غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-03-2014, 10:44 PM
Sarab. Sarab. غير متصل
©؛°¨غرامي جديد¨°؛©
 
الافتراضي قد السماء أنا أحبك/بقلمي


' قد السمآء انا احبك '
الكاتبه : A.sarab
-

احدى رواياتي اضعهآ بين ايديكم لتقرؤها و تحللوهآ و تتفاعلوا معي و تنتقدوهآ ♡'
لست بكاتبة انما مجرد تعبير و رغبة لأخراج اشياء في داخلي .
روايتي من وحي الخيآل و ليست من الواقع او عن تجربه شخصيه فقط خيال ')
لن اقول - لا احلل - و لكن لا احد يرغب ان تتم سرقت م تعبت به يداهه ♡'
اغلب الروايات بالاصح جميعهآ و لكن هناك نادراً مختلفه و هي ان يكون هناك شخص يحاول التفرقه بين المحبوبين او فتاة جميع من في العائلة تكرههآ و تكون قبيحه رغم جمال جميع من في العائلة و ما الى ذلك .
^ و لكن لا ، لا يوجد بروايتي شيء من هذا القبيل !.
ليست هناك شخصيتين محددتين الروايه عن حياة كل الشخصيات و قصصهم .؟
* اعتذر عن كل الاخطاء الاملائية *
اعتذر عن مقدمتي الطويله : تفضلوا .
احدى رواياتي
( قد السمآء انا احبك ♡' .

بداية قبل البارت سأقول الشخصيات بدون وصف الاشكال ، سأوصفها عندما يأتي دور الشخصيه .

الجد و الجدهه عندهم شركات و حلال واجد عندهم 5 عيال و اللي هم :

ابو سيف ، ام سيف و عيالهم ( سيف و اسامه و ساميه )


ابو راكان ، ام راكان ( راكان و حنان و حنين و حمد )

ابو خالد ( خالد و يوسف و سراب و رهف )


ابو ماجد ، ام ماجد ( ماجد و رولا و وسام )


زياد ( عمهم مو متزوج )




1#

في السعودية , الرياض تحديدا
بندخل تفاصيل اشخاص ( حياتهم , علاقتهم , اسرارهم )
رغم مظهرهم انهم قريبين حيل لبعض الا ان بينهم مسافات بعيدهه ححيل ؟
رغم نجاح العائلة ذي و مالهم و شهرتهم ,
و كرمهم و طيبهم و حنانهم و .... )!.
الا ان كل ذي الصفات تختفي بعد م يقفل كل واحد باب غرفته ؟
يبكي , يشكي , يضيع حياته , يدعي , يصلي , يضحك , ينتظر امل يغير له حياته .
كل شخص لوحده بتواجهه مشاكل بس اذا لقى شريك حياته و اللي يناسبه
و فاهمه بتتغير حياته !؟.


نبدأ ب اول بيت
( انفتح الشباك صار ضوء الشمس عليه يحاول يغطي بس م قدر يحاول يتكلم و يقول يتركونه بيكمل نومته , بس م قدر كان تعبان من ليلة امس و فوق تعبه سمع صوت اخته تحاول تقومه و تناقز و تصارخ - راسه انفجر - بعد نص ساعه من الازعاج )

ساميه : سيف حبيبي قوم تكفى ودني لبيت جدي بليز
سيف : ساميه شرايك تنقلعين لا اشوتك الحين مالي خلق
ساميه بصراخ : سييييف
سيف يقوم وهو ينافخ : اوففف ربي ابتلاني بأخت صوتها يفجر الاذن
ساميه تناقز من الفرح : زينك
سيف : انقلعي برهه خمس دقايق و اشوفك نازله
ساميه و هي طالعه : ابشر من عينيا


نقطه .

سيف
: اسمراني ، طويل ، كتوفه عريضه ، معضل ، شعرهه اسود لآخر رقبته كثيف و ناعم بس مب زود ، عيونه ناعسه و صغيرهه لونهن عسلي ، خشمه حاد - كالسيف - فمه صغير له سكسوكة عمرهه 24 سنة دكتور عيون عصبي و غيور .

-

سامية
: اسمرانيه ، طويله ، جسمها رشيق و جميل ، شعرها اسود ل كتوفهآ كيرلي ، عيونها صغيرهه ناعسه عسليه ، خشمها صغير ، فمها صغير لونه بينك غامق ، عندهآ شامه فوق فمها على اليمين محليتهآ عمرها 20 سنة ثانيه جامعه فاهيه و طيبه لدرجة كبيرهه .



بالسيارهه :


سيف : شتبين عند جدي
ساميه : ابد سراب و البنات بيجتمعن هناك
سيف : كل شي من راس سراب وش قصتكن تلحقن وراها وين ما راحت
ساميه تضحك : ههههههههههههههههههههههههههههه ي خي وش نسوي هي عوبه و تقدر تدبر اي شي
سيف يناظرها بطرف عين : بالحيل اقول بس وصلنا انقلعي

ما امدها تنزل الا سراب تنزل من سيارة السواق و معها اكياس كلها حلويات و شبسات و غازيات

سيف : جبنا سيرة القط قام ينط
سراب شافت السيارهه و جت عندها

سراب : السلام
سيف : و عليكم السلام ورحمة الله و بركاته
سراب : ي خي انت كتبنن
سيف فتح عيونه : بالله و ليش اكل
سراب بقرف : ما ادانيك ما ادانيك
سيف : انا اللي احبك موت
سراب : اعع امشي ساميه امشي صدري كتم هنا افف
سيف يقلد صوتها : اعع امشي ساميه امشي صدري كتم هنا افف
سراب تضربه على راسه و تدخل البيت و ساميه تلحقها


سيف : الحيوانه عورتني اوريها



دخلن ساميه و سراب عند جدهن الي كان عمرهه كبير و رغم كل التجاعيد و التعب الظاهر عليه بس كان يحاول يبقى
قوي , جدهن حنون و طيب شخص لا ضاقت عليك الدنيا ترتمي بحضنه و بكلمة ينسيك كل همومك حضنه دافي يمسح على شعرك ,
يقولك كلام يهدي قلبك و بكلامه مزاح تنسين همومك و يضحكك رغم مظهرهه الجدي و العصبي لكن هو عكس ذلك *"

ارتمن بحضنه و هو ابتسم يعرف ان دايم قبل اليوم الي يجمع فيها عياله يسبقن حفيداته عندهه
دخلت الجدهه الي كانت حنونة بالححيل بس صاحبة موقف و قويه و ي جبل م يهزك ريح - كفو جدهه -
كانت في الحديقة تسقي الزرع م ترضى احد يسقيه غيرها هي الي زرعته و كل يوم تسقيه لين م كبر
فمستحيل الحين تخلي اي شخص يسقيه رغم ان الزرع كثير و تتعب بالحيل بس من تخلص و تشوف الزرع
تنسى كل التعب .



