غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
عرض نتائج التصويت: هل الروايه جميله ؟!
جميله أستمر 19 90.48%
لابأس بهــا 1 4.76%
تحتاج الى تطوير 1 4.76%
سيئه جدآ:$ 0 0%
المصوتون: 21. لم تقم بالتصويت على هذا التصويت

 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 171
قديم(ـة) 03-04-2014, 09:09 AM
انثى مزاجيهـ... انثى مزاجيهـ... غير متصل
▪▫₪ آنـا الأميره بينهم وآنـا قمرهـم كلهـم ₪▪▫
 
الافتراضي رد: رواية هذه الحياة بالمختصر ضحكة و الم /بقلمي


واااااو الروايه رووووعه

وامممم اتمنى تقبلين من متابعينك لروايتك

وننتظر البارت ع احر من الجمر

تحياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 172
قديم(ـة) 04-04-2014, 09:29 AM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية هذه الحياة بالمختصر ضحكة و الم /بقلمي


♡~ البارت التاسع ♡~
ــــــــــــــــــــــــــــــــــ
..
في بيت بو محمد ..تحديداً غرفة فجر ..جالسه على السرير وتتفرج على المجله ودمعتها على طرف رمشها ..وطفشانه حدها ..اليوم عيد ميلادها ولا حتى أحد ذكرها
..طبعاً ماتدري عن المرتبشين هيناك عشانها وعشان يفرحونهــا
~
دق جوالها..تنهدت وردت بهدوء
: هلا ؟!
وصلها صوتها الرايق : غنّوا لحبيبي وقدّموا له التّهاني في عيد ميلاده عساها مية عام افرح حبيبي واطلب أغلى الأماني الليلة يا عمري تناديك الأحلام ودعت عام وقابلك عام ثاني ..
تنحت بقوه وصارت ترمش بهدوء ودموعها أشوي وتطيح
سمعت ضحكات ..أنفال و ريتال
:كل عام وانتي بألف خير يا أحلى فجوره بهالكون كله
طاحت دموعها : اا ا اا ا ...
أنفال بضحكه : لا هههه شكله الشريط علق ..مو؟!
ريتال: هههههه ايه شكله كيذا..ههييه فجور ..الووه وينك؟!
فجر شهقت بقوه: ريتوو ..نيفوو..ياتبنات والله وحشتوني حيل
ريتال: ههه ياعمري ..والله حتى انتي وحشتينا
أنفال بضحكه: شرايك بصوتي بس؟ ماغني انا بس عشانك وعشان خاطرك غنيت
فجر ببتسامه رايقه: فديتك يالبى قلبك ..شخباركم؟!
ريتال: اخخخ تمام لكن طفش..البارح رحنا للمجمع ذاك..المهم عاد شرينا لك هديه وكذا حركات يعني
فجر : ي قلبي مانسيتوا عيد ميلادي؟!
أنفال برقه: لا ياعمري مانسينا عيد ميلادك..ومتى ماشفناك بنعطيك هديتك
فجر بضيق: ليتكم عندي..أحسن من الي هينا ..ماحد فكر فيني ولا احد تذكرني ابد ابد !!
ريتال: ي حياتي ي انتي ..خلاص اذا خلصنا اختبارات وعد وعد اقول لآبوي يجبنا لكم ونعطيك هديتك وانفلها معك
فجر: اه ي ليت ..احسن من هالجلسه لحالي من البيت للمدرسه ومن المدرسه للبيت ..قسم بالله كرهت نفسي بقوه
انفال بضحكه: صحيح شخبار ثنوي معاك؟!
ريتال: هههه وبدونا بعد !!
فجر: هههه طفش حدها ..المدرسه حلوه حيل لكن الاجواء حدها ممله بدونكم
أنفال: اخخخ تذكرين اول مالتقينا كنا نتهاوش دايم
ريتال: ههههههههههههه ولا الملح عاد حكايه ثانيه ..يوم نتهاوش انا وانتي ! وتبدلين بين السكر والملح ونحطهم بالكيكه ..تالي صرنا نتهاوش بالطق
فجر: ههههه ايه ويالسخيفه شالحركه هذه ! يا تافهه والله لآردها لك ههههههههه
أنفال : هههه والله العظيم كنتوا هيلق حيل وقتها
ريتال: ههه كلي تبن تراك توأمي
فجر: اخخخ كنا دايم هواش بهالواش كأنا بزارين ههه
..
كملوا سوالف وضحك مع فجر وغيروا لها جوها وصارت مروقه وتضحك ويتذكرون ايام ثالث متوسط الي بنظرهم كانت أحلى واجمل مرحله ..خصوصاً أنهم درسوا بالشرقيه وتعرفوا على فجر
بدايتهم كانت هواش لكنهم بالاخير..صاروا احلى صديقات ومثل الخوات بعد (:

~
في غرفة هياء ..كانوا حيل مرتبشين وينفخون البالونات ..ويغلفون الهدايا الي جابوهم هياء ونجود ..وكانوا بقوه متحمسين لردة فعل..فجر لما تشوف هالحفله عشانها !!
..
أما بالمحلق ..كانت أم محمد وفهد وفاطمه..يرتبون المكان ..وتركي كان جالس في الكرسي والطاوله ..وجنبه سجاد
:تكفى تكفى تروك عاد اتصله..ابي اسمع صوته )":
تركي كسر خاطره سجاد وتنهد: طيب طيب عطني جوالك !
فرح حيل ومد له جواله: حلالك والله !
أبتسم تركي ومسك الجوال واتصل على رقم وليد وحطه سبيكر ..ثواني وجاهم صوت وليد : هلا .؟ مين؟!
ضحك تركي: ولدعمك الجميل
الوليد بملل: هاه وشتبي؟؟ تو من الشوي شايفك !
تركي: هههه مشتاق لك يالخبل
وليد: ايه واضح الشوق ):
تركي: خخخخ مو لازم تصدق بس والله مشتاق لك ..المهم بطلبك ولا تردني
وليد: قول ..الله يستر منك ومن طلباتك
تركي: ههههه فديتك..ابيك تغني لي اغنية يقولون ..لحمود الناصر
الوليد :احم احم..يقولون العين سهرانه..نفسيته تعبانه ..وانا ابد لا ماهو انا ! كلامهم حقيقه..متلهف وناطر..في شي بالخاطر..أضمه لو دقيقه..انا حيلي منهد ابو حيلي..ويلي و ويلي ..انا يبو ويلي..حبيبي راح ..*تذكر دحيم ولمعت عيونه وبصوت مبحوح* :أفادي محترقه..فراقه مو عادي..أبي ارتاح..أبي أرتاح..يادواره..دنيا يا دواره..قوليلي شلونه شخباره؟
متحطم بناره..حبيبي الي فقدته ..)":
.....
تنهد سجاد بقوه وحط يده على قلبه وبهمس: فديت هالصوت الحلو..اح جيبي لي اخباره..محترق بناره ..اه ويلي و ويلي
أبتسم تركي وبهدوء: ان شاء الله تشوفه قريب ..
الوليد: ههه خير ان شاء الله..يلا حبيبي تأمرني ع شي؟!
تركي: أبد سلامتك..
..
تنهد وسكر بوجهه ورمى جواله على جنب وانسدح وكالعاده خذته أفكاره ..لعبدالرحمن ولآيامهم سوى ..وذكرياتهم الي ماتخلص !!
.....
سجاد : اااهه احبه احبه ياتركي والله احبه
تركي بهدوء: بس هو مايحبك –عطاه جواله و وقف-
:اسف سجاد..بس هذه الحقيقه هو للحين متعلق بطيف عبدالرحمن وذكرياتهم
سجاد زفر بقوه: هفف عبدالرحمن وعبدالرحمن ! متى يموت هذا ويخلي وليد حقي انا !
سكت تركي وماقال شي ..وسجاد يتأفف ومشى عنه وصعد ينام

