لمسہ عمر ©؛°¨غرامي مشارك¨°؛©

بسم الله الرحمن الرحيم , ابعثر هنا احرفي وافكاري لتحوز رضاكم وتصل لخيالاتكم وتتعداها , لا اعرف كيف ابدأ ولكن كتبت روايتي فأحتوت على ( الخيال – الجرائه المؤدبه – الجنون – الاثاره – المشاعر المشتته .. والكثير ! ) 



البآرت آلأول ( 1 ) : 

في مطار الرياض : 
ابو عهد وهو يضم لميا : أبوك لو كان هنا وشاف شهادتك بيفتخر فيك طالع عهد بنص عين وقال : مو مثل بعض الناس شهادتهم تفشل .....
ضحكت لميا ضحكه ممزوجه بحزن اما عهد بوزت ... 
ابو عهد وهو يضم بنته : اممزح معك يا نظر عين ابوها 
قاطع حديثهم ابو غدير وهو جاي من الكوفي مع بنته غدير 
ابو غدير : السلام عليكم .. 
البنات وابو عهد : وعليكم السلام ..
سلموا البنات على بعض وسمعوا اخر نداء لطيارة واشنطن ....،


#نعرفكم بالعوائل ؛ 


^على فكرة عبدالعزيز ومحمد ومحسن (اخوان) ... نبدأ بتعريف عائلة عبدالعزيز وهو -ابو عهد- 

ابو عهد : رجل اعمال وتاجر كبير معروف بالرياض ودول العالم طيب مع بنته عهد وزوجته ويعشق ام عهد ويتمنى يكون عنده ولد يورث املاكه بعد عينه (موته) 

ام عهد : ام مثل كل الامهات طيبه وتخاف كثير على بنتها الوحيده بس سهل ينلعب عليها اصلها سعوديه وامها لبنانيه 

عهد : وحيدة امها وابوها عمرها 19 سنه توها متخرجه من الثانويه ودائماً تتأثر لما تسمع ابوها يقول ( ليت عندي ولد ) وتقول في خاطرها ( والله ان اعوظك يبه عن 100 ولد ) وهذا الشيئ خلى شخصيتها قويه وجريئه وماترضى بالظلم .. وصفها : طولها متوسط وشعرها اسود داكن (غامق) يوصل لتحت كتوفها بشوي وعيونها وساع ولون عدستها رمادي وهذا محليها اكثر وشوي مربربه ( سمينه شوي ) وبيضاء وستايلها سبورتي شوي.



#عائلة محمد اللي هو ابو لميا ( الله يرحمه ) 
اي الله يرحمه لأنه توفى هو وام لميا البريطانيه في حادث سيارة لما كان عمر لميا 10 سنوات واخوها 14 سنه 
لميا عندها اخو اسمه ماجد بنعرفكم على لميا وماجد 

ماجد: اخو لميا عمره 23 سنه شرير وشرس عربجي وما اهتم لدراسته ولا مستقبله ومستقبل اخته .. طويل وشعره اسود بس شوي فاتح ..

لميا: بنت ناعمه وهاديه احياناً عمرها 19 متخرجه من الثانوي شاطره ومتفوقه في دراستها (عكس اخوها ماجد) وتتكلم 3 لغات عربي طبعاً ، وانجليزي ،وفرنسي .. حساسه كثييير وهمها الوحيد دراستها ومستقبلها ، وصفها: طولها عادي بيضاء وعيونها وساع لونها اخضر على ازرق فيها شبه من امها البريطانيه وشعرها قصير لحد رقبتها ولونه كستنائي خوافه وتصدق بسرعه وممكن ينلعب عليها ،....



#عائلة محسن اللي هو ابو غدير : 
ابو غدير: رجل اعمال كبير ويشتغل مع اخوه عبدالعزيز اللي هو ابو عهد وارثين الخبره والأملاك من ابوهم .. يعشق بنته غدير ويخاف عليها كثير وابو مثل كل الآباء . 

