شواقه..! ©؛°¨غرامي جديد¨°؛©

السلام عليكم ورحمة الله وبركاته




لست أدرى من أين أبدا ؟! وهل تطاوعنى الكلمات ؟؟
فان الكلمات تتصاغر والعبارات تتضاءل ولكننى سأحاول
قدراً أستطاعتى وعسى ان اوفق
فعسى ان تنال اعجابكم





أَحْلامنْا أقْربْ شبَهْ { للعَصافِيرْ}، ! تِمسيْ مَعانَا ولاآصْبحْ الصّبح ~ طَارتْ
البارت الاول
التعريف

الابو والام متوفين بسبب حريق وكانو في العناية ولما ماتو اتصلو على علا وخبروها انهم انتقلو لرحمه الله

علا: عمرها 26
سامي: توفى يوم كان رضيع بسبب خرق في المعدة والمفروض يكون عمره 22

اسيل:عمرها17

في طريق العودة للمنزل

علا:شفتي الفستان ذاك جميييل :$
اسيل:اي جميل جميل

علا:ذي فايدتك التسليك

اسيل طيب دام عارفة ليه تكلميني؟

علا:ماعندي الا انتي يعني اكلم مين

اسيل:الجني ترى في الخدمة يا الغلاآ

علا:على الاقل يسمعني احسن منك

اسيل تجاهلتها :ييوه الممدرسة معد باقي الا اسبوعين بس وتجي وارجع ادرس 8اشهر

علا:احسسن انا خلصتها وعندي وظيفه وش علي منك ع الاقل اخذ فلوس مو اتعنى وما اخذ شئ


اسيل :اصلا الشرهه علي اني اكلمك يا الوصخ هذا وجهي لو كلمتك مره ثانيه

علا:تصدقين عاد ارتحت الحين لانك بتسكتين
اسيل:على شحم

وماهي الا دقايق ووصلو البيت وتفاجؤ بالمنظر الي قدامهم
علا:يييييمممهه

اسيل ههههئئئ صرصور

علا:الحين ايش اسوي كيف نشيلة من هنا

كان الصرصور عند الباب في الوسط لا يقدرون يروحن لا هنا ولا هنا

اسيل:هههههششش يا حقيير ابعد خن ندخل

علا:الله يشفيك نطت علا ودخلت ونطت اسيل بعدها

قامت اخذت الجوال واتصلت ع العامل الي دايم ياخذ الزبالة من عند البيت وقالت له يجي

بعد ربع ساعة جا:نأم (نعم) مدام

اسيل:نعامة ترفسك

علا:صديق تعال شيل هذا"وأشرت ع الصرصور"

العامل:طيب مدام

اسيل دخلت ع طول لانها تتقرف من المناظر ذي

وعلا جلست عشان تقفل الباب بعد العامل وتعطيه فللوس

دخلت اسيل الغرفة وفسخت العباية وانسدحت وجلست تفكر بلي صار السنة الي فاتت في المدرسة

كانت خارجة من المدرسة وشافت واحد يشبه ابوها

"هي كانت تتحجب" اول ما شافها ارتبك ومشى من طريق ثاني

اسيل: يا نظر عيني اشتقت لك احبكم
واطلقت العنان لدمعاتها ابي ليتك تعلم كم عانيت بعد فراقك.. كم تجرعت لوعة الحنين إلى همساتك...كم عانقت الشوق في غيابك وزرعت أمل لقائك بعد رحيلك لم أعد اشعر بما حولي .... جعلت الصمت مجدافي..ذكريات الماضي تعصرني وتجعلني أتعثر في مسافاتي...ترتمي أفراحي حزينه في أحضان الشوق.. تنطفى أنوار آمالي في ظلام اليأس ..وتغرق عبراتي في دموع الآهات فتنمو جذور الألم وتنبت في طرقاتي..

