منتديات غرام

منتديات غرام (/)
-   شعر - قصائد - قصايد - همس القوافي (https://forums.graaam.com/11/)
-   -   ساكن القريه (قصيده) (https://forums.graaam.com/567961.html)

بندرالخنيفر(هبوب) 13-02-2014 02:08 PM

ساكن القريه (قصيده)
 
!

https://up.graaam.com/img/2581806acff...a41768df01.jpg

ساكن القريه

أحيان احس ان المشاغل كثيره
لا شفت بعض النّاس قاطع عن الناس
لا شكْ! كلٍ سايرٍ في مسيره
والظّفر لو يطلع، ترى العِرق دَسّاس
والعالم 'اصبَح' مثل قريه صغيره
لكنّنا شفنا بشَر ما به احساس
راسِي غدَا مزحومْ فكرَه وسيره
حتّى بدَا يلعَب به الوقت هوجاس
يا من يشَاورني.. وانا بستشيره
في من رمَى نفسه بَحَر دُون مقياس
وَابحَر بعَيشه، ولْطمَه مَوج حِيره
واقبل عليه الليل.. عَومَس تعوماس
هالمجتمَع صَعبٍ علينا نديره
لا صَار مفلوتٍ عنانه ومحتاس
يبغَى (مع التّوجِيه) دِبرَه ودِيرَه
ما يتّزن به رَاس لااهتزّ به سَاس
والعَالَم المَزحُومْ.. فجوَه كبيره
ناسِه بهُم جَفوَه.. بهُم ناسٍ نحَاس
عاشوا على الغفلهْ بسرعه مثيره
يا من يوعّيهم قبل كَتم الانفاس
والمصلح المفلح صبَاحه ينيره
لين المسَا يمْسِي على رَوح ونعاس
اللي يحب الخير،، نفسه لغَيره
يلقى من التّيسِير ما يرفع الباس
يا وجد حَالي وجد فاقد نظِيره
انّه يشُوف النّور من عقب عَسَاس
والا رجَاهْ رجَاح عَقلْ وبصِيره
ياخذ من الحكمه: (حياةٍ بلا ياس)
يَبقَى على امر الله'، وتر و وتِيره
تَقوَى عَزيزٍ ما حَنَى للبشَر راس
يالله تجعل لي من اﻷمر خِيره
وتكفّني شَرّ الخَلايق والانفاس
BandarHabob
بندر الخنيفر

* قفله *

يقال.. مادح نفسه يكون كذاب!!
وانا من الصعب امدح النفس ياهيه
ومن يبي يعرف؟! بيقراني كتاب
أبين.. والمكتوب عنوان كافيه


::

ولد نفيعي 14-02-2014 06:40 AM

رد: ساكن القريه (قصيده)
 
صح الله السانك على الطرح الرائع
يعطيك العافيه
تحياتي

بندرالخنيفر(هبوب) 14-02-2014 04:55 PM

رد: ساكن القريه (قصيده)
 
صح بدنك على هالاضافه الجميله

جروح صامدة 14-02-2014 08:22 PM

رد: ساكن القريه (قصيده)
 
صح لسانك طرح ولا اروع
و بأنتظار المزيد من ابداعاتك
و تحياتي

بندرالخنيفر(هبوب) 15-02-2014 09:53 PM

رد: ساكن القريه (قصيده)
 
صح بدنك

أشكرك

خبالي وناستي 16-02-2014 04:02 AM

رد: ساكن القريه (قصيده)
 
‏ابدااااااااااااااع يعجززز لسااني عن وصفهہ  ~[♡ قممـهہ بالــذوووق ♡]~ ••• فـ هنيئاً لشاااشة تلامس انامل ابدداعك ••• 

بندرالخنيفر(هبوب) 18-02-2014 03:19 PM

رد: ساكن القريه (قصيده)
 
الله يسلمكم

من ذوقكم


الساعة الآن +3: 07:20 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1