اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 11-04-2014, 01:34 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها ر.البدري مشاهدة المشاركة
رائع
بانتضارك

ام مشعل بدي اذبحها
زينه وساره حبوبات
لوجين مسكينه
ومازلت على راي الاولي


ل
هلابك اختي. .،

نووورتي لازم ننتظر شوي ونشوف وش،بتأول له الأحداث…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 11-04-2014, 01:38 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها المتني يازماني مشاهدة المشاركة
تسلم ايدك حبيبتي
بارت روعة وكاتبة اروع
واحلى شي بدايات الاعجاب بين مشعل ولوجين
ياي شكثر حبيتهم يجننون
وفرحت لسارة انه اخذت اللي تحبه
والله ساره طلعت مو سهلة حب وهدايا وحركات
انتظر البارت الجاي بفارغ الصبر لاتطولين علينه شخصية
وياريت تنطينه موعد تنزيل البارت

هلابك أختي. .نووورتي..

مواعيد تنزيل البارتات شي بعلم الغيب.. صعب أوعدك بشيء وما انفذه.. لكن أوعدك ماراح تكون متباعده بإذن الله.

يسلم لي مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 11-04-2014, 01:49 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها وردة الزيزفون مشاهدة المشاركة
صباح الخير ... بارت جميل وبداية لاحداث جديدة جاية بالطريق .... واكيد بيكون في تصادم ومعارك في الطريق في انتظار الابطال

مشعل ولوجين

مشعل المسكين شكل قلبه دق بعد شوفة لوجين وقلبي موجعني عليه لاني خايفة من لوجين وردت فعلها انها تجرحه وهو غرضه انو يحميها من تخلف اهله وماله ذنب

انسان موجوع وانحرم من ابسط امنياته اتمنى من قلبي مهما كانت ردة فعل لوجين وصدمتها تطلع بنت تربيتها احسن من تربية غيرها وتبهرنا بكونها بنت الحجازية لكنها تملك من الحكمة الي يناسب عقليتها

مشعل راح يكون متوافق عقليا مع لوجين لانه واضح انو ذكي ومثقف يعني مثلها هي وهذي اول نقطة التقاء بينهم ياليت شخصية لوجين تكون جديدة ومختلفة عن بالقي الروايات الي ياتكون البطلة ضعيفة وماعندها كرامة او عنيدة وغبية وتحكم على الشئ بدون تفكير حتى لو اغضبت ربها بتهاونها في حقوق زوجها

اتمنى تحمل لنا شخصية عاقلة بمجرد تعرف اسباب هالزواج ماتخيب ظن ابوها فيها ولا تنزل راس امها لانه كل تصرف غلط منها راح ينحسب على الحجازية لكن لو استغلت قوتها وذكائها في مكانه راح تغير مفاهيم كثيرة وراح تكسب مشعل ومابيضيع حلمها متأكدة انها اذا كسبت مشعل بيخليها تدرس وتحقق طموحها حتى لو تأخر شوي حلمها


نقدي عليها تقبلها تصرفات زياد خطبته لها ماتعني انو يجوز له يكلمها او يحتفظ حتى برقمها ... وهذا هي رب العباد موكاتب النصيب بينهم يعني مكالماتهم انحسبت ذنوب عليهم والله يستر مايتصرف زياد بوقاحة ويشوه سمعة لوجين بأفعاله


سارة

ربي عوضها حتى لو كان الشخص اقل منها مايعيبه لكن ماحبيت المشاعر والتصرفات الي سوتها مع اخو صديقتها حتى لو مابينهم كلام مايعني انو النظرة حلال تراها حرام مثلها مثل اي تصرف لانهم كانو مصرحين لبعض بهالشي وتقبل سارة للهداية بدون وجه حق نقطة تنحسب ضدها لانها برهنت انو هروبها مو اعتراض على شخصية علي حتى لو جاها الي يحمل اخلاق دامها حاطة رجال ببالها وسمحت لمشاعرها تعبر عن هالشئ ماكانت بتوافق عليه ويمكن تهرب نفس ماسوت

تعجبني البنت الثقيلة الي تصون نفسها عن اهون المعاصي وتحط ببالها انها مابتاخذ الا نصيبها المكتوب لها مهما صار واتمنى فرحتها ماتنكسر ولا بيوم تندم على تفكيرها ولا زوجها بيوم يعايرها بتقبلها هداية من رجل اجنبي وماتضعف ثقته فيها ولا تنصدم هي بشخصيته

في الانتظار
ياهلا بك اختي ورده..

التناقض والتساؤلات سوف نجد لها إيجابات مع القادم من الأجزاء..

نحن دائماً نبحث عن المثاليه ونطمح لها.. لكن لن نصل إليها إلا اذا رأينا اخطاء غيرنا واتعظنا منها..

نحن قد لا نرى الشي الذي نرتكبه خطأ إلا إذا رأينا ارتبكه غيرنا… .وهذا يحدث مع ساره التي ربما قادتها عاطفة البنات الغبيه لقبول هدايا من غريب.. !!

وبالنسبه لشخصية لوجين. .لن تكون غبيه. ولكنها سوف تحاول ان تتعاطى مع محيطها ومشكلتها بذكاء لتستطيع ان تكمل وتحقق طموحها النبيل،… وقادم الاجزاء سيكشف لنا ما خبأته الأقدار للوجين…


تسعدني جداً متابعتك .وردودك القيّمه حفظك الباري..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 11-04-2014, 02:08 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها {عشق} مشاهدة المشاركة
السلام عليكم

بارت رائع جمييييل

مشعل شكله بدا يحب لجين

لجين صدمه لها عندما تعرف خبر زواجها متى بيخبروها يوم العرس

ساره اعتقد راح تواجهها مشاكل في حياتها الزوجيه

ابو مشعل متغطررس

زياااد صدمه اتوقع تصير مشاكل بين العائلات او حساسيه بس راح يتقبل الوضع ويتفهمه

ام لجين باين انها مره حكيمه وان شاء الله بنتها مثلها الله يصبرها

ام مشعل اعوذ بلله وش فيها الحرمه على شو متكبره

من ناحيهه عقليه لجين فهي تناسب مشعل

اتوقع مشعل بعدين يتغير ويصير اشبهه بابووه

وانا اووئيد زهره الزيزفون

في انتظار البارت بشوق

اهلين. عشق..

تناقض صفات وسمات البشر تختلف ليس الكل سيئون وليس الكل طيبون..
يجب ان يكون هناك مزيج.. هذه سنة الحياه..
حتى الإيمان بالله والتدين ليس على مستوى واحد.. وإلا لما خلق الله الجنه درجات ومنازل !!

سررت بمتابعتك يا جميله..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 12-04-2014, 02:37 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


3))من متى و الغصـن يختـار الطيـور..!!

اليوم.. هو اليوم الموعود ..اللي راح تتغير فيه أشياء وتتضح فيه النوايا..وتنكسر قلوب!!
كيف بتتعامل لوجين مع واقعها.. وكيف بيكون ردة فعل مشعل.…


الاحداث السرديه*
الجنوب..
الصباح الباكر…
زينه وهي تلم اغراض ساره معها/والله بشتاقلك يا ساره
ساره ببتسامه/ههه ماعليه بزوجك واحد من اخوان سالم
زينه حذفتها بعلبة المنديل وتخصرت/اللحين انا قلت بشتاقلك والا ابيك تزوجيني،وش ذالاعاقه اللي بسمعك
ساره/هههههه،طيب اسفه. كلمتي النقاشه؟
زينه وهي تشوف علبة هدية سالم/بعد ساعه بتجي
ساره وهي مشغوله بترتيب اشيائها من التسريحه/حلو.
زينه عصبت والتفتت على ساره/ساره من وين هذي
ساره استحت من اختها/هااه!!
زينه عصبت منها/من سالم صح؟..
ساره هزت راسها بالإيجاب وهي خجلانه/..
زينه وهي تخزها/مو وعدتيني ما عاد تاخذين منه شي..ليه تاخذين هذي منه!!ليييه؟!!.. طحتي من عيني.. هذا وانا اقول عقلت اختي الكبيره!! غبيه مافكرتي وش بيقول عنك؟
ساره خافت/زينه انا ما اخذت هذي الا يوم قلت لسلمى عن كلام ابوي علشان يخطبني
زينه ارتفع ضغطها اكثر/بععععد انتي قايله لسلمى توصله هالكلام!! ..بصراحه مااالت عليك
ساره/شوفي زينه ادري انه غلط.. بس قلت اختصر الوقت.. ومافيها شيء اذا انا حابته.. لا تنسين ان خديجه رضي الله عنها هي اللي عرضت الزواج على الرسول صلى الله عليه وسلم
زينه/عليه الصلاة والسلام… بس هذاك نبي.. والنبي معصوم من خطايا البشر وقذارة تفكيرهم.. وقلبه نقي.
ساره/انا معك ..بس لا تنسين ان خديجه تزوجته قبل البعثه يعني قبل ينزل عليه الوحي ويصير نبي.. صح والا لا!!
زينه حاولت تهدأ/النبي قدوه وامهات المؤمنين.. بس لا تنسين هذول صفوة الخلق وأفضل القرون.. اهم شي سالم جانا من الباب وتزوجك ومشت الامور بخير.. وعساه مبروك وانا اختك.. مع اني راافضه اسلوبك
ساره ابتسمت وجلست جنبها/تصدقين.. احس نفسي اصغر منك.. من جد كبر العمر ما يعني نضج التفكير.. الله يسعدك يا زينه.. والله انه ما ينخاف عليك
زينه ابتسمت والتفتت عليها بتغير الموضوع/لحد وين بتحنين؟
ساره مدت ذراعه/لييييين هنا..
زينه/انا اقول حطي شي بسيط احلى ترى ماتوا اللي يحنون ثقيل.. حطي مثلا مثل حناء الجوال
ساره وهي تفكر/اذا جاءت النقاشه تفاهمت معها..
زينه/طيب.. انا رايحه اجيب عصير وابرد على كبدي عقب ما احتريت منك
ساره/هههه جيبي لي فيمتو..
زينه/ابشري مع انك رافعه ضغطي..
ساره/هههه
/
/
/

