منتديات غرام روايات غرام أرشيف الروايات المغلقة - لعدم إكتمالها بهمسلك أحبك خذني بين يديك وأنسيني جروحي
سهام الصمت ©؛°¨غرامي جديد¨°؛©



مرحبااااااا ياحلوين
حبيت أنقلكم رواية حبيبتي الحكيمة
صحبتي بالجامعة
تكتب روايات بدي تفاعلكم عشان تنزل البارتات
سريييع


هذي هي الرواية


البااارت الأول:

الرياض :
الساعة : 10,22 مساء
داخل السوووق وفي سوبرماركت كبيير .
كان واقف ورا الكاشير يحاسب .
طوييل نحيييف أبيض , عيونه عسلية , ناعسة رموشه طويلة , شفايفة وردية ,
شعره بني ناعم ,
لابس بلوزة بكمام بيضا وعليها جاكيت زيتي وبنطلون جينز.
كان شكلة ... خقق
وكانن البنات طبعا عند كاشيره يبون يحاسبون عندة وكل وحدة تدلع عندة
وهو كان يرسم بسمة على وجهه
ومن بين البنات كانت وحدة الي ابتسملها
وقالها :
"هلا وغلا بالحلا.
أبتسمت ورحت تقهر البنات وتقدمت اكثر .
" هلابك أخووي "
البنات هنا ارتاحن .
" من جابك ؟ , نايف .
" أيوة يالله روح معنا بنتعشى ونرد للبيت "
ونادا الهندي وقاله :
" أنا رايح حاسب البنات "
" أوكي خلاص رووه"
وطلع ويا أخته والعيوون تلاحقة .
برا كان في بنت ووواقف حدها واحد شبهه بس عيونه رمادية .
ووقف عندهم بطلنا ابو عيون عسلية قال لهم :
" هلا بحايبي هلا نورتوو السوووق "
وتحركت اخته الي ويا توأمة بدلع تقول:
" الله يخليلكم هاالمبات الصفر "
ووضحكوو على كلامها .
ابو عيون رمادي قال:
" ههههههههه يحليلك ياغلا , حوور خلصتي شغل خلاص؟"
ابتسم ابو عيون عسلية وببتسامه تدوووخ , وصووت كلة أنوثة :
" يب خيتي نوور ."
(( نوقف شوي عند الأربعه , ابطال روايتنا , الولدين التووووم " بنات " متنكرات ,
الي عيونها عسلي اسمها حور , والي عيونها رمادي أسمها نور , عمرهن 20
ام البنت الي كانت مع حور بسوبرماركت ** أسمها شوق , عمرها 24
و البنت الي مع نور أسمها ** غلا عمرها 18 ,
ذوول هم أبطالنا وباقي التفاصيل تابعوني )
تحركو الاربعه لوحدة من مطاعم السوق وطبعا مكشوفة للي رايح والي جاي
جلسو حبايبنا على الطاولة يتعشو
حور: " أتصل اليوم " اليكس" , قال أنه حيوصل الجمعه الجاية ."
شوق:" خالي اليكس وراه شي أحنا نجهلة "
حور :" أكيد ولا ليه أجبرني أنا ونور أنا نكووون أولاد ونعيييييش مثلهم "
نور:" أهو قال بوقت ثاني أشرحلكم كل شي ."
غلاء :" ياهووة أنبسطوو من قدكم لكل وحدة سيارة وتطلع وتروح ومحد يمها ."
ظربتها حور على راسها وصرخت غلاء :
" ايييييي , ليه ظربتيني ؟"
حور :" تستاهلين , على بالك مرتاحيين , لا يختي , حتى وأحنا بهاالشكل ,
نتلقى أسواء السب و الشتم , ولا طلعتنا بلا عباه ونمشي بين هالرجال وكأنا منهم,
مووو مرتاحين أبد.
كانت نور تأشر للبنات وتغمزلهم , ظربتها حور وتهمسلها:
" أش تسويييين ؟"
نور :" عادي امثل دوري مزبووووط , فديتهن شوفي عيونهن ههههههه على بالهن خقق, مساكييين الكحل من كثرة مغطي عيونهن , أهبااااااال.
شوق :" حراااام عليكي نوور , البنات خاقت بجد هههههههه"
حور :" ماخذا الدور جد وجالسها تغازل عييييب والله عييييب ."
غلاء :" بوييية وعععع ."
ظربتها حور مرة ثانية
غلاء: " اييييي , أشووفك ماخذا دور الأخ جد أنتي بعد , عورتيييني ."
حور:" تستاهلين , وبعدين بسك أكل ."
وسحبت الصحن من عند غلاء الي صرخت :
" بعدي ماشبعت ."
شوق:" وأنتي تشبعين , طالعي شكلك صايرة باندا."
غلاء :" أنا عاجبني شكلي كذا , حوور والله حرام مشتهيته ."
حور:" هههههه خلاص خذي , يالله لازم نرووح ."


وتحت بالمواقف كانت حور تمشي وهي عينها بجوالها وكان واحد يمشي وعينه بجواله .............
طررررررررررررررررخ
حور:" إيييي .
الولد بسرعه نظرلها بس نظرة أشتئماز ...
حور:" ماتشووووف ؟
الولد:" لا عاد أنت الي مفتح .
حور فهت فييية.
طويييييييل كتوفة عريييييييضة عيونه بنية حااااادة شعره أسووود ذبلان وجهه طويل ابيضاني , وسكسوكته معطيته جاذبية .. يعني بختصاار خققققققق.
الولد :" خييير أخوي مضيع شي بوجهي .
حور:" أبعد أقوول عني بس.
ويوم تحركت الولد مسسسسك أيدهااااااا . بهمسلك أحبك .... وخذني يديك وأنسيني جروحي




"""" أحببتك فأحبيني ...
""""أبتسمت لك فأبتسميلي.....
"""" أنظر إليك فابادليني النظرات ...
"""" وزوريني فأحلامي ...
"""" وزوريني بعد مماتي ...
"""" فاقلبي لم ولن ينبض الا لكي .





البارت الثاني :


