غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
عرض نتائج التصويت: هل الروايه جميله ؟!
جميله أستمر 19 90.48%
لابأس بهــا 1 4.76%
تحتاج الى تطوير 1 4.76%
سيئه جدآ:$ 0 0%
المصوتون: 21. لم تقم بالتصويت على هذا التصويت

 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 13-02-2014, 04:37 PM
صورة عبدالعزيز بن أحمد..~ الرمزية
عبدالعزيز بن أحمد..~ عبدالعزيز بن أحمد..~ غير متصل
©؛°¨غرامي جديد¨°؛©
 
الافتراضي رد: رواية هذه الحياة بالمختصر ضحكة و الم /بقلمي


فههيد بنششوف وش نهايةة النصصب

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 14-02-2014, 07:07 PM
صورة لمسة خيال" الرمزية
لمسة خيال" لمسة خيال" غير متصل
©؛°¨غرامي مجتهد¨°؛©
 
الافتراضي رد: رواية هذه الحياة بالمختصر ضحكة و الم /بقلمي


الســلام عليكم و رحمة الله وبركاتهه ~
الله الله وشهالابداع ياولد تركي
ماتوقعت كل هذا يطلع من شاب *فيس فاتح فمه من الصدمه*
هههههههههههههههههههههههه
أنا قريت أكثر من روايه لشباب ..لكن بدايتهم عاديه
ونهايتهم خياليه ..لكن انت ماشاء الله
من أول بارت ..وفيه أكثر من خمس ردود وكذا
بجد جد أهنيك أخوي وأتمنى تكلمها مو مثل الروايه الي قبل قفلتها ):
..
أنا مادخل كثير هنا..لكن بحاول أدخل واتابعك
..
عجبتني بصراحه عزة النفس الي عند فهد وأهلهه
وبالنسبهه للوزير ..بصراحه خايفه يورط فهد معاه بمشكلهه مخدرات شي*شطحت*
..
هههههههههههههههههه
حبيت تواضع تركي وهو ولد وزير
لكن وش السبب الي يمنع أبوه يشتري له سياره؟
معقوله لآنه بس عمره 16 ولا فيه سبب ثاني ؟ ^.*
ووووووو
العنود ومحمد ..مدري بصرااحه عمري ماتوقعت
أقرا روايه ...كذا !!
ومتحمسه اعرف شنهو مصيرهم ..
أيه صح أخوي...أتمنى ماتكون الجراءه زياده في روايتك
الا بين المتزوجين :)

..
أخيرآ موفق وبنتظارك
$شموخ السعوديه$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 16-02-2014, 03:26 AM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية هذه الحياة بالمختصر ضحكة و الم /بقلمي


الســلام عليكم ورحمةة الله وبركاتهه
..
مشكــورين جميعــا على الردود والحماس صراحتنن أحرجتوني ..
الله يسعدكم مثل ما أسعدتوني ..


&&

$:البــارت الثــاني :$
أهداء لأختي " وهمي دنيتي "
بصراحه أخجلتني ..نشرت الروايه وماقصرت
الله يسعدهــا ..قراءه ممتعه ..وأعتذر ع التأخير :$




هذه الحيــاه كلهــا مفاجاءات .. ودوام الحال من المحال ..~

..
..
فــي الامــارات ..

دخلت للعماره وهي منزله راسها وبيدها شنطتهــا ..وتحاول تمسك دموعهــا وهي تمشي بخطوات ثقيله وتحس نفسها أشوي وبتطيح وكل موقف جمعها بمحمد كان يمر في بالهــا

..
العنــــود بنت صــالح ~
..
فتاه متوسطة الطول...ملامحهــا عاديه ..وأخلاقهــا الجميله هي الي تحليها .. عمرها 23 سنه ..تهتم بلبسها ومظهرهــا ..طبعــا سعوديه ..ومحافظه على اللبس المحتشم ..لكن كل غلطتهــا ..انهــا تعرفت على محمد وحبته !!

..

أرتمت على الكنبه بعبايتهــا وشنطتها رمتهــا ب الارض ...وسمحت لدموعهــا تنهمر وهي تتذكر بداية معرفتهــا بمحمد ..!!


.........
.
.
كان يمشي عند البحر ..مثل الطفل التايه ..مو فاهم شي!!
كيف حبيبته العنود ..الي حبها من كل قلبه وحبته ..يكون مذهبهــا غير مذهبهه!!
شبيسوي؟! مايقدر يعيش بدونهــا ! وبنفس الوقت مستحيل يتزوجها!
لا أهلهــا بيوافقون ولا أهــله .. أطلق زفره مكتومه بقوه ..وعيونه تلمع بالدموع
طلع جواله وبدون مايحس شاف نفسه يتصل على ..توأم روحه ..سطام:$

..
محمد بن أبراهيم

...
طالب جامعي ..عمره 26..طبعــآ سعودي ..أبوه مدير قسم كامل بأحدى أكبر الشركات في الشرقيه .., أقرب صديق له هو سطام ..صديقه من أيام الثنوي ..متواضع حيل وطيب ..ولما يرتاح لآحد ..يحب يفضفض له (:
تعرف على العنود عن طريق الانستقرام ...وحبهــا وحبته وب الصدفه التقوا بالجامعه الامريكيه ..