دخلت علا عليها شافت اختها منهاره خافت ان يكون صار لها شئ راحت عندها وضمتها :اسيل حبيبي ايش فيك!؟

اسيل عشان تطمنها:لا بس اشتقت لهم

علا :
قلبي يتيم كنقطة عتمة في الضوء ، رحلت.. تركتني وحيدا في صحراء الهجران بين جبال الأحزان وعلى سهول الحرمان اه يا من اشتاق له قلبٌ يفتقد الى الحنان/ ادعي لهم ما يفيد البكا ابد

في مكان اخر بعيدا عنهم

:سيدي انهم الان بالمنزل حسب الجهاز كانو في المتجر لشراء حاجياتهم

:حسنا اذهبو الان وحاصرو المنزل

بعض اﻻ‌منياتِ ليست مستحيلة بل ينقصها اﻻ‌مل وخلف الصبر أشياء جميلة تنتظر
البارت الثاني
اذهبو وحاصرو المنزل
-سيدي نحن الان امام المنزل
-حسناً ادخلو المنزل و ابتدو بتهديدهم
-لكن سيدي اليس الوقت مبكراً ؟
-نفذ ما قلته لك الأن
-حسناً

طرقو الباب

علا : اسيل قومي افتحي

اسيل : قومي انتي مالي حيل

علا قامت

علا : مين ؟

رائد :.........

اسيل : علا مين ؟

علا : مدري

اسيل : يمكن اللي يشيل القمامه افتحي شوفي مين




فتحت الباب انصدمت من عدد

الرجال الموجودين بغت تصك الباب

بس في واحد فتحه ومسك يدينها

اسيل انصدمت ووقفت

اسيل : مين انتم وش تبون ؟

رائد : فهد روح امسكها

فهد يمسك اسيل

اسيل : وخر وش تبون انتم ؟

رائد : تسوين اللي نبيه وﻻ اختك تلحق امك وابوك ؟

اتسعت محاجرها بصدمه: وش تبون وش اسوي خلو اختي ما بقى احد من اهلي غيرها قولو وش تبون ونا بسويه

رائد : تدخلين مدرسة اوﻻد وتراقبين ولد وتجمعين منه معلومات ؟

اسيل : هئئ مستحيل كيف تبوني ادخل مدرسة اوﻻد واذا انكشفت وش اسوي !!

رائد : ﻻ تخافين احنا مخططين لكل شيء وبعدين ﻻ تنسين اختك ؟

علا : ﻻ اسيل لا تسوينها اموت أنا بس ﻻ تخاطرين بحياتك عشاني

اسيل : اسفه علا بس لو ما خاطرت عشانك بخاطر عشان مين ؟

اسيل تناظره برائد : خﻻص موافقه بس متى ؟

رائد : كويس جهزي اغراضك بكره بنمرك

اسيل : طيب بس خل ذا يوخر *تناظر فهد*

رائد ناظر بفهد عشان يوخر عنها ورائد ساب علا

رائد : معلومه المدرسه داخليه

وخرج من البيت تاركها بصدمه ممزوجه بخوف

علا : اسيل مستحيل مستحيل تدخلين مدرسه اوﻻد وكمان داخليه ؟ مستحيل

اسيل راحت تحضن علا : عﻻ انتي تعرفين ان مابقى من اهلي غيرك مستحيل اخليك تروحين وتتركيني مستحيل علا مستحيل

علا : طيب خﻻص بس راح اشتاقلك

اسيل : ﻻ تخافين راح ازورك

طلعت اسيل ترتب اغراضها لحقتها علا وساعدتها
اسيل : الساعه 1 ما تبين تخرجين ابغى انام

علا : يصير انام عندك

اسيل : ههههههههههههههههههه طيب يلا

في الصباح الساعه 9

علا : اسيل اسيل قومي

اسيل : اوه امي ابغى انام

علا دمعت عيونها بس مسحتها بسرعه : اسيل أنا علا يالله قومي

اسيل : اوه علا طيب ، الساعه كم ؟

علا : 9

اسيل : هئئ ما جو لسى ؟

علا دمعت عيونها : الا في الحوش ينتظرونك.