ام غدير: ام حنونه طيبه اصلها هنديه تحب غدير وتخاف عليها بس بزياده شوي مرات تكون قاسيه على بنتها غدير بس كل هذا لمصلحتها وكانت هاربه من الهند مع محسن اللي هو زوجها وتزوجوا في السعوديه ويحبون بعض ...

نجي لغدير: بنت ناعمه وهاديه وتحس بالغير عمرها 19 سنه ومخلصه ثانويه مع بنات عمها «عهد و لميا» تحب المكياج والخرابيط هاذي عندها هلوسه في هالأشياء ، وصفها: طويله جسمها مرتب شعرها لنص ظهرها ناعم وبني عيونها وساع وعدستها بنيه وعندها غمازتين ومحليتها ومركبه تقويم منظمه ومرتبه وفي نفس الوقت حبوبه وتضحك ولميا وعهد يعشقونها وتعشقهم .. 

بعد ماودعوا البنات اهاليهم وخلاص ماشين ورايحين باتجاه بوابة الخروج(المسافرين) لميا اللتفتت وراها كأنها تنتظر احد عهد ماشيه ولابسه سماعات ومندمجه مع الاغاني اللي تسمعها ما كأنها مودعه اهلها من شوي .
غدير: لميا امشي حبيبتي ماراح يجي.
لميا: حرام عليه ما كأني اخته الوحيده ليش مايجي يودعني الله يسامحه بس . ونزلت دمعتها 
غدير ماتحب تشوف دموع لميا ابداً : خلاص الله ياخذ حقك منه 



ركبوا البنات الطياره.. 

في الطيارهه : 
لميا وغدير في الطياره مقاعدهم جنب بعض وكان جنبهم واحد شكله سعودي ومن سوء حظ عهد كان مكانها جنب شباب شكلهم سعوديين وكانت حيل منحرجه .،، عهد ماتحملت الوضع وقامت وراحت عند لميا وغدير وشافت واحد جنبهم ووقفت قدامه وقالت: لو سمحت ممكن تبدل الأماكن ابي اقعد جنب خواتي .. 
رفع عينه وطالعها لفترة ورجع لتلفونه الي كان ملتهي فيه قبل تقاطعه عهد ..
البنات: ههههههههههههههههههههههههههههه...........
عهد بقهر:قوم بالطيب احسن لك لأقومك انا بالغصب .
الرجال باستهزاء : يلا اشوف قوميني بالغصب اذا تقدرين..
عهد:اقول!! تراها طيارة ابوي اقدر احذفك ..
غدييييير بنذاله: كذااااااااااابه...
عهد طالعت غدير بنظرات .،. 

غدير خافت من نظرات عهد لأنها ماتبشر بالخير..
الرجال وهو معصب :فوق شينها قوات عينها وتكذب بعد..
لميا: اخويي خلاص اختي اسسفه بس ممكن لو سمحت تخليها جنبنا ؟ 
الرجال: اصلن من زين القعده معكم صدعتوا راسي .. 


فجأه .. في شباب ينادون الرجال الي كان جنب لميا وغدير : خااااالد .، خااااالد تعال جنبنا وخل البنت تقعد مكانك .. 
عهد: ممكن !!!!!
خالد سفهها وكمل طريقه 
لميا وغدير: شكرااا 
خالد مارد عليهم وجلس عند شلته :) 

بعد 4 ساعات تقريباً .،،، قامت لميا تبغى تروح للحمام .. فتحت باب الحمام وحست بشخص واقف وراها . 
لفت وقالت: تفضل اخوي 
:لا تفضلي انتي 
لميا : شكراً 
ودخلت الحمام عقب ماطلعت دخل وراها.. 
رجعت لميا للبنات ولقتهم نايمين .. وهي مافيها نوم ابداً قعدت ماتدري شتسوي .. وللأسف خذتها الأفكار تفكر في امها وابوها لما كانت صغيره وتفكر في اخوها ماجد اللي ماجاها يودعها.. نزلت دمعتها وتذكرت لما كان عمرها 14 كان عمر اخوها ماجد 17....

