اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 05-08-2014, 07:41 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


السلام عليكم ورحمة الله وبركاتة



شحالكم حبايبي



باك بعد غيبة طويلة بس صارتلي ظروف اتمنى الجميع يقدرها



ابي توقعاتكم على الشخصيات



-شرايكم ب شخصيه خولة ؟ وهل حبيتوها او لا؟



-شرايكم ب شخصية شما ؟ وشو تتوقعون سالفتها او الشي الي خلاها تسافر؟



-بو حميد هل حبيتوه او لا ؟ وهل في وراه سالفه او شخصيه عادية ف الرواية ؟



-وفهد شو بيصير بينه وبين خولة ؟ وخصوصا هم بروحهم ف السويت ..



- واحلام وحمده حبيتوهم او لا ..



- تتوقعون ميثا بتعرف شو صاير ف البيت او لا ؟ وانه فهد انطرد بسببها واذا عرفت هل بترضى على الي سواه عمها ولا بتزعل عليه ..



اذا حصلت ردود تفرح بنزل بارت باجر



قراءة ممتعة للجميع



اختكم ..



يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 17-08-2014, 11:37 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


*البارت الخامس*
العتب ما ينكتب يجي على هيئة جفا ..
في فندق ارماني ..
طلع بعد ما فجر قنابلة و وراه حرسه وبعدها ب نص ساعة طلعت شما وهي متردده تخاف تجوف ناس يذكرونها بالماضي
شما : هاي
السيكورتي: هلو بيوتيفل
ابتسمت شما: كان اي هاف درايفر
السكيورتي: يس افكورس ناو ذا هوتيل كار ول كام
شما: اوكي اي ول ويت ات ذا لوبي
السكيورتي: اوكي بيوتيفل
********
ونروح فندق ميراج
دخل فهد السويت هو وخولة
خولة: حبيبي روح اسبح وانا برتب اغراضك
فهد: زين تسوين
دخل فهد سبح وبدل وطلع من الحمام جاف خولة قاعده تحط الاكل الي طلبتا من السيرفس ابتسم لها ردت ابتسمت له راح عند الجاما وجاف شكلا وتمشط وتعطر وراح قعد على الطاولة ويا خولة
فهد: يووووعان
خولة: يبان عليك حبيبي كل بالعافية
فهد: الله يعافيج
فجت خولة الصحون وغمض فهد عينا: يميييي ريحتا شهيا
خولة: ههههه كل حبيبي كل
قعد فهد ياكل رفع جافها تطالعا وما تاكل: بلاج حبيبي ما تاكلين
خولة وهي تنزل راسها: الحمدلله شبعانة
فهد نزلت الملعقة من ايده ورفع راسها: حبيبي صاير شي
خولة وعيونها مليانة دموع: فهد لا تروح عني ما اتحمل حياتي بدونك
انسدت نفس فهد عن الاكل وعقد حياته: منو قال اني بخليج لو يموتون ما اتزوج او اروح عند غيرج
ابتسمت خولة: انا اسف حبيبي لهيتك عن الاكل
فهد وهو يبتسم: لا اصلا انا شبعت
خولة: يلا فهد كل شو بعد شبعت
فهد: لا عقب بنطلع وانا مستحيل ما اشتري شي خل اخلي مكان حق الاكل الباقي
خولة: هههه اوكي يلا عيل نطلع ولا بتنام شوي
فهد: لا خل نطلع احسن
خولة: اوكي بس خل اجهزلك كم شي عقب بتقعد بروحك ما بتعرف تتصرف
فهد وهو يحس بامتنان حق الانسانا الي جداما: ماله داعي خولة
خولة: فهد لا تطالعني جي وشلت الاكل من الطاولة خذتا المطبخ وتمت تجهز الاغراض وتعدل طلعت الصالة جافت التي في يشتغل وفهد منسدح ع بطنا وفاصخ قميصا ونايم
خولة: فهد حبيبي يلا قوم
جافتا ما تحرك سكرت التي في وقعدت عدالا وقعدت تلعب بشعرا وهو ما تحرك من التعب خلتا شوي نايم وبعدين رجعت تقوما: حبيبي يلا قوم نمت وايد اشتقتلك فهد
تم مثل ما هو ماتحرك خافت عليه خولا بلاا مب قاعده يتحرك تمت تهزه اقوى من المرا الي قبلها وعلت صوتها فهد بلاك يلا قوم بسك نوم
عقد فهد حياته وفتح عينه شوي شوي: بلاج خولة شصاير
خولة وهي يبين انها ارتحات يوم فتح عينه: خرعتني الله يهديك قاعده اقومك ما ترد علي
فهد وهو يرتفع ع فوق: انتي الي خرعتيني تعباان ولله
خولة: سوري حبيبي بتنام
فهد: لا خلاص بقوم خل نطلع
خولة: اوكي
التفت فهد: وين قميصي كنت حاطنا هني
خولة: وديته الغرفة
فهد: اوكي يلا بروح اتغسل وبلبس وبنطلع
هزت هند راسها وقعدت ع فونها لين ما يخلص فهد
بعد ربع ساعة طلع فهد من الغرفة: طولت
خولة: لا حبيبي خذ راحتك
راح فهد صوبها وهي وقفت ابتسمت له مارد الابتسامه اخترعت خولة فهد يمشي صوبها وهي ترد ع ورا بخوف: بلاك فهد
فهد ساكت ويمشي وهي ترد ع ورا لين ما لصقت ف اليدار قرب من عندها بيبوسها دزته: فهههههد
فهد وجنه استوعب شو قاعد يصير: سوووري خولة ولله ماكنت ف وعيي
خولة: حصل خير يلا نطلع
فهد: يلا يلا
طلعو فهد وخولة من الفندق وركبو سيارة فهد وانطلقووو
**************
*بعد مرور اسبوع*
العايلة عرفو انه فهد مسافر
بو زايد كلم بو سعود "بو ميثا" انه يبون ميثا حق فهد
شما رجعت بيت ابوها
سيف ف حيرا اكثر من قبل عن البنت الي قالولا عنها بنات اخوانه
ميثا قلت زياراتها حق بيت عمها >> بعدها ماتعرف عن الخطبا
ريم وشيخة كل يوم يكلمون فهد
حمدان كلم فهد وقاله انه يعذرهم وكل شي قاعد يصير غصبن عنهم
