غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-04-2014, 09:15 PM
صورة Mis FoOfoO الرمزية
Mis FoOfoO Mis FoOfoO غير متصل
©؛°¨غرامي جديد¨°؛©
 
Upload1120a2f436 روايتي الاولى : انت اجمل مصير وغيرك ما ابي


بسم الله الرحمن الرحيم ..
السلام عليكم ورحمة الله وبركاته ..
اول شي : امسي عليكم بالخير ..
ثاني شي : طبعا هذي اول تجربة لي في عالم الروايات .. احداث الرواية من خيالي بس البعض من المواقف من الواقع ..
راح انزل البارت الاول واذا لقيت تشجع وحماس اكملها .. لكن اذا ما لقيت منكم اي ردود وتشجيع ما راح اكملها ..


- اترككم مع البارت الاول -


البارت الأول ::::::


دخلت لقصرهم وهي تضحك وتقول : اااااااخ بس الله يأخذ عدوك يا لتين ..
مشت بتروح للدرج .. وما حست إلا بإيد تسحبها .. طالعت فيها لقتها زوجة أبوها .. قالت في نفسها ” أوف الحين إيش بيفكني منها ”
وقالت لها : هلا خالتي أمريني !
طالعتها بنظرات كره وهي تقول لها : وين كنتي يا ست فرح ؟!
فرح : كنت عند لتين صاحبتي ..
إيمان وهي رافعه حاجب : أجل عند لتين .. الحين الساعه 1 ونص وأنتي دوبك راجعه .. كان نمتي عندها أحسن لك ..
فرح : بس أنا قلت لبابا اني راح أتاخر وهو ما قال لي شيء .. واليوم خميس مافي بكرة مدرسة يعني عادي ! ..
طالعتها إيمان من فوق لتحت وقالت : المهم لو عاد شفتك راجعه ذا الوقت أعرف اتصرف معاك ..
فرح : أن شاء الله يصير خير ..
وطلعت لغرفتها وهي مقهورة منها ..

&&&&&&&&&&&&&&&&&&&& &&&&&&&&&&&&&&&&&&&&&&&&&&&&

أعرفكم على عائلة فرح ..

فهد ” ابو فرح ” .. رجل أعمال معروف .. حنون وعلى نياته .. ويحب بناته مرة .. كان يحب زوجته أم فرح الله يرحمها .. قرر يتزوج بعدها عشان بناته كانت أعمارهم صغيرة ..

إيمان " زوجة أبوهم .. تكره فرح وفجر .. وتنقهر من فهد لأنو يدلعهم مرة ويلبي لهم طلباتهم .. اللي مريحها أنو فجر بتتزوج بعد شهرين ..


فجر ” آخت فرح ” .. عمرها 22 سنة .. داخلة قسم ادارة أعمال .. تكره زوجة أبوها .. ودائم يتمشكلون .. مليانة شوي .. عيونها وسيعه ولونها بني .. بشرتها أفتح من فرح بشوية .. مخطوبة لاخو لتين .. دائم تنقهر من فرح لأنها ما ترد على إيمان وتسمع كلامها ..


فرح .. عمرها 17 سنة .. ثاني ثانوي .. انسانة مالها ومال المشاكل .. فرفوشة وتحب الفلة وما تحب تبين أنها متضايقة .. أبوها واختها أهم شخصين في حياتها .. بعد ما توفت أمها وكان عمرها 6 سنوات عشان كذا عمرها ما قالت لابوها عن معاملة إيمان لها .. ملامحها جذابة مرة .. عيونها وسيعه ولونها أسود .. بشرتها حنطية ورموشها كثيفه .. شفائفها وردية ومليانة ..شعرها يوصل لنهاية ظهرها ولونه أسود .. نحييفة وقصيرة .. ما تحب تجادل إيمان عشان لا تسوي لها مشاكل هي في غنى عنها .. مزاجية درجة أولى .. طموحها تكون سيدة اعمال

&&&&&&&&&&&&&&&&&&&& &&&&&&&&&&&&&&&&&&&&&&&&&&&


يوم الجمعة الســاعــة 11 صباحا ..


