غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 25-04-2014, 10:41 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


اقتباس:
المشاركة الأساسية كتبها amoorah1 مشاهدة المشاركة
واااو رواايتك مرا مرا جمييلآا فيها اكشن ومغامرات وفله ووناسه ومتعه وكل شيي
انا قريت روايات جميلا بس اجمل من هاااي الروايه ما لقييت انا كرهتوو لمشاري ومشعل لييش بيسسووا كذا مع العنود حراام واتمنى انك ما بتطولين البارتات كتييييييييير وراح ازعل منك اذا ما كملتييها لاني صراحة مرره مرره متحمسسسسسه انا باختصااار عاشقة روايات وقرييت كتيييير روايات او كل الرواياتت بس حقتك اجمل منها ما فيييش فكتييير راح ازعل منك اذا ما كملتييها واختيارك للاسماء بالرواية مررره نااايس واسم الرواية جذبببني مره ناايس ياذوق وانا من اللي بيقرونها للنهاية وانصح الكل بقراءتها >> نشببه اممم اما التوقعات :
وش بيصير ع العنود ومشاري؟ اممم مدرري صراحه
وش ردة فعل نواف لما يعرف ؟ بيطلقهاا ويطل حزييين وما بيكلمش احد
وتسلميييين يا قلبييييييي واتمنى اسعدتك بردي
ي لبببببيىى قلببك والله انك سعااااده وبصراحه اسعدتيييني بشكل كبير الله يسعدك
ي ذوووق
حمستييني اكممل وان شاء الله راح اكملها وتسلمين حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 28-04-2014, 04:01 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


البارت السادس

راكان: ا السياره
تركي: لااا انقلبت رااحت فيها السياره
راكان: اهم شيء اللي فيها
راحوا الشباب للسياره
راكان: ااخخ
تركي: ياويلي كلموا الاسعاف بسرعه
عمار دق ع الاسعاف
راكان: الله المستعان


نطلع شوي من جو الكآبه والسياره

ميار: خاالد
خالد: هلا
ميار: ابي اطلب منك طلب
خالد: اطلببي حبيبتي
ميار: مممم ابيك تراقب العنود
خالد مصدوم: هاااا
ميار: بصراحه اظن انها تواعد شباب وتطل
خالد يقاطعها: مستحيييل العنود تسووي كذا
ميار: يعني وش انا كذابه
خالد: انا ماني مراقبها تستهبلين ذي اختي وتربيتنا انا عارفها زيين
ميار: بعدك ما عرفتها انت رايقبها وبس
خالد بعصبيه: تررااك زودتيها العنود تطلع مع شباب والعنود والعنود انتي كل همك هيي بعدين ليه تعاملينها كذا ابي افهم لييش
ميار: ما تحسوون انكم معطينها راحتها بزياده تجي وتروح ع كيفها تطلع مع السواق احياناً من الفجر الى العشاء ومااحد يقولها ليش او وين كنتي
خالد: بصراحه معك بذي بس ابوي مستحيل يقولها لااا ابد وانا ما اقدر اكسر كلمة ابوي دام ابوي عنده عادي فأنا ما اقدر اسوي شيء بعدين العنود ثقه
ميار: بسس
خالد يقاطعها: انتي شفتي شيء عليها ؟
ميار~ اكذب ولا لا: مممم بصراحه لا بس اشك فيها
خالد: ههههه تشكين انها تطلع مع شباب تستهبلين انتي مافي عقلها غير نواف هبل فييها جننتنا فيه لو احد جلس معها احد ما يحب نواف وسولفت له عنه بيعشششقه
ميار بضيق: مدري ع ايش تحبه
خالد: هههههههههههههه شكلك مو طايقته
ميار~ اهه بس لو تدري وش في قلبي: لاا عادي بس احسه يرفع الضغط
خالد: هههههههه ليه
ميار: مدري احسه مسوي نفسه رومنسي وهو ما عنده ما عند جدتي
خالد: هههههههه طيب وش فيها جدتي اكثر وحده رومنسيه
ميار: ههههههه مررره
خالد~ اخيراً ضحكت ما بغت
ميار: اقوول خلوود(خالد)
خالد: هلا
ميار: ها وش قلت بتراقب العنود او لا
خالد: قلت لك مستحيييل بعدين ما احب اشكك بأختي مستحييييل اراقبها
ميار: طييب لييش
خالد: يا مياار وش فيك عليها تراها ثقه ومخطوبه وفوق ذا تحب نواف بجنووووون يعني خلي عنك الكلام الفاضي قلتلك لا يعني لاااا لا تناقشيني مره ثانيه والله لتزعلين
ميار : اووووف اووووف مدري ليه واثقين فيها كذا
خالد قام : ماادررري وش قصتك
طلع خالد من الغرفه


ابو عبدالعزيز: قلت طلعه مافيه
عبدالعزيز: ابووووي تككفى حرام عليك من امس وانا مكروف بالشركه ابي اتمشى
ابو عبدالعزيز: وانا كم اعطيك نهاية الشهر؟! ع ايش ! بعدين انت ولدي الوحيد وابيك تتعود شوي ع الشركهق
عبدالعزيز: الله يخليك لنا يبه
ابو عبدالعزيز: خلاص يبه رووح بس لا تجيني الهيئه ماسكينك ترقم بنات ولا لا
عبدالعزيز : هههههههه لا ان شاء الله(باس راس ابوه وطلع ع البيت)



فارس: مهند بندر اغمى عليه
نواف: احسن يستاهل هالكلب
دق جوال نواف
نواف: الوو.. هاا ... صااار شيء..... ياررربي طيييب تعال عندي انا الحين ما معي سياره عججل واللي يسلمك
مهند بخوف: ووش صاير
نواف بعصبيه: خويكم الزلابه مسووي حادث
عمر: امممماا
عز: روح احفظ جزء عممما
الكل اعطاه نظرة وسكت بعدها




نمشي الاحداث هنا بشكل سريع شوي

راكان مر نواف ووداه المستشفى
والاسعاف بعد اخذوا بندر

بالمستشفى
نواف: دكتور كيفها الحين
الدكتور: الحمدلله تمام مافي اصابات خطيره مجرد كسر باليد
نواف~ ليته فيني ولا فيها: طيب الولد
الدكتور: كمان هو مجرد ضربه بالرأس ورضوض بسيطه
نواف~جعلها ما تجبر يا رب: مشكوور اقدر اشوف البنت
الدكتور: تفضل

نواف دخل الغرفه عند العنود
نواف قرب منها وجلس ع طرف السرير: حبيبتي
العنود: لا تقرررب مني
نواف: لي
العنود تقاطعه: اططلع برى
نواف: هاا ليش
العنود: تخلييت عنني عشان مصلحتك اكرررهك انااني
نواف: ههههههههههههههههههههههه
العنود: وجع ليش تضحك
نواف: يازينك وانتي معصبه
العنود: نووواف
نواف: يا عيونه
العنود: اططلع مابي اشوف وجهك
نواف: مو لازم تبين اهم شيء انا ابي(قرب منها وجلس جنبها)
العنود: هييئ ابعد عني
نواف: اهه اعشق هالعيون
العنود: خيييير لك وجه بعد اللي سويته
نواف قرب منها وسحبها جهته يعيني صار راسها ع كتفه: انا سويت كذا عشانك فكرت لما اسوي نفسي مو مهتم ماراح يقربون عليك بس انذال ما همهم شيء بعدين ترى ما سكت طحت فيهم ضرب
العنود تناظر نواف ملابسه فيها دم وفيه جرح ع رقبته: نوواف وش الدم اللي بملابسك
نواف يمثل الخوف: ذ ذبحت الولد
العنود بعدت عنه: هااااا من جد
نواف يمثل الحزن ونزل راسه: شفتي كل ذا عشانك
العنود شوي وتبكي: ليييه ليييه ذبحته الحين بتقضي حياتك بالسجن مارااح اشوفك ليييه
نواف قرب منها وضمها: يمكن يسامحوا اهله
العنود تبكي: مااا اقدددر اعيش بدوونك مااقدر لا تتركني لييه سويت كذذا لييش
نواف~ ههه صدقت الخبله ذي ماابيها تبكي بس مافي طريقه تسامحني الا كذا ههه
شوي اندق الباب
نواف ابعد العنود عنه ومسح دموعها: لا تبكين يا رووح نوواف
نواف فتح الباب
العسكري: انت نواف ال...
نواف: اي نعم
العسكري: تفضل معي
العنود واقفه مكانها مصدومه: نووواف لا تروووح الله يخليك لا
نواف للعسكري: ممكن تعطيني خمس دقايق
العسكري: تفضل
نواف راح للعنود: تذكري اني احبك واعشقك وحياتي من غيرك ما تسسوى شيء ماراح اططول
العنود بين شهقاتها: ك كيف ما راح تطول نوواف لا تتركني مقددر اعيش بلاك
نواف بابتسامه:ههه انا ما ذبحت احد كلها ساعتين وانا عندك حبيبتي بس بياخذوني للتوقيف وشسمه ذا خليك هنا ماراح اطول اهلك لا يدرون باللي صار انا برجع اخذك تمام واذا ما جيت انا برسل خويي فهد او مشعل وهو بيتصرف
العنود : لييش كذبت
نواف قرب منها: عشان تسامحيني ( باسها ع خدها وطلع بسرعه)
العنود~ حيوووااان هههههههه ان شاء الله يرجع بسرعه

بنفس المستشفى بس عند بندر
بندر: اهه راسي
الممرضه: معليش ماصار شيء يومين وتطلع ان شاء الله
بندر ماسك راسه: وين الشباب
الممرضه: اصحابك اللي كانوا هون؟
بندر: ايييه
الممرضه: الشرطه من شوي اخذوهم
بندر...


