غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-04-2014, 08:27 PM
اشواق الماضي اشواق الماضي غير متصل
©؛°¨غرامي جديد¨°؛©
 
11302797233 رواية قلوب فوق لهيب الشموع/للكاتبة:عواصف الحنين


السلام عليكم ورحمة الله....

مرحبااااااااااااااااااااا


اليوم جبت لكم رواية حلوة والكاتبه قريبتي وهي ما تبي تنقلها بس انا عاندتها انه راح تلقي صدي بمنتدي غرام اكثر من المنتدي اللي اهيا منزله فيه عاد لا تفشلوني وانش اء الله ما اخسر معها لانها ما كانت تبي تنقلها ^^

ماراح اطول عليكم واخليكم مع البارت الاول..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-04-2014, 08:28 PM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية..قلوب فوق لهيب الشموع..للكاتبه..عواصف الحنين..



قلوب فوق لهيب الشموع


البارت الأول


لو أن حبك
لو أنَّ حبَّكِ كانْ
في القلبِ عاديَّا
لمَلَلْتُهُ مِن كَثرةِ التَّكرارْ
لكنَّ أجملَ ما رأيتُ بِحبِّنا
هذا الجنونُ ، وكثرةُ الأخطارْ
حينًا يُغرِّدُ
في وَداعةِ طِفلةٍ
حينًا نراهُ
كمارِدٍ جبَّارْ
لا يَستريحُ ولا يُريحُ فدائمًا
شمسٌ تلوحُ وخَلفَها أمطارْ
حينًا يجيءُ مُدمِّرًا فَيضانُهُ
ويجيءُ مُنحسِرًا بِلا أعذارْ
لا تعجَبي ..
هذا التَّقلُّبُ مِن صَميمِ طِباعِهِ
إنَّ الجنونَ طبيعةُ الأنهارْ
مادُمتِ قد أحببتِ يا مَحبوبتي
فتَعلَّمي أن تلعبي بالنارْ
فالحبُّ أحيانًا يُطيلُ حياتَنا
ونراهُ حينًا يَقصِفُ الأعمارْ



الرياض


دخلت المجلس الفخم بألوانه الذهبية للجدران والأحمر والأسود للجلسة والستائر الذهبية بدوائر حمراء علي الجوانب.

كان جالس بنص المجلس بكل هيبه تحبه حيل وتخاف تخسره في يوم من الأيام قالت بهمس عشان إذا كان يريح ما تزعجه:جدي جدي.

فتح عيونه اللي كان مغمضهم بس يريح من الحر اللي كان فيه وقال:عيون وقلب جدها.

قربت منه وحبت رأسه وما تركها تحب ايده وسحبها بحنان وهي تجلس بجانبه وتمد له فنجان القهوة اللي شربه وأعاده لها وقال:القهوة من أيدينك لها طعم ثاني يا زينة البنات.

ابتسمت وهي تحط الفنجان علي الطاولة الزجاجية اللي كانت قاعدتها علي شكل قوقعة باللون الأحمر.

كان يعرفها زين بدون ما تتكلم يقراها ككتاب مفتوح قال بحنان مصفي :شفيك يبه احكي يا ريهاف؟؟

ريهاف تنهدت بداخلها وقالت:يبه تدري فيني ما أحب اسكت وتري منار ما تبي سعيد ولد خالي بس أمي تبي تجبرها توافق عشان انه عشنا في بيته ومن هال كلام بس يبه هذا زواج عشرة عمر وما ينجبر قلب علي قلب يالغالي.

كان يعرف ابنه جيدا وطريقته بالكلام اللي تجعل الإنسان يقتنع بكلامه وبالذات لما يحسسه بالذنب وجا لعند أخته الحين اللي قلبها مثل الحليب الصافي بس ماراح يسمح له يكسر قلب هال بنات اللي تربوا علي ايده.

الجد ببسمة أظهرت تجاعيد وجهه اكثر:دام خشمي يشم الهوي ما راح تنجبر وحده فيكم علي شيء ما تبيه يا بناتي.

حبته علي خده:فديتك يالغالي بعد عمري والله

صدق وانا شنو؟؟

التفتت تناظر صاحب الصوت اللي ترجف له طيات قلبها وتصاعد اللون الاحمر الي خديها.

حين سال الخادمه عن عمه اخبرته انه بالمجلس مع ريهاف اراد ان يراها علي سجيتها وحين دخل راها تبوس عمه علي خده برقه ولا يعلم لماذا احس بالغيرة ابتسم بداخله ويوم تكلم والتفتت له بعينيها الخضروان احس ان الارض توقفت عن الدوران وان موطنه اصبح داخل تلك العينين الفاتناتان.

يحبها
يعشقها
هذه الشقية
الفاتنة
حبيبته
وزوجته
ومالكة قلبه

شعرت بالخجل الشديد وهي ترد السلام وتناظر ملابسها بنطلون جينز ازرق وتي شيرت بلون البنفسج نص كم وماسكه شعرها علي جنب .

سلم علي عمه وحبه علي راسه وهو يسمعه يقول:حيا الله ولد اخوي.

ابتسم بمحبة:الله يحييك يالغالي.

ابتسمت وهي تسمعه يسال عن حالها كادت ان تقول مشتاقه وصرت زينه يوم شفتك لكنها قالت بهدوء:الحمد لله زينة..انت شخبارك؟

قال بهدوء:بخير بشوفتك.

استحت حيل وقال الجد بمزح:ههههه عسي الله لا يحرمكم من بعض ما يقدر عليك الا مشاري.

اثنينهم بوقت واحد قالوا:امين.

الجد بود ومحبة:ممكن الحين تتركوني اريح شوي.

ابتسما وخرجا من المجلس بهدوء ليجلسا علي الطاولة التي بالحديقه تحت شجرة البرتقال وبعيدة عن مجلس الرجال وقال بعتب محب:ليش جلالك مو معك؟

شعرت بالاحراج ولم تعرف ماذا تقول وانزلت عيونها لانها لم تستطع النظر اليه نزلت بسرعه ونسته بالصاله.

