غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-01-2014, 09:36 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رواية رحلة انتظار /بقلمي!


رواية , رحلـة انتظار !
للكاتبـة / غاده الزهراني (لا احلل ازالة الحقوق) -قلمي-
.... 1 ....
الشخصيات | ابو طلال , ام طلال عندهم ولدين و 3 بنات ..
الاكبر : طلال , عبدالعزيز , مريم , ساره , وفاء ..
العائلة الثانيه | ابو خالد , ام خالد عندهم بنتين وولد
خالد , لمياء , لمى ..
العائلة الثالثه | ابو مهند وهو الاخ الاصغر بعد ابو خالد عنده 3 اولاد و 4 بنات ..
مهند , سامي و سلمان *توام*
ملاك , اريج , مشاعل والاخت الصغرى مدى ..
_____________البارت الاول_____"1"________
مسحت على اوجاعهم وخبيت وجعي صنعت لهم فرحه كنت انا احتاجها !!
دخلت ملاك البيت بعد مارجعت من المدرسه واهي تمسح على راسها بتعب
ام مهند : هانت يابنتي كلها اسبوع وتخلصين
ملاك : اه ياربيه الاسبوع ذا احس انه سنه
مهند واهو داخل : ههههلا واللله
ام مهند بابتسامه : اهلين يمه
ملاك : انا طالعه باخذ لي شور وانام
مهند بغمزه : جبتي العيد صح
ملاك بابتسامه : لا بسم الله علي
ام مهند : احط لكم الغدا !!
مهند : اييه جوعان الا وين الباقي ابوي واريج وسامي؟
ملاك وهي طالعه مع الدرج : خواتي كلهم خامدين وابوي بالداوم كيف يمه وفرت الاجابه
ام مهند واهي تضحك : هههههههه أي والله والمشكله مهند كانه مايدري عن اهله دايم نفس السؤال والاجابه
مهند : هههههههه ايه وش دراني , الغدا وش صار عليه ؟
ام مهند : راننننني *الخدامه*
راني من المطبخ : ايييووووا جايه بحط غدا
ام مهند واهي تطالع بولدها وتقول : ياحياتي راني من يوم ولدتك وهي عندنا تصدق !
مهند : الله يرزقها على نيتها
تغدا مهند وراح بدل وعلى طول طلع
مهند رن جواله لقا اخوه سامي
مهند : هلا
سامي بضحك : تخخخيل سحبت على خالد سحبه قسم بالله يضحك
مهند واهو يدري عن سحباته : ههههههه وش صار بعد
سامي اللي يحب يقول كل شيء ل مهند : قلت له تعال ابيك بشي ضروري الهم واعدته بكوفي وسحبت ولطعته وهو يدور بين المحلات
مهند بضحك : مو صاحي اقول لو نجتمع اليوم كلنا من زمان عنهم
سامي : مدري وش دخلني كلم ابوي
مهند : انقلع بس
قفل مهند وراح قابل ولد عمه طلال بالكوفي عشان يتناقشون بالشغل وشركت ابوهم واعمامهم
نزل مهند وميز سيارته الفخمه بينهم مشى ولقاه جالس
مهند : ارحب
طلال : هلا والله *وبدت سوالفهم بالشغل*
اريج واهي تنط بالدرج : هاي مام
ام مهند : هلا بدري كان نمتي اكثر صحي خواتك بس وش ذا اليوم البيت هاجد
اريج واهي تصرخ : مممممممممممممدددددددى ممملاككككك مشششاعل
ملاك : وجعوه صاحين
وبعد مانزلوا الكل اجتمع الا مشاعل اللي تحس نفسها غريبه معاهم !!!
احساس يراودها انهم مو اهلها انها مو قطعه منهم !
مع انهم طيبين ومعاملتهم معها ابدا ماتفرق مع الباقي عايشين بسعاده ولطافه وحنان بالبيت كله!
الا اهي من يومها تحس انها مو بنتهم
مدى واهي تنطط عند مهند اللي غامرها بحبه وحنانه
مهند : خلاص مدو حبيبتي صدع راسي
ابو مهند : ايه يامهند وش صار على الشغل !
مهند با اهتمام : ابدا لا جديد بس طلال قال فيه موضفين جدد وعندهم خبرات اعلى من اللي عندنا وقالي اذا تبونا نستبدل !
ابو مهند : لا مايحتاج اللي عندنا معنا من زمان وفاهمين شغلهم عدل
ملاك : ياربيه خلاص اشبكم كل شويه تحكون عن الشغل غيروا
مهند بابتسامه : الا على الطاري وش رايكم نجتمع ببيت عمي ابو طلال !!
ابو مهند اللي مايرفض شي لولده : ايوالله ازين ان شاءالله بكلمهم الحين
مشاعل واهي نازله وداخله المطبخ خذت كوب مويه وطلعت
اريج : هالبنت موع اجبنا وضعها
ام مهند و ابو مهند بارتباك : هاه ! ليه !! بسم الله عليها شحلاتها معنا وش ذا الكلام الفاضي
ملاك اللي حست امها وابوها يبون يطلعون نفسهم من السالفه قالت : يمه وين سلمان وسامي !!!
ام مهند اللي حمدت ربها لغيير السالفه اللي فيها سر مايعرف فيه احد غيرها وغير زوجها
وقالت : بالغرفه يلعبون بلايتيشن مدو روحي معاهم
مدى بمرح : ان شاءالله ماما
دخلت مدى وحاست عليهم ورجعت وهي تضحك وتقول : احسن يلعبون ومايقولون لي
الكل : هههههههههههههههههههه
في بيت ثاني فوق صراخ دام ل نص ساعه من لمى وهي تصارخ على لمياء تعطيها الاب توب
لمى : تعطيني والا والله اكسره على راسك
لمياء واهي تسكر المحادثات وتقفل ايميلها : هاك وجع
خذته لمى وخلصت شغلها ونزلوا تحت على العشاء
دخل ابو خالد والكل قام يسلم عليه وتعدلت وضعياتهم لشدة عصبيته بس فيه طيبه وحنان الدنيا كلها لاكن وقت الغلط مايعرف مين اللي قدامه
الكل جلس وقام ياكل خالد واهو يمزح : معقوله ذي لمياء الله الله من متى !!! كان تعشيتي ونمتي على الاب توب
لمى بنفس المزح : ايوالله اربع وعشرين ساعه عيونها مبققه عليه
لمياء واللي انفعلت وطلعت كلام ندمت عليه طول عمره لانها فجرت قنبله وزرعت الشك بينهم وقالت بصوت عالي واهي واقفه : ايه انام واصحى عليه على الاقل اقابل ناس حنونه موو زي اللي عندنا اعوذ بالله
ام خالد : بنت خخير وش ذا الحكي
خالد واهو يوقف : مين الناس ذولا
بادلها ابو خالد نظرات غضب خوفتها وخوفت البيت كله لصدمته بكلامها اللي ماعمرها صرخت وتكلمت بهالشكل الهمجي
لمى : هههه وش فيكم قصدها صديقتها وجدان أي والله ياحليلها من بنت حبوبه وتحب اختي مرا ودايم اكلمها اصلا وش على بالكم انتم !!
خالد رفع حاجب واهو يقول : هه اها خلاص يبه روق
وقام وهمس للمياء لي تفاهم ثاني معاك
لمياء اللي اتبلمت وسوت نفسها طبيعيه من كثر ما لمى تغمز وتقرص فيها عشان مايشكون
كملوا عشاهم وجلست لمى وام خالد وابو خالد
ام خالد واهي تصب شاي : وش صار على العزيمه !
لمى اللي انبسطت وقالت : واو عزيمه مممتى !!
ابو خالد بابتسامه : بكرا ببيت ابو طلال ان شاءالله
لمى : اللله ونااااااااسه اخيرا من بدت الاختبارات وحنا ماشفنا بعض كله من ملاكوه
ام خالد واهي تضحك : لا بترسب عشانك
لمى : ايه المفروض
خالد واهو جاي لمهم قال لامه : ياست الحبايب ياحبيبه ياحبيبه يا اغلى من روحي ودمي وكملت معاه لمى واهي تقول ياحبيبه ياحبيبه
ام خالد شقت الضحكه واهي تقول الله يخليكم لي
ابو خالد : هههه بزعل خلاص وانا مالي شي
خالد ولمى قاموا عنده وقالوا : انا زعلتك بحاااقه طب ايه ياحبيبي هياااا بتداري عينك ليييه لما بتيقي بعنيااا
وكملوا سوالف وضحك
وجاء بكرا والتموا الحبايب ...
الكل اجتمع وكان بيت ابو طلال هادي ومرتب والشباب مع بعض برا بالخيمه اما الرجال جلسوا بالمجلس والحريم مع بعض والبنات مع بعض
ملاك : واقلبيييييه اشتقت لكم يامعفنات
مريم : ايه والله من زمان عن الجمعات
ملاك : مششششاعل تعالي اشبك
مشاعل كالعاده رفضت وماصاروا يستغربون
لمياء دق جوالها ابتسمت وقامت طايره بالغرفه وسكرت الباب
لمى بنبرة حزن وقالت لهم اللي صار لها
ملاك : عاد خالد الله من ثقالة الدم المفروض يغطي عليها
لمى : والله هي تكلم وهبلت فيها صديقتها حسبي الله عليها وجدان لا رقيب ولا حسيب وانا دايم ارقع للمياء
وفاء : ايششش !!!! وانتي كنتي تمدحينها !!!
اريج : عارفه انها بتطيح براسك لو صار شي !!
ملاك : ايوالله محد بياكلها غيرك وشفتي كيف لمياء مايهمها احد
لمى اللي ارتبكت ووسعت عيونها واهي تقول : انا اختها اذا مادافعت عنها مين بيدافع عنها ؟ خالد مثلا
ملاك : ماقلنا كذا بس ماتقعدين ترقعين الحين هي مو شايله هم تنكشف انتي زي الستار تغطين عليها بكل حاجه
اريج : بنات خلونا نغير السالفه واذا جت بنتافهم معها
لمى : لو صديقتها بس تبعد عنها اهه منها خربتها
مريم : مافيه شي اسمها خربتها قصدك هي خربانه وفرحت لما لقد احد نفس جوها
لمى : وجعع خخخير وش خربانه بعد
اريج : بنات بس مانبي مشاكل ماجينا نتمشكل
ملاك : اسفه لمى بس هي صدق من زمان وهي كذا بس احنا ماكنا نعطيها على جوها وانبسطت مع وجدان
لمى وعيونها بتدمع : اختي بتروح من بين يديني وبتطيح على راسي
وفاء اللي كانت ساكته : لا ماراح تطيح موب لذي الدرجه يعني اختك ماراح تسكت بتقول الصدق
المهم غيروا السالفه اذا جت حاكيتها انا
لمى : هين يالمياء هين
ملاك خذت الدف وقالت خلوا العيال يطلعون نبي نروح هناك نرقص
لمى بضحك : جست واو يلايلا
الكل قام ووفاء نادت : عيال عمي بالله اطلعوا بندخل
مهند : تحلممممين
ملاك : مهند بالله
خالد : موستحيل
لمى : خالد بالله
ضحكوا الكل وبعد محاولات طلعوا بس بعد ما انرفع ضغط البنات
دخلوا وملاك ووفاء ومريم مسكوا الطبل والباقي يرقصون واللي يغني واللي يصفق لين وصل الصوت الحريم اللي قاموا انهبلوا على هبال بناتهم الا لمياء اللي كانت تايهه بدوامه "عبدالرحمن" اللي يوهمها بحبه واللي غرقها بكلام يخليها توافق تطلع م ع ا ه !!!!
وظلت تكلمه ومشاعل كعادتها ماتحب احد وماتكره احد ماتبي شي من احد ماتحب تحتك با حد تحس انها ضايعه تايهه يتيمه !!!
تمنت ترتمي بحضن حنون وتصرخ بكل مافيها نست ان حضن ام مهند ينتظرها و طااااااال الانتظار انرمت بسرير طلال اللي انعمت عينها ماتدري ليه دخلت غرفته بكت بكت لحد مانامت بدون ماتحس !!!
طلعت لمياء وعلى طول سمعت صوت البنات والكل متجمع وراحت شاركتهم الوناسه حتى الشباب دخلوا يرقصون كان احلى يوم قضوه لكن مو عند الكل !
فجاه طاح الحظ ان طلال يروح يجيب مفتاح سيارته ويطلع مع مهند يجيبون عشاء ..
توقعاتكم + ردودك + رايكـم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-01-2014, 10:29 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رد: روايـة (رحلة انتظار !!