~
وهذه حالة سجاد..كل ماضاق باله ..راح ينام ولا شغل نفسه بأي شي )": بعيد عن طاعة ربه وبعيد عن أمه وأبوه ..!!
...

$$$$$$$$$$$$$$$$$


..
وكلها ثواني ودقايق..وصارت الخيمه ,,الي يسمونها "ملحق" جاهزه..الانوار مطفيه والشموع مشتعله والبالونات محطوطه بكل مكان وطاوله فيها المشروبات والشيبسات والحلويات وكان كل شي جميل ويجيب السعاده ..وتركي وفهد وطلال وريان وجواد ..كانوا جالسين في طاولات بعيد عن الخيمه بشوي ..وحاطين لهم كيك وعصير وحركات..طبعاً هذا بعد ماتعرفوا ريان وجواد على تركي ودخل قلبهم ,,بسلوبه وعفويته..وطلال جالس معاهم وخاق حيل على تركي ..اما تركي مو عاطيه وجه بس يجاوب على أسئله ريان وجواد ويبتسم لهم ويضحك معاهم وحاس بالفرح والوناسه ..كأنهم أهله بجد
...
هياء: أووكي كل شي تمام ؟!
نجود ببتسامه: ايوه كل شي حلو وتمام
هياء : يعني خلاص اروح اجيب فجيروه ؟!
أم محمد: ههههه ايه روحي جيبيها خل تستانس وتفرح
هياء: ههه اوكي .. *طلعت من المحلق وهي تركض وتناقز ومتحمسه ..وراحت لغرفة فجر وطقت الباب*
: هي فجير فتحي الباب !!
فجر بملل: مفتوح ! وشعندك؟!
أبتسمت وفتحت الباب: تعالي معي الخيمه..*بكذب* فيه فلم حده وناسه وكذا تعالي شوفيه
فجر بدون نفس: طيب ..
هياء بضحكه: ماشاء الله قطوف حدها مبدعه بالمكياج
فجر : ايه مكياج بدون حفل ولا شي
هياء: ههههه طيب تعالي معي انتي احين !!
فجر قامت معاها بكل ملل وعدلت شعرها و راحت مع هياء ونزلوا للملحق..وأبتسمت هياء وطالعت فجر: هاه مستعده؟!
فجر بملل: لآيش ؟!
هياء: ههههه للفلم (:
فجر : اه اه مستعده ..دخلوا للملحق ..وكان ريان واقف على جنب والجنب الثاني واقفه فاطمه ولابسه عبايتها ومتنقبه..و رشوا الثلج الصناعي على فجرو هياء الي تضحك ..بعدها ريان حضن فجر وبفرح : كل عام وانتي أحلى فجر بدنيتي !!
فجر رمشت بهدوء مو مستوعبه: هاه؟!
أم محمد بضحكه : ههههههههه يمه فديتها هالحلوه مو مستوعبه شي ابد ..
أبتسمت فجر بفهاوه ..وام محمد تحضنها وصاروا كلهم يحضنونها ويقولون لها: كل عام وانتي بخير ..حتى نجود حضنتهاو هي بجد فرحانه لها ..وفجر ابتسمت لها ..
وبعدها عطوها الهدايا...ماكانت ثمينه بقوه لكنها جميله وتناسب لوحده بسن فجر ..
ريان :احم يعني بصراحه ما مداني احيب لك هديه ..لكن ذوقي الكيكه وشسمه عتبريها هديه وانا خالك
فجر تحضن ريان : وه وه فديتك انا متأكده ان طعمها جميل بما أنك انت الي جايبها (:
هياء بضحكه : هههههههه شرايك بس بالفلم ؟!
فجر دمعت عيونها : اه حلو حيل حلو ..بصراحه فاجئتوني !!
أم فهد: ههههه تستاهلين حبيبتي عقبال زواجك
فجر أستحت وماقالت شي ..أبتسمت مقاطيف ومدت لها ورد الجوري: أحم هذه هديتي المتواضعه
ردت لها فجر الابتسامه واخذت الورد وهي تشمه وفرحانه حيل ..كانت متوقعه انهم ناسينها لكن خاب توقعها ..وفرحوها ..وفرحوا لفرحها ..وكلهم مبسوطين ..
..
بعدها أذن لصلاة المغرب ..طبعاً كعادة طلال قال أنه بيروح يجلس سجاد لكنه راح ينام !!
..
أما الباقي توجهوا للمسجد يصلون ..والبنات بعد يصلون ..وغيداء بغرفة نجود صلوا بعدها جلسوا يذاكرون وأتصلوا على الهنوف ..يحرونها لانها مو معاهم وهي تتوعد فيهم وهم يضحكون
..
$$$$$$$$$$$$$$$$$
لين صارت اساعه ثمان ثماماً ..
...
سطام وقف : يالله انا طالع يمه..يبه تامروني على شي؟!
أم سطام بستغراب: هاوا وين رايح هالحزه؟!
سطام ببتسامه: مشغول شوي !!
بوسطام: زين يا ولدي انتبه لك..ولا تسرع بالطريق
سطام يأشر على عيونه: من عيوني يالغالي
...
صعد لغرفته وبدل ملابسه واتصل على رغد ..وكلها ثواني و وصله صوتها الرقيق
: هلا سطام ؟!
سطام بهدوء : اهلين ..يالله مستعده للبحر ؟! مو طالعين نستانس لكن مستعده تقولين الي عندك؟!
أبتسمت بهدوء: ايه مستعده ياخوي
ماركز على كلمتها ولا أهتم : طيب ..انا طالع ..سلام
..
تنهدت وسكرت منه وراحت تلبس عبايتها وهي متحمسه لردة فعله لما يعرف ..انها..أخته !!!

