غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-04-2014, 12:32 AM
تغريد عبدالله تغريد عبدالله غير متصل
©؛°¨غرامي جديد¨°؛©
 
Post رواية أحببت طفلة/بقلمي


السلام عليكم

أنا جديده بالمنتدى و هذي اول روايه لي ان شاء الله تعجبكم
_
_
_
_
_
_
_
_
_
_
_
_
في بيت صغير ، عائله على قد حالها .
.. تتكون من 3 اخوان و بنتين
الاول : ( ريان ) .. اسمر . وسيم . جسمه عريض . طويل شوي . عيونه كبيره . سودا . عمره 23
الثاني : ( عبدالعزيز ) .. بشرته حنطيه .. جسمه عادي .. مو طويل ولا قصير . عيونه بنيه و صغيره . عمره 22
الثالثه : ( ريم ) .. سمرا شوي . عيونها كبار . بنيه . شعرها طويل و اسود على بني . قصيره . عمرها 16
الرابعه : ( منال ) .. بيضاء . عيونها صغيره و سودا . شعرها لكتفها . طويله . عمرها 18
الخامس : ( فيصل ) .. ابيض . عيونه كبار . جسمه ضعيف . عيونه سودا . عمره 17








«««««««««««««««««««««««««««««««««««««««««««««««««« «««««««««««««

: يبه توني صغيره في احد يزوج بنته بعمر ال16
: بس يابنتي انتي عارفه حالنا بالموت اطلع لكم فلوس
ريم توقف : يعني تبون تقطوني على اي واحد عشان تخففون المصاريف !
ريان : بنت بلا قلة ادب
ريم : مالك شغل انت
ريان : يبه بنتك قليلة ادب و مو على كيفها بتتزوج
ريم ماسكه نفسها لا تبكي : مابي اتزوج مو غصب مو غصب
توجهت لغرفتها و سكرت الباب و ارتمت على السرير
دخلت عليها منال و انصدمت من شكلها ، قربت منها ومسكت يدها تقومها : ريم حبيبتي وش فيك
ريم تبكي : منال تخيلي بيزوجوني توني صغيره مابي اتزوج مابي
منال تشهق : نعم ؟ توك صغيره وين يزوجونك وبعدين مين هذا الي بيزوجونك له
ريم : واحد من اخويا ريان منال تكفين حاولي ب ابوي مابيه
منال : طيب بروح احاول فيه بس إذا ماوافق خلاص وش نسوي
ريم تمسح دموعها : طيب
طلعت منال من الغرفه ونزلت ، دخلت على كلمة ريان : يبه الولد خويي اعرفه زين ، و بنتك خبله ماتبيه مارح تلقى مثله
منال تجلس : ياجعله يموت قبل يتزوجها البنت صغيره حرام عليكم
ابو ريان : بنت أنا موجود وش ذا الكلام
ريان يطالع منال و يخزها
طنشت نظراته : دامكم بتزوجونها غصب أنا شكلي بعد بجهز نفسي يوم من الايام بتغصبوني
ريان بصراخ : منال انتبهي لكلامك بلا قلة ادب وانقلعي لغرفتك
منال : افففف طيب
راحت لغرفتها و رفعت جوالها و دقت على رقم مره مرتين ثلاث ولا ردت ، تركت الجوال و راحت لريم ، دخلت عليها شافت بيدها صورة امها و حاضنتها ، تجمعت دموعها و حاولت تمسك نفسها و جلست على السرير و حطت ريم على صدرها
منال تتنهد : ريم حبيبتي يمكن هالولد يطلع جميل و اسلوبه يعجبك و تحبينه
ريم ترفع راسها من صدرها : بس أنا توني صغيره ماعشت حياتي
منال : انتي حاطه ببالك انك إذا تزوجتي مارح تطلعين و بتنسين صديقاتك
ريم تهز راسها بايه
منال توها بتتكلم دخل ريان : قومي انقلعي بكلمها
منال تتخصر : وليش ماتكلمها عندي وش فيها
ريان : قومي وانتي ساكته
قامت من السرير و همست : شايف نفسه
ريان يمسكها : تعالي تعالي وش قلتي
منال كاتمه ضحكتها : ابد اقول اخوي السنع الجميل
ابتسمت ريم على خبالها و لفت عليها منال : اي ابتسمي ابتسمي مايستاهل زوجك كل ذا الزعل
ريان يضربها : بنت الفاظك
منال تكشر : بعد يدافع عن خويه
ريان : انقلعي انقلعي زودتيها
طلعها وسكر الباب و جلس جمب ريم
نزلت راسها بحزن : ريان الله يخليك مابي اتزوج بدري علي
ريان تقطع قلبه بس مايبي يبين : شوفي ريم الولد طيب و بيهتم فيك و يطلعك الي تبينه و يسفرك وش تبين اكثر من كذا
ريم تبكي : بس مابيه أنا مابيه
دخل فيصل على اخر كلمه
فيصل : و منهو ذا الي ماتبينه
ريان : ياليل الملقوف ذا
فيصل : اي لازم اعرف لا يكون بتتزوج
ريان : اي بتتزوج
ريم بصراخ : مارح اتزوج يعني مارح اتزوج
ريان عطاها كف بدون مايحس على نفسه
مسكت خدها منصدمه اول مره يمد يدها عليها كل هذا عشانها صرخت !
حس على نفسه و ندم على حركته بس يبي يشد عليها و يحسسها انه اخوها الكبير ولا تصرخ بوجهه مره ثانيه
ريان بصراخ : تصرخين علي مره ثانيه اقطع لسانك فهمتي ولا تبين كف ثاني
طلع من الغرفه وخلاها تبكي
طلع وراه فيصل منصدم مايدري من الكف الي جاها والا انها بتتزوج
«««««««««««««««««««««««««««««««««««««««««««««««««« «««««««««««««