نروح للشباب بالتوقيف
نواف: هييه لا تدف
العسكري: امش زي الناس بلا خكرنه زايده
نواف: هاا وش قلت
العسكري: امش وانت ساكت
نواف: ي بوووي ماني داخل
العسكري: وبعدين معك
نواف: ابي اتصل
العكسري: هههههههههههه الظاهر انت اول مره تجي التوقيف
طلال: هههههههههههههههه شوفوا نواف هههههههههه
عمر: تتوقعون يخلونه يكلم
فارس: وووييين يبوووي مستحيييل
العسكري: ادخلوا بسرعه
دخلوا الا نواف
العسكري: شكلك مطولها معي
نواف: بس اتصال
العسكري: وش تبي
نواف: ابي اكلم ولي الامر
العكسري: احنا بنقوم بالواجب اخخلص علي وادخل
نواف: ماانيب داخل مو انا اللي اجلس هنا
العسكري يدفه : ادخخخل ولا تكثر كلام
نواف: هيييه كسسر لا تدف
العكسري٢ يكلم الاول: ترى ذا ولد... يعني عامله بأسلوب غير شوي
العسكري١: وش جابه هنا اصلا بيطلع بعد شوي اكيد
العسكري٢: خلاص نواف احنا بنكلم ابوك
دخل نواف

طلال: هخهخخ بالله مو شكل نواف غلط

عز: ههاها اوووي
عمر: ابووها من كشخخه شوفوا التيشيرت اللي عليه خساره كله دم
فارس: ههههه الا اقول وين مهند ما جاء
عز: النذل داك هرب
نواف~ساافر الكلب هييين اورريه

جو شباب عند نواف
متعب: سلاام
نواف رافع حاجبه: وعليكم
احمد: رد السلام زين
نواف:...
متعب: انت نواف ال...
نواف: اي
احمد: غريبه وش جايبك هنا
نواف: وانت وش دخلك
احمد: شايف نفسك ع ايش
متعب: من حقه يشوف نفسه ولد ال ....
احمد: ولد بطارى
متعب: انت مسوي شيء ولا كذا بس
نواف: لا بس هوشه
احمد: اههااه وانا اقول المخكره ذا
متعب يقاطعه: لا والله الولد ذا مب خكري ناظر فيه والله انه رجال
احمد: صح بس انقهر شوف شوي وييخرج عشانه ولد التاجر.... اما احنا عشان مافيه واسطه نعفن هنا

العسكري: نواف ال...
نواف: نعم!
العسكري: خرووج
نواف قام
طلال: هيييه واحنا
فارس: بيطلعنا مهند تهقون
عز: هههههههه سااافر
عمر: نوووافووه لا تنساننا طلعنا
نواف بابتسامه بارده: تخسسى خل بندر ينفعكم
طلال: يا زلابببه ما يخسى الا وجهك
نواف عطاه مقفاه وطلع



العنود~يااربي وش صار بنواف صارله ساعه خايفه عليه وش وضع يدي اخخ توجعني وبكره مدرسه وابي اداوم ويدي مجبسه اوووف قهر
دق جوالها
هلا.... الحمدلله بخير..... هههه اي ان شاء الله...وانتي.... تمااامم... بصراحه ما ودي اداوم بس مشتاااقتلكم حييييييل.... ي حبي لك .... يلا انتبهي ع حالك.. باي


مشعل: الووو عزووز
عبدالعزيز: هلا هلا
مشعل: اخيييراٍ. افرج ابوك عنك
عبدالعزيز: هههههههههه الحمدلله
مشعل: نطلع!
عبدالعزيز: ويين
مشعل: بمرك ونطلع سوا
عبدالعزيز: انتظرك
مشعل: اوووك


ابو نواف: ودخلتني الشرطه فشلتني بين الناس
نواف: يببه والله مالي دخل
ابو نواف بعصبيه: سوودت وجهي لا بارك الله فيك
نواف: واناا وش ذنبي تبيهم يتعرضون لي وللعنود واسكت لهم
ابو نواف: وش فيها العنود بعد
نواف: الشباب ذولاا تعرضوا لي وتهاوشت معهم والعنود معي وطاحت وانكسرت يدها
ابو نواف: وانت وش طلعك معها
نواف: يييببه وشلووون يعني تبيني ما اطلع معها عادي هي
ابو نواف يقاطعه: اعرف اعرف امش قدامي وانت ساكت
نواف~ اخخ الحين ما عندي سياره جعلك الماحي ي مشاري لازم اهدي ابوي واطلبه سياره ما اقدر اقعد بدون سياره
ركبوا السياره
نواف: اححم يبه
ابو نواف: نعم
نواف: س سيارتي
ابو نواف: وشفيها
نواف: انعدمت
ابو نواف: ايه صلحها
نواف: لا انا كنت ناوي اغيرها
ابو نواف: وانا كنت طالب لك BMW 2014
نواف طاير من الفرحه: هااااا الله يعطيك العافيه ما تقصر
ابو نواف: بس كنسلتها بعد اللي سويته
نواف مو مصدق عارف ابوه: اما طيب وانا وش اسوي ما تبيني ادافع عن حالي
ابو نواف: وبعدين مع ملابسك ذي مليانه دم
نواف~ اوو تذكرت الحين لازم اروح عند العنود وش اقول لابوي
ابو نواف يكلم السواق: ودني بيت ابو خالد وبعدين وصل نواف البيت وارجع
السواق:ok


مشعل الووو... عزووز انزل انا عند الباب..... بسرعه لا تتأخر علي

عبدالعزيز: يلاا انا طالع
ايناس ( اخته): هممم ع وين
عبدالعزيز: بطلع مع خويي
ايناس: اههها هو بيمرك
عبدالعزيز: وانتي وش دخلكق
ام عبدالعزيز: ليش تتكلم ع اختك كذا
عبدالعزيز: هههههه امزح معها
ام عبدالعزيز: ايه ايه
عبدالعزيز: ههههههههه تسلكين لي يمه
ام عبدالعزيز: احترمني انا امك
عبدالعزيز باس راس امه وطلع لحقته ايناس
ايناس: عزوووز اللي واقف هناك بأول الحديقه هو صديقك
عبدالعزيز: هييييئ وش تسوين ادخلي
ايناس فاتحه عيونها ع الآخر: خققققه يجننننن ي لبييييه
عبدالعزيز: هييئ وش تحسين فيه
ايناس : تكككفى عزووز خله يتزوجني يجنن
عبدالعزيز يصرف اخته: هاها مملك ع بنت عمه
ايناس تحطمت: اممما طيب ذاك نواف حتى هو خقه واحلى مو ذا بعد
عبدالعزيز: ههههههههههه منااااااك
ايناس: بلييييز اي واحد ياخي اخوياك كلهم مزز
عبدالعزيز : اححم مو مثلي صح
ايناس تسلك : اييي انت احلى وااااحد
مشعل جاء معصب: هيييي وينك
عبدالعزيز: ما تشووف اختي هنا
مشعل ناظر فيها انحرج: معليش ما انتبهت (وبصوت شبه مسموع) الله ياخذ ذا الوجه
عبدالعزيز: يلااا جاي (ولحق مشعل)



نزل ابو نواف
نواف: ودني مستشفى...
السواق: بابا مافي قول هق انا
نواف: انننا بابا ثاني
السواق: مافي يقدر
نواف: جعلك اللي مانيب قايل
السواق: ايش
نواف بعصبيه: بسرعه قلت
السواق خافق: ok



جود: بكره بتداومين
خلود: اييي مشتااااقه لصاحباتي
جود: مممم انا مارح اداوم
خلود: امما ليه
جود: مافي دروس
خلود: وش تبين بالدروس
جود: مو احنا نداوم عشانها
خلود: جوووك مخيييس وش تحسين فيه
جود: هههههه


سامي اقوول عمار وينكم مختفين اليوم... امما كل ذا صار وانا مدريي..... ههههه غريبه ،...... ههههه ماهو سهل... اي بتجتمعون اليوم ..... ارحمنا ي الدافور...، اجل مع السلامه


