منتديات غرام

منتديات غرام (/)
-   روايات كامله - يتم نقل الرواية هنا بعد اكتمالها (https://forums.graaam.com/152/)
-   -   قلبي عن غيرك تسكر / بقلمي؛كاملة (https://forums.graaam.com/566841.html)

ليالي العبدالله 28-01-2014 08:17 PM

قلبي عن غيرك تسكر / بقلمي؛كاملة
 
https://up.graaam.com/img/643ec96e288...f65e8e5d0d.gif
بسم الله الرحمن الرحيم
السلام عليكم ورحمة الله وبركاته

مساء / صباح الورد الجوري :graaam (276):.....~
شخباركم عساكم بخير ....~
اليوم وبعد عناء طويل قررت إني أنزل لكم روايتي ومشاركتي الأولى في عآلم الروايات ...~
روايتي تتكلم عن مجموعة شباب وبنات في بداية عمرهم
تتكلم عن مشاكلهم .. ؟!! وكل شي يخص هالعمر ....
الرواية فيها الضحك .~. والونآسة .~. والحزن .~. والفرح .~. وطبعــاً لا تخلو من الرومانسية ..~~~
أتمنى إنها تنال على إعجابكم ...~
أتقبل آراءكم بصدر رحب .. وأتقبل أي نقد لكن بدون تجريح ..
لأني توني مبتدأة وأكيد بستفيد من نصايحكم ...~
:graaam (276)::graaam (276)::graaam (276):
الحين بنزل أول بارت وثاني بارت عشان تفهمون الفكرة
أنتظروني ...
..................
.......................
..........................

:graaam (276)::graaam (276)::graaam (276):[/QUOTE]

ليالي العبدالله 28-01-2014 08:21 PM

رد: قلبي عن غيرك تسكر . بقلمي
 
** (( البارت الأول ))**
من الصبح بدري ... وصلت سيارتهم على باب بيتهم الجديد في حارة جديدة وناس جدد .. نزلوا من السيارة وهم يناظرون حولهم ما يعرفون أحد ... فتح أبو عمار باب البيت ودخل ودخلت وراه زوجته وعياله
أبو عمار : هااا وش رايكم بالبيت ؟
أم عمار وهي تناظر في البيت : والله باين عليه حلو وكبير ..
ريهام : وناسة شكلة حلو أحسن من بيتنا الأول .. هذا واسع ويشرح القلب .. ( لفت على أختها دانه ) : دنون وش رايك ؟
دانة وهي تحضن أبوها : يجنن يبا . الله لا يحرمنا منك يالغالي
أبو عمار : ولا يحرمني منكم ويطرح البركة فيكم يارب
عمار : يبا ترى الغرفة الكبيرة يلي فوق لي من الحين حجزتها
ريهام تناظره بنص عين : ليش يعني احنا لسه ما شفناها يمكن تعجبنا بآخذها أنا ودانه
أبوعمار : ريهام ترى فوق فيه أربع غرف.. وحده لي أنا وأم عمار .. ووحدة لعمار ... وثنتين وحدة لك والثانية لأختك
دانة تصارخ بفرحة : يبا يعني كل وحده مننا بغرفة لحالها
أبو عمار : ههههه اي يبا
ريهام : ونااااااااااااااسة بفتك منك شوي >> تأشر على دانة
دانة مدت لها لسانهاا : وأنا بعد بفتك من حنتك
الكل : ههههههههههه
طلعوا لفوق وشافوا الغرفة وكل واحد اختار غرفتة وجهزوا كل شي ورتبوا الآثاث والأغراض من الصبح لين آخر الليل خلصوا من كل الشغل وصار البيت جاهز
((عائلة أبو عمار .. من الطبقة المتوسطة يعني عايشين ببساطة مثلهم مثل الباقيين ..
ريهام** : بنت آية من الجمال ... تدرس بسنة ثانية جامعه .. درست أول سنة بجامعه قريبة من بيتهم الأولي وهالسنة بتكمل بجامعه ثانية قريبة من هالبيت ... شعرها لنص ظهرها أسود مايل للبني عليه خصلات بالبني الفاتح .. عيونها عسلي صافي ورموشها كثيفة .. نظرتها تذبح وتدوخ الواحد .. جسمها رشيق واايد حلو وكل ملامحها كيوت
دانة** : أخت ريهام .. تدرس آخر سنة بالثانوية وهالسنة طبعا بتنتقل لثانوية ثانية قريبة من بيتهم .. شعرها مايل للأشقر طوووويل وحددددددددها بريئة .. عيونها تشبة عيون ريهام بس مايلة للأسود شوي

عمار : أخوهم الكبير يشتغل في مكتب للاتصالات .. يفرض وجوده على اهل البيت وما تصير الا كلمته .. ويحسبون له ألف حساب .. جسمه حلوو ويخقق ^^


