منتديات غرام روايات غرام روايات كامله - يتم نقل الرواية هنا بعد اكتمالها عساني للهلاك ان خنت وانتي عسى الله يلعنك لوتتركيني/بقلمي؛كاملة
سكريترة ابليس ©؛°¨غرامي فعال ¨°؛©

ننتظرك ياروحي

دجة ورجة ©؛°¨غرامي جديد¨°؛©

ويين البارت بئس
متى تنزلينه

علموني شلون تطيب الجروح ؟ ©؛°¨غرامي جديد¨°؛©

اهلين
روايتك مره تجنن .. استمري

اممم فيصل ياليت يتزوج اريج ..

نواف اتوقع ما يتزوج رفيف الا بعد طلعة الروح ..

بنات منيره مدري وش اسمائهم الزبدهه دبريهم خليهم يموتون يرجعون المزرعه ، اهم شيء ينقلعون << ماني طايقتهم ..

رنا خلي هيثم يتزوجها ويفكنا منها ..

تحياتي لك ..~

حبي دحموني ©؛°¨غرامي جديد¨°؛©

حلللللو مرااا اسلوبككك كممملي

- بئس حبك ©؛°¨غرامي فعال ¨°؛©

الـــبــــارت الـــعاااشر والـــحـادي عشششـر
تبيني صدق والا ما تبيني قبل لا أبهذلك وتبهذليني
وقبل لا أفقد شموخي واحترامي وقبل لا أشمت العذال فيني
أنا داخل عليك من الفضايح تبيني صدق والا ما تبيني
أنا ماني بلعبه في يدينك متى ما تعشقيني تعشقيني
أبيك ان كان جيتيني حبيبه تجيني بصدق ولا لا تجيني
أنا ما أجرح مشاعر من عشقني ولا أرضى لي عشقتك تجرحيني
إذا بعت العذارى واشتريتك تبيعين الرجال وتشتريني
أنا لي ثارت الغيره بقلبي تقول الجن الأزرق معتريني
أبي وأنتي معي منتي لغيري وإذا كنتي لغيري جنبيني
أغيب وتذكريني بالحشيمه ولا أمرح في ذراك وتلعنيني
طويلين الشوارب ما احقروني تبين أنتي تجين وتحقريني
إذا نفسي رضت لي بالمذله أبذبحني قبل لا تذبحيني


________________________________________
أريـج سمعت صوت الباب ينفتح ودفنت وجهها اللي احمر من البكي : لوسمحتي برى
ام احمـد : عشتو تأمر الاخت .. قومي بس خلصي
اريـج بقهر بدون ماتناظرها : نعم وشتبييين ؟
ام احمـد : اخلصي ياعروس تبين المهر كاش ولا شيك
أريـج قامت من السرير : وش مهره انتي ووجهك اطلعي بس برى
ام احمـد : بتقبلين فيه غصبآ من ورى خشمك
اريـج : ماني موافقه عليه لو مايبقى بالارض غيره
ام احمــد : انتي مسكينه تحسبين ابوك بيبقى لك ؟ ابوك سنه ولا سنتين وبيتوفى تحسبين بأبقيك عندي ؟ لا ياعمري بحجزلك أول طياره ع العراق ولا بقطك مع جدتك وعمتك بنص البر .. ماتاخذين العضا والعبره من غيرك شوفيهم قاطينهم بالبر
اريـج : مابي حكمك خليها لبنتك رنا ويلا انقلعي برى
تـركي : خلاص الجازي اطلعي انا بكلمها
الجـازي طلعت ...
أريـج دمعت اكثر وهي تنااظر تركي وقالت بين شهقاتها : اطلع انت بعد
تـركي سكر البـاب وقال بجديه وهو يناظرها : وشتبكين عليه انتي ؟
أريـج لفت ظهرها عنه تخفي دمعها وقهرها .. تبكي بحرقه على السنين اللي ارخصت نفسها فيها لتركي ولشهواته ماكانت كاسبه ولاشي بالعكس خسرت اغلى ماعندها ماعادها قادره تكمل حتى لوتركها .. كانت مغمضه عيونها تنتظر يدينه تحتضنها زي العاده بس ماحست الا بحجر وراها عكس الحنيه اللي قبل تحسها .. قالت وهي تحاول تتكلم : أطلع لوسمحت
تـركي لفها لوجهه : تزوجي وش تنتظرين انتي ؟
أريـج ناظرته وهي ودها تحضنه وتبكي على صدره تقول اشتاقتله وتحتاج تفسير لجفاه تحتاج يقولها انا ببقى وياك لاتتزوجين سامي انتظريني اكيد بجيك ولو مات ابوك ببقى وياك باخذك وبنتزوج ونسافر بعيد بس لما ناظرت عيونه مالقت أي دمعه ولا كلمه بس برود .. مسحت دموعها : ماانتظر شي واطلع
تـركي يناظرها بنظرات استحقار : انا ماني جاي اجلس معاك ولاااسولف انا جاي اقولك اطلعي من البيت انقلعي روحي تزوجي سـامي
أريـج حاولت تستجمع قوتها : انا اصلن بروح ومجهزه اغراضي وكل شي بس اتدلع
تـركـي : ياشششششييييين دلعك ..
أريــج قالت وهي من داخل منكسره من كلمتها : دلعي حلو على قلب حبيبي
طاحت دمعتها وهي تقول هالكلام حاولت تجمعها بس حست قلبها انكسر .. هذي كلمة تركي اللي دايم يقولها لها .. غطت وجهها بيدينها وهي تحاول تخفي الدموع اللي خانتها بلحظة كانت محتاجه تكون فيها قويه ..
تـركـي : بقول للجازي انك تتدلعين وانتي موافقه طيب ؟ *هزها من كتفها* طييييب ؟ ردييي ؟
أريـج هزت راسها ب إيه .. بس صدمها لما سمعت صوت الباب يتسكر طاحت على طول ع الارض وهي تحاول تخفي صوت بكيها لأن الجازي وتركي قدام باب غرفتها وبيسمعونها .. بس زادت شهقاتها وهي تسمع كلامهم ..:
__

