غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 12-02-2014, 04:56 PM
صورة Shai5aBM الرمزية
Shai5aBM Shai5aBM غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


بارت روعة اتريا التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 18-02-2014, 07:12 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت السادس ..

اليوم الثاني المليئ بالاحداث المثيره الساعه 7 الصبح
نايف: نجودوه قومي ابسرعه بيبتدي التكريم
نجود: يايه يايه بلبس نعالي بس اوف صدق صدعه
نايف: يالله لا بلا استهبال بعدين عندي شغل
نجود: اوكي اوكي
ونزلت ورى نايف وركبت الموتر
__________________________________________________

في بيت ابو مبارك ومبارك يدق هرنات
مبارك: والله 5 دقايق ماييتو بروح عنكم
ويو يركضون منصور وبلقيس وركبو وتوجهو الى المعسكر وصلو كل العوائل اللي فالمعسكر ونزلو ومر الوقت على التخريج ويت الساعه 10 بالضبط
_____________________________________________

في بيت شواخ تلبست وجهزت اغراضها وودعت ورودها ومشت متوجهه الى المطار نزلت من السياره وتمت قاعده على الكرسي تنتظر نداء الطياره وشموخ وشجون يتصاصرون
شجون: مابي نايف يشوفها قبل لا تسافر ؟؟
شموخ: مادري حرام والله وحليله تخرج اخوه وبتسافر حبيبته
المطار: النداء الاخير لرحله رقم 68648
قامت شيخه وبعيونها دموع متوجهه الى ختم الجوازات
نايف: ماتبين تودعيني قبل لاتروحين؟؟
وقفت شيخه وصدت صوب الصوت وهي تقرب منه وطاحت في حضنه حست تبى تحضنه محد همها لا كلام الناس ولا اخواتها ولا حد حضنته بالقو حصنته وهي تقول في اذنه:-
شيخه: لاتخليني ارجوووك لاتتركني اهئ اهئ
وخرت من حضنه وقالت: دير بالك على نفسك ولا تنسى ورودي رجعلك كون بانتظاري
ومشت وراحت شجون معاها ختمو الجوازات وطالعته اخر نظره ودخلت وهي متوجهه لركوب الطياره اللي بتشلها وبتوديها الى حلم حياتها وبتخليها تناظر فالدنيا ويلس نايف ع الارض وهو يصيح وحضنه بطي
بطي: خلاص ياخوي بترجع لاتسوي بنفسك جي
نايف: احبها اعشقها اعشق ترابها اعشق نفسها ونظرها اهئ اهئ
نجود: هي بعد تحبك خلاص قوم ارتاح وادعلهها
شموخ: بترجع بالسلامه ان شاء الله لاتحاتي
ومشو كلهم صوب السياره وتمت شموخ تشوف بطي وبطي يشوفها ابتسمو لبعض
اممم بطي معجب بشموخ وحتى شموخ معجبه فيه بس يكابرون ومحد يعترف للثاني
__________________________________________________ ______

في بيت ابو جمول وهم قاعدين على الغدى قام ابو جمول وغسل ايده وراح يرتاح
محمد: جممممول
جميله: واحطبه واحطبه اتطيح ع راسك قول امين
محمد: امين للداعين يالدبه مب ويه حد يسولف معااج
جميله: هههههههه هي صح على طاري السوالف ترى باجر مباراة الوصل والجزيره وانا بروح المباراه وها طلبي لما خليت زهوور تتغدى معانا
محمد: يصير خير انزين اسمعي بقولج شي علشان ضميري يانبني
جميله: شو سارق من عندي اعترف
محمد: الملايين والذهب والالماس اللي في حجرتج
جميله: سخييف يالله قول اسمعك
محمد: امممم بصراحه انا بنجرت تاير سيارتج علشان اوصلج واشوف زهرا
جميله فتحت عيونها: اه يالحيوان وانا اقول اخوي يحبني وبيوصلني ومستوي حنون اثاري ها كله خطه مدبره وطلعت مصلحجي يالدب
محمد: ههههههههههههههههههاااااااااااااي ويا خشمج
جميله: انا الهبله اللي يالسه معاك وقاعده اسولف وياك واضيع وقتي معاك يالله انقلع
وصعدت فوق عنه
________________________________________________

وصلو بطي ونايف ونجود البيت راحت تجود تحط الغدى علشان يتغدون وهم ع الغدى
بطي: نجود حياتي لاتنسين مري ع شموخ بين فتره وفتره هي احين بروحها
نايف: وهاتيلي رقم شيخه لو ماعليج امر
نجود: يصير خير مندوبه عندكم انا ؟؟
نايف: محشومه يا اختي والله مافيني ضحكه علشان اضحك
اتغدو وخلصو واتصل نايف لدوامه يقدم ع اجازه سنويه لانه ماله خلق يداوم
مرت الساعات والدقايق ويت الساعه 10 فليل ورن تلفون نايف
نايف: تلفوني رن رن اشيله انا واقول من عساها بنيه تبيني مو واحد من الربع
اسمع صوت البنت اجن مو واحد صوته يون اتقولي كلمة حبيبي مو صرخه في اذني تون
شيخه: الو
نايف: منو؟؟
شيخه: افا سافرت ونسيت صوتي ؟؟
نايف: لا حشى فديت هالحس انسى روحي ولا انساج يابعد جبدي انتي
شيخه: ههه انا وصلت
نايف: الحمدالله ع السلامه حياتي
شيخه: الله يسلمك يبى
نايف: حاسبي على نفسج الحين روحي اسبحي وارتاحي لانه باجر عمليتج يوم بتنشين باجر دقيلي ابي اسمع صوتج قبل لا تدشين العمليه
شيخه: حاضر من عيوني
نايف: فديت عيونج نعيما مقدما ونوم العوافي
شيخه: الله ينعم عليك الله يعافيك فدوه
نايف: شيخه
شيخه: هلا
نايف: قوليها
شيخه: شو اقول؟؟
نايف: الكلمه اللي على لسانج
شيخه: هههه باي
نايف: تيك كير باي
شيخه: نيوف
نايف: لبيه
شيخه: احبك
طوطوطوطوطوطوط
شيخه: ههههههههههههههههههههههههااااااي
دخلت شجون عليها وقالت: دوم ان شاء الله هالضحكه
شيخه: امين حياتي وياج
وقامت شيخه تتسبح وردت رقدت حق العمليه
راح نايف لبطي
نايف: بطوووي احبها
بطي: حتى هي تحبك وايد
نايف: بطي
بطي: هلا
نايف: تعرف شكثر احبها صح
بطي: هيه والله اعرف شكثر
نايف: اااخ قلبي
بطي: اسكت شوي
نايف: استح على ويهك ياي اشتكي لك اتقولي اسكت
بطي: ههههههه ياخي شفت حلالك خلني اشوف حلالي
نايف: اخر شي انزين
بطي: هلا قول
نايف: ابي اتقدم لها بالمطار اول ماترجع
بطي: ان شاء الله
نايف: بخبرها انه اول ماترجع بسوي لها حركه حلوه
بطي: ههههههه ويا راسك يالله احين اسكت
نايف: اوكيك حلوه الفكره صح ههههههه ادري
اتصل بطي ع فون شموخ
شموخ وهي راقده: الووو
بطي: هلا
شموخ: منو؟
بطي: معجب
شموخ: ههههههه مول مب وقتك باي
وسكرت الخط في ويهه ورجع اتصل ماردت حطته صامت وكملت رقادها
__________________________________________________ ____

من ناحية ثانيه عند صلاة الفجر قام نايف صله الفير وطرش مسج بالتسجيل الصوتي لشيخه:
نايف: اشهر معك حد الفجر وانته بمكان وانا بمكان واسهر معك حكي وغرام يكفيني شعوري بالامان لانك بس صاحي معي
سمعت شيخه رنت الفون وهي تصلي سلمت وقامت وتوجهت صوب فونها فتحت المسج وسمعت التسجيل وتمت تعيده لين مانامت ع صوته

كــــــــــــــــــــــــــت:-
التوقعات لكم حبايبي
اختكم الحب اختياري

(( يا اولهم ويا اخرهم
احبك
يا كل الناس بعيوني ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-02-2014, 08:31 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت السابع ..

