ذكريات مسروقة 1/ للكاتبة : نيو مون

[الجمانة.]

السلام عليكم و رحمة الله و بركاته

هذه اول تجربه لي اتمنى تحوز على اعجابكم
وسامحنوا على القصور

نيو مون
بسم الله الرحمن الرحيم

الفصل الاول ريم _هند وش سويتي في مشكلة هاله (ريم بنت مخلصه الجامعة وعمرها 23 سنه وزواجها العطله الجايه بولد عمها عادل ؟)
هند_هاله هاذي بتجنني كل يوم تحب واحد هذا خامس واحد تحبه(هند حلالة المشاكل بنت ضحوكه ونكديه في نفس الوقت وما ينفع معها الاقناع نهائيا الي تبيه تسويه والي تبي تقوله تقوله هند في ثالث كليه انجليزي هي اصلا ما تحب الدراسه بس فيها ذكاء ينخاف منه ونسبتها دائما 4 وما فوق)
ريم ضحكت ما يضحكها في الدنيا اكثر من هند _بس هذا غير هذا اخونا
هند _اصلا انت لو فكرت في ذا الموضوع اشوي كان لقيتي ان هاله في الاخير راح تأخذ محمد شائت ام ابت
ريم قامت من على السرير وراحت لاختها هند الي جالسه على الكنبه _ليه راح تاخذ محمد عايلتنا عمرها ما غصبت حد فيناِِ
هند_هذا شي انت ما لك علاقه فيه المهم اسمعي انا احصي الحين عايلتنا ايش رايك احسب عمي محمد ولا لا
ريم _انت هبل لا تحسبين عمي محمد بعدين وش الي طراه في بالك الحين
هندمدت بوزها تفكر _حلمت به امس يبوس ابوي
ريم _انت حلمت بعمي (هند ما شاء الله احلامها ما تنزل القاع )
يقولون البوس في الحلم يعني المحبه ويمكن يعني التصالح
هند _تكفين يا مفسرة الاحلام تعرفين خلاص ما راح احصي ذي العايله خايفه بكره وحده تولد اعوذ بالله منقلبين ارانب
ريم _انشوف بكره لما تأخذين القرد وليد كم واحد راح تجيبين انا اصلا ماني عارفه ايش انتي شايفه فيه والله العظيم قبيح
هند _راضيه كيفي مابي واحد حلو وبعدين الرجال بأفعاله مو بزينه
ريم _وش في وليد زود عن الرجاجيل لا والله حتى مو رجال ها لش عليه ما يرجع البيت الا الفجر والوظيفه جندي (ريم كالعاده تحاول تغير راي اختها العنيده العايله كلها مستغربه ليه هند راضيه بوليد حتى خواته مستغربات )
هند تحاول تغير الموضوع _انا رايحه لمحمد عشان احل مشكله هاله ..وطلعت من الغرفه وتركت ريم وحيده
ريم ناظرت زول اختها وقالت في نفسها _ لازم القى حل لهند

هند دخلت لغرفةاخوانها محمد وخالد وياسر (بيت اهل هند صغير عشان كذا العيال كلهم في غرفه وهند كانت تنام مع ريم بس من يوم انخطبت ريم نقلت هند اغراضها لغرفه صغيره كانت مخزن لان الاخت ريم ماهي تاركه في الغرفه ركن نظيف وهند ما تستحمل حد يخرب ممتلكاتها )
هند دخلت لغرفة اخوانها من غير ما تدق الباب متعوده كذا
محمد ناظر من الي فتح الباب ولقاها
محمد_اطلعي وقفلي الباب وراك ابي انام
هند عاندت ودخلت وقفلت الباب وراها محمد استغرب ظنها اسمعت كلامه وطلعت فتح عينه لقاها قدامه
محمد _انت ماتفهمين ابي انام بعدين ياسر مو موجود هنا (ياسر اخو هند الصغيرواقرب واحد لها )
هند بدت التمثيل قالت بحزن _محمد ابي اتكلم معك ابي اشكيلك الي صاير لي ورفعت عينها لفوق يعني انها تحاول تخفي دموعها
محمد خاف على اخته وجلس على السرير حقه وقال _تعالي قولي لي وش صار(محمد يشتغل مساعد طبيب وهو الاول في ترتيب العايله بعد ريم طيوب بس يعصب بسرعه )
هند راحت لمحمد وجلست جنبه وقالت _ يامحمد ابي اصير مثل هاله ابي الناس تحبني مثل ما يحبونها(هاذي اول خطوه تكبر هاله في عين محمد )
محمد استغرب ايش الي دخل موضوع هاله في السالفه _بس انت الناس يحبونك اكثر من هاله
هيوف ابتسمت ابتسامه المتضايق _محمد البنات في الجامعه يحبون هاله ويشوفونها ملاك وهي تستاهل انا مو حاسدتها وكل يوم ايجون لها خطابه في الكليه بس هي تقولي لا تقولين لاحد(الخطوه الثانيه اتحسسه ان هاله مرغوبه وانها ممكن تطير في اي لحظه )
محمد بدا يفكر في هاله معقوله الخطابه منفكين عليها _بس انت احلى من هاله
هند_هاله في الكليه شي ثاني الناس بيخبلون على عينها وانا زي قلتي ولا شعرها البنات يضربون به المثل
محمد بدا يفكر انه لازم يشوف عين هاله وشعرها لانه عمره ما اهتم يناظر هاله _هند انت لو تطولين شعرك اشوي
هند قامت زي المجنونه كل شي الا شعرها ما تحب حد يتكلم عليه (شعر هند لحد رقبتها اسود وناعم وطويل من جهه وقصير من الجهه الثانيه ومعطيها مع تصرفاتها شكل ولادي بأمتياز )
هند _انا الغلطانه اني جيت اشتكيلك ..وطلعت وقفلت الباب وراها وخلت محمد مع حبه الجديد **انتهت المهمه**
وهي طالعه من غرفة محمد راحت تدور على ياسر عشان تلعب معه كوره لقته في الحوش يلعب
هند _ياسر يله خلنا نلعب شوط احس اني كليت كثير على الغدا(هند كانت نحيفه ومع انها كل يوم في الشمس الا انها بيضاء وخدودها حمرا وعيونها كبيره ناعسه سودا وطولها معقدها مع انها في عالم النساء تعتبر طويله لكن اخوها ياسر اطول منها وهذا الي مجننها انفها صغير ومرتفع وفمها لونه وردي غامق خلقه جمالها طفولي بس هي ماهي مخليه للناس فرصه يعتقدون انها بنت )
ياسر_ بدري عاد الساعه 3 لما تجي 3 ونصف لعبنا بروح ادرس لي كم حرف واجيك(ياسر في اول ثانوي مع انه الصغير لكنه اطول من في البيت ويحب يقهر هند بطوله )
هند دخلت للبيت وراحت للصاله عشان ادق على هاله تقولها الي صار
هاله_الو أيه وش تبين فيني مقوميني من النوم عشانك
هند_ايه انت لا عاد تصارخين بوجهي اسمعي العمليه انجحت محمد طاح في الكمين على فكره هذا اخر واحد فهمتي
هاله _يعني خلاص محمد يحبني ياي حمودي يحبني تسلمين يا اعز صديقه في العالم (هاله صديقه هندوبنت عمها هند وهاله ما يشبهون بعض بتصرفاتهم ابد هند مجنونه وهاله بنوته )
هند _اخوي صار حمودي عشنا وشفنا المهم اسمعي لما تجين ضبطي شعرك وحطي في عينك كحل لاني مدحت عينك وشعرك فهمتي يله باي