- بئس حبك ©؛°¨غرامي فعال ¨°؛©

__
ام احمـد : متأكد ياتركي ؟
تــركـي : يعني بستهبل عليكم انا ؟
ام احمــد : هي ماقالت لي ولا قالت لأبوها كيف تقولك
تـركـي : هههههه الجازي اريج ورنـا تربية يديني مايستحون مني ويقولون
ام احمـد : ههههه الحمدلله شلت هم من على صدري يلا عقبال مااشوفك معرس انت واحمد بليلة وحده ..
تـركـي : على ايدك تختارين لي
ام احمـد : بختار لك ازييين البنـات *دقت ع ام فيصل * وخر بكلمها
ام فـيصل : ياصباح الخير والله انك بنت حلال توك جيتي ع بالي
ام احمـد : ياصباح الخير والنور والسرور والافراح
ام فـيصل : لأ اكيد في خبر حلو ورا هالفرحه كلها
ام احمـد : والله يااموضي ودي انك قدامي عشان اشوف فرحتك
ام فـيصل مسكت يد سامي اللي كان جمبها ووقفت : يعني ازغرط ؟
ام احمــد تزغرط : زغرطي زغرطي بأعلى صوتك
أم فـيصل بفرحه وكأنه هم وانزاح : كلوووووولللليييييشش .. الله يبشرك بالخير
ام احمـد : عاد مـــبروك هههههه
ام فــيصل : ألله يبارك فييك .. اصبري مااعاد احس بنفسي ببشر عيالي
وسكرت .. ام فـيصل : أبشركم وافقو واخوكم بتشوفونه عريس .. مبروك مبروك
سـامي بفرحه يحسب ان اريج نست كل اللي فات مايدري ان الكل يضغط عليها : الله يبارك فيك يمه
فـيصل كان يناظر وهو مستغرب اريج اللي جته اليوم تصارخ وتهاوش وهي رافضه كل الرفض بدقيقه غيرت رايها .. يمكن يوم خنقها خوفها ووافقت إبتسم : ألف مبروك منك المال ومنها العيال
سـامي كان اول مره يفرح بعد ماتعرض لحادثه فرحته هذي رجعت له الحياه ماكان ممكن يبيعها حتى لو بفلوس الدنيا كلها .. حضن اخوه : ألله يبارك فيك عقبالك
منـاور يعدل شماغه : عاد يمه ابدأي فيناا
ام فـيصـل : بارك لأخوك بعدين تكلم
منـاور : لأ أغار
ام نـايف دخلت هي وبناتها ع الصوت : بسم الله الرحمن الرحيم وشفيكم تصارخون ؟
ام فـيصل مشت لها بغرور وبوجهها إبتسامة نصر : أبشرك وافقو اهل اريج وبيصير العرس
ام نـايف بقهر : أحسب عندكم سالفه
ام ليليـان بقهر وهي تناظر بناتها وتحسر : مبروك سـامي
سـامي : الله يبارك فيك ..
_______________________________
ببيـت ابوريـان ..
شـذى وازهـار ونـور يطلون من الشـباك
شـذى : شوفي هذاك اللي واقف مع هيثم هو المعرس
أزهـار : يااويلي يازينه كأنه البدر يقط القمر من السمـا
نـور بحيا : عيب عليكم
شـذى : وش عيب قولي اغااار
أزهـار : لاتحرجينها تراها حساسه
لمـيس حطت العصير : وش السالفه ؟
شـذى ترقص : شوفي المعرس يالميس يجنن
لمـيس طلت من الشباك ويدها ع قلبها ..
لمـيس طلت من الشباك ويدها ع قلبها : مو عيـسى ؟
ازهـار تدفها : وش تقول هذي .. لا هذا اسمه حسن
لمـيس بفرحهه : الف مبروك نـور الله يهنيك
نـور : ماصار شي للحين يمكن مااوافق
شـذى : ماعليك مستحيه بس تكابر
لمـيس ركضت لدور الثالث اللي كان فيه غرف الخدم وفتحت الباب على نيرمين وتنقز : نينـا قومي قـومي
نيرمـين : وخري عني ببكي
لمـيس : أبشرك طلع مو عيسى
نيـرمين فزت : مو عيسى مين اجل
لمـيس : مدري اسمه حسن مدري محسن المهم مو عيسى
نيـرمين تنهدت : الله يطمنك يالميس اول مره تفرحيني
وحضنو بعض
_______________________________
بعـد مرور سـاعه ..
دخل ابوريـان معصب وراح فوق
ام ريـان : وشفيه ابوكم معصب
شـذى تناظر اخوانها : وجيهكم ماتبشر بالخير
ريـان بعصبيه : والله الكمخه هذا اللي مايعرف الرجال كل اللي مخاويهم خكاريه
هيـثم بإحراج : وش يعرفني ان الولد صار كيذا
ريـان : دامك ماتعرف ليه مبلشنا اعرفه واعرفه وصديقي من الابتدائي
هيـثم : اقولك من المتوسط
ريـان : ع زق انت وخويك
ازهـار : ياويلي ؟ مافي معرس بح ؟
ريـان بعصبيه : الرجال طلع خكري ودلوع رقبته كلها مصاات .. ويتكلم يقول لأبوي عمو حمودي وابو الالعن منه يقول تكفون تحملوه عشاني وبنتكم لها اللي تبغى وان شاء الله يتزوج ويعقل ..
ازهـار : هههههههههههههههههههههههههههههههههههههه ياويلي يانور بتتزوجين خكري ؟
شـذى : والله فله خله يجي ههههههههههههههههههههههههههههه
ازهـار : والله هذا يصلح له انا ولا انتي هههههههههههههههههههه
هيـثم بفرحه وهو يناظر جواله : يمه البشاااره
ام ريـان : هاه خطيب ثاني ؟
هيـثم : أي يمه فيها عرس بس شي ثاني
ريـان صفقه : أخلص تكلم
هيـثم من الفرحه ماحس بنفسه : أبشششرك يمه اهل سـامي صار معرس خلاص هو واريج مخطوبين لبعض
ام ريـان : وافقو
هيـثم : أي وافقو وافقو
شـذى وقف مخها على اخر كلمه هو واريج مخطوبين لبعض .. وقعدت تتكرر بمخها .. معقوله اريج أخلفت بوعدها .. معقوله كلام خواتها حقيقي وانها خاينه ..
معقوله فارس احلامها وحبيب الطفوله صار لغيرهاا ؟ .. دمعت عيونها بس حاولت تمسك نفسها ماكانت تبغى تبين لأهلها ..
شـذى ونـور ناظرو اختهم بخيبة امل وكأن عيونهم تعاتبها وتقول حذرناك وقلنالك بس انتي أغلطتي وأمنتي لهم .. عرفو ان اختهم اللي ماعمرها بكت ولا ضعفت أنهارت الحين وهي تشوف سامي لغيرها وتسمع خبر عرسه ..
أم ريـان : شذى هاتي الجوال خليني ابارك لخالتك .. شذى .. شذى
ازهـار : يمه امسكي
ام ريـان دقت : كلوووووووللللللييييشش الف مبروك ياموضي
ام فـيصل : لاتبكيني ياحسنه تكفين والله نواف ومناور توهم يبكوني
ام ريـان : لا ياحبيبتي ابكي وطلعي كل الدموع ولدك بيعرس وبيخليك
ام فـيصل : الله يهديك هديني مو تبكيني
ام ريـان : ان ماهديتي نفسك ماني فاضيه اهديك
ام فـيصل : والله من يومك ماتجاملين المهم الله يبارك فيك وعقبال عيالك
ام ريـان : هاتي سامي بكلمه اكيد الحين متشقق من الوناسه
ام فـيصل : لا اخوانه مستلمينه يرقصونه
ام ريــان : مين الي يرقصونه ؟
ام فـيصل : مناور ونواف عسا اللي بشرني بعرسه يبشرني بالثانين
ام ريـان بخبث : عساني انا اللي ابشرك بعرس الباقين
ام فـيصل : انتي ولا الجازي نفس الشي
ام ريـان : ومتى العرس ؟
ام فـيصل : والله اللي يسمعك ياام ريان يقول اني سامعه بالخبر من الاسبوع اللي طاف توني ادري ياختي حتى ماستوعبت
ام ريــان : ياويلي عيارتك .. خلصيني متى اكيد انتي محدده اليوم ..
ام فـيصل : والله مدري بس ان شاء الله انه بالشهر الجـاي بنستعجل فيه مافي شي يمنعنا
ام ريـان : وتقولين لي ماتعرفين .. ياويلي ياكذبك .. يلا بس اخليك تفرحين ويا عيالك مع السلامه
ام فـيصل سكرت : الحين يافيصل روح اسحب لهم البنك من حسابي انا ومن فلوسي
ام نـايف : اللي سارقتهم من ولدي
فـيصل طنشها : الله يهديك يمه وش اسحب وهم للحين ماحددو المهر
ام نـايف : ماعليه انتو بتعطونهم اكثر حتى لو حددو
ام فـيصل : والله ماني متحمله من الفرحه
ام نـايف : وانتي عمرك عرفتي الصبر
ام فـيصل : الشي الوحيد اللي مابيه بهاللحظه وجودك ياليابسه
ام نـايف : وانا الشي الوحيد اللي كارهته وجودك
سـامـي يبوس راس امه : لا تضايقين نفسك يمه بلحظة نفس هذي
_________________________________________
ع العشـاء ..
ابـواحمـد : والله يوم بشروني فرحت .. والمفروض انك تقولين لي بلأول انا يا اريج بس ماعليه انا وخالك نفس الشي
تـركـي : ماعليه انا حتى ماقالت لي الا بعد الشين
ابو احمـد مسك يد بنته : امري وش الشروط اللي تبينها
اريـج ببرود : ماعندي شي
ام احمـد ترقع : مستحيه البنت الله يهديك
اريـج قامت قبل تخونها دمعتها زي العاده .. ام احمـد : شفت خليتها تروح
رنــا : هههههههههه انا محجوزه لي غرفتها ..
أم احمـد : لا ان شاء الله تلحقينها
ابـواحمـد : الحين وشلون اعرف شروطها ؟
ام احمـد : يعني وشو شروطها المهر 200 زي العاده وعرس وسفره
ابـواحمـد : هي يعني ماتبي بيت لحالها
ام احمــد : لا هي ماتبي تقول ماتعرف تطبخ ولاتسوي شي تبي تجلس معهم
ابـواحمـد : خلاص بكرا انا اكلم فيصل واقوله .. تبون ملكه ؟
ام احمــد : أكـيد نبي ملكه وحفله كبيره يجيها القاصي والداني .. بس خل هالموضوع علي انا وام فيصل
ابـواحمـد بفرحه : ان شاء الله ان شاء الله
__________________________________
لو كان موعد بعذرك لو يفوتك انا انتظرت العمر كله عشانك
غبت وارضيت و بعدها غاب صوتك وابطيت اكذب من يقولون خانك
بالله كيف تحس فيه طعم قوتك لامن ذكرت انسان خنته وصانك
ماكان قلبه واحد من بيوتك من تحت سقفه كم شعرت بامان
وراك خليته لعتمة سكوتك وانا ماغير اعيش معاه في حنانك
في غيبتك ياكم تمنيت موتك اقل شيء ارتاح واعرف مكانك

