غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات أدبية > منقولات أدبية
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 31-03-2014, 09:38 PM
صورة حفيدة عبدالعزيز الرمزية
حفيدة عبدالعزيز حفيدة عبدالعزيز غير متصل
©؛°¨غرامي مجتهد¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


أكذب عليك ان قلت لبعادك أطيق .. في غيبتك ما للهموم انفراجه
الهم طوق راحة القلب تطويق .. ملت بساتين الفرح من علاجه
آنام بجروحي وبجروحي آفيق .. يوم الدهر طفّي بوجهي سراجه
ياخي تعاااال أرجوك بهدلني الضيق .. إرسل رسالة.. سبّني.. قول حاجه
تعال شق الصدر.. شق المعاليق .. شوف القلب في ضيقته وانزعاجه
يرضيك أصومك وأرجع أنقض بك الريق .. وانته تذوقني الهوان وعجاجه
لو تدري بقدرك ما بين المخاليق .. ما كنت عكرت لحبيبك مزاجه






سعيد بن مانع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 31-03-2014, 10:16 PM
صورة آيـة الرمزية
آيـة آيـة غير متصل
أفتش فِيَّ عنِّي
 
الافتراضي رد: اكتب اسم الشاعر واللي بعدك يجيب قصيده لهذا الشاعر


من قيض دنياي جيت أدوّر ظلالك
وأرتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق .. وقل حيلاتي
واللي جعلني بلا تفكير أسعى لك
أني لأحسدك في صبرك بغيباتي
...ياقو قلبك .. أقل القول : وش حالك؟
شحيّت .. وش عاد لوني قلتلك تاتي
...هبتني أشواق لك .. وأرسيت في جالك
وبالفعل الأشواق تجري عكس مشهاتي...
لوهو بيديني أبد والله ماأعنا لك
لكن شوقي فضح قلبي بنظراتي..




عبدالله البكر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 31-03-2014, 10:19 PM
صورة المهرة البيضاء الرمزية
المهرة البيضاء المهرة البيضاء غير متصل
| آنِسْـةُ الْشِتَـآء |
 
الافتراضي رد: اكتب اسم الشاعر واللي بعدك يجيب قصيده لهذا الشاعر










يسألني العالم عن إنــســـان غــايـــــب
وعجزت من حزني عليــه .. آتـكــلم !

إن كان بـــاقي لــي دعـــاء وطــــلايب
فالله .. يعيد شفاهي اللي تـِـبســـّــــم ..

مريت بدروب ٍ قديمـــة .. عجايب ؟
حتى المكان اللي تركتـــــه .. تألـــّــم !

بيت ٍ قديم وباب مــبــلــــــــي وذايــب
وجدار .. مــن خــوف المــلامــة تــهــدّم

وماضي وعشق وذكريات وحبايــــب
وكلمــات .. مــكـتوبــة على غصن أبكــَـم !

بس الــتــراب اللي وفـــا .. للــخـــرايب
وغطــا شوارعها .. لأجـــل يـحـجب الغـــَــم

كن داخلي طفل ٍ له إحســـــــاس شايب
وإتــركــتــه الــدنيا .. إلـيـــن إيــتعــلـّـم

وكــن الشجــــر .. رجل ٍ يعرف السبايب
ومــات .. وتــرك كل الحياة .. إتــنــدّم !!

دام العشق خايب .. والإحساس خايـــب
و ش لي .. أمـر بـصوب بـيــتـــه وأسلم ؟!

ذكرني ( ترابـــه ) بــإنــســان غايـــب
وعــجــزت .. مـــن حـــزني عـلـيـه آتكلم !!

الشــــأاعر حــــأامد زيد





....! في غيـــاب الشمس تعلم أن تنضج في الجليد $:














....! في غيـــاب الشمس تعلم أن تنضج في الجليد $:



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 31-03-2014, 10:28 PM
صورة بيكا | * الرمزية
بيكا | * بيكا | * غير متصل
©؛°¨غرامي فعال ¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني




الشـــااعر : محمد بن فطيس ~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 31-03-2014, 11:54 PM
صورة غــــرووب ~ الرمزية
غــــرووب ~ غــــرووب ~ غير متصل
©؛°¨غرامي ماسي ¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد


فارفع يديك لخالقك لا توضيت ..
.. وادعو تراك أقرب إليا صرت ساجد



ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد

الشاعر حمد السعيد"

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 01-04-2014, 09:51 AM
صورة عابـر الرمزية
عابـر عابـر غير متصل
©؛°¨غرامي مبدع¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اضن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يااخذ الاول مع التالي

كد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي



.. الشاعر صـآلح السكيبي ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 01-04-2014, 03:21 PM
صورة بيكا | * الرمزية
بيكا | * بيكا | * غير متصل
©؛°¨غرامي فعال ¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