اسيل:يوه علا ما ابغا اقص شعري والله تعبت وانا اطول فيه بعدين اخاف يكشفوني لان عندي صدر وجسمي جسم بنت بعدين ليه ما اخذو ولد عادي

علا في هذي اللحظة خايفه ع اختها بمعنى الكلمة :اسيل خلاص لا تروحين والله خايفه عليك تكفين لا تروحين

اسيل:علا ما عندي غيرك مستحيل افقدك عشان ذا الشئ مممسسستتتتحححححييييل

علا بكت مجرد استوعبت ان اختها بتروح مدرسة اولاد داخلية عشانها شئ فظييع

اسيل راحت ضمت علا وجلسو يبكون

شعور اسيل في هذي اللحظة الخوف وانها ما تبغا تخرج من البيت بس عشان اختها كل شئ يهون

اسيل:علا يلا لازم اروح الحين بروح انظف اسناني
واتجهز

علا:اسيل احبك

اسيل:وانا كمان يا روحها هذي الكلمات طلعت من قلوب محبه

علا:اقري وردك وانتبهي ع نفسك لا تتعرفين ع كثير وخذي معك غيار عشان لا جاتك ما تنفضحين
واللثمه لا تفكينها عن وجهك قولي مزكمه ولا بردانه ولا حلقي يعورني صرفيهم
خشني صوتك خليه زي العيال

اسيل:تصدقين هذي اول محاضره من محاضراتك عجبتني خخخخخخ

علا:هاهاهاها سخيفه وراح اشتاق لسخافتكي وهواشك يلا روحي الحين ينتظرونك برى
قامت اسيل ولبست العباية وقرت وردها واستودعت الله نفسها وخرجت ودقات قلبها تزداد
اول ما شافتهم
فهد فتح الباب ودخلت جوه

رائد يكلم فهد:ودينا المشغل

اسيل:تكفون ما ابغا اقص شعري والله تعبت فيه تكفون

رائد بحده وبدون رحمه:ولا كلمه الشغله مو بكيفك

تحاول اسيل جاهده في هذي الحظة الا تبكي عشان ما تضعف قدامهم

رائد:بعدها راح نروح للمول عشان نشتري ملابس واشياء رجاليه

اسيل اكتفت بهز رأسها فقط

لما وصلو دخلت جوه وبكت ع شعرها حرام كان واصل لين خصرها وكانت تهتم فيه مره
قصو لها بوي بعد ما خلصو ودخلو جوه السياره كانت طول الوقت تبكي تبكي من قلب لان ما طولته الا عشان امها كانت تحب الشعر الطويل هذا الشئ وعدت امها انها ما تقصه ققصير مره ثانيه واليوم اخلفت الوعد بس كان غصب عنها كان اذا سرحت شعرها تتذكر امها اذا ضفرت شعرها تتذكر امها والحين بعد ما قصته حست بالذنب لانه اكثر شئ يذكرها في امها .



بعدها راحو المول عشان يشترون لها مﻼ‌بس

رجاليه اول ما دخلت اسيل المول شافت بلوزه

300 فكرت انها ما تاخذ اﻻ‌ الغالي راحت اخذت

اغلى المﻼ‌بس عناد

شافت بلوزه مره جمييله بغت تاخذها بس شافتها

رخيصه شوي ف تركتها

بعد ما اشترت المﻼ‌بس لما جاء يحاسب طلعت

1700 ريال اخذ المﻼ‌بس كلها وشالها

رائد:روحي خذي مﻼ‌بس رخيصه ما عندي فلوس

اسيل:مو شغلي هذي الي عجبتني وما ابغا غيرها

جا رائد عندها:ﻻ‌ تعصين اوامري وﻻ‌ قسم ما تشوفين خير

اسيل:في امك خيير سوي شئ

رائد جاء بيضربها جاه فهد ومسك يده قبل ﻻ‌ يضربها:ﻻ‌ تمد يدك عليها بعدين العيال في
المدرسه يشكون في شئ
رائد:شوفي يا بنات محمد قسم بالله لو عدتيها
تشوفين شئ ما يعجبك