بعد صلاة الظهر…
بمجلس الرجال...مكان اجتماعهم..جو متوتر..ويدين ماجد بقبضتها يكتم غيضه وقهره وقلّة،حيلته..وينتظر أوامر اخوه ...
بو مشعل أشر لعزيز/عزيز وانا ابوك اطلع شوف الخيام جهزت..وتفقد عدد الكراسي..لا ينقص..
عزيز ترك الدلّه/ابشر طال عمر...
طلع عزيز..وبقى بو مشعل وبو أحمد....
بو مشعل التفت على ابو احمد/شووف يا ماجد بعد العصر بيجي المأذون وبنكتب ملكة مشعل ولوجين.
بو احمد/.....
بو مشعل كمل كلامه/مابي شوشره ومشاكل..اضبط وضع بنتك لا تفضحنا...انت فاهم قصدي
بو احمد بخضوع مميت/يصير خير...
بو مشعل باحتقار/انا من شفت لبس بنتك وانا غاسل يدي...بس ماعليك بنربيها لك...
بو احمد التفت عليه بنظرات ناريه منقهر من كلام اخوه/فيصل..لا تنسى انك انت اللي،طلبت هالزواج موب أنا، لا تتكلم في حق بنتي بهالطريقه
بو مشعل بابتسامه خبث/لا تنسى انت فضيحة بنتك وشرفنا اللي لطخته...احمد ربك اننا جالسين ننظف شرفك بهالطريقه والا انت عارف الطريقه الثانيه وما يحتاج اذكرك فيها
بو احمد فاض به الكيل وقام يطلع..
بو مشعل شافه وهو يطلع ويصفق الباب بقوه/الله يسامح أمي دلعتك بزياده وتربيتك تربية حريم...ما أمدى ابوي يربيه تربية رجال مثلما رباني.
/
/
/
/
/
داخل عند البنات...
لوجين جالسه تزين ساره وتشوف يدينها بإعجاب/وش هالحناء الحلو هذا.متى امداك تحطينه...
ساره/اليوم الصبح جات النقاشه..صحيتك بس ماقمتي بغيتك تتحنين معي
لوجين/ههههههه اصلا ماحب الحناء بيدي بس احب اشوفه..
ساره نست/مايصلح عروس بدون حناء..
لوجين/هههه لا تخافين هذاك متحنيه يالعروس...
منيره تغمز لساره تسكت/ساره يلا قيسي فستانك ماشفته عليك
ساره/يوووه مابي خليه بالليل
منيره تغمز لها/...
لوجين استغربت تصرفاتهم/!!!
ساره/إ...إيه يلا يلا بروح اقيسه ..
لوجين اجل أنا رايحه اصلي العصر وألبس وبالمره اروح لأمي تقول أبوي يبي يشوفني بخلص بسرعه علشان ارجع لكم هنا واساعدكم اوكي
منيره وجهها قلب أصفر/مشكوووره لوجين ماتقصرين
لوجين ابتسمت. لكن ما ارتاحت للوضع مع ترتر منيره ..وطلعت....
ساره خنقتها العبره/موحرام اللي هم ناويين يسوونه فيها
منيره وهي تتذكر ماضيها المؤلم بحسره/وش نسوي يا ساره حكم القوي ع الضعيف
ساره تعرف ان منيره اكثر وحده تعذبت،راحت وربتت على كتفها/فديتك يا منور...محد صبر بصبرك
منيره سكتت وهي تخفي بقلبها جروحٍ عطايب/...
دخلت بهاللحظات "ميعاد"بنت منيره عمرها12سنه/يمه شرايك بفستااني
منيره وهي تناظر بنتها بسعاده/حلووو يا عمري
ساره ببتسامه/من يمدح العروس
منيره تشمئز من هالكلمه،حتى لو مزحه/ميعاد حبيبتي مو لازم نحط حمره صح يا ماما؟
ميعاد بوزت/لييييه
منيره/شوفي اذا سمعتي كلامي،راح اشتري لك آيباد4 نفس اللي تبينه،وبعبيه تطبيقات الرسم اللي تحبينها،شرايك؟
ميعاد استانست/وااااو وناسه
راحت وباست أمها
منيره/يلا يا عمري روحي وانتبهي ع اخوانك
ميعاد ببراءه/طيب ماما...
ساره عرفت وش اللي فكرت فيه منيره وليش تتصرف هالتصرفات مع بنتها..وفضلت تسكت لأنها فاهمتها..
/
/
/
/
/
بعدما تجهزت وخلصت ،طلعت لوجين للصاله الجانبيه عند أمها بابتسامه ساحره/ايش رايك يا أمي؟
**لبسها فستان لؤلؤي طويل وناعم وونص الظهر مغطى بالدانتيلا الفرنسيه..والاكمام دانتيلا طويله.. وصدره واااسع ومُظهر اعلى الاكتاف واعلى الصدر..ماسك ع جسمها الين الارداف ويتسع من تحت ..ولابسه طقم ألماس نعوم ..
وتصفيفة شعر مرفوعه بشكل ناعم.. .وميك ابك من يدينها سيمبل ومبرز ملامحها الحلوه...
ام احمد كانت جالسه تنتظرها،وقفت وهي مبسوطه/تجننين يا حبيبتي..بسم الله ما شاء الله..
لوجين وهي منحرجه/أمي،انا حاسه نفسي عروس مع هالفستان اللي انتي جايبته ههههه
ام احمد عورها قلبها،راحت ومسكتها وجلستها عندها ولبستها تاج صغير ناااعم/واحلى عروس بعد...
لوجين وهي تشوف امها تلبسها تاج/هههههه وتاج بعد!!
ام احمد لمعة عينها ونزلت دمعتها/...
لوجين مسحت دموع أمها/ماما ليش تبكين اللحين،يالله،حسستيني ان زواجي الليله ههههه
ام احمد حاولت تستقوي وتقولها الموضوع بالتدريج/اسمعيني يا بنتي...انا احبك وابوك بعد يموت فيك...بس الظروف ما ترحم عزيز..تأكدي أن ابوك ما يسوي شيء إلا أنه مضطر ،ويحبك وما يبي يخسرك..
لوجين بدأت تخاف/أمي مافهمت..عن ايش تتكلمين..
ام احمد/بنتي حبيبتي،جماعة ابوك في القريه هذي حكموا عليه اذا ما منعك من السفر...يقتلونك...وهو ما يقدر يمنعك من شي هو نفسه كان يشجعك عليه..وبعد كل شي حكم عمك انك تتزوجين ولده مشعل...والليله زواجكم..
لوجين ابتسمت من الصدمه/هذا فيلم هندي بايخ صح؟ او أناجالسه أحلم!! "حط يدينها على أذانيها وهي تمتم "يا ربي مرّه بايخ الحلم ههه
ام احمد دمعتها عبرت خدها /ياليت كابوس ونصحي منه بس هذا الواقع..ابوك بيجي اللحين يبيك توقعين على عقد الزواج..وخايف من مواجهتك
لوجين وقفت وهي مذهوله/مستحييل اللي انتم بتسوونه فيني مسستحيل....انا ماني مصدقه انكم اهلي!!
ام احمد بكت/...
لوجين بإنفعال/ايش الدنيا سايبه عندهم،وحده رايحه تدرس طب"يعني كفرت"!!!
ام احمد/للأسف هذول ناس ماتحكمهم قوانين..ابوك عارف انهم لو حبوا يأذونك بيوصلون لك وين ماكنتي..علشان كذا وافق يزوجك مشعل
لوجين حاولت تستوعب وهي تضغط على راسها،وتتذكر كل شي صار لها بالترتيب/بالاول قالوا عمي تعبان..جينا لقيناه مافيه شي.ومسوين استقبال طويل عريض. .وفجأه بنتهم بتتزوج..واللحين انتي تقولين بيزوجوني ولدهم!...يالله قد ايش انا غبيه كان لازم اعرف انه في شي غلط بالموضوع..
ابو احمد تحنحن ودخل/هدى خلينا لحالنا
لوجين ماقدرت ترفع نظرها وتشوف ابوها بعد اللي عرفته/..
ام احمد وهي تترجاه بنظراتها/ماجد
ابو احمد قاطعها/هدى اطلعي...
طلعت ام احمد...وسكرت الباب..
ابو احمد قرب الطاوله وحط كتاب الملكه عليه واتجه لبنته ومسكها بكتوفها،وقلبه يتقطع/لولو
لوجين ابعدت يدينه عنها وهي ساكته ماتقدر تتلفظ على ابوها مهما كان/...
ابو احمد/لوجين حبيبتي اكيد أمك فهمتك،انا ماعندي غير هالحل..صدقيني..اكيد امك شرحتلك..انا ماقدر اوقف في وجوهم..كلهم قدروا فيني وانا استسلمت..لأني ادري بقوتهم..انا ماني ضعيف يا بنتي،ولا اخاف على نفسي...انا خوفي كله عليك..انتي فرحة سنيني،اذا ما زوجتك مشعل راح اخسرك..وانا مابي اخسرك..
لوجين ودموعها تنزف من عيونها/انت كذا تدفني بالحياة، ابوي الزواج عمره ما كان همي وتوني صغيره وأدرس وانت اللي شجعتني بكل خطوه بحياتي تجي اللحين تقتلني هنا!! ،حتى انا ما اعرف هالمكان ولا هالناس..حتى لو قرايبي انا ماعشت معهم ماحبهم ولا هم يحبوني..!! كيف يكون زواجي من ولدهم حل!!..الله ما يرضى بالظلم
ابو احمد صد وهو منزل راسه/معك حق...انا ربيتك على قوة الشخصيه واستقلالية القرار ،لكن نسيت ان عندي اهل بعقول متحجره...انا الغلطان...
بدأ ماجد يضغط على جبينه من الصداع/..
لوجين خافت عليه/أبوي فيك شي؟
بو احمد ابتسم ودمعته تعبر خده/لا يا حبيبة ابوك،بس دامك كارهه هالزواج ..بلاش منه..بس.. انا خايف عليك
لوجين ابتسمت بدمعه وضمته،ماتحب تشوف دموع ضعف ابوها قدامها/..
ابو مشعل دخل بهاللحظات/هاااه وش صار ع الكتاب يا ماجد.. تأخرت ع الرجال
لوجين ناظرته بنظرات ناريه وبقوة شخصيتها/انا رافضه هالزواج وحكمكم يا باشاوات ما يمشي علي
بو مشعل وهو يدخل يده بجيبه بهدوء واتجه لابو احمد/دام كذا ..مثلما توقعت،يعني رافضه هااه!!
لوجين بشموخ واثقه/إي نعم رافضه اتزوج ولدك..الزواج مو بالإكراه.انت عمي ع عيني وراسي لكن مالك سلطه علي..انا وليي أبوي حبيبي ومحد غيره يأمرني واطيعه.
بو مشعل قرب عند بو أحمد/..
بو احمد مستغرب تصرفه/!!!
بو مشعل طلع مسدس وجهزه/اذا ماتبين الزواج وابوك مايقدر يغصبك.. انا بريحكم من هالعذاب برصاصتين.. الاولى في ابوك والثانيه فيك.. لكن بعدما تاخذين عزاء ابوك
ماجد ما صدق اخوه/فيصل!!!
لوجين مسكت يد ابوها،وهي مصدومه من تصرف عمها/أبووي لا
ابو مشعل ببتسامه خبث/اذا صدق تحبين ابوك تزوجي مشعل. وانقذي ابوك
لوجين ودموعها مبلله وجهها،بلعة عبراتها بصعوبه،وهي تحس بالضعف لأول مرّه بحياتها،تعرف ان الكل هنا مسلح وخايفه حيل على ابوها/مـ..موافقه
بو مشعل/يلا وريني توقيعك تحت أسمك بالملف بسرعه تأخرنا ع الرجال..
لوجين راحت بسرعه ووقعت بالملف وهي قلبها مع ابوها ويدها تمسك القلم و ترجف،وقعت وخلصت../
ابو مشعل ترك الي بوها و اخذ الملف/كذا بيرتفع راسي قدام اهل القريه..يلا انقلعي وبدون مبروك ..يلا يا ماجد لا تتأخر..
>>>طلع وسكر الباب..
بو احمد بقلة حيله طلع وهو مقهور،وياشين قهر الرجال..
لوجين مو مصدقه اللي صار...رمت كل شي على الطاوله وهي تصرخ..و جلست مكانها منهاره وهي تشوف حياتها تنهدم ومستقبلها يضيع قدام عينها..
/
/
/
/
/
/
عند الرجال...
المجلس ملياان بأهالي القريه...
وصل كتاب الملكه وأُعلن زواج مشعل من لوجين...
الكل قام يبارك لمشعل ولأبوه وابو احمد...
ابو احمد كان بقمة حسرته ع بنته،ويحس صدره بأنفاسه يضيق/..
مشعل حاس براحه ما ذاق طعمها من توفت زوجته، وهو يتذكر وجه لوجين أول ما شافها..بأول لقاء بينهم..
عمر بجانبه وينغزه بالحكي/الله الله شفنا الابتسامه
مشعل يعدل شماغه ويبتسم برزانه/...
عمر/ايهه الف مبروك
مشعل/الله يبارك فيك وعقبالك..
عمر/الله كريم...عسانا نكون انفسنا و نلاقي عروس دكتوره مثل عروسك
مشعل/اطلب الله..
عمر/يااارب
عزيز/مشعل...متى ناويين نطلع لساحة الحفل.
عمر/اللحين بيطلعون الشباب كلهم...ومشعل معنا بعد..لا تنسى ان استقبال الرجال بيبدأ بعد ربع ساعه..فيه شيوخ قبايل جايين من كل محافظات القريه يباركون لازم نستقبلهم
عزيز/يلا
مشعل كلما تمشي الساعه يتوتر اكثر/...
/
/
/
/
/
في باحة القصر الداخليه ..
حضور الحريم بدري بحكم القريه.. وزواجاتهم اللي تتم بدري عكس المدن..
كانت ساره بقمة سعادتها وهي بالزفه.وتتلقى التهاني من الحضور. وطبعاً نظام القريه مايسمح بدخول العريس عند الحريم وقت الزفه!!

