غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-02-2014, 04:56 PM
صورة الوَعدْ . الرمزية
الوَعدْ . الوَعدْ . غير متصل
©؛°¨غرامي جديد¨°؛©
 
الافتراضي وعود مرتلة /بقلمي


وعُود مرتّلة ..!



...! تجرنا الأيام ..
وأقلامنا عابثة .. تهطل من أزقتها أمطارًا عابثة ..!
تحمل الرسائـل ..!
والكثير من الأمور ..
تعيسة .. سعيدة .. وغيرها من ذلك ، !!
لم نصبوا منالًا يومًا ...!
ولم تكنسنا حمائم العِتمَة ..!
وأزِفَتْ بنَا معاطفَ الضّحكات إلى أن نثير الهمهمة في سُطور ..
يلقنها بنو البشِر درسًا لن تنسَاه ..!
هُنا موطأ الأقلامْ ...
تسللت علينا رواياتٌ عدّة ..
صاحبتَنا كثيرًا ..!
وأينعت فينا ثمارها حتّى انتهت ...!
لم أكن أتوقع ..
.
أنني يومًا ما سأكتبُ رواية ...!
أو " بـالأحرى" أنني سأنشرها ...!
لكن في الحقيقة روح المشاركَة تدعمنا دائمًا ..
لصياغة الاحرف وانسياب الكلمات ...
لقد اطلعت على قوانين غرام في " الروايات"
وأعتقد أنه من الواجب علي مواجهة القضايا التي تقوم
باضطهاد المجتمع العربي بأشياء منافية للعقل والمنطق !!
(وعود مرتلة)
أول صفحات مبتدأة .. سأنثرها هنا وحسب...
.
.
أمسيتكم بالله ، وأصبحتكم به ...
وأودعتكم الله الذي لا تضيع ودائعه ..
.
همسَة\
أنا كثيرة الثَرثرة ، والوصف ..
وصفي ربما يكون متعبًا ودقيقًا لدى البعض ..
لذا فإني مبتدأة صفحاتي للمرة الأولى ..
منحازة عن أفكار عدة في سبيل رواية واحدة ..
+مواعيد نزول البارتات ، الخميس+الجمعة+السبت.
,

.
.
الوعد الأول .

وعدتك أن لا أحبك ....ثم أمام القرار الكبير ...جبنت ..


وعدتك أن لا أعود ..وعدت ...

وعدتك أن لا أموت إشتياقا ...ومت ..

وعدت مرارا ..وقررت أن أستقيل ... مرارا ..

ولا أذكر أني إستقلت ..

وعدت بأشياء أكبر مني ...فماذا غدا ستقول الجرائد عني ..

أكيد .. ستكتب أني جننت ..أكيد ... ستكتب أني إنتحرت ...

وعدتك أن لا أكون ضعيفا ..وكنت ...

وعدتك أن لا أقول بعينيك شعرا ..وقلت ..

وعدت ...بأن لا ... وأن لا ..وأن لا ...

وحين إكتشفت غبائي ...ضحكت ...

وعدتك أن لا أبالي ...بشعرك حين يمر أمامي ...

وحين تدفق كالليل فوق الرصيف ...صرخت ..

وعدتك أن أتجاهل عينيك ...مهما دعاني الحنين ..

وحين رأيتهما تمطران نجوما ...شهقت ..

وعدتك أن لا أوجه ..أية رسالة حب إليك ..

ولكنني رغم أنفي ... كتبت ...

وعدتك أن لا أكون بأي مكان ...تكونين فيه ..

وحين عرفت بأنك مدعوة للعشاء ..ذهبت ..

وعدتك أن لا أحبك ...كيف ؟... وأين ؟ ...

وفي أي يوم وعدت ؟؟؟...

لقد كنت أكذب ..من شدة الصدق ...

والحمدلله أني كذبت ...

وعدت بكل برود .. وكل غباء ...بإحراق كل الجسور ورائي ...

وقررت بالسر ..قتل جميع النساء ...

وأعلنت حربي عليك ...وحين رأيت يديك المسالمتين ...إختجلت ...


وعدت ...بأن لا ... وأن لا ...

وكانت جميع وعودي ...دخانا وبعثرته في الهواء ...

وعدتك أن لا أتلفن ليلا ...وأن لا أفكر فيك إذا تمرضين ...

وأن لا أخاف عليك ....وأن لا أقدم وردا ..

وأن لا أبوس يديك ..وتلفنت ليلا على الرغم مني ...

وأرسلت وردا على الرغم مني ...وبستك من بين عينيك ...حتى شبعت ...


وعدت ..بأن لا ...وأن لا ..وحين إكتشفت غبائي ...ضحكت ...


وعدت بذبحك خمسين مرة ....وحين رأيت الدماء تغطي ثيابي ..

تأكدت بأني الذي ...قد ذبحت ...
....لشَاعر المَرأة نزار قباني...
.
.
.

كَانت تهِيم فِي غُرفتَها وتنْظر لأحوالِ هذَا المكَانْ المكتّظ بالذكرَياتِ الجمَيلة ...!
لم تنسَى يومًا ما فضل تلك الجدّة ..!
التي رعَتها من حقول اليأسْ ... وأينَعت منها ثمَارًا ...!
رتبت حيَاتها بعدَما إن قضَت عليها خيوطُ الإكتَئاب ..!
وجعَلت منها صبّيَة نيّرة الفِكر .. تغبُطَها الأخريَات لشدّة إنتمَائها لهذَا المَكان ..!!
نَعم ، إنّها تلك .. !
وستَبقى كما كانَت ..!
وعدًا لم يُنقَضْ يومًا .. !
إنها عقدُ ملكَية أزليّة ...!
إنها مفخَرة حرّة ..!
إنهَا الضّمانُ الأمنِي ...!
...منذُ أن أتت لهذهِ الدّنيَا وهِيَ لمْ تعرفْ كلِمَة " أم " أو " أب"
جلّ ما تقُولهْ فِي لفظيّاتُهَا كلمَة " جدّتِي" وتفسرهَا بمعَنى " أمي وأبي في آنٍ واحد.."...

إنّها فِي كامِل إمتنآنها لجدتها التي انتشَلتها من خيوط الحِرمَآن ..
إلى برِّ الأمان ...!
وحتّى هذا اليوم ستبُخِس الحق الكمي لجدتها ولن توفيه لها مهما طَال بها الأمدْ ...!

.
.

ضُربَ الباب حتّى صاحت بـ\تفضّل ..!!
أم ذياب\قومي تحت انزلي خولانك كلهم تجمعوا تحت
الوعد بحماس فزّت\خالي شهاب جى معهم ..؟؟!
أم ذياب\جى وجاب ورعانه معه ..
الوعد بضحكة اعتلت تدريجيًا\وعسى ان جاب معه خويلد النذل ذا ..؟؟!
أم ذياب ضحكت\وش بلاها ضعونك حاطت ندوبك بالولد مسكين ماسوا لك شيء؟
الوعد بتمسكن\ياجدهـ ياحلوة تدافعين عن حفيدك ظنى ولدك وكيف اني بنت بنتك ماتدافعين ..؟؟!
الجده بمزح\مـآغلى من الولد .. الا ولد الولد...
الوعد قامت تبوس جدتها\وعسى الله لا يحرمني من ذا المزوح اللي يسر الصدر..
على هونك وانا بنت بنتك ترا أدري بغلاتي في جوفك وادري اني بحشاشة الجوف ..
الجدة بتمثيل العصبية\دام انك تدرين وش له تسآيلين في الحكي .. قولي انك دارية وارقعي الباب من أوله...
الوعد\أم ذيبو .. ترى جوعآنة من جيت من ذا الجامعة مادخل هالبطن شيء
الجدة\تعالي تحت خلينا نشوف خوالك..ونحط الغداء

نَزلت إلى الأسفل هي وجدتها حيثُ مكان اجتماع العَائلة ..

شهَاب فز\حي الله الوعد أسفرت وانورت ..
الوعد تبوس خالها\وجعل ماتنحرم هالعيون اللي تلافيك وجعل كل ماكر"ن" لك بالنار تلقاهـ...
شهاب بضحك يتعالى\آمين ...
سلمت على زوجة خالها مهرهـ .. وجلست قدام خالد ولد خالها شهاب .. عمرهـ 10 سنوات لكنه نشمي ودايم حاط دوبه بدوب الوعد وهي تموت في حركاته ...

الوعد تطالع في خالد بنص عين\بعض الناس سروقين مافيهم الا يزابدون بفلوس جداتهم ..
خالد انتفض وفز\وش له النحوز ياوعيـد .. اسردي الحكي من أوله .. من تقصدين ؟
شهاب ضحك\هههههه هذا مايتنحز له ...
مهرهـ تساير زوجها بضحكة مداعبة\ولد أبوهـ ...
الوعد تكمل كلامها مع خالد\انت بالذات لا تسوي فيها الفاهم العاقل...
ترى ماقلت لجدتي وش العلوم اللي سويتها بمحفظتها ..
الجده بغضب\وجع يرنك ياخويلد وش له داخل غرفتي وماسك المحفظة تزابد بالفلوس ..؟؟!
خالد يحك راسه\جعل دربك سواد ياوعيد .. أنا أوريك... وبعدين ياجده تراهـا خراطه لاتصدقينها
الجده بعصبية\اعنبوك يالكذوب تكذب قدام جدتك .. تعال تعــآل هالحين اكسر هالجنوب بذا العصا .. تعــال ياولد شهـآب ..
خالد يهرب باعتراف\يسلم راسك ياام ذياب لله ان ماتضربين ... ايه خذيت بس حق الطراطيع لجل اروح الورعان من قدام بيتنا
الجده\إيـــه ... إيـــه تبي تروع اعنبو دارك ماعلمك ابوك ان ترويع المسلم حرآم مايجوز
شهاب\ههههههههه وش تقبصين منه يايـمه قومي كوفنيه..
الجده قامت لكن مهرهـ مسكتها\علي الحرام ان ماتقومين .. خلاص ياام ذياب الولد ماهو بوعيه شاردن بذا الطراطيع .. وهالحين تاب لله ويرتجي منك السموحة صح ياخويلد

صارت تغومز لولدها وأردف بتسليك لأمه\إيــه يـاجده مابي منك الا السموحة
الجده\روح انقلع عن وجهي واسامحك
خالد تشقق وراح لها\إيـه بنقلع عن وجهك بس أول أصفطي اللي بجيبك وعطيني منه 100 ريال
الجده بغضب\يـاشهاب اما تشيل ذا الورع ولا اني بكوفنه عن حق وحقيق ..
شهاب زمر على خالد\رح يــاولد

راح خالد وهو يتوعد ببنت عمه الوعد والوعد تضحك عليه.. من يومها وهي تحب تناقرهـ ...

