غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 31-03-2014, 08:52 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الرابع عشر ..

وصلت سيارة جمانه عند بيت حمد ونزلت بكبريائها المعتاد ودقت الجرس طلعت الخدامه.
الخدامه: السلام عليكم
جمانه: وعليكم السلام بابا حمد موجود؟؟
الخدامه: هيه ماما داخل
جمانه مشت ورى الخدامه واتريت حمد في الصاله بعد دقايق يه حمد
جمانه: ممكن اعرف ليش ماترد على مكالماتي؟؟
حمد: ليش ارد خلصت من حايتي الحين ادور غيرج
جمانه: حايه اي حايه تقصد
حمد: لعبت فيج وفريتج شو ابي فوحده شراتج ؟؟
قربت منه جمانه وحصل كففف حاااااااااااار طرااااااااااااااااااااااااااااااااااخ
جمانه: يعني كلامك كان جذب ؟؟ كله جذب بجذب يعني انته ماتحبني ؟؟
حمد: احب وحده منحطه شراتج ؟؟ مب من مستواي
دمعت عيون جمانه من الصدمه
جمانه: تف عليك انته اصلا مب ريال يعني طول الوقت فكرت انه بتكون لي طلعت تلعب علي ؟؟ حسبي الله عليك الله يلعنك
حمد: ههههههههاي اكون لج يخسي الا انتي لو سمحتي طلعي برع من بيتي وشوفي لج واحد خايس شراتج
جمانه: انا اشرف منك يالخايس وخاست ريحتك
شلت اغراضها وطلعت برع وهي مصدومه كيف حمد اللي اول شخص يدش قلبها يكسره يحطمه ركبت السياره وقعدت تصيح
جمانه: ليش ليش ياحمد ليش حيوان خسيس جباااااااان جباااان
الدريول: يرجع بيت ماما
جمانه: لا ودني اي مكان قريب من هني
الدريول: جي بي ار
جمانه: اوك
وانطلق الدريول متجه الى الجي بي ار وجمانه طول الدرب تصيح من الصدمه وصلو الجي بي ار نزلت من السياره واتجهت نحو السلم لقت واحد عاطنها ظهره ويطالع الجي بي ار من فوق ويتامل قربت منه وقفت على الرف عقت جاكيتها ورفعت ايدينها معلنه الاستسلام لهاي الدنيا معلنه نهاية حياتها والولد منصدم يشوف هاي شو تسوي يت بتفر نفسها مالقت الا مسحوبه وطاح عبدالله وطاحت جمانه فوقه
جمانه: ليش ليش ابي اموت خلني امووت خللننننننننني
عبدالله: ليش شو تموتين وانا ابتلش فيج ويقولون دزيتج خبله انتي اصلا
تمت تشوفه وصاحت لين مافقدت الوعي خاف عبدالله وتحرى ماتت
عبدالله: ياربي شهالبلوه
شلاها ونزل فيها الدري الكل يشوفه يفكرهم حبايب وركبها السياره وانطلق فيها الى المستشفى يت الدكتوره ودزوها للغرفه وبعد ساعات
الدكتوره: المدام يالها انهيار عصبي مما ادى الى انها ماترمس حد يتلها حاله نفسيه وصدمه
انبلم عبدالله: استغفر الله اوكي شكرا دكتوره
ودخل عندها الغرفه وتم يشوفها حس تبى حنان تبى دفى تبى حد يلمها ويشل همها لكن منو اللي بيفهمها انا بفهمها ولا لا ؟؟ قرب منها ومسك ايديها
عبدالله: ارمسي شوفيج انا ماعرفج افتحي لي قلبج ويمكن اقدر اساعدج
تمت تصيح وتمسح دموعها وترد تصيح دخلت الدكتوره
الدكتوره: اسفه فكرت محد عندها هاي ورقه خروجها تقدر تطلع
عبدالله: شكرا دكتوره تعبناج ويانا
الدكتوره: ماسويت شي هذا واجبي الله يشافيها وترجع لك وتفرحون بعيالكم
عبدالله تم يشوف جمانه وابتسم وشلاها وحطها في الكرسي ركبها السياره وانطلق فيها الى المستشفى النفسي جمانه تمت اتشوفه
عبدالله: لاتخافين بس انتي محتاجه هالشي
نزل ونزلها معاه دخلها الغرفه وراح البيت وتم طول الوقت يفكر فيها مب رايم يسوي شي