شـذى كانت تبكـي كانت تتمنى يموت على انها تسمع خبر عرسه .. عيونها انتفخت من كثر البكي وقلبها تحس يعورها من كبر الجرح اللي قدمته لها صديقة عمرها اريج .. تتذكر الاحلام اللي بنتها ويا سامي كانت بتقول له لاتعدل ولاتسوي عمليه انت كيذا جميل بعيوني .. كانت مستعده تشيل الضماده وتبوس وجهه مهما كان اللي تحتها من رعب .. كان هذا جماال عندها .. توقعت ان سامي فهمها وعرف انها تنتظره .. ليه اختار اريج اللي تنظر له بتقزز بدالها .. بكت وهي موعارفه تبكي على حبيبها ولا صديقتها .. خيانه من اقرب شخصين لها
___________________________________________

صـباح اليوم الثـاني .. الساعه 5 العصر ببيت آبـواحمد ..
ام فـيصل : وينها عروستنا بسلم عليها
ام احمـد : مستحيه ماتعرفينها
ام نـايف : وينها جيبيها
ام احمـد : خليها مستحيه حتى المستحي ماتخلونه بحاله
ام فـيصل : تبشر بالشروط اللي تبيها اروجه
ام احمـد : أي الشروط مهرها 200 الف
ام فـيصل : تبشر ب400 ألـف
ام نـايف بشهقه : قالت 200 خلاص لاتزيدين وشوله الكرم الزايد
ام فـيصل : لاتستاهل
ام نـايف : ماتعبتي فيهن ماهن فلوسك
ام فـيصل طنشتها : وبعد وش اوامرها
ام احمــد : عرس بأكبر صالات الرياض وافخمهم
ام فـيصل : هذا مير خليه علي انا ..
ام احمـد : وحفلة ملكه
ام فـيصل : وهذا ان شاء الله الجمعه الجايه
ام احمـد : يؤ قريبه مايمدينا نجهز
ام فـيصل : عاد وش تجهزون كلها كم شغله .. وبعزم الدنيا كلها
ام احمـد : أي اكيد نبي فرحتنا يشوفونها
ام فـيصل : بس العرس بنستعجله نبيه 18 من الشهر الجاي
ام احمـد : حنا ب14 مايمدينا ياام فيصل
ام فـيصل : والله يالجازي هذا على كلام الولد
ام نـايف : تحلفين وتكذبين قدامي ؟ انتي اللي قلتيه
ام احمـد : خلاص 18
ام نـايف : ردن علي وش فيكن جاطلاتني
ام احمـد : من جا بدون عزيمه قعد بدون فراش
ام نـايف : بيت ولدي ماني منتظره عزيمتكن ياالعقارب
__________________________________
بالشركه كان سامي وين مايمشي يسمع مبروك يالمعرس كان فرحان حيل لدرجة انه نسى التشوه اللي بوجهه وكلام عمانه وعياله زاد فرحته ..
احمـد : هلا بالنسيب
سـامي : هلافيك والله
هيـثم : اجل انا مكاني غلط بينكم
احمـد : اي وشتبي كلام نسبا
هيـثم : لا جالس وغصب عنكم
سـامي : هههههه لا شدعوه حياك الله
هيـثم : بجلس اصلآ غصب عنكم
تـركي دخل : السلام عليكم
الكـل بتوتر : وعليكم السلام
تـركي مسك يد سامي : ألف مبروك منك المال ومنها الصبر
سامي طنشه : الله يبارك فيك .. يلا شباب انا استأذن لو يدري فيصل اني تركت الشغل بيذبحني
تـركي : توك معرس
.. سامي مشى بدون مايرد عليه .. تـركي : اعقب يالمحروق تكبر عليناا
هيـثم : انت وشفيك ماتحترم نفسك
تـركي : هذي الصراحه
هيثـم : أقسم بالله مااعرف كيف تحس انت
احمـد بعصبيه من فعايل خاله : يااخال اذا تكرهه اتركه مو تفشلني وياه
تـركـي : وشفيكم انتو ؟ هذا ماعنده مشاعر ماعليكم بيرجع لكم حتى لو ايش
طلع وخلاهم
________________________________
بمكتب فيصل دخل عليه السكرتير ومعاه باقة ورد كبيره
السكرتير : استاذ فيصل هذي باقة ورد وصلت لك
فـيصل : وصلها لمكتب سامي شكلك غلطان
السكرتير : لا اللي وصل الباقه قال هذي لفيصل مو لسامي .. قالها كيذا مو لأستاذ سامي
فـيصل ترك القلم : طيب هاتها
حط السكرتير الورد وطلع وفيصل شاف بطاقة فتحها وصدمه الاسم من أريج ؟: وشتبي هذي الحيوانه
قطع عليه دخول سـامي .. سامي : ألسلام .. اووه ورد ؟ من مين
فـيصل توتر وماقدر يتكلم وهو يشوف سامي يمشي ومسك الورد شاف البطاقه
فـيصل توتر وماقدر يتكلم وهو يشوف سامي يمشي ومسك الورد شاف البطاقه وفتحها : من أريج
إبتسم بفرحه : شكلهم غلطانين
فـيصل لحق ع نفسه : أي انا قلت بعد كيذا كنت بقولهم يوصلونه لك
سـامي جلس وهو يناظر الورد : تتوقع تحبني ؟
فـيصل : سامي سالفة انها تحبك لا تتوقعها .. مااحد يحب احد بدون مايعاشره بس بداية انها وافقت هذا بداية خير وانها تحبك
سـامي : أن شاء الله اني مااقصر وياها بشي
فـيصل : طيب متى تبغى تسوي العمليه ؟
سـامي : لا بعد شهر العسل
فيصل : تدري ان عرسك الاسبوع الجاي ترى بتدخل بالقاعه
سـامي : أدري اني بدخل وانا موافق اني ادخل وانا كيذاا
فـيصل : وش الفايده من تأخير العمليه قلي انا اخوك ؟
سـامي : فيصل هالشي ودي يكون بيني وبين نفسي
فـيصل : أوكي براحتك بس متى مابغيت تقول شي تعال لي
سـامي يناظر الورد : هه اطلع بالورد ؟
فـيصل : أكيد لك هو خذه
سـامي : اخاف اخوها يشوفه ..
فـيصل : حلالك ياشيخ ماعليك منه *مسك راسه*
سـامي : وشفيك ؟
