غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-02-2014, 06:50 PM
Vodka. Vodka. غير متصل
©؛°¨غرامي جديد¨°؛©
 
الافتراضي وَيوم رقصوا على قبري ..


.. 1 ..

أمام المرآة .. تقف ترى وجهها وتتلمسه بأطراف أصابعها .. شدّت على شعرها وهي تفكر
" هممم ليه أنا قبيحة ! .. ماني حلوة زي باقي البنات .. عالمي مافيه أحد بسبب قبحي .. أكره حالي ! مقرفة يا انا .. مقرفة "
سمعت صوت الباب : بسم الله .. ايه تفضل ؟
تدخل زوجة أبوها : هالة ! انتي لسى ماجهزتي !
هالة : وش تبين ؟ خير جاية لي هنا ب شرك !
زوجة أبوها " مرام " : أبغى أسألك .. بتاكلين معنا ولا تبغين الاكل بغرفتك ..
اممم آكل معكم .. فكرة لا بأس بها .. على الاقل أغيّر روتيني الملل : ايوا باكل معكم ونازلة بعد شوي ..
دخلت هالة الحمام أخذت شور سريع .. ولبست قميص أبيض وبنطلون زيتي وكعب صغير أبيض ..
بالاضافة الى مكياج صباحي خفيف ..
نزلت بسرعة .. وهي تفكر ..
" أمممم منجد انا غريبة ! زوجة أبوي طيبة وما طلع منها أي شي عشان أكرهها .. بس انا مو قادرة اتقبلها !
مع انه مالها دخل أبد بسالفة طلق امي وابوي .. بس المحبة من الله بعد ..
كارهتها بشكل والبنت مو مقصرة معي .. ودايم تدافع عني .. أكره كرهي لها .. "
هالة : بنت برونزية .. عيونها بنية .. شعرها لين كتوفها .. انفها سلة سيف .. شفايفها صغيرة وردية باهته ..
طيبة .. فيها غرور بس بسيط .. تكره ابوها وكانت متعلقه بأمها بشكل .. لكن أبوها
اخذها من أمها غصب .. ومن يومها وهي ماتعرف أي خبر عنها .. وساكنين بالامارات ..
لأن شغل ابوها وشركاته معظمها هناك ..
اخذنا نبذة بسيطة عن هالة ^_^ ..

في مكان أبعد شوي ...

...: انتي هيييه منو سمح لج تاخذين تيشيرتي !
...: شنو تيشيرتج ! من وين تطلعين كلام انتي .. يبا هذا تيشيرتي !
...: اقولج تيشيرتي .. ييبيه ! ييبييييه !
تدخل عليهم المشرفة : شنو خير شصاير !
بصوت واحد : ماخذة تيشيرتي !
المشرفة : جلنار .. مشاعل .. قولي هذا تيشيرت منو ؟
جلنار ومشاعل بصوت واحد : تيشيرتي ..
المشرفة : زين يمكن تيشيرت وحدة منكم بالغسيل ..
مشاعل : تيشيرتها اللي بالغسيل !
جلنار تمسكها من اذنها : لا تجذبين لا تجذبين .. ماتستحين على ويهج .. لعنبوج شكبرج وتجذبين
مشاعل : آي آي وخري عني الله ياخذج ..
جلنار تضغط على اذن مشاعل أكثر : ماني موخرة الا اذا اعترفتي ان هذا تيشيرتي
مشاعل : بأحلامج .. بأحلامج .. والله تيشيرتي أقووولج
جلنار تدفها بخفيف : جذي عيل ؟ ماشي ..
طلعت جلنار .. ومشاعل اخذت التيشيرت بفرح ..

نطلع من " دار الايتام " ونروح (( بريطانيا )) ....

