غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-01-2014, 10:30 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي محطة الوفاء الكاتبة / اميرة الوهج؛كاملة


السلام عليكم

كيفكم يا احلى مشاهدين صامتين

اقدم لكم الرواية الاولى للكاتبة اميرة الوهج بعد نقلي
لروايتها الثانية حياة ملونه

قراءة ممتعة

السلام عليكم ورحمة الله وبركاته

في البداية كنت أود كتابة هذا الموضوع منذ فترة طويلة ولكن صادفتني ظروف مما تأخرت في التسجيل في المنتدى والمشاركة فيه..
وأحببت أن تكون أول مشاركاتي في هذا المنتدى هي رواية بعنوان محطة الوفاء..كتبتها وأود من أعضاء منتدى ****
هم أول من يقرأها لكثرة سماعي عنها في كل مكان..
أنتم أول من يقرأ قصتي هذه..ولقد كتبت قصص من قبل ولكن هذه أفضلهم جميعا..لأن الانسان يتطور مع مرور أيامه وتجاربه..وهاانا اضعها حصريا لكم انتم فقط..وأتمنى أن تعجبكم القصة بأحداثها..ولاتنسوني من صالح دعائكم..

قصة اليوم يمكن تختلف عن القصص البقية..فيها اشياء وايد حلوة..مواقف جميلة اكيد صارت لكم يوم من الايام..احداث مهمة ممكن تصير في كل بيت..خلونا نشوف طريقة تربية بعض الاباء والامهات لأبنائهم..خلونا نتابع سلسلة حياة شخصين يستمرون بحياتهم وشخصين مايستمرون وشنهي الاسباب اللي خلتهم يستمرون او مايستمرون..
خلونا نعيش الحياة العائلية..العلاقة بين الزوجين..العلاقة بين الاب وابنه وبين الام وبنتها..والعلاقة بين الاخت بأختها وبين الاخت واخوها وبين الاخ واخوه..والعلاقة بين الاقارب..وشنهي المشاكل اللي تصير في البيوت..لأن مافي بيت من غير مشاكل..
الحزن والسعادة موجودين بحياة كل شخص فينا..علشان جذي شي اكيد في مواقف بتكون حزينة وفي مواقف مضحكة ومواقف تربوية..وغيرها من المواقف..وراح تصاحب القصة بعض الصور والتصاميم والاناشيد..
وراح نتعرف على شخصيات رائعة بتحبونها..ووراح نتعرف على محطة الوفاء في حياتنا..بس لازم تستمرون الى نهاية القصة..القصة مكتوبة وجاهزة للنشر..وماعليكم الا انكم تقرونها وتعطونا آرائكم..

وراح أنزل لكم بارتين كل اسبوع..لظروف الحياة ومشاغلها..
وتعليقاتكم على القصة مهمة وايد بالنسبة لي تخلوني استمر او اتوقف..

وراح أنزل إعلان عن كل فصل..علشان نحمسكم..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-01-2014, 10:33 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج




**الفصل الاول**

في بيت بوعبدالعزيز..



كانت مريم توها رادة من الجامعة دخلت البيت شافت امها قاعدة تسولف في التليفون قربت منها وحبت راسها..
ام عبدالعزيز:لحظة شوي..قوة يمه..
مريم:الله يقويج يالغالية..
ام عبدالعزيز:تغديتي؟
مريم:أي تغديت مع ربعي بالجامعة..يمه من تحاجين؟
ام عبدالعزيز:خالج سلطان..
مريم(استانست):صج..عطيني السماعة..ولا اقولج لا..ماابي احاجيه..
ام عبدالعزيز:ليش؟
مريم:هو يدري شيمسوي..يمه انا رايحة ابدل وبنام لين مايأذن المغرب..
ام عبدالعزيز:على راحتج..(ردت حق اخوها)..انزين سلطان كمل السالفة..
مريم راحت فوق..شافت اختها موزة قاعدة على النت..
مريم:شتسوين عندج؟
موزة(تخرعت):بسم الله..الناس تسلم بالاول..
مريم:من تحاجين؟
موزة:وحدة من ربعي..ايش تبين واقفة فوق راسي؟
مريم:ولاشي..
موزة:روحي بدلي هدومج..
مريم:اكيد بروح بقعد انتظر أوامرج..وين هالة؟
موزة:وايش دراج ان هالة عندنا؟
مريم:شفت عيالها يلعبون برع في الحوش..
موزة:هي داخل في غرفتها مع خولة..
مريم:خولة بعد موجودة..ياسلام..عيل وين منيرة عنهم؟
موزة:ماادري..ياللا روحي أبي اخلص..
مريم:زين لاتحنين..
تليفونها يرن..
مريم:آلو..هلا نعم ايش بغيت؟؟...آسفة...قلت لك آسفة..
موزة(استغربت اسلوب مريم):من تحاجين؟
مريم:واحد ايش تبين انت بعد؟..لوسمحت انا مشغولة وفيني رقاد..فياليت تسكر..اي من صجي..ماراح اتحسف..مع السلامة..
موزة:مريوم من كنت تحاجين؟
مريم:مايخصج..
وراحت غرفتها..وركيض راحت موزة غرفة هالة...
هالة:اشفيج؟
موزة:مريم جاها تليفون من شوي وكان ريال وكانت تتكلم معاه وهي معصبة..
خولة وهالة استغربوا..
خولة:ريال من؟
موزة:ايش دراني..
هالة:انا بروح اشوفها..
دقت عليها الباب....
مريم:منو؟
هالة:أنا يالحلوة..
مريم(فتحت الباب وسلموا على بعض)
هالة:ايش عندج قافلة الباب؟
مريم:كنت ابدل ملابسي..
هالة:اخبارج؟
مريم:بخير..
هالة:شكلج تعبانة..
مريم:اكيد وحدة رادة من الدوام بتكون تعبانة..
هالة:ماني مطولة عندج..بس سمعت ان في واحد اتصل فيج من شوي..
مريم:اكيد موزو قالت لج..
هالة:المهم من اللي كان؟
مريم(قعدت):سلطان..
هالة:من سلطان؟
مريم:خالج الكريم..
هالة:مريوم الحين خالج صرتي تناديه سلطان؟؟
مريم:روحي سأليه شيمسوي فيني..
هالة:الله يهداج انت دوم جذي معاه..
مريم:شسوي..
هالة:ياللا أخليج تنامين..
مريم حطت راسها على المخدة وهي كل تفكر بكلام خالها..تحاول تنام لكن ماكو فايدة..اتصلت في رفيجتها فاطمة...
فاطمة:انت الحين من صجج متصلة فيني علشان هالسالفة مرة ثانية..حرام عليج فيني نودة..
مريم:فطوم حرام عليج..انا ابي مساعدتج..فيني صياح..أخاف خالي يقنع امي وابوي وحزتها انا مااقدر اسوي شي..
فاطمة:حبيبتي مريوم..ان شاء الله مو صاير الا كل خير..وكل شي بيصير ربج كاتبه لج..
مريم:بس والله خايفة..
فاطمة:تطمني..
مريم:إي قصي علي بجم كلمة علشان اسكر..
فاطمة:لا والله..بس شسوي فيج هذا حزته؟
مريم:خلاص روحي نامي..
فاطمة:لاتزعلين..
مريم:ماني زعلانة انا بعد بروح انام..
بعد مرور ساعتين..
في الصالة تحت....
هالة:اشلون مها خالي؟
سلطان:الحمدلله تسلم عليكم..
خولة:سمعت انها غيرت مكان شغلها..
سلطان:أي والله..راحت مدرسة ثانية..
خولة:ليش؟
سلطان:في وحدة من المدرسات كانت تأذيها وايد..فقررت انها تطلع..اشلونج ياام عبدالعزيز؟
ام عبدالعزيز:الحمدلله..
موزة تنزل..
ام عبدالعزيز:وين اختج؟
موزة:كانت تصلي..
سلطان:خليها على راحتها..عيل وين منيرة؟
هالة:قالت بتيي عقب العشاء..الظاهر عندها شغل..
سلطان:طبعا مديرة مدرسة اكيد بتكون مشغولة..
مريم تنزل تحت وتكتشف ان خالها قاعد ..سوت عمرها ماهي منتبهة..سلمت وهي تمشي مسكها سلطان من يدها..
مريم(لفت صوبه):نعم؟
سلطان:السلام لله..
مريم(من غير نفس):اعتقد اني سلمت..
سلطان:انزين تعالي قعدي..
مريم:مااقدر عندي واجبات..
سلطان:وواجباتج تنحل تحت؟..من متى؟
مريم:جايه اشرب ماي..وبعدين احلها تحت ولا برع..انت شيخصك؟؟
سلطان(عصب):مريوم احترمي نفسج..انت ناسية اني اكبر منج ولا اشلون؟
مريم خافت منه..
ام عبدالعزيز:مريوم صج ماتستحين على وجهج..هذا حجي تقولينه حق خالج؟
مريم(الدموع تجمعت بعينها وقررت الانسحاب من هالجلسة وراحت فوق)
ام عبدالعزيز:ماعليك منها..ياهل..
خولة:يمه مريم اشفيها؟؟..هي شكلها مو طبيعي..في شي صاير بينها وبين خالي؟
ام عبدالعزيز:اختج ياهل..
سلطان:مريم ماهي ياهل..تعرف كل شي..وعقلها يزن بلد ماشاء الله عليها..بس هي شوي متضايقة مني..استأذنكم بروح لها..
ام عبدالعزيز:خذ راحتك ياخوي..
هالة:يمه اشفيها مريم مع خالي؟
ام عبدالعزيز:الله يسلمكم في واحد من طرف خالج متقدم حق اختج..وهي حضرتها ماهي موافقة..
الكل استانس..
خولة:وليش خاشين عنا الخبر؟
ام عبدالعزيز:خالج ماكان يبي حد يدري..
موزة:عيل ليش قلتي لنا؟
ام عبدالعزيز:لأن مريوم مصختها..والريال زين وخالج يمدحه..
هالة:عيل ليش مريم ماهي موافقة؟
فوق في غرفة مريم...
سلطان:والله ماكنت ابي ازعلج..بس هذا واقع يمر في حياة كل بنت..شي طبيعي ان البنت بييها يوم وبتتزوج..صاج ولا غلطان؟
مريم:......
سلطان:مريم..أنا لو ماكنت احبج جان مااهتميت فيج..
مريم:خالي أنا آسفة ..
سلطان:وقبلت أسفج..موافقة؟
مريم:على؟
سلطان:على الزواج..
مريم:لا طبعاً..ماني موافقة..
سلطان:أي عاد ليش؟
مريم:انا ماابي اتزوج..يعني الزواج غصب؟
سلطان:ماهو غصب..بس انت اذا شفتيه بيطير عقلج..واذا قعدتي معاه بترتاحين له..
مريم:لاوالله..
سلطان:من صجي..تراج بتخسرينه..
تحت...
هالة:يمه من ولده؟
ام عبدالعزيز:ماادري..بس خالج يقول واحد ابوه كان يشتغل في الوزارة بس الحين متقاعد..بس شنو يمدح في الريال..تمنيت لها هالريال من كثر مايمدحونه..
وليد يدخل البيت..
وليد:السلام عليكم..
الجميع:وعليكم السلام..
وليد:سيارة خالي برع..عيل هو وينه؟
خولة:فوق عند مريم..
وليد:ايش عندهم؟
ام عبدالعزيز:تعال وليد اقعد عندي..
وليد: خير يمه؟
سلطان ينزل...
هالة:ان شاء الله اقنعتها؟
سلطان:راسها يابس وعنيدة..ليكون طالعة عليج ياام عبدالعزيز..
ام عبدالعزيز:بسم الله علي..ايش قالت؟
سلطان:انا اعرف شسوي فيها..
وليد:اشلونك خالي؟
سلطان:بخير..هالة تعالي شوي ابيج..
وليد:خير يمه شالسالفة؟؟
في المجلس..
سلطان:سمعيني..ابيج تقعدين معاها وتقنعينها بأي طريقة..على الاقل اول الخطوات واتشوف الريال..يمكن غيرت رايها..
هالة:بس خالي بغيت اسألك انتوا ليش مصرين على الريال؟
سلطان:هالريال ذهبه..ومستحيل اخليه يطير من يدنا..يوم رحت أسأل عنه..قالي واحد من الشباب ياليت يي يتقدم حق اختي من زود اخلاقه الطيبة مع الناس..
هالة:معاك حق في هالزمن يالله تحصل واحد زين..ابشر ان شاء الله بتوافق..
الصبح تقوم مريم وتتجهز للجامعة..تنزل تحت تحصل امها واخوها عبدالعزيز قاعدين يتريقون..
مريم:صباح الخير..
الجميع:صباح النور..
مريم(من غير نفس تتريق)
عبدالعزيز:اشفيج؟
مريم:من انا؟
عبدالعزيز:أي..
مريم:مافيني شي..يمه ابي حليب..
ام عبدالعزيز:متى امتحاناتج؟
مريم:اسبوع الجاي..
ام عبدالعزيز:ذاكري عدل يايمه..
مريم:ان شاء الله..
عبدالعزيز:انا بروح اسخن السيارة لين ماتتريقين..يمه تامرين على شي قبل لأطلع؟
ام عبدالعزيز:سلامتك..
عبدالعزيز راح..
مريم:ليش وين زوجته؟
ام عبدالعزيز:ماخذه اجازة اليوم..
مريم:ليش فيها شي؟
ام عبدالعزيز:يقول عبدالعزيز ان ولده سعود عنده موعد ويبون يودونه..
مريم:موعد شنو؟
ام عبدالعزيز:عيون..
مريم:ومشعل ايش بيسوون فيه؟
ام عبدالعزيز:بيظل عند خدامتهم لين مايردون..
مريم:من أمس ماشفت عيالهم اشتقت حق الدانة..
ام عبدالعزيز:لما تردين..روحي ألحين لاتعطلين اخوج..
مريم(تحب امها):مع السلامة..
ام عبدالعزيز:مع السلامة..
ركبت السيارة..وشغل عبدالعزيز اذاعة قطر للقرآن..انتبه لسكوت مريم الغريب..
عبدالعزيز:مريم اشفيج؟
مريم:مافيني..
عبدالعزيز:اشلون مافيج..انت ساكتة..
مريم:عبدالعزيز..
عبدالعزيز:لبيه..
مريم:انت تعرف شي..
عبدالعزيز:شي مثل شنو؟
مريم:يعني امي ماقالت لك شي؟
عبدالعزيز(يبتسم):بخصوص عريس الهنا؟
مريم:اللي هو..
عبدالعزيز:أي قالت لي عنه..وسألت عنه بعد..
مريم:بس انا ماابي اتزوج ياناس..
عبدالعزيز:ليش يامريم؟؟..بعدين انت مب صغيرة..
مريم:انا مااتحجى عن السن..
عبدالعزيز:عيل..شالي يمنع البنت في سنج انها تتزوج؟
مريم:ماادري بس انا خايفة من هالزواج..
عبدالعزيز:ليش؟
مريم:ماادري..
عبدالعزيز:انت استخرتي؟
مريم:تبي الصج؟
عبدالعزيز:أي..
مريم:استخرت..
عبدالعزيز:انزين وشالي حسيتي فيه؟
مريم:حسيت براحة..
عبدالعزيز:عيل ليش انت رافضة؟
مريم:ماادري..
بالجامعة....



عقب المحاضرة..تروح فاطمة الكافتيريا علشان تاكل..تشوفها مريم...
مريم:شتسوين بروحج مني؟
فاطمة:جوعانة..شسوي..تعالي قعدي تغدي معاي..
مريم:ماابي..ماني مشتهية..برد البيت..
فاطمة:ألحين؟
مريم:أي..
فاطمة:ومن بيرجعج؟
مريم:عبدالعزيز..
فاطمة:مو على اساس انه في الدوام؟
مريم:ولده عنده موعد وبيمرني..
فاطمة:انزين خبريني شالي سويتيه علشان موضوعج؟
في البيت ...قاعدة ام عبدالعزيز مع اختها ام يوسف....
ام يوسف:بخير..انت اخبارج واخبار سعود؟
ام عبدالعزيز:الحمدلله..وسعود كل مشغول وياربعه بالاراضي..
ام يوسف:زين يسوي..هذا لمصلحتكم..
يدخل عبدالعزيز مع زوجته أسماء وولده سعود ومريم..ويسلمون على خالتهم...
ام يوسف:اشلونج أسماء واشلون امج؟
اسماء:الحمدلله..تسلم عليكم..
ام عبدالعزيز:ايش قالكم الدكتور؟
عبدالعزيز:نظره ضعيف..
ام عبدالعزيز:صج..تعال حبيبي سعود..
مريم:عن اذنكم رايحة ابدل..
اسماء تقعد...
عقب الغداء في غرفة سلطان...
مها:اشلونها مريم؟
سلطان:ماادري عنها..
مها:ليحين معنده؟
سلطان:غصب عنها بتوافق..
مها:ليش تجبرها ياسلطان؟
سلطان:علشان مرة ثانية ماتعاندني..
مها:بس هذا زواج مو لعبة بينكم..
سلطان:الحين تتوقعين بزوجها واحد عادي..يايبه هالريال عجيب ماشاء الله عليه اخلاق وادب..
على الساعة 2 الظهر..في غرفة مريم يندق الباب...
مريم:تفضل..
ام عبدالعزيز:شيتسوين؟
مريم:ولاشي اقرا كتاب..حياج يالغالية..
ام عبدالعزيز(تقعد على السرير):ها يمه فكرتي بكلام خالج؟
مريم:.....
ام عبدالعزيز:ليش يايمه ماتبين تتزوجين؟؟
مريم:ماافكر بالزواج..
ام عبدالعزيز:بس حرام تفوتين الريال..
مريم:خلي خالي يخشه حق بنته اللي ماجات..
ام عبدالعزيز:ايش هالحجي؟..بعدين تعالي شالي بينج وبين خالج؟
مريم:ماقالج شالي سواه فيني؟
ام عبدالعزيز:لا..
مريم:اخوج العزيز يايمه..واحد من ربعه جاه وقاله ان رفيجه يدور على مرة يبي يتزوج..فقاله خالي انا عندي بنت اختي وجابهم عندنا..وهو يدري اني ماابي اتزوج..بالعمالة سوى هالحركة فيني..
ام عبدالعزيز:زين سوى فيج..لو كل الخوال مثل خالج جان كل البنات تزوجوا..
مريم:يمه!!
ام عبدالعزيز:وانا عند ربي صاجة..انت ايش سويتي فيه؟
مريم:يوم كان معزوم في بيت رفيجه خشيت تليفونه وطلع ونسى تليفونه..
ام عبدالعزيز(قامت):تستاهلين..فكري في الموضوع..وعرفي ان محد راح يجبرج على الزواج..
وسكرت الباب..
في بيت الجد بو سالم ..



بو سالم قاعد مع ام سالم..يدخل عليهم تميم وهو تعبان..تقوم ام سالم..
ام سالم(بخوف):اشفيك يمه؟؟
تميم:ماادري بطني يعورني..
بوسالم(يقوم له):ليش ايش ماكل؟
تميم:ماادري..أحس بألم فظيع..
ام سالم:بروح اجيب لك زعتر تشربه..
سلطان قاعد مع رفيجه عيسى..
عيسى:لوين وصلت سالفة بنت أختك؟
سلطان:عطني مهلة يومين بعد..
عيسى:ليكون البنت ماهي موافقة؟
سلطان:انت اشفيك ماتعرف دلع البنات..
يرن تليفونه...
سلطان:هلا يبه...انا ويا عيسى...اشفيه؟...انزين خلاص انا الحين جاي..في امان الله..
عيسى:ايش صاير؟
سلطان:ماادري بس ابوي يقول ان تميم تعبان شوي ويبيني اوديه الطوارئ..
عيسى:تبيني ايي معاك؟
سلطان:لا ماله داعي..تسلم..
في بيت بوعبدالعزيز...



قاعدة مريم على السرير وهي تفكر بموضوع الزواج..لين ماخذت تليفونها واتصلت...
مريم:السلام عليكم..
أمينة:وعليكم السلام..هلا مريم..
مريم:اشلونج أبلة؟
أمينة:الحمدلله بخير..انت شخبارج؟واخبار الجامعة؟
مريم:كل شي تمام..مشتاقة لج وايد..وياليت اشوفج..
أمينة:والله ياليت زورينا في المدرسة..
مريم:شسوي دوامي من الصبح لين العصر..مايمديني ازوركم..
أمينة:طمنيني أخبار الوالدة والخوات؟
مريم:كلهم بخير..وامي دوم تسأل عنج..
أمينة:أسألت عنها العافية..
مريم:أبلة بغيتج بسالفة..
أمينة:خير مريم..
مريم:أبلة انت مشغولة؟
أمينة:حاليا لا..قولي لي السالفة..
في بيت بوسالم...



تميم راقد على الكنبة...
ام سالم:ماادري هالولد ليش يصير فيه جذي..من يوم وهو صغير يصير فيه جذي..
بوسالم:منعيه من اكل المطاعم..
ام سالم:ليش هو من اكل المطاعم يصير فيه جذي..انت ناسي يوم كنا مسوين عزيمة على ردته من الحج صار فيه نفس الشي..
بوسالم:يمكن حد حاسده..
ام سالم:تهقى جذي؟
بوسالم:اقول يمكن..خلنا نوديه لعند شيخ يقرأ عليه..
في بيت بوعبدالعزيز..في غرفة مريم...
أمينة:حبيبتي مريم..أنت بنت وعمرج ماهو بصغير..وماشاء الله عليج جميلة وعاقلة وتعرفين الصح من الغلط..شالي يمنعج من الزواج؟
مريم:ماادري أبلة..بس احس اني ماني وجه زواج..أخاف اظلم الريال..
أمينة:بإيش تظلمينه؟
مريم:ماادري..ماعندي أي شعور اتجاهه..
أمينة:مريم توقعتج أذكى من جذي..
مريم:ليش؟
أمينة:اشلون بتحسين بشعور اتجاه شخص ماشفتيه؟..ولا كلمتيه؟!!..مو لازم تشوفون بعض وتتكلمون ويابعض..وتشوفون افكار بعض..يمكن يكون في تقبل في الموضوع اكثر من قبل..وعقبه استخيري مرة ثانية وشوفي رب العالمين شالي كاتبه لج..اللي اعرفه عنج يامريم وحدة عاقلة وتعرفين اشياء اكبر من سنج..استغرب من كلامج الحين؟!!
مريم:أحس الدنيا ملخبطة وماني عارفة افكر..
أمينة:اكيد تستحين..
مريم(تضحك):ايش دعوة..
تحت...
ام عبدالعزيز:وين عيالج منيرة؟
منيرة:ويا ابوهم رايحين الملاهي..قولي لي يمه ايش صار على موضوع مريم؟
وليد يدخل البيت..
وليد:يمه اخوج رقدوه في المستشفى..
ام عبدالعزيز(تخرعت):اخوي!!..من؟
وليد:تميم..
ام عبدالعزيز:اشفيه؟
وليد:قالي خالي انه تعبان وركبوا عليه المغذي وقالوا بيرقدونه لين مايسوون له تحاليل وفحوصات..
ام عبدالعزيز:فديته اخوي..ماقالك ايش منه صار له جذي؟
وليد:لا..
ام عبدالعزيز:عيل لاتطلع من البيت علشان تودينا عنده..روح خبر مريم خلها تتزهب علشان تيي ويانا..
فوق.....
مريم:تفضل..
وليد(يفتح الباب):لبسي ونزلي تحت..
مريم:ليش؟
وليد:خالج تميم في المستشفى..
مريم(خافت):اشفيه؟
وليد:تعبان شوي..بس ماعليه شر..لاتخافين..(بغى يسكر الباب)
مريم:وليد..
وليد(وقف):نعم؟
مريم:وليد تعال شوي ابيك..
وليد(قرب):خير؟
مريم:ايش رايك بالموضوع؟
وليد:قصدج موضوعج؟
مريم:أي نعم..
وليد:انت ايش رايج؟
مريم:ماادري ليحين ماقررت..انت ايش رايك؟
وليد:راي من راي خالي..
مريم:يعني موافق؟
وليد:وين بتحصلين احسن من هالريال..
مريم:انت شفته؟
وليد:أي شفته..ياللا قومي لاتأخرين..
في المستشفى...



في قسم الاقامة القصيرة....
ام سالم:زين قمت يمه..قوم اشرب هالعصير..عاصرته بنفسي..
تميم:مشكورة يمه..
سلطان:وين كنت قبل لتطلع؟
تميم:كنت ويا ربعي نلعب كورة ..
سلطان:وماكلتوا شي؟
تميم:تبون الصج..كنت ماكل من المطعم اللي جنب المسجد..
ام سالم:تميم؟؟..انت ياهل؟؟
تميم:السموحة يمه..
سلطان(يضحك):حمدي ربج يمه ان ولدج ضعيف لو كان دب ومع اكل المطاعم مايندرى ايش كان بيصير فيه..
بوسالم:وانت صاج..
ام سالم:وابوك يقول يمكن الولد حاسدينه..
سلطان:على ايش ياحسرة..
تميم:محتر ..
سلطان:روح انزين..من ايش احتر..لاتصدق روحك..هذا كله من اكل المطاعم..ماادري شيتحبون فيهم..
ينفتح الباب..ويدخلون بيت ام عبدالعزيز...ويسلمون على بعض...
مريم:سلامتك والله..ماتشوف شر..
تميم:الشر ماييج..كل من عينج..اسبوع اللي طاف يوم كنت اتعشى حسدتيني عينج حارة..
مريم:لاوالله..قاعد تنكت؟
تميم:من انا؟
مريم:انت تعبان ومحتاج راحة.......(يغمى عليها)
في هاللحظة سلطان فز من مكانه و.....................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-01-2014, 10:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل الثاني**

في هاللحظة سلطان فز من مكانه وراح لها والكل التم حولها وسلطان شالها وقعدها على الكرسي..ووليد راح ينادي الممرضة..وعقب ودوها بغرفه ورقدوها...
سلطان:دكتور شالي صار عليها؟
الدكتور:ماكو شي مجرد ارهاق..سلامتها..عن اذنكم..
يدخلون داخل..يحصلونها نايمة...
ام عبدالعزيز:لوسمحتي بنتي بخير؟
الممرضة:لاتخافي مدام بنتك بخير..الدكتور عطاها ابرة مشان ترتاح..عن ازنكن..
ام سالم:خرعتني البنية..ايش منه صار لها جذي يابنتي؟
ام عبدالعزيز:ماادري يايمه..
ام سالم:بيرقدونها؟
ام عبدالعزيز:ماادري والله..عيل وليد وين راح؟
سلطان:يمكن راح عند الدكتور..
ام عبدالعزيز:ولي سلمك روح شوفه..
سلطان:ان شاء الله..
في بيت بوعبدالعزيز...



هالة وموزة قاعدين مع أسماء مرت اخوهم عبدالعزيز..والياهال يلعبون...
أسماء:هالة ماقلتي لي ان اخت ريلج انخطبت..
هالة:من قصدج؟..شهد؟
أسماء:أي..
هالة:وانت ايش دراج؟
أسماء:ولد خالتي ماخذها..
هالة:صج؟
أسماء:أي..
هالة:وانتوا وين شفتوها؟
أسماء:انا ماشفتها..طلعت رفيجة بنت خالتي في الجامعة..وصار النصيب بينهم..
هالة:الله يهنيهم..
ام عبدالعزيز تدخل البيت ومعاها وليد ويساعد مريم لين ماقعدت على الكرسي..
ام عبدالعزيز(تحط العباية على الكرسي):السلام عليكم..
الجميع:وعليكم السلام..
هالة:يمه مريم اشفيها؟
ام عبدالعزيز:تعبانة..وليد يمه ساعدها وودها دارها..
مريم:ماابي اروح داري ابي اقعد عندكم..
أسماء:ايش صار عليها عمتي؟
وليد:قومي خلني اوصلج غرفتج لأن وراي شغل..
وراحت وياه مريم فوق...
ام عبدالعزيز:اول مادخلنا على تميم وهي تحاجيه الا تطيح علينا..
هالة:الدكتور ايش قالكم؟
ام عبدالعزيز:يقول ارهاق..
اسماء:سلامتها..
هالة:وايش صار على تميم؟
ام عبدالعزيز:الحمدلله احسن وباجر بيرخصونه..
هالة:ايش كان فيه؟
ام عبدالعزيز:متسمم..خلني اروح اسوي حق مريوم شي تاكله..تعالي موزة وياي..
هالة:الظاهر تعب مريم من سالفة الزواج..
أسماء:سالفة زواج!!
هالة:ليش انت ماتدرين؟
أسماء:عن؟
هالة:ان في واحد خطب مريم..
اسماء:أي بلا عبدالعزيز قالي..
هالة:اقول بعد اشلون عايشة وياهم وماتدرين عنهم..
اسماء:تصدقين عاد..
هالة:وماادري متى حضرتها بتوافق..
اسماء:خشوا السالفة عن الناس..ولاتخبرون حد احسن لكم..
هالة:احنا بعد قلنا هالشي..الموضوع بين بيتنا وسلطان..
في المطعم...



