| ســــــلآآم عـــلــيــكــم .. ^__^ كيــفكـم يأعــضـــااء ان شاء الله الكل بخيرر وصحه وسلاامه احم احم شقوول ..هذي أول روايه لي .. بعد كره طوويل لرواياات صرت احب اقراها وهذا كله بسبب اختي صارت تقرا لي روايات واتحمس اقول لها كمملي كمملي الروايه ..بس بعدين ملت مني هههههه صرت اقرا روايات من نفسي والحين اكتب رواية الأولى. ياطير لاتنشد عن الحال ياطير شايب وتو العمر باول شبابــہ بقلمي : خاطري أشوفك..~ بعض الاحداث صارت واقعيه وحقيقيه وبعض الاحداث من نسج خيآآلي ..أن شاء الله تنال الروآيه على أعجابككم .. |
| البارت الاول  ياطير لاتنشد عن الحال ياطير شايب وتو العمر باول شبابــہ اكتب صباح الخير والا مسا الخير صبحي وَ ليلي في عيوني تشابــہ ... ... ... ... بقصرهم الكبير والفخم .. كانت نايمه في سابع نوومه .. حست بشخص يسحب أللحاف من عليها ....: قوووومي بسرررعه يابنت الهنديه ناريان وشعرها مبعثر وتناظر قدام كانت نص صاحيه مو مستوعبه اللي ينقال لها بعد صراخ وحنه على رآسها من زوجة ابوها .....: ماتسمعي يلا قوومي اشوف .. ناريان وهي تقوم تقدمت لها : ياااصبر ايوب ..* رفعت يدها وهي تدعي ..يا رب عسى ماتشرق شمس بكرا الا اشوف هالشروق ميته شروق ( زوجة ابوها الاولى) وهي مصدومه من كلامها : نعم نعم نعم نار يان وهي تلم شعرها : نعامه ترفسك قولي امين .. ااف وش هالوجهه هذا كل يوم اصبح وامسي عليه تقدمة لها شروق وهي معصبه والشرار يتطاير من عيونها :انا ارويك ياقلية الحيا ترفعي صوتك علي * مسكتها من شعرها .. طلعت من الغرفه وهي ماسكه شعرها.. ناريان تحاول تفك يدها بس ماقدرت : ياربي اااييي ,,,اتركي شعري يالجنيه يالمتوحشه شروق :اول شي بخلي ابوك يربيك ناريان والدموع متجمعه بعيونها : اصلا ابوي ماراح يسمع كلامك وصلت لعند مكتب حمد ..طقت الباب قبل لا تدخل تركت شعر ناريان وتصنعت الحزن ودخلت وقفت بطرف الباب :يابو نواف شوف هالبنت مأذيتني وانا ساكته عنها بس عشانك .. *وتسوي روحها تمسح الدموع من عيونها ناريان ناظرتها بصدمه وعضت على شفايفها * جد هالمره منافقه : يوبه انا بس كنت ابي انام ..هي غصب تصحيني من النوم ..ألا قومي ابو نواف يناظرهم وتقدم لناريان وقال : من اليوم ورايح تسمعي كلام خالتك فاهمه.. هي اكبر منك وأدرى بمصلحتك اي شي تقوله تعمليه طالعتها شروق وهي تبتسم ابتسامه صاخره حمد : شرووق شروق فزت تفكر شافها : هلااا حمد : وانتي بعد مو كل ماصارت مشكله جيتي وشكيتي حليها لوحدك مفهوم وبعد ماخلص كلامه كل وحده طلعت وهي ناويه الشر على الثانيه .................................................. .......... ببيت بعيد عن هذا القصر بكثير بيت متوسط الحال .. كان فيه 5 اشخاص خالي راشد ومرته دلال وولده لؤي وبنته عواطف وانا بعد ماصار الحادث لامي وابوي وماتوا ..صرت برحمة خالي اللي مايرحم احد ..ماعندي غيره.. كل فلوس ابوي صارت بيده وانا الحين عايشه معهم مثل الخدامه .... كنت انظف البيت مثل كل يوم نظفت الصاله ورتبتها ورحت انظف المطبخ وبعد ماخلصت رحت انظف غرفة خالي ..دخلت الغرفه ونظفتها وبعد ماخلصت كانت الساعه 3 ونص العصر خالي ومرته وأولاده طلعوا مافي الا انا بالبيت رحت غرفة عواطف نظفتها وبعدين دخلت غرفة لؤي عشان انظفها تعبت من التنظيف والترتيب جلست عند الزاويه كنت منزله راسي سمعت فتح الباب .. فزيت .. بس مارفعت راسي من الخوف .. بس لمحت بنطلون ولادي لونه ازرق غامق .. كانت رجله تتقدم ناحيتي .. انا رفعت راسي وقمت وانا خايفه .. : لؤي لؤي وهو يبتسم بطريقه غريبه : اي لؤي .. جيت بطلع بس هو مسك كتفي: على وين ..