...: فهوووووود !
فهد : هلا راكان .. شتبي ؟
راكان : شفيك انت ينيت ينيت ! باقي ساعة عن الطيّارة وانت قاعد لا شغل ولا مشغلة ..
قوم جهز أغراضك ! .. لا يكون تبي تفوتنا الطيّارة .. يبا مو مستعدين نخيس هني عشان حضرة
جنابك مو قايم تجهز أغراضك !
فهد : خلاص يبا كليتني .. يلا قمت ..
جهزو الاغراض وراحو المطار .. وصلو ارض الامارات .. راكان ياخذ نفس عميق : آآه اشتقت
لهالأرض .. لهالهوا .. لكل شي فيها .. ي حلوها الامارات ..
فهد يضربه على راسه : اللي يقول انت عشت حياتك كلها في بريطانيا .. كلها شهر وردينا ..
راكان : الا اقول شنو نروح الجامعة ولا نظل ؟
فهد : ي بووووي .. تونا رادين شنو نروح الجامعة .. لهالدرجة مستعد تشقق الكتب من الدراسة ..
له له له ما عرفتك ..
راكان : ايه شعبالك .. انا أقطع الكتب .. أحفظهم حفظ .. بس انت الله يهداك ماتعرف ..
فهد : ايه واضح ..
راكاان : غصب عنك واضح ..
نرجع لمكان قريب من فيلا هالة ..
...: جمااانة .. جماااانة يلا يا بنتي لا تتأخين على جامعتك ..
تنزل جمانة بستايلها الايمو المعتاد وبرودها وهدوئها اللي محد يتحمله ..
جمانة ببرود : بروح في تاكسي مشكورة ما أبي احد يوصلني .
طلعت جمانة ..
ام جمانة تتنهد : الله يهديها ويرد عقلها لها وتترك عنها الاشياء اللي تسويها ..
في الجامعة ..
تدخل بغرور وابتسامة صغيرة وتطالع البنات على انهم لا شي ..
تروح الكوفي وتطلب لها موكا بارد ..
تاخذ طلبها وتروح على طاولتها المعتادة .. تركب الهيدفون وتسمع موسيقى هادئة ..
وتفتح روايتها بعند المكان اللي وصلت له وتواصل فيها ..
سمعت بصوت قبضة تضرب طاولتها .. نزلت الهيدفون وتناظر بمعني خير ..
هند بابتسامه : هلا والله بالقاطعين .. شخبارج شمسوية ..
هالة تنزل عيونها على الرواية : من متى بيننا ميانة ؟ جم مرة أقولك بعدي عن طريقي ؟
ما اعرفك ولا تعرفيني من وين الميانة كلها ؟ روحي واتّقي شرّي أحسن لك !
هند تمسك قلبها : ي بوووي أمووووت على اللهجة السعودية
هالة : حركاتك الشاذة بعيدة عنّي رجاءً .. انتي ماتشوفين اننا بجامعة فيها أولاد !
كيف ماتلبسي شي ! اقصد الطرحة والعباية
هند تضحك : يا حلوة انتي .. انا بوية ! مسترجلة ! كيف تبين أللبس هذا اللي تقولين عنه
هالة بسخرية : وانتي مصدقة انك ولد ؟ .. يا عمي انتي بنت بنت ! حالك من حالنا ! حلي عني يا اختي ..
هند تطالع ساعتها : عندي محاضرة .. لنا لقاء ثاني يا حلوو .. تشاااو
هالة بقرف : يع أشكال مقرفة !
في نفس الكوفي .. يدخلون وهم يمسخرون البنات والصبيان .. ماعندهم شغلة غير .. يروحون لطاولة
قروبهم وهم ميتين ضحك .. يوقفون ربعهم ويحضنونهم ويسلمون عليهم ويتحمدون لهم السلامة ..
راكان : فاتكم فاااتكم وربي شي خياليييي خيالييييي ..
فيصل : ايه قول لنا .. خليناا نضحك وياك !
فهد بضحك : الخبل يمشي ويمسخر في البنات .. ياخي وربي شي ضحك ! .. كل واحدة ذابحة ويهها
من المكياج .. تقول يايين عرس مو جامعة .. وراكان الله يهداه بس مايسكت .. رايح وجاي تمسخر فيهم ..
تركي : وانتو وش لكم فيهم .. خلوهم مالنا خلق مشاكل من بداية السنة هذي .. انا بس اقول الله يعدي هالسنة
على خير .. وما تسوون فعايلكم السنة الي طافت ..
راكان يطالعه بنص عين : وانت شكو .. شكوووو .. ياخي دامك خوّاف لا تجي .. خلك بعيد عننا ..
فهد : اي والله صاج رفيجي .. قالّك خلّك بعيد يعني خلّك بعيد لا تخرب وناستنا عشان راحتك
تركي : ما قلت شي ما قلت شي كليتوني ..
فيصل يشهق : شف شف اكا وصلت هذي الايمو ..
راكان يصارخ : هي انتي يا الايمو .. جمانوووو تعالي ..
جمانة تطنشهم وتروح تطلب لها ..
فهد يفتح عيونه : شف طنشتك ! هذي تطنشك وتطيّح برستيجك جدام الخلق ! لا تسكت لا تسكت
راكان : لا أفا مو انا اللي أسكت شوف وش بسوي ..
