ملامح مزيفة ©؛°¨غرامي جديد¨°؛©

السلام عليكم ورحمة الله وبركاته
كيفكم؟؟ أن شاء الله بخير
روايتي الأولى "صمتي تعب دنيا عجز فيها الكلام"
بارتاتها كلها انمسحت ومافي اي فرصة لاستعادتها
او اعادة كتابتها ، لانها كانت كثثييرة فوق 30 بارت
فيأست منها وقررت افتح رواية جديدة للمتابعين اللي كانوا يبوني اكملهم الرواية الأولى
سميتها "أحفاد أبراهيم" لأنها تحكي عنهم وعن قصصهم
وان شاء الله تعجبكم ,, وللمعلومية مافيها إي انحراف قووي
نبهوني على الاخطاء الاملائية عشان اعدّلها
و الخواطر اللي نهايتها * حتكون بقلمي
و اي خاطرة منقولة بكتب اسم كاتبها لو لقيت ..
البارتات حتكون 30 بارت باذن الله < بس يمكن مو أكييد
ولما احط هذي العلامة بعد الاسم ; يعني هم يتكلمون بقلبهم
مثلاً كذا:
قالت في نفسها ; ..
وهذي الشخصيات:
الجدة شيخة 78 سنة , الجد أبراهيم 84 سنة ( متوفي )
عيالهم : فيصل .. شريفة .. فايز .. فؤاد .. فرح
عائلة فيصل ..
أبو رائد ( فيصل 50 ) سنة
أم رائد ( مريم 48 ) سنة
رائد ( 26 ) سنة
راكان ( 25 ) سنة
ريان ( 23 ) سنة
رويد ( 21 ) سنة
روان ( 19 ) سنة
عائلة شريفة ..
أم سعود ( شريفة 48 ) سنة
أبو سعود ( محمد 52 ) سنة
سعود ( 27 ) سنة
سما ( 23 ) سنة
سديم ( 20 ) سنة
سدن ( 18 ) سنة
عائلة فواز ..
أبو مناف ( فواز 44 ) سنة
أم مناف ( سناء 40 ) سنة
مناف ( 23 ) سنة
ميرال ( 19 ) سنة
عائلة فؤاد ..
أبو الوليد ( فؤاد 39 ) سنة
أم الوليد ( وداد 37 ) سنة
الجوهرة ( 20 ) سنة
البندري ( 19 ) سنة
الهنوف ( 18 ) سنة
الوليد ( 14 ) سنة
-
فرح 28 سنة ..
-
*ااحنا بعام 1433*
البارت الأول :
بيت أبو الوليد ..
دخلت عليّهم الغرفة بدون ماتطق الباب قالت وهي تشوفهم لافيّن عليها: أبوي يقوول جهزوا أغراضكم بكره بنروح مزرعة جدي الله يرحمه.. ولا تنسوون شيء مثل اخر مرة..وجهزوا معكم أغراض الوليد..
تنرفزت الجوهرة من أختها الهنوف دلووعة أمهم وأبوهم..هي جالسة وهم يغسلون وينظفون ويشتغلون تحتها.. وشغلتها تعطي أوامر قالت وهي تنسدح على سريرها اللي بركن الغرفة: أنا بجهز أغرااضي وبس.. مالي شغل بأغراض الوليد.. أخر مرة انا والبندري جهزناها.. جهزيها أنتي هالمرة..
ردّت الهنووف بدلع وهي تعطيهم ظهرها: أنا مالي شغل.. ألا بنفسي, لا أنتم ولا الوليد تهمووني.. ، وراحت عنهم
الجوهرة تكلّم البندري اللي جالسة على جوالها ومانطقت: أفف هذي أختك تقهر.. كل شي علينا وهي الملكة المُطاعة.. ( ولما شافت أن البندري مو معها ) افف ياربي فكني من هذي العيلة.. ، وحطت المخدة فوق راسها بقهر ..
البندري طالعت فيها وقالت بهمس: وش فيها استخفت! تعصب عشان بزّر!!
الجوهرة رفعت المخدة و قالت بحدة : وش تقوليين؟؟
البندري بسرعة: لا سلامتك ماقلت شيء.. أرجعي ناامي
الجوهرة رجعت المخدة على وجهها وهي تقول: أي زين.. أخرجي وقفلي الباب ورااك..
قالت البندري وهي تقوم: مالت بس.. ، سكرت الأنوار وخرجت..
*بنفس البيت غرفة ثانية*
جلست الهنوف على الكرسي اللي قدام التسريحة وقالت: ألوو.. هلا ياعــمــري ..
..: أهلين ياقلبي.. صراحة انا مرة زعلااان منك, كم صارلك ماكلمتيني؟؟
الهنوف بدلع وهي تلعب بخصل شعرهاا: لا تزعل حبيبي.. والله مشغولة وعندي اخوواتي منكدين عليّ مو مخليني براحتي
