غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 551
قديم(ـة) 19-12-2014, 08:53 PM
صورة almochtaqa liljanna الرمزية
almochtaqa liljanna almochtaqa liljanna غير متصل
©؛°¨غرامي مشارك¨°؛©
 
الافتراضي رد: من متى والغصن يختار الطيور؟/بقلمي


واااااااااااو الباااااااااارت خقة تسلم اناملك على هالابداع حبيبتي ♥
/////
بانتظاااارك ع احر من الجمر قلبو ♥
تحياااتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 552
قديم(ـة) 19-12-2014, 09:30 PM
mnorhh mnorhh غير متصل
©؛°¨غرامي جديد¨°؛©
 
الافتراضي رد: من متى والغصن يختار الطيور؟/بقلمي


بأنتظارك مبدعتي ،اي ،متى تنزلين تابع البات ياعينه؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 553
قديم(ـة) 21-12-2014, 12:01 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها fai.halawani مشاهدة المشاركة
انشالله ما يكون مشعل انا اتوقع العامل االي جا من المحطه وقف قدامه بس اذا كان مشعل معناته انو لوجين الي بتسوي العمليه له وقلبها بيحن له بس بعد ما ترضى وتتزبط الاواضاع حركه من حركات مشاعل بتخليها ترجع تزعل وابو مشعل يناس اظن لمن يتعافى ويقابل مشاعل بيطلقها بعد ما يوريها الويل في الي سوته ليه ولولده وبيرجع ام مشعل لذمته

ومنجد كان البارت مرا جميل حماس يناس
اهلين يا في..
توقعك حلو..

اقتباس:
المشاركة الأساسية كتبها لوجـين مشاهدة المشاركة
اتوقع مشعل جت رصاصة على كتفه وعزيز بيوديه المستشفي لوجين تجيها حالة طارئة اللى هو مشعل
وبعدين بعد ما يصحي من العناية بعترف لها بكل شي كل شي صار معاه مع مشاعل
وبترجعله
توقعات خطيره.. الله يستر :)

نووورتوووا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 554
قديم(ـة) 22-12-2014, 02:51 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها شموخالشمري مشاهدة المشاركة
لا لا يبووووي حرااام عليييكك ليش ككذآ ������
من اسبوع وانا كل يوم ادخل وادور بارت يوم لقيته خليته نهايته ناار كذا������
..
مشاعل ومشعل
هآخخ جعلك الموت ي مشاعل كانك دوم تخربين حياة الناس ي وصصصخه
انا متأكدة ان ابو مشعل بيطلقها ويفك عايله من شرها وبيرجع *الكهله* أم مشعل ��

لوجين
غييرتها تبين حبها لمشعل الي تكابر عليه وماتحب توضحه

التوأم:اشتقت لهم مالهم حوارات بريئه وجميله بالبارت����

عمر وفاتن ولمياء:صراحه انا ضد اي وحده تخطب لزوجها بس لو شفنا حالتهم
لما حملت فاتن وولدت عمر ماطلقها ولا قتلها ولا رماها جد رجال
وهي حبته وحبت نبله معاها ومع ولدها الي كأنه ولده
ف شي طبيييعي لترد له جميله تخطب له حبيبة قلبه

لمياء :ههاخخ عليها يارب ماترفض وتتزوجه بس اتوقع بترفضه وبيتعذب معها كثييييير

رودين ومراد: مالومهأ من يبي الغثا الوغدان وهم مشغولين كذا
بس جد استغربت من مراد الي حفت رجله وهو يركض وراها تزوجها وبرد الحب بينهم!!؟��
علي:لحد اللحين حاقد والله يستر من حقده..!!
*حبيبتي عندي سؤال يعني الروايه كم باقي لها وتخلص مآقصدي مليت بس بأعرف*
وياليت تستعجلين علينا بالبارت الجآي والله يستر ع مشعل.

������������
وشسمه ترا البارت الجآي هديه لي ������
الآسر20

ابشري شموخه.. تستاهلين الهدايا..

الروايه مابقى منها.. اقل كثييير من اللي راح..

..كل شيء بأوااانه

ويا مرحبا بك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 555
قديم(ـة) 22-12-2014, 02:58 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها $راما$ مشاهدة المشاركة
بارت روووعه

يقهري من مشاعل تقهر صراحه
ومسكين يامشعل كل شي عليه وكل شي يصيبه ياني رحمته متى رس اشوفه مع عياله وزوجته ومبسوط ومستانس
وابوه متى بس يطلق مشاعل ونفتك من مشاكلها
ومه ترجع حق ابوه

باتتظار البارت بكل حماس

بحب
معك حق.. تصرفات مشاعل ما يبررها أي شي.. الدين علمنا حدودنا ..لكن هي ما راعت الدين..
،
مشعل ضحية ظروف..

اقتباس:
المشاركة الأساسية كتبها الريم00 مشاهدة المشاركة
اهليين شخصية خيالية
البارت مرره جميل وروعه تسلمين على هالابداع وننتظر البارت الجااي. وشكرآ ❤❤
يا مرحبا بك ..

اقتباس:
المشاركة الأساسية كتبها رغوو مشاهدة المشاركة
اووه احداث حماس *_*
شكراً شخصية خيالية على هذا الإبداع
العفو منك رغوو

اقتباس:
المشاركة الأساسية كتبها صمت نصف عنواني مشاهدة المشاركة
باإاإاإارت جميل جدا
أتوقع رصاصة رح تكون مصاوبة مشعل ولجين هي رح تساعدة
ويرجع علي ينسجن
وببببسسسسسسسس

اشكرك ع التوقع…بس كيف تساعده لوجين وهي في جده !!!


نوووورتي يا صمت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 556
قديم(ـة) 22-12-2014, 03:00 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي


اقتباس:
المشاركة الأساسية كتبها almochtaqa liljanna مشاهدة المشاركة
واااااااااااو الباااااااااارت خقة تسلم اناملك على هالابداع حبيبتي ♥
/////
بانتظاااارك ع احر من الجمر قلبو ♥
تحياااتي
اقتباس:
المشاركة الأساسية كتبها mnorhh مشاهدة المشاركة
بأنتظارك مبدعتي ،اي ،متى تنزلين تابع البات ياعينه؟
غداً سوف ينزل فصل جديد…

وبإذن الله راح ينزل الفصل اللي بعده بالويكند

يعني هالاسبوع راح يكون فيه فصلين بإذن الله..