.
.
.

على الضّفةِ الأخرَى ...!
في كوكبَة جسدّت الغربة به هياكل دموية قاسية ..!
علمته لعبة الحيَاةِ الوهمية ..!
لقد حكَموا عليهِ بالجَلاءِ المُؤّبد ..
لقد ضَمن شهادَة استلامِ جثّتهِ على نهر السين ..
واودية اخرى .. الا بلاده .. لم يستلم شهادة استلام مضمونة ..!
لقد عُرج بِه إلى خيلاء زمِنٍ مؤبد ..
يرتجِي منهِ قوامًا سائقًا يرميه في رمُحِ الليل إلى بلاد الحرمين ..!

فتحَ بابَ ذكريَاتِه يستعِيد آخر ما رآه ..
جدّه الذي ينعته بـ\ العلماني !
وهو لم يفكر بعلمانيّة قطّ ..!
إن هو الا مسلمٌ من المسلمِين ..!
15 عشَر عاما في بلاد الغُربة .. لا يعَلم عن بلادِه شيئًا .. سِوَى رمَالٌ تذروها الرياح وحسب..
5 سنوات متّهم بالإرهَابية .. بسبب شخص دسّ أسلحَة أمنية في حقيبته ..
فانقلَبت الطَاولة على رأسها فجائت الضربة الحَاسمة على عاتقه ...!
سنتَان ونِصف ظنّت الحكُومَة البريطَانية أنه ميتًا فأخرجَت له شهَادة وفَاة ..
فلما علِمَوا أنه حيّ يُرزق منَعته الجمارك من السفر إلى بِلادِه بسبب إدّعاءِه المَوت ...
لقَد مُنع من كل شيءْ حتّى حقَ الحيَاة .. ذهب إلى صدِيق .. في شركة بريطَانية عالمية..
قامت بالدّفاع عنه ورفعَت قضية بتهمة إهمَال مُبتعَث واتهَامه بعدّة اتهَامات موجهَة من اهمال الحكومَة ذاتها...
ولذلك مُنحَ حقّ الحيَاة في بريطانيا وأخذ الجنسية أيضًا .. كغرامة من الحكومة له .. وتم تعويضَه نقديًا .. وهو يُعتبَر رجلُ أعمَال ناجح بإذنِ الله .


.
.
.

إبتَسمت وهي ترى خاتم الخُطوبَة يلمع في إصبعها ..!
حلمُ .. وهو حلم كل فتَاة ..!
أن يخرجَ ذلكِ الفارس كخُروج الفضّة من الجَبل ..!
لقد حلمت بِه منذُ طفولتها .. إبنُ خالها "رِهان"
لقد كان لها .. وحقق مابها من أحلام ..راحت هذه الأماني في شَظايا الريح..
كشطرنج تركب الأهازيج حول معتقداتٍ تم تخمينها مسبقًا ..
وهذه المرة .. جرت الرياح بما تشتهيه السّفن !

دخلت عليها أختها الدانة\شـاهين ؟ .. وش بلاك قومي اخوك عاجلنا وراهـ شغل على ماهي علومة ..؟؟
لم تنتبه الأخرى لأختها .. !
فلا زال فارس أحلامها يباغتها فجأة ..

الدانة بخبث\شـاهين ..شـــــــــــــــــاهين
شاهين بإنتبآه\ها..وش بلاك تصارخين كأنك خروف العيد ..؟؟
الدانة\أنا خروف العيد يادلخة رهـآن ..؟؟
شاهين بشهقة\مالدلخة الا انتي ورجلك
الدانة\ههههههه يلا فزيي يامرة بنروح لجدتي وش بلا هالعقل طاير منذو مبطي..
شاهين\انتي لو تسكتين تسوين خير...
ارتدت نقابها وجلست في سيارة اخوها ثنيان حتى مشَى بهم ...,,


.
.
.


في مجلسٍ يستوطنه الخال شِهاب وأبناء أخواته ..
رحب بهم وأدخلهم إلى حيث المجلس ..
شهاب\حياكم أقلطوا ..
رهان\والله ياخال انا من علومي ماخبري بنفسي .. مانيب قالط
شهاب يحلف\ههههه علي الحرام انت تاكل وتقلط
ثنيان\لحول ترى اطلقك من اختي
رهان\احلف ياورع خبري ب الطلاق من صوبي ماهو من صوبك
ثنيان\إيه عاد لاصارت علومك توديك يمين وشمال وش وراهـ مانطالب بالخلع
رهان انتفض\قل لا إله الا الله تو مـاخطبت تبي تخوبش بالمخوخ .. اتق الله يارجل
شهاب يضحك بصوت عالي\ههههههههه .. والا اقول ورا مانروح البر نكشت ..؟!!
خالد وأذنه معهم\وشو؟؟.. بر ..؟!!
شهاب يرفس ولدهـ\أقول إنقلع ماهو بناقصنا بزارين ..!!
مسكه ليث\قل أعوذ بالله منك ياذا الخال .. كرفست الولد..
شهاب\ههههه ماهو بمثل مرافسك يالتيس..
ليث\قل أعوذ بالله لا أقول لأم ليث هالحين
شهاب\لا كل شيء ولا امك يالشنب .. بعدين تصفطنا هي وابوك..
رهان\ههههههه وعفا الله عما سلف كيف انه بو ليث داحرك بالجدار
شهاب\اخسي واعقب ياروهين منك ذا الحكي يطلع .. بتكوفن
خالد\ايــه إيــه ياناقش البير لعيالك يايوم"ن" وقعت فيه...
ثنيان\ههههههههههههههههه هذا اللي زحف لورا الشمس..
شهاب يبي يحرق قلب خالد\لاتخاف يابو شهاب ترى ماني بمطلع علومك عند جدتك..
ولا السلوم الزينة ام ذياب ماترخصها عنك كله ولا العصا اللي تبارح بك لليل على ظهرك
خالد يقول لابوه\علي الحرام يابو خالد ماتقول لامك ..علي الحــرآم..
ثنيان\ههههههه وش له قام يزارق الولد ياشهاب ولد عقاب الدحام..."عائلة وهمية"
شهاب\إيــه..أبرق بمكانك ياخويلد ماينفع معك الا امي .. والوعد باخذها معي وبفرها بجنوب الرياض كل ابوها
رهان\ايه أحسن يستاهل خله يتعلم عود ساس المراجيل..
خالد بخبث\كأنه على ساس المراجيل ترا بـآخذ شاهينك وبمشيها بشاليهات الرياض كل ابوها
رهان رمى على خالد الفناجيل وهرب\رح باللي مايردك يالمفصغن .. يا مقزمك هالطول وعليك ذا الحتسي...
وش أقول عن اللي أكبر منك أردى وأدمر..؟؟!
شهاب\ههههههه أيــه إيــه يارهان .. قم دق الحديد وهو حامي..
ليث\هههههه خلاص ولد الحلال هرب...
شهاب\الا وين الشيبان ماوصلوا ..؟!
ثنيان\رايحين يسوون كم من شغلة للمرحوم جدي
شهاب يترحم على أبوهـ\الله يرحمه ويفسح له وسيع جناته..

\شهــاب تعال شف ولدك نهب شنطتي ..

شهاب لف ع الشباب\ههههه ماهو مربحني غير هالولد يسورق من عند جدته وأنآ الربحان.. بقوم أروح لام اذياب..
ليث\هههههههه روح لاتكوفنك روح..


.
.
.
.


كانت في عالم آخر تغوصها مجاري الأحاديث ..!
تذكرت شيئًا لم تره منذ أن كانت صغيرة..
بل إنها لا تذكره حتمًا ..!
معجزة عويصَة .. !
ماسر هذه القضَايا العائلية المفكُوكَة... ؟!
ماهذَا الملف الأسود المُغلق ...!
أيقظها صوت البندري\الوعد ..؟؟ وش علومتس مع ذا السرحان ..؟؟!
الوعد\ها ..شقلتي ..؟؟!
البندري تضرب ايدينها ببعض\لا بالله تخابصن هالبنات ..!
الوعد\هههه آسفة عقلي راح لبعيد
شاهين بخبث\يـاترى هالعقل لوين شرد ..؟؟!
الوعد بخبث أكثر\أقول اسكتي لا اشوتك بشوشتك عند رهانك
الدانة وهي تقطع التفاح\هههههه ماتغلبين الوعد ياشاهين..
الوعد تكلم جدتها\يمــه وين شيبانا ..؟؟
زوج خالتي ام ليث وام رهان وام ثنيان ..؟؟
الجده\وعلومي ماتزود عن ماجاك من علم وانا امك..الرياجيل طالعين من الصباح وماخلصوا..
الجازي\وينه ولد عمي ذياب..؟؟!
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-02-2014, 04:58 PM
صورة الوَعدْ . الرمزية
الوَعدْ . الوَعدْ . غير متصل
©؛°¨غرامي جديد¨°؛©
 
الافتراضي رد: وعُود مرتّلة ..!


إنهَا ضربَة خنجر . دخلت صدورنَا وما خرجت منا بعد
لما تخدشون أظافِركم في أوراق الماضي ..؟؟!
لما تقلبونها بعد ...!
لما لم تكتفوا من تجريحي بهذه الطريقة المؤلمة ..!
في النهاية ..أانا أم !!
والأم تشتَاق لٍحملها اللذي قد شَاب في بلادِ الغُربَة ! ..

" أم رهان التي في الحقيقة هي ام ذاك الرجل ..!"

سكتت الجازي بعد ما شافت ان ام رهان تغيرت الوانها هي وبناتها..!
تكلمت أم ليث بغضب ع الجآزي\لاتحطين لسانك في شيء ماهوب لك خص فيه
أم رهان بجدية\لا يام ليث لاتسكرين الباب ..تسكر واجد وصفحاته ثقيله..
خلي الحمولة تدري باللي صار..الباب المفتوح مصير اللي داخله يكشفه..!
أم ليث بحزن على ام رهان\بس يام رهان محد بـيحس فيك ومحد يقدر يسوي شيء لك لاسمعوك هالبنات..؟؟!
أم رهان\ماهو بلازم أحد يحس فيني .. وهذي النار ماتحس بــ لهبها ..!

الجَدة كانت صامتَة طوال الوقت والدموع في عينيها متجَمعة ..
والوَعد كانت تنظر لجدتها باستفسَار .. !
لقد رأت الصفحَة السوداء التي نستها ..!
أجل .. هُناك شيءٌ مريبٌ في هذهِ العائلة ..!
هناك شيء مريب ..!
والريح المتصرصرة تعلن انسكابها كسكب المَاء على الزهور ..!