ومن الجانب الثاني..
جالسه"لوجين"بحسرتها وبكبريائها المجروح.. كانت تحس ان هالعالم كلهم بدوامه وهي بدوامه لحالها.. مو مستوعبه انها صارت عروس بليله مافيها ضو قمر!!
تشكلت بداخلها بركاين غضب وكراهيه،الانكسار ولّد بداخلها طاقة حزن وقهر وهي تتذكر ملامح قهر الرجال على وجه ابوها،الرجل الطيب،…!
،
،
الحريم يتهامسون… وكل وحده تتساءل ليه عروس مشعل ما تبتسم وتجامل احد!!
ام مصلح وهي تهمس لأم مشعل/شبلاها زوجة مشعل كنها مغصوبه!!!
ام مشعل معصبه من لوجين وتصرفها/لا ياعمري.. انتي عارفه ان مشعل كل وحده تتمناه.. بس يمكن علشان لوجين توها جايه من جدّه واكيد مستحيه ومو متعوده ع الاجواء والناس هنا..
ام مصلح عارفه ان ام مشعل مغروره وتكذب/ايهه صح اكيد مو متعوده..
ام مشعل بخاطرها( ماعليه يا هالحجازيه ان ما وريتك شغلك ما اكون ام مشعل.. من قبل نشوفك وحنا مانرتاح)
/
ام احمد جالسه بحسرتها وكاتمه بكيتها...
/
في جانب آخر..
زينه مبسوطه لأختها وهي تشوفها سعيده،وتشوف لوجين رغم بساطتها انيقه وحلوه/منور شوفي مرت اخوي ما شاء الله تهبل
منيره بقلبها هم كبير/قلبي معها زينه،حاسه فيها وبوجعها ،الناس ترقص ومبسوطه وهي مثل الطير الجريح وسط غابه ماحوله أحد..
زينه تكدر خاطرها/خلينا ندعي ربي يخفف جراحها.. انتي عارفه اخوك،ما مثل طيبته احد بهالقريه
منيره/وهذا اللي مريحني ..اصبري يا لوجين،عسى جرحك يطيب
/
/

وقت الزفه…
طلعت ساره قبل لوجين ع سيارة زوجها.. بالزفه واتجهوا لبيت سالم.. اللي كان قريب بنفس القريه…
ساره يدها ثلج وخايفه مع سعادتها.. وهي مع سالم لحالهم لأول مره..
سالم مد يده بهدوء ومسك كفها وضمه بكفها/مبروك علي انتي يا حياتي.
ساره اندفن صوتها وزاد حياها…
سالم/انا حاس اني احلم.. ساره فيصل آل عاصم،صارت زوجتي انا!! ماني مصدق
ساره حاسده نفسها وتحمد ربها اللي تحقق حلمها/…
سالم ملاحظ رجفت يدينها في يديه،ويبتسم بسكات/…
/
/
/
/
/
/
**القصر..
مشعل متجه لغرفته..بكل ثقه ورزانه.. بشته مسفط و على ذراعه،و نظرته توحي برجوله طاغيه..
الوقت تأخر لأنه ما دخل الا بعدما انتهت حفلة الرجال بما انه شيخ..!
دخل الغرفه بهدووءه المعهود وسكر الباب..
الغرفه كبيره وواسعه وحلوه من حيث الاثاث والاطلاله وكل شي....
مشعل عينه على يساره وبالتحديد ع البنت اللي جالسه على طرف السرير ومنزله راسها ..جذبه لها رزة طول رقبتها وجلستها الواثقه رغم انها ما تناطر فيه… كانت هااااديه!!