جمانة تاخذ الكاباتشينو وتلف بتروح تققعد على طاولة ..
يجي راكان من جنبها بسرعة ويصدم كتفها بقوة وتطيح ويطيح عليها الكابتشينو ..
الكوفي صار ازعاج من الضحك والبعض خايف لأن ستايلها يخوّف .. وويهها يخوّف أكثر من السواد اللي فيه ..
السواد اللي مايبين ملامحها الجميلة والجذّابة ..
وقفت جمانة بهدوء وطلبت لها كابتشينو ثاني وراحت قعدت على طاولة بعيد عن الطاولات .. منعزلة تقريباً ..
جلنار ومشاعل يدخلون بدفاشة ..
مشاعل بصوت عالي : شنو هذا الكوفي فيه أشكال غلط ..
جلنار بصوت عالي مثل صوت مشاعل : اي والله أشكال تجيب المرض ..
راكان : هيي انتي يعني شكلك اللي مايجيب المرض ؟ شنو ع بالج داشة عرس صوتج لي آخر الشارع انتي وياها ..
مشاعل بصراخ : وانت شكووو .. فهمني شكوو .. بس هذا انت من اللعام لي الحين وتهذر على راسنا ..
كل قرقرقرقر .. حاط دوبك ودوبنا ! .. يا عمي طير ذبحتنا ..
فهد : يما من لسانها هذي .. لسانها اطول منها .. هي نتفه ولسانها لي نهاية الجامعة ..
مشاعل : والله عاد كيفي ..
جلنار تهمس لمشاعل : اقول ترى مشينا عن البنات احنا .. اخاف يكفخونا ..
مشاعل : آآه واخيراً الجامعة والحريّة والاستهبال ..
جلنار : مشااعل ! قاعده اقولج أخاف يكفخونا تقولين لي حرية واستهبال!
مشاعل : طيري طيري ي الخوّافة .. خليني اروح عند جمانة ..
جلنار : لا يممما .. شنو تروحين عندها ! انتي شايفها شكلها !
مشاعل : وانتي وش يخصج ؟ تبين تيين تعالي ماتبين بالطقاق ..
جلنار تمسكها : مشاعل ! انتي ينيتي على الآخر ! شتبين بجمانة ! تعالي يا قلبي خلينا بحالنا وهي بحالها !
مشاعل : انا أبي اتعرف عليها ! مزاجي وكيفي .. والحين وش ؟ بتيين معي ولا شلون ؟
لفت مشاعل بتروح جلنار مسكت راسها بقوة وصرخت صرخة صغيرة ولحقت بمشاعل ..
على طاولة جمانة ..
كانت تسمع أغاني روك ومعليّة على الصوت كله .. وتناظر الرايح والراد ببرود ..
قعدت مشاعل على واحد من كراسي الطاولة .. ناظرتها جمانة بمعنى خير ..
مشاعل مدّت يدها : انا .. ا أنا مشاعل ..
جمانة اتكأت على الطاولة بكوعينها وهي للحين تطالع مشاعل بجمود ..
مشاعل بلعت ريجها اللي حسته نشف وتضحك بخوف : شفيج تطالعيني جذي ..
جمانة ببحة : انتي وش تبين توصلين له بالضبط ؟
مشاعل : ولا شي .. بس حبيت اتعرف عليج ..
جمانة تلف ويهها عن مشاعل : مشكورة مابي تتعرفين علي ولا أتعرف عليج .. شي ثاني ؟
مشاعل : اممممم .. ايه !
.......
راكات : فهووووود لا يفوتك ! طويلة اللسان قاعدة مع الايمو
فهد : وينهم وينهم وينهم
راكان يأشر عليهم : شووووف ..
فهد : تعال نخرّب عليهم !
راكان يسحبه من اذنه : لاا بنروح نشوف باقي القروب وين طسو
فهد : آي آي .. زين هدني وويعه ..
راكان يهده ويأشر بيده : ويعه تويعك
.....
وقفت هالة وهي للحين منقرفة من هند ..
وهي تقول بداخلها " يع وش تبي ذي مني .. وين ما اروح اشوفها بوجهي .. قاعده على قلبي ولا كيف !! "
راحت تتمشى ..
راكان وفهد يشوفونها وهي تبتعد ..
فهد : اخيييييه منو هذي !
راكان : اي هذي هالة .. شنو أول مرة تشوفها !
فهد : ايييه .. من متى بالجامعة ؟
راكان : ومسوي فيها انك تعرف كل الجامعة وهذي ماتعرفها ! .. يبا هذي هني من زمان ..
فهد : عليها بجمال " يصفّر "
راكان بدون اهتمام : عاديّة عاديّة ..
فهد يمشي بسرعة : تعال نروح وراها ..
راكان يسحبه من تيشيرته ويروحون يشوفون باقي القروب ..
هند تتكلم في الفون : هاا .. اي اي انا قايلة لج بييب راسها بييبه .. بعدين لا تخافين .. كل شي تمام ..
بس لو تخف من ثقلها اللي مسويته كان انا وهي بخير ..
مشاعل من بعيد تصرخ : هنننند !
هند : اوك خلاص أكلمج بعدين ونتفق على كل شي .. " تسكر الخط وتلتفت على مشاعل " هلا والله هلا ..
يحضنون بعض وجلنار واقفة كأنها صنم بينهم .. يتها صدمة تماماً من طلب مشاعل ..