مابتكملي تنظيف الغرفه .. انا كنت خايفه ويدي ترجف بشكل مو طبيعي : الا بس .. تركني وراح جلس على طرف السرير وهو يفصخ جزمته .. : بس ايش .. انا : بنظفها بس بالاول بشوف عواطف بعد مافصخ جزمتة انسدح على السرير وهو يقول : انزين بس تعالي بسرعه لان مو طايق شكل الغرفه .. خرآآآب قلت برتباك : طـ ..طيبب طلعت تبي تهدي حالها شوي .. بعد كم دقيقه رجعت للغرفه وتركت الباب مفتوح شوي تقدمت بخطوات بطيئ ..انا اكثر شي اخافه بهذا البيت لؤي ..لانه يضربني كثير .. ودوم يصرخ علي .. شافها تمشي ببطئ ..اعتدل في جلسته وصار يناظرها بنظرات غريبه .. وقف وراح لها مسك كتوفها من الخلف .. وهو يهمس لها : وش مو ناوية تكملي تنظيف الغرفه ..وبعدين صرخ بوجهها .. ولا تبي اضربك مثل كل مرا .. قالت وهي تبعد يده عنها: ااا..تـ..تــركني لؤي : هاه اشوف طلع لك لساان صارت تبتعد عنه وهي ترجع على ورى : تكفى تكفى لا تضربني .. قال لها : لا تخافي مابضربك * وابتسم ابتسامه شريره لها .. صار يتقدم لها وهي ترجع لورى .. انحصرت بالزاويه ..لكن .............. .................................................. ................. كان جالس عند سور قصرهم بعد ماطرده اخوه عقاب له .. كان حاط يد بحضنه واليد الثانيه حطها على راسه وصار يهزه على الخفيف .. ويحس ان الشمس بتحرق جلده من حرارتها وقف وراح لقصر حمد اللي مايبعد عن قصرهم الا كم متر .. دق الجرس وجلس ينتظر وهو يعمل حركات غريبه بيده .. فتحت له نيلم الباب بس لما شافته راحت ورى الباب .. الباب كان مفتوح شوي دخل بسرعه وهو يتنفس بسرعه ويمسح العرق من على جبينه .. : عمي عمممي عمممي .. جت شروق وهي تصرخ عليه :اااففف جا المجنوون .. نيلم كانت حاطه شال على راسها ومنزله راسها لما سمعت صوت شروق صارت تطالعها وبعدين طالعته .. مسكته شروق من بلوزته وهي رافعه يدها وعطته كف : انا كم مره قلت لك مابي اشوفك ببيتنا .. مو كل ماطردك اخوك اشوفك جاي بيتنا فاهم حط يده على خده وصار يبتسم بغرابه وقاال : أناا انااا ..ابااا عمممي جت شروق بتضربه مرا ثانيه لكن نيلم وقفت بينهم ..ومسكت يدها :خلاص خالتي حرام عليك مسكها من طرف بلوزتها هي فزت اول مرا تكون قريبه من شاب كذا ابعدت يده بقوه وابتعدت عنه ناظر لها بفهاؤه وهو يقول : ابااا ابااا عمممي * كان مثل الطفل الصغير بتصرفاته حتى طريقة كلامه مثل الاطفال .. جا حمد وهو يعدل ساعة يده : وش صاير *رفع نظره : ليوووث .. ليث راح بسرعه واحتضن عمه .. عشان يحتمي به من اخوه وزوجة عمه اللي مايرحموه .. دوم يلاقي منهم سوء المعامله والضرب .................................................. ....... ليث ( عمره 26 ..ولد بأعاقه دهنيه..ملامحه هاديه..لون عيونه ازرق سماوي ..وشعره لونه اسود بشرته بيضه بياض صافي جسمه نحيف شفايفه فيها طول شوي ومليانه طوله 177 امه سوريه وابوه طلقها ..وماهمها اولادها تركتهم عند ابوهم .. يحب الرسم ومبدع فيه وسريع الحفظ ..