غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-02-2014, 08:37 PM
رغد عبدالعزيز رغد عبدالعزيز غير متصل
©؛°¨غرامي مشارك¨°؛©
 
الافتراضي رد: روايتي الاولى:تنازلت عن كبريائي فأحببتك


اقتباس:
المشاركة الأساسية كتبها ^_^white dream^_^ مشاهدة المشاركة
أعجبني البارت اجعليني من متابعيك عزيزتي وفي انتظار البارت القادم
لي الشرف حبيبتي
نورتيني..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-02-2014, 10:36 PM
رغد عبدالعزيز رغد عبدالعزيز غير متصل
©؛°¨غرامي مشارك¨°؛©
 
الافتراضي رد: روايتي الاولى:تنازلت عن كبريائي فأحببتك


ثمه حزن يصبح معه البكاء مبتذلاً,حتى لكأنه إهانه,,لمن نبكية
فلم البكاء,مادام الذين يذهبون يأخذون دائماِ مساحة منا,دون أن يدركوا,هناك حيث هم,أننا,موتا بعد أخر,
نصبح أولى منهم بالرثاء,وأن رحيلهم كسر ساعتنا الجدارية
وأن عقارب ساعة الوطن..عصورا الى الورا!!
*أحلام مستغانمي*

البارت السادس
بلعت ريقها بصدمه لاالكلمات ولا التعابير تحاول توصف حالتها "معقوله ابوي يبيع البيت بهالسهوله ليه يايبه ليه"وبعدم تصديق: كذابين..وسكرت الباب
لاكن راعي العقار حط رجله بحيث مايتسكر:لو سمحتي اختي واذا مو مصدقتني هذي ورقه العقد ..مد لها الورقه..صارت تقراه حرف حرف وتحس بالقهر لفت عليها ريم الي ماتدري وش بيدها تسويه
روان ببحه:متى الكلام هذا
راعي العقار:من قبل ثلاث ايام
روان مسكت ريم قبل لاتطيح تحس الدنيا تدور فيها "ليه يايبه بعد عزاء امي تسوي كل هذا طيب بناتك وش يسوون"
ريم بهمس:خلاص روان خلينا نمشي
روان مشت معها والشنطه تسحبها تمشي وهي مب مصدقه الي صار "ياقسوتك يايبه ياقسوتك الله يسامحك"
دخلت للبيت تحت انظار عمر الي جالس مع امه
دخلت من بعدها ريم تنهدت وسكرت الباب
ام عمر بخوف:شفيها روان صار شي
ريم وتفسخ عباتها وتمسك راسها:ابوها باع البيت
عمر بغضب:نننعممممم
ريم وتقوم:من شوي جانا راعي العقار ومعه رجال شكله هو الي بيشتري البيت وقالنا انا بروح اشوفها
ام عمر بقهر:ياويله من الله هالظالم ذا مافكر ببناته قطعه من روحه يتركهم
عمر:للحين موجودين
ريم:ايه قاعدين يشوفون البيت
عمر ويقوم:انا بتفاهم معاهم
ريم:لاتتعب نفسك عمر الرجال صامل
عمر:بعرف وش السالفه بس
ام عمر:ياولدي ابعد عن الشر
عمر:يمه أي شره مب صاير الا الخير
ام عمر وتمسك يده:اجلس ياعمر الرجال ماله ذنب كله من سعد الله لايسامحه
عمر ويمسح وجهه بيديه:يمه مب على كيفه يبيع البيت
ام عمر:الا على كيفه دامه بإسمه ذا الظالم
عمر باس يدينها:يمه خلاص خليها علي..وراح

