غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 571
قديم(ـة) 09-08-2014, 03:28 PM
صورة مس ميلانو الرمزية
مس ميلانو مس ميلانو غير متصل
©؛°¨غرامي متألق ¨°؛©
 
الافتراضي رد: روايتي الثانيه:عابرات فـوق السنة النيران


اقتباس:
المشاركة الأساسية كتبها زهرة المايا مشاهدة المشاركة

انا زعلانه منك مس ميلانو ليش طنشتي ردي مع انه ثالث رد وطويل ورديتي على اللي بعدي
لا تكوني بس زعلانه مني انا وghaidaa122 وعشان كذا مارديتي علينا تهيء تهيء تهيء
خلاص انا زعلانه منك لا تكلميني





















لكن راح ارضى عليك بشرط تهدي لي بارت طويييييييييييييييل

Then i will forgive you


لا لا لا اما مارديت على شيخة البنات
سوووووووووووووووري ياعمري وربي وربي يادوب اتعلم على الرد الجماعي
مدري وش اسميه هههههه << خليه بينا اووتسي
واحد يزعل من هالحلا والطرا ما اظن فدييييييتك
ابشري والله لعيونك البارت الجاي انتي وجود وغيدا وربي انكم ببالي ومتفشله بقووووه
احبتسسسسس يابعدي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 572
قديم(ـة) 09-08-2014, 04:20 PM
صورة مس ميلانو الرمزية
مس ميلانو مس ميلانو غير متصل
©؛°¨غرامي متألق ¨°؛©
 
الافتراضي رد: روايتي الثانيه:عابرات فـوق السنة النيران





سيدي..سجاني..جلادي
هل اخبرتك عني من قبل؟
هل اخبرتك؟
اتعلم مالذي يقبع خلف ذاك الوجه الجميل
وحش يعيش بظلام مستميد..
ايا روح اناضل من اجلها؟

ايا حاضرا ومستقبلا احارب من اجله؟
ارجوك امهل نفسك ثواني وانت تقرأ سطوري ..
اتشعر بأحساسي ؟
اتحس بأنتفاضة قلبي قبل قلمي؟
كيف تشعر بي وانت من انزل بي حكم اعدامي!!



بين جدران القصر البارده والمظلمه الخاليه من أي
نوع من الارتياح قصور غلبها الفخامة والرفاهة ولكن
سلبت منها طعم الراحة..

فتح البلكونه سند يديه السمراء العريضه بالسياج احلام
لاتنفك ترواده البنت الذي رماها بطريقه الزمن وكانت وسيلة لأفراغ
بقايا الحطام الذي يتربع بداخله..

قبل 7 سنوات..
وبموسكو وتحديدا بمسرح "البلوشوي"
جالس بالمقدمة ويراقبها وهي تقدم عرض راقص باليه
مع المجموعة انتهت الفرقة وقف مبتسم وصفق بحرارة

بعد برهة من الوقت..
خرج وشاد على كتوفها والابتسامة لاتفارقه
جيسيكا "روسيه من اصل مغربي" :هل اعجبتك الفقرة كنت سأتعثر
ابتسم بحب:خطفتي انظار الجميع ماذا تريدين بعد؟

"وقفت فترة سكتت حس بالكلام اللي تبغى تقوله كالعاده
انه يعترف بزواجهم لف بأعراض"

:لن تنسي ذلك ..بعد عنها
مسكته من طرف جاكيته وبعيون دامعه:ارجوك جسار لما لاتريد
ان يعرف والدك بأمر هذا الزواج هل لأنني غير مسلمة؟

جسار بقهر واضح:قلت لكي اغلقي تلك المسألة لن اناقشها معك

صرحت بوجهه:حسنا اذا كنت ستعود من اجل الزواج من واحده
من عائلتك سأقولها لك اذهب ولاتدعني ارى وجهك ابدا وسأرفع
قضية الطلاق وسنرى ..مشت وتعدته وقف مقهور منها

لمعت عينه بكرهه:محمد الكلب ساعدتها لتكسرني وتسحب نص
ثروتي وصفيت على الحديده لولا لطف ربي بس ماعليه الايام بينا

:
:
بتطلع للدرج وقفها صوت:احمم

لفت بفزع شافته وبأستغراب:فواز " اخو سلمان اللي يدرس ببريطانيا
تعرفت عليه اليوم بالصباح"

فواز حك راسه بأحراج:شفتي سلمان الوالد يبغاه ومختفي

ندى بكرهه واضح:بحريقه مو عارفه وين ذلف

"فتح فمه استغرب كلامها لف على الصوت عرف بتصير مصيبة بهالوقت"

سلمان برفعة حاجب وقهر:منهو اللي بحريقة؟

لفت ندى وبسخرية واضحه:واحد ينقال له سلمان بن سعود
سلمان بغرور:اسمه يكرم لتنطقينه بلسانك

ندى بقهر:تراه زلابه لاراح ولاجاء
فواز بسرعه:ياجماعه صلوا على النبي

لف عليه سلمان وبنفخه:وانت وش موقفك هنا؟
فواز بقهر:بحريقه تحرقك حلال اللي تسويه فيك
ومشى ولحقته ندى بيلحقها سمع صوت عادله وراه اللي ابتسمت

قربت منه :مبروك ماسويت ياولدي

سلمان بنبرة سخرية:لاتغترين بهالزواج تراه بس عشان اكسر رؤوس هالعمات
وزوجك المصون واللي منثبره فوق "يقصد ندى"

عادله بلمت هاللي ماحسبت حسابه:يعني انتي متزوج روز عشانهم؟
سلمان بقهر واضح:عليك نووور ولشيء ثاني احتفظ فيه عن اذنك
تركنا العروس ..مشى وهي مصدومه
:
:


هيا بقهر تكلم:شفتي اللي سواه سلمان فينا
مها تهديها:يابنت الحلال هدي خلوه على راحته