مسسسسسك يدهااااااا
حور سحبت يدهااا بسرعة ..
وأبتسم صاحبنا أبتسامة أشتأماز وبنبرة سخرية قال لها :
" روح يابوي كمل مسجاتك ويا حبيبك "
حور عصبت وبصراخ ... طبعا بصوت رجالي :
" ليييييه على بااااالك ااااااش ؟"
ونادى شاب ثاني من بعييييييد :
" فرااااااااااس ~"
لف فراس و اشر بيده ..:
" هنا خالد "
وعطاء حور نظرة وقال :
"شف من الأخر .... موووووو فاضييييييييي لخكررررررررري."
حور هنا تنرفزت وقالت :
"خكري ما غيييرك ياااا ........">>طووط طوووط ما اسب احد مساااااالمة ههههههه
فرااس مسك بلوزتها من تحت رقبتها وقربها وهوووو شااااد عيووونه وقال بتهديييد:
" شف أنا ساكت وكافييك شري بسسس لصبر حدووووووود , عييييييد كلمتك وراح يصيرلك شييــ؟!!!"
فرااس سكت ..... بلم .... عيونه في عيونها ...... وهي غمضت خوووووف .....
طالع في جبينها .... في عيونها المغمضة خوووف .... في أنفها .... بشفايفهااا ....
ورماااها وهو قرفاان منها وقبض على يدة وراح وتركها .
خالد قربله وقال:
" أشبك من هذا الأجنبي ؟"
فراس مشى من دون يتكلم .
أتعجب خالد ولف لحور الي أختفت وراح يطالع حولة , ولحق فراس .
في السيارة كانت حور تسووق وكانت شووق معها .
شوق:" أشبك ؟ , من ركبنا وأنتي ساكته وسرحانة ."
حور :" ولا شي بس تعبانة من الشغل ."
شووق : " أنزين خالي آليكس بكرا جاااي ؟"
حور :" أيوها بكرا راح يجي ,الله يستر ما يزورنا الا وراااه مصيبة ."
(( نوقف شوي من شااان نتعرف على ابطالنا " فراس " و " خالد"
فراس " طويييل أكتافة عريييضة , وشعرة اسوود ذبلان وجهه طوييل أبيضاني , له سكسوكة , عمررره 23
وهو شخصية جديه ومزووح وحنون وعصبي كلش كلش .
خالد " طويل متين شوي ابيض وله شنب خفيف عيونه وسيعه شعره اسوود وهو صديق فراس من الطفولة .
عمره 23 " ))
في عمارة من عماير الرياض البسيطة وبحارة بسيطة, وفوووووق بالملحق .
وفي الداخل ...... كان كل شي بسسيييط ..... الفرش موكييت وزوالي و مخدات ...... كانت الصالة بس كنب .
شووق كانت تغسل بالمطبخ ....
غلاء كانت تتفرج في التلفزيون على مسلسل كوري وتاكل مكسرات ....
( نوقف نتعرف على غلاء وشووق ..
شوق " طويلة بس أقصر من حور ونور , رشيقة , بيضاء شعرها اشقرر طويييل لين اخر ظهرها , عيونها عسلية , شفايفة وردية
ورثت جمالها من أمها الفرنسية " سالي ", عمرها 23
غلاء " قصيرة مليانة شوي , بييضاء , عيونها عسلي , شعرها اسود لين اكتوفها . مرحة دمها خفيف بعكس شووق خوافها وتمشي جنب الحيط على قولهم .... مسالمة يعني . عمر غلاء 18 . )
كانت حور منسدحة على سريرها .......
كانت غيييير ..... شكلها كله أنوووووووثة..
لابسة بجامة ليموني وعلى البلوزة صورة فرااشة زهري ..
لابسه طوووق زهري منقط ليموني .
وكانت تقراء كتاب .
نور كانت على السرير الثاني ونفس شكل حور بس بجامتها الوانها عكس ... كانن يشبهن بعض الا بلووون العيووون حور عسلي ونور رمادي .
...........
ورن جوااال حور .. وجلست وأبتسمت وهي تشووف الاسم وردة ببتسامة :
" هلا وغلاء ومسهلا . "
......
في الطرف الثاني ,
كانت جالسة قبال الاب والشي جنبها وبالحديقة حول قصر كبييير ... >> يعني بنت عزز
كانت لابسة بنطلون أسكيني وردي وبلوزة بيضاء حرير طويلة شوي
شعرها اسود ناعم بس مموج لين نص ظهرها ..
أبتسمت وقالت :
" هلابك زووود ... وينك يالقاطعة ."
حور:" والله أشغاال ... أنتي شخباارك ؟."
نور :" من تكلمين ؟"
حور :" رييم "
نور :" سلمي عليها ."
رييم :" من جنبك ؟"
حور :" نوور , تسلم عليك ."
ريم :" الله يسلمها سلمي عليها ... أقوول بتروووحو الجامعه الأسبوع الجاي ؟"
حور:" أكيد ... أنشاء الله ."
ريم :" أخاااف لبس الجينز وتفرفر جازلك ."
حور:" هههههههه حراام عليك , والله طول اليوم أحاسب بس ."
ريم :" الله يقويكم ."
حور :" مو ناوية تزورينااا ."
ريم :" ايوالله مشتااااقة لكم ومشتاقة لدبة غلاء ومشتاااقة لطباااااخ شوووق "
حور :" خلاص تعالي السبت ."
ريم :" أوكية الحين لازم أسكر بدي أدخل المنتدى ."
حور :" أوكييية الله معك غلاي ."
وسكرت رييم ... وحطة الجوال جنب الاب .. وكتبت ( همس الخيال ), ودخلت المنتدى .
وكتبت في مدونتها (( أشتااااق لك كاشووووووووق الورد للمطر ...... وأحن الييييييك كاحنيييييين الحماااااام لديارهاااا ...... وأحبك كما أحب الطفل حظن أمة )).
(( نتعرف على ريم , طولها وسط رشيقة شعرها اسود وعيونها سوداء بيضاء عمرها 20 .
صديقة حووور من عمر وتعرف عنها كل شي , ريم بنت من العائلات المرموقة والغنية , بس متواضعه وحنونة <<< لعيوونك غلاتي ريم .))
اليوم الثاني .
وصل آليكس خال البناات .
وكانو جالسين بالمجلس .
كانوا في حالة صمت ..
آليكس:" كما أخبرتكم , سيذهبن حور ونور إلى هناك ." >> الفصحى يعني أنجليزي طبعا .
حور:" هذا مسسسسسستحييييييييييييييييييل ."
نور :" ما تطلبة صعب صعبا جدا ."
آليكس :" أن لم تفعلن ذالك سأقدم أوراق التزوير الخاصة بكن , و واوراق دييون والديكم إلى الشرطة , كما أنه يمكنني فعل أكثر من هذا ."
شووق :" لكنك تطلب منهن مخالطة الرجااال ."
آليكس :" الا يفعلن ذالك الان ؟."
حور :" هذا مختلف , أنت تطلب منا الذهااااب لجامعه ال......., وهي لرجال فقط ."
آليكس :" ستذهبن الأسبوع القادم وستدرسن هناك والا سأفعل ماقلت قبل قليل ."
البنااات يطالعوا ببعض بيأس , وكأن أيدينهن مكبلة .
..............................................

نلتقي بأصوات عالية ... نتشاجر ونتشابك باليادي ...
نصمت في لحظاااات تعجز فيها الكلمات الخروووج ...
نبتسم وتكووون عنواناً للمحبة والسلام....
نتصادق بالخير والوفاء و الجميل ...
ونتشارك همومنا ...
هنا تبداء الصداقة ..
فلا تجعل نهايتها خيانة ...




تجهزو نور وحور لدوووم .... بس وين ؟!!!!
لجامعة شبااااااااااااااب .
لبسو و تزهبو وكأنهم أولاد
طبعاً شكلهم زي بعض ...
بنطلووون أسود وبلوزة بيضاء وشعرهم مفروود عاادي ..
المختلف بس عيونهم .
وقرب وقت الجد ....
ركبوو مع بعض والي تسووق حوور ...
وطووول الطريق ماتكلمووو ...
ووقفو عند الجااامعه ...