البارت 2 ..
طلال طلع الدرج لف على غرفته شاف !!!
الباب كان مفتوح شاف ملاك نايمه !
شافها ايه شافها واهي مرميه باقسى لحظات حياتها وشعرها متناثر على وججها شكلها كان يرثى له لو انه صخر ذاب من الموقف وخصوصا مثل طلال اللي يسمع عن اسلوبها كئابتها اللي منعزله منطويه عن الكل عايشه لنفسها ولخيالها ووهمها وبس ..
قرب بشويش بدون أي صوت كان يبي يقفل الباب وتطلع وكان يبي على طول يصحيها وش يسوي !!
طلع برا واخذ كوره ورماها وطلع صوتها وفاقت بخوف وابعد طلال وراح اهي قامت على طول وحست على نفسها وطلعت ركض خوف من ان احد يشوفها وماكانت تدري ان طلال راقبها بكل لحظه !
كيف قدرت مشاعل تسلب قلبه بلحظه !!!
رجع شاف مكانه وماحركه اخذ المفتاح ونزل
ام طلال : وش فيك يايمه نمت !!
مهند : شكله اقول امش بس
طلال بمراره : مالي خلق مهند روح مع خالد
خالد : تعال مهند نروح انا وياك
طلال ابتسم لان خالد ما عاند زيد دايم
على الطاري – عبدالعزيز اخو طلال كان مسافر يكمل دارسته بلندن مع صديقه تركي –
ام طلال : كلمت عبدالعزيز
طلال : لا والله لسى انا بطلع بالشارع شوي وبجي
طلع واتنهد تنهيده طويله
لو كنت ادري انه نوع من الادمان ما ادمنته , لو كنت ادري انه باب كثُير الريح مافتحتهَ , لو كنتُ ادري انهَ عودّ من الكبريتِ ما اشعلتـه ..
دخلت مشاعل تكمل ماتبقى من دموع وتناهيد واوجاع غسلت وجهها وجلست بالصاله اللي ماكان فيها احد كلهم بالخيمه والرجال بعيد بالمجلس
ام مهند وجعها قلبها وطلعت تشوف بـ نـ تـ هـ ا اللي ماهي من بطنها ..
دخلت ام مهند الصاله ولقتها مشت لناحيتها وحست انها كانت تبكي جلست جنبها ومسكت يدها واهي تقول : وش فيك ياقلبـي ؟ وش اللي مضايقك ؟ تبينا نطلع ؟
مشاعل اللي احتاجت هذي الحظه تعبت تعبت تعبت وقالت والدموع متجمعه بعيونها : وين امي ؟ ليه ماتحتويني ؟ لفت مشاعل وجهها وابعدت وقالت : يايمة يا اللي راحله عن العين من يرحم بحالي
عمري اندفن وياك يا جنة آمالي
بس صورتك ظلت طيف يتراوى لي
أتمنى موتي يحين و لا أجرع أهوالي
ظل القلب حاير و تهل دمع عيني
طفلة بصغر سني عند من تخليني !!
يمه ليش تركتيني يمه حرام عليك يمه وينك !!
ليتني مت باحشائك ولا عشت هالاحساس !
الاحساس اللي دايم يجيني شعور مُر !
انا مين ؟ قطعة لحم ظليت ببطن امي 9 شهور وبعدها !
وش صار ! امي ماتت ؟ انا يتيمه ؟ ولا لقيطه؟
شهقت ملاك ومريم اللي سمعوا كل شي من اول ماراحت ام مهند لحد ماصرخت ام مهند وشهقت وضمت مشاعل وصارت تبكي وتقول : امك صديقتي يامشاعل وهي تـ و فـ ت و امنتنـ ي عليك
وكملت وصوتها متقطع وتشهق : لاتسوين بنفسك كذا تكفين يايمه تكفين حسي اني امك مو بس حسي الا انا امك
مشاعل اللي الكلام نزل زي الصاعقه عليها مع انها كان عندها احساس بس توهم نفسها بالكذب لحد ما انكشفت الاوراق !!
طاحت مشاعل وام مهند صرخت و ملاك ومريم ركضوا عندها وشالوها وملاك كلمت مهند يوديها ويطلعون من الباب الخلفي
راحت ملاك وام مهند ومهند ومريم للمستشفى
نامت بالسرير الابيض وكان ودها ماتصحى كانت تتمتم بموت بموت صابها انهيار عصبي وانخفض الضغط عندها واصروا تنام عندهم للراحه لانها ماتستقبل أي كلام او أي احساس ممكن فيها تروح بخطر !
بالبيت الصغار انصدموا قبل الكبار عم الصراخ والصدمه والوم على ابو مهند اللي المفروض يشكرونه انه احتواها لاكن الكل كان بحالة هستيريا ماكانوا يحسون باللي يقولون طلال اللي دخل على صراخهم وفهم من خالد السالفه وسع عيونه واهو يقول : وينها !!!!
خالد : وش وينها بتتنوم وممنوع الزياره
طلال : اقولك باي مستشفى ماتفهم !!
خالد قاله المستشفى واهو مستغرب من تصرفه
ركب طلال السياره واهو تايه دعس بقوه وضرب الدركسون واهو يقول : ليش ليش يا عمتي ماقلتي لها واهي صغيره نزل بسرعه ونبضاته متسارعه يبي يشوفها
ام مهند : طلال ؟ وش جابك
"هذا اللي ماحسب لهالرد"
طلال : اا جيت عشان اشوف محتاجين شي واطمن على الوضع
مريم من بين دموعها : مايحتاج روح
ام مهند اللي صوتها مو طالع من كثر ما قلبها انعصر على مشاعل : روح يايمه مهند معنا
مهند واهو جاي بكون مويه لامه : تفضلي يمه وهدي الحمدلله بكرا بتطلع وخلينا نرجع باقي نريح
راحوا معاه
مهند : طلال وانت ؟
طلال : وشو ؟
مهند : بتجي معنا ؟
طلال : لالا برجع الحين بسيارتي
شافها من خلف الزجاج !!
انكسر خاطره عليها وقال بنفسه وش فيني انا ؟ هه بس حرام اللي صار فيها مسكينه ماتستاهل طلع من عنده راح سال عنها قالوا : تعرضت لصدمه وانهيار عصبي ونزل ضغطها خصوصا انها ماكلت
طلال : ومتى بتطلع ؟
الدكتور : ان شاءالله بكرا خليناها بس نتطمن عليها .
____________ ننتظر الردود والتعليقات *.*

البارتيات الاولى بتكون شويه قصيره والجايه ان شاءالله اطـول , قراءه ممتعه :$

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-01-2014, 11:30 PM
صورة sho_awr الرمزية
sho_awr sho_awr غير متصل
©؛°¨غرامي فضي¨°؛©
 
الافتراضي رد: روايـة (رحلة انتظار !!


