اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 391
قديم(ـة) 23-01-2017, 11:44 PM
لين المطيري لين المطيري غير متصل
©؛°¨غرامي جديد¨°؛©
 
الافتراضي رد: رواية وين ماطقها عوية مستشفى الميانين /بقلمي


سجليني متابعه جديده لروايتك 😆😆
بس ممكن سوال /😯 عندك موعد محدد للبارتات ولا لا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 392
قديم(ـة) 25-01-2017, 02:13 AM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي


اقتباس:
المشاركة الأساسية كتبها لين المطيري مشاهدة المشاركة
سجليني متابعه جديده لروايتك 😆😆
بس ممكن سوال /😯 عندك موعد محدد للبارتات ولا لا
منورة فديتج
لا للأسف ماعندي موعد محدد لان انشغالاتي وايد
على حسب
اذ فاضية اكتب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 393
قديم(ـة) 25-01-2017, 03:19 AM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي


ماندري جم مر من الوقت الا انه الشمس أشرقت وبان نورها
طالعت داليا الي نايمة طرف السرير وحالتها حاله ،حسّيت بتأنيب ضمير انا سبب كل شي
تعوذت من ابليس ورحت الحمام "وانتوا بكرامة"
توضيت وفرشت السياده وصليت الفير وانا ادعي ربي يسهل علينا
ويريح قلبنا الي مليان هم💔
داليا بصوت خافت:سوير ،وين راح عمي
انا :شكلهم رقدوا
داليا ودموعها تنزل:مالي ويهه اجوف ابوي ولا اجوف عمي
انا:داليا تكفين لا تصعبينها علي ترى والله حدي متضايقه والدنيا فوق راسي ..الحين مادري ابوي شبيسوي
داليا :ليش م نقول لهم الصج
انا :شنقول انتي مينونة ؟
داليا بقهر :كله من تميم و وعدج له
انا بقهر:والله انا م طقيتج على ايدج وقلت لج الا تيين
داليا :هاذا يزاتي لين أني قلت بيي معاج رغم أني كنت حاسه انه بنطيح ف مصيبة بسبتج
انا بعصبية :داليا لا تحرقين أعصابي اشفيج
داليا تصيح :شبسوي مع امي وسعود
انا : عاد سكتي تهقين سلمان درى؟
داليا:هاذا الي قاصر
انا :اووف ي ربي ،قومي توضي وصلي يمكن ترتاحين شوي وبسج صياح ماهقيتج ام دميعه
داليا :انتي م تحسين احنا في مصيبة رسمية بالطول والعرض
انا بعتها:بعد شسوي الي صار صار شنو يعني
داليا :اووف منج سارة ي برود دمج بس ولا لين تبيعينها
انا:وانا الصاجة لين متى بقعد اصيح طق وطقونا وفوقها سفلوا فينا شنو يعني بيذبحونا
داليا :من صجج يعني بعيدة؟
انا بخوف:اما بيذبحونا
داليا بخوف:يودونا الصخير في الليل عشان ماحد يحس بموتتنا
انا اتخيل :يمممممة توني صغيره للحين م اشتغلت ولا رحت اليونان
داليا تصيح:شسوي ي ربي هالبنيه اهي السبب والله ماكنت ادري بشي
انا طنقرت:انتي شفيج كل شوي اهي السبب واهي السبب جنه مافيه احد يغلط الا انا
داليا :ساره جب
أنا توني برد عليها الا يتبطل الباب وكانت دانة اختي
دشت بهدوء
دانة بهمس :دشوا ي بنات
الا نجوف
ريم و شيخة و هديل يدخون بخوف
دانة :بس ربع ساعة وبرد افتح لكم قبل لا احد يقوم
هديل :تمام
دانة صكت الباب من برا وراحت
داليا لمت ريم وصاحت :ريم حدي خايفة
ريم :خلاص قلبي لا تصيحين
هديل قعدت يمي:للحين مو مستوعبين الي صار
انا :شلون قدرتوا تيون
هديل :شردنا وخلّينا زينة تراقب جان احد قام ولا شي
انا :وين ابوي وعمي ؟
شيخة اخت داليا :ابوي طلع عنده السكري وودوه المستشفى
داليا :شنو ،كله مني "وقَعَدت تصيح "
انا بخوف :شلونه الحين
