غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-03-2014, 04:46 AM
انثى على قيد الحب انثى على قيد الحب غير متصل
©؛°¨غرامي جديد¨°؛©
 
01302798240 حرام يروح ويتركني وحيدةأخاف ؟ يجمّد هالشتاء دمعي على أحداقي/بقلمي


يكفى بالحياة مدرسةٍ وكفى بالتجربة استاذاً.
لن تغرق سفينة الحياة في بحر من اليأس طالما هناك مجد اسمه الأمل.
لا تمضوا في طريق اليأس , ففي الكون آمال , ولا تتجهوا نحو الظلمات , ففي الكون شموس.
أفقر الناس من عاش بلا أمل.
واذ نظرت بعين التفاؤل إلى الوجود رأيت الجمال شائعاً في كل زاوية , حتى القبح تجد فيه جمالاً.
الكلمات هي أرخص نقد متداول.
لا تستاء من النقد , واعلم أن النقد يساوي قيمتك.
يمكن للإنسان أن يدخل قلوب الآخرين دون أن ينطق بكلمه واحده إذ يكفيه سلوكه الناطق بالصفات الكريمة والأخلاق الحميدة.
نجاحك يبدأ في اللحظة التي قررت فيها التوجه إلى هدف ذو قيمة في حياتك

*
*
*
~ البارت الأول~

في الرياض .. الساعه (7:30) في قصر نواف ال....
طلعت موضي من الغرفه بكامل اناقتها وجمالها كالعاده متوجهه لغرفه صقر بعد محاولات عده من الخدم انهم يصحونه ولا فاد .. دخلت وشافته غارق فالنوم (موضي وهي تفتح الستاره) : يلا يا يمه قوم الساعه صارت ثمان وانت راقد
صقر وبصوت كله نوم وضيقه : يمه تكفين سكري الستاره الشمس ازعجتني
موضي وبعناد: ماني مسكرتها قووم عاد وراي اخوانك وش بيقعدهم الحين
.. صقر وعيونه مغمضه من الشمس اللي بوجهه : يمه ابوي قام ؟
موضي وهي تطفي التكييف : ابوك يتروش .. انزل لا تبطي عليه

طلعت موضي من غرفه صقر بعد ما تأكدت انه قام ودخل يتروش ( صقر: اكبر واحد فيهم واكثر واحد متحمل المسؤوليه من بينهم بحكم انه الاقرب للوالد دائما تكون اوامره جديه وبتعصب , عمره 24 , وسيم بزياده , صاحب هيبه تفرض الاحترام , ماخذ من ملامح امه وصفات ابوه )
موضي وهي تدخل غرفه فارس اللي كانت بارده لأبعد حد(توجهت للستاره ورفعتها) : قوم يالميت روح الجامعه مع اني اشك ان كنت فيها اصلا

فارس وبعذر كل يوم يقوله بس عشان ينام : ماعندي شي اليوم تكفين اطلعي وسكري الباب وراك
موضي وهي مستاءه على حال فارس اللي من بدت السنه ماداوم الا كم يوم : فويرس وعممممى من عرفتك وهذا كلامممك ؟ خلصت السنه وانت ماداومت يالفاشل
فارس وهو يناظر امه بنص عين يبي ينام : ماله داعي التجريح يمه , خلاص روحي صحي وافي عقب تعالي قوميني .... سحب المخده من ايدها ورجع يرقد

وبعصبيه خلت فارس ينقز من السرير : قووووووووووووم لا بارك الله فيك من صبي .. ربع ساعه ان مانزلت وشفتك فالطاوله مع اخوانك ان قد ادعيلك ابوك يتفاهم معك .. طلعت وخمت الباب وراها (فارس: اصغر واحد فيهم عمره 21 جميل لكن مايوصل لجمال وافي وصقر , مهتم بشكله درجه اولى, دائما العيون تكون عليه بحكم انه لسى يعيش مراهقته ومابطل منها )
*****
بعد ماطلعت موضي من غرفه فارس متوجهه لغرفه وافي .. قطع عليها صوت باب الصاله واللي كالعاده كان وافي لسى مخلص السهره مع الشباب وبنص السكره .. موضي وهي تسمع صوت ولدها يغني ويضحك نزلت من الدرج بسرعه وسحبته للمجلس عشان مايشوفه ابو صقر بهالحاله (وافي: اصغر من صقر بسنه , انسان متهور ماله مسؤوليه رافظ يكمل تعليمه الجامعي او حتى يتوظف , جميل لأبعد حد ممكن, عايش حياته بدون حدود وقيود.. دائما عنده مبدأ ان الحريه فوق كل شي )
...: شـ فـ يـ ك يـ مـ ه عـ و رتـ يـ نـ ي