طلعو ممن المول بعد ما اخذ لها مﻼ‌بس ومشد

قوي عشان ما يبان صدرها وشوزات (اكرمكم الله)

بعدها راحو لمحل يفصل ثوب واشترى اربع اثواب

وراح لمحمل "البسام"واشترى لها شماغين

رجعها ع البيت عشان تلبس وترتب الشنطه

اول ما رجعت راح تركض ركض عند عﻼ‌ وتبكي

عﻼ‌ اول ما شافتها انصدمت من انها تبكي

اسيل:عﻼ‌ اشتقت لك مدري كيف بكمل باقي المهمه دونك
عﻼ‌:اسسيل يا قلبي اذا ما تبغين ﻻ‌ تروحين تكفين

اسيل:مستحيل اتراجع الحين

عﻼ‌:طيب لييه رجعوك

اسيل: عشان ارتب الشنطه واللبس واتجهز

عﻼ‌ :خﻼ‌ص روحي البسي وانا بجهز الشنظه لك

اسيل تنهدت تنهيده طويله وقالت:طيب
راحت لبست وتجهزت شكليا ونفسيا لبست تيشيرت ابيض وفيه كتابات

سودا وشورت اسود وشوز رياضي ابيض الحبل اسود وخلت شعرها زي ما هو

عﻼ‌:الله طالعه مزة المدرسة كلها بتخق علييك اي
صح جهزت الشنطة ورتبتها وكل شئ
اسيل:طيب شكرا حبيبتي

عﻼ‌:العفو اي صح الشنطة اﻻ‌ولى وينها
اسيل:مدري اخذوها مني

قامت عﻼ‌ من عند الشنطة وجات عند اسيل وضمتها
وبكت اسيل:تكفين ﻻ‌ تبكين اي صح انتبهي سكري الباب وﻻ‌ تخرجين اﻻ‌ للضروره وقبل ﻻ‌ تنامين تفقدي كل شئ يا قلبي

عﻼ‌:طيب احببك
اسيل وعلى وشك البكاء :وانا كمان اعشقك اتنفسك مقدر اعيش دونك

يﻼ‌ خﻼ‌ص طولت عليهم بخرج وضمتها كأنها اخر مره راح تشوفها كأنه اخر لقاء بينهم

عﻼ‌:استودعتك الله الذي ﻻ‌ تضيع ودائعه انتبهي ع نفسك وﻻ‌ تنسين الي قلته لك

اسيل:ان شاء الله
لما خرجت اسيل كان شوي ويغما عليها خﻼ‌ص انا بدخل مدرسة عيال طيب لو كشفوني كيف اسوي

يا ربي احميني واحمي عﻼ‌ وهب لي حكمه في تصرفاتي يا ذا الجﻼ‌ل واﻻ‌كرام

دخلت السياره وبكل هدوئ
رائد: شوفي الحين راح اعلمك كل شئ

اوﻻ‌ لما تدخلين المدرسة روحي ع اول غرفه ع
اليمين الي هي غرفه المدير راح تاخذين رقم

غرفتك الي هي مع الولد
طبعا الولد اسمه سلمان علي *** [اﻻ‌سماء خياليه]

طبعا راح تتصرفين كانك ولد وصوتك حاولي تخشنينه وشوفي كيف يتصرفون العيال وكذا
وسوي زيهم واﻻ‌هم اي شئ تعرفين انه يحبه او يكره سجليه عندك في ورقه هذي الورقة ياويلك يشوفها خبيها في اي مكان

اسيل: طيب افرض كشفوني وش اسوي

رائد:ما راح يكشفونك بإذن الله احنا مخططين كل شئ

اسيل:طيب الحين سؤال من حقي اعرف جوابه لييه اجمع عنه معلومات انتو ايش تبغون منها ؟


رائد: هذي الشغله مالك دخل فيها ويا ليت تقللين من لقافتك شوي عشان بعدين ما تندمين

اسيل لا تعلييق خوفا ع اختها وكانت لاف ع الشباك
وشوي الا وقفت السياره جنب مبنا كبير فخم كان