صاحت هيا:وش خلوه على راحته اصلا سعود بينفجر وناوي له
على نية قشره وانتي تظنين سكوت بنت سميرة على الفاظي والله انها بتجرجره

مها بخوف:لا ان شاء الله انها عاقله بعدين هي تعرف هالشيء عندنا مو من
حقها ترفض
هيا بضحكة:طلقت ثنتين من حريمه بتخلي ذيك اللي ماتتسمى نتفي شعري
اذا ماكانت تخطط ووراها بلا وسكوتها ذا ماهو لله

مها:الله يستر انتي استعديتي لزواجك؟
هيا بكرهه:فكينا يامها من هالطاري جهزت له بش شكله بيتأجل سعود
سكوته محيرني

مها تبغى تخنق اختها على هالمعانده:هيا خلاص ماصارت تدفنين عمرك
يمكن خيره لك ماتدرين

هيا بسخرية:خيره وانا بذلف بعيد عند اهلي يرحم والديك صكري على
هالسيرة صارت تمغثني
:
:
جلست بتملل من هالوضع من بعد اخر موقف جمعها بلؤي وهي حالفه
يمين معظم ماتخرج واللي فيها فيها واخر عملية راح تكون
بعد بكره بس تحس الوقت طوييييل عليها..
لفت شافت لميس تلعب ريان اللي بدأ يتعود على الوضع الجديد رغم
انه يردد اسم امه الاجنبية بعض الاحيان..

بدخول امها :السلام عليكم
لميس وليلى:وعليكم السلام

حاسه ان امها كارهه الجلسه معها ففضلت تاخذ ولدها وتطلع فوق
مسكت يده بتمشي:وين رايحه؟
ليلى بهدوء:بطلع اغير ملابسه
امها وعيونها مركزه عليها:خلي لميس اجلس ابغاك بموضوع

"بسرعه طالعوا بعض لميس وليلى مو متوقعه ان امها اللي من
جات وهي صاده عنها تبغاها بموضوع"
لميس بسرعه:تعال ريانوه نطلع نروشك ..خرجت معه
جلست وبتوتر:خير ان شاء الله
امها هزت راسها:كل خير اليوم قابلت زوجك لؤي
"انصدم وجهها وتغير" همست:طيب
امها بهدوء:ناوي يرجعك وانا وافقت
مطت عيونها وبصدمه:ايييييييش؟

:
:
واقفين ربع ساعه برا ينتظرون نتائج التحليل
جاء دليم واشر على الورقة مبتسم:متوافقين

امها بفرحه:صدق
حمر وجهها ونزلت عيونها وخرجوا ودليم دق على متعب

دليم حط سبيكر:شوفوا وش بسوي فيه ان مانشفت دمه هالشيخ المهايطي

"ضحكت فاطمة بخفه من خبث خالها"

جاه صوته الرايق:هلا ابو نواف

دليم:هلا فيك ابو مشاري وش علومك؟

متعب اللي اشر لأخوه ينزل الذبيحه:ابد سهود مهود وش علومكم؟

سكت دليم فترة ويمثل بأسى:مدري وش اقول لك يامتعب اليوم طلعت
نتائج التحاليل

كان يمشي فجأة وقف وبخوف من نبرة صوته:ايه طيب
دليم بكذب:هذا نصيبكم ربي ماكتب
سكت متعب لفترة ثم قال:الحمدلله على كل حال الله يوفقها مع ابن الحلال
اللي يستاهلها

"ماتعرف ليش حست بضيق يمكن لأنه استسلم بهالسهوله"

دليم بضحكة:هههههههههههه اقول ننتظركم الاسبوع الجاي

متعب سكت ثم صرخ بقهر:لعنبوووووك انت بتخرج عيوني في ذا العرسه

دليم:ههههههههه تراهم يسمعونك "يقصد فاطمة"
متعب بهدوء:احمم
دليم :اقول ماودك تظف وجهك
دليم بقهر:ماعليه يادليم مصير الايام تدور

حست بأحراج فظييييع يمتلكها قعدت تلعب بجوالها وتشوف دليم اللي بعد
السبيكر و يطالعها
بطرف عينه من المراية ويضحك بقوة حست انهم زودوها


:
:
من بعد ماكلمت امها اللي عاتبتها وزعلت منها بس لما علمتها
بزواج سلمان هدت وصارت تهديها وتقول ان الدنيا ماوقفت على رجال
وانها ماتنقهر وتطلب طلاقها وتجي عندها بس هي رفضت مو حبا له
لا في شيء براسها بتسويه قبل ماتخرج من هالقصر..

ندى""

من بعد ماقفلت من امي وانا يالله امسك دموعي ياربي وش صار فيني
صرت دميعه على اتفه شيء تنزل دمعتي يمكن من هالحمل
احس بألام ببطني تروح وتجي بس ماتوازي الالم المدفون بقلبي

لبست عبايتي ورميت الشيله على كتوفي كرهت كل شيء
مالي نفس اتغطى الود ودي امشي وانا عاريه حتى ابرد احس
هالملابس اللي علي تحرقني مثل الجمر صادفت فوزية واختها سحر
صديت بسرعه ما ابغى نظرة الشفقه والحزن بعيونهم

نزلت تحت شكلهم مجتمعين
سمعت اصواتهم المتحمسه محمد وفواز والكريه اللي ابغضه من كل قلبي
لو الموت بيدي كان هديته له بطيب خاطر ..دخلت
فجأة عم المكان الهدوء وسكتوا

"سلمان"

استغليت سفرة ابوي لواشنطن اللي جات مستعجله
وخليت روز تنزل وتتعرف على البنات وكانت مجرد مستمعه بينا
بدخولها رفعت عيني مو مستوعب هاذي انجنت داخله علينا وشعرها
مفتوح على كتوفها ويحركه الهواء
صرخت فيها:برااااااا

فزت من صرخته انتبهت انها قدامهم وشعرها مفتوح
بسرعه خرجت وراحت للمر طالعت بنفسها بالمراية ما انتبهت
صايره تمشي بدون وعيها عقلها مو معها..