ياللي مع الصبح كراك يشرح الخاطر صباحك شوق والخفا واحساسه
الصبح الساعه 11 الصبح
شيخه وهي حارقه تلفون نايف قبل لاتدش غرفة العمليات وماكان يرد عليها
شجون: يالله شواخ خلاص طرشيله مسج
شيخه: والله مادش لين مايرد ولا اقولج بتصل اخر مره مارد بدش
ردت اتصلت شيخه وتم يرن يرن توه بيسكر رد
نايف: الو
شيخه: توه الناس جان مارديت؟؟
نايف: سوري ياروح نايف ماحسيت بعمري والله اسف
شيخه: مابي زعلانه
نايف: فديت الزعول انا يالبه قلبه
شيخه: لا والله هههه المهم انا احين بدش غرفة العمليات حاسب ع نفسك
نايف: من عيوني خلج قويه اوكي ياروحي؟؟
شيخه: اوكي باي لانه شجون بتكسر الفون ع راسي ههههههههه
نايف: احبج فداعة الرحمن باي
سكرت شيخه من نايف ودخلت الحمام ولبست لبس العمليات ويه الدكتور واشرف انه ينقلونها لغرفة العمليات واختها ماسكه ايديها ورايحه معاها وهي تقرا على راسها قبل لاتدش شيخه
شيخه: شجون لو صار فيني شي ولي لنايف اني كنت احبه موووت وكنت اتمنى اشوفه
وحضنت اختها بالقو وقالت شيخه: سلمي ع الخبله شموخ
ودزوها لداخل الغرفه ودمعت عيون شجون ع اختها
شجون: الله يطول بعمرج يانور البيت
مر الوقت ويت الساعه 1 الظهر في بيت ابو نايف ..
نوف: يالبه اليوم انا طايره من الفرحه اخيرا بيتحقق حلمي
نايف: اتخبلتي ؟؟
نوف: جب جب مباااااااارااااااااه تاااااااايم واااااااااااااااااو
نايف: الحمدالله والشكر حاسبي ع نفسج مفهووم؟؟
نوف: حااضر مابتي معاي ؟؟
نايف: لاعندي شغل بس انتي عن الشطانه وديري بالج ع نفسج وابيج قد الثقه وانا اعرف انه اختي قدها لاني واثق فيج
نوف: من عيوني يا احلى اخو في هالدنيا كلللها
وحضنت اخوها
نشت شموخ من النوم لقت مسج من الرقم الغريب
بطي: عشقته منذ البدايه وساحبه حتى النهايه
شموخ: والله هذا انسان بطالي ومتفيج خلني ادق لاخواتي احسن لي
ودقت لاختها شجون
شجون: هلا شموخ
شموخ: اهلين بشري طلعت ولا بعدها
شجون: بعدها والله
شموخ: ان شاء الله خير
شجون: ان شاء الله
شموخ: اوف وبعدين يعني ؟؟
شجون: شوفيج؟؟
شموخ: واحد حاشرني من امس حتى وانا نايمه يتصل علي
شجون: يمكن حد مسوي لج مقلب
شموخ: مادري سكري بشوف منو ويوم بتطلع شيخه طمنيني اوكي ؟؟
شجون: اوكي باي
وسكرت شجون الخط وردت شموخ على الخط وتمت ساكته
بطي: مب ناويه ترمسين ؟؟
شموخ: بطي؟؟
بطي: عيونه وقلبه ؟
شموخ استحت وقالت: امر سوري ماعرفتك وكنت نايمه وجي
بطي: احبج
شموخ: شو؟؟
بطي: احبج
شموخ: لاوالله
بطي: والله احبج
سموخ سكرت الخط من الخجل وطرش لها مسج
بطي: على كثر خلق الله ماجاز لي غيرك
في غرفة نايف نش من الرقاد وتوجهه الى الحمام عزكم الله وخلص ونزل تحت
نجود: يالله تعال
نايف: اول باكل عيالي
نجود: عيالك؟؟
بطي: قصده ورود الحب
نجود: اول تغدى بعدين اسقيهم
نايف: لا اول اسقيهم
وطلع راح للحوش متوجه الى مزرعه الحب سحب البيب مال الماي ورش عليهم وقعد جدام الورود وحس انه يفهمونه او انه قلب شيخه فيهم وتسمعه
نايف: ولهتو عليها شراتي صح ؟؟
حتى انا ولهت عليها ان شاء الله ترجع لنا بالسلامه اخخخ ياقلبي عليج ياشواخي
شموخ: سلامت قلبك يا اخوي من الاه والوجع كله
وقف نايف: الله يسلمج سوري بس واعد شيخه اني اسقي ورودها
شموخ: لاعادي نايف انته شرات اخوي
نايف: تسلمين
شموخ: نايف
نايف: هلا؟؟
شموخ: تحبها صدق ؟؟
نايف لو اقولج هيه جذاب انا مو بس احبها انجن عليها
رن تلفون نايف ورد عليه
نايف: السموحه ..
هلا بطوي ؟؟
بطي: تراني ميت يوع مب ناوي اتي ترى الزرع يموت من كثر الماي شراتي انا بموت من قلة الاكل
نايف: ياي احين يعل اليوع يقطع عدوينك بس كنت اسولف مع شموووووووووووخ
ومد اسمها حب يغايض في بطي وشموخ انبهت وضحكت
بطي: اقص راسك والله
نايف: اجلب ويهك انا الحين ياي باي
وودع شموخ وراح بيتهم علشان يتغدى مع اخته واخوه
بعد الغدى طلعت شيخه من غرفة العمليات وحاطين شاش ابيض على عينها ركضت صوبها اختها
شجون: الحمدالله ع السلامه ياروح اختج
شيخه: الله يسلمج ابي اكلم نايف وانتي طمني شموخ
شجون: حاضر اوصلي الحجره التلفونات فالحجره
ومشو لين الحجره دقت شيخه لنايف ودقت شجون لشموخ
نايف وتلفوونه يرن : ان شاء الله خير
شاف الفون لقى مكتوب حلم عمري رد ع طول
نايف: الحمدالله ع السلامه ياروح نايف ونبضه
شيخه: هههههههههههه الله يسلمك
نايف: شو الصحه؟؟
شيخه: الحمدالله حبيبي بخير وانته طمني عليك؟؟
نايف: دامني تطمنت عليج اكيد بكون بخير
شيخه: امممم شخبار ورودي
نايف: اوويه انا اقول شو ناسي على طاري الورود السموحه والله نسيت اسقيهم
شيخه: كنت حاسه محد يامن عليك صراحتن
نايف: افا افا طايح من عينج لهدرجه بالعكس سولفت معاهم وسقيتهم بعد
شيخه: ادريبك خبله هههههههههه
نايف: يالله ارتاحي احين وبرجع اكلمج بعدين
شيخه: اوكي حبي تيك كير بااي
وسكرت منه بعد ساعه دخلت عليها الدكتوره
الدكتوره: شو صحتج ؟؟
شيخه: الحمدالله
قربت منها الدكتوره ويابت المعقم وكل شي وساعدتها النيرس وبطلو الشاش من عيون شيخه ونظفو عيونها ابتسمت شيخه انه فتحت عيونها وهي تشوف وتمت تناظر المكان وحضنت اختها
شيخه: الحمدالله
وصدت ع اختها وقالت ولهت على شوفتج يا احلى اخت في الدنيا
اندق الباب مال الغرفه طلع ريال برع
شيخه عدلت يلستها وتحجبت وقالت : اتفضل
دخل وهو شال باقة ورد وصندوق صغير وقربه صوبها وطلع شافت الكرت عليه وقت مكتوب فيه ..
(( اشتقت لك وماعاد لعيوني صبر لبرد بعدك والدفى ضمة يديك ))
n المرسل
شيخه ابتسمت: كيف وصلت الهديه لعندي ؟؟
شجون: من منو ؟؟
شيخه: نايف
فتحت البوكس لقت خاتم روعه ومكتوب عليه تتزوجيني لو موافقه فالمطار خبريني ضحكت بفرحه ودقت له
شيخه: يالدب احبك
نايف: هههههههههههه اموتج
شيخه: وي بسم الله ليش تموتني ؟؟
نايف: يالخبله اموتج يعني اموت فيج
شيخه: هيه اشوه فكرت اتموتني هههه
نايف: موافقه
شيخه: هههه هيه موافقه
نايف: الله يردج بالسلامه واشوفج بعيوني عروس والبس الدبله من ايدينج والبس خاتم حبنا
وسكرو عن بعض
في الصوب الثاني عند نجود؟؟
بطي: وين رايحه؟؟
نجود: الجمعيه تبى شي ؟؟
بطي: لا حبيبتي
مشت لغرفة نايف دقت الباب
نايف: تعالي
دخلت نجود الحجره وقربت صوبه
نجود: يالدب بروح الجمعيه تبى شي ؟؟
نايف : لا حاسبي ع نفسج
نجود: اوكي
وطلعت وتوجهت للجميعه