فـيصل : مافي شي ..
سـامي قام : فيصل انت متعب نفسك بهالاوراق خلهم ورح استريح اليوم
فـيصل : لا مافيني شي
سـامي : ماعليه عشاني رح نام ارتاح لو ساعتين ع الاقل
فـيصل كان محتاج ينام اصلا : طيب
طلع وتوجه للبيت وهو يلعن أبو من خلف أريج على حركتها البايخه اللي كانت بتهدم فرحة سامي .. أول مادخل طلع لجناحه ..
نـوران كانت طالعه ولابسه ليقنز اللي كان ع شكل فضاء وبلوزتها العلاق البيضا الضيقه مسكت شعرها ع جمب وقالت بدلع : السلام عليكم
فـيصل راح لغرفته بدون مايناظرها : وعليكم السلام
نـوران : غريبه جاي مبكر *شافت فيصل يحاول يفتح غرفته بالمفتاح وراحت جمبه* فيصل شفيك .. لهدرجه مزعجك حضورنا ؟ حنا نحاول مانسبب مشاكل
قطع كلامها فيصل اللي دخل وصك الباب وقفل الباب قفلتين وانسدح داخل وهو يتنهد
نـوران انجرحت من صده لها هي ماتحبه ولاتفكر فيه بس مولدرجة انه مايناظرها ولايخق ويا جسمها .. عيال عمها كانو كلهم خاقين وياها ويبغون يتزوجونها بس ابائهم مانعينهم اما هذا يمشي وكأن مااحد قدامه ولا كأنها بنت .. رفعت رجلها بتضرب باب غرفته بقوه بس هدت نفسها وراحت لغرفتها .. : بناات
رنين وليليـان : هلاا
نـوران : شرايكم نطلع لمول ولاشي نغير جو من يوم جينا وحنا محكورين
رنيـن : أي والله يلا
ليليـان : يممه لحالنا
نـوران : وشفيها عااادي
ليليـان : انتي ماسمعتي بنات خالي يقولون حنا مستحيل نطلع بدون مايكونون اخوانا معانا او امهاتنا او على الاقل يوصلونهم
نـوران : حنا ماعندنا لا اخو ولا ابو خلنا نطلع معليه
رنـين : يووه نوران ماتعرفين ليليـان مستحيل تطلع
نـوران : ان بغيتي تطلعين حياك وان مابغيتي طقي راسك بأكبر جدار
ليليـان : مجنونه انتي ولا مجنونه ؟ هذي الرياض مو القريه ومانعرف فيها شي وماتشوفين المغازل والمقاطع يمه لا انا خايفه
نـوران : هذي شفيها مجنونه ؟ لهدرجه تفكيرك انتي ؟ امشي حسبي الله عليك حنا مورايحين نتمشى بالشانزلييه حنا بالرياض ترى والمكان كله هيئه
رنـيـن : عندها الرياض حتى نيويورك مومثلها بالجرائم والاغتصاب
نـوران : انا ادري .. كم مره اقولها المولات مايدخلونهم الشباب
رنيـن : حاولي تقنعينها ع مبال مااكلم امي ..
نـوران : ليليـان انتي ماقد طلعتي واستانستي مفروض تتحمسين الحين يلا
ليليـان : نوران انا اخاف علينا حنا بنات حرمه مطلقه لويصير فينا ابسط الاشياء حطو ألف بلوه وبلوه
نـوران : يووه انتي وعاداتك هذي ياخي امشي بس امشي
رنـين : امي تقول روحو بس خوذو سواق العايله
نـوران : اكيد اجل بنروح مشي
ليليـان : اذا صار شي ذنبي برقبتكم
نـوران : يااحححول كأننا رايحين مرقص
ليليـان : خلاص وخري عن وجهي بروح ألبس
لبسو عباياتهم وتلثمو وطلعو مع السايق
الـسايق : أيش يبغى مدام
نـوران : ودي اي مجمع حلو وكبير
السـايق : طيب ايش اسمو ؟
نـوران : ياحول اي مجمع اختار لنا
السـايق : طيب
وداهم السايق لأحد المجمعات الكبيره بالرياض
ليليـان تناظر الشباب المزز : يممه بنات احس بيغمى علي
رنـين تخزهم : خلق وفرق بينهم وبين ون دي
نـوران : امشو خلصوني
ليليـان شهقت : حسبي الله عليك عباتك ضيقه
نـوران مشت وهي تتميع بدون ماتناظرها وليليـان ماسكه رنين بيدها ويمشون .. نوران تمشي والشباب يناظرونها
ليليـان : نوران وش هذا ترى قلة ادب تراهم مو عيال عمك وليه لثمتك شفافه يخرب بيتك بتفضحينا انتي وتنزلين راسنا
نـوران : صدق صدق لحجيه
ليليـان : لحجيه عشان خايفه من نظرة الناس لك
رنـين : يووووووه بالله اسكتو وخلونا ندخل المحل هذا
دخلـوا البنـات اما نـوران راحت وقفت على السور الزجاجي
رنـين جتها وشهقت : نوران من كل عقلك واقفه هينا
نـوران لفت وتراكت وظهرها للقزاز : ليه
رنـين : انا وانا بس اشوفك احس بدوخه كيف انتي ماتخافين
نـوران ناظرت : يمامي الا يخوف بس ماادري احوب كيذاا
ليليـان استحقرت اختها اللي تتكلم وتتميع وجمبها رجالين يناظرونها
رنـين بهمس لليليـان : شوفي المزه الي جمبها يشبه زين مالك يالبى
ليليـان سحبت يد نـوران : امشي ياهبلا
وراحـو لأحد المقاهي وجلسو يتقهون ..
رنـين : والله المول هذا حلو ايش اسمو
ليليـان بخوف : اظاهر هذا الافنيوز الي يقولونه
رنيـن ونوران ناظرو بعض وفطسو ضحك
رنـين : يمماه عقلها بدأ يخبص
ليليـان : ليه وشفيكم ؟
نـوران : الافنيوز هذا بالكويت وش جابه هنا
رنـين طلعت فستانها الاسود القصير وفوقه طويل : شوفو اخترت هذا لحفلة سامي
ليليـان : انا مااخترت يووه نسيت
نـوران : امشي الحين نروح ونختاار
تقهوو بسرعه وطلعو يتمشون ويشترون .. ليليـان شترت فستان اما نوران مابقى فستان ماشرته