فهد قاعد ف شقته ومهوم يذكر اخر لقاء كان بينه وبين خولة وكلاماتها تتردد في باله
في مكان وايد بعد عن مدينة دبي كان فهد وخولة وقفين مجابلين بعض
خولة: انزين واحين شو صار
فهد: ماعرف خولة بس هو قالي لا انتا ولدي ولا اعرفك اذا ما تزوجتها و اكيد بيخطبها بعلمي او لا ما يهما ابوي واعرفا بيحطني ف الامر الواقع
خولة: ليش فهد ليش
فهد: مادري خولة لا تساليني عن شي انا مثلج كل شي صار جك بوم ما كنت اعرف
بعد 5 دقايق من الصمت
همست خولة: فهد روح عند ابوك انا مب من نصيبك
فهد: شو هاي الرمسا خولة
خولة: اهم شي رضا الوالدين
فهد: توقعت كل الناس بتوقف وياه الا انتي خولة عمري ما توقعت انج بتتخلين عني
خولة ودموعها تنزل : غصبن عني فهد ولله كل شي نصيب في الدنيا
فهد: الحين صار نصيب ليش ما قلتيلي من قبل عشان ما اتعلق فيج واحبج
خولة: خلاص فهد خلني وروح
فهد: كيف اخليج والمكان هني ظلام وفي مقطعا مافي ولا ضو واحد
خولة: خلاص ماباك روح روح عند ميثا روح عند ابوك روح عند اهلك انا مب لك انا لي الله مب فهد لي
فهد وهو يسحبها له باقوى ما عنده وحضنها قعدت تقاوم وهو يرص لين ما استسلمت صعب شعور الفراق تفارق شخص عشت وياه دنيتك كلها عشت وياه الحلوا والمرا كنتو تمزحون تسولفون تقضون اغلب وقتكم ويا بعض بس هاي حقارة الزمن يفرق الحبايب عن بعض يفرق الام عن ولدها والابو عن عياله والاهل عن اهلهم وناسهم والريال عن زوجتة والاخو عن اخوه بس ف الاخير ما يصير الا الي الله يباه لازم نتفائل عشان نحصل كل شي حلو كل شي نتمانه وما بعد الصبر الا الفرج و الله ياخذ شي حلو ويعطينا بداله اشيا حلوه
وعا فهد من ذكراه على صوت الفون رفعا جاف ريم
فهد: هلا ريم
ريم: هلا فهد شحالك
فهد: بخير وانتي
ريم: انا بخير
فهد: ريم تعبان شوي وبسويلج
ريم: اممم فهد
فهد: بلاج
ريم: ابوي يباك
فهد: منو ؟ ابوي !! شو يبا فيني
ريم: جوفا ماعرف
فهد: لا ريم مابا
ريم: عشاني فهد هو قالي اتصليلاا ما يصير ما تكلما
فهد: يصير قلت كلمهتي وخلاص
بو زايد: فهد
فهد: ................
بو زايد: رد قاعد اكلمك
فهد: .....................
بو زايد: زعلان
فهد:..............
بو زايد: اظن وصلك خبر اني خطبتلك ميثا صحيح واباك ترد البيت لانه بنروح نخطبها رسمي باجر
فهد: لا ولله بعدك مصر يعني
بو زايد: انا قلت كلمتي واترياك اليوم ف البيت ولله يا فهد وانا حلفت لو ما جفتك ف البيت لا انت ولدي ولا اعرفك وانسا اهلك كلهم وخواتك اذا ما سمعت كلامي وذنب امك ف رقبتك
فهد بقهر: مب ذنب حد ف رقبتي ذنبي انا ف رقبتكم الله لا يسامحك صدقني مابسامح حد ع الشي الي قاعدين تسونا فيني وانا بيي اليوم وبروح عند اخوك وبخطب بنتا بس لو ما عامتلها زين محد يلومني اوكي
بو زايد: عن الرمسا الفاضيا هاي واترياك اليوم
سكر فهد الفون بقهر وفراه ع الطاولة الي جدامه
قعد يستعيد لما ريم اتصلتلا وهي تصيح لانها بتفقد اخوها
ريم: فهد الحق علينا
فهد فز: بلاج ريم شصاير
ريم: فهد ابوي اليوم كلم عمي فهد نحن حاولنا نمنعا بس ما رضى
فهد: خييير باي ريم باي انا احين ياي بوقف هاي المهزلا
ريم: لا فهد الله يخليك لا اتي بيعصب
فهد: خل يعصب مب ع حسابي تصير سعادته
ريم: فهد خلاص انت هدي احين معصب مب قاعد تفكر صح لما تهدي بكلمك
فهد: باي باي
رجع فهد لواقعا وهو مهموم
اليوم لازم يرد بيت ابوه البيت الي عاش فيه اجمل لحظات حياته بس بقرار من ابوه هدم كل شي بس هو بيصبر و بيجوف شو اخرتها
قام بيتصل حق خولة بس فر الفون وشغل التي في يتسلا شوي بدال الملل الي عايشنا
شوي وسمع فونه يرن
فهد بملل: الو
ريم: فهد صدق بترجع اليوم
فهد: للاسف صدق
ريم بفرحه: احبك فهد احبك يلا تعال بسرعا مشتاقيلك امي راحت ترتب غرفتك على ما ترجع
فهد من سمع طاري امه انجلب حاله: ف اليل برجع البيت
ريم: لا فهد امانة تعال الحين البيت كلا مجلوب كل حد قاعد يسوي شي لما سمعنا انك بترجع
فهد: لا تلزمين على ريم
ريم: فهههد عشان خاطر امي
فهد: اوكي برتب اغراضي وبيي
ريم: اوكي نتريااااااااااااااااك
فهد: باي
ريم: باي حبيبي
*************
العصر
في بيت بو سعود قاعدين كلهم ع السفره
ام سعود: دانة
دانة: امري عموه
ام سعود: ما يامر عليج ظالم .. متى بيرجع اخوج فهد من السفر
دانة: ماعرف عموه بس قريب انشالله
ام سعود: انشالله
بو سعود: اصلا هو ليش مسافر
دانة: عمي عندا شغل
بو سعود: الله يوفقا يارب
دانة: امين
ميثا: دانة وين شيموو
دانة: طالعا ويا راشد
ميثا: مودنها عند الحب ها
دانة: هههه ماعرف هو قالي بياخذها وياه
ميثا: بتروحين اليوم عند ريم وشيخة
دانة: ماعرف ولله ع حسب داوم سعود
رن فون دانة جافت الاسم ريم
دانة: هههه عمرها طويل ريووما
ميثا: هههه ردي عليها
دانة: هلا حبيبتي
ريم: هلا بالشيخة شحالج
دانة: بخير حبيبتي وانتي
