اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-02-2014, 09:35 AM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رواية خلك على صدك ترا خاطري طاب نفسي عزيزة والعرب خابريني/بقلمي


السلام عليكم ورحمة الله وبركاته ..


اتيت لكم بروايتي التي من نسيج الخيال ولكن بها بعض من الواقع التي نعيشة سوف اطرح افكاري وسانثر حروفي وكلماتي البسيطة اتمنى ان تنال اعجابكم والتي ستتحدث بالهجة الاماراتية وستكون على اراضيها الغالية ولكن لا اقصد بها باي موقف او حدث اهلها العزيزين ..


لم تكتمل روايتي بل هي في بداياتها بتشجيعكم وصبركم وانتقادكم الصادق ستكتمل روايتي لم اتمنى ان اعرضها وهي غير مكتملة لكن حماسي في نشرها هو من جعلني اعرضها اتمنى من جميع من يشاهد روايتي ان يكتب تعليقة وساتقبل كل مايبدر منكم لكن بادب واحترام واتمنى من جميع القراء ان لا يهملوا الصلاة بسبب القراءة وقراءة ممتعة للجميع ..

لا احلل من ينسب روايتي اليه ..

اختكم ..
يتيمة حبيبي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-02-2014, 09:37 AM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


*البارت الاول*

الله لا يهديك راحه لو تغيب بيوم عني . .
الساعة ثلاث ونص الفير دخل البيت وهو يدندن جافه كله ظلام الا الابجورات الصغار مفتوحات استغرب خواته مب واعيات ابتسم يعني ما ايون إلا بلعن الخير اتذكر يوم امس يا وجافهم عصب عليهم لانه محذرنهم ومارمسهم شكله فاد فيهم مستوي هل كم يوم ايي من وقت بالنسبه له ولسهراته وهو يمشي صوب الدري: منازع خواتك وانته بروحك احين داخل البيت
التفت جاف ابوه راح وبأسه على راسه: السموحه الوالد بس تعرف بعد انا ريال محد بيقول شي بس هن حريم يوم بيونهن بيسئلون كيف كانن عايشات والصراحة هلزمن مافيه أمان وماتعرف ع شو يسهرن
ابوه: ترا انته بعد يوم بتخطب بيسئلون عنك وبناتي انا اعرف كيف مربنهن
:اكم ها اخواني كانو اخس عني ومشالله كل واحد فيهم معرس وعنده عيال ومحد ذم فيهم انا اعرف منو خواتي ولو ما اخاف عليهن جان خليتهن ع هواهن
ابوه:عييت فيك ما قول إلا الله يهديك
باسه على راسه: انته تاج راسي بس تامر وأنا انفذ المهم ابويه شتسوي قاعد أهني ف ها الوقت
ابوه: اقرا قران لين ما ياذن يابوك
: انزين ترياني بروح اتيدد وبيي وياك بنروح رباعه بالسيارة بدال ماتمشي
ابوه: لا ابويه خل نتمشى احسن عن يتمرد علي شيطاني
ابتسم حق ابوه على هيبته وصرامته والكل يحسبله ألف حساب إلا انه جدام ربه يستوي ذليل: انشالله ابويه الي تامر به يلا خل اتيدد عن يخونا الوقت
وراح غرفته حط فوناته على فراشه فصخ قميصه وخذاله كندورا من كبته ووزار وفانيله ودخل تغسل و تيدد وطلع لبس ملابسه وجاف الساعه استوت اربع طلع من غرفته جاف البيت كله منور ابتسم احين كلهم بيقومون بهزبه من ابويه جافه ابوه من الفتحات الي فوق: فهد قوم خواتك من النوم
فهد: انشالله طال عمرك
راح صوب غرفة خواته وفتح الباب جاف الغرفة ظلام وفاتحين المكيفات وانتبه حق ليت الفون الي تسكر يوم فتح الباب: اها يعني بعدكم ما تسمعون الرمسه قومو صلو والخبر بيوصل عند أبوي اوكي يا خواتي المحترمات الي تسمعون الرمسه
: فهد تعال يعني مب من أول مرا ما نرقد من وقت
فهد: اسكتو مابا ولا وحده منكم ترمسني والطلعة الي واعدنكم فيها انسوها ما تستاهلون راد من وقت عشان أنام وأقوم من وقت واطلعكم بس طاعو منو بيوديكم
: فهد بنصلي وبنام سوري ولله
طلع وهو معصب يعني لو سهرانات على شي مفيد مابيقول شي بس سهرانات على الفونات والفونات هاي الأيام الله يستر من بلاويها جاف ابوه وهو يدق الباب على اخوانه ويقومهم: ها فهد قومت ريم وشيخة
فهد: قايمات بعدهم ما نامو
ابوه: يلا انزين عشان نلحق نصلي ف الصف الاول
فهد: انشالله جان قلتلي انا بدق الباب على اخواني بدال ما تتعنا لين فوق
ابوه: خلني دامني فيني هبه يوم بتكسر عقب مابتعنا
فهد: الله يعطيك الصحة والعافية
نزلو تحت وخمس دقايق ويو اخوانة
الابو: يلا فهد زايد حمدان
وطلعو كلهم وراحو المسيد تمو لين الساعة خمس الفير ورجعو البيت جافو امهم مجهزه الريوق دوم جي ف بيتهم أيون من الصلاة يتريقون ويروحون يجهزون حق الدوامات
بو زايد: السلام عليكم
ام زايد: عليكم السلام حياكم يلا يا بنات يبو الاكل الباقي
كلهم راحو صوب أمهم وباسوها على راسها ويو البنات ورتبو السفره وباسو ابوهم على راسه: شحالكم بناتي
البنات: بخير الحمدلله
أم زايد: فهد حبيبي متى رجعت تحسبتك بطول
فهد: لا وين توني راجع قلت بيي بناملي شوي واعد خواتي اطلعهم
ام زايد: ودر السهر ولدي مب زين حق جسمك الله يحاسبك ولدي
فهد: خليني عايش حياتي عقب بتيني حرمه بطلعلي قرون صح اخواني
زايد: لا غلط بس انته دورلك مثل حرمتي
فهد: احلام ترا اخوي بياع رمسه وغمزلها
احلام مرت اخوه: هههه حرام عليك
فهد: ههههه
أم زايد: الله يصلح حالك ولدي
فهد وهو يضحك: امين
بؤ زايد: بدال الهذرا الزايدة تعال كلك لقمة
فهد: لا بلعافية عليكم مابا
أم زايد: عشاني ولدي تعال كل شوي طاع شقايل غادي مصفر وضعفان
فهد: لا تلزمون علي يا جماعة احسني شبعان
أم زايد: تعال عندالي يلا ولا كلمة
فهد وهو يضحك: ههههه عشانج ولله ولا انا مافيني اكل
وراح يقعد حذال امه ومنزل راسه قاعد على فونه جان تضربة امه على جتفه: انا قلت كل ما قلت اقعد على ها الضر
فهد: ههههه اميه قلتلج مابا اكل
أم زايد: مب على كيفك يلا افتح حلجك بلقمك
شيخة: ماماتي تراني انا آخر العنقود مب فهد
فهد: انتي لا تدخلين بيني وبين أمي فاهمة
أم زايد: فهد بلاك على اختك
فهد: خل تولي
بؤ زايد: فهد اسكت
فهد: انشالله
ونزل راسه على الفون
ام زايد: يلا فهد افتح حلجك
فهد وهو متضايق ويهمس: مابا
ام زايد: بلاك حبيبي
فهد: مافيني شي
ام زايد: يلا عشاني
فتح فهد حلجه وكل القمة يوم خلص يبلعها وقف وهو معقد حياته: أكرمكم الله
ام زايد: وين ما كلت ابويه
فهد: تعبان امي بروح انام
ام زايد: انزين تعال كل شوي عقب بتقوم من الرقاد مابطيع تاكل واحين مب طايع تأكل قولي انت متى تاكل يلا اقعد ولا بزعل عليك
قعد فهد وهو ساكت
حمدان: بلاه الياهل زعلان طاع براطمك واصلات لين غرفتك
فهد: اسكت انت الثاني
زايد: فهد اليوم اجوفك ف الشركة الشغل كثران هل ايام وانت بس تسهر واداوم نص دوام وترد البيت تنام

