طالع..رايح بيت ابوي..والجازي نايمة والريم عندها..تبين شي؟
مريم(وحاسة بضيق وحزن):سلامتك حبيبي..
محمد(لف علشان يطلع)
مريم(رفعت يدها وودها تناديه وتقوله ارجع ودمعتها بعينها):محمد..
محمد(وقف ولف صوبها):لبيه..
مريم(حبست دمعتها وبلعت ريقها):ولاشي..بس دير بالك وانت تسوق..
محمد(حاس بمشاعرها):ان شاء الله..مع السلامة..
مريم:في حفظ الله ورعايته..
وطلع محمد من البيت..مريم ماتحملت..وراحت غرفتها وقعدت تصيح من خاطر..
في بيت بوعبدالعزيز..
على الساعة 6 المغرب..موزة تنزل تحت وهي لابسه..
موزة:يمه انا رايحة عند مريم..
ام عبدالعزيز:ليش؟
موزة:ولاشي..ريلها بيبات برع البيت..وقالت لي اروح ابات عندهم..
ام عبدالعزيز:ليش محمد وين راح؟
موزة:راح عند زوجته الثانية..
ام عبدالعزيز:سلمي عليها..
موزة:ان شاء الله..مع السلامة..
الجميع:مع السلامة..
ام عبدالعزيز:مسكينة مريم..الله يكون بعونها..
اسماء:مريم قوية..وتقدر تتحمل..
ام عبدالعزيز:قوية صح..بس لما تقعد بروحها تعالي شوفيها..
في بيت راشد...راشد يأّكل جواهر...
جواهر:خلاص بسي..ِشبعت..
راشد:توج ماكلتي شي..
جواهر:صدقني خلاص شبعت..مااقدر آكل أكثر من جذي..
راشد:انزين..بس بحطه على جنب..علشان تاكلين بعدين..
جواهر:ان شاء الله..انت ليش ماتاكل؟
راشد:باكل عقب..بدري على العشاء..(قام)..خلني اعطيج دواج..
جواهر:راشد..
راشد:عيون راشد..آمري تدللي..
جواهر(تبتسم):.....
راشد(ابتسم):شكلج تبين تقولين شي حلو..
جبر(يدخل):ماما..ماما..
راشد:هذا ولدج بينطق عدل..
جواهر(تضحك):لافديتك ماتطقه..
راشد:بس علشان قلتي فديتك..
جواهر(استحت)
راشد:جبر..
جبر:نعم يبه..
راشد:انا كم مرة اقولك طق الباب قبل لتدخل..
جبر:انا طقته..بس انتوا مارديتوا..
راشد:ياسلام..يمكن احنا راقدين..
جبر:محد يرقد الحين..(يروح عند امه ويحب يدها)..ماما اشلونج؟
جواهر:بخير حبيبي..
في بيت محمد..موزة تدخل غرفة مريم تحصلها تبجي...سكرت الباب وقعدت عندها..ومريم ماتحملت طاحت بحضنها...
موزة:خلاص يامريم..مريوم..
مريم(مسحت دموعها)
موزة:الحمدلله على كل حال..الحمدلله ان محمد موجود..وهو يحبج..
مريم:ادري..بس والله كان غصب عني قلت له هالكلام..هالشي سويته لوجه الله..ولا وين في خاطري ريلي يروح عند غيري ولايبات برع البيت..
موزة:هونيها وتهون..
مريم:ماادري ليش طلبت منه هالطلب..
موزة:بتحصلين من وراه اجر ان شاء الله..ياللا قومي غسلي وجهج..وخلينا نزهب العشاء..ياللا..
في المطعم..كان محمد مع نورة يتعشون....
محمد:نورة ممكن شوي بس ابي اكلم مريم..
نورة:خذ راحتك يامحمد..
محمد(اتصل على مريم ورن تليفونها ومحد رد اتصل البيت..رد جاسم):جاسم وين امك؟
جاسم:هني..
محمد:عطني اياها..
جاسم:يمه..ابوي يبيج..
مريم(خذت السماعة):السلام عليكم..
محمد:وعليكم السلام..اشلونج مريم؟
مريم:بخير..
محمد:اشفيه صوتج؟
مريم:صوتي!..ولاشي..مافيه شي..
محمد:ليكون مرضانة؟
مريم:لا ماني مرضانة..انت مع نورة؟
محمد:أي..
مريم:عيل اخليكم على راحتكم..
محمد:أي بس انا اللي متصل..
مريم:خير حبيبي تبي شي؟
محمد:بس بغيت اتطمن عليج..
مريم:انا بخير ياوجه السعد..
محمد:ياسلام عليج..
مريم:سلم عليها..مع السلامة..ياللا موزة قومي خلنا نزهب العشاء..
وعقب يومين..في الجامعة...
خالد:سعود بتسجل صيفي؟
سعود:الظاهر..ابي اتخرج وافتك..
خالد:بس ترى ماكو مواد نازلة..
سعود:يعني مافي صيفي؟
خالد:في..بس مافي المواد اللي انت تبيها..
سعود:وانت ايش دراك انا ايش ابي..
خالد:انا اعرف..حتى روح شوف الجدول..
سعود(طلع تليفونه):باتصل في بوحسن..هو اكيد يدري..وعليكم السلام...بخير الله يسلمك..انت شاخبارك؟....وينك ياريال مانشوفك؟....معاك حق..بغيت أسألك بوحسن..جدول الصيفي نزل؟
في بيت راشد....جواهر تتكلم في التليفون.....
جواهر:لافديتج عادي..
مريم:سمحي لي والله..ماكنت ادري..توها اليوم الصبح امي تخبرني..سلامات..
جواهر:الله يسلمج..
مريم:جواهر ليكون حامل؟
جواهر:فال الله ولافالج..
مريم:العيال نعمة..