...
ولكن القــدر هل بيسمح لهم يستمرون ؟!

..

" أن رقم الهاتف الذي طلبته مقلق ..أو خارج نطاق الخدمه"

^
تكرر هالكلام بأذنه أكثر من مره ..عصب و رمى الجوال بكل قهر وطاح في البحر ..رفس الرمل برجله وهو يجلس عليه ويصرخ
:آآآآآآآآآآآآه يا قلبي آآآآآآآآآه !!


..
قبــل خمس شهــور ~
..
كان جالس يصــور الجامعه وكل شي يعجبه يصوره ..وكان يصور نفسه ويحط بالانستقرام ..
وبنفس الوقت كانت هي تحط صورها وهي صغيره وتحط رسوماتها بالانستقرام
..
عطاها لايكات وسألها عن البنوته الحلوه الي بالصوره؟
قالت له صورتها وهي صغيره ...وصار بينهم كلام
وبعدين سألته ..هو يدرس بالجامعه الامريكيه ولا جامعه مشابهه لها!!
لآنها ماقد شافته موجود بالجامعه...قالها ان يدرس بهالجامعه..بس يمكن ماصار فرصه يلتقون بعض...المهم ...مرت ايام ماكلمته ولا هو كلمها...كانت تعبانه !!
..
خاف عليهــا وحس بالقلق ..بالصدفه شافهــا بالجامعه وكلمهــا ..وبالبدايه كانت مستحيه ومتردده ..لكن بالاخير كلمته...وصاروا يكلمون بعض وأخذوا الواتس اب!!
وبعدهــا ..صارت تكلمه جوال ...وكانت ماتنام لين يغني لهــا !!

..
وخلال شهر ..خلاص صاروا يحبون بعض وتعلقوا في بعض حيل!!
,,
لدرجة لما تتعب وتضطر تغيب عن الجامعه...تتصل لمحمد وهي تبكي مشتاقه له
وهو يهديها بكلامه ويغني لهــا بصوته الدافي الحنون..

لكن بعد ماكتشفت أن مذهبه غير ..وهو عرف ان مذهبها غير!!
..
ياترى شبيصير ؟!

...
..
.
$$$

.
.
وفي مكان ..بعيد جدآ عن الحب والعشق وعن الامارات كلهــا ..

..
في المنطقه الشرقيه ..تحديدآ في المنزل الكبير .. الاشبه بالقصــور

..
فـــي أحدى الغرف في الطابق العلوي ,, غرفه صغيره وليست كباقي الغرف
الكبيره ..الواسعه., الجميله ...غرفه ضيقةة جدآ ..لا يتخللها الضوء لا باليل ولا بالنهار ...نافذة كبيره .. مغطاة بالصحف السوداء ..كؤوس المياه ..مرميةة في كل جانب من الغرفة ..وأمراءة لا تتعدى الـ الاربعين من عمرهــا ..بيضاء البشرة ..جسمها نحيل ..لا أكل ..وماء ,,الا القليل ..منذ أكثر من سنه ..حبسية هذه الغرفه
بلباسهــا الرمادي .. وشعرهــا الذي أصبح طويلا ,, يصل حتى أقدامهــا ...عيناها الرماديتان ..الذابلتان ..بسبب البكاء و قلة النوم النوم ..

..
بيريانكا ..

الامرآءة الهنديةة ..التي حرمت من أبنهــا منذ أن كان عمره ثلاث سنوات ..
..
لم تقبله ..ولم تحضنه ..ولم تسمع صوته .. لا تعلم كيف أصبح الان ..بعد أن أصبح مراهقاً عمره 16 عــامــاً .. مــع أنهــا ..تسكن معه في نفس المنزل !!
..
وأمامهــا ملابس لآبنهــا الوحيد ..وصوره أمامهــا ..وهي تمسك بملابسه ..تتنفسهــا بعمقق ودموعهــا تجري

: آآه .."تريناكا" ..أشتقت لك كثيرآآ ..أريد أن أراك ..أريد أن أقبلك ..ولدي ولدي ولدي –استلقت على الارض الصلبه ..وهي تردد هذه الكلمات وتستنشق ملابسه ..وشعرهــا الطويل ,,يغطي وجهها ..وتغمض عيناها الذابلتان كي تغرق في ذكريات المــاضي ..