لميا في نفسها ( حححراااام عليك ماااااااااجد .. اهههههه ليتك جيت .. )
ماجد اخو لميا الكبير بس ماكأنه اخوها مايسأل عنها ابد ودايم يضربها ع اتفه الاسباب كان متعب امه وابوه ويوم توفوا تعب اخته الصغيره لميا ويوم من الايام ضربها ضرب مب طبيعي ويوم جا اليل هربت بيت عمها ابوعهد من ذاك اليوم وابو عهد يمنعها تروح بيت امها وابوها  وصارت تسكن عنده (  .. 


قامت غدير على صوت انين لميا وقالت : لمييياا ايش فيك حبيبتي ؟ ليش تبكين ؟،. 
لميا وهي تبتسم: مافيني شي حبيبتي . 
غدير: كيف مافيك شي وانتي تمسحين دموعك ؟
لميا قامت تبي تروح للحمام : غدير قلت لك مافيني شي 
غدير وهي تصحي عهد: عهد عهد قومي لميا تببكي مادري شفيها .. 
عهد: همممممممممممم 
غدير : قووووومي ... 
عهد بصراخ: هااااااااهه انتوا ماتخلون الواحد يناام هففففف .. 
اغلبية الي في الطياره ضحكوا ومن ضمنهم عربيين 


#اعرفكم على الشباب.. 
ملاحظه: (( خالد و سلطان عيال عم .. يشبهوون بعض كثير ))

خالد .. سلطان..فهد..احمد..سالم..

خالد: طوييييييل .. شعره ككثير ولونه اسوود .. وعيونه لونها بني غامق (داكن) ومعضل وجسمه رياضي ويميل للضعف اكثر  ملاحمه حاده هو الي كان قاعد جنب البنات واللي تهاوش مع عهد ، من اهل الرياض طبعه 

سلطان : طوييييل.. شعره كثيير ولونه بني.. اسممر .. وعيونه وساع و لونها سوود ومعضل بعد وجسسمه يهبببل وخشمه سلة سيف وشفايفه تميل للون الوردي ... من اهل الرياض طيب ويحب الخير للكل ومايرضى بالغلط .. 


فهد: طوييل .. شعره كددش .. وعيونه صغار.. ومركب تقويم .. وضعييييييييييف.. ولون بشرته ابيييييييض .. شرس يعشق البنات عصببببي ،، وراعي بنااات :) من اهل جده 

احمد: قصييير .. شعره مو ناععم .. خشمه صغير شفايفه كبيره :) يعشق الاكل والنوم من اهل جده 

سالم: طوييييل .. عريض .. عيونه وساااع .. خشمه سلة سيف .. عيونه تميل للون الرصاصي لون بشرته ابييييض .. شعره نااعم .. ولونه بني .. يحب الخير للي معاه وللكل .. وهو مثل شخصية سلطان والكل يهابه وهو وسلطان وخالد مع بعض من الطفوله .. من اهل الرياض ......


نرجع للأحداث..... 
سلطان قام وراح للحمام بدون ما احد يلاحظ ... ويطق الباب على لميا ومحد يرد يطق ويطق لحد مافتحت الباب .. 
وانصدم بالملاك الي طلع له ( يالله هاذي اكييد مو سعوديه .. بس شلون تتكلم عربي لحضه لحضه كانت تتكلم عربي بس شكلها شكل وحده اجنبيه .. لالا استغفرالله ) وبدت الافكار تدور ف راسه .. 
لميا بخوف : انت ايش تسوي هنا ؟
سلطان : هاه لا مافي شي بس شفتك تبكين وجيت اشوف ايش فيك .. 
 نزلت دمعتها .. مسحتها بسرعه عشان مايلاحظ وقالت : اممممم اسفه انت ليش تلحقني ولا حتى تعرف اسمي . سلطان وهو ماد أيده: معك سلطان ال********
لميا بدون ماتمد ايدها : تشرفنا .. وانا لميا ..
سلطان عجبته لميا وادبها وذوقها ف الكلام .. : فرصه سعيده 
لميا ماقالت شي وراحت رجعت مكانها .. اما سلطان دخل الحمام ......

