غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-04-2014, 03:23 PM
صورة تاج الورد ~ الرمزية
تاج الورد ~ تاج الورد ~ غير متصل
أحلـىُ من العقـٌد لباسهً..!
 
الافتراضي طريقة التخلص من حب الشباب في شهرين



اول شي لازم الهمه و النفسيه الحلوه
والا لا تبدين اساسا


اول شي نحتاج نوخر الحبوب المزعجه اللي تكون بارزه و مليانه دهون
وهالشي ما يصير الا بالخلطات المضمونه
لان غالب البنات يشترون كريمات و خرابيط و يخسرون فلوس الدنيا كلها واخر شي الحبوب ترجع و اقوى من اول
احلى شي يكون كل شي طبيعي
صحيح ان العلاج بطىء ( شهرين )
لكن حلو و ممتاز

خلي الكسل على صوب

استخدمي قناع الـنشا عشان تجفف الحبوب

المكونات :-
ملعقة نشا + كميه اقل منه من ماي الورد + قطرة عسل


تحطينهم لمدة ساعه ونص .. او ساعتين على البشره

في بنات يحبون يسخنون هالخلطه على النار عشان تكون متماسكه
علكن لا تبقى على النار الا ثواني
و انطريها لما تبرد و بعدها تحطينها على بشرتج

كل يوم



الخلطه الثانيه هي :-

عصير برتقاله وحده + ملعقه كبيره حليب بودر

لمدة ساعه ونص او ساعتين بعد




اهم شي انج تستخدمين هالخلطات يوميا
مو شرط كلهم في يوم واحد
يعني ممكن اليوم تخطين خلطة البرتقال
وبكره خلطة النشا و ماي الورد

اللي يريحك

و تقدرين تريحين بشرتك يوم بالاسبوع
لان علاجنا اساسا لمدة شهرين بس

يعني 8 اسابيع او اقل



تقريبا راح تستمرين اسبوعين مع هالخلطات كحد اقصى
( على حسب نوع البشره و استجابتها )
و في بنات ممكن ما تنشف الحبوب معاهم بسرعه
لكن اهم شي
انج تشربين ماي بكثره
7 كاسات ماي كل يوم

في البدايه تكون صعبه
لكن بعدها بتتعودين
ولا تقدرين تستغنين عن المويه

و لازم خلال فتره العلاج و حتى لو خلصتي
لاااازم كل يوم تغسلين بماي الورد

الطريقه الحلوه اهي انج تغسلين بشرتك و تغسلين ايدك كويس
وافضل شي اهي صابونة كلين اند كلير روعه
لانها ما تجفف البشره كلش

وبعدها تاخذين ماء الورد وتصبين منه شوي في صحن صغير
يكون صحن خاص فيج
مو تروحين تحطين فيه الاكل و تردين تستعملينه
لوول

المهم كل يوم .. مرتين باليوم
تغسلين بشرتج بهالماء
لانه حلوو و ينظف عالعميق و يمنع ظهور الحبوب



لكن ديري بالك لا تفركين الحبه بقوه عشان ما تنعصر و يطلع اللي فيها
و بهالشي تزيد حبوبك


كل شغله قلتها فوق ضروريه حيل
و لو احد منا اهمل اي شي صغير منها
ما يفيد العلاج
و يروح الجهد كله سداااااااااااااااااااااااااااا اا


استمري على العلاج لماااا تروح كل الحبوب و تلاحظين ان بشرتج مليانه اثار حب بدون حبوب موجوده فيه
مجرد اثار غامجه و هالسوالف

خلصنا بموضوع الحبوب ؟؟الحين قبل لا نبدأ لازم تتأكدين ان البشره خاليه من الحبوب اللي فيها دهون
وان كل اللي في بشرتك هي اثار لونها بني غامجه ترفع الضغط
لكنها فاضيه ماكو داخلها شي
يعني مو بارزه برا البشره
وطبعا ماكو مثل غسول ماء الورد اهو اللي بيطلع كل الدهون و الاوساخ خلال ايام

