بداية جميلة


استمري

تسلمين عزيزتي

م عليش حبايبي راح اتأخر بتنزيل البارت شوي لانو اختبارات الحين ان شاءالله بس اخلص ابشرو بعزكك

رواية لهفة عشق ( البارت التاسع )
حوراء : يمة البنات متجمعينن عند دانة بنروح لها
ام طلال : اي و مين بيوديك
حوراء : طلال
نزل طلال و طلعو اثنينهم وصلها لعند بيت ابو دانة
دخلت قتحت لها الباب الشغالة
توجهت على طول لدانة ضمتها بقووة و باركت لها سلمت على البنات و جلست على الطاوله
بدت تطبل و ملاك تغني و الباقي يصفقو و يطبلو
تدري حبيبي انكتب
إني أحب منك العتب
عاتبني أكثر لو تبي
حتى إذا ما في سبب
ريم بحماس وهي تطبل : عاششششو تنكككس ي ووولد تنككس
ححوراء : يعععيشششون على ققلبي والله الححلوين
دانة : ههههههههههههههههههههههه
جت مها حطت يدها على خصرها و عطت البنات نظرة مو مفهومة : سلامات ؟ مسوين البيت جلسات وناسه خير ان شاءالله !
مريم وهي مو طايقتها اببد : اقول اقلبي وجهك و مايخصك وش نسوي جلسات وناسه ولا غيرها
مها تقرب من مريم و ترفع صبعها السبابة و تحركه بوجه مريم : انا هنا الامرة و الناهية مفهوم ي حلوة
دانة وهي منقرفة من تصرفات مها : لاا ي شيخه ترى والله مانبي نتنكد فعطينا عرض مقفاك احسن لك و لنا
حوراء تهمس لريم و ملاك : ماتوقعت انها ككذة ابببد
ريم : حتى حنا مستغربين من الوضع
مها راحت لعند الدرج بتصعد و لفت و تتكلم بدلع : هالمرة بعديها لكن المرة الجاية شغلكم عند فروسي
البنات ماقدرو مايضحكو : ههههههههههههههههههههههههههههه
ملاك : فروسي مرة وحدة هههههههههههههههههه
صعدت مها وهي منقهرة منهم
اما البنات كملو طربهم

( بيت ابو عبدالله )
واقف لابس بنطلون ازرق وبلوزة بيضا فوقها قميص سماوي ويفتح الادراج يدور ساعته الفضية اخذها و لبسها عدل شعره خلاه سبايكي ورش له من عطر(boss) فتح الدولاب اخذ الكرتون طلع الجزمة ( وانتو بكرامة ) طالع روحه بالمراية بنظرة اعجاب لنفسه اخذ مفتاح السيارة وفتح الباب و نزل
فتح الباب الرئيسي الا بصوت يناديه من وراه
ام عبدالله : وين رايح ؟
التفت عبدالله : بطلع مع ربعي
ام عبدالله : وينن ؟
عبدالله : بنروح كافي
ام عبدالله : طيب بحفظ الرحمن
عبدالله طلع وركب سيارته المرسيدس و مشا

( في المجمع )
نزل من سيارته بكامل اناقته متجه للبوابة الرئيسية للمول
دخل صعد للدور الثاني دخل المقهى و جلس على الطاولة
كان على الطاولة الي قدامه بنتين متنقبات ( متغطيات)
البنت 1 : ششوفي شووفي يطيح الططير من السما من ججماله
البنت 2 : ووووواي خقيييت يههههبل بقووة
البنت 1 : وش رايك نروح له
البنت 2: جنيتي انتي ؟ وش نسوي نروح له !
البنت1: نسلم عليه وبعدين ندبرها
البنت 2: طيب ياالله
قامو و اخذو شناطهم و وصلو لطاولته
هو كان منزل راسه و ماسك جواله انتبه ان في احد ققدامه و رفع راسه شاف البنتين
البنت 1 بمياعة : ههاي
عبدالله باستغراب : خير ؟
البنت 2: الخير بوجهك حبيبي
عبدالله اخذ مفتاح السيارة وقام
البنت 2 مسكت يده
عدالله انقرف و سحب يده و مشى
البنت 1 بعصبية : ايش فيك ؟ جنيتي انتي قلنا نسلم مو نمسك يده
البنت 2 بقهر : امشي امشي
عبدالله طلع من المقهى وهو منصدم من وقاحة البنت
اخذ جواله اتصل على صاحبه عشان بيشوف ليش تأخر علييه و سكر