رووووووووعه
تسلميين ع الروايه الحلووووووه
ابداااااااع بانتظارك قلبو بالبارت الثالث

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-02-2014, 12:37 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايـة رحلة انتظار /بقلمي!


صباح الخير .. ياهلا فيك بغرام ... موفقة بطرحك .. عزيزتي حاولي ماتعتمدي على الحوار واستخدمي السرد والوصف لمكان الحدث وللشخصيات .. وياليت تكبري الخط

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-02-2014, 06:56 AM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رد: روايـة رحلة انتظار /بقلمي!


البـارت 3
..
..
..
مافيه اجمل من شعور البرود ؟
لما تحس انه ولاشي صار يخصك تنام , تقوم تبتسم للناس تسوي المطلوب منك بدون أي تعليق وتكون اجابتك لكل شي ابتسامه باهته ماتعجب احد
بالضبط هذا كان شعور مشاعل بعد طلعتها من المستشفى طلعت والكل استقبلها بحب وود خصوصا ملاك واخواتها اللي عرفوا معاناتها
مهند : هلا با اختي هلا تو م نور البيت
مشاعل ماعلقت وابتسمت
سامي وسلمان وملاك واريج بصوت واحد : الحمدلله على السسلامه
مدى اللي بشور ام مهند راحت وضمتها
شعور غريب راود مشاعل وماقدرت تكتم اكثر ضحكت وقالت : الله يسلمكم كيفك مدو اشتقت لك
ام مهند اللي راحت ضمتها بقوه يوم سمعتها تكلمت
ام مهند : الحمدلله على السلامه يايمه
اريج : مشاعل ابوي وين ؟

مشاعل : برا
مهند طلع له لقاه يكلم رجع وقال : يكلم
مدى : خلونا نجلس مشاعل تعبانه اكيد
مشاعل : هههه طيب ياقلبي
اريج : ايوالله من اليوم واقفه ريحي
ملاك : راني جيبي عصير لمشاعل
كيف اوصف لكم مشاعر مشاعل ؟ كانوا غامرينها بحب وحنان واخوه وضحك وسوالف يالله وين كانت ووين صارت
مشاعل : يـ مـ ه بطلع اخذ شور واجي
الكل طالعها ومابين ام مهند وعيونها تصرخ فرح : ياعيون امك خذي راحتك ياقلبي
مشاعل ابتسمت ابتسامه ماعمرها طلعت من قبل
راحت خذت شور ولبست ولمت شعرها اللي الكل ينهبل عليها اللي الكل يتمنى يتقرب لها وماقدر
كانها ابتدت حياة ثانيه حياة جديده حياة غير تتمنى تبعد كل شي كان يضايقها نزلت لهم واهي مبتسمه وردت النور للبيت جلست جمب ملاك
ابو مهند : هلا والله الحمدلله على سلامتك شفتي كيف انا اول واحد واخر واحد
مشاعل بابتسامه كلها خجل : ههههه اكيد انت الحب الاول والاخير
اريج : وامي بنص
مشاعل : هههه لا والله كلكم نفس الشي
ملاك : اقول مشاعل دلعناك تشربين عصيرك ولا اشربه ؟
سلمان : اعوذ بالله ما امداها تنتانس
سامي : اقول الحين وناسه انا بخلص متوسط انا والخبل ذا وع نروح الثانوي بس كذا احس اني كبير
مشاعل : عادي ملاك شدعوه المطبخ مليان
مهند : اعوذ بالله منكم اقول بطلع انام انا
ابو مهند : انا طالع مع ابو خالد
ام مهند : زين خلاص اصلا صار عندنا رجالين
سامي : احم
ملاك واهي تشرب العصير : جست واو بفتك من الثانوي
مشاعل : وانا بخلص الجامعه انا ووفاء ومريم ههه
ملاك : اصلا عادي وناسه
ام مهند : الله يعينكم والله
سلمان : نفسي ف حلى
ام مهند لقتها فرصه ان مشاعل تتاقلم معاهم وقالت : نبي نجرب حلى مشاعل بس مو اليوم خلوها بكرا ونعزم ام خالد بعد
مشاعل : هههه ابشري
اريج : وعمتي ام طلال تكفين
ام مهند : ان شاءالله بكلمهم بعد العصر يجون يتقهون ويتعشون معنا
مدى جت بصراخ : ماااااامااااا قولي لسلمان يجيب لي شيبس
سلمان داخل من وراها : مافيييييه
مشاعل : حرام عليك لو اني ولد جبت لها
سلمان : ياليل زين بجيب لك
ملاك : يالبيه كفو مشاعل خلك كذا
اريج : ياه ياه ..
ملاك : اقلبي راب احسن بعد
مشاعل فقعت ضحك وقالت : ايوالله بالله عيديها تضحك
ام مهند : عيديها خلينا نضحك
قامت اريج وسحبت ملاك وصارت تقول : ياه ياه ياه ياه
ملاك واهي تسحب يدها والكل يضحك : وخخخري مو صاحيه
اريج : ههههههههههههههههههههههه ياه ياه
مشاعل : وش يفكك منها الحين
ملاك واهي تقعد : مسكت معها ياه ياه ليتك ماقلتي تعيدها
اريج : ههههههههههه انقلعي
ام مهند : ههههههههههههههه هبله
ملاك : توك تدرين
اريج بخجل مصطنع : افا ماما انا هبله ؟
مشاعل : ياليتك كذا
اريج : لا والله يازين الهبال خليني كذا ازين
ملاك : اقول يمه كلميهم الحين عماتي
مشاعل : ايوالله احسن ليه تاجلين
ام مهند : لا خليها بكرا عاد عماتك يمسكون خط سوالف وانا مالي خلق خليني اروح اصلح العشاء
.................................................. .... خالد سرح بخياله لعالم ثاني ! عالم اخته مايدري وش يسوي خصوصا انه مو قريب منها خاف حيل وتضايق وكذا مره حاول ياخذ الاب توب بس مايلقى شي !!
ام خالد اللي حست ان ولدتها بعالم ثاني همست له : وش فيك
خالد : يمه وضع لمياء مو عاجبني
ام خالد تنهدت : يايمه لمى قالت انها وجدان صديقتها وانت عارف لمى ماتكذب
لمى واهي داخله ومتنرفزه من الحكي : يوه رجعنا على هالموال !!
خالد : مدري الله يستر منها بس لمو انتبهي لها
ام خالد : شدعوه خلود وش فيك شاك كذا !!
خالد واهو يغمض : مدري !!
لمى واهي تعض شفتها بقهر : انا طالعه على العشاء نادوني
ام خالد : زين يمه بس جيبي تلفوني اكلم جارتنا ام ساره
لمى واهي تجيبه : طيب
طلعت ودخلت الغرفه ولمياء على ماهو عليه تكلم
طلعت ماحبت تتضايق ودخلت تاخذ لها شور
لمياء : لحظه حبيبي اقفل الباب
عبدالرحمن : طيب ياقلبي وروحي
لمياء : رجعت
عبدالرحمن بخبث : قلببببي متى اشوفك ؟؟ متى يجي هاليومم لهدرجه يعني للحين مو واثقه فيني
لمياء : لالا اسسفه مو الحين وموسالفه ثقه بس مدري
عبدالرحمن : عادي ياقلبي فكري ما ابي اضغط عليك
لمياء اللي اعجبها اسلوبه ماتدري انها وسيله انه يهجم عليها
لمياء : طيب بقفل الحين صديقتي بتجيني
عبدالرحمن : اه يابختها طيب بشتاق لك !!
لمياء : هههه شدعوه حبيبي اربع وعشرين ساعه اكلمك
عبدالرحمن : مايكفي
لمياء : يوه خلاص دقت يلا اخليك
عبدالرحمن : باي
هههههههههههههههههههههههههههههههههههههههههههههههههه هههههههههههههههههه
فهد : والله صصصدتها
عبدالرحمن : ياحليلها تحسب نهاية علاقتنا زواج ههههههههههههههههههههههههههههههههه تخيل اني احب انسانه بهالوقاحه او اتزوجها هههههههههههههه
فهد : متى بتشوفها ؟
عبدالرحمن : بالبدايه بجيبها كوفي لحد ما اسحبها شوي شوي
فهد بغمزه : مو هههين
..
..
وجدان مرت من عند ام خالد وخالد طلع غرفته
ام خالد : هلا بنيتي
وجدان بوقاحه وبلبسها العاري ماعجبت ام خالد ولا ارتاحت لها : هه هلا اقول وين بناتك ؟
ام خالد : لمممممى لمييييييييياء
لمى واهي جايه وبقلبها كميه كره وعدم راحه لهالمخلوقه : اهلين وجدان
وجدان : ههلا والله كيفك
لمى : تمام تعالي فوق
وجدان : زين وطلعوا فوق راحت لمى وخلت لمياء ووجدان ونزلت لا مها
ام خالد : مارتحت لها
لمى : بالعكس حبوبه ححيل بس هي الحين متضايقه
ام خالد : من غير من شكلها اسلوبها حركاتها حتى لبسها مو محتشم والعياذ بالله !!
لمى اللي حزنت انها كذبت وقالت : تراني مو ذاك الزود معها بس اسمع لمياء تقولي عنها
ام خالد : الله يستر والله صرت اخاف على لمياء اطلعي معاهم لاتخلين وجدان تلعب براسها
لمى ماحبت تدخل وقالت : خليهم يمه مابي احتك فيها ولمياء مو بزر ..
ام خالد : الله يعين
..
وجدان : وش صار مع دحووم
لمياء : اه اسكتي بس
وجدان : ماتفكرين تقابلينه ؟
لمياء : مدري ياشيخه خايفه هو قالي بس اخاااف
وجدان : بياكلك مثلا لازم تقابلينه
بدت وجدان تلعب براس لمياء اللي كلام وجدان تقتنع فيه بسرعه
لمياء : طيب لو قابلته تجين معي ؟
وجدان : على حسب بس قولي لي انتي واشوف
دق جوال وجدان وقالت : يوه تاخرت خلاص لمياء خلي بيننا اتصال
لمياء واهي توقف : لسسسا بدري ما امداني اتكلم !!
وجدان : حتى انا ودي اجلس اكثر (رفعت جوالها واهي تاشر بيدها دقيقه) ايوا ماما ؟ لا شويا ما ابغى دحححين ماما بلييز والله ما امداني لاني رحت السوبر ماركت .. اوكي ساعه او ساعتين وحطلع من عندها طيب باي
فرحت لمياء وقالت : الله بتجلسين معاي يعني
وجدان : ايوا ماما وافقت
لمياء : ايوه خلينا على كلامنا الحين اطلع معاه؟
وجدان : اسمعي دقي عليه ابغى اشوف اش يقولك وكذا وواعديه بكرا
لمياء : لا يييمهههه مسستحيل وش بكرا مهبوله !!!
وجدان : اشبك ؟ احنا ايش قلنا من اول ؟ انا حكون برا بالسواق وحشوفك والله ما اتركك
لمياء تحسبها صديقه وتحس ان هالموقف كبرها بعينها مادرت انها صديقة سوء !
: طيب بكلمه الله يستر
وجدان بضحكه : يلا وحطي سبيكر وقامت سكرت الباب
لمياء بعد اول رنه رد : اا هلا حبيبي
عبدالرحمن : ياقلب حبيبك انتي شكثر وحشتيني
لمياء : ههههه وانت اكثر
وجدان واهي تغمز لها يعني قولي له
لمياء : ااء حبيبي انا خلاص وافقت اطلع معاك بس بشرط !
وجدان واهي تدقها متسائله وش شروطها
عبدالرحمن بخبث : حبببببيبي انتي مسستحيل اخيرا وافقتي وش شروطك ياقلبي امممري اهم شي اشوفك
لمياء : ههههه افا صوري ماملت عينك ؟
عبدالرحمن : بس غير عن انك تكونين قدامي المهم قلبي وش شرطك؟
لمياء : امم نروح مكان عام ! كوفي مثلا ؟
عبدالرحمن ماعارض لانه بيسحبها غصب : اكيد حبيبتي على راحتك متى تبين ؟
لمياء : بكرا
عبدالرحمن : الود ودي اليوم لاكن بصبر لين بكرا
لمياء : طيب حبي طولت عليك اخليك
عبدالرحمن : اووك ياروحي باي ..
وجدان : اااااااااااااهههههههههههههههههههههههههههههه اخيرا
لمياء : يوه احس بحراره بوجهي من الحين ياربي مدري وش اسوي هف طيب وش اقول لامي ؟
وجدان : خليها عليا
لمياء بتنهيده : طيب خلينا نغير الموضوع سولفي لي عنك وش صار مع امك وابوك ؟
وجدان : خلاص تطلقوا وانا قعدت مع ماما
لمياء : ياقلبي الله يعين !
-
-
-
صبـاح جديد في منزل ابو طلال ..
طلال واهو نازل مع ابوه
لقى امه وساره ووفاء ومريم يفطرون
باس راس امه وجلس اهو وابوه يفطرون بسرعه عشان الدوام
ساره : بشويش بشويش مب طاير الدوام
وفاء تستعجل مثلهم : حتى انا بروح الجامعه يوه تاخرت
مريم : خير وفاء ماراح اطلع الحين
وفاء واهي تقوم : دقت ساميه يلايلا باي
مريم : هييييه مع مين ارووووح
وفاء : كيفك يلا باي
ساره واهي تشرب شاي : روحي مع مشاعل !
ابو طلال : تبين نوصلك ؟
ساره : يبه مايحتاج مشاعل تروح الجامعه معهم ولسى ماطلعت خلها تمرها بسواقهم
طلال : يبه باقي ساعه على اجتماعنا على مانوصل
ابو طلال : أي صح اجل يالله مع السلامه ..
ام طلال : الله يحفضكم , مريم دقي على مشاعل
مريم : ياربيه طيب لحظه
طلعت تلفونها ودقت ماردت ودقت على ملاك
ملاك : هاه ؟
مريم : يالله صباح خخير كيفك؟
ملاك : تمام وش فيك ؟
مريم : مشاعل طلعت الجامعه ؟
ملاك : ايوه قبل شوي
مريم : لااااا ياربيييييه طيب خلاص باي
ملاك قفلت منها ورجعت تسريحتها تضبط شكلها وفرحانه لاخر يوم بالاختبار
مريم : يمه مشاعل راحت
ام طلال : طيب ارسلي لها تمرك ما امداها توصل ؟؟
ساره : ايه وين يمديها ارسلي او دقي
مريم : طيب بدق
بعد ثالث رنه ردت وبصوتها الناعم : هلا مريم
مريم : هلا فيك ماشاءالله توك تردين مريني تكفين
مشاعل : ههههههههههههههههههه كويس مابعدت ولا سحبت عليك , طيب يلا تقريبا ربع ساعه وانا عندك
وسكرت ابتسمت مريم وقالت : واه الحمدلله بتمرني بروح اجلس بالحوش الجو مايتفوت حظك يا ساره مخلصه
ساره : هههههههه الحمدلله افتكيت ..
ام طلال : هههههه الحمدلله بس بدال جلستك توظفي
ساره : ردينا يمه خلاص سكري ذا الموضوع
... ردودكم + تعليقاتكـم  .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-02-2014, 07:08 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رد: روايـة رحلة انتظار /بقلمي!