بس لحظة ! شنو اهوا طلب مشاااعل !! من جمانة !!!
أكيد بنعرف بعدين وكل شي بوقته حلووو ^_*

هند : شفيها هذي بعد ؟
مشاعل بدون اهتمام : ماعليج منها .. المهم كلّمت جمانة !
هند : منو جمانة ! لا يكون الايمو !
مشاعل بحماس : ايه هذي هي ..
هند تضربها على راسها : وتقولينها بكل جرأة .. " تقلد على مشاعل " اي هذي هي ..
مشاعل : ااخخخخ ياختي انتي ماتعرفين وش انا اخطط له
جلنار اخذت نفس وصرخت : انتي مينوووونة ! والله مينووونة ! من وين يتج الجرأة تقولين لها جذي !
انتي شايفة شكلها ! شكلها بروحه يكفي !
مشاعل : انتي اصصص ولا كلمة لا تخربين اللي اسويه ..
جلنار : ولو عرفت المشرفة ؟ وش بتقولين لها ؟
مشاعل : احنا كبار وفاهمين وش نسوي .. ماله داعي ابرر لها ..
جلنار : واللي قلتيه ؟ بعد مايحتاج تبرير
مشاعل : ابداً ..
جلنار تلفت على هند : تصرفي معاها .. ترى اذا ظليت وياها بروح في ستين داهية .. رايحة أشوف
دانة بروح معاها وتصرفي انتي ورفيجتج ..
راحت من عندهم ..
مشاعل : يما شفيها هاي حسستني مدري وش مسويه لها انا ..
هند ترفس ريول مشاعل : تحجي وش مسوية !
مشاعل تنط بألم : آي آي آآآآي ..
هند : مييشووو بتقولين ولا شلون ؟
مشاعل : بقوووول بقوول .. اسمعي ......


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-02-2014, 07:39 PM
fatima_ms fatima_ms غير متصل
©؛°¨غرامي جديد¨°؛©
 
الافتراضي رد: وَيوم رقصوا على قبـــري ..


تحمستت وني اقراها $'
يلا انتظر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-02-2014, 06:46 AM
صورة عِنان الغسق الرمزية
عِنان الغسق عِنان الغسق غير متصل
©؛°¨غرامي جديد¨°؛©
 
الافتراضي رد: وَيوم رقصوا على قبـــري ..


السلام عليكم ورحمة الله وبركاته

اهلا فيج بينا
بعلق ع الشخصيات كبداية وبعدين بعطيج رايي بالاسلوب
هالة - استغربت منها فالبداية لما كانت تطالع فالمراية ، تقول عن نفسها قبيحه
والوصف يقول ان فيها جمال وفوق انها تشوف نفسها قبيحه فيها غرور ؟
المفروض ما يكون للغرور باب عندها اذا كان هذا تفكيرها بنفسها

مشاعل وجلنار عرفنا انهن ايتام وتبين الصراحة ما حبيت مشاعل وطول لسانها خخخخخ

هند مسترجله ويا ليت ما تدخلينا في هالعالم المقزز بشكل كبير لانج بتخالفين قوانين القسم
والله يستر ع هاله منها

نروح للشباب ما عندهم ذرة ادب يتحرشون بالبنات بهالشكل
واللي سواه راكان مع جمانه ابد ما حبيته ما يوصل الموضوع انه يدزها ويطيحها بس لانها ما عطته ويه
تصرفاتهم ما قدرت ابلعها ابد


الحين نروح شوي للاسلوب
فالبداية دخلتينا فجو حلو وكأنج كاتبه متمكنة وانتي توصفين حالة هالة
وفجأة تغير الاسلوب وصار اقرب للحوارات السريعة والمشاهد المتداخلة
تدخلينا مكان مختلف كل شوي وما عطيتي كل حدث حقه