اقبل مشعل وحط بشته على كرسي بجلسه في منتصف الغرفه..
أنحنى بظهره ومسكها بكتوفها بنعومه ما يبي يخوفها،وقفها و رفع الطرحه الخفيفه عن وجهها
لوجين رفعت وجهها له وناظرته بنظرات ناريه خزته و بحركه سريعه طلعت سكين الطعام وارفعتها بوجهه بقوه وبدون تردد و بصوت عالي/ابععد عني،ياويلك تلمسني فاااهم
مشعل استغرب هالحركه ومسك يدها اللي كانت ترجف بسهوله واخذ السكين منها وهو يحاول يهديها/اهدي اهدي..
لوجين وهي تحاول تبعده عنها،وتفرغ طاقة القهر اللي بداخلها/ابعد عني انت ماتفهم مابيك انا مغصوبه عليك
مشعل ابعد يديه عنها وابعد خطوتين للوراء/خلاص خلاص انتي اهدي انا ابعدت عنك ارتاحي
لوجين وهي تأشر له بأصبعها السبابه بتهديد/لاتحسب اني بوافق ع اللي بيصير لي هنا وبرضخ لرغبات ابوك.. انا ما تزوجتك برضاي!!.وماراح أعدّي اللي سويتوه فيني بسهوله..
مشعل هالكلام جرحه في صميم كبريائه،بس كان هاادي كرجل عاقل/اهدي وقولي لي وش بخاطرك.. انا ماعندي فكره عن اتهامك هذا ..اللي اعرفه ان ابوي قال انك موافقه علي وانك ماعندك اي مانع..
لوجين نزلت دموعها وضحكة بسخريه/ابوك قالك هاااه.. ابوك هذا مهددني بالسلاح.. علشان اوقع بعقد الزواج.. كنت اوقع والمسدس براس ابوي.. انتم ايش.. تفكرون حياة الناس لعبه بيدينكم تصدرون الاحكام على كيفكم انت وقبيلتك المتخلفه هذي!
مشعل ماهمه من كلامها كلّه إلا انه انخدع من ابوه،وان كبريائه انجرح من اقرب اهله اللي هو (ابوه) كيف يعرف انه مايبي وحده تنغصب عليه ويكذب عليه!!
مشعل بضيق تركها و طلع من الغرفه بسرعه/… .
لوجين حست براااحه بعد كل اللي قالته و سحبت الطرحه من راسها ورمتها ع الأرض وطلعت من الغرفه وجلست بالكراسي اللي الجناح اللي قدام الغرفه.. تنتظره يوديه لأهلها لأنهم طلعوا لفندق في أبها(هففف ناس متخلفه)
/
/
/
/
تحت.. وبالتحديد في المجلس..
بو مشعل جالس ويتبسم وهو،يحس انه انتصر..حس قلبه ينغزه.. وألم بصدره.. تجاهله وحاول يكون قوي!!

دخل بهاللحظات مشعل واتجه له ووقف قباله وهو معصب ومقهور من تصرف ابوه،و يحاول ما يغلط عليه/
بو مشعل/خييير.. كنك تركت عروسك وجيتني
مشعل بدون مقدمات/يبه ليش تسوي فيني كذا!!
بو مشعل/يعني قالتلك هااه!!
مشعل بقهر نزل شماغه ورماها تحت رجل ابوه/ابوي فديتك.. ليش تصغرني بعيون الناس.. البنت مغصوبه علي… وانت عارف كرامتي غااليه علي
بو مشعل/لو ما سويت كذا ماراح انت تقبل تتزوجها.. خلاص انتهينا و صار اللي صار،ولوجين صارت زوجتك يلا روح لها لا تعطيها فرصه تفكر بشي ثاني
مشعل منقهر لأنه ما يقدر يرفع صوته على ابوه،ظل واقف وهو مثقل بكل شي يوجع. .
بومشعل ببروود عجيب/المهم انا انتظر الاخبار الليله ..هالبنت شاك فيها.. من شفت تربية ابوها وكيف متساهل معها.. ابيك تجيب لي الخبر اليقين الليله..
مشعل صد عنه وهو فاهم قصده.. طلع وهو كاظم غيضه من ابوه وتصرفاته.. اتجه لغرفته للي فيها العروس..
خواته وامه شافوه وهو رايح لغرفته وكان معصب.ومو شايف احد قدامه!!
منيره ويدها ع فمها/الله يستر
زينه/رحمت لوجين والله
ام مشعل بغرور/تحمد ربها انها متزوجه ولدي.. لكن ماني مرتاحه لين اتأكد منها
منيره عارفه قصدها،وتضايقت/يمه استغفري ربك..ترى مايجووز كلامك هذا،
ام مشعل/والله عاد كيفي انا ما اثق في هالبنت
منيره/يمه كل شي الا انك تتهمين وحده بشرفها،انا احبك يمه ومابي ربي يعذبك بهالذنب الكبير
ام مشعل اقتنعت بكلامها،بس ولو غرورها مايسمح لها تعترف بخطأها.. و هي شاكه في لوجين.. سكتت وراحت تجلس ..
زينه تسمعهم وهي ع اعصابها/..
/
/
عند لوجين..
استغربت ان مشعل رجع لها وهالمره عكس هدوءه.. وحواجبه متقطبه اتجه لها .
لوجين كانت جالسه بصالة الطابق الثاني قبالة الجناح.. ماصدقت انه بيرجع/نعم؟!!
مشعل ما رد عليها، شالها غصب عنها بقوه وهو ساكت..
لوجين حاولت تقاوم وهي تصرخ/بعععد عني نزلني نززلني انت ماعندك كرامه..انا مابيييك
مشعل طول بوقفته وعطاها فرصه تقاومه.في الصاله. وكأنه يبي الكل يسمع صوتها تصرخ..
بعدها،دخلها صالة جناحهم ومنها للغرفه وسكر الباب.. بطرف رجله ..
اتجه للسرير وسحب المفرش ووحوسه ورماها بقوه على غطاء السرير الأبيض وثبتها وهو يطالعها..
لوجين كانت تصرخ باستمرار وتبكي وتقاوم/بعد عني.. بعععد،انت ماتسمع
مشعل ثبتها ع السرير شوي وهي تقوام وترفسه في بطنه.. بس ماحس عليها ،طلع سكين صغيره من جيبه /…
لوجين استغربت/انت انجنيت ؟!!
مشعل فكها رفع كمه وجرح ذراعه وترك دمه ينزف على غطاء السسرير..
وعقبها ترك لوجين وابعد عنها وهو يضغط على جرحه وساكت/
لوجين سكتت وهي مستغربه تصرفه/انت مجنون.. ليش تجرح نفسك!!
مشعل بهدوء جلس على الصوفا وحاول يرتاح/هذا شرفي وشرفك.
لوجين هدأت و ما علقت وهي تطالع فيه/..
مشعل ماعاد رفع عينه بعينها لأن كرامته ما تسمح له،اخذ منديل وحطه ع جرحه،علشان محد ينتبه.. واخذ غطاء السرير اللي فيه دم.. وطلع برا الغرفه وطل من فوق الدرابزين الدور الثاني ورماه بنص الصاله اللي تحت،لطلبهم!!
امه شافته رمى الشرشف وزغردت..
،
مشعل رجع للوجين ..بعدما استرد انفاسه وجمع شخصيته اللي بعثرها ابوه،..
لوجين استغررربت وهي تسمع الزغاريد وعرفت ليش تصرف مشعل بهالطريقه...!
مشعل وقف قبالها/شوفي يابنت عمي.. انا تحت امرك ومتفهم قرارك..مو من حق اي احد يغصبك على الزواج.. وانا هنا اوعدك انك بترتاحين مني ..بغرفة النوم ماراح اعتبرك زوجتي.. لكن ابي منك انك تكونين مثلما تخيلتك..
لوجين استغربت وبنفس الوقت فرحت انه ماراح يلمسها،وما فهمت كيف كان يتخيلها يعني/..
مشعل بعدما عرف نوايا اهله وتفكيرهم تجاهها،/شوفي يالوجين.. انتي اللحين عارفه ظروف زواجنا وكيف صار. . راح يحاولون يزعجونك بس طنشي قد مافيك تطنشين علشان تمشي الامور..
لوجين بقهر/قد ايش الامور سهله بنظرك!! قد إيش انت متفاءل بقعدتي هنا!!
مشعل/وين بتروحين يعني
لوجين بنظرات ناريه/انت مالك حق تسألني وين اروح؟ مفهوووم
مشعل متفهم عصبيتها/مهما كان تذكري اني ماراح أأذيك ابداً..انا طالع للغرفه الثانيه انام فيها.. اخذي راحتك..تصبحين على خير.
لوجين/تظن اني بنام وانا محبوسه هنا!!
مشعل كمل طريقه و ما رد عليها..
لوجين صرخت قهر.. وراحت تجلس على الكنبه الطويله وهي تفكر بكلامه لها وهي تتذكر جملته "ابي منك تكونين مثلما تخيلتك"!!/..
/
/
/
يتبع..
الجــزء الثــالـث.. *





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 12-04-2014, 03:05 PM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
الافتراضي رد: من متى والغصن يختار الطيور؟/بقلمي


بانتظااااااااااااااااااااااااااااااااااااااااااااا ااااااااااااااااااااااااااارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 13-04-2014, 08:39 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي



**الجزء الرابع* *

4)) من متى و الغصـن يختـار الطيـور..!!