كونوا دائماً بخير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 557
قديم(ـة) 22-12-2014, 08:05 AM
في نو لي تر في نو لي تر غير متصل
©؛°¨غرامي جديد¨°؛©
 
الافتراضي رد: من متى والغصن يختار الطيور؟/بقلمي


بانتظارك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 558
قديم(ـة) 22-12-2014, 03:13 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: من متى والغصن يختار الطيور؟/بقلمي



37))من متى والغصن يختار الطيور؟!
،
.
،
ظهر لهم "علي" بلبس العمال وناداه بابتسامه/مشششعللل هذي نهايتك صدقني
عزيز ومشعل ماقدروا يقولون كلمه..
*صوت طلقة رصاص*.. دماء.. وصراخ..
… دفع مشعل بقوه وطاح على الواح خشبيه وانجرحت يد مشعل بشكل كبير.. بس ما انتبه لها… كان فيه شي اكبر من الجرح ،وهو الشاب اللي دفعه أُصيب برصاصه في كتفه.. وهو يحاول ينقذ مشعل!!
عزيز بعدما استوعب اللي صار خلال ثواني،اتجه ركض لعلي اللي كان واقف ومنقهر انه ما صوب مشعل،رمى طلقتين ولكنها طايشه،عزيز اقترب منه ودفعه ارضاً وانهال عليه بالضرب المبرح وهو يصرخ بوجهه/متى الله بيفكنا من شرك متى.. اجل تبي تذبح مشعل!! الله لا يوفقك
،
مشعل وهو يحاول يسعف اللي انقذه طلع جواله واتصل بالاسعاف ويناظر بوجه المصاب وشافه يتبسم/لا تخاف اللحين، يردون الاسعاف..
المصاب/ماني خايف يا خوي مشعل
مشعل انقهر ان الاسعاف ما رد عليه،ونفس الوقت استغرب/تعرفني؟!!
المصاب هز راسه بابايجاب وهو يحس بدوخه من النزيف/اعرفك ومستحيل انساك..يمكن انت ماتعرفني.. لان انت شفتني وانا صغير.. قبل خمس سنوات انا ناصر
مشعل للحين مايذكر/لا تتكلم واجد.. الاسعاف بيتأخر اللحين باخذك للمستشفى وباذن الله ما يصير الا كل خير،وبعدها بحاسبك ع التهور اللي سويته هذا ..
مشعل نزل وترك جواله طايح مكانه ،شاله وهو يسنده ونادا عزيز/عزيز هالحرامي اللي عندك اتصل بالشرطه بسرعه وبلغهم.. ومافيه تنازل لو يخيس بالسجن..انا بودي هالمصاب وببلغك اي مستشفى
عزيز/طيب..
،
،
،
،
،
،
،
جدّه..*
قرّب دوامها يخلص .. بس ودها تروح وتزور عمها قبل تطلع.. وتشوف زينه لأن عمها قالها انها تزوره كل يوم…
اتجهت للتنويم و دخلت الغرفه وشافت وجه جديد عندهم/السلام عليكم
الكل/وعليكم السلام
زينه ماصدقت اتجهت لها ركض وضمتها/لووجييييين
لوجين اتسعت ابتسامتها وهي تضمها/هلا زينه. وحشتيني وحشتيني
زينه نزلت دموعها/وانا بعد.. سامحيني يا لوجين تكفييين
لوجين مسحت دموع زينه وهي تتبسم/زييينه يكفي دموع ماصار شي..
زينه/يا طيبة قلبك يا عسل
مشاعل واقفه وتطالعها ومب عاجبتها/..
لوجين/ابعدي عني بسلم على عمو.. اليوم ما شفته.. شلونك عمو..
بو مشعل/هلابك يا بنتي.. وينك اليوم
لوجين/اليوم والله مافضيت ..كان عندي عمليات. بس قلت قبل اطلع اشوفك..
مشاعل وهي تهمس لزينه/من هالدكتوره؟
زينه بفخر بنفس همس مشاعل/هذي لوجين زوجة اخوي و بنت عمي
مشاعل ضلت تناظر فيها وتخزها/..
لوجين وجود هالمشاعل رفع ضغطها،من هذي ووش تبي جالسسه هنا وكاشفه.. لو جاء مشعل وهي كذا وشافها..ولعت غيره..
بو مشعل وهو يكلم زينه/زينه وين مشعل اليوم ما شفته
زينه راح للرياض البارح ..وما كلمني..
بو مشعل/اتصلي فيه قلبي مو مطمن،مب عادته يمر يوم ما يكلمني
زينه اتصلت فيه..وانتظرته يرد/مادري شفيه ما يرد.. بتصل مره ثاني/الوووه مششعل…شفيه صوتك ما اسمعك.
عزيز بالجوال/انا عززيز مب مشعل
لوجين قررت تطلع،مشت خطوتين/..
زينه خافت وهي تسمع صوت الاسعاف/عزيز وين مشعل.. ليه ما يرد ع جواله.. ليش ترد انت..
عزيز/هدي يا بنت مافيه شي
زينه بكت/قووولي وين اخوي طيب هاته خلني اكلمه
لوجين رجعت لها بسرعه وهي خايفه/وش صااير ي بنت
زينه صارت ترجف وهي ماسكه الجوال/اخوي فيه شي انا متأكده..
بو مشعل تعبت نفسيته منها/زينه لا تجلطيني
لوجين اخذت الجوال منها/غبيه انتي. .الو عزيز السلام عليكم
عزيز/وعليكم السلام..
لوجين وهي تبلع عبرتها وتحاول تحبس دموعها/عزيز، قول الصراحه وين مشعل عن جواله؟
عزيز/اقسم بالله مافيه الا العاافيه، طمنيهم.. زين اللي كلمني واحد عاقل…
لوجين وهي تلتفت في عمها/عمي. تطمن ..مشعل بخير.. لا تخاف بس ناسي جواله عند عزيز..
بومشعل ارتاح/الحمدلله
زينه ومشاعل/الحمدلله
لوجين ابعدت عنهم وهي تقصر صوتها لعزيز/عزيز.. استحلفك بالله تقول وش صاير
عزيز/انتي لوجين صح؟
لوجين ابتسمت بدمعه/ايه.. انا..
عزيز /هلا لوجين.. بصراحه وانا ومشعل رايحين نتفقد حريق المخازن.. طلع لنا علي مدري من وين.. وصوب مسدسه تجاه مشعل وكان بيذبحه لولا ان الله خلا واحد يفزع له وفداه.. مشعل اخذ المصاب للمستشفى وانا لقيت الجوال مكانه.. وعلي سلمته للشرطه طلع هو اللي محرق المخازن.
لوجين قربت تبكي/ومنهو هاللي فداه تعرفونه؟
عزيز/حسب ما سمعته منه يقول انه يعرف مشعل، قبل خمس سنوات.. يقول ان مشعل مسوي فيهم معروف ماينساه ابد.. ومستعد يفديه.
لوجين خنقتها العبره/طيب مع السلامه اللحين.. وبحفظ الله
سكرت الجوال واتجهت لزينه ومدت عليها فونها/بعدين بيكلمكم مشعل.. يلا استاذن
بو مشعل/استني شوي.. مابعد امدانا توك جايه
لوجين وهي تصدد ماتبي دمعتها تطيح قدامهم/راح اجي اكيد يلا سلام..
طلعت مستعجله..
مشاعل تطالعها وتتمنى لو تذبحها ،وتصد(بدون سلامه)
زينه حززنت على حالها..
بو مشعل تأكد له حبها لمشعل،مابعد هالصدق في النبره ولمعت عيونها ورجفة يدينها (كل شي واضح يا فيصل.. اللي سويته ببنت اخوك.. رده ربي في زوجتك.. انا السبب،عسى مشعل يرجع بسرعه)..
مشاعل قربت خطوتين منه/حبيبي تبي قهوه
بومشعل عطاها النظرات الناريه لأول مره/لا
زينه تكره ميوعتها مع ابوها قدامهم/انا طالعه
بومشعل/لا يا زينه خليك جنبي يا حبيبت ابوك
زينه ببتسامه،فررحت بطلبه لها قدام زوجته اللي ياما شافت بلاويها وتسكت غصب،تسوي نفسها ماتشوف شي/ابشر يا بو زينه..
مشاعل استغرربت معاملته لكن ما اهتمت راح تجلس وتريح..
..
،
،
،
،
،
،
وقت المغرب ..بيت ابو زياد..
جالسه مع امها يتقهوون.. ام زياد كانت متردده.. ولكنها لازم تتكلم/اقول لمياء
لمياء وهي تعطي ساره عصيرها/قوولي يا أمي اسمعك
ام زياد/بصراحه اخاف افتح الموضوع وتقفلينه زي كل مره
لمياء ابتسمت/اجل الموضوع فيه خطبه؟
ام زياد/مشكلتك تبتسمين لي بالبدايه وترفضين بالنهايه.. ترفعين الضغط.
لمياء تجاريها بالكلام وماراح توافق بس بتدردش،اخذت فنجان وصبت لها قهوه/ايوه و مين الخاطب؟ نعرفه؟
ام زياد/لا مانعرفه...بس اخته تقول انكم تعرفتوا بالمستشفى..
لمياء وكأن الموضوع شدها/وأخته ماقالت اسمها؟
ام زياد/اسمها فاتن.. وطلبتك لأخوها عُمر الفهاد
لمياء طاح فنجانها من يدها بعد سماع اسمه/هااه
ام زياد/اشفيييك.. بسم الله عليك.. انكسر الشر يا بنتي
،
،
.