الصوب الثاني عند شيخه كانت تدور خواتها لقت حد يتكلم فالغرفه
شموخ: بطي ليش ماتقول لها الحقيقه ؟؟
بطي: انتي مينونه اي حقيقه ؟؟
شموخ: هالحقيقه اللي انا وشجون نعرفها واختك بس شيخه الوحيده اللي ماتعرفها
بطي: حرام توها شافت الدنيا نرد نصدمها ؟؟
وايقت شيخه من الباب ولقت نايف
شيخه: نايف شو يسوي مع خواتي
شجون: احس لو عرفت بتنصدم
شموخ: انا من البدايه كنت بقول لها ما ارضى اشوف حبي وحياتي مع اختي بطي تعرف انته شكثر انا احبك
شيخه: شو تقصد شموخ كيف يعني انا اخذ بطي بس هذا نايف ؟؟ مب بطي وكيف نايف تحول بطي ؟؟ شو يخربطون هاذيلا ؟؟
دمعت عيون شيخه من الخوف
بطي: يعني شو اقول لها انه نايف مات لما يا يشوفج في المطار وانا تاخرت لانه كنت اشوف جثة اخوي وييت لج ومثلت عليج اني انا نايف علشان ماينكسر قلبج جي اقول لها ؟؟
شموخ: بس انا احبك بطي احبك
بطي: حتى انا احبج ومع الايام بتعرف الحين لا ومالي ويه اجابلها واقول لها هالكلام
دخلت شيخه وابتسمت
شيخه: لا مو مع الايام انا عرفت وماله داعي تقولي وتجابلني
ودمعت عيون شيخه وصاحت
شيخه: ليش؟ ليش جذبتو علي مو حرام عليكم ؟؟ ليش ماخليتوني احضر عزاه واودعه قبل لا يندفن ليش
قربت صوب بطي وحصل كف محترم طرررررررررررااااااااخ
شيخه: انته حيوان وكلب اكرهكم كلكم كلكم كلكم
ركضت لبست عبايتها وركبت السياره وسارت لمكان بعيد بعيد مافيه غير نايف وشيخه ونزلت المقبره وقعدت تدور اسم اسم لين مالقت اسم نايف وطاحت ع الارض منهاره مستسلمه
شيخه: ليش ليش يانايف ليش انته خدعتني لما مت ليش ليش رحت وخليتني ليش شيخه تحبك انا ناظرت علشانك وعلشان اشوفك نايف ارجع لي ارجووك رد لي يارب خذ روحي بس رد لي ننايف اهئ اهئ
وتمت اتصيح على ملجتها اللي ماكتملت وعلى حبيبها اللي راح
شيخه: كنت اتمنى هاليوم ايي واكون كاشخه لك البس لك اكون ملكك انته وبس نايف لشيخه وشيخه لنايف ومحد يبعدنا ابد ووعدنا بعض مايفرقنا الا الموت وهذا هو الموت فرقنا وخذاك مني ليش ماخذاني قبلك ليتني رديت الفير ليتني يمكن كنت بطيح فحضنك بس احين من بيلمني بحضنه نايف ارجغ لي ارجوك ارجع لي ااااخ ياقلبي
شافت ماشي امل وقفت وركبت السياره وتحركت راحت صوب البحر
...........: لوسمحتي
صدت شيخه تشوف منو وقالت: نعم ؟؟
شاف الريال عيونها حمر
.............: سلامتج شوفيج؟؟
زار صياحها واغمى عليها خاف عليها الولد وشلاها ووداها المستشفى ودخلوها الغرفه
الدكتوره: ضغطها مرتفع وايد
............: سلامتها يعل التعب في عدوينها
الدكتوره: تقدر تدش عليها احين
........: ان شاء الله
قرب من الباب وفتحه وتم يشوفها
شيخه: انته منو وشو بغيت مني ؟؟
.............: انا الريال اللي قلت فيج الشعر
شيخه: هيه نعم اخوي امر شو بغيت قول اللي عندك واتوكل
...........: ابي اعتذر منج
شيخه: انا مب زعلانه منك
..........: وتدري عاد يالكفيفه حنا ترى متشابهين
وان مانعمت ابصارنا قلوبنا هم اللي يعتمون
يالكفيفه يالعفيفه ان قلت اسف تقبلين ؟؟
يغفر الله ذنوب عبده ليا خطا
وهل تغفرون ؟؟
شيخه صااحت حيل
شيخه: اانا مب زعلانه انا متضايقه
قرب منها ومسك ايدينها
...........: اسمعج قولي اللي بخاطرج
شيخخه: ابي حبيبي ابيه يرجع لي ليش راح وخلاني وحيده كنا بنتزوج بس راح
........: خانج او تركج؟؟
شيخه: ياريت ياريت لو تركني بس هو راح وماراح يرد ابد راح عند ربي
.........: مات؟؟
شيخه: هيه مات ياليتني رحت قبله
............: اوووش لاتقولين جي مب زين هو محتاج دعائج مب صياحج

كــــــــــــــــــــــــــــت:
1- اترك التوقعات لكم

ان كان قلبك مالقى من يداريه
عيش الزمان لوحدك وقول خيره ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 31-03-2014, 09:41 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الخامس عشر ؟؟

مرت الايام وكان الشاعر كل يوم يتطمن على شيخه ومايخليها روحها عن تحتاج شي لين يه اليوم اللي شيخه لازم تطلع من المستشفى
الشاعر: كيف بلتقي فيج ؟ من اول ويديد
شيخه: مثل ماجمعنا القدر مرتين راح يجمعنا المره الثالثه اذا الله اراد
الشاعر: مصيرنا والكون ياعمري يدور
وبنلتقي وسط دبي بنلتقي
ابتسمت شيخه زهبت اغراضها وقامت لبست عباتها
الشاعرر: ممكن طلب ؟؟
شيخه: امر
الشاعر: اوصلج لسيارتج
شيخه: لا مشكور مابي اكلف عليك
الشاعر : عاد طالبنج وترديني ؟؟
شيخه: ههه اوكي
شل اغراضها ومشى وياها للسياره ووصلها لسيارتها ركبت السياره ودقت له هرن ومشت توجهت لبيتها

في اليوم اللي راح فيه اخو جمول بيت عم زهرا كان كاشخ ومتدخن ويدندن مشى لين السياره وتوجه لبيت عمها وصل ونزل
محمد: السلام عليكم
تخاشم مع عم زهرا ودخخله الميلس وقعد يسولف معاه وحباه وحسه انه بيحط زهرا في عينه
عم زهرا: خلاص انته ريال والنعم فيك نحن موافقين تعال انته واهلك ونحدد اليوم
وعطاه عم زهرا رقمه حق محمد وسلم محمد عليه وطلع من البيت ورد وهو مستانس
جمول: ان شاء الله دوم هالابتسامه شاقه حلجك
محمد: امين بوجود زهرا قربي
ريم: مبروك اخوي مقدما
محمد: عقبالكم

في بيت ابو نادر..
نادر: حيا الله بالمختفيه وينج جنه ماعندج اخو تسالين عنه
نوف: السموحه كنت تعبانه
حضنها نادر
نادر: لو ماتبين الريال عادي برده بس خاطرج لايتكدر
نوف: لا عادي انا موافقه
نادر: صدق؟؟
نوف: هيه
نادر: ترى اخو منصور بيحطج في عينه
نوف: ان شاء الله
قامت جهزت العشا لاخوها

نرد للواقع ردت شيخه البيت وفتحت الباب لقت خواتها قاعدات فالصاله
شيخه: السلام عليكم
وقفو خواتها وركضو صوبها وشيخه ابتعدت تمت اتشوفهم
شموخ: انا اسفه شيخه
شجون: ندري زعلانه
شيخه: لا مازعلت منكم بس اللي سويتوه خطا كان بامكانكم تخبروني وانا بهدي نفسي بس ماتخدعوني بحب شخص مايحبني
وشافت شموخ وقالت ..
شيخه: لو كنت ادري انه بطي جان ماخذته منج لانه مستحيل اخذ حبيب اختي الحين عرفت ليش شفتوني فالمطار وليش صحتي مو خوفا فيني تخافين يروح من ايدج حبيب القلب خليته لج اتهني فيه واشبعي منه
ومشت وراحت فوق وحطت لبسها وبدلت لبسها وراحت بيت نايف دقت الجرس فتحت الخدامه الباب ودخلتها وشافت نجود
نجود: مرحبا شيخه
كان نازل بطي من الدري
شيخه: مرحبتين عادي اروح حجرة نايف ؟؟
بطي: مرحبا شيخه السموحه
شيخه: لا مسموح عادي تعودت على الجرح
مشت وراء نجود لغرفة نايف فتحت الباب لقت الحجره نفس ماهي اول ماطاحت عليها صورته ربعت وشلتها حضنتها وصاحت وتذكرت يوم سبحته بالماي ويوم السوق ويوم تخرطف وزاد صياحها مسحت دموعها لقت علبتين فتحتهم لقت خاتمين نفس الشي واحد للبنت والثاني للولد وتذكرت لما قال بخطبج في المطار شلت الخاتم لبست وخاتم حطته في سلسله وعلقته ع رقبتها وقامت شافت حجرته وطلعت
شيخه: عند الفراق سامضي بين الجنه والجحيم باقترابي وابتعادي عنك