كـــــــــــــــــــــــــــــــت:-
اترك التوقعات لكم ..

(( انت ملاك الزين محدن يشابهك
وماضنتي يالغلا احد يسواك ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 21-02-2014, 11:28 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الثامن ..
في الجمعيه عن نجود وهي تمشي وتشتري كاكاو وحلويات وجبس وعصاير خلصت كانت تدز العربه وقفت صوب الكاشير
الكاشير: 100
نجود: ان شاء الله
فتحت البوك طلعت الفلوس لقت 70 درهم
نجود وهي ترمس عمرها: اوي كيف بدفع فشله اقول له رجع
الكاشير: اختي تبين ترجعين شي ؟؟
نجود: ها لالا ههه عندي عندي
عطته 70 ويه واحد حط 30 صدت عليه تمت تشوفه
نواف: طاحو منج
نجود: شكرا ادري من صوبك السموحه والله نسيت انه بوكي مافيه فلوس ماجيكت على بوكي اذا فيه فلوس ولا لا
افتشلت ومشت تم نواف يناظر فيها على ادبها واخلاقها لكن حاول يطلعها من باله مشت وركبت الموتر
نجود: ولا واحد من اخواني قال ناقصج شي ها يفكر بحبيته وها خايف ع حبيبته مالت عليكم بس كيف ارجع للريال بيزاته ان شاء الله الزمن يجمعنا
طلع نواف وراها بدقايق وركب الموتر تم يتخيل الموقف وعيونها اللي كانت منقفطه منه وضحك
الساعه 5 العصر طلعت نوف من البيت وتوجهت الى نادي الوصل لانه المباراه 5 ونص وقفت سيارتها ونزلت بعد ماتحجبت وحطت شال الوصل ع كتفها شلت قميص الاعب اللي معجبه فيه وخذت تذكره ودخلت ويلست بعيد عن الشباب وتمت تتريا نص ساعه لين مابدت المباراه هناك عيون تراقبها و تشوف شو تسوي حبا فيها ولا خوفا عليها ؟؟
منصور: محلاتج يانوف ياريتج تكونين من نصيبي
المعلق: مبارك حسن يسدد كررره قويييه ويسجلها
قول قول قققققققققول الله عليك يامبارك
نقزت نوف من الفرحه ورفعت قميص مبارك حسن ولوحت فيه ومنصور انصدم
منصور: معقوله اتحبه لاشو مستحيل
راح مبارك صوب الكيمرا سوى لعيون m واشر على اخوه نوف مانتبهت انتهى الشوط الاول بتقدم الامبراطور على الجزيره قامت من الكرسي راحت المصلى صلت وبعدين طلعت راحت صوب السياره طلعت العلبه العوده وحطتها على سياره مبارك حسن والتفت تشوف عل وعسى محد يشوفها ومشت للملعب يلست ولكن هل تفلت عيون منصور عنها لا والف لا اتاكد انه نوف تحب اخوه مبارك اللي هو نفسه الاعب تم ساكت ويناظر بدى الشوط الثاني وانتهى بفوز الامبراور (3-1) طلعت نوف والتقت بجميله وزهراء
جميله: مبروك على الفوز شفت حماسج الزايد شكلج تحبين الوصل وايد
نوف: الا انجن عليهم حب طفولي ههههههه
زهراء: فرصه حلوه التقينا هني حبيبتي
ومشو عن بعض ركبت نوف الموتر كانت تتريا مبارك يطلع بعد اللقاءات طلعو اللعيبه وراح مبارك صوب موتره لقى العلبه ابتسم شلاها ودخلها الموتر ركب الموتر وحرك السياره وحركت نوف متجهه الى البيت.
في احدى البيوت الجديده على روايتنا
جمانه: انا رايحه المصنع في اتصال مهم وضروري
جليله: حاسبي على نفسج
جمانه: ان شاء الله الا اقولج وين وفا ماوصلت بعدها ؟؟
جليله: لابعدها توه قبل شوي خلصت المباراه
جمانه: زين عيل يالله باي
طلعت جمانه وفتح لها الحارس الباب وركبت وانطلقت الى المصنع وصلت المصنع ونزلت وهي لابسه بنطلون جنز مع قميص مرسوم عليه عين وجاكيت وسكارف نزلت بغرورها ودخلت
جمانه: اسفه على التاخير
حمد: لاعادي خذي راحتج
جمانه: امر حق منو التصميم وشو المقاس؟؟
حمد: لحبيبتي
جمانه: كيف مواصفاتها ؟؟
حمد: جسمها مرسوم وخصرها منقوش وعيونها وساع وشعرها لين خصرها ماهي طويله ولا قصيره
جمانه: ان شاء الله الفستان حق اي مناسبه؟؟
حمد: امممم سهره
جمانه: اي لون؟؟
حمد: لو كنتي مكانها اي لون تختارين
جنانه: اممممممم اسود
حمد: خلاص اسود
جمانه: تممم
سلم عليها حمد وباس ايديها وطلع من المصنع رسمت جمانه الفستان كان ماسك على الجسم وفوقه خط فضي والفستان اسود قصير لفوق الركب وسوت لها كعب طويل وحطت التصميم على الطاوله وطلعت من المصنع وردت البيت
عند مبارك في الغرفه فتح العلبه مال الهديه حباها وايد وقرى الرساله اللي كانت في البارت الخامس
مبارك: ياحظك يا مبارك في ناس يحبونك هههههههههههههه
فتح منصور الباب تم يشوف مبارك
منصور: شو في الهديه ؟؟
مبارك: شو عرفك انه يابولي هديه
منصور: لاني شفت اللي يابتها
مبارك: والله؟؟
منصور: هيه
مبارك: حلوه
منصور: يهمك؟؟
مبارك: هيه دام ذوقها حلو اكيد هي حلوه
منصور ابتسم وطلع وسكر الباب وراه
مبارك: اتخبل اخوي ههههههههههه
عند نوف ..
نادر: ههههههههههههه مبروك ع الفوز
نوف: الله يبارك فيك
وحضنت اخوها ونقزت وعفدت عليه
نايف: كسرتيني ياديه يافيله
نوف: ههههههههههههههههههاي
وصعدت فوق غرفتها وانسدحت ع السرير
نوف: ياترى مبارك فتح الهديه يالبه ابتسامته حلوه تجنن جنااان
وقامت ترقص وتنقز على السرير وطاحت ونامت من التعب
الساعه 2 من الليل ومنصور يالس على البحر وفر الحصى على البحر ..
منصور: ماصدقت القى حلم عمري الا طلعت اتحب اخوي بالصدفه ليش يانوف ليش ؟؟
ونزلت دموعه على الحب اللي مابتدى علشان ينتهي بهالسرعه (( الحب ومايفعل ))
منصور: اخخخ ياقلبي راح اساعدج يانوف واخليه يحس فيج ويحبج وراح اسوي كل شي يفرحج راح اخليج تستانسين حتى لو عذابي يامعذبتي
قام ومسح على ويهه واستغفر ربه وركب موتره ورد البيت