سراب و سامية ركضن عند الجدهه و قمزن بحظنها
الجدهه تضحك : كسرتن عظامي ي وليدي
سامية : تعيشين و تاكلين غيرها جده
سراب : م عليه جدهه سقيتي الزرع
الجدهه تبتسم : ايه ي بنيتي
سامية : احنا نسقيه لك ليه تتعبين نفسك
الجد : قولن لها كل يوم تنقز و اقولها بتتعبين تقول لا و تجي اخر شي عظامي توجعني ظهري يوجعني قولن لها
سراب : عيب ي جده تخلين جدو يخاف عليك
ساميه تغمز لجدها : حركات جدو تخاف على جدتي
الجد : اكيد زوجتي و ام عيالي و شريكة حياتي و كلي عسى عمرها طويل
سراب و سامية : اممين
سارب : حركات جده
سامية : من ورانا هاه
الجده تمسك جزمتها - اكرمكم الله -
سراب : لا لا خلاص امشي قبل لا تطبع الجزمه على وجهي امشي سامية
سامية : باي
سراب : امشي بس


راحن فوق ,

سراب و هي تطقطق على فونها
ساميه تكلم صديقتها
ساميه انهت المكالمة والتفت لسراب : وش تسوين
سراب و هي طقطق بالعلك : ابد حبيبتي اقرق
ساميه : على مين ؟
سراب و هي تناظرها : شدخلك شدخلك
ساميه : خلاص ما ابي اعرفف !
سراب : احسن



سراب
: جسمها - عارضة ازياء - طويله بس مب زود و شعرها اسود لنص فخذها نفس ميريام فارس و بشرتها برونزيه ، عيونها كبار و رموشها كثيفه و طويله لونهن عسلي فاتح خشمها حاد - كالسيف - شفايفها صغير و منفتخه لونهن وردي باهت مركبه بريسز عمرها 20 سنة ثانيه جامعه لسانها طويل و عنيدهه .



اكتملت الجمعه بـ : سارهه ، حنين ، حنان ، رولا )

سارهه
: جسمها حلو و مليان شوي طولها وسط شعرها بني ل كتوفها ، بشرتها بيضا ، عيونها ناعسه و صغار و خشمها صغير وحاد ، فمها لونه غامق كأنها حاطه روج عمرها 21 سنة ثالثه جامعه .


حنين و حنان خوات .

حنين : جسمها نحيف و قصيرهه بالحيل شعرها كستنائي لرقبتها مقصقص طبقات عيونها كبار عسليه مكحله ، خشمها حاد ، فمها صغير عمرها 20 ثاني جامعه .


حنان : نحيفه ، شعرها كستنائي لـ كتوفها عيونها ناعسه و كبار خشمها حاد و فمها صغير عمرها 21 سنة ثالث جامعه مخطوبه .


رولا
: جسمها رشيق اجمل البنات جسم ، و شعرها صابغته ثلجي كيرلي لنص ظهرها ، بيضا بالمرههه ، و عيونها كبار رموشها كثار و مكحله و لونهن رمادي ، خشمها - سيف - و شفايفها صغيرهه و منتفخه لونهن بينك غامق عمرها 20 سنة ثاني جامعه شيطانه بمعنى الكلمة بس حبوبه و جريئة بشكل .


ملاحظة * بقى ثنتين بس م جن *

حطن الاكل قدامهن و شغلن التي في
رولا : خبلات انتن شرايكن ننام هنا
سارهه : ي امي ي الخبال بكرهه بيجتمعون عمامي هنا يعني ليه المشورهه نروح و نرجع من جديد
رولا : خلاص اكلتيني سؤال و سألنا
ساره : لا عاد تسألين
سراب : رهف و وسام وينهن
ساميه : وسام صديقتها مسويه بارتي وبتروح و رهف بتروح معها
سراب : حظهن ي خي

رجعت حنان من برهه - كانت تكلم خطيبها -



سراب تنط عندها : وش وش صار
حنين : ي حول مالكن دخل باختي يما منهن
حنان تلتفت لحنين : ارتاحي مانيب قايلتن لك
حنين انسدحت : ماش
سراب : تكفين وش قلتوا
حنين تغمر لسراب : سوالف كبار
سراب : حبيبتي
حنين : هلا حياتي
سراب : اشتقت لك
حنين : وانا قلبو
سراب تفقع ضحك على وجه حنين الي تسوي نفسها مستحيه .
وصارن يترجن حنان بس ما اعطتهن وجه
رولا : شنو صار
حنان وهي تتنهد : يبي يخلي العرس في البيت و يقول بين الاهل بس
( حنين و سراب فتحن عيونهن لهن ساعه يترجن حنين و رولا بكلمة خلتها تقول )
حنين : ماش انتي مو اخت زينه
رولا : ي قلبي هذا كلام بس بعدين مو على كيفه
ساره : ما تحسونه شوي يعني كيف اقولها يحب يتامر
رولا : ايه ايه من الحين وهو خطيبها قالها م في طلعه بدون ما تقولين و ان طلعتي عبايتك راس و قفازات
سراب : الشباب يقولنها بطريقة غزل مثل ( حبيبتي اغار عليك حتى من نسمه الهوا ف ابيك تلبسين كذا و كذا ) او ( حياتي انتي اذا طلعتي قولي لي عشان اذا كنت برسل لك وما رديتي ما ينشغل قلبي عليك )
رولا : وانتي شدراك
سراب : نعرف .
حنين : اما هو بدون مقدمات على طول قالها
ساره : اقول حنين هو حلو
حنان طلعت صورته
( كان الجمال بالشرق و هو بالغرب )
رولا اخترعت : اقولك ابي صورته حطيها
حنان : هذا هو
سراب : من جدك ذا
سارهه : خير يا ابوي خير
رولا : ما ينسكت على ذا الشي
حنين : حنان انتي جميله بشكل جد اقولها يعني اخر شي تتزوجين ذا
رولا : لو شكله كذا و اخلاقه قمه في الادب و الاحترام و محترمك و يحبك كان والله عادي تتزوجينه
سراب : بس ذا شكل و اخلاق كله عدم
حنين صارت تبكي : طيب ي خي شسوي
رولا ضمتها : خلاص قلبي بكرهه انا و البنات نحلها