في بيت زهروه راحت لعبدالله دقت باب الحجره لامجيب
مصعب: تدقين على منو انتي محد عبود طلع
زهرا: وينه؟؟
مصعب: ماعرف طالع من زمان
في المستشفى عند عبدالله
الدكتوره: مب راضيه ترمس ولا حد وين رحت وخليتها ؟؟
عبدالله: سوري والله اي غرفه هي ؟؟
الدكتوره: الطابق الخامس غرفة رقم 5999
عبدالله: اوكي
راح لغرفة جمانه ودق الباب ودش فتحت عيونها جمانه
جمانه: وينك ليش خليتني ورحت ليش الكل يتركني ويروح
عبدالله قرب منها ومسك ايديها
عبدالله: سوري وعد ما اتركج الا لما تردين احسن عن قبل
جمانه: شكرا تعبتك معاي صح ؟؟
عبدالله: امممم تعبج راحه
رن تلفون عبدالله ورد
عبدالله: هلا حياتي
زهرا: وينك؟؟
عبدالله: موجود ياروحي عند واحد من الربع
زهرا: لما ترجع مرني ابيك اوكي؟؟
عبدالله: ان شاء الله حياتي يالله باي
وسكر عن اخته ماتجرات تساله منو حرمتك بنتك اختك ؟؟
حس فيها وحب يلطف الجو
عبدالله: اختي تسلم عليج
جمانه ابتسمت بارتياح: الله يسلمها ههه
عبدالله: شو اسمج؟؟
جمانه: اسمي جمانه وانته
عبدالله: انا عبود
جمانه: هههههه عاشت الاسامي
عبدالله: عاشت ايامج .. جممووون
جمانه: هلا
عبدالله: افتحي لي قلبج
جمانه تمت تشوفه: ماتقاطعني ؟؟
عبدالله: ابد
جمانه حكت له كل السالفه من اول ماياها المصنع لين وقت الانتحار تمت تشوف عبدالله وابتسم
عبدالله: سرج في بير
جمانه: عبدالله
عبدالله: هلا
جمانه: يابخت اللي بتاخذك
وتمو يسولفون لين مانامت جمانه لحفها وطلع راح لاخته
زهرا: مرحبا
عبدالله: مرحبتين
زهرا: اقولك عمي مدح محمد وحبااه
عبدالله: الله يهنيكم
زهرا: امين فيك شي؟؟
عبدالله: لا حبيبتي بروح انام تعبان تامرتني بحايه؟؟
زهرا: سلامتك
ومشى عبدالله متوجه للغرفه

عند شيخه قعدت على سريرها وتمت تشوف صورة نايف ودمعت عيونها
شيخه: خلاص شيخه انتي لازم ماتصيحين لازم تدعين له وتسوي له شي يحصل اجر من وراه
((هناك من يترك هاتفه بلا رنين لانه فقد الامل ))

كــــــــــــــــــــــــــت:-
1- التوقعات اتركها لكم ..

حتى انه الكاتب يطلق شعارا جديدا
قولي ماذا تذكرين ؟؟
اقول لك من انت ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 31-03-2014, 10:08 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت السادس عشر ؟؟

في صباح يوم جديد على جميع العوائل نش محمد نزل يتريق ويا اهله
محمد: صباح الخير
ابو محمد: صباح النور
محمد: ابوي ترى بنروح بيت الناس
ابو محمد: شوف اليوم على العشا لو يناسبهم
محمد: ان شاء الله
باس راس ابوه وراح ياب فونه واتصل لعم زهرا
عم زهرا: هلا والله
محمد: اهلين السموحه على الازعاج لو متصل في وقت غلط
عم زهرا: لاعادي امر ياولدي وتدلل
محمد: اممممم عادي اليوم اني انا واهلي على العشا
عم زهرا: حياكم الله البيت بيتكم الحريم والرياييل ولا ؟؟
محمد: هيه مره وحده احسن
عم زهرا : خلاص تم نترياكم بعد صلاة العشا
سكر محمد من عم زهرا ودق عم زهرا على زهرا
زهرا: صباح الخير عمي
عم زهرا: هلا على المغرب تعالو البيت عندي
زهرا: ليش؟
عم زهرا: بيون اهل خطيبج ونحدد مع بعض وقت الملجه
زهرا: ان شاء الله
وطارت زهرا من الفرحه على وشك الموت وسارت خبرت اخوانها قام عبدالله وراح المستشفى عن ينشغل بعدين عنها ومايشوفها

نشت شيخه وقامت راحت الحمام عزكم الله تسبحت ولبست لبسها وطلعت برع ..
شجون: صباح الخير
شيخه: صباح النور
شجون: شكلج طالعه
شيخه: هيه عندي شغل
شجوون: تبيني اي معاج
شيخه: لاشكرا ماله داعي
شجون: ماتبين ريوق
شيخه: لابالعافيه
وراحت شيخه لين السياره وركبت واتجهت الى مكاتب مال المقاولات ونزلت مشت ودقت الباب
............: تفضل
شيخه: صباح الخير
......... رفع راسه وشيخه انصدمت

في المستشفى كانت جمانه ترمس اخواتها وتطمنهم عليها سمعت الباب انفتح كان عبدالله شال ريوق
جمانه: يالله باي يت الدكتوره عقب برمسكم
سكرت عن اخواتها ابتسم عبدالله..
عبدالله: ياريتني دكتورتج هههههههه
جمانه: شخبارك ليش متعب نفسك
عبدالله: مب حقج منو قاص عليج
ضحكت جمانه واول مره يشوف ابتسامتها وضحكتها
عبدالله في قلبه: ياويلي على الضحكه
جمانه: شوفيك ماتباني اضحك ؟؟
عبدالله: امبلا دوم ان شاء الله
جمانه: ويااااك
طلع الريوق وحطاه ع الطاوله وبدى ياكلهاا
جمانه: اقدر اكل مب ياهل
عبدالله: اوووش
جمانه: عبدالله
عبدالله: عيونه
جمانه: اليوم ياي من وقت مب من عادتك
عبدالله: لانه بنشغل عنج فليل
جمانه: ليش ؟
عبدالله: اليوم ناس يايين يخطبون اختي
جمانه: بالبركه عقبالك
ابتسم عبدالله وكلو وقعدو يسولفون وتم قاعد معاها