البارت الثاااااااالث :




نزلو حور ونور وهن ميتاااات خوووف ...
نور مسكت في حور وهمست لها :
" طالعي كلهم يطالعووونا , حوور أنا خايفة ."
حور:" تصرفي عادي ولا تهتمي لحد بنمشي و نتصرف عادي ."
ودخلووو ...
وكانن يسمعن كلاام يتحاذف من كل مكان عليهن .
الي يقووول خكريييين , والي يقوول .. جنس ثالث , ومن هذا الكلااام .
وهن يمشن وقفت قدامهن شلة شبااااااااب .
حور كانت واثقة ومهزها شي , أما نور كانت خايفة رغم أن نور وحور تعلمن الكاراتير في امريكا .
حور :" خير في شي ؟"
تقدم واحد من الشباب وكان عملاق بنسبة لهن .
وقف قدام حور وبصوت يخووف وخشن :
" أشوووف الشبااااااب النواعم كثرو هالايام , موضة الموووسم يعني ."
والشباب كلهم :" هههههههههههههههههههههههههه ."
حور وبكل ثقة :" يمكن , أنتبة أخاف تجرك وتجر أصحابك وتحطور رووج وكحلة ."
نور مسكت يد أختها بخووف .... الشاب عصب وقرب بيصفقها كف بس مسكت يده وبحركة دفاع عن النفس الي تعلمتها بالكراتير
شقلبت الشاب رغم كبر حجمة .....<<أكشن ... بتعلم الكراتير أنشاءالله وشقلب أخواني شراتها .
و قرب واحد لنور وبعدت بخوف وبحركة سريعه برجلها ظربته بوجهه .
وكان فيه شباب من بعيد يتابعوو ومن بينهم , فراس , خالد , عبادي ,
عبادي :" هذاك قابلته بسوووق , بس مدري اي واحد منهم ."
فراس :" أنا قابلة واحد بعد , كان ينرفز و كان بودي تكسييير خشمة ."
خالد :" حتى أنا قابلة واحد .. مو بس أنتم ."
فراس و عبادي :" هههههههههههههههههه."
نفضت حور يدينها وتحركت ونور وراها .
وكانوا الشباب بالأرض مكفخييييين .<<< فدييييتهن هيك البنات ولا فلاء ... كيدهن عظيييم
.................................................. .................................................. .................................................. .................................................. .................................................. .................................................. .................................................. .................................................. ......................
التقت ... نظراااتهم .... وكأن الزمن وقف عندهم .
وكل واحد يناظر الثانية ...
نظرة غرووور ...!!!
نظرة أستفهام ....!!!
نظرة كبريااااء ..!!!
قطع سكووونهم صووت عبادي الي ينادي :
" نااااايف ."
أبتسسمت نور وحركت يدها .
ومسكت يد حور وراحت لعبادي والي عندة وقالت :
" السلام عليكم ."
عبادي والكل ردو السلام , وبعدين قال عبادي :
" أش هالصدفة الجميلة ؟ , ولا بعد أبدعت ويا الشباااب .... حركااااااات ."
نور :" لا تحكم بالاشكال والأحجام ."
عبادي :"أعرفك على الشباب , فراس , خالد , راشد ."
ومدة أيدها تخامسهم .
وبعدين قالت :
" وأنا نايف , وهذا توأمي نواف ."
وسلمت حور بيدها عليهم , ومسكت يد فراس كل واحد حس برجفة وسحبو يدينهم بهدووء .
راشد :" شكلكم أجانب وكلامك سعودي بحت , آسف بس فيني فضوول فيكم عرق أجنبي ."
نور :" يب أمي فرنسية , و أبوي سعودي ."
عبادي :" أقوووول أنا أش هالوسامة أثاريكم بكم عرق فرنسي , أنزين عيونكم غيير ."
نور :" أية أنا ورثت عيوون أمي وهو لا ورث عيون أبوي ."
خالد :" أحنا ثاني وكل واحد لة تخصص , أنتم كم ؟"
نور :" ثاني , أنا أحياء , ونواف كيمياء ."
عبادي :" أنا و فراس كمياء , وخالد أحياء وراشد رياضيات ."
حور من سمعت أنها مع فراس وهي بوادي وهم فراس .
راشد:" فراس أشبك ساكت .؟"
فراس :" ولا شي "
حور :" نايف لازم نروح الأدارة نخلص شغلنا قبل المحاظرات ."
نور :" أوكية , يالله شباب عن أذنكم ."
عبادي :" أذا خلصتو أحنا في الكافتيرياء تعالوا ."
نور :" أوكيه , يالله باي ."
وبعد ماراحو .
خالد :" فراس أشبك أنت ونواف ؟ , هو الي تهاوشت معه ذاك اليوم ؟"
فراس :" أيوة هو ."
عبادي :" خلاص أنسو وأبدو صفحة جديدة ."
راشد :" أنا عندي محاظرة يالله بااااي ."
(ونوقف نتعرف على راشد , طوييييل عضلات , أسمراني , عيونه سوداء , وشعره أسود , وسيم وشكلة جذاب وطبعا ولد عززز مثل فراس وخالد وعبادي , وهوووو أخو ريييم , عمره 23 .)

.................................................. .................................................. .................................................. .................................................. .................................................. .................................................. .................................................. ........................................
حور و فراس جدووولهم نفس بعض , أم عبادي جدوله غير بس في محاظرات له تكون معهم .
نور وخالد برضوو محاظراتهم أغلبها ويا بعض .

في المحاظرة .
كان الدكتور يشرح وحور جالسة جنب عبادي وعبادي كان بين حور و فراس .
كان يسوولف بهمس يحاول يطفي الجو الي بين حور وفراس .
وبوقت البرييك الي بين المحاظرات جلسوووو الشباب بالكافتيرياء .
.................................................. .................................................. .................................................. .................................................. .................................................. .................................................. .................................................. .........................وفي مكان ثانيي .
في مستشفى .
كانت شووق هناك تدرس طب وهالسنة تطبق .
وكانت جالسة ويا بقية الطلاب .
وصل الدكتور ومعه أوراق وقف قدامهم وقال :
" حوز دلوأتي الأسماء , وكل مقموعة حيكون لها دكتوور مراقب على حسب قسمة , معاي أنتم , حأوول الأسماء ."
وبدأ يوزع وكانت شووق مع الدكتور سامي عبدالعزيز .
وكل واحد رااح لدكتورة , ومجموعة شووق راحت تدور دكتورها .
وعند مكتبة , وقفوو وهم يسمعون صراخ الدكتور الي خارج من غرفته وكان يقوول :
" أنااااا قلت لااااااا وكلامي هووووووو الي يطبق ولا رااااااااح يكون تصرفي غييييير معكم , واااااااااضح ."
وأنفتح الباب وبسرعه تراجعو الطلاب وخرج أثنين ممرضات من الغرفة وكان وراهم , وشاف الطلاب وقال :
" أنتم قسم الأطفال كلكم ؟"
وتكلم واحد منهم :" نعم دكتور ."
سامي :" أنزين أدخلوو ."
كانت شوووق خايفة كثييير وأسلوب الدكتوور زاد خوفها .
( نعرف على دكتورنا سامي , طويل مجسم أبيض عيونه ناعسة بنية وله شوارب خفيفة شعره أسود , عصبي وجدي بس حنوون ومايحب الغلط , عمره 26 . )
...................................
...................................
...................................
صدفة .
تقابلنا بصدفة ... وكان شجار .
تقابلنا صدفة ... وكان صمت .
تقابلنا صدفة.... وكان أبتسامة .
و تقابلنا بمووووعد ليكون بداية حب جميل يرسمها الزمان بألوان الحياااة .
.................................................. .
..................................................
..................................................
الجامعة .
كانت حور واقفة تستنى نور عشان يردون ويا بعض .
ورجع الشاب الي بالصباح ومعه هالمرة شلة صح عضلااااااااااااات ... ولا جاكي شان يهزمهم .
حور خافت بس متمسكة بثقتها وكبريائها .
الشاب العملاق الي هاوشها الصباح قال لها :
" الحيييين بشوف أصابع البس شتسوووي ."
وأشر لشباب وقربووو بيهاوشون بسسسسسس ........
..............................................
..............................................
مسكهم فرااااااس ويالله هواش وهو يكفخ حور معه تكفخ .....<<فدييييتهاااااا أستمري ياحوووور .
بس جت ظربة على وجهها وطاحت ...
هنا وصلووو عبادي ونور وراشد .
نور من شافت حور ..... صرخت :
" نواااااااااااااااااااااااف ."
وجري لها وراحت تظرب والشباب معها فزها .......
وهربووووو الشباب .....
نور رفعت حور وهي تقول :
" فيييك شي؟ , متعووور ؟"
حور :" لا مافي شي بسييييييطة ."
فراس :" كيف بسيطة وخدك زرررق ؟...., يالله خلنا نروووح المستشفى ."
حور :" لا ماله داعي أنا مافي شي ."
عبادي :" لا تكابر نوااف باين أنه يووجع ."
راشد :" خلنا نروووح أحسلك ."
حوور :" لا ماله داعي , نايف يالله تأخرنا ."
فراس :" لاتعاند .. جرحك مووورم ."
حور :" نااااايف يالله ."
نور :" أوكية .... شباب لاتخافو أنا بسووق عنه وبأخذه لدكتووور .., نتقابل بكرا ."
عبادي :" طمنا أيش يصير معك ."
نور :" يصييير خيير , يالله مع السلامة "
ورااحت لحقت حوور .
عبادي :" أنت هم متعور يالله أوديك الطبيب "
فراس :" أنا بروووح بروحي , يالله بدي أرجع للبييييت وأريح باااااي ."
.................................................. ..................
.................................................. .................
.................................................. ..............
بهمسلك أحبك وخذني بين أيديك وأنسيني جروووحي ...
ظمني بكل حب ...ورقة .... وحنان ...
خذني لعااالم الأحلاااام والخيااال ..
حيث لا أحد هناك سوانا ..
أهمس لي بكلماتك الحانية ..
وظمني بدفئك و أنسيني مرارة الحيااة القاسية ..
أجعلني عالمك الخاص ..
و ستكون قلبي النابض .
بهمسلك أحبك وخذني بين يديك وأنسيني جرووحي .