نزلت من الدرج وهي تغني :

أسمعني هالمرة وبس أنا اختنق عندي النفس ..
أرجوك تنساني وتروح خلني في هالدنيا أحس ..

دخلت لغرفة الطعام ولقت الكل موجود ..
: السلام عليكم .. صباح الخير
إلكل رد عليها : وعليكم السلام .. صباح النور ..
أم لتين : أهلين لتونة .. يلا تعالي إفطري حبيبتي ..
راحت لتين لأمها وباست رأسها وجلست جنب تولين أختها ..
تولين تهمس للتين : وين كنتي أمس ؟!
لتين بنفس الهمس : كنت مع فرح ..
مهند طالع فيهم : إيش عندك أنتي وهي تهمسون لبعض ؟!
لتين طالعت فيه وابتسمت : سلامتك ولاشي .. بس تولين تسألني وين كنت أمس ..!
مهند : أها .. ووين كنتي أمس طيب ؟!
لتين : كنت مع فرح ..
مهند : أها ..
أم لتين : أخبارها فرح .. وكيف زوجة أبوهم معاهم ؟
لتين : فرح بخير .. بس زوجة أبوهم تكرههم مرة مدري ليش !
أم لتين : الله يهديها .. لا فرح ولا فجر يستأهلو هذي المعاملة ..!
لتين : أمين يارب
وكملو فطورهم ..

&&&&&&&&&&&&&&&&&&&& &&&&&&&&&&&&&&&&&&&&&&&&&

أعرفكم على عائلة لتين ::

أم لتين : انسانة طيبة مرة وتدخل القلب على طول من طيبتها .. مأخذه دور الأم والأب .. لأن أبوهم متوفي .. جنسيتها مغربيه ..

محمد : أكبر واحد فيهم .. يشتغل في المطار .. عمره 26 سنة .. اكتسب من أبوه الله يرحمه حدة النظرات .. واللي يشوفه يحس أنو معصب طول الوقت بس هو العكس مرة هادي ..

مهند : عمره 25 .. خاطب فجر آخت فرح .. اسمراني شوية .. وطبعه هادي وما يحب الإزعاج .. طويل مرة ونحيف ..

تولين : عمرها 23 سنة .. خفيفة دم وتحب تستهبل .. شعرها أسود وعيونها عسلية .. بشرتها حنطية .. طويلة ونحيييييفة .. داخله قسم أحياء ..

لتين : عمرها 17 سنة .. مزة .. بشرتها فاتحة بس تحب تحط البرونزاج .. عيونها عسلية .. شفائفها صغار وبلون التوت .. جسمها حلو مرة ورشيقه .. ما تسكت عن حقها أبدا .. طيبة مرة .. متسامحة بس ما تنسئ جروحها ..



&&&&&&&&&&&&&&&&&&&& &&&&&&&&&&&&&&&&&&&&&&&&&&&&&

في بيت ابو فرح ..

كان الكل جالس يفطر ..
فرح كانت طول الوقت ساكتة ..
أبوها حس أنو فيها شيء لأنو مو من عادتها تكون ساكتة .. دايم تسولف وتأخذ الجو ..
ابو فرح : فروحة حبيبتي فيك شيء من جلسنا وأنتي ساكتة ؟!
فرح انتبهت لابوها طالعت فيه وابتسمت : لا بابا لا تشغل بالك مافيني شيء .. بس عندي طلب صغير مرة ..
ابو فرح : امريني !
فرح : ودي اليوم أكلم البنات ويتجمعوا عندي ..
ابو فرح : حبيبتي البيت بيتك وماله داعي تستأذني مني .. أتصلي عليهم وقولي لهم عادي .. وإذا نقصك شيء كلميني ..
فرح : الله يخليك لنا يا بابا ولا يحرمنا منك .. وقامت وباسته على رأسه ..
ابو فرح : الله يرضى عليك يا بنتي ..
طبعا كل ذا صار تحت نظرات إيمان الحاقده ..