مسك ايدها وقال بصوت ساحر:ريفي حبيبتي ناظريني.

رفعت عيونها بصعوبه وهي تشعر بخجل شديد رغم انها تربت معه وصارلهم مالكين سنتين بس بعدها تخجل منه بس تحبه بشده.

ريهاف بحب تخطي حدود الكون:انا نسيت الجلال ما بعيدها ....ابتسمت وكملت..ما قلت انك بتجي اليوم؟؟

مشاري بضحكه:كنت جاي عند عمي ابيه بشغله بس يوم شفتك ضاعت علومي.

ابتسمت وهي توخر خصله من شعرها طاحت علي عيونها:ههههه طيب يوم ترد علومك خبرني؟؟

ابتسم وقال:احبك دكتورتي الحلوه.

غمضت عيونها بفرح لا يصور ورجعت فتحتهم وهي تقول بهمس بس ما كملت كلامها الا بصوت من وراهم..

شتسوون؟؟

مشاري بصوت هامس:هادم الملذات ومفرق الجماعات.

جلس بجانب ريهاف وحط ايده علي كتفها يغيظ مشاري اللي ناظره بنص عين:واحد ويسولف مع زوجته انت شيخصك؟؟

ضحك وهو يقربها منه اكثر:وانا اخوها يالغالي لا تنسي!!

مشاري بغيض:اخوها بالرضاعه يالغالي..

ريهاف تهمس لاخوها:جاسم لا تغيضه تري ما ارضي عليه.

جاسم وخر ايده عن كتفها وهو يضحك:انتم الاثنين حالتكم حاله تزوجوا و ريحونا.

مشاري بحب:قريب ان شاء الله.

وقف مشاري وهو يقول:يلا سلام الحين.

ريهاف بهدوء:في حفظ الله.

زواجهم تاجل بسبب دراستها للطب وها هي الان قد تخرجت وتعمل كطبيبة متمرنه في مستشفي خالها ابتسمت وهي تتخيل نفسها بالفستان الابيض معه هو رفيق الطفوله وعشق الطفوله والصبا يا الهي كم احبه ورغم انه كان هنا منذ لحظات الا انها اشتاقت له كثيرا.

جاسم شافها سرحانه لوح بايده قدام وجهها وهو يقول:يالحبيبه تراه راح من زمان.

ريهاف تبتسم بخجل:الله يكتب له في كل خطوة سلامه يارب.

جاسم ببسمه:امين...بصراحه انا لو الاقي وحده تحبني مثل ما تحبين مشاريو وتحاتينه وتدعين له من باكر بتزوج..

قالت وهي تلف خصله من شعرها علي اصبعها:عيل ارتاح ما فيه مني اثنين.

ناظرها بنص عين:مغرورة..

رمشت بعيونها :اكيد دامني مرت مشاري الصقر..

جاسم بنص عين:اها..

ضحكت وقالت :واخت جاسم الصقر ولو...

جاسم بجدية: تري من شوي كنت جالس ويا عمتي وخبرتني بخطبة سعيد لمنار زانا خبرتها اني موب موافق بس اللي قهرني انه امك تقول انه منار موافقه.

ريهاف بحزن حاولت ان تخفيه:وافقت عشان امي انت تعرفه سعيد زين مو راعي زواج وهذي اختي العوده ما ابيها تدمر حياتها من اولها بس ما حد يسمع لي بس ماراح يتم هالزواج دامني موجوده..

يعرف اخته عصبية حيل بس خلف عصبيتها حنان لا حدود له :ان شاء الله ما يصير الا اللي كاتبه الله..

سمعت صوت جوالها جالاكسي نيكسوز صارله ثلاث سنوات عندا ومو حابة تغيره لانه صار مثل ظلها هدية حبيبها.

فتحت الرساله وابتسمت بهدوء

اروع القلوب قلبك ..

وأجمل الكلام همسك ..

وأحلى ما في حياتي حبك..


اخذت جوالها وكتبت وهي تبتسم لنفسها يكاد قلبها ان يخرج من صدرها هذه المشاعر المثقله التي تحملها تشعرها بسعاده تجعلها تشعر انها تطير بين السحاب ضغطت زر الارسال.


قالت بهدوء:امين يارب..


جاسم قال بهدوء:تدرين اكثر شيء ندمت عليه بحياتي شنوو؟؟


ناظرته بتفهم ومسانده:ادري!


كان بيتكلم بس سكت وهو يناظر عمته جايه ناحيتهم وبايدها جلال ريهاف رمته في حضنها وجلست بالكرسي المقابل بعد ما رمت السلام بهدوء...


ردت السلام بهدوء بدون ما ترفع نظرها وسمعت اخوها يقول بعد ما رد السلام اهوا بعد:كانه الجو مكهرب!!


ريهاف بهدوء:تقدر تقول اختلاف في الاراء مع الوالده العزيزة..


امها بهدوء مماثل:مالك دخل بحياة اختك يا ريهاف..


ردت بالم باين في صوتها :الا قولي بدمار حياتها من بدايتها..


امها بغضب واضح وصريح:سعيد ولد خالها ما بتلقي مثله وان شاء الله بينصلح حاله...


ريهاف بوجع عميق:خالك اللي ضفنا واللي عيشنا ببيته واللي ما تركنا في الشارع حفظناه هالشيء يمه منار ما قالت لا لانه ما تبي تكسر كلامك بس يمه لا تنسين انه هو سبب خراب بيتك في الاساس وانتي سكتي والحين بدمرين حياة بنتك عشانه..



موضي بالم ما الذي تعرفه هذه الفتاة نظراتها تجرحها ربما تلومها لكنها لا تتكلم لكن نظراتها تنحرها من الوريد الي الوريد الا يكفي انها تملك عيناه.


ريهاف بموده:يمه انتي ما ادنين له بشيء وكافي انك تنازلتي عن حصتك له لحد حني وبس.


موضي بحدة:ريهاااااف...


ردت بنرفزة:يمه جاسم اخوي وولد اخوك موب غريب ويعرف كل شيء تري يمه ترانا بناتك واذا تبين تسوين هالشيء انا بسوي اللي ابيه انا عندي دوام الحين..