سهام الصمت ©؛°¨غرامي جديد¨°؛©

البارت الرابع :


دخلت حور البيت وهي شعلة غضب , وراحت غرفتها على طول .
دخلت نور وصكت الباب وراحت لختها ,وقفت عند الباب وناظرت حور الي كانت تغير ملابسها .
نور : أش صار هناك ؟
حور وهي تلبس بلوزتها : ولا شي .
نور : ولاشي وخدك مزرق .
جلست حور على السرير وكانت تبى تحط السماعات , بس نور سحبت السماعات وقالت بصراخ :
"لا تتجاهليني وأنا اكلمك ."
حور:" أش تبغيني أقووووول ؟"
جلست نور جنبها وحطت يدها على كتفها وقالت :
" حور أحنا في عالم نجهلة , الرجال كوون غامض , لازم نخطلت فيهم عشان نفهمهم , فحاولي توقفي جنبهم مو ضدهم , لازم نبتعد عن المشاكل , وعبادي والشباب باين عليهم عيال ناس محترمهم ."
حور :" أشوف صحبت العيال جازتلك ."
نور :" لازم نتعايش مع البيئة الي احنا ووسطها ."
أبتسمت حور ووقفت تقول :
" برووح أسوي الغداء ."
وجلستها نور ووقفت تقول :
" اليوم أرتاحي وأنا بسوي الغداء ."
وأنسدحت حور :
" طيب ."
نور :" شف ماصدقت , طيب جادليني شوي ...يييه ."
حور :" أنتي تطوعتي وش أجادلك فية ."
********
وفي مكان ثاني قدام فلة كبيييرة وحديقة ولا أروع ونافورة وسط الحديقة .
دخلت سيارة كشخة لونها أسووود , وقفت قدام البوابة وبسرعة فتحلة الباب .
نزل وكان فراااااس .
وفي الصالة كانت العائلة جالسة .
( نتعرف على عائلة فراس .
الأم"مريم" رشيقة وشعرها أسود لين كتوفها ملامحها جميلة وهي حنونة ومتواضعة عمرها 45 .
الأب "محمد" متواضع بس عصبي وجدي شوي ولا يرضى بظلم عمرة 50.
البنت البكر " سارة " جميلة رشيقة وشعرها طويل حنونة وجدية متزوجه وعندها بنت أسمها يارا عمرها 3 سنوات وحامل بشهرها الرابع عمرها 25 .
فراس الولد الثاني .
والثالثة " مها " طويلة حلوة ولها خدود شعرها يوصل لنص ظهرها بيضاء حبوبة ودمها خفيف عمرها 20 وهي تدرس ثاني جامعه قسم فنوون .
الرابعه " منال " نحيفة شقية وصاحبت مقااالب فرفووشة وهبلة عمرها 18 ثالث ثانوي .
الخامس " سعود" يضحك كثيير همة بدنيا الألكترونياات والالعاب وصاحب منال بالمقالب عمره 13 ثاني متوسط.
وهذي عائلة فراااس , نرجع لرواية . )
دخل فراس وكان بيطلع الدرج بس أمة نادته :
" فرااااس "
ولف فراس وراحلهم , كانوا بصالة أمة و سارة وبنتها يارا ومها .
فراس :" السلام عليكم ."
الكل :" وعليكم السلام ."
وجلس جنب سارة ورفع يارا :
" حبيبت خالها محلوووة اليوم ."
سارة :" عذبتني من أول ألحقها بالحديقة ."
مها :" فاتك شكلها وهي تجري وراء بنتها ."
فراس :"ههههههههههههه "
مريم:" أشبة وجهك يمة ؟"
وحط فراس يده على خدة :
" ولاشي عااادي ."
مها :" متهاااوش أعترف ."
مريم بخووف :" عووروك يمة ؟"
فراس :" لا يمة لو متعوور ماكان شفتيني واقف ."
سارة :" متى بتبطل حركاااتك ؟"
فراس بستعبااط :" أي حركااااات ؟!!"
وكرمشته يارا ونزلها وهربت وهو يمسح خدة:
" شف الحيوانة "
سارة :" هههههه صايرة مثل القطوو "
فراس :" قصي أظافيرها ."
مها:" مو راضية تثبت حاولنا قبل شوي ."
مريم :" خلها لما تنام ."
ووقف فراس :" برووح أخذ دش وأنام ."
مريم :" الغداء يمة ."
فراس :" أكلت مع الشباب , يالله بااي ."
وعند الدرج , دخل سعوود وعلى طووووول رمى الشنطة ووقف قدام فرااس .
" ههههههه اليوم ههههههه الأســ ههههه تااذ ههههههه طااح ههههههههه وهو ههههههههه ينزل من هههههه الدرج ههههههه."
فراس واقف مايسمع الا الضحك .
سعوود:" هههههههه شكلة خرافييي هههههههههههااي ."
فراس :" أنت إي شي تضحك عليييية ؟"
سعوود :" ههههههههههههههه."
فراس :" الحمدلله والشكر ."
وطلع فراس , وسعوود جلس يضحك ومااسك بطنة .
بغرفة فرااس .
كاانت كبيييرة بيضاااء , الأرض أبيض الجدار أبيض الكنبة بيضاء , بس الخزاين والسرير أسوود , والمكتب أبيض مخطط أسوود , الفرشة نمرية أبيض وأسوود .
نزل جاكيتة ورماة على الكنب وجلس ومال براسة على وراء .
*******
نرجع لحور ونور .
كانوا كلهم على السفرة .
والأكل من برا .
غلاء :" لية ماطبختوو ؟"
حور :" أسألي نووور ."
نور:" تغييير ."
شووق :" أنزين لية القدر أسووود ؟"
نور :" حاب يغير لوكة ."
حور :" يغير لوكة!!, الأ فاشلة بطبخ ."
نور :" أنتي الي فالحة أجل , كل الي تعرفينة بيض مقلي ."
شووق :" يالله الأكل بيبرد ."
حور :" عندي دواام العصر , يالله ياحيات الشقاء ."
نور :" وأنا عندي دوام بعد المغرب ."
غلاء :" أنا بناااااااام."
شوق :" اليوم وزعونا وأنا بمستشفى الـ......."
نور :" في نفس مستشفااي ."
غلاء :" الي يسمعك يقول دكتور مايدري أنكي موظفة أستقباال بس ."
نور :" شب ولا مافية مصرووف ."
غلاء :" لااااا خلاص بسكت ."
حور :" شووق , أذا ناقص شي بالبيت كتبيه لي وأنا راجعه أجيبها معي ."
شووق :" أوكية ."
وبعد الغداء أتجهزت حور .
لبست بنطلون بني فضفاض وبلوزة أورينج فضفاضة وجاكيت بني غامق .
وفي السوق في السوبرماركت كانت تحااسب والبنااااات خاااااقاااااااات عليها .
وجاء واحد حط طلباتة على الطاولة .
وكانت منزله راسهاا .
ولماااا رفعته ...
سكتت ...!!
والتقت عيونهم ...
وأبتسمت أبتسامة تدووخ ..
وقالت ببتسامة:" هلا والله "
كان راشد , أبتسم :
" تشتغل هناء ؟"
حور :" شوفت عينك "
راشد :" الله يوفقك , قليل الي مثلك ."
حور :" حكم الدنيا "
راشد :" بس الشغل موو عيب بالعكس قووة وشطارة وأحترااام."
حور :"الشباب معك ولا لحالك ؟"
راشد :" لا خوييييلد معي ."
حور :" زييين تسووق ولااااا."
وغمزت بعينها .
راشد:" ههههههه , لااا تسوووق حرام عليك ذااك عبوود الي يسويها ."
حور :" خذ هذي أغراضك ."
راشد:" كم الحساب ؟"
حور :" علي هالمرة ."
راشد :" لااا وين , قول كم بس ."
حور:" روووح خالد ينتظرك ."
راشد :" هههه أوكية , يالله بااي ."
حور :" باي , سلم على خالد ."
راشد :" يووصل ."
وبراا.
خالد كان يكلم تلفوون .
" لاا حبي أنا بالبيت الحين , ماأقدر ... لاااا بالبيت ... صوت التلفزيوون ... زين حبي بااي ."
وصك وشاف راشد وراه وقال بعصبية :
" تأخرت "
راشد :" هههههه تكلم من أخاااف سوووسووو ."
خالد :" لا أكلم زينب زيزوو ."
راشد :" ههههههه حصلت نواف داخل قال تغازلون قلت لا نتسوووق ."
خالد :" كان ناديته يقزز معنا ."
راشد :" يشتغل محاسب ."
خالد :" أهااا , كيف وجهه مزرق ."
راشد :" خفييف , أقوول البنااات طوابير عنده , كل وحدة تقول الزين عندي ."
خالد :" أما , تعال نرووحلة ."
راشد :" خلة لاتسبب بشي في شغلة ."
خالد :" قولك , يالله نمشي ."