عند عُمر..
… طاح فنجانه وهو متفاجأ من اللي سمعه منها والتفت/انتي انهبلتي.. ليش تسوين كذا ؟!!
فاتن وعينه تناظره بعشق نقي/علشانك.. ابي افرح فيك
عمر مسكها من ذراعها/يا غبيه
فاتن وهي تتبسم/قووول اللي تقوله.. انا خطبت لك وانتهى الموضوع ..واكيد اللحين لمياء عندها خبر.
عمر جلس يفكر وهو يحاول يكون هادي..
فاتن قربت منه وهمست له تبي تحرجه/اشووف السعااده بانت بعيونك
عمر التفت عليها وهو عاقد حواجبه/اول مره اشوف وحده مبسوطه انها خاطبه لزوجها
فاتن تناظر فيه تشوف فيه اجمل ما خلق ربي،اخلاق تربيه وكمال رجوله/ولو اقدر اسوي شي يسعدك اكثر من الزواج من لمياء كان سويته.. عمر لو اعيش عمري ارد جميلك معي ما قدرت ارد ربعه
عمر وهو يناظرها بنص عين/يعني انتي،جالسه تردين الدين.. بس؟!
فاتن وعيونها بعيونه تحكي قصص عشق صعب تنقال باللسان/لا مو بس رد دين..ولكنك تستاهل يا عمر،
عمر مد يده ليدها وضم كفها بكفوف يديه/تغيرتي حييل يا فاتن
فاتن سرحت شوي بعيونه وبعدها سحبت يدها بهدوء وهي تتهرب من مشاعرها وتبعد عنه وتجلس بالكرسي البعيد نوعا ما عنه/انتبه لاتخليني اغير رايي
عمر ابتسم لها وهي تبعد عنه وواضح انها منحرجه/تظنين انها بتوافق؟
فاتن اخذت فنجانها وغمزت له/ومن تقدر ترفض عريس مثلك..
عمر/اشوفك ماخذه دور أمي الله يرحمها هههه
فاتن بابتسامه/غصب توافق لا تخاف.. هي تحبك
عمر مو مصدق/شدراك انتي..شفييك متحمسه..والله شكلك بتوهقيني وبس
فاتن غمزتله/حنا حريم ونعرف بعض.. مالك شغل عرفت وبس..
عمر مب متفائل/الله يستر من تاليها… يلا انا رايح مشوار.. بس تعالي، قوليلي شلون دليتي بيتهم..
فاتن وهي تسند ظهرها ع الكرسي،وتسوي نفسها ذكيه/بسيطه.. لحقتها مره وهي طالعه من المستشفى وعرفته ما يبي لها ..
عمر/يعني خلاص حطيتها ببالك
فاتن/وماراح ارتاح لين تحطها انت في كرتك
عمر ابتسم لها وطلع..
فاتن شافته يطلع ويسكر الباب وانهارت سدود عيونها وانهال الدمع من محاجرها وهي تتوجد عليه( ياصعبها علي يا عمر وانا اخطب لك.. لكن لازم ادوس على قلبي ونفسيتي دامك قد ضحيت علشاني ودست على قلبك وحياتك علشاني وولدي)..
،
،
،
،
،
،
،
،
عند لوجين* *
الليله.. اللي كانت حييل طويله عليها..ماقدرت تنام..طلعت من غرفتها و اتجهت لغرفة اولادها.. شافت كل واحد نايم بسلام في سريره.. اتجهت لمشعل الصغير باسته ومسحت على شعره بنعومه تأملته شوي هالولد اللي يذكرها بهدوء مشعل ورزانته.. تركته و اتجهت لـسرير نايف تبسمت له هالولد الشقي اللي راح برجليه لأبوه..تذكرت شكله وهو بحضن ابوه وتحس بحزن وهي اللي حارمته من هالحضن ..
كيف كان قلب مشعل عايش،وهي تلمح بنظراته لمعة الحرمان وهو يناظر بنايف بعيون تنطق سعاده.. شلون طاوعها قلبها وهي تاخذ ولدها من ابوه اللي كان دوم يحلم يعيش بين امه و ابوه مثله مثل بقية الاطفال..
نزلت دمعتها حاااره وهي تتخيل لو مات مشعل اليوم لاسمح الله و ما شاف و احتضن ايما ومشعل الصغير… عمرها ماراح تسامح نفسها… مجرد الفكره ارعبتها..
باست عيالها وطلعت واتجهت لغرفة ايمّي اللي جنب غرفتها ودخلت ونامت جنب بنتها بالسرير وهي تمسح على شعرها البني الغامق اللي يوصل كتوفها (آه من ابوكِ هالبارد..)
حاولت تغمض وتنام.. ولكن هيهات.
سمعت صوت وقع المطر.. وابتسمت وفزت من السرير وطلعت وكأنها طفل فرحان بالمطر، مدينة جدّه قليلة الامطار.. وياحلو المطر بعد غيبه..وقفت تحت المطر وهي تتبسم.. المطر اشتد غزاره. وتذكرت هذيك الليله بالجنوب وقت ما غامرت هي وزينه بالجبال.. والتوت رجلها.. وحملها مشعل على يديه.. غمضت تستحضر عيونه وملامحه وكيف كان شادها لصدره يدفيها عن البرد.. وخايف عليها.. اختلط دمعها مع المطر ..فتحت عيونها وهي تناظر للسماء.

