غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
عرض نتائج التصويت: هل الروايه جميله ؟!
جميله أستمر 19 90.48%
لابأس بهــا 1 4.76%
تحتاج الى تطوير 1 4.76%
سيئه جدآ:$ 0 0%
المصوتون: 21. لم تقم بالتصويت على هذا التصويت

 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-02-2014, 05:37 PM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
11302798240 رواية هذه الحياة بالمختصر ضحكة و الم /بقلمي


.
.
السلام عليكم ورحمة الله وبركاته ~
..
أخوكم فهد بن تركي ~من عشاق الروايات ..من لما كنت صغير
وانا احب الروايات ..وكثير أحاول بالدفاتر أكتب ..ومع أن ولد عمي و ولدخالي
الي مثلي يقرون روايات..كانو يقولون..أيه حلو ..كمل ..واصل ~
لكن أنا على طول أمل وأطفش ..وابدا اكتب روايه جديده (:
وبعدها أمزعهــا ..وكأنك ي بو زيد ماغزيت . ــــ .
هههههههههههههه ~
..
ومره نزلت روايه هنا..بس بارتين و وقفت ):
وطبعا المشرفات قفلوها .. ~
لكن أحين وبمشيئة الله ..أني راح أكتب هالروايه و راح أكملها ..
وخصوصا..أن فيه ناس من خلف الكواليس..راخ يتابعوني
واتمنى أني الاقي تشجيع هنا ..وان شاء الله تعجبكم ..
وأنا متأكد ان فكرة الروايه ماراح تكون مكرره ~
.......

.
.
$:البــــارت الاول :$

.
.

كونوا مبتسمين و إنسوا الخرافات بان هناك
ما يسمى بسوء حظ قولوا بانها خيره
واتركوا امركم لله
~o).

.
.
في السعوديه ..تحديدآ الشرقيه ..خرج مثل عادته يوميا ..ليبحث عن الرزق ..شاب في العشرين من العمر ..لم يكمل الثالث ثنوي ..بسبب ظروف المعيشه ..
توفى والده حينما كان عمره ثمانية عشر عاما ~

..
فهــد بن تركي ..
..
لديه ..أختان وأخ واحد..وأمه المقعده على الكرسي ..يعيشون في بيت خالهم ..ولكن لا يقبلون الفلوس والشفقه ..ومنذ أن توفى والده ..وفهد يبحث عن العمل.. ولم يكمل الثانويه ..وعمل في غسيل السيارات ..وفي غسيل الصحون في المطاعم ..وباع الخضار ..وعمل في عدة أعمال بسيطه ..وها هو الان ..يأتي للمنزل المطلوب بدراجته الهوائيه ..فمنذ توفى والده ..ولم يكن لديه وقت لتعلم السواقه ولاشي أخر ..يتنقل فقط بدراجته هذه ويطلب الرزق ..
..
- وقف الدراجه وفتح الجريده وهو يتنفس بقوه ويقرا الكلام ويتأكد من العنوان -
:مطلوب شاب ..عازب ..عاقل ..*عوج فمه بملل وهو يتحلطم*
:عاقل هاه؟ ايه انا شاب وعازب ومسلم..لكن والله ماظنتي فيني عقل ..ههههههههههآآآآآييييييي *يتسدح ضحك بالشارع وتطير الجريده من يده ويشهق بقوه*
:ههييئئ.,..وييييين بتروحين يالوصخخخه!! *يركض وراها وفجاءءه يسمع هرن سياره ..ويرجع لورا ويطيح بقوه على الارض*
: آآآهه *يتسحك كوعه ويتشقق بنطلونه من الحصى ...ويتغبر من الرمل*

-قام وهو يتحلطم ويطالع جواله من مخباه -
:لايكون بعد صار فيه شي !!
*فتح الجوال وصار يقلب فيه *
:الحمدالله مافيه شي بس انشلخ ..هههههههههه *يتفلت*
:الجريده الوصخه وين راحت؟ عشان أتاكد من العنوان !!

..
قاطع تحلطمه الرجال الي نزل من السياره وصار يطالع فهد من تحت لفوق
..
حس بالحراج فهد وتنحنح :آآحم ..فيه شي ياعمي؟

الرجال بصوت فيه هيبه : أنت وشعندك هنا ؟ أول مره اشوف وجهك ..وشكلك وهيئتك شكلك ..يعني ..
قاطعه فهد بقهر :أيه عارف شكلي واحد فقير وعلى قد حالي ! وانا جاي أطلب الرزق ..وفي الجريده فيه عنوان..مطلوب ..

..
قاطعه الرجال بغرور :أيه أنت يعني جاي وتبغى تشتغل هنا ؟

-فهد بخاطره : ياصبر أيوب على بلواه –
:آحم أيه نعم عمي ..أنا جاي وحاب أشتغل هنا ..أي شغله كانت ..وان شاء الله ماتكون سواق *رفع حاجبه *

الرجال بغرور وهو يأشر على البيت :أدخل ونتفاهم على كل شي بالداخل

فهد وخاطره يكفخ الرجال بسبب لهجة الغرور الي يتكلم فيها
:ان شاء الله ياعمي ..بس أحط دراجتي على جنب وأجي معاك ..
الرجال بلهجة سخريه : ومنهو بياخذ هالدراجه ..-يأشر حواليه – طالع هنا وهناك ..أنواع السيارات الكشخه واخر موديل موقفه..منهو الي ..
..
قاطعه فهد بهدوء: ياعمي ...كل غني وفيه الي أغنى منه ..وكل فقير وفيه الي أفقر منه ..أنا صح فقير ومظهري يثير الشفقه ..لكن فيه ناس حالهم أسوى من حالي
وماعندهم دراجه..ولا حتى ملابس تدفيهم ..ولا ..

..
قاطعه الرجال : أنت جاي تطلب رزقك ؟ ولا جاي تعطي مواعض وحكم ؟؟
فهد بهدوء : أنا قلت لك بوقف دراجتي لكن أنت الي ..
قاطعه الرجال : خلاص ولا كلمه ! وألحقني وماحد بيطالع دراجتك وهو عنده السيارات الكشخه ..!!