اخذت جلالها وراحت للبيت وهي متنرفزة ومعصبه ....



جاسم يتنهد:عمتي تري انتي مو مجبورة توافقين ..



موضي بهدوء:اقول يا حضرة الدكتور الظاهر ما عندك دوام اليوم...


جاسم يبتسم وهو يوقف ويبوس عمته:حلوة تغييرة الموضوع بس يا عمتي الحلوة تري ريهاف جايبه يباسة الراس منك.


تنهدت موضي بالم وما تدري اللي تسويه صح والا غلط بس ضغط اخوها عليها وبناتها من جهة مو متحمله بعد كل هالسنين الالم والضياع بيظل ملاحقها.


الجد ابو سامي كان متزوج ام موضي الله يرحمها بعد وفاة زوجته الاولي ام سامي. موضي اخوها ابو سعيد من ام موضي بس من ريال ثاني رباه ابو سامي مثل ولده وولده الوحيد من ام سامي..

ابو جاسم سامي متزوج بنت خالته مزنة وعندها

جاسم دكتور جراحة

سعود طيار



وريهاف تصير اختهم بالرضاعه..



عيال ام موضي


موضي

منار متخرجة من هندسة اتصالات..

ريهاف طبيبة متمرنه

ابو سعيد حمد وزوجته منيرة وعيالهم

سعيد ترك المدرسه بثاني ثانوي ما يشتغل وعايش حياته طول بعرض

مروي تدرس اخر سنة لها بالجامعه تخصص حاسب الي

مناير ثالث ثانوي...


ابو مشاري يصير اخو ابو سامي متوفي من زمان زوجته حصه كرست حياتها لتربية ولدها الوحيد مشاري متخرج من ادارة اعمال ويدير شركه مع اعز اصدقائه...



@@@@@@@@@@@





اغمضت عينيها وهي تتستمع لذلك الشخص الي يتكئ علي وسادات السرير وتحاول ان تستوعب ماذا يقول؟؟

قالت باستغراب:شقلت؟


رد بهدوء:شفيك الماس ما عدتي تسمعين قلت لك الليلة بملك؟


الماس توقفت عن ترتيب الملابس بالكبت وجلست علي كرسي التسريحة لانه كان قريب منها:ضاحي انت من صدقك؟؟


ضاحي :ومن متي امزح معك وتري بملك وبجيبها البيت يعني لا عرس ولا شيء وبتسكن بغرفة مهاب ..

تذكرت الان كل اعمال الصيانه بجناح مهاب وهي مثل الغبية لا تعرف ما يحدث حولها .


بيتزوج عليها

بعد ست سنين زواج

بيجيب عليها ضرة

احست ان انفاسها تختنق

كانت تنتظر ان تخبره انها

حامل

حامل

لكنه صدمها بهذا الخبر كيف يفعل بها هذا كيف هانت عليه وقفت خرجت من الغرفه بهدوء ودخلت الي غرفة بناتها نائمتان بهدوء مسحت علي روسهم وانفاسها تختنق بالدموع..


تعلم انه تزوجها بطلب من والده لكنها لم تكن تعلم انه كان يفكر طوال هذه الفترة بالزواج..


بيملك الليله وبيجيبها

بيملك

بيتزوج

بتعيش هنا

بشوفها معه

بتشاركني فيه

كانت كل هذه الافكار تدور في راسها ولم تعد تتحمل اكثر لتسقط مغشيا عليها..


ضاحي كان بعده علي نفس جلسته توقع منها تثور او حتي تعترض بس هدوئها صدمه لدرجه لا توصف..


ولكنه صدم بتصرفها البارد صحيح انه تزوجها زواج اهل ويحمل لها ود ومحبة وربما احترام لكنه سيتزوج ابنة خالته الذي كان يتمناها منذ البداية فهي حب الطفوله وحلم الصبا..


خرج لياخذ ملابسه من المغسله ويذهب الي الحلاق وبعدها الي بيت خاله وهو لم يخبر احد بعد لا يعلم بهذا الشيء سواه وابنة خالته ووالدته وخالته لا يريد اعلام والده حتي لا يمنعه ولا عمه وعياله عشان لا تصير مشاكل...


ركب سيارته ولكنه غير رايه من الذهاب الي الحلاق واتجه الي بيت خالته الذي لم يكن بعيدا عن بيتهم وقف سيارته ونزل..


كانت تمشي بالحديقه سمعت صوت جوالها ردت بلهفه وهي تعرف الرنة المميزة:هلا وغلا.......هههههههههههه ادري لاني اشتقت لك بعد......متي ترد من سويسرا......حلو بكون وقتها تطلقت واحصل لي قرشين وساعتها اهلي بيرضون يزوجوني لك يا بعد قلبي....ايه الليله بملك وبروح معه البيت...يلا اكلمك بعدين لازم ازهب نفسي الحين...



@@@@@@@@@@




يمه انتي تسمعين حالك شنو قلتي تراني موي مصدقه وانتي موافقه علي هالشئ...قال كلامه بحده..


امه بحزن:مو موافقه لاني ما ارضي علي الماس بس اخوك راكب راسه الا يتزوجهالا والا الماس تتقل بالذهب..


كان حيل معصب ما يدري اخوه شفيه بيسبب مشاكل مع عمه واللي اكبر من كذا جده..


قال وهو يزفر بغضب متفهم موقف امه اللي ماراح يصير فيها خير مع ابوها:ان شاء الله خير يمه بس ولدك ذا راح يندم قد شعر راسه وقولي ضاري قال..


ام ضاحي بالم:الله يعين الله يعين..


ضاري اخذ جواله واتصل علي اخوه ليجد جواله مغلق رجع الجوال بمخباته ووقف بيطلع من البيت بس وقفته صرخة الشغاله..


ناظر امه توقف وتركب الدرج وهو وراءها ام ضاحي بحيرة:شصاير سيتي؟؟


سيتي:ماما هذا ماما الماس فيه يطيح اكلمه ما يرد علي..