عند نادر اتصل لمنصور
نادر: هلا والله
منصور: اهلين بشر
نادر: وافقت
منصور: صدق
نادر: هيه
منصور: الله يبشرك بالخيير يالدب
نادر: جنه انته اللي بتعرس مب اخوك
منصور: دلوعي هذا ليش ما افرح له
نادر: يالله اجلب ويهك
منصور: اوك الملجه على الاسبوع الياي والعرس اول الشهر الياي
نادر: ان شاء الله
وسكر من اربيععه

في بيت نجود كانت تفتح الدريشه شافت سيارة واقفه صوب الباب طلع بطي وقرب صوب الموتر نزل نواف
نجود: اوييييييييييييييييييييييه
بطي: هلا والله بنواف
نواف: اهلين
صد صوب البلكونه حصلها واقفه وابتسم
نجود: اوييه شكله ياي يقول لاخوي انه دفع عني
طلع نواف بوكه وطلع منها بطاقه وعطاها لبطي بس نجود تتحرى فلوس لانه ماشافت
نجود: اوييه ليش عطاه الفلوس انا المفروض ارجع له مب هو
بطي : لاتنسى عرسي الشهر الياي
نواف: بالبركه
بطي: الله يبارك عقبالك
نواف: اصلا ياينك علشان تخطب لي واعرس وياك بالمره
بطي بطل عيوننه: اخطب لك منو هالبنت اللي خلتك تحب العرس
ابتسم نواف: اممممم ماتزعل
بطي: لا ليش ازعل ؟؟
نواف: اختك
بطي: اختي انا
نواف: هيه
بطي: والله نتشرف اسال اختي وارد عليك
سلم عليه وراح

نرد للمكتب مال العقارات
شيخه: انته ؟؟
..............: القدر جمعنا بسرعه
شيخه: شفت عاد كيف ؟؟
...........: امري بشو اقدر اخدمج
شيخه: ابي ابني مسيد
............: باسم منو تبنينه ووين ..؟؟
شيخه: اي مكان محتاجين بناء مسجد راح اتكلف فيه
.............: خلاص حطي رقمج وراح نخبرج
شيخه: اوكي
كتبت رقمها وطلعت

كــــــــــــــــــــــــــــــــــت:-
1- اترك لكم التوقعات


اللي يحس اني اعزه لحاجه
ينسى المعزه ويعتبرني ماعرفته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 31-03-2014, 10:09 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


راح اكمل البارتات باجر ان شاء الله
وتصبحون على خير ؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 06-04-2014, 06:41 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


انتظروني مع البارت القادم ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 06-04-2014, 06:45 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت السابع عشر ..

الساعه 6 المغرب وصلت سيارة عبدالله في بيت عمه ونزلو زهرا ومصعب وعبدالله ودخلو داخل تمو قاعدين في الصاله ويا عم زهرا وعمتها واخوانها ..
عم زهرا: عبدالله
عبدالله: هلا عمي امر
عم زهرا: ليش ماتخطب بنت خالتك وتعرس انته واختك في نفس اليوم
تم ساكت عبدالله وقال: ان شاء الله خير
عم زهرا: ماشي ان شاء الله خير مالك غيرها وهي مالها غيرك يالله توكلنا
تم ساكت ماحب يخرب سعادة اخته وبعد ربع ساعه وصلو اهل محمد
( جميله – محمد – ريم – ابو محمد ) دخلو الشباب الميلس والحريم الصاله
و انعجبت عمة زهرا بريم وتمو قاعدين وحددو وقت الملجه على الاسبوع الياي وباس محمد راس عم زهرا وتعشو وهم طالعين
ريم: نسيت تلفوني على الطاوله برجع اييبه
ردت داخل دعمت في مصعب مصعب رفع راسه شافها وابتسم
ريم: سوري
مصعب: لا عادي
ومشت ريم اتيب فونها وهي راده كانت عمة زهرا ورا الباب تناظرهم
مصعب: ريم
ريم وهي منزله راسها: هلا
مصعب: احبج
رفعت ريم راسها وتمت تشوفه ودمعت عينها
مصعب: شوفيج والله ما العب عليج صادق بمشاعري وحبي لج
ريم: ادري حتى انا احبك بس
مصعب: بس شو؟
ريم: حبنا مابيكتمل ابد انا وانته مابنقدر نحارب علشان حبنا ولا انته تقدر تواجه عمك مثل اختك
مصعب: ريم
ريم: هلا
مصعب: بتنتظريني لاخر نفس فيج لين مانعرس ؟؟
ريم: وعد اوعدك يامصعب انتظرك لاخر نفس فيني
ومشت عن مصعب وراحت السياره وهي تفكر
ريم: لو كان الحب اختياري يا مصعب جان ماحبيت احد الا انته

في بيت ابو بطي ..
بطي: نجوودووه
نجود: ها هلا هي
بطي: هههههه شوفيج
نجود: ها ولا شي
بطي: مبروووك
نجود: على ؟؟
بطي: انخطبتي
نجود: شو من منو ان شاء الله منو اللي امه داعيه عليه ؟
بطي: اربعي نواف اللي كان رافض فكرة الزواج بس من شافج اتخبل الريال مادري شو سويتي فيه وانا احس ماسويتي فيه الا كل خير
نجود: ان شاء الله خير
ومشت عن اخوها وهي تتذكر الموقف
نواف: طاحو منج
نجود: اااخ ياقلبي

الساعه وحده من الليل كانت شيخه يالسه تحت مع خواتها يشوفون مسلسل رن فونها وردت
شيخه: هلا
.......: مرحبا
شيخه: الشاعر ؟؟
الشاعر: عيونه
شيخه: هلا امر اخوي؟؟
الشاعر: مسيد نايف بينبني في ................
شيخه: مشكور والله ماعرف كيف اشكرك
الشاعر: لا شكر على واجب
وسكر وكان وده يطول

في بيت عبدالله..
عبدالله: اخخ ياعبدالله بعد كم يوم بتملج مع اختك وبتعرس والله وكبرنا ههه
في حجرة زهرا
محمد: اخييرا
زهرا: ههههههههههه اصبر مابقى الا القليل بتكون زهرا بين ايدينك
محمد: يالبه ماقدر استحمل اخاف اموت قبل لا اشوفج
زهرا سكرت الخط في ويهه وحرق فونها ماردت
محمد طرش لها مسج: سوري مابعيدها والله اخر مره
زهرا: هههههه سخيف امموت فيه اونه السخيف يطري الموت حيووان