جواهر:نعمة ماقلنا شي..بس مب الحين..رغود فديتها توها صغيرة..وجبر بروحه سالفة..
مريم:يحليله جبر..والله يجنن..
جواهر:ادري فيه يجنن..بس عليه لسان..
مريم(تضحك):عادي وايد ياهال جذي..
جواهر:انت بس تعالي سمعيه لما يتكلم مع ابوه..قولي يتكلم مع واحد من ربعه..
مريم:ماشاء الله عليه..الله يحفظه ويخليه لكم..
في الجامعة..
سعود:الحمدلله..بس انا سمعت ان مامنزلين هالمواد....زين سوى..على العموم ماني مطول عليك ولاابي اعطلك..مشكور وماقصرت..تسلم..عاد خلينا نشوفك..ان شاء الله..سلم على الشباب..في امان الله..
خالد:ايش قالك؟
سعود:حصلت مادتين والحمدلله..
خالد:اشلون نزلوها؟
سعود:يقول الطلاب طلبوها علشان تخرج..والجامعة ماقصرت..
خالد:الجامعة ماقصرت؟!!
سعود:قوم قوم..انت مالك سيرة الا في عيوب الجامعة..يااخي طلع منها شي ايجابي..قوم..
خالد:وين؟
سعود:السينما..وين يعني المحاضرة..
خالد:والله مالي خلق اروح..وياريت يفهم..يتفلسف على عمره..
سعود:خالد لو ماحسنت وضعك في الجامعة بتنطرد..
خالد:شسوي؟
سعود:ذاكر..
خالد:بس انا ماافهم على هالدكتور..
سعود:قلت لك روح تعلم انجليزي..
خالد:وانا افضى من الجامعة..
سعود:لازم تفضي عمرك..ولاصج بتنطرد..انت ادرس انجليزي وانا بساعدك في المادة..ياللا قوم علشان مانتأخر..
في المستشفى...موزة في مكتبها...على الساعة 2...تتصل....
موزة:وعليكم السلام..
ماجد:الشمس من وين طالعة اليوم؟
موزة:ليش؟
ماجد:غريبة متصله..
موزة:اذا تبي ماني متصله..
ماجد:لا يامعودة..مانصدق اذا اتصلتي..اخبارج؟
موزة:بخير..وانت اشلونك؟
ماجد:الحمدلله..وينج في الدوام؟
موزة:أي..
ماجد:متى بترجعين؟
موزة:عقب شوي..خلصت..
ماجد:غريبة!!
موزة:شالغريب؟
ماجد:خلصتي من وهل اليوم..
موزة:لأني في العيادات الخارجية..وخلص الدوام..
ماجد:غيرتي شغلج؟
موزة:أي نعم..
ماجد(استانس):وين مكتبج بالضبط..
موزة:ليش؟
ماجد:ابي اييج..
في سيارة سلطان..مع بناته.....
هند:يبه فديت عمرك..ابي فلوس..
سلطان:صج ماتستحين..تفديني علشان الفلوس..
هند:لايبه..مااقصد..
سلطان:وحق شنو تبين الفلوس؟
هند:باجر عندنا رحلة..
سلطان:وين بعد؟
هند:بنروح مدينة ملاهي..
سلطان:ليش عندنا مدينة ملاهي..اللي كانت ألعابه ماتشتغل..وريم بتروح معاج؟
هند:أي..
سلطان:اشوفها ساكته..
الريم:هند تتكلم نيابه عني..
في المستشفى...ماجد يدخل غرفة موزة...
موزة(بخوف عليه):ماجد ايش فيه راسك؟
ماجد:ولاشي..بس متعور..
موزة(قربت منه ولمست الجرح):من شنو؟
ماجد(استغرب اهتمامها):كنت العب مع ربعي كرة طائرة وطحت وتعورت..
موزة:ليش مادير بالك على نفسك..
ماجد(مسك يدها):لهالدرجة انا مهم عندج؟
موزة(قعدت):وليش مب مهم؟
ماجد:ماادري عنج..
موزة:ماجد انا غيرت شغلي علشانك..ومتصلة فيك اليوم علشان تحجز للعرس..
ماجد:صدق ياموزة؟؟
موزة:أي نعم..
عقب اسبوع..في بيت بوعبدالعزيز...في الصالة.....
ام عبدالعزيز:محمد وين راح؟
مريم:راح بيت أبوه..عيل وين موزة واسماء؟
ام عبدالعزيز:راحوا يلبسون..
مريم:وانت يمه مب جايه معانا؟
ام عبدالعزيز:مالي خاطر اطلع اليوم..
مريم:ماتبين تشترين شي حق العرس؟
ام عبدالعزيز:وصيت اختج واسماء..
مريم:عيل جذي الجازي بتلعوزج..كنت بحطها مع الخدامة..
في بيت بوعلي...



محمد يلعب ويا خالد..تيي نورة....
نورة:تفضل..
محمد(ياخذ الشاي):تسلمين..
نورة:عطني خالد..
محمد:خليه عندي شوي..مااشوف امي وينهي؟
نورة:راحت بيت العنود..
محمد:ليش؟
نورة:بنتها مريضة..وراحت لها..
محمد:فديته خالد..صاير جميل..طالع على امه..
نورة(ابتسمت)
محمد:اشلونج نورة؟
نورة:بخير..انت اخبارك؟
محمد:الحمدلله..
نورة:اخبار مريم والعيال؟
محمد:كلهم بخير..ومريم تسلم عليج وايد..
نورة:الله يسلمها..
محمد:توني موصلها بيت ابوها..رايحين يتسوقون علشان عرس موزة..
نورة:يحليلها موزة..ومتى عرسها؟
محمد:عقب ثلاث اسابيع..
نورة:الله يسعدها..