مشعل: نرقم!
عبدالعزيز: قداااااام
مشعل: هههههههه طول عمرك ما رفضت شيء
عبدالعزيز: ههههه شووف المزه ذيك امش خلنا نشووف وضعها
مشعل: يلااا
عبدالعزيز: ي مززه
البنت: خيير
عبدالعزيز: الرقم
البنت: وججع حقير
مشعل: هههههه ي لبببى الصووت
البنت: لبى قلبك
عبدالعزيز: خييير
البنت: الخير بوجهك
مشعل: هههههههه
البنت: لبى الضحكه يا ناس
مشعل: لبى قلبك
عبدالعزيز: هييي وانا
مشعل: امم ذا رقمي
البنت: يسلموو. حبي
مشعل: حبك مسرع
البنت: هههه الحب من اول نظره
مشعل: هاها خفيفة دم اذلفي مناك
عبدالعزيز: امش ي مشعل
مشعل: هههههههههههههه وطيحت اووول وحده
عبدالعزيز: الحب من اوول نظره ههههههههههههههههههههههه
مشعل: هههههههههههههه اءء ي بطني

البنت دقت ع الرقم اللي اعطاها مشعل؛ الوو
..ايوا
البنت: انت مشعل
... لا
البنت~صوت هندي وجع: مين انت
السواق: انا سواق حق بيت مين انت
البنت قفلت بوجهه
صديقتها: وش فيك
البنت: ذاك اعطانا رقم سواقهم
صديقتها: هههههههه واضح كانوا يطقطقون عليك


نواف دخل ومعه باقة ورد حمراء وفيها افروشيه: العنووود
العنود نايمه
جلس جنبها~ اهه كم اعشقها جننتني هالانسانه اعشقههها

فزت من النوم شافت نواف جنبها
العنود: نوواف متى جيت
نواف: من شووي
العنود: كنت احلم فيك اهه حلم يخوف
نواف: وشوو
العنود: تخيل اقووله
نواف: عاادي
العنود: لااا اخاف يصير صدق يممه تخيل يصيرلك شيء
نواف قرب منها وحط يده ع كتفها؛ لاا ان شاء الله
العنود: هيئ ابعد عني
نواف: هههههههه ليه
العنود: كذا احس قلبي يصير يدق بسرعه مدري احساس غريب
نواف قرب منها زياده: والحين كيف شعورك
العنود تسحب نفسها ورى وهو يسحبها: هييئ ترررى والله مااحب كذذا
نواف: وانننا احب تصدقين اسمع صوت نبضات قلبك الحين
العنود ~ ابووو الكذب بوجهه: امما
نواف: ههههههههههه احبك
العنود حمر وجهها: اببععد عنني تربكني ككذا
نواف : ههههههههههه اممموووت انننا ع المنحرج شكلك يذوبني
عضت شفتها السفليه منقهره منه: هييئ خلااااص زوودتها
نواف: اهه ي لبيييه خلااص خلااص بسكت والله
العنود: طييب ابعد
نواف ابعد: ههههههههههههههههههههههههه اووول مره تنحرجين
العنود...
نواف : هههههههههههههههه اعششششقك
العنود وجهها احمر: خلاااص وش تحس فيه
نواف: ههههههههههههههه يا قلبي انننا وجههك رايح فيها
العنود تصرف : مملابسك باقي فيها دم
نواف: اوو صح ذكرتيني يلا نمشي ببدل وبروح البيت
العنود: تممام
طلعوا ركبوا تاكسي
نواف: بنروح فندق
العنود: هاااا
نواف: هههههههههه بس عشان ماابي اروح البيت وانا كذا
العنود: بس اها طيب خلاص



مشعل: ههههههههههههههههههههه قسم يفطسووون ضحك هالبنات خرفناهم
عبدالعزيز: هههههههههههههههههههههههههه شفت ذيك اللي جت عندي ي عليها شكل يفضح على بالها حلوه
مشعل: هههههههههههههه اييي مرره
عبدالعزيز: من زمان ما ضحكت كذا
مشعل: امش اخر مره
عبدالعزيز: يلاا

ايناس: سمميه شوفي ذا اخوي عبدالعزيز وخويه
سميه(صديقة ايناس): عزووز اخوك مزززه
ايناس: شوووفي الكلاب وش يسوون
سميه: يرقموووون
ايناس : اممشي نرووح عندهم نشوف وش يقولون
سميه: يلا يلا
راحوا عندهم
مشعل: عزووز شوف ذولا جايين
عبدالعزيز: ابوها من وقاحهه
مشعل: هههههههههههه اصببر علي شوف وش بسوي فيهم
عبدالعزيز: ههههههههههههه وشوو
ايناس جت عند مشعل بدلع: هاااي
مشعل: هايات
ايناس:كيفك
مشعل: مو تماام
ايناس: اما لييه
مشعل: لاني شفتك تضايقت
ايناس: نعععم
مشعل: وشفيك
ايناس: وقح
مشعل: تبين اسلك لك قلت الصدق انا
ايناس: مالت عليك وقح
مشعل: ماادري من الوقح. انا ولا انتي
ايناس: معليش بس انا حبيتك
مشعل: هههههههههههههههههههههه وششششوووو ههههههه ح هههههه حبيتيني ههههههه مسسسرع
ايناس: حب اول نظره
مشعل: هههههههههههههه وانا كره من اول نظره
ايناس: جد تكرهني
مشعل : ههههههههههههه اكره اللي يرقمون
ايناس: الله ياخذك رقمتك لاني حبيتك
مشعل: ههههههه اقوول مناك بس

عبدالعزيز: هلا بالزيين
سميه: اهلين
عبدالعزيز: همممم ذا رقمي
سميه اخذت الرقم قطعته ورمته بوجهه: ما تستحي
عبدالعزيز مصدوم : لييش
سميه: قليل ادب ترقمني قدام اخوي
عبدالعزيز رافع حاجبه : هاا وين اخوك ان شاء الله بعدين انتي اللي جايه عندي
سميه تأشر ع مشعل: ذاا اخووي
عبدالعزيز بخوف: ككذااابه
مشعل: يلا عزوز
عبدالعزيز: ذ ذي اختك
مشعل: وين
عبدالعزيز دور البنت راحت: راحت
مشعل: لاا ما اعتقد اختي اليوم راحت عند بنات عمي انت غبي لعبت عليك

ايناس: حيوووان.ذاا
سميه: ههههههه اخوك حق علي بس رميت رقمه بوجهه
ايناس: ليييه حررام
سميه: هههههههههههه حاسه بأخوك

نواف اخذ دووش وبدل ملابسه اللي قال للسواق يجبيها
وجالس يجفف شعره
العنود: وااو مزه
نواف: عيونك الحلوه
العنود...
العنود قربت منه تسوي ازرار التيشيرت تبعه
نواف ~ قلبي احس من كثر ما يدق بتسمع صوته : همم انتتي ما تبين تاخذين دوش
العنود: اءء لا
نواف قرب منها : ليه تعبانه كنتي وبعد بالمستشفى وقروشه
العنود ارتبكت: لاا يدي مجبسه ما اقدر الحين يبيلي قعده ووقت
نواف: ههه اساعدك!
العنود اعطت نواف كف: خيييير
نواف حط يده ع وجهه~ احسن استاهل: هههههههههههه امزح
العنود: تاففهه مزحك زي وجهك
نواف: ههههههههههههههه يعني حلوو
العنود: يلا نمشي ماابي اقعد معك لوحدنا
نواف: هههههههههه ليه
العنود: كككذا ما اثق فيك
نواف: بس طلبت عشا
العنود: شكررا ماابي شيء
نواف~ اووف ليتني سكت وش قلت انا كان سكت ما كان صار كذا عاد هي عنيده: اوك تمام يلا نرجع
العنود~ وجع وش قصته اليوم احسه مزودها اخخ احراج مالت على وجهه احياناً يجي ودي اصفقه

رجعت العنود البيت ونواف البيت
وبعد مشعل وعزوز كلهم رجعوا البيت

نرووح للشباب بالتوقيف
الساعه ١١ونص مساء
العسكري
طلال ال...
، فارس ال...
، عمر ال..
، عز ال...
خروج
طلعوا الشباب
طلال: غريبه من طلعنا
عمر: انا ابوي حلف ان دخلت التوقيف ما يطلعني الا بعد ما اجلس يوم او يومين
فارس: يعني المده الاساسيه
عز: ههههههه
عمر: انت كلش ضحك
طلال: رايق ٢٤ ساعه
عز: قول ما شاء الله لا تصكني بعين
فارس: جد من طلعنا بعدين وشلون نرجع ما معنا سياره
عمر: مدري امش نطلع الشارع