ويحب يلعب ألعاب الفيديو ) نبذه عن المرضه * المُصاب بهذا المرض عبقريّ... بالانجليزيّة يُسمَّى Savant Syndrome .. المُصابون بهذا المرض، عادة ما يُشار إليهم بـ [ المُتخلّفون ذهنيّا ] لكونهم يفتقرون إلى الذكاء الطبيعيّ .. فقد يكونون أغبياء حَدَّ التّخلّف في بعض المجالَات .. لكنّهم يكونون أذكياء حَدَّ العبقريّة في مجالات اخرى وهي عادة لا تتجاوز مجالا واحدًا والمُصاب بـ مرض العباقرة ، كثيرا ما يكون هادئا ، مسالما جدّا .. مرضى العباقرة مبدعونَ و ، يحسّون بالآخرين... نرجع لروايه .. ^__^ .................................................. ..... صار يتقدم لها وهي ترجع لورى .. انحصرت بالزاويه ..لكن لما شافته قريب منها دفعته بقوة وطاح على الارض وضرب راسه بالارض وهربت من الغرفه طلعت تدور على خالها .. نزلت الدرج شافته جالس مع مرته دلال راحت له وهي تبكي وجالسه على ركبها : خالي تكفى تكفى ابعد لؤي عني مدري وش يبي مني ناظرها بصدمه : وش صاااير وش سويتي هالمره دلال : تكلمي وش سويتي كانت تبكي وشفايفها ترجف من الخوف : والله والله ماسويت شي نزل من الدرج وهو معصب وصار يتلفت يدور عليها شافها جالسه عند رجل ابوه راح لها ركض والشرار يتطاير من عيونه .. مسكها من شعرها ووقفها وهي تصرخ من الألم .. وقف ابوه وهو يحاول يهديه ويفك يده من شعرها بس مافي فايده تكلمت دلال وهي تترجى ولدها يتركها : لؤي تكفى اتركها تبي تقتلها وتدخل السجن بسببها ..وبعدين من اللي بينظف البيت ..تكفى اتركها ناظر امه بعدين ناظرها وهو يقول من بين اسنانه : صدقيني ان شفتك ترفعين صوتك علي ذبحتك فاهمه .. وان مديتي يدك راح اكسر لك * تركها وراح على غرفته هي تهاوت على الارض وصارت تبكي بصوت يقطع القلب بس ماكان في احد راحمها .. دفعها راشد برجله هو يبعدها عنه بقرف وجلس يتابع الاخبار بالتلفزيون ولا كأنها موجوده ودلال صارت تناظرها بستحقار .. وتضحك على شكلها ... بعد بكى طويل قامت وراحت على المخزن اللي تنام فيه .. صارت تبحث عن شي بهستيريه ... ................................................ بقصر حمد كان بحضنه وحمد يكلمه حمد : ليث يوبه وين اخوك ليث كشر لما سمع اسمه : في الييييت هنااك هنااك ابتعد عن حضن عمه وهو يشد يده ويقول : تعااال هنااك قال حمد وهو عنده شغل مستعجل : نيللم تعالي هنا تقدمت نيلم لعند ابوها : هلا يوبه حمد : يابنتي لو تقدري توصل ليث لبيتهم وتقولي لاخوه يخف شوي عليه من الضرب نيلم وهي منزله راسها : تكرم يوبه راحت وجابت لها عبايه لبستها ولفت الشال على راسها وطلعت مع ليث .. ليث كان يناظرها وبعدين هي رفعت راسها وناظرته لف وجهه بسرعه عنها مسك يدها وهو يقول : هناااك هناااك فكت يدها من يده وهي تصرخ بوجهه : انت مجنوون استوعبت انها تكلمه ..وهي تعرف انه عنده اعاقه بدهنه .. ابتعد عنها بمتر وهو معصب منها راحت ركض لعنده : انا اسفه ليث وهو يهز راسه على الخفيف : لا لا لا نيلم : ليش وصل لعند باب بيتهم دق الجرس بعدين صار يعمل حركات غريبه .. نيلم خافت منه ..ناظرها بنظرات مافهمتها .. انفتح الباب .. الخادمه : تفضل سيدي مسك يد نيلم وراح لعند اخوه .. كان متسطح على العشب وبيده كتاب .. شاف شخصين واقفين قدامه نيلم كانت خلف ليث وهي تحاول تفك يدها منه بس هو مثبتها بيده بقوه وقف قدامه بعصبيه : اذا اذااا ضربتني .. *وهو رافع يده ويناظرها بضر..ربك وقف اخوه وهو مصدوم : خير خير اشوف مطول لسانك رجع ليث على ورى وهو خايف طاحت نيلم وهو كان بطيح بس توازن نزل لمستواها ومسكها من يدها ورفعها من على الارض طالعه اخوه بصدمه اكبر من الصدمه الاولى : وجايب بنت بعد ..