قاعد عيسى ويارفيجه محمد...
محمد:ايش صار على رفيجك..مارد عليك؟
عيسى:ليش هو ناوي يرد علي في هالموضوع؟..بيخبرك انت..
محمد:أي بس السالفة طولت..والاهل صاروا يحنون علي يبون يخطبون لي..
عيسى:ليش انت ماخبرت هلك؟
محمد:لا..قلت خلنا نشوف البنت بالاول..وعقب يصير خير..
عيسى:ان شاء الله خير..يمكن هي في فترة امتحانات وينطرونها تخلص..
محمد:خير ان شاء الله..تراني جعت اطلب شي..
عيسى:حاضرين يالمعرس..
باجر..في بيت بوسالم...



سالم:سلامات سلامات..
تميم:الله يسلمك..
ام سالم:سالم يمه اقعد تعشى ويانا..
سالم:لاتعبين روحج يمه..
ام سالم:لايفوتك عشى من النوع اللي تحبه..
تميم:شنو يمه انا جوعان..
ام سالم:انت روح اكل اكل المطاعم..
تميم:يمه انا آسف..
ام سالم:قولي كم مرة قايلة لك اذا اشتهيت شي تعال قولي..
تميم:ماابي اتعبج..
بوسالم:حصل خير..
سلطان ينزل من فوق...
بوسالم:وين رايح؟
سلطان:بروح بيت اختي ام عبدالعزيز..تامروني بشي؟
ام سالم:في حفظ الرحمن..
سالم:سلم عليهم..
سلطان:يوصل..مع السلامة..
في بيت بوعبدالعزيز...



يدخل بدر البيت مع زوجته زينة..
بدر:السلام عليكم..
الجميع:وعليكم السلام..
زينة تسلم عليهم...
بدر:اشلونج يمه؟
ام عبدالعزيز:الحمدلله..وينك صار لك اسبوعين مامبين..
بدر:سمحيلي يمه..
خولة:اشلون ماشفت امي وابوي اسبوعين؟!!..انا اسبوع مااقدر..
زينة:شنسوي تدرون ان جاينا ياهل بالطريق..وكل نتسوق..
بدر(يغير الموضوع):عيل وين مريم؟
هالة:مريم مريضة..وراقدة فوق في دارها..
بدر(مستغرب):مريضة!!..اشفيها؟؟
فوق في غرفة مريم...قاعدة تسولف في التليفون....
مريم:عن المصاخة فطوم..
فاطمة:اقولج مريوم اليوم دخلتي النت؟
مريم:لا..فاطمة ابي اسألج..(يندق الباب)..لحظة شوي..منو؟
بدر:أنا بدر..
مريم:تفضل..فطوم بكلمج عقب..
بدر:السلام عليكم..
مريم:وعليكم السلام..
زينة(تسلم عليها):سلامات ماتشوفين شر..
مريم:الشر ماييج..
بدر:من ايش صار لج جذي؟
مريم:ماادري..يمكن من الجامعة..
زينة:غرفتج حلوة..متى غيرتيها؟
مريم:من زمان..هدية من خواتي..
زينة:يحليلهم..
يرن تليفون مريم..
مريم:مساء النور..الحمدلله بخير..انت اشلونك؟
زينة(تطالع بدر بنظرات)
مريم:اخوي ومرته عندي...حياك في أي وقت..(سكرت)
زينة(عندها فضول):جايينج ضيوف؟
مريم:لا..أخبارك بدر؟
بدر:الحمدلله..متى امتحاناتج؟
مريم:عقب يومين..
بدر:موفقة ان شاء الله..
مريم:ان شاء الله..
شوي وموزة تدخل...
موزة:مريوم خالي سلطان تحت يبي يشوفج..
بدر:احنا نازلين..
زينة:توالناس بدري..
بدر:خلنا ننزل..خالي يبي يشوفها..ياللا سلامتج ماتشوفين شر..
مريم:تسلمون على الزيارة..
تحت...
سلطان:اشلون الامتحانات معاج؟
موزة:زينة..
سلطان:شدي حيلج..
موزة:أفا عليك ياخالي أعلى الدرجات بتشوفها مني..
ام عبدالعزيز:قولي ان شاء الله..
موزة:ان شاء الله..
بدر يدخل المجلس...
بدر:السلام عليكم..
سلطان:وعليكم السلام..
بدر:اشلونك خالي؟
سلطان:بخير..انت كيف حالك؟
بدر:الحمدلله..
سلطان:في حد عندها اروح؟
موزة:حياك..
مريم كانت تفكر..وفجأة قطع حبل افكارها دقة الباب..
مريم:تفضل..
سلطان(يفتح الباب):مساء الورد..
مريم(تبتسم له):مساء الورد..
سلطان(يقعد عندها):اشلونج يالدبة؟
مريم:ألحين صرت دبة..مقبولة منك..الحمدلله..
سلطان:ليكون هالطيحة دلع علشان ماتمتحنين؟
مريم:تخيل عاد..اسويها..
سلطان:ماكنت اعرف ان هالموضوع بيشغل بالج بهالشكل..
مريم:شي طبيعي بيشغلني..
سلطان:اشلون؟
مريم:اول شي انا ماكنت حاطة في بالي اني بتزوج حاليا..وثاني شي..اصرارك على الريال..وحسيت من عيونك انك تبي تزوجني اياه غصب..
سلطان(يضحك):تعتقدين بسويها فيج؟
مريم:ماادري..
سلطان:شوفي يامريم..انت تدرين اني العب معاج بحركاتي وياج..لكن موضوع الزواج كنت جدي صح اني كنت العب معاج لما اعصب..بس تراج زودتيها..
مريم:شسوي شفت في عينك الغضب والاصرار..
سلطان:مااقدر على ابوج..تعتقدين ابوج بخليني اسوي فيج اللي ابيه؟
مريم:فديته ابوي..الله يطول بعمره..
سلطان:متى راد من السفر؟
مريم:يمكن عقب اسبوع..
سلطان:انزين..(قام)..ياللا انا ماشي..
مريم:وين؟
سلطان:برد البيت..عازم حبيبتي على العشاء..
مريم:واحنا؟
سلطان:انت؟..لتزوجتي خليه يوديج..ياللا في امان الله..
مريم:خالي..
سلطان(وقف):خير؟
مريم(نزلت عينها وعقب رفعته):انا موافقة..
سلطان(يسوي عمره مافهم):موافقة على شنو؟
مريم(تدري بحركاته):موافقة انك تطلع اليوم من غيري..
سلطان(ابتسم لها):لاعاد باخذ رايج..باي..
نزل تحت وراح ينادي اخته...وخذاها وراحوا المطبخ...
ام عبدالعزيز:ايش عندك جايبني هني..شالسالفة؟
سلطان:بنتج وافقت على الزواج..
ام عبدالعزيز:صج؟؟
سلطان:أي..بس ها لاتخبرين حد لين مايرجع ريلج ويجون يخطبونها رسمي..
ام عبدالعزيز:ان شاء الله..
سلطان:ياللا في امان الله..
ام عبدالعزيز:تسلم ياخوي..اقعد تعشى ويانا..
سلطان:مااقدر..رايح اتعشى مع حبيبتي..
ام عبدالعزيز:الله يخليها لك..في حفظ الله..
باجر..يتصل سلطان في محمد..ويتواعد معاه في مكان..وهم قاعدين يشربون....
سلطان:محمد لاتزعل لأني تأخرت عليك..بس صدقني كان غصب عني التأخير..صارت شوية ظروف في البيت وانشغلنا..وانا بصراحة يامحمد..ماابي تروح بعيد..أبي تاخذ منا..وين نحصل احسن منك..
محمد:مشكور ياسلطان..ان شاء الله اكون قد هالكلام..
سلطان:انت قدها يامحمد...بس اللي بقى لكم انكم تشوفون بعض..وعقب ربي ييسر لكم اموركم..
محمد:ومتى هلي يقدرون يزورونهم؟
وتبتدي الامتحانات ويشدون حيلهم بالدراسة مريم واختها موزة..وابوهم يرد من السفر..ويخبرونه بالخبر بس ينتظرون تخلص الامتحانات..
في بيت جاسم..بوعلي..



محمد ينزل من داره...ويحصل امه وابوه قاعدين يشربون قهوة...يحب روسهم..
محمد:صبحكم الله بالخير..
الجميع:صبحك الله بالنور والسرور..
ام علي:اجيب لك الريوق؟
محمد:ماني مشتهي..عقب شوي طالع ويالربع وبنتغدى برع..
بوعلي:متى رايحين ياام علي تشوفون البنت؟
ام علي:ان شاء الله اليوم عقب صلاة المغرب..
محمد:ماوصيج يالغالية..ابي مواصفاتها..
ام علي:انت تامر..
نورة تنزل تحت...وتسلم عليهم..
بوعلي:اشلونج نورة؟
نورة:بخير عمي..
ام علي:روحي يمه نورة تريقي..
نورة:ان شاء الله..محمد تبيني اسوي لك شي؟
محمد:اذا ماكلف عليج..ابي حليب..
نورة:لاتكلف علي ولا شي..عن اذنكم..
وهم قاعدين على طاولة الاكل...
محمد:نورة مااوصيج..الليلة تروحين مع امي وخواتي..عاد شوفيها عدل..عقب تعالي قولي لي..
نورة:ان شاء الله..لاتوصي..فالك طيب..اللي تبيه بتحصله..والله يكتب لك اللي فيه الخير..
محمد:آمين..
في بيت بوعبدالعزيز..



في المطبخ..
مريم(خايفة):اقول خولة من موجود؟
خولة:ام المعرس..وأخته ومرت اخوه..وعمته..
مريم:خايفة حدي..شكلي اشلون؟
هالة:تهبلين..ياللا امشي..
في بيت بوسالم....



سلطان:يمه بشرينا..
ام سالم:خير يايمه..ليحين خلهم يروحون يخبرون ولدهم..وان شاء الله يصير بينهم نصيب..
بوسالم:عاجبينج؟
ام سالم:أي والله..ماشاء الله عليهم..لو تزوجته مريم بتحصل لها ام ريل طيبة..
مها:عنده خوات؟
ام سالم:أي عنده خوات..وحده متزوجة والثانية في المدرسة..بس بنت خالة الريال عايشه معاهم في البيت..
سلطان:ليش؟
ام سالم:تقول ان امها وابوها توفوا وبنتهم جات عندهم..
مها:ايش كبرها عمتي؟
ام سالم:صغيرة البنت..في الثانوية..كبر اخته..
في بيت بوعبدالعزيز...



يرن تليفون البيت...وعقب.......
خولة:من يمه؟
ام عبدالعزيز(تبتسم):هذا خالج..يقول ان الريال متصل فيه يبي رقم ابوج..
منيرة:بالمبارك يامريم..
مريم:ليحين ماصار شي..
ام عبدالعزيز:خلاص بتتزوجين ان شاء الله..
مريم تروح غرفتها..تبدل ملابسها..يرن تليفونها...
مريم:هلا بالخال..
سلطان:مبروك..
مريم:الله يبارك فيك..
سلطان:اشلون تحسين؟؟
مريم:ماادري..خالي انا تعبانة وابي انام..تسمح لي..
سلطان:اسمح لج..تصبحين على خير..
في السيارة...
عيسى:ايش عليك ياريال بتتزوج..
محمد:الحمدلله..عقبالك ان شاء الله..
عيسى:ومتى الملجة؟
محمد:بكرة العصر ان شاء الله..
عيسى:شفتها؟
محمد:طبعا بالرؤية الشرعية..
عيسى:ومرتاح؟
محمد:أي مرتاح..
عيسى:الله يسعدك دنيا وآخرة..
محمد:آمين..وانت متى زواجك ان شاء الله؟
عيسى:انطر بنت العم تخلص جامعتها..
محمد:ومتى بتخلص؟
عيسى:عقب كرس..
محمد:على خير ان شاء الله..
وقفت السيارة..
محمد:ماتنسى باجر موعد الملجة..
عيسى:اكيد ماراح انسى..تصبح على خير..
محمد(ينزل):وانت من هله..
يدخل البيت..يحصل اخته العنود وبنت خالته نورة يطالعون تلفزيون...
محمد:مساء الخير..
الجميع:مساء الخير..
محمد:شيتطالعون؟
العنود:فيلم مصري كوميدي..لايفوتك..
محمد:خله يفوتني..وشلي بهالاشياء..
العنود:الله يهدينا ونترك هالافلام..
محمد:امي وابوي راقدين؟
العنود:اي راقدين..بتنام؟
محمد:اي..وراي دوام من الصبح..الا ماقلتوا لي طلعت نتايجكم؟
نورة(تطالع العنود ويضحكون)
محمد:اشفيكم؟
نورة:اليوم سألتنا هالسؤال عشر مرات..
محمد:صج..مانتبهت..ياللا تصبحون على خير..
في السماء السودة وبهالظلام وبأشعة القمر محمد واقف عند الدريشة يفكر بالمستقبل..اشلون بتكون حياته مع مريم؟؟
على الساعة 4 العصر..تم عقد القرآن..وقعدوا مع بعض يسولفون..وكانوا لايقين على بعض بأحاديثهم..صارت اهتماماتهم وحدة..وبدء الحب ينمو بينهم..لين ماجى يوم الخميس على الساعة 7 ..
تدخل مريم المجلس ومعاها العصير والكيك...
مريم:تفضل..
محمد:تسلمين..
مريم:ترى الكيك انا سويته..
محمد(ياكل):امم..لذيذ..تسلم الايادي..
مريم:الله يسلمك..
محمد:ماقلتي متى العرس؟
مريم:في الصيف ان شاء الله..
محمد:مو جنه متأخر وايد..
مريم:أدري..بس شسوي عقب يومين بيبتدي دوام الجامعة..وماراح ألحق ازهب عمري للعرس..
محمد:على راحتج..بس بقعد اعد الايام على احر من الجمر..
مريم(استحت):اقول محمد..
محمد:لبيه..
مريم:بغيت أسألك عن بنت خالتك..
محمد:تقصدين نورة؟
مريم:أي نورة..
محمد:اشفيها؟
مريم:اشلون هي ساكنة عندكم؟..اسمحلي بهالسؤال..
محمد:لا عادي..من حقج تسألين..نورة ياعمري قصتها وايد تحزن..امها وابوها توفوا..
مريم:اشلون؟؟
محمد:بالاول ابوها توفى جاته جلطة بالدماغ لأنه خسر فلوسه بالاسهم..وامها جات تعيش عندنا مع بنتها..تمت معاها لين ماصار عمر نورة 13 سنة..هني خالتي مرضت بمرض الخبيث وتوفت الله يرحمها..ونورة كانت بصدمة قوية..تمت بالحزن فترة..لين الحمدلله تحسنت حالتها..والحين هي عايشة عندنا..ماعندها حد..
مريم:عورت قلبي عليها..
محمد:فعلا تكسر الخاطر..
مريم:الله يعينها..هي كم عمرها الحين؟
محمد:اعتقد 17 سنة..(قام)
مريم:وين؟
محمد:رايح عندي شغل..
مريم:وين؟
محمد:رايح بيت عمي..عازمينا على العشاء..مو قايلج انا؟
مريم:بلا..انزين لحظة لاتروح..بجيب شي..
محمد:بانتظرج برع في الحوش..
يوقف محمد عند الزرع ويتأمل بهالخضرة الحلوة...لين....
مريم:تفضل..
محمد(يلف صوبها):شنو هذا؟
مريم:انت خذه بالاول..
محمد(خذاه):شنو هذا؟
مريم:لرديت البيت..وبغيت تنام فتحه..بس قبل لا..
محمد:ايش دعوة بانتظر كل هذا؟
مريم:مابقى شي على وقت النوم كلها خمس ست ساعات..
محمد:لاحبيبتي انت ماتعرفين عيال عمي حق السهر شطار..
مريم(تبتسم له):مالي خص تسوي باللي قلت لك عليه..
محمد:ان شاء الله طلباتج اوامر يالغالية..
في البيت....
موزة:حبيب القلب راح؟
مريم(تقط المخدة عليها):عن الحجي اللي ماله داعي..
ام عبدالعزيز:ليش ماتم لين العشاء؟
مريم:يقول معزوم بيت عمه..
خولة:ومتى العرس؟
مريم:في الصيف ان شاء الله..
ام عبدالعزيز:متأخر وايد..
مريم:شسوي علشان الجامعة..
منيرة:وايشقد بقى لج؟
مريم:سنة..
الخدامة:ماما..بابا سلطان في المجلس..
ام عبدالعزيز:ياللا بنات قوموا سلموا على خالكم..
في المجلس...
مريم:يمه انا ابي اسافر دبي والاحساء..ابي اتسوق للعرس..
ام عبدالعزيز:دوري حد يي معاج..
مريم:ابوي..
ام عبدالعزيز:ابوج مسافر عقب اسبوع ماليزيا..
مريم:خله يودينا معاه..
ام عبدالعزيز:والجامعة؟
مريم:قلعتها..
سلطان:روحي مع عبدالعزيز وزوجته وعياله..
مريم:بس الجامعة بتبتدي عقب يومين..
سلطان:مايخالف لو غبتي اسبوع مايأثر..روحي تسوقي استغلي الوقت..عقب بتدخلين فترة الامتحانات وماتقدرين..
خولة:خالي معاه حق..
عبدالعزيز(يدخل ويسلم):يمه أنا طالع أودي أم سعود بيت أهلها تامرين على شي؟
سلطان:أنا أبيك..
عبدالعزيز:خير؟
سلطان:ايش رايك تسافر مع أختك؟
عبدالعزيز:وين؟
في بيت بوسالم....



ام سالم قاعدة مع مرت سلطان يسولفون...
مها:عمتي بقولج شي بس لاتقولينه حق حد..
ام سالم:خير يابنيتي؟
مها:انا حامل في بنت..
ام سالم:بالمبارك..ان شاء الله تتربى بعزكم..
مها:يارب..بس هذا سر بيني وبينج..حتى سلطان ماخبرته..
ام سالم:ليش؟
مها:بغيت اخبره قالي لاتقولين..يحب المفاجآت..
ام سالم:يحليله..
مها:عمي متى راد؟
ام سالم:يمكن عقب ساعة..قومي يمه خلنا نزهب العشاء الحين العيال واصلين..
مها:ياللا..
تميم ينزل وهو لابس...
تميم:مساء الورد ياأحلى أم بهالدنيا..
ام سالم:مساء الخير..ايش عندك لابس وكاشخ..ليكون طالع؟
تميم(يضحك):ادري ايش بتقولين..
ام سالم:وين رايح؟
تميم:طالع مع الربع..
ام سالم:عشاء طبعاً..
تميم:ماادري..
ام سالم:اذا تعشيت لاترد البيت..
تميم:يمه اشلون قلبج يطاوعج تقولين لي هالحجي؟
ام سالم:شسوي فيك..ماتسمع الكلام..
تميم:الربع عازميني مااقدر ماتعشى معاهم..
ام سالم:بس تقدر تعور قلبي كل مامرضت..
تميم:عطيني حل يرضيج..
ام سالم:كل واحد يسوي عزيمته في بيته..احسن لكم..ولما يي دورك بسوي لك أحلى اكل ..ينسيكم اكل المطاعم..
تميم:خوش فكرة..والله طلعتي مب هينة ياام سالم..الله يطول بعمرج..
ام سالم:قص علي بجم كلمة..روح لاتأخر على ربعك..
تميم(يحب راسها):ماقلت الا الصج..تسلمين يالغالية..(وطلع)
ام سالم:ماادري متى بيتزوج هالولد؟
مها:خليه على راحته..الظاهر يحب يعيش حياة العزوبية وايد..
ام سالم:الله يسعده دوم..
في بيت بوعلي....



نورة تقرب من خالتها...
نورة:خالتي..
ام علي:خير نورة؟
نورة:بغيت اروح الجمعية..
ام علي:الحين؟
نورة:أي وقت..
ام علي:الحين حمد بيي مع زوجته..خله يوديج مع العنود..
نورة:مشكورة خالتي..
ام علي:نورة حبيبتي لاتحطين شي بخاطرج..اللي تبينه قوليه..
نورة:ان شاء الله..
ام علي:عيل وين العنود؟
نورة:بدارها..
ام علي:شتسوي؟
نورة:تسولف بالتليفون مع رفيجتها..
ام علي:ماتشبع سوالف..تعالي قعدي معاي..
نورة(قعدت عندها):اقول خالتي..طابخين عشاء؟
ام علي:ماادري والله..مامريت على الخدامة..
نورة:اذا ماطابخه ابي اسوي العشاء..
ام علي:ماشاء الله عليج..ياليت العنود تتعلم منج..
نورة:بتتعلم ان شاء الله..عيل انا رايحة اشوف الخدامة..
ام علي:انا جايه معاج..
محمد يدخل البيت...
محمد:ان شاء الله ليش لا...اقولج...متى موعد اسنانج؟....ليش؟...واشفيها؟...انا الحين صرت ريلج....انزين انا بحاجيه...ياللا عاد...شنو من صجج..مايخصني ريلي على ريلج...اتغشمر معاج..انا بعد عندي موعد..
مريم(استغربت):موعد!!..موعد شنو؟؟
محمد(ارتبك):ولاشي موعد مع الربع..
مريم:انزين ياللا انا بسكر لأن ابي انام..
محمد:بدري..
مريم:شسوي قمت اليوم مبجر..وفيني ارقاد..تصبح على خير..
محمد:وانت من هله..
ام علي:قوة..
محمد:الله يقويج..
ام علي:من كنت تحاجي؟
محمد:مريم..
ام علي:اشلونها؟
محمد:بخير..
ام علي:قوم بدل هدومك الحين علي بيي وابوك بيرد نبي نتعشى..ترى نورة هي اللي طابخة..
محمد:صج..ياسلام..وينها بنتج تتعلم منها شوي..
ام علي:روح لها واسحب فيشة التليفون..
محمد:من عيوني..
في بيت فاطمة....



فاطمة:اقول راشد..
راشد:قولي..
فاطمة:ماقررت متى العرس؟
راشد:ليحين..ليش تسألين؟
فاطمة:شنو بعد ليش أسأل..ابي اتزهب حق عرسك..
راشد:هذا اذا تزوجنا..لاتعبين روحج..


*ملحوظة:
إذا وجدت صور مطاعم أو محلات في الرواية فهذا لايعني أنني أقوم بالدعاية لهم..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-01-2014, 10:36 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل الثالث**


في بيت فاطمة....
فاطمة:اقول راشد..
راشد:قولي..
فاطمة:ماقررت متى العرس؟
راشد:ليحين..ليش تسألين؟
فاطمة:شنو بعد ليش أسأل..ابي اتزهب حق عرسك..
راشد:هذا اذا تزوجنا..لاتعبين روحج..
فاطمة(استغربت):ليش؟..في شي صاير؟
راشد:ماادري ليش مب مرتاح وياها..
فاطمة:اشلون مب مرتاح وياها؟
راشد:مب هي اللي تمنيتها..
فاطمة:أي بس هذا اختيارك..وانت استخرت..
راشد:ادري..بس عقب الملجة احس اهتمامتها غير عني..وسوالفها غير..
فاطمة:عادي..مع مرور الايام في اشياء بتتغير في حياتكم..
راشد:انا استخرت اني اطلقها..
فاطمة(منصدمة):استخرت!!..وشنو صار؟
راشد:ليحين ماقررت..
فاطمة:تسمحلي بسؤال؟
راشد:سألي..
فاطمة:ليش حسيت إنها غير عنك..شالي تقوله مثلا؟
راشد:تبين الصج..
فاطمة:اكيد ابي الصج..
راشد:هي تبي طلعني من البيت..وتبينا نعيش بروحنا..
فاطمة(فجت عيونها)
راشد:بس انا ماوافقت..وهي زعلت..وبدت المشاكل بينا..
فاطمة:اسمعني ياراشد..اذا انت تحب زوجتك وتبيها وهذا السبب اللي موقف حياتكم..فخلك على رغبتها..ومالك خص فينا..
راشد:اشلون مالي خص فيكم..اخليج انت وامي بروحكم..لا حبيبتي..مستحيل اسوي هالشي..
في الانتظار..في المستشفى....الساعة 10 ونص الصبح...محمد يقرب من عيسى....
عيسى:هاا خلصت؟
محمد:أي خلصت..بس خلني آخذ دواي من الصيدلية..
عيسى:ياللا نمشي..
وهم في السيارة....
عيسى:لي متى بتظل رايح راد لعند الدكتور..
محمد:بس الحمدلله الدكتور قالي حالتك تحسنت..
عيسى:محمد..انت لازم تهتم بصحتك..انت على زواج..الا ماقلت لي متى العرس؟
محمد:في الصيف ان شاء الله..
العصر..في بيت بوعبدالعزيز..



مريم تدخل البيت تحصل امها وابوها قاعدين يشربون شاي وقهوة...
مريم:السلام عليكم..
الجميع:وعليكم السلام..
بوعبدالعزيز:اشلون الدوام معاج؟
مريم:ماشي..زين..(تقعد)..ابي قهوة..
ام عبدالعزيز:تغديتي؟
مريم:لا..
ام عبدالعزيز:قومي بدلي هدومج وتعالي تغدي..
مريم:شنو الغداء؟
بوعبدالعزيز:مأكولات بحرية..من اللي تحبينه..
مريم(قامت):ياللا الحين جايه..
بوعبدالعزيز:اشلونها مع خطيبها؟
ام عبدالعزيز:الحمدلله..قد ماهي كانت رافضته في البداية..قد ماهي مستانسة معاه..
بوعبدالعزيز:الحمدلله..
في غرفة مريم...يرن تليفونها...
مريم:السلام عليكم..
محمد:وعليكم السلام..اخبارج؟
مريم:الحمدلله..انت شاخبارك؟
محمد:وايد زين..قولي لي ليش مارديتي علي..كم مرة اتصلت فيج ماتردين..
مريم:كنت في المحاضرة..ونسيت تليفوني على الصامت..من تو اشوف التليفون يضوي..من حضك شفته..
محمد:ايش قاعدة تسوين؟
مريم:كنت افصخ ساعتي..
محمد:تغديتي؟
مريم:لا..
محمد:روحي تغدي وعقب بكلمج..
مريم:ان شاء الله..
محمد:سلمي على الوالد والوالدة..
مريم:يوصل..
تحت...
وليد:يمه انا ميت من الجوع..
ام عبدالعزيز:قوم روح بدل..والغداء بيكون زاهب..
بوعبدالعزيز:اقول وليد..
وليد:لبيه يبه..
بوعبدالعزيز:ايش صار على شغلك؟
وليد:رحت قدمت اوراقي على جريدة..وقالوا بيردون علي عقب يومين..
ام عبدالعزيز:الله يوفقك يايمه..
بوعبدالعزيز:بس ها دير بالك على دراستك..
وليد(قام):ان شاء الله..عن اذنكم..
ام عبدالعزيز:ليش تخليه يشتغل وهو يدرس؟
بوعبدالعزيز:خله يعتمد على نفسه..وانا بساعده..بس هو لازم يتعلم يعتمد على نفسه علشان يقدر يساعد نفسه ولاتنسين بكرة بيتزوج..فلازم يقدر يدبر مستقبله من الحين..وبعدين ياخذ خبرة من الشغل..
ام عبدالعزيز:ياليت لو بدر مثله..
بوعبدالعزيز:ادعي له بالهداية..
مريم:الخدامة زهبت الغداء؟
ام عبدالعزيز:أي يمه..واخوج معاج..
على طاولة الاكل....
وليد:اقول يمه..ولدج بدر وينه مامبين خير شر..شنو مسافر؟
ام عبدالعزيز:ماادري عنه..صار له اسبوعين مانشوفه..
مريم:ماادري زوجته شمسويه فيه..
بوعبدالعزيز(قام):انا طالع..تبين شي؟
ام عبدالعزيز:سلامتك..بس لاتنسى ترد بدري علشان نروح بيت ابوي..
بوعبدالعزيز:ان شاء الله..
مريم:انا لو مكان بدر جان صطرت زوجته..
وليد(يضحك):الله يخليج..بتسوينها..
مريم:باطه جبدي..قد ماتودي بدر بيت ابوها مايوون عندنا..وليد ان قررت تتزوج لاتختار وحده مثلها الله يخليك..
وليد:انا تعلمت خلاص..على ذوق الوالدة ان شاء الله..
ام عبدالعزيز:انت بس قرر وانا على طول بختار لك زينة البنات..
مريم:عبدالعزيز توفق في زواجه لأن امي كانت راضيه عليه وعلى زوجته..
وليد:حتى بدر امي كانت راضيه على زوجته..
مريم:بس انغشينا فيها الله يغربل ابليسها..فرقت بينا..لكن الله بيوريها..
ام عبدالعزيز:الله يهديها..اخبار محمد؟
مريم:بخير..يسلم عليكم..
ام عبدالعزيز:الله يسلمه..امه اليوم الصبح كلمتني..
مريم:وايش بغت؟
ام عبدالعزيز:ماكو بس تسأل عنا..
وليد:فيهم الخير..تراهم خوش ناس..
مريم:يمه ابوي متى مسافر؟
ام عبدالعزيز:الليلة..على الساعة 2..
مريم:ومتى بيرد؟
ام عبدالعزيز:ماادري..لرد سأليه..
مريم:انت بتوصله المطار؟
وليد:ياانا ياعبدالعزيز..واحد فينا..
مريم:عيل يمه متى بسافر الاحساء او دبي؟
وليد:ايش عندج؟
مريم:ابي اتزهب للعرس..
وليد:وانتوا هذا حالكم يالبنات..
مريم:واشفيها؟؟..مارديتي علي يمه..حتى عبدالعزيز قال مايقدر علشان دوامه..
ام عبدالعزيز:اصلا الحين ماتقدرين على السفر علشان الجامعة..
مريم:بس جذي بتأخر في التزهيبة..
وليد:تزهبي هني..واشفيها محلاتنا؟؟
مريم:مافيها شي..بس خاطري اشتري من هناك..
وليد:مريم مانبي اسراف..
مريم:حرام عليك..ماحصلت غيري تقولها هالكلام..انا بس في خاطري اتشرى من هناك..
ام عبدالعزيز:انت الحين اشتري من هني اللي تبينه واذا في وقت بنوديج..
وتمر الايام والاسابيع..وتنشغل مريم بالدراسة..ومحمد يحاول يرتب امور بيته علشان مابقى شي للزواج..
يوم الأثنين..
في بيت بوعلي....