....
ومنذ أن حبست هنا ..وهي على هذه الحــال ...بكــاء ..صراخ ..حنين وشوق لآبنهــا!!!

فمتى اللقــاء ؟!!
وهل سيجمعهم لقاء ؟
ام سيأخذ احدهم الموت..قبل اللقــاء ؟!


$$$$$$$$$$$$$$$$$$$$


.
.
في مطــار الملك فهد الدولي بالدمام
..
شــاب مراهق لم يكمل الـ الخامسة عشر عامـآ ..يمسك بـ عصاة كي تسانده بالطريق
وأمه ... تمسك بيده الاخرى .. و والده ..يتحدث مع أخوته ..

يربت على كتف أبنه الكبير
: هــاه يا خالد ..ما أوصيك أبي تهتم بنفسك وبأختك ..

خــالد بثقله المعروف مع الكبــار: أكيد يالغــالي لا توصي حريص ..أختي في عيوني
أنت أهم شي يبه ..كل يوم تكلمنا وتقولنا كل شي يصير معاكم
ولا تخلي امي كله تصيح ..وتتعب ويتعب معاهــا صقر

أبو خالد يحضن خالد ويمسح على ظهره : أكيد حبيبي أكيد ..-يبعد عنه ويطالع بنته الوحيده مزون-
:وأنتي حبيبتي مزون .. أهتمي لنفسك ولولدك غيث ..ولا تعصبين زوجك ولا تتهاوشون ..وسمعي كلامه ..أعرفك أنتي عصبيه وهو عصبي ...

ضحكت بخفيف وهي تحضن غيث وتبوسه : لا تخاف يبه أنا عشان غيث وعشانك انت مع امي ..راح أتحمل يوسف وأسلوبه الزفت ..عشان مابي بعد أصير مطلقه وغيوث يضيع من بينا ..

خالد ببتسامه : أسم الله عليك يا أختي ..هاتي غيث بس عنك .. و ودعي أمي وصقر..باقي أشوي وتطير الطياره –حمل غيث الي عمره سنه وسبع شهور .. وأخته راحت تودع أمها وأخوهــا وطبعــاً ..دموعهم أربع أربع ..وحتى بو خالد تأثر حس أنه بيفقد ولده وبنته وحفيده ..دمعت عينه ومسحهــا بشماغه ..وخالد يضحك عليهم ويقولهم بسكم أفلام عاد ..وصقر يبتسم وعيونه تلمع..وبخاطره ..متى تفتح عيوني؟. واشوفكم!! –

..
تعــريف بسيط :$

~.~.~

بوخالد : مســاعد ..عمره 50 سنه ..طيب وحنون ..ويخاف على عياله حيل :$

أم خالد : تهــاني .. عمرهــا 47 سنه ..تحب عيالهــا وتخاف عليهم بققوه ..خصوصــا صقر لآنه أخر العنقود ..وكفيف :$

..
مزون :بنتهم ..حساسه وعصبيه ..عمرهــا 29 سنه ..بس فيهــا بعض حركات المراهقين ومهتمه حيل بشكلهــا وجمالهــا .. متزوجه ..يوسف ولد صديق أبوهــا عمره32 سنه ..عصبي وعنيد ..وهو مدير لشركة ابوه ..ودايم مشغول ..
وعندهم طفل واحد الي هو غيث ..يدنن يالبى قلبهه :$

..
خــالد : ولدهم الكبير ..عمره 27 سنه ..يشتغل عند يوسف ..وقت الشغل يكون رسمي وهادي .. و ...دايم يتكلم ببرود ويقول كلمات تضحك ..والي حواليه يضحكون ..وهو بس يبتسم ..نادرآ يضحك ..لكن ضحكته جميلهه وقلبه طيب وحنون:$

..

صقــر : أخر العنقود ..عمره 15 سنه ..مايدرس ..صدمته سياره وهو عمره خمس سنوات ..وكان طالع من الروضه ..ومن بعدها فقد بصره ..أمه وأبوه ..يخافون عليه كثير ومايخلونه يطلع .. بس جابوا له مدرس علمه الصلاه ..وحفظه القران ..وعلمه بعض الكلمات ..كيف يكتبهــا وكيف ينطقهــا .. وأحين بيســافر ..مع أمه وأبوه عشان يتعالج :$


^ ياترى ..بتشوف عيونه النور مره ثانيه ولابيعيش طول عمره في الظلام ..!!


$$$

وبعيــد عن الدموع والوداع ..~

وليد ..وتركي ..طلعوا من المدرسه ..وتركي يتحلطم
: تبن وليد تبن ..طول عمرك تبن يالفـ ..

وليد عصب وصرخ : ههيييييييييه كان يعني فيني النووم ..كيف يعني أسوق السياره وفيني نوم !! بعدين وشفيك معصب كذا ؟!! ترى الباص موجود بعده ما مشى!!