كـــــــــــــــــــت:-
التوقعات لكم ..
كتبت هالبارت تاريخ 31-2-2013

((اللهم لاتعلقني باحد فيكسرني))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 21-02-2014, 11:28 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت التاسع ..

اخبرتني ذات مره وانا في اشد حزني انك الباقي وهم راحلون عفوا اين انته ؟؟
في الصباح المشرق على جميع العوائل التي ينمو في داخلهم الحب وينتمي اليهم حب التملك في احدى البيوت الفاخره..
وفا: صباح الخير
جليله: صباح الورد
جمانه: هاي باي
جليله: حشه وين رايحه هههههههه هدي
وفا: شكلها عندها مقابله ويا الحب
جمانه: الله يسمع منج هههههههه عندي تصميم لازم اخلصه اليوم الريال بيمر يشله
جليله: الله يعطيج العافيه الله معاج
شلت جمانه سندويجه من ايد اختها ومشت متجهه لسيارة العمل فتح لها االحارس الباب هالمره كانت لابسه تنوره شفافه وداخلها قطعه سوده عليها قميص على شكل برقع وفوقه جاكيت وسكارف ونعال سطاحي وفاتحه شعرها اللي يوصل للخصر وصلت المصنع ونزلت ودخلت داخل قعدت تساعد الخياطين وتراويهم كيف وحطته في علبه وجهزته ومر الوقت ويت الساعه 12 الظهر رن تلفون جمانه
حمد: مساء الخير
جمانه: مرحبا مساء النور
حمد: جاهزه الطلبيه
جمانه: هيه اخوي متى بتي اتشلها
حمد: بعد شوي بي وابيها جاهزه
جمانه: حاضر
وسكرت الخط عنه
عند شيخه فالصوب الثاني وهي قاعده في مطار الدوله اللي مسافرتنها تذكرت الموقف اللي صار لها في مطار دبي قبل لاتسافر
............: شوفيها هاي اتشوفني استغفر الله عن حد من ربعي يشوفنا
شيخه سكتت ومارمست
............: كل بشر بهالوسيعه ملك ربي تعلمين ؟؟
واعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون
لو سمحتي عاد اسمعي وحتى لو ماتسمحين
المهم اللي بقوله تسمعينه ويسمعون
على الاقل ليا ناظرتج سوي نفسك تستحين
وغضي طرفج مثل غيرك خوف ربعي يلمحون
الركاده عاد زينه والحيا في البنت زين
تعرفيني اعرفك ما اذكر انه ملتقين
لا اعرفك من تكوني ولا تعرفي من اكون
واطماني ان كان قصدك بس فيني تشبهين ؟؟
ماهو انا اللي تعرفينه والبسر يتشابهون
مادريتي من التشابه يخلق الله اربعين ؟؟
واعرف اربع يشبهنك بس والله يستحون
وان كان قصدم شي ثاني عاد قولي وش تبين ؟؟
خايف نصير فرجه واللي ماشترى يتفرجون
واذا ببالك عاجبتني لايحوشك تحلمين
صح ربعي من جمالك فيك صارو يمدحون
بس وش لي في حلاتك دام فيها ترخصين ؟
حشمة البنت وحياها والكرامه يلفتون
ولو توفر فيج هذا مع حلاتج تبشرين
ماهو انا الف غيري باب بيتك يطرقون
وش علامك رغمم كل اللي اقوله وتسكتين؟؟
مو طبيعي هالسكوت وهالبرود وهالسكون؟؟
انتي خرسا انتي عميا اسالك ولا منتي تسمعين
............2: ياريال شوفيك ع البنت تراها عمياء ماتشوف
......1: جذاب لاتمصخرون ؟؟
............2: والله
وبعد دقايق يت شجون..
شجون: شواخي يالله سرينا
وقامت شيخه ومشت وهي ماسكه ايد اختها والولد دمعت عينه وقعد يصيح وربعه حز فخاطرهم ودعولها بالشفا
........1: سنة هالحياه وحن ترانا مؤمنين
نرد للواقع
شجون: استغفر الله شواخ شوفيج وين سرحتي زين جي راحت علينا الطياره ؟؟
شيخه: اوي السموحه صدق ولا تخرطين والله بالي ماكان معاي
شجون: عند منو عند نايف ترى كنا بنرجع له الحين بس اجلتي الطياره للفير
شيخه: سوري والله
شجون: لاعادي
رن تلفون شيخه وردت
شيخه: هلا حياتي
نايف: مس يو وصلتو البلاد؟؟
شيخه: ههه لا شو راحت علينا الطياره والرحله اتاجلت للفير
نايف: افا ليش انا متوله عليج ابي اكحل عيوني بالقمر
شيخه: قريب يا روحي ومابنفترق للابد
نايف: فديتج ان شاء الله
وقعدو يسولفون مع بعض لين ماتعبت شيخه وقررت تنام شوي ..
في الصوب الثاني ردت جمانه البيت وصعدت فوق عقت لبسها ولبست بجامه ارنب ونزلت تحت قعدت مع خواتها الساعه 10 من الليل اندق الجرس
جليله: جمون حياتي افتحي الباب وفا اتسوي العشا ويا الخدم تبى اتسممنا اليوم هههههه
جمانه: ان شاء الله
قامت جمانه فتحت الباب ولقت علبه كبيره صوب الباب عليها رساله
حمد: ادعوج باجر الى حفله صغيره اتمنى انج تقبلين الدعوه اننتظرج تحت برج خليفه بفستانج المنقوش المرسل حمد
شلت العلبه ودخلت داخل
جليله: منو على الباب
جمانه: هديه
جليله: منو يايبنها ؟؟
جمانه: حمد
جليله: منو حمد؟؟
جمانه: اللي سوى عندي فستان لحبيبته
جليله: شو داخل الصندوق؟؟
جمانه: ماعرف بس دعاني باجر على حفله
جليله: وبتروحين؟
جمانه: امممم ماعرف
جليله: تعالي قعدي وخبريني ؟؟
جمانه: شو اخبرج؟؟
جليله: شو انطباعج عن الولد؟؟
جمانه: ماعرف احسه حبوب ومثقف ويحترم البنت
جليله: خلاص حبيبتي هاد فن
وفا: جهز العشا يمي يمي يالله على السفره
جمانه: تسلم ايدج يا احلى اخت في هالدنيا
وفا: الله يسلمج احم اشوف هديه حقي؟؟
جمانه: لا مالي واحد معجب مطرشلي اياها
وفا: يابختج انا ابي اقابل معجبي
جليله: ومنو معجبج بعد انتي؟؟
وفا: اااخ يا قلبي (علااااوي)
جليله: منو علي من وين طلع بعد ها ؟؟
وفا: اااااخ لاعب نادي الجزيره علي مبخوت
جليله: وبيشوف ويهج وبينعجب فيج يعني ؟؟
وفا: ليش شوفيني رشاقه جمال وحلاه
جليله: ههههههههه فديتج والله مافيج شي كلج على بعضج جنان كلو كلو عن يبرد العشا
وكلو وخلصو وتمو يسولفون مع بعض
في شوارع دبي والشوارع مزدحمه هنالك سياره تتحرك بسرعه عاديه وفجاه ..