**(( ببيت أبو رامي ))**
خرج من الدرج بخطواته الثقيلة لابس جينز أسود وتيشرت أبيض وتوجه للصالة .. رامي وهو يقعد على الكنبة : سارة اليوم عندنا .. وأنا أقول البيت منور ...
سارة : هههههه ما يحتاج تقول أدري إنه منور
رامي : بس ترى كثرت زياراتك عندنا هالفترة هههههه
سارة : هههههه لا تنسى إنه بيت أهلي عاد إمتى ما ابي بجي لهني
رامي : ههههههه البيت بيتك كنت أمزح.. يما أبوي في الشركة ؟
أم رامي : إي في الشركة قبل شوي طلع
جمانة وهي طالعة من فوق تركض وتصك عباتها : رامييييييي حبيبي قوم وصلني على بيت عمي
رامي يناظرها وهو يسند ظهره على الكنبه : مو فاضيلك توني شفت سارة خل اقعد احكي معاها شوي ...
جمانة مدت بوزها : يعني بتخلي أختك تروح لحالها ..:(
رامي : خلي السواق يآخذك
سارة : وديها وارجع انا مطولة هني
أم رامي : يا وليدي قوم وصلها وارجع ترى ما رح تسكت من الحنة
رامي : دام أم رامي قالت وديها عيل بوديها <<< وباس راس أمة
والتفت لجمانه : استني ثواني أجيب المفاتيح وأجيلك
جمانه : طيب بس لا تتأخر ..
((( عائلة أبو رامي )))
من أغنى العائلات في الرياض .. معاهم ثروة كبيرة وشركات وفنادق .. وبيتهم كأنه قصر من فخامته ...
رامي** : ولدهم الوحيد .. شاااااب مدوووخ كل البنات ..بس ما تلفت إنتباهه ولا بنت .. كلهم عنده زي بعض ..جسمه رياضي وشخصيته مره حلوة وإبتسامته تدوخ وعليه غمازات .. وخشمه سيف .. عصبي في بعض المواقف وحددددددددده رومانسي وحنون^^ ..يدرس في سنة ثانية جامعه قسم إدارة أعمال
جمانه **: أخت رامي بنوته عسسل تدرس بآخر سنة ثانوية ... مجنونة شوي وعنيدة ما تسوي الا الي براسها ... أبوها وأمها معطينها الحرية إنها تسوي الي تبيه ... مدلعينها وااايد وطلع معاها الدلع .. ...
سارة ** : أختهم الكبيرة متزوجة من عبدالله ومعاها بنوته إسمها سمر حدددددددها كيوت وتنبض برائة ^^ ))


**(( بيت أبو أروى ))**
متمددة على سريرها تلعب بدبدوبها وتطالع في التلفزيون .. قطع عليها نغمة الجوال >> أذوب بعينك الحلوة .. وسكرها وحتى الدنيا أنساها ولا أذكرها << نغمة الجوال
إبتسمت وهي تشوف المتصل رهووم
: هلا والله
ريهام : هلا فيك .. شتسوين ؟
أروى : ولا شي قاعدة أشوف التلفزيون .. وطفشانة ودي أطلع .. وإنتي ؟
ريهام : إحنا الحين خلصنا ترتيب البيت وحدددددي تعبانة
أروى : صح مبرووووك البيت الجديد صرتي قريبة مني ^^ عاد كل يوم بنط عندش
ريهام : ههههههه حياش البيت بيتش .. أقول بكرة خلينا نطلع السوق شوي ..أبي أشتري لي كم شغلات حق الجامعه
أروى بحماس : طيب ليش مو الحين نطلع
ريهام بتعب : أروووش أقولك تونا رتبنا اليت حددي تعبانة بروح أنام .. خلاص بكرة بنطلع .. تمام
أروى بطفش : طيب خلاص بكرة بمرش ..
ريهام : تمام .. يالله باي
أروى : بايات .. < سكرت التلفون ورمته على السرير وهي تتأف أف
: ياربي وش هالضيق ...
(( أروى : صديقة ريهام من الطفولة .. هي من عائلة شبه غنيه .. عايشة مع أبوها وزوجة أبوها لحالهم.. أمها تركتها بعد ما ولدت فيها بسرعة .. ورباها أبوها وخالتها أمينة زوجة أبوها الثانية وهي الحين تعتبرها مثل أمها لأنها هي الي ربتها وتحبها وااايد كأنها بنتها ...حيييل حلوة عيونها رمادي .. وشعرها يوصل لعند كتوفها عاملة عليه قصه حلوة لونة جلكسي
وأكثرر شي تحبه الكشششششخه ..^_^