المهم

حتى نبدأ بالتقشير لازم تستخدمين اقوى مقشر على الاطلاااااق
وهو اكسترا دريم
مقشر ممتاز وسريع المفعول
لكن ديري بالج وانتي تستخدمينه
هذا مو كريم عادي
هذا اي غلطه ممكن تعدم بشرتك
في بنات يفضلون يستخدمون كريم ( رتن a )
لكن انا صراحه افضل اكسترا دريم لان مفعوله اقوى
المهم اولى الخطوات اهو انج تروحين للصيدليه
وتطلبين اكسترا دريم extra dream 3راح يقولج ان فيه ثلاث انواع
انتي اختاري النوع الثالث
مكتوب عليه رقم ثلاثه
لان اهو اقوى شي
و لما تردين للبيت تروحين تغسلين بماء الورد
وقبل لا تنامين تحطين الاكسترا دريم
في اكثر من طريقه لاستخدامه
ممكن تحطينه بقطنه و تمسين فيه بشرتك ( بالنسبه لي احس ان الكميه اللي توصل للبشره قليله بسبب تشرب القطنه لغالبيه سائل الاكسترا دريم )
وممكن بكلينكس ( نفس شعوري تجاه القطن )
انا اشوف ان افضل طريقه اهي انك تحطينه في صحن صغير انتي ما تبينه
يكون هالصحن خاص فيه
تدرون ليش ؟
لانه يصبغ على الصحون
لكنه ما يصبغ على البشره


تحطينه قبل لا تنامين
واول ما تقعدين راح تتخرعين
لان بشرتك بتصير كانها سمكه مطلعينها من البحر قبل يومين
هههههههههههههههههههههههههه
فلا تخافين لان هذا شي طبيعي

لكن اهم شي انج ما تنامين بدرجه حراره مرتفعه مرة
لازم يكون الجو حلو او بارد او معتدل
لكن مو حار
خلال هالفتره لازم ما تتعرضين لاشعه الشمس خيررررر شررررر
والا ترى بتطلع نتيجه عكسيه و تتدمر بشرتك
لان المقشر ما يصير تطلعين فيه بالشمس
او حتى لو غسلتيه ما يصير تطلعين خلال هالفتره
شصار يعني احبسي عمرج شهرين
>>> ماكو دوامات يعني عطيتكم اجازه
احنا البنات ترى مو مضطرين نشتغل بالشمس
اذا احنا بالـمدرسه لا تطلعين بالشمس بالفرصه
واذا بالدوام فخير وبركه معناته مافيه شمس داخل مكتبك
و خلال هالفتره اي مكان تبين تطلعين له
لااازم واقي ضد الشمس
اقل شي حمايه 80ضروري
روحي المركز الفرنسي او اي مكان ثاني
واطلبي هالواقي و لازم تكون حمايته عاليه حيل






المهم
و نفس الشي لا تتعرضين للبخار
يعني مو اذا امك قاعده تطبخ تروحين ترزين نفسك داخل الجدر
لان البخار حاله حال الشمس
واذا انتي مضطره تطبخين حطي الواقي
وحاولي ما تتعرضين للبخار
و شغلي التكييف بالمطبخ
يمكن تشوفوني اشدد كل شي بس
هالشي كله كله لمصلحتك
لو اي غلطه ترى ممكن تندمين عليها طول عمرك والله

المهم استخدميه لما تحسين ان الاثار قربت التخف
ممكن تلاحظين ان الحبوب صارت تطلع لج مره ثانيه
لا تخافين
قاوميهم بماي الورد
تراه خوش سلاح ضد الحبوب
خخخخ








لكن لا تستخدمينه كل يوم طبعا
لانه قوي على البشره
احلى شي انك تستخدمينه يومين ورا بعض
بعدين تريحين بشرتك يومين
( تريحينها من الاكسترا دريم مو من الباقي )
لان الخلطات ضروريه و حتى ماء الورد ضروري

المهم كدا نكون خلصنا
وراح تلاحظين مع الوقت اثار الحبوب قاعده تخف بشكل روعه
اذا وحده طالعه مالها خلق و خالفت شي من اللي قلناه
وقالت ماعليه ما صار شي خل اطلع بالشمس مره وحده بس او خل اروح اطبخ بدون واقي او خلا طنش بماء الورد
وبعدها راحت بشرتها ملح بسبب استخدام الاكسترا دريم بشكل غلط
لا تلوم الا نفسها

منقول علشان تستفيدون ان شاء الله











طِفْلَةَ مِن ~ بَيَـآضّ ] .. فِي وطَنْ مِن طُهرّ .. !