خلاص انا ذابحك ذاابحك اليوم تكلمت نيلم بتردد وهي وراى ليث متمسكه فيه خايفه من اخوه : انا ..انا بنت عمك حمد لييث : ايو اا ا ..فرااس فراس ماكان يزور بيت حمد من كذا مايعرف اشكال بنات عمه نيلم وهي تطالع فرااس لما شافته يناظرها تخبت سكتت شوي وقالت : ابووي ..يقول لك خف شوي على ليث .. فرااس عصب : انتي وابوك وش دخللك ..اخوي وانا اذا بضربه ولا مابضربه بكيفي من الخوفه منه بكت >>ههههههه ليث وهو يشيل يدها من على قميصه : رووحي روحي ..بيـ ـيـضربك نيلم راحت ركض لعند الباب طلعت لما تسكر الباب سمعت صوت ليث وهو يصرخ .. ................................. بعد بكى طويل قامت وراحت على المخزن اللي تنام فيه .. صارت تبحث عن شي بهستيريه ... واخيرا لقته .. كان سلسال من عند امها احتضنته وهي تبكي وتهدي بأسم امها بعدين نامت ... .............................. دخلت البيت وقفلت الباب ركضت للصاله .. شافت ناريان ورنيم يسولفوا ويضحكوا تقدمة لهم والدموع بخذها : نارياان ناريان وقفت مصدومه مسحت الدموع من على خد اختها : وش صاير ليش تبكي نيلم وهي تحرك يدها بعفويه : لييث ولد عمي رنيم : وش فيييه صارت تتلفت بخووف : بروح لنوااف راحت ركض للملحق دخلت الملحق وتوجهة لغرفة نواف كانت الانوار مطفيه والجو بارد من التكييف شافته نايم راحت لعنده بسرعه وصارت تهزه من على كتفه وهي تبكي وتشاهق : نواف نواف قووووم نواف وهو يتقلب : همممم نيلم وهي تشهق بصوت عالي صحى نواف وهو مفزوع : وش فيك تبكي وش صاير ؟! : قووم معي بسرعه قام وغسل وجهه وطلع معها وهو مو فاهم شي وصلت لعند بيت عمها ابو فرآس دقت الجرس فتحت لها الخدامه وعلامات الخوف على وجهها دخلت نيلم ومعاها نوااف وقفت بوجهه فرآس وهي كارهته : وين لييث فرآآس بصرآخ : ايش دخلك .. نواف وهو عارف ان فرآس دوم يضرب ليث : احترم نفسك فاهم ..احسن مااجيب الشرطه لك هنا بسرعه طلع الولد تبي تذبحه انت .. خاف فرآس بس مثل وكأنه مو متأثر :ماراح اطلعه سمعوا صوت صرآخ الكل ألتفت على مكان الصوت.. رآح نواف ركض للملحق الموجود على يمينه فتح الباب شاف ليث مرمي على الارض ويتلفت يمين ويسار من الألم والدم ينزف من راسه كان يئن واحيانا يصرخ من الألم راح لعنده وحمله بين يدينه كان جسده نحيف وقدر يحمله طلع من الملحق ركض فتح الباب وركض لقصرهم ونيلم وراه دخل القصر وراح على الملحقه حطه على السرير واتصل بدكتور يعرفه كان يعالج امه قبل ..*امه هنديه تصير زوجة ابوه الثانيه ..بس ماتت بسبب المرض الخبيث .. واخذ منشفه صغيره وحطها على راسه يمنع نزيف الدم بعد ربع ساعه وصل الدكتور خيط له الجرح اللي براسه وحط عليه شاش .. نواف : كيف حاله الحين دكتور الدكتور : انا عطيته مسكن لانه تعبان كثير ولازم يرتاح عنده رضوض قديمه بكل جسمه كتبت بعض الادويه اللي يحتاجها * عطاه ورقه مكتوب فيها اسماء الادويه لازمه اهتمام كبير لانه مريض .. ولازم تبعدوا عن العنف معه .. * طلع الدكتور ..ودخلت نيلم وناريان ورنيم كانوا واقفين عند باب الغرفه وهم حزنانين على حاله ................................ دموعه على خده والدم تغطي ملابسه ومو حاس بالناس اللي تناظر له او بالاصح مو حاس بالدنيا كان يمشي والتعب واضح بوجهه وقفه صوت هرن وحده من السيارات وقف صاحب السياره وهو يصرخ بوجهه .. : اعمى ماتشوف ..تبي تمووت انت ناظر له وماتكلم ولا كلمه كمل طريقه وهو مو عارف وين يروح.. تذكر كل اللي دار بينهم بالامس الساعه 12 ونص كنت احاول اخفف عنه بس مافي فايده :خلاص واذا ماكلمتك ..