سحبته موضي وهو يضحك ويغني للبانيو وشغلت الماي البارد وخلته تحته خمس دقايق لحد ما يصحى
وافي اللي صار يصرخ من بروده الماي ويسب ويلعن , (وبعد فتره من هدوءه بسبب الكف اللي وعاه)..: لك عين تجي بيتي وانت سكران ؟
نزل عينه منحرج من امه وجلس يمسح على شعره الناعم .. موضي وهي تمسكه من ياقه –التي شيرت- بقوو : انت تبي تفضحني في ابوك ؟ تبيه على عمر يقولي ماعرفتي تربيييين ؟ انا كم مره بخش ع الموضوووووع وبسكت ؟ والله وقسم بالله ياوافي ان ماتسنعت وغيرت من صحبتك الخمه وخليت ذا السم اللي تشربه ان قد اعلم ابوك وذيك الساعه هو اللي يتصرررف معك .. شخليت لفارس اخوك هذا وهو الاصغر؟ متى بتخلي حركاتك ومراهقتك المتأخررررره ؟؟؟ ما تستحي من نفسك وانت داش البيت الصبح ترقص وتغني وسكراننننننن واخوانك في ذا الوقت يقومون لأشغالهمم ؟؟ ماتستحي من ريحتك وسمعتك قدام الخدم ؟ ماتخاف يمر صبح ويشوفك ابوك بذا المنظر شبيكون موقفففففه ؟
وافي وبصوت ما ينسمع من الخجل : ا سـ ف