أم رهان تكمل كلامها\تراني أم هزّاع ماني ام رهان.. ولدي الأكبر هزّاع اللي راح للغربة وتغرب ..!
الجازي باستغراب\وش قصته ..؟ وليه تغرب !
أم رهان تمسح دموعها وتزيد روح المقاومة فيها\يوم ان جدك بو ذياب الله يرحمه .. جاهـ ولدي هزاع وطلب منه رخصة للسفر بالخارج عشان يكمل دراسته مارضى .. وقال انه ان راح مايرجع وخله مكان ماراحه ..!
طبعا ذياب زوجي الله يرحمه كان متوفي ولا كان حل هالموضوع مع جدكم ..
اللي صار ان هزاع أصر على جدكم انه يروح لكن جدكم قفلها برخصته وزاد الطين بله .. قال عنه انه علماني..بس هزاع مارضخ ..هذيك الايام قبل 20 سنة كان اللي يسافر برآ مايرجع .. لان الدنيا قايمة عند الغرب والغرايب..
وكلنا كنا خايفين على هزاع بس مو مانعينه .. جدكم عقاب هو اللي مانعه .. وكان يظن ان هزاع رايح لجل لعب ماهوب لجل دراسة .. بس هذا ولدي وانا اعرفه .. ربيته التربيه الصالحة جعله للجنة ..راح بعد ماجى لجدكم وباس راسه وقال له ماهو بقصدي اكسر كلمتك ياجد بس انت اعرف بأحوالي كل ابوها.. راح وودعته توديع الحي للميت..لاني عارفة اني ماراح اشوفه.. راح..وهذي آخر أخبارهـ ...

الوعد باستفسار\دام ان الوضع ما اعجبكم ليه ساكتين ..؟! وش له ماتحرك خالي شهاب بشهابه ..؟!!
ام رهان\ياالوعد ترى ولدي قصته مو قصة خال يجيبه من الغربة .. الرجال محدن درا به وين داره من اراضيه ..؟!
الجده بنوحة\حلفتك الله ياام رهان قفلي لاتوجعين قلبي..تراهـ أول حفيد لي..
أم رهان\السموحة يام ذياب انا ام وقلب الام على ولدها موجوع..
الجده\ياجعل الله يرده لدار بو متعب
ام رهان بحسرة\شاب ولدي بالغربة يام ذياب.. هالحين وصل عمرة في نهاية الثلاثين..
مابقى له على الاربعين شيء.. مابقى له..
المها\طعنة اخوي بالظهر لا رجع محد يداويها..جرح ..جرح وياكبره بقلبه..
الجده\الله يغفر لك يابو ذياب خطاياك..بردة هزاع لأمه..
ام رهان\املي بالله كبير ومايخيب رجاياه.. مثل مارد يوسف ليعقوب بيرد ولدي ..!
.
.
.
.


هَزمتنِي غُربتِي يومًا .
وضعتنِي في زنزانَة المَوتِ..
أهدتنِي سلالة الألم والجُرحِ العميق ..!
حتى رحلت..!
ومارجعت..!
وان رجعَت..!
سأرجعُ بجرحِي..!
وهَا أنَا أعُود..!
في موطنِي..!
أريد من الدموع أن تنهَمر..!
انتظرتهَا تهطل كرذاذ المطر ..!
ولا شيء..!
لقد أصبَح هذا القلبُ كالحجَر..
وهذه الدموع أصبحت جافّة..!
انني شخصٌ آخَر.. وِوسَام الغُربَة على رأسِي ..!
شيبًا ختمتهُ لِي الحكُومَة البريطَانيّة..!
بعدما ان حَكم لي جدّي بالجلَاءِ المُؤبّد..!
"أنا فِي الريَاض..!"
في أرضِي من جدِيد..
أعود كسابقِ عهدِي ..؟!
أو لا أعود..؟!!
أهل سأقبل بِهم..! أو لا يقبلُون ..!!
لا أريدُ منهم القبُول.. فرغم أنُوفَ الجمَيع..!
لن أجلَى مرة أخرَى ..!
إلى منفَى بعيد..!

.
.
وضع حقائبه في سيارة تاكسي وهمس\طبع المسافر لا رجع هله يتلقونه..وانا بطول المسافة لا حد يسائلني ولا منهم يسليني ..!!
ثُمّ أردف\اعنبوك يالغربة..شيـــــبـــــتيني ..!!

.
.
.
.
.
.

في عُمقِ الليّلُ ..!
تدقُّ القُلوبْ...!
تمامًا كمَا تدّقُ الطّبُول الإفرِيقيّة ..!
نسَمعُ صَرير الريح الغاضَبة ...!
تخبّأ في طيّاتها عُنوانًا مُختصَرًا ..
"الوُعُود "
إنها آتِيَة معَ سربِ هذَا الظّلام ..
إنّها متهكمَة مع إرتجَافِ الليل فِي حُنقِ الظّلام ..!

وها أنا تِلك أسَمعُ أول شَيءٍ منِه وهيَ ،
طَرقُ البَاب بيدِه الخَشنِة ...!



فزت من نومها على صوت الباب وكانت الساعة وحدة بالليل\لا إله الا الله من جى ذا الوقت..؟؟!
لبست جلباب أبيض واسدلته على راسها..!
وتسمع صراخ من تحت وكأن فيه أحد ميت ..!
سمعت صوت جدتها وصوت زوجة خالها مهرهـ اللي كانت بايتة هنا..!
طلت من الدرج وشافت المكان مليان من الشنط ..!
وش صَاير يارب سترك ..؟!
وليش الأصوات تتعالى ..؟؟!
يــاترى من مــات ..؟!!
اللهم احفظ جميع الأحياء بعينك التي لا تنام ..!
صارت خطواتها واسعة بين الدرج تحاول تختصر المسافة ...!
توجهت لمكان الصوت وشافت خالد ولد شهاب متغيرة ألوانه ومو فاهم شـ الموضوع...
دخلت المجلس وهي تبي تواجه الحقيقة أمام عيونها .. لكن يد عمها شهاب صدتها وطلعتها لبرآ ..!
حتى لاتنكشف على اللي داخل ..!
فتحت عيونها بصدمة وهي تشوف خالها شهاب دموعه مالية خده وبفزع\عليك الله ياشهاب قل لي وش اللي صاير ..؟
وش فيها جدتي وخالتي مهرهـ ..؟؟!!
شهاب احتضنها وبنوحه\هزّاع رجع يابنت ..رجع بعد غربة غريبـة ..!!
كانت عيونها الواسعة ترمش .. وتحاول أن تنظر للداخل ولكن .. !
الحقيقة سمعت صوت جدتها\رحم الله جدك ياهزاع ...راح وماظن به رجعه .. وش مشيب راسك يـايمه جعل هالشيب في عدوينك...وش صار وش سووا لك عيال الغرايب ..
\ربتني الحياة ..وعلمتني رجعتي لهنا كأني غريب...!
.
.
قطع تفكيرها صوت شهاب\الوعد .. روحي لبسي عباتك ونزلي ..جيبي موية وهالحين بدق على خوياني كلهم يجون مع عيالهم بعد ما قرت عينا بشوفته..!

هزّت راسها بطاعة وراحت ركض لفوق حتى تلبس عبايتها وتنزل تشوف ولد خالها...!
اللي له 15 سنة في غربة ومايدرون وش وضعها ...!!
نزلت وهي تمسح دموع ..
هذي رحمة الله في جدي...إيه رحمته تسبق توبة عبادهـ...!
........هذا هو رب العباد ..!
يلطف من بعد الصبر وهو يمهل ولا يهمل ...!

نزلت للمطبخ وصبت بالكاسات موية ...!
وصارت ترجف بكل كاس تمسكه...!
وش مخبي القدر من مآسي ..؟!
وش اللي كاتبه المعبود ..؟!
يارب رحمتك تسبق توبة عبادك ...!

توجهت إلى المجلس الداخلي وطلبت من خالد يدخل
بالموية لأنها لو دخلت وهي حاملتها راح تتكسر الكاسات من قو رجفتها ...!

دخلت بعد التسمية ..!
ورأت ...نظرات باهتِة ..!
لا تحمل أي معنَى ..!
سوَى أن شَاب رأس القدر في جبينَه..!
ملامحه مشوشَة .. لاتحمل أي معنَى سوَى " الصلابة" ..
هيَأتُه لا تحمل أي تفسير سِوى .. الشُموخ المنكسر ...!
شَعره الذي غطته خصلات الشَيب ..!
عينَاه الحادتّان..مُباشِرتَان ..!
انهما كرشقِ سيلٍ من السهّام الممطرة ..!!
تُرى ..؟!
ماذا يخبِي هذا الرّجل فِي جعبَته ..؟!!

.
.
.

