غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-04-2014, 11:54 PM
صورة ضحكتي معذبتهم الرمزية
ضحكتي معذبتهم ضحكتي معذبتهم غير متصل
©؛°¨غرامي جديد¨°؛©
 
B10 روايتي الاولى : ارجوك هل يمكنك ان تحفظ سري


بسم الله الرحمن الرحيم
السلام عليكم ورحمة الله وبركاته
اليوم حبيتا ضع روايتي الاولى بين ايديكم واتمنى انها تنال اعجابكم ملالاحظه مهمه (( الروايه سعوديه خياليه شوي فلا تستغربون الاحداث )) وملاحظه ثانيه ومهههمه الشخصيه اللي بحددها مثلا تتكلم كلام في نفسها كيف تعرفون انها تتكلم في نفسها راح احط قوسين بين الكلام اللي تقوله في نفسها << يارب انكم فهمتووا طيب وانا اتقلب جميع ارائكم سواء كانت محفزه او انتقادات الشخصيات الفرعيه راح اعرفكم عليهم في الروايه والحين مع الشخصيات الرئيسيه
-لمار ال...-
فتاه بـ السادسه عشر من عمرها مواصفاتها : ملكة جماال ماشاء الله طويلة القاامه وشعرها اسود طويل لون عيونها سودا كاحله بيضاء البشره رشيقه ماتعرف ابدا كيف تظهر جمالها وهي شخصيه عصبيه والكل يسمع كلمتها , تعيشها مع امها واختها الصغرى , لان والدها تخلى عنهم , وترك خلفه كميه كبيره من الديون , وبسبب تصرفات والدها كرهت كل الاولاد واصبح لديها كره عميق جداً لهم .
التحقت بمدرسه ... الثانويه - والتي اصبحت مؤخراً فقط مدرسه مختلطه - .. , كان تضم فقط اولاد , ولكنها اصبحت تضم فتيات وفتيان بنسبه ( 80% فتيان و 20% فتيات فقط لمار عملت بجهد كبير حتى تقوم على حماية الفتيات .
وبسبب الديون الكبيره التي تركها والدها لهم , هي تعمل في مقهى كخادمه ( او نادله ) حتى تساعد والدتها على تسديد كل تلك الديون , ولكنها لا تريد لاي احد من المدرسه ان يكتشف سرها هذا ,لانها تظن وبنظرها انه لو اكتشف احد ذلك سوف تفقد كرامتها واحترامها لهم بكونها رئيسه مجلس الطلبه .
_ عمار ال..._
فتى ب السابع عشر من عمره مواصفاته : جميييل جدا بكل ماتعنيه الكلمه طويل القامه عشره قصير ولونه اصفر لون عيونه سماويه << تذبح ابيض البشره جسمه جسم رياضي << عذاب قلبي الصغير لايتحمل هههههه واحد من اكثر الأولاد شعبيه في مدرسه .. الثانويه , يعطي قليل من الاهتمام لكل شيء يفضل أن يبقي على الاشياء دون أن تنكشف , لديه موهبه عديده في الكثير من المجالات . لكن طور رغبه لديه ليعلم امور اخرى عن لمارو اول شيء عرفه هو انها تعمل في مقهى , ولكنه يقرر أن يحفظ سرها وقريباً يقع في حبها . في حين انها ترفض سلوكه بالمضايقه , لكنه يستمر في مراقبتها و حمايتها , ويعطيها المشوره حول كيف تتعامل مع الاولاد في مدرسه .. الثانويه على نحو فعال وعادل . انه يبدو الطالب الوحيد الذي تتعامل معه لمار كشريك بشكل متساوٍ معها . القليل فقد يُعرف عن خلفية عمار وهو لا يتحدث كثيراً عن ذلك ايضاً , على الرغم من أن لديه الرغبه ليقول للمار . لديه أخ اكبر منه ويعيش في شقه منفصله .
طبعا ماراح نتطرق لاخوه انه طباخ ماهر, و يلعب الشطرنج , وذكي , متفرغ اغلب الوقت ودوماً يظهر بشكل غير متوقع .
_ والدة لمار_
انسانه طيبه وحنونه على بناتها ماتحب تتعب أي وحده فيهم تشتغل عشان تقلل من الديون اللي تركها زوجها
_ لمى ال..._