بدا وكأن فصل من حكايتنا ينتهي.. ولكن لا..
انها فقط البدايه لقصص متسلسله من قصص مجتمعيه ربما عشناها أو عاشها من نعرفهم.. أو قرأناها في الصحف..تمر بقلبين خلفهما قلوب!!
حب يقابله حقد.. !!
خوف يقابله قسوه..!!
شوق يقابله جفاء..!!
وهكذا تجري بنا الحياة بما لا نشتهي..!!
لوجين لن تسكت عند هذا الحد… بل اخذت على عاتقها الدفاع عن حقوقها و الا فإن دمار حياة من دمروها سيكون الحل العكسي لجنونها!!
مشعل بين نارين وتحدييّن ..تفرض عليه المواجهه لكن من سيواجه….. هذا ما سنعرفه في قادم الأحداث ..

/
/
/
*الأحداث السرديه;
صحى"مشعل" من بدري ع صوت المنبه ..واتجه لغرفتها اللي مقابله غرفته بنفس الجناح،كان قلقان طول الليل.. ماتهنى بنومه بعد اللي صار!!
فتح الباب ودخل يتطمن عليها بعد الضغوط اللي مرت عليها ليلة البارحه... جذبته ريحة عطرها اللي معبيه الغرفه،ألتفت باتجاه السرير وما لقاها فيه!!
خاف وتلفت وانتبه انها على الكنبه الطويله ونايمه بنصها بلبسها البارح.. وباين مو مرتاحه قرّب منها اكثر ووقف يتأمل ملامحها،يبي يساعدها ويحطها بسريرها بس خاف تصحي و تفهمه غلط وتهينه و كرامته ماتحمل فوق اللي البارحه..
ابتسم يداري خيبته وقرر يطلع بسرعه..*
،
،
،
،
على الفطور جالسين..
ام مشعل وريناد بنت منيره.. تركتها تنام عندهم..
مشعل اقبل عليهم وجلس/صبحك الله بالخير يمه
ام مشعل بابتسامه/صباح النوور يا عريس
ريناد/مبروك يا خالي
مشعل/الله يبارك فيك رنوده
ريناد/اصب لك حليب
مشعل/لا.. صبي قهوه
ريناد قامت وتصب له..
ام مشعل/كنت برسل فطورك للغرفه انت عريس المفروض ماتنزل
مشعل بهدوء/انا عندي شغل ضروري،لاتنسون ارسلوا الفطور للوجين
ام مشعل لوت بوزها/طيب
مشعل قام وطلع وهو مستعجل/… .
ام مشعل بحسره/قلبي عليك يا ولدي،فيه عريس يطلع من عند عروسه من الصبح للعمل!!..ياعزتي لك يا ولدي
ريناد ببراءه/انا بقوم اودي فطور العروسه.
ام مشعل/لااا اقعدي
ريناد/بس الخدامه عندها شغل بروح بدالها
ام مشعل/اللي يجوع ينزل ياكل بنفسه… كفايه سدت نفس ولدي عن الاكل وطلع ما كمل فطوره
ريناد سكتت وماعلقت وهي مستغربه!! …
ام مشعل قامت واخذت قهوتها معها للحوش.. وجلست بالدكه علئ منظر يطل على مدرج الحقول…
ريناد قامت تبي تطلع من المطبخ تبي تروح لزينه.. وسمعت تلفون البيت يرن وراحت ترد/الوه
منيره بالتلفون/صباح الخير بنتي الحلووه
ريناد;/صباح النور يماما
منيره/حبيبتي افطرتوا
ريناد/ايوه افطرنا
منيره/عوافي طيب شفتي المعاريس؟!
ريناد/شفت خالي مشعل بس العروس للحين نايمه
منيره/من ودا لها الفطور
ريناد/محد ..خالي مشعل قال ارسلوا لها فطور بغرفتها.. بس جدتي شافته طلع و قالت لحد يودي لها فطور!!
منيره عقدت حواجبها/حبيبتي رنوده ..روحي لزينه وخبريها وخليها تجهزلك فطور ووديه للعروس فاااهمه… ولا تخلين جدتك تدري
ريناد/طيب يمه
منيره/شاااطره بنتي يلا سكري التلفون وسوي اللي قلتلك باي
ريناد/طيب.. باي
/
/
/
/
/
الساعه10
فزت من نومها وهي خايفه.. سمعت صوت طرقات باب الغرفه، بلعت ريقها من الخوف و اتجهت للباب/مين
ريناد بصوتها الطفولي/انا ريناد
لوجين فتحت الباب بعدما ارتاحت للصوت/..!!
ريناد شايله بيدينها صينيه كبيره ووقفت ببتسامه خجوله/صباح الخير
لوجين رحمتها واخذت الصينيه منها/صباح النور.. تفضلي ريناد
ريناد ببرائه وهي مستحيه/لا بروح علشان جدتي،مابيها تعرف اني جيتك
لوجين ابتسمت ع برائتها/ليه ما تبينها تعرف يا حلوه
ريناد/لانها منعت الخدم يجيبون لك الفطور.. وماما كلمتني وقالت لي اصحي زينه خالتي تجهز لك الفطور وانا اجيبه لك
لوجين بخاطرها( من هاللحين يا أم مشعل.. بتبدأين حربك، معليه كلها أيام واطلع من هالسجن)
ريناد/يلا مع السلامه
لوجين ببتسامه/شكرا حبيبتي وقولي لماما وخاله زينه بعد شكرا
ريناد/عفواً
طلعت ريناد..
جلست لوجين وهي تناظر صحن الفطور ..جوعانه بس مالها نفس تاكل شي.. تبي تتخلص من هالورطه اللي هي فيها
مستحيل تستسلم لهالواقع اللي حطوها فيه،تذكرت جوالها وانقهرت لأنها مالقته بأغراضها اللي جابوها!! (فين الاقي تليفون اللحين.. يالله ،ايش الناس المتخلفين هدوول)
،
سمعت صوت تحت وراحت تطل من الشباك واستغربت ان مجموعه يتهاوشون برا ومعاهم اسلحه!!!
امتلأ قلبها رعب ودخلت بسرعه/وكمان اسلحه ..احنا فين مو معقووله اللي حاصل هنا!!
سمعت صوت اطلاق رصاص وخااافت اكثر واتجهت للشباك مرّه ثانيه.. وتفاجأت بمشعل واقف قبالهم ومعاه مسدس ويطلق النار بالهواء علشان يفرقهم/مشعل!!
الكل التفت له وتركوا بعض..
مشعل بصوت عالي/وش اللي صااير هنا..انتم جاين تطلبون الصلح عند الشيخ والا تذابحون عند قصره!!
واحد من المتخاصمين/المعذره يا شيخ هالعوال فشلونا
مشعل بحكمه/العوال ع قولتك مالهم ذنب اذا مالقوا من يوجههم ويعلمهم الصح من الغلط…
الكل ساكت
مشعل/يلا تفضلوا المجلس عند ابوي خلونا نشوف وش مشكلتكم…
الكل دخل……