_
البارت 4..
مريم دق تلفونها ردت : هلا مشاعل
مشاعل : يلا انا برا
مريم : اوك
طلعت وركبت السياره
مريم واهي تبوس مشاعل : كيفك
مشاعل : الحمدلله اقوول الملف معاك ؟
مريم : هااااااااا !!!!!!
مشاعل : لاتقولين ماخلصتيه ؟
مريم واهي تقول لسواق : وقف وقف ارجع البيت
مشاعل : حسبي الله انزلي بسرعه خلقه متاخرين
نزلت مريم ركض وماتت مشاعل على شكلها ودخلت مريم البيت
ساره اللي كانت طالعه تنام : بسم الله وش فيك
مريم : نسيت الملف
اخذت الملف وطلعت واهي طالعه تعثرت كذا مره وصورتها مشاعل واهي ميته ضحك
مريم واهي تركب : اه خلاص امش وش فيك انتي
مشاعل : بوريك شي بس بعد ما اوري البنات
مريم : اسكتي بس
مشاعل : هههههههههههههههههههههههههههههههههههه
مريم : امانه ايش
مشاعل : هههههههههههه اه بططططننني ههههههههههه خلاص بعدين
مريم لف وجهها ومشاعل كملت ضحك
ووصلوا الجامعه
وفاء واهي داخله المحاظره مع ساميه : ههههههههههه
مشاعل : تعالي بوريك شي تكفين قبل ماتدخلين مريم تقلعي شوي
مريم : هه انقلعوا بدخل محاظرتي باي
وفاء : ههههه وش فيك؟
مشاعل فتحت جوالها وورتها الفيديو
وفاء : ههههههههههههههههههههههههههه مسستحيل بطني ههههههههههههههههههههههههه قسم شكلها نكتة هعهعععععععععععععععععععععععععه
مشاعل واهي فاطسه ضحك : مت مت ضحك
مشاعل : حسبي الله بتذكرها بالكلاس وافطس ضحك
الدكتور : يابنات ادخلوا ..
مشاعل : ياليل هعههههههههههه يلا مشاعل اخليك
مشاعل : ههههههههههه طيب
الكل راح محاظرته وشاعل ووفاء ماسلموا من الدكتور ..
..
وجدان : الووو لمياء يلا انا جايه اطلعي لي
لمياء بارتباك : زين طالعه
هنا لمياء مافكرت باهلها ولا بربها فكرت فيه اهو كيف تسولف معاه كيف بيكون اسلوبها كيف وكيف ؟
.. خلاصة الموضوع !
فيه اشخاص بالدنيا بياعين كلام , تلقاهم يقولون لك كلام سطوره طويله وهو نسخ ولصق من شخص ثاني يعني لاتصير لعبه
ولمياء صارت لعبه بين يدين عبدالرحمن ..
وجدان تصرفت مع ام خالد وخبرتها انهم بيطلعون مع بعض السوبر ماركت –ياخسارة الثقه فيك يالمياء-
طلعت وياليتها ماطلعت
ركبت معها وعم الصمت لحد ماوصلت الكوفي نزلت وشافت عبدالرحمن من بعيد جالس لحاله ازدادت نبضات قلبها وجت من ورا وتقدمت لقدامه وجلست
عبدالرحمن انهبل عليها ووقف وقال : هلا هلا بحياتي ياقلبي انتي اخيرا
لمياء منزله راسها ماقدرت توصف كلمتين
وكمل عبدالرحمن غزل لين حاولت تعتذر وتقوم راحت وعلى طول ركبت مع وجدان
وجدان : هههبله انتي ؟ ماصار لك 10 دقايق لما نزلتي اشبك ليه جيتي
لمياء واهو مرتبكه : ياقلبي عليك موب صاحيه انتي
وجدان واهي تقول لسواق : حرك
بس ولو والله انك غبيه بس الجايات اكثر
لمياء : مارتحت له احس اني طحت بغلط كبير
وجدان : لا عادي اش غلط ماغلط عادي يابنتي مو وعدك بالزواج خلاص عيشي حياتك
لمياء واهي تطالع بالشباك : ان شاءالله ..
-
ام مهند : هلا والله ام خالد هلا والله ام طلال
ام طلال : هلا فيك
ام خالد : اهلين
ام طلال : اوه ام خالد هنا ؟
ام مهند : ههههههه مدري بناتي حاطينا كلنا
ام خالد : ياوك كلنا ؟ ههلا فييييييييكم
وسولفوا بعدين قالت ام مهند : والله ذاك اليوم مااسانست واجد ودي الحين نحتفل سوا وخصوصا ملاك والباقي نجحوا وكذا وش رايكم تجون بيتي اليوم تتعشون وتتقهون ؟
ام طلال : هههه ياقلبي انتي والله مادري استني ابو طلللال ...................................... ام طلال : ايه خلاص وافق حاكيته
ام مهند : زين خلونا نستانس وانتي يا ام خالد
ام خالد : اكيد ماراح يرفض اصلا هو كان يبي ابو مهند
ام طلال : ححححلو ان شاءالله اجيكم يبغالي حول ساعه على الاقل
ام خالد : حتى انا
ام مهند قالت بفرح : يالله الحمدلله حياكم الله
ام خالد وام طلال : على خير ياقلبي ..
الكل درا وبعد المغرب بالضبط
صراخ البنات والبزران وهواش الامهات على الحوسه وسوالف الشباب واستهبالهم وخشونه الرجال واصواتهم
ملاك : عمتتتي وححححشتييييييييينا
ام طلال : وانتي اكثر كلكم والله اشتقت لكم
لمى : يالبيييه ياخي شعور جمميل
مشاعل واهي تجيب الحلى : وذا سويته عشان عماتي
ام طلال : ياقلبي انتي
ام خالد : شوفوا السنعه مالت عليكم من بنات ورمت المخده على بمياء ولمى البنات فقعوا ضحك
لمى : افا افا يايمه انتي انطقي يامشاعل
مشاعل : سنعه انا وخري
وفاء : انا مامت الا على شكل مريم يوم تركض يوه متتتتتتتتتتتتتت ههههههههههههههههههههههه
مشاعل واهي تجلس : ياغبيه فضحتينا لمىىىىى هات جوووالي
مريم واهي تنط : وشششششو ياحيوانااااااااات
ملاك نطت وسحبت الجوال من عند لمى وطارت بالغرفه وقفلت الباب والبنات طاروا على فوق والحريم ماتوا ضضضحك عليهم
مريم واهي تدق الباب بقوه : قسم بالله اكسره يازق افتححي
ملاك واهي تضحك : هههههههههههههه امانه شكلك تحححفه هههههههههههههه
مشاعل : ملاك كككفو
مريم : ان ماهجدتي اصرعك بكف
اريج : ههههههههههههههه ملاك دخليني معاك
مريم : اقولك افتحححي يازق
ملاك –صوت ضحك-
مشاعل : هههههههههههههههههههههه
ام طلال من تحت : بنااااااااات جاء العشا اخلصوا علينا
الكل طل براسه من الدرج وشافوا الخدامه بدت تحضر الطاوله
مريم واهي ترجع للغرفة اللي فيها وتقول : هههههههههه الله ببلع بدون ما نتهاوش
ملاك فتحت الباب على طول وقالت امانه لاتمسحينه تكفين خليها ذكريات
مريم استسلمت لان البنات كلهم قالو لاتمسحينه : اوكي طييب
نزلوا وعلى العشاء
ام مهند : متى نفرح بوحده فيكم
ام طلال : ايوالله متى بس !!
ام خالد : المشكله وجيههم مو وجيه زواج
اريج : افاا ياعماتي
ملاك : الحين ليش ماتحلى السوالف الا على العشاء ؟
ساره مسويه تفكر وقالت : مايبي لها لانها على العشاء
الكل : هههههههههههههههههههههههه
ملاك : هات الكوب ارميه عليها
مشاعل : طيب اهجدي انتي وخلينا نعرف ناكل
ام مهند : ايوالله ماتتعبين ؟
ملاك : خلاص بسكت
دق جوال مشاعل وارتبكت والانظار صارت عليها !!
ابتسمت لهم وقالت رقم غريب بطلع اكلم واجيكم ..
.... السلام !
مشاعل ماستنكرت الصوت وقالت : نعم؟
.... مشاعل كيفك ؟
مشاعل : مين؟
.... : طلال
مشاعل حطت يدها على فمها وقفلت على طول
مشاعل اللي تعرف كيف ماضيه وتعرف مين كان يكلم
يعني ماااضيه اسسود
رجع دق ودق لين مازهقت ورفعت السماعه وقالت : طلال وش تبي؟
طلال : بتطمن عليك كيفك الحين ؟