تكلم شهَاب بعدَما إن رأى الوعَد قد خُرسِتْ تمَامًا ناسيَة السلام\هذي الوعد ..
رفَع عينَاه بنسَيانْ وهو لا يتذّكر منها شيئًا ولا يعلم .. إن كان قد سَمع بها من قبل أو لا ..؟!
فَهم شَهاب موقفْ نسيان هزّاع\هذي بنت اختي عذاري الله يرحمها ..! يوم مشيت لبريطانيا كان عمرها 5 سنوات..!
وكأن ذاكرته بدأت تجمع خطوط الشتات حتّى همس بعدما ان هز رأسه لـ الوعد\تشرفنا.
الوَعد\بك .
الجدّه أعطت هزاع كأس الماء\إشرب ياميمتي جعل مالقى فيك فقدهـ...وأخيرًا رجعت ياظمى الروح..!
هزّاع يشرب الماء\ماتقصرين ياام ذياب.
الجدّه تحتضنه\ع العين والراس ..شوقي لك قسم زلزل هالقلب من مكانه ياولد ذياب..!
هزّاع\المسافة طويلة لكن الدرب من يشقى له..؟! كنت جاي اطلب
السموحة من جدّي لكنه راح عند من هو احسن مني ومن الجميع..
الجدّه بحنان\من مين تطلب السموحة وانا امك..ماخطيت.. جدك اللي مخطي..والله يغفر له ذنوبه..!
هزّاع بسرحان لفتَرة كانت قبضته مشدودة على فخذه\الوالدهـ ..؟؟! وينها..؟!! أخوي رهان وش علومه ..؟؟ البنات المها والبندري..؟؟!
الجده\علومهم كلهم وانا امك تبغى طواريك...لامن الشوق حذوة فرس لاعب بخياله.. وش تنتظر من خيال ضاعت علومه ..!!
.
يُريد البَوحْ ..!
يُريد التحدثّ ..!
إنه نوح الغُربة ..
نوحَ الإنعتاق من أسراب الاغلال الوهمية..!
يريد أن يشكي لهم كما خطط..!
يريد أن يتحدث ويخبر هذا وذاك بما جرى له..!
يريد أن يخبرهم جميعًا أنه أصبحَ ملعبًا للحكومة البريطَانية..!
التي تكره العرب منذ أن سقط الإتحاد السوفيني قبل قرون ..!
ولازال حقدهم ممتدّ إلى الآن..!
يريد أن يخبرهم عن كيفية إعتقاله كمتهم عربي إرهابي..!
وهذا شيء ليس بخفي..!
فلنفضح الإرهاب الحقيقي في هذه المسَاحة من السطور..!
فلنتكلم قليلاً عن معاناة أمّة إقرأ في السّفر..!
إنهم يكنّون الحقد لنا كما تكنّ أنثَى الجَمل حقدًا على ذابحِي بهيمتها الراعية ..!
ما إن يأتي شاب عربّي مُلتحِي .. أو فتَاة مُحجّبة ..!
يُنظر لها بأنها عميلة إرهابية تأتي من "غزّة" ...!
تريد تدمير القوات الإسرائلية في شنّ هجوم وضربات متضادة..!
لدرجَة أن بعض المناطق لا تبيع المسلمين الطعام ولاتزودهم بالمؤن .. !
أنا أتحدث عنها قبل عشرون عامًا ..!
حينمَا كانت الضاحية الغربية تضج بالمظاهرات أمام البيت الأبيض..!
لإنتخاب رئيس إستخبارات جديد ..!
كانوا العرب يقفون خلف القضبان .. يريدون أن يطعموا فلسطين لقمَة الإنتصَار..!
لكنهم لم يستطيعوا ..!
أي شخص تم التوقيع على هويته بأن عربي الجنسي..فهو "إرهابي" كان لديهم هذا المنطلق *قبل خمسون عامًا من الآن إلى عشرون عامًا * بمثابة جيل إلا عام .!
في هذهِ الأعوام كثرت الإعتقالات البريطانية لدَى المتوجهّون إلى الضاحية الغربية..!
وكثرت الفوضى وأصبح المعتقل كالمنسي في سجون يزجّ بهم ولا يخرجون إلى بعد تدخل السفارة العربية في هذا الموضوع..!
والإتهامات..تهريب المخدرات..دس الأسلحَة الإنجليزية الطراز..!
كلها مخابرات تحرتها الحكومة الفيدرالية الأمريكية لتحاجج بها الحكومة البريطانية..!
حتى وقفت الحكومة العربية في وجه كلا من الحكومتين وفرضت وجود دور يعود للسفارة في قضايا المبتعثين..!
ولا يحق للحكومة حق التصرف دون إثبات شيء بدليل قاطع ترتضي به كلا الدولتين..!

وكَان "هزّاع" ضحية لهذه المخابرات..!
زلزلت بهِ الأرض فوق في إحداها ..!

كان عقله مضطرب..نبضه مضطرب..!
كل شيء حوله بات مضطرب ..!
ومشوشًا ..!

إلى أن أفاق على حُضنِ أمّه ..!
أمه أم رهَان .. التِي تستحقّ الدّمع ..!
ويرخص الدمع لأجل من تحت قدميها الجنانْ ..!
جلس على الأرض جاثيا على ركبتيه يقبل أقدامها..!
حتى إذا بها تشهق وتزفر هواءًا عميقًا ..
احتضنتها واغمي عليها..!
صرخت الجده\البندري قومي جيبي لأمك موويــه
حتّى هلعت ابنتها التي كانت متشوقة لإحتضان أخيها الأكبر...!
جائت بالماء وأخذ هزاع براحة كفه قطرات من الماء البارد التي انسابت على وجه والدته..!
وبدأ يقرأ سور القرآن حتّى أفاقت واحتضنته باكية\قلي يــايمه مـاشيبوك..!
وش هالشيب يايمـه..وكأنك أكبر مني...وش مسوية بك الغربة ياروحي وش مسوية..!
وش هالخناجر اللي مرمرتني بسمومها..! خنجر دخلوه بصدري .. طلعوه من ظهري..!
داوو الجرح بـ جرح فراقك يــاهزاع..! ماكفاني فراق ابوك وترملت...!
غربوك ... غربــــــــــــــــــوك عني....!!آآآآآهـ يـــاهزاع ...

إبتسَم وقبل رأسه ودمعة ساخنَة جثت على خدّهِ الذي تشوبه
شعيرات الشاربين والعوارَض..!
أتته الباكيتان ..البندري والمها...واحتضنهما وسمَع الشّكوَى بمر العذاب..!
وقد كان يعاني أضعاف ..
أضعاف..!
أضعـــــــــــــاف...!
ماكان الجميع يتحمله ..!!
إبتسم وهو يكفف دموعهن..!
وقف على قدّميه ... حَان الوقت ليقى الرجولة بــ الرجولة ..!
أخوهـ .. رِهان .. الذي عندَما رحل عنه كان لايزال مراهقًا ..!
الرهّان..انه الرهان الحقيقي على انه لا زال لديه روح في جسده..!
وهذه المرة ربح الرهان واحتضن اخاه رهان\وعفى الله عما سلف ياهزاع...!
وش ذا الغياب اللي انزلفت به هالقلوب ..ماعاد اطالع رجالن بيهاجر الا واذكرك...!

هزاع بارتياح\رجعت..رجعت..!
أم رهان\أمي هزّاع كليت شيء..؟!!

هذهِ الجُملة سمعهَا آخر مرة قبل خمسَة عشرة في آخر ليلَة قبل أن يهاجر ..!
وهو يوضّب حقيبَته.. سألته أمه الحَانية عنه إن كَان قد أكل شيئًا أم لا ..!
وبعدَها ...لم يُسأل قطّ ..!!


الكل لاحظَ سكُوته مع إبتسَامتِه المَكسورةَ التي ختمَها بـممازحة\لا بموت من الجوع...!
فزّت أم رهان\هالحين أسوي لك اللي تبيه..!
هزّاع يجلسها\عليك بالله ماتقومين وانا ولدك
وبممازحة للمها والبندري والوعد\البنات يقومون ويسون لي اللي يقدرون عليه..!
المها تمسح دموعها\بروحي أفديك مو بس عشى أسوي لك جعل ماتشوف الا الجنة يارب
هزاع\وعساك وياي
خالد داخل عرض على جدته\دامه ياجدتي رجع لك فزاعك انتي وخالتي ام ليث..
ورا ماتعطوني جنوتي من هالفرحة كل وحدة 100 ريال
الجده تشره على شهاب\ياشهاب أنا قايلتن لك هالولد ماهو بهاجد الا لما اورم جنوبه ..
هزاع مد له 500\خذ ..وشوط لا يختلف يالذيب
خالد بتفشخر\افا يالشيخ مالها الا رجالها
رهان يضحك\هههههه رح ومايصح الا الصحيح..!
.
.
.
سُؤال مفاجئ غير من تفاصيل وجهه الحادة تفاصيله ..
وجهه رهان على حُسن نية لهزّاع\وش سويت بغربتك وأنا اخوك..!
ضرب بكفه على فخذ هزاع الذي بقى صامتًا ثم نطق\..............!!


.
.
أكتفِي بهذا المقدور .
وأظن ان المغزى واضح . !
في طياتها أشياء مختلطة ببعضها البعض.
أختتموها بدعوة لي .
ثانيًا ، أتمنى أن ارى نقاد أدبيون إما مادحون أو ناقدون .
وليس بالكلام الوجيز .
الذي يُبخس الكاتب حقه .
وأظن أن هذا الأمر من قوانين القسم .
الذي يقول ...!
-
2 / الردود المستوجبة لـ الحذف :
إعلان لـ منتدى آخر ‘ أي رد خارج إطار الموضوع ‘ ردود الإستعجال و الإعتراض ‘ ردود الشكر المُختصرة ( يسلموو + يعطيك العافية + الرواية روعه و و و ... و ما شابهها)
وأعتقد اني ، وغيري من الكاتبات لا نطلب الكثير سِوى أن نعرف المستوى الذي نحن فيه .
في النهاية . أتمنى منكم دعوة صادقة لي من ظهر الغيب ...!




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-02-2014, 07:22 PM
صورة حبة الكرز الرمزية
حبة الكرز حبة الكرز غير متصل
©؛°¨غرامي فعال ¨°؛©
 
الافتراضي رد: وعُود مرتّلة ..!


شكرا لك جزيلا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-02-2014, 09:20 PM
صورة AML#? الرمزية
AML#? AML#? غير متصل
©؛°¨غرامي فعال ¨°؛©
 
الافتراضي رد: وعُود مرتّلة ..!


باين على الروايه حلووه وحمااس وقصتها مميزه


وراح انتظرك ^.^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-02-2014, 12:41 AM
صورة الوَعدْ . الرمزية
الوَعدْ . الوَعدْ . غير متصل
©؛°¨غرامي جديد¨°؛©
 
الافتراضي رد: وعُود مرتّلة ..!


اقتباس:
شكرا لك جزيلا
العَفٌو علًى لا شيء :)

اقتباس:
باين على الروايه حلووه وحمااس وقصتها مميزه


وراح انتظرك ^.^

شُكرًا وهذَا من ذوقك حبوبة :)..
شرفتيني..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-02-2014, 01:10 PM
صورة الوَعدْ . الرمزية
الوَعدْ . الوَعدْ . غير متصل
©؛°¨غرامي جديد¨°؛©
 
الافتراضي رد: وعُود مرتّلة ..!