بغرفه ريم
مغطيه وجهها بيدينها ماتستوعب كميه الحقاره بإبوها كيف قوى قلبه يبيعه وهو يدري انه لبناته"طعنتني يايبه وماهقيتها منك ياكبرها عند ربك تترك بناتك ماتدري عنهم وتبيع بيتك":لييه ياريم يبيع البيت ليه كل ذكرياتي فيه يكفي فيه اشياء تذكرني بأمي ليييه ابوي كذا لييييه
ريم وتضمها:اهدي ياروان ربك مايضيع حق احد
روان وتتمسك فيها زياده:وش اسوي انا الحين مالي الا هالبيت الي يشيلني انا واختي
ريم:روان اذكري ربك يمكن ابوك كان محتاج فلوس وباعه ماتدرين وش قاعد يمر بظروف ابوك
روان :يصصرف له اي ززفت الا البيت ياريم هو يدري شقد هالبيت غالي علي اكرهه اكرهه اكرهه
ريم تنهدت وماعندها كلام :مهما يكون هذا ابوك ياروان
روان بصراخ:لا ماهووو ابوي ماهووو ابوي الي يرميني انا واختي ويتركنا ولايسئل عننا ماهو ابوي الي يسوي كل شي مانحبه ماهوو ابوي الي يبيع بيت هو اغلى ماعندي ماهووو ابوي الي مايصرف على بناته بالله عليك هذا ابو؟
ريم:طيب هدي ياروان اليوم اخر يوم لي معك لاتضيقين صدرك وتضيقيني معاك خلينا نفلها مابيدك شي انتي ابوك سوا كل شي بدون علمك يعني مثلا وش بتسوين تروحين تضربينه وتقولين ليه بعته ياروان ياحبيبتي خلاص صار الي صار وانا عارفه حبك لهالبيت ووش يعني لك بس ماباليد حيله واذا جيتينا بتسكنين عندنا ان شاء الله لاتضيقين صدرك عشاني
روان وتمسح دموعها:انا كل ضيقه الصدر ذي مب كلها على بيعه البيت حتى على افعاله ياريم ااه والله محد قادر يفهمني
ريم بإبتسامه:الا انا افهمك من عيونك
روان وتضمها:تدرين مدري شلون بعيش بدونك
ريم بضحكه:الي يسمعك يقول بقبري و..
ما كملت ريم كلامها الا بالكف الي جاها:وجع بسم الله عليك مالي قوه اتحمل غياب احد ثاني
ريم الي كانت بتمد يدها:ههههههههههههههههه شوفي هالكف ذا مب معدي على خير بس هالمره سماح لإن جاه كلام حلو كذا يعني يعبر عن خوفك لي
روان :هههههههههههههه اسكتي يرحم والديك ضحكتيني ومالي خلق شي
ريم:يلا خلصتي اغراضك
روان هزت راسها بالإيجاب وضايق صدرها من فعله ابوها
ريم:قومي نجلس عند امي قبل ننام
روان بتنهيده:طيب
قاموا متوجهين لعند ام عمر الي كانت جالسه وبيدها السبحه وتستغفر
لفت عليهم ام عمر وبإبتسامه:ياحي الله روان
روان وتلعب بأصابعها:الله يحيك
ام عمر تحاول تونسها شوي:والله مدري شلون بنتعود على البيت بدونك يابنيتي
روان بضحكه:لهالدرجه ياخالتي وجودي علقكم فيني اكثر ترا كلها ايام معدوده
ام عمر:ولو يابنيتي انتي الي يشوفك من اول يوم يقول يعرفك من سنه ولا يقوا على بعدك اجل شنقول حنا
روان الي حست بالخجل:الله يسلمك والله
ريم بحزن:اللهم اني جالسه بينكم زي الصنم
ام عمر:عاد انتي ماله داعي اهم شي رروان
ريم وترفع حواجبها:لا والله حتى انا ابي كلام حلو زيها
روان:ههههههههههههههههههههه اللهم علينا لاحولينا بدت الغيره تشتغل
ريم وتكش عليها:من زينك اغار منك
ام عمر:اقول روان دقيتي على خوالك!
روان:ايه خالتي دقيت
ام عمر:زين عاد زورينا لاتقطعين
روان وتأشر على عيونها:من هذي قبل هذي
ريم بهمس لها:جيبي لي معك واحدن اطخم خبرك عيال الرياض وش زينهم مب هالي عندنا شهبان مايفتحون النفس
روان:ههههههههههههههههههههههه مع عمر ولا بدونه
ام عمر :وش عندكم تتهامسون
ريم بإبتسامه:سوالف بنات ياميمتي
ام عمر وتقوم:اجل انا رايحه انام تصبحون على خير
ريم-روان:وانتي من اهل الخير
ريم لفت عليها:لا الا اخوي عمر ياقبله الله بس
روان:ههههههههههههه ماخذه باخوك مقلب
ريم:دام اني اخته اكيد يحق لي
روان:ياربي لك الحمد والشكر يارب
ريم:قومي قومي بس خلينا ننام
روان:طيب يلا