تركي بقهر وهو يرص على سنونه : أنت ماتدري هذا شكان بيسوي فيني راعي الباص!!

وليد بنظرات فهاوه : شنهو؟ كان بيقتلك ولا يخطفك ؟؟

تركي بصراخ : لااااااااا ..بس كان يقولي كلام وكان وكان ..خلاص * سحب وليد من يده بقوه *

: تعال نروح مشي ..ولا أنت اذا بتركب بكيفك ..أنا مستحيل أركب هالباص مستحيل !!

وليد رافع حاجب ويتكلم ببرود : زين أحين شفيه الحلو معصب ؟!

-صرخ تركي بققهر - : ولييييييييد قسسم احين بعطيكك ككف يطيرك لمناكك ..ماحب اسلوب البرود حقك هذا ولا رفعة هالحاجب ..

وليد بهدوء : ريلاكس حبيبي ريكلاس ..أعصابك غاليه علي

- تركي عصب و رفسه برجله ومشى عنه مقهور –

الوليد وقف وهو متفشل ومتعور ويتلفت ويعدل شكله ..وصار يمشي ورا تركي
وتركي يتحلطم ..و الوليد ساكت وبخاطره يعرف ..ليش تركي رافض يركب الباص !!
لاحظ عليه من أسبوعين تقريباً ..مايركب الباص ..واذا ماكانوا جاين المدرسه بسيارة وليد ..يجلس يتحجج ويقول ..خاطري أمشي !!

مع أن قبل كان دايم وليد ..يطلب من تركي يمشون..لكنه يرفض !!

..
وشصاير معاك ياتركي..وشصاير ؟ !!

-يطالع تركي ويهمس –

: لازم أعرف شفيهه ؟ من غبت ذاك اليوم ..وهو مو طبيعي ..

..
وقطــع جوهم ..الدراجه الهوائيه المسررعه ..الي من شدت سرعتهــا

صقعت في تركي ..وطاححح تركي بققوه وطارت كتبه ..وتوجع وصار يكح بقوه

و الوليد ..وقف مصنم وطاحت كتبه .. والناس صارت تطالع

والشــاب نزل من دراجته بسرعه وهو خايف ومرتبك ويوقف تركي ويكلمه بخوف ومدري ليه حاس ان قلبه بيطلع من مكانه

: آءءءء سسففف .والله ماكنت اقصد ..آآءء صارلك شي ؟!
تركي يكح ويطلع البخاخ من جيبه ويبخ وتلقائيا حط راسه في كتف الشاب
الشـاب الي هو فهد ..حس بشعور غريب ..أتجاه هالولد الي هو " ت ر ك ي "

والوليد ..مازال واقف ومتنح ..وصحى على نفسه ..لما شاف شاب يعطيه الكتب حقينه ..
:آآءء شكرآ .. – صار يطالع الشاب وهو يمشي ..بعدها رجع نظره لتركي
الي مسند نفسه فهد ومغمض عيونه وبالغصب يتنفس..

فهـد يناظر تركي بخوف ومو عارف كيف يتصرف و وجهه صار يعرق ويبلع ريقه

: آحم ..أخوي..صار فيك شي ؟!

تركي وعى على نفسهه وفتح عيونه بقوه ..وشاف الوليد كيف واقف متنح ..وشاف كتبه مرمين ب الارض ..وشباب واقفين متفرجين ويتهامسون

"هذا تركي ..ولد الوزير ..ياويلي ..راح فيها هذا المسكين ..صوره صورهم مع بعض ... لا لا ..بتكون صوره تحفه الصراحه ..فقير يصقع أبن الوزير ..هه هه ههاهاهاه"


- تعالت أصوات ضحكهم بالمكان ..وفهد أنصدم وهو يسمع الاسم و راح باله عند الوزير وكلامه !! –

- بعد تركي عن فهد وهو يصارخ بققوه –

: بسسسسس بسس سكتوا بس *حط يده على صدره بتعب و ركض نحوا مجموعة هالشباب وهم مصدومين من شكله ..وسحب منهم الجوالات .. وصار يرميها بقوه وهو يكح *

: كاااااافيييي ضحك ككافي ..كافي ..آآءء ككح كحح ..كافي ..ماحب الشفق ..كححح –طاح ب الارض مغمى عليهه –


..
الشباب ..خافوا ..و ركضوا ..و الوليد ..واقف بعده ..مصدووم ... أما فهد ... بلع ريقه وصحى على نفسه ..وبسرعه جلس عند تركي ..وصار يطالعه ..ومسك يده وشاف فيه نبض .. وعشان يتأكد ,, حط أذنه عند .. جهة القلب ..وكان فيه نبض ..