**(( في بيت أبو يوسف ))**
وقف رامي السيارة وطلعت منها أخته جمانه وهو يقولها ساعه 8 بجيلك تكونين جاهزة مو تتركيني أنطرش هنا ... فاهمة
جمانه ردت عليه من برى السيارة : طيب فاهمة ولا يهمك مشكوور
رامي : طيب وانتي داخله نادي على يوسف خليه يجي لعندي
جمانه: طيب
دخلت جمانه ودقت الجرس فتحت لها الخدامه ودخلتها
جمانه : أشوف البيت فاضي .. وين دلال ؟
الخدامه : فوق ماما ...
جمانه إنزين روحي انتي انا بطلع لعندها
شالت طرحتها وتركت شعرها مفتوح عبالها البيت فاضي وهي طالعه الدرج وتناظر في الأرض تعدل عباتها .. فجأة تصتدم بشي صلب .. رفعت عيونها لفوق : هييييي يـ ... يوسف ؟؟
يوسف ضحك على توترها :: اي وليش خايفة شفتي جني ؟
جمانه توها منتبهه إنها بدون طرحة شالتها وحطتها مره ثانية وبعجلة : امممم آسفة عبالي البيت فاضي
يوسف ابتسم من ارتباكها: دلال فوق بغرفتها تنطرش ..
جمانه بخجل : أنا بطلع لها الحين ... وترى رامي ينطرك بالسيارة برى يقول يبيك
يوسف : اهااوليش ما دخل .. قاعد برى ؟؟
جمانه : مادري عنه والله .. عن إذنك أنا بطلع لدلال
يوسف اكتفى بإبتسامة وهو نازل لعند رامي
فتح الباب وطلع وركب بالسيارة : إنت هبل ليش ما دخلت ؟
رامي : اش تبيني أسوي قلت خل اناديه ونطلع عند الشباب شوي
ومشى السيارة وراحوا


(( عائلة أبو يوسف ))
( أبو يوسف وأبو رامي أخوان .. يعني رامي ويوسف عيال عم .. ودلال وجمانه بنات عم ... عايش في هالبيت أبو يوسف وأم يوسف ويوسف ودلال ..
يوسف**: الشاب الثاني الحلو الي بالرواية بعد رامي .. وسيم حددددة يخقق .. جسمه يخقق .. وخشمه سيييف .. يشبه لرامي بس رامي أحلى ^^ويدرس معه بنفس السنة ونفس القسم . ..
دلال ** : أخت يوسف وصديقة جمانه الروح بالروح .. كل أسرارهم عند بعض ما يخفون شي عن بعض ... تتعامل مع الشباب بقسوة وما عندها ثقة فيهم وحاطة في بالها إن كل الشباب مثل بعض كذابين


**(( في غرفة دلال ))**
جمانه فتحت الباب بقوة وهي تدخل : بخخخخخخخخخ
دلال فزت من الخرعه ورمتها بأقرب مخده : بسم الله من وين ظهرتي انتي
جمانه : ههههههههه دخلت من الباب مثل ما الناس تدخل
دلال : تستهبلين حضرتش ...
جمانه بإستهبال زيادة : أفكوووورس
دلال : عن الملاقة .. شخبارك ؟
جمانه وقفت ضحك بس مازالت مبتسمة : تمام وانتي شخبارك ؟ وييي فشلة قبل شوي جيت بوجهه أخوكي وأنا بدون طرحه عبالي البيت فاضي
دلال فاطسة ضحك : ههههههههههههههههههه قولي قسسسسم .. هههههههه وش صار بعدين ...
جمانه عقدت حواجبها : وليش تضحكين ترى ماقلت نكته أنا ...
دلال : هههههههه لا بس قاعدة أتخيل منظرش حددددددش تضحكين
جمانه : هههههه عاد أنا غلطانة كلمتش ..
دلال تعدل جلستها ووقفت ضحك : تجهزتي للثانوية .. باقي يوم ويبدأ الدوام ...
جمانه : باقي شوي شغلات ما خذيتهم .... احكيلي اشسويتي بهالفترة من زمان ما سولفنا
دلال بابتسامة : ههههه اي والله لك وحشة قسم
...... واستمروا في سوالفهم لين ساعة 8 جاء رامي وأخذ جمانه وراحوا عالبيت ..........

@@(( في صباح ثاني يوم ))@@
:/*( في بيت أبو عمار )*/:
صحت من نومها وهي مكشرة ماشبعت نوم .. قامت وأخذت لها دوووووش ولبست بنطلون جينز أبيض وبلوزة سودة عليها رسمات بالأبيض ... عملت شعرها ديلة حصان وتعطرت وخذت شنطتها ولبست عباتها ونزلت عالصالة ... لقت أبوها وأمها قاعدين يفطروا
ريهام : صباح الخير
أم عمار + أبو عمار : صباح النور
أم عمار : هااا عساش ارتحتي بالنومه
ريهام بإبتسامة : إي يما إرتحت الحمد لله ... وين دانة وعمار ؟
ابو عمار : عمار طلع الشغل ... ودانه بعدها نايمة ....كأنش طالعة ؟
ريهام : إي الحين بتمرني أروى بنروح السوق نشتري شوية حاجات عشان الجامعه
أم عمار : طيب كليلش شي قبل ما تطلعين
ريهام : لا يما مالي نفس آكل .. بعدين لو جعت بشتري لي شي من السوق
أبو عمار : الي يريحك .. يالله انا بنزل تأخرت
أم عمار : الله معك .. انتبه لنفسك
ريهام : الله معك يبا
أبو عمار : يالله مع السلامة
شوي وتسمع صوت سيارة أروى
طلعت لها بعد ما باست راس أمها .. وراحوا عالسوق