في ألف بنت تتمناك ياخوك ناصر والدموع متجمعه بعيونه : بس انا احبها يامعاذ وهي الحين تقول انها بتتزوج شخص ثاني وتتركني معاذ وهو يتنهد : انساها ياخوي .. بتشوف البنت اللي تسواها وتسوى طوايفها هذي ماتستاهل حبك صدقني ناصر وهو يبكي : صدقني مااقدر ..احبها ..صار لي 4 سنين احبها تبي مني انساها بيوم ولليله .. معاذ وهو مصدوم : ناصر تبكي ؟ ناصر وهو يمسح الدموع بعنف من على وجهه : لا : الا انت تبكي .. لهدرجه تحبها ياناصر ؟ ناصر وحلقه يوجعه من البكى : والله والله احبها ..ليش تركتني وتتزوج غيري يعني كانت تكذب علي بحبها .. احتضنه وهو مو عارف وش يسوي بحال صاحبه وبعد ماهدى ناصر قام يبي يروح بيتهم وقفه معاذ وهو يقول له .. انا بوصلك .. ركبوا السياره وحركها.. يبي يوصله لبيته تكلم ناصر وهو يقول : خلاص وقف هنا احس بخنقه ..بكمل للبيت مشي معاذ : لكــ... قاطعه ناصر وهو يقول : وش فيك تفكرني جاهل ما ادل طريقي تركه معاذ على راحته .. نزل من السياره وابتعد عنها بكم متر لكــن اصطدم ناصر بسياره كانت تمشي بسرعه بالشارع ورتفع من على الارض كم متر وطاح والدم بكل جسمه نزل معاذ من السياره وركض لعنده وهو مصدوم مسكه بين يده وهو ينادي على اسمه : نااصر نااصر اصحى .. ماكان ناصر يسمعه لانه انتهت حياته من لما اصطدمته السياره صار يهزه ويتكلم بشكل هستيري .. بس مافي فايده تجمعوا الناس حولهم وجت الاسعاف بس كان ميت ..ماقدروا ينقذوا حياته وحاولوا الناس تبعده عنه ..بس تفاجؤوا منه قام والدم يغطيه وصار يمشي يمشي وهو مو حاس بالدنيا لحد الحين وهو يمشي كانت الساعه 6 وشوي الصباح وصل لعند باب قصرهم دخل وهو يناظر الفراغ راح على طول لغرفته جلس على السرير وهو حاضن رجله بيده ومنزل راسه لعند رجله ويئن ..يحس كل اللي صار له بالامس كان كابوس وبيصحى منه أن شاء الله ينال على أعجابكم ... ^__^ |
| هلا وغلا قسم بالله الرواية من بدايتها طر تحمست كثير كمليها بليز تحياتي |
| هلااا حبيبتي .. يسلموو على الرد ^__^ أن شاء الله بالليل رآح انزل البارت الثاني لان لسه قاعده أكتبه |
| الله يسلمج غناتي اوك انتظرج |
| والله باين رواية جنان اعتبريني من متابعيك انشاء الله التوقعات من البارت الجاي واممم متى مواعيد البارتات؟؟ بانتظارك لاتطول |
 فِي لَحظـآت .. {.. لَحظـآتْ تَشعُر فيها بِـ الحُزن .. مآ هذَا الحُزنْ المُسيِطر عَلى دُمُوعِ العَينْ .. أتسآْءل ..؟؟ كَيف يًمكِنني الفِرآرُ منِه ..!! مِنْ أيُ طَريقٍ أذهبْ ..؟ ألقـى الجَوآب ! مِنْ قَلبِي : إذهَبي إَلى مَعشُوقكِ لِيُخَفِفَ هَمك وَيُذهِبَ حُزنَكِ .. إلى مَنْ تَشكِي إليهـ .. مِنْ عَقلي : الّطَريقُ وـآضحْ .. إنْ الله يُمْهِل ولآ يُهمِل .. أستغفِركُ الله وأتوبُ إليك .. مِنْ كُل ذَنب .. أرحمنِي يآرحمـنْ يآرحيِمْ .. سُبحآنَك اللهُمْ وبِحَمدِكَ إنِي كُنتُ مِنْ الظآلمِينْ بقلم : رسآمه ..~ .............................................. رآحت ركض وجلست على وحده من الكنب الموجود بالصاله وبيدها ريموت tv : اقوول يالشبح رووح لمااما أوكيه ..أبي اشاهد .. محمد وهو يبكي : ابي اشاهد توم وجيري أهئ ئ *ناريان من النوع اللي مايحب الاطفال ضربته على كتفه بالخفيف :حبيبي بعدين بعدين .. صدقني بخليك تشاهده ... هو صدقها وراح لأمه عدلت جلستها وهي تنتظر برنامج مسابقات للطباخين وهي متحمسه للبرنامج .. * تحب الاكل بجنوون وتحب كل شي يتعلق بالاكل ههههههههه .................................................. ........ اما عند نيلم حطت الشال على راسها وطلعت من القصر وهي متوجهه للملحق دخلت وماكان نواف موجود فيه..دخلت غرفته وشافت ليث نايم تقدمة ناحيته وكان بيدها ماي بارد مع منشفه جلست على الكرسي القريب من السرير وحطت على راسه المنشفه ..لانه كانت حرارته مرتفعه شوي صحى على قطرات ماي تطيح على عيونه .. وصار يرمش اكثر من مرا.. طالعها شافها تدور بالادراج قال: أا..ايش تسوي فزت وهي تسمع صوته نيلم برتباك : هااه .. ولا شي صار يطالعها ببرآئه وطول وهو يطالع فيها نيلم حست ان فيها شي غلط : فيني شي ..ليش تطالعني كذا هز راسه بشكل طفولي وقال : أنتتي جــ جممميله .. استحت وقامت تبي تطلع بس مسكها من يدها وهو يقول بستغراب : وويين بتر..وحي صارت تتلفت يمين ويسار مو عافه ايش تقول ..نزلت راسه : ممم بروح البيت ..<< نيلم من النووع الخجوول ههههه ترك يدها وتكلم بسرعه قبل لا تروح : اناا ناا .. جووعان طالعت بعيونه بعدين نزلت راسها .. : طيب الحين بجيب الاكل بس لا تطلع ..عشان خالتي لا تــ ..ـضربك هز راسه بأيجاب ..وهي طلعت ركض للبيت ............................................ ببيت خال اسيل الساعه 10 ونص بالليل دخلت المخزن بعد ماخلصت شغل البيت جت بتسكر الباب بس حست بيد تدفع الباب بقوه فزت بخوف وهي تشوف لؤي يتقدم لعندها وهي ترجع على ورى لحد مااصطدمت بالجدار قالت بصرآخ : أأييش تبي مسكها من كتوفها وهو يقول : لا تفكري نسيت اللي عملتيه ياحلوة أسيل والدموع بعيونها : تكفى سامحني لؤي صار قريب من وجهها ضربته على صدره تبي تبعده بس مافي فايده رفعت يدها وضربته على عينه ابتعد عنها وهو حاط يده على عيونه لانها ألمته استغلت الفرصه ..شافت مقص كبير بين اغراضها مسكته بيدها .. : لو تقرب مني راح اذبحك فااهم .. صدقني راح اذبحك قرب لعندها وهو واثق انها ماراح تسويها وضحك بستهزاء بس هي بدون تفكير غرزت المقص ببطنه شافته وهو يتهاوى على الارض ويصرخ من الالم .. وقفت مصدومه لدقايق ..بعدين فكرة انها تهرب من البيت اخذت معها سلسالها وصورة امها مع ابوها وهي بحضنهم.. وهربت طلعت من البيت وهي تتلفت والدموع على خدها ..كانت لابسه العبايه بأهمال وحاطه الشال على راسها وتركض بالشارع ..ماعرفت وين تروح ..طلعت من الحاره وصلت لشارع العام مشت ومشت ومشت لحد ماتعبت واغمى عليها.. .................................................. . بيوم جديد .. الساعه 8 صباحاً فتحت عيونها ببطئ على صوت طفل يصحيها محمد (ولد رنيم) وهو يهز كتوف اسيل : أأصحي أصحي .. صحت وهي مفزوعه .. : هاااه .. يممه رجع لورى وهو خايف :مامااا جهزت الفطوور ..قومي افطري اسيل وهي تبكي وتناظر الغرفه : ويين انااا ..وين اناا طلع محمد وهو يركض لعند امه كانت بالمطبخ تجهز الصحون للفطور ومعها نواف يساعدها : يؤمه يؤؤمه البنت تبكي هناااك فزت امه من صوته وهو يصرخ بوجهها ..مسك يدها وهو يقول : مااماا تعاالي معي مشت معه لعند باب الغرفه .. شافتها تبكي بشكل يقطع القلب وتهلوس بكلام مافهمته راحت لعندها صارت تمسح على شعرها : حبيبتي ايش فيك ..ليش تبكي ؟ طالعتها اسيل وهي تبكي وتشااهق : اناا وويييين ..وييين رنيم : ببيتنا ..اخوي شافك مرميه على الارض ..كان مغمى عليك صارت تمسك راسها وهي تصرخ بشكل هستيري : اناا قتتتتلته قتــــــــلتــه ..