موضي وبعصبيه ماطافت وافي : هات مفاتيح البنتلي والبطاااقه واقعد مثل الكلب اشحذ اللي يوصلك ويصرف عليك .. لا صرت ماتقدر النعمه اللي انت فيها بتحس فيها –لافقدتهههها- (وشددت على الكلمه الاخيره عشان تحسسه بالذنب)
خذت المفتاح والبطاقه وطلعت لطاوله الطعام وخلته وراها وبنفسها (يمكن ذا الاسلوب يجيب نتيجه, يمكن لاقسيت بيتغير ويحس على نفسه يمكن يبطل من حركاته الصبيانيه ويتلاحق اللي بقى له من عمره بالتوبه والنضج - وبحسره .. اااااخ ياوافي جعل ربي يهديك)
*****
ابو صقر : اللي سبقها هو وصقر وفارس لطاوله الطعام : هذي اللي قومتنا وراحت ترقد
موضي وهي تأشر للخدم يقدمون لهم الفطور : ههههه لا وين ارقد بس رحت اشوف وافي قام ولا لسى
فارس وهو يرفع النظاره لشعره وكان كاشخ بجينز و-تي شيرت- لوكست : انا ماحسد الا وافي مرتااااح مب شايل هم لاجامعه ولاشركه ياحظه بس
قاطعه صوت صقر الهادي واللي كاشخ بثوب اسود وغتره بيضاء زادت من جماله ورجولته : تحسده على ايش ؟ على انه فاشل زيك ؟ انت بعد لاجامعه ولا وظيفه ولا منك فايده فالبيت , قام بعد ماتريق وحب على راس امه وابوه : الحمدلله .. يلا يالغالي انا بسبقك لاتبطي عندنا اجتماع الساعه 9
نواف(ابوصقر): صار .. انا عندي شغله ربع ساعه واكون فالشركه
صقر وهو يلبس النظاره ومتوجه للباب : على خير .. مع السلامه ...
ابوصقر : الحمدلله .. انا بروح اخلص شغلي ع السريع وانتي صحي اللي ماوراه فايده عالاقل لو انها بنت ابرك تقعد معك وتساعدك .. ابيه يكون فالشركه مع اخوه ويحضر الاجتماع
موضي وبصدمه : ايه بس انت عارف ان وافي مايعرف بشي في امور الشركه .. تبي تجيب لنفسك الخساير يا نواف ؟
بوصقر: بيتعلم غصب ٍ عنه وبيساعد ذا المسكين في شغله , وياويله لو وصلت الشركه ومالقيته هناك .. (طلع بوصقر بحرقه على حال صقر اللي معذبه ويحس بتأنيب ضمير انه محمله المسؤوليه بالكامل واخوانه مرتاحين)
فارس وهو يتحلطمم : امحق بيت وعائله كلهم منفسين مافيهم الصاحي...
موضي وهي تاكل بهدوء : اجل قوم يالصاحي وروح للجامعه ارفع روسنا .. خل ابوك يعرف انه جاب غير صقر رياجيل ينشد فيهم الظهر
فارس وهو ياخذ جوالاته من الطاوله : على خشمي.. ابشري بالرياجيل يالغاليه .. وحب على راسها
موضي : تحب الكعبه , الا ماشوف بيدك كتب او ملفات ؟ فارس اللي يحك راسه : للحين يمممه ماوزعوا الكتب
موضي وهي تلغفه بالملعقه لكن جات على الباب بعد ماطلع وسكره بسرعه وهو يضحك على امه اللي دائما تصيده وعارفه الاعيبه ..
*****
راحت موضي المجلس بعد ما طلبت من الخدم يشيلون الريوق .. جلست جنب الدريشه الواسعه اللي تطل على المزرعه وكان المنظر جمييل من هالزاويه .. تفاجأت بجوالها اللي دق وصحاها من سرحانها
فوزيه : السلام عليكم , شلونك موضي
موضي : وعليكم السلام , بخير الله يسلمك , انتي شلونك ؟
فوزيه : الحمدلله .. حبيت اعزمك الليله عندنا عالعشا بمناسبه تخرج ولدي طلال
موضي وبحسره على فارس : الله يبارك له , اسمحي لي فوزيه الليله عندي موعد مهم , بس ان شاءالله بمر على طلال في وقت ثاني وابارك له
فوزيه بحزن : لا عاد فضي نفسك شوي البنات مشتاقين لك
موضي : الجيات اكثر .. اخليك الحين
سكرت موضي وهي تحلطم (ايه داقه عشان تغثني وتعايرني بولدها لكن والله ماروح واسم نفسي) صعدت للغرفه تريح راسها شوي , وانتبهت على غرفه وافي اللي كان بابها وليتها مفتوح .. دشت وعيونها تدور على غرفه تدوره , سمعت صوت احد بالحمام... وعرفت انه يتروش جلست على السرير تنطره

طلع والفوطه على خصر وشعره مبلل بالماي , رفع راسه وشاف امه اللي تناظره : يمه ؟
موضي اللي وقفت وتوجهت لولدها وقعدت تنشف شعره (وبصوت كله حنان): ليش مانمت ؟
وافي اللي عارف امه وقلبها الطيب : مابغيت انام وانتي زعلانه علي
موضي وهي تمسح على رقبته وصدره : انت طالع ؟
وافي وبضحكه ابرزت جمال اسنانه : كيف عرفتي ؟
موضي : لانك ماتقولي كلام حلو الا اذا تبي شي , كيف لو هالمره المفتاح والبطاقه عندي
وافي وبعقده حاجب : ما ابيهم خليهم عندك , قرب من امه وباس جبينها : اهم شي رضاك ياجنتي ولا غيرك ماهمني
(ولف يلبس)
موضي : الا على طاري غيري ترا ابوك يحتريك بالشركه .. عندهم اجتماع بعد شوي ويبيك مع اخوك
وافي اللي منشغل باللبس : قوليله اني ماعرف بذا الاشيا لايحرج نفسه
موضي وهي تلفه ناحيتها وبقوه : لين متى يايمه ؟ راضي انه مالك اي دور في البيت او في الشركه ؟ قوم ساعد اخوك فالشغل وسانده خله يحس انه عنده اخوان وعزوه
وافي وهو يمشط شعره اللي واصل حد رقبته : يمه تكفين ملييون مره تكلميني بنفس الموضوع .. ترا مليتت
لف على امه ومد ايده : ايدك على الكرت ومفتاح السياره .. مستعجل
موضي وهي تهز راسها بتعب : بحياتك ماراح تتغير , بتم طول عمرك عاله على اخوانك اللي يصرفون عليك .. طلعت وهي ماخذه مفتاح الغرفه بيدها بعد ماقفلتها مرتين من برا
وافي وهو واقف يتأفف : ياليل من ذا العجوز الحين شلون اطلع