..: يلااا سامحتك.. بس شووفي مو يعني سامحتك هذي المرة بسامحك المرات الجااية ..
الهنوف تضحك: هههههه حبيبي خلوودي ..
برا الغرفة.. البندري مصدومة!! هي قالت ماراح اتدخل عشان يمكن تطلع بنت، بس لما سمعت الاسم!! حست أن دلع ابوها وامها الزاايد للهنوف وداها في ستين دااهية
قررت تسكت هالمرة.. وتراقب الهنوف بدون ماتدري.. وتشوف وش اخرتها مع هذا اللي مايتسمى!! وقلدت الهنوف بقرف ; خلووودي .. ! *ورجع صوتها الطبيعي* يالله انك تشيلهم!! ، وراحت للمطبخ ..
-
في بيت ابو رائد..
جالسة على اللاب توب في الصالة.. وتكلم صديقتها في المسن.. وواصلة حدها من الطفش!!
* عبير :
روان وش فيج اليوم؟؟ باين من كلامج مالج خلق أحد..
- روان :
أفف طفشت ياعبير.. مافي غيري في هالبيت.. أخواني 24 ساعة برا وانتي مسافرة الكويت من سنتين والظاهر انكم مو ناويين ترجعون.. ملل بالبيت وملل بالمدرسة
* عبير حزنت على حال روان وقالت تواسيها :
ماعليج ياقلبي.. بس اكمل الترم الأول ونرجع السعودية الترم الثاني
- روان نسيت ضيقها وطفشها وقالت بفرح :
جد بترجعيين الترم الثاني؟؟ ولا بس مواساة ! ..
* عبير ضحكت :
لا والله جد .. حتى أهلي ملّوا من الجلسة هنيّ .. وبنرجع لوطننا الحبيب *فيس مبتسم*
- روان :
وااو .. فرحتني ياحيوانة يلا ان شاء الله الايام تمر بسرعة ..
أنفتح الباب ودخل وهو يصفر ويقول : رووونا .. حزري وش جبتلك معي ؟؟
كتبت بالمسن "برب" بسرعة .. و نطت عند أخوها وهي تقول : وش جبتلي ريوون؟
ريّح ريان على الكنبة وهو يقربلها : شيء بحرف الواو؟
روان تفكر : هممم .. وردة؟
ريان كاتم الضحكة: لا ..
روان ما انتبهت لوجه ريان اللي بينفجر من الضحك وكملت : وجبة من كنتاكي ولا ماك؟
ريان بضحك خفيف: هههه لا
روان طفشت : لا جد رييان قوول
ريان انفجر ضحك وهو يقول : ولا شي ههههههههههههههههههههههههههههههههههههههه
روان رمت عليه الخدادية اللي كانت جنبه وقالت: مالت عليييييييييك ياحمار.. استغفرالله بس
ريان مازال يضحك: انتي وش شايفة معي؟ ولا شي اكيد .. ههههههههههههههههههههه
روان برطمت وماردت عليه : ........
ريان : فديتوو حبيب اخوه اللي زعــل ..
روان مازالت ساكتة : .......
ريان قال وهو يطلع لفوق : مالت عليك .. أزعلي طز فيك ههههههههههههه
روان أنقهرت منّه : هذا اخوو بالله ؟!! ياربي بطق منه.. !!
وصلها صوته اللي يقول : سمعتك تراا ..
-
يوم الاربعاء الساعة 2 الظهر
في بيت ابو سعود :
دخلت الغرفة وانتفضت نفضة قوية بسبب برودة الجو.. وكل شي تلمسه باارد
الغرفة مظلمة الا من نور الشمس اللي ظاهر بخفة من الستارة
همست وهي بردانة: يوه الظاهر هذي البنت لو انها بالقطب الشمالي بتفتح المكيف
راحت لجهة المكيف وبعد ماسكرته لاحظت عبوس ملامح سدن وهي تتقلب
توجهت لها وهزتها هز خفيف و هي تقول : سدن سدوونة يلا قومي
سدن بتعب ونعاس: افف سديم .. والله اني نعسانه.. حلي عني
سديم بسماجة: احل عنك؟ وين الاسئلة كركركركر.. لا جد ابوي يقول بنروح المزرعة.. عشان عنده شغل الساعه 5 ومانقدر نتأخر اكثر من كذا.. يلا قومي
سدن شوي وتبكي من التعب ودها لو تتكنسل الطلعة لاجل تنام شوي: مالي نص ساعة من رجعت من المدرسة! ومالحقت اغفى دقايق الا وانتي مزعجتني
خطرت فكرة خبيثة على بال سديم وقالت قبل ماتسويها: اخر كلام؟