اخت لمار الصغرى شخصيه مرره هاديه بعكس لمار جميله وكتكوته تشبه كثير لمار مع انهم مو توائم
_ ريما ال..._
صديقة لمار المقربه مره عسل وجميله مواصفاتها شعرها طويل لونه بينك دايما تسوي قرنين معطيها شكل طفولي ملامحها بريئه جدا حبوبه متوسطه في الطول رشيقه بيضاء البشره لون عيونها بنيه تخيليتوا شكلها مره كيوت صح ههههه
_ وسن ال.._
حتى هي صديقة لمار المقربه وصديقة ريما مواصفاتها شعرها اسود قصير شوي نحيفه تلبس نظارات متوسطه في الطول المهم ترا كلهم ريما ولمار ووسن نفس الطول انسانه كتومه جدا بس لحد يخليها تعصب اذا عصبت الهدوء هذا انسيه وشخصيتها غريبه
مراد وخالد و نادر:هم اصدقاء دائما مع بعض في البدايه يكونون اقوياء ولهم شخصيه بس بعد مايحبون لمار تغيريون الف مليون درجه
وباقي الاشخاص راح نتعرف عليهم في الروايه والان ا ترككم مع الروايه
*روايه ارجوك هل يمكنك ان تحفظ سري*/بقلمي
المرأه تستطيع بقوه اتساءل كيف يمكنني النظر اليها المستقبل رفعني للأمام اتساءل مالذي سيحصل بعد الان مانراه ليس كل شي اخسر نفسي ولكن لابأس بهذا سأحاول الان ان لا اتردد اريد ان اكون صادقه مع قلبي لكنني ايضا امتلك سرا اريد ان احفظه لنفسي هذا السر يجعل قلبي يؤلمني قليلا.
-----------------------------
& البارت الاول &
لمار: كم مره لازم اقول هذا مراد الحلق ممنوع وانت يا خالد سكر ازارير قميصك وانت يا نادر البس رتب شكلك وسكرت باب المدرسه لمار : ماراح تدخلون المدرس الا وانتوا مغيرين اشكالكم ومنتظمين مفهوم وراحت وتركتهم وجلست على الطاوله لمار : ااه لؤي جمعت كل اللي طلبته منك لحظه اعرفكم بلؤي _ لؤي ال.._ عمره 16 سنه هو نائب للمار وهو فتى خجول جداً , يبقى مخلص دائماً لؤي : يالرئيسه ضروري التهيئات لتعليم الطلبه لمار بصراخ: ضربت يدها على الطاوله ياغبي هذا شي اكيد لؤي بخوف : ح ح حاضر لما تتذكر قصة المدرسه ... قبل سنوات مدرسه .... الثانويه كان فيها الكثير من الاولاد والبنات قليلين وبما اني صرت رئيسة مجلس الطلبه بأوري هاذولي الاولاد كانوا الاولاد يسوون اللي يبونه عكس البنات يسكتون ويصبرون وعلى شان كيذا لازم اغير الوضع وبثقة المعلمين والمعلمات جاني منصب الرئيسه لمار وهي تمشي في الممر شافت الاولاد الثلاثه وهم مراد ونادر وخالد/مع بنت مراد : قلت تكفين خلنا نتبادل الشغل انتي تنظفين بدالي البنت : بس عندي اشغال اسويها خالد : يلا بس اليوم لمار: كل واحد يسوي شغله بنفسه سوو شغلكم ولا بتنظفون دوره المياه ( وانتوا بكرامه ) لمده اسبوع البنت : ا الرئيس لمار : اتركي الموضوع علي البنت : طيب وراحت مراد: يووه انتي مره ثانيه لمار: هذا اسلوب يالثلاثي الغبي الاغبياء مثلكم ما يستحقون اني اناديهم بأساميهم وصح ماقلت لكم تغيرون اشكالكم عطني الحلق مراد: ايه ايه بعطيك اياه بس بعدين لمار : لاتلعب معي مراد: انتي مزعجه انا قلت لك بعطيك اياه وكان بيعطيها بكس بس مسكت يده لمار: اتوقع اني قلت لك الحين تعطيني اياه وخاف مراد خالد: يوه والله انه متهور كأنه مايعرفها لمار: انا بأصادر هذا الحلق وراحو يركضون كلهم لمار :انتظروا واشغالكم وتسمع صوت بنت تبكي لمار: وش هذا بعد وراحت للمكان اللي فيه الصوت كان فيه مازن وبنت تبكي لمار: وش قاعد يصير هنا مازن لف لها : مافي