تأفف فهد وأستغفر ربه وهو يلحق الرجال لداخل البيت..الكبير والواسع
وبخاطره –ماعليه عشانك يا يمه ..وعشانكم ياخواتي ..بتحمل كل شي أهم شي أحصل على شغل وفلوس ..ياربي صبرني ..ويارب أجعل هالشغل من نصيبي..مو عارف شنهو هالشغل بالضبط ..لكن ان شاء الله بقدر عليه ..الله يوفقني ويرزقني كل خير –


$$$$$$$$$$$$$$$$$$$$$$$$$


..
بعيد جدآ عن الشرقيه ...
..
الامارات ..في الجامعه الامريكيه ..
....
-جالسه مع صديقتها وتتنهد بعشق وهيام وهي تطالعه وهو يمشي وشعره الطويل ..يطيره الهواء-

: آآآآآه يجنن يجنن يا روضه والله يجنن

صديقتها أطلقت ضحكه عفويه :وشبلاك انتي تخبلتي؟ تحبين واحد سعودي؟

-حطت يدها على قلبها وبهيام- : آآخخ واذا سعودي ؟ يعني شو السعودي كافر مو مسلم؟

شهقت روضه : لا يا مينونه أنا ماقصد جذيه والنعم فيهم أهل السعوديه ..أنا أقصد أنتي أماراتيه وهو سعودي..معقوله بيلتفت لك ويتزوجك مثلا؟

-تكلمت بهدوء وحالميه- : أن شاء الله بخليه يحبني ..وأمايه ماترفض لي طلب ..وأذا حبني وتيوزنا *تزوجنا * مستعده أروح وياه لآخر العالم

روضه بضحكه :الله الله ماصدق هذا كلامك يا اليازيه ؟

اليازيه ببتسامه :هيه هذا كلامي ..يخبل ويهبل ..آآه فديته ..عبدالعزيز ..آآه ي ويلي

روضه تضحك من قلب:هههههههههههههههههههههههههههه .. أنا أشهد أنك تخبلتي وبقوه ..أبي أفهم كيف حبيتيه وانتي ولا مره رمستيه ولا هو رمسج ..هاه؟

تنهدت برومانسيه : آآه فديته ..حب حب من أول نظره

روضه: ههههههههههههه حلفي فديتج؟ حب من أول نظره هاه؟

اليازيه :هييهه ..*تغمض عيونها وتتنفس وهي تذكر الموقف الي جمعها مع عبدالعزيز *

...
"كانت داخله الجامعه وهي خايفه وتركض ,,أكثر من مره تتأخر وهالمره خلاص
يمكن تسجل غياب لو تأخرت ..صقعت بقوه فيه وطاحت كتبها وانسكبت قهوته عليها ..شهقت بقوه وهي ترفع راسها متنرفزه و مصدومه وهو طالعها بتوتر وخوف
: آآختي أسف أنا ماكنت ...

قاطعته بقهر: شو كنت وماكنت ..أنا متأخره على محاضرة الدكتور عبدالله وانت أحين شكلك بتأخرني أكثر

*حك تحت أذنه بتوتر* : أسف أختي والله أسف ..وتطمني الدكتور عبدالله جاء وقع وطلع يقول عنده حالة ...

قاطعته اليازيه بفرح: يعني الدكتور عبدالله ..ماجاء اليوم؟

عبدالعزيز ببتسامه :جاء وستأذن

اليازيه ببتسامه:حلو ..مشكور حيل على هالرمسه الحلوه وأسفه على أسلوبي
عبدالعزيز بطبعه الحنون : لا عادي حصل خير أنا الي غلطان وطاحت قهوتي على ..

اليازيه قاطعته وهي عاجبها شكله : آآمم شو أسمك؟ تصدق مشبهه عليك وايد ؟

أبتسم وهو يحسها تكذب: أحم عبد العزيز بن مساعد

اليازيه بخاطرها –وايد حلو أسمه وهو كله حلو-
:احم معاك اليازيه ..بنت ..
قاطعها بهدوء : أستأذن أحين أختي
تفشلت اليازيه وبهدوء وهي تمسح على رقبتها : آآوكي ..
أبتسم لها ومشى ,,,وجلس وهو يفكر بأمه ..وأهله مشتاق لهم ماصار له أسبوعين من جاء الامارات وعلى طول فقدهم ..كيف بيتحمل سنوات !!
,,
هو يفكر وهي تطالعه وتبتسم وصورته وهو جالس من ورا
وتنهدت : عبدالعزيز ..بن مساعد ..!!

..
رجعت للواقع على صوت صديقتها روضه
:هييه وين رحتي؟ أنا أرمسج
تنهدت ببتسامه : راح بالي عند أول سنه لي بالجامعه ..ثاني أسبوع تحديدآ

روضه بضحكه :وآآآو وشنو وداج لبعيد قبل ثلاث سنوات مدري كم؟

اليازيه ببتسامه :ولا شي .. وبخاطرها –آآه آآه ياعبدالعزيز أكثر من مره أحاول أرمسك وأتعرف عليك ..لكنك تصدني ..ليش؟؟ أنا شو فيني؟ والله حبيته من شكله واسلوبه مع الشباب ..والبنات ..أحسه وايد محترم ..آه فديتك والله..ماراح تكون الا لي ..صدقني ..!!

.
.
.
ـــــــــــــــــ
تعريف بسيط :$

اليازيه : عمرها 22 سنه ..أماراتيه ..وعايشه بالامارات وتدرس فيهــا ..ماعندها أخوان ولا خوات..ماعندها الا أمها وأبوها الي مدلعينها ..لآنها ماجات الا بعد عناء وعلاج :$

..
روضه :صديقة اليازيه من الطفوله ..عمرها 22 سنه لكنها أكبر من اليازيه بشهر وأفهم وأعقل منها ..وطموحها بس تدرس وتشتغل ..لاتفكر بحب ولا زواج ~

..
عبدالعزيز : عمره 27 سنه ..سعودي ..حلمه من الصغر يكون دكتور ..وكان خاطره يسافر أمريكا لكن أمه ..الي هو ولدها الوحيد..ماسمحت له يطلع من الخليج ..فدرس في الامارات ..قلبه طيب وحنان الدنيا كلها فيه ~.~

... وبنتعرف عليه أكثر مع الاحداث 

..



نرجع للسعوديه ...تحديدآ الشرقيه ..في أحدى مدارس البنين
..
فصل أول –ثاني ..كان المدرس غايب وجالسين فاضين ..وفيه مدرس جالس أنتظار عليهم ..
..
يطالع ولد عمه وعيونه تدمع ببراءه: عمك ..نحيس !!

رفع حاجبه بستنكار: ليهه ؟

تنهد:أقوله أمبى سياره ومايرضى يشتري لي..هو ليش نحيس!!

كتم ضحكته : سؤال بس..تروكك أنت كم عمرك ؟

تركي يتأفف : أدري بتقولي نفس كلام أخوك): أن عمري 16 وأعتبر صغير ومدري شنو
بس والله أبي سياره !! أعرف أسوق انا !
خل يشتري لي !!