ام علي:حمد يمه بغيتك تيي توديني الخياط....الدريول محد طالع...ليش انت مشغول؟...محمد هم طالع...خلاص بشوف فهد..مع السلامة..
العنود:ايش قالج؟
ام علي:يقول مشغول..باتصل في فهد....آلو..السلام عليكم..
فهد:وعليكم السلام..هلا بهالصوت الحلو..
ام علي:هلا والله بوليدي..اشلونك يالمعرس؟
فهد:بخير..انت اخبارج يالغالية؟
ام علي:الحمدلله..وينك فيه؟
فهد:انا في البيت..
ام علي:انزين قوم وصلني الخياط..
فهد:من عيوني..انت تامرين..كم جدة عندي انا؟
ام علي:انزين قوم..لاتأخر علينا..
فهد:ان شاء الله..
في هالاثناء..في بيت بوعبدالعزيز...
عبدالعزيز:بعد خلاص توبة ماني موديكم السوق..حرام عليكم..تقطعت ريولي..
وليد(يضحك):انا قلت لك..
عبدالعزيز:بس مب لهالدرجة..
مريم:الله يسامحكم..
هالة:تعالي يمه شوفي الذهب اللي شرته مريوم..
يرن تليفون مريم..تروح بعيد...
مريم:هلا مساء الورد...توني رادة من السوق..اي شريت بعض الاغراض....لا وين خلصت.....من زمان ماشفتك....بعد عمري....شسوي انا بروحي تعبانة من الامتحانات.....آمين الله يسمع منك...ايش عندك؟.....ضروري؟.....خلاص بطرش وليد ولا عبدالعزيز ياخذون منك الغرض.....بس شكلي مب مرتب....لابسه العباية والشيلة...يعني شنو تبي تشوفني بشكلي هذا..ولابعد من غير تغيير....عيل انطر برع وايد....انت من صجك؟؟...على راحتك..
خولة:وشوفي هذا بعد..
ام عبدالعزيز:بكم شارينه؟
خولة:المتر ب 730 ريال..بس يليق عليج وايد..
ام عبدالعزيز:ومتى بيفصلونه لي؟
عبدالعزيز:اسماء خلنا نروح غرفتنا تراني تعبان..
ام عبدالعزيز:وين رايحة؟
مريم:محمد عند الباب..يبي يعطيني شي وبيروح..(راحت)
ام عبدالعزيز:وليد يمه خلك واقف عند الباب..
عند الباب..من فتحت الباب مريم محمد دخل وشافها..وقعد يناظرها ثواني...
مريم:اشفيك تطالعني جذي؟
محمد:شكلج وانت عادية حلوة..تصدقين؟
مريم(استحت):شالي بغيت تعطيني اياه؟
محمد:يعني مااقدر اقولج كلمتين على راحتي؟
مريم:ياللا عاد تعبانة وايد من السوق..
محمد:مريوم انت ماتاكلين عدل؟
مريم:ليش؟
محمد:ضعفانة ووجهج اصفر..
مريم:في الليل مايبين لوني عدل..
محمد:انزين باجر انا عازمج على العشاء..
مريم:ان شاء الله..بس لهلي وافقوا بعدين اعزم..
محمد:زوجتي واشفيها لو آخذج ونطير للسماء محد يقدر يقولي شي..
مريم(انتبهت شي):محمد اشفيه صبعك؟
محمد:صبعي؟..اي انجرحت بالسكين..
مريم:ايش كنت بتسوي؟
محمد:كنت بقطع تفاحة..
مريم:مرة ثانية دير بالك على نفسك..
محمد:ان شاء الله..(يمد يده)..هاج..ماتفتحينه لين ماتنوين تنامين..وبروحج..
مريم:ان شاء الله..
محمد:ياللا بخليج تروحين لأني تعبت اخوج واقف ينطرج..تصبحين على خير..
مريم:وانت من هله..
تدخل داخل...
ام عبدالعزيز:ايش كان يبي محمد؟
مريم:ولاشي..(تاخذ اغراضها)..عن اذنكم رايحة انام..تصبحون على خير..
الجميع:وانت من هله..
في الغرفة...على طول تغير ملابسها..وتفرش اسنانها..وتقعد على السرير..وتفتح الخريطة...تشم منها ريحة حلوة..تحصل ورقة مكتوب فيها ...هلا بالغلا كله..اول شي خذي الشمعة واضويها نور..ادري ان نورج يكفي بس اضويها..شافت الولاعة مع الشمعة وضوتها وحطتها على الطاولة..وعقب حصلت رسالة..فتحتها....
احبج..عسى الله يوفقنا وييسر زواجنا ولايحرمنا من بعض..بتحصلين في الخريطة وردة شميها..تراها اهداء من زوج عشقان لزوجته الحبيبة..هاا ايش رايج؟؟
والحين دخلي يدج في الخريطة مرة ثانية..بتحصلين علبه..
مدت يدها..وفتحت العلبة..شافت قلادة ذهب ناعمة..وكملت الرسالة..
اتمنى الهدية تعجبج..
مع خالص حبي...
محمد..
على طول لبست القلادة..ومسكت جوالها...
على البحر...
محمد يسمع رنة مسج..يفتح تليفونه...
تعيش وتسلم لقلب على كف الغلا شايلك واقول الله ثم الله لايحرمني من وصالك..(ابتسم)
عيسى:اكيد الحبايب..
محمد:عندك مسج حلو؟
في غرفة مريم...حطت راسها وبغت تنام تسمع رنة المسج...
يااغلى من كل غالي يامن ساكن في خيالي لو فرقتنا المسافة تبقى والله في بالي..
مع مرور جم يوم في حياة الكل..في يوم الاحد...على الساعة 3 العصر...
تصير فوضى كبيرة في بيت بوعبدالعزيز..والكل متوتر وفي حالة خوف...الاسعاف يطلع من البيت وسيارة البيت تلاحق الاسعاف لين مادخلوا المستشفى كلهم ودخل الدكتور..وهم بإنتظاره....
منيرة:يمه هدي بالج ان شاء الله ماعليه شر..
ام عبدالعزيز(الدموع تنزل):.......
عقب نص ساعة من الالم والحزن والدموع...الدكتور يطلع...الكل يلتم....
بوعبدالعزيز:دكتور طمني..
الدكتور:والده؟
بوعبدالعزيز:أي نعم..خير؟
الدكتور:حالته صعبه وايد..ومحتاج يكون تحت الملاحظة لمدة 24 ساعة..
عبدالعزيز:دكتور نبي نشوفه..
الدكتور:الحين لا..لأن حالته مب مستقرة..والزيارة ممنوعة..ياليت تردون البيت وعقب تعالوا علشان تطمنون عليه..قعدتكم مامنها فايدة..عن اذنكم..
ام عبدالعزيز:سعود انا ماني طالعة لين مااشوف ولدي..ماني طالعة..
عبدالعزيز:انا رايح للدكتور..
ام عبدالعزيز:دخيلك يمه قوله يخليني اشوف ولدي..
بوعبدالعزيز:خذني معاك..
مريم(تبجي)
خولة:هدي شوي يامريم..ان شاء الله ماعليه شر..
مريم:خايفة وايد..قلبي مقبوض عليه..
هالة:ادعوا له بالشفاء..
في مكتب الدكتور....
عبدالعزيز:دكتور الله يخليك طمنا..خبرنا عن حالته بالتفصيل..انا اخوه وهذا ابوه من حقنا نعرف كل شي عنه..
الدكتور:بصراحة مااخش عليكم حالة وليد غير مستقرة..قلبه ضعيف وايد وصعب يتحمل..ويمكن مايقدر يعيش وايد..
عبدالعزيز ناظر ابوه وعلامات الصدمة بوجيهم..
بوعبدالعزيز:دكتور يعني ماكو علاج لحالة ولدي؟
الدكتور:زراعة قلب..
بوعبدالعزيز حس بخيبة امل..زراعة قلب بس من وين؟؟
عبدالعزيز:دكتور نقدر نسفره برع؟
الدكتور:اذا في قلب بديل ليش لا..لكن اذا مافي قلب بديل للأحسن يتم بين أهله..
بوعبدالعزيز:يعني ولدي بيتم على هالاجهزة لين....
الدكتور:الاعمار بيد الله..ماتدري يابوليد يمكن حالته تتحسن في يوم ليلة..كل شي بيد رب العالمين..ودعواتكم له بالشفاء العاجل..
عبدالعزيز:انزين دكتور اذا كنا نبي نعرف اذا في قلب بديل ولا لا؟
الدكتور:انا راح ارسل تقرير عن حالة وليد وبنشوف..وبرد عليكم..بس الحين ردوا البيت واذا في شي جديد راح اتصل فيكم..بس عطوني رقم تليفونكم..
صوب العناية..الكل واقف وفي حالة توتر وخوف....
منيرة:هالة..اتصلي في بدر خله يي..
خولة(تشوفهم جايين):هذا ابوي وعبدالعزيز..
الكل يلتم حولهم....
مريم(والدموع بعينها):طمنونا عليه؟
عبدالعزيز يناظر ابوه...
ام عبدالعزيز:سعود الولد اشفيه؟؟
عبدالعزيز:تطمنوا وليد بخير..بس حاليا محد يقدر يشوفه..في الليل بنيي..
ام عبدالعزيز:سعود اشفيك ساكت؟..ولدي فيه شي؟
بوعبدالعزيز:لا..ولدج بخير ان شاء الله..قوموا خلنا نرد البيت..
والكل طلع من المستشفى وباله عند وليد..على أمل أن حالته تتحسن...
في البيت...الكل قاعد مكانه ومتوتر وخايف على وليد...مريم انسحبت من الجلسة وراحت غرفة وليد..فتحت الباب..حست بنسمة هواء شافت الدريشة مفتوحة والستاير تطير من الهواء..وريحة غرفته بدهن العود اللي متعود يستخدمه وين مايطلع..قربت لين ماوصلت مكتبه..حصلت فيه وايد اوراق وكتب..واقلام طايحة..ورسومات شبابية على الورق..دموعها نزلت مجرد انها تذكرت شريط حياة وليد بذاكرتها..وتمنت انه يعيش..لحظات وتدخل هالة الغرفة ومعاها تليفون مريم...
هالة:مريم ردي على ريلج..كم مرة متصل عليج..
مريم خذت التليفون بهدوء..وتسكر من نفسه..هالة طلعت من الغرفة ماهي قادرة تقول لأختها شي لأنها هي بعد تعبانة وتحاتي اخوها..هدتها وراحت..رن التليفون مرة ثانية.....
محمد:السلام عليكم..
مريم(بصوت مبحوح):وعليكم السلام..
محمد(استغرب صوتها):مريم انت مريضة؟
مريم(بحزن):لا..انا تعبانة يامحمد..تعبانة وايد..(قعدت تبجي)
محمد(استغرب وماهو عارف شالسالفة):مريم اشفيج؟؟شالي صاير؟؟اشفيج تعبانة؟؟
مريم:.......
محمد:هدي بالاول..يامريم سمعيني هدي بالج شوي..خذي نفس عميق(مريم كانت تسوي باللي يقولها اياه محمد)..خذي نفس عميق يامريم..ايوه هدي بعد شوي..اوكي..الحين قولي لي..شالسالفة؟
مريم:وليد بين الحياة والموت..
محمد:وليد!!..ايش صار عليه؟؟
في هالوقت في بيت بوسالم...



تميم يدخل البيت...
تميم:يمه وين سلطان؟
ام سالم:في غرفته..ليش؟
تميم:ماكو بس بغيته في سالفة..عن اذنج..
خذ تليفونه واتصل عليه..
تميم:سلطان اطلع شوي ابيك في سالفة ضرورية..
عقب ثواني في الصالة فوق...
سلطان:خير؟
تميم(بحزن):وليد ولد اختك..
سلطان(في هاللحظة جاه شعور غريب)
تميم:بين الحياة والموت..
سلطان:من اللي خبراك؟
تميم:عبدالعزيز..
سلطان(قام):خلنا نروح..
تميم:بس الزيارة ممنوعة..
سلطان:مايخالف احنا بنروح له..انطرني..
تميم:ان شاء الله..
عبدالعزيز رجع للمستشفى مرة ثانية..وتم ينتظر خبر يفرحه ويفرح هله..رفع راسه حصل....
محمد:السلام عليكم..
عبدالعزيز:وعليكم السلام..
محمد:شالاخبار؟
عبدالعزيز(بحزن):ماكو شي جديد..
محمد:الله يقومه بالسلامة..
عبدالعزيز:ادعي له يامحمد..انت واحد طيب وقلبك نظيف من هالدنيا..ومدين وربي يستجيب دعائك..
محمد:ان شاء الله..وانتوا بعد لازم تدعون له..كلنا نفس الشي..(وقعد)
وعقب خمس دقايق...
سلطان:عبدالعزيز طمني على وليد؟
عبدالعزيز:ليحين مافي شي جديد..
سلطان:ولي متى بننتظر؟
عبدالعزيز:ماادري ياخالي..انا تعبان..خايف عليه وايد..شكله كان غريب..قلنا هذا ميت..
تميم:الله يشافيه ان شاء الله..
سلطان:انزين مايصير نسفره؟
عبدالعزيز:قلت لهم..قالوا لي اذا حصلت له قلب بديل يقدر يطلع..
سلطان:واذا ماحصلنا يروح منا الريال؟
عبدالعزيز:ماادري ياخالي ماادري..
سلطان:وين مكتب الدكتور؟
عبدالعزيز:خلنا نروح جميع..
وراحوا لعند الدكتور...
الدكتور:انا بعثت التقرير لكن محد رد علي..خلنا ننتظر بعد شوي..
سلطان:لي متى لين ماتسوء حالته.؟
الدكتور:لا ان شاء الله..وليد راح يكون بخير..
الكل في حالة صمت وتفكير في اللي راح يصير في الساعات الجاية....
مريم من كثر التعب والبجي..تنام على سريره..تدخل موزة تحصلها نايمة..تهدها وتنزل تحت...
ام عبدالعزيز:وين اختج؟
موزة:نايمة في غرفة وليد..
منيرة:خليج يمه انا بروح لها..
راحت منيرة شافتها راقدة وباين التعب عليها..غطتها وسكرت الليت وفتحت الابجورة وسكرت الباب..
بدر يدخل البيت...
بدر:السلام عليكم..
الجميع:وعليكم السلام..
بدر:وليد اشفيه؟؟
ام عبدالعزيز:تو الناس..
بدر:لما عبدالعزيز اتصل فيني كنت ناسي جوالي في البيت..هو اشلونه الحين؟
منيرة(وهي تنزل):تبي تعرف اخباره روح له المستشفى..
بدر طلع من البيت..وعقب عشر دقايق بوعبدالعزيز لابس...
ام عبدالعزيز:وين رايح؟
بوعبدالعزيز:رايح المسجد..اذن العشاء..
ام عبدالعزيز:ماتروح المستشفى من غيري..
بوعبدالعزيز:ان شاء الله..
خولة:يمه عبدالعزيز اتصل..
ام عبدالعزيز:ايش قال؟
خولة:يقول ان الدكتور خبرهم ان المستشفى اللي في ألمانيا مستعدة تستقبل وليد..
ام عبدالعزيز:سعود ايش تنطر؟..خلص اجراءاته علشان بسرعة يروح..
خولة:بس يمه مايقدرون يودونه لين ماتتحسن حالته..
ام عبدالعزيز(دمعتها سبقت كلمتها):لاحول ولاقوة الا بالله..
منيرة(يودت امها):يمه قومي توضي وصلي العشاء وادعي له ان الله يشافيه..دعاء الام مستجاب..
أسماء:ياللا عمتي..
عقب ماأدوا الصلاة..الكل رجع للعناية....
عبدالعزيز:الحين ايش بنسوي؟
تميم:انا بروح وياه مرافق..
سلطان:مايصير تروح بروحك..عبدالعزيز خذ اجازة من شغلك وروح مع اخوك..
عبدالعزيز:خلاص انا باجر بروح الشغل وباخذ لي اجازة..
تميم:ايشقد؟
سلطان:يبي لكم شهر..
عبدالعزيز:بس لازم حالته تتحسن بالاول علشان يقدر يسافر..
الدكتور(يطلع):لو سمحتوا قعدتكم مامنها فايدة..فريحوا شوي وردوا البيت..واذا صار شي جديد انا راح اتصل فيكم..لاتقلقون..
سلطان:الدكتور معاه حق..ياللا نمشي..
صارت الساعة 8 وخمسة وأربعين دقيقة وأم سالم تنتظر عيالها...
ام سالم:ماقالج وين راح؟
مها:لاياعمتي..بس قال عندنا شغل..
ام سالم:تأخروا وايد..
مها:الغايب حجته معاه..عمي راقد؟
ام سالم:لا طلع..
مها:تبين اتصل في سلطان؟
ام سالم:ياليت..
وأول مابغت مها تتصل..دخل سلطان ومعاه تميم ..سلموا وقعدوا....
ام سالم:وين كنتوا؟
تميم:انا طالع فوق..
ام سالم:اشفيكم يمه؟؟
مها:تأخرتوا وايد..
سلطان:يمه وين ابوي؟
ام سالم:راح عند ربعه..
مها:سلطان اشفيك؟..تعبان؟؟
سلطان:لا مافيني شي..
ام سالم:ماقلت وين كنتوا؟
سلطان:كنا في المستشفى..
ام سالم(تخرعت وفجت عينها ناظرت مها)
مها:ليش؟..حد فيكم كان تعبان؟
سلطان:وليد ولد فوزية في المستشفى ورقدوه..
ام سالم:نفس ذيج المرة؟
سلطان:اي يمه..
ام سالم:الله يعينه ويعين امه..واشلونه الحين؟
سلطان:ليحين مامبين شي..
مها:وينهم هله؟
سلطان:في البيت..
مها:ليش ماتسفرونه برع؟
سلطان:بسفرونه ان شاء الله..
ام سالم:صج يمه؟
سلطان:أي..بس ينتظرون تتحسن حالته..
مها:الله يشافيه..
ام سالم:مها يمه عطيني التليفون خلني اتصل في فوزية..
مها:ان شاء الله عمتي..

ياترى بتتحسن حالة وليد؟؟



هذا اللي راح نعرفه في الفصل القادم..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-01-2014, 11:13 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل الرابع**


في بيت بوعبدالعزيز...



عبدالعزيز يدخل غرفة وليد يحصل مريم تصلي....
عبدالعزيز:تقبل الله..
مريم:منا ومنكم..اشلونه الحين؟
عبدالعزيز:دعواتج له..ايش عندج قاعدة مني؟
موزة:مو بس قاعدة كانت راقدة مني..
عبدالعزيز:مريم..مانبي الحزن يقضي علينا..نبي نقوي قلوبنا علشان تتحسن حالته..مانبيه يشوفنا بهالشكل..
مريم:ان شاء الله..
عبدالعزيز يدور على اوراق...
مريم:شدور؟
عبدالعزيز:ادور على اوراقه..
مريم:بتسفرونه؟
عبدالعزيز:ان شاء الله..
مريم:من بيروح معاه؟
عبدالعزيز:انا وتميم..
مريم:وانا..
عبدالعزيز(وقف):ليش مب وراج جامعة؟
مريم:باأعتذر عن الدراسة..
عبدالعزيز:وريلج؟
مريم:برد له..
عبدالعزيز(ابتسم لها):لاحبيبتي كملي دراستج انا وتميم نكفي..وان شاء الله بيرد لكم بالسلامة..
موزة+مريم:ان شاء الله..
بدر يدخل..ووراه تدخل منيرة...
بدر:ليش محد خبرني؟
موزة:خبرناك..
بدر:وين؟؟..محد اتصل فيني..
منيرة:لما دخلت البيت امي قالت لك وينك..قلت لها لما عبدالعزيز اتصل كنت ناسي تليفوني..
بدر:أي صح كنت ناسي تليفوني..بس ماشفت الرقم الا عقب لما اتصل ابوي..
موزة:أسأل زوجتك..يمكن شافت رقمنا وماخبرتك..
بدر(عصب):موزو انجعمي..
موزة:مالك خص فيني..
بدر(بغى يطقها بس عبدالعزيز منعاه)
عبدالعزيز:بدر اشفيك انت؟؟..بتمد يدك على اختك؟
بدر:ماتشوف لسانها طويل..
عبدالعزيز:موزة نزلي تحت..
راحت..
منيرة:انت لو تسأل عنهم كل يوم بتعرف اخبارهم..
بدر:يعني الواحد ماينشغل؟
منيرة:عن هله لا..
عبدالعزيز:اخوكم بين الحياة والموت وانتوا تهاوشون!!
بدر:انا الغلطان اللي قاعد اتحجى معاكم..(راح)
عبدالعزيز:بدر..وقف..اشفيك انت معصب على طول..
بدر:ماتشوف خواتك..
عبدالعزيز:لأنهم يحبونك يقولون لك هالحجي مفتقدينك..ايش بغيت جاي فوق؟
بدر:بغيت أسأل عن وليد..رحت المستشفى ماحصلت حد فيكم..وماحصلت الدكتور علشان أسأله..
عبدالعزيز:وليد الله يعلم بحاله..ادعي له..
على الساعة 3 الفجر...يرن تليفون عبدالعزيز...
عبدالعزيز:مشكور ماقصرت تعبناك معانا..تسلم..في امان الله..
اسماء:من؟
عبدالعزيز(قام):وليد قام..
اسماء:الحمدلله..بتروح له؟
عبدالعزيز:اكيد..بروح اقوم ابوي..
في غرفة بوعبدالعزيز وزوجته....
عبدالعزيز:يبه يمه وليد قام..
الجميع:الحمدلله..
عبدالعزيز:أنا رايح له..
بوعبدالعزيز:عطني وقت ابدل وايي معاك..
ام عبدالعزيز:ودوني معاكم..
في هالوقت كانت مربم قاعدة تسولف في التليفون...
مريم(بحزن):ان شاء الله..
محمد:لصليتي خبريني..
مريم:ان شاء الله تامرني بشي ثاني؟
محمد:ديري بالج على نفسج..
مريم:محمد مشكور..ماقصرت..
محمد:عن الحجي اللي ماله معنى..ياللا روحي..مع السلامة..
مريم:مع السلامة..
مريم تطلع من غرفتها تسمع اصوات ..خافت..تروح تنادي موزة..
موزة:ايش تبين..خليني انام..
مريم:موزو قومي اسمع اصوات غريبة تحت..
موزة:يمكن الحرامي يبي يمسي عليج..
مريم(تطقها):موزو عن التطنز..قومي..
موزة(قامت):اوووه..حرام عليج..وين..
نزلوا تحت حصلوا امها قاعدة تلبس عبايتها...
مريم:يمه وين رايحة؟
ام عبدالعزيز:شالي مقعدكم هالوقت؟
مريم:ليش انا رقدت؟
موزة:يمه وين رايحة؟
ام عبدالعزيز:وليد قام وبنروح له..
مريم:واحنا؟
بوعبدالعزيز(يطلع من غرفته):تبون تجون لبسوا..
ركضوا سريع وراحوا يبدلون..
راحوا المستشفى..وشافوا وليد..وحالته تحسنت شوي..وأذن له الدكتور انه يسافر بعد يومين..وراح عبدالعزيز يخلص اجراءات السفر..وتم البيت في حالة حزن وتوتر فضيع..
قبل موعد السفر بيوم كانت مريم قاعدة بغرفتها تقرأ كتاب شوي وتفكر شوي...تحت عبدالعزيز يدخل البيت...
عبدالعزيز:السلام عليكم..
الجميع:وعليكم السلام..
أسماء:يعطيك العافية..
عبدالعزيز(يقعد):الله يعافيج..
ام عبدالعزيز:هايمه خلصت اوراق سفركم؟
عبدالعزيز:أي يمه..لاتخافين تطمني ان شاء الله وليد بتتحسن حالته وبيرجع سالم من هناك..بس نبي دعواتج يالغالية..
ام عبدالعزيز:طول الليل وانا ادعي له..
عبدالعزيز:كثري منها يايمه..وين بناتج مااشوفهم؟
ام عبدالعزيز:كانوا العصر مني وردوا بيوتهم..
عبدالعزيز:وابوي؟
ام عبدالعزيز:راح بيت بوأحمد..
عبدالعزيز:عيل مريم وموزة وينهم؟
اسماء:موزة فوق عند الكمبيوتر ومريم بغرفتها..شنو اللي معاك؟
عبدالعزيز:حق مريم من خطيبها..
ام عبدالعزيز:قوم يمه وده لها..خلها تغير جو شوي..من وقت مامرض وليد والبيت معتفس..وكل واحد فينا حالته ماتسر..
أسماء:ان شاء الله كل شي بيرد مثل قبل..
ام عبدالعزيز:ان شاء الله..رحت له؟
عبدالعزيز:أي يمه مريته قبل لرد البيت..كان راقد مابغيت اقعده خليته وقلت برد له عقب ماريح شوي..
ام عبدالعزيز:أي يمه قوم ارتاح وتعشى ..من الصبح طالع وتعبان..
عبدالعزيز(قام):عن اذنج يالغالية..انا رايح ابدل واتسبح اسماء زهبي لي شي آكله..
اسماء:ان شاء الله..
عبدالعزيز:عيل وين العيال؟؟
اسماء(قامت):نايمين..
في غرفة مريم..كانت مريم قاعدة على السرير وهي لابسه بيجامتها وشعرها فالته وماسك قلمها وكتابها الجامعي جدامها وكتب ثانية حولها..ينطق الباب...
مريم:تفضل..
عبدالعزيز(يفتح الباب):مساء الخير..
مريم(تعدل قعدتها):مساء النور..
عبدالعزيز:تذاكرين؟
مريم(تشوف الكتب):يمكن..
عبدالعزيز(يقعد عندها):شفتي عمرج بالمنظرة؟
مريم:.........
عبدالعزيز:مريم اشفيج؟..وليد ماعليه شر ان شاء الله..انت بس ادعي له..
مريم:يعني بتتحسن حالته ياعبدالعزيز؟
عبدالعزيز:ان شاء الله..نتمنى هالشي من رب العالمين..مريم..اليوم شفت محمد عند المسجد وسلم عليج..وقالي صار لج يومين مارديتي عليه..وعطاني هذا..(حطاه على السرير وقام)..ذاكري عدل..تصبحين على خير..
مريم:وانت من هله..
وسكر الباب..وراح شاف موزة...
عبدالعزيز:شيتسوين؟
موزة:ولاشي احاجي رفيجتي..
عبدالعزيز:انزين سكري من رفيجتج وروحي عند امي..قاعدة بروحها..
موزة:ليش وين اسماء ومريم؟
عبدالعزيز:اسماء بالمطبخ..ومريم عندها دراسة..
موزة:ان شاء الله الحين بروح..
مريم فتحت الخريطة وحصلت مصحف وألبوم حق شيخ ماهر المعيقلي..ورسالة......
السلام عليكم ورحمة الله وبركاته...
حبيبتي مريم..مشتاق لج وايد..وادري انج متضايقة علشان اخوج..الله يشافيه ويقومه بالسلامة..في كل صلاة ادعي له..وانت بعد لاتنسينه من دعواتج الطيبة..
وربج كريم وبيفرجها عليكم بشفاءه..وخلج قوية وقعدي مع امج وطمنيها..ترى اللي تسوينه في عمرج مهب زين لج..صار لج يومين مازايره اخوج..وباجر سفرته..حرام عليج هو في خاطره يشوفج..
انا متأكد انج الحين بتقومين تتوضين وتصلين ركعتين وتتدعين حق اخوج ان الله يشافيه..
وعقب اقري آيات من القرآن..وقبل لترقدين شغلي على شريط القرآن على سورة البقرة..
والله يحفظج ويرعاج حبيبتي..

مريم حست براحة عقب هالرسالة..وابتسمت للدنيا..وتفائلت خير..
على صلاة الفجر...في غرفة موزة..تكون راقدة تدخل مريم..وتقعد جنبها على السرير..
مريم:موزة..موزة قومي..
موزة(تفتح عينها):بسم الله..شالي يايبج؟
مريم:قومي صلي الفجر ولبسي ابي اروح عند وليد..
موزة:ألحين؟
مريم:أي الحين..(قامت)..لاتأخرين علي..
موزة:مريم في شي؟
مريم:لا بس مشتاقة له وايد..(فيها الدمعة لكن حبستها)
موزة:من بيودينا؟
مريم:بروح مع عبدالعزيز..
في المستشفى..