( سهروا البنات - رقص , بلعه , اكل , استهبال , طقطقه , و اخر شي يستغفرن بعد كل الي قالوهه
ونامن 7 الصباح غير رولا الي قعدت للساعه 10 و نامت عشان تتابع فيلم . )
اذن العصر دخلت الخدامه و قعدتهن بأمر من الجد رغم ان الخدامه تكفخت بس تعودت و ما بتطلع الان و هن قايمات قعدت حنين اول شي
دخلت الحمام غسلت وجهها و عدلت شكلها و طلعت و لقتهن نايمات بعدت عنهن البطانيات و طفت المكيف و صار تناقز و تصارخ
قامت سراب او شي مسكته جوالها و صار تصور شكل حنان و هي نايمه - حنان يد يمين و يد يسار و الرجول كذلك و فاتحه فمها كانت تحفه -

راحت سراب الحمام و غسلي وجهها صارت تناظر المرايه و تلمس وجهها , مشطت شعرها و ضبطته فرشت اسنانها بعد م خلصت
شافت نفسها في المرايه و طاحت دمعه من عينها م في سبب كانت بالنسبة لها انها تكتم شيء يتععب بالححيل تبي
تعترف و تقول بس في شي يمنعها غسلت وجهها بسرعه و رسمت على وجهها ابتسامه تمحي فيها اثار البكي .
طلعت من الحمام - اكرمكم الله -
و بدنن البنات يستحمن و يلبسن و طبعن لبسن جلابيات - دراعات - بحكم ان عيال عمهن تحت .
نزلن .



الجدهه : هاه وينكن كل هذا نوم
رولا قوموها غصب راحت بزاويه و حطت راسها على المخدهه و كملت نومتها

البنات راحن يسلمن على عمامهن
الجده تمسك العصا : قوموا ذي لعنبوا ذا الوجه
رولا : هاهه يا جده هاهه
الجدهه : وجعاه قومي حالك حال الي هنا
رولا : يا الله صبر الارض
سراب : الارض ولا المريخ
ماجد مسك علبة المنديل و حذفها عليه
سراب : ووجع
ماجد : اسمج سامجه سامجه
سراب : اسمج ولا اسمي
ماجد مسك الجزمه يبي يرميها الا و سراب تنط بين عمامها يعني اذا ضربها بتجي بواحد من عمامه عاد هو جلس
سراب : هجدت
ماجد : كتبنن
سراب : بفمك ي الغلا
ماجد طلع لسانه ضحكت و لفت وجهه و طاحت عينها عليه و هي يبتسم ل عمه و يسولف معه
ياما تمنت تكون الابتسامه ذي لها , ضحكته تغنيها عن الحياهه , ابتسمت لا شعوريا و قلبها يرقع و يدق
بقوة بسبب انها شافت بس اجل لو تكلمت معه ايش بيصير لها !.



ماجد اخو رولا
: ابيض بس مب زود نفس رولا شعرهه بني سبايكي عيونه عسليه كبار خشمها حاد و في كسرهه و فمها صغير جسمه معضل بس ع خفيف عمره 24 ماسك فرع من شركة ابوه .


رولا نقزت : جدي
جدي : سمي يبا
رولا تناظر حنان : حنان ما عاد تبي تتزوج

البنات فتحن عيونهن امس قالن انهن بيقولن بس بالطريقه المباشره ذي !.

الجد : و ليه ؟
رولا : ابد تقول كل يوم طالع بشي جديد و يتأمر علي وانا م صرت زوجته الى الان
الجد : انتي اسكتي حنان وش رايك ؟
حنان بتوتر : الشور شورك جدي
رولا فتحت عيونها : وش الشور شوره امس تبكين و تقولين ما ابيه و الحين الشور شورك خلاص جدي م دام البنت ما تبيه وما صار شي الى الان نلغي

زياد : انت هيه ام لسان خلي حنان تتكلم
رولا صارت تتكلم و تقول مليون سبب و سبب

الجد صرخ : رولا
رولا سكتت و بعدين كملت كلام
الجد صرخ : خلاص خلاص اذا حنان ما تبيه اجل ما فيه زواج
رولا تلتفت لحنان : اضبطك انا
حنان نزلت دموعها من الفرحه : مشكور جدي
رولا : وش مشكور مو لازم تشكرينه هاذي حياتك انتي الي تختارين
الشباب حذفوا على رولا منديل و مخاد !.
راكان : بس يرحم امك بس خلاص
ماجد : السالفه انتهت و الى الان تقولها

( سيف ابتسم لرولا )
( رولا ناظرت له و ردت الابتسامه سيف توتر ما توقع بترد الابتسامه )!.





كسر نظراتهم كلام عمهم .

زياد : انا طالع تبون شي
ساره : انا ابي من ماك
حنين : انا ابي كودو
حنان : انا ماك بعد
رولا و سراب : حنا ماك
حنين : انقلعن و لا وحدهه كودو
ساره : امس طلبنا كودو
حنين : طيب خلاص ماك
زياد : انا قلت تبون شي ل عمامي مو لكن
سراب : تكفى ي العم تكفى طلبتك
زياد : انقلعي بس
ساره تهمس له بأذنه : شف ترى العزوف صديقتي انا
زياد : لعنبوا دارك
ساره : ان تبي انا اضبطكم
زياد بصوت عالي : شتبن من ماك
ساره ضحكت
البنات اعطن طلباتهن و جاب لهن و راحن فوق


.


زياد
: عمهن جسمه طويل و معضل برونزي و شعره لرقبته اسود عيونها ناعسه عسليه فاتحه خشمه صغير و فمه صغير لونه بينك عمرهه 24 عنده شركه يحب صديقة ساره العزوف و هي بعد بس ما قالوا لبعض كيف حبوا بعض بعدين ما احد يدري غير ساره .


راكان
: اسمراني طويل و كتوفه عريضه ، شعره اسود و عيونه ناعسه عسليه ، خشمه حاد و فمه صغير و له سكسوكه عمرهه 24 استاذ رياضيات .