.
.
.
مسَاءُ الخير للـجميع ..!
أشكر الأعضـاء اللي ردوا بأسلوب نقدي رائع ..!
والمشاهدات هم ترضيني كـمقدمة لـــبارت أول ...!
بس حبيت أنبه على موضوع وجيز صغيرون وأتمنى الحبوبات يتقبلونه..!
طبعًا مـاله شغل بردود العضوات لكنه قضية لاترضيني ولا ترضي الجميع ..!
ولا ترضي الله سبحانه وتعالى ..!
.
.
وقفَه\ اتمنى تقبل الكلام ..!
في كثير من الروايات تنقل أسلوب للعلاقات المحرمة بأسلوب مثير يشجع القارئ على تطبيقه..!
وهذا شيء يعتبر بمثابة "مسخرة" روائية وليست رواية جيدة على محور الروايات السابقة ..!
فيها تشويه لسمعة البنت الخليجية بالذات كون الروايات دائما عن الخليجيات واللهجة خليجية !!
بصفتي كـ كاتبة أسألك .. ترضين تواجهين نفس هالاسلوب على نفسك ..؟!!
تكونين مربوطة بذيل علاقة محرمة ..؟؟!!
وين "الإبداع" في الرواية ..؟!
إني أنقل علاقة محرممة وأزينها للأعضاء بطريقة مشبوهة لا يرضاها الله ولا رسوله ..؟!!
هذا أسلوب متهكم ضد المرأة العربية ..!
فيها جرأة على الدين الإسلامي ككل ..!
لا وقمة المسخرة تجيك أنو الأهل يشجعون البنت على هذي العلاقة ..؟؟!
سلامات ..؟!! وين ربهم ماهم كبار وعاقلين ويفهموا ويفصلوا بين الحلال والحرام ..!!
وأعتقد أنو المتابعة لهذه الروايات وتشجعها راضية انها تكون بنفس الموقف ..!
مو قصدي الإساءة ..! بس السالفة زادت عن حدها ووصلت لأكبر شعاع من الشمس ..!
وشعاع الشمس مايحجبه غربال ..! حنا عرب ولنا مفخرة البنت لاتسترت ماهي مثل البنت اللعيبة ..!
مو قصدي تجريح أي كاتبة ولا ذمها ولا أقصد الإساءة في كلامي ..!
لكن الروايات اللي تشجع على انو البنت تطلع مع الرجال .. أو تروح معه للفندق.. أظنها تخلو من المصداقية ..!
ولا تعكس أبدًا جانب حقيقي للروايات ..!
أنا مالي بالكلام لكن اللي بقلبي بقوله .. ولا تجيك اللي تكرر الأحداث ..!!
تدخلين على رواية تبين تقرأينها مثل الناس ماتقدرين ..!
دائما روايات متكررة .. أسلوب متعدد ... أشياء روتينية ..!
خلونا نتكلم بأشياء حلوة إيجابية .. وحتى لو قالت الكاتبة انو هالمشاكل تواجهها وتشوفها بحياتها اليومية ..مالها أي حق بأنها تزينها في عقول القارئــات ..ترى في مراهقات ... في بنات تحت الـ 20 سنة ..!
ولك وزر هالأشياء ووزر من عمل بها..!
خلوا لـ "المحرم" دور حقيقي في رواياتكم ..!
هالشيء لازم نستغله كـ قضية ندافع عنها بكل الأحوال..!
المحرم مو دروه فقط الضرب أو التشجيع على الحرم ..!
خلونا نعكس صورة حقيقية عن دور الأخ والأب ...!
وكأن عصر الجاهلية انتشر بهذه الكلمات المنقولة ..!
احنا مو بعصر الجاهلية ...! لازم نفتهم ونفرق بين الحلال والحرام ..!
اتمنى ان الكاتبات والقارئات مايقبلوا هذا الشيء...!
وان شاء الله روايتي راح تخلوا من هالاشياء ..!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-02-2014, 01:30 PM
صورة زَفرآتْ السّنِين ! الرمزية
زَفرآتْ السّنِين ! زَفرآتْ السّنِين ! غير متصل
©؛°¨غرامي مشارك¨°؛©
 
الافتراضي رد: وعُود مرتّلة ..!


اقتباس:
وقفَه\ اتمنى تقبل الكلام ..!
أكيد رآح نتقبل الكلام دام ان اسلوبك مهذب يامبدعة ..

اقتباس:
في كثير من الروايات تنقل أسلوب للعلاقات المحرمة بأسلوب مثير يشجع القارئ على تطبيقه..!
وهذا شيء يعتبر بمثابة "مسخرة" روائية وليست رواية جيدة على محور الروايات السابقة ..!
أ أيدك بهذآ الموضوع جدًا جدًا .. وخصوصًا انه موضوع حساس ..
وصآر بشكل يقهر وبشكل عنيف جدًا تجاآه الخليجيات والعرب..

اقتباس:
خلوا لـ "المحرم" دور حقيقي في رواياتكم ..!
هالشيء لازم نستغله كـ قضية ندافع عنها بكل الأحوال..!
صح صح .. مية مية ..
وشيء راقي بعد ان حنا ندافع عن المحرم ودورهـ ، ونعتبره كقضية من المفترض ان نحييها

......

بتكلم عن الرواية..
بحكم انك تكرهين الرد الوجيز في روايتك مثل ماقلتي ..

اقتباس:
ثانيًا ، أتمنى أن ارى نقاد أدبيون إما مادحون أو ناقدون .
وليس بالكلام الوجيز .
الذي يُبخس الكاتب حقه .
وأظن أن هذا الأمر من قوانين القسم .
بصرآحة .. أعتقد إنو روايتك راح تاخذ مركز من الصدارة ..
ليش ؟!! لأنها تتحدث عن قضية واسعة ودبلوماسية جدًا ..
وأيضًا واقعية .. في ناس في أيام قبل أذكرهم يموتون على مايرجعون لبلادهم..
لأن الدول الغربية كانت ملخبطة بسبب سقوط الاتحاد السوفيتي .. أثر فيها كثير...
ودور هزاع فعلا رائع.. شخصيته مهيمنة ومكسورة .. أنتظر أشوف دوره بارز مع الاياآم..

الوعد .. شخصيتها حلوة .. وماهي مبالغ فيها..حلو انك ماصورتيها مثل الملالآك مثل باقي الروآيات..
لكنك اعطيتي عنها فكرة ركزت بدمآغي..كأنها بنت أنا أعرفها أو شآيفتها .. لأن كلامها واسلوبها ..
صآير واقعي ومقبول .. وهذا دليل على شطآرتك..

اللي بعدو خالد ههههههه..
مدري شـنو مهبب له مع الأيآم ..لكنه يحتاج له نفخ ريش .. وشكل مو بس وعد اللي تموت به حتى آنا ..


آلجده.. لها دور جيد في حيآة الوعد.. وأعتقد انها مسند ظهر لهآ..
أتمنى تكون لها عون مو فرعون في تكملة الرواية .. وظنوتي ان ماحد
بيساعد الوعد كثر الجده في مستقبلها .. دآم انها وقفت معها طوول هالسنين معقوله ماتوقف معها هالحين ؟؟؟

رهآن وشــآهين..
أعتقد إن رهآن وشآهين قصتهم واضحة .. حلو انك دخلتي عليهم بطريقة مباشرة انهم مخطوبين..
ومربوطين بعلآقة شرعية .. يعني هذا شيء صراحة احنا محتاجينه وانتي استغليتيه ...
وأعتقد انهم بيكونوا ثنآئي رائع كل واحد مسند للثآني..

شهآب...شخصيته رائعة جدا .. خصوصا انه مزوح .. ويحب يخفف الجو من ثقله..
وخال جيد لوعد.. يعني تحسيهم عائلة متنآسقة .. مو مثل بآقي الروايات.. البنت صاحية واختها فيها حآلة نفسيه ومعقدة لانها تقرأ وكذا .. هههه شيء يضحك بس انتي فنتاستك...

ليث وثنيان .. عيال عم ذولي ولا عيال خال ؟؟
هههه المهم انهم يوسعون الصدر..

البندري والمها.. اتمنى تبرزين حالتهم مع اخوهم هزآع..
أم رهان اللي هي بالحقيقة ام هزاع .. حزنتني من جد... الأمهآت اللي يعانوا من الفقد جد جد مساكين..
الله يساعد قلبها .. والحمدلله ربي برد قلبها بردة ولدها هزاع لأحضانها سالم غانم...

بس رجعة هزاع وراها مصايب.. والله يستر.. وان شاء الله يبتدي حس الآكشن بالرواية..
لانها روعة .. اسلوب واقعي.. الحياة تحسيها حياة روتينية واقعية.. بعيده عن المزايدات وهالاشياء..

كملي مشوارك.. وانا معك بالقضية اللي طرحتيها..
واتمنى يــــــــــابنــــــــــات تشجعوهـــــــــــا لأنهــــــــا رائعـــــــة ..
وجميعنـــا نتمنى دعمها من المشرفـــآت .. الروايات اللي مثل كذآ مايصلح ان تهمل
بل يجب ان تجشـــــــــع.. انا تابعتها قبل كذا في منتدى آخر كانت منزلتها قبل .. ولاحظت انهم شجعوها من البداية..
اتمنــــــــى أيضا غرام مايقصـــر بالهــــــــلموضوع..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-02-2014, 02:36 PM
اسية232 اسية232 غير متصل
©؛°¨غرامي جديد¨°؛©
 
الافتراضي رد: وعُود مرتّلة ..!


بداية .. رائعة .. عنوان موفق.. وقضية جديدة .. فكرة الرواية مميزة .. وغير مستهلكة .. سجليني متابعة لك .. فكرة القصائد في البارتات من وجهت نظري غير جيدة تشتيت ليس الا.. بالمجمل أعجبني أسلوبك في سرد الأحداث .. استمري ،، نحن معك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-02-2014, 05:50 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: وعود مرتلة /بقلمي


مساء الخير .. ياهلا فيك بغرام ... موفقة بطرحك .. بداية جميلة ومميزة واسلوب واقعي وطريقة السرد جدا جميلة ... انا مع انو الرواية ماتكون محشوة بخواطر او ابيات شعرية بدون داعي حلو اذا الكاتبة استخدمت منها الي يخدم احداثها وروايتها كمدخل بسيط او شئ يناسب سياق الحدث لانو الكثرة منها تنفر القارئ ويمل منها حتى لو احداثها مميزة

عندي بعض الملاحظات احس الرواية تحتاج لها وهي انك تحددي مكان الحدث ببداية كل مشهد والتوقيت حتى نكون بكل حدث عايشينه صح مع الشخصيات

اوصفي مكان الحدث بشكل مختصر ووصعية الشخصيات فيه لانه شئ مهم نتخيل كل شخصية في الحدث كيف وضعها الوصف العميق له دور كبير في سلب عقل القارئ بالاحداث ويحس انو يعيش مع هالشخصيات داخل الحدث وخصوصا اذا تعمقتي بوصف المشاعر وردات الفعل يعني هنا حسيت انك ظلمتي موقف اللقاء بين هزاع بعد كل هالسنين وبين امه واهله توقعت انو بيكون في كم كبير من المشاعر والاشواق مايكون اللقاء عابر وينتهي بهذي الطريقة ماحسينا بشوق الام ولهفتها وحزنها على ضياع عمر ولدها .. ولا بفرحتها بهاللقاء لذلك تعمقي اكثر في هالاشياء لانها مهمة جدا جدا بأي رواية

لاتخلي بس الحوار هو الي يطغى حتى الوصف له دور كبير واساسي وهو الي يوصل المضمون صح .. وكبري الخط حتى تكون القراءة اريح

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-02-2014, 06:48 PM
صورة الوَعدْ . الرمزية
الوَعدْ . الوَعدْ . غير متصل
©؛°¨غرامي جديد¨°؛©
 
الافتراضي رد: وعود مرتلة /بقلمي


قبَل إبتدَاء هذا الوَعدْ التّالِي ، ..
أريدُ أنْ أهمسَ لكلِ قارئَـ|ـه ... !
لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..!
ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..!
جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..!
نحَو هذهِ الرواية ..!
نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..!
و علاوَة هذا فأنا أقرأ كل ردّ دُونَ إستثنَاء ، الناقِد والمادح ..!
ولا أتجاهلُ من الردودُ شيئًا سِوَى " البعيد عن الأدب" !
لذلك فـ لتثقي بأني حتمًا أقرأ ردّك ..إن شَاء الله .. !
وسأبادلِك بردّ تحيّة ..!