بجية احن قلب في هالقصر لايغركم المظاهر "منال"
منال بخوف:ندى حبيبتي

لفت وبهدوء:ماكنت اقصد

منال برحمه لحالها اللي انقلب 180 درجه:ادري حبيبتي تغطي وتعالي
اجلسي معنا ولد محمد بيسافر بيروح بعد ساعه
تلثمت بسرعه كارهه الرجعه بس تحب ولد محمد ولازم توادعه

دخلت:السلام عليكم
الكل :وعليكم السلام

جلست جنب فوزيه اللي جنبها ولدها وشافت روز مسكت يد سلمان
بسرعه وكأنها خائفه تفقده وهو يهمس لها ويبتسم

آآآآآآآآآآآآآآه ياناااااااااااس ناااااااار شابه بصدري نااااااار خائفه تحرق
ناس قبل ماتحرقني

قامت سحر وصبت قهوة مدت لها همست:اسلمي
فواز برجه:اقول ندى والله ان اليوم الغداء ماله طعم من دونك
الدنيا ظلمت وانتي مو معنا
حمر وجهها ياهالفواز مؤدب اخلاق غييييير عنهم غييير
:مايحتاج نورك يكفي يا ابو سعود
ابتسم ويشرب قهوته ..

لفت على ولد محمد قربت منه:متى سفرتك؟
ابتسم:بعد ساعيتن "يرقص بحواجبه" بروح عند المزايين

ابتسمت بخفه:الله يوفقك اذا احتجت شيء لاتتردد علمني
غمز ويطالع بأمه رفع صوته:وتلوموني فيها

فوزية ضحكت من قلب:ههههههههههههه
سحر اللي كانت جنبه ضربت كتفه:وخالتك وش لها؟

توجع من الضربه:آآح مالك الا "غمز" خالي نايف
حمر وجهها:قليل ادب ماتستحي
ضحك بقوة :ههههههههههههه

"عينه فيها طول اليوم تقرب من فوزيه وتهمس لولد محمد
اللي يغمز لها ويضحك وده يقوم يمسح فيها الارض ماخذه راحتها
وفاكه الميانه بقوة"

روز وقفت بصوته اللي واضح عليه الانزعاج:على وييين؟

روز انصدمت همست:بروح احضر لك عشاء مو قلت جوعان
سلمان بقهر:ماهو انتي اللي تروحين ندى

لفت وعينها بعينه زفر فواز اللي عرف ان بتصير كارثه اليوم
:قومي سوي لي عشاء

فوزيه تدخلت:تعشى معنا ياسلمان كلها ربع ساعه ويجهز

سلمان حط رجل على رجل وبعناد:وانا قلت ابغى اتعشى اللحين
ماسمعتي قومي

ندى بقهر واضح:والله جنبك المحروسه حقتك خلها تقوم
روز خافت ماتبغى مشاكل:خلاص انا بر

قاطعها صرخته:قلت تقوم ورجلي على رقبتها وانتي"يوجه
كلامه لندى" مثل ماهي محروستي انتي بعد تراك زوجتي لاتنسين


ندى تحس بقهر:لامانسيت الظاهر انك نسيت اني زوجتك وترفع صوت
علي وتتأمر لا يا ابن سعود ماجابته امه اللي يمشيني على كلمته
وكلمتي ما اثنيها ماني متحركه من هالمكان ووريني وش عندك


طلعت عيونه تكلمه بهالطريقه قدام اخوانه قام وفسخ عقاله
وقرب منها ضربها على يدها قام فواز ومسكه صرخ:انا يالكلبه ترفعين حسك
علي يالنجسه ؟

محمد قام:سلمان اذكر الله
نايف:هدوا ياجماعة الخير مايصير كذا
سلمان بعصبيه وعيونه حمر:قسم بالله ياتربيتك انها على ايدي

ندى بخوف باطني ووجع من ضربته:اللي ماتطوله بيدك طوله برجولك ماناقص
الا انت تربيني ماخذ راحتك بيدك يوم انك داري ابوك ماهو فيه ليوقفك
عند حدك

بيتهجم دفه فواز اللي صرخ بقهر:صاحي انتي ترفع يدك على مره
نسيت اللي ببطنها

سلمان بغبن واضح رفع سبابته:والله واللي رفع ونزل سبع
ان هاللسان مصيره ينكوى "لف على روز صرخ" انتي امشي
الحقيني

مشت معه وتحس بخوف شافت نظرات الشفقه والرحمه بعيونهم
صحيح البنات حالتهم مو بأحسن منها بس على الاقل ولاوحده
منهم انصفقت والا انضربت وانهانت مثلها..

بدخول هيا ومها اللي عليهم عباياتهم توهم واصلين مبتسمين
لما شافوا الكل واقف وندى متمسكه بفوزيه بلموا

هيا بفجعه:وش صاير؟

مسكت نفسها لاتبكي قامت بسرعه من عندهم ودخلت المطبخ"
جلست على الطاولة وعينها على ضربة العقال اللي علمت بيدها
بكت بتوجع رحموا حالها الخدم اللي سمعوا صوت الصراخ"

مها انقبض قلبها:تكلموا وش فيه؟

فواز بضيق:ولدك اخوك المصون ضرب مرته بالعقال
هيا بهلع:من سلمان؟

روز بغصه:حرام اللي سويته
لف عليها ورافع حاجب:نعم وش تفضلتي وقلتي؟

روز بدفاع:الله مابيرضى بالظلم لأرضي فيه سلمان حرام اللي سويته
تراها مسكينه مافيها الا لسانها ونسيت انها حامل