[[ريح المطر ؟! ،، جَدّد حنين الفاقدين 
،، كلن توجّه ناظره يمّ السما 

كلن تذّكر في حياته مبعدين 
،، القاع ممطوره ​وداخلھم ضما !! ]]

/
/
/
/
/
/
كندا.. *
كانت بدورة المياه.لابسه شورت جينز ضيق وقميص ابيض واسع وخفيف اكمامه طويله ومنفثتها.ونص ازرار القميص مفتوحه ومعلقه بصدرها سلاسل نااعمه.. وشعرها مسدول على طبيعته،و تناظر نتيجة التحليل بجهاز تحليل الحمل وهي بحالة احبااط لمعت دمعتها وهي تشوف النتيجه السلبيه بكت ولكنها كعادتها غسلت وجهها وحاولت تخبي حزنها عن مراد وعن العالم.. نزلت تحت للمطبخ بتسوي الغداء..
.. سمعت صوت الباب ينفتح.. والتفتت واستغربت انه ما دخل عليها وما سلّم كالعاده/مرااد..
خافت يكون صاير له شي وطلعت وشافته جالس بالصاله ومسترخي،وعصبت/ليش ما رديت علي وانا اناديك؟خفت عليك!!
مراد بدون يطالع فيها/it's ok
روبين وهي عاقده حاجبها/حاكيني عربي.. اظن ما حولنا اجانب،ليش تأخرت لهالوقت؟و انت طالع من دوامك من نص ساعه.
مراد ناظرها ببرود وصد واخذ الريموت وفتح التلفزيون.. وحط الريموت ع الطاوله..
روبين ماقدرت تحمل صدوده اتجهت للريموت وطفت التلفزيون/لمن اكلمك لا تصد عني فااهم
مراد سفهها واخذ الريموت وشغله مره ثانيه بدون يرد عليها.. وخلا الريموت بيده علشان ماتطفي التلفزيون/ابعدي عني
روبين بانفلات اعصاب اتجهت للتلفزيون وفصلته/هاه ارتحت..
مراد انفجر من عصبيته واتجه لها وعينه بعينها وكأن بينهم ثأر قديم/ليه تسوين كذا يا مجنونه
روبين وهي تخزه وتحس بضعف لكن ماتبينه/انت قلتها مجنونه، محد يسأل مجنون عن افعاله
مراد وهو يتصدد عنها ما يبي يزعلها/احسن لك ابعدي عني هاللحظه
روبين مدت يدها وضمت وجهه بيديها الثنتين وثبتت وجهه وخلته يناظر فيها غصب/لا تصد عني.. وواجهني.. اش فيك.. ليش متغير علي هاه،ليش صاير تبتعد عني؟
مراد مايبي يجرحها وبنفس الوقت هي رافعه ضغطه/انا ماتغيرت علي.. انتي اللي ماتبيني
روبين استغربت/أنا ما ابيك؟!!.. متى قلت هالشي؟!!
مراد/وش تفسرين رفضك تحملين !!
روبين هالموضوع يجرحها بصميمها وخاايفه يفرقها عن حبيبها، تجمع الدمع بعيونها ويدها ترجف وصدت عنه/ومن قال اني مابي منك طفل؟!..اصلاً اكثر شي تمنيته بحياتي هو قربك. وحصل،لدرجه كنت اظن اني بحلم حلو.وخايفه اصحى منه بأي لحظه.. عشت معك سعاده عمري ماتوقعتها.. يمكن علشان أمي وابوي منفصلين، لقيت معك دفا العايله الكامله..
مراد يسمع وهو متأثر.. /طيب ليه خايفه من الحمل مافهمت!!
روبين وهي تحاول تحبس دموعها وجلست ماقدرت توقف على رجليها اكثر/ومن قال اني مابي احمل..مراد انا لي سنتين تاركه موانع حمل..و انت ماتحس فيني كل شهر كنت اظن اني بحمل.. وما يصير حمل كنت ابكي بكل مره اسوي تحليل ويطلع سلبي.. كنت استخدم ادويه من وراك.. وأمنّي نفسي بالطفل.. بس ماحصل وانت كنت تسمّعني كلام ليل نهار وتلّح على مسألة الاطفال ماكنت ابي ازعلك او اخسرك… <<بكت..
مراد حس بالذنب.. وهو كان يتهمها بالبرود اتجه لها وجلس عندها/حبيبتي خلاص لا تبكين..
روبين رفعت عيونها الدامعه له وكأنها طفله تنهد/..
مراد/ليش ماقلتي لي انك تركتي الحبوب من زمان و تتعالجين
روبين وشفايفها تتحرك من البكي/كنت اتمنى احمل وافاجئك بالخبر.. لكن ماحملت و العلاج يبي له فتره اطول.
مراد مسح دموعها وهو ندمان/خلاص روبي
روبين بغباء/خلاص ماتبيني؟!
مراد يحب فهاوتها، مسك ارنبة أنفها بابتسامه/لا ياغبيه.. مقدر اعيش من دونك والا كان
روبين خزته ومسحت دموعها بظهر كفها ومسكته من ربطة عنقه وسحبته/كان اييشش؟!!
مراد قرب منها واختلطت انفاسهم وعينه شوي على قميصها الخفيف وشوي على شفايفها اللي تتكلم ببرائة و ترجف.
روبين تكمل كلامها/قوول وش بتسو..
مراد قاطعها بقبله حاره خلاها تسكت.. #..
،
،
،
،
،
،
،
السعوديه.. *
الريـاض-
بعدما اتطمن عليه كان واقف عند سرير الشاب اللي أنقذه ويبتسم/شلونك اللحين
ناصر بابتسامه/انا بخير..
مشعل/لازم تعرف ان اللي سويته شي خطير..لا تعيدها.. ربك ستر
ناصر بنفس الابتسامه/انا مستعد افديك يا مشعل.
عزيز واقف جانب عزيز ومعجبه كلام ناصر وافعال مشعل اللي ترفع الراس/..
مشعل/ناصر انا ماعرفك،
ناصر/بس أنا اعرفك ..انا الولد اللي ساعدته ودفعت عنه دين البقاله وساعدته بمبلغ وقدره وهدايا.. أسعدت قلب اهلي..ضليت تدعمنا لين تعدلت اوضاعنا.
مشعل دعم ناس كثيرين علشان كذا مب متذكر زين/طيب ذكرني انت وين ساكن
ناصر/كنت في ابها.. ولكن من سنه جيت هنا اشتغلت في المحطه اللي هذاك اليوم عبيتوا منها جنب مخازنكم.. لحقتكم ابي اشوفك واسلم عليك واشكرك والحمدلله اني لحقتك
مشعل ابتسم له بامتنان وحمد ربه انه للحين المعروف مايضيع سدى، وان الناس فيها خير مهما كان/انا اللي بشكرك يا ناصر.. انا اللحين تذكرتك....ماقلت لي ليش تشتغل عامل محطه.. انا ما اقلل من قيمة عملك بس ليه منت بالجامعه
ناصر/يا شييخ ادرس علشان اصرف على اهلي.. انا خلصت ثانوي بس ماعندي قدره ادخل الجامعه الحكوميه لانك مثلما انت عارف ماني سعودي..
مشعل/انت حاب تكمل
ناصر/هههه اتمنى لكن ما باليد حيله لازم اشتغل
مشعل ألتفت على عزيز/هالولد لازم يشتغل عندنا..
عزيز/انا اتفق معك
ناصر ماصدق/انت تقوله صاادق
مشعل/بتكون مدير المستودعات.. لكن بشررط
ناصر خاف/وشو الشرط
مشعل/تكمل دراستك.. وعلى حساب المؤسسه بعد..
ناصر ابتسم ولكنه خاف/ايه بس
عزيز/مايمديك ترفض يا ناصر
ناصر/وكفيلي..
مشعل/بتفق معه وبنقلك لكفالتي وبتشوف،راح اكون معك..
ناصر مب مصدق/الحمدلله ع دعوات الوالده
عزيز وهو يربت على كتف ناصر/بصراحه انا ومشعل نبي خوة الرجال الثقه مثلك..وانت يماني اصييل مافيك كلام
ناصر/بيض الله وجيهكم...قد قالت أمي مرّه "لو خليت يا ناصر خُربت"
مشعل/الله يحفظ لك الوالده..واضح من تربيتها لك انها بنت اجواد..