أبتسم وماعلق ..هفه تركي بالقلم
:اانت عندك سياره ليش أنا لا ؟ هاه؟

توسعت ابتسامته وبانت أسنونه
: أنا الوليد..ولوود..أخو الدكتور سطام..يعني طبيعي شدا يكون عندي سياره وو

قاطعه تركي بقهر :أسكت أسكت وأنا ولد الوزير !!..خلاص كل تبن!!

ضحك الوليد بقوه ..متناسي وجود الاستاذ
:هههههههههههههههههههههههههههههههههه ..شكلك تخقق وانت معصب

أبتسم تركي بقهر وماعلق :$


...

تعريف بسيط :$

..
تركي : عمره 16 سنه ..يدرس بأول ثنوي .. حساس ومتهور بقوه ..أبوه من الاغنياء المعروفين وحتى عمه معروف ..لكن تركي بالحيل متواضع والفقير والغني عنده شخص واحد :$
..
الوليد : عمره 17 سنه .. لكن تأخر مادخل المدرسه الا مع تركي ولد عمه ..وهم أخوان من الرضاعه.., واثق من نفسه حيل وفيه غرور مثل أخوه الدكتور سطام:$

..
.
.
.
.
$:$:$
في مدرسةة البنات الثانويه
..
اساعه تسع الصبح ..في مبنى أدبي

..
دخلت للمبنى وكالعاده ..كل البنات والبويات..التفتوا عليها وهي تحرك شعرها الطويل بغرور ..وشلون ماتغتر وأخوها قريب ويصير دكتور؟
وشلون ماتغتر وصديقة أمها المقربه ...مديرة المدرسه ...وأبوها المتوفي من كم شهر..كان دكتور جراحه ناجح :$

....

الهنـــــوف بنت مســاعــد

..

بنت ماشاء الله ..جميله ..وفاتنه بقوه ..شعرها دايم طويل ومستحيل تقصه ..عمرها 17 سنه ..في ثاني ثنوي علمي ..فيها ثقة نفس وثقل..خصوصا مع الناس الي علاقتها معاهم سطحيه ..لكن غرورها ..يخالطه ..احساس مرهف وطيبة قلب ..وخصوصا مع نجود و غيداء ..صديقاتها ..مقربات لها حيل من الرغم ان عيشتهم أقل من عيشتها..ولكنهم فعلا صديقات حقيقيات وصداقتهم لها حقيقيه..بزمن المصالح والفلوس :$

..
وكعادتهــا من يدق جرس الفسحه ..على طول تتوجه لمبنى أدبي ..عشان صديقاتها غيداء ونجود ..وكانت تتلفت ..فجاءه ماحست الا بلي سحبتها وهي تهمس
: آآآحح ممزززهه... وباست رقبتهــا بققوه ..
شهقت وبعدتهــا بحركه سريعه وعطتهــا ككف قوي

: ططرااااااااخخخخ

..
البنت شهقت ودمعت عيونها :هنوش ..شالعنف ؟؟

الهنوف طالعت البنت الي شعرها قصير بستغراب وأستنكار

: غدوش؟ متى قصيتي شعرك؟ وشمسويه بعمرك؟
وبعدين خير وشذا الحركه البايخخهه؟؟؟


..
غيداء أطلقت ضحكه قويه وحضنت الهنوف

:ههههههههههههههههههههههههه...اسفه يالحب ..والله ماكان قصدي أسوي هالحركه....بس فيه بويه زفته تحدتني ):

بس آآخخ *تحط يدها على خدها*
:كيفك يوجع يا هنوشه ):

الهنوف بهدوء :أسفه ..بس أنتي عارفه ماحب هالحركات

ابتسمت غيداء :ايوه عارفه ..بس شوفي البنات كيف يطالعونا ..ويتمسخرون على الكف الي اخذته منك ياقاسيه ):

الهنوف بلا مبالاه: ماعليك منهم ..كم بنت بويه ومايسترجون يقولون شي ..خبرك طويلة العمر ..تصير صديقة الوالده..عسى الله يحفظها لي

غيداء بهدوء وهي تمسك الهنوف من خصرها : أميييييين *تبوس خدها*

الهنوف تنرفزت وبعدتها:غدووش ..عاد كأنك مصختيها ..وين نجود؟

غيداء بضحكه وهي تحك رقبتها :اسفه والله..قاهرتني على هالجسم قسم ): نجود غايبه ):

الهنوف بخوف وأهتمام :لييه غايبه وشفيها؟
غيداء ترفع كتوفها بمعنى *مادري*

الهنوف هزت راسها ومسكت يد غيداء
: طيب تعالي نروح للمبنى حق علمي..بصراحه مبناكم ..يجيب الهم ..كله بويات وأعوذ بالله ..

غيداء بضحكه : انا أكره البويات وحركاتهم ..لكن هالقصه عاجبتني عشان كدا قصيت شعري

الهنوف تخزها وبقهر :واضحح والدليل الي صار من اشوي ..

*جلست على كرسي وجلست جنبها غيداء وهي تضحك*

الهنوف تكمل كلامها:غدوش حبيبتي ..أنا أعرفك حيل عاطفيه وتنجرفين ورا مشاعرك و وراء كل شي جميل..لكن تكفين !!
مابيك تمشين بطريق هالبويات والشاذات...أنا احين بسكت على حركتك..لكن لو شفتك مسويه شي ولا ماشيه مع بويه..صدقيني ..بقطع علاقتي فيك!

غيداء بشهقه وهي تحضن الهنوف: لالا والله قسم..بس استايل وقسم اني ماشسمه ..والله يا هنو ..أني ..

الهنوف بنصح :حبيبتي غدوش ...تكفين لا تنجرفين ورا هالمطرودات من رحمة الله ..وحاولي تظرهين أنوثتك ...انا عارفه أن الي ..

غيداء بشهقه :هنو تكفين ..خلاص والله انا اسفه ..والله اسفه ..بس تكفين لا تذكريني ب الماضي تكفين!!

الهنوف وهي تحضن غيداء وتكلمها بهمس وحب أخوه وصداقه

:خلاص طيب هدي غدوش ..بس تذكري أن اذا تبغين الصداقه تستمر ..لاتماشين بويات ولا تقولين كلماتهم ..كافي شعرك هالي قاصته..وقسم ماعرفتك!!
تكفين ..بكره تعالي وشعرك فيه ..مشقاص ..فيه شي يبرز انوثتك وجمالك و ..