أهنداطلعت تتمرن قبل المباراه وجا ياسر وبدت المباراه هند لعيبت كوره من الطراز الاول المهم ياسر طيح هند وانحسب لها فاول وهي ترمي الكوره رمتها فوق البيت
ياسر _لا حول ولا قوه ما ني بطالع انت الي اطلعي
هند _عيب انا بنت مفروض ما اطلع فوق السطح
ياسر _اضحكي على غيري قالت بنت قالت
هندراحت تجيب السلم وطلعت ادور الكوره شافت الشارع مابه احد
ياسر _دوري الكوره بروح اجيب مويه لي ولك وانتبهي لا تنجرحين مو ناقص عقاب
هند لقت الكوره ولا حظت سياره دور في الشارع استخبت لكن هي حست ان في حد من السياره شافها انزلت من السطح وهي نازله دق باب الحوش راحت تفتح وهي ماسكه الكوره قالت من ورا الباب _نعم
رد عليها صوت رجال كبير _هذا بيت هادي الصالي
هند _ايوه من اقوله
الرجال _رجال يبيه ضروري
هندراحت تركض لبوها ولقته بالمجلس يبه رجال يبيك
ابو محمد _منو
هند _انا وش دراني المهم رحله شوف وش يبى ابي العب كوره
ابو محمد ضحك وراح هند ادخلت للمطبخ تنتظر ان الرجال يروح لكن شافت امها داخله وهي تبتسم وفي عيونها دموع كثيره تنزل زي الشلال
أهند _ايش فيه يمه عسى ما شر
ام محمد حضنت بنتها _هذا عمك محمد ابوك وعمك تراضوا
هند فرحت وقعدت تنطط ودخلت اختها ريم وقعدت تنطط معها
ريم _هند بسم الله عليك احلامك خطيره تكفين احلميلي
هند _بسم الله علي.. ودي اروح اشوفه
ام محمد _روحوا البسوا تروا معاه ولده
ريم _ولده كبير
ام محمد _بسم الله عليه ايوه كبير
ريم اصفقت يدينها ببعض_حسافه انا واختي مخطوبات
هند راحت تلبس ملابسها البست جاكيت رياضي كحلي فيه علم البرازيل من ورا وتنوره جينز ولبست شيلتها وراحت لريم الي لابسه لبس يأخذ العقل وردي وجينز
هند _يله ابي اروح اسلم على عمي
ريم_ يله ..ونزلوا ودخلتهم امهم
ام محمد _يله يا بنات ادخلوا سلموا على عمكم
ادخلت ريم بدلعها وهند الي حاطه يدينها في جيوبها
قام عمهم وسلموا عليه
عبد العزيز_ما شاء الله انا رحت من السعوديه وانت يا ابو محمد ماقد تزوجت(اكيد تبون تعرفون سالفة عم هند ...السالفه تعود الى 30 سنه نشب خلاف بين عبد العزيز وابوه الي هو جد أيه الخلاف يعود الي ان عبد العزيز ما كان يبي يطلع دكتور كان يبي يطلع مهندس وعبد العزيز كان الوحيد الي من ام ثانيه وامه كانت ثريه وجد هند كان مطلق ام عبد العزيز المهم عبد العزيز قال لابوه يا دخلني هندسه يا اروح اعيش عند امي ابوه قال له اطلع من البيت ورح عش عند امك ولا عاد اشوف رقعة وجهك مره ثانيه عبد العزيز سافر لامه الي كانت عايشه مع عايلتها في امريكا وبعد ما صار مهندس مشهور وغني حاول يراضي ابوه لكن ابوه رافض وقال لعياله انهم ينسون ان عندهم اخ اسمه تركي رغم ان الموضوع الي تخاصموا عليه تافه الا ان الاب كان عارف ان ولده يبي يروح لامه ويعيش عندها لانه مو راضي بعيشة ابيه )
ريم تشاور أيه _وين ولد عمنا
ام محمد كانت تسمعهم وقالتلهم بصوت واطي تعالوا ابيكم في المطبخ راحوا معها
ام محمد _يا بنات ابوكم جبر عمكم انه يعيش عندنا عشان العادات
هند _لا والله وين راح يجلس
ام محمد _الصراحه عمك وعايلته راح يجون هنا
هند _ايش وكم هم بلا صغرا
ام محمد _بنتين وولدين وعمك وزوجته ..ابوك الله يهداه غصب عمك مع ان عمك كان يبي يجلس في فندق
ريم _ليه يجلس في فندق احسن خليه يجي هنا
هند _انت اسكتي وين راح ينامون
ابو محمد دخل عليهم وقال _هند وريم روحوا جهزوا الغرف لعمكم وهله
هند _اي غرف ما به غرف
ابو محمد _غرفة العيال لعمك وزوجته وغرفتك لولده الكبير وانتي نامي مع ريم وخلوا البنات ينامون معكم
هند_مستحيل احد يأخذ غرفتي ليه ما ينام مع اخواني
ابو محمد _عيب الولد ضيف مو متعود على نومة القاع واخوانك راح ينامون في المجلس استحملي بلا اسبوع واوعدك اروح اشتري لك الجهاز الي تبينه
هند_طيب ...