ريم: عندي لج بشارة بس المقابل
دانة: لج الي تبين بس قولي الي عندج
ريم: اليوم فهد بيرجع
دانة: صدققق الله يبشرج بالخير
ريم: بعدين بقولج شصار لانج اكيد قاعد ويا الحب ولا ويا عمومج
دانة: ههههه اوكي بس لازم تقولولي التفاصيل
ريم: هههه اوكي
دانة: متى بيوصل
ريم: توا طلع وجي ربع ساعة وهو ف البيت انشالله
دانة: انشالله عيل انا بحاول ايي احين
ريم: اوكي نترياج باي
دانة: اوكي باي
ميثا: شصاير
دانة: توا فهد واصل دبي
ام سعود: تستاهلون سلامته حبيبتي
دانة: الله يسلمج عموه
بو سعود: عيل عزيمة رجعت فهد علي
دانة: الله يخليك لنا عمي لا تكلف على عمرك
بو سعود: لا كلافه ولا شياته ها ولدنا
دانة: تسلم عمي عيل انا بروح اكلم سعود عشان اروح بيتنا
بو سعود: هي امي روحي ها اخوج لازم تكونين موجوده قبل ما يوصل
دانة وهي توقف: ميثا بتين وياي
ميثا: ماعرف بجوف وبرد عليج خبر
دانة: اوكي يلا عيل انا استاذن
وراحت دانة كلمت سعود ورضا انها تروح وميثا امها ما رضت
*************
بيت بو زايد كلهم قاعدين ف الصالة بو زايد, ام زايد, زايد, احلام, ساره, حمدان, حمدة, حمد, ريم, شيخة, دانة
شيخة وهي تساسر دانة: ليش ما يت وياج ام المشاكل ميثوه
دانة وهي تساسرها: عيب شيخة
شيخة: يعني تبينيلي انج فرحانه بالي قاعد يصير ترا كله من سبتها المهم ليش ما نشبت لج
دانة: امها ما رضت تبين الصراحة ارحت لما امها ما رضت
شيخة: جفتي كيف حتى انتي مب متقبلتنها احسن عشان يكون جونا عائلي مافي حد يخرب علينا
ريم وهي تساسرهم: انتي وياها شو قاعدين تقولون
شيخة: ماشي ماشي
بو زايد: بلاكم بنات في شي صاير
دانة: لا بس قاعدين نقول ليش فهد تاخر
بو زايد: ما تاخر انتو بس تتوهمون
التفتو كلهم للباب لما سمعو صوتا
دخل فهد بهيبته رافع راسه وشال شنطتا وفوناتا وبوكا ونظاراتا الشمسيا: السلام عليكم
خاوته كلهم نطو صوبا وامه وقفت ودموعها على خدها بو زايد قاعد ولا مهتم حق شي
ريم: انا اول
دانة: لا انا الاكبر انا اول
شيخة: انا دلوعتا انا الاول
وهو مبتسم على خبال خواته سحبهم كلهم وحظهم مرا وحدا: ماكنت اعرف انه في حد مشتاقلي هل كثر
دانة: واكثثثثر بعد ها الاسبوع جنا سنا
فهد : هي ولله
شيخة: وهي تغير الموضوع: فهد انا لازم بروحي لانا انا احبك اكثر وحدا
ريم: لا ولله انا اكثر
دانة: لا مب على كيفكم انا اكثر انا عشت وياه اكثر
فهد: ههههه بسكم بتخبلون فيني
رفع راسا جاف امه واقفا ابتسم لها ونزل شنطتا عند الباب ومشا صوب اما اول ما جافته ياي صوبا فتحت ايدينها دخل فهد في حظنها وهي تصيح وهو راص عليها ويمسح على راسها
ام زايد: لا تخليني مرا ثانية جي زين ما مت من بعدك
فهد: بسم الله عليج يومي قبل يوم
هدها فهد من حضنا وراح سلم على اخوانه وحريم اخوانه وباس ابوه على راسه
وهو يهمس له لما نزل صوبا: صدقني انا ابا سعاتك
على طول ارتفع فهد ما يبا يسمع شي زيادة
فهد وهو مبتسم: حمد تعال عند عمي يالهرم من زمان مب جايفني وقاعدلي ع ها الايباد
ساره: امي انا بيي بث انت قولي وين رهت وادد
فهد: هههه تعالي عالي انتي ويا هالرمسه انا رهت سلمج الله هناك بعيد
ساره: ماما قالت امي راه تيارا
فهد: هههه هي عمي راح طيارة كبيرااااا وقال هو يحب روني حبيبة عمي عشان روني تحب عمي
ساره وهي مستحيا: امي انت دني منو قال روني تهب امي روني بث قالت هق ماما وماما قالت ما بتقول هق امي
فهد: هههه العصفورة قالتلي
ساره: امي سافور كبير
فهد: هههههه شو بعد صعفور عصفور عصفور
حمد: امي انا اارف اقول اسفور ما اقول سافور
فهد: هههه ياي بيجحلها عماها اسكت لا تكلم عمي زعلان منك
حمد ركض صوب عمه: اميانا اهببببك متل امو ريم وامو شيكا وامو دانة
شيخة: شيكا ف عينك اسكت اسكت
بو زايد: ههههه شيخة حبيبتي ياهل ما يفهم
شيخة بزعل: ما يضحك باباتي
بو زايد: ومنو ها الي ما يستحي ع ويها يضحك ع بنتي
شيخة: في غيره فهد
بو زايد: فهد اسكت عن اختك
تغايض منها فهد: عن اذنكم انا بروح غرفتي
ام زايد: وين حبيبي اقعد ما شبعنا منك
فهد: بروح شوي وبرجع ببدل ملابسي بس
ام زايد: اوكي حبيبي
راح فهد
بو زايد: ام زايد اليوم كلمي الجماعة عشان نزورهم باجر
ام زايد: بو زايد البنت
قاطعها بو زايد بصرامه: ام زايد انا قلت كلمتي وانتي تنفذينها
ام زايد: انشالله يا بو زايد ما يصير خاطرك الا طيب
دانة وهي تهدي الوضع:ابوي اليوم عمي قال مسوي عزيمة حق رجعت فهد
بو زايد: حق شو يتعب عمرا جان خلاها باجر مرا وحدا
دانة: انا قلتله ماله داعي
بو زايد: خلاص انا بكلمه بقوله باجر بالمره
دانة: انشالله
*********
*نهاية البارت*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 17-08-2014, 11:40 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