$$$$$$$$$$$$$$$$$$$$$$$$$$$
في بيت بو عبدالعزيز
~
جهاد منسدح على سرير عبدالعزيز ويطالع السقف ويفكر بالمستقبل وشلون بيعيش وشلون بتكون حياته !
..
أما عبدالعزيز ..جالس يقرا قران بكل خشوع ودموعه بعيونه ..للحين مو مستوعب انه أبوه و زوج اخته توفوا !!
..
لكن هذه الدنيا..ناس تروح منهاو ناس تجي..كأنها مطار وكل واحد وبيجي له يوم !!

$$$$$$$$$$$$$$$$$$
في بيت بو محمد
,,
غيداء تطالع نجود ببراءه: اقول نجودي ..شرايك هذا .؟ّ!
نجود بستغراب: وشو هذا؟!
غيداء غيرت رايها: ههه لا ولاشي اقولك قومي نروح لشسمها فجر ونغير جو وكذا مليت مذاكره !
نجود بدون اهتمام : طيب تعالي ونقولهم بعد نبي نشوف فلم
غيداء: ياه شي جميل والله..يلا تعالي
..
طلعوا من غرفة نجود متوجهين لغرفة فجر..طقوا الباب لكن ماوصلهم أي رد!
أستغربوا وطالعوا بعض بستغراب !!
..
غيداء: امم طيب خلينا ننزل نسأل امك ولا ام محمد عنهم !
نجود : امم اوك يلاه تعالي !
..
نزلوا الدرجات بهدوء ..لكن وقفوا فجاءه لما سمعوا كلام "ام محمد"
..
: ايه والله ان مقاطيف هذي مادري شسمها عجبتني حيل ودخلت مزاجي بقوه عاد قلت نخطبها لطلال ولا شرايك؟!
أم فهد: ايه يازينها والله انها حلوه وتنحط على الجرح يبرى ..خلاص خطبيها له ..هي جميله وهو بعد جميل
..
لاشعورياً شهقت نجود وحطيت يدها على فمها " لا لا مستحيل عاد مالقوا الا هالطيبه الرقيقه ..لطلال هالمقرف..أستغفرالله ياربي..ان شاء الله مايوافق ولا التحليل مايتطابق حرام حرام تنظلم معاه والله حرام " !!
..
أستغربت غيداء..ردة فعل نجود وفسرتها على انها ..تحب طلال )":
...
كلها ثواني ..والبنات "فجر..هياء..مقاطيف ..فاطمه"
..
دخلوا من الخارج وجلسوا عند ام محمد وام فهد الي سكروا موضوع الخطبه ..ونزلوا نجود وغيداء من فوق
..
غيداء تطالعهم بستغراب: وين كنتوا انتوا ؟!

هياء: ههههه فاتكم ..هناك كانوا ..شسمه هذا قطاوه يتهاوشون هههههههههه
مقاطيف: هههه ياحليلهم والله..كأنهم بزارين ههههههه
غيداء تخزهم: لا صج والله؟ الا انتوا البزارين..الحمدالله والشكر بس
هياء ومقاطيف : ههههههههههههههههههههه
..
أبتسمت أم محمد ..: احم اقول مقاطيف
مقاطيف برقه: هلا ياعيوني ؟!
أم محمد: تسلم عيونك حبيبتي ..عطيني رقم امك لاهنتي
فجر بهبال: ليه يمه بتخطبينها ؟!
أم محمد خزتها وماقالت شي وسجلت الرقم عندها ..وأبتسمت لمقاطيف الي ردت لها الابتسامه
..
غيداء بملل: اقول بنات ماعندكم فلم منا مناك !
فجر: ايه والله حده طفش
قامت هياء : لحظه بروح اشوف عندي افلام ولا لا !
..
كلها ثواني وجات هياء وهي تبتسم
:شفت بصراحه يعني عشر افلام احترت ..ههههههههههههههه احترت شنو اخذ يعني !
فجر: هههه مالت عليك..خل اشوف ريون يمكن عنده
فاطمه بضحكه: ايه احسن من اختك هالمفهيه
أبتسمت هياء ببراءه ورمت المخده على فاطمه..كشتها فاطمه واخذت المنديل ورمته عليها
..
غيداء: ههههه صج صج بزارين !!
ضحكوا كلهم وماعلقوا (:
~
في الملحق ..
..
تركي دايخ ويحط راسه على كتف فهد: هيه ابي انام !

فهد يضحك: طيب نام ماحد ماسكك !!
تركي يتثاوب ويغمض عيونه واشوي وينام ..
..
ريان أبتسم: ياحلاته تروك كأنه طفل ههههه
جواد: ههههههههه ايه والله حلو كأنه جاهل .ههههه
تركي يغطي وجهه منحرج وهم يضحكون وفهد كاتم ضحكته بالغصب وعيونه تلمع
..
تركي بهمس: اضحك اضحك لاتمسكها تكفى وانت تهتز
ريان: ههههههه ايه يضحك على الصامت
فهد: ههههههههههههههه كل تبن عاد !
..
وقضوا يومهم كله ..ضحك وسوالف والبنات عطاهم ريان فلم أكشن كوميدي وطالعوه ..وأنبسطوا على الاخر
..
وكان يوم جميل جداً بالنسبه لهم (:
~
نرجع ..لكم ساعه في البحر !!
..
سطام جالس بالارض وينتظر رغد..كلها دقايق وسمع صوتها المبحوح
:سطام ؟!
وقف بهدوء :ايوه وشبغيتي يابنت؟!
أبتسمت وطلعت اوراق من الشنطه : تفضل !
سطام بستغراب: وشنو هذه الاوراق؟!
رغد بهدوء: هذه الاوراق فتحها وراح تعرف كل شي !!
..
زاد أستغرابه وفتح الاوراق بهدوء ..وقراها
..

بسم الله الرحمن الرحيم ..انا نوره العيد ..أسلم الطفلة "رغد الراشد" ..لـ بو ركان ..
الذي سوف يتكفل بتربيتها طول العمر ..الى ان تذهب لزوجها او قبرها ..دون ان يعرف احد بهذا الاتفاق !
يسلمني ..50 الف ريال سعودي ويحصل على الطفله ..دون علم احد ويربيها مع أبنه و أبنته وكأنها طفلته من زوجته !
..
وهذا علماً بأن عمر الطفلة ..سنه وخمس شهور ..هجرياً !
ولديها توأمان ..الوليد ..وطفل ليس معروف التسميه
..
وهنا يتم توقيع بو ركان ..في جده !!
..
أسم بو ركان وتوقيعه..وبصمة "نورة العيد" بـ "الروج الاحمر"
..