مشاعل : بخير الله يسعدك لاعاد تدق !!
طلال احترم رايها وقال طيب ابشري
قفلوا من بعض هناك عند طلال اللي جلس فوق سيارته وقال بنفسه على فكره نسيت الامس وابي بكره ! لان الوقت مايسمح ولان حكينا يجرح ابي انسى ولا اشره صحيح اتعب ولي فكري وهم صبري وقلبي ياكثر صبره ! لكن بعز حزني انا افرح ايه افرح !لاني نسيت الماضي وغيرته ! لاني لاول مره احب بصدق والاقي هالبنت ! ايوه افرح وليش ما افرح ؟..
هناك مشاعل ما اهتمت مع انها تدري انه تغير بس مو بالسهوله توثق باي احد رجعت لهم
ملاك : مين؟
مشاعل : صديقتي بالجامعه ..
ام مهند : زين يمه كلي خلي ترد لك عافيتك
اريج واهي تمسك خصرها : وانا محد يدلعني لي الله
ام مهند : ههههههههههههههههه كلي حتى انتي
ام خالد : صح ام طلال كلمتي عبدالعزيز؟
ام طلال : ايه ياقلبي عليه يقولي يمه الغربه صعبه متى بجي
وفاء : هانت خلاص مابقى شي
ساره : اقل من شهرين ولا
وفاء : ايه ياحبي له اخيرا ودقت لمى
لمى بهمس : وجع خير ؟
وفاء : احم ولا شي
ابو طلال دق على ام طلال تطلع لان عنده اجتماع بكرا
طلعوا وطلعت معهم ام خالد
ومن بكرا الصباح ..
ابو طلال بالشركه : طلال وين مهند ؟
طلال : مدري مايرد علي
ابو طلال :
ابو خالد : هاه متى الاجتماع؟
ابو طلال : مابقى شي
محمد السكرتير : ابو طلال اتفضل بدا الاجتماع
ابو طلال واهو يقوم : توكلنا على الله
ام خالد دق تلفونها ولقت المتصل جارتها ام وليد سولفوا وام خالد عزمت ام وليد اللي ماعندها الا وليد ..
قامت ام خالد تصلح قهوه على مادق الجرس وضيفتها
ام وليد : صراحه انا جيت باخذ رايك وزي منتي داريه انا وياك عمر يعني باخذ رايك وبعدها عاد نجي رسمي
ام خالد فهمت منها بس باقي تساؤلات : خذي راحتك تكلمي؟
ام وليد : ودي وليد للمى
ام خالد : ياهي ساعه مباركه والله والنعم فيكم لاكن لازم شور البنت
ام وليد : شاوريها وبعدها بنجي رسمي
ام خالد : ابشري
ام وليد : اجل انا استاذن فمان الله
ام خالد : بحفظه
طلعت ام خالد لغرفة لمى ودقت عليها
لمى : اتفضلي
ام خالد قالت لها واتفاجات !
لمى : ايششش !!!!! وشو اللي تشورين ماتشورين ماني موافققققه ماني موافقه ورايي ماني مغيرته
ام خالد : طيب فكري؟ والله ماتلقين مثله بعدين وش هالانفعال اللي جاك
لمى واهي تنزل راسها وتمثل الهدوء : بكل قواي العقليه ماني موافقه عليه لو بموتي!!
ام خالد قامت ومشت للباب ولفت عليها وقالت : عموما ماراح اخذ بكلامك الحين اخليك تفكرين
هزت لمى راسها باستياء ودقت على ساره
وقالت لها
ساره : وعبدالعزيز يالمى !!
لمى : ما وافقت اولا ثانيا شدخل عبدالعزيز؟
ساره : يحبك يالمى صدقيني دايم يكلمني ويقولي كيف لمى وش صار على لمى
لمى اتنهدت وقالت : يكتب الله الخير بس ذا وليدوه يحلم اكون زوجته
ساره بابتسامه : ان شاءالللله لعزووز
لمى ماقدرت تخفي الابتسامه : اقول زودتيها خلاص بقفل
ساره : انقلعي
ساره اول ماقفلت دقت على عبدالعزيز وبلهفه ردت قبل مايتكلم : الوو عبدالعزيزز
عبدالعزيز : بسم الله اهلين وش فيك
ساره : هلافيك اسمع بقولك شي
عبدالعزيز ارتبك وعدل جلسته وقال : ايه وشو؟؟
ساره : لازم تكلم لمى ترا بتروح منك كثروا الخطاب واليوم جتهم ام وليد شفتها كيف علاقتها مع ام خالد وتبي وليد للمى وانت ياغافلين لكم الله ياخي كلمها
عبدالعزيز تلعثم ماعرف وش يقول !! بس فكر في كل شي الا انه يكلمها وقال بصوت خافت : لو تحبني ماراح تسويها
ساره بسخريه : مايندرى دامك مو موجود !
عبدالعزيز : انا موجود جواتها وبنشوف وش يصير
ساره : والله مدري عنكم
قفلت منه
اختنق عبدالعزيز
ممكن تتركني باي يوم !!
لا مستحيل ماتسويها واذا تحبني لازم تصدق بحبها لين النهايه .. ياقلبي يالمى اوعدك ما اخليييك يالله هانت اقل من اسبوع وانا عندهم واسوي لهم مفاجاه ابتسم ابتسامه هاديه ورفع كتابه وجلس يقرا
عند الحبيبه لمى دخل ابو خالد
جلس على الكرسي وهي عدلت جلستها ونزلت راسها لتحت
وقال : يابنتي يالمى انتي تدرين ان ام وليد مافيه منها ولا من وليد انا كذا اضمن لك السعاده والهنا والله ماراح يفرحني غير زواجك منه
هه يبه انا مايفرحني غير زواجي منه منه اهو بس ويني ووينه قالت بصوت مخنوق : بفكر
ابتسم ابو خالد ابسامة رضا وطلع وقال الله يوفقكم
هنا لمى صرخت وجع والم وظلت تبكي
هنا لمى الراي لها تمنت تكلمه وتشكي له بس سكتت وقلبها تحطم ماتدري وش تسوي محد وقف معاها فتحت باب غرفتها وطلت براسها من الدرج وشافتها ام خالد وقالت : هههههه بسم الله عليك تعالي
ابتسمت لمى ابتسامه باهته قالت : يمه انا موافقه ودخلت وقفلت غرفتها
ام خالد انبسطت وزغرطت وعلت صوتها ووصل للمى اللي زاد بكاها وخبطت راسها بالسرير ولمت المخده واهي تصيح ودموعها تحرق خدها
هنا لمى ماهي ناكره معروف لاكن فيه مواقف تجبرك تنسين كل الايام والسنين هنا رن جوالها
رفعت جوالها ومسحت الدموع وشافت الرقم !!!
معقوله !! عبدالعزيز !! هه توه يذكرني !!
طيب وش يبي ؟ بعدت كل الاسئله وحاولت تعدل صوتها وقالت : هلا
عبدالعزيز : لمى وش صار ؟
لمى من بين دموعها وقالت بسخريه : هه انت خطيت تدري ولالا وترا مو عشان اني احبك تحسب كل ما اخطيت بحق قلبي ما احس !! على فكره ماعاد ينفع هالحكي انا خلاص وافقت ..
عبدالعزيز انتفض وانقرص قلبه حبيبته وروحه بتروح منه لا مستحيل : ايش وش تقولين ؟ يعني وافقتي ؟ وتقولين عني اخطيت !!
لمى : الحياه ماوقفت عليك
عبدالعزيز : كيف قدرتي توافقين عليه
لمى ماقدرت تكمل وبكت
عبدالعزيز : لمى مادقيت عشان ابكيك لمى انا احبك وابغاك لي فاهمه علي !! مو ذنبي اني رحت وابدا ماكان براضي وانتي عارفه هالشي بس انا ماراح اتركك لو على موتي ماتتزوجين غيري
لمى من بين دموعها : وش راح نـ سـ و ي
عبدالعزيز : انا بحجز لاقرب موعد طياره وانتي لو تقدرين تقولين لعمتي انك رافضه !!
لمى : انـ ا عـ ط ـ يـ تـ هـ ا كـ ل مـ ه
عبدالعزيز اتنهد وقال : لمى انتبهي لك وسكر
منها وخلاها بصراع من الهموم والالم
قفل عبدالعزيز وراح حجز اقرب طياره للسعوديه وكانت بعد يومين
لمى حاولت تتغاضى عن اللي سامعته مع انها تدري ان عبدالعزيز متهور لاكن وكلت امرها لله ..
بعد هالبارت نبدا بـ عالمَ ثاني هموم ومشاكل وفرح وحزن !
كل المشاعر بتحسونها من البارت الخامس ان شاءالله ويبغالي وقت عشان اكتب لكم بارتيين .. قراءه ممتعه .