محمد:وانت ماتبين تتزهبين للعرس؟
نورة:اكيد ابي اتزهب..بشوف اذا عندي فستان ولا لا..
محمد:اذا تبين بوديج السوق..
نورة:لا مشكور..انا بشوف بالاول..
محمد:ترى الليلة بتم عندكم..
نورة:خوش خبر والله..
في بيت راشد...الساعة 7..راشد يرد البيت...
جواهر:راشد متى بتوديني السوق..ماشريت شي حق عرس بنت خالتي..
راشد:خليها باجر..الجمعة..
جواهر:شسوي..مابقى شي على عرسها..
راشد:عيل وين محمد؟
جواهر:فوق يذاكر..
راشد:ماشاء الله عليه..وانت جبر ايش عندك قاعد هني؟
جبر:خلصت دراسة..كم مرة ادرس..
راشد:عشرين مرة..بشوف درجاتك آخر السنة..ولا ترى ماتسافر..
جبر:صج بنسافر؟
جواهر:جيب درجات زينة..بنسافر..
باجر في بيت بوعبدالعزيز العصر..يرن تليفون مريم وهي قاعدة وسط أهلها في الصالة...
مريم:السلام عليكم..انا في بيت ابوي...خير محمد صاير شي؟؟(الكل يطالع مريم)..صوتك مو عاجبني..صاير شي؟...انت وين؟...خلاص انا الحين جايه..مع السلامة..
عبدالعزيز:ايش صاير؟
مريم(بخوف):ماادري..بس محمد صوته مب عاجبني..الظاهر في شي صاير..انا برد البيت..سعود قوم وصلني..
سعود(قام):ان شاء الله..
عبدالعزيز:خلك قاعد سعود..انا بوصلها..
ام عبدالعزيز:انا بعد بروح معاكم..
بوعبدالعزيز:وين بتروحين..
ام عبدالعزيز:بروح معاهم..قلبي مقبوض..
اسماء:ان شاء الله مو صاير الا كل خير..
وهم في السيارة..مريم قلبها يدق بسرعة وهي خايفة..وماتعرف شالي ينتظرها..وصلوا البيت..دخلوا....مريم ركضت لين ماحصلت محمد قاعد في الصالة وفاتح ازرة ثوبه..وشايل الغترة..والحزن باين عليه..قربت منه ونزلت له..ومسك ركبه..
مريم(بخوف):محمد ايش صاير؟


شكله صاير شي جايد..بس شنهو؟؟..هذا اللي راح نعرفه في الفصل الجاي..

تابعونا..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 21-02-2014, 08:26 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**فصل التاسع والثلاثين**

وصلوا البيت..دخلوا....مريم ركضت لين ماحصلت محمد قاعد على في الصالة وفاتح ازرة ثوبه..وشايل الغترة..والحزن باين عليه..قربت منه ونزلت له..ومسك ركبه..
مريم(بخوف):محمد ايش صاير؟
محمد(يرفع راسه وهو متضايق):نورة يامريم..نورة ماتت..
مريم(فجت عينها من الصدمة وماهي مصدقة الخبر):شنو؟؟؟
محمد(خذ نفس عميق):نورة ماتت..ماتت..
مريم(ودها تبجي ودها تخفف عن ريلها ماهي عارفة شتسوي)
ام عبدالعزيز(ماتحملت الخبر ودمعت عينها)
عبدالعزيز(رن تليفونه طلع برع):هلا موزة...اي وصلنا..نورة زوجة محمد توفت...ماادري..من تو نسمع من محمد..انزين مع السلامة..
عقب ساعة..هدا الجو شوي...والكل كان قاعد...
مريم:اشلون ماتت؟
محمد:قمت الصبح..ناديتها ماقامت..حسيت ان فيها شي..اتصلنا بالاسعاف..ولما وصلنا الطواري..وعقب من جم دقيقة طلع لنا الدكتور وقالنا هي كانت متوفية من كم ساعة..وانا ماحسيت عليها..الله يرحمج يانورة..
مريم(دمعت عينها)
عبدالعزيز:الله يرحمها..
ام عبدالعزيز:امك اشلونها؟
محمد:امي الله يكون بعونها..
ام عبدالعزيز:في حد عندها؟
محمد:أي خواتي عندها..
عبدالعزيز:ومتى الدفن؟
محمد:عقب صلاة المغرب..
عزاء الرياييل في بيت علي..وعزاء الحريم في بيت بوعلي..العنود كانت حدها متضايقة وتصيح..هدت الناس وراحت غرفة نورة...فتحت الباب وزاد صياحها..قربت وقعدت على مكتبها...شافت صور ام نورة وبونورة..صارت تتأمل بالغرفة ونورة ماهي موجودة..
تدخل عليها اسماء....
اسماء:الله يرحمها..
العنود:ليش هدتني وراحت..ماتفقنا على هالشي..نورة كانت نصي الثاني..عشنا طفولتنا ويابعض..لين ماكبرنا..أحلامنا كانت متشابهة..واسرارنا لبعض..ليش راحت وتركتني..
اسماء(قربت منها ولوت عليها):ادعي لها يالعنود..الله يرحمها..
عقب مالناس راحت...فاطمة قعدت عند مريم..وتحاول تهدي فيها..لين مارن تليفون منيرة...
منيرة:مريم تميم يقولج ردي البيت معاه..لأن محمد راح وياسلطان..ماراح بسيارته..وهو ينطركم برع..
فاطمة:امشي مريم..
مريم:وعمتي؟
ام علي(بتعب):معليه يابنيتي..انا بخير..وبناتي عندي..انت روحي عند ريلج..هو بحاجتج..
ام عبدالعزيز:وعيالج خليهم عندنا..
وراحت مريم البيت...دخلت الغرفة حصلت محمد قاعد على الارض وهو متضايق...مريم قعدت عنده ومسكت يده..وقعدت تمسح عليه بيدينها..وهي تناظره...ودموعها بعيونها....