أبتسمت رغد بألم وهي تشوف علامات الصدمه والاستغراب على وجه سطام ..
..
أرتجفت يده وبستغراب: شنو هذا؟!
تنهدت: انا أختك يا سطام..أختك من امك وابوك !!
..
هز راسه بستنكار : لا مستحيل انا ماعندي خوات غير امواج ..امواج وبس !!
..
زفرت بهدوء واخذت الورقه: أتوقع قريت المكتوب..وو براحتك تصدق او لا ! بس انا خاطري اشوف اخوي وليد وامي وابوي !
..
تنهد بقوه وماحس نفسه الا وهو ياخذها بحضنه ويشد عليها : اه يارغد ..أمي حيل مشتاقه لك ولتوأمك ,,الي مانعرف أرضه من سماه !!
..
لمعت عيونها وبهمس: يعني جد عندنا..انا و وليد اخو توأم مفقود؟!
تنهد بألم: ايوه ..مفقود من اول مانولد..حتى انا ماشفته لكن سمعت عنه !وانتي بعدها خطفوك..لكن ابد ابد –بعدها عن حضنه – ماتوقعت ان خالتي نوره ممكن تكون ورا اختطافك ..ماتوقعتها انانيه وو ..يعني مادري انا بقوه مصدوم
..
تنهدت بضيق وبهدوء: وانا مثلك ...ماتوقعت ان اهلى مو اهلي ..أنصدمت كيف بو ركان ..الي كنت اعتقده ابوي ! ممكن يسوي شي مثل كذا !!
..
بجد كانت صدمه كبيره علي وعلى اختي الله يرحمها !!
.......................
راحت بذاكرتها ..يوم كان عمرها 15 سنه !
..
كانت جالسه مع " أم رولان" ..بنت بو ركان الكبيره ..كانوا يسولفون ويضحكون وكانت أم رولان ..تعلم رغد يومها كانت صغيره انها حيل شقيه وماتجلس ابد وكله تاكل شوكلاته وشيبسات ..و رغد كانت تضحك وتتخيل شكلها كيف كان ..
..
فجاءه قالت لها "ام ر ولان" ..رغد انا بصراحك بشي !
رغد: ههه وشو قولي ؟!
أم رولان "أبتسام" : بصراحه وبدون مقدمات..انتي مو اختي !!
رغد طالعت ابتسام لفتره بعدها ضحكت بقوه : ههههههههههههههههههه لا بالله حلفي بقوه؟!
أبتسام بهدوء: والله مامزح معاك ياحبيبتي ..صدقيني انا وانتي مو خوات وعندي دليل بعد !
رغد سكتت مصدومه ..موعارفه شتقول ..تنهدت ابتسام ومدت لها الورقه ..اخذها رغد بيد ترجف وقرت الكلام ودموعها تتجمع بعيونها وبهمس : لا كذابه..مستحيل اصدق هالكلام انا..مستحيل انتي اختي وانا اختك ..تكفين قولي غير هالكلام !!!
..
وطبعاً رغد ماصدقت المكتوب بالورقه ولا كلام أبتسام مادخل مخها ! لين راحت هي وابتسام وسو وا ..فحص الـ dna بعدها صدقت الكلام ..ومن ذاك اليوم وهي ودها تعرف اهلها الحقيقين وتبغي تلتقي فيهم !!
..
$$$$$$$$$$$$$$$$$$$$$$

رغد مسحت دموعها وبهمس : قبل سنه بس جينا للشرقيه ! عشان شغل اخوي ركان وقبل سنه توفى بو ركان مع ابتسام ..وقبل ثلاث سنوات..زوج أبتسام ..طلق أبتسام ..عشان وحده تركيهه ..
تنهد سطام بقوه: بصراحه ..اسف رغد انا للحين مو مستوعب ولا مصدق كلامك !
رغد حطت يدها على بطنها وعضت شفتها : اه طيب تقدر تتأكد من خلال الفحص..وقلت لك مو لازم تصدقني ..بس ابي ألتقي بأخواني وبأمي وأ..ااه اه ..-شدت على بطنها بقوه وهي تتألم –
..
طالعها بخوف: رغد شفيك؟!
رغد بألم واضح بصوتها: مادري يا سطام هذا الالم دايم اه يجيني ..بس انا ما مافيني ششي ..اه اه
-غمضت عيونها بقوه وتحس كأنه سكاكين تنغرز في بطنها وتتنهد بقوه –
..
سطام يطالعها خايف بقوه : زين زين خلاص جلسي وهدي مصدقك انا والله مصدقك ..
..
ماقدرت تتحمل وطاحت مغمى عليها..شهق بقوه وركض لها وصار يطق خدها : رغد ااءء رغد قومي اصحي يابنت رغد !!
..
توتر بقوه مو عارف شيسوي..لكن جاء على باله المستشفى وبسرعه قام أخذها وركبها سيارته وتوجه بسرعه للمستشفى وهو خايف حيل وحاس بالمسؤوليه اتجاهها !!
~
يتبع
~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 173
قديم(ـة) 04-04-2014, 09:33 AM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية هذه الحياة بالمختصر ضحكة و الم /بقلمي


..........
وبنفس الوقت !! ..في الرياض ~
..
كانوا جالسين ثلاثتهم بالشارع ..وماعندهم غير الماي والفطاير وياكلون ويصبرون نفسهم
..
فجاءه غمض عيونه بقوه ..وحط يده على بطنه متألم
: اه يمه بطني اه !!
شهقت بيان بخوف: الياس حبيبي وشفيك؟!
الياس يتأوه: بطني بطني والله بموت اه اه ..مو ققا ..ااه اهه ..غمض عيونه بققوه ..وطاح هو الثاني مغمى عليه !!
..
شهقوا روابي وبيان بخوف ..وصاروا يتلفتون مو عارفين شيسون ولا كيف يتصرفون !!
..
قطع عليهم صوته المندهش : الياس !!!
روابي وبيان ألتفتوا للصوت وبستغراب :مين؟ اخوي تعرفه !!
..
زياد رافع حاجب : ايه اعرفه !!
بيان تشهق : طيب تكفى ساعدنا ! بيموت اخونا والله !
..
كسروا خاطره : طيب طيب..شفيه هو؟ ياكل زين !!
روابي تهز راسها : ايه ياكل واحسن منا بعد!!
..
تنهد: اوك اوك..تعالوا معاي ! هناك سيارتي !
..
نادى واحد من الشباب واخذوا الياس و ركبوه السياره وانطلق زياد للمستشفى و بيان و روابي ميتين خوف على الياس ويبكون على خفيف ..ماتوا امهم وابوهم ..مو مستعدين يتركهم الياس بعد !!
....
$$$$$$$$$$$$$$$$$$$$$$$$$$$$
بعد نص ساعه بالضبط !!
..
بسيارة سطام ..يطالعها بهدوء وهي منزله راسها وترمش :وشفيك تطالعني كذا؟!
سطام رافع حاجب :يعني بصراحه ..هه مادري شقول..اخاف غلطانين بس !!
غطت وجها وبأحراج : سطام تكفى عاد !!
سطام كتم ضحكته وعدل جلسته: احم انتي ماجاتك الدوره يعني؟!
رغد: اءءء ..