كثرتي من الحوار بشكل كبير وابتعدتي عن الوصف الا بشي بسيط جدا
صرتي تعلقين في وسط الاحداث وكأنج يالسه تكلمينا مب تكتبين لنا
فابعدي عن التعليقات الجانبية ، الكاتب يكتب بدون ما يعطي رايه او يتكلم فوسط الاحداث
لان لكل بطل في الرواية شخصية مختلفة ومن خلال هالشخصيات يعطي افكار ورأي عن اللي يصير في الاحداث

سرعة الاحداث ، يعني كانوا فبريطانيا وفجأة وصلوا الامارات وشوي دخلوا الجامعة
وارجع اقول عطي كل حدث حقه ولا تستعجلي لانج تحرقين متعة القراءة عند المتابعين

امممم
ملاحظة : اغلب الكلمات كويتيه مب اماراتيه
قليل نقول " يبا " لان دايم نقول " يا ابوي "
ما نقول " حجي " ولا " شكو "

امممممممم
مع هذا البداية حلوة والافكار مختلفة
هدي من السرعة وبتكون روايتج ابداااااااااااااااع
موفقة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-02-2014, 07:36 AM
صورة منؤؤؤلة الرمزية
منؤؤؤلة منؤؤؤلة غير متصل
©؛°¨غرامي فعال ¨°؛©
 
الافتراضي رد: وَيوم رقصوا على قبـــري ..


ماشاءالله بدايه رووووعه
اسلوووبك خطيييير ف الكتابه
السرد والوصف كله رووووووعه
حيييييييل تحمست وربي
بس بعدني مؤ متعوده ع أسماء الأبطال
عشان سذا مارح أحط توقعات
بس حييييل متحمسه ع البارت الثاني
أي صح حبيييييت هاله
تسلم اناملك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-02-2014, 02:01 PM
Vodka. Vodka. غير متصل
©؛°¨غرامي جديد¨°؛©
 
الافتراضي رد: وَيوم رقصوا على قبـــري ..


اقتباس:
المشاركة الأساسية كتبها عِنان الغسق مشاهدة المشاركة
السلام عليكم ورحمة الله وبركاته

اهلا فيج بينا
بعلق ع الشخصيات كبداية وبعدين بعطيج رايي بالاسلوب
هالة - استغربت منها فالبداية لما كانت تطالع فالمراية ، تقول عن نفسها قبيحه
والوصف يقول ان فيها جمال وفوق انها تشوف نفسها قبيحه فيها غرور ؟
المفروض ما يكون للغرور باب عندها اذا كان هذا تفكيرها بنفسها

مشاعل وجلنار عرفنا انهن ايتام وتبين الصراحة ما حبيت مشاعل وطول لسانها خخخخخ

هند مسترجله ويا ليت ما تدخلينا في هالعالم المقزز بشكل كبير لانج بتخالفين قوانين القسم
والله يستر ع هاله منها

نروح للشباب ما عندهم ذرة ادب يتحرشون بالبنات بهالشكل
واللي سواه راكان مع جمانه ابد ما حبيته ما يوصل الموضوع انه يدزها ويطيحها بس لانها ما عطته ويه
تصرفاتهم ما قدرت ابلعها ابد


الحين نروح شوي للاسلوب
فالبداية دخلتينا فجو حلو وكأنج كاتبه متمكنة وانتي توصفين حالة هالة
وفجأة تغير الاسلوب وصار اقرب للحوارات السريعة والمشاهد المتداخلة
تدخلينا مكان مختلف كل شوي وما عطيتي كل حدث حقه

كثرتي من الحوار بشكل كبير وابتعدتي عن الوصف الا بشي بسيط جدا
صرتي تعلقين في وسط الاحداث وكأنج يالسه تكلمينا مب تكتبين لنا
فابعدي عن التعليقات الجانبية ، الكاتب يكتب بدون ما يعطي رايه او يتكلم فوسط الاحداث
لان لكل بطل في الرواية شخصية مختلفة ومن خلال هالشخصيات يعطي افكار ورأي عن اللي يصير في الاحداث

سرعة الاحداث ، يعني كانوا فبريطانيا وفجأة وصلوا الامارات وشوي دخلوا الجامعة
وارجع اقول عطي كل حدث حقه ولا تستعجلي لانج تحرقين متعة القراءة عند المتابعين

امممم
ملاحظة : اغلب الكلمات كويتيه مب اماراتيه
قليل نقول " يبا " لان دايم نقول " يا ابوي "
ما نقول " حجي " ولا " شكو "

امممممممم
مع هذا البداية حلوة والافكار مختلفة
هدي من السرعة وبتكون روايتج ابداااااااااااااااع
موفقة