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-02-2014, 02:43 AM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رد: روايـة رحلة انتظار /بقلمي!


-
-
البارت 5
مرت اليومين بصعوبه على ابطالنا وخصوصا على لمى
هناك بالمطار وصل عبدالعزيز ماقال لاحد لانه راجع عشان غايته لو بينجزها وبيخطب لمى بيرتاح ويظل مبسوط ركب سيارته ودعس على الدركسون باقوى سرعه
هي عيني , يعني لو تبكي ابرفع من وسط قلبي يديني !
علموها الضيق كافر وان وجه الضيق سافر؟ علموا هالبنت تضحك حزنها يلوّي يميني .
ضرب على الدركسون ومشى باقصى سرعه وكانت قدامه سياره مسرعه ماحس على نفسها ماقدر يثبت على السياره حاول يوقف وحاول لحد ما انصدموا ببعض !!!
اخر شي سمعه صوت الاسعاف وبعدها ؟ وينه اهو ؟ ميت ؟ عايش ؟ غاب عن الوعي !!!
...... : الوو الاخ ...... الراشد ؟ ابو عبدالعزيز؟
ابو طلال بهلع : ايه انا عسى ماشر ؟
..... : الشر مايجيك ولدك وهو جاي من المطار صار له حادث وهو الحين فاقد الوعي
ابو طلال فز من طوله ومسك قلبه وقال : متاكدين؟ ولدي خارج المملكه شلون يجي ؟
.... : هو جاي من برا وعلى طريق المطار صدم
ابو طلال بلع ريقه بصعوبه وقال : باي مستشفى ؟
.... : مستشفى الـ .......
ابو طلال : طيب مشكور
ابو طلال وهو ماشي لباب الخروج جاته ام طلال واهي تقول : بسم الله شفيك؟ عسى ماشر
ابو طلال والغصه خانقته قال : عبدالعزيز كان جاي من المطار وصار له حادث
ام طلال تغيرت ملامح وجهها ومسكت راسها وصرخت صرخه هزت البيت باللي فيه والكل نزل وابو طلال قالهم انه بيروح يشوفه
طلال : طيب يبه يالله خلنا نروح نلحق عليه
وفاء : اخخخووووي !!!!!!!!!!
ساره راح تفكيرها لوين لمى ووليد وصرخت : لالالا
مريم واهي تصرخ : يبه بروح معاك
ابو طلال واهو يفتح الباب وقال انا بطمنكم ان شاءالله مافيه شي