غيداء بملل:طيب طيب هنو خلاص...شرايك بس تقولين للمديره تخلينا نطلع ونروح لنجود؟

الهنوف بضحكه : لا والله؟ تغيرين الموضوع يعني؟ خلاص بسكت مو متكلمه..بس ابيك تقطعين عهد قدامي وقدام الله..أنك ماراح تسوين فعايل البويات ولا ..!!

غيداء بهدوء: خلاص هنو ): ههوف..كلها عشان اني قلت جسمك حلو وبست رقبتك؟ والله خلاص مابكررها ): بس كنت ابي اشوف ردة فعلك ..واصلا قسم بالله شعري ..مو انا الي قاصته بنفسي والله ..هذه هذه ..*طاحت دموعها وشهقت*

-انصدمت الهنوف من دموع غيداء وبخاطرها :آآخخ اكيد زوجة ابوك الملعونه ..أستغفرالله بس –


...

تعريف بسيط :$

..

غيــداء : صديقة الهنوف من المتوسط .. عمرها 17 سنه تدرس بثاني ثنوي ..أدبي ~ ملامحه عاديه ..لكنها ماتهتم بمظهرها ولبسها..دايم تلبس بنطلون وبلوزه .." مو بـــــويه " لكن لبسها كأنها بويه ..خصوصا وشعرها قصير ...وتحب تتغزل في الهنوف ونجود صديقاتها ..بس عشان تحرجهم وتنرفزهم ..متهوره حيل ..وعلى طول تقبل التحديات ..ودايم هواش مع زوجة أبوها ~

..
وبنتعرف عليهم أكثر في البارتات الجايه 


$$$$$$$$

.
.
في أحدى المنازل ..ليست بالمترفه والفخمة كل الفخامه ..وليست بتلك المنازل التي تدل على الفقر وسوء الحال ..!!

...
منزل من الخارج جميل ..ومن الداخل ..أجمل ..بسبب الترتيب والتنسيق
وقلوب الاسرة المتحابة والمتقاربة من بعضها البعض

..
رجل مسن ..موظف في شريكه ..و زوجته ..وأبنائه

وأيضــا ..أخته الارملة المقعدة على كرسي وأبنائها,,الذين يسكنون في منزل خالهم
ولكنهم لايقبلون ..الفلوس والشفقه ..فقط ...النوم والاكل


..
تنهدت وهي تسكر جوالها n73 نوكيا
:يمه مايرد !!

أمها ودموعها بعينها : طالع من اساعه سبع وأحين أخذنا ساعتين أو ثلاث من طلع!
يعني وين راح ؟ هاه؟ انا من شفت هالكلام الي مكتوب
:مطلوب..شاب مسلم ..اعزب وعاقل ..مادري شنهو وانا كلش قلبي مو متطمن !
يعني شنهو هالشغل الي يتطلب هالمواصفات هاه ماتقولون لي؟

..
تنهدت وحضنت امها تهديها : يمه ..فهد مو جاهل :) صحيح هو أصغر مني..لكنه رجال وفاهم ..لاتخافين مو صاير شي!!

طالعت بنتها الكبيره وبشهقه : لايكون صابه حادث أو شي!!

..
دخلت على كلمتها ..زوجة أخوها وضربت على صدرها
:ام فهد منهو الي صابه حادث؟؟

أبتسمت على كلام زوجة خالها وتطمنها: لا تخافين ياخالتي ماحد صايرله حادث بس أمي توسوس وتحاتي فهد ..لان طلع من سبع ولا أتصل ..

قاطعتها زوجة خالها :ويييه ذكرتيني ..قليل الخاتمه ..محمدوه ولد خالك!
اشوفه ماتصل من يومين! ولا يسأل ولا شي

أبتسمت من طاريه وبهدوء: ماعليه خالتي يمكن مشغول بدراسته

قاطعتها:مشغوول بعيارته ..اهوه مسكي واتصلي عليه يا فاطمه

فاطمه بوزت وبدلع : خخالتي كم مره اقولك ..اسمي فطوم ..فطومه..توما !
مو فاطمه !!

زوجة خالها ترمي عليها المخده
:اهووه بلا دلع ومصاخه ..اسمك فاطمه وفطيم ..ويخب عليك

ضحكت فاطمه : طيب طيب ..ماعليه مقبوله منك ياعسل ..*صارت تدق رقم ولد خالها وابتسامتها مافارقت شفاتها *

..
تعريف بسيط :$
أم فهد : أرمله ومقعده على كرسي متحرك ..عندها ولدين وبنتين تحبهم وتخاف عليهم حتى من نسمة الهواء :$

..
فاطمه : عمرها 21 سنه ..خلصت ثالث ثنوي ..وبعدها مادخلت جامعه ..بسبب ظروف عيشتهم ومثل ماذكرت مايحبون الشفقه.. وماياخذون فلوس من خالهم نهائيا
على الله وعلى فهد الي كل حين بيشتغل شي عشان يوفر لخواته كل شي يحتاجونه بدون مايحسون بالذل والشفقه ~ لدرجة أنهم مايعرفون بالموضه ..ملابسهم حيل عاديه وبسيطه .. لكن أخلاقهم جميله ومنظرهم الخارجي ..لا بأس به ...وفاطمه تحب الطبخ والحلويات..وتقظي وقتها بالمطبخ والتلفاز والجلسه مع أمهــا :$

..
فهد : عمره 20 سنه ..قلبه طيب وحنون على خواته ..بسرعه يعصب وحساس أشوي .. لكنه بسرعه يروق ويضحك ..وعنييد حيل ومايرضى بالذل والشفقه
خلص ثاني ثنوي أدبي ,, وثالث ماكملهــا ..وطلع عشان يبحث عن الشغل
مايفكر بالحب والزواج نهائيآ

..
*عندهم أخو وأخت وبيتم التعريف فيهم وقت ظهورهم *


....

أم محمد : زوجة أخو بو فهد ..طيبه بالحيل ..وهي أصغر من أم فهد ..تحب تمزح وتضحك مع الصغير والكبير ..عندها ولدين وبنتين ..وبيتم التعريف فيهم وقت ظهورهم :$


.................................................. .....
يتبع :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-02-2014, 05:43 PM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


[size="5"]عنــد فهد ..في بيت الرجال الغني ..في المجلس الواسع الفخم ..الذي يدل على ترف صاحب المنزل ..وكيف لايصاب بالغرور والترف ..وهو أحدى الوزراء المهمين ..في المنطقة الشرقيه ..!!