فهد: حبيبي اليوم ويكند
زايد: مشكلتك امس مب مداوم تعال اليوم عوض
فهد: ياربي زايد انا أبا أنام عقب بودي خواتك ابويه قايللي اوديهم
بؤ زايد: خله ينام وعقب بيقوم بيصلي الجمعة و بيتغدا وبيودي خواته وعقب بيداوم
فهد: تبعان ياناس افهموني
بؤ زايد بصرامه: محد قالك تم لين الفجر برع البيت
فهد: اوكي خلاص احين بروح أبدل وبيي الشركة وبطلع وبودي خواتي وبرد الشركة ومابطلع من الشركة الا الساعة ثنعش فليل وبرجع البيت وبنام وبقوم الساعة اربع الفجر وبخلي حياتي مثل الحريم أظن جي بيعيبكم صح كل ما أسوي شي مايعيبكم
بؤ زايد: إذا هاي حياة حريم عيل حياة الريايل شو انته بس الي فاهم كل شي غلط تداوم وترجع البيت تبدل و تفرفر طول اليوم وترجع الفجر تناملك ساعتين ثلاث ماتمل انته
ام زايد: خلاص بؤ زايد هدي مابيصير الا الي يطيب خاطرك

وقف فهد وراح غرفته وهو متغصص كل حد حاط عليه فر فوناته وبوكه على الفراش ودخل تغسل ولبس بجامته طلع من الحمام جاف امه على فراشه: هلا اميه فيج شي
ام زايد: لا حبيبي بس تعال اقعد عندالي ابا أتكلم وياك شوي
راح فهد وقعد حذال امه: امري الغالية
ام زايد: فهد ابويه انته احين ريال الي كبر معرسين وعندهم عيال وكم مرا اكلمك وتقول بعدني مابا أعرس احين ابا استانس ف حياتي وخليتك على راحتك بس مب جي عاد تقعد لين أنصاف اليالي برع البيت أبوك يضايق من هالشي وخواتك حبيبي انته سندهم من بعد عين ابوك خف عليهن فهد
فهد: الله يطول بعمره اميه انا اعرف شو أسوي انا فاهم وما اطلع أسوي منكر ولا شي حرام اقعد ويا ربعي وايي وخواتي خل يراجعن تصرفاتهم وبعاملهم زين كلمتهن وسون عمارهم خلاص ودرن كل الي يسونه ها الخربطان وآخر شي ينخشن ف غرفهم جنه محد يجوفهم وقوليلهم طلعت اليوم أبوي كلمني مرا ثانية ف المسيد وقال ودهن ولا انا كنت ما بوديهن
ام زايد: الله يهديكم يلا ابويه ما اطول عليك يوم بتقوم بنرمس نام احين ريح طاع ويهك كيف غادي وفهد اخوانك يحبونك يبون مصلحتك لا تزعل منهم
فهد: انشالله امي انا مب زعلان على حد
ام زايد: يلا تصبح على خير
فهد: وانتي من اهله
قامت ام زايد وقام وياها فهد: ها اميه وين رايح ما بتنام
فهد: امبلا بس بسكر اليتات
ام زايد: خله انا بسكره
فهد: مشكوره أمي الله يطول بعمرج انشالله
طلعت ام زايد وهي تدعي حق عيالها وتغطى فهد وغفل جان يسمع الباب يندق وانفتح: فهد نايم
فهد: شتبين خلصيني بوديكم أظن قالتلج امي ها الي يهمكم بس خلاص بسويلكم اياه وبجوف لين وين بتوصلون وطلعي برع وسكري الباب ابا أنام تعبان
شيخة: انا اسف فهد ماكنت اقصد ونحن سمعنا كلامك ولله حتى ماقعدنا ف الصالة عشان انام بس مانقدر انام على طول
فهد: خلاص شيخة جفت وسمعت بما فيه الكفاية منج انتي واختج توعدون وماتتفذون خلاص انا بسكت عنكم وانتو دورولكم أخو مثلي بس اعرفي مابتحصلون أخو يعامل خواته مثلي كلهم متشددين وكلهم عصبين ومحد منهم يسوي سالفة حق خواته بس انا لأني ماباكم تطلعون مثل هايل البنات قاعد اسويلكم جي بس انتو طاعو بشو تجازوني شيخة الله يخليج تعبان يوم بقوم بنرمس اطلعي وسكري الباب
شيخة: عشان انته غير نحن نحبك وندور رضاك وطلعت وسكرت الباب فهد ماعطا نفسه يفكر ف رمست شيخة ونام على طول من التعب


******
وبجذي نعتبر نهاية البارت الاول تريوني في بارت يديد واتمنى البارت ينال اعجابكم واتريا تعليقاتكم كلكم وقراءة ممتعة للجميع

******
اختكم ..
يتيمة حبيبي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-02-2014, 09:38 AM
صورة ××نــزف العيـــون×× الرمزية
××نــزف العيـــون×× ××نــزف العيـــون×× غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


جاري القرآءه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-02-2014, 09:39 AM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


اقتباس:
المشاركة الأساسية كتبها nazf al3uon مشاهدة المشاركة
جاري القرآءه
قراءة ممتعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-02-2014, 09:41 AM
صورة ××نــزف العيـــون×× الرمزية
××نــزف العيـــون×× ××نــزف العيـــون×× غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


صراحة الروايه بدايتها روووعه
اعتبريني متابعهه لج


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-02-2014, 09:43 AM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


اقتباس:
المشاركة الأساسية كتبها nazf al3uon مشاهدة المشاركة
صراحة الروايه بدايتها روووعه
اعتبريني متابعهه لج
تسلمين حبيبتي ..
اتشرف بمتابعتج لي ..
اختج ..
يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-02-2014, 06:09 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


*البارت الثاني*
اَريد وقتك لي لوحديّ! هكذا هي انانيتي ..
شيخة: عشان انته غير نحن نحبك وندور رضاك وطلعت وسكرت الباب فهد ماعطا نفسه يفكر ف رمست شيخة ونام على طول من التعب
الابو (عبدالله) متزوج (مريم):
*زايد 26 متزوج بنت ربيعة ابوه (أحلام) 25 عنده بنت اسمها ساره سنتين
*حمدان 25 متزوج عن حب (حمده) 25 عندهم ولد اسمه حمد سنتين
*دلال 24 متزوجة سعود ولد عمها 27 بنتها دانة سنة ونص