راحت ترتب هي ويا ريم الغرف وما سمعوا الا صوت امهم تناديهم نزلوا ولقوا امهم تأشر لهم تعالوا المطبخ
ام محمد _زوجة عمك وبناتها في الغرفه شكل زوجة عمك شرقاويه
ريم _بروح لهم ابي اشوفهم يله يا هند تعالي معي
ام محمد _ سلموا واخذوا البنات لفوق وخلوهم يرتاحون
هند _صدق انكم مسخره الناس جايين من الفندق يعني قد ارتاحوا
ريم _يله ابي اشوفهم .....ادخلوا مجلس الحريم ولقوا ثلاث بنات الي يشوفهم يقول من عمر واحد لكن فيه وحده منهم حاطه شيله فوق راسها من غير ما تلفها البنات عرفوا انها زوجة عمهم راحوا يسلمون عليها اول وحده صح شكلها منقرفه بس ذوق اما البنات صدق يستحقون لقب بنات جمال ورقه
ام محمد _هاذولا بناتي الكبيره ريم والصغيره هند ..
ام سيف_ما شاء الله عليهم الله يحفظهم لك
ريم طلعت تجيب الكيك وهند جالسه ما شافت الا البنات قاموا وجاو عندها
اسيل _اهلين انت هند صح (اسيل بنت في اول جامعه )
هند تستهبل _يقولون ان اسمي هند مع اني بعض الاحيان اشك
اسيل ضحكت بصوت واطي _حلوه هاذي
لورا _انتوا بس ثنتين (لورا في ثالث متوسط )
هند_ايوه اسمعوا ايش رايكم نطلع فوق تروكم راح تنامون معنا ما في دلع الغرفه صغيره (البنات يضحكون على اي شي تقوله هند )
هند طلعت مع البنات فوق ورتهم الغرفه كانوا فرحانات بالغرفه (هند قعدت تفكر ان عمها شكله فقير عشان كذا البنات فرحانات )ايه سمعت صوت ريم يناديها من تحت قالت للبنات _اجلسوا هنا انا راح اساعد ريم وارجع
البنات _اوكيه
هند انزلت لريم لقت ريم متهمه ويوم شافت ايه مسكتها وقالت _الحقي ولد عمنا عليه جمال مو صاحي انا اول مره يدق قلبي كذا
هند ضحكت وقالت _انت ايه تراك مخطوبه عيب
ريم _ومؤدب يا ويلي ليتني مانخطبت
هند_ريم انت من جدك تتركين عادل عشان ذا
ريم _لا بلا امزح بس والله انه ملك جمال
هند_ اسكتي تراك غثتيني ..اطلعي معي بنات عمي اطلعوا فله
........انتهى اليوم وهند ما شافت ولد عمها الكبير الي اسمه سيف بس شافت الصغيرطلال كان بعمر ياسر وتعرفت عليه وصارت هي وياسر وطلال شله
طلال _تعرف هاذي اول مره اشوف السعوديه بس احس اني كنت عايش فيها طول حياتي .................................
عرفت ترابك وريحة هواك
ودقات قلبي زادت من رهبة لقاك
وشفتك يا بلادي وقلت الا جعلني فداك
يحقلي افخر بك واتغزل بغلاك
.................................................. .......... .......
ياسر _هاذي السعوديه ما تلعب
طلال _على فكره حبيت اختك هند
ياسر_انت ايه ترا عيب تقول احب اختك
طلال ضحك _هند اكبر مني وبعدين ما اقصد الحب الفاضي اقصد الحب الاخوي
ياسر _واذا كان المهم انسى بس على فكره متأكد انك عمرك ما جيت السعوديه ؤقعدوا يضحكون .................................................. .......... ..
البنات طلعوا ينامون ما عدا هند الي جلست تناظر فيلم مصاصين الدماءوهي تناظر الفيلم الي عايدته مليون مره حست بصوت في الدرج حد نازل راحت ورا باب الصاله على بالها اخوها خالد تحب تخوفه ويوم دخل بغت تنقض عليه لكن تراجعت لانها عرفت من طوله انه مو اخوها خالد او في الحقيقه ولا واحد من اخوانها ارجعت تستخبي ورا الباب علشان لا يشوفها وهو الحمد لله جلس في المكان المقابل للباب يعني ما يشوف الي ورا الباب هند قعدت تدعي في سرها انه ما يشوفها وجلست تسمعه شكله كان يكلم بالجوال
سيف _اوكيه نتلاقى بكره بس فين انا ما اعرف ولا مكان في الرياض
المتصل _........................................
سيف_خلاص يعني برج الفيصليه بس اسمع الساعه 4 وانت هناك لان ما عندي وقت
المتصل _................................................. ..
سيف ضحك_ يله يله اشوفك بكره مع السلامه
هند كانت ورا الباب وسمعت كل الكلام وسمعت ضحكته صدق عنده ضحكه جنان هند قالت في نفسها ابي اشوفه
سيف كان ساكت بعد ما خلص المكالمه وقام وطفى التلفزيون والاضاءه ورجع يجلس في الصاله
هند عرفت انه طفى التلفزيون والاضاءه تنفست وقالت في نفسها اكيد راح وطلعت من ورا الباب وناظرت الممر ما لقت احد وقالت اهند_الحمد لله ما شافني جعله الوجع خوفني وطلعت فوق
سيف الي كان يشوف الموقف هذا قدام عينه شافها وهي طالعه من ورا الباب وهي تتلفت وبعد وهي تدعي عليه سيف بغى يقولها انه موجود بس سكت عرف انها من بنات عمه وما بغى يسويلها احراج ورجع سيف لافكاره ونساها.......................... ...
هند طلعت للدور الثاني وهي طالعه سمعت احد يناديها لقته طلال
طلال _هند اطلبك طلب
هند_شوف لا تسويلي فيها ضيف وتتأمر(كانت تمزح معه)
طلال صدق كلامها _اسف خلاص انسي
هند ابتسمت _انت تراك لازم لك كورس في التفريق بين المزح والجد تراني امزح ايش تبي يله قول
طلال ضحك_ بس بغيت منك ترفعين مكيف الغرفه ما اعرف لهذا النوع اول مره اشوفه
هند_طيب... ودخلت الغرفه وراحت للمكيف ورفعته ..طلال بغيت اسئلك انتوا فين عايشين في امريكا
طلال _الحين احنا مو في امريكا صرنا في بريطانيا ابوي يتنقل من مكان لمكان
هند _طيب انتوا تعيشون في بيوت ايجار ولا كيف
طلال ضحك _لا اكيد لنا بيوتنا الخاصه بيتنا وبيت سيف
هند_وبيوتكم الخاصه كيف شكلها (هند كانت تبي تسئل لانهم من يوم جاوا يستغربون من كل شي )
طلال _ما فهت سؤالك بس ايش رايك اوريك بيتنا وراح لشنطته وطلع كاميرا فيديو ديجاتال ..هذا هو بيتنا
هند شافت البيت وفتحت فمها لان الي شافته قصر وقدامه بحر وشجر نخيل كبيره كأنه منتجع
هند _هذا بيتكم صدق
طلال _ايوه سيف هو الي صممه وعندنا بعد بيت صيفي في فرنسا وفنادق في ايطالياوالحين خلص بيتنا الي في بريطانيا
هند_طلول هاذي مو بيوت هاذي قصور
طلال _ويش معنى قصور
هند كانت سرحانه في الترف الي عايشه عمها ولا سمعت سؤال طلال
هند_طلال تصبح على خير وطلعت وهي متهمه .................................................. .........
هند _ريم انت من صدقك يعني بكره راح نروح للاستراحه
ريم _ايوه انا بعد مو مصدقه لكن ابوي قال ان البيت صغير ولازم انسوي العزومه في الاستراحه
هند قعدت تدق رقبه _فله يعني بصير مثل البنات كل ما قالوا عندنا عزومه في الاستراحه بس ريم تكفين متى
ريم _بكره او بعده المهم نطلع من البيت يرحم والديك
طول ذا الوقت واسيل ولورا يناظرون بنات عمهم مو فاهمين شي
اسيل _ممكن اسئل سؤال وش الاستراحه
هند _اولا لما تستأذنين عشان تسئلين السؤال انتظري عشان يمكن ما نسمحلك
اسيل افتحت عينها من كلام أيه _اسفه ما اقصد
هند _الحمد لله والشكر عيال عمي هذولا لازمهم كورسات كثيره انت ايه بلا اضحك لا تبكين علينا ..الاستراحه طال عمرك مكان مثل المجلس تستأجرينه اما عن باقي المعلومات المتعلقه بالاستراحه فحن مثلك يا غافل لك الله
اسيل ضحكت من كلام أيه
هند _بنات عمي مرجوجات يضحكون على اي شي اقوله
ريم _خالد قالي كل ما مريت من غرفتكم اسمع ضحك لايمكن موظفين مهرج
هند _ياالله,,والتفتت للبنات وقالت تروا اخوي خالد ما يعرف ينكت ما احد يعرف ينكت الا انا وبعض الاحيان الاخ ياسر
في ذا الوقت دق جوال اسيل وخرجته كان شكله جنان ويلمع هي قالت ان اسمها مكتوب بالالماس ولونه وردي,,اسيل خلصت المكالمه الي شكلها من امها ...
اسيل _لورا البسي عبايتك راح نروح لخالتي غاليه
لورا قامت تلبس وريم وهند يناظرونهم مثل الاطرش في الزفه
اسيل _راح انروح لعمتي غاليه هي عايشه في الرياض باي بنات البنات _باي ....وطلعوا اسيل ولورا وبقت هند وريم
ريم _البنات طيبات
هند _بس امهم ماهي شايفتنا بشي
ريم _شوفتها كيف تناظرنا كأننا كائنات غريب مالت عليها
هند _بس البنات وطلول يا عليهم طيبه مو صاحيه احسهم مفهين لهم يومين عندنا واحس اني اعرفهم من زمان
ريم _اههههه لانك ما شفتي القمر ولد عمنا صدق هند تريك ما شفتيه لالحين يمكن تشوفينه وتحبينه وتتركين وليدوه بس امي ما قصرت مسويتلك اعلان عند عمتي
هند _لا تقولين امي تحرج علي
ريم _ايه والله اقول اتركينا من ذا الكلام لازم انك تشوفينه
هند _وهو يجلس في البيت عشان اشوفه وبعدين لازم اقول لامي لاعاد تحرج علي انا غير وليد ماني ماخذه فهمتوا ولا لا وقامت معصبه والتفتت لاختها وقالت اسمعي بروح لغرفتي اخذلي كم عرض منها اكيد سيف راح مع هله
ريم _بس امي تبيك تسوين كيكك المشهور
هند_الله لا يهينك سويه انتي تراك على وجه زواج تعلمي من الحين وبعدين لازم اروح اخذلي كتب من غرفتي قبل لا يجي المحتل الصهيوني
وطلعت ودخلت غرفتها هي سمعت من ياسر ان طلال ما عاد هو ينام مع اخوه صار ينام معه يعني الغرفه مستحلها الاخ سيف
هند كانت مأخوذه من ريحة العطر المنتشر في الغرفه ريحه جنان وشافت كيف ان غرفتها تغيرت وصارت رجاليه هند اجلست على السرير وبدت تفتح ادراج الكومدينه تأخذ اكتبها ما شافت الا احد مسكها من وراها صارخت والتفتت لقتها ريم كانت ريم ميته ضحك هند ناظرت اختها نظره تخوف واجلست وقالت _صدق انك ما تستاهلين انك تتزوجين الحين عقلك عقل بزر
ريم _اقول اسكتي ..وشمت ريحة الغرفه بقوه ..ياي صدق عطر خيالي وينه ابي اعطر نفسي وراحه للتسريحه لقت العطر وقعدت تعطر نفسها وقالت _هند انا اعتقد اني حبيت ولد عمي بس حسافه متملكه (تمزح )
هند _خلي عادل يأخذ اسيل وانت اخذي سيف والحين اقول اطلعي يله ..ريم تاففت وطلعت
هند رجعت لشغلها جمعت كل اكتبها عشان تشيلهم وسمعت الباب ينفتح فقالت بصوت عالي وهي معصبه من ريم_ ريم انقلعي من وجهي احسنلك تري برميك بهذا وخذت شي من على الكوميدينه والتفتت لورا عشان تخوف ريم ..بس الي واقف مو ريم او بالاحرى مو من جنس النساء..كان سيف في عيونه برود وكبره وابتسامه سخريه
سيف _ممكن تعطيني موبايلي ......هند كانت واقفه منصدمه تناظر الرجال الي قدامها او بالاحري أيه الجمال الي قدامه وسمعته يقول موبايلي وناظرت يدها لقت فيها جواله استغربت ما شافت الجوال الا الحين هند كأنها اله عطته الجوال وقال بتلعثم _ما ما كن,,كنت بعارفه ..انك. هنا....... بس هند لاحظت انه ما كان يسمعها وانه خذا جواله وناظر الشاشه وبعدين ناظر هند من فوق لتحت وطلع
هند جلست الخوف شل اطرافها ولكن بعد ما فكرت بلي صار عصبت وقالت في نفسها وهي طالعه من الغرفه وش يظن نفسه الله يأخذه صدق قليل ادب وقالت كل المسبات الي تعرفها وكانت تمشي وهي معصبه ما شافت الا وهي خابطه بواحد لفت وفي عيونها نار من الغضب والغريبه ان الي صدمت به هو سبب غضبها نزلت تلف اكتبها وتقول عمى شف قدامك مره ثانيه تقولها بتعصيبه سيف نزل معها عشان يلف الكتب الي طيحها لكن هند قالت له _انت ايه اترك اكتبي ما ابيك تساعدني ابعد عني
لكن سيف ولا كأنه يسمعها وبعد ما خلص عطاها كتبها وقالها بصوت بارد _انت الي شوفي قدامك مره ثانيه... هند افتحت عينها على الاخير وهو حط الكتب في حضنها وراح هند لا خلاص كرهته لان قلبها صار في حلقها قالت في نفسها قلبي يدق كذا عشان الغضب الي احسبه وحطت الكتب في غرفة ريم ونزلت لاختها
ودخلت للمطبخ الي كان معفوس
ريم_هند تكفين ساعديني ما عرفت
هند من غير ما تتكلم قامت تشتغل وباين من وجهها انها معصبه
ريم قالت _لا يكون انت زعلانه مني عشاني خوفتك
هند ناظرتها كأنها خارجه من عالم ثاني _ايش قلتي
ريم _لا انت صاير لك شي ..هند رجعت لعالمها وبدت تخفق البيض اما ريم ناظرت اختها وطلعت تلبس لان ملابسها توصخت من الدقيق اما هند في عالمها بس اسمعت بعد خمس دقايق احد قفل الثلاجه بقوه التفتت لقته الاخ سيف عند الثلاجه يشرب مويه(قالت في نفسها كنت ابي اشوفه مره وحده الحين شفته ثلاث مرات خلال ساعه )هند زل لسانها وقالت _وجع خوفتني
سيف ناظرها كأنه اول مره يعرف ان فيه احد في المطبخ غيره
وقال _تبين الصراحه ما تحتاجين احد يخوفك
هند وهي ماسكه الصحن الي فيه البيض المخفوق _انت ايه وش عليه شايف نفسك يله اخرج من المطبخ قبل ما ارميك بالبيض
سيف _ارميه اذا انت شاطره
هند _ايه يا بابا تراني هند ارميه وارمي الي اخس منه بعد
سيف _طيب يله ارميه
هند وهي معصبه حدها ما شافت نفسها الا راميه البيض على ملابسه سيف فتح عينه على الاخير وناظر ملابسه وناظرها وطلع بس قبل ما يطلع التفت لها وقال_انت اغبى واوقح انسانه شفتها في حياتي