مهند: الحمدلله ع السلامه شباب
طلال: مهنند
عمر: ذااا نذل وين سحب
عز: احمد ربك الولد طلعك
مهند: هههههههه اقول كيف التوقيف بس
فارس اعطى مهند نظره وراح
مهند: فاارررس
فارس مطنشه
مهند راح قدامه: ذا بدل ما تشكرني
فارس: ع شنو اشكرك
مهند رافع حاجبه: لاني طلعتك
فارس: للا عادي كان خليتنا اذا بتمن علينا
مهند: اوو شكل نفسيتك خياس من التوقيف م الومك،، اقوول شبااب تعالوا معي معزومين ع العشاء ولوو متأخر بس عادي دامه مني صح
عمر: اووك
راحوا مع مهند بالسياره
مهند: اي وش تبون اشغل شريط
فارس: انا رجعني البيت
مهند: ابشرر
مهند: اجل احنا نروح نتعشى وبعدين اللي يبيني اوديه بيته ولا اي مكان
الشباب: اوكك
طلال: كيف مشاري وبندر
مهند: تمام ما عليهم
عمر: مشاري وضعه حلو الحين؟
مهند: اييه ولو انه يستاهل اكثر
الشباب: هااااا؟
مهند: امزح

تعشوا بعدين راح كل واحد بيته

انتهى البارت
مافيه توقعات بس تكلموا عن بعض الشخصيات يعني
اكثر شخصيه حبيتوها؟
واكثر شخصيه كرهتوها؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 28-04-2014, 04:40 PM
صورة ديمٌو ! الرمزية
ديمٌو ! ديمٌو ! غير متصل
©؛°¨غرامي فضي¨°؛©
 
الافتراضي رد: ولأجلك ترى سويت كذا /بقلمي


هلا ,
نورَتي بطرِحكِ , موفَقه !

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-04-2014, 07:13 PM
صورة صمتـي لغتي~ الرمزية
صمتـي لغتي~ صمتـي لغتي~ غير متصل
©؛°¨غرامي مجتهد¨°؛©
 
الافتراضي رد: ولأجلك ترى سويت كذا /بقلمي


احم احم الدور هنا ارد
بااارت جميل جدا ويجننن
بس ياريت تجيبي كمان سرد ووصف مو بس حواربس بيكون احلى بسرد ووصف احلى
بالنسبة للملابس اذا تبين اعملي مثل ما اسوي بروايتي
https://forums.graaam.com/567220.html
اني احط صور للوصف واستخدم السرد

اكثر شخصيه حبيتوها؟
اممم اكيد اعنود فله شخصيتها تجنن وقوية
نواف بس مو لهل درجة ما عرفته كثير
واكثر شخصيه كرهتوها؟
بندر ,مشاري,ميار (خصوصا هي مدري كيف هالحقارة الي عندها لهل درجة)



تعديل صمتـي لغتي~; بتاريخ 28-04-2014 الساعة 07:19 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 29-04-2014, 06:13 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


اقتباس:
المشاركة الأساسية كتبها صمتـي لغتي~ مشاهدة المشاركة
احم احم الدور هنا ارد
بااارت جميل جدا ويجننن
بس ياريت تجيبي كمان سرد ووصف مو بس حواربس بيكون احلى بسرد ووصف احلى
بالنسبة للملابس اذا تبين اعملي مثل ما اسوي بروايتي
https://forums.graaam.com/567220.html
اني احط صور للوصف واستخدم السرد

اكثر شخصيه حبيتوها؟
اممم اكيد اعنود فله شخصيتها تجنن وقوية
نواف بس مو لهل درجة ما عرفته كثير
واكثر شخصيه كرهتوها؟
بندر ,مشاري,ميار (خصوصا هي مدري كيف هالحقارة الي عندها لهل درجة)
شكرررا ع التنبيه ان شاء الله اسوويه بالبارتات الجاايه
تسلمين ع متابعتك للروايه وانتقادك الايجابي لها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 01-05-2014, 07:53 PM
صورة al-shammairy الرمزية
al-shammairy al-shammairy غير متصل
©؛°¨غرامي جديد¨°؛©
 
الافتراضي رد: ولأجلك ترى سويت كذا /بقلمي


سجليني من متابعينك بتغاريد و غرام

لؤلؤة مكنونة + gans


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 05-05-2014, 06:36 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


اقتباس:
المشاركة الأساسية كتبها al-shammairy مشاهدة المشاركة
سجليني من متابعينك بتغاريد و غرام

لؤلؤة مكنونة + gans
ي هلاا والله تشررفت حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 05-05-2014, 06:38 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


البارت السابع

في الصبح الساعه 5
في بيت أبو خالد ع الفطور ع طاولة الطعام
العنود نازله من الدرج: صبااح الخييير
ابو العنود: صبااح النور
خالد : ههلا
ام العنود: وين ميار
العنود: ممدري شكلها ماراح تداوم
خالد: العنوود تبين اوصلك
العنود : ما بتروح الجامعهه
خالد : شكلك تبين السواق احسن
العنود: لاااا اكيد انت
خالد ابتسم: هههههههههه يلا خلصي
ابو العنود: ههه خل البنت تفطر
خالد: امس اشتريت بلاك وماعجبني ببدله وش اخذ
العنود بسرعه: لا لاتبدله انا ابي البلاك وانت اشترلك واحد ثاني
خالد رفع حاجبه: ليش
العنود: البلاك حقي يعلق شوي
خالد: اهااا خلاص ذا الجوال اعتبريه هديه مني لك( طلع الجوال واعطاها)
العنود بابتسامه: تسسسلم ي تحلى اخ بالعالم
العنود~تمممام الحين بكتب اسمي وليد وارسل لمشعل ونتفاهم بموضوع نواف والبديل

في بيت عبدالعزيز
عبدالعزيز نايم بالغرفه دخل ابو عبدالعزيز الغرفه وشغل اللانوار وراح يسحب البطانيه عن عبدالعزيز
عبدالعزيز حس بدخول احد عصب يحسبها الخدامه او اخته: اطلع يا حمار
ابو عبدالعزيز بعصبيه: الحين انا حمار
عبدالعزيز فز ورفع البطانيه يتأكد: يبببه مااقصد
ابو عبدالعزيز: طيب قوووم مانت غايب
عبدالعزيز وشعره متناثر ع وجهه ويتثاوب: ما بداوم(وتغطى بالبطانيه)
ابو عبدالعزيز طفى المكيف: بكيفك

مشعل تجهز وجالس ع سريره يطقطق بجواله
ارسل لعبدالعزيز ع الببي
عزوووز
عززيييز
صعلوووك
عبدالعزيز: هلا
مشعل: صباح الخير(قلب)
عبدالعزيز: انا تصبح علي وش عندك ي ابو المصالح
مشعل: افااا عليك انا الحين مصالح الشرهه علي كنت ابي افطرك ع حسابي
عبدالعزيز: هههههههه ايييه صدقتك
مشعل: بتداوم اليوم؟
عبدالعزيز: همممم نو
مشعل: لا داوم درجاات يبووي،
عبدالعزيز: ومن متى اهتم للدرجات بعدين مدرسه اهليه ما فكروا اهم شيء ينجحونا
مشعل: اقوول دااااوووم
عبدالعزيز: هههههههههههههههههههه ليه ابوك ما خلاك تغيب ههههههههههههههههه
مشعل: جعلك اللي مانيب قايل
عبدالعزيز: ههههههههههههه(فيس يضحك)
مشعل: لااا ويين ابوي عادي عنده اغيب بكيفي بس ابي اداوم
عبدالعزيز: احححلف صدقتك الحين
مشعل: ههه ابوي ماخلاني اغيب مدري وش جاه اليوم اول مره يعند كذا اوول السنه اكيد يبيني اشد حيلي
عبدالعزيز: هههههههههههههههه ايييه قوول كذا من الاوول
مشعل: ها بتداوم ولا لا
عبدالعزيز:لاا
مشعل: ع تراب تبيني اقعد مع مهندووه الزفت اكيد سامي غايب وتركي بعد واناا
عبدالعزيز: هههههههههه تحزن(فيس يبكي)
مشعل: مع نفسك وانا كنت ناوي افطركم بالمدرسه
عبدالعزيز: منااااك
مشعل تحطم من عبدالعزيز وراح يرسل لتركي
مشعل: ترووووك
تركككي
تووتوو
تووتي
وكز!
وكز!
وكز!
توووتت
ترووك
تركي: جعلك كسر خييير
مشعل: صباح الخير لأحلى تركي( قلوب)
تركي: وش توت بعينك وتوتي بعد
مشعل: الشرهه علي ادلعك(فيس حزين)
تركي: حظك والدلع قال توتو وتوت اذلف وش تبي من صكة الفجرين ابوووك من ازعاج
مشعل: اهه يا جرحي من وين ابتدي
تركي: ابييي اننننااام امس سهران ما نمت وش تبي اخخخلص
مشعل: ي ثقلك بتداوم؟
تركي: ها ها هههه من جدك انت
مشعل: لا من عمي كااااك
تركي: سامج ما تضحك
مشعل: اهم شيء انا ضحكت
تركي: انت بتداوم!
مشعل: ايييه ابي درجات(فيس يضحك)
تركي: ابووك ي الكذذب
مشعل: معالسلامه
تركي: قوول ابوك ما خلاك تغيب ههههههههههههههه
مشعل: كل تراب
تركي: بروووح انام
مشعل: جعلك ما تتهنى وكل ما غمضت تحلم بأستاذ الفيزياء يجلدك قول امين
تركي: ههههههههههه لا تنسى اظن ان الجدول اول حصه احياء وبيدرسنا الدب ابو نظارات ههه
مشعل: الله ينكد عليك
تركي: وياك يارب