*فهد 23 يشتغل ف شركه العايلة
*ريم 21 تدرس ويا بنت عمها الروح بروح ميثا في جامعة الغرير ادارة اعمال رابع سنة
*شيخة 19 ثاني سنة جامعة تدرس هندسه ديكور في جامعة الغرير
****************
اليوم الثاني ..
:ميثا اميه نشي يبيي الفحم من المطبخ وبخري البيت
ميثا: انشالله ماماتي
: خفي علينا يا دلوعة ماماتج
ميثا: ههههه رشود ليش تغار مني
راشد: من جمالج أختي المصون
ميثا: ههههه ياخي انا أحبك
راشد: وأنا بعد أموت فيج بس اليوم بطلع ويا عيال عمومي
ميثا: ياربي انزين ودني بيت عمي عبدالله
راشد: فهود الي بيمر على مب انا الي بروحله
ميثا: عمي سيف بيروح وياكم
راشد: هي بيي حد يفوت الطلعة ويا راشد ال*****
ميثا: يعني محد بيطلعني
راشد: هي محد بيطلعج ويلا روحي يبي الفحم وتعالي بخريني
ميثا: افففف انزين بس تتامر ويوم اقولك طلعني ماتبا طاع عيال عمومي كل ويكند يطلعون خواتهم وانا بس لانه ماعندي أخت ثانية محد يسويلي سالفه اربع وعشرين ساعة قاعده ف البيت لا اخت ولاشياته امي تطلع عند العيايز وانته تطلع ويا ربعك وسعود ويا حرمته وابوي ف الشغل وأنا اقعد بروحي ف البيت وطلعت ودموعها ف عيونها غمضته بس هو مب متفيج حق طلعات الحريم الي ماتخلص يت وهي منزله راسها وشاله المدخن وريحت العود تهب منه ونزلت على الارض عشان تبخر كندورة اخوها وهو واقف سيده ورافع راسه عشان الدخان يطلع بعد ما خلصت وقفت بتروح تبخر كندورة أبوها وتؤدي المبخر حق حرمت سعود أخوها عشان تبخر ملابسهم وعقب ماتخلص بتبخر الميلس والصالة والغرف وبتروح تسبح وتصلي وتتجهز عشان يروحون بيت يدتهم ها كله ع راسها ومن غير هي مقهورة من راشد يوعدها بيظهرها ويخلف بوعده خلصت تبخر الكنادير اول شي عشان مب باقي وقت على الصلاة وراحت عطته دانة بنت عمها على ماتخلص تبخر جناحهم والملابس راحت تسبح عشان يخف القهر >> هههه بنت عمي جي يوم تنقهر تروح تسبح بماي بارد
دخلت غرفتها راحت غرفة التبديل خذت لها مخورة كشخة عشان اليوم بتروح بيت يدها وتذكرت المدخن حطت ملابسها على الفراش وطلعت من الغرفة وهي تزاعق: بيري بيري تعالي بسرعة
طلع سعود من غرفتة على صريخها: خس الله هالحلج حق شو كل ها الصريخ الناس تذكر ربها وانتي تباغمين شتبين بعد بهاي المسكينة
ميثا: مساء الخير بو شيما انته قلت الناس تعبد ربها مب تدعي من اول ما تقوم
يت بيري وهي ريحتها مطبخ: يس مدام
ميثا: اخيييج عليج انتي وريحتج اقولج يوم بتخلص دانة من المدخن خذية وبخري الميلس والصالة وبعدين يبيه غرفتي
ولفت تدور سعود اخوها عشان تقوله يقول حق حرمته تخلص من المدخن بسرعة ماحصلته: بيري لا تنسين انزين
بيري: اوكي مدام وراحت المطبخ
دخلت ميثا غرفتها خذت روبها ودخلت تسبح بعد ما خلصت تسبح تيددت وطلعت جافت المدخن على الطاولة وراحت تقفل الباب علقت مخورتها ف المعلاقة وحطت تحتها المدخن وراحت تطلعلها شيلة بيت (وقاية) وخذتلها خاتمين ساداة من علاقة الاكسسوارات وفتحت شنطة ميكبها طلعت مسكرا وبودرة وجحال وقلوس وتذكرت مخورتها وصرخت وهي تضرب راسها: اووووه كيف نسسيتها احين اكيد احترقت
ولحقت عليها وهي متروسه دخان خذتها وبطلت الروب الي عليها ولبستها وهي تجوف عمرها ف المنظرة الكبيرة الي ف غرفتها ابتسمت ابتسامه ولاجنها الي توا مقهورة ولبست كعبها وتمت تمشي مثل عارضات الازياء وصلت عند الجامه وباستها: فديتني محلوة بالمخورة
بطلت الكعب ولبست شيلتها وصلت عقب ماخلصت بدت تحط ميكب وهي تدندن: العام من اول غرامك ببتديه واللي مضا قبله بدونه بكتفي سمعت فونها يرن (توام روحي) ابتسمت وهي تفتح الخط وتحطة سبيكر
: هلا بالقاطعه وينج مختفية ماتقولين عندي بنت عم اتصللها واسال عنها
ميثا: هلا باحلى واغلى اخت وبنت عم فالعالم ههههه امس اخر شخص رمسته انتي وبعد قاطعه الله يسامحج بس
: هههههه شسوي من المحبة
ميثا: الله يديمها يارب
: امين اقولج متى بتروحون بيت يدوتي
ميثا: منو الي يقول يدوتي ريمو لا ما اصدق هههه المهم بعد شوي بني يوم بيون الشباب من الصلاة
ريم: اوكي وقولي حق ماماتج بتروحين ويانا بيتنا مايكفي الوقت الي نقعد فيه نتغدا ونروح شوي احس تعالي ويانا
ميثا: ماعرف برمسها بس ماظن ترضى
ريم: عادي انا برمسها اذا مارضت
ميثا: انزين اقولج ريمو انا ببند بروح ابخر غرفة رشود قبل ما نروح
ريم: اوكي يلا باي حبيبتي
ميثا: باي
الابو (محمد) متزوج (نورة):
*سعود 27 يشتغل ف شركه العايلة متزوج دانة بنت عمه عبدالله عمرها 24 عندهم بنت اسمها شيما
*راشد 25 يشتغل ف شركه العائلة
*ميثا 21 تدرس ف جامعة الغرير ادارة اعمال رابع سنة
********
دخل البيت: السلام عليكم
: عليكم السلام هلا بعمر ها وين ابوك واخوك
عمر وهو رايح صوب امه: احين نازلين من السيارة وباسها على راسها
دخل عيسى وابوه: السلام عليكم

ام عمر: وعليكم السلام
عيسى: يلا امي وين خواتي مافينا نتاخر على الجماعة
ام عمر: احين بزقرهن
بو عمر: قعدي ام عمر وهو يعليى صوته عاشة يا عاشة
عاشة من فوق: امرني الغالي
بو عمر: ازقري عليا ويلا تعالو بنروح عند خوالكم
عليا وعاشة وهن نازلات: خلصنا نحن
وقامو كلهم وطلعو برع عشان يروحون بيت يدهم ابو امهم
الام (لطيفة) متزوجة (شاهين)
*عمر 25 يشتغل ف شركة أهل ابوه
*عيسى 23 يشتغل ف شركة أهل ابوه
*عاشة 22 مقدمة اوراقها ف أدنوك
*عليا 21 تدرس ويا بنات خوالها ف جامعة الغرير إدارة اعمال رابع سنة
**********
: ها عفرا مب جنة عيالج تاخرو
عفرا: لا اميه توهم طالعين من البيت
:انا احين بكلمهم
اليده: هي جاسم وقولهم اذا تاخروا ما بيلومون الا نفسهم
جاسم: ههههه انشالله يدوه
الام (عفرا) متزوجة (سلطان)
*جاسم 25 يشتغل ف معرض السيارات حق ابوه
*احمد 24 يشتغل ف معرض السيارات حق ابوه
*امنة 23 عطاله تفكر تشتغل بس تقول خل تريح عن نشت الصبح
*عزام 22 يشتغل ف شركة عمومة
بعد خمس دقايق انفتح باب الصالة ودخلو واستوا البيت ازعاج
اليده وهي تجوف ميثا يايه صوبها: حيا الله الميث تعالي اميه تعالي
ميثا وهي مبتسمه شكثر تحب يدتها: هلا بالغالية وباستها على راسها شحالج يدوتي
اليده: بخير حبيبتي وانتي شحالج
ميثا: انا بخير يدوه وراحت تسلم على عمتها شحالج عموه
ام جاسم: بخير حبيبتي وانتي شحالج
ميثا وهي مبتسمه: بخير الحمدلله ولفت على جاسم شحالك جاسم
جاسم: بخير بنت الخال وانتي شحالج
ميثا: بخير بن عمتي
لفت على يدتها عشا تروح صوبها جافتها ماسكه شيما وترمسها: شيوم ليش تاخذين مالي يدوه وراحت قعد حذال يدتها
شيما: لا مالي يدوه مب مالت "مالج"
ميثا: يدوه صح انتي مالي
شيما تلوي على اليده: لا يدوه مالي مب مال اموه ميتا "عموه ميثا"
اليده تلوي على ميثا وشيما: فديتكن انا مالكم كلكم
وانفتح الباب ودخل حمد وهو يربع ودخل وراه فهد وهو شال ساره بنت اخوه: حمود يالهرم تعال عند عمي جوف روني تحب عمي بوديها وياي وباخذلها ككاو وانته ماباخذلك
حمد: امي "عمي" انته لا تثل روني انا بيي اندك "عندك" بابا يقول لا تروه اند "عند" البنات انته ليال "ريال" البنات كخه
فهد وهو ناقع من الضحك: هههههه البنات مب كخه تعال بنروح انا وانته مردف بنغازل لا تقول كخه عقب محد بيعطينا ويه
حمد: لا انا اسما "اسمع" كلام بابا
فهد بعد ماباس راس يدته وراس عمته لحق حمد شلاه من قميصه وقعداه على ريله: روني حبي عمي بسرعا بسرعا
نطت ساره على عمها وهي تحبه وخيسته برواوينها
حمد: يااااااا (يعع) امي روني وسخت مالك الحرامي (لحيته)
فهد: ههههه عسل عسل يلا انته بعد تعال بوس عمي
حمد: لا روني باثت امي
فهد: يلا ولا عمي بيعصب
حمد: انذين انذين لا تعسب
فهد: ههههه انذين انذين بس بوثني
حمد وهو يضحك: لا تقول انذين مثلي قول انذين مثل بابا
فهد: هههههه يلا خلصني
ونقز حمد على فهد وباسه وفهد يضحك على خباله
فهد: شيموه مابتين عند خالي ولا نسيتينا
نزلت شيما من على ريل يدتها وهي مستحيه وتمت تمشي شوي شوي وفهد يطالعها ومبتسم: هلا بالاميرة هلا بحبيبه خالها
شيما: خالي ماماتي تقول انا برنثث
فهد: هههههه هي محد قاص عليج الا امج
دخلت دانة وهي تبتسم: بلاها امها
وقف فهد: ههههه مافيها شي منو تكلم عن امها محد صح عيال عمي
ضحكت دانة وهي تجوف اخوها شكثر تحبه هو اكثر واحد افقتقدته من اخوانها يوم تزوجت قربت منه جان يسحبها وحضنها وباسها على راسها: ماتقولين عندي اخوان اسال عنهم ولا خلاص تزوجتي ونسيتينا
دانة: مافيني خيرلو نسيتكم
وراحت تسلم على الباقين
بعد نص ساعة كلهم كانو متجمعين ف بيت اليدة
ريم: عمي سيف حصلنا لك عروس
سيف: هههههه بعدكم انتو تدورون
ريم: هي عمي يلا تزوج طاع عيال اخوانك عندهم عيال وانته بعدك ماتزوجت
امنة: هي عمي لازم تتزوج
سيف: ههههه شو بعد لازم انا انسان مافيني على صدعت الحريم يكفيني وجود امي معاي
اليده: انا مابدوملك يا سيف
كلهم: الله يطول بعمرج ,, بعيد الشر ,, يومي قبل يومج ,, يدوه لا تقولين هاي الرمسه وكل واحد وشخصيته
ابتسمت اليدة وفجاه:....................
*******
وخلص البارت الثاني تريوني الويكند الياي ولو حصلت فرصه قبل بحاول انزل بارت ..
واتريا تعليقاتكم وتوقعاتكم على البارت وقراءة ممتعة ..
تتوقعون شو بيصير ..
رايكم في الشخصيات ..
هل سيف بيرضى يتزوج ..
اختكم ..
يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-03-2014, 05:07 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