عند وسام و رهف


وسام حاطه السماعات و تتابع حفل بيونسيه
رهف : افف وسام
وسام م تسمعها مندمجه
رهف تشيل السماعات : وسام
وسام توقف الحفل : اووفف خير ؟
رهف : امشي عند البنات مليت هنا
وسام : طيب طيب


وسام : جسمها جميل بس نحيفه بالحيل شعرها بوي صابغته ازرق بشرتها بيضا بالحيل عيونها كبار لونها رمادي و خشمها صغير و حاد و فمها صغير بينك عمرها 18 سنة اول سنة جامعه بس هي دخلت بدري المدرسه .


رهف : جسمها جميل شعرها لكتوفها اسود بشرتها اسمرانيه ، عيونها كبار و ناعسه لونهن اسود خشمها صغير و فمها صغير بينك عمرها 19 اول جامعه .



راحن وسام و رهف و دخلن
وسام دخلت و هي ترقص على اغنية بيونسي - سينقل ليدي -
عاد البنات صارن يصفرن و يضحكن
سراب : ابوي انا
سامية تغمز لها : تخاوين
وسام : قيييييدام
سامية تضحك : لا تصدقين تخليوا بس استغفر الله م ادري كيف حب بنت لبنت حرام والله حرام اعع
ساره : وش جاب ذي السيرهه الحين


سراب : هلا والله بوسام ورهف
حنين : نعم خير شتبن جايات عندنا
وسام : كتبن بالله
حنين : احترميني اكبر منك
وسام : عمر اوك اما - تناظرها من فوق لتحت - طول اشك صراحة
رهف : دوري جبهتك
ساره : هههههههههههههههههههههههه ما عاد فيه جبهة اختفت
حنين : انقلعي يا العمود
وسام : عمود و لا عصير سن توب
سراب : الجبهة رماد
حنين تلمس جبهتها : اصلاً عادي .
حنان : ابي البقاله
رهف : ايه امانه مشتهيه كودرد
رولا : وانا مشتهيه كندر
حنين : و كولا .
ساره : و توكس
سراب : و بايسن
وسام : حشى تتوحمن طيب اطلبن
ساره : مو هاذي المشكله ما في رقم بقالة عشان ندق
وسام : طيب العيال ؟
ساره : ايه والله روحي اطلبي
وسام : وليه انا ؟
البنات : لأنك اصغر وحده
وسام : و رهف التبن
رهف : اكبر منك بسنة انا
وسام و هي تقوم : ذلتني على هالسنه
رهف : ايه اكيد اذلك


راحت وسام ودخلت عند الشباب
مسكت الباب و صفقته و دخلت بدون م تطق و لا شي - دفشة -
زياد : هلا والله بـ بنت اخوي
وسام : هلا بعمي
زياد : نعم قلبي شتبين
سيف : شويه شوي على الباب
وسام : ي خي انقلع فيه احد كلمك
اسامه : سيف دور جبهتك
سيف : طارت
وسام راحت عند زياد : زيودي
زياد : لبيه
وسام : شرايك تروح البقاله
زياد يبوسها على خدها : لا ي بعد عمك انتي
وسام راحت عند ماجد : مجودي
ماجد : لا و الف لا
وسام : سيف حبيبي
سيف : اسفه
وسام تناظر باقي الشباب
كلهم - لا -
وسام قامت : ان ما قام واحد منكم اقسم بالله لا اعلم جدي انكم تغازلون البنات بالسوق
كلهم فتحوا عيونهم !
اسامه : شدراك انتي ؟
حمد : يخربيتك !
سيف بذكاء : ما عندك دليل
وسام تبتسم
سيف يبلع ريقه : ما عندك صح
وسام : فاطمه و خلود و اريج
سيف قاطعها : بس بس شعرفك ؟
وسام : افا عليكم اعرف كل شي انا منو تحبون و منو تكرهون و وش تبون ؟
حمد : يالله انا من احب
وسام تهمس باذنه ب ( ! )
حمد متصنم و بعدها ابتسم
وسام : يالله بسرعه واحد يقوم
ولا واحد قام
وسام : سيف انتظرك
ماجد : جاك الموت يا تارك الصلاة
يوسف : فلوسك راحت يا ولد عمي
سيف : الدنيا تعوضني
يوسف يرمي عليه جزمه : روح بس


في البقاله :



طبعاًً وسام اشترت كل شي على حساب سيف

ركبوا السيارهه
سيف : طفرت
وسام : كلها 400 ريال
سيف : يخرب بيتكن 407 ريال
وسام : 7 ريال ما تفرق
سيف : محاضره جدي اهون من روحة 400 ريال
وسام : خبل خبل "̮
سيف ابتسم : فداك
وسام : غصب عنك
سيف : طيب ي الغلا وش الي همستيه لـ حمد
وسام ابتسمت : سيكريت - سر -
سيف ابتسم : لزوم نعرف السر
وسام : ايه و شلونك مع حبيباتك
سيف يضحك : يما منك بس صدق اغلبهن عليهم دلع مو لايق ابد
وسام : ي خي الدلع يلوع جبدي
سيف يضحك : بسم الله على جبدك
وسام تضحك : لا جد شرايك تتوب
سيف : انشاء الله ليش لا
وسام : اشك
سيف : لا تشكين انشاء الله اتوب
وسام بدلع : سيوفي
سيف يضحك : لبيه
وسام بدلع : و كيف الدلع علي
سيف يضحك : يجنن
وسام تضحك : ههههههههههههههههههههه ادري اصلاً
سيف : لا تصدقين بس
وسام : لأنك وصخ اساساً
سيف : شدخل
وسام : انت ادرى




انتهى .

توقعاتكم بالبارتت الثاني ؟
تفاعلوا .


تعديل Sarab.; بتاريخ 29-03-2014 الساعة 02:04 AM. السبب: .
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-03-2014, 12:49 AM
صورة _ سُجَــــالْ الرمزية
_ سُجَــــالْ _ سُجَــــالْ غير متصل
©؛°¨غرامي جديد¨°؛©
 
11302798202 رد: قد السمآء انا احبك .


