&حور& ©؛°¨غرامي جديد¨°؛©

السلام عليكم ورحمة الله وبركاته
صباح/ مساء الخير
بكتب لكم رواية بنت خالي هي تكتبها وانا انقلها لكم هنا .....


رواية مأساة يتيم
للكاتبة : نور العيون

البارت الأول
الشخصيات:
حامد: بوحمد الجد وعمره 50سنه وعنده 4 أولاد وبنتين وعنده محل ذهب
شريفة : أم حمد وعمرها 48سنه
حمد وزوجه متوفين من كان عمر ولدهم 5سنوات
محمد: ولد حمد وعمره 24سنه يدرس في كلية الطب في لبنان
ماجد : بو وليد ولد حامد الثاني وعمره 35سنه وعنده ولدين وبنتين ويشتغل في شركة ال..... للإتصالات
حصه : أم وليد وعمرها 33سنه
وليد: ولد ماجد الأول وعمره 23سنه ويدرس في كلية الهندسه
سحر وسمر : توأم ماجد وعمرهم 20سنه
مروان : ولد ماجد الثاني وعمره 17سنه ويدرس بثاني ثانوي
مبارك: بو مؤيد ولد حامد الثالث وعمره33 سنه وعنده ولدين وبنتين
مي : أم مؤيد وعمرها 32سنه
مؤيد: ولد مبارك الأول وعمره 22سنه ويدرس في الكليه العسكريه
مها : بنت مبارك الأولى وعمرها 18 سنه ودرس بثالث ثانوي
منيرومنيره : توأم مبارك وأعمارهم 5سنوات
فيصل : ولد حامد الأخير وعمره 25 سنه ويشتتغل في محل ابوه
لين : بنت حامد الأولى وعمرها 24سنه
ميساء : بنت حامد الثانيه وعمرها 17 سنه وتدرس بثاني ثانوي

&حور& ©؛°¨غرامي جديد¨°؛©

البداية.....
بداية العطله الصيفيه
كان يوم الإربعاء وكانوا مجتمعين في بيت بو حمد....
محمد : جدتي ترى حدي جوعان
أم حمد: إن شاء الله ياوليدي اللحين نحط الغداء
سحر : محمد
محمد : هلا
سحر : بغيتك بموضوع ممكن اشوي
وليد: اللحين أنا اخوك ماقلتي لي موضوعك تقولين لمحمدوه
محمد: لا والله محمدوه بعد
وليد : أمزح معك شفيك خذ الكلام جد
محمد: مايتأجل لبعد الغداء موضوعك
سحر : لا مايتأجل
محمد : طيب يلا قومي
راحوا بعيد عنهم ........
سمر : عمي فيصل شخبارك؟
فيصل: بخير دامك بعيده عني
سمر : أفا عمي ليش تقول كذا
فيصل: بس ماأبغاك قريبه مني خلك بعيده أحسن
مها : عمي تبيني صح
فيصل : هلا بعيون عمها
سمر: عمي
فيصل : ترى أمزح معك أبي اشوف ردة فعلك
عند سحر ومحمد:
محمد: سحر يلا قولي موضوعك
سحر : لو جاك واحد وعطاك ظرف وشف فيه صورتي أنا وصديقك بصدق وبتشك فيني
محمد : طبعا وهذي يبيلها كلام
سحر تفضل هذي صورتك مع صديقتي
محمد : من وين لك هذي الصوره
سحر : ماله داعي تعرف
محمد: الا لازم اعرف علشان أروح له علشان مايسوي في بنات الناس كذا سحر صديقيني حبك الأول في قلبي وأيدك الأولى اللي المساها وصديقيني هذي البنت ماأعرفها أنا ماأمناها لأهلي أتمناها لغيري
سحر : محمد أحبك والله أحبك مو بيدي أغار عليك
محمد: عارف أنك تحبيني وتغارين علي بعد
سحر : شلون عرفت ؟
محمد: عيونك فاضحتك قبل لسانك لا يفضحك وأنا أحبك حب ماحد حبه قبلي
سحر : يلا قوم خلاص خلص الموضوع
محمد: يعني مصدقتني اللحين
سحر : ايه صدقتك يلا قوم أنت تقول جوعان
قاموا راحوا عندهم بعد الغداء تجمعوا في الصاله ....
محمد يفكر: شقصد هالبنت من اللي سوته
مؤيد: محمد بو جاسم
بو حمد: محمد ولدي شفيك؟
محمد : لا جدي مافيني شيء
لين : يمكن يفكر بالقمر اللي راح معها قبل الغداء
مؤيد : ايه ماينلام رايح مع القمر ويذكر النجوم اللي هم احنا
محمد: خلاص عاد أنا ماأفكر بأحد
وليد : أجل شفيك؟
محمد: مشكلة صغيره صايره مع أحد الطلبه في الكلية قبل الإختبارات ودخلني فيها وربعه قاموا يتمسخرون علي وربعي مو مخليني أوقفه عند حده يقولون خله عنك هو وين ووين الطب
بو حمد: أنت قولي أسمه وتشوفه مفصول السنه الجايه كم محمد عندنا أحنا واحد الله يخليه لنا ولا يحرمنا منه الله يرحم أبوك وأمك يامحمد اللي جابوا لنا ولد أجمل منه مافيه على الكره الإرضيه
محمد ماقدر يستحمل وقام يركض غرفته
أم حمد : ليه يابوحمد خليت الولد يتضايق
بو وليد: يلا يبا اشوفك على خير
أم حمد: لا وين استريحوا
بو وليد: لا يما بنروح ننام لنا ساعه ساعتين علشان أرجع الدوام
أم حمد: الله يحفظك ياوليدي أنت وأعيالك
مشى بو وليد وأعياله....
بو مؤيد: يبا واحنا بنمشي يلا عن اذنكم مع السلامه
بوحمد: بحفظ الله وأمانه
مها : يبا ابي اروح لصديقتي أجيب منها كتابي لأنها بتسافر بكره وهذا الكتاب ماأقدر استغنى عنه وتعرف اللحين عطله بقضي وقتي اقرأ فيه
بو مؤيد: مؤيد يوديك
مؤيد: يبا أنا معزوم وبطلع مع ربعي
بو مؤيد: ماأحد بوديها غيرك
فيصل: خلاص بو مؤيد أنا أوديها
مها : تسلم ياعمي الغالي الساعه 7.30 تجيني o.k
فيصل:o.k
مشى بو مؤيد وأعياله......
بوحمد: بقوم اروح اشوف محمد
راح بوحمد يشوف محمد دق باب غرفته