..
تنهد فهد بتوتر وهو يمسح جبينه من العرق ويطالع وليد
: آحم ..انت تقرب له ؟

الوليد ..ساكت .....

..
فهد برتباك : اخوي اانت ..تقرب له ؟

الوليد ..على حاله..مفهي !!

..
فهــد ..صرخ بصوت أعلى : تقققرب لهه ؟!!!!!!!


الوليد ..أنتبه للوضع وبلع ريقه : لا .. آآءءءققصصصصصصد ايهه اقرب له ..أخته ..آآ اخوه ..عمه مادري..يقرب لي والله ..

فهد بخوف وتوتر: طيب طيب أهدا ..يا ..

الوليد برتباك : عبدالرحمن..فف يصل .. خخالد ..مم ماجد ..لالا ..آآءء –طالع كتابه وضرب جبهته-

:وليد ..ولد محسن ..وليد أنا ..أبوه ..ع ممي ..

تنهد فهد برتياح : لو سمحت تقدر تتصل على أحد ..ياخذه المستشفى ؟!

الوليد بتوتر : آآءء مم م مطافي لالا ..شرطه .. آآءء آآءء قمر قمر ..بدر بدر ..هلال أحمر ,, لا لا ..اسعاف ..

فهد يتكلم بسرعه : طيب طيب أتصل على أي أحد ياخخي.. انا جوالي مافيهه ..شحن!!

الوليد دخل أياديه في جيوبه وبرتباك : ا ا ا ماجبت الجوال ..وحتى تركي ..جواله يشحن في البيت ..

-فهد بخاطره مافيه الا هالحل- !!

*حمل فهد ..تركي وجلسه ب الدراجه وجلس وراه وأنطلق فيه متوجه للمستشفى وتركي مو حاس بشي ..وفهد خايف وقلبه يدق ويسرعع ويحاول ينتبه لطريقه عشان مايصير شي ثاني .. أما الوليد ..يمشي يحاول يلحق دراجة فهد وهو مو مستوعب *

..

شبيصير لتركي ياترى ؟!!


$$$$$$$$$

في الريــاض ... في ارقى الفنادق ..مستلقي في غرفته البارده ..
وموبايله ..للمره الخامسه يدق بأغنيته المفضله

:

الاهي استرنا ياستار
علي الليل يتعدى أقطعلي الف ورده
تحبني والا ماتحبني خلص حتى ورد الجار
ياربي فدوه ساعدني خلي شويه ترحمني

.
.
صــار يتحرك بنزعاج على السرير الناعم ..ويمسك جواله بيده اليمين ويرد ويده اليسار على عيونه ..

: همم مين ؟!

الطرف الثاني كانت بنت
: ههـــاي ريان ؟!

ريان فتح عيونه بقوه : ميييييييين ؟!!!!!!

البنت بدلع : أناه أحووبكك ..

ريان تأفف وسكر الجوال ويتحلطم وهو يتغطى
:ناس فاضيهه والله ..آآخخخ *يتثاوب*

: هذه ضريبةة الشهره *ويغمض عيونه ويرجع ينام*


$$
هــذا هــو ( ريــان بن عبدالله ) ,,

عمــره 23 سنه ..مذيع برنامج تلفزيوني .. وهو خــال فجر الي مغتره فيه ومدلعهــا لآبعد ..حد ..يسكن بالرياض .. لكن يروح زياره للشرقيه ..امه وابوه متوفين ..وعنده أخوان أكبر منه ..يمكن يكون لهم دور يمكن لا $ــ$

وعلى فكره ..البارت الاول..غلطت قلت ان فجر عمها مذيع ..لكن الصحيح أن خالهــا ..

وكل البنات ميتين عليه .. لكن هو مايعطيهم وجه ..

وبنتعرف عليه أكثر من الاحداث :$


$$$$$$$$$$$$$$$$$$



نرجع للشرقيــه

..

جالسه على الكرسي المتحرك ودموعهــا بعينهــا

: أتصلي مره ثانيه يا نجود

نجود بصوتها الناعم : ان شاء الله يمه – تتصل على جوال فهد وتحطه بأذنها –

: يمه مايرد

فاطمه تاخذ جوالها من نجود : يممه يا يممه..تعبت تعبت لي الف ساعه اقولك ترى فهد مو بزر ..تلاقين جواله طاح عليه فجاءه ولا يمكن يعني مادري يعني لكن يمه ..

..
أم فهد دموعها بعينها : خايفه والله خايفه ..صارله حادث ولا شي

نجود شهقت بخوف وحضنت أمها : لا أسم عليه يمه ..لاتقولين كذا !!

أم فهد تتنهد :أستغفرالله العظيم ..أستغفرالله ... يا الله أنك تحفظ ولدي من كل شر يا الله أنك تحفظه ..