- بئس حبك ©؛°¨غرامي فعال ¨°؛©


_______________________________________
مرت الايـام سريعه وشـذى وأريـج يبكيهم نفس الشخص بس بأسباب مختلفه
فيصل كان كل ماتوصل له باقة ورد من اريج يرسلها لسامي وكان يحاول يطنش نوران اللي كانت بكل لحظة ماتخليه
سـامي كان طاير من الونـاسه وكل ماجاه باقة ورد فرح اكثر مع ان وجود تركي اللي كل شوي ينكد عليه بس سكت له عشان ماوده يخرب فرحته
ام فيصل حاولت بصعوبه تقتنع بوجود الهم ع قولتها وصارت تتأمر على البنات وفرضت نفسها عليهم مع انها للحين تتهاوش ويا ام نايف وام ليليان
نيرمين تنتظر اتصال عيسى اللي من يوم جت ماكلف نفسه برساله يتطمن اقنعت نفسها انه درى بأنها خدامه ونست ان رقمها اللي بباريس غير رقمها الي بالسعوديه
نواف حاول واخيراا يقنع رفيف بأن نيته حسنه وتأسف وحلف عليها تحضر حفلة ملكة اخوه ..
__________________________________________
ببيت فقير بأحد احياء الريـاض رفيف كانت تدور حول الباب ودخلت بنت جيرانهم نرجس
رفيف : نرجس تكفين تكفين وينك تأخرتي بسرعه لازم اروح اختار فستان
نرجـس بتحذير : رفيف هذا المحل ماهو محلي ولا محل ابوي انا بس بياعه فيه وتعرفين كيف يعني بياعه وترى قررت انك تاخذين واحد بس تكفين ترجعينه قبل محد يحس
رفـيف : نرجس انتي بتجين معي واكيد بتعرفين
نرجـس تنهدت : يلا امشي السايق ينتظرنا برى
طلعو وركبو ويا السايق وراحو لأحد المحلات بالمجمعات التجاريه الكبيره .. وكانت نرجس تبيع بالمحل هذا اللي كان فيه شناط وجزمات بعد ..
رفـيف تناظر الفساتين : وش اختتار وش اختااررر ؟
نـرجس : انا اخترت فستان باقي انتي
رفـيف سحبت فستان عجبها : خلاص انا هذا
وخذت شوز وشنطه ومثلها نرجس وتوجهو للبيت بسرعه عشان يكشخون ويوصلون للصاله امبكر
رفيف بعد شغل كثير وتعب .. طلعت لابسه فستان وردي فاااتح حيييل لدرجة انه مايل للأبيض ضيق ع الجسم كوكتيل لنص الفخذ ومن ورى ذيل طويل شفاف وشوز رباط ع رجولها لنص الساق وفاتحه شعرها الاسود الطويل مسويته ستريت وحاطه قذلتها اللي مغطيه كل جبهتها وروج وردي هادي نفس فستانها وكحله فرنسيه وعقد فضي ع صدرها : شرايك
نـرجس شهقت : تف تف تف بسم الله عليك تهبلين تجننين
رفـيف ناظرت صديقتها اللي كانت لابسه فستان كحلي طويل ساده وفيه حزام أخضر ورافعه شعرها البندقي ذيل حصان وحاطه روج برتقالي ومسكرا بدون كحل كان شكلها رايق وحلو : اللاه وانتي تهبلين بس بقولك شي
نـرجس : قولي وشو ؟
رفـيف مسكت يد نرجس : نرجس تكفين لاتهاوشيني .. انا قلت لنواف اننا من عايله غنيه حيل واكباريه قلت اسمها الـ.... مدري انا طلعتها من مخي قال مااعرفهم قلت حنا اصل العايله من الكويت اصلن
نـرجس تسطرها خفيف : غبيه انا بكمل الكذبه معاك اصلن
رفـيف : غبيه انتي انصحيني عاتبيني
نرجـس : لا انا بكذب مثلك بعد بقول زيك
رفـيف : مجنونه من يوم يومك
نـرجس غمزت : افاا عليك
__________________________________
بالقـصر اللي كان مزين بالوردي وكان ظلام مافيه الا اضائه خفيفه ورديه رايقه
كانت جالسه ام فيصل وعندها ام ليليان وام نايف وكانو يتهاوشون عشان ام نايف تسكت وماتتكلم وتفشلها قدام الحريم
رنيـن طلعت بفستانها الاسود القصير وفوقه شفاف طويل اسود وكوكتيل وفاتحه شعرها وحاطه كحله برى عينها وفوق عينها وروج احمر فاقع : وش رايكم
ليليـان كانت لابسه فستان اسود ضيق لنص الفخذ بس من عند الصدر كرستالات كثير ورافعه شعرها شينيون وحاطه مكياج خفيف : وش هذا ايمو انتي ؟
رنـين : والله كيفي .. وين نـوران
نـوران طلعت بلوزه بنفسجيه تغطي بس لعند الصدر بأكمام طويله ومعها تنوره لين نص البطن برتقاليه وعليها حزام ذهبي وفاتحه شعرها حولها ومسويه شدو برتقالي وحاطه روج وردي وكان مبين جمال جسمها المتناسق : ياويلي هذي وش مسويه
رنـين حطت رجل ع رجل : والله عاد رضيتو ولا طقو راسكم بأكبر جدار
نـوران : شوفو من جا يع المغروره
دخلـت رنـا لابسه فستان تايقر لنص الفخذ ضيق من عند الخصر ورافعه شعرها كأنه كيكه وحاطه كحل اخضر ومسكرا وروج أحمر : هااي
ام نـايف : قولي السلام
رنـا باست ام فيصل وطنشت جدتها : وين العروس
ام احمـد : انتو مو تقولون بتزفونها ويا المعرس خليناها بلبيت بيجيبها ياتركي يااحمد
ام فـيصل : أي صح نسيت ترى بنخليهم شوي يتدلعون ويوكلون بعض
ام احمـد : أي خليهم لأخر العرس ان بغيتي ..
ام فـيصل : هههههه .. ياهلا ام ريان
شـذى دخلت بفستان احمر مخمل طويل الاكمام ومنفوخ من فوق ولنص الفخذ وفاتحه شعرها القصير وحاطه روج احمر وكحله فرنسيه ومسكراا
اما أزهاار لابسه فستان كحلي طويل ساده ومن عند الصدر كرستالات بجميع الالوان وفاتحه شعرها الاسود المخل بأشقر وحاطه كحل اخضر وروج وردي
اما نـور لابسه التنوره والقميص اللي لبستهم نيرمين يوم كانو بباريس