..(( ببيت أبو رامي ))..
نزلت جمانه على تحت لقت أمها وأبوها قاعدين ورامي كان طالع
جمانه : رامي بتطلع ؟
رامي وهو يحط نظارته الشمسية : إي بطلع ... تبين شي ؟
جمانه قربت لعنده : لا بس قبل لا ترجع روح بيت عمي ابو يوسف جيب جوالي نسيته عند دلال البارح
رامي : طيب اذا تذكرت
جمانه مدت بوزها : رامي بذبحك اذا نسيت
رامي : ههههه طيب يالله باي
جمانه بإبتسامة : بايات
وراحت قعدت عند أبوها وأمها بالصالة ...

..(( في السوق ))...
ريهام تمشي وتناظر في المكتبة وتشتري الاشياء الي تبيها
شروا كل شي يبونه ودخلوا مطعم طلبوا لهم اكل وقعدوا ..
أروى بحماس : رهوووم والله مو صدقة إنك بتيجي معاي الجامعه .. وبندرس مع بعض ...
ريهام بدى عليها الخوف : اممم بس ترى والله خايفة .. لسة ما اعرف احد هناك الا انتي وبس
أروى : ولا يهمك بعرفك على شلتي كلهم مجانين .. وبيحبونك لأنك مثلهم ماشاء الله
ريهام بضيق : يا شيييخه .. طيب قوليلي من الحين عنهم عشان اعرفهم بكرة ..
أروى : امممم أول واحد طبعاً يوسف الي دايم أحكيلك عنه
ريهام تبي تنرفزها : اهااا حبيب القلب ..
أروى استحت : وجععع ... والثاني رامي يكون ولد عمه .. شاب يخخخخقق يا رهوووم كل البنات تموت عليه بس هو ولا يعبر احد منهم
ريهام بإستغراب : ليييييش ؟؟ باين عليه مغرور
أروى : وااااايد هو ويوسف بس رامي مغرور أكثر .. وش فيكي انتي هذول عائلة الـ ... ما تبينهم يقاعون مغرورين ؟
ريهام : اهاا .. تصدقين شوقتيني أشوفه هذا رامي ؟
أروى : وبذكرك أول ما تشوفينه بتخقين عليه
ريهام بثقة : لا حبيبتي ما تعجبني أشكاله
أروى: هههههه ووين شفتيه عشان تعرفين شكله
ريهام : من وصفك له .. مغرور وشايف حاله .. على شنو ؟؟
أروى : بس بيعجبك
ريهام : امم ما أعتقد أنا ما يعجبني العجب
أروى : بنشوف بكرة ........الحين الشلة يوسف ورامي وأنا وروان
ريهام وهي تشرب القهوة : امممم منو هذي روان
أروى : ههههه هذي وحدة من الشلة تموت على رامي بس هو ولا يعبرها
ريهام عندها فضول تبي تشوفه هذا رامي : هههههه مسكينة
... وكملوا سوالفهم ......
ورجعوا عالبيت ..........

................(((( في الليل ))))..........
الكل قاعد يجهز حق الدراسة بتبدأ بكرة
ريهام أروى .. ورامي ويوسف ... يجهزون للجامعة
جمانة .. ودلال ... ودانة ... يجهزون للثانوية

ليالي العبدالله 28-01-2014 08:24 PM

رد: قلبي عن غيرك تسكر . بقلمي
 
@@(( البارت الثـــ 2 ــــاني ))@@
(( موقادرة أعرف وش سر إعجابي وإنت مثلكـ مثل باقي البشر .. أحسكـ غير عن كل الناس يابعد قلبي والنظر ))
في صباح يوم جديد الكل صحى بدري عشان اليوم أول يوم بالدوام

@@(( في بيت أبو عمار ))@@
صحت ريهام وهي تركض لأنها قامت متأخرة من النوم .. خايفة إنها تتأخر بأول يوم ... وبحركة سريعة منها لبست لها بنطلون جنز أزرق وبلوزة صفراء .. وعدلت شعرها تركته مسدول وراها ولبست عباتها كانت أول الأزرار مقفلة والباقيات مفتوحة وحطت طرحتها بشكل سريع وخصلات شعرها باينه منها .. تعطرت وخذت شنطتها ونزلت بسرعة تركض وهي تسمع صوت سيارة أروى صار لها ساعه تنتظرها ...سلمت على أمها وأبوها بطريقة سريعة ونادت على دانه ونزلوا مع بعض .. ركبوا بالسيارة ريهام ركبت قدام عند أروى ودانه ركبت وراء
ريهام وهي تآخذ نفس : سلااام .. تأخرنا عليش ؟
أروى بغضب : لا بدررري ست ريهام ... كان نمتي ساعة كمان تو الناس
دانه : ههههه أنا مالي شغل إهي أخرتني
ريهام تطالع لأختها وراء : دندوووون يالخاينة بسرعة تخليتي عني أصلاً إنتي الي تأخرتي
أروى وهي تحرك السيارة : ههههههههه لا تقطين اللوم عليها ..شخبارك دانه ؟
دانه بإبتسامة : الحمد لله حددددي خايفة ....
أروى : لا تخافين بتتعرفين على بنات هناك وبيصيروا اصحابك
ريهام : دانه لا تنسين انتبهي زين مو تكلمي كل البنات ..أدري فيش تحبي تتعرفي على الناس
دانه : اووووووف من البارح وانتي نفس الكلام حفظته والله
أروى : ههههههههه
وصّلو دانه على الثانوية ومشوا للجامعه