*

الجميلة سرآب ..
روآيتك رآئعة ولكنا تعتمد الاعتماد الكلي على الحوار فقط لا غير
ينقصها القليل من السرد والوصف

اطلعي على هذه المواضيع كي تساعدك على اكمال الرواية

(هنـ1ـــآ)

(هنـ2ـــآ)



موفقة *

نبض .


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-03-2014, 07:46 AM
Sarab. Sarab. غير متصل
©؛°¨غرامي جديد¨°؛©
 
الافتراضي قد السماء أنا أحبك/ 2


2#

الجمعه اليوم الهواء بارد
بس فيه شمس يعني حر و برد
الى الان الكل مجتمع .
اوصف لكم بيت الجد

( طبعاً هو كبييير بشكل مو متوقع 3 ادوار باللون الرمادي و الابيض من برا ومن داخل يمتاز بتصميمه الكلاسيكي اللالوان المستخدمه في البيت الوان هاديه كـ الاسود و الابيض و البني و السماوي الوان تصفي الذهن و تخليك تحس براحه تامه و كان اغلب البيت لوحات و في الصالة الرئيسيه لوحة كبير لـ شجرة العائلة .)

الحين نوصف بقيه الشخصيات .

حمد
: ابيض ، جسمه طويل و نحيف ومعضل خفيف ، شعرها سبايكي اسود ، عيونه صغار عسلي خشمه حاد و صغير ، فمه صغير بينك عمرهه 22 رابع سنة جامعه .


يوسف
: طويل اسمراني ، شعره اسود كدش ، عيونه كبار سود ، خشمه صغير ، فمه عادي ، عمرهه 23 مع سيف يشتغل .


* ملاحظة خالد متزوج وما راح يكون له دور كبير عشان كذا ما راح اوصفه *



نزلت وسام و خلت سيف يشيل الاكل و مروا من عند الشباب
ماجد نط عند وسام : هلا والله بقلبي
وسام : نعم ؟
اسامه : زين بنت عمي ي خي
وسام اخذت الاكياس : سيوفي حبيبي اختار ايش تبي ؟
سيف فتح عيونه : جد غريبه وسام تعطي اكل
وسام بدلع : ايه يا قلبي اختار مو كل يوم وسام تعطيك
سيف يضحك : الى الان بس يلبق عليك اكثر من الي عندي
وسام بدلع : اكيد انا وسام و هن استغفر الله بس
سيف اخذ كل اللي مشتهيه .
ماجد و اسامه : انا ابي بعد
وسام : اسفه
حمد كان يناظر من بعيد و طاق من الغيره



( وسام همست ل حمد بـ ( تحبني انا ) و ما كذبت حمد يحبها )

وسام اعطت حمد نظرة - فيه شي -
و راحت عند البنات

لما دخلت ردود ( ي قلبي - هلا والله - وسام ي خي انتي سعاده - ي حبي لك و للي معك )

جلسن يبلعن
رن فون وسام فتحت لقت الببي دخلت و شافت حمد يرسلها وكز !

المحادثه :


وسام : خير ؟
حمد : خير بوجهك
وسام : شفيك
حمد : لا ابد بس ليه تتدلعين عند سيف ؟
وسام ابتسمت : ما تدلعت
حمد : اضحكي على غيري
وسام : ما تدلعت بس تكلمنا عن شي بالسياره و رجعت اقوله يعني
حمد : عن شنو تكلمتوا ؟
وسام : مالك د خ ل
حمد : اقول بس الدلع خليه لاصحابه لو الدلع لابق لك عادي بس ما اظن يصلح لك ابو الشباب
وسام : طيب شكراً شي ثاني
حمد حس انه زودها : ايه لا دخلتي مره ثانيه دقي الباب مو تدرعمين كذا
وسام : طيب اسفه، خلصت الحين عندي اشياء غيرك
حمد : وسام

وسام قفلت المحادثه
وسام : بروح انام
سراب : توها الساعه 9
وسام : فيني نوم تصبحن على خير
البنات : و انتي من اهله
وسام طلعت

رهف : حتى انا بنام
طلعت .
حنان : شفيهن
رولا : يمكن قاعدات من بدري
حنين : اي صح شفتوا (---) !


^ يكملن سوالفهن و نروح عند رهف و وسام



رهف دخلت و شافت وسام جالسه
رهف ضمتها : يا قلبي شفيك
وسام قالت لها الي صار
رهف : خلاص اكيد غار
وسام : ياكل تبن
رهف : انتي متعمده تسوين الحركة ذي
وسام : لا
رهف : وسام
وسام : نعم
رهف : علينا !
وسام : ايه ايه متعمده
رهف تدفها : يقطع الحب شو بيعذب
وسام ضحكت
رهف : ايه اضحكي فكيها





الشباب :


يوسف : ي خي انت حيوان
ماجد : حيوان عشاني قفطتك و انت تحاول تغش
يوسف : ي خي ما غشيت
ماجد : تسذوووب
اسامه : خلاص ي خي نعيدها
حمد فتح عيونه : لا ي قلبي انا انتظر دوري من زمان
سيف يكلم صديقه
زياد : ي حيوان انت وياه ازعجتوني
اسامه و ماجد و حمد : كتبن انت !
زياد : احح جبهتي
حمد : مالي دخل ابي العب
رن فون اسامه
اسامه : ي ليل ذا النشبه
ماجد : منو ؟
اسامه : وحدهه رقمتها و ليتني م رقمتها
ماجد : حلوهه ؟
اسامه : و هي لابسه النقاب و مكحله عيونها و ملطخه مكياج و عدسات تقول ملكة جمال بس لما ارسلت صورتها استغفر الله بس
ماجد يضحك : تستاهل من قالك ترقم
سيف : ي خي انا مليت من البنات افكر اتوب
الشباب كلهم ضحكوا
زياد و هو يضحك : ي خي انت كل يوم تبي تتوب و ما نشوفك تتوب
سيف : لا صدق ذي المرهه
حمد يقاطعها : بتوب و ما عاد اعيدها ي خي حفظنا كلامك من كثر ما تقول
يوسف : انت كلام بس فعل لا
سيف يحك راسه : وش اسوي طفشان
زياد : هذا عذر طفشان
سيف : طيب خلاص
اسامه اخذ مفاتيح السيارهه : يلا شباب انا طالع للأستراحة تبون شي
سيف : ان شفت محمد قله بكره سيف بيمر عليك
ماجد : شعندك
سيف : ابد شغل
اسامه : ابشر من عيوني





-


صوت الاغاني مختلطه مع ضحكهن و سوالفهن فجأة عيون رهف تدمع
رهف برجاء : لا تكفى لاا
البنات ركضوا لها
وسام : رهف حبيبي ايش فيك
حنان بخوف شديد : يما رهف شفيك
رهف : بطل الروايه صار له حادث

لحظة صمت كل وحدهه تكتم غضبها مب اول مرهه دايم رهف كذا حساسة بزياده .