في قممه النظافه المهم اسيل اول ما وقفت
السياره عرفت انها ذي المدرسة

قلبها كان شوي ويوقف من الخوف كل خوفها انها تنكشف وتنسلب عذريتها منها
رائد: يلا انزلي وتذكري الي قلته لك وبالمناسبه اسمك هو محمد فهد يا ويلك لو حاولتي تخونينا عارفه ايش نسوي فإذا تحبينها انتبهي(يقصد علا)
اسيل: ان شاء الله "وخرجت"

وهي تمشي كانت تفكر بإيش يصير معاها وفجأه صقعت في واحد بالغلط
:هي هي ما تشوف

اسيل:أ سف.. حطت يدها ع فهمها بغت تقول اسفه
:سلامات لييه حاط يدك ع فمك

اسيل:اءءء لا بس حلقي ملتهب
:اها انت ولد جديد صح
اسيل: اي جديد
:اهلا اسمي سليمان
اسيل: اهلين اسمي محمد
سليمان:تشرفنا
اسيل: الشرف لي
سليمان: يلا اشوفك بعدين الحين انا عندي حصه
اسيل: اوك بااي


اسيل: ياخي ذا الولد اخلاق لا يكون هو سليمان علي خن اروح عند المدير واخذ رقم الغرفه
لما وصلت دقت الباب اسيل:السلام عليكم
المدير:وعليكم السلام والرحمه
اسيل: انا طالب جديد اسمي محمد فهد وابغا رقم الغرفه حقتي والجدول
المدير: لحظه لو سمحت اطلعها .... رقم غرفتك هو 6 في الدور الثاني ثالث باب ع اليسار وذا جدولك

اسيل: شكرا طلعت ...طق طق ودخلت تفاجأت ان الي معاها نفس الي التقت معاه "سليمان"

اسيل: سلام
سليمان: هلا انت معاي ؟
اسيل: ايه معاك
سليمان: يا مرحبا ترحيبه كلها لك .. يا وافي علمك.يشرفنا بعدها ع طول فطسو ضحك لان كان شكله توحفه كان يقلد الشعار بس بطريقه فكاهيه
اسيل: مو لايق عليك ابد
سليمان: عاد من الروقان شسوي كنت في الحصه وكلمت صديقي وطقطقنا ع المعلم وطردني من الحصه ومره فللهه
اسيل:اجل ما شفت وش سوييت انا وصديقي لما

كنت في المدرسه الحكوميه كان علينا معلم فييه من اللعانه وانا ما جبت الكتاب عناد المهم قبل ما
جاء قلت له انا تعبان وبطني يعورني

قال روح غرفه المعلم معتوق قلت طيب واصلا صديقي ما جاب كتاب الحصه الي فاتت ونزل

المهم طقينها سواليف ومره كان فله لين جاء بدر وقال بيصحح اوراق الاختبار واضطرينا ان نسكت بعدين طلع صديقي وبعدها بفتره طلعت
ولما دخلت قال المعلم ماشاء الله نص الفصل مريض!! لان مجموعتي الي غايب والي مستأذن

والي نزل المهم طالعت فيه ومشيت
سليمان:ههههههههههههههههههههههه عجبتني الحركه وقسسم شكل الحكوميه فله

اسيل: مو في كل الاوقات زي مره الي مسؤل عن الطلاب في حصه العلوم قال المعلم يقول

انزلو طبعنا نزلنا وشوي ما لقيناه وطلعنا بعدين رجعنا نزلنا وطلعنا وشافنا المعلم نور الغشمري وهزئنا
طبعا ما اهتميت وانا طالعه قلت ما بقى الا هو يهزئنا
وطلعت فوق وشوي جات عندنا وقال يا حثاله المجتمع مين قال ما بقى الا هو يخاصمنا
طبعا انا قلت مو انا لان اصلا قلت ما بقى الا هي تهزئنا ما قلت تخاصمنا