بقصر كبييير جدا ، عائله مشهوره



هيفاء تتنهد : هذا الي كاتبه الله
ام هيفاء تضربها : قومي بس قومي نكدتي علي انتي كل ماجلستي ذكرتيني بالمرحومه
هيفاء تحك مكان الضربه : ااااي يمه وش فيك انا اذكرها بالخير
ام هيفاء : وانا قلت تذكرينها بشر
تقوم تبوس راسها : يلا انا بروح انام تبين شي
ام هيفاء : لا سلامتك يمه
ابتسمت هيفاء و راحت لغرفتها ، ارتمت على السرير ورفعت جوالها شافت كم اتصال من منال
: اوفف الحين بتهاوشني ام لسانين ليش مارديتي و ليش مارديتي
دقت على نفس الرقم و ردت
هيفاء باستهبال : هاااايوووه
منال : هويتي ببير ماله قاع ياللحجيه
هيفاء : مالت عليك بس
منال : اقول اسكتي تكفين ضايق صدري
هيفاء : افا منال يضيق صدرها ليش
منال : هيفاء عن الاستهبال انا اتكلم جد
هيفاء : منال وش فيك
منال : تعرفين سلمان الي دخل علينا بالغلط ذيك المره
هيفاء : اي وش فيه
منال : خطب ريم
هيفاء : اييييييشش مننال من جدك
منال تتنهد : اي
هيفاء : منال اكيد تمزحين
منال : وربك ماامزح
هيفاء : حرام توها صغيره
منال : ايش نسوي
هيفاء بحزن : ياحياتي ياريم والله حرام ليش
منال : من ماتت امي تغير كل شي ابوي صاير يهاوشنا و نفس الشي ريان ياخوفي انا بعد يغصبوني
هيفاء : ياحياتي والله ، اعطيني ريم ابي اكلمها
منال : لا تضيقين صدرها اكثر خليها تهدا شوي تقطع قلبي عليها شفتها ماسكه صورة امي وتبكي ، المهم بكره تعالي عندنا وسعي صدرها شوي
هيفاء : ان شاء الله ، بنوم تامرين على شي
منال : لا سلامتك
هيفاء : باي


العائله الثانيه تتكون من 3 بنات
الاولى : ( سعاد ) .. متزوجه وعندها ولد عمره 5 سنوات
الثانيه : ( هيفاء ) سمرا شوي و مربربه . قصيره . عيونها عسليه . شعرها طويل . عمرها 19
الثالثه : ( منيره ) ابيض من هيفاء بشوي . نحيفه . عيونها بنيه . شعرها لكتفها . عمرها 18

«««««««««««««««««««««««««««««««««««««««««««««««««« «««««««««««««


: ياولد وش فيك مستعجل تونا مكلمينهم من يومين
سلمان : الله يهديك يبه يومين كثيره المفروض يردون لنا بسرعه
ابو فهد : بعدين تعال وين شايف البنت
سلمان : مو شايفها بس ريان دايم يسولف عنها وحسيت انها تناسبني
ابو فهد : خلاص بكره انا بشوف ابوها واقول لك
سلمان بأبتسامه : الله يخليك لي ، تبي شي
ابو فهد : بتنوم
سلمان : لا بس بروح لغرفتي
ابو فهد : لا مابي شي
توجه لغرفته و شاف نور غرفة فهد و راح له ودخل
فهد منسدح : ماتعرف تطق الباب قبل تدخل
سلمان يسكر الباب : اذا طقيت الباب انت يصير خير
فهد : وش تبي
سلمان يجلس : ابد مافيني نوم بسولف معك
فهد يتعدل : اقول مارح تشوف البنت ، الا وش اسمها
سلمان : ولد عيب ، الحين خلها توافق بعدين نشوف يمكن ماتبي الا بعد الزواج ، وانت ماودك تتزوج
فهد : من وين احصل لي وحده حلوه
سلمان : بنات عمي وش كثرهم
فهد : وع ولا وحده فيهم حلوه
سلمان يخزه : ليش شايفهم
فهد : حفظت وجيههم ابي اعرف من الي معلمهم شلون يتغطون
سلمان : هههههههههههههههههههههههههههههههههههههههه
فهد : يلا عطيتك وجه بنوم
سلمان : نومة اهل الكهف
وطلع وسكر الباب قبل توصله المخده
شاف لجين ترقا الدرج حب يستهبل معها و ضربها
لجين : وجعاااهه سلمان وش ذا المزح
سلمان يستهبل : ياي مره يوجع
لجين : ماتضحك وخر مناك
سلمان ميت ضحك : اعوذ بالله حتى ابتسامه مافي
لجين : الله يعين زوجتك عليك
طنشها وراح لغرفته

عائلة ابو فهد
الاول : ( فهد ) طويل و بشرته حنطيه عيونه وسط و بنيه عمره 24
الثاني : ( سلمان ) طويل و و ابيض عيونه كبار و لونها بني فاتح و معضل شوي عمره 20
الثالثه : ( لجين ) قصيره و شعرها قصير عيونها بنيه وواسعه ، نحيفه عمرها 19