سدن بدون تفكير وهي تدفن راسها بالمخدة: ايه
سديم ابتسمت بخبث وفتحت المكيف وخرجت..
نزلت للصالة وشافت امها وابوها يسولفوا مع بعض..
استقبلها ابوها بتساؤل: وين سدن ؟؟!!
سديم : تاخذ فرّة على ملابسها .. وتراها جاية معي انا وسعود وسما ..
ابو سعود: ايه عارف.. احنا بنمشي بعد 10 دقايق وياويلكم ان تأخرتوا
سديم تبتسم بانتصار: حاضر يبة ..
طلعت فوق وتوجهت لغرفة اخوها سعود..
دقت الباب بأدب .. ودخلت بعد ماسمعت صوته وهو يقول -تفضل-
سديم ; بقيلي كم خطووة وانفذ الفكرة(: يارب انك تعديها على خير..
شاف ان اللي دخل سكت.. رفع بصره وهو مشغول ب ترتيب شنطته: وش فيك؟
قالت تنبهه: ترا سدوون بتروح مع ابوي وامي.. مهيب جاية معنا .. وابوي يقول لا تتأخروا
سعود بأستغراب: غريبة.. بالعادة هي اول وحدة تنط بوجهي.. يالله احسن فكة
سديم ما استحملت وفرطت من الضحك: اايي ههههههههه فكة عشان اجلس قداام
سعود ياخذ جهازه ويرميه بخفة بوسط الشنطة : لا تقولين سما ماراح تجي معنا بعد
سديم : لا تطمن راح تجي بس تعرف هبلة يمديني اصرفها باي شي
سعوود بضحك: طيب طيب اقلبي وجهك
سديم : على اي صفحة؟ كركركركر
وشردت قبل مايجيها البوت اللي رماه سعود عليها..
-
في بيت ابو مناف ..
نزلت من غرفتها بعد مالبست بنطلون اسود سكيني وتيشيرت قطني يوصل لركبتها طويل الاكمام و لونه اخضر فسفوري و عليه كتابات بالاسود ..
ربطت شعرها بمطاط اسود قوي وهي نازلة بالدرج.. اول ماتخطت اخر عتبة من الدرج وصلها صوت التلفون يرن
راحت له وردت : الو
.: هلا ميرو .. كيفك وكيف تجهيزاتكم ؟!
ميرال تبتسم: هلا بندر .. الحمدلله كل شي تمام
البندري: بندر بعينك.. شسمه ذا بتروحين مع مين ؟
ميرال: مع مُناف وفرح
البندري: زين يمديكم تمرون علينا انا والجوهرة .. سيارة ابوي ماتكفي.. شايفة كيف طردة محترمة؟
ميرال تضحك: ههههههههههههههههههه ايه تستاهلون.. بس من عيوننا كم عندنا بندر و جوجو ؟
البندري : لولا الحاجة كان مدري شسويت فيك
ميرال: ههههههههههههههههههه ايوه قلتيلي .. الحين بذلك
البندري بسرعة: اسمعك صوت القطار؟ .. طوووطط طوووط
ميرال تضحك وهي تطالع بسماعة التلفون ; سكرت بوجهي هالحيوانة.. انا اوريها بالمزرعة..
خرجت للحوش تتمشى فيه شوي عبل مايمشون..
قطفت وردة من الورود المزروعة باطراف الحوش.. مرة تشمها ومرة تحطها بشعرها وتلعب فيها..
الا شوي حست بشعر و شوية فرو يلمسوا رقبتها.. بلعت ريقها وتعوذت من ابليس..
لفت تشوف مين! من دون شعور دفتها على ورا وهي تصارخ:اااااااااااءءءءء ااببعععديي عنني يامممقرفةة..
نفضت رقبتها بكل قوتها وعيونها دمعت تلقائياً .. شافت مناف يشيل البسة وهو يضحك: لذي الدرجة تخافين منها ؟؟!!؟؟!!
ميرال بقرف وحقد: الله ياخذك ياحمار.. ايه انا خوافة و دلوعة
مناف لا زال يضحك وهو رافع البنطلون من تحت و يأكل البسة اللي اشتراها : الله يعينك عليها.. ترا من اليوم ورايح بتكون من اهل البيت..
ميرال فتحت عيونها على اخر شيء: لا يكون مشتريها؟؟!!؟؟!! والله يا انا يا هي بالبيت
مناف وهو خارج : لا هذي بسة خويلد صاحبي..
ميرال ارتاحت: ايوا احسب.. وترا بنات عمي فؤاد بيجوون معنا
مناف: خلاص اوكي
-
وش بيصير لسديم؟
وش بيصير بالمزرعة ؟
توقعاتكم لا تنسونها وارائكم واقتراحاتكم
اتمنى الاقي ردود تفتح النفس
تحيتي ..