@@(( بيت أبو رامي ))@@
نزل رامي من غرفته وكان حدددده كااشخ .. لابس بنطلون جينز أبيض وتيشيرت أزرق لاصق على جسمه مبين عضلاته ولابس نظاراته الشمسية الي ما يطلع بدونها وهي الي معطيته ستايل خاص فيه
نزل لقى جمانة قاعدة على أعصابها ...
رامي : صبااحو
جمانه تناظرة ووجها بينفجر : ياخي اذا انت تبي تتأخر على جامعتك قولي من بالليل بخلي السواق يوصلني ليش تأخرني معك
رامي يناظرها : بل بل كليتيني وش فيك علي من صباح الله .. كلها دقيقتين تأخرنا ..يالله امشي
أم رامي : استنى رامي ما فطرت
رامي حس على وجود امه راح لعندها وباس راسها وهو مبتسم : والله لو قعدت دقيقة وحده كان لقيتيني مذبوح هنا بنتك تراها حنننننننه
جمانه تصارخ من عند الباب : راااااااااااامي وووووووجع امشي يالله
رامي غمز لأمه : شفتيها هههههههه خلاص يما باكل شي بالجامعة
أم رامي : الله يوفقكم يارب
طلعوا بالسيارة وصل جمانه على الثانوية صادف وصوله مع وصول يوسف ولد عه وهو يوصل دلال للثانوية .. دخلوا جمانه ودلال مع بعض وتحرك رامي ويوسف متوجهين للجامعه ...
@@(( في الجامعة ))@@
كانت تمشي وهي لاصقة بأروى وخايفة وهي تشوف الناس كلهم ثانيين ماتعرف احد منهم ..
أروى : وش فيك ههههههههه بعدي شوي
ريهام : الحين اروى كل هذول الناس تعرفيهم ؟؟ >> الجامعة الي درست فيها ريهام صغيرة وفيها اقسام شوي مو مثل هذي <<
أروى : ههههههههههههههه وش علي منهم عشان أعرفهم كلهم ..كملت وهي تأشر بيدها ناحية واحد من الكراسي : شوفي هناك قاعدين تعالي نروح ......
وصلوا لعندهم ... أروى : صباااااااحوووو ياحلوين
يوسف : صباح الفل والياسمين
رامي : صباح النوووووم
أروى : ههههههههه لا عاد أكيد انت توك واصل قبلي بشوي أدري فيك نوااام ...
رامي ما انتبه لوجود ريهام : هههههههه اي والله توني وصلت
أروى وهي تأشر على ريهام تجلس : خل أعرفكم ..هذي رهوووومتي صديقتي الروح بالروح ..تقدرون تقولون أنها أختي ... بتكمل دراستها بجامعتنا وبتكون معانا بالشلة
يوسف بإبتسامة : هلا والله تشرفنا
ريهام بخوف : الشرف لي ...
رامي وهو يطالع لريهام ... داااخ من جمالها ونظراتها الخجولة الممزوجة بخوف ...طالعها بنظرات إعجاب وقال : هلا فيك ريهام معانا ..
ريهام طالعت فيه وحست بنظراته : تسلم هلا فيك
أروى وهي تتوجه للشلة : رهوووم هذا يوسفووو ( وتأشر على يوسف )
يوسف عقد حواجبه : أشوفك قلبتي اسمي شين بأول لقاء
أروى : هههههههه طول عمره إسمك شين .. لاتزعل ترى أمزح
ناظرها يوسف بنظرات شوق وهو مبتسم : هههههه ادري ادري فيش
أروى استحت وتوجهت لرامي : وهذا رااامي .. روميو زمانه
ريهام ناظرته لقته يناظرها بنظرات مو فاهمتها .. بعدت عيونها عنه وطالعت بالناس
يوسف : ريهام أي سنة ؟
ريهام بهمس : ثاني سنة
يوسف : أها مثلنا يعني
رامي : بأي قسم ؟
نطت أروى : بالقسم حقنا بعد ههههههه إدارة أعمال
ريهام إبتسمت ... رامي : ترى البنت تعرف تتكلم عاد اسكتي خل نسمع صوتها
ريهام ماتدري ليه استحت ووطت راسها
أروى : هههههههه ماعلينا الحين شفتوا الجدول
يوسف يبي فرصه يقعد مع أروى لحالهم : لا قومي خل نشوفه
أروى : اوكى .. ريهام بتقومي معانا
ريهام توها بتقوم .. قاطعها صوت رامي : لا انتوا شوفوا الجدول وخبرونا .. خل نستكشف البنت شوي
أروى : هههههههه طيب انتبه لها
رامي اكتفى بإبتسامة