هلا حبايبي ..
شحالكم ..
ابا توقعاتكم على البارت ..
خولة وفهد هل خلاص انتهت علاقتهم او بيصير شي بتخليها ترجع مثل قبل ..
شما هل بتبقى ف بيت ابوها او بتمل وبتطلع منه او من دبي بترجع بريطانيا ..
ام زايد هل بتوقف الي قاعد يصير او خلاص بتستمر ويا بو زايد ..
فهد هل بيرضى يروح ويا ابوه او بيتخلى عنه في اخر الحضات ..
ميثا بعد ما بعدو عنها بنات عمها بترضى تتزوج فهد او بتتعذر في ها العذر ..
اممم ماعرف متى بيكون البارت الياي بل ظبط لاني مسافرة ف الويكند يمكن بعد ما ارجع او قبل ما اسافر احط بارت ..
اختكم ..
يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 18-08-2014, 06:13 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


باااااااااااارت راااااااااااااااااائع
كملللللللللللللللللللللي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 23-08-2014, 08:13 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


اقتباس:
المشاركة الأساسية كتبها روعة غلا مشاهدة المشاركة
باااااااااااارت راااااااااااااااااائع
كملللللللللللللللللللللي
شكرا حبيبتي .. بكمل قريب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 23-08-2014, 08:15 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