حنان بصراخ : خوفتيني عليك و اخر شي روايه
حنين تضحك : هههههههههههههههههههه
ساره ترمي على حنين المخده : ضحكه بدون سنون
حنين : افا ليه ي الخفوق
ساره : انقلعي الحين
حنين : بروح اجيب اكل
رولا : اذلفي
حنين : اصلاً عادي


طلعت حنين و صارت تدنن بأغنيه و هي ماسك فونها و تقرقر مع وحده تعرفت عليها
دخلت المطبخ
( الي كان كبير بشكل و يمتاز باللون الابيض و الاسود طبعاً و كان تصميمه راقي و بسيط بس فخم ، الساعه تعدت 12 الليل فعشان كذا الخدم نايمين )
اتجهت لثلاجة فتحت اول ثلاجه لقت الخضار و الفواكه و ... )
الثلاجه الثانيه شافت الشوكلت و الغازيات و الشبسات
حنين بنفسها : ايوه يا اني جوعانه


-



اسامه ركب سيارته شوي صوت بطنه
اسامه يضحك : وش ذا عصافير بطني
بروح اجيب اكلي فشله هناك صوت بطني
ب طريقه للمطبخ سمع ضحكه اتجه للمطبخ شاف حنين واقفه و تكلم
حنين : ايوهه حبيبي --- هههههههههههههههه -- جد --- حتى انا احبك
التفتت حنين طاحت عينها بـ عين اسامه الي كان على وجه علامه صدمه و خيبة امل ب بنت عمه
حنين قفلت الجوال بدون م تودع الشخص
حنين بأرتباك : هلا اسامه
اسامه حالة صدمه
حنين وهي ترجف : تبي اسوي لك اكل
اسامه اعطاها نظره بلعت العافيه في مكانها

لحظة حنين ترتجف و خايفه وودها تتكلم و اقول انها تكلم صديقتها بالاسلوب ذا بس لسانها انربط شعور خوف مع توتر مع رغبة بالبكاء شعور غريب .

حنين : صديقتي والله صديقتي
اسامه بحقد : من كنت تكلمين
حنين : اقسم بالله صديقتي
اسامه يضحك بسخريه : بالحيل
حنين رجعت اتصلت على الرقم وحطته سبيكر
اسامه يناظرها و هو مستغرب ايش تسوي في الموقف ذا لازم تبكي
حنين : الو
- : هلا
حنين : اماني مب قبل شوي كلمتك
اماني بتعجب : ايوه ليه قفلتي ايش بك
حنين وهي تناظر اسامه : ايش اخر كلمة قلتها لك
اماني : ليه ؟
حنين : اماني
اماني : قلتي حتى انا احبك
حنين قفلت بدون مقدمات

حنين تناظر عيون اسامه : صدقت
لسامه ابتسم لها و طلع من المطبخ
طاحت حنين في الارض و صارت تبكي
تحاول تكون قويه بس البكاء اقوى من رغبتها انها توقف
اخذت نفس عميق و مسحت دموعها و صارت تبتسم ضبطت شكلها و رجعت للبنات

حنان : تأخرتي
حنين : ايوهه كنت اكلم صديقتي و لهيت
حنان صدقت : اوك
رولا بصراخ : بابلي
سراب هجمت على رولا
سراب بصراخ : ابييه
رولا تقاوم : والله على جثتي
سراب تسحبه : لي لي
رولا ترجع تسحبه : انا شفته اول
سراب بصراخ : جيبي
رولا تعض يد سراب
سراب : ايييي
رولا تفك بابلي و تتفل عليه
سراب : اعععع وصخه
رولا ترفع حواجبها : عشان ما تاخذينه
ساره تتثاوب : انا بنامم
وسام : افف الاحد عندي اختبار وما ذاكرت
رهف : انا الاحد اوف ما عندي محاضرات
سراب : افف عندي محاضرهه ايه صح تدرن ان استاذه هيا تطلقت
رولا : كذذابه
سراب : والله
ساره : ليه و شلون و متى و كيف عرفتي ؟
سراب : مو تبين تنامين
ساره : اخلصي علي
سراب : شسمه زوجها خانها و طلبت الطلاق عرفت من صديقتي بنت خالها تكون من جماعة الاستاذه
حنان بحزن : حراممم
رولا : خبل يخونها الحيوانه تخقق مشاء الله

كلهن بصوب و حنين بصوب كانت شارده بعالمها الخاص تفكر و تفكر فجأة غمضت عينها و نامت
حنان شافت حنين و غطتها زين


الساعه 2 بالليل الكل نام .




-

صباح السبت الساعه 10 الصباح
اتجه كلن لبيته .

في بيت ابو سيف الساعه 9 الليل /



ام سيف تنادي الخدامه : واتي يا واتي
واتي : نعم ماما
ام سيف : نادي ساميه و اسامه
واتي : و سيف ؟
ام سيف : م تشوفين هذا سيف
سيف يناظر الخدامه و يضحك
واتي : سوري مدام

طق طق
دخلت الخدامه و ارتجفت من برودة الغرفه
شغلت النور و شافت ساميه نص على الارض ونص على السرير قعدتها ساميه نومها خفيف
قعدت ساميه و طلعت الخدامه لأسامه

ساميه دخلت الحمام - اكرمكم الله - اخذت شور طلعت فتحت درجها اخذت لها تي شيرت عنابي و شورت ابيض ربطت شعرها و اخذت فونها و نزلت تحت

اجتمعت العايله على العشاء
ابو سيف : هاه يا سيف ما ودك تتزوج
سيف تنرفز : لا اذا لقيت الي تعجبني قلت لكم
اسامه بتوتر : يبا
ابو سيف : هلا
اسامه : انا ابي اتزوج
ابو سيف ترك ملعقته وتاظر بأسامه : جد
اسامه بخوف من تصرف ابوه : ايه
ابو سيف ضحك : هذي الساعه المباركه
ام سيف بحب : يا قلبي بكره ادور لك احسن بنت
قاطعها اسامه : ابي حنين
ام سيف انصدمت و رجعت تبتسم : زين اختيارك بنت حسب و نسب و اخلاق جمال
ساميه غصت : يعني حنين تصير حماتي
سيف : انتي تصيرين حماتها مب هي
ساميه : اللي هو - بصراخ - وناااااسه
ابو سيف : خلاص يا ولدي انا بكلم عمك انشاء