*البارت الثالث*
وقد بلينا بقوم يظنون ان الله لم يخلق سواهم ..
ابتسمت اليدة وفجاه: يلا نشو تغدوا >> هههه تحسبتو شي بيصير
ميثا وهي تساسر ريم: ريمو اليوم عيد ميلاد فهود ابا اهديه شي بس بدون مايعرف من منو
ريم: ههههه ليش ماتبين يعرف انه منج
ميثا: بس جي بيقعد يعلق وايد وانا مايعيبني يوم اعطي حد هديا ويقعد طول الوقت كومنتس
ريم: ههههه اوكي بس مب احين يوم بنروح بيتنا قبل مانطلع بنحطها ف غرفتة يوم هو ف السيارة وما بيعرف من منو وانتي لا تكتبين اسمج بس حطي كرت
ميثا: ههههه اوكي عليج افكار تجنن
ريم: ههههه من يومي ويلا نشي بناكل بموت من اليوع
ميثا: ههههه مافينا تموتين بعد بيتهموني انا يلا نشي
وقامو كلهم وراحو الميلس عشان يكفي المكان حقهم كلهم
زايد: بابا ساره روحي عند ماما كلي لا توصخيني ياربي احلام شلي بنتج بتوصخني
احلام: ماما ساره تعالي خلي بابا بيروح الشغل بعدين ريحته بتكون مو حلوا
ساره: ماما ثارا تحب بابا انتي قلتي لاذم نحب بابا وماما عشان الله يحبنا
شيخة: ساروتي تعالي عند عموتي بوديج وياي بعدين بنشتري وايد ككاوات
راحت ساره تركض عند عمتها: اموتي وادد وادد ثح
شيخة وهي تضحك: هي صح
سيف: ريومه جوفي اخوج يخليني ما افكر بالزواج ابد
ريم: لا عمي ريال عن ريال يفرق
ميثا: هي عمي لازم لازم تتزوج ولله البنت الي حصلنالك اياها حلواااا وانتا تعرفها
سيف: ههههه انا ماعرف بنات الا انتو لا تطلعوني واحد خربان
ميثا: ههههه عمي تعرفها ولله
سيف: منو هي
ريم: ميثوه لا تقولين لين ما يرضى
سيف: ههههه كلو كلو
ريم: عمييييييييي
سيف: هههه عيونه
ريم: ارضى
سيف: انتو منو موصنكم علي
قطع سوالفهم صوت الجرس
ام جاسم وهي تعلي صوتها: روز روز
روز: يس مام
ام جاسم: جوفي منو على الباب
راحت روز وفتحت الباب ماحلصت حد بس جافت شي على الارض وخذته ودخلت داخل
روز: نو بدي ات ذا دور جست قفت
كل البنات نطو على الهديا يبون يعرفون من منو وحق منو كانت بوكس كبير فيه عطورات وساعتين وباقة ورد حمرا كبيرة وفيها فريرو روشيه وفيه قميص عليه صورة فهد ومن ورا صورة فهد كبيره والبوكس منثور فيه ورد ومعطر
ميثا وهي تقرا بصوت عالي:
كل عام وانت الحب يا روح مغليك
انا و قلبي و المشاعر تبارك
محبتك بالقلب من غير تشكيك
ياللي مع انفاس صدري تشارك ..
كل عام وانته بخير حبيبي العمر كله يارب يور ❤..
كلهم انصدمو منو ها الي مطرش هاي الهديا قوات عين موصليلة اياها لين المكان الي هو فيه وقاعدين يجوفون فهد يتريون منه جواب
فجاة وقف فهد و ويها جامد مافي اي تعبير وراح عند ميثا وهمس: شي مب مالج ماتمسكينه فاهما
ميثا وعيونها مليانا دموع همست: تحسبتك غير عنهم طلعت اخس عنهم وفرت الكرت وراحت المطبخ
دانة وهي تهدي الموقف: كل عام وانته بخير حبيبي كنت بسويلك مفاجاة بس شكلها ماعيبتك
فهد وهو يبتسم على التصريفة: وانتي بخير مشكورة كيف ماتعيبني وهي من دنيتي
دانة انصدمت يعني يعرف من منو: ههههه تعال بنروح المطبخ عند ميثا
فهد: هههه يلا
وهم يمشون صوب المطبخ
دانة: فهد من منو الهديا
فهد: وحدة من المعجبات
دانة: فهد لا تستهبل عاد مب لهدرجة توصلها بيت يدي
فهد: كلهم يتحسبون منج
دانة: اليوم وصلت هديا باجر الله يعلم شو بتوصل اخاف ف يوم هي تيي بيت يدي
فهد: لو مب واثق فيها جان ماعطيتها العنوان
دانة: فهد لا تتهور انتا متعرف عليها ترا اكيد ترمس مليون واحد غيرك
فهد: بس هي كنت بموت لين مارضت تكلمني للعلم تراني بتزوجها
دانة انصدمت لا ها مب اخوي الله يعينها الميث: فهد تعال بنروح عند ميثا
فهد: اعرف شو تفكرين فيه وترا ميثا مب في خاطري ميثا اعتبرها اختي انتو الي علقتوها فيني
دانة: بس ابوي بيخطبلك ميثا
انصدم فهد: نعم ماسمعت منو قالج
دانة وهي ندمانة كيف قالتله جي ها الموضوع بعده ماصار بس كانو يتشاورون من كم يوم عنه: فهد هدي ماصار شي بعده
فهد: تجوفوني ياهل تقررون عني على كيفكم وطلع وهو يمشي بسرعا
دانة وهي تلحقاه: فهد اصبر لا تروح
ام زايد الي كانت تصب جاي حق ريلها من بعد الغدا الدسم هدت الاستكانه و وقفت على حيلها: فهد حبيبي شصاير
وهو يمشي ومعصب
ام زايد: حمدان الحق على اخوك بيبلي مصيبه
وقف حمدان وزايد ولحقو اخوهم
بو زايد: دانة شصاير
دانة: ها لا ولا شي
وقف بو زايد وطلع برع جاف فهد يدز اخوانه وهم مثبتينه على باب السيارة وام زايد تصيح: فهد شصاير
فهد: انتو قولولي شصاير مب انا الي اقولكم
بو زايد: ام زايد روحي نادي البنات وتعالو السيارة يلا حمدان زايد نادو حريمكم وتعالو
راحو كلهم ومابقا غير فهد وبو زايد
بو زايد: روح اركب الصوب الثاني انا الي بسوق
راشد: فهود فهود
فهد وهو يلف صوب ولد عمه: هلا راشد
راشد: سيفوه يقول مابيطلع اليوم وانا الوالد موصني على كم شغله
فهد: اوكي حتى انا مابروح زايد يباني اروح الشركة
راشد: بتصلك الفليل لو ها بنطلع نتعشى
فهد: ماظن ايي
راشد: مالت عليك انته ويا ها المود الزفت
فهد ابتسم وراح ركب السيارة وبعدين يو خواته وامه واخوانه وردو البيت
اول ما وصلو على طول نزل فهد
شيخة: فهد هديتك
فهد: يبيها الغرفة وهو يمشي على الدري
بو زايد: فهد
وقف فهد على الدري وربع ايده وهو مايبا يرمس لانه مقهوووور منهم: هلا ابويه
بو زايد: تعال ابا ارمسك