*البارت السادس*
والفراق ؟ فراق لو زان الطريج
اليوم الي بعده ..
البيت كله معفوس فوق تحت الي يدور اكسسواراته والي يدور اشيائاته الي ضايعه والتوتر والسرعة هم الي يخلونا مانركز في الشي الي قاعدين نسويه
في غرفة ام زايد وبو زايد
بو زايد: يلا يا ام زايد خلصي تاخرنا على الجماعة
ام زايد: اصبر يا بو زايد العيله من الشيطان
فهد: اميي وين احط المدخن
ام زايد: خله هني
فهد: ابويه
بو زايد: ها ابويه
فهد: ابويه لازم اجوفها قبل مايصير شي
بو زايد: حقك ولدي هاي نظرتك الشرعية بس لازم راي ابوها
فهد: بس عن يقولون انه ولد عمها وجايفنها
بو زايد: لا اخوي مابيقول جي عمك متفهم
فهد: اتمنى
ام زايد: فهد روح جوف خواتك مخلصات ولا لا
فهد: انشالله
طلع فهد من غرفة امه وراح غرفة خواته
فهد: اعوذ بالله شمسويات ف عماركن
شيخة: فهد اطلع ياخي خلنا نخلص
فهد: هههه اوكي يالساحرات امي تقول خلصو يلا بنروح
ريم وهي تبتسم: انشالله حبيبي
فهد وهو يبتسملها: جوفي جوفي يامال الثول جي الناس يتعاملون خلج اتكيت مثل ريومتي
دانة: ريوماا حبي عطيني درسيي من العلاقاا
ريم: اوكي حبيبتي
دخلت دانة الحمام وقعدو يخلصون شغلهم وفهد قاعد عندهم ف الغرفة
شيخة وهي تهمس: طاعو عايشة الجو دانوه
فهد وهو يهمس: ههههه هي ولله اونه يايه بيتنا وماتعرفهم
ريم: حرام عليكم احين بتطلع عن تسمعكم
شيخة: ههههه هي اونه يعني انا اخت المعرس وما اعرف ولدكم
فهد: ههههه سكتي سكتي اذا سمعتنا بتذبحنا
طلعت دانة من الحمام جان كلهم يسكتون فجاة
دانة: بلاكم سكتو يوم طلعت
فهد: ههههه ولا شي ريوم وشيخوه كانو يرمسون عنجج وانا اقولهم عيب عليكم
ريم بصدمه: انا شخصني انتو الي كنتو ترمسون
شيخة: هي فهد تسوي مصايبك وتفرها علينا
دانة وهي متخصرة: لا ولله
فهد وهو يصفر: شو ها الجمال دندونتي
شيخة: غير الموضوع غيره
فهد: جب انتي تبين تسوين بينا مشاكل
ريم: شيخوه خلصي يلا احين بدخل البس ودخلي انتي بعدي
شيخة: انزين انزين
فهد: يلا انا بروح دانوه ترا خوواتج جذابات
دانة وهي تبتسم: اوكي يلا روح ونحن بني بعد شوي وجوف شيماا
فهد: اوكي يلا خلصو بسرعا
دانة وشيخة: اوكي
وطلع
بعد نص ساعة في السيارة ..
بو زايد: ام زايد اول ما اتصلج تكلمو ويا الحريم
ام زايد: انشالله يا بو زايد
بو زايد: وانت فهد خمس دقايق وتطلع من الميلس لما تروح تجوفها
فهد: انشالله ابويه
***************
في بيت بو سعود
البنات قاعدات في صوب
شيخة: جوفيها عفان الله ماعرف منو تتحسب عمرها حتى يوم تكلمت ما استحت
دانة: قاهرتني ويا ويها ماعرف ع شو مصدقة عمرها
شيخة: احسس وايد انذل فهد عشانها وهي ماتسوى ها كله
دانة: ويها لوحح بعيد عنجج
ريم: انتي وياها اسكتو خلاص طاعو كيف يجوفونكم
دانة: اوكي خلاص ولاجنة صار شي
ام سعود: ميثا حبيبتي روحي الميلس فهد يترياج هناك
ميثا قامت بهدوء: انشالله امي
وراحت ميثا الميلس
***********
قاعدة ف الصالة تطالع موفي وحميد ع الكرسي الي حذالها ومندمجين ف الفلم
دخلت البيت وجافته ظلام فتحت ليتات الصالة وانصدمت يوم جافتهم قاعدين يجوفون موفي
: حميدووووه منوو هاي
حميد: اووه الناس تسلم
:فكني منو هاي
حميد باستهزاء: زوجتي
بعصبية : مابغيت تتزوج الا وحدة من الوث مالك جان قلتلي كنت بزوجك شيختها
حميد: انسة سهام شتبين انتي احين وشو رادنج من جهنمج
سهام: حميد تكلم عدل تراني اختك
حميد باستفزاز: انزييين
سهام: حمييييييد طلعها احين من البيت لين ما اسافر
حميد: ومتى نوايه تسافرين الشيخة سهام
سهام: ماعرف بس شكلي مطولة ف البلاد
حميد: يافرحة ماتمت
سهام وهي تطالع اظافرها: ما اظن قاعدة ع راسك ترا بيت ابوي لو نسيت
وهي منزعجة منهم: افففف اطلعو برع كملو نقاشكم وسكرو اليت وراكم
سهام وهي معصبة: هي هي هي انتي منو عشان تكلمين جي ترا مكانج الشارع مب تتامرين علي انا سهاام ال*****
وهي رايحه صوبها بهدوء: ههههههه اهااا انزين يا سهام ال***** اطلعي برع وسكري الباب وبعدين ع سالفة الشارع كل حد يعرف مكانه مب ناقصني الا اليهال يعلموني وين اروح ووين ايي واذا انتي سهام ال***** ترا انا
**********************
: وصايف بيتزوج حسي فيني
وصايف: انتي الي ضيعتيه من ايدج وانتي الي تحملي نتايج افعالج
: وصايف بس انا احبه
وصايف: متى حبيتيه بعد ما راح تراج انانيه وتبين كل شي حقج بس وتبين تتملكين كل شي حتى لو مب مالج
: وصااااايف ما اسمحلج تكلميني جي انا قاعدة اشتكيلج وانتي تردين علي جي
وصايف: من افعالج قاهرتني برودج ينرفز تحركي سوي شي بس قاعدة جي واحبه واحبه
: شسوي ماعرف اول مرا اخسر شي واحس بقيمتاا
وصايف: خوووولةة تراج تنرفزين اطلعي عني
خولة: اففف بنام عندج
وصايف: هه ليش طردوج مثل كل شهر
خولة: لا ام ولا ابو ولا اخت وولا اخو منو بيدفع لهم يعني قبل فهد الي كان يدفع احين لازم ادبر عمري
وصايف: اوكي يا حلوه البيت بيتج قعدي ولا تطلعين تسوين عمرج انا القوو واخر الشهر تينيي وصايف ماعندي مكان عادي اقعد عندج
خولة: اففف خلاص انزين مابطلع
وصايف: غصبن عنج اصلا لو ما شالج البيت عيوني تشيلج
خولة: بعد ماذليتيني ذل
وصايف: خولوو لا تزعلين من قهري عليج مضيعه حياتج بنفسج
خولة: الله كريم يختي شتبيني اسوي بعد
وصايف: قعدي عندي وانتهينا
خولة: زين
*************************
دخلت وتجدمت صوبه: السلام عليكم
وهو يبتسم بالغصب: وعليكم السلام شحالج
: بخير وانت
: تمام دامج تمام
: عيل عندنا اليوم فهد
فهد: هههه هي ولا تبيني اروح
: لا حشا منو قال جي
فهد: اتحسب استويتي مثلهم ميثوه
ميثا: هههه لا بعدني اصليه
فهد: هممممم
بعد خمس دقايق وهم قاعدين بصمت
ميثا: عيل شكلك ياي المكان الغلط
فهد وهو مستغرب: بلاج ميثا
ميثا: انت الي بلاك تصدق ما توقعت انه هاي الزيارة تكون عشان تخطبني يمكن لو كانت قبل عيد ميلادك بستانس بس احين خلني ساكته وايد احسن
فهد: هي هي بلاج انتي مينونه
ميثا: فهد انا ميثا ترا
فهد: وشو يعني ميثا
***************
وهي رايحه صوبها بهدوء: ههههههه اهااا انزين يا سهام ال***** اطلعي برع وسكري الباب وبعدين ع سالفة الشارع كل حد يعرف مكانه مب ناقصني الا اليهال يعلموني وين اروح ووين ايي واذا انتي سهام ال***** ترا انا شما ال***** شما اختج يا سهام
سهام وهي مصدوومة: شماااااااااااا انتي شما شما اختي لا مستحيل شما ماتت مستحيل انتي مب شما انا دورت شما ومالقيتها وابوي قال ماتت لا انتي جذابة اطلعي برع بيتنا انتي وحدة جذابة ونصابة
دخل بو حميد وانصدم يوم جاف سهام منهارة وشما موجودة بعد
بو حميد وهو معصب: انتي شسويتي شقلتي لها عشان يصير فيها جي
شما وهي تصفق: برافو برافو عالن للكل شما ماتت انت شو انت ابو انت
حميد وهو يقاطعها: خلاص شما روحي فوق
شما: مابروح مكان انا لازم اخذ حقي لين متى بسكت عن الكل وعن ها الظالم
حميد بعصبيه: شما ها ابوج
شما: انا ما عندي ابو
حميد بحنان: شماا حبيبي خلاص روحي فوق عشاني
شما: الله عليك يالظالم الله عليك وراحت وهي مقهورا
سهام: قلتلي انها ماتت كيف كيييف تقول انها ماتت وها شو الي صار جدامي
بو حميد ببرود: مب لازم كل شي تعرفينه
سهام: بس ها مب اي شي هاي شما تعرف شو يعني شما
بو حميد: هه منو شما شما بنت امكم بيرشكا
حميد: خلاص سهام عرفتي كل شي روحي فوق
سهام: استغفرالله العلي العظيم كيف جي كييف فهموني شما هي لازم اروح عند شما عشان اعرف شسالفة ولحقت اختها
***************
ميثا: تراني مب خولة
انصدم فهد: خولة منو خولة انتي شدراج في خولة
ميثا: هه مايهم تعرف كيف دريت انا اعرف كل السالفة انك تحب خولة وتباها وأنك مغصوب علي فهد انا ابا ساعدتك مهما يكون انت بن عمي لو تبا برفضك بساعدك تاخذ الي تباها احين عرفت معنى كلامك ف المطعم احين عرفت سبب تغير خواتك علي احين تغير كل شي فهد بس عشانك انت عشان اخوي فهد انا بسوي اي شي
فهد: ميثا ما اعرف شو اقولج بس لو شو ماسويت حتى لو رفضتي ابوي مابيرضى على خولة
ميثا: لا تقول شي مهما يكون انت اخوي انا بسوي الي علي وانت عليك تقنع ابوك
فهد: ميثا احس وايد ممتن لج صدقيني لو ما كنت اعتبرج اختي جان حتى يوم ابوي رفض خولة وقال انتي كنت برضى بس ولله انتي اختي ميثا لا تتحسبين اني اكرهج او ماباج او جايف فيج عيب بس ما اقدر اجوفج اكثر عن اخت
ميثا: ماعليه فهد حصل خير
فهد: مشكووووورة واايد ميثا
ميثا: لا شكر على واجب
*****************
نهاية البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 23-08-2014, 08:17 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