اول شي حبيت اشكر على الراي
بالنسبه لهالة .. هي مو حابة شكلها لكن عندها الغرور صفه ..
عارفه انه تناقض بس الشخصية كذا ..
وعلى اللهجة انا احاول اكتب اللي اعرفه ممم يمكن عشاني
مو متعودة على اللهجة الاماراتية ..
متعودة على السعودية اصلا ..
بس المكان اللي اخترته هو الامارات .. لاسباب خاصه طبعا ..
و هند المسترجله .. م راح ادخل في عالمهم كثير ..
ولا رح اتعمق فيه ..
رح تكون اجزاء بسيطة في الرواية عن كذا ..
لان محتاجة الشخصية لاحداث كثيرة ..
والشباب زي ما شفنا انهم من النوع المغازلجي ...
وبسبب انتقالي للاماكن بسهولة هي ابغى اكتب احداث بسيطة
عن الابطال ..

واشكرك مرة ثانية ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-02-2014, 11:21 AM
Vodka. Vodka. غير متصل
©؛°¨غرامي جديد¨°؛©
 
الافتراضي رد: وَيوم رقصوا على قبـــري ..


.. 2 ..

" قد تتقاذفنا الاقدار لتكتب لنا بعد ذلك ما هو افضل "

هالة طلعت من محاضرتها .. سمعت فونها .. رفعته وردت بدون نفس : خير ؟
زوجة ابوها : الخير بوجهك .. متى بتردين ؟
هالة : ما اتوقع ان لك دخل صح ؟
زوجة ابوها : أعمل حسابك على الغدا ولا ؟
هالة : لا ما ابغى شي .. شي ثاني ؟
زوجة ابوهاا : سلامتك
سكرت هالة الخط بوجه زوجة ابوها وراحت الحديقة .. جلست على الكراسي وتناظر الرايح والراد ..

هند تأشر بيدها لمشاعل : ما اتوقع انج وصلتي لهذي الدرجة ميش !
مشاعل : وليش ؟ ليش تحسسوني ان كل اللي اسويه غلط بغلط !
هند : مشاعل انتي للحين ماتدركين أفعالج ! مشاعل خلي عنج كل هذا واكبري .. كبري عقلج
مشاعل : ليش ؟ مو احنا اصلاً جينا على الدنيا بطريقة غلط
هند : نعم !
مشاعل : ايه اللي سمعتيه ! .. احنا ليش وصلنا دار الايتام ! انا وجلنار ! هاه ! قولي لي ليش ! المفروض
احنا الحين مع اهلنا .. في وسطهم ! بس تدرين شلون .. أكيد احنا غلطات امهاتنا فما يفرق لو سوينا شي غلط ..
لان اساساً وجودنا في هذي الدنيا كلها غلط !
سكتت مشاعل بعد ماحست بحرارة الكف اللي جاها من هند ..
مشاعل : تضربيني هند ! تضربيني !
هند بعصبية : انتي غبية تفكرين بهذي الطريقة ! يمكن الظروف هي اللي خلتهم يتخلون عنكم ! ..
مافكرتين انهم يمكن فقارة على قد حالهم وما يقدرون يصرفون عليكم ! ... حتى لو كنتي غلطة
امج ! ماتكملين غلط امج بأغلاطج اللي تسوينها ! مشاعل اصحي على روحج .. افهمي اللي تسوينه
كلام منتي قده لا تقولينه .. فكري بعقلج مشاعل .. فكريييي !
مشاعل لفت وعلى عيونها غشاء رقيق لامع من الدمع المحبوس .. وبدون أي رد راحت الحمام على طول ..
عشان تطلع كل مافي قلبها من قهر ..

فهد يقعد على الارض ويمدد جسمه بتعب : ياخي الحين من صغر الجامعة عشان ندورهم والله تعبت
راكان : قوم قوم فشلتنا الله يفشلك قوم ..
فهد : موب قايم شنو بتسوي
راكان : تدري شلون ؟
فهد : شلون ؟
تمدد جنبه راكان : تصدق انك سخيف ومالك داعي ؟
فهد : اي ادري .. يايب خبر يديد يعني ؟
راكان : الله الله الله اصاابه مباشرة وقووووووول تتحطم الجبهة
فهد : اي شدخل الاصابة المباشرة ؟
راكان : بس كيفي ..
فهد : قوم قوم نروح نقعد جنب حمام البنات يطلعون ومعدلين اشكالهم والله احلى شي ..
راكان : هي هي خير نروح عند حمام البنات ! ينيت انت !
فهد : قوم وانا اقولك .. احنا بنروح عنده مابندخله
راكان : خلّك مكانك أحسن لك
فهد : اييي قوم واقولك
قامو وراحو عند حمام البنات ..