الوَعد الثانِي .


يُباغتني السفر
ملوحاً .. بنهاية العُمر
يُطاردني الفراق
وأنين الوداع
ودوماً ..
يصلبني القدر
بمطار ..
بميناء ..
بيوم .. حرمان
أحصي .. حقائب السفر
أحصي .. دموع الخلان
وحيدًا .. في المحطات
مسلوب البصر
حزين .. لسطوة الفراق
وقسوة القدر
أبكي .. ولا دموع
وأتألم بلا .. ألم
فقط ..
أجدني دوماً ..
بين المحطات
أنتظر.



.
.
.
الكل لاحظَ سكُوته مع إبتسَامتِه المَكسورةَ التي ختمَها بـممازحة\لا بموت من الجوع...!
فزّت أم رهان\هالحين أسوي لك اللي تبيه..!
هزّاع يجلسها\عليك بالله ماتقومين وانا ولدك
وبممازحة للمها والبندري والوعد\البنات يقومون ويسون لي اللي يقدرون عليه..!
المها تمسح دموعها\بروحي أفديك مو بس عشى أسوي لك جعل ماتشوف الا الجنة يارب
هزاع\وعساك وياي
خالد داخل عرض على جدته\دامه ياجدتي رجع لك فزاعك انتي وخالتي ام ليث..
ورا ماتعطوني جنوتي من هالفرحة كل وحدة 100 ريال
الجده تشره على شهاب\ياشهاب أنا قايلتن لك هالولد ماهو بهاجد الا لما اورم جنوبه ..
هزاع مد له 500\خذ ..وشوط لا يختلف يالذيب
خالد بتفشخر\افا يالشيخ مالها الا رجالها
رهان يضحك\هههههه رح ومايصح الا الصحيح..!
.
.
.
سُؤال مفاجئ غير من تفاصيل وجهه الحادة تفاصيله ..
وجهه رهان على حُسن نية لهزّاع\وش سويت بغربتك وأنا اخوك..!
ضرب بكفه على فخذ هزاع الذي بقى صامتًا ثم نطق\كفّ الأذى عنّي بترك السؤال وأنا اخوك..

لحــظـــــــــةُ صمْتٍ مريبــــة للشّك ..!

الكّـــل كـــانت ردّة فعلـــه "غير متوقعـــــة" ..!
بل متسائلة ... أيضًا ما للذي حدّث ..!

الأعينْ بدأت تُخاطب بعضــــها الـــبعض ..!
وابتَسامَة الأسَى تستقّـــر على شفَتِيـــه الذّابلتِيـــن ..!
إذًا هذا هُو سر الشيب الذي على وجهه ..

علامَات الإستفهَام ..!
بدأت تترأس رؤسهم جميعا ...
جميعًا دون إستثنَاء ...
تنفس الصُعدَاء ...
والزفــــــير والشهـــيق...

كلاهمـــا يضيقــان من صدره الذي يتأنبّ وجعًا ...!
حتّى قطعُوا حبَال أفكَارِهم جميعًا ..
حينمَا شقّت رائِحَة الطعامِ الساخن السُكون ..!

وهمست البندري بابتسامة\كل وأنا اختك عساك للهنا..
ابتسم لها ابتسامة شُكر\يعطيــك العافية ...

بَدأ يأكُل ..مَسك الملعَقة ..
وبدأ يلُوك الطعام في فمه ..!
ويمضغُه مضغَة مُضغة ..!
وأخيرًا ..أكل وجَبة عربية ..!
طَعامًا من هذهِ الأرضِ الكَريمَةُ الطّيبة ..!
15 عامًا ..!
إنهُ كابُوس مُزعج ..!
وحان الوقت كي يستيقظ منه ..
حان الوقت ليهزم كل ألامه ..!
.
.
لكن ..!

.
.
لكن ..! الألم قد تبعثر في عروقه ..!
أ بِهذهِ السهُولة ينفضُه عن جسدِه ..؟؟!
أ بهذهِ البَساطة ينسَى ذلِك أو " يتنَاسَى " ؟
بالتأكيد لن يعُود "هزّاع" السابق ..!
إنهُ نسخَة "كُروموسوميّة" جديدة ..!
ليس كالسابق ..!
لن يعود ..!
لن يعُود كما كــان ..!

إنتَهى من طعامه وهمس\الحمدلله..
أم رهان بحب\جعل مالقى فيك فقده يمـه..كل ..كل وانا امك
رهان بضحك\الله يعينك يا هزاع هالحين لو تموت محدن يكفكك من امك ..!
هزاع يقبل رأس أمه ويدينها\فداها من اليوم لبـاكر .. بس شبعت خلاص
خالد داخل عرض يبي يناقر وعد\كيف أن الوعد هي اللي مسوية قطع الدجاج ..ماعجبتك
شهاب ضحك\ههههههههه وهالحين مالقيت الا الوعد تناقرها...
الوعد تغوص من الخجل لأن نظرات إبن خالها الجديد ينُظر لها بامتنان
ورمقت خالد بنظراتها المتوعده ...

خالد بتشفي\لوما الجمايع كان قمتي هالحين ودستي ببطني ياوعيــد...
مدري ليه مسمينك الوعد ..المفروض يسمونك تاز المشاكس...!
الجده بعصبية\اعنبوك ياخويلد تراها وعد من امها وابوها...
عشان كذا انا سميتها الوعد...!
رهان ضحك\هههههههه وليه حاط راسك براس الوعد..
الجده بقهر\ماهوب اللي مطير مخي انه يناقر بنت عمته اللي بالجامعة..
البندري\ههههههههه لا بس الوعد تحب تناقره..تنبسط ليا شافته مقهور..
مهره بدفاع\اها بس عن ولدي..أشوفكم كلكم قومتوا عليه..
شهاب\ههههههه مدري بس ولدك قاضيها قاضيها ..
مهره\ماقلت لك انه ولد ابوهـ
رهان\ههههههههههههه ..ياليل عن قصف الجبهات يازوجة العم
الوعد تقرص شهاب\روح اهبد التيس ولدك لا اتوطاهـ...
مافيه الا يفشلني قدام ولد خالي الجديد ...
شهاب\ههههههه عادي ولد خالك بيتعود..
الوعد بقهر\توه جاي بغراطيسه .. وانتم تبون تفشلوني مع خويلد ..
سمعته شـ يقول لعله الجرب ..؟؟؟!
يقول المفروض يسموني تاز المشاكس..

اعتلى تدريجيًا ضحك شهاب على تعابير الوعد\هههههههههههههههههههه
وش أسوي معه يعني ...

زمر على خالد يجبر خاطر الوعد\خويلد ...يــاولد ..قــم..
خالد ناظر ابوهـ\لاتقل انك تبي تجبر بخاطر تاز المشاكس..؟؟!
شهاب رفسه\قم انقلع برا .. يلا
خالد يتمسكن على جدته\عاجبك ياام ذياب..في النهاية تاز المشاكس يطلعوني عشانه...
الجده بتشفي\زين مايسوي فيك ابوك ياخويلد عشان تتسنع جعلك السنع
رهان\ههههههههه وياذا الحقد اللي عليكم انتم الاثنين ياالوعد ويا خويلد..
المها\هههههههه مدري بس شوي ويتماشعون بالروس..
ضحك هزّاع وهذي أول مرة يسمعون ضحكته من جى\هههههه
الجده بفرح\دوم هالضحكة وانا امك
هزّاع\يدوم مغليك..

.
.
.
.
.
في ضفّةِ أخرَى ..!

حيثُ كانت لا تَرى سِوَى الظّلامْ..
لا تَرى أيّ شيء آخَر .. سوى السواد..
كَانت تلوك الهّم فِي خاصِرة الحُزن..
ويتصاعدُ دخّان الشّقاءِ منها..
كـ حُلّة وشيكــة ..
تُريدُ النّظر إلى الأشيَاء..!

لكنها لا تَستطِيع..
لقد انتهَى بها ان لا تكون مبصرة "عمياء" .
بعد حادِثٍ وخيم ..من صدِيق أخيها ..
قبل ثلاثِ سنواتْ ..!
حِينمَا جائها خبرُ موتِ والدِيها..
خَرجت إلى الشارع لتَذهب إلى السيارة برفقة أخيها مُسرعة..
لكن المُصيبة أن "سُلطان" تفاجئَ بها أمامه..
فسقطت أرضًا ..وتناثَرت قِطعُ الزّجاجِ على عينيها..
فصَار شكلها يُدمِي القلب..
مرمية الدمّاءُ تنهَمر من عينيها كبكَاء صخب..

مُنذ ذلِك اليومْ..لم يدعَهُ تأنيب الضّمير أن يُكمل مابدأه..
تزوجَها ..وهِيَ على ذّمته ..منذُ ثلاثْ سنواتٍ ونصف..
وكَانت تستَبعدُ فِكرة أنَها تحت شفقته..!
لكن الحقيقة..نرجع إلى كَونْ الضمِير حيًّا لديه ..
يُريد أن يكفِّر من ذنُوبه..!
التي رملت خطاياه سيل دموع دمويه من وجنتيها...

سلطان بحنان\شرايك نروح لأخوك رياض..؟!
لم يلقَى منها سِوَى الصمت..!
انها طِفلة في عُمرِ الثامِنَة عشر..!
كيف يُمكِن اخراجها من دائرة الهلاك تلك..
بِمسايرة مسح على رأسها\طيب شرايك نطلع مع بعض..؟!!
قطعت الأمل قائلة\ مـابي شيء..بروح أنام..!

وقفت من أمامه تريد الذهاب إلى غرفتها ..!
قاطعتها يداه الممتدان..تشابكت بيدها ليُجلسَها في حضنه...
ويهمس\وش مزعلك يـا غزلان ..؟
غزلان بدموع وضعت اناملها على خدها لتمسح دموعها\أبي أشوف طريقي..؟
وضع كفيه الحانيتان على خدها وأبعد كفيها ليمسح هو بنفسه دموعها\
أتريكي دموعك لي ..أنا أتكفل بها وامسحها..
غزلان بحزن\ماتشفق علي..؟

غرزت خناجر بسؤالها هذا..
لا يريد أن يعتاد على الكذَب ولَكن ..
\ لا .. ماشفقت..وانا أبيك..