السلام عليكم حبايبي ..
هممم ها البارت واتمنى يعيبكم
ابي توقعاتكم وارائكم عن الشخصيات
-تتوقعون فهد وميثا بيصير الي خططو له ولا الظروف بتكون عكسهم ؟
-خولة شبيصر لها من بعد فهد وبعد ما عرفتو انه مالها حد ف الدنيا ؟
-وصاايف حبيتوها او لا وشتتوقعون وراها ؟
-شماا وحميد وسهام وبو حميد شسالفتهم ؟
ابي ردود ما ابي ناس يقرون ومايردون ولله ها الشي الي يحبطني ما يخليني اكتب ها البارت اكتبه من زماان بس لانة مافي الهام ولا تشجيع ماقدرت اكمله اتمنى القى تفاعل منكم
يتيمة حبيبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 29-10-2016, 09:44 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


*البارت السابع*
يارب على بعده تقويني يطيب الجرح ولا اشكي الالم منه ~
بعد ثلاث ايام في غرفة بو زايد
ام زايد وهي معصبه: ليش بلاه ولدي عشان يرفضونه هو من البداية قال ما يبا بنتهم بس انت الي لزمت عليه وجوف الحين النتيجة
بو زايد: خلاص يا ام زايد لا تعصبيني الناس رفضو قالو بنتهم استخارت وما ارتحات نجبرها على الزواج ولا شو
ام زايد: لو سمعنا كلام الولد وايد زين
بو زايد: شصاير ام زايد تخبلتي ولا شو انا قلت خلاص سكي الموضوع الزواج قسمه ونصيب
ام زايد: لا ما بسك الموضوع لانه كل الي صار ما كان لازم يصير من البدايه
بو زايد: لا حول ولا قوة الا بالله بتسكتين يا مرا ولا اطلع عنج
ام زايد: لا تطلع انا الي بطلع
طلعت ام زايد وجافت عيالها كلهم متيمعين سلمت وقعدت
زايد: بلاج امي ليش معصبه
ام زايد: مافيني شي ولا تكلموني سكتو عني مب ناقصه حد
حمدان: ول شكلها الزعله جايده هالمرا
ام زايد: بلاك انت تولول شرا الحريم
فهد وهو كاتم ضحكته: سكتو عنها لا احين تفجر فيكم
ام زايد هدت: فهد حبيبي بلاك
كلهم استغربو هدوء امهم لما فهد تكلم
فهد: مافيني شي الغالية انتي شفيج شي يعورج
ام زايد: لا مافيني شي بس ابوك معصبني شوي
دخل بو زايد: انتي الا طلعتيلي قرون امكم كبرت وصارت حشرة اكثر
ام زايد: احين تقول هالكلام يعني مايحقلي اعصب ولا حرام انت بس ما تفهمني
بو زايد: استغفرالله تراني بموت من حنت امكم
فهد: امي هدي بلاج جي معصبه مب زين حق صحتج
بو زايد: اسمعو يا عيال
كلهم سكتو ويطالعون صوب ابوهم
بو زايد: اليوم اتصلت في امكم ام سعود
فهد: انزين وشو ردو
ام زايد وهي معصبة: الي ما يستحون على ويهم رفضو ولدي مادري شو الشي الي بنتهم ملاقتنه فيها وما حصلته عند ولدي
فهد طار من الوناسه: انزين امي ليش زعلانة
ام زايد: لا ولله تباني استانس من قهري ليش ترفضك تتحسب بتحصل واحد مثلك
فهد قام وباس راس امه وقعد جدامها ع الطاولة: حبيبتي امي انتي قلتيها ما بتحصل حد مثلي خلاص فكي عمرج منها
بو زايد: ولدج راضي انتي ليش زعلانة
فهد: خلاص سكو ها الموضوع انزين امي اخطبيلي خولة
بو زايد بعصبية: وانت كل شي خولة وخولة فكنا منها ومن طاريها خولة مابتاخذها ام زايد باجر تروحين تخطبيله اي بنت زينة
فهد: لا ولله انتو تبيعوني ولا شسالفة قلتو ميثا وبروحها رفضت جنها كانت حاسه اني بعيشها ف تعاسة واحين تبوني اظلم شخص ثاني خلاص انا حر واسوي الي ابيه
بو زايد: لا ماتسوي الي تبيه تسوي الي نحن نبيه وخولة ما تتزوجها
فهد: انزين ليش
بو زايد: بس بسالك انت تعرف اهلها تعرف وين عايشة تعرف اي شي عن اهلها وعمرها
فهد: طبعا اعرف هي يتيمة امها وابوها ميتين وماعندها خوان وتعيش ف شقة
بو زايد: ههههه انزين بس ابيك تتاكد من معلوماتك ولو طلعت صح صدقني لازوجك اياها
فهد بشك: ليش انت شو تعرف ابويه
بو زايد: اعرف عكس ها كله اعرف انها لقيطه وانها من بيت لين بيت عشان تعيش
فهد: لا مستحيل ابويه جذب الي قالولك اياه
بو زايد: عندك لين باجر تتاكد وترد لي خبر
ام زايد: فهد اسمع كلام ابوك خلاص انا وانت مقتنعين بالكلام الي قاله ابوك وانت تعرف انه الكلام الي انقال صح
فهد: سوو الي تبونه انا طالع
ام زايد: ع وين
فهد: بروح اتمشى شوي
شيخة: بنروح وياك
ساره: امي روني بروه
فهد شلها وباسها: ي روح عمي انتي يلا روحو لبسو بترياكم ف السيارة بس بسرعا
حمد: امي حمد باد بروه "عمي حمد بعد بيروح"
فهد: اوكي عمي روح البس نعالاتك وتعال وعلى صوته خمس دقايق لو ماجفتكم ف السيارة بروح
طلع راح فتح سيارته وقعد يترياهم شووي وكلهم يوو
ريم: وين بنروح
فهد: انتو وين تبون تروحون
شيخة: المول
فهد: لا مافيني اروح المول
ريم: الجو حلو خل نروح ستي ووك
فهد: ها شواخي بتروحين
شيخة: اوكي عادي بروح
فهد: ناخذ شيما ويانا
ريم: هي خل ناخذ دانة وشيما
فهد: وميثا
شيخة: لو بتاخذونها انا مابروح
فهد: ليش
شيخة: بس ما اطيقها
فهد: ع فكرة انا الي قلتلها ترفض
شيخة وريم: شوووو
فهد: هي انا ماكنت اباها وهي عرفت وقالت انها بتساعدني
ريم: كيف عرفت
فهد: ماعرف المهم يعني لا تحطون الوم عليها وعاملوها اوكي حتى لو هي اختي وانتو اكثر شي كنتو وياها لا تخلون شي مثل ها يخرب علاقتكم فيها
ريم: اوكي انا بكلم دانة لو بتيي
فهد: وانتي شيخوه كلمي ميثا
شيخة: انا مايخصني انت كلمها
فهد: اوكي
فهد اتصل على ميثا
فهد: هلا ميثوه
ميثا: اهلين فهود شحالك
فهد: تمام وانتي
ميثا: انا بخير امر فهد صاير شي
فهد: لا كل شي تمام بس بطلع انا وخواتي بتين ويانا
ميثا: سوري فهد بس انا مشغولة شوي مرا ثانية انشالله واستانسو
فهد: يلا عاد عازمنج وتقولين مرا ثانية يوم بترجعين كملي شغلج يلا البسي انا احين ياي صوب بيتكم
ميثا: بس فهد
فهد قاطعها: لابس ولا شياته يلا باي اترياج
ميثا: اوكي باي
بعد ما سكر عنها
شيخة: اففف فهد مب غصب تيي ويانا
فهد: شيخة خلاص انا كلمتها ريم كلمتي دانة
ريم: هي تقول بتكلم ميثا تلبسها لانها هي مب ف دبي
فهد: اوكي
*******
قاعدة ف غرفتها تفكر كيف احين لما تجوفهم تعاملهم ولا جنه شي صاير ولا شتسوي: الله يسامحك فهد حطيتني ف موقف صعب
شيما: يلا اموه بروه
ميثا: يلا حبيبي
نزلو تحت وجافو فهد عند الباب: السلام عليكم
كلهم: وعليكم السلام
فهد: ها شيمو مافي بوسه حق خالي
شيما راحت عنده وباسته
حمد: امي ابي اسوق وياك
فهد: هههه انزين تعال
شيخة: فهد لا تستهبل شو تخليه يسوق
ريم: شحالج ميثا
ميثا: بخير بنت عمي انتي شحالج