ناصر/تسلم..
عزيز/يلا يا مشعل طيارتك بعد ساعتين ..اطلع من اللحين قدامك زحمه بعد..روح مع سايق الشركه انا بهتم بالباقي
مشعل/يلا شباب اشوفكم على خير.. سلام
الكل/سلام..
عزيز/انتبه على جرح يدك.. ارفق عليه
مشعل ابتسم له وطلع..
،
،
،
،
،
،
،
،
المساء*
جده*
الاخوين جالسين ويتكلمون مع بعض.. وواضح بينهم اسرار..
في صالة الجناح جالسه زينه ومشاعل ومعهم ساره..
دخلت عليهم لوجين وهي تنتظر تشوف مشعل لكن ما شافته/السلام عليكم
الكل/وعليكم السلام
ساره وقفت لها واتجهت لها بابتسامه/عرفتيني
لوجين شافت بطنها الكبير وهي تتبسم/لا…زينه مين هذي
الكل/ههههههههه
ساره ضمتها ونزلت دمعاتها/الحمدلله اللي رجعت اشوفك مره ثانيه
لوجين وهي تمازحها/ابعدي عني..اكره الحوامل
ساره/هههههه يحق لك والله..
لوجين وهي تخزها/انا تاركتك وانتي حامل ..وشفتك بعد كل هالسنين حامل ههههه.. بالله علميني كم ولد صار عندك هااه
ساره/هههههه والله العظيم هذا ثاني حمل..
زينه/هههههههه
مشاعل بس تخز لوجين مب معجبتها/..
ساره وهي تتبسم للوجين بسعاده/هنيالك.. 3في حمل واحد..الله يحميهم
لوجين حست نبرتها تغيرت/امين.. ساره لا تبدأين مناااحه بلييز
ساره وهي تمسك يدين لوجين وتترجاها/طلبتك ابي اشوف اولاد مشعل.. تكفييين لا تفشليني
مشاعل هالموضوع يحرقها احراق وتتذكر كلام مشعل عن عودت زوجته واولاده..
لوجين/ساره لا تترجين.. انتي من حقك تشوفينهم.. انا ماني حابستهم.. بس صعبه اجيبهم المستشفى،باذن الله اول ما يطلع عمي بالسلامه ارسلهم لكم يزورونكم ويزعجونكم بعد.
ساره/فدديت ازعاج عيال مشعل
لوجين تحاول ما تبين مشاعرها اذا جاء طاريه/من عند عمو؟
زينه/عنده عمي ماجد
لوجين/حلو.. انا رايحه لهم.
دخلت ..
،
بعد لحظات دخل مشعل لابس بنطلون اسود وتيشرت عنابي كمه ربع عليه كتابات بالذهبي/السلام عليكم
زينه وساره استغربوا لبسه ومشاعل خقت/وعليكم السلام
ساره وزينه قاموا وسلموا وساكتات/..
مشعل/شخبارك ساره..
ساره/بخير ..!!
مشعل استغرب نظراتهم/شفيكم تناظروني كأني نازل من الفضاء
زينه وهي تهمس له/وين الثووووب؟
مشعل ابتسم من نبرتها/زينه انا تووني جاي من المطار ..لبست اللي قدامي وجيت.
مشاعل قربت منه وتمسك يده بلهفه/حبيبي شفيها يدك...بسم الله عليك
مشعل ابعد يده عنها/عادي..
زينه تكره تصرفات مشاعل التفتت عليه/وش فيها يدك؟
مشعل/داخل فيها مسمار صغير وعالجتها لا تخافين
مشاعل وعينها عليه/سلامتك
مشعل ناظرها بطرف عينه/الله يسلمك..زينه صبيلي فنجان قهوه ابي اصحصح…
،
،
بو مشعل وهو يتبسم/هلا بدكتورتنا الغاليه
لوجين/هلا بعمي
ماجد/كأنك طالعه
لوجين ببتسامه/اي والله طالعه بس كنت جايه ابشر عمي
بومشعل/بشري
لوجين/انا سمحت لك بالخروج.. بعد بكره.. بس بشرط ما تساافر خلييك هنا ع الاقل اسبوعين لان لك موعد بعدها
بومشعل/مب مشكله ..اقعد اسبوعين امرك
ماجد/ززينها من بشاره..
بومشعل/يابوك انا ادري اني اخطيت بحقك.. لمن تجرأت وطلقتك غيابي من مشعل.. وحاب اصلح هالغلط..
لوجين جات بتتكلم/بس ياعمي..
بومشعل قاطعها بهدوء/انا ما اجبرك على الرجوع لمشعل.. بس ع الاقل خليني ابري ذمتي.. واذا حابين تنفصلون من نفسكم بعدها.. بكيفكم.. بس تكفين يا بنتي لا ترديني خليني ارتاح من هالهم
لوجين تفاجأت وماقدرت تتكلم،تمنت انها توافقه كلامه بس مو اللحين..ما تتمنى احد يطلبها كثر ما تتمنى تسمعها من مشعل بنفسه..
بو مشعل/وش رايك موافقه؟
دخل مشعل بهاللحظات وطاح جوال لوجين من يدها بسبب الاحراج والربكه..
مشعل ناظرها ببرود وصد/السلام عليكم
الكل/وعليكم السلام.
لوجين ضلت تناظر بيده المصابه ونست جوالها..
مشعل حب على روسهم/شلونكم
ماجد/بخير الحمدلله
بو مشعل/الحمدلله ع سلامتك ي ولدي وش فيها يدك؟
مشعل اتجه للوجين وعينه بعينها،
لوجين خاافت وهي تشوف نظرات غريبه قدام عمها وابوها/..
شوي ونزل ياخذ جوالها من الأرض ومده لها/جوالك
لوجين حاولت تتجاهل نظراته الغريبه لان يده باين تنزف/مشعل يدك تنزف
مشعل/ماعليك منها.. عالجتها
لوجين مدت يدها ومسكت يده/خلني اشوف
مشعل حاول يسحب يده/يا بنت الحلال مافيه شي
لوجين ثبتت يده وهي تشوف الشاش مليان دم وشوي ويطيح/متى اخر مره غيرت ع الجرح؟
مشعل/بالرياض قبل اجي
لوجين ناظرته معصبه/غبي
بو مشعل وهو يكتم ضحكته/ماجبتي شي جديد..
ماجد/لااا مشعل محشوم
مشعل خزها و سحب يده منها وهو يحس انها توجعه/ابعدي عني.. انا رايح بعد شوي للطوارئ اغير الضماد
بومشعل/لا تقعد هنا ثاانيه وحده روح وغيره اللحين وبعدها ارجع لي.
مشعل طلع مستعجل وهو يكبت عصبيته من لوجين اللي صار يتنرفز اذا شافها.. مر على البنات وكأنه ما شافهم كان مستعجل..
لحظات….
وطلعت لوجين وراه ونفس الشي.. كانت مستعجله*
/
/
/
/
بومشعل وهو يبتسم براحه/الحمدلله انها وافقت يا ماجد
ماجد/مبروك
بومشعل/الله يبارك فيك، بس طلبتك بكره تجيب المأذون هنا
ماجد/وليش ما تأجلها لين تطلع احسن
بومشعل/لا هالموضوع مابي أأجله اكثر ..مرت سنين يا ماجد كفايه عاد.. والعرس بيكون في أبها باذن الله
ماجد/باذن الله..بس تظن مشعل بيوافق على شرطها اللي توها قايلته
بومشعل/من هالناحيه لا تخاف..
/
/
/
/
/
بمكتبها وتفكر بالكلام اللي. صار وخطبة فاتن، كانت معصبه.. وكرهت نفسها لان عمر عرف رقمها بعدما اتصلت فيه تخبره بحالة فاتن.. رغم انه ما يتصل عليها ولا شي.. بس كرهت نفسها،وتحاول تبرر لنفسها (حااله انسانيه.. مافيها شي.. ماسويت شي غلط.. ياربي دخييلك من هالقلق)
لحظات ورن جوالها بنغمة واتساب وفتحته.. وماستغربت من كمية الأدب .. [السلام عليكم،دكتوره لمياء.. فاتن اقتنعت انها تتعالج.. وبكره بتجي المستشفى.. عمر]
… ..وهي تتمتم بداخلها( آآه ودي ما ارفضك… بس ماقدر اقبلك بعد وحده غيري..)
،
،
،

