غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 27-01-2014, 03:52 PM
صورة اللهم زد قلبي تعلقاَ فيك الرمزية
اللهم زد قلبي تعلقاَ فيك اللهم زد قلبي تعلقاَ فيك غير متصل
©؛°¨غرامي مشارك¨°؛©
 
B6 قصة سارة / بقلمي


السلام عليكم .. اول رواية لي اكون متحمسة انزلها .... طبعا الرواية خيالية ليست من الواقع مقتبس بعضها من مسلسل .. روايتي هذي غير عن الروايات روايتي ما تتكلم عن حب او شيء من هذا القبيل ، تتكلم عن قصة وحدة اسمها *سارة* عانت بحياتها كثير تعذبت وتعبت ومصيرها ما ندري ايش .. خلوني اترككم معاها تتكلم عن نفسها افضل :
سارة
انا عمري 36 سنة عمري ما اذيت احد احب الناس والناس يحبوني لكن لما كان عمري 21 صار حدث كبير بحياتي اهلي رموني بمستشفى المجانين يقولون اني مجنونة ولازم اتعالج لكن انا مو مجنونة والوحيدة اللي تدري بهذا الشيء صديقتي هند رموني بالمستشفى 15 سنة لأني شفت امي نايمة مع السواق وجيت اعلم ابوي صاروا يقولون انتي كذابة تتخيلين مريضة لازمك علاج .. حرموني من بنتي الوحيدة جبتها وعمري 20 اسمها ريما جميلة بس اكيد تغيرت ملامح وجهها ما شفتها من 15 سنة كل ما اتذكرها ابكي ابكي ليش يحرموني منها اصلا حتى ما قالوا لها اني امها قالوا انها بنت امي يعني تصير اختي شفتوا الحقارة كيف ؟ طلعوني بدون ما ابوسها او احضنها ما عندي الا صورة تذكرني فيها كان عمرها 7 شهور تاكل شوكليت كل ما شفت الصور اضحك لأن وجهها كان مليان شوكليت و ابكي لأني اشتقت لها .. اه و الف اه شعور يعور جعلكم ما تجربونه ياخذون ضناك منك ويرمونك بالمستشفى على اساس انك مجنونة وانتي اعقل منهم .. نسيت اقول لكم انا عندي اختين واخو .. مريم عمرها 29 تكرهني من يومها لأني ذكية وجميلة بس انا ابدا ما قد كرهتها .. شهد عمرها 25 هي تكرهني بعد بس اكثر من مريم وهي اكثر وحدة قالت اني مجنونة ولازم اتعالج انا مدري ليه تكرهني يمكن لأني ادري انها تطلع وتنام مع رجال وخايفة افضحها .. محمد 30 سنة للحين ما تزوج هو الوحيد اللي كان يزورني بالمستشفى بس ياليته ما كان يزورني تدرون ليه ؟ كان يجيني بالشهرين مرة و ساعة وحدة بس وكل ما قالوا لهم اني مو مجنونة ولازم اطلع هو اللي يعبي راسهم ويقول لا للحين ما تعافت .. ابوي كان يحبني و ما يحبني يعني وسط .. امي اه بس ما تستاهل تكون ام كذا مرة شفتها تنام مع السواق تخون ابوي ليش ما ادري مع انه مو مقصر معاها بشيء ترا هي كانت تحبني بس ما ادري ليش كرهتني .. انتوا اكيد تتساءلون كيف دخلوني للمستشفى وانا عاقلة ؟ انا اقول لكم .. امي وشهد اتفقوا مع مديرة المستشفى ان اول ما يجيبني ابوي تقول اني مجنونة وتخيلوا دفعوا 5 ملايين !!! عشان ما افضحهم واقول حقيقتهم شفتوا قد ايش حقيرين .. زوجي اسمه خالد صدقهم وانصدمت هو كان يموت فيني كيف صدقهم ؟؟؟ خلونا منهم .. بالمستشفى كانوا يعذبوني بصدمات كهربائية يقولون عقلي لازم يرجع لي .. يا نااااااااس والله انا مو مجنونة والله ، صديقتي هند هي بعد مظلومة زوجها خانها مع اختها ورموها بالمستشفى من 22 سنة .... الشعور بالظلم يقهر يذبح يموت بس ما بيدنا شيء وش ممكن نسوي ؟ لو تكلمنا ما راح يسمعوننا على قولتهم مجانين ما ياخذون بكلامنا بس على كل حال الحمد لله لأن الله ما يضيع حق احد .. كانت عند صديقتي هند صديقة اسمها نوف اللي بسببها بعد الله رجع لي الامل اني اشوف بنتي او ممكن اني اطلع من المستشفى هذي بس كيف ؟ صار لي فترة افكر .. نوف كانت دايم تزور هند وتزورني معاها لأني انا وهند بغرفة وحدة احس نوف صارت تفهم تفكيري وتفهمني مدري كذا فجأة حسيت انها تعرفني من زمان وانها صديقتي من فترة .. نوف عمرها من عمر هند بالضبط يعني 40 سنة تقريبا ايه 40 عندها بنوتة قمر عمرها 16 اسمها غادة بس ما كانت تجيبها معاها وعندها ولدين توأم اسمهم ناصر ومنصور عمرها 10 سنوات وبس تقريبا هذي قصتي
...............................
نتكلم عن عائلة سارة
ابو سارة : انسان عادي ثري جدا له سمعته بالبلد يهتم بعياله بس مو كثير
ام سارة : انسانة كانت قمة بالأخلاق بس من صاحبت عهود صديقة السوء بدت بالمحرمات والعياذ بالله
محمد : همه الوحيد الفلوس يموت عليها
مريم : عادية بس تكره سارة بدون سبب
شهد : انسانة وقحة وقذرة تنام وتطلع مع رجال طبعا شهد تدري عن امها و ام شهد تدري عن شهد بعد وساكتين
..............................
عائلة هند
ابو هند متوفي
ام هند مشلولة من يوم حادثة هند لما زوجها طلق هند وتزوج اختها طبعا ام هند ساكنة مع اختها صافية وصافية مو متزوجة بس كبيرة بالعمر
سمر : اخت هند اللي تزوجت طليق هند وقحة مثل شهد اخت سارة صديقة هند
محسن : طليق هند .. زوج سمر تزوج هند وسرق فلوسها و تزوج سمر عشان فلوسها
.................................................. ..
كان الجزء هذا مقدمة بالتعريف بالشخصيات
والبارت بينزل بإذن الله الخميس
انتقاداتكم تهمني وتساعدني بس يا ليت تكون بذوق
تشجيعاتكم وآرائكم بعد تهمني جدا
و يعطيكم ربي ألف عافية