اخذ جواله ودق على راشد(صديق عمره) طلب منه يجي يوقف سيارته ورا بيتهم عشان ماتنتبه امه .. فتح الدريشه ونط بسهوله على المزرعه ومن خلالها ركض للباب الخلفي وركب السياره ومشوووا .. (وسط نظرات امه من البلكونه واللي عارفه انه بيسوي كذا بس مالها سلطه ولا تبي تضغط عليه اكثر)

وفي الجهه المقابله في الشركه كانوا الكل ينطرون وافي عشان يبدا الاجتماع , بعد ماقالهم ابوصقر عنه وعن خبرته وذكاءه وانه راح يشيل اكبر منصب في الشركه بعد اخوه صقر , ولكن خاب ظنه لما دخل صقر واشر له بعيونه انه ماراح يجي بعد ما اعتذر منهم وطلع يدق على امه وقالتله انه تعبان مايقدر يحضر( دائما وهي تغطي عليه )
تجمع الدم بوجه ابوصقر وكان بينفجر لولا ان صقر تكلم وقال : اسمححولنا ياجماعه وافي كلمني واعتذر لانه صادف انه عنده اجتماع هام بشركه اخرى وبنفس الوقت , نعتذر عن التأخير تفضل يابو تركي اعرض لنا الفيديو ........

راشد وهو يضحك من الصدمه : من جدك ؟
...: ههههههههههههههههه اي والله خله شوي ينكسر , مدري شالمفيد في اللي يسويه احس حياته ممله كلها تصنع
راشد وهو يضرب على بطنه : لا حياتك انت الصح اجل
وافي وهو يمسك بطنه من الضربه: ههههههه طبعا يابوي , الا وين عليها ؟
راشد وهو ينقي سي دي يحطه : بنروح العزبه عند الشباب مسوين لنا خوش جوو
وافي وهو يسدح الكرسي على ورا : وجوكم فيه بنات ولا ؟
راشد : الا قول فيه عيال اصلا ( ويغمز له)
وافي وبضحكه خبيثه ماطافت راشد : حلو حلو .. اجل خلني اكلم عبدالله يكنسل حفله اليوم
****

....: اخييييه يا يمه ايدي تقطعت وانا اجمع بذا الحطب من بعد مطر البارحه وهو ماش ناشب ... ولا ذا الكلب الغبي ماخذته معي بلفيت يحرسني وانا اللي اراكض وراه (جلست متربعه وهي تأفف من حالها وعيشتها القشرى)
بدريه : عساتس ع القوه حطيهم هنيا فوق ذا الكسرتين اللي لقطتهم
نجلاء وهي تنفظ لبسها من التراب: انا ماقلت ريحي رجولتس؟ .. وبعدين وينهو ابوي ؟
بدريه وبحسره على بنتها اللي تقوم من الصبح تجمع الحطب لأهلها عشان يطبخون عليه عيشتهم : طلع يسرح حلال ابو ناصر ويحرك رجله شوي
نجلاء وهي تضرب على صدرها : ياويلي يايمه خليتيه يروح وهو قلبه يوجعه ؟
بدريه: ماعليه شر المشي زين له

نجلاء وهي تاخذ برقعها : الله يسامحتس يمه كن ابوي ناقص مشي.. بروحه لامشى خطوتين عود علينا ساج من طريقه .. قامت تدور على ابوها وهي خايفه عليه لايكون ابعد (نجلاء: عمرها 23 , جميلله , شعرها احمر طوييل , طويله وبقوام ممشوق , ماتلبس الا الجلابيها والشيله الخفيفه اللي يبين شعرها من وراها بحكم انهم عايشين في البر من انولدت , ولا عمرها شافت المدن ولا تعلمت ودرست نفس البنات , يعني بالمختصر ماعاشت حياتها اللي تمناها , كانت هي العون والسند لأبوها وامها ولأنها وحيدتهم صارت لهم البنت والولد .. نعمه ويحمدون الله عليها دائما )