كـــــــــــــــــــــــــــــــــتتت:
التوقعات لكم

لو حصل من بيننا صد وجفى
شمس حبك في عيوني ماتغيب !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 15-03-2014, 09:11 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت العاشر
زهرا: اااخ راسي
نزل بسرعه وقرب صوب السياره فتح الباب
محمد: صار فيج شي اسف شي يعورج
زهرا: اااا..........
واغمى عليها توتر محمد قرب منها وشلاها وانطلق فيها الى المستشفى بعد دقايق وصل المستشفى نزل وهو شالنها
محمد: دكتوور دكتوور نيييرس حد يساعدني؟؟
يت تركض الدكتوره ويابو سرير ودزوها لين الغرفه طلع تلفونه دق على جمول
جميله: هلا الحب
محمد: مب وقتج
جميله: اعوذ بالله شام زق على هالليل
محمد: جمول اسمعي ابسرعه زهراء دعمتها واتعورت تعالي المستشفى وخبري اهلها
وسكر الخط ماعطاها فرصه تتكلم حتى خافت على اربيعتها شلت عبايتها وانطلقت الى المستشفى وصلت جمول المستشفى نزلت تركض راحت لاخوها
جميله: وينها وين اربيعتي؟؟
محمد: داخل عند الدكتور كلمتي اهلها؟؟
جميله: لا وين تلفونها ؟؟
محمد: اكووه يودي
شلت جمول الفون دورت رقم اخوها مكتوب عليه سندي في الحياه عبدالله اتصلت رن رن رن
جميله: الوو
عبدالله: هلا منو وين اختي فيها شي ؟؟
جميله: ابصراحه
عبدالله: ارمسي ابسرعه اختي فيها شي؟؟
جميله: اختك سوت حادص واغمى عليها ويابوها المستشفى وانا معاها احين امم فتعالو ابسرعه نترياكم
عبدالله: احين يايين مسافة الطريج بس باي
وسكر عنها وراح لمصعب
عبدالله: مصعب قوم زوز فالمستشفى
مصعب: هاا متى وكيف وليش وشو صار
عبدالله: قوم في السياره بخبرك كل شي
وقامو وانطلقو الى المستشفى في المستشفى
محمد: بروح اييب الريم اتيب لبسج وتقعد وياج شوي لين بعدين خلج مع البنت اوكي ؟؟
جميله: ان شاء الله
راح محمد البيت كلم ريم اتحط لبس حق جمول
ريم اخت جمول اصغر وحده واخر سنه في المدرسه
ريم: يالله جاهزه
محمد كان يصيح ومسح دموعه لما كلمته ريم
ريم: شوفيك ياخوي ؟؟
محمد صاح وقال: انا السبب انا اللي خليتها تطيح فالمستشفى
ووقف وقال: قومي نروح
ركب الموتر ووداها المستشفى
محمد: انزلي واصعدي الطابق الخامس وبمرج عقب
ريم: حااضر بس لاتتضايق
ونزلت وهي شاله لبس جموول يت بتركب المصعد تسكر ع ايديها
ريم: اااخ
مصعب: اووه سوري سووري والله
ريم والدموع في عينها : لا عادي الغلط مني مانتبهت انه المصعد سكر
مصعب: سلامتج
ريم: الله يسلمك
مصعب: اي طابق
ريم: اممم نسييت اظن الخامس
مصعب: هههههه اوكي وياي يعني
وصلو ونزلت ريم شافت اختها وركضت صوبها
جميله: وينه محمد؟؟
ريم: راح قال بمرج عقب
يه مصعب ومشى وتمت تشوفه ريم ماتدري انه اخو زهرا طلع الدكتور وقال
الدكتور: وقفنا الدم بننقلها للغرفه وتقدرون تشوفونها بس لازم حد ينام معاها من البنات
جميله: انا بنااام
عبدالله: عادي اهلج بيخلونج؟؟
جميله: زهرا شرات اختي وحبيبتي وابوي مابيمانع
عبدالله: تسلمين والله راح انردلج اياها ان شاء الله في الافراح الله مارزقنا باخت الا زهرا والبركه فيج وفي اختج
وبعد هالحوارات طلعو زهرا وحطوها ف غرفة خاصه شافوها اخوانها
عبدالله قبل لايطلع: جميله ديري بالج عليها
ومصعب يناظر بريم وريم استحت يه بيطلع رن فون ريم
محمد: انا تحت انزلي
ريم: اوكي
استانس مصعب قامت ريم وودعت زهراء وطلعت مع الشباب مشو لين المصعد ومصعب يشوفها من تحت لين تحت وعبدالله حس عليهم وابتسم
عبدالله: اقولج ريم
ريم: هلا اخوي
عبدالله: تدرسين ولا مخلصه ؟؟
ريم: هيه ادرس ثانويه عامه هههه اخر سنه ان شاء الله
مصعب: شدي حيلج
ريم: ههههه ان شاء الله
انفتح الباب
ريم: عن اذنكم والله يقومها بالسلامه
ومشت عنهم وتاركه مصعب يناظر فيها وعبدالله يضحك عليهم

مر الوقت اليوم على خير النايم صحى وكان هاليوم نشيط على الجميع منهم جمانه اللي مانامت الليل وهي اتفكر شو فالعلبه اللي مافتحتها قامت جمانه لبست جمبر وربطت شعرها ذيل حصان ونزلت تحت تتريق ويا اخواتها
جليله: شوفيه ويهج منفخ وتعبان وعيونج حمر صايحه؟؟
جمانه: لاشو صايحه بس مو نايمه من امس
وفا: تفكر بحبيب القلب
جمانه: وانتي الصادقه
جليله: حبيبتي اتريقي وروحي نامي عن تخرعين الريال في نص الليل
وفا: ههههههههه هي والله واختي الصادقه قومي انتي وويهج
جمانه: ههههههههههه اوك بس اكل بصعد انام بس وعوني على المغرب بتي الكوافيره
وفا: اوك
وكلو وسولفو وبعد ساعات صعدت جمانه ترتاح