جلنار : دانة
دانة : هاه
جلنار : اقولج قالت لها تيي ! وبتسوي كل شي في الدار !
دانة : انزين ؟ هي مقتنعه باللي تسويه .. وما باذنها ماي .. وانتي عارفة انها اذا قالت تبي تسوي الشي تسويه ..
ومحد يقدر يغير رايها ..
جلنار : احنا مالنا الا نروح وياها ..
دانة : انتي في كل الحالات بتصيرين وياها ..
جلنار : حبيبتي يا انتي يا بعد قلبي تعالي معاي
دانة : يمة تسوون بلاويكم وتبوني شريك في الجريمة لا يا ابوي خليني بعيد
جلنار : دانووو عبالج طول اليوم بحاول فيج اخلصي بتيين او لا
دانة : اللي بتسويه شي غبي .. يعني لو يعرفون عننا بنروح في ستين داهية !
جلنار : افف ياربي ليش انا عاطيني رفيجات مامنهم فايدة
دانة : عندي فكرة .. تحجز لها شاليه .. مو أحسن ؟ اول شي بيكون بعيد عن الدار وبتاخذون راحتكم
فيه بدون أي أحد يدري
جلنار : والمشرفة وش بنقول لها
دانة : قولو لها انكم جايين عندي ..
جلنار : والله طلع عندج عقل
دانة بثقه : أعجبج

بمكان بعيد شوي ...
...: بيكون مشروع كبير .. بيكون مشروع العمر اللي ننتظره .. ومتأكد ان مافيه خساير مثل الاول ..
...: ومن بيسااهمك بالمشروع ؟
...: اقدر اقول لأختي تساهمني فيه .. مو مشكلة
...: اختك داليا ؟
...: اي طبعاً ..
...: مو متأكد انها بتساعدك
...: لا تحبطني يوسف !
يوسف : بس انت وهي بينكم بس السلام .. وفوق هذا هي ساكنه برا لان شركاتها أغلبها برا ..
...: بترد الامارات .. عشان عرس رفيجتها .. واكيد اكيد بفاتحها بالموضوع قبل لا تسير .. واذا ما ساعدتني
ما اكون انا جاسم
يوسف : جسوم ما انصحك تسوي لها شي .. ترى الشي مو لصالحك .. بالعكس .. بيصير ضدك
جاسم : انا اعرف وش اسوي
يوسف : اي هذا الكلام نفسه اللي قلته في المشروع اللي طاف وما شفنا الا الخساير .. وخساير بشكل كبير ..
ولو انطردنا جان الحين انا وانت قاعدين عطالين ..
جاسم : ممكن تسكت شوي عشان أفكر !

جمانة تفكر .. ليش انا وصلت هني ؟ وش اللي صار لي ؟ ليش مو قادر اعيش بدونج ؟ ليش أحس ان الدنيا
مالها داعي ؟ .. انتي كنتي مالية حياتي كلها .. والحين هه الحين مافي أحد أعيش عشانه ..

رجعت ذاكرتها من قبل سنتين ...

السيارة تقلبت 3 قلبات أثر حادث قوي .. كانت تشوف كل شي جدام عيونها .. صرخت بكل قوتها : لماااااااااار !
نزلت من السيارة بسرعة وخلّت الباب مفتوح وركضت تجاه السيارة بسرعة .. تحاول تطلع لمار وهي تصرخ بهستيريا :
طلبو الاسعااااااااف الله يخليكم طلبو الاسعااااااااف !
كانو الناس متيمعين حولهم بشكل كبييير ...
واحد من الموجودين طلب الاسعاف : خلاص ثواني ويوصل
جمانة شافت يد لمار .. مسكتها : لمااار .. تكفين لا تموتين لمار .. خلج معاي لماار .. لمووور لا تموتين
انتي قلتي يوم السبت بنروح السينما .. لمار تكفين لا تموتين .. لماااااار .. ردي علي .. ما أسمعج لمار
لماار ردي علي تكفين والله ما أعيش بدونج لمار والله ما أعيش ..

ردت جمانة للواقع مسحت دمعتها قبل لا تنزل وتفضحها .. وقفت ببرود الكل اعتاد عليه ومشت ..
سمعت جلنار تصرخ تناديها : جمااانة .. جمووووون .. جمااااااانة
جمانة سمعت بس واصلت بدون تلفت او ترد عليها ..
جلنار : حقيرة !!
دانة : اهدي كل هذا عشانها ماردت عليج ! كيفها تراا ..
جلنار : هذا يزاتي بقول لها ما تروح مع مشاعل .. لكن مو ويه خير .
دانة : اهدي اهدي وتعالي نروح عندنا محاضرة ..