******
: وين قدنا ؟
راشد وهو يضحك على وافي اللي من ركب وهو نايم لانه مواصل من امس : خلك راقد بس
وافي وهو يعدل قعدته : شسوي تعبان ماخلتني ذا العجوز ارقد الله يهداها
راشد لف عليه وبسخريه: تعبان والله من البلا اللي تشربه ......
.....: انتبببببه ياراششششد لاتصدم الحوااااااااااااااااار
وبسرعه هائله قدر راشد يلف السياره عالرمل وسط صرخات وافي اللي تلاشت للهدوء بعد مانزف كميه كبيره من الدم ..

(انتظروا تفاصيل البارت القادم يوم الاثنين ان شاءالله)



تعديل انثى على قيد الحب; بتاريخ 16-03-2014 الساعة 05:20 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-03-2014, 05:02 AM
صورة ماآركه عيناويه الرمزية
ماآركه عيناويه ماآركه عيناويه غير متصل
©؛°¨غرامي متألق ¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


السلام عليكم

بداية موفقه وأسلوب رائع

الرواية جميلة ونشوف وافي بتوب ولا لا

فارس طر ياخي

وكذا الرواية روعه بنتظارك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-03-2014, 11:54 AM
وهم بن رحم وهم بن رحم غير متصل
©؛°¨غرامي مشارك¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


~{ أبدعتي وفي أول بارت بعد والكلام متناسق ومرتب صراحه أهنيت على الرواية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-03-2014, 01:22 PM
صورة و سأعيش* الرمزية
و سأعيش* و سأعيش* غير متصل
©؛°¨غرامي جديد¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


بداية رائع ..
بس عندي ملاحظات ")
1- لو تزيدي من الوصف والسرد الطويل
2- تطويل البارت ليتعمق القارئ
3- المقدمة ..! لو كانت من قلمك وخاطره صغيره مع كلمات تخص الرواية ؟
4- لما يصير في ( حدث ) قوي ! حاولي انك مع الكلمات اللي تكتبيها تخلينا نندمج وتحس بالشي اللي حصل !
5- ماوصفتي الشخصيات بعمق ، مثل ( صقر ) قلتي أخذ ملامح او صفات من أمه وأبوه .. طيب اوصفيه لنا كيف علشان نتخيل ابطال القصة .


حبيبتي اتمنى مازعجتك بملاحظاتي ، بس حبيت اخلي روايتك احلا وانتي ماشاء الله واضح ان لك أبداع بالروايات .. بس تحتاجين تدربين اكثر وتكتبين وتشجيع
عن نفسي بشجعك اذا كنتي مهووسه بالروايات كملي وكلنا نتعلم من أخطائنا
بالأخير♥️♥️

بالتوفيق .. ♥️


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-03-2014, 06:46 PM
صورة سكررره الرمزية
سكررره سكررره غير متصل
©؛°¨غرامي مشارك¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


اول حاجه يشرفني اكون من متابعين الروايه تبعكي .. امانه تكملينها بليز .. البداية مره عجبتني و سردك و طرحج مره راق لي .. ومتحمسة للبارت الجاي ..
ماعندي تعليق لحد الحين على ابطال الروايه .. لقائنا يوم الاثنين باذن الله تعالى

تقبلي حبي و ودي
سكررررررررررررره


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-03-2014, 08:31 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: حرام يروح ويتركني وحيدةأخاف ؟ يجمّد هالشتاء دمعي على أحداقي/بقلمي


مساء الخير .. ياهلا فيك بغرام .. موفقة بطرحك .. بداية جميلة وسلسة لكن ينقصها السرد لازم تحددي احداث روايتك باي دولة او اي منطقة تدور حددي مكان الحدث وتوقيته .. اوصفي مكان الحدث ووضعية الشخصيات داخله وتعمقي في المشاعر