أحاطت بهِ واحتضنته..
وقبلها بنعومة في خدها وهو يهمس\اتركي البكا .. واللي يشافي منهو اعظم منك يشافيك..
غُزلان\آمـين..


.
.
.
.

في الإسبُوع الآخر .
والكل ..
دونَ إستثناء ..
يعرفُ أن هزاع ذياب الدحام ..
قد عاد من جديد ..
الذي يشارف عمرهـ للأربعين ..
والكل رأى ملامح الشيب والإنكسار تعتليه ..
الكل دون استثنآء..

المجَلس الكبير فِي منزل جدّه ..
إملتلأ من الرجال ..
منهم رفقآء عمره الذي فارقهم قبل 15 عامًا ..
ضاري .. وضرغام.. وسلطان..
احتضنهم واحدا تلو الآخر ..
وهم يحكون له عن مدى شوقهم له..
أما هو فكان يرد عليهم بــإبتسامة تكسوها معالم الانكسار..

والصمت المصاحب لها ..

أجل .. !
لقد تغير ..
لقد رحل هزاع ..
مع الرياح ..
روحه لم تعد كالسابق..
لقد دهسته الحكومة البريطانية من اخمص قدميها..
لقد عــانى وعــانى..
والجميع...يجهل مابه..
يجهل لما أصبحت لغته ..
شيء واحد فقط ..
وهي الصـــمت المبرح ..

بو ليث بفرح\والله ان لأذبح لله.. لجل رجعت النا ياولد ذياب..
هزاع بامتنان\خيرك سابق يابو ليث..
بو ليث\ولد اخونــا ومانقصر فيه ..حشآ والله
هزاع\ماهي بقصور اللي تطلع منك..
بو ليث\تسلم ياولد ذياب..

ضرغام يهمس لضاري وسلطان\
مــاهو بهــزاع اللي أعرف علومه ..تغير ..
ضاري بتأييد\مكسور خاطرهـ ..ياترى جرحه كبير..؟
سلطان بسخرية\لانسخر على بعضنا..العلم موجود قدام عيوننا..
الرجال مكسور والغرايب مدري وش مسوين له ..
ضرغام\وجهه ماهو بهزاع..هذا جزاع ..
سلطان\بيرجع وبتشوفون
ضاري\وظنوتي ان رجعته ثقيله

هزاع التفت لهم وهمس\وش علوم العرب ورجالها ..؟!
ضرغام يبتسم\علومن كفو وتسد اللزوم..بو ذياب وش هي اخبارهـ ..؟؟
هزاع ابتسم\حالي من حالكم..
سلطان بمزح\وش ذا الشيب ياهزاع..
قبل كنت أكثر شخص مانتوقعه يشيب ..وهالحين شيبت قبلنا..
هزاع بابتسامة أسى\دروس الحياة..

دخل رهان وهو يحي ليث وثنيان\يــامرحبا بورعان العرب ..اقلطوا اقلطوا وحيوا الرياجيل..
ليث وثنيان\السلام عليكم
الجميع\وعليكم السلام..
بو ثـنيان\وصلت امك ياثنيـان ..؟
ثنيان ابتسم\سويت الواجب
بووثنيان\عسآك ع القوة وانا ابوك..
قم صب القهوة يارجال..

شهاب يتكلم\لا خل يجلسون..اخلي ورعي يقوم يصب..

خالد كان يلعب بجواله لكن من سمع ابوهـ قال\ماعرفك انا ..من انت..؟؟
شهاب بقهر\الله واكبر وي ذا الورع..هالحين انا ابوك شهاب ماتعرفني..قم صب ياولد ولا علي بك بالجالد
..قــــم
.
.
وقف خالد وقام يصب القهوة للجمايع..
مايعرف يصب الا باليسار لآنه يساري ..
يوم انه وصل عند ابوهـ كان جنب ابوهـ هزاع ..وصب لهزاع القهوه وقدمها باليسار..
زمر عليه ابوهـ\بيمينك ياخويلد ولا لاتصب..
خالد بقهر\وش اختلف يميني ولا يساري..يعني بيتغير طعم آلقهوة ..؟؟!
شهاب بغضب\لا ..بس بيتغير ديكور وجهك...امش صح ياولد..
هزاع ابتسم لخالد وقال\خذ علوم ابوك ياخالد...انت رجال ..والرياجيل يقدمون بأيمانهم ..
خالد حاول يقدم باليمين وعاهـ هزاع\هاهـ ..وهالحين رجال ولالآ ..؟؟!
هزاع ضحك\وعن ألف رجال..كفوو

راح خالد مستانس ونافخ نفسه..
لأن هزاع قاعد يعزز له حتى ينمي داخله ثمرة من الرجولة ..
ابتسم شهاب له\والله ان مابيطلع مني الشيب الا ذا الولد..
هزاع بدعوة صادقه\الله يحفظه لك ..

.
.
.
.

المها بضحك\ههههههههه لو تشوفين شكلها قدام اخوي كيف كان..
شاهين\هههههههههه وش له يرقع له خالي شهاب دام انه فشلها...
الوعد بزعل\إيـه تطنزوا يالنحيسين..يومن جاي لكن.. هين..أجل يسميني تاز المشاكس وجع به
البندري\ههههههههه..قسم بالله حسيت انك بتتوطي ببطنه..
الوعد بقهر\خلني اقبصه اقسم بالله ان مايسلم مني..
الجده بدفاع\يالوعد اتركي الولد..اعنبو دراك بنت بسن زواج وتناقر عيال ..اعنبوك امداك جبتيه..
الوعد بزعل\مو عن كذا ..بس هو يقهر هالحفيد وقسم بالله خلاني مثل السلاتيح ..هالعصل
الجده بعصبية\اسكتي مالعصلا الا انتي..
الوعد بتحلطم\أصلا لو خيروك بيني وبين خويلد ماخذيتيني
الجدة ضحكت غصب عنها وحضنتها\وعيد وانا امك ماله داعي تكوني زعولة..
تراك انتي وخويلد مثل هالروح اللي تسكن جسدها..
الوعد بحب\يمـه أنا أقدر فيك..؟ تراك امي وابوي وكل هلي..
الدانة بضحك\ههههه عشـــتو ..هالحين بدآ المغازل ..
الجده بتساؤل\وين عيالك ليه مـاجبتيهم ..حانين علي لي إسبوع مآشفتهم..
الدانة بباتسامة\أبوهـم سحبهم لبيت عماتهم.. توهـ عمهم ملحم راجع من السفر ويبون يسلمون عليه..
الجده بتشره\وليه مـاجوآ عشان رجعة هزاع ..؟!
الدانة\جــآييـن بالليل هم والحريم..
الجده\حيآهم الله..

.
.
.
.
.
.


,


# مرتّ الأيَام ...!

إنّه نفسُ المكَان ..
نَفسُ الأشيآء..
لَم تتغير.. !
كلها كمــا هي..
في نفس موآضعها ..
سِوَى أن بعضٌ من بتلاتِ الغُبارِ..
على أشياءه ..
إنها غُرفَتهُ ..
التِي هجَرها شابًا ..
وعادَ إليها رجلاً كهلْ..

دُولابه ..
أدواتِه ..!
كتبه .. عطورهـ ..
ملابسه..
ابتَسم في نَفسه..
انها ملابس المُراهقة..
ملابس المُراهقين..!
شيءُ بعث فِي نفسه "الضَحك" ..

.
.
ملابسه الآن أصبحت مُجرد ملابس رسمية..
أصبح شكله مبعثر في قائمة الإهمال..
إلا أن هذا يُضفي له شيءٌ من الوسامة ..
رغم حدة هذه الملامح ..!

.
.
أزاح السِتَار عن النافذة..
وشّق ضوء الشمس سرابيب الظلام ..!
وذرات الغبار تتطاير هنا وهُناك..
أشاح يده يمنة ويسَارًا يُبعد الغبار عنه..
وبدأ يسعُل قليلاً ..
جَلس على سريرَه ..!
وفتح درجَ كمدينته ..
أخرج كتَاب صغير منها ..!
كان يقرأ للكاتب تشارلز ديكنز..
ويقرأ لـ هيلين كيلر..
يقرأ أيضًا لأجاثا كريستي..!
هذه أيام المُراهقة ..
والآن فأصبحت هذه الأمور ..
كـ لآ شيء..!
.
.

سمع دق الباب..
وإذا بـ رهان يدخل\هزاع..
التفت له\ هلا رهآن.. تفضل وانا اخوك..
رهان ابتسم وجلس جنبه على السرير..
شبك يدينه في بعض وطالع هزاع\كيف وضعك هالحين..؟!
هزاع هز رأسه بابتسامة تخفي الكثير\أحسـن ..
رهان\ أبـكلمك بـموضوع..
هزاع\سم وانا اخوك ..؟!
رهان\سم الله عدوك..
هالحين انا خاطب وباقي املك على شـآهين..
وبعقد النكاح ماهي بزينه يجي الرجال من غير موليه..
وانا ابيك تكون موكل بعقد النكاح ..تعرف الوالد الله يرحمه راح..
وانت البكر له ..وحشا وآلله بعد جيتك اطلب غير كفو
هزاع ضرب رهان على فخذه\آبشر باللي يسر صدرك..
رهان ابتسم \عسـآني أفرح فيك وانا اخوك
هزاع ابتسم وهو يعلم ان رهان لا يعلم عن الموضوع همس له يجاريه\الله كريم ..
رهان\الله يرزقك باللي تبيه ..

.
.
.

رجعت من الجامعة..
وتعدت رجولها لعتبة الباب وفصخت حذآئها ..
انتبهت لوجود أحذية متكاثرة ..!
وهذآ يدل على وجود ضيوف عندهم ..!
يمكن خولآني..؟
غريبة بالعادة خولاني لآ جو مايجون وسط السبوع ..
عشآن عيالهم مدارس..
يمكن بس خآلي شهاب وعياله..
لآ ماظنوتي هالاحذية كثيرة..
شافت الجده قبالها ابتسمت لها\هلا بالزين ام ذياب وش علومها ..؟!
الجده بفرحة\الحمدلله وانا امك ..عساك ع القوة يمـه الوعد اصعدي فوق بدلي ملابسك..
ثم انزلي في علوم لازم تعرفيها..!
الوعد بخوف ارتعدت\شـفيه يمــه .. وش بلاهـا هالعلوم ..؟؟!
الجده وهي خايفة من ردة فعل الوعد\اصعدي .. وبدلي ثم تعالي
الوعد بإصرار\يمــه قولي شـفيه..؟؟
الجده بعصبية\لي ساعة وانا افهمك ولا هو جاي العلم يمطيك..أقول لك بدلي يالغبرا ثم تعالي..
الوعد وجسمها بدأ يرجف\طيب...طيب يمــه...!