همست لريااح الباردة ..
خذي بتلات الجوري ..
فحبها قد فااان ..
ووقتهاا قد زاااال..
فهبت الريااااح أقوى ..
كأنها تعاقبني ..
لممت البتلات ..
وفي كتاب ذكراتي وضعتها ..
لأجعلها صفها تطوى مع الوقت ..
وخانني كتابي ..
فكلما فتحته فتح لي صفحت البتلات ..
لممتها ..
ودفنتها ..
وبمرور الزمن ..
غدت زهوور ..
كيف لي أن أنسى حباً قد رسم البسمة في قلبي..
وغمرني بالسعادة ..






في اليل بعد صلاة العشاء كانت حور رادة لسوبرماركت وقرب النافورة كان فراس واقف.
والتقت نظراتهم ...
كان لبد يقربوو ..
يسلموون..
قربت حور وبأبتسامة :
" سلااام "
ومدة يدها .
مد يدة :
" وعليكم السلام "
وسحبت يدها :
" مع خالد وراشد ؟"
فراس :" لا مع الأهل ."
حور :" أها .. زين أستاذن .. لازم أرووح عشان دوامي ."
فراس :" لك محل هنا ؟"
حور :" لا محاسب في السوبرماركات ."
فراس :" الله معك ."
ومشت حور وفراس يطالعها .




ما أجمل أن يكون لك حبيب
ومن قلبك قرييب
تتشارك معة همك و فرحك
وتشاركه بكائك و ضحكاتك
تتهامساً بأعذب الكلمات
وتتبادلان الوعود
في المكان
و الزمان
إيه الحبيب
أهمس لي
أحبك
و أبقني من قلبك قريبة
و أرسم بخيالك
أجنحة بيضاء
لنحلق معاً
إلى أرض الخيال


البارت الخامس :