بعد الفطور .. كانت فرح في الصالة تقلب في التلفزيون وطفشت لأنو ما كان فيه شيء .. أخذت جوالها واتصلت على لتين ..
فرح : سلااام يا دوبا ..
لتين : هلا والله يا رشيقه ..
فرح : ههههههههههه إخبارك ؟
لتين : تمام الحمدلله وأنتي ؟
فرح : تمام الحمدلله .. أسمعي لتونة .!
لتين : هلا يأقلبي
فرح : أنأ اليوم بأعزم البنات عندي .. تعالي إنتي وتولين ..
لتين : إوكي حبيبتي أكلم مأما وتولين وارد عليك ..
فرح : إوكي يا قلبي يلا بأكلم باقي البنات ..
لتين : طيب مع السلامة ..
فرح : مع السلامة ..
اتصلت على بنات عمها وصحباتها وعزمتهم .. بعدها راحت للسوبر ماركت عشان تشتري أغراض ..

&&&&&&&&&&&&&&&&&&&& &&&&&&&&&&&&&&&&&&&&&&

أعرفكم على عم فرح “ ابو فيصل “

ابو فيصل : يشتغل مع أخوه فهد في الشركة .. طيب ويحب عياله وخصوصا جيهان آخر العنقود ..

أم فيصل : تصير أخت أم فرح الله يرحمها ..

تألا : أكبر وحده .... عمرها 19 سنة .. مهبوؤولة ومرجوووجة .. على نياتها .. ملامحها جذابة مرة .. شعرها مرة حلو يشبه شعر ميريأم فارس .. جسمها خطيير ما شاء الله .. عيونها وسيعه وكحيلة ورموشها كثيفه .. مركبة تقويم ..

دانة : عمرها 16 سنة .. روحها مرحة .. مربربة شوية .. بيضااا وعيونها صغار شوي لونها عسلي .. قصيرة

فيصل : عمره 7 سنوات .. الولد الوحيد .. دربااوي من صغرو ..

جيهان : آخر العنقود عمرها شهرين ..

&&&&&&&&&&&&&&&&&&&& &&&&&&&&&&&&&&&&&&&&&&&&

عند لتين .. كانت في غرفة تولين ..
لتين : تولين ترا فرح اتصلت علي وقالت لي أنها بتعزم البنات عندها اليوم وعزمتنا ..
تولين : لا ما ابغا أروح ..
لتين : أقول بلا سماجة وبتروحين غصبا عنك ..
تولين : طيب خلاص باروح بس اطلعي برا الحين ..
لتين : طيب وتجهزي على المغرب ..
تولين : إوكك ..
راحت لتين لأمها تقول لها عن العزيمة ووافقت أمها ..

&&&&&&&&&&&&&&&&&&&& &&&&&&&&&&&&&&&&&&&&&&&

بعد صلاة المغرب .. قامت فرح وأخذت لها شاور .. وطلعت تتجهز .. لبست برمودا لنص الساق لونها زيتي .. وتيشيرت أبيض إكمامه قصيرة عليه رسومات بالبنفسجي والاصفر .. سوت شعرها ذيل حصان .. ونزلت خصل على وجهها .. حطت ماسكرا وكحل وقلوس وبلاشر .. لبست اكسسواراتها وصنذلها الأبيض .. نزلت تقول للخدامة تجهز الأغراض ..
راحت غرفة فجر ولقتها مخلصة ..
فجر : واااااااااااو مرة طالعه حلوة ما شاء الله ..
ابتسمت فرح وقالت لها : تسلمين يأقلبي إنتي كمان تجنني ..
فجر كانت لابسة فستان أسود قصير للركبة .. ماسك على جسمها .. حاطة قلوس أحمر وبلاشر وماسكرا وكحل ..
رن جوال فرح “ توأم روحي “ ..
فرح : هلا لتونة ..!
لتين : هلا فيكِ أسمعي أنزلي أفتحي لنا الباب إحنا تحت يلا بسرعه ..
فرح : خير شايفتني خدامة .. خلاص نازلة الحين أفتح لكم ..
قفلت الجوال وقالت لفجر أنو لتين وتولين وصلوا ..
نزلت وفتحت لهم الباب ..
لتين أول ما شافت فرح صفرت وقالت : اححححلى يا مزة إنتي غطيتي علينا كلنا ..
فرح : ههههههههههههههههههه حرام عليكِ وربي أنو شكلي عادي ..
لتين : أقول وربي ماعندك سألفه .. إلا وين فجر زوجة أخوي خلينا نسلم عليها ..
في هاللحظة نزلت فجر ..
فجر : كأني سمعت اسمي ..
لتين : إيوة كنت أسأل عنك ..
سملو على بعض وراحو للمجلس .. جو بأقي البنات وفلوها مرة ..
فرح : بنااااااات أسمعوني ..!
لفو عليها البنات : هلا ..
فرح : إيش رأيكم نرقص ؟!
لتين : إيوة إيوة من زمان ما رقصت ..
تولين : حماااس وربي ..
تألا : أنا ما عندي وقت متحمسة لأي شيء ..
فرح : طيب ..
شغلت لهم الدي جي .. ما صدقوا البنات وقامت كل وحدة تتفنن علئ الثانية .. بعد ما خلصوا فلتهم .. تعشوا وكل وحده رجعت لبيتها .. وعلى طول نامو ..!