شي بس رفضت حبها لمار: انت مره ثانيه (خليت البنت تصيح) وراحت البنت تركض وتصيح لمارتأشر على مازن : ماقلت لك تكون حذر في كلامك انا راح اسامحك هاذي المره بس اذا خليت بنت ثانيه تصيح لاتلوم الا نفسك وراحت مازن : كم مره قالت هذا الكلام وجت الطلعه لمار وهي تمشي (الاولاد اللي يبكون البنات اكرههم ) وصلت لبيتها ويوم تفتح باب بيتهم اللي برا طاح وانكسر لمار:كلهم انكسروا وفي نفس الوقت هذا اكيد تكلفت تصليحه غالي ودخلت البيت لمار: انا رجعت وهي تمشي دخلت رجلها في الخشب وانكسر طبعا هم بيتهم كل شي فيه قديم والارضيه من خشب لمى: اوه رجعتي يااختي لمار: وش في الارضيه انكسرت بسرعه لمى: جاه ثقب وانا امشي عليه اظاهر ان الارضيه صارت ضعيفه لمار:طيب يوم طحتي فيها تأذيتي لمى شافت لمار وسكرت الباب وماردت عليها لمار: اظاهر ماجاك شي ههه وفي غرفه ثانيه كانت ام لمار تزين العاب وتلونها عشان تبيعها لان حالتهم الماديه مره متدهوره لمار: يمه امها:لمار لمار: السلام عليكم امها : وعليكم السلام هلاوالله ببنتي لمار:كنتي في المناوبه في الليل في المستشفى امس صح يمه جسمك صار ضعيف لاتجهدين نفسك امها:لاتخافين مااقدر اخليك تتحملين كل هذا الشغل لوحدك انا بعد لازم اسوي اللي علي لمى:لوما اختفى ابوي وتركنا في كل هاذي الديون ماصار لنا كل هذا لمار:اسكتي لاتقولين كلام ماله داعي لمى:ايه صح مديرتك اللي في الشغل الجزئي اتصلت تقو احد الموظفات ماتقدر تحضر فا عشان كيذا كانت تسأل اذا تقدرين تاخذين مكانها لمار:صدق اجل لازم اروح الحين كان لازم تقولين هذا لي من اول بتأخر باي وراحت تركض لمار:يووه طحت في الحفره مره ثانيه لمى:اختي حطي هذا في صندوق البريد في طريقك رجعت ومعها ورقه اخذت لمار الورقه وراحت بسرعه لمى:صدق اختي تحتاج لجوال حتى لوكنا فقراء وفي المطعم اللي تشتغل فيه لمار ويجي زبون وتنحني له هي وصديقاتها:اهلا برجعتك سيدي >< ماعرفت اعبر عنها مشوها لي هه نرجع للروايه دانه: تعال معي رجاءا المديره:لمار لمار:نعم المديره: انا اسفه على التأخير المفاجئ لمار:لالاعادي واحد من الزبائن:ااه ياخادمه لمار:نعم الزبون: ابي رز ودجاج لمار: رز ودجاج حاضر راح ارجع لك الحين وجا الليل وراحت لمار ترمي الزباله ( وانتو بكرامه ) لمار: ااه احس اني مااقدر اتعود على هذا ماعندي الوقت لشغل مجلس الطلبه مع ان هذا الشغل يدفعون لي راتب حلو ايه وش اسوي هاذي هي الحاجه وفجأه يمر من عندها واحد وقال : واااو شهقت ويوم انتبهت صار صار صار صااار مازن مازن:هذي مفاجأه وراح وتركها لمار:ااااه مازن راحت غرفه في المطعم لمار:انا غبيه غبيه اكيد راح ينتشر الخبر في المدرسه كل شي سويته بيروح على الفاضي اذا عرفوا اني خادمه ودخلت عليها دانه والمديره المديره:لاتخافين عشان شغلك لمار:لا ماعليكم انا بخير وطلعت لمار من المطعم وفجأه شافت مازن مازن:اوه رجعتي لطبيعتك لمار:هاه وش فيك وش تبي مازن:مافي شي بس حبيت اتاكد ان اللي شفتها قبل شوي الخادمه انها انتي ليش تشتغلين شغل جزئي هنا راحت لمار لمازن ومسكته على كتفه لمار:خلنا نتكلم في مكان ثاني وراحت وقالت له كل شي مازن: اها ظروف عائلتك مره سيئه لمار:ايه مازن:هذا قاسي عليك ايه عشان كذا دخلتي المدرسه