ريم: بخير
ميثا: شحالج شيخة
شيخة: بخير بخير
فهد: حمود وين بتودينا
حمد: بروه بهر
فهد: انزين يلا ودنا البهر يالهندي
شيخة: هي فهد خل نروح البحر
فهد: اوكي بس ريوما ما تبين تروحين ستي ووك
ريم: خلاص خل نروح البحر بس خل ناخذ جباتي وكرك
فهد: اوكي
*************
قاعدة ف غرفتها الي تتشاركها ويا اختها
وفاتحة اللاب والفلم يشتغل بروحه وهي بالها بعييييد
: سهام شفيج
: ........
راحت وقعد حذالها ع الكرسي: سهام هللو وينج
سهام: هلا شما شفيج
شما: انتي الي شفيج وين وصلتي
سهام: شما انتي متاكدة انج مسامحتني
شما: وليش ما اسامح[ وانتي ماضريتيني بشيونحن الحين عايشين حياة حلوه
سهام: بس هاذاك اليوم وايد تماديت وياج ف الرمسه
شما: وانا نسيت هاذاك اليوم مهما يكون انتي اختي والغلط مب منج من ابوي
سهام حضنتها: ولله شما انا احبج وفرحانه لانه طلع عندي اخت
شما: ههههه سهام قومي عني يالمنحرفة
سهام: ههههه انزين شموه
شما وهي رايحه صوب المنظرا: همممم
سهام: كنتي قاعدة عند امي
شما: هي
سهام: ابي اروح وياج لما تسافرين مابي اقعد هني ومابي اسافر بروحي
شما: بس انا مابرجع عند امي
سهام: تكرهينهم
شما: منو
سهام: الي خلفونا ونسونا
شما: بلاج سهام انسي انسي الحين ماعدتي وحيدة انا عندج
سهام: انزين خل نطلع
شما: اوكي يلا قومي لبسي
********
: فهد عمي سيف بيي ويانا
فهد: ماكلمني عيل
ريم: ما اعرف بس توا هو قالي
فهد: اوكي قلتيله انه بنروح البحر
ريم: هيي
فهد: انزين يلا ولا مابتنزلون
شيخة: طبعا بننزل ياين عشان نقعد ف السيارة
فهد: بسم الله كلتيني سوال ترا
ريم: يلا ميثا خل ننزل
ميثا بابتسامه تعرف بنت عمها شقد طيبة: يلا حبيبتي
***************
دخل عليهم الغرفة بدفاشة: شتسوون
: حميدوه اطلع برع خل نلبس بنطلع
حميد: سهاموه انتي منو كلمج
سهام: افف حميد لا تسوي فلم احين
حميد: انزين من منو استاذنتو
سهام: استاذنا !!!! ومن متى انشالله نحن نستاذن
حميد: من اليوم وساير
شما: حميد حبيبي بنطلع عادي
سهام: هي شما عادي حبيبتي روحي
شما: ههههه سهام شو ها
سهام: اجوفج صدقتي وتستاذنين حميد حبيبي نحن نعرف انك الريال بس لو سمحت مب على الطلعات
حميد: عموما روحو وين ماتبون وانا مسافر اليوم انشالله لو محتاجين شي كلموني قبل ما اروح
سهام: وين بتروح حميد ما صدقنا نتيمع كلنا مع بعض واحين تسافر بعد
حميد: بروح عندي شغل اسبوعين وراجع
شما: تروح وترد بلسلامة مانبي الا سلامتك وجوفتك
حميد: الله يسلمج يلا انا بروح اجهز اغراضي مابطول عليكم
***************
في بيت بو زايد
ام زايد قاعدة ويا ربيعتها ام مروان
ام زايد: حي الله ام مروان
ام مروان: الله يحييج يا ام زايد
ام زايد: من زمان ما قعدنا هالقعدة الحلوة
ام مروان: هي ولله يختي الاشغال لهتنا عن بعض
ام زايد: مشالله كبرت اسما ما عادت البنت الصغيرة
ام مروان: سنة الحياة يكبرون ويكبرونا وياهم
ام زايد: لو كنت اعرف انج بتيبين البنات جان خليت بناتي يقعدون ف البيت
ام مروان: خليهم يستانسون
اسما: لا عادي خالوه نحن بنقعد وياكم
ام زايد: فديتج ولله ام مروان بقولج كلمة راس بعدين ذكريني
****************
كانو يتمشون صوب البحر وكل واحد ساكت ويفكر
فهد "ماكنت ابي ابوي يعرف عنج ياخولة كنت ابي اطلعج من الي انتي فيه انا اسف خولة وهمتج بحبي بس ها الي كان المفروض يصير"
ميثا "يريت لو ما فرطت فيه يريت لو وافقت وقلتله اهلي جبروني يريته يحس بس مايفكر الا ف عمره خلاص عشان انا احبه بدور سعادته حتى لو ويا غيري"
ريم "احب ابوي بس وايد يقسى على اخواني واكثر واحد فهد الله يهديه ويهدي اخواني ميثا وايد تغيرت لازم انا ارجع علاقتي ب ميثا مثل قبل محد يفهمني الا هي هي اختي بس ماعرف ليش سويت جي وسمعت كلام خواتي"
سيف "ااااااه مشتاقلها ماعرف شصار عليها اختفت ابي اجوفها اشتقتلها كله منهم محد يعرف شقاعد يصير فيني تعبت من كل شي هه وبنات اخواني طالعيلي بسالفة يديده الزواج جنه انا ناقص هموم ومشاكل الله يعين بس"
شيخة " كل حد يتحسب اني قاسيه ما يعرفون انه الزمن يبي جي انا مابي اتعلق ف حد عشان ما اخسره بس كلهم يتحسبون الشي قسا خلهم اهم شي انا وبشو افكر ماعلي من حد"
فهد وهو مشتت نظرة: بلاكم ساكتين
سيف بهمس: ولاشي
رفع عيونه وجاف شي ماكان يتوقعه قال بصدمه: فهد
فهد رفع عينه عشان يجوف عمه وانصدم مثله: كييف جي
شيخة: شو تعرفونهم !!
ريم: هاي شما الي ف كلاسنا
ميثا: هي تعالو نسلم عليها
شيخة بصوت عالي: شما
رفعت راسها هي واختها يجوف مصدر الصوت انصدمت شماا من الي قاعدة تجوفة
سهام: شما تعرفينهم
شما:.......
استغربت سهام من شما تكلمها وماترد لفت على اختها وانصدمت لما جافتها تصيح: شما ماماتي شفيج شما ردي علي شما شصاير
مالقت نفسها الا وهي متصله على حميد
حميد: مسرع ما اشتقتيلي
سهام: حميد تعال بسرعا ماعرف شما بلاها
حميد: شفيكم انتو وين
سهام: ف البحر الي ف ****
حميد: اوكي احين ياي صبرو شوي
**************
فهد هدهم كلهم وراح صوب شما ولحقوه خواته: شما نورة وين
شما: .....
سهام: انت منو وشو تبون منا
فهد: شما بروح بس الله يخليج قوليلي نورة وين بس ابي اعرف مكانها شما تكلمي
وقفت شما: يلا سهام بنروح
فهد: شما لا تعذبيني الله يخليج قوليلي نورة وين
شما: ماعرف ماعرف فهد روح عني الله يخليك
سيف: شماا
شما لفت ويها عنه
سيف: شما انا اسف اعتذرلج جدامهم كلهم
شما: الي سويته فيني مب شوي
فهد: شما نورة وين لا تسكتين انتي اكثر وحدة تعرفين الموضوع تكلمي
: خير شتبون
فهد: خير انت الي شتبي
سهام: حميد خلهم يروحون عنا الله يخليك
فهد: شما قوليلي نورة وين وروحي بعدين
حميد: هي هي انت منو
فهد: انا كلامي ويا شما لاتدخلون
حميد: وشما وراها ريايل تعال كلمهم مب تروحلها
فهد: سيف رجع خواتي البيت وتعال انا بتكلم وياهم وتعال
سيف: يلا بنات
شيخة: انا مابتحرك لين ما اعرف شو المهزلة الي صايرة
فهد: شيخة روحي مب ناقصنج انا
ريم سحبت شيخة: فهد نترياك ف البيت
**************
نهاية البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 29-10-2016, 09:45 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