في المستشفى عند زهرا وجمول
جميله: الحمدالله ع السلامه
زهرا: الله يسلمج شو صار فيني ؟؟
جميله: ماشي حادث بسيط وروميو انقذج
ابتسمت زهرا وهي تتذكر الموقف وكيف خايف عليها وهي تفكر قطع عليها دق الباب لبست زهرا شيلتها وقالو تفضل انفتح الباب دخل محمد شال باقة ورد وحذاله الريم
محمد: السموحه والحمدالله ع السلاممه
زهرا: مسمووح بالحيل ماسويت شي هذا قضاء الله وقدره الله يسلمك ياخوي
حط الباقه وطلع عن ايوون اخوانها
ريم: من امس متكدر ويصيح ويقول انه هو السبب
زهرا التزمت بالسكوت
جميله: زهرا
زهرا: هلا
جميله: اول مره اشوف اخوي جي الله يخليج لاتعذبينه اكثر من جي
زهرا: مب بيدي شي ياجمول حتى انا احبه بس ماباليد حيله
دقو الباب ودخلو اخوانها اول ماشافها مصعب هي عيون ريم عبدالله قعد يضحك وسلم وقامت جميله خلتهم يقعدون حذال اختهم وقعدو يسولفون ويضحكون لين مامر الوقت وكل واحد رد البيت مرتاح

في مطار دبي وصلت شيخه وهي مستانسه انه بتشوف حبيبها ختمت الجواز ومشت صوب الكراسي شافت اختها وحضنتها بالقو
شيخه: احبكم يا احلى خوات ادري تعبتكم معاااي صح ؟؟
شموخ: تعبج راحه يالله نرد البيت
شيخه: لانايف طرشلي مسج قال اترييني وانا بترياااه
تم قاعدين ع الكراسي يتريون نايف مر الوقت وبعد ساعات من الانتظار
نايف: احمم انا وصلت
صدو شموخ وشجون وناظرو فيه وهو ابتسم وقفت شيخه وتمت تناظر فيه
شيخه: انته انته اللي حبك قلبي اااخ ياقلبي
نايف: الحمدالله ع سلامتج
سلم عليها وعطاها الباقه ومشو لين السياره ركبو وكانت فرحانه انه شافت حلم حياتها ردت البيت سقت ورودها وقعدت جدامهم وقعدت تسولف معاهم مر الوقت وصعدت حجرتها ودقت على نايف رن رن محد رد حرقت فونه لين مارد
شيخه: وينك؟؟
نايف: سوري كنت بزي
شيخه: لاعادي
نايف: شو صحتج احين؟؟
شيخه: بقربك وشوفتك بخير
نايف: دوم ياروح نايف

كـــــــــــــــــــــــــــــــــــــت:
اترك التوقعات لكم

(( انتظار اشخاص لا يشعرون بنا
كرسم منظر خلاب لاعمى ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 15-03-2014, 09:13 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الحادي عشر

مر الوقت ويت الساعه 5 في بيت جمانه
وفا: جمون قومي يت الكوافيره
جمانه: بعدين بعدين ابي انام
وفا: قومي بلا هبل وراج بارتي
جمانه: اوكي 5 دقايق وردي وعيني
سحبتها وفا للحمام وعقتها فالحوض وضحكت عليها
وفا: اووف دبه
وطلعت من الحجره وقامت جمانه سحبت ودخلت الكوافيره تسوي شعرها وحطت لها ميك اب خفيف وكان كل شي خفيف طلعت راعية الصالون وقربت جمانه من البوكس وفتحته وشافت الفستان اللي سوته لحبيبة حمد شلته وتمت تشوفه
جمانه: معقوله كان يقصدني
وقفت صوب المنظره وتمت تشوف شكلها يوم كان يقول لها ..
حمد: شعرها لين خصرها وعيونها وخصرها المنقوس
ابتسمت وشلت الفستان ولبسته وكان عليها جناااان وحطت روج احمر وتمت اتشوف نفسها ودارت على نفسها فتحو عليها اخواتها الباب
جمانه: شورايكم؟؟
جليله: يخرب يت جمالج اويييلييي
وفا وهي تصفر : ياويلي انا اليوم الولد بيرتكب فيج جريمه
جمانه: اروح له فدوه اني هههههه
جليله: حاسي على نفسج
جمانه: ان شاء الله
طلعو خواتها لبس جاكيت ونزلت تحت فتح لها الدريول الباب وركبت
الدريول: على وين مدام؟؟
جمانه: برج خليفه
الدريول: حاضر
وانطلق الى برج خليفه كان حمد واقف يترياها لابس قميص ابيض وجاكيت وبنطلون جنز وجوتي nike وماسك باقة ورد حمرا وصلت جمانه ونزل السايق فتح لها الباب
جمانه: توكل خلاص
الدريول: حاضر
وراح الدريول ومشت جمانه لين ماوصلت عند البرج كان حمد واقف هناك اول ماشافها مشى باتجاها ومسك ايدينها
حمد: حبيبتي بهيئة ملاك
جمانه: لاتبالغ
حمد: وربي جنان انتي من دون مكياج قمر ومع ميك اب ملاك متى بتكونين خسفه ؟؟
جمانه ابتسمت وحط ايده على كتفها ومشى معاها للحفله شلو عنها الجاكيت صوب البوابه ودخلت داخل كانت الحفله مختلط وكل واحد مع حبيبته او حرمته من الاجانب والوافدين وجميع الجنسيات والكل كان يناظر جمانه على جمالها وتمو يرقصون ويت الساعه 12 من الليل مسكها حمد وشلاها ووداها الغرفه
جمانه: ليش؟؟
حمد: ماكحلت عيوني فيج اليوم بتنامين بين ايديني واحضاني
جمانه: حمد
حمد: عيونه
جمانه: اتحبني ؟؟
حمد: امووت فيج
جمانه: حمد
حمد: هلا
جمانه: بتتزوجني؟؟
حمد: اكيد و لا جان مايبتج هني انتي حياتي انا من دونج ولا شي
جمانه: صدق؟؟
حمد: هي
وذابت جمانه بالكلام المعسول بحب حمد لين ما نشت من الرقاد الصبح وهي بمنظر لايسمح انه يشوفها حد وشافت رساله على الطاوله
حمد: صباح الخير حبيبتي نشيت قبلج لانه وراي شغل ((احبج))
ابتسمت ودشت الحمام اتسبحت رفعت شعرها لقت حاط لها بنطلون وقميص ولبست فوقه جاكيتها وشلت الفستان وحطته فالشنطه وطلعت من الغرفه ومشت للشارع العام وركبت تاكسي وردت البيت
جليله: وينج عن التلفون خوفتينا عليج
جمانه: سوري بس انشغلت شوي وبعد الحفله نمت
جليله: معاااه ؟؟
جمانه: ها لالالا هو في غرفة وانا في غرفه
وابتسمت ومشت فوق

نشت شيخه من النوم وهي تتثاوب وقامت فتحت الستاره واتصلت لنايف
نايف: صباح الخير
شيخه: صباح الورد شخبارك حبيبي ؟؟
نايف: بخير
شيخه: دوم
نايف: متى ناشه من النوم
شيخه: قبل شوي
نايف: صح النوم يالله يادلوعة نايف قومي اسبحي
وادمعت عيون نايف وقعد يصيح
شيخه: شوفيك حبيبي الو نايف شو فيك ياروح شيخه
نايف: ولهت عليج
شيخه: انا عندك ولك مو لغيرك
نايف: الله لا يحرمني منج
شيخه: نايف
نايف: عيونه
شيخه: متى بنتزوج انته وعديتني اول ما ارد نملج
نايف: قريب ياروحي وعد قريب
شيخه: احبك
نايف: وانا بعد يالله قومي اسبحي انا بنشغل شوي وبرجع اكلمج اوكي ؟؟
شيخه: اوكي باي تيك كير