«««««««««««««««««««««««««««««««««««««««««««««««««« «««««««««««««



يوم جديد




لبس ثوبه وتعطر و اخذ مفتاح سيارته وطلع
قابل منال
ريان بدون نفس : وين ريم
منال : نايمه ، اي روج احلى الي فوق والا الي تحت
ريان : انا ماعرف لسوالف البنات ، على وين
منال : مارح اطلع بتجي هيفاء توسع صدرنا شوي
نزل بدون مايرد عليها و طلع
راحت منال تصحي ريم دخلت غرفتها و جلست على السرير وتهز ريم : بنت قومي
ريم:..........
منال : ريموه قومي
ريم : وش تبين خليني انوم
منال : هيفاء بتجي بعد شوي عيب تجي وانتي نايمه قومي
ريم : طيب اذا جت قوميني
منال : لا قومي البسي
ريم تقوم بصعوبه : هفف خلاص طيب قمت
تذكرت الي صار امس و حطت راسها على المخده و يدها على وجهها
منال تعقد حواجبها : بنت وش فيك
ريم تقوم : ولا شي اطلعي بلبس
منال تقوم وتسكر الباب
قابلت عبدالعزيز و ابتسمت : صباح الخير
عبدالعزيز يحك راسه ويتثاوب : صباح النور
منال تكشر : روح غسل
عبدالعزيز : وخري عن وجهي
منال توخر : ويع سبحان الله ريان رقم 2
عبدالعزيز ينزل : انطمي لا اجي ادفنك
منال تنزل وراه : احممم الحب بتجي
عبدالعزيز يرفع حاجب وينزل حاجب : اي حب
منال تهمس : هيووووووف
عبدالعزيز : انطمي ماحبها
منال : اهاا اوك ماتحبها
طنشها وراح للصاله جلس على الكنب وشغل التلفزيون وعلى على الصوت
ريم تنزل : يالله صباح خير قصر على الصوت
عبدالعزيز بدون مايطالعها : مابي
منال : مالبستي يالعبده
عبدالعزيز مات ضحك ، ريم تكشر وتوها بتروح للمطبخ دخل ابوها و رجعت ترقا
وقفها صوته يناديها ، نزلت بدون نفس وابتسمت ابتسامه باهته : هلا يبه
ابو ريان : حددنا الملكه بعد اسبوعين
ريم تشهق : مايمديني اسوي شي
منال تعقد حواجبها ( وش فيها ذي رضت والا وش سالفتها ) : اي يبه مايمديها اسبوعين قليل
ابو ريان : اليوم انتي وياها تطلعون تشترون و بكرا نفس الشي عشان تخلصون بسرعه
منال تطالع عبدالعزيز وتبتسم : اليوم بتجي هيفاء بكرا احسن
ابو ريان : مو مهم اي يوم خلصو بسرعه
ريم تهمس : شغالتكم انا تذبوني حتى الشغاله ماتسوون فيها كذا
رقت لغرفتها ودخلت ، توجهت للدولاب وطلعت بنطلون اسود مخطط بابيض وتيشيرت ابيض ساده ورفعت شعرها عشوائي


«««««««««««««««««««««««««««««««««««««««««««««««««« «««««««««««««



بقصر ثاني
جالسين بمجلس ويسولفون ويضحكون


نوف ، ساره ، شهد ، شيخه ، هديل

: يا مفجوعه اصبري شوي اصبري
شهد تاكل : مابي مابي
هديل : صراحه مادري كيف انتي متحمله اختك
شيخه تبتسم على خبالها : متعوده دايم تبلع اكلي
شهد تطالعها بعين وحده : اقول يازيتونه مسويه طالعها منها من الي بلع اكلي اليوم
الكل ضحك ماعدا شيخه مبوزه
نوف : اقول مادريتوا
الكل : وشو
نوف : ريم بتتزوج
ساره تشهق بقوه : ريييييم لا لا مستحيل توها صغيره
شيخه : مين ريم
ساره : ريم ريم ماغيرها الي شفناها بزواج سعاد اخت هيفاء
شهد : هيي انتي وياها تعرفون وحده ولا تقولون لي
شيخه : لا لا انتي مستحيل اخليك تقعدين معها اخاف تاكلينها
الكل : ههههههههههههههههههههههههههه
شهد : ماتضحكين ، اقول علميني مين ريم هذي
ساره : هذي الله يسلمك وحده قريبه لهيفاء
هديل : مستوعبين انتو لسى عمرها 16
نوف تاكل مكسرات : مغصوبه ياحياتي
ساره تشهق : يااااحيااااتي والله
شهد تضربها : وجعاااه لا تشهقين بيطلع قلبك


«««««««««««««««««««««««««««««««««««««««««««««««««« «««««««««««««



صحا من النوم وشاف الساعه 3:22
تذكر ريم وابتسم ( مادري ليش احسها تناسبني كثيييير و برتاح معاها ان شاء الله مايخيب ظني )
توجه للحمام و غسل وجهه و طلع من الغرفه و راح للصاله
شاف لجين جالسه تطالع تلفزيون ، جلس جمبها
سلمان : اقول لجين
لجين بدون ماتطالع : ها
سلمان : ماودك تتعرفين عليها قبل اتزوجها تعطيني معلومات عنها
لجين : مستعجل خلاص اسبوعين وتملكون
دخل فهد وسحب الريموت من لجين
لجين تقوم : ولد هات الريموت
فهد : مافي ابيه
لجين : لا لا لا تغير امانه امانه ابي اشوف فلمي
فهد يغير : اقول خلي عنك الافلام الهنديه
لجين تطلع لغرفتها : ويع ويع ويع مايخلوني براحتي
فهد يلف على سلمان : وش تفكر فيه
سلمان : افكر بريم
فهد : الله من الحين تفكر فيها اجل اذا تزوجتها وش بتسوي فيها
سلمان يبتسم ابتسامه باهته ، لاحظ عليه فهد و طنش
قام و طلع من البيت و شغل السياره واتصل على ريان ورد
ريان : هلا سلمان
سلمان : وينك
ريان : فالبيت
سلمان : تعال بالكوفي الي دايم نروح له
ريان : طيب يلا جاي
سكر منه وتنهد حس فجاة بضيقه و مسؤوليه ، مشى وتوجهه للكوفي