نجي عند الشباب .....

خالد: وين سلطان؟ 
فهد: مدري .. 
خالد: قوم شوف وينه ..
فهد: اكيد ف الحمام يعني وين بيكون .. 
خالد : قوم شوف وينه خلصني .. 
فهد : طيب طيب خلاص قمت .. 
فهد راح للحمام وشاف سلطان طالع وقال: شفيك اختفيت فجأه ..؟
سلطان : اخخخخ يافهد شفت لي ملاك .. ملاك يافهد مو انسان .. 
فهد: هههههههههههههه.. طلعت عشقان هاهه .. واحنا ماندري ومن المحظوظه هاذي.. ؟ 
سلطان:لمياااا....
فهد: وااوو حلو اسمها ..اضبطك؟ 
سلطان : لالا يامعوود لا تخرب علي وتزعل البنت 
فهد:براحتك بس ياويلك اذا درى عنك خالد ... 
سلطان : هو ماراح يدري ..وانت لا تقول له.... 
فهد: ان شاء الله ..
سلطان : يلا امش ...

نجي عند لميا.. 
غدير:لميا حبيبتي انا بنت عمك واختك قوليلي ايش فيك حبيبتي لا تخبي عني شي .. 
لميا وهي تحاول تغير الموضوع : الا غدير متى نوصل ؟ 
غدير ماحبت تحرج لميا: تو الناس باقي 3 ساعات ..
لميا: اووووهه طولناا ..
غدير : انتي نامي وتلقين الوقت مشى بسرعه.. 
لميا بطفش : اوكي.... 

مررت ال 3 ساعات وعدت على خير والكل نايم ....


البارت الثاني بنزله يوم الخميس الجاي انتظروني

توقعاتكم !*


لمسہ عمر ©؛°¨غرامي مشارك¨°؛©

ليه محد يرد ):

نووجةو ©؛°¨غرامي فعال ¨°؛©

بداية موفقة ومشوقة ورواية روعة بانتظار البارت الجديد على نار ﻻتتاخرى علينا بلييييز .

وردة الزيزفون
✿ إدارة الإقسام ✿

مساء الخير ... ياهلا فيك بغرام ... موفقة بطرحك ... عندي ملاحظات على الرواية اول شي مافيها سرد ولا وصف معتمدة بس على الحوار ومافيها احداث ملفتة ...

ثاني شئ كيف بنات يقدرو يسافرو بدون محرم على شي ممكن يسووه اهاليهم يسافر رجال معاهم ويأمن مكانهم ويتطمن عليهم مويتركهم كذا بلا رقيب ...

عهود على اي اساس تروح لرجال غريب عنها وتصارخ عليه بشي مو من حقها اصلا وين ادبها وخجلها بصراحة قمة الوقاحة الي البنات قاعدين يسووه هم مسافرين يدرسو ويرجعو مرفوعات الراس ولا كل وحدة رايحة تدور المشاكل مع رجال مو محارم لهم ياليت عزيزتي يكون لروايتك هدف مقبول وماتكون فيها تجاوزات مايقبلها لامجتمعنا ولا ديننا مهما كان البنت الي تحافظ على هالاشياء تكون واجهة مشرفة لبلدها ودينها




القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

لمسہ عمر ©؛°¨غرامي مشارك¨°؛©

السلام عليكم ، انا اسسفه كثير ع التأخير بس كانت في ضروف غصب عني .. ان شاء الله راح اكمل الروايه وانزلها الخميس بإذن الله .. انتظروووني

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1