هاذي مع انك تكرهين الاولاد بس عشان ايجارها رخيص صح لمار:ايه وفي البيت لمار:مااقدر اتحمل افقد سمعتي بس عشان شي سخيف مثل هذا ااه هذا بيصير صعب علي وبعد ثلاثة ايام وفي المدرسه وهي تمشي في الممر سمعت ولد يتكلم ذيك الخادمه لمار:هاه خادمه من وش فيها الولد :ااابس في خادمه بيجيبها ابوي لبيتنا لمار:ايه بس وراحت تركت الولدين :شوفيها اليوم تخوف لمار:يوه اذا سمعت كلمة خادمه انهبل في شي غريب لحد الان مافي احد قال لي خادمه يمكن مازن نسى الموضوع وانه اشفق علي مااحب كذا بس هذا احسن لي ريما:لماااار لمار : اا ريما و وسن ريما : انتي تعبانه لمار:لا بس كنت افكر في موضوع ريما:طيب ابي اطلب منك معروف وطلعت برا كان في الكيس اللي يضربونه حق الملاكمه مرمي على الدرج ويسد الطريق لمار:هذا حق نادي الملاكمه صح وسن:عشانه في الطريق ماقدرنا نوصل لغرفة النادي وكان مازن مار من عندهم سمع كلامهم ووقف لمار:انا بأوريهم بعدين بس الحين لازم ابعد هذا الكيس عن الطريق بعدوا ريما:بس هذا ثقيل عليك لمار:خليه علي وشالته ورمته بقوه على الارض قدام غرفة الملاكمه وطلعوا كل اللي في نادي الملاكمه لماربصراخ:انتم تخلصوا من فوضتكم الاولاد كلهم خافوا وشالوها ريما:هذا ماتوقعته منك انتي قويه لمار:عادي ماكان ثقيل ريماحضنت لمار:شكرا لك وربي احبك وسن :تفضلي زهره بيضاء لك لماراستحت:شكرالكم وكان مازن يشوف لمار ريما:مازن يشوفك لمار لفت وشافته ارتبكت لمار:وش تناظر مازن تأفف وراح لمار:وش قصده بهذا مافهمت ريما:ااه مازن جميييل مرره لمار:هااه ريما:اهو اكثر الاولاد تميز ويلغت انتباهك ذكي ونظراته تدوخ بس مايهتم للبنات وسن:مع انه كثير من البنات يعترفون بحبهم له لمار:اه مااقدر افهم كيف البنات يفكرون ابد (اها فهمت عشان مايهتم للبنات مااهتم باللي عرفه عني) لمارتتقبل الزبائن وفجأه يجي مازن للمطعم لمارانصدمت:ليش انت لي شانت جيت هنا (ما افهم وش يبي وش يفكر فيه ) الخادمات : يوه شوفيه مرره حلو لمار)ايه اكيد جا عشان يضحك علي انا ) لمار:هلا فيك بمطعنا وابتسمت وجلس على الكرسي وحطت له الطلب لمار:انا اسفه تأخرت في الطلب مارد عليه بس كان يناظر لمار المديره:اهو صديقك كان طول الوقت يناظرك لمار:لا في اليوم الثاني وفي المدرسه لمار:اكيد اهو فرحان وهو يعذبني نفسيا يناظر فيني لاكثر من ساعه وهو يشرب القهوه ااه في الايام الاخيره صرت اتعب وصايره كسوله وفي المطعم كان فيه مازن لمار:جا هينا مره ثانيه المديره:مثل ماتوقعت اهو مهتم فيك لمار:هاه المديره:اهو يناظرك بنظرات كأنه خايف عليك راحت لمار تتأكد من نظراته كان ياكل الايس كريم وهو يناظر لمار انصدمت وفي نفس الوقت استحت في المدرسه لمار:هو بس يتسلى بحركاته هاذي ولا مستحيل يكون خايف علي انا متأكد هان يلعب علي وراحت للفصل وشافت اولاد معهم مجله لمار:وش هاذي المجله الولد:بس مجله نتصفح فيها سحبت لمار منه المجله لمار:بأخذ هذي المجله لانها ممنوعه الولد:وش هذا ليش تمنعينها عن الاولاد وتسمحين للبنات الولد2:انتي مره جاده معنا لدرجه انك موعاديه مع الاولاد الولد3:اذا كنتي تبين تصيرين جديه معنا صيري بعد مع البنات جاده لمار:فهمت بشوف القوانين بعد ما اراجع المجله وخلاص كل من الاولاد