«««««««««««««««««««««««««««««««««««««««««««««««««« «««««««««««««



وقفت سياره سودا فخمه نزلت منها و رنت الجرس ، فتحت لها الخدامه و سئلتها : مدام ريم وين
ميري : داخل غرفه
فكت غطاها و دخلت للبيت و مشت بسرعه ماحست الا صقعت بصدره ومسكها وصارت عيونه بعيونها
هيفاء بخوف : اسفه والله مانتبهت
ركضت لغرفة منال وفتحت الباب بقوه
منال : بسم الله هيوف
هيفاء : ه هلا منال
منال تتخصر : ليش تاخرتي
هيفاء : ماتاخرت
منال : وش فيك
هيفاء : ياويلي يامنال صقعت باخوك
منال : ههههههههههههههههههههههههههههههههههههههههههههههه
هيفاء : كلي تراب لا تضحكين





عند عبدالعزيز ينزل من الدرج و هو يفكر ومبتسم ( والله توني ادري عندي بنت عم حلوه ، اجل هذي الي مزعجتني فيها منال )

لابس تيشيرت اخضر فاتح و بنطلون برموده ابيض رفع جواله واتصل على رقم مره مرتين ثلاث ولا في رد
سكر جواله وهو يفكر بالي شافه ، قطع عليه تفكيره : هوووه وينك
عبدالعزيز : نعم وش تبي
فيصل يجلس على الكنب : الي ماخذه عقلك تتهنى
عبدالعزيز يجلس بدون مايرد عليه
فيصل : ها حلوه والا لا ؟
عبدالعزيز يلف عليه ومرتبك : من هي
فيصل : هيفاء
عبدالعزيز : وجع وش عرفك انت
فيصل يبتسم : شفتكم ، والله لو معي جوالي كان صورتكم
عبدالعزيز : ولد اسكت ، ياويلك تقول لريان
فيصل يتمدد على الكنب ويحط رجل على رجل : واذا قلت له وش بيصير
عبدالعزيز : فيصل لا تصير بزر انت عارف ريان عصبي ويفهم غلط
فيصل كاتم ضحكته : يصير خير ، وش صار على ريم
عبدالعزيز يتنهد : بكره بتروح هي ومنال يجهزون
فيصل : الله يعين لا تفشلنا عند سلمان
عبدالعزيز : لا ان شاء الله مارح تفشلنا ، وين ريان ادق عليه مايرد
فيصل يطالع التلفزيون : مادري شكله طالع مع سلمان





بعد مرور اسبوعين
اليوم ملكة ريم & سلمان


شخص فرحان ويحس انه شايل سعادة العالم
و شخص يبكي قهر يتمنى الموت !



بغرفته
قدام المرايه يعدل البشت
دخل فهد يغني : يامعيريس عين الله ترعاك والقمر والنجوم تمشي وراك
سلمان يطالعه بالمرايه ويبتسم
فهد يوقف جمبه ويبتسم ابتسامه عريضه ويطالعه بالمرايه : عقبالي ان شاء الله
سلمان يقلده : ان شاء الله
فهد يجلس على السرير ويستهبل : الله يعين البنت عليك بتطلب الطلاق من اول يوم
دخلت لجين لابسه فستان وردي فاااااتح و حزام اسود عريض على خصرها ومسويه شعرها ويڤي
لجين : وليش تطلب الطلاق وش فيه اخوي
سلمان : اقول لجين ماعليك منه وش رايك
لجين تقرب و تعدل شكله وتبتسم : ياحظها فيك
فهد مبوز : وانا شكلي مو حلو
لجين : اقول وش شايفيني عندهم خلصوا لا تتاخرون



..........


جالسه على السرير ومنزله راسها شوي وتبكي
منال : بنت ارفعي راسك خلي الكوافيره تصلحك زين

منال لابسه فستان اسود و مبخر بأبيض فوق الركبه
تنهدت وسحبت كرسي التسريحه وحطته قدام ريم وجلست
منال : الله ياريم وش ذا الجمال
ريم بأبتسامه باهته : مو اجمل منك
طق الباب فيصل وقامت منال وفتحت الباب
فيصل يحاول يشوف ريم : ها خلصت
منال : اي بس تعدل لها الكوافيره اشياء بسيطه
فيصل : ابي اشوف اختي
منال : بعدين اذا خلصت




بمكان ثاني بنفس البيت
عبدالعزيز يحاول بأبوه و قلبه متقطع على اخته
عبدالعزيز : يبه مو حرام عليكم تزوجون ريم لسى صغيره طيب على الاقل زوجتوا منال
ابو ريان : اليوم الملكه وعيب نردهم بعدين الولد يبي ريم مو منال ، يلا قوم شوف اختك تأخرت الناس يستنون
تنهد وقام : ان شاء الله
طلع من غرفة ابوه و قابل فيصل : خلصت ريم
فيصل : اي خلصت يلا روح شوفها و انا بستناها بالسياره