سلمان صفق:برافوو كملت والله "صرخ بوجهها" ومن عينك محامي
دفاع عنها؟

روز بغصه:ما ادافع عنها ولو وحده بمكاني كان تشمتت وفرحت
لكن تراك محاسب حرام تمد يدك عليها وهي ضعيفه لاحول ولاقوة

قرب من سلمان رمشت بخوف اكثر من مره همس:اهتمي باللي يخصك
وبس سمعتي
روز:....
صرخ:سمعتي

تنافظت:سمعت سمعت ...خرج وتركها تأففت وانا وش دخلني بحريقه
لو صار العكس ماكان دافعت عني وكان فرحت

:
:
ليلى بعدم تصديق:يمه وش اللي تقولينه؟

امها:اللي سمعتيه ياترجعين لزوجك ياتوافقين على ذا
اللي تقدم لك

"كل ماتذكرت لؤي واللي سواه فيني اكرره ودي اذبحه
واشرب من دمه الموت ارحم اني ارتبط فيه مره ثانيه توه يحس
توه يعرف ان عنده زوجه وولد هه أي ولد اللي جاء من اغتصاب حمدت ربي
الف ان كان فيه بذرة خير ذاك الوقت وعقد علي طلعت غلطانه
مو خير الا خائف من الفضيحة خائف اهله لاينفنونه برا السعودية
وماعاد يرجع"

رفعت راسي:ماراح ارجع له وموافقه على هاللي تقدم لي

امها بهدوء:ماتبغين تعرفين منهو

وقفت وانا مو مهتمه:مو لازم

"طلعت الدرج وانا احس بنار تكويني لييييييش كل شيء ضدي
انا ليلى اللي قبلت ادخل ذاك الوكر وكر الدعاره حتى اخدم
وطني انا اللي قدرت احمي بنات هالبلد واخليهم يتراجعون
من انهم يدخلون هالعالم القذر عالم شبكات العصابات
شفت لميس تلبس ريان وهو يضحك يآآه هالولد يمكن هو اكبر
نعمه لي عوضني ربي فيه بعد كل هالعذاب "

:
:
هيا بهدوء:وينه هو؟
محمد:طلع هو ومرته الجديده

هيا برفعة حاجب:نعم قد ست الحسن والدلال تتمخطر بهالبيت
نايف زوج سحر:ياعمه زوجته ترا

هيا بقهر على ندى:لا ماعنده غير زوجه وحده

وانت "جات عينها بعين فواز" جاي من لندن ولاقلت اسلم على عماتي
اعايدهم
فواز عرف انه اكلها لعن سلمان الف مره:هلا عمتي يالله حيها كل عام
وانتي بخير

قام باس راسها بعدت عنه:بدري توك تتذكر؟

حك راسه:وش اسوي وصلت ليلة العيد الله وكيلك

مها بحب له:وش اخبارك هالمره طولت علينا

فواز :نحمد الله باقي كورس ونعدي
غمز لهيا:اييه الحلاوه دي يابت ائمر

جلس جنبها وهي لافه وجهه قرب:قالوا انك عروس

لفت بسرعه وعطته نظرة ضحك من قلب:هههههههههههههه
وش اسوي حرمتينا من هالوجه السمح

هيا دفته:يلعن هالولد يعرف كيف يطيح اللي بالراس اللحين
فهمت ليش نقعت هناك مو عشان دراسه"بنص عين" عشان الشقر

قرحها ضحك:ههههههههههه انشهد انك دائما فاهمتني

بدخول ندى اللي معها دلة القهوة ووراها الخدامه شايله حلويات
وفطائر
رحبت بحرارة:يالله حيهم
قاموا هيا ومها سلموا عليها وهيا احتضنتها بحرارة

طالع فواز بأخوانه مستغرب منها توها كانت مثل الطير المذبوح
واللحين جبل مايهزه ريح
جلسوا صبت لهم قهوه ورحبت

مها كل مالها تكبر بعينها :وش اخبارك ياندى وش هالغطه؟
ندى بأبتسامه تخفي الوجع:الحمدلله بخير

بدخوله:غطينا لنتمم عرسنا يالله حيهم
نقدوه على كلمته قامت مها وسلمت عليه وهيا جالسه عرف انها
متضايقه منه رفع جواله:انزلي تحت ..وقفل

شوي بدخول روز:السلام عليكم

ردوا السلام بتقوم مها تسلم عليها مسكت يدها هيا وجلستها
قامت مها وسلمت متفشله من سلمان..

قربت من هيا مدت يدها رفعت عينها بقهر:مابيني وبينك سلام

فوزيه تلطف الجو:يالله تأخرت على رحلتك
قام ولدها سلموا عليه واحتضنته وتبكي وتوصيه

وصل عند ندى اللي قربت منه وهمست له:اللي ماعطاني بهالدنيا
اخو بس انت مثل اخوي الصغير انتبه لنفسك ولدراستك

ابتسم واشر على عيونه
سلمان بجديه:لاترجع لنا الا وانت رافع روسنا بالشهادة مو تلعب "يقصد فواز
اللي تأفف من هالطاري "
هز راسه وخرج بعد توديع وبكاء فوزيه

سحر تمسح دموعها:الله يستر عليه
سلمان بجمود :تراه مو رايح يجاهد بيروح يدرس

"طالعته بحقد طول عمره واطي ودنيء يظن الناس مثله ماعندها مشاعر
شافته مركز عينه تحت طالعت بطرف كمها المرتفع ويدها طالعه ومبين
الحمار والضربه بسرعه نزلت كمها ولفت وجهها بحقققد وغل تجاهه"
:
:

اليوم الثاني..