ركبوا ابو طلال وطلال السياره وكل شوي رقم متصل عليهم
ام طلال اه قلب الام اقسى شي مر عليها كانت تشهق وماسكه جوالها بيدها تنتظر خبر يضمد جرحها !
ساره راحت فوق مسكت جوالها وبقهر وبصوتها المخنوق دقت على لمى ردت لمى وقالت : اهلن
ساره بغصه : اخوي بين الحيا والموت بسبتك حسبي الله عليك
لمى حطت يدها على فهمها ولا اراديا نزلت دموعها : هـ ا ؟ أيـ ش تـ قـو لـ يـ ن ؟؟؟؟؟؟
ساره واهي تبكي : اقولك اخوي بالمستشفى
صرخت لمى وقالت : عبدالعزيييييييييييييييييييييييييييييييييز
خالد فتح الباب بسرعه وشافها منهاره تبكي ووجها احممر وضامه الجوال بيدها مسكها خالد وقال وش فيك ؟
لمو حياتي وش فيييك؟
لمى من بين دموعها واهي تشهق : عبدالعز ي ز يا خ ا لد ص ا ر ل ه حا د ث –عبدالعزيز ياخالد صار له حادث_
خالد واهي يقومها : وش تقولين انتي ؟ ووش حادث ؟
لمى رجعت طاحت على الارض وقالت : مدددري بسس كان جااي وصصار له حادث هو الحين بين الحياة والمووووت خخخالد تكففى ودننننني تكفففففى
خالد واهو فاتح فمه يحاول يستوعب كلام اخته سحب الجوال ودق على ساره
ساره بصوت متقطع : هـ لا
خالد : ساره وش صار ب عبدالعزيز ؟ عسى ماشر
ساره حاولت تعدل صوتها وفهمته السالفه وسكرت منه
خالد انعصر قلبه عليه مسك بيد اخته وقال البسي خلينا نروح واهلي لايدرون لين نشوفه لايشوفونك تبكين يالله
لمى حاولت تلملم اللي بقى فيها وقامت واهي تسحب وراها الم
طلعوا من الباب الخلفي وركبت ورا وحطت راسها عالشباك تسترجع اجمل ذكرياتها معاه كيف كانت تعانده وتقهره وتبكيه وكيف كان ينرفزها ويضربها وايام الطفوله مع بعض وكيف كانوا يتخبون مع بعض مر شريط ذكرياتها معاه كلها بحلوها وبمرها كان اهو معاها حتى وهو بعيد عنها كان جوات روحها ماكانت لحالها غمضت عينها وحرارة دمعتها حرقت خدها همست لنفسها وقالت وش اللي خلاني اكلمك ؟ ليش ياعبدالعزيز جيت ليييشششش !! ياربي ياربي تقومه بالسلامه يارب
خالد واهو يكلم طلال : وينكم؟
طلال بغصه وصلنا
خالد : بشر كيفه؟
طلال وصوته تغير : بالعنايه المشدده صار له نزيف حاد وصابته كسور وبعد جاته ضربه بالراس وبيجلس لين يصحى ويحطونه بالافاقه وعاد مدري
خالد خنقه كلام طلال وقال : لا حول ولا قوة الا بالله ! هو الله يهديه وش جابه الله يعين انا جاي وجايب لمى مابي امي تدري ولا حتى عمي ابو مهند خلوهم لين يهدى الوضع
طلال : ان شاءالله
خالد فتح الشباك لانه حاس بخنقه فتح العلبه اللي جنبه وطلع بندول عطاها اخته واخذ منها جلسوا ربع ساعه ووصلوا
لمى بدت ترتجف سنتين ماهي سهله خصوصا بس الشي اللي صار لها دخل خالد وقال للمى تنتظر لحد مايدخل هو عند عمه وولد عمه
طلال من بعيد اشر لخالد ركض خالد وباس راس عمه ومس كتفه وقال هونها وتهون ياعمي مايشوف شر
ابو طلال : الله يسلمك ياولدي احد درا؟
خالد : لا والله بس انا وجايب لمى معاي
ابو طلال بتنهد ولف عنهم
خالد : كيفه ؟
طلال : والله ماتسر اخباره ياليتك ماجبت لمى اذا خواتيم اجبتهم
خالد : شسوي ساره دقت وفجعتها واصرت تجي ماقدرت امنعها
طلال : وينها ؟
خالد لف على وقال : بناديها
شافها من بعيد واشر لها ومشت بخطوات ثقيله يالله الارض تشيلها
وقفت ورا خالد وقالت اقدر اشوفه؟
خالد لف على طلال
طلال : من ورا القزاز بس لانه الحين بالافاقه اذا صحى تقدرين
خالد : اجلسي يالمى الحين كله اجهزه وش تشوفين
لمى مسكت يدها بقوه وجلست وطلال جلس انتظروا ساعه ساعتين ثلاث وكثرت المكالمات والكل درا
على الساعه 4 الفجر اللي ماجافا احد النوم
غمضت لمى وسمعت طلال يقول لخالد : خالد خالد فتح عيونه
خالد صحى لما ومشوا لوين غرفته فتحوا ببطء ومنعوا الدخول اكثر من شخص وكل واحد دخل وعبدالعزيز يالله يقدر يفتح عيونه ويستوعب الكلام
طلعوا الكل وخالد قال زين انت روح ياعمي وخذوا لمى انا بقعد معاه
ابو طلال : لا ياوليدي تعبناك واصلا ماراح اطلع لين ارتاح ويصحصح عدل
طلال : اقول انتم روحوا وانا بظل هنا
كلموا الدكتور قال قدرنا نوقف النزيف لاكن خوفنا يرجع وقتها !! وشي ثاني بعد اهو للحين مافتح عيونه نقدر نقول بعدنا جزء من الخطر ..
خالد غمض وقال : محد فينا رايح
لمى دخلت عنده فتحت الباب وبشويش مشت لعنده تشوف ملامحه التعبانه اللي كاسيها الالم والعتاب !!
كان لاف وجهه واهي مسكت يده وقالت بصوتها المخنوق : عبدالعزيز !!
عبدالعزيز فز من جوا تمنى يضمها ويسكنها باعماقه لف بشويش ودمعه ورا دمعه من عيون لمى
لف وطالع فيها بنظره كانه يودعها مسكت لمى يده وباستها وجابت كرسي قربت منه وضلت ماسكه يده
مرت ثواني ورا ثواني يبي يتكلم لحد مانطق وقال : اسف !!
شهقت لمى وقالت : اششش تتاسف ليه؟ انا اللي اتاسف تكفى عبدالعزيز لاتتكلم ريح الحين
عبدالعزيز لف وجهه وقال بصوت متقطع :اسف قد السما اللي ضامتك وقد الارض اللي رافعتك وقد كل شيء
لمى هنا ماقدرت تتكلم ماقدرت تحكي عيونها كانت تصرخ وتبكي وكمل وقال : انا ماني خايف من الموت قد ماني خايف يسرقني فجاه من هالدنيا قبل اودعك والم اخواني وابوس راسم امي وابوي !
لمى وقفت ولف وجهه والدموع غرقت وجهها وقالت : تكفى خلاص لاتتفاول على نفسك بسم الله عليك انت بتطلع بالسلامه
ابتسم ابتسامه باهته وقال بتعب : خلـ يـنـ ي اكـ مـ ل
لمى انا خايف اروح واترك اشياء سيئه ماقدرت اعدلها خايف اروح وتبقى نقطه سودا بقلبك بسبة طيش افعالي !!
بس شي واحد اقوله لك لو حصل وخذاني ربي عن هالدنيا اذكريني ولاتنسيني وتذكري اني معاك وانك مو لحالك وفز ومسك قلبه بالم
لمى ودموعها بخدها شهقت وطلعت تصرخ بالاسياب : سستتتتتتتتتتتر خخخخخخخخخخالد طلااااااااااال عمممممي
تجمعوا الدكاتره والناس ولمى انهارت وطاحت على الكرسي واهي تبكي لايموت لايموووووت
خالد وطلال جو عندها ودخل ابو طلال يشوف وش صار
الدكتور واهي يقفل الغرفه : الحمدلله سيطرنا على الوضع وعطيناه صعقه كهربائيه رجع النبض
ابو طلال اللي ماعاد يدري وش يقول رجع ومسك راسه الا شاف ابو مهند وام خالد ومريم وملاك داخلين
البنات جلسوا يبكون وقعدوا يم لمى والعيال رايحين جايين مايدرون وش يسوون
ابو مهند : خلاص ياخوي ريح راسك انت وطلال وخالد ولمى احنا جينا على الاقل هد ام طلال !!
طلال اللي خاف على ابوه قال طيب بنروح بنجي الظهر ان شاءالله
مسك ابوه ونادا خالد ولمى خالد رفض يرجع لان لمى رفضت وجلسوا للظهر قامت لمى تدور اللي حولها مالقتهم !!
البنات نزلوا يفطرون وام مهند وابو خالد حول عبدالعزيز ومامرت 10 دقايق يوم فاقت الا ام طلال وساره جايين مع ابو طلال وبعده جايين مشاعل وسامي وسلمان
على هالحال لمدة اسبوعين !!!!!
هنا لما تحاول تشيل كلمات عبدالعزيز اللي كل من دخل عليه قاله اسف وكانه بيموت !
شيء يعور لما
نشوفهم يتوجعون من شيء
وفيه شيء يوجعهم لاكن مابيدنا شيء ولانقدر نسوي شيء ؟ مانقدر ننزع منهم الالم ونزرع لهم العافيه
نبتعد عن هالمعاناه شوي ونجي لـ لمياء اللي رجع ابو خالد وقال بريح لين بكرا ونروح انا وياك
لمياء بحزن : ان شاءالله
طلع ابو خالد لغرفته وهموم فيه
لمياء ماختلفت عن وضعهم لاكن وضعها ازداد سوء لما عبدالرحمن بدا تهديد بالصور والمكالمات وكل يوم يتوعد لها يا تطلع معاه يا بتنفضح لمياء ماخبرت احد وكذا مره تبي تغير رقمها بس تخاف من الفضيحه !!
وين وصلتي يا لمياء !!
-
-
لاتحرموني ردودكم .


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-02-2014, 03:36 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
Post رد: روايـة رحلة انتظار /بقلمي!



بالمستشفى العوائل الثلاث مجتمعه مرتبكه متالمه
ولانه شعور يوجع ؟ مانقدر نوصفه لكم
لمى اللي غفت على كتف خالتها ام طلال
ام طلال اللي صورة عبدالعزيز ماغفت عن بالها
ابو طلال وابو مهند عند الدكتور
البنات كل وحده مرميه بمكان وياه ياذاك المنظر