«««««««««««««««««««««««««««««««««««««««««««««««««« «««««««««««««


جالسه تحط لمساتها الاخيره ، طالعت نفسها وابتسمت
قامت و طلعت من غرفتها و تنادي
: منووور يامنور
منيره تطلع من غرفتها : هلا هيوف
هيفاء : واااااو انتي منور ؟
منيره تدور : وش رايك
هيفاء : بتطلعين من العرس يلاحقونك خطاطيب
منيره تبتسم و تمشي بغرور

هيفاء لابسه فستان فوق الركبه فسفوري بدون اكمام
منيره لابسه فستان احمر تحت الركبه و طالع ظهرها

رفعت جوالها واتصلت على سعاد و ردت
سعاد : هلا منور
منيره : خلصي والا لا
سعاد : ايه
منيره : سعادووه عن الكذب اعرف حركاتك لا تأخرينا
سعاد : والله حبيبتي ماتبين تتأخرين دقي على السواق وخليه يوديكم انا بلبس على رحتي وش وراي
منيره : طيب خلي زوجك يوديها بعدين يرجع لك
سعاد : عيب تبينه يقول عنكم قليلات ادب يطلعون مع اي واحد
منيره : وش فيها يعني زوجك
سعاد : لا مافي تبين تروحين معي انطقي لما اخلص وامركم والا كلمي السواق
منيره : ويع ويع وش ذي الاخت
سكرت بدون ماتسمع ردها



عند سعاد ، تلبس كعبها
حضنها من ورا و باس خدها
سعاد حمر وجهها : خالد وخر لا يشوفك اسامه
خالد : خليه يشوفنا عشان يعرف اني احب زوجتي ام عيالي
سعاد : مو وقته خالد وخر
فتح الباب بقوه ودخل
اسامه : ويث تثوون ( وش تسوون )
خالد يبعد عن سعاد بسرعه : اسامه حبيبي ليش مالبست
سعاد : تعال البسك يلا عشان مانتأخر
طلعت و خالد يتأملها



«««««««««««««««««««««««««««««««««««««««««««««««««« «««««««««««««



مر اليوم بسرعه و ابو ريان رفض يسوون زواج تكفي الملكه وتروح ريم مع زوجها





دخلت للقصر وانبهرت من شكله
واااسع جدا و حوله مسبح كبيير و اشجار كثيره و ورود
: ( الحين هذي بس الحديقه وش كبرها اجل وش لون البيت )
توجهت للغرفه ودخلت وحده من الغرف وجلست على السرير
دخل بعدها وجلس جمبها يتأملها ( يلعنها من بنت وش ذا الجمال )
مسك يدها وباسها ، بعدت يدها بسرعه و بكت
استغرب سلمان ومسك خدها ومسح دموعها : ليش تبكين
ريم : طلقني
انصدم و بعد يده عنها : ريم انتي مغصوبه ؟
ريم تنفجر عليه : اي مغصوبه مغصوبه لسى صغيره الله يخليك طلقني
سلمان متجمد من الصدمه مو عارف ايش يسوي ، طلع من الغرفه و نزل بسرعه و طلع من البيت






ان شاء الله تعجبكم الروايه و انزل البارت الثاني اذا شفت الردود



تعديل تغريد عبدالله; بتاريخ 21-04-2014 الساعة 12:41 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-04-2014, 01:23 AM
صورة هلالي~ الرمزية
هلالي~ هلالي~ غير متصل
©؛°¨غرامي فعال ¨°؛©
 
الافتراضي رد: رواية / احببت طفلةة '


والله روعه البارت كنت متحمس انت الله يهديك قفلت قفله اآليمهه نتظر البارت الثاني على احر من الجمر
ويسعدني اكون اول من يرد


تعديل هلالي~; بتاريخ 21-04-2014 الساعة 01:57 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-04-2014, 01:45 AM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
الافتراضي رد: رواية / احببت طفلةة '


بدايه موفقه
سجليني من متابعيك
بانتضارك


ريم ...شو ابوها. يتمنى يتخلص منها ملكه بدون زواج
ريان كرهتوا من قلب
منال اممم اعتقد بيشوفها فهد
فيصل محبوب
عبدالعزيز لابئس به

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-04-2014, 01:15 PM
تغريد عبدالله تغريد عبدالله غير متصل
©؛°¨غرامي جديد¨°؛©
 
الافتراضي رد: رواية / احببت طفلةة '


بينزل البارت الثاني اليوم بالليل ان شاء الله ؛$

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-04-2014, 01:19 PM
صورة ®اسيره~الشوق® الرمزية
®اسيره~الشوق® ®اسيره~الشوق® غير متصل
©؛°¨غرامي فعال ¨°؛©
 
الافتراضي رد: رواية / احببت طفلةة '


بانتضارك ان شاء الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-04-2014, 03:20 PM
Maro0om alm2zyona Maro0om alm2zyona غير متصل
©؛°¨غرامي مشارك¨°؛©
 
الافتراضي رد: رواية / احببت طفلةة '


السلام عليكم .. انا توني م قريت البارت بس من الاسم باين انهها حلوه ..
بس ي عسل اتمنى المتابعه على روايتي الجديدهه ..
https://forums.graaam.com/572524.html
ويعطيك العافيه .. و يالله بروب بروح اقرآ روايتك :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-04-2014, 03:52 PM
Maro0om alm2zyona Maro0om alm2zyona غير متصل
©؛°¨غرامي مشارك¨°؛©
 
الافتراضي رد: رواية / احببت طفلةة '