ضاري لا يستطيع الدخول امسك جواله واتصل بولد عمه اللي تركه بالمجلس المشترك مع عمامه رد من اول رنه:هلا فهد ابيك تجي بيتنا الحين بسرعه.........مو وقت كلام الحين تعال بسرعة ..


قفل الجوال وظل واقف بالممر ما هي الا دقائق معدودة وفهد كان قدامه وهو يلهث:شصاير؟؟


ضاري بهدوء:الماس طاحت وضاحي مو بالبيت..


دخل الغرفة علي طول ولانه ام ضاحي تصير خالته شافها تلبسها عباتها اخذها بين ايدينه ونزل وطلع من غرفته ونزل فيها الدرج وهو يقول لضاري اللي كان يمشي وراه:ضاري خلي نروح بسيارتك سيارتي ما تنفع..


سيارة فهد كانت سبورت وضيقه ..


ظلت ام ضاحي جالسه بالصاله وهي تدعي انها تكون بخير اكيد خبرها الله يهديك يا ضاحي الله يهديك ويش سويت ويش بتسوي فينا..


سمعت صوت تلفون البيت وردت بهدوء لتسمع صوت اختها الذي كان مثل طوفان هادر لا يتوقف الا ليمسح من امامه.

قالت باستغراب:شفيك يا ورده..............شنو.......ضاحي ما بيتزوج سحر.....حست براحه لا توصف وردت قالت....ما فيه نصيب.....سمعت كلام ما توقعت تسمعه من اختها الصغيرة....خلاص يا ورده ...جب ولا تنسين اني اختك العود وقفلت التلفون وراحة كبيرة تنسكب علي نفسها..



@@@@@@@@@



سمع صوت دق علي الباب وصوت فتحه قال بهدوء:سالم قلت لك ما ابغي أي ازعاج؟؟


دوم تامرون يا عيال الشاهر؟؟


رفع عيونه مبتسم وهو يسمع ذلك الصوت الذي اشتاق له كثيرا ليقف ويلف علي الطاوله ويحضنه بموده صافيه:هلا والله بالعم..


جلس علي الكرسي ويحط رجل علي رجل:عمي بعينك تراه ما بينا الا سنتين يا حضرة المحامي ماجد.


ضحك وهو يحط جواله علي الطاوله:اقول يا سيد الاعمال جاسر الشاهر شعندك ما تبغي ازعاج..


جاسر وهو يجلس قباله:ما فيه شيء بس عندي شغل ابي اخلصه..


ماجد بنص عين:لا بس كنت اظنك تغازل او تكلم الحبيبة مني ولا مناك..


جاسر ببرود:ما سويتها ايام طيش الشباب بسويها الحين وانا علي عتبة الثلاثين..

ماجد يرفع حاجبه:ليش انت مريت بمرحلة طيش ما ظنيت يا ولد اخوي..الا شخبار الاهل تراني جيت من مطار سيده علي هنا لاني يوم سافرت ما شفتك اشتقت لك يا اخي مع انك ما تستاهل..


ضحك من قلبه :بخير...ابوي ما عليه شر الا يحن علي يبني اشتغل معه ومع عمامي بالشركه..وجدي بخير الا يحن علي بالزواج اكثر من امي..ضحك هنا ماجد بصوت عالي..


كمل جاسر:وعمي عبد الرحمن زين و عمي مساعد يحن علي بعد اشتغل معاهم غيره أي اخبار ثانية..


ماجد ببسمه:ما فيه احد تزوج احد خطب والا انخطبت ابوي ما خطبلي وانا بلندن.


سمع صوت من وراه يقول:


الا خطب لك وملك بعد وزوجتك المصون الحين تنطرك بالبيت بس صدقني اذا ناظرت خشتك ذي بتشرد علي طول..


وقف يسلم علي ولد اخوه الثاني بموده وهو يقول :تري احيانا استحي اوقف جنبكم صدق اني طويل بس جدامكم ابين كني قزم..


جاسر وهو يوقع الاوراق:اقول شرايكم تخلصون سلامكم بري تري عندي شغل ومو فاضي حق سوالفكم..


سمع ولد عمه يقول:نسيت موعدنا يعني؟؟


جاسر بحيرة ناظره بنص عين: مشعل أي موعد؟؟؟
مشعل من بين اسنانه:مو اتفقنا مبارح نروح مزرعة مشاري الصقر عشان بشتري منه فرس..


جاسر تذكر الحين واخذ التلفون وطلب لهم قهوة:علي ما تخلصون قهوتكم اكون خلصت شغلي وبنروح مع بعض..



ماجد بهمس لمشعل:يا اخي زين انه بعد متذكرنا دونالد ترامب..


مشعل يبتسم لعمه ورد بنفس الهمس:اسكت لا نروح انا وياك وطي الحين..


@@@@@@@@@@



باحدي الجامعات بالرياض


كانت جالسة تنتظر صديقتها رفعت نظرها حين سمعت الكرسي لترفع نظرها وتي تري فتاة ترتدي تنوره قصيرة لنص الساق بنية مع بلوزة بيضاء..


قالت وهي تصلح بلوزتها السوداء علي بنطلونها الاسود:وعليكم السلام..


قالت بمياعه:اقول سلمي ما ابي منك محاضرات شيء واحد ابغيه يا اما تطلعين معنا او الصور اللي عندي بتكون علي كل موقع بالنت..


سلمي بحده:تخسين الا انتي روحي العبي علي غيري..


وقفت والشرر يتطاير من عيونها :بنشوف يا بنت الشاهر..

وراحت بغضب صدمت في عهود اللي كانت جايه عند بنت عمها جلست وهي تسال:هذي شفيها كانها بتذبح احد؟؟


سلمي بقلبها يارب اللهم ابعد عني كل من كان في نيته ان يكسرني:ما عليك منها هاتي الاكل تراني جوعانه حدي..


عهود تضحك:دوم مفجوعه كانك مو شايفه خير الحين يقولون بنات الشاهر مو شايفات خير.


سلمي ببسمه:فديت الشاهر وطاريهم..