يــــؤؤمــه يـــؤمــه وينــك آآه بخوف عليها ..احتضنتها رنيم.. وصارت تمسح على راسها بحناان .. بس اسيل ابتعدت عنها واصرخت : ابي اؤمي ابيهااا آآه أبيهاا * صارت تضرب صدرها بقوه قامت رنيم لعند نواف اللي كان جالس بطاولة الاكل.. رنيم بخووف : نواف قووم ..البنت بتموت من البكى نواف قام معها لعند الغرفه اللي فيها اسيل هو شافها بالحجاب بس الحين يشوفها بدونه بشعرها الكستنائي وعيونها الخضره الشفافه ... وبياض وجهها وحمرة خدها وانفها .. قرب لعند السرير اللي كانت جالسه عليه وهي تضرب صدرها وتبكي وتهلوس بأسم امهاا ..مو حاسه باللي حولها مسك يدها وباليد الثانيه عطاك كف قوي على خدها.. رنيم شهقت بخوف ..اما هو فصرخ بوجه اسيل : خلااص اسكتي . اسيل صارت تطالعه وكأنها تطالع الفرااغ .. ماكانت معه ..وشوي شوي تهاوت على السرير قام بعد ماغطاها ..واتصل على الدكتور ..بعد ما جا الدكتور وعطاها مسكن.. وبعض الادويه بسبب الانهيار العصبي اللي صار لها .................................................. ...... الساعه 4 العصر .. جا من سفره وهو يمشي على اطراف اصابعه وهو ماسك حقيبه سودة كبيره وحاطها على كتفه .. خايف من اي احد يشوفه جا بيفتح الباب ..بس الباب انفتح رجع على ورى يبي يهرب ..بس لما سمع صوتها ارتاح .. :ايووب تنهد ولف : هلاا هلاا بالنااار ناريان وهي تتصنع العصبيه : أيووب رآآآح أذبحك هااه اسمي ناريان مو ناار .. *سكتت وكانها تذكر شي ..صح وين كنت أيوب وهو يبعثر شعره : كنت مساافر مع الشباااب هههه نااريان : اسبووع كاامل يالظالم ..لا أتصال ولا شي .. أكلمك ولا ترد علي .. ايوب وهو يضرب كتفها على الخفيف وهو يبتسم : والله كنت مشغوول ناريان تطالعه وهي مصغره عيونها ضحك على شكلهاا : وش فيك مو مصدقتني .. حطت يدها على خصره : الا .. بس وين هديتي هااه ضرب الحقيبه اللي على كتفه وهو يقول .. : هناا ..بس خلينا ندخل البيت بالاول تكلمت وهي مستعجله : ادخل انت بالاول ..صاحباتي الحين بيوصلوا بروح استقبلهم قال :اوكيه وكمل مشي غرفته وناريان ضلت تنتظر صاحباتها عند البوابه وصلوا واستقبلتهم وراحت معهم لغرفتهاا .. .................................................. . بيوم جديد معاذ ماراح عزء صاحبه .. وكانت تجيه اتصالت من الشرطه عشان التحقيق بس مارد عليهم ضل حابس نفسه بغرفته وكانت الافكار تجي وتروح براسه كان يكره امه بس الحين يكره كل بنات حواء .. امه اللي تركتهم وهم اطفال ..حرمتهم من حنانها .. راحت وتركتهم ولا همها اذا كانوا عايشين ولا ميتين كان بباله شي واحد ..ان كل بنات حواء مثل امه ومثل حبيبت صاحبه ..يبي ينتقم لموته تمنى لو الكره الارضيه مافيها ولا بنت .. راح عند درج من ادراج الكومودينو الاسود .. شاف الصور اللي تجمعه مع امه .. احتفظ بها ..توقع ان امه ترجع بأي وقت .. لو رجعت كان راح يسامحها ..بس الحين لا ماراح يسامحها لو يشوفها تحتضر قادامه .. مسك الصور بيده وصار يمزعها لحد ما صارت قطع صغيره تناثرة بالارض .. .................................................. ......... نيلم وناريان ماكانوا يعرفوا بوجود اسيل .. بس رنيم خبرتهم لما شافوها وهي نايمه والدموع حول جفنها اشفقوا عليها كثيرر ..تمنوا لو يقدروا يساعدونها .. .................................................. .......... بالليل الساعه 1 طلعت من الغرفه وهي تبكي كانت انوار القصر مطفيه .. مشت مو عارفه وين الباب ..