الطوارئ.. غرفة الضماد..
مشعل وهو يحاول يكبت الألم ،جالس على سرير الضماد وينتظر الممرضه الفلبينيه اللي واقفه عند الطاوله المقابله تناظر فيه بابتسامه بلهاء وتجهز عدتها..
بهاللحظات دخلت لوجين"/هاي كاتي
كاتي بابتسامه/هاي دكتور
مشعل ناظر فيها وصد عنها..
لوجين بالانجليزيه/كاتي انا اعفيك خذي استراحه قليله.. واذهبي.. سأعالج هذا المريض بدلاً عنك
كاتي بابتسامه خاقه/لااا ليس الآن.لماذا لم تأتي من قبل. .ارجوك دكتوره هل ترين انه وسييم
ومشعل يسمعهم ويطالعهم ومتفاجأ بـطلب لوجين !!
لوجين ابتسمت لها/عزيزتي كاتي انه يتحدث الانجليزيه، انتي في ورطه
كاتي حست باحرااااج/ماذا؟ كيف عرفتي؟
لوجين وهي تاخذ العده منها/انه قريبي
كاتي تلون وجهها/انا.. اسسفه اسفه جداً
طلعت منحرجه..ولوجين سكرت الباب وراها..
لوجين اخذت العده واتجهت لمشعل/هات يدك
مشعل بنظراته الناريه ومن بين اسنانه/خير.. ليش جايه
لوجين ناظرته بحنان وهي ودها تضمه/أنا اولى من الممرضه
مشعل/اقول ابعدي عن وجهي وناديلي ممرضه بسرعه
لوجين ناظرته بهدوء/راح اتغاضى عن هالكلام.. ماكأني سمعته، هات يدك بسرعه جرحك متلووث
مشعل استسلم ومد يده لها/خلصيني
لوجين بدأت تفك الشاش وهي تشوف عمق الجرح وتلوثه/ما يوجعك؟
مشعل يكابر/لا
لوجين بتريقه/وااو بطل
مشعل/تتريقين انتي.. شايفتني بزر عندك
لوجين وهي تنظف جرحه بهدوء/البزران احسن منك، اولادك مايسوون اللي انت تسويه
مشعل سكت عند طاري اولاده واستغرب هدوئها/…
ضلت لوجين تعقم الجرح،لاحظت هدوءه بعد طاري الاولاد/انا حبيت اقولك اني قررت اخليك تشوف الاولاد..
مشعل بنفس هدوءه/غصبن عنك..
لوجين ارتفع ضغطها وضغطت على جرحه وتمثل الهدوء/لا موغصب عني ،انا قررت هالشيء بنفسي
مشعل تألم من ضغطها/انا اصلاً اتفقت مع عمي اخذهم.. ماني منتظر موافقتك يا دكتوره
لوجين ضغطت على جرحه بقوه/لا تعاند والا قسماً لا اسوي شي يطير لك عقلك.
مشعل سحب يده من بين يدينها وهو يتألم/وش بتسوين يعني
لوجين بابتسامة خبث/حبيت اقولك،عيالي معهم الجنسيه الكنديه…يعني مكالمه وحده مني للسفاره..شكوى وحده تحرمك منهم طوول العمر…
مشعل ارتفع ضغطه وانصدم من تهديدها ونزل من السرير ووقف بوجهها/اتحداك تسوينها ماتقدرين
لوجين وهي تبعد عنه بتهديد/لا تتحداني يا مشعل،ترى والله أسويها.
مشعل اتجه لها وهو يناظرها بنظرات صعب تفسيرها/اشوفك قلبتي علي،قبل شوي كنتي بتخليني اشوفهم!
لوجين وهي تبتعد على وراء/لأنك شخص مستفز
مشعل وهو يحدها/طيب دامني "شخص مُستفز" ليش لحقتيني لين هنا.. وش تبين مني؟
لوجين وقفت لأن الباب وراها مسكر/وش ابي منك يعني.. مابي شي.. ووقف مكانك لاتقرب اكثر ،خلاااص
مشعل قرب منها اكثر بسكات وعينه بعينها/
لوجين تبي تنسيه اللي صار/شوف خلني اكمل لك لف الجرح..
مشعل بصوت فيه بحه وهو يحدها ع الباب/اشش ولا كلمه
لوجين مدت يدها من وراها لعروة الباب تبي تفتحه وتهرب.
مشعل،لاحظها ومسك يدها/بتروحين بدون تخلصين شغلك يا دكتوره؟
لوجين بلعة ريقها بخوف/يا ويلك لو سويت شي..
مشعل وهو يمسك يدها/شوفي انا بديت احس بدوخه يا بنت لفي يدي بسرعه خليني امشي
لوجين نست اللي صار واخذته لسرير الضماد، وبدأت تكمل شغلها وهي تحاول تتجاهل كونه الحبيب/يوووه التهب جرحك بعطيك ابرة مضاد وراح ألف لك الجرح..كلها فتره وترجع يدك طبيعيه ان شاء الله..
مشعل كان دايخ وما رد عليها..
لوجين بعدما خلصت/يلا تقدر تروح
مشعل قام واتجه للباب ..
دخلت موظفة الاستقبال/دكتوره لوجين..
لوجين كانت تناظر في مشعل وهو طالع من عندها وقلبها يعورها عليه/نعم ي نور
الموظفه/جاء الاستاذ عزام وهو اللحين ينتظرك بالعياده.
لوجين مشت بتروح عيادتها/..
مشعل ماقدر يروح ناداها بصوت حيل منخفض لانها كانت تمر من جانبه/لوجين.. وين رايحه.. ومن هذا؟
لوجين ابتسمت له وقربت منه علشان محد يسمعهم/موو شغلك اووكي؟.. سلام
مشعل ناظرها وهي رايحه وتاركته( نشووف)..
،
،
،،