روعه روعه روعه .. ما شاء الله استمري ..
لا توقفين ونزلي بارت ترى تحمست .. :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-04-2014, 08:19 PM
تغريد عبدالله تغريد عبدالله غير متصل
©؛°¨غرامي جديد¨°؛©
 
الافتراضي رد: رواية / احببت طفلةة '


. البارت الثاني






دخلت للقصر وانبهرت من شكله
واااسع جدا و حوله مسبح كبيير و اشجار كثيره و ورود
: ( الحين هذي بس الحديقه وش كبرها اجل وش لون البيت )
توجهت للغرفه ودخلت وحده من الغرف وجلست على السرير
دخل بعدها وجلس جمبها يتأملها ( يلعنها من بنت وش ذا الجمال )
مسك يدها وباسها ، بعدت يدها بسرعه و بكت
استغرب سلمان ومسك خدها ومسح دموعها : ليش تبكين
ريم : طلقني
انصدم و بعد يده عنها : ريم انتي مغصوبه ؟
ريم تنفجر عليه : اي مغصوبه مغصوبه لسى صغيره الله يخليك طلقني
سلمان متجمد من الصدمه مو عارف ايش يسوي ، طلع من الغرفه و نزل بسرعه و طلع من البيت
قامت وتوجهت للمرايه وطالعت شكلها ، كان شكلها جدا مخيف الكحل ساح ووجهها قلب احمر ، مسحت دموعها و جلست على الكرسي
تذكرت اخر يوم مع امها و اخر جلسه واخر ضحكه





: هههههههههههههههه ياحليلك يمه ، اذا كبرت يصير خير
: ان شاء الله اشوفك متزوجه واشوف عيالك وعيال عيالك
ريم : عيال عيالي مره وحده
ام ريان : اي وش فيها
ريم : بس عيال عيالي ذولي اذا صاروا موجودين انتي مابتكونين حيه
ام ريان تضرب ريم براسها : بنت عيب وش قلة الادب ذي
ريم كاتمه ضحكتها : ايي يمه والله امزح
دخلت منال و باست راس امها
ام ريان : وين بتروحين
منال لابسه عبايتها : بروح المكتبه بشتري شغله وارجع
ام ريان تقوم : اجل خذيني معك بروح اشتري لي حق البيت
ريم : وانا يروح معكم
ام ريان : لا انتي اقعدي مع اسامه
ريم تتخصر : لا والله شايفيني بزر اقعد معه
ام ريان : سعاد طالعه و مايصلح نطلع كلنا ونخلي ولدها
ريم : افف طيب طيب
منال : يلا يمه
ام ريان : يلا


ومن بعد هاليوم ماتت امها قبل زواجها و قبل تشوف عيالها





بدلت ملابسها ولبست بجامه ورديه ساده وناعمه
تمددت على السرير وغمضت عيونها ، تمنت تنوم وتصحى و يصير كله حلم






----------------------------------------------


صحا من النوم و شاف نفسه بالسياره
تذكر ريم و نزل و دخل البيت و توجهه للغرفه
فتح الباب بشوي شوي و شافها نايمه ، شعرها متناثر على وجهها و فستانها جمبها
قرب منها و رفع البطانيه و غطاها وطلع
اتصل على ريان ورد
سلمان : ريان ابي اشوفك بالكوفي بسرعه
ريان : ولد وش فيك
سلمان : بتعرف اذا جيت
ريان : لا يكون اختي قالت لك شي مو زين
سلمان : ماقالت لي شي خلص تعال
ريان : يلا يلا جاي
سكر منه و ركب السياره وتوجهه للكوفي






عند هيفاء
بالمطبخ تطبل عالطاوله وتغني : مجنون احب غيرك انا وش فيني صايبني عمى حبيبي شايف هالبشر تسواهم عندي انا
منيره تحرك الرز : هيفاء يرحم امك اسكتي مين لاعب عليك وقايل لك صوتك حلو
هيفاء تعلي صوتها : وحبييبي شااايف هالبشر تسوااهم عندي اناا
منيره تاخذ ملعقه وتذبها عليها وتصك راسها
هيفاء بصراخ : ااااي وجججعاه
منيره : بدال ماتغنين و تطبلين تعالي ساعديني
هيفاء تحك راسها : وش اساعدك فيه ، بعدين تعالي الخدم وش كثرهم تصلحين الغداء انتي ليش
منيره : والله حبيبتي انا سنعه اصلح لكم الغداء عشان اذا تزوجت ( تلف على هيفاء ) ماصير بقره عند زوجي
هيفاء : الله عاد من بيطل بوجهك
منيره : مسكينه ماشفتيهم كيف يطالعوني بالملكه تقولين شايفين نانسي عجرم
هيفاء : ويع ، اقول تتوقعين وش تسوي ريم الحين
منيره : جالسه تعد حلالها الي تلعب فيه ، وش تسوي يعني اكيد جالسه مع زوجها
هيفاء تقوم وتمسك يدها وتسحبها : بنت وش قصدك بذا الكلام
منيره تبعد عنها : مو قصدي شي
هيفاء بصراخ : لا قصدك انهم على قد حالهم و ماعندهم فلوس
منيره : وش ذا التفكير مو قصدي كذا
دخل ابو سعاد على صراخهم : وش ذا الصراخ
هيفاء تروح لأبوها : يبه منيره تتطنز على ريم و تقول ان........
قاطعتها منيره : ماقلت شي هيفاء انطمي
هيفاء تطالعها بحده وتلف على ابوها : ولا شي خلاص
ابو سعاد : خير وش فيكم
منيره تبوس راسه : ولا شي يبه مافي شي ، تبي احط لك الغداء
ابو سعاد : وليش مايحطونه الخدم
هيفاء تتكتف وترفع حاجب : عشان بنتك السنعه بكرا اذا تزوجت تطبخ له
ابو سعاد يبتسم ويلف على منيره : حطي لي شوي لا تكثرين
منيره تبتسم وتطالع هيفاء : ان شاء الله