..
عبـــدالعزيز بن راشد ..الراشد
" وزير من الوزراء ..الذين تعينوا حديثا .. وكل مايهتم به هو المظهر والمال فقط فقط فقط ..لديه أبن واحد ..ولا يقصر عليه من حيث المال ..ولكن من حيث الاهتمام ..لا يعلم عنه ..مات ..مرض ..فنقش *.*
وكأنه لايعلم ..بأنه روح أبنه ..أمانه وسوف يحاسب عليها يوما !!
وهاهو الان ..يقابل خامس شخص لكي يوكله بـ ...

..
عبدالعزيز يطالع فهد الي قدامه يتحدث بحترام وهدوء يتخلله الضيق
: تعلمت السواقه من ولد خالتي ..لكن ماعندي السياره .. أنا وخواتي وأخوي نسكن عند خالي ..لآن لآن بيتنا أحترق بعد ماتوفى الوالد بفتره ..

..
عبدالعزيز بصدمه :أبوك متوفي؟؟

فهد بحزن : أيه نعم ياعمي..لو كان أبوي عايش كان كملت تعليمي الثنوي ..

عبدالعزيز بهتمام : ماكملت تعليمك ؟ ليش ياولدي؟

فهد بخاطره –وشفيه ذا ؟ من عرف أسمي وصاير حنون ؟. هذا المغرور المتكبر الي من اشوي ؟؟-
: ايه ياعمي ..ماكملت تعليمي ..أختي الكبيره خلصت الثنوي لكن أنا طلعت من الثنوي ..وصرت أشتغل ..صحيح نعيش عند خالي ولو طلبنا شي ماراح يقصر معانا .. لكن انا وامي وخواتي..مانحب الشفقه ..ومانقبل الفلوس ..واذا كلش اخذت فلوس من خالي..اغسل سيارته واختي تغسل الماعين ..واختي الثانيه تطبخ ..على الاقل نحس ان حصلنا على فلوس ونحن نستحقها

عبدالعزيز بخاطره –ماشاء الله عليك يافهد مثل أبوك تركي بالضبط ماتحب الشفقه ..وكأني أشوف تركي واقف قدامي..فعلا من خلف ما مات –
: آآحم ..زين يافهد انا بقولك كلام ..وانت فكر فيه على راحتك وقبل كل شي أعتذرلك على أسلوبي معاك ..أصلا من اول ماشفتك..قلت أكيد هذا ولد تركي!
وعاملتك بسلوب مستفز عشان اشوف شلون ترد علي *توسعت ابتسامته وحضن فهد*

: فعلا ابوك عرف يربي..ونعم الولد والله ..قصدي رجال رجال *يضربه على ظهره ويضحك *
:هههههههههههههههه ..رايح أجيب لك شي تاكله وجاي لكك ..

طبعا فهد ..واقف متنح وعلامات أستفهام وتعجب على وجهه
؟!؟!؟!؟!



و بعد مرور ساعتين..من الكلام المتواصل بين فهد وعبدالعزيز الوزير
..
طلع فهد من البيت وعبدالعزيز يوصيه على نفسه ..ويقوله فكر زين ..ومن هالكلام ..وفهد بس ساكت ويفكر راكب دراجته ومو مستوعب كمية هالكلام الي سمعه من هالوزير !!


....

وفي المدرسه الثانويه للبنات

..
فصل أولى –أولى

..
كانت المعلمه غايبه ..وهم جالسين فاضين

وحده من البنات ..ألتفت لـ أجمل صوت غنائي عندهم في الفصل

وبدلع : فيفو حبيبي

طالعت البنت بقرف :أسمي فجر ! وشبغيتي ؟ يالمايعه؟

البنت سكتت ماقدرت ترد,,مو لآن فجر بنت وزير ولا واحد مشهور !

الثنتين يشتغل أبوهم في شركه ..لكن الفرق أن ..أبوفجر ..يدير قسم كامل بالشركه..وأبو هالبنت ..مجرد مستخدم بهالشركه !!

..
تنهدت البنت وبهمس :أسفه فجر ..والله أسفه ..بس كنت أبي أطلب منك تغنين لنا بس

*حركت فجر شعرها الطويل بغرور *
:أوك بنات ..راح أغني وأبي وحده تطبل ..وانا بغني وارقص ..أوك؟

صفروا البنات
:وآآآآوووووووو ..اوووكككيي

..
أبتسمت فجر بثقه ومسكت قارورة الماء كأنها ..مايك

: أحم أحم

*بنت تستعد لتطبيل *

فجر بدلع

: حطيتك في بالي وأشغلت بك حالي
إلين أنا أصبح في قلبك الغالي
مهما تصد عني ولا تبعدني
وراك أنا والله ما لك مفر مني
تذكرني تنساني تلقاني تلقاني

.
.

-البنات مندمجين ويصفقون وقطع عليهم أندماجهم الباب الي انفتح بقوه

نقزوا وجلسوا مكانهم ..-

فجر بقرف : ويييهه ..ذوول أنتوا ؟ قطيعه وشتبغون؟

الهنوف برفعة حاجب : مو جاين نكلمك حبا فيك!!
أنا وغدوشي ..عندنا سؤال وبعدها بنطلع !

فجر وهي تناظر أظافرها الاطوال وبملل
:ايووه..وشعندكم؟

غيداء بهمس : أحيهه مزه *.*

الهنوف تخز غيداء ..وغيداء ابتسمت ببراءه

: ان الله جميل يحب الجمال..انا ماقصد شي! خلقت الله بعد ):

الهنوف بيأس: فجر..بختصار نجود بنت عمتك ..ليش ماجات المدرسه اليوم؟ يوم الخميس كانت مستأذنه من المدرسه! واليوم الاحد وغايبه..عسى ماشر؟

فجر بقرف: ويعع وانا وشدراني عنها بنت الفقر..تلاقين جايه لها الدوره وغابت ..عياره بس *تحرك شعرها بدلع*
:وبعدين انا مايشرفني أن ..هال ..

الهنوف سحبت غيداء وببرود

: خلاص أنتهت المحادثه !!

-طلعوا من الفصل وخلوا الباب مفتوح وغدوش تتحلطم –
: مالت عليها هالحيوانه الحماره ..الحلوه..الخقه المزه ..

الهنوف غصب عنها ضحكت :أنتي أحين تسبينها؟ ولا تتغزلين فيها..ابي افهم بس؟

غيداء بقهر : لااا يعني هي جميله ولكن حيوانه ..فأنا مقهوره..وتبغين الصراحه أجمل من نجود !
الهنوف بهدوء : الجمال مو كل شي..أهم شي الاخلاق

غيداء تهز راسها:ايه ايه صادقه..الاخلاق..ثم الجمال والمال


.......