صحيت من النوم واشوف ريان يناظرني مدري وش
فيه كأنه خائف قربت منه وطبعت قبله قويه على خده وامسح شعره

لعب بطرف روبي القصير:بابا

كشرت فجأة وصار يردد اسمه بدخول لميس اللي تلهث
:الحقي
قمت مفزوعه:وش فيه؟

لميس بحيره:شكل اللي تقدم لك تحت
فتحت عيوني بوسعها ودي احد يصفقني:وشووو؟

ضحك بخفه:صدقيني ياخاله مابلقى ناس اجاويد وطيبين مثلكم

ام ليلى اللي متغطيه من راسها لرجولها ويالله تبان:الله يقدم اللي فيه
خير ياولدي

لميس بتردد:يقول اسمه جسار وو يكون اخو طليقك

"هنا صحت لااااااااااا خلاص هالمهزله اللي تصير ماني قادره اتحملها
ماحسيت نفسي الا لابسه عبايتي وتلثمت أي كلام المهم اشوفه ابغى
امسح فيه الارض لهنا وبس تحملت ظلمك وجبروتك ياجسار و اغتريت بضعفي
ماراح اسمح لك تربطني معك طول عمري يالنجس"

بتتكلم امها بدخول شيء اسود ويهجم عليه ويرفع صوته:انت
وش اللي جابك هنا؟

رفع حاجب بأستخفاف

امها بنهر:ليلى ياقليلة التربية امسحها بوجهي ياولدي

قاطعتها وهي تصيح:ياكله تبن من يكون تتعذرين له هذا هو
اللي تبغين ترميني له؟

جسار بهدوء:وطي صوتك عيب اللي تسوينه

ليلى لفت ورفعت صوتها:انت اوووووووص ولاكلمة يلا قم شل قشك
واطلع برا ما احنا بحرى جمايلك يالتعبان يالمريض

عصب لهنا وبس:امسكي لسانك قبل

صاحت:قبل وش وش بتسوي ها حبيبي ان سكت له قبل مابسكت
اللحين
امها بعصبيه:ليـــلى !

جسار برفعة حاجب:انا اترخص والمعذره ان كان وجودنا ضايقكم
لكن مابخرج من هالباب الا وولدنا معنا

سكتت و بسرعه شلت ريان اللي كان وراها وماسك طرف عبايتها
بقهر:مابتاخذه الا على جثتي

امها بتعب:فكينا من المشاكل يابنتي الرجال شاريك ويبغى يضم ولد
اخوه اللي مادرى عنه وين بتلقين احسن منه زوج لك

"طالعت بأمها اللي عيونها مكسوره وتترجاها بنظراتها كفاية
اللي يصير لهم بسببها اصلا من رجعت وهي جابت لهم الهم والغم
وعرف رجب مكانها ممكن تسبب حياتهم بخطر
طالعت بريان اللي متمسك برقبتها بقوة وكأنه خائف
يفقدها"

نطقت بهمس:موافقه ..

"طالعها بأنتصار حقق اللي يبغاه هو اللي كسب بالنهاية فجر قنبلته
قبل لايطلع"

جسار بثقه:اليوم بنعقد ومهرك مابيسري هالليل ان قاله الله الا
وهو بيدك

ليلى فتحت عيونها وتحاول تخبي قهرها حتى مايستمتع وتعرف
انه بيترقص من الفرحه:موافقه

جسار وقف:اجل انا استأذن وبعد المغرب بجيب المملك
بعد مانمر الوالد بالسجن ليوافق
:
:
مطيت عيوني بذهول وانا اسمع ان ملكتي صارت بعد يومين
صرخت بفجع:متى يمديني اتجهز وش على كيفهم هم؟

دليم رفع كتفه:والله ذا الشيخ متعب ولاقال تسرين معه بس رفضت
مو على كيفه

عصبت وصرخت:ياكله تبنننن

دخلت وصفقت بالباب واسمع صوت ضحكهم هييييين"
ياسيد متعب على كيفك هو تحسبنا مثلكم كل شيء يتم بلمح البصر
اصلا كنت بقولهم ابغى زواج مختصر بس دام حطني تحت الامر الواقع
يبشر يجهز فلوسه لأني بالعربي المختصر راح اكسر ظهره بالعرس اللي راح
اسويه بأكبر قاعات الرياض كلها..تأففت وانا اشوف جوالي يدق
دلال التبن مقيوله اخواني ماوافقوا على هالعرس وتذكروني الا لمصلحه بعد ماعرفوا
ان ابو متعب واهله عندهم خير واجد مزارع بالقصيم وحائل والرياض"


صالحه بروعه:انت صاحي تحسب علومهم مثل علومنا؟

تكى متعب:وليش وش بنا فرق كلنا آوادم

امه بطفش:ايه مير كل قبيلة ولهم سلومهم تظن مثلنا يجهزون بيومين
والملكة والدخله بليلة وحدة

متعب رفع حاجب وابتسم بخبث:وش اسوي مشتاق يمه

الجازي حست بحرارة تلفع وجهها قامت عنهم وهو يعلق:مصيرتس
تلحقينها ترا

صالحه حطت يدها فوق بعض وبنقده:وش قومك انفداك خبلت؟

غمز:قومي انفداتس انها جنت على نفسها من زينها

ضحكت امه من خبثه :هههههه هي نظره وسوت فيك كذا اجل لو هي حولك
وش بتسوي؟

متعب بيتكلم سكت لما شاف صالحه:بعدين اقولتس "وغمز"
لفت وجهها صالحه حمر وجهها وهو يضحك


بالقرية لكن بمكان اخر..