بجهه ثانيه
بالرياض..
كانوا مجتمعين بالصاله الموجوده بالطابق الثاني
اميره بدلعها:من جدكم بتجيبون القرويه هذي عندنا
رشا بحده:امسكي لسانك يا اميره وعدلي الفاظك روان احسن منك مليون مره
اميره وتضرب صدرها:ياربي لا يطيح علينا السقف وش قلتي احسن مني انا ..وبضحكه استهزاء..محد يغطي علي ياقلبي
دلال بإبتسامه:اذا قصدك على الجمال فالجمال جمال الروح
اميره وتعدل جلستها:شوفي ياقلبي هالمقوله انا ما أؤمن بها لإن كثير بنات يقولونها بنفسهم عشانهم قبيحات*وشدت على الكلمه الاخيره*يعززون لنفسهم عرفتي
رشا وتغطي وجهها:اممميره امسكي لسانك احسلك
اميره وتلف عليها وماسكه خصرها:كيفي مانب ماسكته وريني وش بتسوين
اماني الي تكون اختها من الرضاعه ماتمالكت نفسها شدت شعرها بقوه متوجهه للغرفه بعصبيه مابين صراخ اميره
ايمان بإستهزاء:ياعمري تفشلت حرام
دلال وتحط يدها على خدها:ايه والله ياقلبي مسكينه
سمعوا صوت خطوات لفوا على الدرج وشافوه عبد الله
دلال ورشا يبوسون راسه:هلا والله خالي
عبد الله:هلا بكم هاه جهزتوا غرفه لروان ورند
رشا:ايه ماعليك كل شي جاهز لاتشغل بالك
ايمان بتغنج تسندت على كتف عبد الله:عبودي حبيبي شرايك نطلع نتعشى
عبد الله ويحس بإحراج من الي جالسه تسويه قدام بنات اخته ومن بين اسنانه:ابعدي عني لا افرش بك الارض الحين
ايمان وتضربه بخفه:عادي حبيبي شفيك زوج وزوجته بيتعشون مع بعض شفيها
عبد الله بصراخ:ايمممان ابعدي عني مانب رايق لك
رشا الي ماسكه ضحكتها همست لإيمان قبل تروح لغرفتها:من اللي تفشلت الحين انتي ولا اميره ..وكملت طريقها مع دلال بضحك
حست بقهر من الي سواه توجهت للغرفه وهي تحس ببراكين داخلها

:بأي حق ترفعين يديك علي
اماني :امممميره والله العظيم ان سمعتك تتكلمين هالكلام ماتلومين الا نفسك
اميره:وريني قوتك وش بتسوين
اماني وتجلس على طرف السرير:انتي تدرين وش بسوي
اميره بصراخ:جالسه تهدديني بعد
اماني:ايه اهددك وان ماحترمتي نفسك اعلمك انا شلون تتحترمين نفسك
وطلعت وهي متنرفزه من اسلوب اختها الي مستحيل يتغير
لفت للصاله وشافتها فاضيه توجهت لغرفه رشا دخلت ولقت عندها دلال
اماني بإبتسامه:دلال انا...
قاطعتها:مايحتاج تعتذرين كلنا عارفين اسلوب اختك وطيشها
اماني :بس هي ماتقصد
دلال بضحكه استهزاء:مب علي ماتقصد خلاص انتهى الموضوع
اماني نزلت راسها وهي مالها وجه تقابل دلال من فعله اختها
رشا:خلاص انتي مالك دخل بالي صار
اماني وتحاول ماتبكي بهالموقف:تقهرني افعالها ماودي تسوي كذا ابدا
دلال ببرود:بكيفها تسوي الي تبيه هي الخسرانه بالاخير

بجهه ثانيه
ايمان:عبد الله انت متصور كيف احرجتني
عبدالله ويحط شماغه على الشماعه:وانا كم مره قايلك الحركات هذي ماتسوينها عند اهلي
ايمان بقهر:شفيها طيب زوجي كيفي اسوي فيه الي ابيه
عبد الله بحده:وزوجك مايبيك تسوين فيه كل الي تبينه
ايمان:عبد الله ليه انت كذا وش صاير لك
عبدالله ويتمدد على السرير بتعب:ايمان اسكتي تراك عورتي راسي خليني انام وارتاح
ايمان بهمس:طيب
طلعت برا الغرفه وجلست بالصاله الموجوده بالدور الثاني
تنهدت تنهيده تعبر عن الي بداخلها