فهد: تعبان بروح الغرفة بريح وببدل وبروح الشركة
بو زايد: مابعيد رمستي مرا ثانية
نزل فهد وقعد على الكرسي وامه قاعده جدامه وابوه حذالها ودخل زايد وحرمته وبنته
بو زايد: زايد تعال اقعد وينه حمدان
زايد وهو يقعد: توا قاعد يبركن سيارته
احلام: انا استاذن بروح الغرفة
بو زايد: قعدي احلام حبيبتي انتي وحدة من اهل البيت مب غريبة
ابتسمت احلام حق عمها: لا ماعليه عمي خذو راحتكم انا بروح
بوزايد: بس انا اباكم كلكم هني
ودخل حمدان وجافهم كلهم قاعدين ف الصالة: السلام عليكم
كلهم: وعليكم السلام
بو زايد: يلا تعال اقعد انته بعد وهو يعلي صوته شيخة ريم تعالو بسرعه
كلهم يو وقعدو ف الصالة
بو زايد وهو يجوف فهد: ابا افهم شو الي صار اليوم
فهد: انا الي ابا افهم حد قالكم انا ياهل ما اقدر اخذ قراراتي
كلهم علامات استفهام على راسهم الا بو زايد وام زايد
بو زايد: يعني انته عرفت عن الموضوع من دانة
فهد: مايهم عرفت من وين انا ابا افهم في حد قالكم انا ياهل
ام زايد: بس ياولدي نحن نبا مصلحتك
فهد واذونه محمرات من القهر: اي مصلحه قولولي اي مصلحه انا بس ابا اعرف وين مصلحتي ف الموضوع
بو زايد: قوم بعد اضربنا
فهد: ابوي افهموني
بو زايد: شو نفهم قولي بلاهها بنت عمك ليش ماتباها
فهد: لانها مثل اختي انا طول عمري عايش ويا ميثا كيف فجاة تستوي زوجتي ياربي انا مابا ميثا
ريم انصدمت يوم سمعت رمست ابوها حتى شيخة وحمدان وزايد ماعيبتهم الرمسه
بو زايد: عيل منو تبا تبا الي طرشتلك الهديا اليوم ترا سالفة انه دانة الي يايبتنها ما مشت علينا بس انا مشيتها بكيفي
فهد: هي ابا الي طرشتلي اليوم الهديا
بو زايد: فهد لا تخبل فيني انته كيف ترضا على عمرك تتزوج وحده متعرف عليها بدايتكم بتكون شك ونهايتكم طلاق
فهد: بس انا احبها ومابشك فيها
ام زايد: فهد الرمسه اسهل من التنفيذ
زايد: بس ابويه انته من زمان تقول زواج الاهل مب زين اذا صار شي بينهم لاسمح الله ترا علاقتك بعمي بتتاثر
حمدان: هي ابويه لازم هو يختار منو بيتزوج اذا تزوج ميثا غصب يمكن مايسعدها ولا يكون سعيد وياها ومهما يكون عمي مابيرضاها على بنته ولا حتى انته بترضاها على خواتي
بو زايد: انا قررت وهو ينفذ
فهد: بس انا ماباها مب غصب
بو زايد: اذا ماسمعت كلامي لا انته ولدي ولا انا اعرفك
صوت شهقات امه وخواته وحريم اخوانة وتهديت اخوانه حق ابوهم كله يسمعه بس مب مستوعب شو يصير تم ساكت فترة ومنزل راسه وحاطنه ف ايده وخواته حذاله قاعدات جان يوقف فجاة: عشان بنت تخليت عني ونعم الابوة وخذا مفاتيحا وقبل مايطلع من البيت: فهد حبيبي عشاني لا تطلع
لف عليها جافها كيف مقطعا نفسها من الصياح راح حذالها باسها على راسها: انا مابا اقعد ف مكان مب مرغوب فيه ومشا عند الباب حطو بالكم عليها وطلع
ريم بدون ماتعطي عمرها مجال تفكر اصلن كل شي صار بسرعا ماحست الا وسماعاتها ف اذونها والصوب الثاني راد عليها: عمي سيف الحق علينا
سيف: بلاج ريم شصاير ابوج فيه شي
ريم وهي تشاهق: عمي فهد وتمت ترمس بس سيف مب فاهم عليها
سيف وهو خايف بس هادي عشان يفهم شو السالفة: ريم حبيبتي هدي مب قادر افهم شي روحي غسلي ويهج
بعد ماخلصت ريم تغسل ويها: ها حبيبتي ريومه شصاير ف فهد
ريم: عمي ابوي طرد فهد من البيت
سيف وهو مستغرب من اخوه اول مرا يسويها: انزين وهو احين وين
ريم: ماعرف طلع من البيت ومانعرف وين راح وابوي ما خلا حد من اخواني يلحقونه
سيف: اوكي خلاص ريم انا احين برمسه وبجوف شو السالفة وبعد شوي بمر عليكم تجهزي انتي وشيخة بنسوي ......
ريم: عمي اول شي حصل فهد ولاحقين على كل شي
سيف: اوكي حبيبتي ولا تصيحين روحي قعدي عند امج وهديها واول ما ابند من فهد برمسج
ريم: اوكي باي
اول مابندت ريم سيف من الخوف على طول اتصل ف فهد يرن ومحد يشلة اتصل كم مرا وبعد مايرد فجر فونه بنقات ويطرشله مسجات وهو مايرد اهني خاف سيف اكثر على ولد اخوه طرشلة " فهد الله يخليك رد امك الله يعلم بحالها وبيتكم كله مجلوب خواتك ذابحات عمراهن من الصياح احين بتصلك ورد"
فهد اول ما جاف طاري امه اتصل
سيف وهو معصب: فهد اتصل عليك ليش ماترد
فهد ويبين من صوته انه تعبان: سيف الله يخليك تعبان الي فيني يكفيني امي بلاها
سيف: انته وين انا احين ياينك
فهد يعرف انه عمه بيلزم عليه: سيف ابا اقعد بروحي
سيف: فهد قولي انته وين لاني من كم ساعة وانا قاعد افتر ف شوارع دبي ومب ملاقنك
فهد: انا ف مارينا "مرسى دبي"
سيف: انزين احين ياينك
فهد: اوكي باي
نص ساعة وكان سيف عند فهد
سيف: فهد شصاير
فهد وهو مضايق: ماقالولك
سيف: سمعت انه ابوك يباك تتزوج ميثا
فهد: بلاكم كلكم ماخذين الموضوع عادي ترا ها مستقبلي كيف اتزوج وحده اعتبرها اختي
سيف: يوم بتتزوجها مابتعتبرها اختك لانه وايد اشيا بتتغير بينكم
فهد: بس انا مابا ميثا
سيف: حاط عينك على غيرها
فهد: هي وكنت ناوي ارمس ابوي بس صدمني تفكيره بصراحه
سيف: يعني انتا تعرف اخوي
فهد: مب على حسابي تفكيرة يصير غبي
سيف: فهد ها ابوك
فهد: اسكت عني سيفو ولله تعبان
سيف: انزين خواتك يحاتونك وامك جاتله عمرها من الصياح
فهد: مب كاسر ظهري غير امي
سيف يتصل على ريم: هلا ريم
ريم: هلا عمي حصلته
سيف: هي احين انا وياه
ريم: عمي عطني اياه ابي اكلما
سيف: بعدين مب احين جهزتو انتي واختج