انتظروني ..... في البرتات الجايه ان شاء الله....

وردة الزيزفون
✿ إدارة الإقسام ✿

صباح الخير .. ياهلا فيك بغرام ... موفقة بطرحك ... عندي ملاحظات على الرواية اول شي اعمار شخصياتك ابد مو واقعية الجد عمره بس 50 سنة واغلب عياله وزوجاتهم الفرق بينهم وبين عيالهم جدا بسيط لو بتحسبيه بتلاحظي انو الامهات جابو اول مولود وعمرهم 10 سنوات اجل متى تزوجو ... لازم تنتبهي لهذي الاشياء

ماذكرتي انو سحر متملكة على محمد لانها لو كانت غير كذا تصرفها جدا مو منطقي تطلب منه انها تكلمه واخوها يسمع وعادي عنده وهو يوقف معاها ويتغزل فيها وهي تتغزل فيه كأنهم زوج وزوجة ... وحتى ردة فعلهم مو منطقية يعني جاية وهي مصدقة الصورة بمجرد انو تغزل فيها صدقته على طول

مع اني مااستغرب لو له علاقة بغيرها لو كان مومتملك على سحر لانها مثل ماهي رضت بعلاقة غير شرعية وهو رضى فيها حتى غيرها عادي يتصرفو نفس التصرف
اما ردة فعل محمد من كلام جده غريبة جدا هذا وهورجال ناضج واهله من سنين ميتين والجد ماقال شي يستدعي انه يزعل ويتركهم ابد مااقنعني تصرفه ولا حسيت انو يحتاج لتعاطف معاه لانه الجد ماقال شي كبير ولا يزعل


حبوبة خلي افكارك واحداثك مستندة على الواقعية والاشياء المقنعة حتى تنجح الرواية

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

هيون القحطاني ©؛°¨غرامي جديد¨°؛©

السلام عليكم .. الرواية مافيها حوار حلوو احس كاني اقراء كلام عادي يبي لك تطورينها وتحطين احداث علشان نفهم الكلام ونحس بالرواية ..وانا مع كلام وردة الزيزفون .. لك ودي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1