في المستشفى اتصلت ريم على جميله
ريم: جموول انزلي بسرعه يايبه اغراض
جميله: وين محمد عنج ووين العمال
ريم: والله نزلني وراح ومافي حد بسرعه محمد راح اخااف
جميله: ياربي اوك اوك اوف باي
وسكرت جميله عن اختها
جميله: انا رايحه اساعد ريم يايبه اغراض ومحمد نزلها وراح
زهرا: اوكي حبيبتي
طلعت جمول وانفتح الباب
زهرا: شو نسيتي شي؟؟
محمد: نسيت قلبي عندج
زهرا انصدمت وانبلمت قرب محمد منها وقال ..
محمد: زهرا
زهرا: هلا
محمد: حسي فيني
زهرا: حاسه فيك
محمد: احبج
زهرا: ها
محمد: احبج
زهرا: ارجوك محمد روح عن حد ايي
محمد: تتزوجيني ؟؟
زهرا دمعت عيونها وقالت: محمد
محمد: قلبه وروحه
زهرا: اخاف
محمد: من شو؟؟
زهرا: من الحب اخاف تلعب علي
طلع محمد من الغرفه

كــــــــــــــــــــــــــــــــــــت:-

1- شو تتوقعون محمد بيسوي؟؟
2- نايف وشيخه وشو قصتهم ؟؟
3- جمانه وحمد ؟؟
4- وباقي التوقعات لكم؟..


(( واحتري لقاك مثل لهفة المطر
في سما هالكون كل البشر يحتريه ..))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 31-03-2014, 07:58 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


ولي عوده من جديد
من بعد الامتحانات
واليوم ان شاء الله اذا الله اراد
راح اختم الروايه ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 31-03-2014, 08:00 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الثاني عشر

طلع محمد وخلى زهرا اللي ماتت من الصياح
زهرا: احبه والله احبه بس مو بيدي مو بيدي ياناااااس
دخلت جميله وركضت صوب اربيعتها
جميله: شوفيج شو صار فيج شي يعورج
زهرا: لا محمد
جميله: واي قلبي اخوي شو فيه ؟؟
زهرا: مافيه شي انا اللي فيني شي
جميله: متى شفتيه ؟؟
زهرا: اول ماطلعتي دش قالي تتزوجيني
جميله: وشو قلتي ؟؟
زهرا: ماقدر انا ماقدر يا جمول
جميله: ليش ؟؟
تمت زهرا ساكته
جميله: ليش ماتقدرين يالسه اكلمج
زهرا: اهلي
جميله: شوفيهم اهلج ؟؟
زهرا: عاداتنا تقول لازم تاخذين حد من اهلج غيره لو الموت
جميله: حتى اخوانج؟؟
زهرا: لا اخواني عادي بس عايلتنا الباقيه جي
جميله: لكل مشكله ولها حل بس انتي موافقه
زهرا: ماعرف ياجمول ماعرف
وحضنت جمول اربيعتها

في بيت مبارك كان مبارك نازل من الدري ولابس قميص اللي نوف يابته له والجوتي وشال السلسله في ايده بيعلقها في السياره ع الجاممه الصغيره
مبارك: مساء الخير
منصور: مساء النور
مبارك: شو الريوق
بلقيس: مسوين كل شي تعال كل وين رايح؟؟
مبارك: عندي شغل
منصور: مبارك
مبارك: هلا
منصور: مب ناوي تتزوج
مبارك: لقيت لي عروس مابقول لا
منصور: احلف صدق والله في بنت حبوبه وبتحطك في عينها
مبارك: ليش ماتاخذها انته دامك واثق انها بتخليني سعيد
منصور: انا احب مايصير احبها وابي اشوف البنت سعيده
مبارك: ليش يعني ؟؟
منصور: لانها اخت اربيعي ومن اعز الاصدقاء واحسها بتكون سعيده معاك شو قلت اكلم الريال ؟؟
مبارك: امر لله توكلنا على الله رمسه
وتريقو ومنصور عيونه ممزوره دموع خلص ريوقه وقامة راح فوق وقفل على نفسه الباب وقعد يصيح
منصور: كيف كيف يانوف ازفج على اخوي

في حجرة جمانه وهي قاعده تمت تشوف نفسها وقالت ..
جمانه: كيف انا ثقيت في حمد وارخصت له نفسي ؟؟
وحضنت نفسها وصاحت

مرت الاسابيع ودخلنا شهر جديد على جميع الشخصيات والابطال ويه اليوم المليئ بالاحداث الحزينه ام المفرحه ؟؟
في بيت شيخه وهي تسقي الزرع حد غطى على عينها
شيخه: نايف
نايف: عيونه
لفت عليه وحضنته تمت ساكته
نايف: شواخ
شيخه: هلا
نايف: تتزوجيني ؟؟
شيخه: صدق؟؟
نايف طلع الخاتم وقال: تتزوجيني ؟؟
كانت ماره شموخ وشافتهم
شيخه: هيه
ودمعت عيون شموخ وركضت داخل شافتها شيخه لبسها نايف الخاتم
نايف: بعد 3 ايام الملجه اوكي اتجهزي ..
شيخه: اوكي حبي عن اذنك بروح لاختي
نايف: اذنج معاج
ركضت شيخه عند شموخ راحت لها االغرفه وفتحت الباب ودشت
شيخه: حياتي اختي شوفيج؟؟
شموخ: خايفه عليج
شيخه: خايفه علي من شو؟؟
ششموخ: من كل شي
شيخه: لاتخافين
شموخ: اتحبينه
شيخه: هيه بس احس من رديت من السفر ونايف مب اللي كنت اعرفه قبل
شموخ: مجرد احساس يادلوعه
وقامت شموخ وشيخه وراحو لشجون
شيخه: ترى ملجتي بعد 3 ايام
شموخ: برقص لج رقص ماجفتيه في حياتج
شافتها شجون: هههههههههه صدق؟؟
شيخه: ليش لا خلها ترقص
وقامت شيخه عنهم وراحت تشوف لها فستان فالكبت حلو مالبسته حق الملجه

في بيت ابو عبدالله في حجرة زهرا
زهرا: جمووول
جميله: هلا حياتي
زهرا: شو الحل احين
جميله: قلت لج
زهرا: تتوقعين بتنجح الخطه
جميله: وليش لا
زهرا: اوكي يالله سكري
طلعت زهرا لاخوانها
عبدالله: فديت هالويه
زهرا: فدوه
عبدالله: تعالي قعدي فحضن اخوج من زمان ماقعدتي عنده
زهرا قربت من اخوها
عبدالله: فيج شي حد زعلج قولي اذبحه؟؟
زهرا: لا
عبدالله: عيل قولي شو فيج افتحي لي قلبج لو ماقلتي لي بتقولين لمنو ؟؟
زهرا: تبى الصراحه تعبت
عبدالله: سلامتج من التعب من شو تعبتي
زهرا: محمد
عبدالله: منو محمد؟؟
زهرا: اخو اربيعتي
عبدالله: هيه وحليله شو فيه ؟؟
زهرا: يبى يتزوجني
عبدالله تم يشوفها : بس انتي تعرفين الرد
زهرا: اعرف وقت له بس عاند واربيعتي تخاف يسوي بعمره شي لانه اول مره يتعلق بحد هالكثر .. عبدالله
عبدالله: هلا؟
زهرا: انته مووافق ؟؟
عبدالله: هيه بس خايف على قلبج عن ينكسر نحن الشباب مارحمونا كيف انتي تعرفين عمامح وخوالج كيف
زهرا: خلهم علي
عبدالله: اوكي
وحضن اخته اكثر
زهرا: الله لايحرمني لا منك ولا من مصعب
عبدالله: امين ولا يحرمنا منج
مصعب: ماشاء الله قلة ادب اشوف انا
فلعه عبدالله بالمخده وضحكو كلهم