نجود وفاطمه بهدوء : أمين :$


$$$$$$$$$$$$$

نجــود : عمــرهــا 17 سنه أخت فهد وفاطمه .. تدرس بثاني ثنوي ..أدبي ..تحب الروايات والخواطر .. ماتفهم بالموضه أبد وماعمرها حطت لها مكياج ..ملامحها عاديه ..لكن عيونها العسليه و رموشهــا الكثيفه محلينهـا ..وفجر تغــار منهــا ودوم تهاوشهــا .. ونجود حيل حساسه وبسرعه تصيح ..

وبتتعرفون عليها أكثر ب الاحداث الجايهه

$$$$$$$$$$


عنــد " فهد" الي أمه خايفه عليه وتحاتيه ..نزل من الدراجه وحمل تركي وركض فيه لداخل المستشفى بدون مايحس بثقله لآنه بالنسبه لفهد خفيف ..كأنه طفل ..بسبب ضعف جسمه .. وقصره ..والي يشوفه يعطيه أصغر من عمره×ــ×
أمــا فهد صحيح ضعيف ..لكنه طويل ..ويعتبر سمين بالنسبه لتركي !!

..
شافوه الممرضــات ..وجابوا سرير وأخذوا تركي ..أما فهد جلس وهو خايف و يدعي لتركي

..

بعــد عشر دقايق .. وأخيرآ وصل الوليد للمستشفى وهو يلهث و رمى الكتب عند باب المستشفى وجلس وهو يتنفس بقوه
: آخ تععبت آخ عطشاان آخ عطششان ..أأبي مموويهه ..غمض عيونه ومرت في باله ذكرى

" دخل للفصل وهو يتنفس بقوه : آه آه عطشان آه ..

قاطعه عبدالرحمن بمزح : أنا مماعندي فلوس وانت فلوسك خلصت..وتركي غايب ..اممم *يتلفت* ماكو احد هنا ..شرايك اسقيك من ريقي ؟!

الوليد شهق بققوه :هــاهه ؟ لاآآآ

عبد الرحمن بخبث : الااااا *ونقز ورا الوليد الي قام يركض وحشره بالزاويه *

الوليد خايف بقوه وبنفس الوقت حاس بقرف
: آآءء شبتسوي انت ؟ هييه من جدك أنت ؟!

عبدالرحمن زادت بتسامته وبتهور مسك وجه الوليد ومص شفته وو ...

بعد عنه وهو يضحك ويشوفه شلون مبلم ومصدوم ..

*غمز له وطق كتفه*

: هاه شرايكك أرتويت ؟!


-الوليد كز عبدالرحمن وعيونه تلمع ومنقرف وساكت وطلع بره الفصل وهو يسمع ضحك عبد الرحمن – "

..
صحى من هالذكرى وهو يسمع صوت سيارة سعاف .. قام من مكانه ومسح دمعته وأخذ الكتب ودخل المستشفى ..

..
مين عبدالرحمن وشعلاقته بوليد؟ !!

وتتوقعون هالحدث كم صارله ؟!

$$$$$$$$

.
.
فــــي الامــارات ..

..

طلع من المطعم وهو يبتسم والجوال بأذنه

: زين يالغــاليه شخبار خواتي منى والهنوف ؟ والوالد ؟ لي فتره طوويله ماكلمته ولا يتصل وكل ما سألت عنه ..تصــ .. آآءء الووه يمه يمه ..

- طالع جواله بستغراب-

: شكله قطع الخط .. آآخخ والله مادري ليش حاسني أن أبوي فيه شي ومو راضين يقولون لي..يالله كلها كم يوم و راجع للسعوديه وبعرف كل شي !!

..


قاطع كلامه الصوت الانثوي الناعم

: عزيز

ألتفت بستغراب للصوت : نعم تكلميني أختي ؟!

- رصت على يدها بقوه وهي تسمع كلمة "أختي " وبخاطرهــا .. آآخخ شقد تقتل هالكلمه اذا كانت من شخص تحبه –

: أحم .. أنا ..أنا اليازيه معاك بالجامعه بس يمكن ماتذكرني ..صحيح أنت بتسير للسعوديه بعد كم يوم ؟!


هز راسه بالايجاب وهو مستغرب : أيه نعم ..خير فيه شي ؟!

هزت راسهـا بالرفض : لا ..بس ممكن رقمك؟ تكفى عندي شي أبي أقوله لك لكن ماعرف أقوله قدامك ..ممكن يعني رقمك ..عشان أطرش لك مسج

عبدالعزيز بهدوء : لا أسف أختي .. أنا ..

قاطعته اليازيه ودمعتها بعينها :تكفى ياعزيز

تنهد عبدالعزيز : طيب ..رقمي *******

سجلته وأبتسمت بهدوء: شكرآ ..