تخصرت :مالقيت غير الجيز تاخذها جعلها اللواء
عصب:لواء يلوي فمتس يالخايسه ايه باخذها وش عندتس؟

"مناير بقهر ان خطتها ماظبطت وانها كذبت انها حامل عشان يرجعها
متعب اللي بدوره اخذها هي وامها وابوها للرياض وحللت وطلعت تكذب"

:عندي انها ماتناسبك دور غيرها
نواف كتف يده يده وبغيض:وماني ماخذ الا هي وغصب عن ذا الخشم

قامت معصبه منهم وتسب وتلعن بتموت قهر خصوصا بعد ماعرفت
ملكة متعب وفاطمة

فاطمة""
قعدت ارتب بأغراضي رفعت صورة يوم زواجي اللي كان مختصر
جدا بسبب بخل اخواني بس لبست فيه ثوب ابيض امحقق الا كفن ابيض
يآآآآه ياذاك الماضي يا انه يوجعني حمدت ربي وشكرته ان طلع
بوجهي متعب كشرت فجأة لما تذكرت اللي سواه من البداية يبغى يمشي
كلامه طناخه بسبب مكالمتي له

قبل يومين ..

الجازي بشرهه:يامال الضعفه يارب يالسلقه لييييييييييش؟

بعدت الجوال عني صوتها اخترق طبلة اذني:وش عندك؟

الجازي بقهر واضح :يخطبتس اخوي ويشوفتس شوفه شرعيه
ولاتقولين لي بذمتس انتي في وجهتس سحى

ضحكت من قلب معها حق :هههههههههه سوري

الجازي بصرخه:وشهووو

فاطمة تمثل كلامهم:السموحه منتس انفداتس

الجازي كبر راسها:ايه تسذا مرت الاخو السنعه الا اقولتس
كيف كانت الشوفه؟

حمدت ربي بداخلي انها نست اني ماعلمتها:ابدا تسد النفس

الجازي:افا وش هالعلم انتي وهالوجه تقولين ركبة بعير

فاطمة بثقه:لو شفتي اخوك كيف يقزني مععجبببب ماكان قلتي كذا


الا انسحب الجوال من يد الجازي وبرفعة حاجب:عجيب منهو ذا اللي
قزتس؟
طاح قلبها ببطنها لا اراديا صاحت:آآآآآآآآآآآ

بعد السماعه وغمض عيونه:وجعه والصوت ماهيب بنت ناقة
الجازي فرطت ضحك :هههههههههههههه

فاطمة بقهر سمعته:لو سمحت عطني الجازي

الجازي تحاول تاخذ الجوال وهو يحط يده على وجهها يمنعها
:اجل اقولتس تجهزي لأن بنملك بعد يومين محسوبك ماقدرت اقزتس
صح من الخوف اللي فيتس

فهت وبصدمه:مستحييييييل
متعب يقهرها:جاتس اللي عندي هاا خذي الخبله حقتس

اليوم الثاني..

دخلت عليها الله والنومه نايمه على بطنها وتحتها المخده وفاتحه
فمها هزت راسها بأسى كيف بتنام عنده..

هزتها من رجولها:فطيم فطيييييم

لفت وجهها بنوم:هااااااه ابغى انام

امها بصرخه خلتها تفز:ورانا مقضى وسوق وانتي تبغين تنامين
يلا اخلصي غسلي وجهك والبسي عبايتك قد خالك يحمي السيارة

"طلعت امي وانا آآه ياناس ما ابغى الزواج ابغى النوم
النوم يازينه اهم من العرس ومن وجه متعب كشرت وصحيت
وش فيني عليه بس انا اكرهه اللي يمشيني على شوره ولا ماخذها طناخه
هين ياولد العنود بتشوف ان الطوله لي تتعب وراح اقسم ظهرك نصين
لا بالمهر اللي بشرطه ولا بالتجهيز علي نذر ما اخذ الا اغلى الماركات
حتى الجزم "تكرمون" اطلع هالطناخه من عينه حط الملكه بعد بكره
يتحمل اجل..

:
:
لميس بهدوء:يعني اجلتوا الملكه

ليلى ماصدقت السفر اللي طلع لجسار فجأة
:احسسسن

امها بنص عين:لاتخافين كلمتني امه بتزورنا نهاية الاسبوع
طاح قلبي ببطني:لا لا

امي بنص عين:وش لا احمدي ربك بس فيه من بيضمك انتي وولدك

لميس بقهر:يمه بس هم عايشين بقصور واهل عز يجون هالبيت
اللي فرشه قد بهت لونه

طالعت بلميس فعلا صادقه وعاد هالطبقه يآآه انهم يحبون المظاهر
وجسار اللي مابيصدق يمسكها علي شماته مدري ليه خطرت ببالي فكرة
مجنونة اني ارجع انفظ البيت كله واصبغه واثثه بتقولون من وين
لا لا مو من الزفت رجب من لؤي!!

رجعه لورى..

همست بخوف:لؤي

اشر لها تسكت وعينها بعين جسار اللي اختفى رفع حاجب
:ليه ماقلتي لي انك بالمباحث

طيرت عيوني فيه:وش دراك
ضحك بمكر:للأسف مستهينه فيني يامدام
تكتفت:خير ان شاء الله؟

لؤي بقهر واضح:هاذي اخر مهمه تروحين لها
كلمتهم وقالوا استغنوا عن خدماتك

صحت بوجهه :مو من حقك توقف رزقي

نفخ:أي رزق يامدام اللي يخليك ترتزين قدام رجال اجانب عنك
وبكامل زينك"طالعها بتأمل"

حست نظراته ماتبشر بخير من يومه كلب شهواته تغلب عليه
:انا بروح..بتمشي

وقفها ومسك يدها وبهدوء:كيف هو ولدي؟

ليلى بسخرية واضح:لاتخاف مافقدك اصلا هذا اذا كان
يحس ان عنده ابو

وبداخلها "وانا اكذب ياما سمعته ينطق اسمه واعصب
عليه واصارخ من قهري وانسى انه طفل جاهل بس كله من هاللؤي
اللي لو يوقفون العباد كلهم اللي ظلمهم عند ربهم ويسامحونه ماحللته"