صباح الهدوء واصوات العصافير صباح يعم به صوت الديك معلنا شروق الشمس ....
الساعه7الصبح
فتحت عيونها وهي تطالع السقف واشعه الشمس المنوره على الغرفه
قامت بكسل وادت طقوس مابعد النوم رفعت شعرها بذيل حصان وهي تطالع نفسها بالمرايه "اخر يوم لي هنا ..شتت نظرها للاشياء الي حولها..بفقد هالمكان وبفقد بيتنا بفقد كل شي هنا ..توجهت للدريشه الي تطل على حوش صغير فيه دجاج وديك وحمام ..ابتسمت ابتسامه شوق للايام الي راحت تذكرها الاشياء هذي بامها تحب الديك وصوته غمضت عينها والهواء يلعب بخصلات شعرها المربوطه مر طيفها ببالها..
روان بضحكه وبيدها الحمام:يمه يمه تعالي خذيهم والله عذبوني
ام بروان بضحكه:ماتعرفين تتعاملين مع الطيور دفشه
روان وتوخر الريش الي بملابسها:زين مني مسكتهم بعد علئ الاقل ازين من بعض الناس..وجهت انظارها لرند الجالسه على الدرج
ام روان:خلف الله علي بناتي جبانات...
رجعت لوعيها "اااه يايمه بناتك جبانات من انك تتركينهم بناتك جبانات من هالدنيا من بعدك"مسحت وجهها اخذت الجلال وطلعت للصاله الموجوده فيها ام عمر وريم وعمر
روان ببحه:صباح الخير
الكل:صباح النور
ريم:خيشه نوم حشى هذا وانتي نايمه امس بدري
روان وتاخذ بياله الحليب من ام عمر:يقولون لك النوم عباده
ريم:بسم الله عليك درر
روان بابتسامه من خلف الجلال:صح لساني
ام عمر :هاه يابنيتي ولمتي كل اغراضك
روان وتحط البياله علئ الطاوله:ايه ياخالتي
عمر :الساعه3انا ماشي طيب
روان بهمس:طيب
ريم بترجي:عمر بطلبك طلب لاتردني
عمر:والله وجهك يقول طلبك مرفوض
ريم بحلطمه:يحول الله ياخي اسمعني انت
عمر:يلا كلي اذان صاغيه
ريم:تكفى تكفى تكفى خذني معك الرياض وترا تكفى تهز الرجاجيل
عمر:لا مافيه انا رايح شغل افهميني
ريم :عمر الله يخخليك اكسب فيني انا وامي اجر مشنا بالرياض حطنا بسوق ولاشي وخلص شغلك وتعال خذنا والله طفشنا بين اربع جدران عاطلين باطلين ماعمري طلبتك
عمر:يالله تفجرين الراس
ريم :قل تم قلها قلها قلها
روان الي حابسه ضحكتها:حرام ودهم ينبسطون
عمر بابتسامه جانبيه:شرايك يايمه ودك
ام عمر:والله انا مالي دخل فيكم
عمر:،شدعوه مالك دخل انتي مالكه الراي
ريم بتصفيق:الله الله يامالكه الراي
ام عمر:خلنا نروح والبنات بعد ينبسطون
ريم وتضم امها:يسلم لي هالراس يالغااااليه
ام عمر وتوخرها:مير انتس ماخميتيني الا اني موافقه
ريم وتبوس يدها:شدعوه مب بنتك الي تتمصلح
عمر :ايه مبين
دخلت دنى وجمبها مدى ووراهم رند
ام عمر:حي الله الشيخات صح النوم
دنى الي جلست باليمين ومدى باليسار
رند وتحك عيونها:روان اليوم شفت امي
روان وتبلع ريقها :وين شفتيها
رند:بالحلم تقولي طيعي كلام اختك تدرين كانت حلوه مره شعرها يسحب ولابسه شي ابيض يطير
روان تجمعت عيونها بعينها ضمت اختها :وش قلتي لها
رند ببرائه:قلت لها ان شاء الله وبعدين راحت ليه راحت ابييها انا
ام عمر الي تأثرت:دايم ادعي لها
رند وتهز راسها:ايه انا ددايم ادعي لها
ريم الي كانت الغصه بحلقها ماتحب تشوف طفل بهالمنظر :تدرين اليوم كلنا بنروح الرياض
البنات كلهم:الله،وناسه
رند:يعني بنلعب بالملاهي انا ودنئ ومدى
روان بربكه:لاحبيبتي انتي بتجين معي بنروح لبيت رشا عرفتيها