الاحد في جامعه البنات




رولا وهي تركض و تلهث من التعب و هي ماسكه يد صديقتها - سهام .
سهام وهي تركض و صوتها متقطع : رولا بس تعبت
رولا بصراخ : الاستاذه حيوانه ما راح تدخلنا المحاضرهه

وصلن القاعه و ادخلن
رولا تناظر البنات - تسوي مكياجها ، على فونها ، ترقص ، تضحك ، تسولف ووو ).
لفت نظرها لمكتب الاستاذه م شافتها ابتسمت و سحبت سهام و راحن مقاعدهن في الصف الثالث .

سهام و هي تشوف الوقت : عاد احنا متأخرين غريبه ما جت
رولا : عمرها لا تجي
- : مرحبا
سهام و هي تدقق : هلا
رولا تهمس لسهام : تعرفينها ؟
سهام بهمس : لا - تقرص يد رولا يعني اسكتي -
- تمد يدها : انا ايمان
رولا تصافحها : انا رولا وذي سهام
سهام تبتسم لها
ايمان : ممكن اجلس معكن ؟
سهام و رولا : تفضلي
جلست ايمان جنب سهام و سهام جنبها رولا .
ايمان : ضايقتكن
رولا : لا عادي
ايمان : حبيت اتعرف عليكن دخلتن قلبي
سهام بأبتسامه : يا عمري وانتي بعد دخلتي قلبي
ايمان تبتسم : شكلكن متأخرات
رولا تضحك : ايوه !.
سهام : نركض ركض مب صاحي وً اخر شي ذي الاستاذه متأخره رولا تحسبني فهد اركض كل ذا
ايمان بأستغراب : فهد ؟
سهام تضحك : حيوان الفهد
ايمان تضحك : اها






-


صوت الباب يدق .

سيف : ادخل
- : سيدي هذي الاوراق اللي طلبتها
سيف : طيب مشكور
- : العفو ولو

سيف رمى الاوراق على المكتب و غمض عيونه و شاف عيونها و فيسها ابتسم
سيف بنفسه : انا احبها كيف ي خي لا ما اتوقع اخخ ي رولا م خليتي فيني عقل !.




الاثنين 7 الليل
ام راكان : حنين
حنين : هلا ماما
ام راكان : يا ماما بقولك شي
حنين : تفضلي
ام راكان : الحياه يا ماما كيف اقول ما نقدر نكمل حياتنا بدون شخص نهتم فيه و نرعاهه و نحبه مهما كانوا الاشخاص الي نحبهم فوق م نتخيل فيه شخص له مكانه خاص
حنين تسمع امها و هي تناظر في عيونها و تدري ان ذا مقدمات الزواج
ام راكان بطيب و حنان : حنين قلبي ولد عمك اسامه يبيك .




حنين انصدمت عيونها بدت تغرق بالدمع شفايفها ترتجف تناظر امها يمكن تكون تمزح اسامه اساامه ليه انا ؟ ليش ؟ لا مستحيل اتزوجه ؟ اكيد يستهبل ! م بينا شي حتى لو اهله يبون احد يتزوج بيغصبون سيف لأنه اكبر

قطع حبل افكارها صوت امها اسألها

حنين بصدمه : افكر

قامت وطلعت و ركضت لغرفتها قفلت على نفسها و صارت تصيح ..


- اسامه
: اسمراني جسمه عريض و طويل، شعره نفس زين مالك - ون دايركشن - حواجبه كأنها مرسومه عيونه صغيرهه لونهن اسود خشمها طويل و حاد فمه صغير عمرهه 22 مع حمد .



بعد يومين حنين ما داومت و لا طلعت من الغرفه كانت تحضن دبدوبها حنين كانت طفوليه شوي غرفتها كانت كلها بينك و وايت مع الالعاب و الدمى و الدبدوب الكبير بزاويه الغرفه تحب تلعب و تشوف كرتون اطفال دايم تقول انها بتستمع بطفولتها و اذا احد عاكسها و قال انها مب طفله دايم جوابها سن الرشد 30 اذا صار عمري 30 اصير كبيرهه


كانت تفكر بأسامه و شنو ودها و تتخيل حياتها معه - بيت ثاني ، روتين ثاني ، مسؤولية كبيرهه ، حرية اقل )!
قطع خيالها دق الباب
حنين و هي تمسح دموعها : تفضل
دخل خالد و ابتسم : كيف دلوعتي
حنين صارت تبكي : مب بخير
خالد انفجع و ركض لها و ضمها بأقوى ما عنده
خالد : اذا ما تبينه ما احد بيغصبك .
حنين : ما اقدر ارفض في شي يمنعني
خالد بمزح يلطف الجو : اكيد تحبينه هاه من ورانا ؟
حنين ابتسمت ورجعت تضم خالد
دخلت بنت خالد - وتين عمرها 4 سنوات -
دايم هواش هي و حنين مع انها طفله بس عقل حنين طفولي
وتين راحت عند حنين و رفعت ايدينها الصغيرهه و مسكت خد حنين و صارت تمسح دموعها : لا تبكي
حنين تضمها : يا قلبي
وتين تبوسها على خدها : اعطيتك بوسه الحين ما تبكين
حنين تضحك : ايوهه ههههههههههههههه



حنين رن فونها

خالد : يلا نترك الحين
حنين هزت راسها
طلع خالد و واين
كان الرقم غريب ردت
حنين : الو
- انفاس
حنين : الو
- : هلا
حنين تعرف الصوت ذا : من معي ؟
- : اسامه - بتوتر - زوجك المستقبلي
حنين بأنفعال : تخسى
اسامه ابتسم : افا ليه ؟
حنين برجاء : ليه ؟
اسامه حن قلبه : ابيك
حنين تبكي : انا ما ابيك
اسامه ما هان عليه تبكي : قلبي لا تبكين
حنين انصدمت : قلبي
اسامه بأرتباك : زلة لسان ، حنين انتي موافقه ولا - يبلع ريقه - لا !
حنين بتوتر : ما ادري
اسامه : طيب حاب اسمع جوابك من ابوي
حنين قفلت الجوال بدون ما تقول شي
و صارت تمشي تحت فتحت باب غرفة امها

ام راكان بتعجب : هلا يما
حنين تناظر ابوها : بابا
ابو راكان : عيونه
حنين بنفسها ( هاذي اللحظه ) : انا ()!