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 27-01-2014, 04:05 PM
صورة Zs.12 الرمزية
Zs.12 Zs.12 غير متصل
©؛°¨غرامي مشارك¨°؛©
 
الافتراضي رد: قصة سارة / بقلمي


وعليكم السلام ورحمة الله وبركاته ..
البارت حزين لكنه عجبني واايد .. تسلم الأنامل المُبدعة ..
.. اخترتي القضية المناسبة بين جميع القضايا المتعلقة بالحب والزواج .. فمن النادر مناقشتها أو طرحها كرواية . .
.. واصلي حبيبتي .. وسجليني من متابعينج ..
.
.
أتمنى تقرآين روايتي وتعطيني رايج فيها ..
https://forums.graaam.com/566405.html

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-01-2014, 01:33 PM
صورة اللهم زد قلبي تعلقاَ فيك الرمزية
اللهم زد قلبي تعلقاَ فيك اللهم زد قلبي تعلقاَ فيك غير متصل
©؛°¨غرامي مشارك¨°؛©
 
الافتراضي رد: قصة سارة / بقلمي


البارت الأول
سبحان الله وبحمده سبحان الله العظيم
..................
في المستشفى
سارة قاعدة تفكر و تطالع الرايحين و الجايين قالت بنفسها *انا لو ماني متأكدة ان ربي له حكمة باللي قاعد يصير لي كان صدق صرت مجنونة مثل ما يتهموني او كنت مت ..... هم نسوني والله العظيم نسوني نسوا ان لهم اخت اسمها سارة (خنقتها العبرة)*
هند : سارة سارة
سارة : هلا هند
هند : سارة وش فيك يا حبيبتي وجهك ليه مكشر
سارة : محد راح يسأل علي ابدا هنا
هند : كل شيء بيكون خير ان شاء الله
سارة : هند اشتقت لبنتي هند اا ا انا حتى ماني عارفة انام افكر فيها اقول متى اشوفها متى ؟ كبرت تغير شكلها .. تاكل تشرب تنام والا يعذبونها لأنها بنتي *تمسك راسها* ماني قادرة اتحمل والله العظيم ماني قادرة اللي اتحمله محد يقدر يتحمله
هند : حاسة فيك يا قلبي بس مالك الا الصبر
( سارة بتقول لكم شيء *نسيت اقول لكم او كنت مأجلة اني اقول لكم الموضوع هذا .. وحدة من الممرضات اسمها شيخة شاذة حاولت تعتدي علي او بالأحرى اعتدت علي وانتهت الله لا يوفقها وطبعا نوف وهند يدرون قلت لهم ونوف قاعدة تحاول انها تطلعني من المستشفى *)
جا وقت الغداء راحوا يتغدون
على الطاولة
سارة وهي تاكل شافت شيخة تذكرت اللي صار غمضت عيونها بقوة تبي تنسى اللي صار حاولت تبلع لقمتها ما قدرت طلعتها واخذت الصينية *اللي يحطون فيها الاكل* و وقفت
هند : شبعتي ؟
سارة هزت راسها بإيه وراحت اتجهت لشيخة وقفت قدامها فترة وطالعتها بنظرة وشيخة واقفة بقوة عين وتقرب من سارة
سارة كبت الصينية باللي فيها على وجه شيخة
شيخة : يا حقيرة
و بدوا تمعيط شعور و طق وضرب
هند قامت بسرعة تفكهم وطبعا محد فكهم الا الممرضات الباقين
....................
بغرفة سارة وهند
هند راحت لدكتورتها لأنها طالبتها و الغرفة صار ما فيها الا سارة
سارة منسدحة على السرير تتذكر اللي صار
دخلت عليها نوف
نوف : ممكن افهم احنا نتقدم قدام والا نرجع ورا ؟ سارة انا اسوي المستحيل عشانك وانتي تقصدين انك تهدين كل اللي اسويه !! ليه سويتي كذا ؟
سارة : انتي تدرين اني سويت كذا ليه
نوف : ايه اعرف و متفقين اننا نمسك نفسنا و نصبر و كلها كم يوم و اطلعك من المستشفى بس انتي شكلك مو ناوية تطلعين و انا مستعدة اشيلك من بالي ومالي شغل فيك ابد