انتهى

[الجمانة.]

ذكريات مسروقة (الفصل الثاني)
هند كانت فاتحه عينها على الاخير ماهي مصدقه انها سوت كذا وبعد اشوي قعدت تضحك ودخلت ريم
ريم _انت ايه انجنيت ايش بلاك اليوم مره زعلانه والحين بتموتين من الضحك
هند _ولا شي على فكره تراني شفت ولد عمنا المصون
ريم بحماس _ها وش رايك يأخذ العقل صح
هند بصوت عالي _وع وع لا قبيح (لكن في نفسها قالت اذا ذاك قبيح منو الحلو ..سيف كان طويل وجسمه مثالي لرجل كامل الجمال عيونه تحيط بها حديقه من الرموش فيها سحر غريب ولمعة وخشمه سيف مسلول وفمه ممتلي بس حاد يبين الذكاء الي فيه وشعره اسود غامق وناعم طويل لحد اخر الرقبه بس جاي مدرج مو ستريت ودقنه فيه غمزه ولما يضحك تطلع غمازاته الي تتوج وسامته كانت بشرته ذهبيه يعني جمال تاريخي ؟)
ريم _انت انجنيت هذاك قبيح الحين عرفت ليه تحبين وليد
هند _ اهههههه حبيبي وليد ..المهم اسمعي انا الحين متهوقه انا قلت لاسيل ولورا اني راح اشيلهم للجامعه بكره بس السواق قال لابوي انه ما راح يجي بكره ايش اسوي
ريم _روحي اطلبي خالد يوديكم
هند _صدق انك هبل عشان يذبحني هو ياله بروح لشغله
ريم _حاولي يمكن تزبط معك هالمره
هند خذت نفس عميق وقالت _الى ساحة المعركه
دقت هند الباب بادب (هند ما تدق الباب الى اذا تبي شي من اخوانها مهم )وفتحته
محمد وخالد كانوا جالسين مع بعض اما ياسر كان جالس لحاله ماسك كتاب يذاكر
محمد_خير اشوفك داقه الباب ماهي من عوايدك
هند ابتسمت لاخيها خالد والتفتت لمحمد وكشرت في وجهه _شي ما يخصك ..والتفتت لخالد ورجعت ابتسامتها .. ,,, خالد تعرف اني احبك مثل ماحب روميو جولييت لا والله يمكن احبك اكثر
خالد_ اولا يا غبيه مفروض تقولين احبك مثل حب جولييت لروميو مو العكس وثانيا جوابي هو لا والف لا (خالد اخي هند وهو الي قبلها في ترتيب العايله يشتغل في بنك هو وياها دايمن يتناقرون ويسون في بعض مقالب )
هند _خلودي بس انا بعدني ما طلبت طلبي تكفى اسمعه مابي اتفشل بكره قدام بنات عمي
خالد_ويش فيهم بنات عمك
هند_السالفه يا طويل العمر اني عزمتهم للجامعه بس السواق ما راح يجي بكره وابيك توديني لان الجامعه على طريق البنك
خالد_قلتي بنات عمي شوفي نظرا لاني مخطط اتزوج وحده منهم واناسب عمي وفلوسه راح اوديك بس المشكله في الرجعه انا ما راح اكون فاضي ..وناظر محمد ..تردهم البيت
محمد_اسف بكره مشغول حدي
خالد قعد يفكر _خلاص روحي انا بلقالكم حل
هند_جعلني قبلك صدق اخ وحبته فوق راسه وطلعت
.................................................. .......... ...
هند كانت تلبس عبايتها والتفتت لاسيل الي عادها تحطلها قلوس
هند_يله اخلصي اخوي خالد ممكن يروح ويخلينا ترا عادي عنده يسويها
اسيل _طيب طيب ..وراحت والبست عبايتها ا؟..اطلعوا لقوا خالد في السياره
البنات_السلام عليكم
خالد_وعليكم السلام
هند_خالد ولع المكيف حر بأختنق
خالدولع المكيف وشغل السياره وهو في الطريق لاحظت ان فيه نظرات كان خالد يرسلها لاسيل بس اسيل ما كانت تستقبلها(المحول خربان ههه)هند تنحنحت يعني خلاص يا خالد البنت ما هي داريه عن سوقك المهم وصلهم خالد لحد الجامعه وقال لاسيل _لما تخلصون دقوا على سيف هو قال انه هو الي راح يردكم
اسيل عادي عندها ان ولد عمها يتكلم معها _اوكيه شكرا خالد
دخلتهم هند للجامعه واول ما دخلوا لقوا هاله الي كانت تنتظر هند هند سلمت على هاله
هند_اعرفكم يا بنات هاذي بنت عمي هاله ..والتفتت لهاله ..هاذولا بنات عمي محمد
هاله والبنات قعدوا يسلمون على بعض ..المهم البنات قدروا يلفتون نظر بنات الجامعه بأناقتهم خاصة اسيل
اسيل_هند البنات هنا كلهم يعرفوك كل ما مرينا من مكان يسلمون عليك
هاله_هاذي هند ما تعرفونها كل الناس اصدقئها
البنات قعدوا يضحكون لان هند سوت نفسها متكبره وقالت لهم _انتوا منين تلقونها وحده بمركزي تسويلكم جوله في الجامعه
.................................................. .......... ..
كانت الساعه 11 وهند خلصت ما كان عندها الى محاضره وحده وطلعت ولقت هاله مع البنات هاله ما حضرت المحاضره عشان تجلس مع البنات
اسيل _هند خلصتي محاضرات
هند_ايه بس تروني ما ني عارفه من الي راح يجينا من العيال
اسيل _خالد قال لي اني ادق على سيف اذا خلصنا
هند قلبها دق بسرعه جنونيه دق الطبلون من الخوف _ايش وليه ما قالي الاخ خالد
اسيل _خالد قالي يوم طلعتي من السياره وبعدين ليه معصبه اخوي سيف راح يجي
هند تقول في نفسها مو انا عشان اخوك الاقشر جاي معصبه_هاله قومي نروح للكافتيريا نشتري اكل للبنات البنات اجلسوا في طاوله وهند وهاله قاموا يشترون قالت هاله _هند ريم تقول ان اخيهم ملك جمال هو صدق
هند_وع لا مو حلو بس ريم يوم قرب زواجها بدت تخرف هاله_عموما راح اشوفه اليوم في العزومه
هند_ليه عزومه الاستراحه اليوم
هاله_ابوي قال انها اليوم
هند وهال اخذوا الاكل للبنات وقعدوا ياكلون.. دق جوال اسيل وردت _الو سيف .....خلاص طيب طالعين لك ...باي
اسيل_هند يله سيف عند الباب
هند تبي تتنذل فيه _هاله عندك احد يوصلك ولا روحي معنا
هاله فرحت _بروح معكم ابوي ما راح يخاصم لو عرف اني رحت مع ولد عمي
اسيل _اوكيه يله
هند كانت اخر من طلع عناد في سيف مع انها عند السواق تطلع اول وحده
هند ادخلت السياره وشافت سيف وشافت هاله متهمه في سيف ودقت هند هاله يعني فوقي
هاله شاورت هند_متاكده انه يقرب لنا
هند_اللعنه لاتكونين شايفته زين
هاله_هند خلاص مابي محمد ابي هاذا
سيف تكلم بصوت عالي وادب _انا ما أعرف وين بيت عمي ممكن تدليني عليه
هند استغربت ما توقعت انه ممكن يكون في لحظه مؤدب ليه معها غير ليه بلا يناظرها من فوق لتحت
هاله استغلت الموقف وتكلمت بصوت دلوع_شوف لف بعد الاشاره الثانيه وبعدين لف يمين
سيف لف بسيارته الي كانت همر هند كانت تظن انها مستأجره
وصلوا لبيت هاله ..هاله_مع السلامه ونزلت متغصبه
اسيل _سيف ابي اكل
سيف _اسيل تكفين لا تورطيني ما اعرف ولا مكان في الرياض انا غصب وصلت للجامعه
اسيل_سيف معنا هند اكيد تعرف مطعم ..ها هند تعرفين مطعم
هند_ امم روحوا مطعم؟؟؟؟كويس (اختارت مطعم لازم يلف يلف كثير عشان يوصلها )
اسيل _يله يا سيف ودنا لذا المطعم حبيبي
سيف _وينه
هند_امش قدام لين اقولك وقف
سيف ورجع لطبعه الي ما يطلع الا مع هند ما هو عارف ليه البنت هاذي تنرفزه _قولي لي من الحين الموقع
هند_امش قدام بعد ما تعدي ثلاث اشارات لف يمين مرتين وبتلقى دوار وبعدين لف يسار وبتلقى المطعم قدامك