يدخل عبدالعزيز ومعاه مريم وموزة..يحصلونه فاتح عينه والاجهزة مركبة عليه..مريم كان في ودها تبجي لكن تذكرت باللي وصاها عبدالعزيز..علشان وليد مايتضايق..وليد استانس لما شافهم..مريم حبت راسه ووقفت جنبه..وموزة حبت راسه ووقفت الصوب الثاني..
عبدالعزيز:اشلونك وليد؟
وليد(بتعب):الحمدلله..متى الطيارة؟
عبدالعزيز:على الساعة 1 ان شاء الله..مستعد؟
وليد:ان شاء الله..اشلونج مريم؟
مريم:الحمدلله..طمني على صحتك؟
وليد:دعواتج لي يامريم..
مريم(دمعتها على وشك تنزل بس طالعها عبدالعزيز بنظرة خلتها ترجع دمعتها):دوم ادعي لك في كل دقيقة..
وليد:وانت موزة اشلون الدراسة معاج؟
موزة:ماشي..
وليد:نبيج تطلعين من الاوائل..
موزة:ان شاء الله..أكيد..ابي اصير دكتورة..
وليد:وانت مريم شدي حيلج بالدراسة علشان مابقى شي على الزواج..عاد هالله هالله في محمد..
مريم:اهتم بصحتك عدل..واسمع كلام الدكتور ياخوي..نبيك ترجع لنا بسرعة..
عبدالعزيز:ياللا بنات خلنا نمشي الزيارة خلصت..
وليد:بدري..وين رايحين؟
عبدالعزيز:الزيارة خلصت..برد لك ان شاء الله..ياللا بنات سلموا على اخوكم..
مريم كان الموقف وايد صعب عليها..وموزة بغت تبجي وتطيح بحضن اخوها..لكن تحملوا..
مريم:عبدالعزيز نقدر نرجع مرة ثانية علشان نسلم عليه..
موزة:أي والله تكفى يابوسعود..
وليد:ياريت..
عبدالعزيز:خلاص..اللي تبونه بيصير..
ابتسموا ابتسامة اجبارية علشان وليد...
في البيت..كانت ام عبدالعزيز تزهب شنطة وليد..واسماء كانت تزهب شنطة عبدالعزيز...
سعود:يمه ابوي مابودينا نسلم على عمي؟
اسماء:بلا..قال بيمركم عقب شوي..وين مشعل؟
سعود:يلعب مع احمد ولد عمتي منيرة..
اسماء:عمتك منيرة هني؟
سعود:أي تحت مع عمتي مريم وموزة..
يرن تليفون اسماء...
اسماء:السلام عليكم....هلا يمه...بخير الله يسلمج...الحمدلله كلهم بخير....بغيت اجيكم امس بس انشغلت شوي مع اهل ريلي....اي ان شاء الله بيسافرون اليوم...الله يسمع منج....الله يكون بعونهم...اي والله من وقت ماطاح عليهم وهم بحالة مايعلم بها الا رب العالمين....كنت ازهب شنطة عبدالعزيز...لا ليحين ماخلصت...عبدالعزيز طالع يشتري كم غرض..ان شاء الله يوصل..وانت بعد سلمي على خواتي واخواني..مع السلامة..
سعود:يمه ليش مانروح بيت جدتي؟
اسماء:ان شاء الله بنروح باجر..
تحت...عبدالعزيز يدخل البيت....
عبدالعزيز:السلام عليكم..
الجميع:وعليكم السلام..
عبدالعزيز(يقعد)
مريم:بوسعود تبي اجيب لك شي؟
عبدالعزيز:كلاص ماي ماعليج امر..
مريم:ان شاء الله..
منيرة:ناقصك شي بعد ماشريته؟
عبدالعزيز:لا الحمدلله خلصت..عيل وين امي؟
منيرة:قاعدة ترتب شنطة وليد..
سعود(ينزل):يبه رديت؟
عبدالعزيز:تعال سعود..لابس؟
سعود:أي يبه لابس..متى بنروح؟
عبدالعزيز:اروح اتسبح وعقب ان شاء الله رايحين..بدر مامر عليكم؟
منيرة:لا..
مريم:تفضل..
عبدالعزيز:الله يسقيج من الكوثر..(يشرب وعقب يطلع تليفونه ويتصل)..السلام عليكم اشلونك بدر؟...اسمعني ابيك توصلني المطار...وليد بيودونه بالاسعاف..انا وتميم انت بتوصلنا مو تنسى...الساعة 11 ونص خلك موجود..في امان الله..
بوعبدالعزيز(يدخل):السلام عليكم..
الجميع:وعليكم السلام..
بوعبدالعزيز:عبدالعزيز يبه..هاك هذي الفلوس اللي بغيتها..واذا احتجتوا بعد خبرني على طول..ودخلت في حسابك مبلغ..
عبدالعزيز:تسلم يبه..ماقصرت..
بوعبدالعزيز:اسمعني يايبه..دير بالك على اخوك واللي يبيه سوه له..واي شي تحتاجونه خبروني..وخبروني عن حالته اول باول..وحاولوا بشتى الطرق علشان تحصلون له على قلب..حتى لو بيكلفنا وايد..سمعت؟
عبدالعزيز:ان شاء الله يبه..
بوعبدالعزيز:لاتتركونه بروحه..خلكم حوله على طول..
عبدالعزيز:ان شاء الله..
ام عبدالعزيز(والدمعة على خدها):اتصل فيني ياعبدالعزيز..وخبرني عن صحته..وخلني اكلمه كل يوم..
عبدالعزيز:ان شاء الله..
ام عبدالعزيز:حط اخوك بعيونك..
عبدالعزيز:ان شاء الله..تطمنوا وليد ان شاء الله ماعليه شر..وبنحصل قلب وبيتشافى..تامروني بشي رايح اتسبح والبس لأن مابقى شي على السفر..
بوعبدالعزيز:روح يبه..
في غرفة عبدالعزيز..
عبدالعزيز:الشنطة جاهزة؟
اسماء:أي خلصت..حطت كل اللي تحتاجه..
عبدالعزيز:مشكورة ياام سعود..اسماء..ديري بالج على العيال..انا تركت لج فلوس علشان مصاريفكم..واذا بغيتوا زيادة خبريني..
اسماء:ماتقصر..المهم اهتم بخوك وارجعوا لنا سالمين..
عبدالعزيز:ان شاء الله..دعواتج..
وطارت الطيارة..



وفي انتظار الاخبار الطيبة...
ومع مرور يوم في بيت بوعلي...



محمد يدخل المجلس يحصل ابوه قاعد مع اخوانه ورياييل خواته..
محمد:السلام عليكم ورحمة الله وبركاته..
الجميع:وعليكم السلام ..
محمد(يحب راس ابوه ويقعد)
بوعلي:وين كنت؟
محمد:كنت مع ربعي..
بوعلي:اخبار نسايبنا؟
محمد:الحمدلله..
علي:أخبار ولدهم؟
محمد:في المستشفى..يسوون له فحوصات وتحاليل..
بوعلي:حصلوا له قلب؟
محمد:ليحين مامبين..
بوعلي:الله يشافيه..تزورهم؟
محمد:امس كنت عندهم..(قام)..عن اذنكم..
دخل..وناد...
محمد:العنود..العنود..
العنود(من بعيد):نعم..الحين جايه..(قربت)..هلا محمد..
محمد:في حد؟
العنود:حريم اخوانك..
محمد:ليش ماقعدتوا في المجلس؟
العنود:ماادري..تبي تروح غرفتك؟
محمد:أي..ابي طريق..
العنود:ان شاء الله..
حزتها في بيت بوسالم...
ام يوسف:اشلونها فوزية؟
ام سالم:الحمدلله..العصر كلمتها..
ام يوسف:اشلون ولدها؟
ام سالم:الله يعلم بحاله..والله يابنيتي لما اشوف اختج قلبي يتقطع عليها..
ام يوسف:الله يصبرها..
ام سالم:مارحتي لها؟
ام يوسف:بغيت اروح لها اليوم بس ماحصلتها قالت لي موزة راحت المستشفى علشان ظهرها..
ام سالم:اقول عائشة..شاخبار اختج حصة؟
ام يوسف:بخير..اول امس كلمتها..هي ماتكلمج؟
ام سالم:بلا تكلمني بس اقول يمكن تقولج شي انا مااعرفه..
ام يوسف:هي مرتاحة بحياتها..ومااشتكت من شي..
ام سالم:ومتى بيردون؟
ام يوسف:بقى لهم شهرين بعد..
في سيارة سلطان...
سلطان:تغديتي؟
مريم:لا..خالي..عبدالعزيز مااتصل؟
سلطان:لا..ايش رايج اوديج مطعم تتغدين..
مريم:مشكور خالي..ابي ارد البيت امي تنتظرني..
سلطان:ليش وين مرت عبدالعزيز؟
مريم:راحت بيت ابوها..خالي تعتقد وليد بيحصل قلب؟
سلطان:ان شاء الله..دعواتج له..
مريم:والله اني ماانساه لحظة..والله البيت مب حلو من غيره(نزلت دمعتها)..
سلطان:مريم..ماابي اشوف دموعج..
مريم(مسحت دموعها):غصب عني ياخالي..انا احب اخوي ومااقدر على فرقاه..
سلطان:الله يرده بالسلامة..
في ألمانيا...في الفندق...
(صورة)
عبدالعزيز(قاعد على السرير وراسه نازل):تهقى بنحصل قلب؟
تميم:الله كريم يابوسعود..
عبدالعزيز:الدكتور مخيرنا بين الانتظار والعملية..شنسوي؟
تميم:ماادري..
عبدالعزيز:الانتظار خطر على حياته..والعملية نجاحها خمسين بالمئة..ونجاحها مايدوم..والحل الامثل قلب بديل..
تميم:قوم تسبح وصل علشان مانتأخر عليه..
في الشاليهات...
محمد قاعد مع رفيجه عيسى وناصر...
عيسى:ياللا تفضلوا العشاء جاهز..
ناصر:ايش طابخ لنا؟
محمد(يضحك):يمكن ذابح لنا قوطي تونة..
ناصر(يضحك)
عيسى:عن التطنز انت وياه..(يمشي عنهم)..أنا الغلطان اللي معطيكم وجه..
ناصر:امش ياريال ليفوتنا العشاء..وانام على لحم بطونا..
داخل...عيسى كان يتعشى...
محمد:اشوفك بديت..
عيسى:مو على اساس ذابح قوطي تونة..ايش تبون؟
ناصر(يقعد وينجب له):أفا يالاخو زعلت..(ياكل)..ياسلام على العشاء..من وين تعلمت البرياني؟
عيسى:من زوجتي..
محمد:صج؟
عيسى:تصدق عاد..
ناصر:الظاهر العشقان يكلم حبيبته من ورانا..
عيسى:يعني لو بكلمها بيي أخبركم؟
محمد:عيسى من صجك تكلمها؟
عيسى:وانت صدقت..تعشوا ليبرد الاكل..
يرن تليفون محمد...
محمد:عن اذنكم..
ناصر:مانقدر على الحبايب..
محمد(يطلع ويتمشى على البحر):السلام عليكم..
مريم:وعليكم السلام..
محمد:اشلونج؟
مريم:بخير..انت شخبارك؟
محمد:الحمدلله..
مريم:وينك؟
محمد:عند البحر..
مريم:شتسوي عند البحر؟
محمد:طلعة ربع في الاجازة..
مريم:انتوا وايدين؟
محمد:لا بس ثلاثة..انت شتسوين؟
مريم:قاعدة اتصفح على مواقع النت..
محمد:حصلتي شي؟
مريم:لا..
محمد:مو كنت ادورين على زفة حق العرس..
مريم:مالي خلق شي..
محمد:ليش ياعمري؟
مريم:افكر بوليد..
محمد:اخباره الحين؟
مريم:وليد تعبان وايد يامحمد..
محمد:خير ان شاء الله؟
مريم:يبون يسوون له عملية..
محمد:عملية شنو؟
مريم:يبون يسوون له عملية في قلبه..
محمد:ماحصلوا له على قلب؟
مريم:من وين؟..الظاهر بعطيه قلبي..انا شالي عايشة..
محمد(عصب):مريم..ايش هالكلام اللي ماله معنى..تبين تذبحين عمرج علشان تعيشين اخوج؟!!..ليش يامريم تفكيرج يوصل لهالدرجة؟
مريم(دمعت عينها):شسوي يامحمد وليد بين الحياة والموت..وليد اخوي اللي عشت معاه اكثر من 20 سنة..اشلون تبيني افكر اني ماراح اشوفه مرة ثانية..
محمد:مريم حبيبتي مااحب اسمع منح هالكلام..وليد ربج معاه وبيساعده..ربج كريم وبييسر كل شي..واللي عليكم دعواتكم يامريم..مايصير نموت من الجوع ونترك العالم الخارجي ونعيش بكآبه علشان سبب محزن في حياتنا..الحياة ماتتوقف بمرض حد فينا..الحياة في استمرار..واللي علينا ان نتعايش مع هالظروف والاسباب..واللي مطلوب منا نسويه حتى لو يكلفنا الكثير..واللي مطلوب منج انج تدعين له وتتصدقين عنه..وخلج قوية وغيري اجواء البيت..ردي الفرحة للبيت..وخلي الكل يلتم خاصة في هالايام علشان امج وابوج..تراهم يستحقون منج هالشي..(حس بهدوء غريب)..مريم..مريم وينج؟
مريم:معاك..
محمد:متضايقة؟
مريم:عقب كلامك هذا غيرت وايد اشياء في بالي..عسى عمرك طويل ويخليك لي..مشكور على النصايح..
محمد:عيل انتظر منج اخبار زينة..
مريم:ان شاء الله..ياللا أخليك مع ربعك..آسفة عطلتك..
محمد:حياج بأي وقت يالغالية..
مريم:تسلم..مع السلامة..
موزة تدخل..
موزة:مريوم بدر تحت مع زوجته..
مريم:ألحين نازلة..
تحت...
زينة:متى عرسج يامريم؟
مريم(تناظر امها وموزة ومستغربين):ماافكر بالعرس الحين..المهم وليد يرد لنا بالسلامة..
زينة(انحرجت):ان شاء الله بيرد..
ام عبدالعزيز:متى ان شاء الله بتولدين يازينة؟
زينة:بقى لي بعد شهرين..
ام عبدالعزيز:ان شاء الله تولدين بالسلامة..
بدر:يمه وين مرت عبدالعزيز؟
ام عبدالعزيز:راحت بيت ابوها لين مايرد عبدالعزيز مع اخوك بالسلامة..
زينة:ليش هدتكم؟
مريم:هي ماهدتنا مثل غيرها.. لها مشاوير هي وعيالها وماكو حد يقوم بهم غير اخوانها..
زينة(انقهرت من كلام مريم)
بدر:ابوي متى بيرد؟
موزة:هذا ابوي جى..راح غرفته..
ام عبدالعزيز:بروح اشوفه..
بدر:اخبار دراستج موزة؟
موزة:الحمدلله..
بدر:شدي الهمة نبي درجات عالية..
موزة:ان شاء الله..لاتخاف علي..
مريم:اقول بدر ليش ماجبتوا معاكم حمد؟
موزة:أي والله اشتقنا له وايد..
زينة:كان راقد ماحبينا نقعده..
ام عبدالعزيز(تيي):قوموا موزة ومريم زهبوا العشاء..
مريم+موزة(يقومون):ان شاء الله..
يرن تليفون البيت...ترد مريم..وموزة راحت المطبخ مع امها..
مريم:السلام عليكم.....هلا والله باام سعود اشتقنا لج وااايد..اي والله حتى احنا امي دوم تييب طاريج..اشتقنا حق طباخج..(انقهرت زينة من الكلام اللي تسمعه)..امي عند ابوي..اي كلمنا اليوم عبدالعزيز...دعواتج له يااسماء..ماتقصرين والله..اخبار عيالنا؟...فديتهم..حبيهم.....وسلمي على الوالدة وخواتج......ان شاء الله يوصل...مع السلامة..اسماء مرت عبدالعزيز سلمت عليكم..
زينة:الله يسلمها..
راحت مريم...
زينة:شفت اشلون يحبونها اكثر مني..
بدر:تركي عنج هالكلام..لردينا البيت ابيج بسالفة..
زينة:نرد البيت الحين..مااقدر اتحمل اكثر..
بدر:لا حبيبتي..ليحين ماشفت ابوي..
زينة:وانا قلت نرد البيت..صدقني اذا مارحنا بقولهم بنفسي ان حمد يصيح ولازم نرد البيت..ترى والله اسويها..
بدر:الله يسامحج..
في ألمانيا...



في غرفة العناية المركزة....
عبدالعزيز:ها ايش قلت ياوليد؟
وليد:ماادري..ماني قادر اقرر..انتوا ايش رايكم؟
تميم:الانتظار مو من صالحك ياوليد..
وليد:يعني اسوي العملية؟
عبدالعزيز:العملية!!
وليد:ليش العملية خطرة؟..(شاف نظرات خوف في عيون عبدالعزيز وتميم)..اذا في شي قولوا لي..انا مب صغير..من حقي اعرف كل شي عن صحتي..


شنهي المستجدات في حياة مريم ومحمد؟؟
وحياة وليد هل بيعيش؟؟


نشوفكم على خير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-01-2014, 11:15 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل الخامس**


في المستشفى...في غرفة العناية المركزة....
عبدالعزيز:ها ايش قلت ياوليد؟
وليد:ماادري..ماني قادر اقرر..انتوا ايش رايكم؟
تميم:الانتظار مو من صالحك ياوليد..
وليد:يعني اسوي العملية؟
عبدالعزيز:العملية!!
وليد:ليش العملية خطرة؟..(شاف نظرات خوف في عيون عبدالعزيز وتميم)..اذا في شي قولوا لي..انا مب صغير..من حقي اعرف كل شي عن صحتي..
عبدالعزيز:انا طالع..
وليد:تميم تحجى..شاالسالفة؟
تميم:نجاح العملية ضئيل..
وليد:وبعدين؟
تميم(بضيق):احتمال ........ماتعيش..واحتمال تنجح العملية وتقدر تستمر بحياتك بس لمدة قصيرة لين مايدبرون لك قلب..
وليد(صعق من اللي سمعاه لكن....):تميم..انا ادري اني راح اموت يوم من وقت ماعرفت بمرضي..انا ماني متضايق من اللي اسمعه منك..انا بس ابي اكون جنب امي وابوي واخواني وخواتي قبل لأموت..
تميم:بس انت ماتقدر ترجع البلاد..
وليد:ليش؟
تميم:العملية لازم تسويها هني..وصحتك ماتتحمل للردة..لازم تقرر..
وليد:وامي وابوي ايش رايهم؟
في غرفة بوعبدالعزيز....
بوعبدالعزيز:خله يسوي العملية ويتوكل على الله..
ام عبدالعزيز:بس ولدي بخطر..
بوعبدالعزيز:حتى الحين بخطر..من وين نجيب له قلب..من وين؟
ام عبدالعزيز(دمعت عينها):قلبي انا..خذوه..انا شالي اعيش بهالدنيا..انا خلاص ماعاد عندي شي مهم عيالي كبروا وانت بتكون معاهم..خذوا قلبي وخلوا ولدي يعيش..(تبجي)
بوعبدالعزيز:ايش هالكلام يافوزية..استغفري ربج..ربج كريم وبعيينا..اذا الله كاتب له عمر بعيش مع هالقلب التعبان..واذا الله كاتب له الموت بيموت حتى لو صحته بخير..كل شي بيد رب العالمين..احنا ماعلينا الا ندعي له..
في غرفة سلطان...
سلطان:هو اشلونه الحين؟
تميم:الله يكون بعونه..متضايق وايد..يبي يشوف هله يخاف يموت ومايشوفهم..
سلطان:تبوني اييكم؟
تميم:انتظر بعد شوي..خلنا نشوف على ايش بيقرر..
سلطان:الدكتور بإيش ينصحكم؟
تميم:ينصحنا بالعملية طبعا..
سلطان:يعني كلش ماحصلتوا قلب؟
تميم:من وين يابو ماجد؟؟..امس كان في واحد مريض بالمستشفى ومات لكن قلبه مايركب على جسم وليد..الانسجة تختلف..
سلطان:شاخبار عبدالعزيز؟
في الفندق...
عبدالعزيز:انا تعبان يااسماء..(دمعته نزلت)..تعبان يااسماء..اشوف اخوي يتألم ومحتاج وماني قادر اسوي له شي..ياليتني اقدر اعطيه اللي محتاجه..
اسماء:عبدالعزيز هدي بالك شوي..ربك ماينسى عباده..استخيروا رب العالمين واللي كاتبه ربك بيصير..كل شي خير..
عبدالعزيز:أحاتيكم واحاتي امي وابوي وخواتي واحاتي همي الاكبر وليد..
اسماء:يابعد عمري يابوسعود..لاتحاتينا احنا بخير..ماعلينا قصور..اخواني مامقصرين عني بشي..وامك وابوك وخواتك هم بخير..انا اتصل لهم كل يوم واليوم كنت عندهم..ووليد هذا انت عنده والاخبار عندك..
عبدالعزيز:وين العيال؟
اسماء:مشعل راقد..وسعود والدانة يلعبون تحت مع عيال اخواني..
عبدالعزيز:حبيهم..مشتاق لهم وايد..
اسماء:حتى هم..دوم يسألوني عنك..اهتم باخوك وايد ياعبدالعزيز تراه محتاج لك..
عبدالعزيز:الله يعيني على مساعدته..بسوي كل اللي اقدر عليه..
اسماء:الله لايفرقكم عن بعض..
عبدالعزيز:آمين..
تميم يدخل..
تميم:عبدالعزيز لخصلت تعال..
عبدالعزيز:ان شاء الله..ياللا اسماء سلمي على هلج..مع السلامة..(وراح له وقعد)
تميم:حصلت بيت قريب من المستشفى..عايش فيه شايب مع زوجته..وماعندهم عيال..والطابق الفوقاني فاضي للإيجار..وسعره مناسب..وهم قريب من المستشفى..فإيش رايك نحول لهناك؟
عبدالعزيز:والله اللي تشوفه زين سوه..(قام)
تميم:عبدالعزيز..فكرت بوليد؟
عبدالعزيز(لف صوبه):انت ايش رايك؟
تميم:انا صليت استخارة..وحسيت براحة اذا سوى العملية..ترى كل دقيقة تمر بتكون خطر على حياته..
عبدالعزيز:عطني فرصة اخيرة للتفكير..وبرد عليك..
تميم:اللي تشوفه..بس لاتأخر..
في بيت بدر...
زينة:اقول بدر..انت مب بغيت تقولي سالفة يوم كنا في بيت ابوك..شكلك نسيت السالفة..
بدر:أي زين ذكرتيني..سمعي..انا قررت نرد بيت ابوي لين ماتتحسن الاوضاع..
زينة(انصدمت):أي اوضاع؟؟..وايش هالقرار العجيب؟؟
بدر:اوضاع بيتنا..ماكو حد في البيت..وخالي سلطان يقضي حاجاتهم وانا موجود..عيب علي..
زينة:لاعيب ولاشي..هذا خالهم مهب واحد غريب..
بدر:بس انا اقرب لهم..ومب حلوة في حقي جدام هلي..دام اني ماسافرت معاهم على الاقل اقعد عندهم لين مايردون..
زينة:لاحبيبي نرد بيت ابوك لا..مستحيل..
بدر:زينة لاتعاندين..انا قررت..
زينة:وانت اشلون تقرر من غير ماتاخذ شوري؟؟
بدر:هلي بحاجتي اشفيج انت؟؟
زينة:بدر حرام عليك انا مااقدر اعيش معاهم..انت عارف انا غير وهم غير..
بدر:زينة لاتطلعيني عن طوري..اشلون اسماء عاشت عندهم؟؟
زينة:بس هي طلعت الحين وهدتهم وهم بهالظروف..
بدر:هي ماطلعت الا لأن ريلها محد..وخواتي ماكو حد يقضي حاجاتهم ومرت اخوي بتحصل حد يقضي حاجتها..بعدين هي تزورهم اول باول..
زينة:وانت ايش دراك؟
بدر:اشوفها لما اروح لهم..
زينة:وانت تروح لهم من وراي؟
بدر:ليش انا رايح بيت ناس غرب؟؟
زينة:ليش ماتخبرني اروح معاك..
بدر:اكون طالع وامر عليهم بطريقي..فيها شي؟
زينة:لما اقولك ودني اشتري اشياء ناقصتني تقولي مشغول بس تروح عند هلك مب مشغول..
بدر(عصب):زينة اللي قلته يمشي..ولاتناقشيني..
زينة(بدت بالبجي)
بدر(لان قلبه وانكسر خاطره):يازينة ياحبيبتي هذولا هلي مالي غنى عنهم وانت زوجتي ومااحب ازعلج كلها فترة قصيرة ويردون من السفر واحنا بنرد بيتنا..ايش قلتي؟
في بيت بوعلي...



في غرفة نورة...تدخل عليها العنود....
العنود:شتسوين؟
نورة:ولاشي امشط شعري توني متسبحة..
العنود:الله على الشعر..
نورة:قولي ماشاء الله..
العنود:ماشاء الله عليج..(تقعد على السرير..شافت الحزن بعين نورة)..نورة اشفيج؟؟
نورة:مافيني..
العنود:علي انا؟؟
نورة:ولاشي بس تذكرت امي الله يرحمها..
العنود:الله يرحمها..
نورة:ودي اشوفها..ودي بضمتها..(دمعت عينها)..في لحظات من عمري تخليني احتاجها غصب عني..تصير اشياء بحياتي تخليني اتذكرها واحتاجها جنبي..
العنود(انكسر خاطرها):نورة..امج الحين مرتاحة وهي في قبرها..وهي محتاجة منج الدعاء والصدقة..وامي مثل امج وانا اختج..واخواني هم اخوانج وابوي بمثابة ابوج..
نورة:انتوا ماقصرتوا في حقي..واللي سويتوه كبير وماراح انساه طول العمر..لكن اكيد يجي يوم اشتاق لأمي وابوي الله يرحمهم..
العنود:الله يرحمهم..
تدخل الغرفة لطيفة..
لطيفة:مساء الخير..
الجميع:مساء الخير..
لطيفة:شتسوون ياشطار؟
العنود:نسولف..
لطيفة:ذاكرتوا؟
العنود:ماكان في شي مهم نذاكر له اليوم..
لطيفة:نبي درجات تبيض الوجه..
نورة:لاتخافين بنبيض الوجه ان شاء الله..
لطيفة:وانت العنود نبي درجات ترفعين فيها راسنا..
العنود:على شرط خلوني اسافر اكمل دراستي..
لطيفة:انت بالاول خلصي ثاني ثانوي وخلصي ثالث وعقب يصير خير..ياللا نزلوا نبي نتعشى..
باجر في ألمانيا ...



تميم:خبرت الدكتور؟
عبدالعزيز(يقعد على الكرسي بتعب):أي خبرته..
تميم:ومتى بيسوونها؟
عبدالعزيز:باجر الصبح على الساعة 8..
تميم:وماقالك شي؟
عبدالعزيز:بلا..
تميم:شنو؟
عبدالعزيز:يبينا نتبرع له بالدم..
تميم:مستعدين..الحمدلله ان دمنا يطابق دمه..
عبدالعزيز:ويبي يشوف وليد قبل العملية..
تميم:ليش؟
عبدالعزيز:يمكن يبي يخبره عن العملية ويهيأه..
في بيت بوعبدالعزيز...