محمد:مريم..
مريم(تمسح دموعها):عيون مريم..لبيه..
محمد:أبيج تقرين قرآن..
مريم:من عيوني ..انت تامر..
محمد(مسك يدها اليمين):حطيها على صدري..واقري..
مريم(بالدموع):ان شاء الله..(حاولت تمسح دموعها وتستهدي بالله وبدت تقرا قرآن..وقرت ليييييين ماخلصت السورة)..اشلونك الحين؟
محمد:الحمدلله..
مريم:تبي أجيب لك شي؟
محمد:كلاص ماي..
مريم:ان شاء الله..
راحت تجيب له الماي..ردت حصلته مثل ماهو..شرب الماي..
مريم:حبيبي قوم..بدل ملابسك وحاول ترقد..




الحزن اللي في محمد ماكان حزن بسيط..كان يحس بضيقة غريبة تجيه كل فترة كل مايتذكر ان نورة خلاص راحت من هالدنيا..قرر ان ينعزل عن العالم لساعات..وراح بعيد عن العالم..راح للبحر..البحر اللي يستقبل هموم الناس..راح له وقعد يشكي له من همومه....وبدى من أول مرة شافها فيه لين مااجبروه انه يتزوجها وشالي صار بحياته مع مريم..واشلون نورة ساعدته برجوع مريم لبيته..ولين ماحملت نورة وتذكر ان هدفها من الحمال علشان تعيش بعيده عن الكل مع ولدها..لكن الحين نورة هي اللي راحت وتركت خالد..وقالها محمد من كل قلبه...كان لج قلب يانورة مايملكه اي حد..
عقب ماانتهى العزاء...في بيت بوعلي...كان خالد في حضن مريم...وقعدوا يسولفون من بيربي هالياهل....
مريم:وانا وين رحت؟؟..هذا ولد نورة ومحمد..يعني ولدي انا..ماراح يروح بعيد..عند ابوه واخوانه..انا بربيه..
العنود:بس انت عندج الجازي..
مريم:مايخالف..ماكو فرق بيناتهم..
وتمر أيام..وتحاول مريم تغير من حياة محمد..ومحمد يحاول ينسى ويبتسم..لكن مازال في ذكرى بينه وبينها اللي هو خالد..
في بيت بوعبدالعزيز...موزة تنزل..تقعد عند امها وابوها...
موزة:يمه بنأجل العرس؟
بوعبدالعزيز:وليش تأجلونه؟
ام عبدالعزيز:علشان مريم..
بوعبدالعزيز:ياام عبدالعزيز العزاء ثلاثة ايام..والمرة صار لها متوفية اسبوع..وعرس بنتج عقب اسبوعين..
موزة:بس اخاف مريم ماتحضر علشان محمد واهله..
بوعبدالعزيز:هذا كل حجي فاضي..وبعدين انتوا ايش دراكم ان مريم ماهي حاضرة العرس؟
ام عبدالعزيز:خلاص انا عقب شوي بكلمها..
موزة:عبدالعزيز مارد؟
ام عبدالعزيز:لا بعده مارد..ليش؟
موزة:ولاشي أسأل..
في السوق..كانت جواهر مع ريلها وعيالها...في محل من محلات قطع الفساتين..كانت جواهر دور على قطعة حلوة..جاها راشد...
راشد(بصوت واطي):ديري بالج..مو تختارين احلى شي..مثل عرس ولد خالج..
جواهر:عيل ماتبيني اكشخ في عرس بنت خالتي؟
راشد:لاحول..كم مرة لازم نعيد الحجي..
جواهر:راشد حبيبي تكفى..لاتسوي فيني جذي..انزين تعال قولي ايش رايك بهالقطعة؟
راشد:لالا هذا وايد حلو..خذي واحد ثاني..
جواهر:راشد..
راشد:دوري على واحد ثاني..
جبر:يبه انا تعبت..ابي اطلع من هني..
راشد:وين تبي تروح؟
محمد:بنروح نشتري شي ناكله وبنيي..
راشد:لاماتروحون..
جبر:ليش يبه؟
راشد:ايش تبون تشترون؟
جبر:شيبس ذرة..بيبسي أي شي..
راشد:بيبسي لا..
محمد:انزين معليه بنشرب عصير..
راشد:مو تأخرون..
محمد:ان شاء الله..
راشد:محمد..ماتشتري بيبسي لالك ولالخوك..
محمد:ان شاء الله يبه..
جواهر:راشد تعال شوف هالقطعة..
في بيت محمد...محمد كان قاعد يقرأ الجريدة...تيي مريم ومعاها عصير مانجا...
محمد(يشرب):طعمه لذيذ..وبارد بعد..تسلم ايدينج..
مريم:بالعافية حبيبي..
محمد:عيل وين العيال؟
مريم:في غرفهم يدرسون..
محمد:وخالد والجازي؟
مريم:راقدين..(تشغل التلفزيون)
محمد:ماقلتي لي امج ايش بغت منج؟
مريم:ولاشي تسأل..
محمد:مريم مو تفكرين انج ماتروحين عرس اختج..
مريم(حطت الريموت والعصير على الطاولة)
محمد:مريم انا اتكلم من صجي..
مريم:بس انا مااقدر اروح وانت...
محمد(يقاطعها):انا بخير..ومافيني الا العافية..وبعدين انا رايح عرس الرياييل..انت مابتروحين؟
مريم:صج بتروح؟
محمد:أي ليش مااروح..
مريم(استانست):فديتك والله..
محمد:لاتفكرين فيني وايد..تراني بخير..بس يمكن مصدوم شوي..
في بيت بوسالم...



فاطمة تدخل مع تميم..ويسلمون ويقعدون...