ريما تجهزت للمدرسه وطلعت تروح لنواف دخلت غرفة نواف~ اووو وش هالحوووسه
الغرفه محيوووسه بكل مكان تيشيرت وساعات مرميه واشرطة بلاستيشين ومخدات السرير كل وحده بمكان
ريما~ المخدات ذي هنا شلون ينام هذا هههه
ريما شغلت انوار الغرفه كلها وراحت ترفع البطانيه عن وجهه: نوووااف
نواف مو قادر يفتح من قوة النور: هااا
ريما: تكفى وصلني المدرسه اليوم بليزززز
نواف رفع راسه وشعره الناعم متطاير بصوت كله نوم: طفي النور وصكي الباب وراك وقولي للخدامه تصحيني ع الساعه 9بروح للشركه وتجهز الفطور بعد
ريما تخصرت: ي سلااام اشتغل عندك انا
نواف غمض عيونه: ابي اناااام
ريما: طيب وصلني ابي صديقاتي يخقوون عليك
نواف عدل جلسته: وجايبين لك سواق ليه
ريما: بس لو العنود طلبتك وافقت صح
نواف ابتسم: اكييييد
ريما: مااالت عليك مسويلي فيها
نواف: هههههههه امزح بس اعرفها ما راح تطلبني
ريما: ي ثقلك
نواف بصراخ: طططفي النووووووووووور
ريما: اووف وجع


بالمدرسه
العنود: ليييياان ليووون وحشتيني
ليان: اشتقتلك يا حيوواانه
العنود: وانااا اكثرر وين الباقيين
ليان: مممم اكيد شووي ويجوون ان شاء الله
ريما: سلااااام
العنود: هلا هلا والله اشتقنا ي حلووو
ريما: هييئ وشفيييها يدك
العنود: هاا ولاا شيء طحت
ريما: ي شيييخه وش طحتي حتى نواف مجروح
العنود: اي تضاربنا
ريما: هههههههههههههههههههههه صدقتك
ليان : هيي احس اني مزهريه وش دخل نواف الحين بالعنود
ريما: هههههه انتي خليك ع جنب
ليان: وليييه
العنود: ههههههههههه
ريما بقرف: بناات شوفوا اللي جايه من بعيد
ليان: ميين
العنود: اووو رافعه ضغطي اههيي
اشواق بدلع: هاي
ريما...
ليان: هلا
العنود..
اشواق : كيفك العنود اشتقتلك
العنود تسلك: تمام وانا بعد
اشواق : ممكن نمشي مع بعض
ريما: هيئ خيرر وش تبين
اشواق: ما اعتقد اني كلمتك كلمت العنود يلا عنود
العنود: همم بنتظر صاحباتي يجوون بعدين بجي
لجين: هااااي صباايا
ريما: لووووجي اشتقتلك ي عمررري
لجين: كحح ريموو خنقتيني
ريما: عاادي عاادي
العنود: مسحووب علينا
لجين: ههههههه لا اصبرري مشتاقه لكم
لجين لاشواق: انتي وش تبين هنا لسا ما مليتي ي نشبه
اشواق: ههههه قاعده ع قلبك انا يلا العنود
العنود بضيق: يلا جايه

نرووح لمدرسة الاولاد
مشعل دخل المدرسه مداوم بدري الأخ كانت فاضيه تقريباً مافيها كثير وهدووء ~ الله ياخذهم من زملاء ما احد داوم وين اقعد الحين جعلهم الماحي
سمع صوت واحد يناديه من بعيد لف لقاه..
مهند: مشعلووووه هننا
مشعي رافع حاجبه : خير شعندك
مهند: ههههههههههههه وشفيك معصب
مشعل: مو معصب بس انقلع
مهند: ههههههههه سحبوا عليك
مشعل: سحبووا قلبك قل امين
مهند: هههههههه اهدا من كذا
مشعل: تبي تتهاوش شكلك
مهند: ههههه لا ماقلت كذا
مشعل: اجل انقلع عني
مهند: هههههههه لو تبي تتهاوش ما عندي مشكله شلتي موجوده بس انت ههههههه
مشعل: اتوطاك واتوطى عشره من اشكالك
مهند: يممممه خااايف

عبدالعزيز جاي من بعيد : مشششعل
مشعل: جيت ي الكلب
عبدالعزيز: افااا واقدر اخليك تداوم لوحدك
تركي: سلاااام ي عيااال
مشعل: وكملت الشله باقي سامي الدلخ
تركي: بتبدا الحصه خلونا ندخل
عبدالعزيز: انا عني اول حصه بهرب
مشعل: صااادق
تركي: يلاا قداااام

نرجع للبنات
العنود واشواق يتمشون سوى
اشواق: ممم كيفك
العنود: قلتلك تمام
اشواق: نفسي نجي بنفس الفصل
العنود ~ لا يارب يحطونك بأبعد فصل:ههه ما اتوقع
اشواق: لا ان شاء الله
العنود: يلا برووح
اشواق: انتبهي لنفسك حبي
رجعت العنود لشلتها
ريما: وش تبي النشبه
العنود: اعجااب مالت عليها
ريما: الا خلود وجود ما بيدومون
العنود: اكييد خلود بتداوم جوود اتوقع بتغيب
ريما: اكيد مثل شهد
ريما: اقووول. وشرايكم نهرب لمدرسة الاولاد
ليان: هااااا من جدك
ريما: ايييه تكفونن
خلود : سلااام
ريما: ي هلاا
لجين: هلللاااا اشتقتلك
العنود: ي لببببى كنت عارفه انك بتداومين
ليان: هلات والله تعالي شوفي ريما المجنوونه وش تبي نسوي
ريما قالت لها
خلود: ي عععشقي لافكارك
ريما: احمم،
ليان: فكرتك العاقله اللي بتمنعينهم
خلود: ههههههههههههه
لجين: طيب وش نسوي
ريما: اكيد لابسين بناطيب تيشيرتات من تحت المريول
لجين: ايي بس بناتيه
ريما: مرره ولا يعني
خلود: انا عني هيكل عظمي التيشيرت والبنطلون اسود
العنود: انا بنطلون ابيض والتيشيرت اسود سااااده واسع شوي
لجين: انا تيشيرت موف وبنطلون مااااسك مستحيل اطلع فيه
ليان: انا لابسه بلوزه حبل وردي
ريما: ههههههههه يعني ما تقدر نرقع لك
ليان: بتروحون
خلود: ايييه تحمست
ليان: واننا ابي ارووح وش اسوي
العنود: بدببر لك بكلم وحده من البنات تبدل معك
ليان: ميين
العنود: اشواق
ليان: لاا
ريما: اجل اقعدي
العنود كلمت اشواق ووافقت ع طوول
ريما: لجين خذي ذا الجاكيت رسمي طويل شوي
لجين: تمااام
العنود: يا داهيتنا شلون نطلع الحين
ريما: باقي ما بدت الحصه الاولى والباب مفتوح نطلع عادي ونطنش الحارس،
ليان: خايفه
خلود: يوووو مثل جوود
ريما:لا بسرعه قبل ما تبدا الحصه ويقفلوا الباب اذا طلعنا فيه مسجد قريب نفك العبايات والمراييل ونطلع ع انا اولاد
ليان ولجين: هاااااااه
العنود: يلاا بسرعه
طلعوا البنات وسوو اللي قالته ريما
لجين: وش نسوي بشعرنا
ريما: انا مخططه من امس جبت كابات وبنس
العنود: هااات اضبطها لكم انننا فن في ذي الشغله
سووت لهم العنود شعرهم ولبسوا الكابات
العنود: والله مزز
ريما: بصراحه ليان واضح انها بنت
ليان: وجع وش اسوي
العنود: هههههه امشوواا بس
ريما: ايي ذي المدرسه
ليان: هااا ذي مدرسة اخووي
خلود: حتتى انا
العنود: امشوووا
لجين: لا والله اخاف
ريما: الباب مفتوح خلونا ندخل ونروح ع طول الفصول ع ااننا طلاب جدد ما ندري وش السالفه
دخلوا البنات المدرسه