فمـان الله سافـر للنصيـب وديـرة المقسـوم
فمـان الله سافـر للحنيـن وحلـل أشـواقـي
-
فمان دموع عينـي والغـرام وحبـك المرسـوم
مثل نقش الحجر في وسط قلبي لـه أثـر باقـي
-
فمان الله فاتت شرهـة الخافـق ووقـت اللـوم
لك الله ما بقت غير الدمـوع تباغـت أحداقـي
-
ولا باقي سوى جسم(ن) نحيل وناظر(ن) محروم
يراقب شمس(ن) أقفت من سماي وشالت اشفاقي
-
زمن عدى على ذاك الفراق اللي تقـول اليـوم
وأنا أرشف من يمين الجرح نزفي وأشكر الساقي
-
نبت للحلم ريش وقلت أهده فـي سمـاك يحـوم
ولكن خانت فجـوج الوسـاع وضاقـت آفاقـي
-
رحلت وكل حرف ما لبس مـن هالكـلام هـدوم
تذكـر يـوم أصافـح غيبتـك وأمـد خفاقـي ؟
-
أنا للحين مدري هـو أنـا الظالـم أو المظلـوم
أنا مدري وإذا تـدري تعـال وفتـش أعماقـي
-
أعرف إني سقيت الليل دمع ولاظهـر بـه نـوم
عقب ما مرني فصل السهـاد وحتـت أوراقـي
-
فراق مر في حدب المحانـي تقـل خِيـذة قـوم
ضحى مني نهبـك بغفلتـي واستسهـل وثاقـي
-
يقولون العـرب أن الأوادم مـا عليهـا وسـوم
وأنا لو أدري أنك من نصيبي ما أنكسـر ساقـي
-
يمر الشعر في درب الجديـد ولا يجيـب علـوم
بقى عندي كـلام مـن رحلـت يـدور اعتاقـي
-
فمـان الله وجـه للغيـاب وخلـنـي مـوهـوم
ابعصـر الحنيـن بغيبتـك وأعتـق اشـواقـي










الشــــااعر : تــركي الميزانــي ~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 03-04-2014, 03:11 PM
صورة آيـة الرمزية
آيـة آيـة غير متصل
أفتش فِيَّ عنِّي
 
الافتراضي رد: اكتب اسم الشاعر واللي بعدك يجيب قصيده لهذا الشاعر


واحد ثاني

ماني مجازيك في صدك وهجرانك
ودعتك الله وتلقى واحد ثاني
اتعبت الاعيان والاقدام من شانك
وانته ولا شي سويته على شاني
فزيتلك يوم قلت اسمك وعنوانك
لو كان ماتنتمي لاسمي وعنواني
ماجيت ادورك والا اطق بيبانك
والا اترجاك مثل فلان وفلاني
انت الذي جيتني واعلنت بلسانك
انك على شوفتي جايع وعطشاني
وصدقت هرجك ومنطوقك من لسانك
واقبلتلك مندفع من كل وجداني
ماكنت افكر يجي في يوم نسيانك
وانساك وانته معاهدني ماتنساني
الابعد ماقريت الكذب فاعيانك
حاولت اواعدك وانسى كل ماكاني
خلاص ماني بمتعني على شانك
ودعتك الله وتلقى واحد ثاني



خالد المريخي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 06-04-2014, 06:46 AM
صورة المها النجديه الرمزية
المها النجديه المها النجديه غير متصل
©؛°¨غرامي متألق ¨°؛©
 
الافتراضي رد: اكتب اسم الشاعر واللي بعدك يجيب قصيده لهذا الشاعر


يا للي تطالع وكنك ما تطالعني
" نظرتك هذي حبيبي لا تكررها

صحيح شاطر ولكن صعب تخدعني "
" أنا على الطاير افهمها واطيرها

أنا مزاجي واطيع اللي يطاوعني
" ان كان لي خلق أمررها أمررها

اسمع كلامي إذا ودك تولعني
" سعادتي خلها همك ودورها

ابنصحك قوم خل عنادك وطعني
" وتعال نطوي الليالي ونتذكرها


وسمعني اللي كتبته فيك سمعني
" والكلمة اللي تشكل معك غيرها

بلسانك الشعر لو تكسر يمتعني
" كسر يا بخت البيوت اللي تكسرها



الشاعر
احمد الصانع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 09-04-2014, 09:16 PM
صورة آيـة الرمزية
آيـة آيـة غير متصل
أفتش فِيَّ عنِّي
 
الافتراضي رد: اكتب اسم الشاعر واللي بعدك يجيب قصيده لهذا الشاعر


في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح
أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح
لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح
الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح




محسن الحمري

موضوع مغلق

اكتب اسم الشاعر واللي بعدك يجيب قصيده لهذا الشاعر

الوسوم
لهذا , الشاعر , اكتب , بعدك , حديث , واللي , قصيده
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جرحها كايد / الكاتبة : غلا مطير ، كاملة وجه الملاك روايات كامله - يتم نقل الرواية هنا بعد اكتمالها 40 24-08-2015 03:40 PM
(ذكريات شاعر) للشاعر/ محمد بن مطلق الفطيماني الفطيماني منقولات أدبية 11 12-02-2011 02:30 PM
الشاعر جاد الله الشدي يهدي لاسيل عمران وخالد الشاعر قصيده عاشقة ملامح الاشتيااق منقولات أدبية 13 13-11-2010 07:02 PM
قصيده الشاعر المبهم صوتيه بعنوان كلمه الخسران غارقه في الاحزان ارشيف غرام 1 12-09-2009 12:34 PM

الساعة الآن +3: 05:03 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1