تعريف بسيط

..
فجــر : بنت مراهقه عمرها 16 سنه بأول ثنوي ..مثل ما ذكرت أبوها ..يدير قسم بأحدى الشركات ,, مغتره حيل بأفلوس أبوها..وأهم شي عندها الفلوس والجمال..شعرها طويل ..وصابغته أشقر ,,ودايم تلبس عدسات ..وماحد يسترجى يقولها شي ..لآنها بختصار ..دلوعة عمها ..المذيع المشهور ..صوتها جميل وحلمها تصير مغنيه 

..
$$
وفــي أحدى عيادات الاسنان
$$

جــالس فاضي وماعنده شغل ..فجاءه طرا على باله ..صديقه وحبيبه وكل شي بحياته ,, طلع جواله وأتصل له ..رن مره ..مرتين ثلاث..لايوجد أي رد
تأفف وسكره ..وكلها ثواني ورن جواله..رد بدون مايطالع الرد
: نعم ! وشتبي؟

سمع ضحكته : أنت الي متصل مو انا..وانا كنت أسوق..عشان كدا ماعرفت أرد

رفع حاجبه :أحلف بقوه؟ وليش من ثلاث أيام مو متصل؟ كذا يعني يطاوعك قلبك يالقاسي!

أبتسم بهدوء : أسف قلبي ..حقك علي ياروحي ..والله غصب عني حبيبي ..هالايام ماتدري كيف

قاطعه بقهر :محمد بلا حجج وكلام فاضي !!

محمد بهمس : والله ..ما أتحجج ..وأقسم بأيات ربي أن ..آآءء سطام سطام يا روح محمد أنت..مضطر أسكر..سلام *سكر بوجهه*

عصب سطام..ورمى الجوال بقوه ..وتكسر قطعه قطعه

: مالت عليك وعلى الي فكر يتصلك !!

&&

الدكتور سطام : دكتور أسنان ..عمره 25 سنه .. واثق من نفسه حيل وفيه غرور مو طبيعي..طبعا هذا قدام الناس ! لكن قدام نفسه ..ومحمد صديقه ..تطلع طيبته وحساسيته ..فيه برود مو طبيعي ..لكن قدام نفسه وقدام محمد..تطلع عصبيته ..وماحد يعرف يروقه الا محمد وبس:$
وطبعا بنتعرف عليه أكثر مع الاحداث 


....
فــــي الامـــــارات ...
..
كعادته من يخلص المحاضره..يروح عند البحر ..وكان يكلم صديقه روحه سطام ..الي مايربطهم الدم ..لكن ربطتهم العشره والسنوات ..أصغر منه بسنه ..لكن علاقتهم حيل قويه..وعمر الصداقه والحب..ما نبنوا على العمر ..

..
سمع شهقه من خلفه ..وميز شهقتها بين كل ملاين الشهقات
وكيف مايمز صوت شهقتها ..وهي الي اكثر من مره بكت وشهقت عنده
وماتهدى لين يكلمهــا

..
العنــــوود

..

-حاطه يدها على فمها وتشهق وهي مصدومه من الكلام الي سمعته-

*أسف قلبي..عمري ..روحي..حبيبي *

-نزلت دموعها وهزت راسها بـ لا -

: هه محمد انت كذا ؟ محمد انت تخوني؟

طالعها محمد وهو مصدوم من دموعها وقرب منها بتردد
: لا عنود حبيبتي انا ..

قاطعته بصرخخه: لالالا تقوول انا و ما أنا !! مين روحك ومين قلبك؟؟ مستحيل هالكلام بتقول لآختك ولا ..

قاطعها بصرخه: العنووود .. أنا محمد تشكين فيني؟؟

دموعها تنزل: اشك فيك وليش لا؟ هه كم لنا نعرف بعض؟ هاه؟ ماعرفتك الا من كل شهر ..ممادري كيف حبيتك وكيف وثقت فيك؟ والله مدري

محمد بعصبيه :العنووووود ..انا كنت ناوي ابررلك واقولك مين انا اكلم!
لكن دام هذا اسلوبك..الي بينا انتهى خلاص..بما ان ماعندك ثقه فيني!!

..
العنود شهقت بقوه..ولاشعوريا حضنته
: محمد لالا محمد والله انا انا ..*تصيحح بققوه*

-تجمد محمد بمكانه وماعرف شيسوي ..غير ان يحضنها ويهمس-
: عنود قلبي..خلاص مسحي دموعك..وترى والله كنت أكلم سطام..كلمتك عنه من قبل!
*مسحت دموعها ببراءه*

:ليه أجل تقوله هالكلام؟

أبتسم محمد وبهمس ساحر:شسوي من حبيتك وانا صاير بس أتغزل ب الناس 

العنود نزلت راسها وبرتباك : آآءء فديتك ..ممحمد انا بقولك شي!!

محمد ببتسامه:قولي يا روحه ؟

العنود بتردد : انا انا ...امم ..محمد انا ..انا *نزلت دموعها وشهقت *

-محمد يطالعها مو فاهم شي-

: روحي شفيكك؟؟

العنود مسحت دموعها وبهمس
:ولاشي..خلاص أنسى !!
وأسفه ماكان لازم احضنك..وانا وانت مابينا أي شي!
انا جد أسفه ..الله يسامحني ويغفرلي..لابسه الحجاب وساتره جسمي وايديني..وهه احين احضنك..الله يسامحني ..الله يغفرلي..آآول مره واخر مره

وأصلا غيرتي عليك ..مالها داعي ..هه ب النهايه ..انا *نزلت دموعها وعطته ظهرها *

: انا مذهبي غير وانت غييير ,,,
!!!!!


-مشت عنه وهي تركض و حاسه انها اشوي وبتموت ماتدري كيف قدرت تقول هالكلام ..وماتدري كيف بتعيش بدون محمد ..كانت صدمتها كبيره ..يوم مره سمعته يفتخر بمذهبه ..الي هو غير مذهبها !!
وكانت حيل متردده كيف بتقوله هالكلام ..وهي تحبه وهي واثقه من حبه لها !!


..

أمــا ..محمد ..واقف مصدوم ..وكأنه محتاج لكف قوي يصحيه

وكلامها يتردد في باله مثل الصدا

(انا مذهبي غير وانت غييير ,,,
!!!!!