في بيت نادر
نادر: دبوووه
نوف: دبووه في عينك
نادر: روحي فوق اربيعي منصور بيدش
نوف: اوكي
وهي صاعده دخل منصور
منصور: سمعت اخر خبر ؟؟
وهو كان يشوف نوف وهي تصعد
نادر: شو ؟؟
منصور: مبارك حسن ملج
نوف قلبها وقف صعدت الحجره بسرعه وسكرته بالقو ودمعت عيون منصور ومسح دموعه قبل لايشوفه نادر
نادر: انزين وشو الموضوع اللي يايني عشانه
منصور: ابي اخطب اختك حق اخوي
نادر: اختي انا ؟؟
منصور: هيه شاورها وخبرني بس بشرط
نادر: شو ؟؟
منصور: مايبى يشوفها الا فالعرس يملجون بكتاب وانته تعرفني واسال عنه
نادر: اوكي
وطلع منصور وركب موتره
منصور: اعرف يانوف بتوافقين

مرت الايام ..

.....................: ليش ماتقول لها الصدق؟؟
_____________: اي صدق انتي بوعيج ؟؟
.............................: هيه انخبرها اتخيلو عرفت ؟؟

كــــــــــــــــتت:-

اشتقت اليك
فعلمني ان لا اشتاق ..

2-1-2014


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 31-03-2014, 08:05 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الثالث عشر ..

في بيت من البيوت الساعه 4 العصر
زهرا: السلام عليكم
عم زهرا: وعليكم السلام
زهرا: شخبارك عمي ؟؟
عم زهرا: الحمدالله بخير امري يابنتي حياج تفضلي
زهرا مشت متجهه لعند عمها وقعدت مجابلتنه
زهرا: اممممم عمي في واحد خطبني
عم زهرا: وتعرفين الاجابه
زهرا: بس
عم زهرا: لابس ولا شي
زهرا: تباني يعني ادش السجن ؟ علشان زواج ولا اتزوجه ويحطني بعينه ؟؟
عم زهرا: وليش تدخلين السجن ؟؟
زهرا: انا دعمت واحد ونزلن اتضاربت معاه وهو بلغ علي وانعجب فيني وقال تبيني اتنازل تتزوجيني قلتله انه لازم اخذ حد من الاهل بس ماسمعني وقال لج بس اليوم ولازم ارد عليه
صاحت زهرا
زهرا: ارجوك عمي ارجوك وافق ترى هالعادات بتضيعنا
عم زهرا تم يفكر
عم زهرا: خلاص خلي الريال باجر يمر علي وراح اشوفه واسال عنه
استناست زهرا وقامت باست راس عمها وطلعت ركبت الموتر دقت لجمول وهي طايره من الفرحه وردت البيت وخبرت اخوها عبدالله وحضنها عبدالله وفرح لها
عبدالله: الله يهنيج محمد ريال والنعم فيه مابنلقى احسن منه

في بيت ابو شموخ
شموخ: شيخه اليوم ملجتج ومتاخره يالله لااااا
شيخه: اوكي الحين يايه
لفت شعرها لبست عبايتها وركبت الموتر وراحت الصالون يكشخون لملجة شيخه

في بيت جمول دقت الباب على اخوها
محمد: خير
جميله: روح ول مب ويهه حد يبشرك بشي
محمد: هههههههههاي فديتج والله امزح تعالي
جميله: يالله روح مابي
محمد: يالله روح بابا روح واشطططح
يت ريم تركض
ريم: شو صاير ليش تصرخون ؟؟
جميله: ماشي .. اسمع محمد باجر
محمد: هيه
جميله: باجر عم زهرا يبى يشوفك
نقز محمد: احلللفي
جميله: والله بعد زور وغصه
ريم ابتسمت وراحت الغرفه وجابلت دبدوبها
ريم: مافي امل احبك يا مصعب دام زهرا ومحمد حاربو لجل حبهم نحن مافي امل نحارب عشانه

في بيت نادر..
نادر: فديت الحلوه شوفيها من ايام بالها مب وياها ؟؟
نوف: ماشي
نادر: ياينج علشان طلب
نوف: امر اخوي
نادر: باينج خطيب ويبى رايج؟؟
نوف: منو ؟؟
نادر: امم اخو منصور
نوف: منصور؟؟ مافي غيره اربيعك
نادر: ههههههههه هيه
نوف: لا مابي
نادر: ليش حتى انتي مافكرتي ترى الريال بيخطبج ومابيشوفج الا فالعرس وبتملجون على الكتاب
قامت وراحت الحجره وقعدت تصيييح
نوف: مبارك عرس وحتى مايعرف شي عني ليش اوقف حياتي عليه ؟؟
ودخلت في نوبة صياح


مر الوقت ويت الساعه 7 ونص من الليل
شيخه: اوكي شكلي ؟؟
شموخ: جنااااااااااااان
كانت لابسه شيخه مغربية ماسكه ع الخصر وكانت الحفله عائليه وكانت فاتحه شعرها ومسويه نفخه من جدام كانت ناعمه وحلوه

عند جمانه نزلت تحت عند خواتها كانت لابسه بنطلون وقميص ميكي ماوس ومسويه ذيل حصان على جنب وحاطه مسكرا وروج احمر
جمانه: انا بروح عندي شغل وبرد
جليله: حاسبي على نفسج حبيبتي
جمانه: حاضر
وطلعت وفتح لها الدريول الباب وركبت
الدريول: على وين ماما
جمانه: بيت حمد
الدريول: ان شاء الله
وانطلقو الى بيت حمد

في الصوب الثاني في بيت زهرا
عبدالله: انا طالع تبون شي ؟؟ بروح اتحوط شوي
زهرا: سلامتك وحاسب ع نفسك
عبدالله: ان شاء الله
باس راس اخته وطلع راح يتحوط واتجه الى الجي بي ار يكمل حواطته هناك

كـــــــــــــــــــــــــت:-
1- جمانه ليش راحت بيت حمد؟؟
2- شيخه وملجتها ؟؟
3- باقي التوقعات لكم ..

تبيني ارحل ؟؟
برحل بس لاتوجعني بكلامك
وتصرفاتك ..!


الرد باقتباس
إضافة رد

روايتي الرابعه: عند الفراق سأمضي بين الجنة والجحيم بأقترابي وابتعادي عنك/كاملة

الوسوم
الجنب , الرابعه: , الفراق , بأقترابي , روايتي , سأمضي , والدحيم , وابتعادي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
انها الجنة Baylisan7 مواضيع إسلامية - فقه - عقيدة 7 27-03-2016 10:48 AM
ميراث في الجنه كناريا` مواضيع إسلامية - فقه - عقيدة 11 20-03-2015 07:11 PM

الساعة الآن +3: 07:29 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1