بسبب كبرر حجم البيت وهي ماشيه اصطدمت بشي خلاها ترجع على ورى صرخت بخوف وهي تقول : مــن مـن انـت .. تكلم بصوته الرجولي الخشن : انتي اللي من ..اكيد نيلم صح..مستحيل تكونين ناريان هههه :/ ابتعدت عنه بصوت كله بكى : اناا اناا ابي اروح بيتناا .. لما عرف انها اسيل ..قال :ليشش تبي تروحي بهذا الوقت؟ رجع كم متر وشغل الانوار .. المكان اللي تواجدوا فيه كان المطبخ كان بيده كاس ماي ويناظرها ببرود بعيونه الناعسه : تكلمي ماقدرت تنطق بأي كلمه ..انفجرت بكى وبعد دقايق قالت : تكفى تكفى لا تعلم الشرطه ..مدري وش كان يببي مـني هـ..و دوم يــ..ضـ.ربني لمــا شفــ..ـته يقــرب منـي ضـ..ـربته بالمقـص ببط..ــنه ..مـدري اذا كــان عايـ..ش او ميت لمااا سمع الكلام اللي قالته شهق والماي بفمه ..صار يسعل ويسعل حط .. كاس الماي على الطاوله .. : اايش قلتتتي ااايــــــش اسيل وهي ضامه يدها لحضنها :والله والله آآه ماكاا..ن نيتي اني أقتله ..تكفى ساعدني ... وقف وهو يناظرها وحزنان على حالها ..بس بنفس الوقت مايدري اذا هي تكذب عليه ولاصادقه بكلامها قال: لا حول ولا قوة الا بالله ..طيب اذا جا الصباح بروح معك نشوفه اسيل وهي تمسح الدموع بعنف عن وجهها وشفايفها ترجف : لا لااا ماابي اروح .. بـس بــ..ـس انت شوف لي أحوآله .. نواف وهو يكتف يده : طيــب بكرا يصير خير .. ومااتوقع انه مات ..لان الضربه جت ببطنه * مشى بيطلع ..بس وقفه شكلها ..كانت تكسر الخاطر.. كمل مشيه وطلع ..مايحب يسكن بنفسس البيت اللي فيه شرووق ..يكرهها كره العمى طلع والافكار براسه مو راضيه توقف ..يبي يعرف قصة هالبنت كاامله اليوم قبل بكرا .. .................................................. ... الباارت قصيرر بس أتمنى يناال على اعجاابكم .. البارت الثالث بعد بكرا ان شاء الله ..^__^ |
| اتمنى تنوروني روايتي الاولى:حب من ايام الطفولة(استهبال ضحك وفرفشة) كاملة .gif "Graaam (59)") https://forums.graaam.com/562490.html بروايتي الثانية: لا تلوموني ولا تعاتبوني لانو ظروفي خلتني اتنكر كولد.(الحزن الالم ,ضحك وهبال,مغامرة والغاز) https://forums.graaam.com/567220.html ان شاء الله بوقت فرآغي رآآح أقرآآهم .. باين من عناوينهم أنهم رووووعه ^__^ |
| مساء الخير...ياهلا فيك بغرام .. موفقة بطرحك .. بداية جيدة لكن معتمدة فيها على الحوار مافيها سرد ولا وصف لمكان الحدث وللشخصيات ووصف وضعياتهم ومشاعرهم لاحظت انك معتمدة على الاختلاط بين البنات والشباب والخلوات المحرمة بينهم .. عزيزتي ياليت تبتعدي عن اي لقاءات بين الشباب والبنات لاي سبب كان لانو هالاشياء تنفر القارئ من الشخصيات وتهاونهم بالحلال والحرام ... مايجوز اي بنت تختلي مع شاب مومحرم لها وانتي اغلب بطلاتك كانت بينهم هالنوع من العلاقات واسيل قصتها مومحبوكة كويس وتفتقد للمصداقية خصوصا تواجدها ببيت ناس مايعرفوها وبسهولة صدقوها وتركوها ببيتهم مهما كان الي سوته جريمة تتحمل العقوبة عليها وبواقعنا مافي احد بيترك مجرمة مايعرف صدقها من كذبها تعيش عنده وبيتستر عليها لانه في حال مات الي ضربته تعتبر قاتلة ولازم تاخذ جزاها القانون والشرع ينص على هالشي القوانين / الإطلاع هام و الإلتزام ضروري وهذا الموضوع راح يفيدك ياليت تطلعي عليه قضايا |
| أدوات الموضوع | البحث بهذا الموضوع |
| طريقة العرض | |
.png)
النمط المتتابع