&&&&&&&&&&&&&&&&&&&& &&&&&&&&&&&&&&&&&&&&&&&&&

يوم السبت ..


قامت من النوم وتقلبت في سريرها بملل أخذت جوالها وشافت الساعة 2 الظهر .. قامت من السرير ولمت شعرها ودخلت لدورة المياه ( الله يكرمكم ) أخذت لها شاور وتوضت .. طلعت ونشفت شعرها وصلت .. نزلت تحت وما لقت أحد .. تذكرت إنو إيمان كل سبت تروح لأهلها .. جلست عند التفزيون تتفرج .. قلبت في القنوات ولقت مسلسل تركي وحطت علئ القناة وجلست تتفرج عليه .. لما خلص المسلسل أخذت جوالها واتصلت علئ لتين بس ما ردت عليها " اففف إيش عندها ذي ما ترد " اتصلت مرة ثانية وبرضو ما ردت " شكلها نايمة للحين " .. نادت الخدامة وقالت لها تسوي لها كوفي .. شافت فجر نازلة من الدرج وتكلم ..
فرح : مين تكلمي ؟!
فجر : مو شغلك يا ملقوفة ..
فرح : اكيد تكلمي حبيب القلب مهندوه ..
فجر عصبت عليها : مهندوه في عينك ترا إسمو مهند ..
فرح : هههههههههههههههههههههه طيب أعصابك كل ذا عشأنو .. من زينو عاد .. المهم أساليه عن لتين ..
فجر : إيش دخلو في لتين هو ؟
فرح : تستهبلي أخوها ترا ..
فجر : عارفة بس ما راح أسألو .. رجعت للجوال وودعت مهند ..
فرح : أمانة فجر أساليه ليش ما ترد علئ جوالها من أول اتصل عليها ما ترد ..
فجر : اكيد نايمة لأنو قالي مافي أحد صاحي عندهم ..
فرح : أها !
فجر : لازم ندور لنا خرجة اليوم ونخرج ..
فرح : نكلم البنات ونروح مول .. إيش رأيك ؟
فجر : أؤكك خلاص كلميهم أنتي .. عشان أكمل باقي أغراض الدبش ..
فرح : أن شاء الله .. خليها بعد العصر لأنهم نايمين أكيد ..


&&&&&&&&&&&&&&&&&&&&&&&&&&&&&&&&&&&&&&&&

طلعت للصالة الصغيرة تجلس بعد ما صلت .. ناظرت حولها وهي تتنهد بحزن وتقول : الله يرحمكم ويجمعني فيكم بالجنة ..
جلست جنبها وهي تمسك يدها وتقول لها : خلاص يا الاء والله قطعتي قلبي عليك ..
الاء : مو بيدي يا دلال .. فاقدتهم مرة ..
دلال : إيش نسوي ذا مصيرنا كلنا ..الله يحسن خاتمتنا ..
الاء : أمين يارب .. بتصل علئ فرح اشوف إذا بتخرج عشان بخرج معاها ..
دلال : طيب