ام عبدالعزيز:قومي مريم اتصلي في خواتج وخبريهم ان عملية اخوج باجر..
مريم:ان شاء الله..
بدر:يمه تبيني اروح لهم؟
ام عبدالعزيز:لا..انت خلك عندنا..
مريم(تمسك السماعة):بدر لاتنسى تروح حق موزة..بتخلص عقب نص ساعة..
ام عبدالعزيز:قوم يمه روح جيبها..مدرستها بعيدة وبتتأخر عليها..
زينة:بدري عمتي..بدر بيودينا الجمعية لين ماموزة تخلص..
مريم:اذا ماتقدر بدر بخبر خالي..
بدر:لا اقدر بمرها..
ام عبدالعزيز:مايردون؟
مريم:اتصل في خولة ماترد..باتصل في منيرة..
في المدرسة..تدخل منيرة غرفتها وتقعد على الكرسي وتفتح الدرج وتشوف تليفونها وتحصل مكالمات لم يرد عليها...تتصل...
منيرة:السلام عليكم..اشلونج مريم؟...بخير الحمدلله..كلهم بخير..اشلون امي وابوي وموزة؟...اخبار وليد؟.....صج؟؟!!..مو جنه بسرعة؟....الله يقومه بالسلامة..الساعة كم بالضبط؟....خلاص انا جايتكم العصر ان شاء الله..سلمي على امي..مع السلامة..
تدخل الوكيلة...
الوكيلة:خير ياام عبدالله؟
منيرة:اخوي باجر عمليته..
الوكيلة:الله يقومه بالسلامة..بتغيبين؟
منيرة:لا اخوي ماهو بالبلاد سافر برع..
الوكيلة:الله يرده لكم بالسلامة..
منيرة:آمين ..بغيتي شي؟
الوكيلة:أي في وحدة من الوزارة جاية تبي تشوفج..
منيرة:دخليها..
اليوم هو يوم عملية وليد..يوم توتر للجميع..في المستشفى..
وليد كان خايف وايد..وخايف انه ماراح يقدر يشوف هله بعد جذي..قبل دخول غرفة العمليات...
وليد:عبدالعزيز..
عبدالعزيز:لبيه..
وليد:دير بالك على ابوي وامي..وعلى مريم وموزة..وهالله هالله فيهم..
عبدالعزيز(حس بضيقة وحبس دمعته)
تميم:لاتقول هالكلام ياوليد..ان شاء الله بتقوم لنا بالسلامة..
وليد:سلموا عليهم..
ودخلوه العمليات....عبدالعزيز تسند على الطوفة...قرب منه تميم..
تميم:تطمن ان شاء الله بيكون بخير..
عبدالعزيز:ماادري ياتميم..خايف عليه..مايندرى ايش بيصير له..
في بيت بوعبدالعزيز الكل متجمع من البنات ومن بيت بوسالم.. وبويوسف...
في غرفة موزة....
قمر:موزة تطمني ان شاء الله بيقوم من هالعملية وبتتحسن حالته..
موزة:خايفة عليه وايد..هذي عملية خطرة خطرة ياقمر..(والدموع تنزل)
قمر:الله يشافيه (دمعت عينها وطلعت من الغرفة)..
جواهر:انا بروح اشوف مريم شتسوي..
قمر ضاعت بالصالة تدور على غرفة تبجي فيها وتفرغ اللي بقلبها..فتحت الباب..حست بالهدوء في هالغرفة..دخلت وسكرت الباب..وقربت وقربت لين ماوصلت المكتب وشافت صورة وليد مسحت بيدها على الصورة وطلعت كلمة ...
قمر:آآآآآآآآآآه..وينك ياوليد؟..وليد احنا بحاجتك..احنا نحبك رد لنا..الله يخليك رد لنا..(تبجي)
في غرفة مريم..
مريم:لا يامحمد ماكو خبر جديد.....اي نعم ليحين في العمليات..(جواهر تنسحب من الغرفة)..محمد انا (تبجي)
محمد:تعوذي من الشيطان..وخذي نفس عميق وتحجي..
مريم(تمسح دموعها):محمد انا بحاجتك ودي اشوفك..ودي تقرا علي يمكن هديت..أنا خايفة افقد اخوي..
محمد:وليد ان شاء الله بيرد..تطمني..واذا على الشوفة انا من زمان متوله عليج..بس انت ظروفج ماتسمح..
مريم(تمسح دموعها):محمد الله يخليك تعال عندنا بس خمس دقايق ودي اشوفك..احس بضيقة وانت الوحيد اللي تقدر تفرجها عني..
محمد:لا يامريم ماابي اسمع منج هالكلام..اللي يفرج عن الناس هو رب العالمين لا انا ولاغيري..انا اساعدج لكن لازم يكون عندج امل كبير بالله هو الوحيد القادر انه يفرجها عنج..
مريم:ونعم بالله..
محمد:انا راح اقرا لج قرآن يمكن هديتي شوي..
وبدا محمد يقرا لها من سورة يوسف اللي خلت مريم تخشع معاه وتنسى ان الصوت اللي تسمعه من التليفون..
في ألمانيا....
عبدالعزيز رايح راد..رايح راد..ومتوتر حيل وخايف...
تميم:والله ادري انك خايف انا مثلك..بس هدي شوي..
يرن تليفون تميم..
تميم:السلام عليكم..هلا سلطان..
سلطان:شالاخبار؟
تميم:ماكو..ليحين بالعمليات..
سلطان:عبدالعزيز وينه ليش تليفونه مسكر؟
تميم(يطالع عبدالعزيز):علشان مايرد على حد..
سلطان:فيكم شي؟
تميم:لا..بس متوترين شوي..
سلطان:تبوني اييكم؟
تميم:لا..خلنا نصبر لين مايطلع وليد بالسلامة..وعقب يصير خير..
سلطان:اول مايطلع الدكتور اتصل فينا..
تميم:اكيد..في امان الله..
عبدالعزيز:انا خلاص نفذ صبري بدخل عليهم..
تميم:شنو تدخل عليهم..اصبر شوي بعد..
عبدالعزيز:صار لهم ثلاث ساعات ومحد راضي يخبرنا بالنتايج..
أما الحال في بيت بوعبدالعزيز...
ام عبدالعزيز كانت على السجادة تدعي لولدها..
في الصالة...
ام سالم:قومي يمه عائشة سوي عصير ليمون حق اختج..
ام يوسف:ان شاء الله..
فوق عند البنات...
مريم تروح غرفة موزة..
مريم:موزة حبيبتي قومي توضي وصلي ركعتين وادعي فيهم حق وليد بدل الصياح..
جواهر:ياللا موزة قومي..
مريم:عيل وين قمر؟
جواهر:ماادري يمكن راحت تحت..
مريم طلعت من غرفة موزة شافت اسماء ومعاها قمر تمسح دموعها...
اسماء:ياللا حبيبتي مسحي دموعج وان شاء الله مو صاير الا كل خير..
مريم:اسماء اشفيها قمر؟
اسماء:ماكو بس تدرين قلب بنت خالتج شافتكم تبجون بجت معاكم..
مريم:تعالي قمر..
تحت...
ام عبدالعزيز(تشرب العصير):تسلم ايدج..
ام يوسف:عليج بالعافية..
ام عبدالعزيز:عائشة ردي بيتج انت وبناتج تعبانكم من الصبح..
ام يوسف:ماسوينا شي..
ام عبدالعزيز:ردوا البيت بويوسف ينتظركم..وان شاء الله اذا وصلتنا الاخبار بنخبركم..
ام سالم:أي يمه قومي ردي بيتج..
ام يوسف(قامت):ان شاء الله يمه..خولة يمه نادي قمر وجواهر..
خولة:ان شاء الله..
في مجلس الرياييل..يرن تليفون سلطان...
سلطان:هلا تميم..(عيون الكل على سلطان)...انزين....وايشقد بقى؟؟...ياللا ان شاء الله خير بس اول مايخلصون طمنا زين..ياللا في امان الله..
بوعبدالعزيز:سلطان شالاخبار؟
سلطان:يقول الممرضة جاتهم وقالت لهم كل شي يمر بخير حاليا..فتطمنوا..
في الصالة...
ام عبدالعزيز:اللهم لك الحمد والشكر..
ام سالم:مريم اتصلي في خالتج ام يوسف وخبريها..
مريم:ان شاء الله..
ام عبدالعزيز:يمه قومي ردي البيت خليناكم تسهرون معانا..ابوي تعب وانت بعد تعبتي..ردوا البيت وريحوا..
منيرة:أي جدتي انتوا تعبتوا وايد..احنا موجودين مب رادين بيوتنا..
مريم تروح غرفتها وتفتح درج الكوميدينو وتطلع القرآن اللي أهداها اياه محمد..وفتحت تقراه..تدخل عليها موزة..وتقعد جنبها تسمع للقرآن..وتاخذ تليفون مريم وتلعب فيه....
مريم(وقفت من القراية):في شي موزة؟
موزة:لا..بس جنة تليفونج فيه مكالمات لم يرد عليها..
مريم(خذت التليفون وشافت خمس مرات رن التليفون)
موزة:محمد؟
مريم:أي..
موزة:اتصلي فيه..
مريم:لا ماابي خلاص الوقت تأخر..
عقب نص ساعة في ألمانيا...
تميم(يمد يده):عبدالعزيز اشرب هالعصير مب زين عليك..
عبدالعزيز(يطق بيده على الطوفة):مااقدر ياتميم..شاقولهم؟؟..اقولهم وليد بيموت؟؟
تميم:الدكتور ماقال بيموت قال ان حالته وصلت للخطر..
عبدالعزيز:تميم الله يخليك روح شوف الدكتور مرة ثانية..
تميم:بروح بس خذ مني العصير..
الساعة تقريبا وصلت 12في الليل..في بيت بوسالم..في غرفة سلطان...
مها(تقوم من النوم):سلطان اشفيك؟..ليش مب نايم؟
سلطان:اتصل في تميم مايرد واتصل في عبدالعزيز هم مايرد..اخاف يكون صاير شي؟
مها(عدلت قعدتها):لاتخاف ان شاء الله مو صاير الا كل خير..يمكن مايسمعون او خلصت العملية وهم عنده..
سلطان:ماادري..(يرن تليفونه)..
مها:من؟
سلطان:هذي مريم..آلو..هلا مريم خير؟....يمكن مايسمعون رنة التليفون..تميم قالي هم بيتصلون...ان شاء الله اذا وصلني خبر بخبركم..مع السلامة..
مها:ليش مااتصلوا؟
سلطان:ماادري خايف..ليكون وليد صار فيه شي؟
مها:لا ان شاء الله..اتصل مرة ثانية..
سلطان(اتصل واتصل محد رد):مايردون..انا بروح لهم..
مها:وين تروح لهم..المسافة بعيدة..انزين اتصل على بيتهم عندك الرقم؟
سلطان:لا ماعندي..بعدين مستحيل يردون البيت هالوقت ووليد في العمليات..
مها:معقولة كل هالوقت بالعمليات؟
سلطان:لأن وليد حالته وايد صعبه والدكاترة خايفين ان القلب يتوقف اثناء العملية وحزته مايقدرون ينقذونه..
في المستشفى...
تميم:يارب..يارب ارحم بحاله يارب قومه بالسلامة..
عبدالعزيز:تميم الله يخليك ماعاد فيني اتحمل اكثر من جذي قوم دق الباب سوي شي..اخاف صار فيه شي..
تميم:لاتحاتي الممرضة قالت بييكم عقب خمس دقايق..
عبدالعزيز:طولت..
تميم:الحين بتيي..
في بيت بوعبدالعزيز...
هالة:يمه هدي بالج اخوي ماعليه شر..
ام عبدالعزيز:ليش مايتصلون..صار لهم ساعة ونص محد يرد علينا..
خولة:مريم اتصلتي في خالي سلطان؟
مريم:اتصلت ويقول هو بعد يتصل ومحد يرد..
منيرة:اتصلي له بعد يمكن حد فيهم اتصل فيه..
مريم:هذي ثالث مرة ازعجته..اذا في شي بيتصل..
بوعبدالعزيز(قط التليفون على الكنب):مايردون..(قام)
منيرة:وين يبه؟
بوعبدالعزيز:بروح اتوضى واصلي ركعتين ادعي فيهم يقوم اخوكم بالسلامة..
في غرفة سلطان...يرن تليفونه....
سلطان:هذي مكالمة خارجية..(يرد)...آلو..
تميم:السلام عليكم..
سلطان:وعليكم السلام تميم وينكم ليش ماتردون على تليفوناتكم..صرنا نحاتيكم..شالاخبار؟
تميم:اللهم لك الحمد والشكر..وليد قام بالسلامة..ونجحت العملية..
سلطان(ماصدق):صج..الحمدلله..الحمدلله..هو وينه الحين؟
تميم:في العناية المركزة..
سلطان:شفتوه؟
تميم:لا..بس من شوي خبرنا الدكتور وراح..
سلطان:لشفتوه خبرني..وين عبدالعزيز؟
تميم:قاعد مني..يقولك خبر بيتهم..
سلطان:ان شاء الله..
تميم:في أمان الله..(انتبه على دموع عبدالعزيز)..اشفيك ياعبدالعزيز؟
عبدالعزيز:ماني مصدق ياتميم..الحمدلله على ردة وليد لنا..
تميم:الحمدلله..
في بيت بوعبدالعزيز...
مريم:يمه تليفونه مشغول..
منيرة:يمكن يكلمهم..اكيد خالي بيتصل الحين..
يرن تليفون مريم...
مريم:هلا خالي...وينك تليفونك مشغول....صج وايش قالك؟؟....احلف...قلت لك احلف...(دمعت عينها)..يمه يمه وليد نجحت عمليته..
الكل استانس وفرح..بوعبدالعزيز سمع اصواتهم طلع من غرفته ودمعت عينه وراح يسجد شكر لله..
على صلاة الفجر...تروح ام سالم تدق باب غرفة سلطان..يطلع لها سلطان...
ام سالم:صباح النور..
سلطان:صباح النور يالغالية..
ام سالم:اقول يمه ماجاكم خبر؟
سلطان(ابتسم لها):الحمدلله نجحت عمليته..
ام سالم:صدق والله..الحمدلله..خلني ابشر ابوك واتصل في اختك..
سلطان يدخل..
سلطان:يحليلها امي..قمتي مها؟
مها:أي قمت..توضيت؟
سلطان(يلبس ثوبه):أي..برد من الصلاة وبرقد..
في المستشفى...
عبدالعزيز:تميم قوم خلنا نرد البيت..لأني خلاص منهد حيلي..
تميم:ياللا نمشي(وهو يطالع وليد من الدريشة)..شكله تعبان..
عبدالعزيز:المهم نجحت العملية..نمشي..
في البيت...عبدالعزيز كان يشرب عصير..تميم يدخل....
عبدالعزيز:ايش كانت تبي؟
تميم:ولاشي تسأل عن وليد..
عبدالعزيز(يهد الكوب على الطاولة ويقوم):انا رايح انام..
تميم:وانا بعد..
الصبح الساعة 10 تقوم مريم على رنة التليفون....
مريم:السلام عليكم..
محمد:وعليكم السلام ورحمة الله وبركاته..نايمة؟!!
مريم:اووه محمد..لو دريت انك انت جان مارديت..
محمد:ليش؟
مريم:لأني توني قاعدة من النوم..
محمد:ايش عندج نايمة لهالحزة؟
مريم:لأني كنت سهرانة لين الساعة 3..
محمد:أخبار وليد؟
مريم:الحمدلله نجحت عمليته..
محمد:مو قايلج خبريني؟
مريم:سوري والله نسيت من الفرحة والتعب..
محمد:مو جنه عندج محاضرة اليوم؟
مريم:والله مافيني على روحة الجامعة..تعبانة..
محمد:بدينا بالكسل..
هالة تدخل غرفتها....
هالة:صباح الخير..
مريم:محمد لحظة شوي..صباح النور..
هالة:زين قمتي..قومي غسلي وجهج ونزلي تريقي..خالتي عائشة تحت مع بناتها وأسماء بعد..
مريم:ان شاء الله..(سكرت الباب)..محمد انت في الدوام؟
محمد:أي ليش؟
مريم:بس أسأل..انزين انا بسكر لأن خالتي تحت ولازم انزل..
محمد:والجامعة؟
مريم:بشوف...ياللا مع السلامة..
تحت...قاعدين يسولفون...
جواهر:موزة ليش مارحتي المدرسة؟
موزة:ماقدرت..امس كنا سهرانين..
قمر:موزة..
موزة:نعم؟
قمر:ماخبركم اذا وليد قام ولا لا؟
موزة:لا والله..لحد الحين ماعندنا اخبار عنه..
قمر(قامت)
موزة:وين؟
قمر:بتكلم في التليفون شوي..

الحمدلله تطمنا على وليد لكن في سر بحياة قمر ياترى شنو هو؟؟

خلونا نشوفكم في الفصل السادس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-01-2014, 11:25 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


السموحة منكم على التأخير..الوالد الله يحفظه كان تعبان شوي..

تفضلوا...


**الفصل السادس**



راحت برع..اتصلت في تميم...رن وايد لين مارد..
قمر:السلام عليكم..
تميم:وعليكم السلام..منو؟
قمر:أنا قمر اشفيك خالي؟
تميم:سوري ماعرفتج..
قمر:كنت نايم؟
تميم:أي تعبان من امس ماراقدين علشان عملية وليد..
قمر:اشلونه الحين؟
تميم:بخير..عمليته نحجت..
قمر:الحمدلله..شفتوه قام من النوم؟
مريم تنزل تحت تسلم على خالتها وجواهر وتقعد...
اسماء:مريم حبيبتي ماتبين تتريقين؟
مريم:مااشتهي..
اسماء:على الاقل شربي حليب..
مريم:خلاص بخلي روسي تسوي لي نسكافيه..
يرن تليفونها بمسج...تقراه...
لاتنسين الريوق باسألج عنه عقب.. محمد..
مريم:اسماء الريوق زاهب؟
اسماء:اشوف غيرتي رايج..
مريم(ابتسمت):الاوامر..
اسماء:زين يسوي فيج..قومي معاي..
مريم(قامت):عيل وين زينة؟
موزة:تتوقعين بتنزل الحين؟
اسماء:موزة عيب..امشي مريوم..
في المطبخ قاعدة مريم تاكل وتسولف مع اسماء...
مريم:اسماء كلمتي عبدالعزيز اليوم؟
اسماء:لا..اتصلت فيه مرتين مارد قلت اكيد نايم..
مريم:وعليه اكيد تعبان..تبين اتصل في تميم علشان تطمنين عليه؟
اسماء:لا ماله داعي..عبدالعزيز بيدق من نفسه..
مريم:تعتقدين بيطولون لين مايردون؟
اسماء:على حسب حالة اخوج واستجابته للعلاج..
مريم:واذا حصل قلب؟
اسماء:ياريت والله..
مريم:وبيسوون له عملية؟
اسماء:يمكن..عندج محاضرات اليوم؟
قمر تدخل...
مريم:عندي..بس ماابي اروح..
اسماء:ليش؟
مريم:مالي خلق..
اسماء:وليد والحمدلله تطمنا على صحته والجامعة ليش ماتبين تروحين لها؟
قمر:بتروحين وانا معاج..
مريم:عندج محاضرات اليوم؟
قمر:أي عندي من 12 لين ثلاث..وانت؟
موزة(تيي):اسماء امي تبيج..
اسماء:ياللا جايه..تريقي عدل زين..
مريم:ان شاء الله..انا الله يسلمج عندي من 11 لين 4..
قمر:ليش وايد..
مريم:شسوي علشان اتخرج..
قمر:ومتى تخرجج؟
مريم:باقي لي كرس بعد..
قمر:ومتى عرسج؟
مريم:ان شاء الله في الصيف اذا تحسنت حالة وليد..
قمر:إن شاء الله..انزين خلنا نمشي للجامعة..
مريم:بس انا خلاص هالمحاضرة راحت علي..
قمر:مو مشكلة لحقي على غيرها..ياللا قومي غيري ملابسج.
في ألمانيا..



تميم:ايش قالك الدكتور؟
عبدالعزيز:يقول الحمدلله الحين تحسنت حالته..بس لازم تمر 24 ساعة على العملية..
تميم:انزين ماقلت له نبي نشوفه؟
عبدالعزيز:بلا..قالي صبروا شوي..(طلع تليفونه)..بتصل وبرد....مساء الخير..
اسماء:مساء النور..
عبدالعزيز:شتسوين؟
اسماء:قاعدة عند امك..
عبدالعزيز:فديتها الغالية سلمي عليها..
اسماء:خالتي عبدالعزيز يسلم عليج..
ام عبدالعزيز:سلمي عليه..
اسماء:تسلم عليك..
عبدالعزيز:الله يسلمها..عيل وين عيالنا؟
اسماء:في بيت ابوي..
عبدالعزيز:راحوا المدرسة؟
اسماء:أي اخوي وداهم..خبرني عن احوالك؟
عبدالعزيز:بخير..مشتاق لكم..
اسماء:اشتاقت لك العافية..اخبار اخوك؟
في الجامعة...



مريم تكون قاعدة في الكافتيريا..تتصل في امها...
مريم:موزة وين امي؟..عطيها السماعة...السلام عليكم يمه..
ام عبدالعزيز:وعليكم السلام..خلصتي؟
مريم:أي يمه خلصت واتصل على ابوي يقولي انه بعيد عن الجامعة ومايقدر يمرني..واتصل على خالي تليفونه مغلق..شسوي ابات هني؟
ام عبدالعزيز:شنو تباتين!!..باتصل في خالج اذا ماحصلته باتصل في بدر..
مريم:بس لاتطولون علي..تراني تعبانة وابي ارد البيت..
تمت تقرا مجلة رن تليفونها شافت رقم محمد ماردت..اتصل مرتين ومريم قررت انها ماترد..لين ماصارت الساعة 6 وربع جاها بدر ومعاه زوجته...
زينة:نرد البيت على طول بدر..انزين..
مريم:ليش في حد قال انه بيروح مكان؟
زينة:قلت يمكن مني ولا مني..
مريم:احنا طلعاتنا من زمان خفت بس غيرنا على طول في السوق..
زينة:ايش تقصدين؟
مريم:ماقصدت شي..بدر اذا تسمح شغل على اذاعة قطر للقرآن..
رن تليفونها..شافت رقم محمد حطته على الصامت وماردت..
بدر:من؟
مريم:ماكو..
زينة:اكيد خطيبج..
مريم:يمكن..
بدر:انزين ردي..
زينة:يمكن تستحي..
مريم:لرديت البيت بكلمه..
دخلوا البيت...مريم حبت راس امها...
ام عبدالعزيز:مريم يمه بدلي وتعالي تغدي..
مريم:كلت فطيرة بالجامعة وشبعت..نعسانة بصلي العشاء وبنام..تامريني على شي قبل لنام؟
ام عبدالعزيز:لا يمه روحي ريحي..
زينة:عيل وين اسماء خالتي؟
ام عبدالعزيز:راحت بيت ابوها علشان عيالها..
زينة:مااسرع ماراحت..
بدر:باروح اتوضى علشان الحق على الصلاة..
ام عبدالعزيز:انا بعد بروح اتوضى علشان اصلي..
مريم تدخل غرفتها...تشغل المكيف وتقفل الباب..ويرن تليفونها تشوف رقم رفيجتها.......
مريم:هلا فطيم..
فاطمة:وين السلام؟
مريم:مالي خلق شي..ايش تبين؟
فاطمة:اشفيج؟
مريم:تعبانة من الدوام..واليوم تأخروا علي وايد وتميت للمغرب..ومحمد كل شوي يتصل وانا ماارد عليه خفت يدري اني ليحين بالجامعة..
فاطمة:وليش تأخروا عليج؟
مريم:انا ادري عنهم..
فاطمة:انزين ريلج زعلان عليج علشان مارديتي عليه؟
مريم:مااعتقد..فطيم ليش اليوم ماحضرتي محاضرة الساعة 2 ؟
فاطمة:ماكان في حد يوصلني الجامعة..ليش؟
مريم:بس أسأل استغربت انج كنت غايبة..
فاطمة:مريوم في شي صاير؟
مريم:.....
فاطمة:ليكون الدكتور؟
مريم:اكو غيره..
فاطمة:ايش سوى بعد؟
مريم:قعد يناظرني بنظرات خوفتني..وكل ماوحده من البنات تسأله سؤال يقولها سألي أستاذتكم مريم..ومايرد عليهم..حسيت بصداع شديد رحت أستأذن منه علشان اروح آخذ بندول قالي آسف انت بالذات ماأأذن لها بالخروج..قلت له دكتور تعبانة ومضطرة اني اطلع..قالي لا الا اذا تبين احسب لج غياب..عصبت عليه خذت أغراضي..قالي قبل لأطلع بحطلج غياب يامريم..(تبجي)..
فاطمة:جان فلعتيه بتليفونج وريحيتنا من لسانه..
مريم:لو محمد درى إنه يحاجيني بهالطريقة بيعصب..
فاطمة:هو محمد بس..خوالج اخوانج..
مريم:شسوي تقولين احذف المادة ولا اخبر العميد؟
فاطمة:ماادري..اذا تحذفينها يكون احسن..
مريم:المشكلة ان هالمادة مايطروحونها كل كورس..وجذي بتأخر على التخرج..وبعدين اصلا ماكو حذف واضافة..
فاطمة:حتى لو بتتأخرين على التخرج..تتأخرين ولا تجابلين واحد مثل هذا..انا عندي لج فكرة..غيبي وخبري العميد انج ماتبين هالمقرر حتى لو حسبولج رسوب..
مريم:ليش القوانين على كيفي تمشي..وبعدين الرسوب ينزل المعدل..
فاطمة:ينزل المعدل ولا تسمعين هالحجي..
مريم:ياليتج لو موجودة انت عادي تردين عليه..
فاطمة:ان شاء الله المحاضرة الجاية..
مريم:ياللا ابي اصلي وتعبانة ابي انام..
عقب ماتصلي..تحاول انها تنام لكن النوم طار من عينها عقب ماتوضت..فتحت لاب توبها..ودخلت عليها موزة تسولف وياها.. وشوي يرن تليفونها...
مريم:هلا محمد..وينك؟..صج ياللا انتظرك عيل..موزو خبري الخدامة تفتح الباب اذا محمد وصل..وتزهب العصير..
تنزل مريم تحت تحصل امها قاعدة مع زينة وبدر...
مريم:يمه محمد وصل؟
ام عبدالعزيز:أي ينتظرج..بدر قوم ادخل معاها..
تدخل مريم يقوم محمد يسلم عليها...
محمد:من زمان ماشايفج..
مريم:حتى انا..تفضل..
محمد(يقعد):شكلج متغير..
مريم:من الجامعة..شسوي بعد..
بدر يدخل..ويسلم ويقعد....
محمد:يوم اتصلت لج كان تليفونج مشغول..
مريم:أي كنت احاجي وحدة من ربعي..
محمد:أخبار وليد؟
مريم:الحمدلله حالته في تحسن..محمد..
محمد:لبيه..
الخدامة تدخل...
الخدامة:بابا بدر مدام انت تبيك..
بدر(قام):عن اذنكم..
مريم(في نفسها:أحسن)
محمد:انزين مريم ايش كنت تقولين؟
مريم:ابي استشيرك بشي بس الله يخليك ويرضى عليك لاتعصب علي..انا بهالوقت محتاجة لحد يساعدني..خالي مشغول واخواني محد..
محمد(حس بقلق):ايش صاير؟
مريم:انا ابي احذف مقرر في الجامعة..
محمد(استغرب):ليش؟
مريم:بس جذي..واشلون اقدر اسوي هالشي..
محمد:ممكن اعرف السبب..
مريم:اعفيني..
محمد(بجدية):مريم ممكن اعرف السبب..
مريم:مااقدر قلت لك اعفيني..
محمد:سر؟
مريم:يمكن..
محمد:تخشين علي؟!!
مريم:صدقني يامحمد مااقدر..والله لو اقدر جان قلت لك..
محمد:عيل ليش قاعدة تستشيرني؟
يرن تليفون محمد....
محمد:هلا عيسى بخير.....انا فاضي ماعندي شي.....الحين جاي في امان الله..
مريم(حست ان محمد زعل):محمد رايح؟
محمد:يهمج؟
مريم:محمد انت زعلت مني؟
محمد:توقعتج ماتخشين عني شي..
مريم:محمد انا كنت...
محمد:خلاص ماابي اعرف..انا رايح..مع السلامة..
بدر يدخل..
بدر:وين راح محمد؟
مريم تضايقت وحست ان في ودها تبجي..راحت غرفتها وقفلت الباب وقعدت تبجي...دق الباب..
سلطان:مريم فتحي الباب..مريوم..
مسحت دموعها..وراحت فتحت الباب.....
سلطان:اشفيج تصيحين؟
مريم:ولاشي تذكرت وليد..
سلطان:وانت ماتتذكرين وليد الا عند محمد..
مريم:وانت ايش دراك؟
سلطان:كنت قاعد في الصالة مع امج يوم مريتي بركيض..اشفيج؟
مريم:مافيني شي..قلت لك تذكرت وليد..
سلطان:ومحمد وين راح عنج؟
مريم:جاه تليفون وطلع..
سلطان:انزين غسلي وجهج ونزلي تحت عند امج..علشان ماتحاتيج..
مريم:ان شاء الله..
في المجلس...
عيسى:اشفيك؟
محمد:اقول وين الربع؟
عيسى:جايين..ماتوقعتك بتيي بهالسرعة..
محمد:قلت لك كنت فاضي..
عيسى:أخبار اخو خطيبتك؟
محمد:الحمدلله..تصدق زين ذكرتني..خلني اتصل فيهم..
في بيت فاطمة...
اخوها يدخل البيت...
راشد:مساء الخير..
ام راشد:مساء النور..
راشد:اخبارج يمه؟..(يقعد)
ام راشد:الحمدلله..
راشد:شتطالعين؟
ام راشد:اتابع هالمسلسل..تعال اقعد معاي..
راشد:عيل وين بناتج؟
ام راشد:ماادري عنهم..
راشد:امل ليحين في البيت؟
ام راشد:أي ريلها مارد من السفر..
راشد:الظاهر انج وايد مندمجة ويالمسلسل يمه..
ام راشد:أي..جوعان؟
راشد:أي..
ام راشد:ناد فاطمة خلها تزهب لك العشاء..
راشد:وينهي؟
ام راشد:ماادري..
راشد(يناديها بصراخ):فاطمة..يافاطمة..فطيم..
فاطمة(من بعيد):شوي شوي اسمعك..نعم؟
راشد:تعالي زهبي العشاء..
فاطمة:ماني فاضية لك..عندي شغل على النت..
راشد:لاوالله..ياللا تعالي اشوف..انا ميت من الجوع..
فاطمة:روح شوف امل..
راشد:انا ابيج انت..(راح لها)..ابي اعرف شستوين على النت؟..(دخل غرفتها وشاف الماسنجر)..هذا اللي شاغلج..انزين تحركي زهبي لي العشاء وعقب ردي..
فاطمة:راشد اشوف صرت ماتييب طاري خطيبتك..خلاص..
راشد:فاطمة انا جوعان ولاتخربين مزاجي وشهيتي..روحي بسرعة..
فاطمة(قالت في نفسها:الله يهداك)
في المجلس...
زيد:اقول عيسى..رفجيك اشفيه؟
عيسى:من محمد؟
زيد:أي..شكله مو طبيعي جن في شي شاغله..
عيسى:عيل خلني اروح اشوفه..(يروح له)..يتهني اللي تفكر فيه..
محمد:عيسى..(خذ نفس)..
عيسى:أي عيسى..اشفيك؟
محمد:اشفيني؟
عيسى:في من تفكر؟
محمد:فيك تصدق..
عيسى:اصدق ليش لا..(يضحك)..مو انا رفيجك..
محمد:دمك ثقيل..قوم روح مناك..
عيسى:اقولك فيك شي..
محمد:عيسى انت الظاهر فاضي اليوم..
عيسى:أي فاضي ايش عندي؟..ولاشي..حتى يمكن ابات مني..
محمد:بات على راحتك..(قام)..انا رايح..
عيسى(بجديه):محمد..(محمد التفت له)..انت متضايق من شي صح؟
محمد(كان في وده يتكلم معاه لكن):مع السلامة..
ويمر الوقت في بيت بوعبدالعزيز....مريم تقعد عند امها...
مريم:يمه اسماء اتصلت وسلمت عليج..
ام عبدالعزيز:الله يسلمها..وينج ليش مانزلتي لما يدج ويدتج كانوا مني؟
مريم:كنت ادرس عندي امتحان باجر..
ام عبدالعزيز:وشالي منزلج؟
مريم:نزلت اشوفج..يمه بسج تفكير..وليد بخير والحمدلله عمليته نجحت وان شاء الله بيرد بسرعة..
ام عبدالعزيز:ان شاء الله..الله يسمع منج..
مريم:وايش له الحزن..البيت صاير كئيب..نبي نفرح نبي نشوف الابتسامة على وجيهكم..
ام عبدالعزيز:تبين تعرسين؟
مريم:يمه انا ماافكر بالعرس..وصار لي فترة تركت الدوارة بالسوق..ويمكن مااعرس بعد..
ام عبدالعزيز(انصدمت وخافت):ليش؟؟..صاير شي؟؟..تحجي..
مريم(بخوف):لا مو صاير شي..
ام عبدالعزيز:انت ومحمد متزاعلين؟
مريم:لا ابد..انا قلت جذي علشان اخوي وليد..
ام عبدالعزيز:توج تقولين عن حالة وليد وبيرد بسرعة..شالي غير كلامج..مريوم اذا في شي تحجي..
مريم(توهقت):لا يمه ماكو شي..انا اقصد ااجل العرس لين ماتتحسن حالة وليد..
ام عبدالعزيز:الله يرده بالسلامة..
في بيت بوسالم...
(صورة)
قاعدين يشربون شاي...
سلطان:متى تولدين ابي ولدي..
مها(تبتسم):وايش دراك انه ولد يمكن بنت..
سلطان:ياريت لو بنت وتشبهج ياسلام انا محظوظ امي داعيت لي..
ام سالم(تضحك):دوم ادعي لك يمه..ايش بتسمونها ؟
سلطان:انت ايش رايج مها؟
مها:رايي؟..خاطري في وعد..
سلطان:ياللا..شنو وعد؟؟..لا حبيبتي..قولي نور..سلوى..هند..جوهرة..لمياء..
مها:لمياء ها..ماراح اخليك..
سلطان(يضحك)
ام سالم:ليش اشفيه اسم لمياء؟
مها:سأليه ياعمتي..
سلطان:ماعليج منها يمه..مرة كنت نايم وحلمت حلم وهي سمعتني وانا انادي اسم لمياء..ومن ذاك اليوم وهي مو راضية تنسى..
ام سالم(ابتسمت لهم):وانت ماتحلم الا بوحده اسمها لمياء؟
مها:أي والله..
سلطان:خلج من هالسالفة..قولي انت ايش رايج يالغالية؟
ام عبدالعزيز:جوهرة حلو..
سلطان:فديت الوالدة والله..دام امي قالت يعني خلاص..
مها:أجل اذا ولد ايش بتسميه؟
سلطان:طبعا جبر..على اسم الوالد..
مها:دام على اسم عمي خلاص انا راضية..
يرن تليفون البيت...
ام سالم:هلا فوزية..بخير يمه ...اخوج هني..اي كاهو..خذ فوزية تبيك..
سلطان:مساء الخير..
ام عبدالعزيز:مساء النور..أخبارك؟
سلطان:الحمدلله..انت شاخبارج واخبار ابو العيال والعيال؟
ام عبدالعزيز:كلهم بخير..اقول سلطان..
سلطان:لبيه..
ام عبدالعزيز:ياليت لو تيي تقعد مع مريم شوي..
سلطان:ليش اشفيها ؟
ام عبدالعزيز:ماادري احس ان في شي شاغلها وتتهرب مني كل ماابي افاتحها بالموضوع..
سلطان:يمكن تفكر بوليد..
ام عبدالعزيز:ماادري بس احس في شي..
سلطان:خلاص خلي الموضوع علي..خليها تمرني البيت....اي على الساعة 8 زين..لأن عندي شغل في المرسم فخلها تيي...ان شاء الله..لاتحاتين..في امان الله..
ام سالم:اشيفها مريم؟
سلطان:ماادري تقول فوزية فيها شي..
فوق في غرفة مريم...
مريم:هلا يمه حياج..
ام عبدالعزيز:خالج سلطان يقولج تعالي عنده على الساعة 8..
مريم(استغربت):ليش؟
ام عبدالعزيز:تسأليني أنا؟؟
مريم:أي بس غريبة..من بيوديني؟
ام عبدالعزيز:ابوج موجود ماهو طالع اليوم..بخبره يوصلج وانت تزهبي..
مريم:إن شاء الله..(امها سكرت الباب)
قعدت تفكر وماوصلت لنتيجة خالها شيبي منها؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-01-2014, 11:29 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج



في بيت بوعلي...
نورة في المطبخ مع خالتها...يدخل حمد...
حمد:قوة..
الجميع:الله يقويك..
حمد:اشلونج يمه؟
ام علي:الحمدلله..انت شاخبارك؟
حمد:الحمدلله..
ام علي:جاي بروحك؟
حمد:أي..كنت عند الربع فقلت امركم قبل لرد البيت..اخبارج نورة؟
نورة:الحمدلله..
حمد:شتسوين؟
نورة:اطبخ للعشاء..
حمد:ياسلام..وشنو العشاء؟
نورة:معكرونة بالباشميل..
حمد:امم..عيل شكلي بتعشى عندكم..
نورة:حياك..
حمد:بيطول؟
نورة:يعني يبيلك تنطر نص ساعة ولازم ننطر عمي بعد..
حمد:ليش يمه وين ابوي؟
ام علي:راح بيت عمك حمود..
حمد:ومتى بيرد؟
ام علي:ماادري..انا بروح الصالة نورة اذا بغيتي شي خلي الخدامة تساعدج..
نورة:ان شاء الله..مشكورة خالتي..
حمد:وين العنود خلها تساعدها..
ام علي:لو تقدر تقنعها روح..
في الصالة..
حمد:يمه تدرين ان سيف راد باجر..
ام علي:ويعني؟
حمد:يمه هو مشتاق لكم وايد..
ام علي:خله يشتاق..
حمد:يمه هذا ولدكم..
ام علي:حمد اذا انت جاي علشان هالسالفة فرد بيتك احسن وريح عمرك..
حمد:يمه تطرديني؟
ام علي:انا مااطردك..بس غير الموضوع..
حمد:يمه انا بغيتج عون علشان اقنع ابوي صرتي علي فرعون..
ام علي:حمد..روح زوجتك وعيالك ينتظرونك..
حمد:يمه مايصير..هو غلط خلاص سامحوه..
ام علي:روح عند ابوك وقوله هالحجي..
حمد:اذا ابوي سامحاه انت بتسامحينه؟
ام علي:اللي سواه اخوك ماكان شوي..
العنود تنزل...
حمد:يمه سيف جاي باجر..
العنود(استانست):صج..سيف جاي باجر..ياسلام احلى خبر سمعته..
ام علي:لاتفرحين تراه مب داخل هالبيت..
العنود(حزنت):ليش يمه؟؟
ام علي:اللي قلته يمشي.. وياويلكم لو فتحتوا الموضوع مع ابوكم..(قامت)
في بيت بوسالم...تدخل مريم تسلم على يدتها ويدها...
مريم:يدتي وين خالي سلطان؟
ام سالم:في المرسم..هو ينتظرج..
مريم:عن اذنكم..
تمشي وقلبها مليان خوف وعقلها مليان بالتفكير..ماهي عارفة شالسالفة..اول مرة طلبها في المرسم لما قالها عن محمد والحين ايش؟؟
دخلت...شافت سلطان قاعد مع مها....
سلطان:حياج مريم..تعالي..
مها(تسلم عليها):اشلونج يالعروس؟
مريم:الحمدلله..انت اشلونج؟
مها:انا بخير..حياج قعدي..انا بروح اسوي لكم عصير..
مريم:لاتعبين عمرج..ماله داعي..
سلطان:انت ايش عليج انا ابي..روحي مها..تعالي قعدي..
مريم قعدت...
سلطان(كان يرسم فكمل رسمته واستغرب هدوء مريم):ايش فيج ساكتة؟
مريم:أنا!!
سلطان:ايش رايج باللوحة؟
مريم:حلوة..
سلطان:تبينها؟
مريم:خالي..امي قالت لي انك بغيتني..في شي صاير؟
سلطان(هد الفرشاة والالوان):اشفيج متوترة وخايفة وايدج ترتجف..
مريم:باجر عندي امتحان وخايفة..
سلطان(كمل رسم):ايشقد صار لكم متزاعلين؟
مريم(فجت عينها واستغربت):متزاعلين!!..مع من؟
سلطان:مع محمد..
مريم:وانت من قالك ان احنا متزاعلين؟
سلطان:اعرف اشلون مااعرف..وجهج قال..
مريم:وجهي بخير وماقال شي..
سلطان(هد اللي بيده وراح لها):ترى عادي لو اختلفتوا..هذا احسن وقت تتعرفون على بعض..
مريم:خالي..
سلطان:نعم؟
مريم:على ايام الخطبة مها كانت تقولك كل شي؟
سلطان:يعني اشلون؟
مريم:يعني كانت تخش عليك مثلا؟
سلطان:يمكن..بس هذا عادي..بس الحين مااخليها..مو على كيفها..
مريم(قامت):خالي انا رايحة البيت..
سلطان:مريم..
مريم(وقفت):نعم..
سلطان:من بيوصلج؟
مريم:ابوي واقف عند الباب..
سلطان:انت متأكدة ان مافي شي صاير؟
مريم:اجاوبك بس من غير أسئلة بعدها..
سلطان:انزين جاوبي..
مريم:في شي صاير..بس مااقدر اتكلم..(راحت لحقها سلطان ومنعها)
سلطان:مريم في شي بينج وبين محمد؟؟
مريم(دمعت عينها):لا..
سلطان:ريحتي بالي..عيل شنو؟
مريم:خالي احنا اتفقنا من غير أسئلة..
سلطان:بس مااقدر اخليج جذي..
مريم:خالي انت عصبي وماتقدر تتحمل..فانا مااقدر اقولك شي..عن اذنك..
سلطان:يعني شنو؟مريوم عن السخافة وتحجي..
مريم:حاليا مااقدر اقول شي..لأحتجتك صدقني بقولك..ياللا انا رايحة..
مها تدخل..
مها:اشفيك واقف جذي؟
سلطان:مافهمت ولاشي..اشفيها؟
مريم كانت في حالة تفكير..ردت البيت..وفي غرفتها...
مريم:فطوم الله يخليج شاسوي؟؟
فاطمة:انا ايش دراني..باجر الامتحان وشوفي شيصير وعقب قرري..
تحت...
بوعبدالعزيز:باجر ان شاء الله بيوصل السائق..
زينة:وايد زين ياعمي..بدر تعب وهو رايح راد..
بوعبدالعزيز:لازم يتعب على خواته..بدر اتصل في عبدالعزيز وطمنا على اخوك..
بدر:ان شاء الله..
باجر...
في ألمانيا....



عبدالعزيز:وليد هذي مريم تقولك ادعي لها عندها امتحان عقب شوي..
وليد:قولها تامرين..سلم عليها..
عبدالعزيز:يقولج تامرين..ويسلم عليج..يوصل..وانت بعد ركزي عدل..ياللا مع السلامة..
وليد:تميم ماهو راد؟
عبدالعزيز:لا..بغيته بشي؟
وليد:لا بس أسأل عنه..عبدالعزيز الدكتور ماقال متى بيرخصوني؟
عبدالعزيز:يبيلك بعد اسبوعين..
وليد:وايد..
عبدالعزيز:يمكن سبحان الله حصلت قلب..
وليد:مااعتقد..
في الجامعة...طلعت مريم من الامتحان وهي تبجي..تلحقها فاطمة....
فاطمة(وهي تاخذ نفس):حرام عليج صبري علي شوي..مريم هدي شوي..
مريم:فاطمة هالريال بيذبحني..طول الامتحان واقف فوق راسي..شنو هذا وين قاعدين؟؟
فاطمة:هالشي ماينسكت عنه..انت لازم تروحين تشتكين عليه..
مريم:انا اعرف شاسوي فيه.
في الشغل...محمد يدخل مكتب السكرتير..ويطلع تليفونه يشوف في مكالمات لم يرد عليها 3..طنش..
محمد:خلصت الاوراق فواز؟
فواز:ياللا ثواني بعد..
محمد(وصله مسج فتحاه..محمد تكفى رد علي ابيك في شي ضروري):ياللا فواز عندي اجتماع عقب ربع ساعة..
فواز:ياللا كاهم..تفضل..
محمد:مشكور..
في بيت بوعبدالعزيز...
زينة:عمتي وين السايق؟
ام عبدالعزيز:راح يجيب مريم من الجامعة..
زينة:وبيتأخر؟
ام عبدالعزيز:ماادري..تبينه؟
زينة:ياليت والله..
ام عبدالعزيز:ليرد ان شاء الله..
في بيت بوسالم....سلطان يركض ينزل من الدري ويطلع من البيت..ومها راحت عند ام ريلها...
ام سالم:مها اشفيه سلطان؟؟
مها(بحزن):خالتي مريم كانت مع السايق وصار لهم حادث..
ام سالم(حطت ايدها على قلبها):وهي وينهي الحين؟
مها:في العمليات..
ام سالم:امها تدري؟
مها:لا..
ام سالم:الله يكون بعونها..تحصلها من من ولا من من..وسلطان من وين درى؟
مها:بوعبدالعزيز اتصل وخبراه..
في بيت بوعبدالعزيز...
هالة(تبجي):لا مستحيل..
ام عبدالعزيز(مو مصدقة)
بوعبدالعزيز:قوموا خلنا نروح لها..
موزة(تبجي):مريم..
راحوا جميع المستشفى...



واقفين برع وهم يبجون..الدكتور طلع...التموا حوله...
بوعبدالعزيز:ها دكتور طمنا..
الدكتور:السايق حالته مستقرة..
بوعبدالعزيز:انا أسأل عن بنتي..
الدكتور:هي في العمليات..انا ماعندي اخبارها..بس بغيت اطمنكم على السايق..عن اذنكم..
سلطان(راح على جنب واتصل في محمد)
محمد كان قاعد في البيت في غرفته..رن تليفونه شاف رقم سلطان شك انه يعرف شي..
سلطان:السلام عليكم..
محمد:وعليكم السلام ورحمة الله وبركاته..
سلطان:محمد وينك؟
محمد(استغرب من صوته ليكون وليد صار فيه شي؟):أنا في البيت..
سلطان:محمد تقدر تيينا المستشفى؟
محمد(اخترع):المستشفى!!..ليش؟..من تعبان؟؟
سلطان:وحدة من بنات اختي تعبانة..ونبيك توقف مع مريم لأنها محتاجتك وهي في هالظرف..
محمد:انتوا في الطواري؟...خلاص ربع ساعة واكون عندكم..
سلطان:ناطرينك..مع السلامة..
بوعبدالعزيز:قلت له؟
سلطان:ماقدرت اقوله ان مريم اللي تعبانة..خفت يصير فيه شي وهو بالطريق..
بوعبدالعزيز:زين سويت..
الدكتور(يطلع):السلام عليكم..
بوعبدالعزيز:وعليكم السلام..ها دكتور طمنا عليها الله يخليك..
الدكتور:الضربة جات قوية على مريم اكثر من السايق..يعني هي تأذت أكثر..صادها ارتجاج بالمخ..وكسر بالرجل اليسرى..وصادها نزيف حاد..بس الحمدلله وصلت في الوقت المناسب..وهي الحين في العناية تحت الملاحظة...
بوعبدالعزيز ماقدر يتحمل الصدمة..وقف بعيد عنهم..راحت له منيرة..
سلطان:يعني حالتها مستقرة؟
الدكتور:حاليا الحمدلله..
بدر:دكتور نبي نشوفها نقدر؟
الدكتور:الحين الزيارة ممنوعة..لطلعت من العناية يصير خير..عن اذنكم..
محمد وصل..شاف الكل واقف الا مريم..استغرب..عيل مريم وين راحت؟؟؟
محمد:بدر كيف حالك؟
بدر:الحمدلله..
محمد:شالي صار مين التعبان؟
بدر:بناديلك سلطان..
محمد:بدر وين مريم مااشوفها معاكم؟؟
بدر:ثواني بس..(راح عند سلطان)..خالي محمد هناك..
سلطان راح له...ووداه يقعدون بعيد شوي...
محمد:سلطان شالسالفة؟؟وين مريم مااشوفها..بعدين شالي صاير؟؟
سلطان:مريم..مريم في العناية..تطلب دعواتك..
محمد(انصدم):اشلون؟؟...ماني فاهم شي..سلطان مريم اشفيها؟؟
سلطان:صار لها حادث..وهي الحين بالعناية..
في ألمانيا...
تميم(والتليفون في يده):اتصل البيت محد يرد علي..اتصل بسلطان هم مايرد..ماادري وينهم..عبدالعزيز اتصل في بيتكم..
عبدالعزيز:أنا بعد حاولت اكلمهم من نص ساعة محد رد علي..قلت يمكن طالعين..
وليد:تميم الله يخليك كلم لي الدكتور ابي اطلع..
تميم:على كيفك..انت يبي لك راحة ماتقل عن اسبوعين..
في طواري حمد...
سلطان:محمد ..يامحمد وين رايح؟؟
محمد(وهو متألم):خلني بحالي..
طلع من المستشفى ووقف بعيد بعيد عن الناس..في هالظلمة راح يمشي وهو مايدري وين مسيرته..وده يبجي ويصرخ..بس مايقدر..قعد على الرصيف..فتح تليفونه وشاف آخر مسج منها.. محمد تكفى رد علي ابيك في شي ضروري..حس ان قلبه يتقطع..ليش مارديت عليها ليش؟؟...ايش بغيتي مني يامريم..ايش؟؟..انا صج ياهل..اشلون ازعل على اتف الاسباب..اشفيني انا..عيل اشلون اقدر امشي حياتي اذا زعلت على اتفه الاسباب..مريم مريم الله يخليج قومي..وقولي لي شنهو هالشي الضروري اللي بغيتيه مني..
في المستشفى...
سلطان:ياللا جماعة قوموا ردوا البيت..قعدتكم مامنها فايدة..بدر خذ خواتك وردوا البيت..وانت يابوعبدالعزيز خذ فوزية وردوا البيت..وانت يبه خذ امي وردوا البيت..انا بتم هني..
بوعبدالعزيز:محمد وينه؟
سلطان:ماادري..بس اكيد جاي..ماراح بعيد..
خولة:خالي ايش صار على الخدامة؟
سلطان:ماادري تصدقين..بروح أسأل عنها..
بدر:خلك انا بروح..
الكل يرد البيت..ويتم سلطان..وتصير الساعة 9 في الليل..يطلع الدكتور...
الدكتور:حضرتك شتصير لها؟
سلطان:خالها..خير دكتور..
الدكتور:هي قامت..
سلطان:الحمدلله..اقدر اشوفها؟
الدكتور:انت اسمك محمد؟
سلطان:لا..انا سلطان..ليش؟
الدكتور:اسمعها تنادي واحد اسمه محمد..
سلطان:محمد خطيبها..
الدكتور:ماخبرتوه؟
سلطان:بلا..
الدكتور:عيل ياليت يي..
سلطان:وانا مااقدر اشوفها؟
الدكتور:بلا..تقدر..تفضل..
سلطان دخل وشافها بهالمنظر المحزن..قرب منها..فتحت عينها...
مريم:خالي..(تسكر عينها وتفتحها مرة ثانية)..خالي وين محمد؟
سلطان:محمد برع ..تبينه؟
مريم(هزت راسها بنعم)
الدكتور:ارجوك لاتخلونها تتكلم وايد..
سلطان:حاضر..
سلطان:مريم ارتاحي..وشدي حيلج علشان تطلعين من هني..
مريم:ابي محمد..(دمعتها تنزل)
سلطان:الحين..
سلطان طلع علشان يتصل فيه...
سلطان:محمد وينك فيه؟؟...تعال بسرعة مريم قامت وتبي تشوفك...اي..في امان الله..
محمد ماعرف يركض ولايمشي..مشى بسرعة بسرعة..وماهو منتبه ان شد الناس بمشيته لين ماوصل للعناية..شاف سلطان واشر له انه يدخل...دخل شافها بحالة صعبه..قرب منها شاف عيونها مسكرة..مسح بإيده على جبينها وقعد يقرأ عليها..مريم فجت عينها..شافته بغت تتكلم محمد ماخلاها وقعد يكمل...
في بيت بوعبدالعزيز...
ام عبدالعزيز:سلطان طمني على بنتي....قول والله...تحجت؟...انزين انا جاية الحين....ليش؟...ابي اشوفها..محمد راح لها؟...ومتى بيطلعونها من العناية؟
سلطان:ماادري..على حسب حالتها..تطمني هي بخير..انزين انا بسكر لأن تميم على الخط الثاني..مع السلامة..السلام عليكم..
تميم:وعليكم السلام..وينك ياريال..ذبحتوني وانا اتصل..وينكم؟
سلطان:كنت شوي مشغول وماقدرت ارد عليك..
تميم:انت وينك فيه عندك ازعاج..واصوات..انت في المطار؟(عبدالعزيز ووليد ناظروا بعض)
سلطان:لا..
تميم:عيل وين؟
سلطان:بقولك بس لاتقول حق عبدالعزيز ووليد..سمعت..
تميم:انزين..
سلطان:ولاتبين له ان في شي..
تميم:ان شاء الله..
سلطان:مريم بنت اختك صار لها حادث..
تميم:مع من؟
سلطان:مع السايق الجديد..وتعورت شوي..وهي الحين في العناية..
تميم:أخباركم بعد؟
سلطان:الحمدلله الكل بخير..ادري ان في ودك تسأل بس ماتقدر..بس تطمن هي بخير..والكل بخير..انت طمنا على وليد..
تميم:وليد بخير..حالته قاعدة تتحسن يوم ورى يوم..
سلطان:الحمدلله..ومتى راجعين؟
تميم:يمكن عقب اسبوعين..
سلطان:على خير ان شاء الله..سلم عليهم..
تميم:يوصل..في امان الله..
عبدالعزيز:سلطان وينه؟
تميم:في الدوحة..
عبدالعزيز:عيل ليش تقوله صوت مطار ماادري وشو؟
تميم:كان برع البيت فكان في ازعاج..حسبته في المطار..
عبدالعزيز:شاخبارهم؟
تميم:الحمدلله..كلهم بخير..
وليد:ليكون مريم تفكر تأجل عرسها علشاني..انا بخير..وبرد الدوحة وبحضر عرسها..
تميم(قال في نفسه:الظاهر بتغير يوم عرسها علشان روحها)
محمد يطلع من العناية..
سلطان:اشلونها؟
محمد:قريت عليها لين مانامت..ماكلمتها..
سلطان:شكلك تعبان..رد البيت..
محمد:وانت؟
سلطان:برد عقب شوي..بس بروح لعند الدكتور استفسر عن حالتها..
محمد:عيل خلاص خذني معاك..
سلطان:مشينا..
في بيت بوعلي...قاعدين يطالعون تلفزيون...
بوعلي:العنود حطي الاخبار..
العنود:ضروري؟
بوعلي:طبعا ضروري..
العنود:ان شاء الله..
نورة(قامت):انا رايحة فوق..
ام علي:وين؟
نورة:بشوف كتبي يمكن نسيت احل واجب..عن اذنكم..
محمد يدخل البيت...
محمد:السلام عليكم..
الجميع(بإندهاش من شكله):وعليكم السلام..
نورة وقفت وهي في الدري...
ام علي:محمد اشفيك؟
محمد(قعد):العنود جيبلي كلاص ماي..(فتح ازرته والتعب باين عليه)
بوعلي(ترك الاخبار):محمد يبه اشفيك؟..صاير شي؟
العنود قامت تجيب ماي..ونورة نزلت من الدري....
محمد:بس اشرب ماي بقولكم..
ام علي:العنود بسرعة..
العنود(جاية من المطبخ):ان شاء الله..تفضل محمد..
محمد(شرب الماي مرة وحدة وحط الكوب على الطاولة)
بوعلي:تحجى محمد..
محمد:مريم في العناية..
الكل انصدم ومستغرب...
ام علي:ايش صار عليها؟؟
محمد:صار لها حادث..
العنود:واشلونها الحين؟
محمد:الله يعلم بحالها..ادعوا لها..
بوعلي:تعورت وايد؟
محمد:تقريباً..(قام وركب الدري)
ام علي:عين وصابتهم..الله يعين اهلها..
الصبح الساعة 5 بعد الصلاة..سلطان يدخل غرفته..شاف مها على السجادة...
سلطان:مها متى ولادتج؟
مها:على اساس الموعد اللي حددي لي الدكتور عقب ثلاث اسابيع..ليش؟
سلطان:بس أسأل..(ياخذ تليفونه وبوكه ومفتاح السيارة)..انا رايح المستشفى..اذا بغيتوا شي اتصلوا..
مها:مب رايح الدوام؟
سلطان:بلا رايح..بس اتطمن على مريم وعقب اروح..مع السلامة..
مها:مع السلامة..
في المستشفى...



سلطان يمر العناية يحصل ممرضة...
سلطان:لو سمحتي..في وحدة داخل اسمها مريم سعود..
الممرضة:من ربع ساعة طلعوها..
سلطان(استانس):ووين ودوها؟
الممرضة:غرفتها..
سلطان:كم رقم غرفتها؟
الممرضة:تقدر تاخذه من استقبال العناية..عن اذنك..
وسريع راح سلطان غرفة مريم...دخل شاف الممرضة تغطيها...
سلطان:السلام عليكم..
الممرضة:وعليكم السلام..
سلطان:نايمة؟
الممرضة:أي نعم..ياليت تخلونها تنام..
سلطان:هي اشلونها الحين؟
الممرضة:الحمدلله حالتها في تحسن..حضرتك ابوها؟
سلطان(ابتسم):ابوها مرة وحدة..لا طبعا خالها..
الممرضة(انحرجت):آسفة..عن اذنك..
سلطان(قرب من مريم وشافها بصورة غريبة اول مرة يشوفها):حمدلله على سلامتج ياحلوة..مو بسج رقاد..شكلج مب قايمة الحين..خلني اتصل في امج اطمنها..
طلع من الغرفة..رن تليفونه...
سلطان:وعليكم السلام..هلا محمد...بخير انت شاخبارك؟
محمد:الحمدلله..بغيت اسأل عن مريم..رحت لها؟
سلطان:تطمن مريم بخير طلعوها من العناية..
محمد(استانس):الحمدلله..من متى؟
سلطان:ماصار لها وايد..
محمد:وايش قالك الدكتور؟
سلطان:ماشفته..توني جاي..
محمد:وشفت مريم..قامت؟
في بيت بوعبدالعزيز...



في الصالة....
بوعبدالعزيز:فوزية بدر ماراح المسجد؟
ام عبدالعزيز:ماادري عنه..الله يخليك خلنا نروح لها..من امس مانايمة..
بوعبدالعزيز:وموزة مابتجبينها؟
ام عبدالعزيز:شوي ونازلة..انا قعدتها..انت روح سخن السيارة..
يرن تليفون البيت...وموزة تنزل....
ام عبدالعزيز:موزة ردي..
موزة:ان شاء الله..السلام عليكم..بخير..لابسين علشان نروح المستشفى..صج(استانست)..ياللا احنا جايين..كم؟...ان شاء الله مع السلامة..
ام عبدالعزيز:من؟
موزة:مريم طلعوها من العناية..
في الجامعة..