جلسو البنـات ع طاوله وحده ورنين ونوران يحشون بذوق نور اللي يفشل كأنها رايحه جمعة بنات مو حفله
شـذى كانت طايره بعالم ثاني وهي تناظر الكرسي المزين بالوردي مفروض تجلس فيه هي وسـامي
ازهار عرفت ان البنات يضحكون ع اختهم اللي حتى استشوارها خرب : نعم وش فيكم ؟
نـوران : لا اعجبنا لبس نور من وين شاريته
نـور : والله من باريس
نـوران : اي تكفين طيب عطيني اياه عشان مااجيه
ازهـار : من زين لبسك اللي كنك ياسمينه الي مع علي بابا
نـوران حطت رجل ع رجل : ياسمينه ولا لحجيه
ازهـار : اقول عاد احترمي نفسك
ليليـان : يابنات اذكرو الله ماحصل الا الخير
ازهـار : من يوم شفتكم ماشفت الخير
رنـا شهقت وهي تناظر رفيف داخله حست انها اجمل منها وغارت حييل كانت تمشي بثقه وصوت كعبها وشنطتها اللي شايلتها بيدها ألتفتو البنات يناظرون
ازهـار : آح موزاا
رنـا : يهب يهب عليها وعلى جسمها
ليليـان : قولي لا اله الا الله لاتحسدينها
ازهـار : شكلها من الاكباريه شوفيها رايحه لأم فيصل
نـوران بخوف : وش تبي هذي بعد بتقاطعنا بحلالنا
رنـا بخوف اكثر بدون ماتحس بنفسها : والله مدري الناس كلها عينها ع هالكم قرش اللي معناا
__________________________________
ام فـيصل كانت تهاوش الشغالات : كيف مافي معلوم قصري صوتك الحين اذان العشا والاغاني مسكره
الشغاله : يووه ماما انا بس ينادي صديقه
أم فـيصل لفت عنها وناظرت قدامها رفيف اول ماشافتها ابتسمت بأعجاب وهي تشوف قوامها الرشيق ووجهها البريء تقدمت على طول تسلم عليها : ياهلا ياهلا
رفـيف فكرت انها عرفتها : هلا والله خالتي *سلمت عليها وام فيصل عيت تتركها* شخبارك ؟
ام فـيصل : بخير الحمدلله وشلونك انتي
رفـيف : الحمدلله بخير
ام فـيصل وهي للحين ماسكه يد رفيف : اعذريني ماعرفتك ؟ بنت مين
رفـيف بخجل : أنا رفيف زميلة ن
ام فـيصل عرفت وسلمت عليها اكثر وهي تقول ذوقك موهين يانواف : اي سولفلي عنك قال انك ساعدتيه
رفـيف استحت وش مسولف عنها هذا خبل : الله يسلمك والله ماسويت الا الواجب
ام فـيصل تقاطعها : انتي مين بنته ؟
رفـيف بخوف : رفيف عبدالعزيز ال....
ام فـيصل : هذي قبيله ؟
رفـيف : أي هذي اسم قبيلتي اما اسم العايله المعروف الـ..... بس معروفين بالكويت
ام فـيصل ماتعرفهم بس اللي تعرفه ان البنت الي قدامها مستحيل من بيئه فقيره : وانتي جايه من الكويت
رفـيف توترت : لا انا واهلي نقلنا هينا
ام فـيصل بإعجاب بأسلوبها : اهااا .. تفضلي تعالي اجلسي مع البنات
رفـيف : لا تسلمين خالتي انا جايه مع بنت عمي وهي تنتظرني
أم فـيصل : عرفيني عليها خلينا نرحب فيها ياهلا ببنات الكويت
_______________________________________
رنـين بهمس : راحت عليك يانوران
نـوران طنشتها وقامت وراحت لعند ام فيصل : خاله تبغين شي
ام فـيصل دبلت تسبدها نـوران : اعرفكم بنت حماتي نوران
رفـيف تناظر بنت عم نواف بإعجاب : يااهلن انا رفيف
نـرجس : انا نرجس
نـوران : اسمائكم حلوه هههه
ام فـيصل : اجلسي معاهم
نـوران : طيب .. اي وشخباركم
رفـيف : بخير شخبارك انتي ؟
نـوران : الحمدلله .. تعرفون خالتي ؟
نـرجس : لا حنا زميلات نواف
رفـيف قرصتها لانها فضحتها : ههه ببريطانيا
نـوران : اهاا نوافوه النتفه ياحليليه
رفـيف رفعت حاجبها من قوة الميانه الي قاطتها نوران : أي كنا زملاء
نـوران : ياحليله انا ساكنه عندهم بالبيت بس ولا مره جاب طاريك لازم اول ماارجع البيت ازن عليه
رفـيف : هههههه هي زماله عاديه حتى عزم كل الدفعه
نـوران غمزت لها : بس مااشوف خالتي ماارحبت الا فيك
رفـيف صار وجهها الوان : أي يمكن عشان اول وحده
نـوران : ولا يمكن نواف محرصها عليك .. ألمهم تدرين ان هذا حفلة اخوه
رفـيف : أي الله يهنيهم
نـوران : أمين .. وانا خطيبة اخوه الكبير
رفـيف إبتسمت : والله .. مبروك
نـوران بدلع زي العاده : الله يبارك فيك
رفـيف : سويتو حفلة ملكه ؟
نـوران : لا فصولي للحين مشغول ماقرر
رفـيف : الله يقدملكم اللي فيه خير
نـوران : اميين ... عقبالكم
______________________________________
كانت جالسه ع سريرها بفستان ابيض ضيق ع جسمها وبأخره ذيل خفيف ومن عند الخصر فتحه شفافه وكت وعليه عقد ذهبي وفاتحه شعرها الكستنائي اللي مموج بطريقة حلوه وعليه طوق ذهبي شوي كبير وعليه لؤلؤ صغير وحاطته ع كتفينها وظهرها وروج وردي ناعم وكحل أسود شديد برى العين ومن داخل اخضر حيل يبين جمال لون عينها وشدو فضي خفيف وبلاشر برتقالي .. تبكي وكل شوي تمسح دموعها وتعدل كحلها ولما تعبت انها ماتقدر تعدله طاحت ع السرير تبكي بصراخ وبونين أكثر .. سمعت صوت رساله من جوالها فتحتها وليتها مافتحتها كانت من تركي كاتب لها .. :
انا أدري انـك من اعـمـاقك تـحبيني وانا ادري اني غلاك اللي تـمنينه
.هذا مكانـك مسيطر مثرٍ فيـنـي في وسط قلبٍ لـك الله ما تـخونينه
شوفي غلاتـك على دربي تـخاويني وتركي لـولا غلاتـك ما دمعة عينه
من يـوم رحـتي وطيفـك ما يخليني فـي كـل يـوم يـجي و يروح من حيـنه
في قربـك العام كانت تضحك سنيني ولـيـل الشـتا كـم يـسـريـك و تسـريـنـه
والـيوم حالـت مسـافـه بينـك و بـيني مـالـي جـدا غـير حـلـمٍ ولا تــزوريــنــه
واصبـحت متغرب و ضـايع و مسكيني وانـتي بـعـد مـن ظــروف الوقت مسكينه
يـا روح روحي يـ عـمري يـ نظر عيني يا زرع قـلبي وجنـتـه و بـسـاتـيـنـه
تكفـين عندي طلب وابيـك ترضيني لا يـنكـسر خـاطــرك لا شفـتي ألزيـنـه
وابـي بعد منـك لامنـك ذكـرتيـنـي مـا تنـزف أجـروح قـلبـك مـن شـرايـينه
وأخـر طـلب كل ماقولـه يبكيـني اكبر عيالك علـى أسمي لا تسمينه
يـمكن مـع الـوقت والأيام تنسيني و يـمكن حليلك من أظروفه تـحبينه
مـاني مـعزيـك وانتي لا تـعزيـنـي و الحـب لا صار مـيت لا تــعــزيــنـه
عـقـبـك ترا مالقيت اللي يسليني و انـتـي بـعـد مـن يـسليك و تسلينه
وان مـا قويتي فراقي ربـك يـعيني و أن ساء وقـتـك فـسـوي مـا تسـوينـه
يـا وقت لا نـمت تكفى لا تصـحيني خلنـي علـى نـومـتـي و الـنوم يـا زيـنــه
مـدام صرتي من اعـمـاقك تـحبيني تركي و شلون يـصـبر بـاقـي أسنينه