لسلام عليكم

شحالكم حبايبي
نزلت بارت طويل اطول عن بارتاتي السابقة وفيه احداث مثل ما تبون
انتو تبون بارت طويل وانا ابي ردود وايد اتعب واكتب واخر شي ردين او ثلاثة
في وايد ناس يقرون ومايردون بليز يعني حسو فيني
اقصر في وايد اشيا بس عشان اكتب بارت فرحوني بردودكم
هالمره انا اسف مابنزل بارت لين ما اجوف ردود
واممممم ابي رايكم ع البارت
-شما:
-فهد:
-سيف:
-شيخة:
-ميثا:
-سهام:
-حميد:
-ريم:
-اسما:

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 30-10-2016, 12:08 PM
صورة غرشوبة نعيميه الرمزية
غرشوبة نعيميه غرشوبة نعيميه غير متصل
©؛°¨غرامي فعال ¨°؛©
 
الافتراضي رد: رواية خلك على صدك ترا خاطري طاب نفسي عزيزة والعرب خابريني/بقلمي


السلام عليكم
روايتج روعه كمليها وان شاء الله بتلقين الردود اللي تسرج
والشخصيات جميله وايد عيبوني
بس شو علاقة سيف وفهد بشما اتريا البارت عشان اعرف
ولا تتأخرين وان شاء الله اكون من متابعينج

سلام،،،،،،،،،،،،

الرد باقتباس
إضافة رد
الإشارات المرجعية

رواية خلك على صدك ترا خاطري طاب نفسي عزيزة والعرب خابريني/بقلمي

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 29603 اليوم 05:27 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM

الساعة الآن +3: 12:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1