@@(( نروح للثانوية ))@@
دخلت دانة صفها ما تدري وين تجلس لقت كل الكراسي مليانه .. وجهتها الاستاذة على طاولة فيها طالبتين عشان تقعد معاهم ( طاولاتهم كبيرة كل طاولة عليها ثلاث طالبات ) راحت دانه وقعدت سلمت عليهم
دانه : هاااي ... كيفكم ؟
جمانه +دلال : هلا والله
دانة : أنا دانه توني جديدة بالثانوية
جمانه : وانا اقول اول مره اشوفها
دلال بإبتسامة : هلا فيك تشرفنا أنا دلال
جمانه : وأنا جمانه بنت عم دلال
دانة ابتسمت لهم : تشرفنا يابنات العم
دلال + جمانه : هههههههه
وكملوا سوالفههم وتعرفوا على بعض بأول يوم مافي دراسة

@@(( نرجع للجامعة ))@@
كانت قاعدة ريهام تناظر في الناس وسرحانة قطع عليها صوت رامي : ريهام ليش تركتي جامعتك الأولى وجيتي لهذي الجامعه ؟
ريهام برتباك : امممم انتقلنا ببيت جديد قريب من هالجامعه عشان كدا نقلت لهون
رامي مو قادر يشيل عيونه عنها كان يدور كلام يقوله عشان يسمع صوتها الي دوخه : اهااا ... ووين بيتكم ؟
ريهام استغربت : وليش تبي تعرف بيتنا ؟
رامي حس انه زودها : لا بس مجرد سؤال ... ماتبين تقولين براحتك \
ريهام سكتت دليل على انها ما تبي تقول
رامي كان بين اللحظة والثانية يوجه نظراته لها يآخذ له نظرتين ويرجع .. مايدري ليه .. حس انه هالبينت تختلف عن كل البنات من كل النواحي .. جمالها .. خجلها .. حرصها على نفسها لدرجة إنها ماتبي تقوله بيتهم وين .. ورامي البنات كلهم كانوا يتمنون نظرة وحدة منه مو قعدة .. وهذي كأنها قاعدة مع شخص عادي .. استغرب ومازال يناظرها
شوي وقام : قومي خل نروح لعندهم نشوف الجدول وندخل عالصف
ريهام قامت بارتباك وجات رجلها برجل الطاولة توها بتطيح بس مسكها رامي وطاحت بحضنه ...!!!!!!!!!!!!!!

@@(( في الثانوية ))@@
ارتاحت وايد بالقعدة مع جمانه ودلال
دانه : ههههههههههههههه تصدقون والله دمكم خفيف
جمانه باستهبال : اي والله توني وزنته قبل يومين طلع لي 30 كيلو
دلال : هههههههه عن الملاقة ...أقول دانة عطينا رقمش عشان لو نبي نكلمش او شي
دانه : اوكى سجلي عندش .. وانتوا بعد عطوني أرقامكم
كل وحدة عطت الثانية رقمها وكملوا ضحك 

@@(( في الجامعة ))@@
مو حاسة على نفسها .. كل البنات تحسسدها على هالموقف .. كان هو واقف وهي قباله ماسك خصرها عشان لا تطيح وعيونه التقت بعيونها .. كان يناظرها ويدقق بكل ملامحها .. شعرها الي من الهواء جاء على وجهها وعباتها الي راحت لوراء بان فيها البنطلون وكل جسمها .. بحركة حلوة منه بعد خصلات شعرها من على وجهها وهو يهمس لها : تعورتي ؟
ريهام خقت رامي ابن الـ... واقف قبالها وماسكها .. ووجهه قبال وجهها .. ناظرت بعيونه نظراته تذبح مو مركزة انها واقفة بوسط الشارع عند الناس
قطع عليها سرحانها صوت رامي مرة ثانية : ريهااام فيك شي ؟
ريهام خجلت من منظرها بعدت عنه وهي موطيه راسها : لا ماتعورت .. مشكور ..
رامي ابتسم من ارتباكها وخوفها : مسك ايدها وقال : يالله خلينا نروح لعندهم
ريهام بعدت ايده ومشت معه .. وهو ابتسم اكثر لما شافها بعدت ايده