،
لوجين بعدما سمعت وشافت اللي صار استغربت/القريه هذي مافيها قانون وشرطه والا ايش!!
انا لازم اطلع من هنا.. بس بالأول القى تليفون.
صوت الباب ينطق!!
لوجين عقدت حواجبها/يا ساتر بعد لا يكون ام مشعل
فتحت الباب،بسكات وصدت وهي عابسه/..
ام احمد دخلت والدمعه بعينها/لولو قلبي. لا تعاقبيني بذنب ماسويته يا بنتي،
لوجين ما ردت عليها،وقلبها محروق تبي تحضن أمها/..
ام احمد/لا تصيرين قاسيه علي يا بنتي.. انا مربيتك بالحب،انتي بنتي و عمري وحلم حياتي..
لوجين ما قدرت تصد عن أمها مهما كان*امها حبيبتها* نزلت دمعاتها بسرعه واتجهت لأمها وضمتها بسكات/..
ام احمد ضمتها وهي تبكي/نسيت اقولك مبروك
لوجين بقهر/يمه لا تباركين لي انا مابي هالزواج..
ام احمد تمسح على راس بنتها/هذا نصيبك يا بنتي لازم ترضين فيه.. بعدين انا سمعت من ابوك ان مشعل انسان ممتاز والكل هنا يحترمه ويقدره
لوجين بعدم رضا/هذا ما يعنيني.. انا مالي دخل اذا يحبونه او لا، انا حياتي بتدمر هنا والسبب هالزواج
ام احمد وهي تمسح دموعها وتقوم/ما باليد حيله يا قلب امك…
لوجين/ماما وين رايحه؟!
ام احمد/بعد ساعه طيارتنا لجده
لوجين وهي تترجاها بنظراتها/بتخلوني هنا لحالي!!
ام احمد/لولو يا حبيبتي لا تزيدينها علي انا بالزور اقنعت ابوكِ اني اجي اودعك.. يلا يا حبيبتي فمان الله
طلعت ام احمد…
وجلست لوجين تبكي بصمت محبطه وكارهه الدنيا/..
/
/
/
/
/
الليل*
رجع متأخر للجناح وقلبه مهموم من اللي صار. .. وقف يناظر باب غرفتها بحسره… وقرر يدخل غرفته اللي مقابله غرفتها ويرتاح..
.
لوجين كانت جالسه على طرف الكنبه وكأنها تنتظر أحد، سمعت صوت عند باب غرفتها وعرفت ان مشعل وصل وطلعت له بسرعه.. وشافت ضوء غرفته مضوي وعرفت انه وصل… فكرت قبل تروح وترددت.. ، بس بالاخير قررت انها تروح له تكلمه بموضوعها المهم..
اتجهت لباب غرفته وطقتها..وفتحته،تفاجأت فيه بالبرمودا الفضفاض لين الركبه،وصدره عريان صدت عنه/اسسفه مالي داعي دخلت بدون استأذن
مشعل والتيشرت كان بيده لبسه بسرعه/لا عادي تعالي لبست،
لوجين التفتت عليه بهدوء،خجوله/
مشعل ببتسامه باهته/توقعتك نمتي،بس شكل فكرك مشغول بشي مزعجك،
لوجين ترتاح لهدوءه/اكيد ماراح اكون مرتاحه..
مشعل/تعالي اجلسي هنا و قولي اللي بخاطرك،انا بسمعك
لوجين استغربت كيف عرف انها مزعوجه وودها تحكي/ماني قادره انام..
مشعل/ليش.. في احد اليوم ازعجك؟
لوجين تبي تبدأ بالمهم وتنسى استلطافها له/مشعل انا ما اعرف كيف اقول مقدمات وصف حكي.. انا ابي اعرف شي واحد وبسرعه جاوبني لين متى بتخليني؟
مشعل/مافهمت
لوجين/مشعل لا تستهبل انت تعرف انو انا وانت مانصلح لبعض..أنا لي حياتي الخاصه اللي تختلف عنكم هنا. و اللي عرفته عنك انك انسان متعلم ومثقف،ماترضا لنفسك وحده صرّحت لك وقالت انها ماتبيك.
مشعل بهدوءه المعتاد،رغم انه يغلي/وش تبين توصلين له من بعد هالديباجه
لوجين/كل شي واضح.. زواجنا مُدبر وبدون رغبتنا لا انا ولا انت،عشان كذا خلينا ناخذها من قاصرها وننفصل واتركني اشوف مستقبلي
مشعل عصب بس ما بين،ماقدر يتكلم/…
لوجين/اظنك اقتنعت صح؟
مشعل رفع عيونه وحطها بعيونها وطول بالنظرات/..
لوجين بلعت ريقها من الخحل وهو يطالعها بهالطريقه،قامت وهي مرتبكه/مو مشكله فكر بكلامي وبكرا رد علي. عن اذنك.
مشعل ناداها وهي مقفيه/ لوجين
لوجين خاافت والتفتت عليه وماقدرت تتكلم ضلت واقفه/
مشعل حس بيأس لأن كلامها واضح/تصبحين على خير
طلعت لوجين وقلبها مليان أسئله/..
مشعل شافها طلعت و رفس الطاوله اللي قدامه وطاحت على جنبها ،صحيح هادي طباع،لكن هالهدوء الخارجي يغطي براكين داخله،عودته الأيام كيف يكون رجل يوزن كل تصرفاته،ويتحكم بأعصابه مع الناس/..
/
/
/
/
رجعت غرفتها وهي تحاول ماتفكر فيه،وتبعد شكله عن مخيلتها.. راحت سريرها ورمت نفسها عليه وتنفست بعمق وهي تمتم/لازم اطلع من هالمكان بأي وسيله والا بيضيع مستقبلي وانا محبوسه هنا.
/
/
/
/


يوم جديد.. في جده..
لمياء اليوم تنتظر تشوف اليوم اعز صاحباتها لبست وتجهزت ..
صوت طرقات باب واخوها زياد يناديها/لمياااء عجلي شوي،شكلك نمتي!!
لمياء طلعت وهي تتبسم وجاهزه/شفيييك طاير،هذا انا خلصت..
زياد/والله ظنيتك نسيتي نفسك ونمتي
لمياء/انا ما تأخرت حبيبي بس انت اللي مستعجل تبي تطمن على الحبيبه هاااه
زياد ببتسامه/وماني مرتااح لين اخطبها الليله قبل بكرا
لمياء/ههههه تطمن وارتاح لوجين تحبك،ولمحت لها ع الخطبه وفهمت انها موافقه
زياد بقمة سعادته/الله يبشرك بالخير.. يلا مشينا.. امي تقول انهم وصلوا البارح
لمياء/يلا مشينا سيد زياد
/
/
/
/
/
نعود الى الجنوب..
العصر كان فيه استقبال للنساء. . لمباركة العروس..
كالعاده.. الصاله تحت امتلأت تقريباً..والكل يتطلع يشوف صاحبة الاستقبال..
زينه نازله من فوق وهي خايفه من أمها..
ام مشعل همست لها/وين لوجين لييه ماتنزل؟
زينه وهي تهمس لأمها/راافضه تنزل
ام مشعل عصبت واخذت زينه على جنب بحيث مايسمعونها النسوان/مو بكيفها غصب عنها راح تنزل،مفكره الدنيا على كيفها!!
زينه/يمه ما اقدر اغصبها..
ام مشعل/انا بروح لها وبغصبها تجي،ما عاد الا هي يا بنت الحجازيه بتفشليني
زينه/انا اقول خلينا نتعذر عنها ونقول تعبانه،انتي عارفه ظروف زواج البنت
ام مشعل ما سمعتها ،راحت تصعد فوق..
/
/
بغرفتها كانت لوجين واقفه عند شباكها و من طرف الستاره تتفرج في الجو..تبي تغير نفسيتها/..
لحظات وانفتح الباب وكأنه صار انفجار/وينك يا بنت الحجازيه
لوجين التفتت عليها وهي تلوي بوزها/ياربي ماني ناقصتهاا
ام مشعل شافتها واتجهت لها،وعيونها ترسل شرارات الغضب/ليش ماتنزلين لاستقبال المباركين لك يا بعدي!!
لوجين ببرود/مزاااج
ام مشعل/لو مافي تحت نسوان ينتظروني كان عرفت كيف اربيك
لوجين/انتوا وش مشكلتك معي انتي وزوجك.. كل كلمه والثانيه بنربيك!!..وش شايفين علي ؟..فهميني
ام مشعل بإزدراء/ماعليك شرهه انتي وأمك..

من السلالم.. اقبل مشعل وسمعهم.. واتجه لغرفة لوجين.. *

لوجين وهي مقهوره/احترمي نفسك.. انا للحين اعاملك بحكم سنك واحتراما لمن رباني.. لكن ان تطاولتي ثاني مره على أمي برد عليك وما راح اسكت.
ام مشعل/ناس ماتستحي كيف بتربي
لوجين/ياررربي صبررني
مشعل دخل بهاللحظات وهو منحرج من أمه;/وش صاير
ام مشعل/شايف هالقليلة الادب اقولها تنزل تستقبل النسوان اللي جايين يباركون ورافضه تبي تكسرنا قدامهم
لوجين ملت منها ولاحظت انه واضح من ام مشعل مصره على الشر/انتي ماخليتي كلمه سيئه ما قلتيها بحقي وبحق أمي وانا ساكته لك علشان كبر سنك.. ومع ذلك تنعتيني بقليلة الأدب، واضح انك مو ناويه تفهمين.
ام مشعل/شاايف شاايف
مشعل اخذ أمه وطلعها برا،بهدوء.. وصرّفها/يمه انزلي لضيوفك.. مايصير تخلينهم لحالهم..
ام مشعل/وهالكلبه هذي ليش ماتغصبها تجي
مشعل،انقهر من هالكلمه/يمه ليش كذا.. ترضين احد يقولي "كلب"!!
ام مشعل/محشووم يا ولدي وش هالكلام
مشعل بيقنعها/طيب هذي صارت زوووجتي فاهمه يالغاليه ،اللي يسبها كأنه يسبني أنا.. والا تبين تقهريني يمه.دامها كلبه فأنا طبيعي بكون كلب.. لانها زوجتي..
ام مشعل/محشوووم يا ولدي..لا حشى ما أرضى عليك
مشعل باس يدينها وراسها/انا طالبك لا تحارشينها،ولا تسبينها ترى كأنك تسبيني،بعدين خليها تتقبل هالوضع .انتي عارفه الظرووف اللي خلتها تقعد هنا..
ام مشعل وكأنها هدأت/طيب مثلما تبي انا نازله للنسوان..