بالكوفي
سلمان : وليش غصبتوها
ريان : سلمان انت عارف حالتنا نبي نخفف مصاريفنا وهي الله يهديها ماتخلص طلباتها دايم تصرف علينا و جيت انت وخطبتها وريحتنا منها
سلمان يتنهد : كم عمرها
ريان : ١٦
سلمان بصدمه : نعم ؟ والله لو اني ادري انها صغيره ماتزوجتها مو باين عليها
ريان : وش قصدك
سلمان : مو قصدي شي بس والله حرام وحده مثلها تتزوج ماعاشت حياتها
ريان : ليش الزواج سجن
سلمان يتنهد : خلاص بحاول اهديها واغير نفسيتها ، يلا بروح تبي شي
ريان : لا سلامتك
سلمان يبتسم : الله يسلمك
طلع من الكوفي وشغل السياره ومشى
اما ريان جالس مكانه ويفكر بريم
ندم انه غصبها من كلام سلمان له





بعد دقايق وصل للقصر و دخل شافها بالصاله تطالع تلفزيون
توجهه لها وجلس جمبها
سلمان : اكلتي شي ؟
ريم بدون نفس : لا
سلمان : اقول للخدم يسوون لك شي تاكلينه
ريم بحده : لا مابي شي
عقد حواجبه وقام توجهه للغرفه ( مالومها بأسلوبها معي في احد يزوج اخته بهالعمر )
تمدد على السرير وتنهد ، رن جواله وشاف المتصل ( لجين )
سلمان بدون نفس : هلا
لجين : هلا بالعريس هلا بأخوي ، ها وش رايك بزوجتك حلوه والا لا
سلمان يبتسم : خذت عقلي بنت ال........
لجين بابتسامه : تتهنى فيها ، واسلوبها حلو
سلمان : ماتكلمت
لجين : كيف ماتكلمت يعني طول الوقت ساكتين
سلمان : لجين اقول لك شي ماتعلمين فهد ولا احد من اهلي
لجين : قول
سلمان : البنت تطلعت مغصوبه وعمرها ١٦
لجين تشهق : عمرها ١٦ ؟ ويييييين صغيره طلقها طلقها حرام
سلمان يرفع حاجبه : خير على كيفك هو
لجين : وربي حرام مارح تتهنى بحياتها
سلمان يتنهد : اذا سافرنا يمكن تتغير نفسيتها
لجين : طيب انا بسكر
سلمان : اوك يلا

حط الجوال على الكومدينه و نام



---------------------------------------------
الساعة ٣:٣٠ العصر


جالسه على السرير و تلعب بالجوال
دقت على شيخه و ردت
شيخه : هلا بالزييييين
منال بأبتسامه : هلا شيوخه كيفك
شيخه : تمام انتي كيفك بعد ريم
منال : من تزوجت وانا احس اني بصيح من الطفش لها مكانه بالبيت الحماره
شيخه : ههههههههههههههههههههههه اكيد يالخبله اختك
منال : المهم ابي اشوفك انتي وشهد
شيخه : تعالي عندنا
منال : لا ماتوقع ريان يرضى بيتكم كله عيال
شيخه : قولي له انك رايحه لهيفاء
منال : افكر ، وين شهد
شيخه : نايمه العبده ، متى بتجينا
منال : اي وقت فاظين
شيخه : تعالي الحين
منال : اوكي بشوف ، يلا بسكر
شيخه : باي
سكرت منها و نزلت للصاله وجلست جمب ريان
منال : ريان ممكن طلب
ريان : ها
منال : ابي اروح لهيفاء
ريان : مافيه
منال : ليش
ريان : مافيه وبس خلاص لا تغثيني
منال : بليييز ريان مارح اتأخر
ريان : متى بتروحين
منال : الحين
ريان : ياويلك تتأخرين
ابتسمت منال و توجهت لغرفتها
طلعت تيشيرت اخضر فاقع عليه كتابات بالاسود بخط صغير ، بنطلون اسود و جزمه خضراء ، ربطت شعرها عشوائي وحطت مسكره وكحل خفيف





-----------------------------------------

• بدريه •

: يابنتي عنستي مليون واحد يبيك وترفضينه
بدريه : يمه خلاص لا تضغطون علي بعدين انا بطق ال٣٠ محد بيتزوجني
ام بدريه : الله يهديك يابنتي ، قومي جيبي لي بندول
بدريه : ان شاء الله


بدريه متصفه عند الناس بالغرور والحقد و الحسد
مو طايقها احد غير الي مثلها و مثل صفاتها
الكل يغار من جمالها بس للأسف الجمال مايكتمل
الا بالأسلوب الجميل ..