والبنات اكتبوا لي المجلات اللي تبونها وكل مجله بتأكد اذا عادي تدخل المدرسه ولا لا البنات و الاولاد البنت:بس بيصير عدد الطلبات كثيره عليك ماراح تكونين مشغوله لمار:مااهتم عادي انا رئيسه هذا شي عادي بالنسبه لي وكل هذا الكلام كان مازن يسمعه وراحت المكتب حقها وصارت تشتغل لحد غروب الشمس لمار:ااه انا مشغوله مره متى راح اخلص مازن:يالرئيسه انتي تعبانه صح لمار وقفت و بصراخ:انت وش تسوي هنا مازن:انتي تتعبين نفسك لازم تخففين على نفسك شوفي نفسك كانت تعبانه وياله تتوازن وفجاه طاحت بس مسكها مازن انصدمت ودفته لمار:لاتقترب مني انا ما احتاج مساعده من احد مازن:فهمت وراح وتركها وصارت تكح وفي المطعم طلعت برا المطعم وهي تكح لمار:ماقد صار لي كذا لين الحين ماخلصت اشغالي وكاانت تتذكر كلام مازن ...: هاذي هي الرئيسه صح لمار انصدمت كان الثلاثي المرح هههه خالد:الاهي مراد:اها خادمه خلونا نعلم كل اللي في المدرسه يكفي انك اخذتي حلقي وهذا عقاب لك وطلعوا جوالاتهم بيصورونها وينشرون صورتها لمار كانت بتروح بس مسكها مراد من يدها:شكلك تبين تتهربين انتي دايما تجرحين الاولاد بس انتي في الاساس خادمه لمار: اتركني مراد:انا بتركك بس بعد ما تخدمينا لمار ) احس اني ضعيفه ) ومراد كان بيلمس كتفها وفجأه ضرب يده مازن مازن:لاتلمسها وشدها وخلاها قريبه منه لمار انصدمت كلهم: انا اسفين وراحوا ركض مازن:انتي بخير ويحط يده على جبينها مازن:يوه حرارتك مرتفع لمار:ااانا اسفه كانت ماتقدر تتكلم لان كان فيها حراره ابتسم لها مازن مازن:لاعادي بس ارتاحي لمار مال راسها شوي انتبه لها شافها نايمه لمار صحت لقت نفسها في سرير غرفتها وامها جالسه عندها امها:اتصلت المديره قبل شوي وقلت لها انك تعبانه لمار قامت امها:يلا يلا ارتاحي ونومي وطلعت امها فجأه لقت بيدها شال وتذكرت ان هذا الشال شال مازن غطاها فيه وفي اليوم الثاني وفي المدرسه وبالتحديد في السطح كان جالس مازن على الارض ولمار واقفه مازن:لاتخافين هاذولي الاولاد ماعلموا احد انك خادمه لمار:صدق كيف وش سويت لهم مازن:ولاشي قلت لهم هذا سري لاتنشرونه لمار:اجل كنت تتسلى بهذا قصدها انك عرفت اني خادمه مازن:عشاني لوقلت لهم اني كنت خايف عليك بتعصبين صح لمار صعبت ومشت لعنده مازن:انا ماعندي مانع لو انشر هذا الخبر في المدرسه وقفت لمار مازن:هذا الشي ماراح يغيرك بس كوني فخوره بنفسك لمار:امس كنت اسال نفسي لي شانت واحد مزعج مازن: يعني مافي شي قلته حلو لحد الان لمار:انا اكره الخساره فأنت تخليني اعصب اذا خسرت قدامك عشان كذا كنت تزعجني وانت دايما تساعدني راح اصير قويه بعدين راح يجي دوري لاخاف عليك مازن انصدم من كلامها لمار: ايه صح نسيت الشال حقك انا مااحب ادين لاحد بشي بس مااقدر افكر بهديه شكر مناسبه مازن:طيب لمار:في شي تبي تقوله مازن:وش رايك تصيرين خادمتي الشخصيه لمده يوم واحد لمارحمر وجهها :هاااه
انتهى البارت بنات والله تعبت وانا اكتب هذا البارت ان شاء الله تعجبك الروايه وربي متعوب عليها ان شاء الله اشوف ردود كثيره ترضيني والروايه هاذي مره حلوه ماراح تندمون على انكم قريتوها بليز ابيكم تخبرون اذا عجبتكم الروايه او راح اوقفها وبس انتظر ردودكم ع احر من الجمر ...*