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-04-2014, 04:25 PM
صورة يآقووت الرمزية
يآقووت يآقووت غير متصل
©؛°¨غَرَامِيه أَنِيقه¨°؛©
 
الافتراضي رد: طريقة التخلص من حب الشباب في شهرين


شكرا لك ي عسل يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 12-04-2014, 09:15 PM
صورة فدا لعيونه الرمزية
فدا لعيونه فدا لعيونه غير متصل
أحدهم كسرني ليُقيم اعوجاجي
مشـ© الأنمي ©ـرفة
 
الافتراضي رد: طريقة التخلص من حب الشباب في شهرين


ان شاء الله اجربها

يعطيك العافية هدوش
بانتظار المزيد ان شاء الله
ودي لكــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-04-2014, 01:35 AM
صورة فزه خفوق^_^ الرمزية
فزه خفوق^_^ فزه خفوق^_^ غير متصل
©؛°¨غرامي فعال ¨°؛©
 
الافتراضي رد: طريقة التخلص من حب الشباب في شهرين


كتييير حلووو موضوعكك

يسلموووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-04-2014, 06:11 PM
ششههد ششههد غير متصل
©؛°¨غرامي ذهبي¨°؛©
 
الافتراضي رد: طريقة التخلص من حب الشباب في شهرين


يعطيك العاافيةةة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-04-2014, 02:55 PM
صورة Sun Fair الرمزية
Sun Fair Sun Fair غير متصل
©؛°¨غرامي مجتهد¨°؛©
 
الافتراضي رد: طريقة التخلص من حب الشباب في شهرين





يعَطَيگ آلعَآفَيةّ عَ آلطَرِحَ آلرِآئعَ
آنَ شَآء آلله تِفَيدَ آلآعَضَآء

شَگرِآ لگ ..


تِحَيآتِي لگ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-04-2014, 06:23 PM
صورة looly 2013 الرمزية
looly 2013 looly 2013 غير متصل
©؛°¨غرامي فعال ¨°؛©
 
الافتراضي رد: طريقة التخلص من حب الشباب في شهرين


طرح رائع
ربي يعطيك العافيه


ودي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-05-2014, 11:44 AM
صورة ديمٌو ! الرمزية
ديمٌو ! ديمٌو ! غير متصل
©؛°¨غرامي فضي¨°؛©
 
الافتراضي رد: طريقة التخلص من حب الشباب في شهرين


يسلمٌو هدوش ؛
ان شاء الله استفآد الجميعٌ





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-05-2014, 12:17 PM
صورة نديمة الروح الرمزية
نديمة الروح نديمة الروح غير متصل
©؛°¨غرامي مجتهد¨°؛©
 
الافتراضي رد: طريقة التخلص من حب الشباب في شهرين


يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-05-2014, 09:45 PM
صورة صرخةة انسانه الرمزية
صرخةة انسانه صرخةة انسانه غير متصل
©؛°¨غرامي فعال ¨°؛©
 
الافتراضي رد: طريقة التخلص من حب الشباب في شهرين


يعطيجج العافيهه '

الرد باقتباس
إضافة رد

طريقة التخلص من حب الشباب في شهرين

الوسوم
التخلص , الشباب , شهرين , طريقة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
متجدد : || الـلـــيـــث و الســلـــطـــة الـــرابـــعـــة ... تممرد كووره عربية 10 06-09-2013 08:09 PM
تكفون ابي مساعده alotybe سجل الأعضاء - للتواصل بين الأعضاء 8 16-05-2009 05:36 PM
التخلص من سموم الجسم آلنٌهَى صحة - طب بديل - تغذية - أعشاب - ريجيم 16 26-03-2009 02:03 AM
تقديم النصرVs الشباب دوري المحترفين السعودي . بالتوفيق للعالمي دنيـــا ومن يدري؟؟ كووره عربية 29 23-11-2008 03:50 PM

الساعة الآن +3: 04:07 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1