وصلوا للمطعم نزلوا البنات بس هند ما نزلت خذتها عزت النفس انها تنزل ما دعوها
البنات نزلوا وراحوا للمطعم سيف كان ينتظر الكل ينزل شاف هند طولت فتح بابها _انت ايه انزلي يله
هند_ اولا عندي اسم اذا ما تعرفه اسئل وثانيا مابي انزل للمطعم ابي انام في السياره يعني انقلع
سيف قفل الباب بقوه ودخل المطعم ..هند قعدت تنتظر بس لاحظت ان فيه شلة عيال يناظرون السياره ولي فيها وبدوا يقربون هند قالت في نفسها _حتى في الظهر مغازله صدق ناس فاضيه
العيال رموا ورقه صغيره من الدريشه حقت الباب الي جنبها هند شالتها ورمتها لهم وقفلت الدريشه هند شافتهم قربوا لبابها وبغت تقفله بس ما عرفت كيف المهم في واحد من الاولاد مد يده يبي يفتح الباب هند راحت للباب الثاني وطلعت وركضت للمطعم ولقت عند باب المطعم سيف كان طالع وفي ايده كوب كوفي
سيف شافها تركض _ايش فيك
في ذا الوقت العيال قعدوا يقولون بصوت واطي _ليه التكبر وانت مخاويه عشانه احلى منا يعني ترينا نعجبك
سيف كان يسمع الي يقولونه وما التفت بس يوم خلصوا قال لهند_ضايقوك ..هند هزت راسها .. عطاها سيف القهوه وقالها _ادخلي عند البنات..هند ادخلت وخافت على سيف العيال كانوا 4 وهو لحاله يمكن بيتفاهم معهم هند ادخلت للبنات
اسيل _عطاك سيف القهوه
هند_ليه القهوه لي
اسيل _ليه ما قالك سيف
هند_بلى قالي
اسيل _وينه
هند _برا ..البنات رضوا بأجابتها
بعد اشويه دخل سيف وقالهم_خلصتوا ..هند كانت تناظره كان في خده كدمه خفيفه
البنات قاموا وسيف راح يحاسب هند كانت تمشي للسياره سمعت في واحد يقول _والله ضربهم لحاله وبغى يموتهم وهم لو تشوفهم اهربوا زي البزران ...الي معه قال وينه ..الثاني قال هذاك الي جاي هند التفتت معهم والي كان جاي هو سيف كان هادي ولا كأنه صار شي
سيف شغل السياره وراحوا في الطريق هند كانت ساكته حاسه بالذنب وكل ما ناظرت مرايه السياره تلاقت عيونها بعيون سيف الي كان يبعد نظراته....وصلوا للبيت البنات نزلوا وسيف كان ينتظر في السياره عنده مشوار اما هندفنزلت اخر واحده كانت تبي تعتذرقالتله قبل ما تفتح الباب _سيف اسفه بس مو ذنبي
سيف كان يسمعها ويناظر قدام قال بهدؤهه الي ينرفزها_ عارف مو ذنبك ادخلي الحين ابي اروح ..هند انزلت وهي معصبه كل الي قدر يقوله انزلي مالت على وجهك
سيف كان يمشي بالسياره وبعد خمس دقايق من المشي في الشوارع وقف كان معصب بس ماسك تعصيبته كان منقهر من الي صار اليوم كان يبي يذبح الشباب بس استغرب ليه مهتم بس قعد يتذكر كيف انها قبل اشوي قالت اسمه وهدا في الاخير قال لنفسه خلاص انا عارف ان البنت تنرفزني وما راح احتك بها مره ثانيه ....
اما هند ادخلت لغرفه ريم مع البنات لقت ريم عافسه الغرفه
هند_ريم ليه الغرفه معفوسه
ريم_اليوم العوزومه وكنت ادور لي لبس البسه
هند_صح انا عن نفسي راح انام الحين واقوم البس
ريم _اليوم لازم تتكشخين اكيد وليد راح يجي
هند_وخير يا طير هو اصلا مو خطيبي رسمي فلازم من الحين يشوف عيوبي عشان يمكن يتراجع
اسيل _هند انت مخطوبه (كانت تتكلم وعلامات الصدمه واضحه على ملامحها )
ريم_ايه هند مخطوبه بس مو رسمي لا وبعد تحبه
لورا _معقوله انت يا هند تحبين
هند_ انا ايه ايش شايفتني صنم
البنات ضحكوا وقالوا _بس لا شكلك يقول انك ما تفكرين بالزواج موليه
ريم _تبون الصدق حنا لي الحين نعتبرها عزباء وندورلها عريس افضل لان وليد لو تشوفونه ..هند قاطعتها .-ريم مالك علاقه بوليد خليك في عادل
وقامت معصبه وطلعت لغرفتها هي كانت عارفه ان سيف راح لمشوار عشان كذا راحت لغرفتها ودخلت للغرفه بس يوم دخلت الغرفه وشمت عطر سيف حست بقلبها يدق وان فيه شعور من التشوق والرغبه يملاها جلست على السرير نست كل الناس تذكرت واحد مع انها ما هي عارفه ليه بس احتل تفكيرها بنظراته وبهدؤه الي ينرفزها تمددت على السرير وحطت راسها على المخده وغمضت عينها قالت لنفسها خليني ارتاح خمس دقايق وارجع لغرفه ريموه
سيف دخل البيت بعد ساعتين من اللف في الشوارع من غير هدف وقبل ما يطلع غرفته سمع امه تناديه راح لها
ام سيف _ اهلين سيف تعال ابيك بكلام
سيف راح معها ودخل لغرفتها
ام سيف _سيف انا ابي احذرك قبل ابوك ما يقولك
سيف _ابوي وش يبي
ام سيف _يبي يكلمك عن وحده من بنات عمك يبيك تأخذ وحده منهم
سيف_والله مو بكيفه انا مافكر بالزواج الحين وحتى ان فكرت ما راح اخذ وحده من هاذولا
ام سيف _انا معك وابيك ترفض بس ترا ابوك ماله ذنب هو من يوم جا هنا واخوه يلمحله يبيك تأخذ هاذي الي اسمها هند
سيف قعد يفكر بهند قلبه انغزه حس بسكينه في صدره وسمع نفسه يقول _يمه قولي لبوي لو يقنع من هنا لبكره ما راح اخذ ولا وحده من بنات عمي خاصه الي قلت اسمها (سيف مايبي ينادي هند باسمها عشان لا يعترف بها في حياته ) وطلع لغرفته ويوم دخل لغرفته فصخ بلوزته وراح للسرير يبي ينام بس وقف كان فيه احد على السرير كان فيه ملاك نايم كان على السرير بنت شغلت تفكيره من الصباح كانت نايمه نومة طفل وماده يدها على المخده زي المستسلمه سيف ما حس نفسه الا مقرب للسرير زي المسحور وبدا يلمس وجهها بس هند قامت من نومها مخترعه سيف فاق من حلمه
سيف _انت ايه ايش الي جابك هنا
هند عادها ما فاقت من النومه وكانت تناظره ما هي فاهمه
سيف _نظرات البراءه ماتنفع معي يله اطلعي (نظرات البراءه كانت ذابحته كان يبي يحضنها )
هند بدت تفوق وتفهم الموقف ورجعت لطبعها _انت لا عاد تنافخ في وجهي ما ني باصغر بزرانك وبعدين لا تنسى ان هاذي غرفتي
سيف _ما يهمني غرفتك ولا غرفه غيرك المهم اطلعي الحين من الغرفه ...هند مشت للباب معصبه بس قبل ما تطلع قال لها _وبعدين ابيك تفهمين حاجه اني ما ابيك لا عاد تفرضين نفسك علي فهمتي انت ماتشوفين نفسك في المرايه اصلا انت ما تعتبرين من جنس حوا ...هند كانت تناظره ما هي فاهمه وش يقول (سيف كان يناظرها ونظراتها تحفر في قلبه علامه ) في الاخير اطلعت من الغرفه ...سيف بعد ما طلعت من الغرفه قعد يناظر السرير الي كانت نايمه فيه هند ورمى نفسه عليه ومن غير ما يحس بنفسه دخل وجهه في المخده وقعد يشمها .....................
ابي افهم ايش صار فيني
في غيابها قسوه وفي وجودها نار في القلب تكويني
ما تفارق ذا الفكر وان حاولت ابعدها يرجع الفكر ويجيني
احبها ولا ابي اعترف ولا ابي ان اسمها في يوم يعنيني
.................................................. .......... .