سارة وهي نازلة دموعها و منصدمة : وش قلتي ؟ مالك شغل فيني انتي الوحيدة اللي بعد هند تعرفين اني قعدت هنا 15 سنة ظلم انتي الوحيدة بعد هند اللي عارفة اني لازم اطلع عشان اشوف ريما .. بنتي يا نوف .. انتي وعدتيني و حلفتي لي و قلتي لي انك بتشوفينها وتاخذينها بحضنك و ما راح اتخلى عنك ابدا *طلعت صورة بنتها وهي توريها نوف وتمسح دموعها وتأشر لنوف بيدها انها تقرب*
قربت نوف وجلست جنبها
سارة حطت راسها على كتف نوف وهي تقول : نوف *رفعت راسها عنها* يلا كلميني عنها قولي لي شكلها كيف طويلة قصيرة ااا شبهي والا شبه ابوها ماخذة ملامح مني ؟
نوف : انا ما تكلمت لك عنها مية مرة قبل كذا
سارة وخانقتها العبرة : طيب و وش المشكلة تكلمي ثانية وثالثة و رابعة مو انتي دارية ان انا ما فيه أي شيء يسعدني غير الكلام عنها يلا عاد قولي *وهي تبوس صورة بنتها*
نوف : عشان خاطري يا سارة ارجوك لا تسوين تصرفات تخليني اتضايق منك
سارة : وانتي ممكن تسوين كذا
نوف : اسوي ايش ؟
سارة : انتي ممكن تخليني
نوف بتتكلم و قاطعتها حياة وهي تنزل دموعها بغزارة وتحط اصبعها على فمها *على فمها هي مو فم نوف* : ااا اار اارجوك *تشاهق وتهمس* ارجوك لا تقولين ايه انتي الوحيدة اللي خليتيني اصبر اا انا انا مالي احد في الدنيا بعد ربنا غيرك انا كل الناس تركوني كل الناس تركوني حتى اهلي
نوف وهي متأثرة : عشان خاطري وقفي جنبي مثل ما انا واقفة جنبك ساعديني عشان اطلعك
تركتها نوف عشان تهدى وطلعت
.................................................. ....
عند مديرة المستشفى *سميرة* كانت تمشي ومعاها السكرتيرة واوراق تفهمها اللي تبيه
قاطعتها نوف وهي تمشي : دكتورة سميرة
د.سميرة تكلم السكرتيرة : خلاص روحي وبعدين نتفاهم
نوف : عاجبك اللي صار اليوم ؟
د.سميرة : بيتهيأ لي اننا بمصحة نفسية يا استاذة يعني هذا وارد انه يصير كل يوم
نوف : سبق وقلت لك ان الانسانة ذي مكروهه ومن كل اللي بالمستشفى لكن انتي مصرة انها تبقى هنا
د.سميرة وهي معصبة : احنا بمستشفة مجانين .. يعني محتاجين احد شديد يخافون منه و شيخة هي الوحيدة اللي تقدر تطبق هذا بالمستشفى
نوف : شيخة ذي حرمة وسخة وانتي عارفة عمايلها كثير اللي بيتكلم عليها كل المستشفى
د.سميرة باستهزاء : كذب .. انتي شلون تصدقين وحدة تقول هذي تطالع جسمي وتتحرش فيني
نوف : دكتورة الكلام هذا مو عاجبني
د.سميرة : وانتي تصرفاتك ذي مو عاجبتني
.................................
عند هند وسارة
هند : لا تخافين يا سارة نوف مستحيل تتخلى عنك
سارة : انا عارفة انها طيبة .. بس خايفة
هند : خايفة من وشو ؟ انتي ناسية انها هي اللي خلتك تتكلمين بعد الله بعد السنين ذي اللي كنتي ساكتة فيها مو راضية تنطقين حرف واحد !!
سارة : كانوا مصدقين الورق ومكذبيني .. يقولون علي مجنونة وانتي وهي الوحيدين اللي قلتوا ان انا عاقلة
هند : الحق ينقال نوف من عرفتك وهي واقفة جنبك وتحاول مع اهلك بس هم اللي راسهم يابس
سارة : تتوقعين بتطلعني من هنا زي ما وعدتني ؟
هند : قولي يارب ان شاء الله كل شيء يتم على خير
سارة : يارب .. ريما وحشتني كثير يا هند يا ترى قالوا لها ايش علي ؟
هند : يخرب بيت السؤال هذا .. خليك متفاءلة شوي حرام عليك والله
سارة : متفائلة كيف ؟