شيخة :مرقد وعبود و سعود معاه
انا:اشوه وأبوي ؟
شيخة:عمي من طلع من غرفتج ماندري وين راح كان حزين ومآحد قدر يكلمه
انا بتأنيب ضمير:ي حسرتي على ابوي☹
هديل :البيت كله متعفس وانا توني دريت خبرتني دانة ماقدرنا م نجوفكم
ريم بعتب:انتوا اشلون تطلعون مع صبيان يعني م تدرون شبيصير
انا :ريم انتي مو فاهمة شي فسكتي احسن لج
ريم:سارة شفيج علي للحين على ذاك اليوم
انا :شدخل
هديل :بقولكم انا احس ان فيه شي بالموضوع صدقوني م راح يمر الي سويتوه مرور الكرام
انا:لا يكون يخططون يذبحونا صج
داليا:تهقين الحين متيمعين يتفقون شلون بيذبحونا
هديل :البنات تخبلو
ريم :وانتي الصاجة
شيخة:بصراحة لو انا مكانهم بنتحر
انا :ليش انتحر انا م سويت شي غلط
ريم باستهزاء :حلفي ،طالعه مع شباب في قهوه مب غلط
داليا:والله م بينا اي علاقة فيهم
ريم :عيل شمقعدكم معاهم
هديل:صج شمقعدكم معاهم؟
انا:انتوا يايين تخففون عنا ولا تستجوبونا
شيخة:الاثنين
هديل :لازم نعرف شصار بالضبط يمكن نقدر نساعدكم
انا باستهزاء :تساعدونا شبتسوون مثلا؟
ريم:سارة إنتوا محتاجين لنا تعرفين انه نقدر نجذب الموضوع ونقول انه كنتوا معانا
داليا:شلون وعمي سألنا وماردينا عليه او وضحنا له؟
هديل:عادي كنتوا خايفين ومتفاجئين من الي قاعد يصير
شيخة:بس ي اغبياء ترى كنّا كلنا ف الميلس ولا نسيتوا
ريم :بس انا وهذيل م كنّا وياكم
شيخة توها تذكرت:اي صح ..ماكنتوش معانا
هديل :يالله غردوا شسالفة ؟
انا وداليا طالعنا بعض
وقلنا لهم كل شي
ريم بصدمة :تميم يسوي جي ،والله لا اقول حق ابوي يربيه الكلب
هديل :والله هالتميم مب هين
داليا: اي كله منه اهو السبب بالي يصير لنا الحين
انا:طبعا م نقدر نقول لهم الصج لان تميم بيروح فيها
داليا بقهر:عيل نحمية على حسابنا
انا :اكيد لا بس لا تنسين ان السالفة فيها فلوس
شيخة:صحيح مستحيل يصدقون ان تميم خطط حق كل ذي بروحه وهو للحين م طق حتى 18
هديل :وفي النهاية بتطيح عليكم السالفة مرة ثانية
داليا:ولا يشكون فينا ونطلع راعيات مصبن في عينهم
انا:بس داليا حتى لو قلنا لهم لا تنسين ان هالشي م يبرر ان نقعد مع شباب لان تميم قال لنا كل شي وبيحطوون السالفة علينا فوق ما احنا جذبنا قعدنا مع شباب وصدقنا يأهل اصغر منا ب سبع سنوات
هديل:الاعتراف كلش مو بصالحكم
شيخة:خلكم ساكتين لين الله يفرجها
ريم منصدمة:للحين م اصدق ان تميم يسوي كل هالشي بروحه
هديل :هه اخذي ريم مثال ،مو مصدقة ان تميم مخطط حق كل هاذا بروحه فشنو تتوقعون اهما؟
داليا:أووف ي ربي يعني خلاص مافيه حل
ريم:المشكلة حتى لو جذبنا وقلنا إنكم كنتوا معانا سعود يقول انه جافكم بعينه
داليا:مستحيل سعود اخوي يجوفنا ويسكت؟
ريم:هاذا الي مستغربة منه ليش نطر لين ترجعون البيت ؟
قطعتنا دانة وهي تبطل الباب:يالله بسرعة قموا قبل لا يقعدون اليهال ويقعدوون الشباب
شيخة:من الشباب؟
دانة :عبود و سليمان وسعود
انا باستغراب :مب اهما مع عمي في المستشفى
دانة :اي وصلوا من ساعة وقالو بريحون شوي عقب بيرحون يرجعون عمي عبدالرحمن
ريم :يالله قموا لا يصيدونا


آخر من قام بالتعديل قلب المحرق; بتاريخ 25-01-2017 الساعة 03:27 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 394
قديم(ـة) 17-04-2017, 12:01 AM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي


كانوا يقولون مثل دايم عندنا "مو كل مرة تسلم الجره"
وفعلا الحين فهمت هالمثل ... الي قاعد يصير شي بحياتي ماتخيله مو معقولة اشكثر غامرت وشكثر بعتها
لكن للمرة الأولى حسيت بكمية فقدان للامل م اجذب ان قلت اني أساسا فقدته ..
لان الي صار بالنسبة لي كلش مو هين شلون صدقت ياهل عمره 18 سنة ويمكن للحين ماطق حتى 18 مو مصدقه اشكثر انا غبية مو مستوعبة الي صار ...
م حسيت بحجم الغلط الا لين صادونا , مالومهم اذ ذبحونا لان اذ السمعة ضاعت كل شي يضيع ومافيه شي يسوى ولا يستاهل اكثر منه ..
على كثر الأخطاء الي سويتها م حسيت بحجم الخوف كثر هالمرة ...
دانة تطالع السقف من طلعوا البنات من عندنا وهي في دوامة الأفكار والخوف ..قالت بتردد: تهقين وين قبرنا في مقبرة البسيتين ولا بيقبرونا في الصخير وسط البر ؟
رديت عليها بهدوء:اذ قبرونا بعد
داليا بخوف قامت وهي تفتح وتصك عيونها :يعني م راح يقبرونا
انا بنفس الهدوء: م أتوقع يسوون خير فينا ..يعني اقل شيب يصير بيقطعونا ويرمونا للكلاب الضاله او للعقارب والحياي
داليا حست برجفه في عظامها:سارة ابتديت أخاف
انا بستهزاء:الله يعقل عليج م توقعتج هالكثر خوافه
داليا بعصبية:سوير وانتي تجوفينا في موقف ماينخاف منه
انا بعدم اهتمام:لا
داليا تربعت بهتمام:تهقين وين تميم
انا بنفس الاهتمام:الوصخ طلع منها مثل الشعره من العجين وطاحت علينا
داليا:أي والله ,دايم كنت اقولج هالاصبي داهية
انا :أي والله داهية ولا واحد في عمره عنده كل الخبره
قريني داش عرض"احين بدل م تستغفرون وتقرون على روحكم فاتحين موضوع تميم ؟"
انا "كل زق شمرجعك كنت مفتكه منك"
قريني" ماقدرت اقاوم كمية غبائكم "
انا "كل تبن "
قريني بستهزاء"يالله ولا اكل تراب وانا حي هههههه"
انا بقهر "الله ياخذك"
داليا قاطعت حواري مع قريني وهي تقول:سوير بعترف لج شي قبل م يحكمون علينا
انا بملل:قولي
داليا:تذكرين الفستان الي شريتيه من دبي وضاع
انا بهتمام:أي ,شفيه؟
داليا بوقاحه: م ضاع انا خذيته وعطيته سلمى هدية
انا طلعت عيوني من الصدمة:الله لا يسلمج انتي وياها يالوقحة ,وانا أقول شلون اختفى مرة وحدة وبعدها تقول لي ريم جافت فستان مثل فستاني على سلمى !
داليا بوقاحة:انا حبيت ابري ذمتي
انا تشجعت :انزين بقول شي
داليا :قولي
انا :تذكرين القطوة الي يابتها لج الاء في عيد ميلادج
داليا بحزن :ايه شفيها
انا بوقاحة :انا ذبحتها
داليا بصدمة :شنو ؟؟
انا بصدق:والله م كنت اقصد كنت اجرب سياره عبود وتوني بطلع الشارع الا اجوفها قدامي ودعمتها بالغلط
داليا عصبت وقامت شاتتني من قلبها :والله لا اذبحج مثل م ذبحتي قطوتي يالغجريه
انا عصبت وطلعت قروني :انا غجرية ي المبهدلة
في هالحظة ابتدت الجولة الأولى للمصارعة
والي كانت في النهاية بخسارة الطرفين ودخول مفاجى وصادم من ابوي الي دخل معصب بشكل يخرع
ابوي :صج قليلات ادب وعديمات احترام ,فوق البلاوي الي سويتوها وفي موقف مثل هذا اسمع صراخكم لين تحت بس ماعليه انا اعلمكم ..سلمااان
انا حسيت عظامي تكسرت من الخوف
اليني داش عرض بوقت جدا غلط"ملك الموت يى يأخذ روحج
انا "ان شاء الله ملك الموت ولا سلمان "
سلمان دش بهيبته الي طغت علينا والي احتلها الخوف من اسمه بس ..
ابوي بحزم :الموضوع لك
سلمان بثبات :تم يبة لا تحاتي
انا وداليا نطالع بعض وكل وحدة تشهد وتهلل"لا الله الا الله محمد رسول الله ,اللهم ارحمني واغفر لي استغفرك اللهم واتوب اليك من جميع الذنوب والخطايا ولا الله الا انت ..اللهم اكتب لنا الرحمة والمغفرة والحقنا بعبادك الصالحين الطاهرين سبحان الله بحمده سبحان الله العظيم ,سبحان الله وبحمده استغفرالله واتوب اليه ,اللهم اغفر لي خطيئتي وجهلي وإسرافي في أمري وما أنت اعلم به مني اللهم اغفر لي جَدِّي وهزلي وخطئي وعمدي وكل ذلك عندي اللهم اغفر لي ما قدمت وما أخرت وما أسررت وما أعلنت وما أنت أعلم به مني أنت المقدم وأنت المؤخر وأنت علي كل شيء قدير , أستغفر الله العظيم الذي لا إله إلا هو الحي القيوم غفار الذنوب ذا الجلال والإكرام وأتوب إلية من جميع المعاصي كلها والذنوب والآثام ومن كل ذنب أذنبته عمدا و أخطأ ظاهرا وباطنا قولا وفعلا في جميع حركاتي وسكناتي وخطراتي وأنفاسي كلها دائما أبدا سرمدا من الذنب الذي أعلم ومن الذنب الذي لا أعلم عدد ما أحاط به العلم وأحصاه الكتاب وخطه القلم وعدد ما أوجدته القدرة وخصصته الإرادة ومداد كلمات الله كما ينبغي لجلال وجه ربنا وجماله وكماله وكما يحب ربنا ويرضى"