نهايه البارت

اسفه جدا على قصر البارت بسبب النت السيئ
ان شاء الله رح اعوضكم بالبارتات الجايه اعتذر منكم..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 19-02-2014, 12:36 PM
نووجةو نووجةو غير متصل
©؛°¨غرامي فعال ¨°؛©
 
الافتراضي رد: روايتي الاولى:تنازلت عن كبريائي فأحببتك


تسلم ايدك رائع وخطير بانتظار البارت الجديد على نار ﻻتتاخرى علينا بلييييز .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 19-02-2014, 08:39 PM
رغد عبدالعزيز رغد عبدالعزيز غير متصل
©؛°¨غرامي مشارك¨°؛©
 
الافتراضي رد: روايتي الاولى:تنازلت عن كبريائي فأحببتك


اقتباس:
المشاركة الأساسية كتبها نووجةو مشاهدة المشاركة
تسلم ايدك رائع وخطير بانتظار البارت الجديد على نار ﻻتتاخرى علينا بلييييز .
الله يسلممك
شاكره لك مرورك حبيبتي..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 20-02-2014, 12:22 PM
صورة لحظة امل24 الرمزية
لحظة امل24 لحظة امل24 غير متصل
©؛°¨غرامي متألق ¨°؛©
 
الافتراضي رد: روايتي الاولى:تنازلت عن كبريائي فأحببتك


بارت جميل ورائع
أتوقع البارت القادم كله احداث قويه
موفقه يارب
متى تنزلي البارت القادم
لحظة امل24


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 23-02-2014, 08:55 PM
رغد عبدالعزيز رغد عبدالعزيز غير متصل
©؛°¨غرامي مشارك¨°؛©
 
الافتراضي رد: روايتي الاولى:تنازلت عن كبريائي فأحببتك


اقتباس:
المشاركة الأساسية كتبها لحظة امل24 مشاهدة المشاركة
بارت جميل ورائع
أتوقع البارت القادم كله احداث قويه
موفقه يارب
متى تنزلي البارت القادم
لحظة امل24
تسلمين
وقف مايتوفر النت حبيبتي اسفه بس شسوي مابيدي شي
تشرفت بمرورك..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 08-03-2014, 03:54 AM
صورة دموع الـہجران الرمزية
دموع الـہجران دموع الـہجران غير متصل
©؛°¨غرامي فعال ¨°؛©
 
الافتراضي رد: روايتي الاولى:تنازلت عن كبريائي فأحببتك


ننتظر البارت بفارغ الصبر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 10-09-2018, 12:19 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى:تنازلت عن كبريائي فأحببتك


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

روايتي الاولى:تنازلت عن كبريائي فأحببتك

الوسوم
الاولى:تَنازلتٌ , روايتي , فأحبَبتُك/بِقلَمي , كِبريَائي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
روايتي الأولى : أحبك لو تحب غيري .. و لو غيرك ترجاني / كاملة شايفة نفسي ويحقلي روايات كامله - يتم نقل الرواية هنا بعد اكتمالها 132 08-06-2015 08:43 PM
روايتي الأولي : احبك غصبن على الدنيا وبخليك تعشق حروفي تعبت منك أرشيف الروايات المغلقة - لعدم إكتمالها 7 15-03-2013 02:06 AM
روايتي الثانيه : جميلتي بين أحضان الأربعه أوراق مبعثرهه أرشيف الروايات المغلقة - لعدم إكتمالها 37 18-01-2013 06:01 PM
روايتي ذكريات الماضي... خواطر - نثر - عذب الكلام 6 27-06-2007 07:45 PM

الساعة الآن +3: 10:07 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1