/
/
/
جده..*
بصدمه وقف زياد/معقوله يا خالتي كل هذا يصير للوجين وانا ما اعرف
ام احمد بقلّة حيله/يا ولدي هذا نصيبها ايش نسوي
لمياء انقهرت/عمري ماتخيلت ان لوجين بتتزوج بهذي الطريقه الغريبه
زياد قلبه محروق وما قدر يجلس طلع برا وهو مقهور…
ام احمد/ي زيااااد وقف.. فين رااايح
لمياء/اتركيه يا خاله اللي فيه مكفيه..
ام احمد/ايش فيه زياد
لمياء/فاتح ابوي وامي بخطبة لوجين وكانوا مخططين هالاسبوع يجوا يخطبوا بس مثلما قلتي نصيب..
ام احمد بحسره/النصيب لازم يصيب مهما كان..
لمياء بحالة صدمه وتفكر بأخوها،كيف بيتقبل هالخبر/
/
/
/
/
/
عند لوجين… اللي جالسه على اعصابها وتغلي من تصرف أم مشعل المُستفزه…
دخل مشعل وسكر الباب..
لوجين وقفت و التفتت عليه وهي معصبه/عاجبك تصرف أمك
مشعل اقترب منها لين وقف عندها ويحاول يهديها/انا اعتذر نيابه عن أمي،امسحيها بوجهي هالمره..
لوجين عطته ظهرها بإعتراض/والمره الجايه امسحها بوجه مين؟هاااه!!..انا اصلاً ماني عارفه وش مجلسني هنا للحين!!
مشعل/لانك صرتي زوجتي
لوجين لفت عليه وهي تستنكر كلامه/نعم نعم!!
مشعل بهدوء مايبي فضايح تشهدها الناس اللي تحت،مسك كفها اليمين/اقصد الكل يعرف انك زوجتي..وما يدري وش حقيقة اللي بيني وبينك.
لوجين ناظرت في يده اللي تمسك يدها وسحبتها منه بهدوء،وهي ساكته، وتناظر فيه مستغربه/
مشعل وعينه تغزو عينها/طلبتك،لا تاخذيني بجريرة غيري انتي عارفه انه مالي ذنب باللي سواه ابوي، انزلي لهم تحت بس جاملي شوي،وأمي اعتبريها مقام أمك.. وش ماتقول عديه لها،..
لوجين مستغربه اسلوبه وكلماته المنتقاه بعنايه ونظراته اللي تسيطر عليها وهدووءه/..
مشعل وعيونه تستنطقها/هاه وش قلتي؟
لوجين بلعة ريقها وهي تراقب حركاته وسكناته/طيب.
مشعل من فرحته باسها على جبينها/مشكوره يا بنت عمي، بيض الله وجهك..يلا اخليك علشان تجهزين وتنزلين.
قفى من عندها وانسحب بهدوء وسكر الباب وهو يبتسم لها/..
لوجين فاقت لنفسها شوي،وحاولت تبعد الوساوس من راسها( شلون وافقت!!!) اتجهت للحمام، وغسلت وجهها وهي تناظر وجهها، ماتبي مشعل يأثر فيها خايفه من نفسها كثير/لازم ألقى تليفون بأقرب فرصه.. لازم ..الوقت مو من صالحي..ما راح أخلي أحد يأثر فيني ويمنعني<<<قصدها مشعل
/
/
/
/
/
/
/
الكل تحت ينتظر..ويسأل وين العروس؟!!
سلمى/زينه وين مرت اخوك مو مبينه
زينه وهي متوتره/بـ.. بتجي
سلمى/صاير شي؟!
زينه/وش ممكن يصير يعني.. عروس لازم تستحي وتتردد في مقابل الناس بعد الزواج
سلمى ماصدقت بس سكتت/ ..
،
ام مشعل جالسه وتغلي من غضبها،وهي تتوعد لوجين،بداخلها( هييين يا بنت الحجازيه..بتكسرين كلمتي!!! ان ما وريتك).

لحظات ونزلت"لوجين" وهي تناظر فيهم وحاسه ودها تستفرغ،من كثر ما تجامل.. ولأنها ما أكلت شي من صبح...،
الكل ألتفت لها ويتهامسون!!..
زينه فرحت انها نزلت وجنبتها عناء الاعتذار وثرثرة النساء.. ام مشعل تناظرها بنظرات المنتصر !! لكن ناقده على فستانها،..وهي تسمع همس الحريم!!
،
لوجين كانت لابسه فستان أزرق ناعم واكمامه طويله دانتيلا و مسكر لين نص رقبتها الطويله بالدانتيلا..ماسك على جسمها.. و لكنه فوق الركبه!! ولابسه شراب شفاااف طووويل لأفخاذها.. ورافعه شعرها بشكل حلو ونازله على رقبتها خصلات ..
زينه اتجهت لها وهي تبتسم لها بإمتنان،وهمست لها/مشكوره انك جيتي
لوجين ماردت عليها/…
زينه التفتت على النسوان/وهذي عروستنا وصلت..
لوجين بدون نفس/السلام عليكم.
الكل وقف يسلم..
انتهت لوجين من السلام.. وراحت تجلس بصدر المجلس..
وبعد الضيافه والمجاملات.. قاموا الحريم وطلعوا…
،
زينه راحت وجلست جنب لوجين وهي خجلانه من تصرفات أهلها معها/شلونك لوجين
لوجين ما ألتفتت عليها/بخيرر..
قامت تبي تروح لغرفتها.. وتلفتت تبي تلمح تلفون.. تبي تتصل منه..
زينه قامت ولحقتها/لوجين وقفي تكفين.. انا مالي دخل باللي سووه
لوجين ما التفتت عليها وهي مخنوقه من الكل/حصل خير..
زينه/بس شكلك زعلانه
لوجين التفتت عليها وهي تتبسم بسخريه/برأيك وش المفروض تكون نفسيتي يعني؟!!هاااه.. اجاملك وما كأن شي صار!!
زينه/لوجين انا وخواتي مالنا دخل..بعد حنا ننظلم منهم
لوجين/انتي وخواتك بكييفكم هذا ابوكم.. لكن انا اللي صدق ماله دخل فيني!! طوول عمري عايشه مبسوطه مع اهلي لين طلعتوا لنا فجأه..
زينه سكتت متفشله/..
لوجين مشت وتركتها/..

وصلت للدرج تبي تصعد وتلاقي أم مشعل قدامها وتخزها/بسم الله..
ام مشعل عصبت منها/لو انك تعرفين الله ما طلعتي للناس بهاللبس..
لوجين ماتبي تطول معها/اوكي انا ماعرف الل،بس انتي اللي تعرفينه ،يلا اتركيني اروح لغرفتي..
ام مشعل/انتي تضحكين علي والا تاخذيني على قد عقلي.
لوجين وهي تضغط على جبينها من العصبيه/يا معييين الصابرين.. يا ستي ابعدي عن طريقي انتي كبيرة سن ما يصلح أغلط عليك
ام مشعل خزتها بإحتقار/ماباقي الا السلق يغلطون علي!!
لوجين استغربت الكلمه/تكلمي بكلام أفهمه
ام مشعل/اكيد ماتعرفين كلام العرب.. كله من خوالك.. الله يسامح ماجد اللي ترك بنات جماعته وراح ياخذ وحده ما يندرى عنها
زينه راحت لأمها/يمه بسك خلااص ابعدي عن لوجين
ام مشعل/ماني مبعده عنها.. من عرفناها ماعرفنا الراحه
لوجين انقهرت اكثر،..مشت وتركتها بهاللحظه،…
زينه حزنت من لوجين/الله يسامحك يمه كثرتي عليها
ام مشعل بلا مبالاة/قلعتها خليها تعرف قدرها،
زينه/هذي زوجة ولدك،المفروض تكون محل احترامك
ام مشعل/واذا زوجة ولدي..خير ياطير مب ام عياله.. اميره الله يرحمها احسن منها قعدت 3سنين وماحملت.. اخوك عقيييم انتي ماتفهمين.اللي تزوجوا معه اولادهم هالسنه يدرسون ..
زينه انصدمت من كلام امها الجارح/يمه حبيبتي لا يسمعك اخوي ويموت قهر.
ام مشعل تركتها ومشت.. بلا مبالاة/حسرتي ع ولدي بس
،
مشعل كان بيدخل وسمع كلام أمه بالاخير وسالفة اميره.. وخباها في قلبه،..بعد لحظات دخل وهو مبتسم وكأنه ما سمع شي،مايبي اخته الحبيبه زينه تتضايق عليه/السلام عليكم
زينه بلعة عبرتها ومسحت دموعها بسرعه وابتسمت/وعليكم السلام.. هلا بالغالي
مشعل/شكل الناس راحوا
زينه/من مده..
مشعل/لوجين بغرفتها؟
زينه ترددت/لا..
مشعل/وينها.. ؟
زينه/راحت للبلكون اللي تطل ع المزرعه..
مشعل عرف/امك ضايقتها صح؟
زينه وهي مقهوره/انت عارف أمك.. ماقصرت فيها.. ومع ذلك لوجين مسكت اعصابها وما سبتها..،
مشعل كبت غضبه مهما كان مستحيل يزعل أمه،ترك زينه ومشى/انا رايح للوجين
زينه/مشعل
مشعل التفت عليها/لوجين ما أكلت شي من صبح..
مشعل/فهمت
،
،
،
،
عند البلكون..
واقفه متكتفه بيدها وهي سرحانه والهواء البارد يداعب وجهها ويحرك خصلات شعرها..تحاول تفضي راسها من كل شي مزعجها هاليومين تعرضت لما يكفي من ضغوطات..
نزلت دمعتها وهي تتذكر أهلها بعيدين عنها.. ،
وقف بجنبها/انا كنت اوقف هنا كلما ضاق صدري ..واجلس بالساعات..اناظر في العصافير وهي تطير وتجلس ع الغصن اللي تحب واحسدها على حريتها،واتسأل ياترى هالاغصان مبسوطه؟..ولما اسمع تغريد هالعاصفير اقول اكيد الاغصان مبسوطه وهي تسمع هالألحان.. حتى لو ان الطيور تضايقها وتبني اعشاشها فوقها..!!
احيان مافينا نغير شي عن حاله.. ومع ذالك مع الأيام نتأقلم ويصير جزء مننا.. ما نقدر نستغني عنه
لوجين ألتفتت عليه وهي مستغربه هالفلسفه والكلام اللي اعجبها،ظلت تناظر فيه بإستفهام ،خصوصا انه ما يناظر فيها كان يناظر المزارع.. مثلما كانت هي تناظر/..!!
مشعل ألتفت عليها ببتسامه/انا من صباح ما اكلت شي، شرايك تجين معي نروح نغير جو ونتعشى برا.. ؟!
لوجين للحين مستغربه/!!
مشعل ببشاشه/اذا موافقه روحي غيري ملابسك انا رايح للسياره انتظرك اذا ماجيتي بعد ربع ساعه بعتبرك رافضه العرض.. وراح امشي،وبكون عاذرك ماراح ازعل منك.
راح مشعل وتركها…
،
،
،
،
،
،
يتبع...