فتحت باب الحمام بهدوء .. سمعت صوت بجي بس ما اهتمت ..
دخلتت الحمام وقفلت الباب وبجت هي بعد .. كان في قلبها كميّة قهر محد يقدر يحس فيه ..
هي غلطت ! غلطت غلطة كبيرة لكنها مو متأسفه عليها أبد .. للحين ما تابت .. هي تعرف انها غلطت
وهزّت عرش الرحمن بغلطها .. بس ماتبي تعترف .. الذكريات تداهمها .. من كل جانب ومن كل صوب ..
مشاعل بالحمام اللي يم حمام جمانة .. سمعت صوت بجي وقفت بجي ومسحت دموعها .. وتجرأت وطقت
الباب على جمانة .. وهي ماتدري منو اصلاً بهذا الحمام ..
مشاعل : ءء لو سمحتي ؟ مب زين تبجين بالحمام .. اذا تسمعيني ردي علي .. لا تبجين هني .. اطلعي برا روحي
أي مكان ثاني ابجي فيه بس هني لا ..
خففت جمانة صوت بجيها وخلّت يدينها على حلجها عشان تمنع شهقاتها تطلع واكتفت بانها تسمع كلام مشاعل
مشاعل تواصل : تصدقين ؟ انا بعد أيي هني عشان أبجي .. ما اقدر أبجي قدام الكل .. تعرفين ليش ؟
يمكن لأن الجامعة مجتمعها ما يسمح لنا نبجي جدامهم ! الكل يحافظ على برستيجه ومستحيل احد يهتم لج
تصدقين انا حاسه فيج .. حاسه ان القهر اللي بقلبج تبين تطلعينه .. بس عمره ما راح يوصل لقهري !
ما راح يوصل لضيقتي وألم قلبي .. ما جربتي شعور انج يتيمه وقاطينج بدار الايتام ..
ما جربتي شعور تبجين بنص الليل عشانج تنتظرين وحدة تلمج لصدرها الدافي .. ما جربتي شعور
تعيشين كل يوم على امل انج تشوفين وحدة ياية دار الايتام وتأشر عليج وتقول هذي بنتي
ما جربتي شعور التعب من التفكير هل انتي بنت " حرااام " او ان اهلج صج لهم ظروف وتركوج
بهالدار .. " ضحكت شوي " تصدقين .. مهما وصلت الامور .. تأكدي ان فيه ناس يعانون
اكثر من معاناتج .. يعانون أكثر من تعبج .. يبجون أكثر من بجيج ..
والحين .. يلا فجي الباب وطلعي .. مثل ما قلت لج مب زين تبجين بالحمام
سكتت مشاعل تنتظر الباب ينفتح ..
لكنه ما انفتح ..
مشاعل : خلاص على راحتج
جمانة كانت تبي تفج الباب .. بس ترددت وقررت ماتفتحه .. سمعت صوت اقدام مشاعل وهي تطلع وصوت الباب اللي يتسكر ..

طلعت مشاعل وهي تمسح دموعها .. طلعت منظرتها وتشوف روحها .. عيونها حمراء وخشمها ما يقل احمراراً عنها ..
فهد وراكان ساندين حالهم على الجدار اللي جدام باب الحمام ..
فهد : شف شف شف .. طويلة اللسان ! باين عليها كانت تبجي !
راكان يهز كتوفه بملل : انزين شنو نسوي لها .. نروح نطبطب عليها ؟
فهد : ما منك فايدة والله
راكان يشوف جمانة تطلع : اوهو هذي الايمو في كل مكان طالعه بويهنا ..
فهد : وانت وش عليك منها ! خلها بحالها كفاية خليتها مسخرة في الكوفي ..
راكان : لا للحين ما سويت شي .. هذي بس البداية ..
فهد : راكان .. انت ريال وهي بنت .. بتخلي عقلك بعقلها ! مو من صجك
راكان : لا هي حطت راسها براسي تتحمل نتيجة خطأها ..
فهد : رويكن !
راكان : اووه فكنا من سالفتها الحين انا ليش واقفين هني ؟ نواطير والله وش السالفة ؟
فهد : ماشش وحدة جميلة تطلع لنا .. تعال نشوف وين راحو القروب أحسن

..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-07-2018, 01:27 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: وَيوم رقصوا على قبـــري ..


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1