هند قالت لنفسها هذا اكيد خرف وش قاعد يقول بس تذكرت ان ريم قالت لها ان امها تحرج عليها بس ظنت انها تمزح هل معقوله انها صدق لازم تسئل امها ما هي مستحمله انها يناظرها بدونيه هند كانت خلاص حالتها النفسيه زفت كانت تقول لنفسها ممكن منه ليه يحب يجرحني انا ايش سويت له مو كافي هلي الي يشوفون ما وراي هم وكل واحد منهم يشكيلي همه ما فكر يسئلني عن همي كل الي يسونه انهم يحموني من العالم الخارجي بس يله وش اسوي حال الدنيا ماعندي غير نفسي وابتسمت ..دخلت غرفه ريم الي كانت معفوسه من البنات
ريم_وينك انت تأخرت ياله البسي لازم انروح العزومه الحين
هند_ريم ليه ما سئلتي عني تعرفين اني كنت نايمه في غرفتي ودخل علي سيف
ريم_صدق والله ياي وش سوى
هند_انت هبل اقولك اني ازعجته تقولين ياي
اسيل _لا تخافين سيف مو من النوع الي يتضايق طبعه بارد
هند قالت في نفسها ايه والله بارد في كلامه بس يتكلم كلام يغني عن الف صوت عالي ودي اذبحه
ريم_بس على فكره لاتزعلين انا ظنيتك رحتي نمت في غرفة امي كالعاده
هند_المهم ملابسكم حلوه وش البس
لورا _ ايش رايك اعطيك من ملابسي
هند_لا شكرا انا ما البس الامن ملابسي
لورا_وش ذا القهر يعني ريم تلبس من اسيل وانا مأحد يلبس من ملابسي
هند ناظرت ريم نظره فهمت منها انها غلطت _شوفي يا لورا ايش رايك انت تلبسين من ملابسي
لورا_بس بشرط تلبسين من عندي وانا البس من عندك
هند فكرت _اذا جا شي على ذوقي
لورا_افتحت الشنطه حقها وطلعت منه ملابس بس هند مأعجبها ولا واحد البنات كانوا يقولون هند البسي الوردي وهند تقول اكره الوردي
ريم_شوفي لازم تعرفون ان هند ما تحب الا الالوان الغامقه
اسيل _غريبه يقولون ما يحب الالوان الغامقه الا الناس الكئبين وانت ابعد انسانه عن الكئابه وبعدين جسمك نحيف يعني ما تحتاجين تغطينه
هند_اقول اسكتوا لورا انا راح البس البلوزه الحمرا الي عليها تاز المشاكس انا شفتها عندك في اخر الشنطه
لورا افتحت عينها على الاخير_بس هاذي بلوزة بيجامه يعني حقت نوم
البنات قعدوا يضحكون على هند ..هند خذتها مسالة عناد شلت البلوزه وخذت تنوره سودا وراحت الحمام تلبس
اما لورا خذت بلوزه لقتها في اخرالكبت عند هند كانت هديه من هاله بس هند عشانها ما تحب اللون الوردي الفاتح قطتها كانت البلوزه حلوه بس هند تحب الملابس الي عليها صور تضحك او غريبه
.................................................. .......... ......
في الاستراحه ...
كانت الاستراحه كبيره بس ممتليه بالعايله الكبيره (العايله تتكون من الاخ الكبير هادي وعياله محمد وخالد وياسر وريم وهند والاخ الثاني ظافر واولاده عمر وعادل وثريا وهاله والاخ المطوع خالد وعياله وليد وعامر وشروق وناديه ودعد وفي الاخير الاخ من الاب محمد واولاد سيف اسيل وطلال ولورا باللاضافه الى العمات )
كانوا النسوان في مجلس والرجاجيل في مجلس وكانوا لماالبنات يجتمعون تجي وناسه
ثريا_هند ايش فيك متضايقه
هند_ما فيني الا العافيه
ثريا بصوت عالي عشان البنات كلهم يسمعون _لا يكون عشان وليد اشتقتيله(البنات يحبون بعض ويحبون يغيضون بعض )
هند سكتت متعوده ان شروق هي الي تدافع عن اخوها بس لاحظت ان شروق يوم جابوا موضوع اخوها كتمت قالت هند في نفسها يمكن بلا يتهيئلي _اقول اسكتي ودورليك على عريس بلا عناس
ثريا_لا انا خلاص صبرت ونلت راح اخذ ولد عمي محمد(كانت تمزح واسيل ولورا قعدوا يضحكون اما هند ما قدرت تضحك ماهي عارفه ليه بس اغتصبت ابتسامه )
ريم_شوفوا يا بنات لازم تشوفونه تروا فيه جمال ما شفته في هلنا ابي اسئلك يا اسيل سيف لا يشبهنا ولا يشبه امك
اسيل ضحكت _لان امي ما هي امه سيف من ام ثانيه
ريم وثريا وهاله قربوا من اسيل _كيف يعني عمي متزوج من ثنتين
اسيل _لا بس ابوي كان متزوج وحده من خواله بس زوجته ماتت وهي تولد سيف
ريم_يعني مرت عمي الاولى جابت اول ولد وماتت
اسيل _لا سيف كان الثاني الاول بدر الله يرحمه
هند بصوت منصدم _اخو سيف مات
اسيل كانت حزينه _السنه الي فاتت في حادث سياره مع....وسكتت وناظرت اختها ..خلونا نغير الموضوع
البنات كانوا مندمجين مع السالفه بس يوم سمعوا اسيل غيروا الموضوع بس هند عرفت ان القصه والالم في الي مات مع اخو سيف ..
هاله_ قوموا للمطبخ يابنات يمكن انشوفه داخل
ثريا _ايوه يله
ريم_ايوه عشان يا بنات تقولولي رايكم الاخت هند تقول انه مو حلو
اسيل ضحكت _غريبه انت اول وحده اسمعها تقول كذا
هند_ خلاص روحوا شوفوه يمكن وحده منكم تشوفه مو ملك جمال
البنات راحوا للمطبخ وقعدوا ينظفون ويسون حركات اما هند كانت لحالها تناظر الممر يمكن تشوفه قبل ما يدخل المطبخ استغربت من نفسها اشتاقتله وهي عادها شايفته من ساعتين كانت جالسه مع نسوان عمامها فنادتها عمتها ام عادل _ليه يا بنتي جالسه لحالك روحي مع البنات
هند ابتسمت وقامت تبي تروح لقت لها عذر عشان اذا قالوا ايش جابك تقولهم النسوان اطردوني
اول ما اطلعت من مجلس النسوان لقت ياسر وطلال جايبين القهوه اضحكت على طلال _انت من الي علمك تمسك الدله
طلال وهو خلاص صار يفهم المزح من الجد من المعلم ياسر_ ايش رايك
هند راحت لطلال وطلال عفويا حط يده حول خصرها بيده الثانيه
_والله يا ياسر اشوف انك نجحت في دمج طلال بالمجتمع السعودي
وهي تتكلم حست ان قلبها يدق عرفت انه موجود ...سيف كان داخل يسلم على عماته وشاف اخوه ماسك وحده من خصرها فكمل مشيه ما اهتم بس يوم كان يمشي سمعها والتفت في ذيك اللحظه تمنى ان طلال ما انولد كان يقول في نفسه من الي سمحلك تمسكها بذي الطريقه وقال_ طلال تعال معي عشان انسلم على عماتي
طلال استغرب اخوه كان معصب _بس انا ماسك الدله
سيف_عطها ..واشر على هند
طلال عطى الدله هند وهند التفتت لسيف الي كان يناظر اخوه ويوم شافها التفتت له التفت لهاوناظرها نظره يعني في شي مو عاجبش يله انقلعي اما هند ناظرته من فوق لتحت وخذت الدله للمطبخ ودخلت مع ياسر البنات يوم شافوها داخله مع ياسر قالولها بصوت واطي _وينه
هند_الحقوا تروه في الصاله
البنات كلهم اطلعوا الا لورا الي من يوم شافت ياسر ووجهها صار احمر وما اقدرت تتحرك من مكانها هند اضحكت واستغربت ليه هي الي تلاحظ هاذي الاشياء
ياسر وهو مسوي نفسه مؤدب_باجي بعد اشوي اخذ القهوه جهزيها
البنات ادخلوا بعد اشوي ثريا كانت تناظر قدام زي الي داخله حلم اما شروق وناديه ادخلوا وهم يسمون عليه
ثريا_عادي نخطب بدال ما ننخطب
ريم_ودك بس يا خوفي الرجال يرفض
ثريا _انا حبيته
ريم_حبيته قبلك
ثريا_انت متملكه بعادل انا عزبى ..هند تكفين قطعي السلطه خليني في عالم احلامي