ـــ قطع عليهم جوهم المحرج بالنسبه لرغد صوت رنين جوالها ــ
ردت بسرعه : الوه هلا يمه؟!
انن شاء الله..اشوي وجايه لالا ماراح أطول..اوك ..سلام !
..
سكرت من أمها و زفرت بقوه : اءء سطام !
سطام ببتسامه: عيونه يا يا..امم شنو حابه اسميك؟ رغد ..ههه لالا ماينفع اقول رائد ! ههه شرايك برائد؟! هههههههههه حلو مو؟!
..
عصبت وقامت تتحلطم وهو يضحك بقوه : هههههههههههههه افا وشفيك؟!
عدل جلسته : الا احم جد جد قولي شلون عرفتي المستشفى الي انا فيه؟!
رغد وهي مدمعه: مو شغلك طيب !
ضحك: ههههه احم زين امم اقول لوليد وأمي عنك؟!
تنهدت بهدوء: امممم ..مادري محتاره..انا أول ابي اختبر وانجح من ثاني ثنوي..وبعدها لكل حادث حديث !!
..
سطام : اوك براحتك..لا لا جد شنو حابه يكون اسمك !
رغد بملل : يكون الي يكون ..المهم انت احين انسى ان لك اخت مادري اخو هه
كتم ضحكته وبجديه: اوك وانتي بعد انسي انك احين قابلتيني و روحي بيتكم ونامي بدون أي تفكير !!
ومتى ماختبرتي ونجحتي وكذا ..نقولهم عنك ويعني هذا ..فاهمتني مو ؟!
رغد بملل : ايوه ايوه ..يلاه خذني البيت !!
..
أبتسم وتوجه لبيت بو ركان وهو مو متخيل شلون ردة فعل امه وبيتهم كله لو عرفوا بموضوع رغد !!
$$$$$$$$$$$$$$

في الرياض ..تحديداً المستشفى
..
ألياس جالس قدام بسيارة زياد ,, وزياد طبعاً هو الي يسوق ..و روابي و بيان جالسين ورا ..
بيان بهتمام: ماقلت لنا شفيه الياس؟!
زياد بسرحان: هاه؟ لا ماكو مافيه شي لاتخافون !!
الياس يطالع زياد بنص عين: لاتكذب وقولنا شفيني انا؟!
زياد: هههه لا ولاشي !!
..
سرح بكلام الدكتور وهو مو مستوعب ولا راضي يدخل مخه هالكلام !!
..
"يعني هو ..بنت لكن صار غلط بالهرمونات وصار ولد ..فاهمني يا اخوي؟!
زياد بصدمه: شلون؟ يعني شلون مو فاهم شي انا ! فهمني !!!
الدكتور: تجينا حالات كثير هينا وخصوصاً توائم ! ان البنت تصير ولد ..و الولد يصير بنت ! يعني هذه مو اول حاله تجينا ! انت اصلا ما لاحظت على تصرفاته شي غريب !!
زياد بتوتر: احسه محتاج للحنان وو بسرعه دموعه تنزل ..ويوم اخذه لحضني احس بشعور مادري مادري يعني هو بنت !!
الدكتور بهدوء: ايه بنت ولازم يعرف بهالشي ..عشان يرجع لآصله..أنثى ! ولا ممكن يموت ! يمكن هالالام تزيد عليه ومايتحمل ويؤدي هالشي لموته !
..
زياد بتوتر: اكيد اكيد راح اقوله ..مشكور يادكتور (:
..
طلع من عند الدكتور و هو مو مستوعب هالشي أبد !
الياس ..بنت ! كيف وشلون !!!!
هو جميل جداً ..لكن ماخطر في باله ان ممكن يكون بنت !!
..
قطع حبل افكاره صوت بيان المرتبكه: اءء زياد صحيح اسمك زياد؟.!
زياد رفع حاجبه:ايوه؟ فيه شي!!
بيان برتباك تحاول تخفيه : اممم ..يعني ماتعرف فندق رخيص؟!
زياد كتم ضحكته: وين هالايام تلاقين شي رخيص ! كل شي غالي !!!
تنهدت بيان : طيب طيب يعني شلون ؟! وين نروح !!!
زياد بستغراب: شصاير معاكم انتم ؟!
ألياس بهدوء : أحترق البيت بلي فيه !!
زياد بشهقه : امك وابوك ! وكل شي!
روابي بشهقه: كل شي كل شي راح يازياد ..اه اه ههيئ تكفى ساعدنا !!
زياد برتباك: طيب طيب خلاص هدوا..اليوم تعالوا معاي البيت..ممافيه احد ..الوالد و الوالده مسافرين لعلاج أختي ..ووعادي تسكنون بالملحق وانا و الياس ننام في المجلس..وبعدين يصير خير
الياس ببرود: مشكور لكن مانحــ ..
زياد قاطعه بحده: لاتقول شفقه! خلاص تجون عندي وانتوا ساكتين !!
..
الياس بهمس:متسلط !!
زياد يخزه: وشقلت!!
الياس غمض عيونه: سلامتك..يلا وين بيتكم!!
زياد :اييه اشوي ونوصل !!
...
عم السكوت بالسياره ..و زياد منشغل باله مع الياس وخواته يحس أتجاهم بشفقه كبيره !!
$$$$$$$$$$$$$$$$$$$$$$$$$$$$
في اليوم التالي ..في الامارات الساعه تسع و ربع صباحاً !
~
جلست من النوم وهي مروقه واشوي متوتره ..اليوم بتلتقي في "اليازيه" وامهـا !
خذت شور على السريع ولبست أحلى الملابس ولبست عبايتها والشيله وتعطرت ..متناسيه حديث الرسول ..صل الله عليه واله واسلم ~
..
(أيما امراءه استعطرت ومرت على قوم ليجدوا ريحها فهي زانيه) ..والعياذ بالله ..
..