مها:حصلتي شي فاطمة؟
فاطمة:هالموسم ماكو قطع حلوة..درت وايد لين ماحصلت فستان جاهز وشريته..
مها(قامت):تعالي وريني..
فاطمة(قامت):ياللا..
سلطان:ايش عندك سرحان؟
تميم:جى على بالي وليد الله يرحمه..
سلطان:الله يرحمه..
تميم:تصدق كل مااشوف سعود ولا اكلمه كأني أحاجي وليد..
سلطان:أي صح..سعود يشابهه..
تميم:الا وين امي وابوي؟
سلطان:طلعوا يتمشون..
تميم:يحليلهم..يسترجعون ايام الشباب..
سلطان(يضحك):الظاهر..
في بيت محمد....محمد يدخل البيت عقب صلاة العشاء...
مريم:مب رايح بيت ابوك؟
محمد:بلا بروح عقب شوي..محد جاي معاي؟
مريم:شوف جاسم يمكن يرافجك..
محمد:وانت؟
مريم:انا شوي مشغولة..ان شاء الله عقب بروح لهم..سلم عليهم..
في بيت بوعبدالعزيز...في غرفة موزة...
موزة:تقريبا جاهزة..
ماجد:وترى الغرفة جاهزة..والاثاث اللي اخترتيه جابوه اليوم..
موزة:واشلون شكله؟
ماجد:طالع وايد حلو..ماشاء الله عليج ذويقه..
موزة:انت جاهز؟
ماجد:بقى لي نعال ماشريته..
موزة:وليش ماتروح تشتري؟
ماجد:انطر واحد من الربع يرد من السفر وبروح وياه..
موزة:ليش يعني؟
ماجد:موصيني مااروح اشتري النعال الا وياه..
موزة:ليش؟
ماجد:ماادري عنه..بس هو يحب النعالات وايد..ويقعد يدقق على كل واحد أي نعال لابس..ويعرف كل ماركات النعال..
موزة:ماشاء الله عليه..اول مرة اسمع ريال عنده هالاهتمام..
في بيت بوعلي...قاعدين يشربون شاي...
ام علي:يمه محمد..احنا آسفين ياولدي..
محمد:على ايش يمه؟
بومحمد:على اللي سويناه فيك..خليناك تتحمل مسؤولية أكبر منك..
محمد:كل شي مكتوب يايبه..والحمدلله على كل حال..
ام علي:حتى نورة الله يرحمها..ظلمناها وايد..
محمد:يايمه هالحجي كله مايغير شي..هالحجي لما كان وقته مافكرتوا فيه..والحين مامنه فايدة..
بوعلي:صدقت ياولدي..
محمد:أخبار سالم..سمعت انه مريض؟
بوعلي:أي مريض..
محمد:اشفيه؟
بوعلي:السكر كان عنده مرتفع..
محمد:واشلونه الحين؟
بوعلي:الحمدلله احسن..
محمد:وهو وينه الحين؟
بوعلي:رد بيته..
في غرفة سعود...كان يدرس...يدخل عبدالعزيز..ويقعد...
عبدالعزيز:اخبار المذاكرة معاك؟
سعود:الحمدلله..
عبدالعزيز:وماكو دكتور يلعوزك مثل الدكتور صبري؟
سعود:لا الحمدلله...الله يفكني من شرهم..
عبدالعزيز:واخبارك بعد؟
سعود:الحمدلله..
عبدالعزيز:مااشوفك تطلع مع ربعك..
سعود:لأن هاليومين عندي امتحانات ومشغول..ومااقدر اطلع وياهم..بس على الاسبوع الجاي رايحين الشاليهات..
عبدالعزيز:دير بالك وانت رايح..
سعود:لاتحاتي يبه..التدخين ترى تاركه من ذاك اليوم..
عبدالعزيز:الله يحفظك يارب..
محمد يرد البيت..يقفل البيبان..ويعتقد انهم راقدين..يروح المطبخ يشرب ماي..ويسكر الليتات ويروح الغرفة..يفتح الباب..يشم ريحة حلوة..يدخل داخل..يحصل مريم قاعدة وجدامها الاكل..وشموع..
مريم(تبتسم)
محمد(سكر الباب..وابتسم):ايش عندها الحلوة تبتسم؟
مريم:زوجي حبيبي جاي ماتبيني ابتسم له؟
محمد(يقعد):فديت ام عيالي..تسلمين يامريم على كل اللي تسوينه لي..
مريم:أهم شي عندي بالدنيا كلها اني اشوفك مستانس ومرتاح حتى لو طلب مني هالشي اني اضحي..كل شي علشانك يهون..
محمد:الله يخليج لي ولايحرمني منج يامريم..
باجر عقب الدوام...يرجع محمد مع عياله...ويدخلون المطبخ...
الجميع:السلام عليكم..
مريم:وعليكم السلام..
وكل واحد فيهم يحبها لين ماوصل دور محمد..
محمد:فديتج والله..
جاسم:يمه شنو الغداء؟
مريم:مسوية لكم معكرونة بالباشميل واشية ثانية..
الريم:الريحة تشهي..
مريم:روحوا بدلوا ملابسكم..علشان نتغدى..
محمد:عقب صلاة العصر..بوديكم مكان..
مريم:وين؟
محمد:بيتنا الجديد..
مريم:خلص؟؟
محمد:أي نعم خلص..بس ينتظر دخولنا..
مريم:من صجك محمد؟
محمد:اكيد من صجي..
مريم:واخيرا..الحمدلله..
محمد:وين خالد والجازي؟
مريم:راقدين..
محمد:ماشاء الله عليهم يرقدون عدل..
مريم:أي صح يرقدون عدل..بس في الليل مايعرفون النوم..
في بيت بوعبدالعزيز...سعود ينزل تحت يحصلهم يتغدون...