رقدو كل العوائل ويه اليوم الثاني اللي مشغول يزهب لعرسه واللي يزهب لملجته عند عبدالله في المستشفى ..
جمانه: عبدالله
عبدالله: هلا
جمانه: شوفيك بشو يالس تفكر
عبدالله: ولا شي سلامتج
وتم يسولف وياها ونام ذاك اليوم عندها الصبح الساعه 7 ونص سمعو حد يدق الباب ودخل الدكتور بعد ماسمحو له انه يدش
الدكتور: صباح الخير
عبدالله+جمانه: صباح النور
الدكتور: كيف صحتج اليوم يا جمانه؟؟
جمانه: الحمدالله بخير
الدكتور: الحمدالله خلاص اليوم انتي بتطلعين من المستشفى
جمانه: ان شاء الله
ابتسم لها الدكتور وطلع جمانه تمت تشوف عبدالله
عبدالله: شوفيج؟؟
جمانه: ولا شي بس صرت روتين حياتي مادري كيف بستحمل بعادك صرت احب المستشفى لاني اناظرك فيه
عبدالله ابتسم وقطع عليه رنت تلفونه
عبدالله: هلا زوز
زهرا: وينك ييت اوعيك للريوق ماشفتك
عبدالله: هيه انا من امس فالمستشفى عند ربيعي منوم
زهرا: سلامته يالله عيل خلك معاه الله يشافيه
عبدالله: الله يسلمج امين باي
وسكر من اخته..


كـــــــــــــــــــــــــت:-
1- اترك التوقعات لكم ..؟


لاتعدني بالبقاء فانا
كل وجعي سببه وعد ..*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 07-04-2014, 10:52 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت الثامن عشر ..

وبعد دقايق دخل الدكتور وهو شال ورقه خروج جمانه وجمانه دمعت عيونها ومسحتها بايديها قبل لا ينتبه عليها عبدالله
عبدالله: جاهزه ؟؟
جمانه: هيه
قامت جمانه من ع السرير وعبدالله شال شنطتها وتوجههو الى السياره فتح لها الباب وركبت وركب شنطتها فالدبه وركب وانطلق الى بيت جمانه وهي فالسياره طول الوقت ساكته شافت الدريشه وخلت دموعها تنهمر من دون رقيب وقالت في خاطرها..
جمانه: ليش ياعبدالله بعد ماتعلقت فيك بتتركني ليش؟؟
وحست انه وصلت بيتهم مسحت دموعها ووقفت السياره
جمانه: حياك اشرب شي
عبدالله: لا ماله داعي المره اليايه ان شاء الله
جمانه: علشان خاطر الوداع لازم شاي الوداع
ابتسم عبدالله ماحب يردها نزل ونزل شنطتها ودخلت جمانه وجابلت اختها وفا وجليله
جمانه: مس يو
اخواتها: حتى نحن
جمانه: هذا عبدالله زميلي
جليله: حياااك
دخل عبدالله وتم يسولف بس جمانه ماقدرت اول ماطلع حضنت جليله وقعدت اتصيح
جليله: بسم الله عليج شو فيج شي يعورج حبيبتي ؟؟
جمانه: احبه والله احبه
جليله: وهو ليش مايحبج؟؟
جمانه: ماعرف هو شو يحس باتجاهي بس انا بموت والله بموت
جليله: بسم الله عليج ان شاء الله كل شي يصير بحياتنا خير
وفا: قومي حبيبتي ارتاحي فوق في سريرج

بعد اسابيع عدة يت ملجة نوف على مبارك طبعا نوف ماكشخت لانه مبارك مابيشوفها الا في العرس وقع مبارك ووقعت نوف حتى مايالها الفضول تقرى اسمه وكل حد فرح واستانس رد منصور البيت ومعاه مبارك
بلقيس: بشر شفتها اكيييد قمر دام انه ذوق منصور
مبارك: لا
بلقيس: شو لا مب حلوه؟؟
مبارك: لا مب جي ماشفتها
بلقيس: ليش
مبارك: بس قلت اكحل عيوني في العرس واشوف جمالها وانبهر
تم يشوفه منصور وقام وراح فوق
بلقيس: متى العرس؟؟
مبارك: على الشهر الياي ان شاء الله
بلقيس: ان شاء الله عيل ببدى اجهز لبسي من باجر لعرس الحلوين
وعلى سوالفهم دخل نواف وهو يرمس في الفون
نواف: احلللللللللللللللف
.............: والله
نواف: ياخي احبك
...........: الحمدالله والشكر اجلب ويهك
نواف: خلاص باجر بني اوكي ؟؟
.............: حياكم
وسكر نواف من ................
بلقيس: تكلم منو جي فرحان ؟؟
نواف: اكلم ربيعي باجر بروح بملج على اخته مانبى خطووبه
مبارك: مبروك اليوم انا وباجر انته
بلقيس: كللللولولولولولوش
نزل منصور وقال: شو صاير ؟؟
نواف: بارك لي باجر بملج والفال لك
منصور: لا مابي اعرس مبرروووك ياخوي
وحضن اخوه وقعدو كلهم يسولفون..

في بيت ابو زهرا دقت الباب على عبدالله ودخلت
زهرا: هلا
عبدالله: اهلين
زهرا: عبدالله
عبدالله: عيونه امري
زهرا: شوفيك متضايق؟
عبدالله: ماشي مافيني شي منو قال اني متضايق؟؟
سكرت زهرا الباب وقربت من اخوها ودمعت عيون اخوها ومسحها
زهرا: صيح ترى الريال مب عيب انه يصيح انا لا اثق برجل لا يبكي ..
افتح لي قلبك ياخوي انا اختك الوحيده وبمثابة امي الله يرحمها وصديقتك وكل اهلك لو ماشكيت لي بتشكي لمنو؟؟
عبدالله: شو تبيني اقولج؟؟
زهرا: اللي مضايقنك
عبدالله: مابي اخذ بنت خالتي مب مرتاح لها
زهرا: انته تحب حاط حد في بالك؟؟
عبدالله: لا
زهرا: مستحيل ماتباها عيل بس جي اكيد في حد في بالك لو مجرد اعجاب
عبدالله تم ساكت ..
زهرا: ها ؟؟
عبدالله: هيه
زهرا: ومنو وليش ماتخطبها ؟؟
عبدالله: ماقدر
زهرا: ليش
عبدالله: انا ماقدر اوقف جدام عمي شو بيقول بنت اتهزك؟؟
زهرا حطت ايديها على كتف اخوها
زهراك خلها على الله وتوكل على الله وان شاء الله ربي كريم وبيحلها لك

دخل نادر حجرة اخته ..
نادر: فديت اللي بيعرسون ويخلون البيت حقي
نوف: شورايك اخطب لك وحده مزيونه
نادر: منو هي ؟؟
نوف: ماعرف وحده احسها حبوبه انا بدور عليها وبعزمها عرسي وانته شوفها اوكي؟؟
نادر: اوكي حبيبتي
وطلع عن اخته وراح حجرته