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 395
قديم(ـة) 21-04-2017, 12:00 AM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي


جاري الكتابة :,..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 396
قديم(ـة) 21-04-2017, 01:01 AM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي



مو مصدقة ان الانسان الي قدامي اهو سلمان اخوي!
للمرة الأولى اشوف انه فعلا انسان واعي وفاهم ,كل كلمة منه على كثر م جرحتنا على كثر م تعلمنا تبون الصج للمرة الأولى اصيح من قلبي للمرة الأولى احس بمرارة الكلام ..
كلامه جرح فيني الف شعور ...
سلمان بنظرة خيبة: خواتي يتكلمون عن شرفهم ويقولون انهم مو متربيين ,يرضيكم احد يتكلم عن تربية ابوي وعمي ,يرضيج ي داليا ابوج ترقد في المستشفى بسببج

داليا انهارت صياح واهي تحس بالذنب والكلمات خانقتها
سلمان طالعني بخيبة: يرضيج ي سارة ابوي من امس م دخل في بوزة لقمة !, وامي تصيح وتتحسف على تربيتج ؟يرضيكم نقعد مع الشباب وسمعتكم واصلة لهم ويطالعونا بنظرة م عرفتوا تيودون خواتكم ,انتوا عرضنا انتوا شرفنا اذ م حافظنا عليكم احنا مو كفوو مو ريايل ترضون احد يقول عنا مو ريايل ..

شهقاتي ودموعي وصرخاتي كانت بدون صوت احس بخنقة اببي اصارخ من قلبي عندي يطقوني لين اموت ولا اسمع هالكلام ..

كمل سلمان كلامه عفوا اقصد سكاكينه وهو يحاوول يحسسنا بالذنب قد م يقدر وتبون الصراحة نجح في هالشي ....