هز راسه مستغرب ..وهو يشوفهــا تمشي مبتعده عنه

..
ومشى هو الثاني مبتعد عن المطعم .. فجاءه سمع صوت شاب جالس على العشب جنب شجره يون ويبكي : أحبهــا .. والله أحبهــا ليش يصير معاي كذا ليش ؟! شسويت انا بحياتي يا ربي !!

- توجه عبدالعزيز للشاب بتردد وحط يده على كتفه –

: أخوي فيك شي ؟!

- مسح دموعه هالشاب و وقف وهو يكلم عبدالعزيز ويشاهق –

: انا اححبها والله انا انا *يطق على صدره*
:احبها وصدقني والله بسعدها..لكن مذهبها مختلف عن مذههبي لييييييه ؟ انا أحبها ياخوي والله والله حبيتها من اسلوبها والله احبها احبها ..

- عبدالعزيز كسر خاطره هالشاب وأخذه بحضنه يهديه –

: خلاص أخوي أهدى خلاص .. أكيد ربي بيرزقك الي أفضل منها وهي الله يستر عليها وو ..

- الشاب فجاءه كز عبدالعزيز وطاح بالارض ..وراح يركض وصدمته سياره كانت مسرعه وطار لبعييييييد –

*شهق عبدالعزيز بصدمه وهو يشوف الشاب يطير ب الارض وسائق السياره ولا كأنه سوى شي ..وكمل طريقه ولا وقف *
.
.

وتم البــارت الثاني بحمد الله ×ـــــ×
توقعاتكم ياجميلين وياجميلات

أنا عن نفسي ..أحس أني بتسطر ..وعدتكم ببارت طويل ولا قدرت أوفي الشسمه

المهم .. شرايكم البارت جميل ولا أوقف ~.~

$$
سبحان الله وبحمده ..سبحان الله العظيم

أخوكم :فهد بن تركي ...~



تعديل ملك الأحساس..!; بتاريخ 16-02-2014 الساعة 03:36 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 16-02-2014, 12:11 PM
صورة سكريترة ابليس الرمزية
سكريترة ابليس سكريترة ابليس غير متصل
©؛°¨غرامي فعال ¨°؛©
 
الافتراضي رد: رواية هذه الحياة بالمختصر ضحكة و الم /بقلمي


لي رد بعد القراءه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 16-02-2014, 01:23 PM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: رواية هذه الحياة بالمختصر ضحكة و الم /بقلمي


تسلم اخ فهد من ذوقك

احرجتني

البارت رائع وكمل

مع اني كنت ناويه اصفقك ساحب علينا اسبوع وبارت طويل 5 دقايق وخلصته

بس رح احطك بقدر مويا حاره واشيلك شعره شعره بس هذا

بارت جميل وشكرا على الاهداء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 16-02-2014, 01:29 PM
صورة هتون الغيم.. الرمزية
هتون الغيم.. هتون الغيم.. غير متصل
س أبقىّ أُنثَىَ مُخْتلفهِ لا يشبهني إلا انا ღ
 
الافتراضي رد: رواية هذه الحياة بالمختصر ضحكة و الم /بقلمي


اولآ مساء الخير


توقعآتي :

بصراحححه العنود محيرني امرهآ مرا اقول بتغير مذهبهآ ومرا اقول لآ

ومحمد بيموت والعنود بتجلس ع ذكرآه طوال عمرها وم بتنساه

واليازيه بتعرف لعزيز بحبهآ وم بعطبها وجهه وهي بتلآحقه من مكآن لمكآن او بتسوي له مشآكل

وعبدالرحمن معجب بالوليد وبسوي له مشاكل وسواق الباص بينه وبين تركي شي وع الاغلب انها متعاون مع عبدالرحمن ع وليد وتركي

وابوخالد بيموت خلال سفره

امم تقريبا هذا جميع توقعاتي !

يعطيك الف الف الف عافيه ع الروايه الجميله والبارت الاجمل
دمت بالف خير



وبآنتظآرك
هتون..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 16-02-2014, 01:44 PM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية هذه الحياة بالمختصر ضحكة و الم /بقلمي


اقتباس:
المشاركة الأساسية كتبها يلي عنده غرام وش يبي اكتر مشاهدة المشاركة
لي رد بعد القراءه
وأنــا أنتظر ردك بفارق الصبر :)

اقتباس:
المشاركة الأساسية كتبها همـــــــــــي ودنــيتي مشاهدة المشاركة
تسلم اخ فهد من ذوقك

احرجتني

البارت رائع وكمل

مع اني كنت ناويه اصفقك ساحب علينا اسبوع وبارت طويل 5 دقايق وخلصته

بس رح احطك بقدر مويا حاره واشيلك شعره شعره بس هذا

بارت جميل وشكرا على الاهداء
الله يسلمك ..تواجدك الاروع ..أحم أعتذر بصراحه ..كنت مخطط لآحداث أكثر بهالبارت
بس كنت نعسان *يقص قصة حياته* وكان لازم أنزل البارت لآني وعدتكم . ــــــ .
عــاد مثل ماتشوفين ياختي ..نزلت هالبارت القصير ~.~
ان شاء الله الثالث بيكون أطول ..وأتمنى أشوف توقعاتك..