طلعت من غرفتها وقابلت بوجهـا .."العنود" وابتسمت لها
: هاه عنادي ..تجين معي ؟!
العنود بدون نفس: لوين؟!
رولان ببتسامه: لمجمع..بلتقي في اليازيه وامها !
العنود تثاوب: الله معاكم حبيبتي..ماله داعي احشر نفسي (:
روحوا وانبسطوا وهذا..الله يكتب الي فيه الخير !!
..
رولان ببتسامه: امين حبيبتي..زين نوم العوافي ياحلوه .. –طرشت لها بوسه بالهواء وابتسمت العنود بنعس وبعدها راحت تنام وطبعاً تفكيرها بمحمد الي مايدري عنها ولا عن هواها ..و رولان طلعت وهي كلها حماس و روقان –
..
تعريف بسيط ~
..
رولان (بنت حلوه ومثل القمر ..ملامحها خليجيه عيونها بنيه وشعرها كثيف وبني ..جميله جداً ..عمرها 19 سنه ..جايه للأمارات بعثه ..وطبعاً تعرفت على العنود من قبل وعن طريق الفيس بوك وتعلقوا ببعض رغم أختلاف المذاهب ! ..لكن ولا وحده فيهم ترضى بالغلط على الثانيه ..و العنود ماقالت لرولان عنها وعن محمد (:
$$$$$$$$$$$$$$$$$$$$$$$$$

عند اليازيه ..
..
كانت نايمه و رايحه بحلامها الورديه عند عبدالعزيز وبحضنه !!
..
وكان يقولها احلى الكلام والغزل..لكن فجاءه صحت على الواقع وامها تجلسها من النوم ..جلست بتعب : اهه زين يمه اشوي وبنش من الرقاد !!
أم اليازيه: يالله حبيبتي بسرعه قومي لا نتأخر على البنيه !
اليازيه تفرك عيونها: اخخ طيب طيب يمه أحين بقوم
..
وفعلاً كلها ثواني وقامت من نوما واخذت شور ع السريع ولبست عبايتها بدون ماتفكر حتى تتعطر !!
..
وطلعت مع امها متوجهين للمجمع ..ام اليازيه متحمسه وبنتها مالها خلق لآي شي !!
$$$$$$$$$$$$$$$$$$$$$$

في بيت بو سطام ..جلست من النوم على صوت رنين جوالها ..ردت بنعس : هلا مين؟!
وصلها صوت الرجه : انا عمتك عمةة عينك !!
فتحت عيونها بفهاوه: هااه مين؟!
صرخت بقوه : خخالتك ككككيان قومي فزي..فتحي الباب !!
أمواج ترمش ببراءه: من وين طلعتي يالنبض؟!
كيان عصبت: كلي تبن وفتحي الباب ياحيوانه !
أمواج: اءء اوكي لكن من وين صج انتي شنو منو حك المصباح؟.!
كيان تخز وكأن أمواج قدامها: خلصي فتحي الباب لآكوفنك احين !!
أمواج : هههه طيب طيب
..
راحت فتحت لها الباب ودخلتها وسلمت عليها
كيان تتلفت: هاه وينهم؟!
أمواج بستغراب: منو؟ كلهم نايمين الا سطام طبعاً في عيادته
كيان : اهاه ..وأنتي شمجلسك؟!
أمواج طارت عيونها وصارت تتلفت بقهر ..تبي تاخذ أي شي بس وترميه عليها !!
كيان كاتمه ضحكتها: شنو؟ شفيك؟!
أمواج بصراخ منقهره: كوولي هواء وتبن والله انتي الي مجلستني ..بعدين ابي اعرف انتي من وين جيتي ههاه؟!
كيان: هههههه اعصابك يالفلهه ..انا بعد جيت.. ولا حرام بعد اجي ؟!
أمواج تنرفزت بقوه وغطت وجها بالمخده: طيب طيب خلاص ذلفي غرفتي..لان مليك هينا !
كيان بحماس: والله ملوك هنا؟!
ـأمواج بملل: ايوه هنا ! ليه؟!
كيان: هههه قومي قومي خل انجلسها بسرعهه قومممي !
..
أمواج شهقت : هاهه؟ لالا حرام مانامت الا متأخر شكلها
كيان تخزها بقوه: قلت فزي قومي خل نجلسها وبالماي بعد!!
أمواج : اءءء اوك طيب فيه بلونات هناك نعبيها مويه وشسمه وشرايك؟!
كيان: ههههههههه يلا يلا بسرعهه
..
قاموا بسرعه يعبون البالونات مويه و ركضوا لغرفة ملاك..ودخلوا مثل العصار الهائج وصاروا يرمون البلونات عليها وهم يضحكون..جلست من النوم مخترعه ومو مستوعبه شي وهم مازالوا يضحكون ..وانسدحوا بالارض من الضحك ..عصبت عليهم وطردتهم و راحت دورة المياه تاخذ شور
..
أمواج ميته ضحك:هههههههههه مسكينه عصبت ههههههههه الا صج انتي وشجايبك هنا هاهه؟!
كيان بدون أهتمام : تطلقنا !
أمواج فهت بقوه ولا تكلمت ولا كلمه !
...
كيان أنفجرت ضحك:ههههههههههههههههههههه امزح معاك يامهبوله لا تطلقنا ولا شي ..لكن حامل واتنسى هههه
أمواج فهت أكثر وترمش بهدوء ومتنحه ..كيان ماتحملت وضحكت بقوه
أمواج : ش شسالفه احين؟ انتي شفيك منهبله؟!
كيان رن جوالها وضحكت: هههه سلامتك..بروح اشوف طويل العمر وشيبغى مني ههههه
..
تعريف بسيط (:
$$$
كيان ..أخت أم سطام من أبوها ..لكن علاقتهم جداً كويسه ..عمرها 22 سنه متزوجه لكنها بقوه مهبوله ولا تهتم لصحتها عدل ..ومتهوره وعنيده جداً ..وحامل بالشهر الاول (:
كانت تسكن بالكويت مع زوجها الي يشتغل بشركه هناك..لكنهم نزلوا للشرقيه لآنها حملت وتبي تكون بين اهلها ..اختها وعيال اختها
~
$$$$$$$$$$$
كيان ردت وبمرح : هلا بالحب والنبض !!
مشعل بضحكه : هلا حبيبتي ..أخبارك ي قلبي؟!
كيان تسوي روحها مستحيه: اءء تتمام وانت هههههههههههههههههههههههه مايليق علي الحياءء كلش كلش ههههه
مشعل : اخخخ منك ياهبله ..اشتقت لك
كيان تسبل بدلع: وه وه مامدى تشتاق ياحلو يا انته
مشعل ببتسامه: اقول انتبهي لنفسك وللي ببطنك وعن الطفاقه..زين ياحلوه؟!
كيان بهبال: تعال ابوسك (:
مشعل يتمسخر : يلا فتحي الباب كاني واقف !!
كيان : هههههه لا جد تعال والله اشتهيت ابوسك ..
مشعل بستغراب: منجدك؟ مو انتي احين مو طايقتني ولا طايقه ريحتي ؟!!!
كيان تدمع: والله اشتهيت ابوسك..تعال احين بسرعه ولا ترى بموت ويموت ولدك معي !!
مشعل بخوف: لالا خلاص ..احين جايك !!
كيان بدلع: بسرعه ولا بموت والله !!
تنهد ..مايقدر على دلعها !
..
فعلاً كلها دقايق ودق عليها وطلعت له وهي تركض وأمواج جالسه تطالعها ومستغربه منها !!
..
فتحت له الباب ..وسكرته يوم دخل ..أبتسمت بقوه وحضنته حيل وباست خده وبدلع : وحشتني شعولي !!
ضحك: ههههه احين بتقولين روح خلاص لا ..
...
بسرعه حطت يدها على فمها وانفها وبقرف: مشعل بليز اطلع اطلع مالي خلق لك ولا لريحتك تقول من سنه ماتروش ! ابد ماعندنا مويه !!
تنهد ..مادري لمتى على هالحال : طيب طيب خلاص بروح ..متأكده ماتبين شي.؟!
نزلت دموعها :مشعل اطلع اطلع وربي راح اموووت !!
تأفف : طيب طيب طالع..سلام !
..طلع وصفق الباب بقوه ..نقزت وغطت وجهها وهي تصيح بقوه
: اسفه وربي غصب عني اهههه اههه
..
دخلت لداخل وقابلت بوجهها ..أم سطام الي أول ماشافتها أخذتها بالاحضان و رحبت فيها
..
بعدها جلسوا يفطرون ..وكيان حيل هاديه ..غير عن عادتها !!
..
أمواج بستغراب: كيانوه شفيك؟ سرحانه ومفهيه ؟!
أم سطام : ايه وشفيك ياختي مو على بعضك ابد !!
كيان تنهدت وبضيق: انا حامل !!
أمواج تنحت بقوه ولا تكلمت !!!!!!
أم سطام : هاه؟ تمزحين صح؟!
كيان بدون نفس : لا ..واتنسى عليه ومالي خلق اشم ريحته ابد ابد !!
..
أمواج حطت يدها على فمها تمسك ضحكتها وترمش ببراءه
كيان تأففت و وقفت وهي مقهوره : بروح انام..تمسون على خير !!
.......
في الامارت
..
رولان تبتسم وبثقه : خالي ركان ..مايحب البنات ذولي الدلوعات والماصخات..يحب البنت السنعه الي تطبخ وترتب وتسمع كلام امها وكلامه طبعاً !
..
أم اليازيه ببتسامه: واكيد بنتي انا من هذا النوع ..صحيح ماتعرف تطبخ ذاك الزود لكنها ماتحب الدلع والتكبر ..
رولان ببتسامه: والله شي حلو ..وأحين يالله انا لازم أستأذن ..امم ماعندكم شي تبغون تقولونه؟!
اليازيه بهمس : مابي أجيب عيال من اول سنه!!!
..
رولان أستنكرت طلب اليازيه لكنها أبتسمت وببرود: هذا الشي تتفقون عليه انتي و ركان .. امم أستأذن ..ونشوفكم ان شاء الله عندنا بالسعوديه ..سلام وتشرفنا !
..
قامت رولان من الطاوله وهي بالمره مو متخيله كيف ردة فعل ركان لو عرف انها ماتبي تجيب اطفال من اول سنه ! وهو الي يموت بشي اسمه طفل !!
..