مع الايام والليالي مرن الايام عادي وكل واحد يجهز لعرسه او لشي ينتظره في احد البيوت
جميله: زهروه شكلج طرررر
زهرا: احلفي ؟؟
جميله: والله انج صااارروووخ
زهرا: هههههه بيتخبل ؟؟
جميله: فديت اخوي الا بيستوي اخبل من الخبله
زهرا: هههههههههههههااااااااي
ووقع محمد ويابو الكتاب لزهرا ووقعت والكل فرح ورقص بعد ساعه اندق الباب على زهرا ودخل عليها وكانت يالسه ع السرير
محمد: اويلي على الجمال امووت انا واعيش سنه
زهرا: جب
ضحكت زهرا
زهرا: كم مره قلتلك لاتطري االموت لاتخلني اتحول لك ولد
محمد: بكل الحالات احبج وانتي اصلا جناااان
في الصوب الثاني عند بنت خالة عبدالله وعبدالله
بنت خالته: مبروووك
عبدالله: الله يبارك فيج
بنت خالته: مجبور علي عبدالله ؟؟
عبدالله: لاعادي
وقف وطلع برع وراح في الحوش لقى حد يمشي متجه صوبه وكانت الصدمه ..

كــــــــــــــــــــــــــت:-
1- منو الشخص اللي ياي عند عبدالله ؟؟
2- اترك باقي التوقعات لكم ؟؟


وبعد الفراق يزيد اشتياق قلبي لهم
حتى يصبح اسير ..*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 07-04-2014, 10:54 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت التاسع عشر ؟؟

عبدالله: جمانه؟؟
جمانه: ليش؟؟
سحبها عبدالله وركبها السياره وانطلق الى المطعم ونزلو مسك ايدينها
عبدالله: جمانه لاتفهميني غلط
جمانه: ليش ليش انته ماتخطبني لاني مب عذراء لانه واحد مثل حمد قص علي من جي مابغيتني وبعتني
حط ايديه ع شفايفها
عبدالله: اووش والله مافكرت لحظه في هالتفكير
جمانه وهي تصيح : عيل عيل بشو فكرت يا عبدالله بشو
عبدالله: اهلي
جمانه: وشو يخصهم اهلك في حياتنا
عبدالله: مايرضون اخذ حد من برع العايله ماحبيت اخرب سعادة اختي فيوم كانت تترياه وارفض عمي كان بيتكنسل كل شي
جمانه: لا والله وشو هالتخلف اللي في اهلك
عبدالله: عادات وتقاليد مايغيرها احد
جمانه تمت تشوف عبدالله وقفت وطلعت حاول يوقفها بس ماقدر

في بيت زهرا تحديدا في الحوش
مصعب: محلوه
ريم: عيونك الاحلى
مصعب : عقبالنا
ريم: ان شاء الله
مصعب : ريم
ريم: هلا
مصعب: احبج
ومسك ايديها وباسها ولكن هي سحبت ايدينها وقامت راحت داخل

طبعا نواف خطب نجود وبيسون العرس والملجه مره وحده (flash back)
في الغرفه بعد ماوقعو على الكتاب نجود تمت تشوف نواف ومدت الظرف
نواف: شو ها ؟؟
نجود: 30 درهم و30 حبنا
نواف: ههههههههه والله وطلعتي تنكتين
نجود: صدق خذهم
نواف: اوص خلي ال 30 حقج اشتري فيهم رصيد وكلميني ههههه انا مابي 30
نجود: عيل شو تبى ؟؟
نواف: ابي بوسة حبنا
نجود: ماتبى كف ينسيك اسمك ؟؟ سخيف واحد اطلع برع
نواف: اوكي تعالي طلعيني
وقفت فتحت الباب وسلمت عليه وسحبها وحضنها وباسها وركض وضحك ومن هنا ابتدى عشق العاشقين

ردت جمانه البيت وهي تصيح
جليله: لين متى بتمين معذبه نفسج ؟؟
جمانه: لين مايرجع عبدالله لي انا ماستحمل اشوفه مغ غيري
جليله: كيف بيكون لج يعني
جمانه: بسوي كل شي علشانه وبتشوفين
وصعدت فوق يابت ورقه وقلم ورسمت فستان مخصر على الجسم ومنفوش من تحت ولونه بيج الناتج من الابيض وراحت المصنع وقالت للعاملين يفصلونه عليها

عند نوف راحت السوق واشترت اغراض عرسها وكل شي وكانت جاهزه وشافت صورة مبارك حسن وشلتها
نوف: اخ ياقلبي ماراح انساك صح اني تزوجت وحتى انته عرست بس ماراح انساك ولا تنسى اني انا اللي عطيتك الهديه وراح تحتفط فيها اكيد
حطت صورته على الكبت وخلصت من لم اغراضها

في بيت جميله..
جميله: ريم شوفيج انتي مو على بعضج من ايام
ريم: مافيني شي خليني بروحي
جميله: يالله عاد مابخليج بروحك يالله عاد قوليلي بلا هبل
ريم: احبه
جميله: منو ؟
ريم: مصعب
جميله: اخو زهرا؟؟
ريم: هيه
جميله تمت تشوف ريم
جميله: بس تعرفين اهله كيف ؟؟
ريم: اعرف وقلت له انته مابتقدر تحارب على حبنا نفس زهرا ومحمد
جميله: بعدين؟؟
ريم: قال بتنتظرين لين ماموت ؟؟
حضنت جميله اختها
جميله: مو مشكله مثل مالقينا حل لمحمد وزهرا اكيد بنلقى حل لكم لانه كل مشكله ولها حل ان شاء الله بس لاتتضايقين علشان ابوي ومحمد مايحسون
ريم: اوككك امممواح

رقدو كل العوائل ونشو اليوم الثاني
شيخه: يالله شموخ حاجزين عند راعية الصالون حق عرسج وانتي متاخره
شموخ: يالله ياايه كلتوني
ويت شموخ وراحو الفندق هي واخواتها ويت لهم راعية الصالون واستوت على العشا
ويو المعازيم وشيخه وهي نازله
..........: بس بس
شيخه: شو تشوفني قطوه؟؟
............ طلع جدامها
شيخه: الشاعر
الشاعر: عيونه
شيخه: امر
الشاعر: تتزوجيني ؟؟
شيخه: لا ماقدر سوري
الشاعر: ليش شو اللي يمنعج ؟؟
شيخه: لانه بعدني احب نايف ومستحيل ابيعه بايام هو عاش فيني وماقدر اتزوج لانه مابقدر اسعدك يا الشاعر ارجوك اطلع من حياتي
ومشت عنه بعد ماعترف لها الشاعر انه معجب فيها وصدق حباها وبعد ساعات يت زفت شموخ وانزفت وبعدها بساعات دخل بطي وهو مستانس حيل وكانو يرقصون وفرحانين صح قابلو احزان لكن بالاخير الازمات عدت على خير ..