"وعذرته لما تساقط دمعهُ ونسيت اياماً بها ابكاني
واخذته في الحضن اهمس راجياً جمرات دمعك ايقضت نيراني اتريد قتلي مرتين الا كفى ! فامنع دموعك واحترم احزاني لاصبر لي وانا اراك محطمًا يامن يجرح دمعهُ اجفاني" نزار قباني .
لمياء رن جوالها وابتعدت عنهم وعيونه تصرخ بالم رفعت الجوال الا تلاقي المتصل "عبدالرحمن" اللي ملاها الم وجراح اللي صدمها وعذبها مسكت على الجوال وعضت شفتها وصرخت حاولت تغمض عيونها عشان ماتنزل دموعها بس سبقتها دموعها احترقت واحترق كل شي معاها غطت يدها على فمها وراحت تركض بالاسياب لدورة المياه صكت بـ شخص حاولت تناظر وتطالع !!
خالد : بسم الله شفيك؟
لمياء بارتباك : وشو مافيني شي
خالد : شفيه صوتك؟ تبين اوديك البيت ؟
لمياء بنفسها تكفى لاتقولي شيء انا مادري وين اودي وجهي منكم على هالبلوه اللي سويتها
حاولت تعدل صوتها وقالت : ياليت والله
خالد : طيب يلا امشي
مشت لمياء وراه وطلع خالد برا المستشفى وركب سيارته وركبت لمياء جنبه
لمياء خذت منديل ومسحت دموعها
خالد : والله كلنا حزينين عليه بس وش نسوي ان شاءالله كلها كم يوم ويطلع
لمياء بقهر : خالد فيه شيء اقوى بس خايفه اقولك
خالد وقف السياره وحس ان فيها شيء وقال : وشو ؟ تكلمي لاتخافين !!
لمياء خافت وبدت نبضات قلبها تزيد وقالت : اءء خلها بالبيت
خالد حرك السياره وانطلق لوين بيتهم نزلت لمياء ونزل بعدها خالد
جلست لمياء بعبايتها وجلس قدامها خالد
لمياء بتنهيده : خالد تكفى اسمعني للاخير
خالد رفع حاجب وهز راسه
لمياء بعدت عنه وفهمته السالفه وطول الوقت وخالد مو قادر يستوعب
لمياء : الحين هو يهددني بصوري ومكالماتي تكفى خالد تساعدني انا خايفه خايفه انزل راسكم بالارض اخاف احط راس ابوي تحت التراب من الشيء اللي سويته تكفى ساعدني وبكت
خالد فز عندها ومسك شعرها بصراخ وقال : اللللللللله لااااااااا يييوووووفقك احنننا نططلع مننن وينن واانتي منننن وييييين ياقليلة الحيااا وفك شعرها وطيحها بالارض وكمل صراخ ولمياء تشهق وبصوت يالله يطلع : اصـ لا انتم دايـ م شاكيـ ن فينـ ي ماعمري حسيـ ت ان عندي اخـ و يخـا ف عـ لي
خالد بغضب : وليه بقره انتي ماتعرفين تعتمدين على نفسك ؟ المفروض ماينخاف عليك كبيره وفاهمه ولمى دايم تنصحك بس ياحسافه التربيه فيك وياخساره احد يوثق فيك
وطلع فوق غرفته وقفل الباب وحط يده على راسه ويحاول يدور شيء لهالمصيبه
لمياء حاولت تقوم وتلملم اللي بقى فيها وصدى كلمة اخوها عالق بذاكرتها "ياخساره"
قامت ودخلت دورة المياه وسكرت الباب ونزلت راسها على المويه وحاولت تكفى دموعها بالمويه
هناك خالد رن جواله ورفع السماعه بعصبيه وقال نعم؟
ام خالد : شفيك يمه ؟
خالد : مافيني شي
ام خالد : لمياء معاك ؟
خالد انهى الحوار بسرعه وقال : ايه رجعنا البيت تامرين بشيء؟
ام خالد : لا يمه وسكرت منه
نزل خالد وتعوذ من ابليس واستنى لمياء تطلع فرك على وجهه لما سمع صوت الباب يفتح
طلعت لمياء ووجهها احمر وكاسيها الم وعتاب طالع فيها خالد واشر لها تجي تجلس معاه
جلست ونزلت راسها
قرب خالد وقال : دقي عليه وقولي له بطلع معاك بكرا على الساعه 9 بعد العشاء
فزت لمياء ورفعت راسها وقالت بتسأل : ايش !!!!!!!
خالد بصرامه : سوي اللي قلت لك عليه
لمياء بارتباك رفعت الجوال وهمس لها خالد حطي سبيكر
لمياء بلعت ريقها بصعوبه ودقت رقمه ومع كل رنه يفز قلبها
عبدالرحمن : اه اخيرا ياقلبي
غمض خالد وحاول يضبط اعصابه
لمياء بخوف : عبدالرحمن انا وافقت اطلع معاك بكرا بعد العشاء الساعه 9
عبدالرحمن : قولي كذا من اول زين المكان .................
لمياء بتنهيده : طيب وقفلت ونزلت راسها ودموعها نزلت
ضمها خالد وقال بحنيه وطيبة قلب : مايكسّرك ظرف الزمن وانا معك
كملت لمياء دموع وخالد بعد عنها وقال : وماينحني جفنك حزن وانا قريب .. يالمياء انا اخوك مهما قسى الزمن ماراح اتبرى منك واعترف الحق علينا كلنا وعليك بعد وكان ودي اادبك اكثر بس مافيني عموما بكرا بتطلعين معاه زي ما اتفقنا وانا بكون وراك والهيئه معنا يالمياء اللي سويتيه يغضب ربي قبل مايغضبنا عموما ارجعي لربك تراه ارحم مني ومنك
شهقت لمياء وفاضت مشاعرها وقالت بابتسامه ندم : مادري وش اقول الله يخليك لي والله اني اسفه ولو فيني انتحرت ولا اخليك بموقف زي كذا
خالد بابتسامة باهته : يالله خير وقام
لمياء بدت تصارع مشاعرها ووقفت لحظه !! معقوله هذا اخوي ؟ معقوله هو اللي كنت اقول مافيه حنان ولا ذرة طيبه ؟ اه ياخوي لو احد بدالك ذبحني قطع تفكيرها صوت جوالها وهو يرن طالعت بالرقم لقته اريج حطته وراحت تصلي وتدعي ربها يتوب عليها ومانست تدعي على وجدان اللي ضيعتها وضيعت دروبها وبغت تضيع شرفها لولا اخوها خالد

___ يتبــع ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-03-2014, 12:39 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
11302798240 رد: روايـة رحلة انتظار /بقلمي!


اكمل ولا اوقـف ؟.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-03-2014, 01:44 PM
صورة iGadah11 الرمزية
iGadah11 iGadah11 غير متصل
©؛°¨غرامي جديد¨°؛©
 
11302798202 رد: روايـة رحلة انتظار /بقلمي!


تابع البارت 5 ..


فرشت سجادتها وبكت عليها لين ماجافاها النوم وماصحاها الا اخوها خالد اللي تاثر بحالتها
خالد : قومي يلا صارت الساعه 9
لمياء فزت وقالت بخوف : قولي وش بتسوي طيب بموت خوف
خالد : قومي وبتشوفين كل شي قدامك
قامت لمياء لبست وتجهزت وركبت مع اخوها اللي طول الوقت يتكلم بجواله وكله ثقه واصرار وكل ماكلم احد يقوله
-ايه ايه داهموا المكان- الله يخليك-وخذوا كل شيء منه-هناك نتفاهم-انتم امسكوه ويحلها الف حلال-ايه عاد ذي شغلتكم-
لمياء اتنهد بقوه وعرفت وش راح يصير بالضبط !
..
وما انا يا ذاتي وما الذاتُ – ي انا ؟
وهذا سؤال ام جواب مشاغب
يصالحني بعضي وبعضي يُحارب ,
وبعضي على بُعدِ يظل يراقب
ف من سوف يبكيني اذا مت ؟
من ترى – بثأري لي مني غدا سيُطالب .
وقفت السياره بعيد عن المكان اللي واعدت فيه عبدالرحمن
لمياء : تعال معاي !
خالد يستغبي : يلا وخن اقوله انا اخوها وش رايك
لمياء بابتسامه باهته : طيب اروح لحالي !
خالد : انا معاك روحي بسرعه انا دبرت كل شيء
لمياء بخوف واضح ظلت تطقطق بيدها بارتباك
خالد بتنهيده : بتروحين ولا شلون؟
لمياء : طيب طيب
مشت بخطوات متثاقله وشافته جالس على الكرسي وشافها من بعيد وابتسم بخبث
لمياء تناظر وراها وينك ياخالد وينك دقت عليه وعرف انها دخلت دق هو على الهيئة وبلغهم
سحبت لمياء الكرسي وجلست واهي ضايعه تدور احد يطلعها من هالكابوس
ومامرت ثواني الا دخلوا الهيئه والكل طلع وعبدالرحمن صرخ والله لتندمين والله
بعدت لمياء عن الكرسي وركض خالد عندها وسلم على راس اللي ماسك عبدالرحمن
وقاله : هذا هو اللي كلمتك عنه
الشيخ "محمد" : افا عليك يالغالي لاتشيل هم وهو بيدنا بس نصيحه لوجه الله انتبه لخواتك واحمد ربك ماصار شيء
ابتسم خالد ووقف قدام وجه عبدالرحمن بصرامه وقال : ماتنلعب على الذيابه
عبدالرحمن بضحك : ذيابه واخواتك ورا العيال هاه
خالد ما استحمل وعطا عبدالرحمن كف
الشيخ محمد : خلاص ياخوك استهد بالله ولف يد عبدالرحمن وقال قدامي على السياره
عبدالرحمن : قال ذيابه قال هههههههههههه
خالد : كيف الكف بس
لمياء من بين دموعها : الله يخليك لي ياخالد
خالد وسع عيونه وقال : تبكين؟
لمياء : دموع الفرح والله
خالد : ماتقولين لاحد طيب؟
لمياء : بس لمى !
خالد : امشي بعدين نتفاهم اهم شيء صورك وكل شيء من عنده يرمونه
لمياء بخوف : فرضاً عنده نسخ؟
خالد : يابنت الحلال مايقدر
لمياء واهي تطالع السماء : الحمدلله الحمدلله ربي خلصني منه
خالد : خلاص خلينا نطلع اختنقت
لمياء : يلا
-بالسياره-
لمياء : شصار على عزوز؟
خالد : مدري والله بعد يومين بيطلع
لمياء : لزوم الحفله
خالد : مخططين قبلك
لمياء بابتسامه : اكيد باستراحه !
خالد : مادري والله , تراني بمرهم بالمستشفى باخذ امي ولمى كلهم رجعوا الا ام طلال وابو طلال وطلال بعد ومعاهم مهند
لمياء : اها طيب
خالد : لاتوضحين شيء لامي تكفين
لمياء : ابشر الله يسعدك ويستر عليك بالاخره مثل ماسترت علي
خالد : هو لو صار شيء كان اليوم احنا بعزاء
لمياء : هههههههههه الحمدلله
خالد : مشكلتك تحبين تغامرين ولاتدرين وش النتايج
لمياء ماعلقت واكتفت بالابتسامه ..
-وجه جديد يطلع في رحلتنـا , ام طارق ؟ مين تكون ؟ ووش تبي ؟ بتغيّر اشياء ولا بتقلب اشياء؟ وش بيكون دورها بالحياه؟-
كـل سنة لازم تجينا فتره تكسرنا , تكسر راحتنا وضحكتنا تخلينا نمثل التبلد والبرود وحنا من جوا نموت بس مانبي احد يحس بالضعف اللي يحتوينا وقتها .
انتهى البـارت الـ "5" وانطوت صفحة الم على ابطالنا
السؤال , بيتخطون هالاشياء؟بتصير رماد؟بتصير بالمستقبل ذكرى مضحكه؟ولا الم كل من ذكرها بكى؟
بديت اتخلى عن صفة التبرير اللي كنت الجأ لها وقت مايزعل قلب احبه,بديت افكّ أي يد ماتشد علي "وكفايه كذا".
توقعاتكم ..!!



رواية رحلة انتظار /بقلمي!

الوسوم
(رحلت , انتظار , روايـة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33576 الأمس 11:37 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 01:23 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1