.
.

صعدت فوق لغرفتها ..
وكل شيء بثواني تغير..
من فرح لـ خوف ..؟؟!
شـ فيه ..؟!
شـصآير ..؟؟؟!
وش بها جدتي ماقالت لي العلوم ..؟
ومين اللي جاي تحت ..؟!
معقولة صاير شيء واناا ماني بعارفته ..؟!
..
فتحت دولابها .. ولبست ملابسها وطلعت لتحت..
وقفت جنب باب المجلس الكبير حاولت تسمع سواليفهم..
بس كان الصمت مخيم ع المكآن ..
ريحة القهوة كانت تشمها ..
وشافت الفواكه والحلآ محطوطين ع الطاولة...
ويوم مدت راسها زيادة تبي تطالع ..
كانت بتطيح ...
وبكذا اللي بالمجلس كلهم شافوها..
لكنها تماسكت وحاولت تضبط نفسها..
وهو أمامها مباشرة جاته الضحكة على تصرفها العفوي..!
.
.
كانت شاده اللثام على وجهها كويس ..
وكانت موجوده تطالع الجميع..
جدتها جالسة جنبه ..
وهي كانت تطالع بلا شعور وش صآير ..؟!
إلا أن قطع حبال افكارها كلمة جدتها\فكي اللثام وانا امك مايحتاج

؟
؟
.
.

أفك اللثام ..؟!
وش بلى جدتي خابتها علوم العرب ..؟!
خلاص يعني مابه عرف ..؟
إيــه يمكن ذيك العلوم انه اخوي من الرضاع ..
وشو اخوي من الرضاع ..؟
وليه ماتكلموا ..!
بلا شعور همست\أخوي من الرضاع ..؟!
إبتسمت الجده على براءة تفكيرها وهمست\لآ يالخبلاء فكي اللثام ..؟!
الوعد بغضب\جدهـ ..؟ شفيك شبلاك تبين تكشفيني قدام الرياجيل..
الجده ابتسمت\ماهو بغريب وانا امك ..؟!
ناظرت خالتها ام هزاع وقالت\يـاخالة ترضينها ..؟ وان كان ترضونها ماني بمسويتها الله رب العباد مايرضاها !
ام هزاع\يالوعد فكي اللثام ..!

ضربت على فخذها بغضب ثم قامت\ماني بفاكته حشآ والله افك قدام الغريب
الجده بعصبية\ماهو بغريب اجلسي يالخبلا ..خليني افهمك..
الوعد جلست وبدأت تهز رجولها وتطالع ولد خالها اللي ساكت \ انطقي يمه وش وراك من علم..اتحفيني ؟
الجده\ هزاع زوجك على سنة الله ورسوله ..!

" زوجي"
عذرا لست حمقآء إلى هذه الدرجة ولكَن ..
.
.
الوعد\وش قاعدة تقولي يمـه ..؟ متى تزوجته انا ؟؟!
الجده تكلم ام هزاع\كلميها يام هزاع ولا ترآ بيجيني الضغط منها ذا البنت..
ام هزاع تتكلم\يالوعد يوم ان ابوك وامك ماتوا جدتك كانت مريضة وماهي ضامنة نفسها لك وخايفتن عليك..خصوصا ان ذيك الايام جدك كان ينخاف منه الله يرحمه.. فقالت سالفتك للشيخ وشجعها على الزواج ..!
الوعد ضحكت بلا تصديق\هههههه تزوجني وانا بالمهد ..؟! حشآ والله منين ذي العلوم وعسى العيد ماجاكم ولا عيدتم
ولا بعد ؟؟ الشيخ يشجع ..؟!

ام هزاع\الاسلام يجوز تزويج الجاهل لمن له مخافة .. وهذي من احكام النكاح وماهو بحرام ..
وانتي يايمه كانت عليك عيون ينخاف منها لا سقى بك الزمن..وعسى الله يعطيك من اللي تبيه وانا امك
بس جدتك خافت عليك ليا ماتت ..! الله حفظها وانتي تزوجتي..!

الوعد\وماحقي به اعرف ..؟!
الجده\خفت تعرفين لامن راح هزاع كنتي ام خمس سنين..وكل ماجى لك خطاب رديته لانك على ذمة رجآل وانا امك..
الوعد بقهر\زواج من المهد..وش له مسميتني وعد دام اني ماني بوعد امي وابوي..انا ماني الوعد.. انا النكد..!
الجده\يالوعد اجلسي وماهو حرام تحرمين شيء جوزه الاسلام..يمه اللي مثلك واجب علينا نحميهم بزواج..
الوعد بحزن\وتطلبون مني فك اللثام..حشآ والله
هزاع تكلم\وش له ترفعين صوتك قدام الجمآيع ياللي ماتستحينن ؟؟ ماهي بجدتك اللي سوتك لك المعروف وانتي تنكرينه.. عيال عمامك لو خذوك قسم بالله ماهو بدارك اللي يرضآه االله..

الوعد\حشآ والله يالكايد وش تقول انطق انت بوعيك ..؟!
هزاع بغضب\بوسي كفك وجه وقفآ حال من حال مادريتي به..!
الوعد بدموع\وش السوات هالحين وش السوات ياربي...!
ام هزاع حضنتها\وانا امك وش مزعلك من هزاع ليه ماتبينه ..؟ وش فيه ولدي ؟؟!
ليه تبكين ..؟!
الوعد بخوف\مصدومة من الجمايع ياخاله هذي ماهي بحالة اللي ظنوتي فيها..!
ام هزاع\سقى الله ايام اول انتي م تدرين عن اللي حولك..
الوعد\وش له ولدك يرهب فيني ويقول لي ماتستحين..؟؟!
ام هزاع ابتسمت\لانه سمع منك كلام"ن" ماهو بعدل ؟؟
الوعد\الله العدل..
ام هزاع\والنعم بالله..قومي فكي لثامك خلي ولدي يشوفك..
الوعد\يشوفني كذآ ..؟!
ام هزاع ابتسمت\انتي زينة ووجهك من الزيون...سبحان من صورك ..
ولدي بيروح للأربعين وهو ماشاف ام عياله..
الوعد\مابي اكشف اللثام
ام هزاع ضحكت\اعنبو دارك لي ساعة افهم فيك..زوجك هذا زوجك
الوعد تغير الموضوع\القبيلة وصلها العلم ولا ماتعداها..؟!
ام هزاع\بس الشياب اللي يدرون ولا عيالنا مايدري منهم الا هزاع

قعدت تطالع فيه..!
ملامحه ماتنم عن خير..!
ياربي سترك..
ليه جسمي يرجف بـ هذي الطريقة ..؟!!
يبطي على عظم..!
والله ان مااكشف له..!
وخله مشوارهـ ثقيل وياي..
وش له ربطوني به..؟
ومعقول هزاع أكون انا ام عياله ..؟!
وبلاها الحمولة استخفت ..؟؟!
وش السوات هالحين ..؟!!


ما وقف سرحانها الا شيء..يوم ان سمعت صوت الباب يتسكر وام هزاع والجده يطلعون..!
فز قلبها من هالوضع وقامت بخوف وهي تبي تروح لكن صوته اللي ينم عن صلابة شخصيته قاطعها\يالوعد اجلسي ..
الوعد بخوف وهي ترجف\اجلس..وش له اجلس..؟!
هزاع\المطالب ماهي ثقيلة...وماهي على كفة الميزان..!
الوعد بتحدي\خلها على كفة الميزان..والمطالب ثقيلة..!
هزاع \تعــآكســين ..؟!
الوعد\باعاكس..!
هزاع\وظنوتي بك من يوم شفتك بنتن سنعة بس الظاهر مشوار تأديبك طويل..!
الوعد بغضب\هيــه من انت عشان تأدبني ..؟!
هزاع رفع حاجب\ولي امرك..!
الوعد\تعقب..!
هزاع بغضب\ماهي من عودة البدو وعصبتها بناتها تلاسن رجالها..!
الوعد\جاي من الغرايب,,,؟! عنبوك ماادبتك الغربة

وش له سكاكينك تطاعن ..؟!
انتي تدرين وش يعني الغربة اللي شفتها عشان تروحين صوبها..!
روحي عنها لاتطرينها..روحي..!
ومصيرك منها ثقيل..!

.
.
وقف تجاهها وبنفس مكان وقفتها وهو يهمس\تأدبني الغربة تقولين..؟!
الوعد بخوف وقوتها بدأت تتلاشى وحاولت تجميعها\ايـه..خلها تأدبك وان ما أدبتك ولا نرجعك لها ومحنا بعازتك..!
لكنها حست بحرارة كفه وهي تضغط على فكها وينتزع لثامها.. !
حواجبه المعقودة بشكل غاضب..
اسنانه المرصوصة اللي تتكلم بشكل غاضب..
وحتى عوارض وجهه وشنبه اللي ماينم عن طيبة نفسه
همس لها بغضب\ومـافكيت اللثام وأدبتك ..؟!
دفعته عنها وهي تنادي جدتها\يـــــــمه.. أم ذيــــــــاب..يمــ....
لكنه حط يده على شفايفها وهمس\أوعدك مافي فساتين الزفاف الا الكفن..
وأوعدك مافي سرابيب السعادة الا الحزن..وهذي أول وعودي...!





.
.


وعود مرتلة /بقلمي

الوسوم
مرتّلة , وعُود
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية تعالو احكي روايتي وهبالي مع صديقاتي /بقلمي تورطنا بحبك روايات - طويلة 7 19-06-2014 12:47 AM
(( روايتي الاولى ايه مهبوله وجنونه وهباي وجنوني عاجبني /بقلمي)) دمي ولادمعه امي أرشيف الروايات المغلقة - لعدم إكتمالها 13 17-01-2013 07:17 AM
رواية روحين بروح /بقلمي اتنفسه عشق أرشيف الروايات المغلقة - لعدم إكتمالها 1 03-10-2012 12:24 AM
يوم شفت هاذيك العيون الآمرة الناهية /بقلمي شــموخــ كــبريائيــ أرشيف الروايات المغلقة - لعدم إكتمالها 2 24-09-2011 05:50 PM
تلاوة مرتلة جميلة لسورة نوح بصوت الشيخ الحصرى awnnwa خُطب - أناشيد - صوتيات و مرئيات إسلامية 6 05-08-2010 03:57 AM

الساعة الآن +3: 12:11 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1