1- شموخ سافرت مع بطي لشهر العسل ومنها راح بطي يكمل دراسته برع
2- ومر الشهر على خير ويت اجمل اللحظات تابعوني فالبارت الاخير


كــــــــــــــــــــــــــــــتت:-
1- البارت لكم اترك التعليق لكم
2- ترقبوني فالبارت الاخير


كلمه مني باختصار
قلبي عيشته بنار
كافي طعنات وقدر
ضحكي يادنيا بعد ..*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 09-04-2014, 10:19 PM
صورة الحب اختياري الرمزية
الحب اختياري الحب اختياري غير متصل
©؛°¨غرامي مشارك¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك


البارت العشرون والاخير ..؟

سوف انهي روايتي في هذا البارت اتمنى ان تكون الروايه قد نالت على اعجابكم لم اشبع الروايه بحد كاف ولكن انا كاتبه مبتداه مع الايام المقبله ان شاء الله سوف اصبح مبدعه في الكتابه
" عند الفراق سامضي بين الجنة والجحيم بابتعادي واقترابي عنك "

تمت نوف تدور رقم جميله لين مالقته ودقت عليه
جميله: مرحبا
نوف: مرحبتين
جميله: منو؟؟
نوف: انا نوف اللي كنت معاج في المباراه
جميله: هيه ياحييج امري حبيبتي
نوف: مايامر عليج عدو حابه اعزمج على عرسي انتي وزهرا
جميله: متى مبروووك
نوف: باجر
جميله: خلاص تم
نوف: مشكوره حياتي
وسكرت نوف منها وقامت من الكرسي وراحت برع عند اخوها
نوف: يالله ندور طوف ودني اييب فستان عرسي
نادر: لا حبيبتي خلج مرتاحه ياعروسه انا بييبه بس عطيني الفاتوره
حضنت اخوها وراحت الحجره اتيب الفاتوره ورجعت الصاله وعطت اخوها وخذى نادر الفاتوره وطلع نادر وردت نوف الحجره تجيك على كل شي واتصلت جمول لزهروه تعزمها ووافقت زهرا رغم انه عرسها بعد عرس نوف بكمن يوم

مر اليوم على خير ويه اليوم الثاني الساعه 4 العصر نشت نوف وتوجهت للفندق تتريا راعية الصالون وكانت بلقيس معاها بما انه نوف ماعندها لا اخت ولا ام
بلقيس: يابخت اخوي فيج ماشاء الله عليج ادب واخلاق وجمال
نوف حضنت بلقيس وباستها
نوف: فديتج والله ويابختي فيج دام عندي اخت ريل شراتج بهالطيبه
تمكيجت بلقيس ولبست فستان زهري ونزلت تحت وبدت راعية الصالون تعدل في نوف اللي ماتدري مصيرها اليوم بيوقف ولا بيكتمل ؟؟
خلصت كانت قمة في الروعه فستان مخصر وماسك من فوق وشبكه وطرحه روعه مر الوقت والكل يترقب من سعيدة الحظ اللي بتنزل
يت زفتها نزلت نوف وشغلو الاغنية دخلت نوف بشموخها ودلعها وجمالها اللي اسر قلب منصور وتنازل عن حبه لاخوه بس علشان يشوف نوف عايشه ومرتاحه وسعيده
ماذا اسمي هذا الحب ؟؟
تضحية ام جرح لقلبي؟
وصلت الكوشه والكل قام يرقص ويدندن

في الصوب الثاني عند عبدالله حارق فون جمانه وماردت عليه
عبدالله: استغفر الله اخاف تسوي شي في نفسها هاي خبله

في المستشفى ..
.............: بشر دكتور ؟؟
الدكتور: اممم للاسف فيك الايدز
..............: شو ها فيني الايدز ليش من شو ؟؟
الدكتور: ماعرف ولكن انته مصاب بمرض الايدز عن اذنك

في العرس دقت الساعه اللي بيلتقي العاشقان اللي جمعهم القدر عن غيب اللي جمع نوف ومبارك ويمكن انه يجمع اي شخصين مثل شيخه والشاعر او عبدالله وجمانه
دخل مبارك وحذاله منصور ونواف ونادر وكانت نوف متغشيه ومنزله راسها الكل انصدم لما شاف الاعب هو نفسه ريل نوف مشى باتجاهها ومسك راسها وباسها وشل الغشوه وباس ايديها ولين احين نوف منزله راسها من الحياء يه اخوها وحضنها ويه منصور
منصور: مبرووك ياحرمه اخوي
نوف: الله يبارك فيك
نواف: مبروك
نواف: الله يبارك فيك
وطلعو وبقت نوف ومبارك والمعازيم ومسك ايديها ورفعت راسها وانبلمت
نوف: مبارك
مبارك ابتسم وتم يشوفها ونوف تمت تدقق فيه
نوف: انته مبارك الاعب ؟ لاعب نادي الوصل صح
مبارك: هيه ليش منصدمه
نزلت دموع نوف وهو مسحها
مبارك: شوفيج حياتي؟؟
نوف: مافيني شي
وتم العرس على خير وهم يزفونهم وراحو صوب الباب
منصور: مبارك هالله هالله فيها هاي اخت الغالي
مبارك: افا عليك
نوف تمت تشوف عيون منصور اللي ممزوره كلام وممزوره حكي ولكن سكتت ماقالت شي سلمت على الكل ونادر صاصرها
نادر: موافق
ابتسمت نوف وركبت السياره