الصباح في الجامعة.
كانت حور واقفة بساحة جنب الشجرة .
وكان بيدها الجوال .
كانت لابسة بنطلون أسود فضفاض وبلوزة بيضاء فيها رسمت أسد لونة أسود
وجاكيت أسود وجزمة رياضية ( الله يكرمكم) لونها أبيض .
وكانت لابسة نظارات طبية عشان تخفي ملامح الأنوثة.
وبعيدعنها شوي عند البوابة , دخلو خالد و فراس وكانوا يسولفون .
فراس:" ياشيخ فكني منك ومن معجباااتك "
خالد:" أخخخخ كل هذا غيررررة ؟"
فراس:" هع مع نفسك , أنا بصبع أخلي كل البنات تحت أرجووولي."
وشاف خالد حور وصرخ بأعلى صوووت :
"نواااااااااف "
حوررفعت راسة وألتقت نظراتها بنظرات فراس .
أبسمت وهي تشوفهم يقربون لها .
حور:"هلااا صباحكم فل "
خالد:" صباحك شررررردة "
فراس:" ناوي تسحب على المحاظرات."
حور:"لا ويين توي جديد أخاف يمسكون الدكاترة علي شي."
خالد:" طنشهم ذووول كلهم بجيييبي."
فراس:" أجل يالله , وين تبانا نرووووح؟"
خالد:"نقزززز "
حور:"أنت همك القزز بس ."
ووصلواعبادي وراشد ونور .
عبادي بستعباط:" ياهلا والله بالأمير والفارس و المستشار , توو الناس ."
خالد:" تستعبط أنت وجهك , أنا الأمير صح ؟"
عبادي:"لا , أنت المستشار , الفارس فراس , الأمير نواف ."
خالد كشر :" لا والله أنا مستشار , ضف وجهك بس ."
الكل :ههههههههههههههههه"
راشد:" شكلكم ناوين على شي ."
حور:" خويييلد يبانا نروووح نقزز على قولة"
خالد ظربها على ظهرها , وصرخت وكان يقوول :
"هذا كان سرر ."
ودفته تردله الظربة <<<<المهم ترد الظربة ...ماتجلس في بطن المرة تردها تردها .
حور:"دفششش."
عبادي:" خوووووونة ...ناوين تروووحون بدوونا ."
نور:" خايفين نخطف البنات بوسامتنا ."
عبادي:" كل هذا غيييرة منا ."
نور:" خلاص ... روووحوا أنبسطوو ."
راشد:"هههههههههه, شف ذووول ."
فراس:" والله أنكم فاااضين ."
حور:"بزيااااادة ."
خالد:" خلاص يالله , بس لا تفحطووون عندنا ماني ناقص حنت بزرااااان ."
عبادي ونور يسون على أنهم يمسحون دموعهم .
حور:" أهبااااااال ."
وفي السوووق راحو حبايبنا .
وكل واحد يقول الزين عندي .
عبادي ونور راحوو الدور الثاني .
خالد وراشديفرووون تحت يعني الدور الأرضي .
أمافراس وحور جالسين بالكافي .
حوركانت تطالع الي رايح والي جاي .
أم فراس كان يطالع جواله .
حوروترها الصمت والجووو الي بينهم و أبتسم تقوول تقتل الصمت :
"الي يشوووفك يقول رجل أعمال مهم ."
فراس ناظرلها وصك جواله :
"ليييه ؟!!!"
حور :"أربعه وعشرين ساعة عينك بالجوال."
فراس:" أراسل "
حور:" ذول رااحوا ولا هامهم شي ."
فراس:" الحين أمك أوربية ؟"
حور:"أيوة فرنسية ."
فراس:" أشكالكم باين عليها عيونكم وحتى الملامح ."
حور:" نايف ورث عيون أمي عشان كذا أحنا مختلفين بالعيون ."
فراس:" صح تتشابهون بس الي يعرفكم يفرق بينكم ويحس أنكم مختلفين ."
حور:" صح كلامك ."
ودق جوال حور , وشافت الأسم مكتوب "همس الخيال ".
أبتسمت وردت بهمس عشان فراس مايسمع :
"هلا وغلا , أيش هالغييبة."
ووقفت وأشرت لفراس أنها بتطلع من الكافي .
وفي مكان ثاني .
كانت رييم في الجامعة وجالسة في الكافاتيريا .
لابسها تنورة سوداء وبلوزة رسمية بيج أزرارها على جنب ,أشارب أحمر خفيف , وردة حمراء وبيج على شعرها.
رييم:"هلابك يالغلاء , كيييفك حياتي؟"
حور:"بخير دامك بخير , تخيلي أنا ويين ؟"
ريم"ههه وين ؟!!"
حور" في السووووق مع الشباب."
ريم" أفسدت البنت , من الشباب؟"
حور"هههههههه , أصحااابي بالجامعة"
رييم"ياوييل حالييي , أصحاب بعد , عسى ماتغزلين؟"
حور" هههههههههههه , نوور مو أنا ."
رييم" يمة يمة يمة , والله تخرعووون أنتم "
حور:"ههههههههه , كيف الجامعة معك؟"
رييم:" أخخخخخخ لو تشوفينهن حشى حشى عيااال , الدنيا أنقلبت "
حور:"هههههههههه ,أقووول فراس جاي يمي أكلمك بعدين ."
وصكت حور بسرعة ومشت يم فراس الي أبتسم وغمز يقووول :
"حركااااااااااات ."
حور:"هههههههههه مووو بنت أغازلها , هذي أختي ."
فراس:" أهااا , ما كأن الشباب تأخرووو ؟"
وعنهم شووي فية بنتين خااااقات عليهم .
الأولى:"يمة يجننننننن ."
الثانية:" شوفي الطويل , شخصيييييية ."
الأولى:" لا القصير شكلة رومنسي , يازيييين ضحكته ."
عبادي ونور واقفين يسمعون البنتين وهم ميييتين غيييييرة.>>>>>نور مصدقةاللعبة عااادي .
ومشوووومتعديين البنتين وعبادي يصرخ :
"مطللللعععععع , ثواااااب "
فراس وحور مفتحين عيووونهم على الآآآآآآخر مو عارفين الطبخة
البنتين هنا مصدومااات .
الأولى:"وووع أسمائهم قدييييييييمة."
الثانية:" مطلع و ثواب , أسماء شياااب مو شباب."
نور مشتأستهبال مع عبادي:
"ثوااب ويينك مارحت البعارين اليووووم"
عبادي أعجبته الفكرة وكمل:
"وأنت يامطلع , حريمك الثنتين أشوووفهن عند الغنم وراااااك أخوي مخلي حريمك."
البنتين هربوووووو .
نوروعبادي:" ههههههههههههههههههههههههههههههههههههههاااااي."
فراس:" الحمد لله والشكر ."
حور :"والله بزراااان ."
نور:"هههههههههه أجل ههههههه تخـ هههههههههه لونـ هههههههههه."
عبادي:"ههههههههههه شوووف ههههههه أشـــــ هههههههه كالكم ههههههههههههه."
راشدوخالد وصلوو ومنبهرين من الموقف .
خالد:" ويش شاربييين أنتم ؟"
راشد:" أشبهم ذووول ؟"
فراس:" أهبااااال ."
حور:" فضااااااوة ."
نوروعبادي:" هههههههههههههههههههههههههههه."
راشد:" المهم عبووووود عزمنا على الغداء ."
عبادي وقف ومفتح عيووونه:
"متى ؟!!"
راشد:" اليوووم , أشبك نسييت ؟"
عبادي:" هاااااه!!!"
خالد:" من قال هاه سمع ."
عبادي:" أبشروووووو على من يحطلكم مفطحاليوووم ."
فراااس:" قدهااا وقدود عبووود , يانييي مشتهييييه ."
حورونور من سمعو طاري العزيمة وكل وحدة بديييييييييرة.
حور:" أنا أعذرووووو..."
عبادي:" بدوووووون أعذار نوووو ويييييييه."
نور:" بس ...."
خالد:" يالله عااااد بطيرووون علينا التيييس ."
حورونور نظرن في بعض بيأس .
**********************************
نروووووووووحمكان ثانيي .