سعود:السلام عليكم..
الجميع:وعليكم السلام..
اسماء:تعال تغدى وعقب روح..
سعود:شبعان..متريق متأخر..ياللا مع السلامة..
الجميع:مع السلامة..
عبدالعزيز:دير بالك وانت تسوق..
سعود:ان شاء الله..
الساعة 4 في بيت محمد الجديد..يدخلون داخل وهم يدورون في البيت...
الريم:هذي غرفتي..ياسلام..متى بنيي هني؟
محمد:من باجر اذا تبون..
الريم:صج يمه؟
مريم:يبيلنا وقت لين مانفضي بيتنا الاولي ونجيب أغراضنا..
محمد:بجيب خدامة بيت ابوي علشان تساعدج..
مريم:ماله لزمة..بآخذ خدامة بيت ابوي..وخدم خواتي..الا ماقلت لي حصلت مشتري للبيت؟
محمد:خبرت واحد وقالي بشوف وبرد عليك..
مريم:وايشقد بتبيعه؟
محمد:تدرين بيتنا كم ينباع؟
مريم:كم؟
محمد:يوصل 5 ملايين..
مريم(بإندهاش):من صجك؟؟..5ملاييين!!
محمد:أي..الاسعار ارتفعت وايد..
مريم:انزين انا بقولك شي..
محمد:قولي..
مريم:ايش رايك نأجر بدل لنبيع..على الاقل نحصل دخل من هالبيت كل شهر..ايش رايك؟
محمد:والله هي فكرة زينة..بحاول اليوم اروح للدلال..
البعض مشغول في تجهيزات عرس موزة..ومريم ومحمد مشغولين في ترتيب بيتهم الجديد والنقل..وخلال هالاسبوعين..محمد ومريم وعيالهم ينتقلون لبيتهم الجديد..ويعزمون العايلة وبيت بوعلي على العشاء..بمناسبة بيتهم الجديد..
وفي يوم الاربعاء...الساعة 7 الليل..في احدى قاعات الاعراس..كانت موزة لابسه فستانها الابيض وكانت الكوافيرة في آخر لامساتها..تدخل مريم....
مريم:ألف مبروك ياموزة..
موزة:الله يبارك فيج..ايش رايج فيني؟
مريم:تهبلين ماشاء الله عليج..
هالة:مريوم وينج تأخرتي وايد..
مريم:شسوي عيالي بهدلوني..
هالة:ياللا تعالي مكيجيني..
مريم:خلني اروح اجيب علبة الماكياج..
قمر:مريوم فستانج وايد حلو..
مريم:عيونج الحلوة..
هالة:مريوم خلصيني تأخر الوقت..
مريم:ياللا الحين جايه..
تحت كانت فاطمة في القاعة مع جواهر يسولفون...
فاطمة:ريلج ماقالج شي قبل لتطلعين؟؟
جواهر:وصاني بكم وصية..
فاطمة:وايش وصاج؟
جواهر:حاسبي لاتمكجين حلو وايد..ولاتظهرين جمالج..وماادري وشو..محاضرة ايش طولها..
فاطمة:عيل ياويلج منه..
جواهر:ليش؟
فاطمة:انت ماشاء الله عليج..دوم تكشخين..وهالمرة ماقدرتي تيودين روحج..
جواهر:شسوي..تبين اشلون اظهر جدام الناس؟؟..مو لازم اكشخ..عاد اخوج الله يهداه..
فاطمة:عاد انت تعالي شوفي الرياييل لما ينعزمون على عرس..يقعدون ساعة جدام المنظرة علشان يكشخون..عيل ايش خلو للحريم..
جواهر(تضحك):الظاهر خالي تميم جذي..
فاطمة:أي والله..خالج اذا معزوم مكان يقعد يكشخ جدام المنظرة ساعة..ماادري شيسوي كل هذا..
جواهر:يطلعون كأنهم معاريس..
فاطمة:بسم الله علي..ان شاء الله مايكون معرس مرة ثانية..
جواهر(تضحك):اشفيج انت..وانا ايش قلت؟؟
فاطمة:انت ماتدرين..لما سافرنا تايلند..تذكرين..كل مانطلع البنات عيونهم على تميم..ايش يبون فيه؟؟
جواهر:فديته خالي والله..ذكرتيني..كان يقولنا لما كان يدرس بالجامعة..كانوا البنات يلاحقونه دايما..واذا مافهموا شي في المادة يجون عنده ومايروح عند دكتور المادة..
فاطمة:تصدقين اول مرة اسمع هالحجي..
جواهر:صج؟
فاطمة:أي..
جواهر:عيل ياويلي من خالي..بيذبحني..
وتم العرس على خير..وموزة راحت تعيش حياة ثانية تختلف عن حياتها الاولية..
وفي يوم من الايام...في بيت محمد...



الريم:يبه أبي جم شغله من المكتبة..
جاسم:وانا ابي اروح اشتري بدله رياضة..
محمد:انزين روحوا لبسوا وبوديكم..انت مريم مب جايه؟
مريم:لا حبيبي مب جايه..انت وياهم..وانا بتم عند الجازي وخالد..
وعقب عشر دقايق طلعوا من البيت...راحت مريم ترقد الجازي...وجابت الاب توب ودفتر وقلامة ولبست نظارتها..وقعدت تكتب....شوي وتسمع صوت جرس البيت...تنادي الخدامة علشان تفتح الباب...
الخدامة:your uncle ..
مريم(قامت شافت خوالها داخلين سلمت عليهم):حياكم تفضلوا..
سلطان:ماشاء الله بيتكم وايد حلو..
مريم:ليش ماشفتوا البيت؟
تميم:بس شفنا المجلس والحوش..
مريم:خلاص برويكم البيت..(فصخت النظارة)
سلطان(قعد):قعدي عقب بنروح..