اليوم الثاني مر طبيعي على الكل ويه اليوم الثالث كان عرس زهرا ومحمد و عبدالله وبنت خالته
في احد الفنادق هناك كوشه كبيره ومقسومه قسمين قسم لعبدالله وبنت خالته وقسم لزهرا ومحمد
دخلو العروسات زهرا وبنت خالتها وقعدو واللي رقص واللي ايبب واللي يصفق
وبعد ساعات دخلو المعاريس وكل واحد يجره الفرح واللي يجره الحزن ومحمد حبه يجره لزهرا وعبدالله عذابه لبنت خالته
في هدوء التام الا وينفتح الباب بقوه
جمانه: عبــــــــــــــــــــــــــــــــــدالله
صد عبدالله وكان عمه صوبه والكل تم يشوف البنت اللي كاشخه وواقفه صوب الباب يتريون حد يرمس زهرا عرفت انه عبدالله لو خيرو بيروح لجمانه
قربت جمانه من عبدالله وعطته كف حاااااااار
جمانه: ليش تبيعني ؟؟
علشان اهلك ليش تربط نفسك بوحده ماتحبها ولا بتحبها
شو هالعادات الغبيه عبدالله انا احين جدامك يا تكمل لكوشتك عند حرمتك اللي مستحيل تحبها يا اتي عندي انا واوعدك راح اغنيك عن كل العالم بس انته كون لي انا
نزلت دموع عبدالله وصد صوب عمه وحرمته
عبدالله انا اسف خربت عرسج وعرس اختي
وشاف جمانه
عبدالله: وانا اسف ياجمانه
جمانه: تبيعني ؟؟
تبيعني ياعبدالله بسهوله ؟؟
عبدالله: لا بس
تمت تناظر في عيونه ومشت صوب الباب
توقعاتكم وتفكيركم بيتركها ؟؟
-
-
-
-
-
-
-
-
-
-
-
-
-
-
-
-
-
-
-
-
-
وماحست الا بايدين تمسكها
عبدالله: انا لج انا لو نزوجت غيرج بموت ومابعيش سعيد الا معاج
صد على عمه وقال: سامحني ياعمي عاداتك ضيعتنا وخلتنا ضعيفين ومانقدر نواجهك ولا نواجه حقوقنا ولا ندافع عن حقنا ترى هاي مب عاده نحن تعبنا من كثر ماسكتنا عن اذنك
باس راس اخته وقال لها
عبدالله: مبروك ياروح اخوج
وقفت ريم يت بتطلع ماستحملت اللي يصير مالقت الا مصعب يايب المليج
مصعب: عمي حتى انا ابي املج واليوم بعرس على ريم اخت محمد
وبوقف جدام الكل علشان حبي لريم وعلشان ريم انا اسف ياعمي
بس سعادتي مع ريم مو مع غيرها
والكل يبب حضن عبدالله جمانه وبعد ماشهدو على عرس ريم ومصعب

" اخذت الحب من قلبك ولكن انته زرعته بقلبي يا اسيري "
في غرفة جمانه وعبدالله كانت قاعده في حضنه
جمانه: كنت بموت لو خذيت غيري
عبدالله: بسم الله عليج من الموت ياروحي
جمانه: احبك عبدالله
عبدالله غمض عيونه وهمس في اذنها وقال: وانا اموت فيج يالخبله

في غرفة محمد وزهرا ..
محمد: اليوم طالع قمر في طلتك ياسلام
حلاة غير البشر واخذت مشي الحمام
يا ارض احفظي ماعليك حبيب قلبي حضر
يا ارض احفظي ماعليك اليوم طالع قمر
اليوم اليوم اليوم اليوم طالع قمررر
زهرا: ادري ادري ههههههه
محمد: اخيرا
زهرا: ماتوقعت ابد اني اتزوجك
محمد: ليش؟؟
زهرا: يعني ماشفت عمي اليوم حتى الكل انفجر في ويهه
محمد: هههههههههههههاي يستاهل الشيبه
زهرا فلعته بالمخده: مب على عمي مارضى
محمد: اوكيه بس حبيبة عبدالله فاجئتني جريئه
زهرا: مي تو الله يهنيهم

عند العشاق الصغار ..
ريم: ترييتك وجيت لي يا اغلى من نظر عيني وقلبي
مصعب: اويلي اليوم القمر تحت
ريم: لا والله
مصعب: القمر تحت كيف افوته واخليه؟؟
ريم: هههههههه
مصعب: اموت انا واعيش سنه الله لا يحرمني منج يا غلااااي
وحضنها

في النهايه ..
نجود تزوجت نواف وتم دايمن يضحك عليها وحتى لما تزوجو صار يقول لها شلي فلوس وياج عن حد ياخذج مني ويابت بنت وولد توام سمتهم نايف وشيخه على وعسى يجتمع حبههم مره ثانيه

في النهايه راحت شيخه دار الايتام وكفلت يتيم وقامت تهتم فيه وسمته نايف وعدلت في المسيد وكل يوم تروح تشوف المسيد وتنظفه وبنت له بير واشياء يستفيد منه الناس وظل الشاعر يطمن عليها وحاول يتزوجها لكن ماقدر ولا قدرت تتنازل عن قرارها اما شموخ بين فتره وفتره تنزل دبي في الاجازه تزورهم ويابت بنت سمتها ايه لانها ايه من الجمال ماشاء الله

اما الثلاثي المرح زهرا حملت ويابت بنتين ملك وملاك
وريم يابت ولد واما جمانه يابت ولدين وبنت ووصل لها مسج وهي فالبيت

عند جمانه..
عبدالله: منو؟؟
جمانه: ها
عبدالله: تخبين علي؟؟
جمانه: لا
عطته الفون وقرى المسج
حمد: مرحبا جمانه انا حمد اتمنى اتسامحيني انا ماتوفقت في حياتي فيني مرض الايدز ارجوج سامحيني يمكن اللي سويته فيج الله بلاني بهالمرض صدق اللي يقول كما تدين تدان
والدنيا دواره واللي يسوي شي في بنات الناس الله فوق يرده في اعز ناسه او في الشخص نفسه

فيا اخي واختي المسلمه " احذري "
واحذرو جميعا خداع الشباب
وكلامهم المعسول يؤدي الى التهلكه
اخي العزيز لا تلعب بمشاعر البنات من اجل التسليه
اعلم ان لم يكن لديك اخت فلديك
ام – خاله – بنات خاله – عمه – بنات عمه – زوجتك – بناتك

كنتم مع اختكم الحب اختياري ؟؟

كــــــــــــــــــــــــــــــــت:-

استقبل التعليقات ولكن بصدر رحب وليس بجرح الانسان ..

" الحياه تكون جميله عندما تكون
هناك قلوب تخاف على غيرها كما تخاف على نفسها "

28-1-2014


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 18-07-2018, 01:18 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي فعال ¨°؛©
 
الافتراضي رد: روايتي الرابعه: عند الفراق سأمضي بين الجنة والجحيم بأقترابي وابتعادي عنك/كاملة


روايه راااااائعه جدا



تسلم ايدك حبيبتي ووفقك الله

الرد باقتباس
إضافة رد

روايتي الرابعه: عند الفراق سأمضي بين الجنة والجحيم بأقترابي وابتعادي عنك/كاملة

الوسوم
الجنب , الرابعه: , الفراق , بأقترابي , روايتي , سأمضي , والدحيم , وابتعادي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
انها الجنة Baylisan7 مواضيع إسلامية - فقه - عقيدة 7 27-03-2016 10:48 AM
ميراث في الجنه كناريا` مواضيع إسلامية - فقه - عقيدة 11 20-03-2015 07:11 PM

الساعة الآن +3: 12:55 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1