@@(( عند أروى ويوسف ))@@
يوسف يمشي جنبها وهو حددده مستانس من زمان ما شافها : أروش شمسوية بالاجازة ...
أروى تبي تنرفزه هي عارفة انه معجب فيها بس مايبي يعترف
: اممممم ولا شي سافرت لندن
يوسف عقد حواجبه : لندن ؟ مع منو ؟
أروى : مع حبيب قلبي بعد شنو ؟
يوسف تضايق : اهاا >> وسكت
أروى لاحظت انه تضايق: وش فيك ؟
يوسف والغضب باين عليه : لا ولا شي الله يهنيك
أروى حدها مستانسة يوسف يغار عليها : اهااا عبالي زعلت ؟
يوسف : وليش ازعل ... طيب ممكن اعرف منو حبيبك ؟
أروى وهي فاطسه ضحك : هههههههههههههههههه
يوسف : وش فيك ترى ماقلت نكتة
أروى وهي ما وقفت ضحك : ههههه حبيبي أبوي بعد منو هههه
يوسف ارتاح : قولي والله
أروى : والله .. ترى ماعندي حبيب
يوسف وده يضمها بس خايف ترده : طيب .. عمرك ماحبيتي يعني ؟
أروى استحت : لا ماحبيت ..
يوسف خق على خجلها وبهمس وهو يقرب لعندها : اشتقتلك
أروى ابتسمت وهي موطية راسها وتبي تضيع السالفة : خلينا نرجع ريهام لحالها قاعدة
يوسف ذااااااب من خجلها وده يضمهاا ويقول لها احبك احبك احبك افهميني عاد : طيب يالله
توهم يروحون شافو ريهام وامي جايين لعندهم .. ودخلوا جميع عالصف وكملوا يومهم


آخر الدوام .. ركبت أروى وريهام بعد ما ودعو رامي ويوسف وراحوا عالثانوية

... في الطريق *******
أروى : رهوم وش فيك سرحانه ؟
ريهام : هااا لا ولاشي ...
أروى : مالاحظتي رامي ؟
ريهام تتنهد : وش فيه ..حدددده مغرور
أروى : بس عجبك
ريهام : لا ما عجبني
أروى : هههههههههه على منو تكذبين
ريهام تناظرها : والله ما اكذب .. مادري على شنو شايف حاله
أروى : أنا حسيته يناظرش زيادة عن اللزوم
ريهام :مادري عنه ..
وصلوا الثانوية وركبت دانة بعد ما ودعت جمانه ودلال
دانه : هااااااايووووووووووووووووو
ريهام : هلا .. هاا وش صار معش
دانه : رهووووووم حدددددي مستانسة تعرفت على بنات يخخخقوون حددهم مجانين
ريهام تناظر لعندها وراء : عسى بنات ناس ؟
دانه : اي اي اتطمني بنات عائلة الـ ..
ريهام انصدمت : قولي والله
أروى : مين جمانة ودلال ؟
دانه : اي هم .. تعرفيهم ؟
أروى : إي أعرفهم بس مو وايد .. ونظرت لريهام وغمزت لها
ريهام : وش قلتوا انتي وياهم ؟
دانه : بعدين بحكيلش حكينا كلام واااايد ونااااااسة ماودي اروح للبيت
أروى وريهام : هههههههههه

@@(( ببيت أبو رامي ))@@
دخل البيت هو وجمانة فورا طلع على غرفته وما كلم أحد .. دخل تغسل ولبس ونام على السرير بس قبل ما ينام قعد يتذكر ملامحها ... ياربي وش هالبنت .. حلوووة ورقيقة ... ياريتني أخذت رقمها عشان اتصل عليها ... وتذكر لما كانت بتطيح ومسكها وريحة عطرها دخلت بخشمه للحين يشمها .. قعد شوي بعدين نام ...أما جمانه دخلت غرفتها طقطقت شوي على اللابتوب بعدين نامت

@@(( بيت أبو يوسف ))@@
دخل يوسف بسرعة بدل ملابسه وفتح اللابتوب وفتح النمبز لقى أروى فاتحه
ولد العز(يوسف) : سلام ( فيس مبتسم )
ملكني غلاه ( أروى ) :وعليكم هلا ( فيس مبتسم )
ولد العز : شتسوين ؟
ملكني غلاه : أكلمك بعد شسوي
ولد العز : عبالي تسوين شي وأزعجك
ملكني غلاه : لا بالعكس كنت فاضيه
وكمل حكي معاها وهو حدددددده مستانس

@@(( بيت أبو عمار ))@@
دخلوا ريهام ودانة وقعدوا يحكون مع أمهم شوي وتغذوا وطلعوا يرتاحوا
دخلت دانه غرفتها وهي حدها مستانسة إنها تعرفت على صديقات مجانين مثلها بالضبط .. بدلت هدومها ونامت

أما ريهام دخلت غرفتها رمت شنطتها عالسريروارتمت وراها وقعدت تفكر فيه .. مو مصدقة انها كانت بحضنه وسط الناس ... والي شاغل بالها اكثر كيف ما قدرت تتحرك من عنده .. يااااربي حدده حلو ويجنن .. بس ترى وايد مغرور ومو شايف غير نفسه .. ريهام وش فيك مو انتي الي يشغل بالك ولد .. شالت هالأفكار من راسها وبدلت هدومها وحطت رايسها هالمخده ونامت