( عند فواز و رهام )
في الليل الساعه 8
رهام طلعت من غرفة لين و جلست جنب فواز
فواز : نامت ؟
رهام : ايوه نامت
فواز بخبث : اخيراً
رهام كانت تعبانه لان لين تعبتها كثير اليوم
فواز : ماودك تنامي ؟
رهام : الا والله تعبانه حدي
فواز طفى التلفزيون وقام مسك يد رهام : ياالله قومي ننام
رهام عرفت ان نيته خبيثة بس طاوعته و مدت له يدها و قامت
دخلو الغرفة رهام اتجهت للدولاب عشان بتبدل و فواز جلس على السرير و يناظرها بكل حب و فجأة قام حاصر رهام من خصرها
رهام ارتعبت ولفت : ايش فيك ؟
فواز ببرائة : فيني انتي
رهام احمرت خدودها
فواز ضغط ع خصرها اكثر : امووووت انا ع الي يستحو ورببي
رهام بحيا : ابعد ببدل
فواز بنظرة مو مفهومة : مو لازم
رهام جاها مغص
فواز سحب رهام وضمها لصدره و صار يهمس لها : ماكنت ادري لو انك مو بحياتي وش صار فيني ! ( وبهمس اخف شوي ) احبك و احبك و احبك
رهام استسلمت للأمر الواقع و طاح اللبس الي بيدها
فواز اخذها و جلسها ع السرير و وقف فتح ازرار قميصه و هو ينظارها بحب ممزوج مع خبث
رهام استحت تطالع فيه و نزلت راسها ( ياربي ارححمني والله ماأعرف وش اسوي كل مرة تنعاد لي هالفهاوة )
فواز فسخ قميصه و جلس قريب حييييل من رهام و قرب وجهه من وجهها كثيير و حط شفته على شفتها و ………
نخلي العشاق بجوهم
و نروح لبيت ابو فواز :
رجعو ريم و ملاك للبيت وهم بكامل طربهم و وناستهم و جلسو بالصالة اما ملاك صعدت تبدل
ام فواز : ها وش سويتو
ريم : شيي خخخخخيالي رجينا البيت من التصفق و الاشيا ذي
ام فواز : ههههههههههههههه الا بسألكك
ريم : امري ؟
ام فواز : ان شاءالله حسيتو دانة مبسوطة ؟
ريم بفرح : هي مبسوطة و بس ؟ الا طططايره من الفرح
ام فواز ارتاحت : الحمدلله
دخل نايف و شاف ريم تسولف مع ام فواز و راح جلس جنبهم
نايف : ريممو
ريم : هلا
نايف : ريحيني
ريم : اطمنك دانة مبسوطة و شكلها موافقه بععد
ناييف بفررححح : من جججججججد
ريم بمزح : لا امزح معك
نايف قام و ضم ريم بقووه : اححححححححبك رييم
ريم : ههههههههههههههههههههههههه
ملاك نزلت و بإستغراب : شصاير على كل ذا الحب !
ريم : اخوك يسألني عن ردة فعل دانه و قلت له
ملاك : اجل بيتنا بينقلب جلسات وناسه
ريم و نايف : هههههههههههههههههههه

{ في الصباح الساعه 7 }
اتصلت ام عبدالله على حنان عشان تجي تفطر معها
جت حنان وراحو للمطبخ يجهزو الفطور
ام عبدالله وهي تسوي البيض : دانة لسى ماردت على نايف !
حنان تدور على الحليب : لا والله لسى ماردت بس اعتقد انها بتوافق الولد مايعيبه شي
ام عبدالله : ذي الايام البنات كلهم يحبو يعني لاتستغربي اذا دانة رفضت يمكن تكون تحب واحد
حنان تركت الي بيدها : لا بس دانة مو مبين انها تحب
ام عبدالله لفت على حنان : و منو الي يبين عليه انه يحب اساساً
حنان : اي والله وانتي الصادقة


ادري البارت مره قصير بس والله مزحومة في ذي الايام