ملامح مزيفة ©؛°¨غرامي جديد¨°؛©

رفع ..
وين الردود لا يكون ماعجبتكم..
ترا هذي بداية ولمحة بسيطة عن الشخصيات
البارتات الجاية بتكون احسن وافضل باذن الله
لا تخلوني اندم اني فتحتها ..

وردة الزيزفون
✿ إدارة الإقسام ✿

صباح الخير .. ياهلا فيك بغرام للمرة الثانية ... موفقة بطرحك ... حبوبة حاولي مايكون الحوار طاغي على الرواية .. زيدي السرد واوصفي مكان الحدث والشخصيات .. لحد الان البارت مافيه احداث ملفتة تجذب القارئ نزلي بارت فيه احداث والقفلة تكون قوية وان شاء الله بتلاقي ردود .. انتي بالبداية لازم تصبري الين تتوضح الاحداث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

انثى الخيالــ ©؛°¨غرامي فعال ¨°؛©

المشاركة الأساسية كتبها ملامح مزيفة اقتباس :
رفع ..
وين الردود لا يكون ماعجبتكم..
ترا هذي بداية ولمحة بسيطة عن الشخصيات
البارتات الجاية بتكون احسن وافضل باذن الله
لا تخلوني اندم اني فتحتها ..
حبيبتي في ملاحضة

لاتتسرعين في تاخر الردودولا تهتمين
لئن هذا ياثر على الاعضاء ويحسوان الكاتبةهمها الردود
تدرين شو لازم تسوين اكتبي بارت طويييييييييل وانتضري مكافأتك
يعني اللي لاحضت انك اهتميتي بالردود كثير مع ان البارت قصير
لو كتبتي بارتات طويلة يمكن نتعرف على الرواية لاتوقفين عشان الردود
الا اذا شفتي ان خلاص محد بيجي هنا تقدري توقفي او تسكري الرواية وهذا رايك

ولا تحسبين كلامي انتقاد مجرد ملاحضة

ملامح مزيفة ©؛°¨غرامي جديد¨°؛©

المشاركة الأساسية كتبها وردة الزيزفون اقتباس :
صباح الخير .. ياهلا فيك بغرام للمرة الثانية ... موفقة بطرحك ... حبوبة حاولي مايكون الحوار طاغي على الرواية .. زيدي السرد واوصفي مكان الحدث والشخصيات .. لحد الان البارت مافيه احداث ملفتة تجذب القارئ نزلي بارت فيه احداث والقفلة تكون قوية وان شاء الله بتلاقي ردود .. انتي بالبداية لازم تصبري الين تتوضح الاحداث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
صباح النور.. اهلين فيكِ أختي..
الله يوفقك .. شكراً على النصيحة وان شاء الله بحاول قد ما أقدر أني بسوي زي ماقلتي..
أن شاء الله.. البارت الثاني بيكون فيه أحداث.. وأن شاء الله بقفل على شي قوي عشان تتحمسون
شكراً على الرد اللي اسعدني..
المشاركة الأساسية كتبها رحيق الود اقتباس :
حبيبتي في ملاحظة

لاتتسرعين في تاخر الردود ولا تهتمين
لأن هذا ياثر على الاعضاء ويحسوا ان الكاتبة همها الردود
تدرين شو لازم تسوين اكتبي بارت طويييييييييل وانتظري مكافأتك
يعني اللي لاحظت انك اهتميتي بالردود كثير مع ان البارت قصير
لو كتبتي بارتات طويلة يمكن نتعرف على الرواية لا توقفين عشان الردود
الا اذا شفتي ان خلاص محد بيجي هنا تقدري توقفي او تسكري الرواية وهذا رايك

ولا تحسبين كلامي انتقاد مجرد ملاحظة
والله ماجاء على بالي.. بس أنا أستغربت لأن روايتي الأولى كانت مختلفة عن هذي..
أن شاء الله راح أكتب بارتات طويلة وماراح اهتم للردود..
شكراً على الملاحظة ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1