فييي قصرحولة حديقة كبييرة , وبالوسط نافورة
والحديقةالخلفية مسبح ....<<بختصاار ناااس عزز ودلاال
وفي البلكوونة فوووق كانت "فاطمة"
( نووقف شوي عند فاطمة .., متوسطة الطول مو نحيفة ولا سمينة يعني مليانةشوي
بيضاء , شعرها أسود ناعم يوصللين فوق ركبها بشوي , عيونها سووداء ,
مرحة دلوعه لها غمازات ماتخليأحد بحالة حبوبة وماخذة أمتياز بقصف الجبهات
تعشق الرقص صوتها حلوو فيها بحة خقه الكل ميت عبحتها العمر 17 .)
دخلت بدور وبيدها كوبين نسكافة وكوكي شوكلاتة , وجلست قدامها :
"اليووم الجووو يخقق ."
فطووم:"مررررة ليت عبوود يطلعنا برا."
( بدور طول فاطمة بس نحيفة بيضاء شعرها أسوود ناعم يوصل لنص ظهرها
عيونها عسلي أوساع ومهدبة يعنيرموووشها طويلة
خفيفة دم وصاحبت مقالب وزعوولبسرعة و تحب الرسم
عمرها 18 )
بدور:"اليوم البنات بهذلوو أبلة حياة مسكيييينة شكلة يقطع القلب."
فطووم:"منو لايكووون الدبدوبة أم عيون عسلية ."
بدور:"غلاء !! لااا منال بنت محمد ال...... , يأنها مصيبة "
فطوم:"هههههههههه , منال أجل عزالله راحت فيها أبلة حياة."
طالعةبدوور للبوابة وشافت ثلاث سيارات من غير سيارة عبادي
وقفت السيارات والأولى نزل منها فراس وخالد ,
الثانيةنزل منها راشد , والثالثة حور و نور .
بدور:"يمممة أيش هالجمااال ؟"
فطومطالعة وحطة يدها على قلبها وبهمس:
"قلبي أنغرس فية حب ذالك الوسيم."
ضربتهابدور على راسها:
"إي حب ؟! , شوفيهم , أشك أنهم عرب ."
عبادي جالس يرحب فيهم ويأشر على المجلس ....<<طبعاً برا موو داخل الفلة .
حورقربت من نور وبهمس:
"الناااس أهل عزز , أيش جابنا ؟"
نور:" أقوول خلي عز ما عز الحين كيف بنسوي الموووقف صعب "
قربلهم عبادي :
"ورآكم واقفين حيااااكم البيت بيتكم "
حوور:"تسلم عبووود"
خالد:"عبوود وين باباتك ؟"
عبادي:"أسمه عمي , تعلم الأدب ."
خالد:" أدب ولا بلاغة ."
عبادي:"لا قراءة , أقوول أقلط وأنت ساكت ."
خالد:" حااااظر ."
فووووق.
بدور:"خالد وراشد وفراس أعرفهم بس التوأم منهم ؟"
فاطمةسرحااااااانة
بدور:"لا بلاه أنهبلتي ."
فطوم:" وقعت في الغرام وفي قلبي هيام والحب صيام ."
بدور:"أيش دخل صيام ؟"
فطووم:" جت مع القافية المهم عديييها ."
بدور:"يعني ."
فطوم:" أيييه."
وتحت دخل عبااادي ينااااااادي.:
" يممممممممممه, يمه ..يمه ..يمه يمه يمه , أم عبووووووووووود ."
((على بال ما ينادي أمه بعرفكمبالعائلة .
الأب " عبد العزيز متوسطالطوول سمين شوي أبيضاني فلاوي عمره 55 ,
الأم " حنان " متوسطةالطول دبدوبه شوي بيضاء جدية وتعصب بسرعة بس فله
عمرها 50 ,
عبد الله البكر .
وبعدين بدور .
وبعدها فاطمة .
والرابع مؤيد نحيف عيونهأوسسااع سوداء شعره اسود وحبوب عمره 14 .
الخامس " وليد " جسمهحلوو عيونه سوداء وأبيض متوحش شوووي يعني يعصب يهاوش ومايترك أحد
وصاحب هوشاات عمره 12
هذي عائلة عبادي....>>وصلت حنان أم عبادي نرجع لرواية.)
حنان خارجة من المطبخ :
"هلا يمه ."
عبادي:" الله , الله أيش هالجمال كله ."
حنان تطالع نفسها وتبتسم :
"أخلص أيش تبي ؟"
عبادي:" له ظلمتيني .., المهم الشباب معي ودقيت على الطباخ طالبين مفطح مندي."
حنان:" من الي عندك ؟"
عبادي:" فراس , خالد و راشد ونواف ونايف ."
حنان:" منهم نواف و نايف ؟ , عيال منو ؟"
عبادي :" تصدقين مدري المهم شباب فله ."
حنان عصبت :" تماشي عيال ماتعرفهم ."
عبادي:" أيته الأم العظيمة دلة وبراد من يييديك الحلوة ."
وشررررردوأمه تضحك عليه .
نزلت فاطمة وبدور وراها وعلى المطبخ .
فاطمةمسكت أمها تقوول :
"يممممه من الشباب الخقق برا "
ضربتهاحنان على راسها وهي تقول:
"عييب أعقلي ."
فاطمة:" و أنا ويش قلت ؟!"
بدور:" يممه جد من ضيوف عبووود ؟"
حنان:" مثل ماشفتوا , على بالكن مدري أنكن شفتووهم ."
فاطمةيدينها على خدها :" يممه طافك التوأم خققققققققق "
حنان:" إي توأم ؟!!"
بدور:" ضيوووف عبوود , أول مرة أشوووفهم ."
فاطمة:"خقققق , خققققققق ."
حنان:" أنا معد لي قيمة عندكم ولا واحد يستحي مني ."
فاطمةأخذت كيكة وبدور شالت العصير وشرررردن .
في المجــــــــــــــــلسسسس .
حورونور جالسات حد بعض وهن ميتاااااات خوووووف
خالدوراشد يلعبون بلاستيشن
فراس كان يكلم برا
ودخل مععبادي الي شايل القهوة
وجلس قدام نور وحور وهو يقول :
"والله نوووورتو البيت ."
نور:"منووور بهله."
فراسجلس جنب حور وبينهم مركى .
خالدبصراخ ويرمي اليد:" ياخي محد يلعب معك."
راشديضحك:" هههههههههاااي , فااااشل أنت ."
عبادي:"أقوول تعالوا تقهوو."
حورتاخذ الفنجال:" ماشاءالله شكلكم أصحاب من عمر."
خالد:" بسم الله علينا قل أعوذ برب الفلق ."
حور:" لا تخاااف ما بحسسسدكم ."
عبادي:" تدري لما كنا بثانوي ايش صار لخالد."
خالد نطوجلس جنب عبادي وعطاه ضربة يقول:
"هذااا سرررر ."
راشد:" أيه خايف على برستيجة قدام الشباب."
خالد:" لااا ماقصدي كذا ."
فراس:" كان ذاك اليوم مطرر .."
خالدبصرااااخ:" فراااااااااااس ."
عبادي:" وكان خالد مزكم ...."
خالدوصل حده:" والله لأطلع أن تكلمتم ."
ووصلت مسجات لحور ونور .
يوم فتحوووها .
حورونور :" هههههههههههههههههههههههههههههههههههههههههه"
حور:"خالد هههههههه ويش سووويت ههههههه ياحرام المدير هههههههه."
نوور:" هههههههههه ومزكم المسكين ههههههه."
راشدبهدواء:" متكلمت أرسلت مسج بس ."
خالدوقف ومعصب جد :" والله مالكم داعي ."
حورونور :"هههههههههههههههههههه."
عبادي قام مسك خالد:" والله ماتطلع الا وأنت متغدي وراضي ."
خالدزعلان وماد البووز:" لا ماني ."
فراس:" هههههههه بس بسألك كيف الفلكة الي أخذتها ."
خالدبسرعه :" أقلب وجهك."
الكل:"ههههههههههههههههههههههههه."
ودخل عليهم مؤيد وهويركض :" عبااااااااادي."
عبادي طالعة بخوف :" وش فييه ."
مؤيد:" ولييييدوه يهاووووووش براااا ."
عبادي قام وطبعاً الشباب كلهم وراااه .