$$$$$$$$$$$$$$$$$$$$$$$$$$$$$$$$$$
في الرياض ..تحديداً ..بيت زياد
..
جلست بيان من النوم وهي عطشانه بقوه ..التفتت على روابي لقتها نايمه ..أبتسمت بهدوء وهي تحس بشوية راحه ..قبل لاتنام هي و روابي صلوا الصلوات الي فاتتهم ومن بعد ماصلت وهي تحس بشعور حلو ..قامت بهدوء وطلعت من الملحق بعد مالبست شيلتها ..وصارت تتمشى وهي تذكر ربها وتبتسم
..
قطع عليها صوته وهو يتكلم بالجوال : هاه يعني سويتوا العمليه؟!
أبتسم بفرح: يعني هي بخير احين؟! اقصد يعني صارت تشوف كل شي تمام؟!
تنهد بصووت مسموع: اه الحمد لك يارب..زين يبه بقولك..تعرف شسمه هذا الياس الي قلت لك عنه؟!
ايه ايه ولد بو الياس ! المهم ابوه وامه توفوا..عطوك عمرهم ..ايه اللهم امين..عاد جبته هو وخواته للبيت وو هم احين موجودين هينا ..ااااااهه الحمدالله خفت تعصب وكذا..زين يالوالد انا بسكر احين وبصعد للياس بشوف صحى و لا لا..طيب يالله سلام ..وسلم على امي ..وانتبه لكم ..من عيوني يالغالي ..وسكر منه وهو يبتسم ومرتاح
..
أبتسمت بيان وبخاطرها "ماشاء الله حيل جميل ..الا كم عمره؟ اصلاً انا اول مره اشوفه ولا عمري سمعت اسمه حتى !!! "
ماعلينا ..خل اشوف رويبي خل اصحيها ..التفت الا تشوف جراده ..واقفه على كتفها وطارت..شهقت بقوه وصرخت :ااااااااههه ..صقعت على الجدار وتشاهق بقوه ودموعها تطيح من الخوف ..التفت زياد على صرختها واستغرب صياحها ..أتوجه لها وبخوف: خير فيه شي؟!
..
شهقت من قلب ولا شعورياً ركضت لحضنه وهي تصيح وتشههق
تجمد مكانه وماعرف شيسوي..غير انه يحاوطها ويهديها
وهي تتمسك فيه وتشهق بقوه : اه اه راح اموت من الخوف والله ..اكككره الجراد بقوه اههيئ
فهم سبب خوفهاوأبتسم بهدوء وهو يمسح على ظهرها: خلاص هدي لاتخافين..طارت والله طارت !!
..
بعدت عنه بخوف وهي ترمش بشكل طفولي : و وربي اكرها حيل اكرها –تطيح دموعها وتشهق-
مسح دمعتها وبهدوء : خلاص والله راحت ..ماله داعي الخوف والبكي !!
...
هزت راسها وبأحراج: اءء اسفه شكلي اءء
قاطعها زياد: لا عادي ..أعتبريني مثل اخوك ألياس بالضبط (:
..
أبتسمت بتوتر وبعدت عنه ودخلت الملحق وانسدحت وهي تصيح من الحرج والفشيله ههع
...
في بيت بوسطـــام !!
..
جلس من النوم على رنين جواله ..رد بكل نعس وتعب : ههلا؟ مين؟!
سمع صوته الدايخ: احبك احبك احبك اكثر من الروح احبك واعزك واعزك حيل واغليك (:
تنح لثواني بعدها قال: اءء تركي؟!
أبتسم بحب: لا سجاد ياروحهه !
تأفف وبملل: انت ماتطفش؟ تراك والله أقرفتني حدك يعني !!
سجاد بضيق: ولود احبك عاد افهم تكفى افهم !
وليد بملل: اقول انقلع ..سلام!
سكر بوجهه وهو يتأفف ويغمض عيونه يحاول ينام ..اما سجاد أنقهر بقوه وحقده على عبدالرحمن زاد أضعاف أضعاف الحقد الي قبل !
~
الى هنا ينتهي البارت التاسع
عارف أن صغير نوعاً ما !
لكن شي أحسن من لاشي (:
~
توقعاتكم و ردودكم وحماسكم ..لاتحرموني منها ~
وهل فيه أحد منكم تخيل أن ممكن ألياس يكون بنت (: ؟!
وهل توقعتوا أ ن الياس وخواته بيسكنون عند زياد ؟!
عبدالرحمن..وليد ..ريتال..أنفال..فجر..هل بيجمعهم لقاء ؟!
وشرايكم بشخصية كيان ومشعل؟
..
امم أنتظر ردودكم وحماسكم بدون مجاملات !!
أخوكم:فهد بن تركي ~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 174
قديم(ـة) 04-04-2014, 09:42 AM
صورة سكريترة ابليس الرمزية
سكريترة ابليس سكريترة ابليس غير متصل
©؛°¨غرامي فعال ¨°؛©
 