المهم بعدين نزلت وعادي كان ودي ارد عليه بس اخاف انفصل واروح وطي
سليمان: عندنا جدا عادي ترد ع المعلم واصلا لو في امه خيير يرد

اسيل: تحس انك محترم لانك في مدرسة داخيه اما الحكومي يحسسونك انك خادم عندهم اكره ذا الاحساس ياخي

سليمان: منجد شئ مو حلو ابد "ناظر الساعه" باقي نص ساعه ع الحصه الثانيه يلا روح رتب
ملابسك واغراضك في الدولاب عشان تلحق ع الحصص

قامت اسيل عند الدولاب وبدأت ترتب الملابس
وبعد ربع ساعه خلصتها وراحت جلست ع السرير حقها وكان قدامها ع سرير سليمان دفتر ملاحظات صغير
بلقافه اسيل الزايده راحت اخذت الدفتر ودوبها بتفتحه
.................................................. .....
نروح عند علا عزمت اغلى صديقتها والي دايم تقول لها اسرارها وكانت مسويه قهوه والحلا الي كانت تحبه اسيل سوته عششان تتذكرها
اول ما جات
علا: يا هلا يا هلا
منى: هلا فييك يا عمري
علا:اخبارك ان شاء الله تمام؟
منى: والله الحمد لله اخبارك
علا: تمام التمام
منى: الا اقول ويين اسيل
علا اول ما سمعت اسمها بكت من خوفها وشوقها لها
منى ع طول انفجعت ليييه بكت؟ هذا الشئ كون في مخيلتها الف فكره وفكره
منى: علا اشبك سلامات لييه تبكين؟
علا: منى الحقي علي اسيل الحين بخطر
ممنى: وش فيها!! وينها وهي
علا: امس جو ناس.....................................حكت السالفه لها
منى:ههئئ ولييه تسمحين لها تروح
علا: هي خلت لي فرصه عشان اسمح لها ولا لا
منى: طيب هي اخذت جوالها
علا: اي بس ما بتصل الحين اخاف يكون عندها احد بس وربي ودي اسمع صوتها
منى: لا ما عليك لا شافت اسمك بتخرج وتكلمك
علا: طييب بتوكل ع ربي واتصل
منى: يلا حبيبتي
.................................................. .....
عند اسيل
كانت شافت دفتر ملاحظات صغير وبلقافه اسيل الزايده راحت اخذت الدفتر ودوبها بتفتحه الا ودق جوالها تركت الدفتر محله وشافت جوالها وكان الاسم "علوشتي" وع طول ردت كان لها الف سنه ما شافتها
اسيل:الو
علا: الو اسيل صار لك شئ في حد عرف شئ
اسيل: لحظه شوي شوي لا محد عرف ولا شئ والحمد لله الي معي بالغرفه اخلاق
المهم انتي كيفك اخبارك اشتقت لك يا نظر عيني
علا: بخير لان سمعت صوتك وربي الحين البيت مو حلو دونك وقسم
علا: ان شاء الله الا اسيل دايم خذي معك اي شئ تقدرين تضربين فيه عشان لا احد عرف وبيسوي لك شئ اضربيه وارجعي البيت ولا عليك من احد طيب
اسيل: طيب طيب[كانت تسلك لها لان مستحيل ترجع لانها خايفه ع اختها]الزبده الحين بقفل لاني مششغوله
_________________________
انتهى البارت اتمنى يكون عجبكم
فمان الكرييم

شتات الكون ©؛°¨غرامي مجتهد¨°؛©

بداية موفقة عزيزتي

بس أتمنى أنك ما تعتمدي على الحوار


لا

أوصفي الحدث ومشاعر الشخصيات

وحطي أحداث تجذب القارئ




موفقة مرة أخرى

^^

امـ شعر ملولو ©؛°¨غرامي فعال ¨°؛©

جميل كملي
مرةة الرواية خققه

شواقه..! ©؛°¨غرامي جديد¨°؛©

ان شاء الله يا الحب

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1