في آخرالحارة قدام بيت فراس , كان وليد متشابك مع شباب بالمتووسط .
وكان هوالفايز رغم أن الي يهاوشوه ثلاثة
عبادي وصل والشباب وراه .
وشباب الهوووشة شرررردووووو
وليدواقف ومعصب حدة:" تعااااالوووو يارخوووووم , قسم بالله ماأخليكم والله لردهالكم يا .....>>مابدي أسب .
عبادي قربلة وبعصبية:" حنا ما نخلص من هالموووال كل يوم."
وليدوشكلة امبهذل :" يعني أسكت ووهوووو يسب في ."
عبادي:" ليه شووو قال يعني ."
وليد :"يقووول لي بنوته ."
خالد:" والله من لبسك ."
وليدكان لابس جينز رمادي وبلوزه موف .
وليد:" أنت لا تكلمني ."
عبادي:" يالله قدامي للبيييت ."
حور:" شف وجهه كله جروووح ."
وليدطالع حور وبعدين نور وببرود :" طيب من الحلوات ."
حورونور وجهن غداء الوان .
عبادي يصرف ويغطي على الموقف:" هههه وليد يحب المزح "
فراس يغير الموضوع:" هذا بيتي ."
نوروحور طلن على البيت الي باين أنه قصر .
عبادي :"أنا وفراس عيال عم وجيرااان ."
راشد:"عبووود ."
عبادي:"هلا ."
راشد:" كيف تقابلت ويا نور ؟!."
............................................
نرجع لوراء شوي نشوف لقاء عبادي ونور .
في السوق كانت نور تمشي ويا غلاء وقدام محل الدونات وقفت غلاء.
نور:" يالله لازم نرد ."
غلاء :" لحظة بشتري دونات ."
نور :" أنزين بروووح المحل ذاك بشتري بدلة حق الشغل."
غلاء :" الي يشوفك يقول دكتور ... حدك موظف أستقبال."
نور :" أكرمينا بسكوتك ."
في المحل نور تمشي تتفرج على الجاكيتات .
وصدمت في بنت من النوووع الدلوع .
البنت بدلع كأنها ماصدقت :" ياقليل الأدب ...أنت ماعندكخوات ."
عبادي كان شايف كل شي وقرب يقول :" الولد صدم بالغلطأنتي الي قاطة عمرك عليه ."
البنت :" لا يعيال ..."
نور مسكت يد عبادي :" آسف يابنت الناس .."
وسحب عبادي وطلع .
برا
عبادي :" ليه خليتها هذي صايعه يبالها تأديب ."
نور :" ولو مهما كان مايصير أناجر البنت قدام الناس."
عبادي أعجب فيه:" ولد أصووول يأصيل ...معك عبداللهعبدالعزيز ."
نور:" معك نايف عبدالرحمن ."
........................
نرجع للواقع .
كانواجالسين في المجلس .
خالد:" ياعيني على رجووووله نايف ."
نور صكتبالمخده .
راشد:" زين تأخر الغداء وأنا مييييت جوووووع .
حور:"أنا عندي دوام لازم أرد البيت وأبدل ."
نور:" أنا هم عندي دوم بعد المغرب لازم أنام شوي ."
خالد:"دوووام نواف نعرفه , دوام أنت وين نايف ؟."
نور:" في مستشفى ال ..... موظف أستقبال ."
خالد:" أيه هذا المستشفى ..أها ."
كان بيقول شي وسكت والكل عرف ليه سكت الا حور ونور طبعاً لأنهم ماصارلهم من تعرفووو .
مرررراليوم بسلااام وفي اليل بعد الساعة وحدة باليل رن تلفون البيت وكانت غلاء بالمطبخ.
طلعتورفعت السماعة .
وجاهاصوت خالها أليكس :" مرحباً."
غلاءعرفت أنها خالها وبزهق :" أهلاُ خالي ."
اليكس:"أعلم أن الوقت متأخر , هل حور مستيقضة ؟"
غلاء:" أنتظر قليلاً."
وراحت غرفة حور ونور وطلت عليهم .
كانت حور جالسة على السرير تقراء كتاب .
غلاء:" هذا خالي على التلفون يبى يكلمك."
حور:"في هذا الوقت , غريب !."
وراحت لصالة وجلست على الكنبة المنفردة :" مرحباً"
اليكس:"أعتذر عن الأزعاج ."
حور:"لا بأس خالي مالأمر ."
اليكس:" أريد رقم هويتك ."
حورعقدة حواجبة :" لماذا؟"
اليكس:" الأمر ظروري لذا أسرعي "
حور:" حسناً ,.............106"
يوم جديد .
كانت شوق في المستشفى لابسة البالطو الأبيض فوق عباتها .
وكانت ىتمشي في الممرات .
شافهاالدكتور سامي وقرب لها :" أنتي مو من طلابي ؟"
شوق بخوف :" نعم دكتور ."
سامي بعصبية :" وين رايحة ؟"
شووق بأحراج :" لتواليت "
سامي حسبالأحراج :"زين بس ردي على السريع , بندور على المرضى ."
شوق:"حاظر دكتور ."
.............................
في ثانوية ال.....للبنات.
في الدور الثالث يعني ثالث ثانوي .
منال كانت تمشي بالممرات , شافت غلاء , هي ودها من زمان تتعرف عليها , وهذي فرصة.
قربت منها وبابتسامة:" سلام غلاء ."
غلاءطالعتها هي تعرفها وحبت تستعبط عليها :" معك علك ؟"
منال:" ردي السلام أول "
وطلعت العلك ومدت على غلاء الي أبتسمت بشرر :" بسوي مقلب في أبلة حياة."
منال عجبتها الفكرة :" والله ."
غلاء:" بحط العلك بكرسيها ."
ورفعت غلاء يدها لحلقها :" هنا ناشبه مووو راضيه تنبلع ."
منال:" ايوالله ."
شافتهم بدور , هي بنفس صف غلاء وبنت عم منال .
قربت منهن :" أووووه هالأبتسامات مووووو خير ."
غلاء:" أصصص , لحد يسمعك ."
ومسكتهامنال :" تعالي بس ."
بدورمسالمة ماتحب هالحركات صرخت :" لاااا مابي ."
في الجامعة عند أبطالنا .
جلست حوور في الكافي تشرب نسكافة .
وقرب منها شاااب وسيييم .
طالعته وأبتسم لها :" أخبارك ياحلووو .
وفاجئهم جلوس فراس وهو يقول :" من زمان عنك أبراهيم ."
أبراهيم طالع فراس بكره وأبتسم :" كيفك ولد عمي ."
فراس:" بخير ومبسووووط ."
حورحاسه بالجووو المكهرب بينهم .
(نتعرف على بطلنا الجديد , ابراهيم وسيم طويل جسمة رياضي عيونه ذباااحةخشمة طويل ونحيف
وشعره مجعد أبيضاني عمره 24 وهوولد عم فراس وعبادي .)
حور صكت الكتاب وقفت تبي تروح بس أبراهيم مسك يدها ووقف فراس بعصبيه .
وسحب حور منه .
جلسوووفراس وأبراهيم يطالعون بعض بكره
وحوربينهم ماتدري بالي يصير


أتمنىهالبارت ينال أعجابكم .




بدييييي تفاعل إذا حلووووو عشان صحبتي الحكيمة شوووق تتحمس

سهام الصمت ©؛°¨غرامي جديد¨°؛©

وييييييين التفاعل
كذا تخلوني ابطل ما أكملها

ديمٌو ! ©؛°¨غرامي فضي¨°؛©

كَمليِ آليَ بدأتيَهِ ,.

لآ تٌوقفيَ ..

لآكنَ ممآفيٌ وصفَ بسسِ حوإر .. لوٌ فييهَ وَصِف وسَردِ كآن إلروايهَ مشهوِرـﮧ ..~
لآ توقفَي وإنشريهَآ عَ صفحإت آلغراميينَ ..~

رموزة العسل ©؛°¨غرامي فعال ¨°؛©

كمليييييييي
متى البارت الجاي؟؟؟؟؟
متى مواعيد البارتات؟؟؟؟؟؟

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1