هند_شوفوا راح اسويلكم احلى سلطه ذوقتوها تنسون سيف والي جابوه
شروق وناديه كانوا يطبخون وريم كانت تسوي الحلى وهاله ودعد يغسلون المواعين فعشان كذا قعدوا يتهزون في هند لانها ماسكه السلطه
هند تقطع الخيار ما شافت الا ياسر داخل ومعه طلال _عطونا القهوه
ريم_انتظروا اشوي
طلال_هند ايش اتسوين
هند_امسك سكين واشرح خياره ميته انت غبي اقطع سلطه
طلال ضحك وراح لعند هند مطيح الميانه_هاتي اذوق السلطه حقتك
في ذا الوقت دخل واحد هند كانت ناسيته وماحيته من جدولها كان متوسط الطول يميل للقصر شعره طويل لتحت الرقبه خشن اسمر خشمه كانت فيها علامه ممتده لعند خده تؤرخ ماضيه الحافل بصياعه......
البنات كلهم اسكتوا وقعدوا يناظرون هند ووليد هند رجعت لشغلها كانت تسئل نفسها ليه قلبي مع وليد ما يدق مثل لما اكون مع سيف ليه ما أشتاق لوليد مع انه يغيب بالايام واشتاق لسيف وهو في نفس البيت لا اكون حبيته وطحت في الي احاول اطيح الناس فيه شرك الحب؟.........................................
ابي غيرك والمصيبه افكر فيك
واحلم بالسعاده والقى حلمي يطلبني اجيك
احلم بالحب مثل غيري ويتحقق حلمي لما الاقيك
اخاف من فرقاك واخاف اني ممكن اقول ما ابيه.. ابيك
.................................................. ........
وليد_ايشلونكم يا بنات
البنات_الحمد لله
وليد التفت لهند(هند ما هي خطيبته رسمي بلا كلام يعني هند لوليد)_ايش اخبارك يا هند
طلال كان يناظر هند ليه وليد سئلها هي بالذات_الحمد الله انت الي كيف مسوي
وليد _بخير..ياله هاتوا القهوه
طلال وياسر اطلعوا من المطبخ وكان وليد طالع قدامهم طلال سئل ياسر وهو يأشر على وليد_ليه هذا سلم على هند خاصه ما سلم على غيرها
ياسر_ يعتبر خطيب هند
طلال_يعتبر يعني هو خطيبها ولا لا
ياسر_لا تسئلني اسئله معقده (في ذا الوقت مر سيف من جنبهم كان طالع للحوش ياخذ هوا من الكتمه والازعاج )هندتعتبر خطيبه وليد وغير كذا ما اعرف (سيف سمع المقطع الاخير والتفت لورا لقى ياسر وطلال خلاص ادخلوا المجلس حس بالم عمره بحياته ما حس به حتى يوم مات بدر وليال سيف وقف اشوي وطلع الحوش)
هند في المطبخ تخلص السلطه الي ما عرفت تقطعها زين كل قطعه شكل
ريم وثريا يتكلمون مع بعضهم بصوت واطي
ريم_شوفتي معامله هند لوليد يمكن البنت خلاص ما عادها تبيه
ثريا_قولي امين بس الغريبه ان وليد ما اهتم بعد بهند
ريم_ما يهمني المهم يفكون بعض ما ينفعون نهائيا لبعض
اسيل راحت لهند _هند هذا خطيبك
هند_ايه
اسيل _اممممممممم(وقالت عشان تغير الموضوع لان وليد ما أعجبها) هاتي اذوق السلطه حقتك
هند_تروكم مغثتوني السلطه حقتي زي غيرها مافيها الا خيار وطماطم وجزر
.................................................. .......... ....
العزومه خلصت سيف اخذ اهله وهند راحت مع اخوها خالد وياسر وطلال والباقي راحوا مع محمد
هند في السياره كانت مهويه_خالد اسرع دق الطبلون
خالد_هند اسكتي خليني اسوق
هند كانت تبي تخرج الحره الي في قلبها وخالد ما رضى يسرع بالسياره وفكرت بخطه لما ترجع البيت والكل ينام يتسويها
هند انزلت من السياره وطلعت تنام (تمثل النوم )
ريم والبنات من التعب ناموا هند انزلت للدور الاول بعد ساعتين كان الكل نايم كانت الساعه 2 ونصف راحت الصاله ما لقت احد عرفت ان الكل نايم الحين لازم تلقى طريقه تخرج بها ياسر من غرفة العيال من غير ما يحسون لكن الفرج جاها يوم شافت طلال طالع من المطبخ معه كاس مويه
هند بصوت واطي _طلال تعال
طلال_هند بعدك صاحيه
هند_طلال اسمع تقدر تصحي ياسر ابيه
طلال_اصلا ياسر صاحي
هند_ من الي صاحي معه
طلال _بس انا وهو
هند_طيب ناده
طلال دخل الغرفه وطلع بعد اشويه مع ياسر
هند راحت لياسر وشاورته في اذنه
ياسر_انت مجنونه مو وقته
هند_تكفى اذا ماسويت ذا الشي بطق
ياسر طيب لزم البسك من ملابسي
باسر دخل الغرفه وطلال كان يناظرهم _هند ايش فيه
هند_ انا وياسر متعودين نسوي حاجه من غير احد من اهلي يعرف
في ذا الوقت خرج ياسر وفي يده بنطلون اسود رياضي وتي شيرت رياضي حق المنتخب الايطالي وكاب اسود هند شلتهم ودخلت الحمام
طلال قال لياسر _وش الي صاير
ياسر_انت عندك ملابس رياضيه
طلال _ايه عندي
ياسر _يله البسها بنروح للملعب نلعب كوره
طلال وياسر راحوا يلبسون ملابسهم وبعد خمس دقايق كان فيه ثلاث شباب يمشون في الشارع معهم كوره كان فيه واحد منهم يناظر ورا دايمن
هند_طلال فضحتنا لا عاد تناظر كذا كأنك سراق
طلال_بس خايف الحين الساعه 3 واحنا بره وبعد انتي معنا يعني مصيبه
ياسر_ما عليك انا وهند دايمن نسوي كذا ولا احد كشفنا
في اخر الشارع كان فيه زي الملعب حوله سور كان تابع للمدرسه حقت الحي
هند وياسر تسلقوا السور وطلال كان يناظرهم بخوف هند من الطرف الثاني _يله يا طلال تسلق ولا ارجع البيت ..طلال غصب تسلق
هند_اسمع يا طلال انا وياك فريق وانت يا ياسر فريق
ياسر _طيب يا مسفر (اسم هند الولادي )
هند وطلال وياسر قعدوا يلعبون هند خرجت الي في خاطرها ولعبت لعب غير اخلاقي والمتضرر الوحيد هو طلال لانه ما يستحمل اللعب الخشن في هذا الوقت كان فيه سياره ماره والكل عرف من هي له هند خافت وقعدت تدعي ان السياره تمر من غير ما تشوفهم لكن الله ما استجاب دعاها والسياره وقفت ونزل منها سيف
ياسر _تورطنا
طلال _ايش انسوي الحين سيف لما يعصب ما يرحم
هند_شوفوا يا عيال انتوا روحوا له وان سئلكم عني قولوله اني صديقكم عشان يأخذكم البيت وانا برجع البيت بعد اشوي اجلسوا عند الباب
سيف ما ناداهم لكن تسلق السور لهم
العيال كلهم طاح قلبهم وناظروا هند..(هند كانت تلعب بالكوره و ملقيه ظهرها لسيف ..عشان لا يشوفها)
سيف _ايش تسون هنا مو مفروض تكونون في البيت
ياسر _ايه بس حسينا ان حنا كثرنا بالاكل
طلال _ايه ابي اسوي رياضه ايش رايك تلعب معنا
ياسر وهند ناظروا طلال فاتحين عينهم طلال عرف انه غلط ونزل عينه
سيف _مابي يله تعالوا معي عشان نروح البيت وجلس مكانه لان ولا واحد تحرك منهم
ياسر _خلاص انت روح وحن راح نلحقك بعد خمس دقايق
طلال _احسن نبي نمشي
سيف كان في ذا الوقت يناظر هند من وراها
سيف _ليه تبون توصلون زميلكم البيت اول
ياسر وطلال كلهم ناظروا هند....سيف ابتسم وهومقفل فمه
سيف _روحوا السياره الحين يله
العيال ناظروا هند وهند تلعنهم في تفسها بيكشفونها ..سيف رفع صوته_ يله ..العيال خافوا وراحوا السياره
هند خذت الكوره وراحت مسويه نفسها رايحه البيت حست ان سيف ما تحرك من مكانه
سيف_وين رايحه