مشعل: شبااب
عبدالعزيز: هلا
تركي: خير
مشعل: امشوا نروح الفصل

العنود: بنات انا وريما بفصل وخلود ولجين وليان بفصل
لجين: لا بجي معكم
العنود: طيب اجل خلود وليان مع بعض لان خلود شوي جريئه
خلود: يلاا
العنود: احنا ذا
دخلت العنود وريما ولجين وجلسوا بآخر الصف كان فاضي طبعاً

مشعل: شباااب نبي الاخير
تركي: اكيييد

دخلوا الصف ليان وخلوود
ليان: تعالي ورا
خلود: يلا
دخلوا الشباب الفصل
مشعل يمشي ويغني شووي وقف لما دخل الفصل
مشعل باستغراب: مو ذاك وليد
عبدالعزيز: الااا صح
مشعل راح للعنودوضربها ع كتفها : ولييدد هلاااوالله
ريما~ وش وليد اووو تذكرت لما كذبت العنود ما اتوقع انه حافظ وجهي
العنود بتوتر: هلا
مشعل بابتسامه عريضه: بتدرررس معنا
العنود كشرت بوجهه: ع حسب اذا اعجبتني المدرسه
عبدالعزيز: ي لبيييه انت بمكاني
العنود: هاا بقوم الحين
عبدالعزيز: لاا لا فداك المكان وراعيه
العنود: تسلم
لجين بصوت خافت: وش قصتها ذي الحين
ريما: سالفه اقولها لك بعدين
جلسوا ريما ولجين ورا
العنود قدامهم المكان اللي جنبها فاضي
مشعل: انا بجلس هننا
العنود: لاا
مشعل: ما طلبتك تسمح ولا لا
العنود: بس ماابيك جنبي
مشعل: موو بكيفك ي الحب
العنود: بكيفك
تركي: واانا وين اجلس
عبدالعزيز: ابي مكان مشعل
مشعل: مناااك ما طرالي اتحرك
جو الطلاب
ودخل الاستاذ
السلام عليكم ورحمة الله وبركاته انا استاذ حسين معلم الاحياء ان شاء الله الماده سهله وخفيفه عليكم الحين حاب اتعرف عليكم
مشعل يهمس للعنود : وش يحس فيه ذا
العنود سرحانه ومو معه..
مشعل: ي حظ من راح فكرك معه
العنود اعطته نظره وماردت
الاستاذ يكلم مشعل: انت مشعل ال ما يحتاج
مشعل مستغرب: شلون عرفتني
الاستاذ : ابوك موصينا عليك
مشعل: اها
الاستاذ يناظر العنود : وانت وش اسمك
العنود بارتباك :وليد
مرت الحصص بشكل عادي ومشعل ما سكت كل ما لقى فرصه علق وعبدالعزيز مقهور يتمنى يجي مكان مشعل او جنب ريما
خلود وليان
ليان: خ خايفه شوفي ذوولا قربوا منا
خلود تكفكف اكمامها: ما بيقربون
سلمان: عندنا مززز بمدرستنا
خلود: ايييه وش تبي،
سالم: عصب الحلو
خلود: خيييييير وش تبي
سلمان قرب: ابي اش
ما حس الا وكف ع وجهه
خلود: احترم نفسك وحدودك لا تتعداها مفهوم
سليمان بعصبيه: انتوا بتدرسون هنا والايام بينا والله لتندمون
خلود: ههههههه في امك خير قرب
سليمان بتوعد: موو الحين اصبر علي بس

بالفسحه
مشعل يتمشى مع العنود يبي اي شيء يضحكها او يخليها تبتسم له بس العنود ساكته تبي تبعد عن مشعل
مشعل: اقول وليد
العنود: هاا
مشعل بهدوء: تصدق انت تجذبني
العنود بإنفعال: ووش تقصصد
مشعل قرب منها: هههه وش فيك خفت واختبصت!!
العنود~ ياارببي وش قصده هذا الحين
مشعل بابتسامته الهاديه: علامك
العنود: هاا ولا شيء بس انت غريب كلامك
مشعل حط يده ع كتفها: انسسسى اللي قلته توو وخلنا نرجع للشباب الحين يحسبوني خاق معك
العنود : يعني انت مو خاق معي الحين!
مشعل:ههههههه عليك ثقه ابن كلب
العنود ..،
رجعوا للشباب
مشعل: فطووركم علي
عبدالعزيز: تسسسلم راعي واجب
مشعل: ما اقصدك انت اقصد وليد واللي معه
عبدالعزيز متحطم: سلك لي طييب
تركي: انا فطور ذا علي(يأشر ع لجين)
لجين بقرف: شكرا ماابي فطور
عبدالعزيز: وانا بفطر ذا اجل
ريما: وش تحسون فيه تتصدقون علينا انتوا
مشعل يناظر العنود بخبث: هههههه امش وليد امش
العنود: لاا ماابي
مشعل: لا تستحي حبيبي
العنود~لازم اعطيه البن بسرعه
مشعل: ي الحب
العنود : ي لبييه
مشعل~ قال يا لبيه هه غريبه: لبى رووحك
تركي: ههههههه لما قال الحب قلت لبيه عارف نفسه الأخ
العنود ~وش قلت انا اووف عادي انا الحين ولد: شسمه ابعطيك البن تبعي
مشعل: ي لبيييييه واخيرا
العنود:هذا هو ..........
مشعل ابتسم بخبث: تسلم حبيبي

بجهه ثانيه من المدرسه شلة بندر واقفين
طلال: اقوول من ذا اللي مع مشعل
عمر: من مشعل
طلال: من غيره مشعل ال...
عمر: اهااا مدري بس حلو الولد صح
طلال: والله حتى مشعل مزززه
عمر: بصراحه كلهم مزز بس الولد اللي معه احلى ياخي كأنه بنت
طلال: اسمع كلم فايز وعامر
عمر: وش اقولهم
طلال: خلهم يضايقون مشعل واللي معه وكذذا
عمر: طيب


نطلع من المدرسه
نواف صحي ع صوت المنبه: اوووووو هذي خامس مره يدق غفوه تأخررت ع الشركه



في مكان ما تحت اناره خافته وهدوء واوراق مبعثره ع طاولة المكتب بالتحديد في مكتب أحد رجال الأعمال في الرياض
راشد دخل مكتب ابوه وجلس ع الكرسي مقابل المكتب: امر يبه
ابو راشد: هاه سويت اللي قلت لك عليه
راشد: ايييه يبه كل شيء جاهز هو ماراح يجي بالطيب لازم بالقوه
ابو راشد: ايييه اعرفه لازم ناخذ كل شيء ماله حق فيه
راشد: اكيييد يبه انت خل كل شيء عليه
ابو راشد: انتبه لو صار شيء لا تلوم الا نفسك
راشد :و لا يهمك


مشعل كان يمشي ممع العنود ومحوطها بيده يعني يده ع اكتافها ويتمشون بالساحه
فايز: اقووول ميشوو من المزه اللي معك
مشعل كشر بقرف: اصغر عيالك انا وش ميشو
العنود :هههههههههه
فايز : اووو ماي قارد زعل ميشوو
مشعل: وش تبي
عامر: نبي نسولف ولا خربنا جووكم
مشعل: ايي خربتواا جوونا
فايز: يعني مشبك
مشعل: ي ليييل وانت وش دخلك
عامر: امما عاد تشبك مشعل ال... شاذ قوووييه بحقك
مشعل: انتوا اللي تفهمون غلط واذا انتم تفكيركم غلط مالي دخل
فايز: رقع رقع
مشعل: امش يا وليد
عامر: غااار ي قلببي انا
مشعل : هييييه وش تبي
فايز : فك الولد
عامر قرب من العنود وسحبها بعيد
مشعل بعصبيه: يا كككلب جييب الولد
فايز يناظر مشعل باستخفاف: ههههههه لذا الدرجه تغار
مشعل: الله ياخذ ذا الوجه
عامر: يغار هههههههههه مشعل انت شاذ!!
مشعل: خيييير
العنود دفت عامر بقوه: هييه انت وياه وش حسبالكم اننا لعبه بعدين وش شاذ مالت عليكم
راح مشعل وسحب العنود بعد ما تهاوش مع فايز وعامر