^ البارت الجاي بنعرف ^^ .؟!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-03-2014, 01:06 AM
Sarab. Sarab. غير متصل
©؛°¨غرامي جديد¨°؛©
 
الافتراضي رد: قد السماء أنا أحبك/بقلمي


ي خي لو رد واحد بس عشان اتحمس انزل بارت ><
تفاعلوا معي .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-03-2014, 03:14 AM
KOko. KOko. غير متصل
©؛°¨غرامي مشارك¨°؛©
 
الافتراضي رد: قد السماء أنا أحبك/بقلمي


-


جميلتي عزيزتي : سرآب ..
روآيتك .. جميله وعنوانها جميل .. العنوان صحيح لايجذب .. لاكن عليك بـ نشرها ..
فـ ملفات الأمورات .. وعندي شويات ملاحظات على روآيتك .. أنتي ماعتمدتي على السرد والوصف ..
فـ الشخصيات .. لازم تتحدي المكان والفراغات الي بين الكلام .. مالها دآعي .. الخط يجب تكبيره لـ 5 أو 4 ..
بعدين .. لازم توصفي يعني مثل تحركت لطاولة البني الي تكون بالصاله وكذا .. لازم نعيش الجو ونفكر ..
حاولي .. تخلينها وآقعييية بشكل يطآق .. و ملحوظات عليك تجنبها .. الألوان حاولي تتجعنبي الصارخ ..
وحددي الوقت والزمن .. متى تنزلينها ... وحاولي مو كل يوم تتعتذري وحطي شرطات مثل ====== ..
بين الكلام ... ولاتخلي كل شىء عآآدي وإيزي عند البنات .. واتمنى مازعلتك .. وبالتوفيق .. سجليني متآبعة ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-03-2014, 12:00 PM
صورة ديمٌو ! الرمزية
ديمٌو ! ديمٌو ! غير متصل
©؛°¨غرامي فضي¨°؛©
 
الافتراضي رد: قد السماء أنا أحبك/بقلمي




هلا اختي .. سراب ..

منوره ي ححلوهه ..
امممم روايتك احلى مافيها انو موازنه بين السرد والوصف والحوار لاكن كثري الوصف ..
زي مثلاً مشت حتى وصلت الى الخزانه السوداء او الى السرير الذهبي المنقط ..وإلخ!!
فاهمتني ..

اكملي ولا يهمك بس كبري الخط ل 5


غغميزتن اناا :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-03-2014, 09:15 PM
Sarab. Sarab. غير متصل
©؛°¨غرامي جديد¨°؛©
 
الافتراضي رد: قد السماء أنا أحبك/بقلمي


اقتباس:
المشاركة الأساسية كتبها koko. مشاهدة المشاركة
-


جميلتي عزيزتي : سرآب ..
روآيتك .. جميله وعنوانها جميل .. العنوان صحيح لايجذب .. لاكن عليك بـ نشرها ..
فـ ملفات الأمورات .. وعندي شويات ملاحظات على روآيتك .. أنتي ماعتمدتي على السرد والوصف ..
فـ الشخصيات .. لازم تتحدي المكان والفراغات الي بين الكلام .. مالها دآعي .. الخط يجب تكبيره لـ 5 أو 4 ..
بعدين .. لازم توصفي يعني مثل تحركت لطاولة البني الي تكون بالصاله وكذا .. لازم نعيش الجو ونفكر ..
حاولي .. تخلينها وآقعييية بشكل يطآق .. و ملحوظات عليك تجنبها .. الألوان حاولي تتجعنبي الصارخ ..
وحددي الوقت والزمن .. متى تنزلينها ... وحاولي مو كل يوم تتعتذري وحطي شرطات مثل ====== ..
بين الكلام ... ولاتخلي كل شىء عآآدي وإيزي عند البنات .. واتمنى مازعلتك .. وبالتوفيق .. سجليني متآبعة ..



^ لا ي بعدي افدتيني انشاء الله بعمل بنصايحك و على ايش ازعل كل شخص بينزل رواية ملزوم يتحمل اي نقد كان شكرا .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-03-2014, 09:19 PM
Sarab. Sarab. غير متصل
©؛°¨غرامي جديد¨°؛©
 
الافتراضي رد: قد السماء أنا أحبك/بقلمي


اقتباس:
المشاركة الأساسية كتبها غغمآزه :$ مشاهدة المشاركة


هلا اختي .. سراب ..

منوره ي ححلوهه ..
امممم روايتك احلى مافيها انو موازنه بين السرد والوصف والحوار لاكن كثري الوصف ..
زي مثلاً مشت حتى وصلت الى الخزانه السوداء او الى السرير الذهبي المنقط ..وإلخ!!
فاهمتني ..

اكملي ولا يهمك بس كبري الخط ل 5


غغميزتن اناا :$









^ شكرا , ابشري من عينيا بنكبر الخط , هو عقدتي الوصف بس بحاول اوصف قد م اقدر . ^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-03-2019, 12:09 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: قد السماء أنا أحبك/بقلمي


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

قد السماء أنا أحبك/بقلمي

الوسوم
السلآم , احبك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
هدفي شواطئ الغروب سكون الضجيج - مملكة العضو 528 25-01-2012 04:15 PM
حقيقة المسيح عليه السلام كما ذكرها القرآن LK G قسم المواضيع المخالفه للفترات الزمنية 3 01-06-2010 02:23 AM
تنتظر كلمة أحبك منهم و فيهم أرشيف الروايات المغلقة - لعدم إكتمالها 17 20-01-2010 09:30 AM
قصة أحلى صدفة البنت التي مؤدبة أرشيف الروايات المغلقة - لعدم إكتمالها 13 11-05-2008 11:18 AM
أدلة نبوة المسيح عليه السلام من الإنجيل دكتور حورس مواضيع إسلامية - فقه - عقيدة 5 23-04-2005 11:07 AM

الساعة الآن +3: 09:19 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1