هند : الله يسامحهم اهل هذولي ناس وحشين
سارة : وحشين بس ؟ كل اللي سووه فيني بالسنين ذي كلها تقولين عليهم وحشين .. حسبي الله ونعم الوكيل
*تتساءلون كيف ان ريما بنت سارة قالوا انها اخت سارة ؟؟ وابوها وين راح ؟ انا اقول لكم .. قالوا ان الام تطلقت من الابو و تزوجت ابو ريما و تطلقت منه ورجعت للابو مرة ثانية *حوسة بس تفكيرهم غبي* وطبعا خالد متفق معاهم لأنه تزوج وعايش حياته ولا يبيها اللهم انه معطيها اسمه بس ويرسل لها كل شهر فلوس *
.................................................. ..............
في بيت ثاني و تحديدًا ببيت اهل سارة او بالأحرى قصر اهل سارة
نوف راحت لبيتهم وقاعدة بالصالة .. شوي نزلت لها شهد
لأن مريم وامها طالعين
نوف : شلونك شهد ؟
شهد بصرخة على الخدم : اطلعوا براااا
شهد : هو احنا ما قلنا لك قبل كذا ما تجين هنا مرا ثانية ؟ وانا ما فيه احد في البيت هذا يبي يطالع بوجه امك ؟
نوف : وجه امي ؟ شوفي حضرتك ا
قاطعتها شهد : حسي حضرتك
نوف ما فهمت : عذرا ؟!
شهد بصرخة : حسي حضرتك .. احنا يا استاذة عايلة واطية ما نبيها ما راح نستلمها ممكن عاد تبعدين عننا
نوف : بس هي اختك
شهد : كانت .. كانت اختي وخلاص انتهى موضوعها والمفروض انه ما ينفتح مرة ثانية
نوف : لا .. لازم ينفتح لأنها خلاص ما فيها الا العافية .. والا تبينها تجلس طول عمرها جوا مصحة ؟
شهد : ايه تجلس
نوف وهي متحملتها : استغفر الله العظيم .. طيب طلب اخير وانا اسفة كثير ممكن لو سمحتي تعطيني رقم ابوك الجديد
شهد : اذا عشان فلوس المستشفى اظن انها تندفع في مواعيدها واذا عشان راي ابوي اظن انك سمعتيه قبل كذا .. لكن سبحان الله سبحان الله لازم تتهزأين *بصراخ* انتي تحبين تتهزأين ليه ؟
نوف : انتي مو معطيتني فرصة اتكلم
شهد بصراخ : وتتكلمين بصفتك مين .. مو فاهمة انتي حاشرة نفسك بوسطنا كذا ليه ؟؟؟؟
نوف بابتسامة استهزاء : انا اسفة انا اسفة وحقك علي .. انا اللي غلطانة .. من ساعة لما نزلتي وقلتي لي ان انتوا من عايلة .. عايلة وشو حضرتك ؟
شهد وهي تسوي نفسها تخمن : واطية ؟
نوف : فرصة سعيدة جدا ولفت بتطلع ..
شهد بصراخ : ما تجين هنا مرة ثانية
طلعت نوف ونزل محمد بعدها ومعاه شنطة
محمد : صباح الخير يا عسل .. مين اللي زعل حبيبي ؟
شهد : انت مسافر والا وشو ؟
محمد : انتي اللي وش موترك ؟
شهد : لا تشغل بالك .... بكلم بابا
دق التليفون ورد وخبرته شهد باللي حصل
ابو محمد : ذي وش تبي بالضبط ؟
شهد : انا خايفة يا بابا ... *بصراخ* خايفة تروح لريما بالمدرسة
محمد لف عليها : فهميني يا شهد مين اللي بيروح لريما بالمدرسة ؟
شهد تكلم ابوها : استنى يا بابا ... لفت لمحمد *هو انا ما قلت لا تشغل بالك*
محمد : طيب سلام *جا بيطلع*
شهد بصراخ : استنى يا محمد انا ابي اتكلم معاك بموضوع مهم
محمد وهو رايح : لا هديتي وعرفتي تتكلمين زي الناس ذيك الساعة نقعد ونتكلم
شهد بصراخ : اقول لك ابي اتكلم معاك
محمد : بعدين اذا رجعت *وراح*
شهد : ما فيه شيء اسمه بعدين ... *بصراخ* محمد محمد انا اتكلم الحين معاك بمنتهى الأدب *وهي ترفع اصبعها وبصراخ* طيب يا محمد
شهد رجعت تكلم ابوها : هلا بابا حبيبي
ابو محمد : اكلمك بعدين انا مشغول