فهد: ليش وين بتوديهم
سيف: قلت بطلعهم انتا خونت فيهم
فهد: مب مني ولله
ريم: عمي ابا اكلمه

سيف: انا احين بييكم وبييبه وياي بس انتو جهزو
ريم: نحن جاهزين بس انتا يببه امي بتموت من الخوف عليه
فهد: ريم تحملو منها الله يخليج قوليلها برد قريب محتاج ابعد هاي الفترة
ريم: فهد ارجع امانه امي وايد تعبانة وانا وشيخة مالنا حد غيرك ارجع
فهد: باي ريم وتحملو من امي وفصخ السماعا وعطاها سيف
سيف: ريم انا احين ياي
ريم وهي تصيح: عمي ليش مايبا يرجع ولا يبا يرمسنا جنه نحن الي قايلين حق ابوي يغصبه
سيف: خلاص ريم هدي واحين نحن يايين
ريم: اوكي
سيف: ريم ابوج ف البيت
ريم: لا راح الشركة
سيف: اوكي جهزي ملابس حق فهد ف شنطة
ريم: اوكي باي
سيف: يلا قوم جوف امك قبل ما ايي ابوك
فهد: ما بروح مكان بقعد هني وعقب ماترد البيت يبلي الشنطة
سيف: مابتحرك لين ما اتي وياي هاي امك فهد لو صار فيها شي بسبتك ترا
فهد وهو يبتسم بقهر: يلا قوم مافيني بعد السلطات تغضب علي اخاف باجر يطردني من دبي بكبرها
سيف وهو يوقف: يلا
راحو كل واحد منهم ركب سيارته وراحو بيت بو زايد
اول ما وصلو وقف سيف ف الباركنات وفهد وقف جدام فلتهم الفخمة دق سيف على جامة فهد وفتحها: يلا انزل اقعد ويا أمك شوي
فهد: ماقدر سيف انته مب حاس فيني طلعني مكسور طردني جدامهم كلهم كله عشان ميثا هه بدال ما يحببني فيها كرهني فيها
سيف: أنسى فهد ويلا ادخل هو احين مب ف البيت بسرعا قبل مايرد
نزل فهد يجوف امه لأنة مايعرف متى المرا اليايه الي بيجوفها فيها سكر باب سيارته وتم يمشي هو وعمه وهم ساكتين لين ما دخلو داخل اول ما فتحو الباب دخل سيف وتم فهد برا
سيف: سلام
ام زايد: وعليك السلام
سيف: شحالج ام زايد
ام زايد: حالي ما يعلم فيه غير ربي
سيف: ونعم بالله
وفي ها الوقت نزلو ريم وشيخة الي كانو يصلون العصر وهن لابسات عبيهن ريم أول ما جافت عمها ركضت عنده: عمي حصلته
تم سيف ساكت وأم زايد تصيح حالها وحال ولدها الي ماتعرف عنه شي
سيف: ام زايد انا بأخذ البنات وياي شوي وانتي لبسي عباتج وبوديج بيت امي بدل ما تقعدين بروحج
نزل حمدان من فوق: آفا سيفو نحن مب تارسين عينك
ابتسم سيف: لا ماقلت جي بس تحسبتكم رحتو تدورون اخوكم يالاخوان الكبار قالها وهو مقهور منه
ابتسم حمدان: لا تقعد تنغز لانه على ما أظن انه الي وصلك الخبر قالك ليش ما رحنا ندوره
دخل فهد في وسط هاي المعمعه وطار عند امه الي من جافته وقفت: حبيبي وين رحت
ريم: فهد خوفتنا عليك
شيخة تصيح وماسكه أخوها من ورا
قعد فهد حذال امه وحذاله قعدو خواته
فهد ابتسم وهو يهمس وشكلة يبان انه مكسور: بقعد شوي وبروح ماعرف متى بجوفكم المرأ اليايه
ام زايد: مابتطلع من هني
فهد: لازم اطلع ما اقدر اقعد اهني امي تحملي على عمرج وبحاول كل فترة ازورج
ام زايد: لا فهد لو ماتبا ميثا انا بكلم ابوك بس ما تبعد عني
فهد وهو يوقف: بعد ماتكلمينه ويرضى وهو يكلمني بنفسه برجع
ام زايد: ارحم حالي فهد ارحم حالي ليش تحرمني منك وانته موجود
فهد ويحس عمره مكسور: انتو الي جبرتوني
ريم وهي حاسه باخوها لو مب عيب الريال يصيح جان احين حاله اخس من حال امي: فهد حبيبي ريح احين ويوم بيرجع ابوي كلمه
فهد: يليت لو الموضوع بهاي السهولة
سيف حس انه الموضوع بدا يكبر: يلا فهد بنروح
فهد وهو يهمس ويجوف امه: يلا
وقف سيف: يلا ريم شيخة حمدان لو بتروح مكان ود ام زايد بيتنا
حمدان: حريمنا اهني مب لازم امي تروح عند حد
وقفت ام زايد وتشبثت في كندورة ولدها: لا تروح فهد لا تحملني هم فوق همي بقعد طول وقتي احاتيك
فهد وهو يبعد عن امه: لا تعوريلي قلبي اكثر وطلع يلا سيف
حمدان: فهد ابا اكلمك بروحي على انفراد
فهد: بعدين ياخوي لازم اروح احين ابوي بيي
وطلعو كلهم
سيف: انا بوقف سيارتي هني وكلنا بنروح بسيارة فهد
فهد: اوكي يلا ريم يبتي ملابسي
ريم: هي احين البشكارة بتيبهم
ركبو كلهم السيارة فهد يسوق وحذالة سيف و ورا ريم وشيخة
يت جيري وحطت الشنطة وتحركو
فهد: وين بتروحون
شيخة: دبي مول
فهد: لا مانبا مولات نروح ستي ووك ولا الممزر او خل نروح داون تاون اي مكان بس مب مول
شيخة: لا نبا شوبنق
سيف: خل نوديهن وين ما يبن عقب بنروح بروحنا نحوط
فهد: اوكي ريم دبي مول
ريم: هي دبي مول
راحو دبي مول ونزلو تمو البنات يتسوقون بعد ما هلكو قالو بيروحون chili's
دخلو chili's وقعدو
ريم: انا بروح الحمام
شيخة: انا بيي وياج
سيف: انزين تعالو بوصلكم الحمام
فهد: انا بيي وياكم
شيخة: لا انتا اقعد بنروح بسرعا وبنيي يلا عمي سيف
قامو كلهم وتم فهد
راحو صوب الي يشتغلون في chili's
ريم: يلا عمي وينهم
سيف: برع
ريم: خل يدخلون من الباب الي صوب الباركنات
سيف: اوكي احين بكلمهم
راحو ريم وشيخة يكلمون الي تشتغل وبعد ما خلصو يا سيف وياه راشد وميثا ودانة وشيما وعمر وعيسى وعاشة وعليا وجاسم واحمد وامنة وعزام وحمد وسارة
اتصل فهد بسيف: وينكم تاخرتو
سيف: احين ياين
فهد: اترياكم لا تطولون
سيف: اوكي باي
فهد: باي
اشتغلت اغنية هابي بيرث دي تو يو وكل المطعم استوا هدوء ويو كل الشباب والحريم وسيف شال الكيكة وماشين صوب فهد فهد رفع راسه وجافهم كلهم ياين صوبه ابتسم ماعرف شو يسوي ويها صار احمر
كلهم ضكو عليه يت شيخة وحظنته: كل عام وانتا بخير حبيبي
فهد وهو حاظننها باسها على راسها: وانتي بخير قلبي
كلهم صرخو: كل عام وانتا بخير فهد
فهد وهو مبتسم وفرحان من الخاطر: ههههه وانتو بخير ليش كلفتو على عماركم ولله احرجتوني
ريم: لا كلافة ولاشي وعطت فهد السجين وهو مسكها وهي مسكت ايده من فوق وقطعو الكيك والنادل الي ف chili's يصفقون ويصارخون ههههه مخبل يعيبوني لازم كل مانسوي عيد ميلاد يسون هاي الحركات
راحو نادلين chili's وقعدو كلهم طلبو وكلو وبعدين حلو ب كيك فهد
ريم: يلا فهد قول شو امنيتك او شو شعورك او اي شي حق اي شخص منا
فهد: اوكي
"سيف" انا اعتبرك اخو مب عم سيف وقفت وياي ف وايد مواقف اخواني ما وقفو وياي فيها انا اشكرك على كل شي سيف سويتلي اياه
سيف: ولو مايحتاج تشكرني على وقفتي ويا اخوي الصغير
"ريم وشيخة" انتو كل دنيتي كل الي اسويه عشانكم مابا حد يقول ريم او شيخة سوو و سوو اباهم كل ما يجوفونكم يسكتون لانه هاي ريم و شيخة خوات فهد الي يايات الي اهلهم ربوهم احسن عن كل البنات احبكم لو شو ما صار
ريم: ونحن نموت فيك
شيخة دموعها الي عبرت عن ردها
"دانة" انتي اختي واخوي وعمي وخالي وامي وابوي انتي اهلي انتي لو صارلي اي شي القاج اول وحدة عندي انتي الي تصبريني وتشجعيني وتوقفين وياي انتي كل شي دانة
دانة: وانت كل شي فهد انا لو تزوجت او ماتزوجت تبقا انت اخوي الي اول واحد القاه يترياني
"راشد وعمر وجاسم وعيسى واحمد وعزام" انتو اخواني الي مايباتهم امي انتو الي دوم وياي انتو الي تعرفون كل صغيرة وكبيرة ف حياتي وانتو لو شو ماصار ما بتتخلون عني
"عاشة وعليا وامنة" انتو خواتي الصغار الي اخاف عليكم الي لو غلطتو ويت اكلمكم ماتقولولي ما يخصك بلعكس تسمعوني وتحاولون تغيرون من نفسكم
"ميثا" ماجمعتج وياهم لانه انتي غير انتي اختي الثالثة ميثا انا اسف لو ضايقتج بشي انا اسف لو بضايقج بشي ميثا بتصير وايد اشيا ما تتوقعينها مني بس اباج تسامحيني وتعرفين انها غصبن عني ميثا انتي اختي ولو شو ما يصير ماباج تقطعين علاقتج فيني اباج تعتبريني الاخو الي لو صارلج شي تلجئيله مثل كل مرا تتصليلي وتكلميني واعرفي انه حتى لو انتي كنتي تبين تقطعين علاقتج فيني مابرضى وبكلمج مرا ومرتين وثلاث لين ماترضين ميثا مافي اخت تزعل من اخوها مابا ولا شي ياثر على علاقة فهد وميثا مابا ميثا تتغير نضرتها ف فهد وارد واقولج اسف ميثا
ميثا: مسموح فهد على كل شي فهد لو شو ماصار ما بتخلا عنك انا اوعدك فهد وانت سامحني لو شو ماصار
فهد: مسامحنج ميثا دنيا واخره
تمو ساكتين خمس دقايق
قطع الصمت سيف: ها خلصتو
كلهم: هي الحمدلله
سيف: اكسكيوزمي بيل بليز
ياب النادل الفاتورة كلهم طلعو ابواكهم
ريم طلعت كرتها: لو سمحتو انا الي مخططة حق كل شي ومجهزة كل شي ف انا الي بدفع
شيخة: مب ع كيفج انا وياج بعد انا الي بدفع
سيف: انا الكبير هني انا الي بدفع
فهد: عيد ميلادي انا انا الي بدفع
راشد: لا انته ولا هي انا الي بدفع
ميثا: لا انا اليوم مقرقشه انا الي بدفع
وتمو على ها الحال لين ما اخر شي ريم الي دفعت
عزام: اكرمج الله ريم
كلهم: مشكورة ريم
سيف: فضحتينا ريم مايصير الحريم يدفعون
ريم: ههه عادي عمي فلوسي وفلوسكم وحدا
ضحكو كلهم وطلعو من المطعم والمول بكبره
*****
*نهاية البارت*
اختكم ..
يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-03-2014, 05:11 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