فاطمة تتصل على جوال مريم يطلع لها مغلق..
فاطمة:هذي ايش عندها من امس تليفونها مغلق مايسوى علينا..خلني ادخل المحاضرة لأحصل تهزيئة..وهي كيفها..
دخلت المحاضرة..
الدكتور:فاطمة وين مريم غايبة؟
فاطمة(قالت في نفسها:لاحول):ماادري عنها..
الدكتور:اشلون ماتدرين مو انت رفيجتها؟
فاطمة:بلا بس مااعرف ليش ماجات..
الدكتور:ترى غياباتها كثرت..آخر شي بحطها رسوب..
فاطمة(بصوت واطي):كثرت غياباتها منك انت اللي ماترحم..
الدكتور:نعم؟!!
فاطمة:يمكن عندها عذر..
الدكتور:على العموم قولي لها خلها تمرني المكتب..
في المستشفى...
ام عبدالعزيز:ألف حمدلله على سلامتج ياقلبي..
مريم:الله يسلمج..
موزة:اشلون تحسين عمرج الحين؟
مريم:احس ان جسمي متكسر..
بوعبدالعزيز:الحمدلله ان الحادث عد على خير..
مريم:الا ايش صار على السايق والخدامة؟
موزة:السايق في المستشفى مرقد..والخدامة ماشاء الله عليها ماصار لها شي الا خدوش في وجهها..وردت البيت امس..
مريم:الحمدلله..السايق تعور وايد؟
بوعبدالعزيز:مو وايد..ايده انكسرت وشوية جروح..انت اكثر وحدة تظررتي..
مريم:معليه حصلت اجر اكثر وحده..
ام عبدالعزيز:فديت العاقلة..
يرن تليفون ام عبدالعزيز...
ام عبدالعزيز:وعليكم السلام...هلا بنيتي فاطمة..بخير انت شاخبارج؟
فاطمة:الحمدلله..اقول خالتي بنتج يبلها طق وينهي فيه من امس وانا اتصل فيها تليفونها مغلق..وليش مادوامت للحين؟؟
ام عبدالعزيز(ابتسمت):حبيبتي فاطمة مريومة صار لها حادث امس..(فاطمة فجت عيونها)..وهي الحين مرقدة في المستشفى..
فاطمة:ايش صار عليها؟؟
في دوام محمد...
عيسى:اشوفك سرحان اشفيك ياريال صار لك من جم يوم مو على بعضك..
محمد(كط القلم على الطاولة وراح صوب الدريشة):خطيبتي..صار لها حادث امس..
عيسى(اندهش):لاحول ولاقوة الا بالله..واشلونها الحين؟
محمد:سلطان قالي بخير..بس خاطري اروح اشوفها..
عيسى:خذ اجازة وروح..
محمد:مااقدر..الحين اكيد اهلها عندها..
عيسى:ماشفتها؟
محمد:امس لما كانت في العناية شفتها..وقريت عليها..واليوم الصبح قالي سلطان طلعوها من العناية..
عيسى:الحمدلله..خرعتني..تعورت وايد؟
محمد:يقول الدكتور هي اكثر شخص تعور في الحادث..
عيسى:من كان معاها في السيارة؟
محمد:تصدق ماادري..ماسألت..بس انا لما رحت امس كلهم كانوا موجودين..
عيسى:يمكن هي تسوق؟
محمد:لا..مريم ماتسوق..تصدق ماجى على بالي هالسؤال..
عيسى:لرحت لها إسألها..(شاف ساعته)..ياللا امش الاجتماع بيبتدي عقب شوي..
في المستشفى...



فاطمة:مع هالوجه خرعتيني عليج..لو كنت اسوق جان جيتج من بدري..
مريم:ليش طلعتي من الجامعة..الحين بتفوتين المحاضرات..
فاطمة:تولي..قولي لي شاخبارج الحين؟
مريم:الحمدلله احسن..
ام عبدالعزيز:فاطمة بتمين عند مريم؟
فاطمة:ليش خالتي؟
ام عبدالعزيز:بروح شوي اجيب ملابسها وشوية غرض ورادين..وموزة بنزلها المدرسة..
فاطمة:عادي خالتي خذي راحتج..انا قاعدة عندها لين ماتردين..
ام عبدالعزيز:ياللا يمه انا رايحة..ايش مابغيتي اتصلي علي..
مريم:ان شاء الله..
موزة(تسلم على اختها):مع السلامة..
مريم:مع السلامة..
موزة(تسلم على فاطمة):مع السلامة فاطمة..
فاطمة:مع السلامة..
عقب ماراحوا...
فاطمة:بقولج شي..
مريم:شنو؟

فاطمة عندها سالفة مهمة تبي تقولها لمريم..بس شنهي؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-01-2014, 11:31 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل الثامن**


عقب ماراحوا...
فاطمة:بقولج شي..
مريم:شنو؟
فاطمة:اليوم دخلت المحاضرة قالي الدكتور وين مريم غايبة..قلت له ماادري..قالي مب هي رفيجتج..
مريم:جان خذتي الكرسي على راسه..
فاطمة:ليحين ماسمعتي ايش قال..قال ترى كثرت غياباتها..
مريم(فجت عينها):وين كثرت غياباتي كلها يومين..
فاطمة:قال شنو قال ترى بحط لها رسوب..
مريم:صج!!..وانت ايش قلتي له؟
فاطمة:قلت له دكتور يمكن عندها عذر..
مريم:طبعا عندي عذر..
فاطمة:ولابعد قالي اقولج تروحين له المكتب..
مريم:وليش ان شاء الله؟
فاطمة:ماادري عنه..اقولج مريوم..انت مو مرة قلتي لي ان الدكتور ابراهيم يصير ولد عمج..
مريم:أي..
فاطمة:انزين ايش رايج تروحين له وتكلمينه..
مريم:انت من صجج..صاحية؟
فاطمة:أي صاحية..
مريم:اولا احنا وبيت عمي متهاوشين من سنين..ثاني شي ماابي ادخل نفسي بمشاكل..بروح للعميد وبقوله..
فاطمة:زين تسوين..ومحمد مابتخبرينه؟
مريم:قبل الحادث كنت على وشك اقوله..لكن الحين مااعتقد..غيرت رايي..
على الساعة ثلاث عقب صلاة العصر..يروح محمد المستشفى..ويدق الباب..ويدخل.....
محمد:السلام عليكم ورحمة الله وبركاته..(ويحط بوكيه الورد على الطاولة)..ألف حمدلله على السلامة..
مريم(تبتسم):الله يسلمك..
محمد(يقعد عندها):مااشوف حد عندج..
مريم:امي راحت تصلي العصر..
محمد:وليش ماتصلي عندج؟
مريم:تقول تبي تتمشى شوي..
محمد:يحليلها امج..أخبارج؟
مريم:بخير..
محمد:اشلون صحتج؟
مريم:الحمدلله على كل حال..
محمد:لابأس طهور ان شاء الله..
مريم:ان شاء الله..أخبارك انت؟
محمد:الحمدلله..مريم..
مريم:لبيه..
محمد:كنت راكبه مع من؟
مريم:مع السايق والخدامة..
محمد(انصدم):السايق؟!!..ماكنت اعرف ان عندكم سايق..
مريم:ابوي جاب لنا سايق من عقب ماسافروا اخواني..
محمد:وليش ماقلتي لي؟
مريم:ان ايش؟
محمد:انج تطلعين مع السايق..
مريم:ليش انت ماتحب؟
محمد:طبعا مااحب..
مريم:ماكنت ادري..(تعدل قعدتها)
محمد:اشفيج؟
مريم:احس بتعب شوي..
محمد:تبين انادي لج الممرضة؟
مريم:لالا..الظاهر مافي روحة للجامعة..
محمد:لافي..
مريم:وريلي؟
محمد:واشفيها يعني؟
ام عبدالعزيز تدخل...محمد يقوم يسلم عليها..
ام عبدالعزيز:أخبار الوالدة؟
محمد:الحمدلله تسلم عليج..
ام عبدالعزيز:الله يسلمها..تفضل..
محمد:سمعتي يامريم..يمكن الدكتور يعطيج اجازة جم يوم وعقب تروحين الجامعة..نبيج تخلصين..
مريم:وين فيني اروح من قاعة لقاعة..
محمد:انت خبري الدكاترة عن حالتج وهم ماراح يقصرون..لين ما تخلصين..
ام عبدالعزيز:كلام محمد هو الصواب..بعدين شدي حيلج نبي نشوفج عروس..
مريم:......
محمد:تبين اغير موعد العرس؟
مريم:ياليت والله..خلها على نهاية الاجازة..على الاقل يمدي ريلي تتحسن..
محمد(قام):أنا بروح اشوف الدكتور وبسأله عن ريلج..
ام عبدالعزيز(قامت):روح له بعدين..أنا بروح اشتري نسكافيه من تحت لرديت روح..
محمد:اروح اجيب لج..
ام عبدالعزيز:خلك قاعد انا ابي اغير جو شوي..عن اذنكم..
محمد:الله يخليها لج..
مريم:آمين..
محمد:مريم..
مريم:لبيه..
محمد:بغيت أسألج سؤال..
مريم:تفضل..
محمد:انت طرشتي لي مسج وكتبتي فيه انج بغيتيني ضروري..
مريم:أي..
محمد:ايش بغيتي؟
مريم(طالعت الدريشة):توك تسأل..
محمد:أنا آسف..أدري اني غلطت معاج..يمكن كنت قاسي..
مريم:محمد انا بغيتك تساعدني مابغيتك تعاديني..
محمد:أنا غلطت..سامحيني..
مريم(ابتسمت غصب عنها وطالعته):مسامحتك..
محمد(ابتسم لها):ياللا خبريني ايش بغيتي؟
مريم:خلاص انسى السالفة..ماعاد الموضوع ضروري..
محمد:اشلون يعني؟
مريم:يعني خلاص انسى السالفة..
محمد:وايش صار على المقرر اللي تبين تحذفينه؟
مريم:قلت بكلم العميد..
محمد:اخاف تتأخرين للتخرج..
مريم:لاتحاتي..(تسند راسها على المخدة)
محمد:شكلج تعبانة؟
مريم:لا عادي..
محمد:أخبار وليد؟
مريم:الحمدلله..
محمد:متى راجع؟
مريم:يقولون عقب اسبوعين..المهم يرد لنا بالسلامة..
محمد:ان شاء الله..
ام عبدالعزيز(تدخل):المستشفى زحمة..
محمد(قام):ياللا انا رايح عند الدكتور..ان شاء الله بامرج في وقت ثاني..مع السلامة..
مريم:مع السلامة..
محمد:مع السلامة عمتي..
ام عبدالعزيز:في حفظ الله..
مريم(بتعب):يمه أحس بعوار..
ام عبدالعزيز(تهد الكوب على الطاولة):وين؟
مريم:راسي..احسه بينفجر .
ام عبدالعزيز:بروح انادي الممرضة..
ولما جات...
الممرضة:شي طبيعي تحسين بألم لأن مخيطين لج الجرح..
مريم:الله يخليج ابي مسكن..أحسن راسي بينفجر..
الممرضة:بشوف لج الدكتور يمكن يمرج..
ام عبدالعزيز:من متى حاسة بالعوار؟
مريم:من وقت ماجى محمد..
ام عبدالعزيز:وليش ماتحجيتي؟
مريم:استحيت..
ام عبدالعزيز:تستحين من خطيبج..الله يهداج..
الممرضة تدخل...
الممرضة:بعطيج هالمسكن وعقب بتنامين..والدكتور بيمرج عقب..
في بيت فاطمة...



فاطمة:يمه تعالي نروح لها..
ام راشد:انزين بس خلي يأذن المغرب ونروح..مابقى شي على الاذان..
فاطمة:يمه..ايش صار على خطيبة راشد؟
ام راشد:والله ماادري عنه فشلني جدام الناس..صار له اسبوعين ماراح صوبهم..
فاطمة:لو انا مكان ابوها جان قلت حق راشد مانبيك..
ام راشد:فطوم..
فاطمة:أي والله..وايد ماخذ الامور على راحته..انزين ماتبيها روح قولهم ماابيها..مو يعلقها..
ام راشد:خله يرد انا اعرف شغلي وياه..
في بيت بوعلي....



نورة:خالتي ايش صار على مريم خطيبة محمد؟
ام علي:ماادري يابنيتي..اتصل على محمد مايرد..يمكن عندها..
العنود:اول مرة اشوف محمد زعلان جذي..
ام علي:من حقه يايمه مو خطيبته..
العنود:والعرس بيتأجل؟
ام علي:والله ماادري..خله يرد ونشوف اشلون حالتها..
محمد(دخل):السلام عليكم ورحمة الله وبركاته(يقعد)
الجميع:وعليكم السلام..
ام علي:أخبار مريم؟
محمد:الحمدلله بخير..
ام علي:طلعوها من العناية؟
محمد:أي طلعوها..بعد صلاة العصر رحت لها..
العنود:اشلونها؟
محمد:الحمدلله هي بخير..اشوه من امس..
ام علي:تعورت وايد؟
محمد:صادها كسر بريلها اليسرى..
العنود:سلامتها والله..عيل جذي عرسكم بيتأجل..
محمد:رحت عند الدكتور وقلت له ريلها ايشقد بطول لين ماتتحسن..قالي مب اقل من اربع شهور..
العنود:وانتوا عرسكم عقب شهرين ..
محمد:ادري..فاتفقت مع مريم نأجل العرس شوي..
ام علي:المهم سلامتها يايمه..تغديت؟
محمد:ولاشي..
ام علي:وي فديتك من الصبح ماماكل شي..(قامت)
نورة:خليج ياخالتي انا بزهب له الاكل..
محمد(قام):بروح اصلي المغرب وراد..
في المستشفى...
سلطان(قاعد عندها):خوفتينا عليج..آخر مرة مانبي هالحركات..
مريم:إن شاء الله آخر مرة لي في هالمكان..تعبت من القعدة مني..
مها:ايش بتسوين علشان الجامعة؟
مريم:الدكتور بيعطني اجازة اسبوعين وعقب بداوم عادي..
سلطان:اسبوعين وايد..
مريم:قلت له..قالي لازم ترتاحين..
ام سالم:ها يمه طمنيني على وليد..اشلونه الحين؟
ام عبدالعزيز:الحمدلله حالته تحسنت عن قبل..وان شاء الله قريب جايين..
ام سالم:متى؟
ام عبدالعزيز:عقب اسبوعين ان شاء الله..
سلطان:فوزية نبي عزيمة على سلامة وليد ومريم..
ام عبدالعزيز:انت تامر..من عيوني..بس خل وليد يرد بالسلامة..
سلطان:نبي من طباخج الزين..مو من المطاعم..
فوزية:من عيوني..
في ألمانيا...



برع غرفة وليد...
تميم:اشلونها الحين؟....الحمدلله...ومتى بيطلعونها؟...على خير ان شاء الله...سلم عليهم..اشتقت حق اللمات...انزين مالك خص..ياللا مع السلامة..
ويدخل الغرفة...
تميم:هذا سلطان يسلم عليكم..
الجميع:الله يسلمه..
تليفون عبدالعزيز يرن....
عبدالعزيز:السلام عليكم....هلا والله بالغالية...احنا بخير انت شاخبارج؟....ابوي والبنات؟...الحمدلله..وليد يتدلع علينا..والله ياليت...اي كاهو عندي..وليد(يمد يده)..امي تبيك..
وليد:السلام عليكم...بخير انت شاخبارج؟..اشلون ابوي؟...انا بخير الحمدلله تعبت من القعدة مني ابي ارد..اسمع حشرة عندج....صج..ياحظكم...تعالي اقنعي الدكتور بنفسج...وين ابوي؟...عيل سلمي عليه وسلمي على اللي عندج...مع السلامة..
عبدالعزيز:تميم..انت مب ناوي على الزواج انت كبري المفروض تكون متزوج الحين..
تميم:وايش لي بالزواج؟؟
وليد:والله لو انا مكانك اتزوج على طول شالي موقفني..
تميم:خلاص لرديت روح تزوج..
وليد:وعبالك بنطر..على طول..
عبدالعزيز:لاجد اتكلم ليش ماتتزوج؟
تميم:مافكربالزواج..انا احب اعيش حياتي..اطلع متى ماابي وادخل متى ماابي ماحب اكون مرتبط بحد..وانت تدري ان كل فترة مع ربعي في مكان..ومااقدر اتزوج بنت الناس وكل يوم قاطها في بيت أهلها..
وليد:ولي متى بتعيش حياتك العزوبية؟
تميم:الله العالم..
عبدالعزيز:هذا الدكتور..شكله بيدخل..
وليد:تميم الله يخليك انت تقدر تتفاهم معاه اكثر مني..اقنعه يطلعني من هني تعبت..
ومع مرور ايام تطلع مريم من المستشفى...ووليد تتحسن حالته..ومابقى شي على ردته...
في بيت بويو يوسف.....
ام يوسف:هلا يمه..خير ايش صاير؟...صج؟...ياللا احنا بعد جايين..خبرتي فوزية؟...خلاص انا باتصلها..مع السلامة..
جواهر:ايش صاير يمه؟
ام يوسف(مستانسة):مها في الولادة..
جواهر:ياسلام ايش هالاخبار الطيبة اللي تجينا..وليد بيرد عقب جم يوم..
قمر:عقب اربعة ايام..
جواهر: حاسبتها بعد..المهم وولادة مها..
ام يوسف:أنا بروح ألبس وانت قمر اتصلي في بيت خالتج وخبريهم..
قمر:واذا محد رد؟
ام يوسف:اتصلي على تليفون خالتج..ياللا انا رايحة..
في بيت بوعبدالعزيز...
بوعبدالعزيز:وعليكم السلام...بخير انتوا شاخباركم؟...خالتج؟..اي لحظة...فوزية هذي قمر بنت اختج تبيج..
ام عبدالعزيز:السلام عليكم...بخير انت شاخبارج؟..اخبار خواتج وامج؟...صج ماسمعنا يمكن كنت عند مريم وماسمعت رنة التليفون..ليش؟...والله؟...ياللا انا بعد رايحة..مع السلامة..سعود ولي سلمك وصلني المستشفى..
بوعبدالعزيز:ليش؟
ام عبدالعزيز:مرت سلطان في الولادة..
بوعبدالعزيز:انزين قومي غيري وبوديج..
مريم تمشي بعكازة..وتيي صوب ابوها....
بوعبدالعزيز:ليش قمتي من على السرير؟
مريم:تعبت..ابي اتمشى شوي..ايش عندها امي تركض؟
بوعبدالعزيز:مرت خالج بالولادة..
مريم:لا..ياسلام خالي بيصير ابو..
بوعبدالعزيز:لاتنسين باجر موعدج..
مريم:ان شاء الله..
في الانتظار..سلطان رايح جاي..رايح جاي..وامه قاعدة في انتظار النساء مع ام يوسف وام عبدالعزيز..وام مها..
راحت ام عبدالعزيز عند اخوها....
ام عبدالعزيز:اشفيك هدي شوي..الحين بتطلع الممرضة وبتبشرنا..
سلطان:خايف عليها كانت تعبانة وايد..
ام عبدالعزيز:ماعليها شر..تطمن..هي اصلا متى موعد ولادتها؟
سلطان:عقب عشرة ايام..
ام عبدالعزيز:انزين الحمدلله..
سلطان:روحي شوفيهم..الله يخليج..
ام عبدالعزيز:توها امها كانت عندها وطلعوها علشان ودوها الولادة..تطمن..(راحت)
الممرضة(تنادي):مها جمعة..
ام يوسف:نعم..
الممرضة:مبروك جاتكم بنت..
ام مها:والام اشلونها؟
الممرضة:بخير..عقب شوي بيودونها فوق..
ام عبدالعزيز:تستاهلون سلامتها ياام مها..
ام مها:الله يسلمج..
ام سالم:روحي يمه بشري اخوج..
ام عبدالعزيز:ان شاء الله..
راحت له....
ام عبدالعزيز:مبروك يابو...بو ايش؟؟
سلطان:خلاص ؟؟
ام عبدالعزيز:قاعدة اقولك مبروك..
سلطان:الله يبارك فيج..وهي شاخبارها؟
ام عبدالعزيز:عقب شوي بيودونها فوق..تستاهل سلامتها ياخوي..
سلطان:الله يسلمج..الا ماقلتي لي ايش جابت؟
ام عبدالعزيز(ضحكت):جابت لك بنوتة حلوة..
سلطان:شفتيها؟
ام عبدالعزيز:لا..بس احس انها بتطلع حلوة على ابوها.
سلطان:الا على امها..الحمدلله..
ام يوسف(تيي):مبروك سلطان..
سلطان:الله يبارك فيج..
ام يوسف:ايش بتسمونها؟
سلطان:خلني اشوف مها بالاول..
في بيت بوعبدالعزيز...مريم تتكلم مع محمد....
مريم:الحمدلله كلهم بخير..
محمد:وريلج اشلونها؟
مريم:ملعوزتني مااقدر امشي على راحتي..الحين حتى المستشفى مااقدر اروح..
محمد:علشان الموعد؟
مريم:لا..الموعد غصب عني بروح..مرت خالي سلطان ربت وجابت بنوتة وفي خاطري اروح لها..(بدر وزينة ينزلون)
بدر:مريم..
مريم:لحظة محمد..نعم؟
بدر:وين امي؟
مريم:راحت المستشفى..
زينة:شالسالفة بعد؟
مريم:مرت خالي ربت وراحوا لها..
بدر:وايش جابت؟
مريم:بنت..
زينة:ايش سموها؟
مريم:ماادري..
بدر:ياللا احنا طالعين مع السلامة..
مريم:مع السلامة..آسفة محمد تأخرت عليك..
محمد:عادي..بغيت أسألج وين في خاطرج انقضي شهر العسل؟
مريم:انت ايش تقترح؟
محمد:خاطري نعتمر بالاول..
مريم:وانا معاك وين ماتروح..
محمد:وبعد وين في خاطرج؟
مريم:قلت لك انت وين تحب انا معاك..
محمد:ذاكري عدل..علشان تتخرجين بسرعة..
مريم:محمد..
محمد:عيوني..
مريم:تسلم لي عيونك..لما اتخرج بتخليني اشتغل؟
محمد:تبين تشتغلين؟
مريم:في خاطري..
محمد:وين؟
مريم:ماادري..على حسب وين احصل شغل..
محمد:لتخرجتي ان شاء الله يصير خير..
مريم:ايش صار على البيت؟
محمد:بقى له كم شغله ماخلصوها..عاد غرفتنا صج حلوة يسلم لي تصميمج..المهندس يقولي فكرتكم حلوة..
مريم:لازم تطلع افكاري حلوة مو انا زوجة محمد المهندس..
محمد:ياللا انا بسكر الحين..حزة الصلاة..
مريم:ادعي لي وانت تصلي..
محمد:دوم ادعي لج..
مريم:بإيش تدعي لي..
محمد:ماني قايل..ياللا بتأخر على الصلاة..
في المستشفى...
سلطان(يحط البوكية):ألف حمدلله على السلامة..
مها:الله يسلمك..
سلطان(يمسك البنوتة):فديتها الحلوة..تشبهني..ايش هالحركات يامها..انا مو قايلج ابيها تشبهج؟
مها(تبتسم):ليش بيدي..
ام سالم:تشابهك وايد..
ام عبدالعزيز:وليش ماتبيها تشابهك؟..واشفيك انت يعني؟
سلطان:امها غير..
يرن تليفون ام عبدالعزيز...
ام عبدالعزيز:وعليكم السلام....اشفيج تصيحين؟..(الكل يطالعها)..مريوم خرعتيني...انزين وانا شسوي لج؟..يايمه انت المشي مب زين لج..خلاص انا الحين برد البيت....ماعرفنالج....بشوف بقول حق ابوج..مع السلامة..
ام سالم:اشفيها مريم؟
ام عبدالعزيز:تصيح وتقول ابي اطلع من البيت تعبت من القعدة بروحي..اقولها ريولج مب زين لها..تقول لاماابي..اقولها ارجع البيت تقولي ماابيج ترجعين علشاني..شسوي لها؟
ام مها:اشلون ريلها الحين؟
ام عبدالعزيز:يبيله وقت لين مايشيلون لها الجبس..
سلطان:تبين اروح اجيبها؟
ام عبدالعزيز:لا..اذا جات مابترقد في الليل من الالم..خلها في البيت احسن تصيح شوي وعقب بتسكت..
ام يوسف:عيل وين موزة؟
ام عبدالعزيز:عندها مدرسة مع بنت الجيران..موزة بعد ثانوية عامة مااقدر اقولها هدي دراستج علشان اختج..(يرن تليفونها)..السلام عليكم..(قامت)..ياللا انا نازلة..مع السلامة..انا ماشية..
سلطان:من بيوصلج؟
ام عبدالعزيز:بوعبدالعزيز تحت..مع السلامة..
الجميع:مع السلامة..
في السيارة...
بوعبدالعزيز:ايش بسمونها؟
ام عبدالعزيز:ماادري والله..ماتفقوا على اسم..اي صح وليد سلم عليك..
بوعبدالعزيز:اتصل؟
ام عبدالعزيز:أي اتصل وانا في المستشفى..مابقى شي على ييتهم..
بوعبدالعزيز:الله يردهم بالسلامة..
ام عبدالعزيز:آمين..اقول بنتك متصلة فيني وهي تصيح..
بوعبدالعزيز:من بنتي؟
في البيت....
مريم:موزو بسج حجي سكري التليفون..مليت من القعدة بروحي..
موزة:اوكي خلاص بعدين بكلمج..مع السلامة..اشفيج انت؟..تشوفيني قاعدة اشرح للبنت عندنا باجر امتحان..
مريم:حرام عليكم..تعبت..لآني قادرة اطلع ولااقدر اروح الجامعة..
موزة:وين فاطمة عنج؟
مريم:وانا ادري عنها اتصل فيها من ساعة ماترد..
موزة:ومحمد وينه؟
مريم:تبيني اكلمه 24 ساعة..صج ماعندج سالفة..(قامت)..
موزة:وين؟
مريم:بروح برع اتمشى..يمكن حصلت اكسجين..
موزة:أي بس انت مب زين لج المشي..
ام عبدالعزيز وبوعبدالعزيز يدخلون...
مريم(والدمعة نازلة):يعني اموت هني؟؟
ام عبدالعزيز(راحت لها):فديتج يايمه..ايش هالحجي؟
مريم:محد حاس فيني..كلكم تطلعون وانا الوحيدة قاعدة بين هالطوف..
بوعبدالعزيز:مريوم؟..اعرفج قوية..يوم كنت في المستشفى..تقولين حصلت اجر اكثر..شالي تغير؟
مريم:يبه تعبت من القعدة..ابي اتمشى ممنوع ابي اروح الجامعة انا في اجازة..يعني شسوي في عمري؟..حتى محد جاي يزورني علشان يخفف عني..لا خالي سلطان مرني ولا أسماء ولامحمد..
ام عبدالعزيز:أسماء عذريها يايمه عيالها عندهم امتحانات وماتقدر تهدهم..ومحمد انت ماتبينه يزورج على انج تستحين..وخالج سلطان مشغول..ماهو متفرغ..بعدين تعالي احنا وين رحنا؟..ولامب تارسين عينج؟
مريم:.....
بوعبدالعزيز(يمسك يدها):قعدي..موزة يبه روحي كملي دراستج..وانت ام عبدالعزيز زهبي لنا العشاء..
ام عبدالعزيز:من عيوني..
في المستشفى...
مها:ايش بنسميها؟
سلطان:انت شيتقولين؟
مها:مو انت بغيت تسميها جوهرة؟
ام سالم:ترى انا اتغشمر يابنيتي لايعجبني هالاسم ولاشي..سمو اللي تبونه..
سلطان:كنت احب العوزج..
مها:هذي من عوايدك..
سلطان(يضحك):شتحبين نسميها؟
مها:ايش رايك نسميها سارة؟
سلطان:سارة سلطان؟..حلو..ايش رايج يمه؟
ام سالم:وايد حلو..ان شاء الله تتربى بعزكم..
بوسالم(يدخل):السلام عليكم..
في بيت بوعلي...يتعشون جميع....
محمد(يقوم):الحمدلله شبعت..
ام علي:بس انت ماكلت شي..
محمد:شبعت يمه..الله يديم النعمة..
العنود:محمد ماانت ملاحظ ان اكلك صاير شويه..
محمد:ماادري..يمه الشاي زاهب؟
ام علي:أي يمه على الطاولة..ماتبي تاكل فواكه؟
محمد:باكل..
وعقب مالكل يخلص أكله...يقعدون يطالعون تليفزيون ويشربون شاي..
نورة:تصبحون على خير..
ام علي:الحين؟
نورة:أي خالتي..لأني قاعدة من الصبح ومارقدت الظهر فأبي اريح..
علي يدخل البيت..ويسلم على ابوه وامه واخوانه..ويقعد...
ام علي:اشلونها مرتك وعيالك؟
علي:كلهم بخير..يبه بغيتك بموضوع..
بوعلي(يوطي على التلفزيون):خير؟
علي:يبه ترى سيف رد من السفر قبل جم يوم..
بوعلي:ويعني؟
على:يبه اعتقد الوقت اللي عاقبتوه كان كافي..جى الوقت اللي تسامحونه..
بوعلي:ومن حدد الوقت علشان كافي ولا مب كافي..
علي:يمه ماتحجين؟
ام علي:انا ماعندي شي اقوله..اللي يقوله ابوك هو اللي يمشي..
علي:وانت يامحمد ليش ساكت؟
محمد:حاولت فيهم كم مرة ماكو فايدة..
علي:الولد غلطان..وطلق زوجته وعياله تشتتوا..
بوعلي:من قاله يطلق زوجته؟..أنا ولا امك؟
علي:يبه سامحه..
بوعلي:خله يعيش بعيد عنا..
علي:يمه ماهقيتج قاسية..
ام علي(تألمت):ولدي صح..لكن هو كان اقسى منا..فخله يتحمل نتيجة اغلاطه..
علي:يعني خلاص..اقول حق ولدكم رد من مكان ماجيت وضيع وسوي الحرام..يمه يبه..هذا ولدكم..وين يروح؟..كلنا نغلط محد معصوم عن الخطأ..غلط ومتحسف الحين..صدقوني بيرد سيف الاولي..انتوا بس عطوه فرصة..
محمد:يمه يبه..سيف هذي المرة السادسة اللي يرد فيها البلاد وانتوا تردونه..لاتحدون ولدكم يروح في الحرام وانتوا موجودين..