قعدوا...
سلطان:اخبارج؟
مريم:الحمدلله..انتوا شاخباركم؟
تميم:احنا بخير..ايش عندج تدرسين؟
مريم:لا طبعا..قاعدة احضر درس حق محمد..
سلطان:ليش محمد يدرس؟
مريم:لا..بس هو مرات يروح يعطي دروس في بعض المدارس..وانا اساعده في التحضير..
تميم:ماشاء الله عليه..
مريم(قامت):ايش في خاطركم بارد ولا شي حار؟
سلطان:قعدي مانبي شي..
مريم:مايصير..لازم تشربون شي..
تميم:خلاص جيبي لنا شي بارد..
مريم:من عيوني..
عقب ماضيفتهم...
تميم:اشوف جبتي خدامة..
مريم:شسوي..البيت كبير وعندي ياهال فمحتاجة وحده تساعدني..
سلطان(وخالد في حضنه):ماشاء الله عليه..بس هو مايشابه محمد..
مريم:يشبه امه الله يرحمها..
تميم:بغيت أسألج مريم..بكرة لكبر الولد بتخبرونه عن امه ولا لا..
مريم:هالشي يخص محمد..وانا من رايي من حقه يعرف امه الحقيقية..وانا ماراح اقصر عنه بشي..
تميم:مريوم ترى بعت الرنج..
مريم:أفا ليش؟
تميم:دعمت دعمة الله ستر فيها..
مري:صج!!.سلامات يالخال..عسى ماصار شي..
تميم:لا الحمدلله..
مريم:اشلون صار الحادث؟
تميم:في واحد شاف سيارتي وقعد يقولي انا سيارتي شاريها بعدك وشكلها قدم..وانت سيارتك كأن توك مطلعها من الوكالة..عقب ماكلمته ابي ارد البيت الا صار لي الحادث..
مريم:لاحول ولاقوة الا بالله..صج العين حق..ايش يخسر اذا قال ماشاء الله..
تميم:ماادري عنه ..يمكن بيدفع فلوس..
في بيت ماجد...
ماجد:من كنتي تحاجين؟
موزة:هذي اختي مريم..
ماجد:اسمعج تقولين لها أي يوم وماادري وشو..
موزة:أي متفقين نروح يوم الخميس بيت ابوي..وكل وحده فينا تسوي لها أكله ونروح نتعشى جميع..
ماجد:وانت ايش بتسوين؟
في بيت راشد...جواهر تتصل في مريم...
جواهر:اخبارج؟...الحمدلله كلنا بخير...بغيت أسألج مريوم...مرة جينا عندج انا وقمر وفطوم وموزة..كنت مسوية لنا حلو فيه طعم العسل..تذكرين؟
مريم:أي أي اذكر..اشفيه؟
جواهر:بصراحة في خاطري اسويه حق راشد..وابي آخذ منج الطريقة..
مريم:اوكي..عندج قلم وورقة؟
جواهر:أي معاي..
مريم:اوكي..سمعي..اول شي لازم تشترين قشطة بنكهة العسل..وحليب محلى..وكيكة الفانيليا الجاهزة..وشكولاته..
جواهر:شكولاته وشو؟
مريم:أي شكولاته تحبينها..بس تكون عادية طبعا..من غير مكسرات ولا شي ثاني..
جواهر:اوكي..وبعدين..
مريم:تاخذين القشطة والحليب المحلى تخلطينهم في بعض..وعقب تقطعين الكيك..بس ماتكون رجيجة ولاسميكة..
جواهر:اوكي وعقب..
مريم:عقب الله يسلمج..تجيبين البايركس وتصفين قطع الكيك..وعقب تمسحين فوقه الخلطة..بس ماترسينه..علشان مايكون ثقيل..وعقب حطي طبقة الكيك وعقب الخلطة يعني ثلاث طبقات تكفي..وبالاخير..ذوبي الشكولاته..وزينيها بالطريقة اللي تحبنيها..وعقب حطيها في الثلاجة..لوقت التقديم..وبالعافية عليكم..
جواهر:تسلمين والله..سوري ازعجتج..
مريم:لافديتج عادي.حياج باي وقت..بعدين هالاكلة سهلة وايد وبسيطة..
جواهر:لسويتها وراشد جربها بخبرج ايش يصير معاي..
مريم:سلمي على ام ريلج..
جواهر:يوصل..مع السلامة..
مريم:مع السلامة..
محمد:من هذي اللي قاعدة تنقلينها الاكلة؟
مريم:هذي جواهر مرت راشد..
محمد:اقولج سويلج كتاب طبخ بتربحين من وراه..
مريم:من صجك اسويها؟
محمد:أي من صجي..
مريم:بفكر..اقولك محمد هالصيف بنسافر؟
محمد:والله مااعرف شاقولج..
مريم:خير؟
محمد:مااعتقد ان نقدر نسافر..
مريم:ليش في شي صاير؟
محمد:بصراحة انا كل اللي عندي قطيته في البيت..والحين لازم اسدد قرض البنك..علشان جذي مانقدر نسافر..
مريم:ياللا مو مشكلة ربي بيفرجها علينا ان شاء الله..محمد..
محمد:عيوني..
مريم:اذا محتاج مبلغ ولاشي..لاتتردد..ترانا شخص واحد..وفلوسنا وحده..انا عندي مبلغ في البنك..
محمد(ابتسم لها):الله يخليج لي يارب..ولايحرمني من هالطيبة..فلوسج خلها في البنك..
مريم:انا من صجي يامحمد..
محمد:انا بعد من صجي..خلها في البنك يمكن يوم احتجناها..بس لحين مانحتاجها..
مريم(تحب راسه):عسى عمرك طويل ويخليك لنا..أقول محمد..
محمد:قولي..