تعديل ضحكتي معذبتهم; بتاريخ 04-04-2014 الساعة 12:19 AM. السبب: نسيت كتابه كلمه
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-04-2014, 12:20 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى : ارجوك هل يمكنك ان تحفظ سري


صباح الخير .. ياهلا فيك بغرام .. موفقة بطرحك .. عزيزتي طريقة البارت ماتشجع القارئ انو يقراء البارت السطور كلها على بعض نسقي البارت وباعدي بين السطور افصلي الحوارات عن بعضها

لاتعتمدي على الحوار استخدمي السرد والوصف لمكان الحدث وللشخصيات .. اما بالنسبة لفكرة الرواية بصراحة ابد مااقنعتني حتى لو الرواية خيالية لكن مااستخدم شئ مستحيل واحداث مستحيلة بمجتمع مايتقبل الافكار الي طرحتيها

ايش الهدف من رواية تعتمد على الاختلاط بالدرجة الاولى .. رواية بعيدة عن ديننا ومجتمعنا .. الخيال المفروض يساعد الكاتبة انها تبتكر احداثها بطريقة معقولة .. مو انها تشطح بالاحداث لدرجة بعيدة عن الواقع لو اخترتي مجتمع غير السعودية مجتمع فيه هالاشياء راح يكون الوضع مقبول لانك ماابتعدتي عن الواقع



القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-04-2019, 11:08 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى : ارجوك هل يمكنك ان تحفظ سري


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

روايتي الاولى : ارجوك هل يمكنك ان تحفظ سري

الوسوم
ارجوك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6834 29-03-2019 01:27 AM
روايتي الاولى في النهايه انا احبك ضحكتي معذبتهم روايات - طويلة 0 07-01-2014 12:51 AM
روايتي الاولى بعنوان / المجهوله داليا - أرشيف الروايات المغلقة - لعدم إكتمالها 2 14-10-2013 09:29 AM
روايتي الاولى :- أحببتك أنت ولم أحب غيرك ShathaR أرشيف الروايات المغلقة - لعدم إكتمالها 3 17-09-2013 01:50 AM
روايتي الاولى براءه الحب الدنيا بدوني مشكله أرشيف الروايات المغلقة - لعدم إكتمالها 2 15-01-2013 01:54 AM

الساعة الآن +3: 09:50 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1