أنكسر قلبها وهي تقرا الكلام .. كانت تقرا حرف وتبكي اكثر .. تركي اللي كان كاتمه بقلبه كأن القصيده هذي طلعته كلها شهقت شهقه قويه حست قلبها بيوقف .. فتح الباب عليها احمد وهو يناظرها تبكي بزياده .. : اريج خلصي ماهو وقت بكي
أريـج ماكانت تسمعه كانت حاضنه المخده وكل مالها تبكي اكثر ودها تصرخ وتقول ترركي ابغاااك بس ماتقدر كل شي يمنعها من انها تطلع أسمه حتى .. حست بيد تهزها ورفعت عيونها الرماديه الضايعه
أحمـد : أريج تكفين لاتفشلينا مع الرجال امشي يلا
أريـج كانت تقول بنفسها لا افشلكم ؟ وانا طيب ؟ تبغون تفرحون سامي على حساب فرحتي تبغونه يحس انه سعيد وكامل ومافي شي يمنعه ع حسابي تعاستي .. إبتسمت بحزن وهزت راسها وهي تضحك بإستهزاء على كلمات احمد اللي يقول ترى حفله مو عرس .. يحسب اني ابكي على فرقاه ؟ انا ابكي عشان من اليوم صرت زوجة سامي ماعادني لتركي وابكي على حب سنيني وحياتي تركي ..
قامت وعدلت مكياجها وهي تحاول تهدي نفسها انها ماتنهار قدام الناس مستحيل تكون شماته لرنا ونور وبنات عمها وصديقاتها ومعارفهم لبست عباتها ونزلت وتوجهت للغرفه اللي تطلع منها العروس .. لقت ابوها وتركي هناك وهذا زاد عليها ..
ابوريـان : ياهلاا بعروستنا الحلوه
باسها وبارك لها وطاحت دمعتها يوم شافت عيون تركي الحزينه كان يحاول يخفي حزنه بس باين كل شي عليه .. ماكانت حاسه بيدين الخادمه اللي تنزل عباتها ..
الخدامه بصراخ : مدام امسكي ورده
مسكت الورده وعيونها متعلقه بعيون تركي اللي يقرب منها دمعت عينه يوم قرب منها وهمس وروحه كأنها بتطلع : مبروك الله يهنيك مع سامي
حضنها بقوه وهو يبوس راسها وهي بعد حست بقلبها المكسور هدأ من ارتاجفه يوم صار بحضن حبيبه بس بسرعه مارجع يرجف اكثر بعد مااوخر ..
احمـد : يلا استعدو الحين بيدخل سامي وفيصل واخوانهم وبعدهم حنا ..
دخل سامي القاعه اللي كانو الكل يناظرونه بدهشه يناظرون الضماد اللي بوجهه مصدومين وخايفين اللي كانت تغطي عيونها واللي تتحمد الله واللي تقول اي اككيد قبلت فيه من فلوسه .. بس بسرعه طارت عيونهم لفيصل اللي كان يمشي برزه تنهدو البنات وبدأو يسون ان طرحتهم طاحت وحركات وهم يشووفونه يمشي وكأنه هو المعرس .. ألا شذى اللي كانت عيونها تدمع وهي تشوف حلم حياتها سامي كانت تناظره وتعاتب تقول انا المفروض عروستك انا المفروض اللي اكون بالغرفه هذيك انتظر لما يفتح الباب بلهفه عشان اوريك فستان مو اريج .. مفروض الكيكه مكتوب عليها اسمك واسمي .. اسم اريج غلط بينهم حاولت تمسح دموعها وهي تحاول تقنع نفسها بأنه فرحان ولا اهتم فيها بس هي عكسه هي حزينه ومهتمه حيييييل حيل .. تسكرت اللمبات كلها وماكان فيه الا اضاءه خفيفه ع الكوشه وتوجهت الاضائه كلها ع الباب الفضي الكبير اللي انفتح وطلعت منه أريج كانت ماسكه يد ابوها من يمينها ويسارها تركي اما احمد مشى ويا رنا لين الكوشه ..
مشت اريج وعيونها بلأرض وهي تحاول تمنع نفسها من البكاء بس ازعجتها المصورة اللي كل شوي ترفع راسها وتقول ابتسمي كانت ترفع راسها ودموعها بعيونها والمصورة تطلب من تركي يقرب منها اكثر تحسب انه اخوها .. نزلت راسها يوم طاحت من عينها الدمعه وتركي فهم عليها وقال للمصوره توخر .. مشت وهي تسمع كلمات الاغنيه .. ياعيد عمري ؟؟ أي عيد انت جهنم حياتي وعبوسي .. مشت بخطوات هاديه بدون ماترفع راسها اما تركي كان وده انه يكون مكان سامي اللي فرحان وواقف يستناها .. حقد على سامي اكثر واكثر كان وده يمسكه ويضربه ويقول هذي حلالي اناا مو لك بس مااقدر خاف على أريج وسكت
اما ساامي ياسامي ماكان حاس باللي حوله كان منسحر بجمال اريج وبرقتها يحسب انها خجلانه منه ماكان يدري انها منزله راسها من الحزن كان وده يركض لها ويمسكها ويضمها بقوه جمالها وانوثتها ماتتقاوم فرحته ماكانت تقدر توصفها ال24 حرف .. اما فيصل كان منصدم بجمال اريج بس ماحب يفكر اكثر ويحاول يصد بدون مايشوفها هي ونظرات تركي المحتقره لسامي بس اول مالف شاف قدامه نـوران
نـوران : كاشخ ماشاءالله عليك
فـيصل ناظرها من فوق لتحت بإعجاب بعدين صد
نـوران : عيون الناس عليك اقرا على نفسك
فيصل كان يحاول مايعطيها وجه دقق بأريج حس فيها شي موطبيعي تمشي بدون توازن تقدم وده يمسكها لاتطيح مو قدام سامي لاتخرب فرحة سامي ...
أريج امتلت عيونها من الدموع وماعاد تحس حست بدوخه قويه براسها ماحبت تقاومها كانت محتاجه موت او غيبوبه او اغماء ياخذها من هالموقف لهنـا وبس مو قادره تكمل اكثر ماتبي تشبك يدينها بيدين ساامي .. ماحست بنفسها الا وهي طايحه
تركـي اول ماشافها مسكها وسامي وفيصل واحمد جو يركضون وام احمد وام فيصل بعد
سـامي بخوف : وشفيها اريج
ابوريـان مسك راسها : صحوها ااخاف فيها شي
تـركي بخوف شالها ورجع فيها لورى وهو يمشي بسرعه ولحقه سامي وابوريان وفيصل .. وبعد ماطلعو بدأت الهمسات والكلام .. اللي يقول من الحيا .. واللي يقول عطوها عين .. واللي يقول مغصوبه ..
اما نواف كان واقف ويدور رفيف
ام فـيصل بعصبيه : حسبي الله عليك يالخبل .. قم انقلع برى
نـواف : يمه رفيف جت
ام فـيصل مسكت نواف من يده واليد الثانيه مناور اللي كان يتميلح وجايب السيف يبي يرقص
____________________________________
تـركي كان حاط أريج ع صدره ويشربها مويه بشويش : بسم الله عليك
أريـج شربت بس اول ماشافت سامي بكت ودفنت وجهها بصدر سامي اللي حضنها بقوه .. نسو اللي حولهم بس كانو محتاجين بعض بهاللحظه ..
سـامي : الحمدلله انها بخير
ابو ريـان : والله دلوعه بنتي
احمـد : لا يبه شكلها ماكلت شي من اليوم عشان الفستان لايضيق
اما فيصل كان يناظرهم بإستغراب حس إن شعر جسمه وقف وهو يشوف تركي اللي يتنفس على شعرها واريج اللي بحضنه ووجهها بصدره وتبكي وتون .. حس في شي مو طبيعي وماكان يبغى سامي يلاحظ
فـيصل : الحمدلله ع سلامتها .. اجل حنا بنرجع لرجال
طلع فيصل وعيونه معلقه فيهم مابعدو عن بعض ابداا وهمس تركي لها كان براسه .. انا جمبك انتي بحضني ارتاحي .. حاول انه مايسيء الظن بس كل اللي يشوفه مايخليه يفكر بشي صحيح ..