اقتباس:
المشاركة الأساسية كتبها هتون الغيم.. مشاهدة المشاركة
اولآ مساء الخير


توقعآتي :

بصراحححه العنود محيرني امرهآ مرا اقول بتغير مذهبهآ ومرا اقول لآ

ومحمد بيموت والعنود بتجلس ع ذكرآه طوال عمرها وم بتنساه

واليازيه بتعرف لعزيز بحبهآ وم بعطبها وجهه وهي بتلآحقه من مكآن لمكآن او بتسوي له مشآكل

وعبدالرحمن معجب بالوليد وبسوي له مشاكل وسواق الباص بينه وبين تركي شي وع الاغلب انها متعاون مع عبدالرحمن ع وليد وتركي

وابوخالد بيموت خلال سفره

امم تقريبا هذا جميع توقعاتي !

يعطيك الف الف الف عافيه ع الروايه الجميله والبارت الاجمل
دمت بالف خير



وبآنتظآرك
هتون..

مســاء النور ..تواجدكم الاجمل ..ومشكــوره على التوقعات
ويمكن صح ويمكن خطأ :)
..


أخوكم :فهد بن تركي ..~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 16-02-2014, 02:47 PM
صورة سكريترة ابليس الرمزية
سكريترة ابليس سكريترة ابليس غير متصل
©؛°¨غرامي فعال ¨°؛©
 
الافتراضي رد: رواية هذه الحياة بالمختصر ضحكة و الم /بقلمي


بارت روععههه
يسلمووو
توقعتي
يمكننن محمد يموت


وعبد الرحمن يمكن يمكنن هاااا
يكون شاذ ورعي الباص زيه


واليازنه راح تقول لعزييز انها تحبووو



وبس بنتظرك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 17-02-2014, 03:48 PM
صورة لمسة خيال" الرمزية
لمسة خيال" لمسة خيال" غير متصل
©؛°¨غرامي مجتهد¨°؛©
 
الافتراضي رد: رواية هذه الحياة بالمختصر ضحكة و الم /بقلمي


مساء الخير ..جميل البارت أخوي:)
بس قصصصير ):
أحممم ماعليه نجي للتوقعات ..
أحس هذه الهنديهه ..أم تركي :)
لآنها قالت(تريكاكاكاكاا) مددري أيش *.*
هههههههههههههههههههههههههههههههه
وو عبدالرحمن ماحسه شاذ..مثل ماقالت الي فوقي ..
أحسهه واحد فله ومتهور وبسس:)
..
والله يستر من راعي الباص
ههههههههه
حبيت مشهد ..فهد وتوركيي ..~
..
وبنتظار البارت الثالث
أحسهه خطير ومتشوقه يعني
واكيد اللي دعمته السياره هو محمد):
..
$شموخ السعوديه$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 17-02-2014, 09:03 PM
صورة ro7y_t7bk~ الرمزية
ro7y_t7bk~ ro7y_t7bk~ غير متصل
©؛°¨غرامي جديد¨°؛©
 
الافتراضي رد: رواية هذه الحياة بالمختصر ضحكة و الم /بقلمي


السلآآم عليكمم

البآآرت جميل

توقعآتي :

شبيصير لتركي ياترى ؟!!

آحس آنهه آغمآء بسيط وبيرد لوعيه

وليد وعبد الرحمن :

وليد ههههههه هالآنسان حبيتهه مفهي بشكلل

آما عبد الرحمن حسيتهه شاذ ><

عبد العزيز ومحمد :

ياآآحرام محمد آحس آنه بيدخل في غيبوبه

آتــوقع رآعي السييارة تعمد يصدمهه

ووب ث

تتحمسست بآنتظآر البارت 3 ^ آتمنى آنه يكون طويل :)



$$$

ro7y_t7bk~


رواية هذه الحياة بالمختصر ضحكة و الم /بقلمي

الوسوم
♡~بقلمي:$ , الأم , الححيااهہ , بالمختصر , رواية , هذهہ , ضضحكہ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34100 08-11-2019 11:46 PM
مني لكم و بدون استثناء انفاس الانيـن مواضيع عامة - غرام 5 15-02-2015 11:34 PM
علمتني الحياة ان الحب نسيت انساكـ. مواضيع عامة - غرام 46 23-12-2011 05:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM

الساعة الآن +3: 11:00 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1