عند لمياء…
*وصلت البيت ..
اتجهت لغرفتها ..ارتاحت شوي بجلستها وكأنها كانت تركض..سمعت صوت أمها تناديها،اكيد بتسألها وش خلاها ترجع بهالسرعه من المستشفى..
قامت بسرعه واتجهت لحمامها فتحت الشور ع البارد وجلست تتفرج بالمويه وهي تنزل.. كانت ماتدري وش تسوي.. بس تحس ببعثره..و فوضى مشاعر داخلها..
سمعت صوت امها تدخل غرفتها وتطلع..
فكت شعرها و فتحت ازرار بلوزتها وهي تنزلها وعلقتها وذهنها شارد..ووقفت تحت الشور وهي تشهق من برودة المويه..لكن عاندت نفسها وضلت تحت المويه البارده وهي ترجف. .!
،
،
،
،
بالطريق رايح مشعل وماجد لبيت ماجد.. ماجد طلب من مشعل يوصله للبيت بسيارته..
مشعل مرتبك وللحين مب مستوعب انه بيشوف اولاده/..
ماجد/انت شفت نايف الملقوف… باقي مشعل وايما
مشعل استغرب والتفت عليه بنظرات استفهام/مشعل!!
ماجد بابتسامه/ايه مشعل.. على اسمك..حاولت اغير راي بنتي علشان تغيره ولكنه كانت مصرره عليه...
مشعل ابتسم بعدما عرف ان لوجين مسميه على اسمه هذا اكبر دليل انها تحمل له مشاعر..

،
..