امم لو كانت اعمار ابطالك اكبر كان افضل يعني من 27 سنه ومافوق لانها تحسس القارئ بالنضج للشخصية والاغلبية يميلو لهالاعمار اقصد الشباب طبعا ... خصوصا لو كانت نجلاء بطلة من بطلاتك تعتبر كبيرة لو بتكون لواحد من الشباب لانها بنفس العمر لو بينهم كم سنة زيادة بيكون في توازن في العقليات لانو البنت عقليتها تكون انضج من الولد في هالسن .. لذلك اذا تزوجت واحد من عمرها او اكبر بسنة مابيكون في توازن حلو بينهم


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-03-2014, 12:31 AM
انثى على قيد الحب انثى على قيد الحب غير متصل
©؛°¨غرامي جديد¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


اقتباس:
المشاركة الأساسية كتبها عـروقيـے تحتويـگ..، مشاهدة المشاركة
السلام عليكم

بداية موفقه وأسلوب رائع

الرواية جميلة ونشوف وافي بتوب ولا لا

فارس طر ياخي

وكذا الرواية روعه بنتظارك
تمنياتي بمتابعه ممتعه



تعديل انثى على قيد الحب; بتاريخ 17-03-2014 الساعة 12:40 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-03-2014, 12:50 AM
انثى على قيد الحب انثى على قيد الحب غير متصل
©؛°¨غرامي جديد¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


اقتباس:
المشاركة الأساسية كتبها وهم بن رحم مشاهدة المشاركة
~{ أبدعتي وفي أول بارت بعد والكلام متناسق ومرتب صراحه أهنيت على الرواية
شاكره تواجدك ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-03-2014, 01:09 AM
انثى على قيد الحب انثى على قيد الحب غير متصل
©؛°¨غرامي جديد¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


اقتباس:
المشاركة الأساسية كتبها عندما تغفو المدينة* مشاهدة المشاركة
بداية رائع ..
بس عندي ملاحظات ")
1- لو تزيدي من الوصف والسرد الطويل
2- تطويل البارت ليتعمق القارئ
3- المقدمة ..! لو كانت من قلمك وخاطره صغيره مع كلمات تخص الرواية ؟
4- لما يصير في ( حدث ) قوي ! حاولي انك مع الكلمات اللي تكتبيها تخلينا نندمج وتحس بالشي اللي حصل !
5- ماوصفتي الشخصيات بعمق ، مثل ( صقر ) قلتي أخذ ملامح او صفات من أمه وأبوه .. طيب اوصفيه لنا كيف علشان نتخيل ابطال القصة .


حبيبتي اتمنى مازعجتك بملاحظاتي ، بس حبيت اخلي روايتك احلا وانتي ماشاء الله واضح ان لك أبداع بالروايات .. بس تحتاجين تدربين اكثر وتكتبين وتشجيع
عن نفسي بشجعك اذا كنتي مهووسه بالروايات كملي وكلنا نتعلم من أخطائنا
بالأخير♥️♥️

بالتوفيق .. ♥️
اسعدني تواجدك والتعليق بملاحظات دقيقه قد اعلم بها
* لم اتطرق لوصف الشخصيات او التعمق بها لأنهم ليسوا ابطال هذه الروايه .. هم فقط بدايه للتعريف
*في الاجزاء القادمه سوف تكون البارتات اطول ( على حسب رغبه القارئ)

لك الود ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-03-2014, 01:14 AM
انثى على قيد الحب انثى على قيد الحب غير متصل
©؛°¨غرامي جديد¨°؛©
 
الافتراضي رد: حرام يروح , ويتركني وحيده اخاف ؟ يجمّد هـ الشتاء دمعي على احداقي


اقتباس:
المشاركة الأساسية كتبها سكررره مشاهدة المشاركة
اول حاجه يشرفني اكون من متابعين الروايه تبعكي .. امانه تكملينها بليز .. البداية مره عجبتني و سردك و طرحج مره راق لي .. ومتحمسة للبارت الجاي ..
ماعندي تعليق لحد الحين على ابطال الروايه .. لقائنا يوم الاثنين باذن الله تعالى

تقبلي حبي و ودي
سكررررررررررررره
ويشرفني مرورك عزيزتي
سوف تكتمل الروايه بأذن الله .. متابعه ممتعه


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1