الافتراضي رد: رواية هذه الحياة بالمختصر ضحكة و الم /بقلمي


برد بعد القراءه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 175
قديم(ـة) 04-04-2014, 10:02 AM
صورة أسير القمر الرمزية
أسير القمر أسير القمر غير متصل
©؛°¨غرامي ماسي ¨°؛©
 
الافتراضي رد: رواية هذه الحياة بالمختصر ضحكة و الم /بقلمي


ان شاء الله بشوفهاا

يعطيك العافية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 176
قديم(ـة) 04-04-2014, 10:38 AM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: رواية هذه الحياة بالمختصر ضحكة و الم /بقلمي


لي رد بعد القراءه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 177
قديم(ـة) 04-04-2014, 11:00 AM
صورة لمسة خيال" الرمزية
لمسة خيال" لمسة خيال" غير متصل
©؛°¨غرامي مجتهد¨°؛©
 
الافتراضي رد: رواية هذه الحياة بالمختصر ضحكة و الم /بقلمي


سلاموووو
بارت جداً جميل ورائعع
وبصراححححهه انصصعقت حيل أن الياس هو البنت!!
و رغد هي الولددد!!
يعني جد جد صدمه كبيررره وماتوقعتها بالمررره !!
اما..أمواج وكيان..ذولي ععسل وملح الروايه فديتهم اناااا
اما زياد شكلو وقع بالحب وماحدا سمى عليهه هههههههههههههه
...
اممم شو كمان حبيت مشعل والوليد الله يعينه على سجاد ):
وان شاء الله يلتقي قريب بعبدالرحمن
وامم ماتوقعت بالمره ان ريتال وانفال صديقات فجيرووهه
ووووااه ههههههههههههههههههه موقف الملح والسكر شيي حده عججيب ههههع
...
اممم جميله الصداقه بين رولان والعنود
ووهذا خلاص شسمه بنتظار البارت العاشر
~
أختك:شموخ السعوديه ~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 178
قديم(ـة) 04-04-2014, 11:10 AM
صورة سكريترة ابليس الرمزية
سكريترة ابليس سكريترة ابليس غير متصل
©؛°¨غرامي فعال ¨°؛©
 
الافتراضي رد: رواية هذه الحياة بالمختصر ضحكة و الم /بقلمي


بااااارت جنننان
بصرااحه ماكنت ابد متوقعه انو الياس بنت
عجبتني سخيصة كياان ومشعلل مرررره
هل عبد الرحمن وليد وريتال وريفال وفجر بيجمعم لقاء؟!
اااي
وهل الياس وخواته بعييشون عند زيااد !؟!
يمكن بسيمكن لماا يعرفون انوو اليااس تواام ولييد
يمكن يعشون عند اهل ولييد

يااارب بييان تكوون من نصيب زيااد
وتركي ذاا فديييته
ياااخي سجاد ذا نشبه بتووم
وامواج لبييه ذي البنت بس تهبللل
حتي كييان
جهااد انشاااء بس يتذكر اهله بس مايذكر العنود ويتوزع فاطمه

اااااخ حممماس ودي اشوف ردهم لماا يعرفون عن الياس ورغد

ننتظرك على احرر من الجممرر

ا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 179
قديم(ـة) 04-04-2014, 01:18 PM
انثى مزاجيهـ... انثى مزاجيهـ... غير متصل
▪▫₪ آنـا الأميره بينهم وآنـا قمرهـم كلهـم ₪▪▫
 
الافتراضي رد: رواية هذه الحياة بالمختصر ضحكة و الم /بقلمي


روووعه البارت

وماعندي توقعات لان عقلي موقف تلقائيا ^_^

وننتظر البارت ع احر من الجمر

تحياتي :؛)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 180
قديم(ـة) 04-04-2014, 01:40 PM
صورة بعثرة مشاعر..!! الرمزية
بعثرة مشاعر..!! بعثرة مشاعر..!! غير متصل
©؛°¨غرامي مشارك¨°؛©
 
الافتراضي رد: رواية هذه الحياة بالمختصر ضحكة و الم /بقلمي


سلامووو
بارت جمميل
اماا الياس ورغددد قصصة ثانيه هو بنت وهي ولد o_o
وشسممه كيان ومشعل مهابيل بس فلله الله يخليهم لبعضض ^_^
وذءء سجاد موولت عليه قال ايش قال احبكك
طلالوه حراام يخطبون له الجميله مقاطيف ما يستاهل الزبالة الا اذا سبب في توبته وتسنعة
شسممه من بعد ترووكي يازيين هذا كأنه بزرر مررره
وبيااان ههههه فشللة حدها تتعلق في الرجال عشان جرادة خبلله
زيااد الله يعينه كيف بيقول لالياس ، وموقف مع بيان ماعتقد بينساه ههههه
وفهدد ياحبيله طيووب
وراكان الله يعينه ع اللي خطبوها له ماتوقع بتمشي حياته مضبوط
وريتال وانفال وفجر يازيين الصداقة بس مافيه املح من الصديقات
والوليد اتوقع بيلتقي بعبدالرحمن واتوقع بيصير هوشه بين سجاد وعبدالرحمن بسبب الحقد يعني وهيكك
بإنتظار البارت الجاي
عموماً يعطيكك العافية عالبارت


..!


رواية هذه الحياة بالمختصر ضحكة و الم /بقلمي

الوسوم
♡~بقلمي:$ , الأم , الححيااهہ , بالمختصر , رواية , هذهہ , ضضحكہ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34436 اليوم 03:01 AM
مني لكم و بدون استثناء انفاس الانيـن مواضيع عامة - غرام 5 15-02-2015 11:34 PM
علمتني الحياة ان الحب نسيت انساكـ. مواضيع عامة - غرام 46 23-12-2011 05:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM

الساعة الآن +3: 06:47 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1