عمرها ٢٩ من لما كان عمرها ٢٢ و الخطاطيب يطيحون عليها
بس ايش سر رفضها للزواج .. بتعرفون بعدين






----------------------------------------------



• هــديل •



قصتها قصه
شايله مسؤوليه اكبر من عمرها
حياتها مرتبطه بأبوها الي من كان عمرها ١٥ وهي تأكله وتشربه و تلبسه
امها وخواتها متوفين لما كان عمرها ٨ سنوات ..
وابوها طويل بالعمر ( مايمشي )
مابقى لها غير ابوها واخوها ( بدر )
مو محسوب من العايله لانه نااااااااادر مايشوف اخته
كله يساافر و يسكر مع ربعه و خوياته و...........
طبعا هديل عارفه بالموضوع بس ساكته بالتهديد


دخلت الملحق و شهقت : حسبي الله عليك من اخو وش هذا كله
حطت يدها على خشمها من قوه الريحه و شالت علبة الويسكي وذبتها بالزباله و بدت تنظف


بعد الكرف الي كرفته
نادا عليها ابوها و نقزت بسرعه و دخلت غرفته : سم يبه
ابو هديل : سم الله عدوك ، جيبي لي مويه
هديل : ان شاء الله
دخلت المطبخ وشافت الشباك مفتوح و عقدت حواجبها
توجهت للثلاجه وخذت مويه و ماحست الا المنديل بخشمها

و اغمى عليها ...



---------------------------------------------------------


نرجع لريم & سلمان


نزل و شافها جالسه تاكل
ابتسم وجلس جمبها : ريم
ريم تاكل : هممم
سلمان : اذا خلصتي روحي جهزي شنطتك الطياره الساعه ٩
ريم : وين بنسافر
سلمان : لبنان
ريم تحط لقمتها و تقوم
سلمان يمسك يدها : وين
ريم تبعد عنه : بروح انام عندك شي
صعدت لغرفتها و وقفت ( ويع اخاف انام ويجي ينام جمبي )
توجهت لغرفه ثانيه ودخلت ، كان شكل الغرفه جميييل جدا
لون الجدار مبخر بأسود وابيض و السرير ابيض وكبير وجدا فخم
ارتمت على السرير و غمضت عيونها ..




عند سلمان
ضايقه فيه الدنيا .. كل ماحاول يسولف معها ماتعطيه وجه
صعد لغرفته و دخل ، ماشافها و توجهه للغرفه الي قباله
شافها منسدحه و معطيته ظهرها ، لفت عليه و كشرت : ممكن انوم
سلمان يجلس على السرير : ريم ترا من تزوجنا ماقعدت معاك ولا كلمتك
ريم : ولا ابيك تكلمني
سلمان : طيب اهلك غصبوك انا وش دخلني تعامليني بأسلوب زفت
ريم : لانك انت الي تزوجتني
سلمان : وش دراني انهم بيغصبونك
ريم : سلمان ابي انوم
سلمان : مو بذي الغرفه
ريم : ليش تبيني انوم جمبك
انقهر سلمان من كلمتها و طلع بدون مايرد
طنشته و غمضت عيونها ونامت ..






------------------------------------




دخلت المجلس وأبتسمت : هلووووو
منال تقوم وتضمها : هلا هلا بالزين هلا
شهد تبعد عنها : كتمتيني يالدبه
منال : هذا جزاي اضمك ومشتاقه لك
شهد : وش دعوه توك شايفتني بالملكه ، اجلسي اجلسي
منال تجلس : كل ذا نوم خليتيني انتي وشيخه جالسه لحالي كل ماسمعت صوت ولد انهبل
شهد : ههههههههههههههههههههههههههههههههههه
منال : وينها
شهد : جايه الحين ، الا وش اخبار ريم مع سلمان
منال : مدري عنهم والله ماكلمتها
شهد : ليش مهبوله انتي
منال : اي خليها مستانسه معه توهم متزوجين
شهد : الله يهنيهم
دخلت شيخه و ضمت منال
شهد : هيي انتي وياها تراكم شيفين بعض بالملكه
منال تبعد عنها : ياشيخه انتي ماتعرفين الرومنسيه
شهد : ويع وش رومنسيته
شيخه : هذي كيف بتتزوج
منال : هههههههههههههههههههههههههههههههههههههههههههه








جالس يتقهوى مع ابوه و قلبه قارصه على
حط الفنجال وطلع عن ابوه و رفع جواله واتصل على بيت عمه
: السلام عليكم
: وعليكم السلام
: مين هيفاء ؟
هيفاء : ايه
ريان : ولا عليك امر عطيني اكلم منال
هيفاء تعقد حواجبها : منال مو موجوده عندي





و توقعاتكم ايش بيصير لمنال
و سبب سر رفض بدريه للزواج
ايش صار على هديل



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-04-2014, 08:28 PM
تغريد عبدالله تغريد عبدالله غير متصل
©؛°¨غرامي جديد¨°؛©
 
الافتراضي رد: رواية / احببت طفلةة '


سامحوني البارت قصير ان شاء الله الثالث بيكون طويل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-04-2014, 08:53 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية أحببت طفلة/بقلمي


مساء الخير ... ياهلا فيك بغرام ... موفقة بطرحك ... عندي ملاحظات على الرواية اول شي معتمدة على الحوار مافيها سرد ولا وصف لمكان الحدث ولا للشخصيات

احداث الرواية وفكرتها مومقنعة سبب تزويج ريم بهالعمر وفي بنت ثانية اكبر منها واولى بتزويجها وثاني شي عمر سلمان صغير جدا على الزواج والي بعمره المفروض يدرس بالجامعة ليش بيتزوج بهالعمر مافي سبب قوي ومافي واحد بيتزوج وحدة مايعرف عنها ابسط الامور يعني الحبكة جدا ضعيفة

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

رواية أحببت طفلة/بقلمي

الوسوم
احببت , رواية , طفلةة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33376 اليوم 12:35 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM

الساعة الآن +3: 02:54 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1