وأصلا غيرتي عليك ..مالها داعي



انا مذهبي غير وانت غييير ,,,
!!!! )


...
وكلام سطام الي قبل أسبوع يتردد في أذنه


( كيف تحب وحده ..وأنت ماتعرف عنها شي ؟؟
كيف تحب وحده ..وأنت ماتعرف عنها شي ؟؟
كيف تحب وحده ..وأنت ماتعرف عنها شي ؟؟ )


..

صرخ محمد بققوه
: لاآآآآآآآآآآآآآآآآآآ ..اححححححححححبك العنووووود وأنتي لي وانا لككك !!!!!

ملاحظه : المذهب هو ..شيعي ..سني ..ونحن عندنا مستحيل يتزوجون من بعض:$


...........

أنتهى البارت الاول
توقعاتكم؟؟!
شبيصير على محمد والعنود ؟؟
وغيداء هل مجرد أستايل ؟ ولا بتنظم للبويات؟

فجر .. نجود؟

فهد .. شنهو الموضوع الي كلمه فيه الوزير؟؟!
توقعاتكم للشخصيات الباقيه؟


..
أكمل ولا أوقف ؟

فهد بن تركي :$
[/size
]

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-02-2014, 05:48 PM
صورة مافي زي2 الرمزية
مافي زي2 مافي زي2 غير متصل
©؛°¨غرامي مجتهد¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


اممممممم
اولا اتشرف اني اول وحدة ترد

ثاني شي
حلو كمل

بس مستغربة ولد يكتب روااية


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-02-2014, 05:52 PM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


انا جيت

ولي رد بعد القراءه

قرءة نص البارت ما ابي احد يسبقني احجز مكانه هههههه

ثواني وراجعه لك ب التوقعات الخطيره


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-02-2014, 06:00 PM
صورة s5s5 الرمزية
s5s5 s5s5 غير متصل
©؛°¨غرامي مجتهد¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


السلام عليكم ..
ي هلا بولد تركي
لي فترهه ما دخلت دا القسم الا لروايتي اول ما دخلت شفت روايتك ع طول دخلت ..
خخسااررهه الروايه الي قابلها كانت جدا جممميلهه ..
الروايه دي ججميلهه للحين ما عرفت فكرتها لكن واضح من البدايه انها حماس ..
الي عجبني انك ما عتمدت فئه محدهه حطيت الفقيرمع الغني ..
دا الغني بلاء فشكله يستاهل فهد طير الجبهه
مدري احس ان شخصية فهد في الروايه هي انت الحقيقي

توقعاتكم؟؟!
شبيصير على محمد والعنود ؟؟
مدريما خطر في بالي ابدا
وغيداء هل مجرد أستايل ؟ ولا بتنظم للبويات؟
لاء اتوقع تصير بويه لكن بتصير لها احداث و ترجع
فجر .. نجود؟
الصراحه مقدر احم علليهم من اول بارت
فهد .. شنهو الموضوع الي كلمه فيه الوزير؟؟!
يمككن يبا منه مساعده اويهدده بشي !
..
أكمل ولا أوقف ؟

ااء ططبععا كمل انت كاتب مشاء الله من اول بارت حمستني اكمل ..
ونصيحه من اخت مهم حصل لك النقد لا توقف كمل مدام انت واثق ..
ان شاء الله راح تثبت نفسك بروايتك ..
ننتضرك ي ججمميل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-02-2014, 06:06 PM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$




توقعاتكم؟؟!
شبيصير على محمد والعنود ؟؟
وش بيصير اتوقع ان العنود رح تحاول تغير مذهبها من شان محمد
وغيداء هل مجرد أستايل ؟ ولا بتنظم للبويات؟
وع اكره ها النوع من البنات

من حركاتها واسلوبها اكيد من البويات من تفكيرها الزباله بتسوي بلوه

فجر .. نجود؟؟؟؟؟؟؟؟؟؟؟؟؟؟؟؟

فهد .. شنهو الموضوع الي كلمه فيه الوزير؟؟!
يمكن يبيه يراقب احد

توقعاتكم للشخصيات الباقيه؟


..
أكمل ولا أوقف ؟

كمل اكيد وب انتظار الجاي

ملاحظه:اخترت ها اللون من شان ازعجك فقط





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-02-2014, 06:36 PM
صورة مافي زي2 الرمزية
مافي زي2 مافي زي2 غير متصل
©؛°¨غرامي مجتهد¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


التوقعاات

شبيصير على محمد والعنود ؟؟
اممم اتوقع تسوي المستحيل عشاانة وتغير مذهبها

وغيداء هل مجرد أستايل ؟ ولا بتنظم للبويات؟
اتوقع تنظم بس بعدين ترجع لعقلها

فجر .. نجود؟
مدري ؟

فهد .. شنهو الموضوع الي كلمه فيه الوزير؟؟!
احس انت نفسة اللي بالروااية
يمكن يشتغل عندة او يسااعدة بشي




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-02-2014, 06:59 PM
صورة مس ميلانو الرمزية
مس ميلانو مس ميلانو غير متصل
©؛°¨غرامي متألق ¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


موفق اخوي بداية اكثر من رائعه استمر
اعجبني وصفك للشخصيات منطقيه كثير وتسلل جميل
وطلب صغير لاهنت خل الخط وحجمه مثل اول بارت احلى
دمت بود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-02-2014, 07:42 PM
صورة سكريترة ابليس الرمزية
سكريترة ابليس سكريترة ابليس غير متصل
©؛°¨غرامي فعال ¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


روييييتك خطيييييييره
حمستنيي من البارت الأول
توقعتي شبيصير ع محمد والعنود!؟!
يمكن تغيير مذهبها عشنووو
وغيداء هل مجرد ستايل؟ ولا بتنظيم لبويات!!
من طريقة كلمها يمكنن نتظم((( يع أنا أكره هلنوع من البنات
فجر نجود؟!!
لا تعلييييق و
فهد وش الموضوع يلي كلمه الوزير فيه؟؟
والله مدري
أكمل ولا أوقف؟؟؟
اكييييد كمل مووووو تحمسنا وبعديين توقف

بس سؤال يعني فهد يلي برواية هوووا نت





بنتظرك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-02-2014, 10:58 PM
صورة ملك الأحساس..! الرمزية
ملك الأحساس..! ملك الأحساس..! غير متصل
©؛°¨غرامي مشارك¨°؛©
 
الافتراضي رد: رواية : هذهہ الححيااهہ بالمختصر ضضحكہ و المم ♡~بقلمي:$


اقتباس:
المشاركة الأساسية كتبها محبة المجتمع مشاهدة المشاركة
اممممممم
اولا اتشرف اني اول وحدة ترد

