دروب الغرام ©؛°¨غرامي جديد¨°؛©

السلام عليكم ورحمه الله
هاذي روايتي الاولى ان اعجبتكم واصلت فيها ..

بدينا نتجهز للعرس طبعا تسريحه الطيبين قرنين او ذيل الحصان وشوي وينتكش
انا امل 10 سنوات بملامحي شاميه (شعري طويل وناعم ولونه بني فاتح شديده البياض والنعومه عيوني واسعه من كثر غرابتي بين اهلي كل من شافني من الشباب يتذكرني )
اختي الهنوف عمرها 13سنه شعرها جعد اسود كثيف عيونها واسعه حلوه بملامحها العربيه الاصيله ثقتها وغرورها زادها حلاوه )

مو الوحيدين في العائله امي وعندي اخوان بس ماتوا بسبب امراض وراثيه مابقي منهم غير اخوي محمد وهو البكر بس مقعد واقرب للاموات وبعد مجدي حالته يرثى لها ..
ابوي بعد ماتوا اخواني ماعاد صفي غير بنات راح اعرس ونسانا
جدتي خالتي هم اقرب الناس لنا وجدتي من عمره الكبير مقعد ماله حس ابد


الكل تجهز وبنروح العرس من الصباح الساعه 9 طبعا هذا كان في عام 1410
وزواج بنات خالي لي مات بحادث سياره ومن طالب جدي وخالي الثاني بحضانتهم امهم زوجتهم بسرعه وافتكت منهم وبتعرس هي بعد


وصلنا لمكان العرس هو بالبيت مافيه قاعات وقتها
ندخل نسلم على وفاء وهي الكبيره من العرايس عمرها 15 وزوجها عمره 29 كانت هادئه ومستسلمها
بنت خالي الثانيه رجه ووناسه وعلى نياتها اسمها صفاء عمرها 13 وزوجها عمره 34 بالمره انظلمت المهم
وصلنا وطلعت انا والهنوف وصفاء نركض بالحوش ولعب بالطين والمويا وهبال الين نادوها صلاة العصر علشان تتجهز
امحق عروس ههههههه
دخلنا المغرب بعد ماتجهزنا بنشوف وش مسوين الا هي تحوس وتنادي امل تعالي
هلا صفاء وش فيك ؟؟
انا بسالك بشيء ضروري وقالب عقلي من وقت دخلت ..
وش فيك يالهبله قولي صافي قلقت عليك ..
قامت صافي تقول امي من دخلتني هنا قالت انتي واختك بيجي الماذون ويسالكم وجاوبوا عليه بنعم
وانا من وقتها افكر وش بيسالني هي اسئله صعبه ولاتنحل بسرعه ؟؟
تنحت فيها وانا وش بيدريني اسالي امك
حوارنا طفولي انا وياها عكس اختها الكبيره كانت تضحك وهادئه
المهم جلسنا انا وهي سوالف وتشدني بشعري والحقها ونتصافق الين جابوا الطبول وزفوهم بعد صلاة العشاء

تنونسنا وانتهى العرس ورجعنا على بيوتنا من الساعه 11

اليوم الثاني نقوم الا على صوت جدتي وامي يبكون اخوك مجدي مات وصار العزاء ثلاث ايام تعودنا ع هالحال
ومرت ايام كنا نكبر نحتاج اوقات حتى لكيس الخبز مانلقى من يجيبه ام وبناتها وولد مقعد

ابوي جاب ولد وسماه سامي كان يجي هو وولده يزورنا مره في الاسبوع
هذا وانا باقي عمري 6 سنوات لم وصل عمري 9 ماعاد نشوفه
وكان اوقات يغيض امي يجيب معه اخو زوجته هو من نفس عمري كان واسمه الحسن
كان هادي وكنت نجلس انا والهنوف نطلع هبالنا فيه

مرت السنين والحين صرت بثاني متوسط قام عمي خطبني لولده المهند
وخطب اختي لولده خالد (الغرض قصده يصونا ويبعد عيون العرسان عنا )
زوجته شرانيه ومن وقت الخطوبه وهي تصد عنا وتقول ماتنميتكم ماعاد ناقصنا الا اخوان المعوقين


طلعت بيت عمتي اخت ابوي حرمه كبيره ونلعب كنا كثير بحوشهم وسيع وحديقه تفتح النفس
عندها خمسه عيال وكلهم متزوجين ومخلفين عيال في اعمارنا واكبر
نزورها في الاعياد ونسلم عليها وننبسط مع البنات احفادها ونسهر اوقات الين الفجر ونرجع للبيت
ماكنت ادري ان بكل جلساتنا هناك فيه عيون تعشق جلستي وتراقبني
طبعا ولدها سعود عنده ثلاثه اولاد وبنت (الحسين وتيسير ومحمد والبنت ابتسام )
وباقي غيرهم ثلاث اولاد وبنتين مكلهم مخلفين عيال اصغر منا

كنت لابسه تنوره جنز وجاكيت احمر مع طولي وهيئتي ونحافتي وبياض بشرتي وعيوني لعسليه تلفت اي شخص امراه او رجل وقتها عمري 14 سنه
ادور بالحوش وراء البنات كنا نلعب على نور القمر ونقضيها كل شهر ع هالحال

صرت امشي وبهدوء وما احس الا يد تسحبني لداخل المخزن وتغطي فمي عيون تتاملني بصمممت وتتعمق بملامحي جمدت ذبلت اطرافي ...

دروب الغرام ©؛°¨غرامي جديد¨°؛©

طبعا راح اكمل معاكم ببارت ثاني اتمنى لكم قراءه ممتعه
واسفه ع الاخطاء الاملائيه وقل التنظيم ..
دمتم بخير وسعاده ..

ديمٌو ! ©؛°¨غرامي فضي¨°؛©



هلا هلا بـ دروب الغغرام ..,

منوره بطرححك .. جميله لاكن كبري الخط لـ 5 .!!
ولا تنسي الوصف حبيبتي .. البببارت قصيير ولساا ما عرفنأ شي +..
شنو الامرراض االورااثثييه اشرححي لنا وخلينا نتعمممق ف الروايه ..


لا تنسي تطويل البارتت
ومنورهههَ..

وردة الزيزفون
✿ إدارة الإقسام ✿

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1