@@@@@@@@@@@



دخل الطوارئ وعلي طول الممرضة جابت نقاله اللي حطوا فيها الماس وهو يمشي وراها مع ولد عمه بس يوم دخلوها الغرفه طلبت منه يظل بري لانه ما يصير يدخل ممنوع..


بعد لحظات دخلت الطبيبة الحجرة كشفت عن وجهها واللي كان باين عليه الشحوب ناظرت ضغطها هابط ..


وهذا سبب الدوخة طلبت يحطوا لها مغذي و تسحب لها دم عشان تسوي لها تحليل..

فسخت لها عباتها ووخرت بلوزتها الوردية وحطت السماعات باذونها وهي تسمع نبضات قلبها المتسارعه نوعا ما ..


احضرت الممرضه الجهاز بعد ما طلبته منها ووضعت الكريم المخصص له علي بطنها كان بارد بعض الشيء ووضعت الجهاز وابتسمت وهي تري بالشاشه ما كانت تشك فيه..


شالت الجهاز ومسحت لها بطنها بمنديل وردت بلوزتها مكانها وابتسمت وهي تناظرها تفتح عيونها بهدوء:شلونك الحين؟؟


الماس بتعب واستغراب قالت بهمس:انا وين؟؟


ريهاف ابتسمت لها:انتي بالمستشفي هبط ضغطك وطحتي ما تشوفين شر؟؟

الماس بتعب:شفيني دكتوره؟؟


ردت وهي تناظر الممرضة اللي خلصت سحب دم وطلعت:ما فيك الا العافية بس مبروك انتي حامل وابيك تريحي الحين وبتظلين معنا الين يخلص المغذي وبعدها برخص لك وان شاء الله بتهتمين في البيبي وان شاء الله دكتورة النساء بتجي لك بعد شوي..


الماس بتعب قالت:ان شاء الله..


من رده فعلها عرفت انها كانت تدري مسبقا استاذنت وخرجت من الغرفه ليوقفها صوت رجولي:دكتوره..


وقفت باحترام بدون ان ترفع نظرها الي عينيه هكذا تربت:هلا..


فهد بقلق:المريضه الماس مساعد شفيها؟؟


بهدوء:ما تشوف شر هبط عندها الضغط شوي ...انت زوجها؟؟

فهد بهدوء:لا انا اخوها؟؟


قالت :اختك حامل وبعد ساعتين تقدر تاخذها البيت..


راحت ريهاف وفهد دخل عند اخته وحب علي راسها:الحمد لله علي السلامه يالغاليه كذا تخوفينا عليك؟؟


الماس بهمس متعب:الله يسلمك..


فهد بممازحه لا يعلم انها مزقت قلبها:ومبروك الحمال الحين بيجي فهد الصغير وضاحي بيموت من الوناسه..


الماس نزلت دمعه علي خدها وبنفسها ايه بيموت من الوناسه مو اليوم ملكته علي حبيبة قلبه..


فهد حس انها متعبه وقال وهو لا يعلم ما يجول بخاطرها:انا بتركك ترتاحين وبنتظرك في الخارج..


اول ما طلع اخوها سمحت لدموعها بالنزول ارادت ان تبكي هنا لوحدها دون ان يراها احد لا تريد مواساه من احد او شفقه عليها..


ليش يا ضاحي

ليش تسوي فيني
كذا

شسويت لك

شسويت غير اني

حبيتك

وعشقتك

ودللتك

واحترمتك


صدمه....!!ان نسكب كل مشاعرنا مره واحده..
ونكتشف ان الاناء الذي حواها...مثقوب!!




فهد جلس بجانب ابن عمه وقال:بننتظر الين يخلص المغذي اذا تبي روح البيت..


وضع يده علي كتفه وهو يقول:افا ام كادي عزيزة وغاليه وبعدين بنتظر معك كم فهد عندنا..


ابتسم له فهد وهو يقول:شخبار الصفقه تبع دبي خلصت والا بعدك..


ضاري بهدوء:باقي لي شوية رسوم واخلص..


فهد بمحبه:الله يعينك ويوفقك..لو سوينا مثل طلال وشردنا ندرس بري ..


ضاري يبتسم :عمي شاهر متفاهم حيل موب مثل ابوي وابوك اللي براسهم يسوونه وما دروا عن احد..


فهد :الله يعينا..


نتعرف علي عائله الشاهر

الجد ابو عبد الرحمن رجل عصامي بدا من الصفر الين كون الثرة له ولعياله ..

عياله..

ابو ضاحي..عبد الرحمن زوجته سعاد..
ضاحي متزوج الماس بنت عمه وعندهم كادي وسالي يشتغل ظابط بمكافحه المخدرات..

ضاري مهندس معماري يشتغل مع ابوه وعمامه بشركه العايله..


ابو مشعل زوجته فاتنه تصير اخت سعاد..


مشعل خريج اقتصاد ويشتغل مع عمامه بالشركه..

الماس متخرجه من لغه انجليزية..

فهد متخرج ادارة اعمال ويعمل مع جاسر ولد عمه بالشركه..

عهود اخر سنة تصميم داخلي..


ابو جاسر وزوجته جميله..


جاسر يشتغل بشركه خاص هبه اسسها لحاله ..


طلال يدرس ماجستير هندسة اتصالات..


سلمي اخر سنة لغه انجليزية..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-04-2014, 10:17 PM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


انتظر ردودكم -_-

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-04-2014, 10:33 PM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين




البارت الثاني..