- بئس حبك ©؛°¨غرامي فعال ¨°؛©

آنتــهـى الــبــاارت
بإنتظـار تعليقـاتكم ..
إن شاء الله البـارت الـجااي بيكون يوم الــخمـيس أو الـجمعـه

روعة غلا ©؛°¨غرامي نشيط¨°؛©

باااااااااااااااااارت يجنن
كملي

رمووششه ©؛°¨غرامي متألق ¨°؛©

بااااااااااااارت جناااااااااان
جمييل جمييل جمييل
ابددددعتي بالكتاااابه (: ♡
اممممم خليني انط للتوقعااااات (:
،،،،
فييصصل يغلللط غلط موب طبيييعي لما يرسل باقات الورود لسامي يعني كذا يعلقه بالهواء
هو بهالطريقه يجرح مشااعره مستقبلاً من دوون ما يحسس ):
سبحاان الله توووقعه بمحللله طيب الاخ تركي روح تزوجها قبل لا تصير السالفه
وش الفاايده اللحين ، صحيح انه اللي يسويه معاااها غلط و حرام
بس يروح يصححه احسن !
و ششذى مسسكينه كانت متوقعه شي بس حصل ششي ثااني
ما ادري ليه بس احس بالنهاايه اريج بتخسسر كل شي. !
و رفييف يالله اكيد اخر شي بتنكششف بس احسها تبي تبيض وجهها
قدامهم ، يالله بس يمكن وقتها ام فيصل ما تهتم للطبقات قدام سعادة ولدها
و نور كويسسس انه مو عيسسى ، بس يمكن يجي عيسى بيوم من الايام
وش يدرينا ؟؟ !!
نوران و رنين ما ينعطوون وجههه ، هفف تصرفااتهم ابد مو حلوه
،،،،
امممم و بسسس
انتظظظظر البااااااارت الجاااااي بحماااااسسس
لا تطوووولييين علييييينا
،،
وددي ♡

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1