#أنتوا لاحظتوا أن فيه اسم ثاني (ايه)دخل في السالفة على فكرة ايه هي نفسها هند لأني أنا قعدة أغير اسم هند كل مرة (مرة سميتها سهى ومرة سميتها ايه )بس قالوا صديقاتي أن اسم ايه اسم مصري وسهى اسم وحدة من صديقاتي مابغيت ادخل شخصيتها في شخصية هند وعلى فكرة فيه بعض المواقف اللي حصلت لهند حقيقية #
وأنتظروني إن شاء الله في الجزء الثالث من القصة

[همـــــــــــي ودنــيتي]

سلام
حبيبي كبري الخط لانه كذا مو مريح اني اقرءه لازم اقراء برا المنتدى
اذا تبي تفاعل لازم تكبري الخط

[الجمانة.]

أوكي ان شاء الله راح أكبره
معليش لاني انقلها من الجوال فصاير الخط صغير

[وردة الزيزفون]

مساء الخير ... ياهلا فيك بغرام ...موفقة بطرحك ... بداية جيدة لكن اكثر البارتات معتمد على الحوار مافيها سرد كافي ولا وصف سواء لمكان الحدث او للشخصيات من حيث شرح وضعياتهم ردات الفعل بشكل اعمق شوي

وكبري الخط الله يعافيك لانه متعب في القراءة ... بالنسبة لتغيير اسم هند في اكثر من مرة بكذا راح يتشتت القارئ وماراح يركز المفروض انك معتمدة الاسم من الاول وفي حال غيرتيه تغيريه في كل البارتات ..

وعندي ملاحظة على بعض الاشياء في البارت وهو تهاون هند وغيرها في الحجاب مع الرجال وتهاونهم في العلاقات هالاشياء غير مقبولة لانها تنافي ديننا الاسلامي وتنافي عادات مجتمعنا الي تربينا عليها كيف سيف يدخل غرفة بنت ويناظرها ويشبع عيونه منها وهي مو زوجة له ولا يجوز يشوفها شرعا وهند وردت فعلها الغير معقولة عادي تشوف رجال عندها بغرفتها وتجلس تتهاوش وماشفنا منها استنكار انها بدون حجاب
والمصيبة طلعتها ببنطلون وتي شرت للشارع علشان شئ تافه مايبرر انها تغضب ربها عليها ... معقولة لهدرجة الاستهاتار هذا وهي بنت في سن نضوج وعارفة الحلال من الحرام

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

[وردة الزيزفون]

تغلق بطلب من الكاتبة