....
مرت الساعات وحنا في الغرفة ومن بعد دخله سلمان محد دخل غير الخدامة حطت لنا اكل وطلعت ..
داليا تطالع اليهال من الدريشة وهي تتنهد :ي ريت الله اخذ روحي ولا جفت هاليوم ..
انا :ي ليت وافتك منج
داليا التفتت علي :سارة الله يعطينى قلبج يا انسانة انتي م تحسين معقولة نسيتي كلام سلمان
انا بصراحة :لا م نسيته ومستحيل انساه لكن اهما فاهمين السالفة غلط
داليا:بس في الحالتين احنا غلطنا
انا :وتعاقبنا على غلطنا لين متى بيخلونا اهني ؟
داليا:مادري بس نفسيتي زق ,م اقدر اتحمل نفسي
انا:وفوقها م بقى شي على سفرة الامارات
داليا:تهقين بيخلونا نروح
انا بعصبية :غصبا عنهم ,عرس ولد عمي شلون م نروح
داليا :بس تخيلي يعاقبونا و م يخلونا نروح ,والله م يصير فصلت فستان وحجزت عند الممكيجة هميز بنجابي للامارات
انا بقهر:انتي سكتي انا فصلت فستان وما ضبطت قمت شريت واحد ثاني وفوقها شريت كل شي وجهزت حق السفرة بكبرها والله اموت واذبحهم
داليا :خيسوون الي يبونه بس هالعرس صار لنا اكثر من سنة نخطط له
انا :متى السفره
داليا: عقب باجر
انا بقلق:اااف ابي اجهز اغراضي حتى تلفوناتنا خذوها
داليا :والله تمللت لمتى بيحبسونا
انا :انا يوم م تحملت اف
داليا تطالعني: م تحسيني ضعفت
انا بستهبال :ايه وعليه م بقى الا عظامتج
داليا بخوف:حلفي لاا مابي اضعف لهدرجة
انا صفقتها بعلبة الكلينكس الي يمي بقهر:جاااب يالله هذا وانتي م تريقتي بس ,لو سويتي دايت م ادري شبتقولين ..

تحت في المجلس
:يباااااااااااااااا والله م يصير اهما يسوون كل ذي البلاوي وبس هذا عقابهم توقعت تذبحهم
سلمان بعصبية :انت تسكت شهالكلام مهما غلطوا ماحد يعالج الغلط ب الغلط
سعود بقهر :بس الي سووه مب شوي
ابوي بعقلانية :مهما كان الغلط مايحق لنا نعالجه بغلط اكبر منه ,وكلام سلمان مقنع وهاذا العقاب المناسب لهم
..
هديل تطالع ريم المنصدمة مثلها
ريم بصوت مصدوم :م اصدق الي قالوه
هديل بصوت خافت:اوووش لا يسمعونا ,امشي امشي قبل لا ننفضح
هديل سحبت ريم من ايدها لداخل بيتنا
ريم بقهر :سمعتي شقالوا
هديل :أي سمعت , م اصدق انهم بيمنعونهم من عرس نواف ظلم
ريم: شلون يمنعونهم من عرس اخوي ,هاي عرس ولد عمهم ولازم يحضرونه والله اكلم ابوي والحين
هديل :ريم لا تتدخلين وات تنسي ان عمي سعود اذ قال شي م يرجعه عنه ولا شي
ريم بقهر :والله سوير و داليا بينهارون ..
وفعلا انهرنا من وصل لنا الخبر
انا بقهر وانا اصيح :يمة حرام عليهم والله ظلم هاي عرس ولد عمي وأول واحد من عيال عمي يتزوج شلون يمنعونا
داليا بحرقه:والله حرام عليهم .بتموون اكثر من أسبوعين ف الامارات واحنا تهدونا اهني ,عمتي والي يسلمج كلميهم
امي بعصبية :والله توقعت يذبحونكم على الي سويتوه بس حرام ينسجنون عشانكم
انا بقهر :يمممة
امي بحزم:طول الأسبوعين ذيلا مافيه تلفونات وتلفون البيت أي مكالمات توصلنا وعبدالله وسعود بيكونون موجودين وعمتكم هيفا م راح تحضر العرس فهي بتيي تجوفكم كل يوم وعبدالله اخوج وسعود بيهتمون فيكم مافيه طلعات طبعا ولا ربع ولا أي شي واكيد مافيه خدامة ف انتوا بتطبخون حق نفسكم وترتبون البيت وكل شي عليكم ,الاعتماد كله عليكم
داليا:عمتي حرام عليكم والله وايد
انا :من صجكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 397
قديم(ـة) 22-04-2017, 02:09 PM
قلب المحرق قلب المحرق غير متصل
©؛°¨غرامي فعال ¨°؛©
 
الافتراضي رد: رواية وين ماطقها عوية مستشفى الميانين /بقلمي


وين متابعيين الضحك والوناسة
وين متابعات غرام الحلوين؟

الرد باقتباس
إضافة رد
الإشارات المرجعية

رواية وين ماطقها عوية مستشفى الميانين /بقلمي

الوسوم
اتحداك ماتضحك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM
افتتاح مستشفى المجانين للتماسيح رقة القلوب ارشيف غرام 22 16-05-2010 12:38 PM
قصص مستشفى المجانين رواية الشيخ محمد العريفي ســلــطــان قصص - قصيرة 3 27-09-2007 11:23 AM

الساعة الآن +3: 03:00 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1