مرحبا ..
شحالكم ..
اممم ماجفت ردود على الرواية لو مب عايبتنكم قولولي عشان اسكرها ..
ابا توقعاتكم شو راح يصير بين فهد وميثا ..
سيف هل بيرضى يتزوج وصدق هو يعرف الحرما ..
بو زايد هل راح يغير رايه او لا و شو رايكم في شخصيتا ..
حمدان و زايد شو موقفكم يوم عرفتو انهم ما راحو يدورو اخوهم وهل حبيتهوم او لا ..
ميثا لو تقدملها فهد هل بترضى تتزوجة او في اشيا بتصير بتخرب بينهم ..
ريم وشيخة عليا وعاشة وامنة ابا رايكم فيهم ..
اختكم ..
يتيمة حبيبي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-08-2014, 07:39 PM
يتيمة حبيبي يتيمة حبيبي غير متصل
©؛°¨غرامي جديد¨°؛©
 
الافتراضي رد: رواية "خلك على صدك ترا خاطري طاب نفسي عزيزة والعرب خابريني"


*البارت الرابع*


اه يا صوت"ن قديم مر صدفه مسمعي




بعد مرور الاحداث السابقة بكم ساعة




: انا وصلت متى بتي



: اوكي انا شوي وياي



: اوكي اترياك لا تطول



: اوكي باي



: باي



******



: يقولولي اني اعرفها



: انزين يمكن هي



بنظرة مكسورة: لا ماظن انت تعرف شصار فيها



: خلاص يا ريال انسى الله كريم



: احمدوه عن سوالف الحريم ويلا خل نقوم نتمشى



احمد: ههههه سواف متصللي وحالتك حالة واخر شي سوالف حريم



سيف: هههه شو اسوي من البلاوي الي اجوفها



احمد: الله يعينك



سيف: امين



******



احمد: 29 ربيع سيف وحيد امه وابوه ابوه متوفي وعايش ويا امه يشتغل ف الجمارك



***********



في مكان بعيد



قاعده ف غرفتها الي حجزتها لها السفارة البريطانية بعد ما قررت ترجع وتستقر ف دبي



المكان بارد وظلام بس مولعه شموع واقفه على الجامة الكبيره الي تطل على شوارع دبي وماسكه الكوفي وتتامل المناظر وفي نفس الوقت تفكر



تكلم عمرها بصوت واطي اقرب للهمس: ياترى احين شو قاعد تسوي اكيد عرفت برجعتي اكيد تراقبني مثل ما انا قاعدة اراقبك بموت من الشوق بس كرامتي فوق كل شي انت الي بديت وانت الي بتتحمل مب شما الي تركض وراك يا *****



***********



شما 27 سنة امها بريطانية وابوها من كبارية دبي كانت عايشة ف دبي بس بعدين صار لها شي خلاها تنتقل تعيش عند امها واحين رجعت دبي عندها اخت واخو



سهام: 25 سنة انسانة ماتهتم حق حد حياتها كلها سفر وشغل



حميد: 30 رجل اعمال ناجح مثل ابوه بس بعد يستكع ما يفكر بالزواج بس يونس عمره بل سهرات اليلية


بو حميد 51 سنة مطلق حرمته مخلي عياله على هواهم مايتحكم فيهم انسان مهمل لابعد حد طبعا هو من كبارية السوق كل التجار يعرفونه وكل كم يوم مسافر



ام حميد "بيرشكا" 49 سنة انسانة صايعه ضايعه ملتهيه بحياتها تزوجت بو حميد بعد ما حملت بحميد وهو تزوجها عن الفضايح



**********



في ارقى مناطق دبي >> دبي بكبرها راقيه ماعليكم تراني وطنيه



: طويل العمر السيارة جاهزة



وقف بهيبته وهو شال بشته وطلع فتحله السايق الباب وسكره بعد مادخل وراح قعد ف مكانه



: حرك على فندق ارماني



"الفندق عجييييييييب انصح كل الي يبي يروح دبي يروحا الفندق ف داون تاون"



عم الصمت ف السيارة لين ما وصلو عند الفندق يا الحارس الي واقف على الباب وفتح باب السيارة نزل بشموخ ومشى وهو رافع راسه واثق من نفسه ولا مهتم حق الناس الي يطالعونا وحرسه ملو المكان راح عند الفت فتحه العامل وركب معاه وصلاه لوين ما يبي نزل من الفت و وراه حرسه وصل عند الجناح وطلب منهم يفتحونه وفتحوه



***********



بركن سيارته وفتح اليت عدل بدلته وعدل شكله تعطر وخذ بوكه وفوناته وقفل السيارة وخذ سويجه ونزل



: يا الاخو



لف عليه: خير تكلمني انا يالحبيب



: هي انت



وهو مستغرب ورافع حياته: هلا امرني بغيت شي



: هي ممكن تتفضل وياي شوي



: بس انا عندي موعد ويا شخص يترياني داخل



: انزين ما عليه دقيقة مابتاثر



: شورك وهدايت الله



ومشو مع بعض



وفجاة .....



***********



لفت صوب الباب بعد ماسمعت صوت باب الجناح ينفتح ردت لفت صوب الجامة قالت ها اكيد الروم سيرفز انفتحت ليتات الجناح كلها وانفتح باب غرفتها اتففت لفت بتروح تطردهم خل ايون ف وقت ثاني اتجمدت ف مكانها من الي تجوفه جدامها



باستهزاء: سمعت انج رجعتي ما صدقت شما بنت امها رجعت دبي



شما وهي مبتسمه باستهزاء: جفت كيف يابوي المصون



بو حميد: يت اعزمج عشان تتكرمين تردين بيت ابوج عشان مايقولون شما بنت بو حميد تبات ف الفنادق وهاده قصور ابوها



شما: انت شو ردك مانسيتني بعد كل ها السنين



بو حميد: عن الرمسه هاي ترا كلها ست سنين



شما: شو من قلب عليك انت انت ابو انت تقولها بكل برود ست سنين جنها امس



بو حميد: قولي حق عمرج ولا جني ابوج اتين تسلمين علي



شما: اطلع برا الرمسا وياك ضايعا



بو حميد: عندي شغل وايد وقفته عشانج وتقوليلي جي لا لا ماتوقعتها منج يا بنت امج المهم اليوم لو ماجفتج ف البيت بعرف كيف اردج بطريقتي الخاصة



ولف وسكر اليتات وطلع ولا جنه سوا شي



قعدت شما على الكنبا وهي تصيح: خلفنا ونسانا واحين يبينا نروح له حقير حقير كيف عرف مكاني مسحت دموعها لا ياشما مب انتي الي تصيحين على هاي الاشكال انتي قويه الحرما ما تصيح انتي حرما كبيرة عيب تصيحين على هاي الاشكال وراحت بدلت ملابسها وطلعت تتمشى



**********



فجاة ....