أعرفكم علئ الاء : صديقة فرح من الابتدائي .. عمرها 17 سنة .. فقدت أهلها كلهم في حادث .. طلبوا منها خالاتها أنها تعيش معاهم .. ماا قدرت ترفض لأنها لسة صغيرة وما تقدر تعيش لوحدها وتدبر نفسها .. أنسانة فلة آخر شي .. ماا يهمها أي أحد .. في نفس طول فرح .. عيونها وسيعة ولونها عسلي .. خشمها طويل وواقف .. "
اتصلت علئ فرح وردت عليها ..
الاء : سلام ..
فرح : وعليكم السلام ..
الاء : أخبارك ؟
فرح : كويسة الحمدلله .. أنتي أخبارك ؟
الاء : تمام الحمدلله .. أسمعي بتخرجي اليوم ؟
فرح : والله مدري يمكن نروح مول .. إيش رأيك ؟
الاء : يب عادي .. أصلا طفش وبكرة مدرسة أوفف ..
فرح : يب يب الله يعيننا .. شايفة البنات لين الحين نايمين مدري إيش يحسوا !
الاء : أغبياء .. أكياس نوم لا إله إلا الله ..
فرح : ههههههههههههههههههههه من جد والله .. إيش رأيك نسوي لهم إزعاج .. نتصل عليهم لين ماا يصحووا ..
الاء بضحكة خبث : هههههههههههههههههههههههههه .. يلا قدام .. أنتي اتصلي علئ لتين ومرام وأنا علئ الهام وملاك .. فرح : طيب يلا ..

" الهام : عمرها 17 سنة .. مع البنات في المدرسة وصحبتهم .. يقولوا عنها نفسية بس هي تشوف نفسها مو كذا .. أمنيتها تدخل قسم تربية خاصة .. بشرتها بيضاا مرة ما شاء الله .. عندها فقر دم .. طول وقتها دايخة وتعبانة ..

مرام : عمرها 17 سنة .. شخصيتها قريبة من شخصية فرح .. إذا ضحكت مستحيل تسكت .. طبعا ادفر وحدة فيهم ما شاء الله .. مقررة أنها تدخل طب في المستقبل .. عيونها مسحوبة علئ ورا شوية .. بس طبعا ما قلل من جمالها ذا الشي .. لأنو الكل متفق أنها أحلى وحدة .. شعرها سايح من ربي وناعم .. مزاأجية زيها زي فرح ..

ملاك : اكيد عمرها زي البنات 17 سنة .. برضو دافورة ما شاء الله .. طموحها تكون مدرسة رياضيات .. ما تحب تضحك كثير مدري ليش .. عيونها صغار مرة .. وتتعقد لما تلبس عدسات .. "
قفلوا من بعض واتصلوا علئ البنات وإزعجوهم لحد ماا قاموا وإخلاقهم قافلة من إزعاج فرح والاء .. واتفقوا معاهم انهم يخرجوا علئ المول بعد المغرب ..


نهاية البارت الأول ..
أتمنى الاقي منكم ردود تشجعني أكمل الراوية وانزلها ..

تحياتي : فوفو ..
همسة : ذِكر الله ؟ مدائن لا يعتريها
حزن و لا إعياء ، استغفر الله
سبحان الله ، الحمدلله.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-05-2014, 01:29 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى : انت اجمل مصير وغيرك ما ابي


تغلق الرواية بطلب من الكاتبة

روايتي الاولى : انت اجمل مصير وغيرك ما ابي

الوسوم
مصدر , الاولى , اجمل , روايتي , وغيرك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6833 11-01-2019 08:49 PM
اتعبت أحلم وأنصدم بالواقع..\عنفوان أنثى..روايتي الاولي الملاك الطموح روايات - طويلة 6 19-03-2015 07:00 PM
روايتي الاولى في النهايه انا احبك ضحكتي معذبتهم روايات - طويلة 0 07-01-2014 12:51 AM
روايتي الاولى :- أحببتك أنت ولم أحب غيرك ShathaR أرشيف الروايات المغلقة - لعدم إكتمالها 3 17-09-2013 01:50 AM
روايتي الاولى براءه الحب الدنيا بدوني مشكله أرشيف الروايات المغلقة - لعدم إكتمالها 2 15-01-2013 01:54 AM

الساعة الآن +3: 09:05 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1