مشعل~انا الحين ليش اسوي كذا اووف معقوله احب وليد لا مستحيل وووش ذا الشعور اللي يجيني لا قربت منه اهه بس اكيد فيه شيء ورى هالشعور مووو مشعل اللي يحب له ولد انا موو شاذ مثل ما يقولون بس جد صار ماخذ هالولد كل تفكيري اخخخ بس لاززم افههم واتأكد هو بنت او ولد بس لو بنت ما جاء هنا المدرسه لاا يمكن
قطع تفكيره تركي: تهاوشت مع عامر وفايز
مشعل: ايي
تركي: وش جووهم ذولا يطبون فجأه
مشعل: يرفعون الضغط، اء وين وليد
تركي: مع عززووز
مشعل يدور شافهم عند الكفتيريا يسولفون ويضحكون~لححظه وش الشعور ذاا احس نفسي اصفق عبدالعزيز وش ذااا احس كأني اغار هه لا وين ياخي مااقدر اتحكم بنفسي
ريما: اءء وليد
العنود: هلا
لجين: يلا مشينا
العنود: لاا بنكمل اليوم هنا
ريما تهمس للجين: فلتها الاخت هنا
لجين باستغراب: جد ما تحسين كأنها ولد تعرف تتصرف
ريما: ايي وين خلود وليان
لجين: شكلهم طلعوا
ريما: لازم نطلع احنا بعد
مشعل: سلاام
عبدالعزيز: هلا
مشعل: وش عندكم قاعدين هنا
العنود: وانت وش دخلك
عبدالعزيز: هههه لا يكون تغار
مشعل ~ ايييه بالضبط ذا شعوري اللي مدري من وين جااي: لااا وييين بس انا كنت بفطر وليد
عبدالعزيز: فطرنا ي بوووي صح حبيبي
العنود وش يحسون فيه ذولا: حبيبي وشذا
مشعل: ههههههه عاادي ما قال شيء
تركي : شكلك قاسي
لجين: قاسي ولا ليّن
تركي : اخيييرا تكلمت طووول يوومك ساكت يازين صوتك
ريما: وجع وش يحس فيه ذا
تركي: قلت شيء حبيبي
ريما~خيير وش عنده: لا اذلف عني
تركي: بس انا ماني عندك انا عند المززه ذا(يأشر ع لجين)
( انتهى اليوم الدراسي بسلام ما انكشفوا ولا شيء
اخر النهار
مشعل: ويين وليد
عبد العزيز: طلعوا هو واللي معه
مشعل: ما ودعونا
تركي: هههههههههه وش تحس فيه

البنات رجعوا البيت مع سواق العنود وما انكشفوا

رجعت العنود فتحت الجوال اللي اعطاها خالد وغيرت الاسم وليد
لقيت عندها اضافه من مشعل قبلتها ع طوول وبعد من عبدالعزيز <<اخذ البن من عند مشعل بالغصب
مشعل: مساء الخير
العنود~ يمه ع طول ارسل: هلا مساء النور
مشعل: امم كيفك وليد
العنود: الحمدلله
مشعل: ايه سحبتوا علينا
العنود: ههههههه ما سحبنا وش تبي نسوي مثلاً
مشعل: تصدق مستغرب انت واصحابك كلكم مزز يعني كأنكم بناااااات ولا واحد منكم فيه شيء يدل ع انه ولد
العنود: هااااا وش تقوول انت لحظه انت مجنوون وش الكلام الفاضي ذا
مشعل: مصييري مع الايام اعرف وش قصتك
العنود: قصة ايش
مشعل: ههههههههه انسسى اللي قلت ي الحب
العنود ~ الله ياخذه ناوي يفضحني: اسمع بخصوص نواف متى يبوني اكون البديل
مشعل: يووم الخميس
العنود: اوووك
مشعل: يلا حبي استأذنك مع اني ودي اقعد اكثر
العنود~ مالت عليك: باي
مشعل: بس كذذا ما تقول شيء ثاني
العنود: هه وش تبي اقول
مشعل: (قلوب مكسوره)ولا شيء
العنود سحبت عليه وش يحس فيييه ذا

دخلت ريما البيت
الخدامه: كلوا ينتظر في غرفه غداء
ريما: اوك
ريمادخلت عند اهلهاث: سلاام
نواف: ي حيوانه ليش ما قلتي للخدامه تصحيني
ريما: رد السلام بعدين احسن تستاهل وبعدين ليه الخدامه تصحيك مو حلووه تدخل غرفتك
نواف: بس تدق الباااب بقووه شوي اساساً مقفل بس راحت علي نوومه
ريما: ماالي دخل
ام نواف: هواش من اول ما جيتم
نواف: هي اللي بدت
ريما: لاا ي شييخ
ابو نواف: خلااص خلاص
شهد: اوو كلكم ع السفره ليه ما احد ناداني
ابو نواف: قومناك ما قمتي
ريما: هذا وانتي نايمه طول الصبح
شهد: قوولي ما شاء الله
ابو نواف: اقول نواف متى ناوي تملك ع العنود
نواف مسوي منحرج: اءء مدري بس مو الحين اكيد
ريما تهمس لشهد: شوفي وجه نواف وده ابوي يقوله الحين ينتظر بس
شهد: هههههههههه صادقه
ابو نواف: اي احسن كذا خلها بعد شهرين ولا
نواف بانفعال: هااااه شهرين لاا ويييين بعيد مره ماااقدر اصبر
ام نواف: ههههه حليلك
ابو نواف: وش اللي ما تقدر تصبر
نواف انحرج: اقصد يعني
ابو نواف: سوو اللي تبيه
نواف: تسلم



خلود: سلااام
جود: هلاا
خلود: فااااتك اليوم رحنا مدرسه الاولاد
جود : ككككذذذذذاااااابه
خلود: والله
جود: احككي لي اللي صار الحمدلله ما كنت معكم
خلود قالت لها اللي صار
دخل سامي: سلام ي حلوات
خلود خافت يكون سمعها: هلا سامي
سامي: عندي لكم خبرر
خلود: ووشوو
سامي: ج جود
خلود: وش فيها
جود: وش فيني
سامي: ان
جود: تكككلم
سامي: انخبطتي
خلود: اممما ميين
جود: كذاب
سامي: ههههههههه الفرحه مو سايعتك
جود يارب خالد: ميييين
سامي: هههههههههههه ولد عمي خالد
خلود مصدومه
جود بفرح: قووول والله
سامي: ههههههههههههههههههه امزززح
جود تحطمت: الله ياخذك محد يمزح بذا الامور
سامي: بس جد خطبك واحد من زملائي
جود بضيق: مااني موافقه
سامي: وليييه باقي حتى ما تعرفين مين هو ووش يكون
خلود: وليييه تكذب تقول خالد
سامي: يمممه منكم لا يكون تحبين خالد
جود بربكه: هاا لاا بس استغربت
سامي: المهم ابوي بيكلمك عنه اليوم
جود: بس
سامي: ترى الولد كوويس وانا اعرفه
خلود بفضول:مممم وش اسمه
سامي: ي الملقوفه اسمه سلطان
خلود: اسممه حلوو
جود: انا بروح انام
سامي: نااايمه طول النهار

نرووح لأحد القصور الكبيره الفخمه قصر كبييير جداً يسكنه مجرد ثلاث اشخاص ويملأه الخدم اننفتحت بوابة القصر دخل بسيارته المرسيدس
توجه احد الحراس لباب السياره يفتحه له
نزل راكان ودخل القصر
ام راكانث: هلا راكان
راكان باس راس امه: هلا يمه
ام راكان: كيفك مع الدراسه
راكان: الحمدلله
ام راكان: والله انك تتعب بالشغل والشركه من بعد ما مات ابوك الله يرحمه مسكت جميع فروع الشركه
راكان: اييه الله يعين والمشكله مقدر اعطي احد اي فرع مافيه ناس ثقه
ام راكان: طيب من اصحابك
راكان: بصراحه كلهم ثقه واعتبرهم اخواني بس المشكله انهم كلهم عندهم شركات واهاليهم يبونهم فيها يعني لازم انا اللي امسكك كل الشغل
ام راكان: الله يعينك
راكان: شسمه بسافر لندن ع الخميس ان شاء الله
ام راكان: ليه
راكان: الفيلا حقت ابوي الله يرحمه اللي هناك فيه ناس يبون يشترونها ومسووين قروشه هناك لازم اروح ماابي ابيعها
ام راكان: بس ما شاء الله عندنا هنا فيلا كبيييره وعندنا بعد بأماكن ثانيه بيع اللي بلندن مااحنا محتاجينها
راكان: لا يمه ليه ابيعها محنا محتاجين فلوس الحمدلله بعدين حلو يكون عندنا فيلا بلندن،
ايلان: ايي صح انا ابيها
راكان: هلاااا اشتقتلك يا رووح اخوك
ايلان: وانت ساحب علينا كله مع اخوياك
راكان: لاا حبيبتي والله مشغول اوعدك اطلعكم
ايلان: مو دايم اطلبك بس تقول روحوا مع السواق ولا مدري وش
راكان: ههههه خلاص المره ذي انا بطلعكم مو السواق



العنود فتحت البيبي لقت رسايل من مشعل

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

تسأّلني عن شعوري عندما اراك نبضات قلبي تتسارع تشتعل الغيره لدي عندما اراك مع غيري
العنود~ وش يحس فييه وش ذي الرسايل راافع ضغطي بس بطنشه وبعد مرسلها خاص