لؤي بأنكسار واضح وهاللي شفى انش انش فقط من غليلها
:احسن له انا بوصلك

جت بتعترض اشر لها بالسكوت:احنا بوضع مايسمح تعترضين

وصلها للبيت جت بتنزل مد يده لها بطاقه
اخذتها قلبتها:وش ذي؟
لؤي:بطاقة صراف

ليلى بسخرية:ادري وش لزومها؟

لؤي وده يعطيها كف يعدل ملامح وجهها من اسلوبها
الخايس من ركبت معه وهي تذكره بكل شيء سواه وهو اللي انعزل
عن ماضيه وتاب:هاذي لولدي

ليلى رمتها بوجهه:ماهو بحاجتك

جات بتنزل مسك يدها وشدها ويتكلم بين غضبه:لهاللحظه وانا
امشي على كيفي خذيها لاطين عيشتك تالي هالليل قلت لك
لولدي ماهي لك

خذتها مجبوره ونزلت صفقت الباب بقوة وصرخ وراها:الله يكسر
هاليد يارب
وشافها تمشي تجاه بيتها وقف بأول الحارة عشان لا احد يشوفهم
ويشك بوضعهم

بالسوق ..

فرفرت ومالقت شيء اعجبها امها اوجعتها رجولها وجلست
على الكراسي ومشت مع دليم اللي سحبها غصب لمحل فساتين سهره

فاطمة بتوجع:آآي وش فيك؟

دليم بقهر وجهه محمر:وش فيني هاا صار لي ساعتين ونص افرفر
ولاعجبك شيء

فاطمة رفعت كتفها ببرآة:والله ما اعجبني كلها يامبالغ فيها
يا عاديه جدا ماتناسب ملكة

دليم بطولة بال:اخلصي شوفي هالمحل "بقهر يشد على اسنونه"
وماراح تطلعين منه الا ومعك الفستان عجبك اهلا وسهلا ماعجبك
اضربي راسك بالجدار

مشت من جنبه وتضحك هاللي تبغى توصل له ترفع ضغطه
محسوبه موافق على شور متعب وخالص ومعه بكل شيء يتحمل
هو بعد مشت تتأمل الفساتين وقفت عند واحد انشدت له ابتسمت
بحماس ورفعت يدها بأنتصار:لقيتك يسسسسسسسس

خلصوا اغراضهم وجلسوا بجلسات العوائل طلبت لها آسكريم
بينك بيري وامها ذره ودليم اكتفى بقهوة تعدل راسه اللي شوي
وينفجر

طالعها بطرف عينه:الله لايجعلني بنت واقعد افرفر بهالاسواق
"نعم صوته يتهزى فيها" لا هذا شفته على فلانه لا هذا موديله مرره
قديم لا هذا مبالغ فيه لا هذا مو ذاك الزود

فاطمه بنص عين:وش همك انت رجال لو تلبس ثوب قد له 4 سنين
ما احد درى بس احنا غييييييير

امها رفعت يدها:جعل ماتمر السنه الا واشوف مرته حوله يارب
انتفظ بسرعه:الله لايقوله "وبأنزعاج" يلا مشينا

لاحظت فاطمة وعرفت ان فيه بلاااا




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 573
قديم(ـة) 09-08-2014, 04:21 PM
صورة مس ميلانو الرمزية
مس ميلانو مس ميلانو غير متصل
©؛°¨غرامي متألق ¨°؛©
 
الافتراضي رد: روايتي الثانيه:عابرات فـوق السنة النيران



بعد يومين ..

لبست فستانها وخرجت والكوافيرة انتهت منها وتلم عدتها
رفعت عينها وبأعجاب:صلاة النبي عليكي يابتي
"ابتسمت بحب لها وهي بادلتها بدخول امها اللي ماسكه البخور
وتستعجلها بتخرج مسكت يدها فاطمة وبأمل انها تكون ام مثل اللي
تقرأ عنها بالروايات وتسمع عن امهات صديقاتها"

فاطمة بغصه:يمه ما اعجبك شكلي؟
امها بأستعجال:قلت لك ستري الاكمام عاري يلا خلصي وخرجت

"حزنت على حالها هاذي هي من يومها ماراح تتغير وخصوصا
بعد الزوج الموقر اللي جاء اليوم وبيرجعها وبترجع لحياتها
القديمة كالعاده وتنسى ان عندها بنت اسمها فاطمة"

بمجلس الرجال..

جالس متعب وجنبه بصدر المجلس ابوه واعمامه اللي جوا حتى ماتطيح
وجيهم وانحطوا تحت الامر الواقع خلاص
ويسمع شروط فاطمة ومهرها اللي بيكسر ظهره صح 100 الف
صحيح عندهم اراضي بس هالايام صارت ناشفه وماعاد تطلع
ارباح مثل اول ابتسم بخاطره "تردينها لي يابنت المدينة وماتغلى عليتس
100 الف انتي مهرتن تقدر بمليون واكثر"
تكلم بثقه:موافق
دليم اللي نشف دمه من هالشرط ابتسم مجامله يخفي التوتر


بجهة الحريم..
صالحه بهمس:شفي حريم اخوانها ما ارتحت لهم
الجازي خزتهم:هذولا اللي طردوها جعلهم البلاء سبحانه
سيماهم بوجوهم

شوي وجاء وقت الجد دق دليم الباب وراحت له اخته
عطاها العقد توقع دخلت على فاطمة اللي كانت مرتبكه حييييل
خصوصا بعد جية خالته اللي ساكنه بالرياض وامه وخواته
وقعت بسرعه وهي ترجف حست بالموت ..طلعت امها وعطت دليم
وزغرطوا الحريم كعاده انها وافقت..