جتني ظروف للكدر مستعده
قامت تحدد لي الاحزان ميعاد
مرة مع حظي ومرات ضده
واليا تكدر خاطر القلب تزداد
في دنية خلقت على الناس نده
مردودها للخير تجرح واجهاد
إتجي على المظلوم وتبيح سده
واتجي على الظالم تساهيل وامداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد
ومسكين من راد الزمن يستبده
عيت عليه اقدار الايام تنقاد
تطرح به الدنيا على القاع مده
مثل الفريسة والمقادير صياد
ضاعت حياته في لحاف ومخده
عدت عليه ايام بغفول ورقاد
وماله عن دروب الوعر من يصده
ولا هو عن دروب السلامات نشاد
تلطمه مو جات القدر فوق خده
وتخطي به الخطوة من بلاد لبلاد
حبله قريب وعاجز لا يشده
يحسب جميع الناس قاصين وبعاد
عاند حياته لو حياته تحده
وادى سنينه كلها عناد بعناد
إصحى من الغفلة ترى العمر حده
للوقت سجاته وللموت ميعاد
وهذي هي الدنيا تجي مستجده
تلقا بها المازح وتلقا بها الجاد
قصة حياة ومننا مستمدة
ويلزمها تنفيذ وإخراج وإعداد
عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد
ويكفيني اني من ظلوه الموده
ومالي مع الخسران بالدين مقعاد
وإن جتني الغفلة علي اوقات شدة
اصبح لها صداد والقلب صداد
وتقدير ربي مالنا في مرده
ومعارض


بالمستشفي

بعد ساعتين

ضاري سمع صوت جواله وكانت امه رد عليها بهدوء:هلا يمه.....ايه صارت احسن شوي ونرد البيت يالغاليه.....لا تحاتين يمه بييك حفيد...ابتسم وهو يسمع امه مستانسه...شنو اللي صار؟.....الحمد لله الحمد لله...خلاص يمه..الله يحفظك يالغاليه....

ضاري استانس علي هالخبر واتصل علي رقم اخوه بس بعده مقفل رجعه بجيبه وراح للسيارة بعد ما ناظر ولد عمه يسند اخته..

ركب سيارته وحكها قدام قسم الطواريء وفهد ساعد اخته تركب وبعدها ركب جنبه وقال بهدوء:ما تشوفين شر يا ام كادي..

بهمس:الشر ما يجيك..

@@@@@@@@


ابو سامي كان جالس يناظر بنته الوحيده بنظرات عتب ولوم وقال :ليش يا موضي؟؟


ما قدرت ترفع عيونها وقالت:يبه..

قاطعها بحده:بس اذا سكتت لك زمان الحين ماراح اسمح لك ادمرين حياة بنتك والزواج ذا ماراح يتم الا علي قص رقبتي..

موضي بفجعه:بعيد الشر عن قلبك يالغالي..

جاسم بحزن:لو كنت غالي ما تسوين كل هالشيء من وراي وتكتبين حصتك لاخوك تري انا ما قصرت معه واخذ مثل ما اخذ سامي ليه يا بنتي تكسرين نفسك وبناتك..


موضي:يبه ما ساعدني الا هو..


ابوها بحده:دفعتي له الثمن مع انه ما يستاهل وهو كل السبب باللي صار..


موضي:بس..

ابوها:تكسرين كلمتي يا موضي مثل ما كسرتيها زمان...

كان يعلم انه اوجعها بكلامه لكن كان يجب عليه ذلك لكي يسيطر علي الموقف ويمنعها من ان تدمر حياة بنتها..

موضي بوجع:اللي تامربه يبه..


ابوها:تتصلين باخوك وتخبرينه انه ما فيه نصيب وانه راي بنتك ورايك بعد لا تصغرين نفسك قدامه..

موضي قاومت الدموع بعيونها وطلعت من المجلس تركض وصدمت في اخوها اللي طلعت بدون ما تكلمه وهي ينادي عليها..

دخل المجلس وحب ابوه علي راسه وقال باستفسار:موضي شفيها؟؟


بعد ما خبره ابوه بالسالفه قال:لا حول ولا قوة الا بالله شفيها هذي جنت..


ابوه بالم:ما ادري يا بوك ما ادري فر دماغها اخوك بس اجعتها بالكلام يا بوك ما ابيها تظلم بنتها..

حط ايده علي كتف ابوه فهو ابنه الوحيد وسنده في هذه الحياة وقال بمحبه:كانت محتاجه لهالشيء عشان تصحي يالغالي..


ابوه بمحبه:عسي الله لا يحرمني منكم ويخليك سند لها يالغالي..


ابو جاسم:امين يالغالي امين..


@@@@@@@@@@@

كان يقف بجانب الاسطبلات حين سمع صوت جهوري يقول:السلام عليكم ..

التفتت ورد السلام بفخامه وهو يري مشعل الشاهر وابن عمه رجل الاعمال جاسر والاخر لم يتعرف عليه..

مد يده ليصافحهم جميعا وحين وصل الي الشخص الذي لم يعرفه سمع مشعل يقول:هذا عمي ماجد الشاهر..

مشاري بلباقه:هلا..

ماجد ببسمه:هلا بيك زود..

بعد ما قال لهم حياكم وقفوا عند السياج يناظرون الاحصنه وقال مشاري ببسمه:كلها للبيع الا الفرس الاسود ذاك..

جاسر اعجبه الفرس حيل وبنفسه عنده الحق ما يبيعه ما ينهان مشعل كان مقرر انه يشتري الفرس الابيض من اول مره جا فيها المزرعه..

سمع صوت جواله يرن برساله وابتسم بدون ان يفتحها لانه كان يعلم من من هذه الرساله..


*فيروس هجرك عطل القلب
ودمر ملفات الفرح في حياتي..!!
ياللي سكنت القلب من دون تحميل..
متى لموقعنا تشرف وتاتي..؟!
عنوانكم ماهوب (ياهو) ولا (هوت ميل)..
عنوانكم روحي وقلبي وذاتي...

ابتسم من كل قلبه هذه الفتاه مميزة ودائما تفاجئه كم يعشق هذه الطفله مميزه ولا يتطيع أي احد ان ياخذ مكانتها فقد سكنت الروح واستوطنت الفؤاد اخذ نفس عميق وحط الجوال بمخباته وجلس يسولف مع مشعل عن الاحصنه والاسعار..

ماجد يناظر جاسر بغرابه:شفيك وين سرحت؟؟

جاسر وهو يناظر الفرس الاسود:اعجبني الفرس..

ماجد يناظر وين اشر وقال:انت ليش دوم تحب الاشياء المستحيله..

جاسر يبتسم ابتسامه بارده:لانه ما فيه شيء اسمه مستحيل عند جاسر الشاهر..

ماجد يناظره بنص عين:الله يعين نفسك عليك..