..............................................
عند سارة بالمستشفى
الادارة نادتها عشان تحقق معاها باللي صار
دخلتها الممرضة عند الادارة وكان فيها د.سميرة و د.هنادي كلهم بنفس الخبث
د.سميرة للممرضة : روحي خلاص
الممرضة : حاضر وطلعت
د.سميرة : تعالي يا سارة
طالعتها سارة
د.هنادي : اقعدي بنسوي محضر باللي صار اليوم اقعدي
جلست سارة وهي ساكتة
د.سميرة : هذا اجراء روتيني عشان بس ينحط بالملف حقك ....
سارة مسكت راسها
د.هنادي : شيخة اللي ضربتيها اليوم .. وش سوت لك ؟
د. سميرة : انتي بترجعين تسكتين مرة ثانية ؟ *سارة من دخلت المستشفى وهي ساكتة ما نطقت بحرف وجت نوف وحاولت معاها لما قدرت بفضل الله*
سارة : انا ما راح اتكلم الا اذا جت نوف
د.هنادي باستهزاء : ليه ؟
طالعتهم سارة بقرف
د.سميرة : نوف مالها شغل بالتحقيق هذا ابدا ..... هذي حاجة ادارية لازم انا اللي اسويها
سارة وهي تنزل دموعها وقاعدة تحاول تمسكها : وما سويتي التحقيق هذا ليه... لما قلت لك انها اعتدت علي في غرفتي ... *تلف لهنادي عقب ما كانت تكلم سميرة* وما سويتوا التحقيق هذا ليه .. لما قلت لكم انها تعذبني بالكهرباء بالبطال .... *لفت لسميرة* ما سويتي التحقيق هذا ليه ... لما قلت لك عن القذارات اللي تسويها بالمستشفى
د.سميرة بابتسامة سخرية : مين قال لك ما سوينا التحقيق ؟ احنا سويناه وهي انكرت
سارة لفت عليها : وانتي صدقتيها ؟
د.سميرة : ما هو ما كان في احد شاهد على الواقع
سارة مسكت راسها وهي تهز راسها : انا كذابة عادي عادي .. هي حرمة محترمة وصادقة
د.هنادي : انتي بمستشفى محترم وعيب انك تقولين الكلام هذا
سارة طالعتها شوي و اشرت لها عشان تقرب منها
د.هنادي قربت منها
سارة بصراخ : انتي اكثر وحدة تعرفين اني مو مجنونة ... لكن خلاص على هواك انا مجنونة *بصراخ اقوى* بعطيك نصيحة لوجه الله ... تخلين بالك مني وانتي نازلة من الدرج وانتي طالعة لأن المرة الجاية والله راح اخليك نصين *هي كانت رافعة فازة قزاز وتهدده فيها* ومحد بيحاسبني لأني مجنونة ... وش رايك ورمت الفازة بالأرض
هنادي كانت راجعة على وراء
د. هنادي بخوف : انا اشوف ان في طريقة متحضرة اكثر من كذا يا سارة
طلعت سارة و تركتهم

.................................................. .........
انتهى البارت
توقعاتكم وآرائكم وانتقاداتكم تهمني ...
ملاحظة مهمة :
سبق وقلت ان الرواية خيال وانها مقتبسة من مسلسل اللهم انا ضفت عليها بعض المواقف وشكرا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-04-2015, 10:53 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: قصة سارة / بقلمي


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

....................



قصة سارة / بقلمي

الوسوم
بقلمي , سارة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6274 05-05-2018 06:34 PM
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
للأوجاع قلوب لاتسيرها عاطفة / بقلمي نَيرُوز أحمَدْ , أرشيف الروايات المغلقة - لعدم إكتمالها 1006 05-04-2012 06:20 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 01:22 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1