ثاني شي
حلو كمل

بس مستغربة ولد يكتب روااية
أنا الي أتشرف بوجودك بروايتي
عادي قريت أكثر من روايه لآولاد:)
ولا ننسى..شكسبير كاتب روايات :$


اقتباس:
المشاركة الأساسية كتبها همـــــــــــي ودنــيتي مشاهدة المشاركة
انا جيت

ولي رد بعد القراءه

قرءة نص البارت ما ابي احد يسبقني احجز مكانه هههههه

ثواني وراجعه لك ب التوقعات الخطيره
أسعدني وجودك ..وان شاء الله تنال على عجابك مثل الاولى:$
اقتباس:
المشاركة الأساسية كتبها s5so5tk.k مشاهدة المشاركة
السلام عليكم ..
ي هلا بولد تركي
لي فترهه ما دخلت دا القسم الا لروايتي اول ما دخلت شفت روايتك ع طول دخلت ..
خخسااررهه الروايه الي قابلها كانت جدا جممميلهه ..
الروايه دي ججميلهه للحين ما عرفت فكرتها لكن واضح من البدايه انها حماس ..
الي عجبني انك ما عتمدت فئه محدهه حطيت الفقيرمع الغني ..
دا الغني بلاء فشكله يستاهل فهد طير الجبهه
مدري احس ان شخصية فهد في الروايه هي انت الحقيقي

توقعاتكم؟؟!
شبيصير على محمد والعنود ؟؟
مدريما خطر في بالي ابدا
وغيداء هل مجرد أستايل ؟ ولا بتنظم للبويات؟
لاء اتوقع تصير بويه لكن بتصير لها احداث و ترجع
فجر .. نجود؟
الصراحه مقدر احم علليهم من اول بارت
فهد .. شنهو الموضوع الي كلمه فيه الوزير؟؟!
يمككن يبا منه مساعده اويهدده بشي !
..
أكمل ولا أوقف ؟

ااء ططبععا كمل انت كاتب مشاء الله من اول بارت حمستني اكمل ..
ونصيحه من اخت مهم حصل لك النقد لا توقف كمل مدام انت واثق ..
ان شاء الله راح تثبت نفسك بروايتك ..
ننتضرك ي ججمميل
هــلا بك زود ..أسعدتيني بردك والله ..وان شاء الله راح أكمل الروايه
دامكم واقفين معاي..ان شاء الله ما راح أسحب عليكم
ومتابعتكم لي..شرف لي والله :$

اقتباس:
المشاركة الأساسية كتبها همـــــــــــي ودنــيتي مشاهدة المشاركة


توقعاتكم؟؟!
شبيصير على محمد والعنود ؟؟
وش بيصير اتوقع ان العنود رح تحاول تغير مذهبها من شان محمد
وغيداء هل مجرد أستايل ؟ ولا بتنظم للبويات؟
وع اكره ها النوع من البنات

من حركاتها واسلوبها اكيد من البويات من تفكيرها الزباله بتسوي بلوه

فجر .. نجود؟؟؟؟؟؟؟؟؟؟؟؟؟؟؟؟

فهد .. شنهو الموضوع الي كلمه فيه الوزير؟؟!
يمكن يبيه يراقب احد

توقعاتكم للشخصيات الباقيه؟


..
أكمل ولا أوقف ؟

كمل اكيد وب انتظار الجاي

ملاحظه:اخترت ها اللون من شان ازعجك فقط



ههههههههههههههههههههههههههههههه ..أشكرك على التوقعات أختي
وب النسبه للون عادي مايزعج..وشكلي بسوي مثل ما قال وليدوو
البارت الجاي بكتبه بلون اصفر ..هههههههههههه

اقتباس:
المشاركة الأساسية كتبها محبة المجتمع مشاهدة المشاركة
التوقعاات

شبيصير على محمد والعنود ؟؟
اممم اتوقع تسوي المستحيل عشاانة وتغير مذهبها

وغيداء هل مجرد أستايل ؟ ولا بتنظم للبويات؟
اتوقع تنظم بس بعدين ترجع لعقلها

فجر .. نجود؟
مدري ؟

فهد .. شنهو الموضوع الي كلمه فيه الوزير؟؟!
احس انت نفسة اللي بالروااية
يمكن يشتغل عندة او يسااعدة بشي


مشكــوره أختي على ردك ..وان شاء الله تكون توقعاتك صحيحه
لا والله..الروايه بعيده كل البعد عن واقعي:)


اقتباس:
المشاركة الأساسية كتبها مس ميلانو مشاهدة المشاركة
موفق اخوي بداية اكثر من رائعه استمر
اعجبني وصفك للشخصيات منطقيه كثير وتسلل جميل
وطلب صغير لاهنت خل الخط وحجمه مثل اول بارت احلى
دمت بود
مشكوره على ردك..يوفق الجميع يارب..ان شاء الله من عيوني:$
اقتباس:
المشاركة الأساسية كتبها يلي عنده غرام وش يبي اكتر مشاهدة المشاركة
روييييتك خطيييييييره
حمستنيي من البارت الأول
توقعتي شبيصير ع محمد والعنود!؟!
يمكن تغيير مذهبها عشنووو
وغيداء هل مجرد ستايل؟ ولا بتنظيم لبويات!!
من طريقة كلمها يمكنن نتظم((( يع أنا أكره هلنوع من البنات
فجر نجود؟!!
لا تعلييييق و
فهد وش الموضوع يلي كلمه الوزير فيه؟؟
والله مدري
أكمل ولا أوقف؟؟؟
اكييييد كمل مووووو تحمسنا وبعديين توقف

بس سؤال يعني فهد يلي برواية هوووا نت


بنتظرك

..
أشكركم جميعــا على حماسكم و ردودكم
ولا والله..هالروايه ماتمد لواقعي بأي صله :)
وان شاء الله ..يوم ولا يومين وينزل البارت الثاني
ونزلتها ب الاسك هنا
.... | ask.fm/fawth

الي عنده حساب ب الاسك ...أتمنى يدخل ويحط لايكات
وشكرآ مره الثانيه

أخوكم :فهد بن تركي:$


رواية هذه الحياة بالمختصر ضحكة و الم /بقلمي

الوسوم
♡~بقلمي:$ , الأم , الححيااهہ , بالمختصر , رواية , هذهہ , ضضحكہ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33401 الأمس 10:29 PM
مني لكم و بدون استثناء انفاس الانيـن مواضيع عامة - غرام 5 15-02-2015 11:34 PM
علمتني الحياة ان الحب نسيت انساكـ. مواضيع عامة - غرام 46 23-12-2011 05:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM

الساعة الآن +3: 10:03 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1