@@@@@@@@

دخل الي جناحه ليستغرب وجود خالته في جناحهم ولكن حين لفت نظره الي السرير وجد تلك لم يستطع ان يجد وصف كي يوصفها شكلها تعبانه وجهها اصفر بس هذي مو الماس الماس اللي لو دقتها شوكه تصيح شنو صار لها..

سمع خالته تقول:مبروك يا ولدي الماس حامل..

صدمه موجعه

مؤلمه

هزت كيانه

تذكر الان انها كانت تود اخباره شيء منذ ان رد من الشغل بس هو ما ترك لها أي مجال تذكر لمعه الفرح في عيونها بس هو..

كسرها

ناظر الالم والحزن بوجهها شلون قدرت تسوي فيها كذا وعشان منو عشان وحده ما تستاهل..

كانت خالته تتحدث ولكنه لم يسمع أي شيء مما تقوله نظره كان مثبت علي تلك الانثي التي اشاحت بوجهها عنه..

خرجت خالته من الغرفه ولم يحس بذلك الا عند اغلاق الباب..

قال بهمس:طهور ان شاء الله..


لم تستطع النظر اليه فهو نحرها وكسر فؤادها الجريح قالت :ليش تارك عروستك وجيت ما دريت اني غاليه.!!.

قال وهو يجلس علي الكرسي بجانبها:انا ما تزوجت..


لم يفرحها الخبر لان مجرد تفكيره بالزواج عليها مؤلم جدا..

الماس..

لم تعد قادره علي النظر الي وجهه لانه يؤلمها كلما تتذكر انه كان سيتزوج ابنة خالتها عليها كيف واقفت ولكنها ليست متفاجئة فسحر لا تحبها..


قالت بتعب وبرود:ادري انه ما احد عنده خبر الا خالتي واظن لو يظل الوضع كذا احسن ما ابي مشاكل بين عمي وابوي..

تفكر في العائله وهو الذي لم يهتم حتي لامه الذي يعلم انه لو تزوج ابوه ماراح يتركها وبيحملها كل المسؤولية زين انه الموضوع ما صار بس حركه سحر طعنته في الوريد وجعلته يعرف أي الماسة كان يملك وهو الان قد خسرها ..

توه بيتكلم بس يوم غطت وجهها باللحاف عرف انها ما تبي تحكي او حتي تشوفه...

تنهد بالم واغمض عينيه وهو يفكر باللذي فعله وانه استغفلها يا الهي كم هو موجع هذا الشعور فقد ذاق هو من نفس الكاس وبسرعه لم يكن يتخيلها..

فكما تدين تدان

كما تدين تدان

@@@@@@@@@@

دخلت البيت وجلست بالصاله وهي تفكر بكلام ابوها كانت تدر انه ما كان قصده يذكرها بالماضي بس كان يبيها تصحي اخذت التلفون قبل لا تضعف ودقت علي بيت اخوها..

سمعت صوت اخوها يرد بحده:هلا ابو سعيد......ايه.....بتظل اخوي مهما صار.....ما فيه نصيب عسي الله.....ما قدرت تكمل كلامها وصوت صراخها ثقب اذانها وهو يقول كلام جعلها تغضب لتقول....جب جب بنتي تسوي كل طوايف هلك..وقفلت السماعه لانها لم تكن علي استعداد لسماع المزيد..

وضعت يديها علي وجهها وانتحبت بالم وقلبها يحترق لم تتوقع منه هذا كم هو قاسي وجاحد..

@@@@@@@


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-04-2014, 11:40 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية قلوب فوق لهيب الشموع/للكاتبة:عواصف الحنين


مساء الخير .. ياهلا فيك بغرام .. موفقة بنقلك .. جدا جميلة الرواية وحبيت اسلوب الكاتبة والقضايا المطروحة بالرغم انو لسى ماوضحت اغلبها لكن اتمنى انها ماتعتمد على الحوار تستخدم السرد توضح مكان الحدث بأي منطقة وتوقيت الحدث ومكانه عند بداية كل مشهد وتوصف مكان الحدث ووضعية الشخصيات وتتعمق في وصف المشاعر لانو احداثها تعتمد على المشاعر يعني مثل الماس لو وصفت الصدمة الي اوجعتها كيف ردة فعلها من خلال ملامحها حديثها مع النفس وكمية الوجع الي تحمله كان صورت لنا مشهد جدا رائع

الي صار لضاري من سحر رد اعتبار لالماس ويحمد ربه على الجوهرة الي يأيده لكن ماراح يكسر راسه الا هي بتغير تعاملها معاه لانه لو ماسمع هذيك الخبيثة كان تمم الزواج ولاهمه غير رضاه ومصلحته ماعرف انه كان بيتزوج وحدة صايعة عديمة اخلاق يكفي قبولها الزواج على واحد متزوج بنت خالتها تمنيت انو الكاتبة وضحت لنا الموقف وردة فعل هالغبي من الي سمعه وكيف الغى الزواج وردة فعل سحر الي مااعتقد بتسكت على هالشي


مشاري وريهاف ثنائي جميل بس مدة ملكتهم طالت والخوفة انو زواجهم مايتم والله يستر من خالهم ابو سعيد ماينتقم بتدمير هالثنائي سنتين كثير على مدة الملكة وموحلوة تطول خصوصا انو السبب موقوي يمنع الزواج كثيرات يتزوجو وهم يدرسون اجل كيف بتمشي حياتهم وهي تداوم كدكتورة اذا الدراسة منعتها من الزواج

منار اكبر من ريهاف وللان ماتزوجت يعني كبيرة بالعمر ليش للان ماحد خطبها ووين اهل ابوها عنها هي واختها يوم امها وخالها يتدخلو فيها اذا ريهاف متخرجة من الطب ودراسة الطب ماتقل عن سبع سنين اجل منار كم عمرها وكيف شخصيتها هل هي ضعيفة ولا العكس ومين صاحب النصيب

وهل عايلة الشاهر تقرب لهم ننتظر الاجابة في البارتات الجاية .......وجاسر اعتقد له دور كبير في الرواية بس مع مين وكيف