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 13-04-2014, 10:16 AM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
الافتراضي رد: من متى والغصن يختار الطيور؟/بقلمي


روووووووعات بمعنى الكلمه
ام مشعل بدي اقطعها تقطيع
وبالنسبه لمشعل كان لازم مايسكت حتى لو امه
لان سكت عن الغلط وهذا مايجوز
ويتكلم ويه امه ويحاول يفهمها بهدوؤء
لوجين اعتقد مراح تتااقلم بسهوله
بدها مشوار طويل لكن ممكن يقص بمساعده مشعل
اما سالفه انو مشعل عقيم معتقد اعتقد السبب باميره وهو لانو يحبها لاميره مقال شي
زينه مسكينه بين نارين امها ولوجين
متحمسه اعرف قصه منيره
زياد مسكين
لمياء حزنت عليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 13-04-2014, 10:44 AM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
Awt9 رد: من متى والغصن يختار الطيور؟/بقلمي


سلااااااام

ارسلي رابط الروايه, الروايه الجميله دي
لملفات الاعضاء وراح تلقي تفاعل اكبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 13-04-2014, 09:54 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: من متى والغصن يختار الطيور؟/بقلمي


مساء الخير ... يسلمو على البارت الحلو وعلى الاحداث ... اتمنى الاحداث الجاية تكون الاحداث اجمل وفيها الي يبرد القلب

لجين ومشعل

لجين طاحت من عيني وبدل مااتعاطف معاها اسلوبها خلاني انفر منها واشمئز بجد ماتوقعتها بالهلوقاحة تشوف دموع امها ودموع ابوها المكسور وتصد عنهم وماتتعاطف معاهم لهدرجة مستقبلها وشهادتها عندها اهم من دموع ابوها واعتذاراته ومبرراته

لولا حب ابوها ماوصلت للي وصلت له على ايش الغرور وشوفة النفس وهي ماصارت دكتورة لسى استغفر الله تجيها امها تبكي وقلبها محروق تصد عنها استغفر الله شهالعقوق مهما كانت صدمتها ليش ماتحط ببالها لو ايش ماسوت ولو وين ماهربت ماراح تهرب من المكتوب لو فيها ذرة ايمان بربها والقدر المكتوب من ولادتها كان ماسوت الي سوته

النصيب والمكتوب ماحد يقدر يهرب منه لو مقدر لها تسافر كان سافرت .. ليش ماتحط ببالها انو هالشي خيرة صح انا معاها طريقة الزواج وتفكير العقول متخلفة وغير مقبولة لكن ابوها شرح لها ليش انجبر على الي سواه يعني متوقعة لو رجعت لاهلها خلاص مابيتغير شي الظاهر مابترتاح الا اذا شافة ابوها جثة هامدة لانها لو رجعت هالمرة الرصاصة يافيها يافي احد من اهلها

وليش مصرة على التيلفون مين بتكلم مو امها كانت عندها ليش مابلغتها بالي تبغيه ولو في حل من الاول موكان لجئ له ابوها بدل كل هالشوشرة وين عقلها وذكائها الي تدعيه ومفتخرة فيه

تحمد ربها انو واحد مثل مشعل تزوجها لاتتوقع انو زياد الي راضية بعلاقة محرمة معاه بيكون احسن منه لو زياد يملك ذرة غيره على محارمه ماتحجج ولا سمح لنفسه يكلم وحدة ماتربطه فيها علاقة شرعية

لجين للاسف واضح وضوح الشمس انها ماتربت على العمق الديني ولا الاشياء الي مايجوز انها تسويها ...

مشعل خسارة في لجين واتمنى من قلبي انه يتخلص منها ويتزوج انسانة واعية مؤذبة تملك الخجل والحياء الي كل بنت تملكه مو وحدة عيونها قوية اول لقاء مع زوجها الي عمرها ماشافته تخزه وترفع صوتها وتهين وتجرح مين اعطاها هالحق اصلا فرق السما عن الارض بين اخلاق مشعل واخلاقها والمصيبة انو امه وابوه تفكيرهم متخلف وهي الي اهلها تفكيرهم مافيه هالافكار من وين جابت هالوقاحة وابوها الي هو رجال ماشفنا منه تصرف ينتقذ عليه ولا حتى امها

مين قال انو هذي استقلالية وشخصية واعية .... معذورة بطريقة زواجها بس مو معذورة بالتجريح لكل من ابوها وامها وزوجها لانو عليها حقوق لهم واذا زوجها نام وهو مجروح وغضبان منها الملائكة تلعنها الين يرضى عنها المفروض امها قبل ماتسافر تثقفها في الدين واموره لانها اشياء بتتحاسب عليها يوم القيامة مابتتحاسب على تركها دراسة الطب وغيرها من الامور الدنيوية

وهي كانت قابلة تتزوج زياد والا ليش تسمح لنفسها تحتفظ برقمه في جوالها بدون وجه حق ... اذا تبغينا نقتنع بتصرفاتها لازم مايكون في تناقضات

وانا مع مشعل وضدها واتمنى فعلا انو يطلقها خليها تشوف المصير الي بتواجهه لانها معتقدة انو تصرفاتها هي الصح وتصرفات غيرها غلط


سويرة وسالم

بدل ماام مشعل تنقد على تربية الحجازية تجي تشوف تربيتها في بنتها الي بدون خجل ولا حياء تقارن تصرفاتها بتصرفات السيدة خديجة زوجة النبي عليه الصلاة والسلام

يعني كل وحدة يعجبها واحد تروح تعرض نفسها عليه وتطلب منه يخطبها بحجة القدوة الي فاهمينها على كيفها وباقي امور الدين ناسيينها ولا يدرو عنها ..

مبررات جدا سخيفة من انسانة المفروض تكون متربية وتخاف ربها بس هي الي ارخصت نفسها ومااعتقد انها بتعيش براحة مثل ماهي متوقعة دام هذا تفكيرها وخلي تهورها يفيدها لانو مهما صار سالم مابينسى تصرفاتها قبل مايتزوجها مهما كان الرجل الشرقي موكل تصرف يتقبله من زوجته

ام مشعل

من وين جايبة هالقوة وزوجها من النوع الي واضح انه يحتقر الحريم في تعامله من خلال كلامه عن ابوه وتربيته له يعني المفروض من بداية حياتهم تعامله زفت معاها والمفروض عانت من الظلم مثل بنات جيلها والبيئة المتخلفة الي عاشتها لكن تصرفات ماتبين هالشي بالعكس يمكن بناتها انظلمو اكثر منها

المفروض هي تكون طيبة ومكسورة وزوجها متجبر ومغرور مثل ماهو كيف زوجته تتصرف بهالوقاحة وهالجبروت في بيئة تحكمها عادات متخلفة هنا في تناقض مااقنعني في شخصيتها ولامثلت الظلم الي يتعرض له امثالها في مجتمع مثل قريتها

يعني لو سلطتي الضوء على هالنقطة بشكل اعمق على هالقضية وانها عادة كريهة من سنوات وماتغيرت بالجور على كل انثى حتى مع اختلاف الاعمار كان الانطباع والرسالة الي طرحتيها بتكون نتيجتها اعمق

في الانتظار

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1