بالليل كان جالس في حديقة المستشفى.. هو و"عبود" هالطفل اللي رباه وكأنه ولده.. كان جالس على كرسي حجري من كراسي الحديقه.. ويناظر "عبود" يلعب بالكوره قدامه..
و سرحان يفكر بحياته البارده..، واللي ضيّق صدره اكثر ان "لمياء" ما ردت على المسج اللي ارسله اليوم.. واستغرب انها استأذنت من دوامها للضروره و طلعت بدرري على غير العاده..!
هنا تذكر فاتن ع الطرف الثاني.. وحالتها المتدهوره، هذا مو وقت خطبه وزواج لكن فاتن تهورت ودخلته في دوامه من التفكير خوفاً من رفض "لمياء" له..
..
،
،
،
،
اصوات ازعاج اطفال.. تعم المكان.. فوضى ألعابهم في الحديقه.. لكن مافيه احد يلعب فيها..اجل وين موجودين؟
في الحوش الخلفي ..عند بركة المويه المسور بسور حمايه الاطفال.. في حوض الماء اولاد لوجين..
جالسه قبالهم على الطاوله جدتهم وتراقبهم وهي تناظر الساعه/يلااا خلاص حبايبي اطلعوا..
ولا احد يرد عليها/..!!
رن جوال هدى وكان داخل ..وقامت تبي ترد/نااايف مششعل ايما يلا برااا المسبح بسررعه
ايما/طيب طييييب ثوووي
هدى وهي تنادي الشغاله/سااااندي ،تعاالي اجلسي عندهم بروح اكلم
الشغاله جات وجلست عندهم.. وهدى راحت..
ساندي بحزم/يلا نايف.. يلا ميشيل اند ايمي
نايف وهو عاقد حواجبه/ثااندي روحي نامي يلا
ساندي/ههههه
قامت ساندي وشغلت سيارتهم بالريموت علشان تغريهم يطلعون..
نجحت الخطه وطلع مشعل ونايف وراحوا لساندي اللي لبستهم اروابهم واشتغلت باللعبه معهم..
لكن ايمي حست انها في ورطه محد عندها!! قررت تطلع .
ولكنها ماتعرف لازم مساعده.. تركت الطوق اللي هي متمسكه فيه.. تبي تطلع ولكنها ماتعرف تسبح.. صارت تصارع تبي تطلع وماقدرت ..حست المويه تدخل بانفها وتعجز عن التنفس..

،
عند باب الفيلا.. نزل ماجد ومعه مشعل اللي كان مرتبك وشعوره لا يوصف بهاللحظات اللي بعدها بيشوف اولاده كلهم قدام عينه وبيحضنهم..
دخلوا ..
ومع دخولهم سمعوا صرخة "ساندي"..
،
بهالأثناء..
لوجين كانت بالطابق الثاني تحاول ترتاح بعد دوامها المرهق، فز قلبها مع صرخة الشغاله وقامت من سريرها ونزلت تحت تركض/يمماا
،
ماجد طار عقله/الصوت جاي من وراء البيت شكل الصغار عند المسبح.
مشعل ما رد عليه واتجه لخلف البيت وشاف ساندي عند طرف المسبح وتصرخ وعندها هدى جايه تبي ترمي نفسها بالمسبح..
لكن مشعل سبقها وقفز وطلّع "ايما" بسرعه وجلس عند طرف المسبح وهو يضغط على صدرها وعيونه مليانه دموع.. هذي بنته اللي ما قد حضنها من انولدت.. هذا هو جاي يحضنها وهي تموت.. حاول ينقذها
لوجين وصلت،ووقفت مذهوله من المشهد.. مع تعاملها لاصعب حالات المرضى وماتضعف ولا ترتبك.. الا هالحاله بالذات ماقدرت تمسك نفسها هذي "بنتها"قطعه منهت.. صحت على نفسها واتجهت لمشعل و حاولت تبعده عنها/ابعدد انا بسعفها اببعد،مشعل.. مشعل
مشعل بهاللحظه ما يسمع احد..كل شي فيه تجمد ..
لوجين قامت وصارت جالسه قباله والبنت بينهم..ابعدت يدين مشعل عن ايما و صارت تحاولت تسعفها ودموعها تنزف وتناديها/ايمي حبيبتي قومي.. ايمي هذا بابا.. انتي قلتي تبين تشوفينه هذا هو جاء.. ايمي..!..ايمي!
ايمّا/…… مافيه رد..
مشعل شاف لونها يتحول للازرق.. اخذها وضمها على صدره وهي مثل الخيوط بين يديه ضمها وربت على ظهرها بشويش ما يبي يوجعها ربت عليها وكأنها بتنام،حضن اللقاء هو نفسه حضن الوداع..
لوجين حالتها حاله انهارت وقربت من مشعل وهي تمسح على شعر بنتها، وتمسك يدها اللي كانت ثلجه وتفركها تبي تدفيها/..
،
.
،
.
،
.
يتبع..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 559
قديم(ـة) 22-12-2014, 04:32 PM
صورة وان قلت روعه في حقي قليل الرمزية
وان قلت روعه في حقي قليل وان قلت روعه في حقي قليل غير متصل
©؛°¨غرامي مشارك¨°؛©
 
الافتراضي رد: من متى والغصن يختار الطيور؟/بقلمي


مرحبا شخصية خيالية
احمم ادري من زمان مارديت علی البارتات الجميلة

بس من كثره زحمه وضغوط الدوام بس متابعه من خلف الكواليس��
بس اليوم مادام شفت نفسي فاضيه قلت لازم ارد عليك اهنيك علی الروايه عن جد قلم مبدع فنانه بالمشاعر قادره توصلين الاحساس لا المتابعين الرواية يعجز لساني عن تعبير
موفقه حياتو


اما عن التوقعات مايسعفني الوقت في البارت الثاني أن شاءالله

بس الوقف جلطه من جد (حرام عليك ارفقي بينا _^_)
ماتوقع تموت حرام كسر خاطري مشعل بس اتوقع بترجع العلاقه بينهم
ادري طولت عليك ^
امممم بس طلب مثل ماسويتي لنا جلطه بالوقفه نبي بارت لوجزء بسيط^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 560
قديم(ـة) 22-12-2014, 04:55 PM
صورة خواطر روح مضطربة الرمزية
خواطر روح مضطربة خواطر روح مضطربة غير متصل
©؛°¨غرامي فعال ¨°؛©
 
الافتراضي رد: من متى والغصن يختار الطيور؟/بقلمي


لاااا .. ليش وقفتتتتتتتتتتتتتتتتتتتتتتتي
والله حماس القفله

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1