نهاية البارت الثــــاني
اتمنى تعجبكم الفكرة ..
مستنية تعليقاتكم وآراءكم وأهم شي الأخطاء لأني توني مبتدئة ..
استنوني في البارت الجآي

تحياتي

عنيدة والي براسي أسويه 28-01-2014 10:12 PM

رد: قلبي عن غيرك تسكر . بقلمي
 
واااااااااااااااااو رووااااااااايةة حدها تجنن من بدايها :graaam (43):
كمليها حبيبي لا توقفين شكلها حلووووووة :msn4:
وأعتقد إنه رامي بيحب ريهام :msn2:.. ويوسف بيحب أروى :msn2:
والبقية مادري عنهم :graaam (129):
بإنتظار البارت الجااااااااي :graaam (262):

متى بينزل ؟؟؟:graaam (183):
وأنا من متابعينك حبيبتي :graaam (77):
استمررررررري:graaam (175):

itzshaikha 28-01-2014 10:47 PM

رد: قلبي عن غيرك تسكر . بقلمي
 
وااااااااااو بارتات رائعه
ممكن رامي يخطب ريهام
بلييز لاتتكلمين بالشين
ومتى البارت الجاي

ليالي العبدالله 28-01-2014 11:07 PM

رد: قلبي عن غيرك تسكر . بقلمي
 
اقتباس:

المشاركة الأساسية كتبها بَرٍستيجٍي غيرٍ (المشاركة رقم 24669857)
واااااااااااااااااو رووااااااااايةة حدها تجنن من بدايها :graaam (43):
كمليها حبيبي لا توقفين شكلها حلووووووة :msn4:
وأعتقد إنه رامي بيحب ريهام :msn2:.. ويوسف بيحب أروى :msn2:
والبقية مادري عنهم :graaam (129):
بإنتظار البارت الجااااااااي :graaam (262):

متى بينزل ؟؟؟:graaam (183):
وأنا من متابعينك حبيبتي :graaam (77):
استمررررررري:graaam (175):



تسلمين حبيبتي منورة الرواية
ألف شكر على مرورك وتشجيعك
وإن شاء الله لو لقيت تفاعل البارت الجاي بكرة أو بعده
كل الشكر لك حبيبتي
:graaam (103):

assyirt alhorrya 28-01-2014 11:07 PM

رد: قلبي عن غيرك تسكر . بقلمي
 
حاليا ما في انتقادات او ملاحظات نهائيا عندي

حبيت الرواية

حاولي قدر الامكان ما تكون روايتك تقليدية

حبيتها كثيييييييييييييييير

بليز كثري من اكشناويات الجامعة ههههههههههههههههه

رح تابعك بليز ما تتأخري

واقفليلنا البارات قفلة قوية لنتوقع ع مزاجنا

سلاميشن

ليالي العبدالله 28-01-2014 11:10 PM

رد: قلبي عن غيرك تسكر . بقلمي
 
اقتباس:

المشاركة الأساسية كتبها itzshaikha (المشاركة رقم 24670133)
وااااااااااو بارتات رائعه
ممكن رامي يخطب ريهام
بلييز لاتتكلمين بالشين
ومتى البارت الجاي

هلا والله حبيبتي
الأروع مرورك يالغلا يسلموا عالمرور
وألف شكر على توقعك
وإن شاء الله بالبارتات الجاية ما بتكلم بالشين لعيونك ^^

ودي لكِ
:graaam (103):

ليالي العبدالله 28-01-2014 11:16 PM

رد: قلبي عن غيرك تسكر . بقلمي
 
اقتباس:

المشاركة الأساسية كتبها assyirt alhorrya (المشاركة رقم 24670301)
حاليا ما في انتقادات او ملاحظات نهائيا عندي

حبيت الرواية

حاولي قدر الامكان ما تكون روايتك تقليدية

حبيتها كثيييييييييييييييير

بليز كثري من اكشناويات الجامعة ههههههههههههههههه

رح تابعك بليز ما تتأخري

واقفليلنا البارات قفلة قوية لنتوقع ع مزاجنا

سلاميشن


هلا والله بالغالية
تو ما نووووووور الموضوع
تسلمين على طمرتك عالرواية ^^
بالنسبة لأكشناويات الجامعة ولا يهمك من عيوني الثنتين
وقفلة البارت كمان ولا يهمك ..أنا توني بأول بارت حبيت يكون البارت بس تعريف بالشخصيات وكل شخصية وش دورها ... وإن شاء الله تتحمسون
ودي لك
:graaam (103):

بدور ~ 28-01-2014 11:22 PM

رد: قلبي عن غيرك تسكر . بقلمي
 
وووواااااااوووووووووو رووووووايهه رووععهه
اسسلووبگ جججميل ..
الروواييةة عججججبتني گثـير ..
يعطططيگ ربـي الف الف ععـآفيهه ..

تقبلـي ممروؤري ..


الساعة الآن +3: 01:18 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1