القوانين / الإطلاع هام و الإلتزام ضروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-04-2014, 09:07 AM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


اقتباس:
المشاركة الأساسية كتبها وردة الزيزفون مشاهدة المشاركة
مساء الخير .. ياهلا فيك بغرام .. موفقة بنقلك .. جدا جميلة الرواية وحبيت اسلوب الكاتبة والقضايا المطروحة بالرغم انو لسى ماوضحت اغلبها لكن اتمنى انها ماتعتمد على الحوار تستخدم السرد توضح مكان الحدث بأي منطقة وتوقيت الحدث ومكانه عند بداية كل مشهد وتوصف مكان الحدث ووضعية الشخصيات وتتعمق في وصف المشاعر لانو احداثها تعتمد على المشاعر يعني مثل الماس لو وصفت الصدمة الي اوجعتها كيف ردة فعلها من خلال ملامحها حديثها مع النفس وكمية الوجع الي تحمله كان صورت لنا مشهد جدا رائع

الي صار لضاري من سحر رد اعتبار لالماس ويحمد ربه على الجوهرة الي يأيده لكن ماراح يكسر راسه الا هي بتغير تعاملها معاه لانه لو ماسمع هذيك الخبيثة كان تمم الزواج ولاهمه غير رضاه ومصلحته ماعرف انه كان بيتزوج وحدة صايعة عديمة اخلاق يكفي قبولها الزواج على واحد متزوج بنت خالتها تمنيت انو الكاتبة وضحت لنا الموقف وردة فعل هالغبي من الي سمعه وكيف الغى الزواج وردة فعل سحر الي مااعتقد بتسكت على هالشي


مشاري وريهاف ثنائي جميل بس مدة ملكتهم طالت والخوفة انو زواجهم مايتم والله يستر من خالهم ابو سعيد ماينتقم بتدمير هالثنائي سنتين كثير على مدة الملكة وموحلوة تطول خصوصا انو السبب موقوي يمنع الزواج كثيرات يتزوجو وهم يدرسون اجل كيف بتمشي حياتهم وهي تداوم كدكتورة اذا الدراسة منعتها من الزواج

منار اكبر من ريهاف وللان ماتزوجت يعني كبيرة بالعمر ليش للان ماحد خطبها ووين اهل ابوها عنها هي واختها يوم امها وخالها يتدخلو فيها اذا ريهاف متخرجة من الطب ودراسة الطب ماتقل عن سبع سنين اجل منار كم عمرها وكيف شخصيتها هل هي ضعيفة ولا العكس ومين صاحب النصيب

وهل عايلة الشاهر تقرب لهم ننتظر الاجابة في البارتات الجاية .......وجاسر اعتقد له دور كبير في الرواية بس مع مين وكيف


القوانين / الإطلاع هام و الإلتزام ضروري

يسلمو لمرورك غاليتي وان شاء الله تكونين من متتبعات رواية الكاتبه عواصف للنهاية......

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-04-2014, 10:28 AM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


وين ردودكم يا عشاق غرام...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-04-2014, 11:52 AM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


الروايه راااااااااااااااااااااااااااااااااااااائعه جدا
سلمت اناملك
احدائث جميله متسلسله بشكل رائعه
اهنيك علئ هكذا طرح


ريهاف ومشاري اممم احس انو في شي راح يخريب فرحتهم
اما جابر الو دور
كبير واعتقد انو الفرس لريهاف وراح يشوها وهي راكبتو
منال شخصيتها مجهوله لحدالان

ضاحي لاتعليق
فهد شخصيتو عجبتني
ماجد اعتقد الو مستقبل مع منال
سلمئ مسكينه الله يعينك


بانتضارك سجليني من متابعيك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-04-2014, 12:33 PM
...3beer ...3beer غير متصل
©؛°¨غرامي مشارك¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


السسلام عليكم

روآيتگ جميلهه وآصصلي :)

بآينن آنوو قريبتگ عندهآ آفگآر :)

آححلآ شخصيه ( فههد )

وبآنتظآرگ مع آلبآرت آلثآني :)


https://forums.graaam.com/570237.html
وشرفيني بروايتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-04-2014, 12:47 PM
اشواق الماضي اشواق الماضي غير متصل
©؛°¨غرامي جديد¨°؛©
 
الافتراضي رد: رواية قلوب فوق لهيب الشموع/للكاتبة:عواصف الحنين


اقتباس:
المشاركة الأساسية كتبها ر.البدري مشاهدة المشاركة
الروايه راااااااااااااااااااااااااااااااااااااائعه جدا
سلمت اناملك
احدائث جميله متسلسله بشكل رائعه
اهنيك علئ هكذا طرح


ريهاف ومشاري اممم احس انو في شي راح يخريب فرحتهم
اما جابر الو دور
كبير واعتقد انو الفرس لريهاف وراح يشوها وهي راكبتو
منال شخصيتها مجهوله لحدالان

ضاحي لاتعليق
فهد شخصيتو عجبتني
ماجد اعتقد الو مستقبل مع منال
سلمئ مسكينه الله يعينك


بانتضارك سجليني من متابعيك

يسلمو حبيبتي لمرورك...


رواية قلوب فوق لهيب الشموع/للكاتبة:عواصف الحنين

الوسوم
البارت الاول صفحة1 , البارت الثالث صفحه2 , البارت الثاني صفحه1 , البارت الخامس صفحه 6 , البارت الرابع صفحه4 , رومانسية , رواية , واقعية , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
كيف ينمو الجنين hasayf الحياة الزوجية - الحمل - مشاكل الزواج - خاص بالمتزوجين 7 20-10-2010 03:44 PM
مراحل تطور الجنين وتأملات من القرآن والسنه Roses' Dew الحياة الزوجية - الحمل - مشاكل الزواج - خاص بالمتزوجين 6 04-10-2009 03:29 PM
مراحل تتطور الجنين لولو2009 الحياة الزوجية - الحمل - مشاكل الزواج - خاص بالمتزوجين 4 30-09-2009 12:23 AM

الساعة الآن +3: 10:06 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1