في أحداث كثيرة ومواقف متجددة بنشوفها إن شاء الله في الفصل التاسع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-01-2014, 11:33 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: محطة الوفاء الكاتبة / اميرة الوهج


**الفصل التاسع**

في بيت بوعبدالعزيز....
تليفون البيت يرن ترد موزة....
موزة(تبتسم):مساء النور...الحمدلله بخير..انت شاخبارك؟..الدراسة ماشية...ان شاء الله دعواتك..من مريم؟...اي لحظة..مريوم قومي خالي يبيج..
مريم:من خالي؟
موزة:خالي سلطان..
مريم:ماابي اكلمه..قولي له مشغولة..
ام عبدالعزيز:مريوم؟
مريم(بضيق):ماابي اكلمه غصب..(مسكت عكازتها وقامت)
بوعبدالعزيز:وين؟
مريم:بروح انام..عن اذنكم..
الكل مستغرب من تصرفها...ومريم راحت غرفتها...
موزة:يمه شاقوله؟
ام عبدالعزيز(قامت):عطيني التليفون..(قعدت)..السلام عليكم...اشلونك سلطان؟...مريم؟..شاقولك عنها ماادري اشفيها البنت...قامت زعلانة وراحت غرفتها...تدري وقالت ماابي اكلمه انت شمسوي فيها؟....ماعليك من تصرفاتها..الظاهر المرض مأثر عليها...نفسيتها حيل تعبانة...تسلم والله فيك الخير...يوصل مع السلامة..سعود سلطان يسلم عليك..
بوعبدالعزيز:الله يسلمه..موزة عطيني الريموت..
ام عبدالعزيز:سعود اشوفك ساكت..
بوعبدالعزيز:على شنو؟
ام عبدالعزيز:على تصرفات بنتك..
بوعبدالعزيز:البنت نفسيتها تعبانة..محتاجة تطلع من البيت..
ام عبدالعزيز:انزين الدكتور مانعها من المشي..ولا بتم ريلها في الجبس اربع شهور ثانية..
بوعبدالعزيز:انا ماعلي منكم بطلعها باجر..
ام عبدالعزيز:وين بتوديها؟
بوعبدالعزيز:بوديها من الصبح الكورنيش خلها تشوف البحر وتتنفس البنت..ومب صاير فيها شي..(يعلي على صوت التلفزيون)..
عقب ساعة في غرفة مريم...يرن تليفونها...تشوف رقم محمد ماترد...تحط راسها على المخدة ودموعها نازلة...
في الصالة...فوزية قاعدة تشرب شاي مع سعود...يرن جرس البيت..
بوعبدالعزيز:من جاينا هالحزة؟
ام عبدالعزيز:يمكن سلطان..
بوعبدالعزيز:هو قالج بيي؟
ام عبدالعزيز:قال يمكن..
بوعبدالعزيز قام يشوف من على الباب...فتحاه وكان سلطان..ودخلوا البيت..
بوعبدالعزيز:الحمدلله..حياك تفضل..
ام عبدالعزيز(قامت):هلا سلطان..حياك..
سلطان:وينهي فوق؟
ام عبدالعزيز:لا وين تقدر تروح فوق..هني في هالغرفة..
سلطان:عن اذنكم..
دق الباب...شاف محد رد..دخل شافها حاطه راسها على المخدة..قرب شافها مغمضة عينها والدموع على خدها...
سلطان:مريم..مريم راقدة؟
مريم:........
سلطان:مريم اذا راقدة علشان اروح..
مريم:...............
سلطان قرر انه يروح وصل للباب...
مريم:خالي..
سلطان(لف صوبها):تلعبين معاي؟
مريم(فتحت عينها وقامت قعدت):.........
سلطان:خلج مرتاحة..اشفيج؟
مريم:مافيني شي..
سلطان:عيل ليش أشوف دموع؟
مريم:..........
سلطان:حتى مبروك ماقلتي لي..
مريم:مبروك..
سلطان:ماابيها..طالعة منج مب حلوة..مريوم ليش زعلانة؟ صاير شي؟
مريم:كلكم ناسييني..يعني لازم اموت علشان تتذكروني؟
سلطان(عصب):ايش هالحجي؟
مريم:من وقت ماطلعت من المستشفى محد سأل عني..لو كان وليد هني ولا عبدالعزيز جان ماحسيت بالفراغ..محمد مايقدر يزورني عدل..وانت هادني ولاتسأل عني..وجامعة مااقدر اروحها..والطلعة ممنوعة عني..يعني شاسوي بعمري؟
سلطان:محمد انت ماتبين يزورج علشان انج تستحين..
مريم:انا باقولك الصج..صج اني استحي بس في سبب ثاني..
سلطان(تعجب):سبب ثاني!! شنو؟
مريم:اخواني محد وانت تدري احنا مانقدر نقعد بروحنا..ابوي يرد من دوامه تعبان وعقب يروح الشغل العصر ويرد عشر في الليل..
سلطان:وبدر وين راح؟
مريم:لاتسأل عنه..خله مشغول بحياته ماابي اطلب منه شي..ليش احنا نحصله من وقت مارد البيت مع زوجته وولده مانشوفهم الا نادر..حتى اسماء لو كانت موجودة جان ونستني..حتى عيال عبدالعزيز مو موجودين..وموزة مشغولة بالدراسة..وامي مسكينة لي متى تقعد تجابلني؟
سلطان:شاسوي انا انشغلت شوي..ومها كم مرة تعبت ووديتها المستشفى..لين مالحمدلله ربت وافتكت..بعدين مابقى شي على ردت اخوانج..والبيت بينترس..
مع مرور الايام....في بيت بوعبدالعزيز....



في المطبخ...
ام عبدالعزيز:خولة سوي السلطة..
خولة:ان شاء الله يمه..
ام عبدالعزيز:منيرة ساعديني بسرعة الحين بيوصلون..
مريم(تدخل):في خاطري اساعدكم..
ام عبدالعزيز:كلمتي بدر؟
مريم:أي وقال انهم في الطريج..
هالة:هاج يمه هذا البصل..
ام عبدالعزيز:مريومه حبيبتي ودي الخدامة خلها تشيل الاغراض على الطاولة وتحط الصحون..بناكل جميع..
مريم:ان شاء الله..
يرن تليفون مريم..تطلعه من مخباتها..
مريم:هلا فطوم...بخير انت شاخبارج؟...اي والله اليوم بيرد وليد...الله يسلمج...اي مشغولين...ان شاء الله عقب باجر بروح الجامعة...مشكورة فطوم..مع السلامة..روسي خلصي بسرعة الحين بييون..انا بروح غرفتي شوي وبرجع..
يطلعون جميع من المطار ويركبون السيارة....
بوعبدالعزيز:حيالله عيالي..تو مانورت الدوحة..
عبدالعزيز:نورت بوجودكم يالغالي..مشتاقين لكم..
وليد:الا قول مشتاق حق....
عبدالعزيز:أي مشتاق لها ليش مااشتاق..
وليد(يطالع الدنيا من الدريشة):ياسلام عليج يالدوحة..فديت ترابج والله..وين مااروح ماكو مثل دوحتي..
عبدالعزيز:وانت صادق..ياحلاة بلادنا..احس اني من زمااااان ماشايفها..
وليد:لو ألف الكون كله ما ألقى مثلج يابلاد..

يدخلون البيت..وينزلون من السيارة...
بوعبدالعزيز:بدر يبه نزل الشنط من السيارة..
بدر:ان شاء الله يبه..
اللي في البيت يسمعون صوت السيارة..ويطلعون من المطبخ ويروحون عند الباب ويفتحونه...يشوفون وليد...وليد يروح صوب الباب...يشوف خواته يسلم عليهم..ويدخل داخل البيت..يحصل امه اللي عيونها كلها عليه...
وليد(راح بحضن امه):يمه..
ام عبدالعزيز(دمعت عينها ولمته بقو):حمدلله على سلامتك يايمه..نورت البيت..
وليد:اشتقت لج يايمه..
ام عبدالعزيز:وانا اكثر..ماتدري ايشقد مستانسة بشوفتك..
عبدالعزيز:احم احم..نحن هنا..
ام عبدالعزيز(تبتسم):هلا بعبدالعزيز..(تلمه)..حمدلله على سلامتك..نورت البيت..
عبدالعزيز:الله يسلمج يالغالية..
ام عبدالعزيز:حياكم..تعالوا..قعدوا عندي..
وراحوا جميع قعدوا...
ام عبدالعزيز:اشلون صحتك الحين؟
وليد:الحمدلله مثل ماانت شايفة انا بخير..ماكان ناقصني غير شوفتكم..
ام عبدالعزيز:يابعد عمري..عيل وين تميم؟
بدر:قال بيرد البيت يبدل وبيوون كلهم..
ام عبدالعزيز:سوييت لكم كل شي تحبونه..
منيرة:أي والله امي ماقصرت ماخلت اكله الا وسوتها..
عبدالعزيز:يعطيها العافية..عيل وين اسماء والعيال؟
منيرة:فوق نسيت اناديهم..انت بعد تدري الحين فترة امتحانات عيالك فمايقدرون ينزلون..
خولة:بروح اناديهم..
عبدالعزيز:خلج انا بروح فوق..(قام)
وهو يركب الدري شاف مريم تطلع من الغرفة..استغرب اشفيه ريلها؟؟
عبدالعزيز:مريوم؟
مريم(استانست):عبدالعزيز..(سلموا على بعض)..شاخبارك؟
عبدالعزيز:الحمدلله..انت اشفيج؟..ايش صار على ريلج؟
مريم(شافت ريلها):ماكو شي..
عبدالعزيز(مسكها وراح معاها مكان ماهله قاعدين):اقول ايش صار على مريم؟
وليد(شافها انصدم قام وراح يسلم عليها):سلامتج..
مريم:الله يسلمك..نورت البيت..
وليد:ايش صار على ريلج؟
بوعبدالعزيز:حادث..
وليد:حادث!!
عبدالعزيز:اشلون وكانت مع من؟
بوعبدالعزيز:مع السايق..
عبدالعزيز:يبه انت يبت لهم سايق؟
بوعبدالعزيز:شسوي يابوك..انا بروحي مااقدر على طلبات البيت..وانت ادرى بدوام اختك اشلون..
عبدالعزيز(طالع بدر بنظرة غضب بدر استحى منه):عن اذنكم..
وليد(ساعدها):تعالي قعدي..قولي لي اخبار المعرس؟
مريم(تهمس له):بعدين بيني وبينك..
وليد:لا..بعدين يعني؟
مريم:أي بعدين..يمه احنا يواعه..اي صح وين خالي تميم؟
بوعبدالعزيز:الحين بيوون..انتوا قوموا زهبوا كل شي هم الحين على وصول..
فوق...
عبدالعزيز:اشتقت لكم وايد..
سعود:حتى احنا يبه تأخرت وايد..وين عمي؟
عبدالعزيز:تحت..خذ الدانة وروحوا سلموا عليه..
سعود:ان شاء الله..
عبدالعزيز:شاخبارج ياقلبي؟
اسماء:بخير..دام اني اشوفك بخير..طمني عليكم؟
عبدالعزيز:احنا بخير بعد..اشتقت لكم بشكل ماتتصورين..يوم الدكتور قالنا خلاص وليد يقدر يطلع ماقعدنا ولاثانية على طول حجزنا..حسيت اني عطشان ابي ارد بلادي..والله ماكو ديرة تحلى بعيني غير الدوحة..فديتها والله..
اسماء:نعم؟..واحنا؟
عبدالعزيز:لاعاد..تقارنين نفسج بديرة؟
اسماء(تضحك):قوم خلنا ننزل تحت اسلم على اخوك..
عبدالعزيز:تراهم بيتعشون جميع..
اسماء:ادري..
عبدالعزيز:وانا بتعشى وياج..
اسماء:لا ليش..تعشى وياهم..
عبدالعزيز:لا حبيبتي بتعشى وياج..لو بس كانوا اخواني كان عادي..بس خوالي موجودين..
اسماء:عادي ماهي اول مرة امك تسوي عزيمة..بعدين اشفيها يعني..امك يحليلها مستانسة بردتكم ومن حقها تلمكم حول بعض..الله يخليها لكم..
عبدالعزيز:ماتبين تقعدين مشعل؟
اسماء:خله نايم لين مانتعشى..
عبدالعزيز:اللي تشوفينه..ياللا ننزل..
عقب العشاء...يقعدون كلهم بالمجلس واسماء تقعد مع منيرة وهالة في الصالة..
أسماء:سعود حل المسائل اللي عطيتك اياهم..
سعود:يمه خليها باجر..باجر اجازة..
اسماء:بس توعدني تدرس باجر؟
سعود:ان شاء الله..علشان ابي العب..
اسماء:خلاص روح..
منيرة:انا اليوم عطيت عيالي اجازة..خلهم يستانسون شوي..
في المجلس..
تميم:متى بشيلون عنج الجبس؟
مريم:عقب شهرين ان شاء الله..
تميم:بعدون بسرعة..لاتحاتين..
عبدالعزيز:الا ماقلت يبه اشلون صار الحادث؟
بوعبدالعزيز:الله رحمهم ياولدي..السيارة خلاص تنكسلت..
وليد(مندهش):والله؟
بوعبدالعزيز:انا يوم شفت السيارة قلت الحمدلله مريم طلعت منها سالمه..الله رحمهم..والسايق طلعوه من المستشفى وسفرته على طول..والخدامة حالتها تحسنت..
مريم:خالي اكيد مشتاق حق طلعاتك مع ربعك؟
تميم:أي والله..باجر بطلع ومب راد لين الاربعاء..
ام سالم:مو على كيفك..
تميم:يمه انت سمعتيني؟
كلهم يضحكون...
ام سالم:قلت ماانت رايح..الحين انا مستانسة بردتكم تبي على طول تشرد..
وليد:حرام عليج يدتي انا حرمته من طلعاته..
ام سالم:احسن خله يتعود من غير ربعه شوي..بعدين تعال ليش ماتتزوج..انت لين ماتييب عيال بتكون شايب..
يضحكون...
تميم:يمه..
بوسالم:ماقالت الا الصج..شوف كم عمرك؟
عبدالعزيز(يتطنز):توه في العشرين..
تميم:انت اسكت مع وجهك..ترى من كلامك اغير رايي ومااتزوج كلش..
سلطان:عدال..عاد انت متى فكرت بالزواج علشان اتغير رايك..
موزة تدخل...
موزة:يمه خالتي ام يوسف جات..يبه بويوسف في المجلس..
الرياييل قاموا..
في مجلس الرياييل...
بويوسف:وايش صار على العلاج؟
وليد:عطوني ادوية قالوا لي لازم استمر عليها..واذا صار شي لاقدر الله لازم اراجع المستشفى..
يوسف:الحمدلله على سلامتك ياريال..ياللا عاد فرحنا بزواجك..
وليد:ان شاء الله..
بويوسف:خله يخلص دراسته بالاول..
يوسف:اي صج ايشقد بقى لك؟
وليد:بقى لي كرس واتخرج..
يوسف:زين مابقى شي..
في مجلس الحريم...
قمر:اشلون محمد؟
مريم:الحمدلله..
جواهر:عيل وين الباقي؟
مريم:داخل..بس موزة عندها امتحان..(قامت)
قمر:خلج..انا بروح..
مريم:خليني اروح تعبت من القعدة..بروح اناديهم وبيي..
راحت الصالة...
مريم:ايش عندكم قاعدين هني؟..خالتي وبناتها مناك..
منيرة:أمينة جات؟
مريم:اقولج كلهم..آآه..
هالة:اشفيج؟
اسماء:مريومه اشفيج؟
مريم:ريلي تعورني..(قعدت)
منيرة:الله يهداج انت ماتقعدين..
مريم(متألمه):آآي ريلي تعورني..نادي امي..
منيرة:قولي لي ايش تبين انا بسوي لج..
مريم:ماابي ابي امي..
هالة:انا بروح اناديها..
عقب ثواني...
ام عبدالعزيز:اشفيج مريوم؟
مريم(متألمة):يمه ريلي تعورني..آآي..تعبت خلاص مااقدر..
ام عبدالعزيز(حزنت على حال بنتها):يايمه انت ماتقعدين مكانج..اليوم وايد مشيتي على ريلج..واحنا موصيينج..تبين انوديج المستشفى؟
مريم:ماابي..
اسماء:اشفيها لو رحتي؟
ام عبدالعزيز:حضرتها تخاف من الابر..ذيج المرة وديتها عطوها ابره..
مريم:ماني رايحة مكان..عطيني المسكن..
ام عبدالعزيز:مب بكيفج..مب زين لو كثرتي منه..قومي خلني اوديج غرفتج..
وليد يدخل..
وليد:اشفيكم؟
هالة:مريوم ريلها تعورها..
وليد(قرب من مريم ومسك ذراعها يساعدها):اشفيج مريومه؟
مريم:ريلي تعورني..
ام عبدالعزيز:ساعدني يمه نوديها غرفتها..
اسماء:امشوا خلنا نروح المجلس..
في غرفة مريم...
ام عبدالعزيز(قعدت عندها وحطت ايدها على ريل مريم)
وليد:يمه بتقرين عليها؟
ام عبدالعزيز:شاسوي فيها ماهي راضية تروح المستشفى..
وليد:وليش ان شاء الله؟
مريم:ماابي اروح..
وليد:انت ليحين ماكبرتي؟
في مجلس الحريم.....
ام سالم:هالة وين امج؟
هالة:داخل..الحين جاية..
ام عبدالعزيز تدخل....
ام سالم:وين كنت؟
ام عبدالعزيز(تقعد):مريم كانت تعبانة قريت عليها وجيت..
ام سالم:اشفيها؟
ام عبدالعزيز:ريولها..
قمر:هالة نقدر انا وجواهر انروح لها؟
هالة:خلني اشوف اذا بروحها ولا لا..
في غرفة مريم...
مريم:والله ياريتك لو موجود جان ماحتاجينا للسايق..
وليد:كل شي مكتوب..
هالة(تدخل):وليد انت مني..
وليد:ليش؟
هالة:بنات خالتي كانوا بييون عند مريم..
وليد:خلاص انا رايح المجلس..خلهم ييون..(قام)..بعدين بنسولف..مو ترقدين..
مريم:ان شاء الله..
ومع مرور الوقت..في المجلس...
تميم:سلطان مانمشي؟
سلطان:ياللا..يبه نمشي؟
بوسالم:أي يبه خلنا نمشي..
بوعبدالعزيز:تو الناس..حتى سالم توه جاي..
سالم(قام):ان شاء الله مرات جاية..حمدلله على سلامة وليد..
بوعبدالعزيز:الله يسلمك..
في غرفة مريم...تدخل خولة...
خولة:جواهر قمر..رايحين..
مريم:تو الناس..بدري..
قمر(قامت):متى رايحة الجامعة؟
مريم:عقب باجر..
قمر:تبين امرج؟
مريم:لا تسلمين..بشوف وليد ولا عبدالعزيز..
جواهر:مع السلامة مريم..
مريم:مع السلامة..
في الصالة...
منيرة:ياللا يمه انا بعد رايحة..تصبحون على خير..
الجميع:وانت من هله..
بوعبدالعزيز:يحليلهم عيالنا..
ام عبدالعزيز:الله لايحرمنا منهم..
بوعبدالعزيز:ماادري ليش بدر طلع غير عنهم..
ام عبدالعزيز:بدر مب غير عنهم..بدر كان مثلهم تذكر؟
بوعبدالعزيز:اذكر..الحين تغير وايد..ماادري ليش؟
ام عبدالعزيز:ادعي له بالهداية..
بوعبدالعزيز:عيل وين وليد؟
ام عبدالعزيز:عند مريوم..
في غرفة مريم...
مريم:عن التطنز..بشوف بكرة لما تبي تعرس خلني اشوف زوجتك ايش بيصير فيها لما يبون يزفونها..لاتعيب..
وليد(يضحك):اتغشمر معاج..مع هالوجه..
ام عبدالعزيز(تدخل):عسى ماخربت عليكم؟
مريم(بدلع):يمه شوفي ولدج..
ام عبدالعزيز:اشفيه ولدي؟
مريم:قاعد يتنطنز علي اشلون بمشي جدام الناس وانا ريولي جذي..ماابي زين خلاص ماابي اعرس..
ام عبدالعزيز(تبتسم):يتغشمر اشفيج انت؟
مريم:ادري انه يتغشمر..فديت هالاخو..
ام عبدالعزيز(تحس براحة داخليه):تصبحون على خير..
الجميع:وانت من هله..
وليد:قولي لي اشلونج مع محمد؟
مريم:شاقولك ياخوي العزيز..محمد الله يحفظه واحد ملتزم واخلاقه رهيبه..تعال شوفه لما ينصح..تتمنى تغلط علشان تسمع نصيحته..مستعد يفرغ عمره ويسمعك..صج اني مو ملتزمة..ومرات يقولي لاتحطين أغاني في العرس..وسوي كذا..احترم رايه..واسوي اللي يبيه..لأن عمره ماضايقني..ولما يبي يغير عادة سيئة فيني..يغيرها بطريقة حلوة..تخليني قريبة منه اكثر..
وليد:الله يخليه لج ولايحرمج منه..الحين طمنتيني عليج..
مريم:وليد..احس في خاطرك تقول شي..
وليد(طالع السقف وعقب):انا بعد يامريم ابي اتزوج..
مريم(استانست):واخيرا..فرحتني من قلب..
وليد:من هي البنت اللي تختارينها لي؟
مريم:وحدة حاطة عيني عليها واحس هي الوحيدة اللي تقدر تسعدك..
وليد(اندهش):ياسلام..ومن هي؟
مريم:اول شي انت قولي..انت في وحدة في خاطرك؟..قول الصج..
وليد:تبين الصج..اي في وحدة في بالي من زمان..
مريم:حلوة؟
وليد:قمر..
مريم:نعم؟
وليد(ارتبك):قمر يعني حلوة اشفيج؟
مريم:أهاا..انزين وهي ايش كبرها؟
وليد:ماني ماعطيج معلومات عنها..قبل لتقولين من هي اللي قلتي لي عنها..يمكن غيرت رايي..
مريم:لاتخاف ماراح اتغير رايك..وليد..انا اعرف من هي البنت اللي تفكر فيها..
وليد(فج عينه):نعم؟..من هي؟
مريم:قمر بنت خالتي..صح؟
وليد(استغرب):وانت من وين دريتي؟!!
مريم(بخوف):بقولك بس ماتعصب علي..
وليد:قولي اشوف..
مريم:لما كنت مرقد بالعناية..أنا رحت غرفتك..وماحسيت بنفسي ايش قاعدة اسوي لأن كل تفكيري كان فيك..وعقب اشوف يدي تفتح دفتر..
وليد:انزين..
مريم:قريت في اول صفحة اسمها..وعقب والله ماكملت..ماسمحت لنفسي اتدخل في خصوصياتك..بس والله ماكنت اقصد اني افتح دفترك..حتى ماجى على بالي انك تكتب خواطرك..لأني استغربت وجود دفتر بهالشكل الحلو على مكتبك..
وليد:صدقتج..ليكون قلتي حق حد؟
مريم:لا..ماخبرت حد..
وليد:حتى الدفتر شاريه بسعر غالي..
مريم:ماشاء الله عليك..
وليد:ومن هي البنت اللي بغيتيها لي؟
مريم:هي نفسها قمر..كنت بلعب عليك..
وليد(قط المخدة عليها)
مريم(تضحك):وحدة بوحدة..الا ماقلت لي..انت صج تحبها؟
وليد:احبها وبس..صورتها ماتفارق خيالي..
مريم:اوه اوه الاخو يحب..
وليد:عن السخافة..هذا انت تحبين محمد..
مريم(استحت)
وليد:بلاها الحياء الله يخليج..بس والله احبها..حتى مااعرف اشلون صارت..
مريم:انت متى شفتها ومتى حبيتها اصلا؟
وليد:لما كانت بالاعدادية..يوم رحنا البر تذكرين..يوم موزة طاحت على راسها وتعورت.. ماتذكرين؟
مريم(تفكر):متى؟
وليد: لما تميم خذ البطبطه وراح ومارد الا في الليل..
مريم:أي بلا تذكرت..كل هالسنين؟؟
وليد:أي والله..
مريم:انزين يمكن تغيرت البنت ليحين تبيها؟
وليد:حتى لو تغيرت..ابيها وخلاص..
مريم:ومتى بنخطبها؟
وليد:خلني اقول حق امي بالاول..اصلا خلها توافق بالاول..
مريم:موافقة لاتخاف..
وليد(استغرب):وانت ايش دراج؟
مريم(ارتبكت):ولا شي..بس اقول ان ماكو بنت بترفضك انت ماعليك قصور..
وليد(تغيرت ملامح وجه):لاحبيبتي..الواحد مايدري..يقول هالكلام وحزة الجد تكتشفين ان الناس ترفض..وانت ماتعرفين السبب..
مريم:لاتتشائم..كل شي خير..
وليد(قام):ياللا تصبحين على خير..
مريم:وانت من هله..
فوق في غرفته..يسكر الليتات ويفتح الابجورة..وينسدح على السرير..ويفتح دفتره..شوي ويندق الباب...
وليد(استغرب):تفضل..
عبدالعزيز(يفتح الباب):نايم؟
وليد:لا توني جاي من غرفة مريم..
عبدالعزيز(يقرب منه ويعطيه):هاك خذ دواك..
وليد(يبلع الحبة ويشرب ماي):مشكور..
عبدالعزيز:تذكر باجر الصبح..اوكي..ياللا تصبح على خير..
وليد:وانت من هله..
قعد يفكر في نفسه اشلون يقدر يفارق هالبيت:ماني قادر اتصور اشلون بفارق امي اللي متعلق فيها وايد..وكل اسراري عندها..امي اللي عمرها ماحسستني انها امي..كانت لي رفيجة..
ابوي اللي تغير وصار قريب منا..وصارت حياته كلها احنا وبس..
عبدالعزيز اللي كان مثل ابوي واخوي وكل شي..عمره ماقصر بشي..يضحي بحياته علشاني..
بدر اللي كان رفيجي يوم والحين للأسف صار بعيد عني..وصرت ماعرف عنه..الله يسامحك يابدر..
منيرة وهالة وخولة..اللي عمرهم ماقصروا بحقي..ساعدوني وايد..
مريومه..اللي احسها تعطيني حنانها وحبها لي..احسها وحده مشاعرها صادقة وعمرها ماخشت عني سر..
موزة اللي بفتقدها وايد بحنتها ويوم العوزها..ياااااااااااه
قمر..آآآه ياقمر..ماادري اذا اقدر اتزوجج ولا لا..
ايشقد صعب علي افارقهم..مابقى لي قد ماراح..الحمدلله اني قدرت ارد البلاد واشوفهم قبل لأموت..



ياترى وليد بيتقدم لقمر؟؟..و أهل قمر بيوافقون؟؟

تابعونا في الفصل العاشر



الرد باقتباس
إضافة رد

محطة الوفاء الكاتبة / اميرة الوهج؛كاملة

الوسوم
أيّة , اميرة , الوفاء , النهي , الكاتبة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لم أبحث عن الحب يوما لكن التقيته في طريقي فعبثت به فضولا و ليتني لم أفعل ؛كاملة Darkness . . روايات كامله - يتم نقل الرواية هنا بعد اكتمالها 193 18-01-2016 12:58 AM
عيشتني تحت رحمتك وفي لحظة موتي اعترفت لي بحبك / بقلمي أححلامم طفلة أرشيف الروايات المغلقة - لعدم إكتمالها 185 28-09-2013 05:56 PM
الحرب العالمية الثالثة على الابواب ومجموعة مقالات مهم عطا الله مواضيع عامة - غرام 1 21-08-2011 06:50 AM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM
كل شي عن يوم الجمعة الأحكام والشروط والسنن وفتاوي العلماء وأخطاء الناس فيه مبدع قطر مواضيع إسلامية - فقه - عقيدة 8 24-02-2008 12:10 PM

الساعة الآن +3: 01:20 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1