مريم:في سؤال من زمان يدور في بالي..وخاطري أسألك اياه..
محمد:خير؟
مريم:مرة انت قلت لي ان بونورة الله يرحمه خسر فلوسه في الاسهم ومات..نورة من وين كان لها كل هالفلوس..اسمح لي بهالسؤال..
محمد:عادي سألي مثل ماتبين..صحيح ان ابوها خسر فلوسه كلها..بس كان عنده بيت صغير مأجره على ناس وهي كانت تاخذ الايجار كل شهر وتعيش عليه..مع ان ابوي ماقصر معاها..وامها الله يرحمها كان عندها جم فلس خشته لها..
مريم:والحين من ياخذ الايجار؟
محمد:انا استلمه..فتحت حساب حق خالد..وكل شهر احط الايجار بحساب خالد..
مريم:ماشاء الله عليك يامحمد..زين تسوي..
في غرفة تميم...يدخل تميم ويحصل فاطمة تشوف تلفزيون..يبدل ملابسه ويقعد جنبها..ويقعد يغير القناة...
فاطمة:اقول تميم..اذا تبي نسافر هالصيف..نسافر..
تميم:شالي غير رايج؟
فاطمة:لأن امي بتروح بيت اختي..
تميم:خلاص بشوف شغلي بالاول..روحي جيبي لي وليد..
فاطمة:راقد..
تميم:مايخصني من الصبح مالعبت معاه..قومي صحيه..
فاطمة(بترجي):تكفى تميم خله ينام..بيسهرني الليلة..
تميم:عادي خله يسهرج..قومي فطوم جيبيه..
فاطمة(قامت):الله يسامحك..
تميم:خلاص خلاص تعالي كسرتي خاطري..وين في خاطرج تسافرين؟
فاطمة:ماادري..
تميم:اخوج وين بيسافر؟
فاطمة:بيروحون فرنسا..
تميم:ياسلام عليه راشد..يسترجع ذكريات الصياعة..
فاطمة:نعم؟!!
تميم:ولاشي..ايش رايج احنا بعد نروح معاهم..
فاطمة:صج؟!
تميم:أي..بس خليني اشوف الشغل باجر..روحي جيبي وليد..
فاطمة:نعم!!
تميم(يضحك):اتغشمر..
في بيت بوعبدالعزيز..عبدالعزيز قاعد في غرفته ويشتغل في الاب توب..تدخل اسماء...
اسماء:ماخلصت شغلك؟
عبدالعزيز:بعد شوي..اشلونها دانة؟
اسماء:الحمدلله احسن..عطيتها دواها ونامت..بس جنه خالد بعد قاعد يمرض..
عبدالعزيز:الله ياستر بس مانمرض كلنا..
اسماء:أي والله..
عبدالعزيز:انزين ماعطيتيه شي؟
اسماء:بلا عطيته..
يندق الباب...
عبدالعزيز:روحي شوفي من..
اسماء(فتحت الباب):هلا عمتي..
ام عبدالعزيز:عبدالعزيز قاعد؟
اسماء:أي عمتي حياج..
ام عبدالعزيز(تدخل):عبدالعزيز..
عبدالعزيز(يفصخ نظارته):خير يمه؟
ام عبدالعزيز:قوم يمه ابوك شوي تعبان..
عبدالعزيز:اشفيه ابوي؟
ام عبدالعزيز:ماادري..يقول مصدع..وشكله وايد تعبان..
عبدالعزيز(قام وراح الغرفة):خير يبه اشفيك؟
بوعبدالعزيز:ماادري..بس راسي يعورني وايد..وماني قادر افتح عيني..
عبدالعزيز:ماخذت بندول؟
ام عبدالعزيز:بلا عطيته من ساعتين ومافاد..
بوعبدالعزيز:ودني المستشفى..
عبدالعزيز:ان شاء الله..ابدل واجيك..اسماء نادي سعود خله يي ويانا..
اسماء:ان شاء الله..
تروح غرفة سعود...تحصله قاعد على النت...
اسماء:سعود يمه قوم البس وروح مع ابوك وجدك المستشفى..
سعود:ليش من تعبان؟
اسماء:جدك شوي تعبان..قوم البس..
سعود:ان شاء الله..
الصبح الساعة 6 ونص..ينزل جبر ويحصلهم قاعدين يتريقون...يقط شنطته على الارض ويتأفف..
راشد:خير ان شاء الله اشفيك؟



ايش فيه جبر من الصبح؟؟...يمكن حياة جبر تشابه حياة حد فينا..لكن قومة الصبح بالنسبة لجبر شي صعب..خلونا نعرف ايش فيه جبر في الفصل الجاي...


في حفظ الله ورعايته


الرد باقتباس
إضافة رد

محطة الوفاء الكاتبة / اميرة الوهج؛كاملة

الوسوم
أيّة , اميرة , الوفاء , النهي , الكاتبة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لم أبحث عن الحب يوما لكن التقيته في طريقي فعبثت به فضولا و ليتني لم أفعل ؛كاملة Darkness . . روايات كامله - يتم نقل الرواية هنا بعد اكتمالها 193 18-01-2016 12:58 AM
عيشتني تحت رحمتك وفي لحظة موتي اعترفت لي بحبك / بقلمي أححلامم طفلة أرشيف الروايات المغلقة - لعدم إكتمالها 185 28-09-2013 05:56 PM
الحرب العالمية الثالثة على الابواب ومجموعة مقالات مهم عطا الله مواضيع عامة - غرام 1 21-08-2011 06:50 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
كل شي عن يوم الجمعة الأحكام والشروط والسنن وفتاوي العلماء وأخطاء الناس فيه مبدع قطر مواضيع إسلامية - فقه - عقيدة 8 24-02-2008 12:10 PM

الساعة الآن +3: 11:26 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1