مشعل: وليدد
العنود: نعم
مشعل: ترى قدموا موعد التحدي
العنود: اما متى
مشعل: الييوووم بالليل
العنود خافت: امما كذاب
مشعل: اي والله
العنود: خايف
مشعل: ههه ما عليك بكون هناك انا وعزوز
العنود: اهم شيء نواف ماابيه يشوفني
مشعل: ليش طيب
العنود تفكر بكذبه
مشعل: ي ولد وين رحت
العنود: هو بصراحه يقرب لي من بعيد وماابيه يعرفني عشان ما يحس انه ثقيل او كذا المهم لا يعرف
مشعل مستغرب: ان شاء الله


ميار تدق ع غرفة العنود
العنود: هلااا ميروو جايه غرفتي ي لبييه
ميار: لا مو جايه عشانك ريما هنا تحت،
العنود: مييار وشفيك متغيره علي
ميار: اوووف انزلي لها تحت انا رايحه
نزلت العنود شافت ريما بالصاله راحت لها ع طول
ريما: هاااي
العنود: هلاا والله
ريما: عنوود نواف ينتظرك بالحديقه
العنود: وش يبي
ريما: مشتاقلك هههههه
العنود: مااني رايحه،
ريما : هاا ليه
العنود: اخووك ذا منحرف
ريما: هههههههههه توك تدرين
العنود: هااا اما وش يسوي
ريما: هههههههه وش سوالك
العنود: ها ولا شيء
ريما: عليييينا
العنود: ماابروووح له اخوك ذا مسوي فيها رومنسي
ريما: ههههههههههههه وش سوووووى عشان تعصبين عليه هههههههه اعرفه بس مدري وش سوى بالضبط
العنود تضيع السالفه: انتي غريبه ما جيتي مع السواق
ريما: تضيعيين السالفه ههه بسأل نواف وعادي بيقولي ترى وجيت معه لانه مسوي لك مفاجأه
العنود لا مستحيل يقولها لو قالها معناته وقح اوو بعدين الحين لازم اروح مع مشعل التحدي اليوم: بس انا مقدر اروح اليوم
ريما: ليشش زعلانه منه مدري وش سووى بس اكيد نسي بعدين حرام والله جهز وتعب
العنود ياربي نفسي اروح بس عشانه: انا لازم اروح الحين (وطلعت)
ريما شكلها زعلانه منه احسن يستاهل نواف مدري وش سووى بس اكيد شطح شووي
العنود طلعت مع باب الفيلا الخلفي وركبت مع السواق وطلعوا
ريما طلعت لنواف كان واقف بالحديقه ع جواله
ريما: حرام راحت كشختك ع الفاضي
نواف: هاا ريما وينها
ريما: وش سوويت لها امس
نواف رافع حاجبه: وش سويت
ريما: تقول انك منحرف ما راح تجي معك
نواف تذكر: هههههههههههههههههههههههههههههههه
ريما: يعني سويت شيء
نواف: ههههههه لا هي فهمت غلط
ريما : احسن تستاهل ماراح تجي
نواف: وينها انا اراضيها باسلوبي
ريما: مااادري طلعت
نواف: وين
ريما: مدري بس محزني شكلك راحت كشختك ع الفاضي بس فاتها شكلك يخقق
نواف كان لابس بنطلون ابيض وتيشيرت وجاكيت رسمي وشعره مسويه بالجل كاان شككله خقققه
نواف حط يده يلعب بشعره : اصلا عادي
ريما: طيب ودني المكان اللي كنت بتوديها
نواف انحرج: ها لا مااقدر
ريما: لييييه
نواف يكذب: كنت بوديها مطعم
ريما: خلاص اعزمني انا
نواف ابتسم: من عيووني بس ناخذ شهوود معانا
ريما: اوووك

نرووح شوي للعنود ومشعل
العنود: خلاص وقف هنا
السواق: اوك
نزلت العنود تدور لمشعل (المكان اللي راحت له كان بالبر كان هدوووء وظلاام شووي )
العنود كانت لابسه ثوب وشعرها لافته بالباروكه ولابسه الغتره ولافتها بس طالع شكلها حلووو
حست بأحد غمض ع عيونها من ورى
العنود شهقت من الخوف: هييييييئ
مشعل: ههههههههههههههههههههه
العنود: اننننت
مشعل يقلدها بنفس النطق: ايييه
العنود كشرت
مشعل: يييلا نرووح
العنود: اووك
بسيارة مشعل جالسين العنود ومشعل مشعل مكان السواق والعنود جنبه
مشعل: وليد تعرف تسوق،
العنوذ: اءء لا
مشعل: لازم تتعلم شوي اقل شيء
العنود : بس
مشعل: اذا انت ولد اكيد تعرف شوي بالسواقه تعال اركب مكاني
العنود: هاا
مشعل نزل فتح لها الباب وركبت مكانه
مشعل: يلا جررب ورني بس وش بتسوي انا جنبك لا تخاف
العنود ~ممم اذكر ابوي وخالد علموني مرره يلا فرصتي اجرب(دعسست وبدت تسووق طبعا كانوا بمكان فاضي)
مشعل مستغرب: كل ذاا وما تعرف
العنود مبسوطه: صدق اعرف
مشعل: بقوووووه احس لو تشد حيلك شوي تهجول
العنود: اهجول وش يعني
مشعل رافع حاجبه: اما ما تعرف
العنود: ايي
مشعل مسك يدها: تصدق انا اذا كنت معك احس بشعور غريب
العنود سحبت يدها: خييير وش تقول
مشعل بخبث وبابتسامه: انا جاد ترى انا مستحيل احب ولد موو انا اللي اكون شاذ
العنود: هييئ استح ع وجهك
مشعل قرب بابتسامه هاديه : انت بنت !
العنود ارتبكت وخافت منه: خيييييير وش تقوول وجع
مشعل: هه وشفيك استحيت
العنود~ يممه ياا وييلي وش اسووي وربي خايفه واضح انه يعرف او شاك المشكله المكان ذا مافيه غيرنا ياارب سترك بس العنود: مااستحيت بس انت وقح
مشعل: انا وقح !
العنود: اييي
مشعل بخبث: لو انت ولد كان فيك ملامح رجوليه شووي
العنود وش قصده ذا: مو مالي عينك
مشعل ابتسم : مالي عيني وبسس اخذت عقلي معك صار كل تفكيري فيك ليش تتوقع عشانك ولد ويمكن لانك حلو! اكيد لا
انتهى البارت
توقعاتكم
هل مشعل بيكشف العنود؟
العنود بتكون بديل لنواف اليوم او لا؟



تعديل Aama0019; بتاريخ 05-05-2014 الساعة 06:46 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 05-05-2014, 10:07 PM
صورة سهآم الشوق الرمزية
سهآم الشوق سهآم الشوق غير متصل
©؛°¨غرامي مشارك¨°؛©
 
الافتراضي رد: ولأجلك ترى سويت كذا /بقلمي


بِ انتظآر البارت القادم

قسم روايتكك روعهه

كمملي ترآي متحمسه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 05-05-2014, 10:20 PM
صورة Aama0019 الرمزية
Aama0019 Aama0019 غير متصل
©؛°¨غرامي فعال ¨°؛©
 
الافتراضي رد: ولأجلك ترى سويت كذا /بقلمي


اقتباس:
المشاركة الأساسية كتبها سهآم الشوق مشاهدة المشاركة
بِ انتظآر البارت القادم

قسم روايتكك روعهه

كمملي ترآي متحمسه
تسلميين انتي ارووع
ان شاء الله ابشرري البارت بيكون بيوم الخميس ان شاء الله

الرد باقتباس
إضافة رد

ولأجلك ترى سويت كذا /بقلمي؛كاملة

الوسوم
اكشن ، غموض , تضحيه،سامي،تولين , بقلمي , حب ، رواية , روايه ، روايات , روايه،روايات , زوجة , سويت ، كذا ، امول , ولأجلك , نواف،العنود،خال،بدر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تلوموني ولا تعاتبوني لانو ظروفي خلتني اتنكر كولد /بقلمي؛كاملة صمتـي لغتي~ روايات كامله - يتم نقل الرواية هنا بعد اكتمالها 3419 18-11-2018 09:45 PM
رواية تحت الرماد رجل يحترق /بقلمي؛كاملة ايفاادم روايات كامله - يتم نقل الرواية هنا بعد اكتمالها 80 12-01-2017 06:28 AM
صار القلم يحكي ألم /بقلمي؛كاملة Angel sinless روايات كامله - يتم نقل الرواية هنا بعد اكتمالها 759 23-07-2016 09:10 PM
وش أسوي بدونك /بقلمي نهى:$ روايات - طويلة 13 23-06-2014 12:59 PM
أيام لندن /بقلمي؛كاملة salwani روايات كامله - يتم نقل الرواية هنا بعد اكتمالها 45 28-04-2014 04:33 PM

الساعة الآن +3: 05:21 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1