: هاذا هو الي قلتلي عنه



يطالعهم وهو مستغرب عن شو يرمسون هايل: خير بغيتو شي



: لا مب هو



: اعذرنا يا الاخو مشبهين عليكم



عقد حياته وهز راسه وراح عنهم



دخل المطعم رفع راسه اول ما جافها ابتسم ونسا كل شي صاير وكل شي ياي عشانه وهي وقفت من الشوق من شهر ونص مب جايفين بعض بسبب الظروف قرب حذالها يا بيلمها مارضت بعدت عنه



: شحالك حبيبي



: مشتاق وتعبان وكل هموم الدنيا فيني



وهي تقعد حذاله:بعيد الشر شصاير



: شقول وشخلي



: فهد لا تخرعني قول شصاير



فهد: تعبان خولة تعبان



خولة: من شو حبيبي



فهد وهو مشتت نظرا: ابوي بيزوجني بالغصب



خولة وهي مصدوما: كيف وانت رضيت



فهد: طبعا لا



خولة: منو يباك تاخذ



فهد: بنت عمي



خولة: وهو خطبها



فهد: ولله علمي علمج



خولة وهي تصيح: فهد ليش جي قاعد يصير



فهد: حبيبي لا تصيحين انشالله كل شي بيصير اوكي



خولة: انزين وهو ما قال شي يوم رفضت



فهد: طردني من البيت و قال لو مارضيت لا انا ولده ولا اعرفه



خولة: ليش ياربي ليش



فهد: الله كريم يلا قومي بنطلع من هني



قامت خولة وقام فهد طلعو من المطعم وتمو يتمشون ف السياره



فهد: بنروح الفندق اوكي



خولة: شو نسوي خلنا نشم هوا هني احسن



فهد: تعبان من الظهر وانا افتر ف الشوارع



خولة: اوكي حبيبي حجزت



فهد: لا بابا احين بروح



خولة: اوكي يلا خل نروح




***********



وهي تدق باب الصالة: السلام عليكم



ام زايد: عليكم السلام هلا ميثا اميه حياج



ميثا: اهلين خالوه الله يحيج شحالج



ام زايد: بخير بنتي وانتي شحالج



ميثا: بخير الحمدلله جي قاعده بروحج خالوه



ام زايد: توهم ريم وشيخة راحو فوق و بو زايد احين بيي قاعده اترياه



ميثا: انزين خالوه بروحلهم ويوم بيي عمي بنزل اسلم عليه



ام زايد: روحي بنتي مافي حد



ميثا: الشباب محد



ام زايد: لا حمدان وزايد ف الشركة



ميثا: وفهد اكيد نايم كل ما ايي يكون نايم



ام زايد: لا فهد مب فوق



ميثا: يلا عيل خالوه ما طول عليج



احلام وحمده وهن نازلات: مسا الخير



ميثا: هلا هلا بالمختفيات



احلام وهي مبتسمه: سنه الحياة



وسلمو على بعض



حمده: شحالج عموه



ام زايد: هلا بنتي انا بخير وانتي شحالج




حمده: زينة الحمدلله



احلام: عموه فهد بعده مارجع البيت



ام زايد: لا ليش موصتنه على شي



احلام: عموه بلاج نسيتي



ام زايد وهي تقاطعها: وين العيال



حمده دقت احلام من الطرف عشان ماتنتبه ميثا: هي عموه فوق يلعبون



احلام وهي توها تنتبه حق ميثا جان تغير الموضوع: وي عموه نسيت اقول حق ريم وشيخة



ام زايد: هي عقب خبريهن لا تنسين



احلام: انشالله



نزلن ريم وشيخة: هلا بحريم اخواني



احلام و حمده: اهلين فيكم شو تسون فوق



ريم: في شي ثاني نسويه نتصل حق فهد



احلام وهي تقاطعها: هي صح ريم ماجفتي ميثا يت



ريم: وي بسم الله ماجفتها وراحت حذالها عشان تسلم عليها



ميثا وهي متجتفه: بلاكم في شي صاير كل وحده قاعده ترقع حق الثانية



حمده: لا مب صاير شي يتهيالج



ميثا: انزين انا بروح



ريم: ميثوه عن الزعل قلنالج ولا شي صاير



ميثا: هي مبين صراحة



انفتح باب الصالة ام زايد وقفت على امل انه فهد بس تحطمت كل امالها لما سمعت صوت بو زايد وهو يسلم: السلام عليكم



كلهم: وعليكم السلام راحو كل البنات يبوسونه على راسه



بوزايد: افا الميث زعلانة من عمج ما تسلمين عليه



ميثا وهي تقرب صوب عمها: محشوم عمي



بو زايد: بلاها بنتي الحلوا زعلانة



ميثا: ما فيا شي عمي



بو زايد: كبرتو وقمتو تخشون عنا



ميثا: ولله عمي مافي شي صاير انا حالي حالك ماعرف شو الي صاير من اول ما يت وهم يرقعون حق بعض جنه يت في وقت غلط على العموم انا احين رايحا



بو زايد بحده: ميثا قعدي ف مكانج ما بتطلعين من هني



ميثا وهي تهمس: انشالله عمي



**********



ف باركنات فندق ميراج كان هناك مبركن بطلنا فهد ويا خولة



فهد وهو يفتح السدات ويسكرهم



خولة: شو تدور قولي على الاقل اساعدك



فهد: هويتي



خولة: ليش مب حاطنها ف بوكك



فهد: لا من كم يوم كنت طالع وطلعتها بعدين ما رجعتها ف البوك



خولة وهي تدور وياه: انزين يمكن مب ف السيارة



فهد: وين بتروح انا حاطنها ب ايدي ف السيارة



خولة: انزين سولك جيك ان على هويتي



فهد: انا متاكد حاطنها ف السيارة لا ماينفع اذا صار شي بيستدعونج انتي



خولة: شو بيصير بعد يلا حبيبي طاع كيف شكلج صاير يبين انك تعبان



فهد وهو شال فونة



خولة: حق منو بتتصل



فهد: بكلم ريم خل تدورها ف غرفتي





فهد: هلا ريومه اقولج



ريم: هلا حبيبي امرني



فهد: مايامر عليج عدو حبيبتي روحي غرفتي جوفي هويتي هناك



ريم: ليش مب حاطنها ف بوكك



فهد: امبلا بس طلعتها واحين ماعرف وينها



ريم: اوكي اصبر بجيك



وهي تركب على الدري: فهد



فهد: هممم بابا



ريم: فهد ميثا عندنا ف البيت



فهد: انزين !



ريم: ولا شي بس كنت اقولك



فهد: حصلتيها ولا بعدج



ريم: احين واصلا عند غرفتك



فهد: يلا ريم واقف جني حارس جيكي بسرعا



دخلت ريم وحاست الغرفة فوق تحت: ماشي فهد تذكر وين حاطنها



فهد: ماعرف كانت ف السيارة



ريم: انزين اصبر بسال جيري اذا جافتها



فهد: اوكي



راحت ريم المطبخ: جيري



جيري: يس مام



ريم: يو سي ذا ايدنتتي فور سير فهد



جيري: نو مام بات ويت اي ول جيك ات ذا واش روم



ريم: اوكي



وراحت حاست ورجعت: ثيرس نو مام



ريم: سمعت ماشي



فهد: افففف احين كيف ادخل



ريم: انت وين



فهد: ف ميراج



ريم: كلم عمي سيف خل ايي يسويلك جيك ان



فهد: اوكي حبيبتي باي



ريم: فهد



فهد: عيوني



ريم: تسلم عيونك امانة فهد امانة يوم بتصلك رد علي بس بتطمن عليك



فهد: ما اوعدج



ريم: لا فهد امانة عشان غاليك



فهد: انشالله حبيبتي



ريم: وتحمل على عمرك واي شي تباه كلمني اوكي حبيبي



فهد: انشالله ريومتي



ريم: يلا ما اطول عليك كلم عمي



فهد: اوكي حبيبتي باي وسلمي على امي وشواخي



ريم: اوكي باي



بعد مابندت


فهد: ماحلصتها وانا ماحصلتها شسوي احين



تمت خولة ساكته



فهد: بلاج حبيبي



خولة: جان بعد دخلت من الفون وبستها وحظنتها



ابتسم فهد وقعد يطالعها: حتى من خواتي تغارين



خولة نزلت نظرها: من كل حد فهد من كل حد



فجاة ضحك فهد



خولة: اسكت مايضحك ويلا خل ننزل



فهد: دقيقة بتصل على سيف



خولة: انزين



اتصل فهد على عمه: هلا سيف



سيف: اهلين فهد انت وين



فهد: انا عند ميراج اقولك هويتي ضايعا ايبلي هويتك بسوي جيك ان وبردلك اياها



سيف: هويتك انا اليوم جفتها



فهد: احلف وين



سيف: ماعرف ف سيارتك



فهد: جلبت السيارة عليها



سيف: روح دور من صوبي



فهد: انزين يلا باي



سيف: باي



نزل فهد راح صوب خولة قعد يدور ما لقاها وهو ياي بيسكر الباب لمحها طايحا تحت ضحك وخذاها: هههه الحيوانة خبلت فيني



ضحكت خولة ونزلت قفل فهد السيارة وخذ شنطتة وبوكة وسويجة ونظارته الشمسية



دخلو الفندق وخلصو كل شي راح فهد وخولة الغرفة عشان فهد يسبح ويريح شوي ويطلعون



********



انتهى البارت الرابع

الرد باقتباس
إضافة رد
الإشارات المرجعية

رواية خلك على صدك ترا خاطري طاب نفسي عزيزة والعرب خابريني/بقلمي

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 30420 اليوم 01:12 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM

الساعة الآن +3: 04:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1