لحظات حتى استأذن منهم متعب وبيدخل يلبسها الشبكه
مشى مع دليم اللي يعلق عليه وهو يحس برجفه ويده تخونه
دخلوا المقلط اللي جهزت فيه فاطمة طاولة وعليها اقمشه منثوره
فوقها لونها تفاحي وفوشي
وشموع صغيرة وعصيرين فراولة وقاتوه

العنود والبنات:كلوووووووووش

استغرب من عدم وجودها وقف وثواني بدأت اغنية اليسا زفه
دخلت بهدوء بفستانها التفاحي عاري الاكمام ضيق من جهة الصدر
ويتوسع من تحت بنفشة بسيطه وشك فوشي من بداية الصدر للنهاية
وتسريحتها مرفوعه وخصل متطايحه بأهمال ومكياجها ثقيل درجات
الفوشي والتفاحي كانت غيييييييييييرررر عن فاطمة المعروفه


مشت بهدوء لهم سلمت على العنود وحبت راسها وسلمت على البنات
قربت منه ومنزله راسها الحياء بيذبحها مدت يدها وصافحته لكن تفاجأت
باليد العريضه اللي سحبتها وسلمت عليها خد وابتسم:مبروك
وجهها بهاللحظه ولع وحمر همست:الله يبارك فيك
سحبت يدها من وسلمت على دليم اللي ابتسم بحب لها..

متعب فهى اشرت له صالحه الطقم اخذ العلبه من امه وخرج عقد
الذهب الناعم وعلى شكل فراشات صغيرة بيلبسها رجف بقوة
والكل لاحظ توتره بلعت ريقها وتشوف قربه بتمووووووت خلاص انتهى
الاكسجين لما لبسها السلسال عينها بالارض اخذ الاساورة ولبسها
والدبله اخذت الدبله الفضيه ولبسته لين نص اصبعه وشلت يدها بسرعه
ابتسم على توترها وكمل لبسها..

العنود:كلووووووووش
بالغلط جات اغنية دنيا بطمه "بدري"

بدري عليهم يضربون العلاقه
بيني وبينك ياحبيبي ويبطون..

انضرب وجهها وتشوف الاغنية اللي حملتها امس مع اغنية زفتها
وكل ماسمعتها تذكرت مناير

شافته يبتسم على جنب قربه لأذنها
وبروقان:واللي خلقتس يبطون

انتهت الاغنية وحمدت ربي سلمت عليها العنود وبعين مدمعه
:سبحان من سخرتس وجيتي لنا للقرية وانتي غريبه وبترجعين
لها وانتي زوجة ولدنا

استحت من كلامها وباست راسها وباركوا لها
الجازي قزت دليم اللي يقزها ويرفع حاجب

الجازي بهمس:قطع بهالوجه شوفي كيف يطالع قليل الحياء
ولا احترم خويه

لفت صالحه وتشوف عيون الجازي المكحله وطالعه فاتنه ورى البرقع
وبسخرية:قومتس يالشيخه من هالكحله اللي ماطتها

الجازي قلبت عيونها:غيرة ياكافي

بحركة لعانه غمزت له"
طار عقله ونزل راسه صالحه شافتها وخزتها ودقتها بكوعها "
وبهمس:دواتس عندي بالبيت هين تغازلين الرجال

الجازي بتوجع:آآي ماغمزت له ابغاه يستحي على وجهه

صالحه بقهر واضح:أي ماشاء الله واضح ماعليه ان ماخليت
عيونتس تتفقع ما اكون صالحه
"حست بطنها مغصها وسبت اللي قدامها الف مره
شويات وتركوهم لحالهم"

دليم بنذاله واقف عند راسهم ويأشر على متعب:شفتي ذا اذا سوا لك
شيء بس ناديني اجي اكفخه لك

رفع حاجب متعب وكيف:بالله ماودك تظف وجهي ابغى اقعد
مع مرتي

"مرتي حست الكلمة قوية انعصر بطنها خوووف وطول الوقت عينها
بالارض بلعت ريقها مصرين الا يجيبون اجلها بحركاتهم
السامجه"

دليم قرب وبرفعة حاجب:يلا قم لبستها وخلصت وش قاعد له؟

متعب بضحكة:هييي لاتحدني اخليها تسري معي تراها ملكي

دليم بغمزه:اشهدي يافطيم وش يفكر فيه هالمروح

"خلاص دمعت عينها تبغى تصيح تبغى تنزل كعبها وتصفقهم"

متعب بضحة رجت المكان:هههههههههههههههه
هههههههههههه ياشين نوايك يالمروح حتى لو بغيت مالك كلمة

دليم شاف وجهها حمر وتفرك يدها بتوتر حب يحرجها
:اجل خلاص بتسري معك

رفعت عينها صدقت دمعت عينها وبترجي نطقت بخوف:لااا
شافوها والا ماشافوها انفجروا ضحك الاثنين:هههههههههههه
ههههههههههههههههههههههههه

دليم يمسح دموعه بطرف شماغه:آآه هههههه ماقلت لك
انك تزوجت دميعه ترا عندها عرض الدمعه الثانيه مجانا
متعب بضحكة:ههههههه تعقب الشيخه مافيها كلام

دليم برفعة حاجب:اهوووه قدهي شيخه من ذي فطييم شنب لايغرك هالنعومه
متعب تذكر الايام اللي جمعتهم همس:انشهد

دليم ماصدق يمسكها:هههههههههههههههههههههه
ههههههههههه بطلع ما اعرفك ترا من الأخ ؟

متعب اللي زل بالكلمة وتورط:حسبي على ابليسك تسانك تبي تفرقنا
ومالنا غير ساعه انجمعنا

طلع دليم ويأشر بيده ويضحك وهي خلاص وصلت معها اجل انشهد هاااااا
حس انها بوزت لطف الجو:اخبارتس يابنت المدينة؟

فاطمة بقهر:الحمدلله
استغرب رد:جعله دوم ماني بمصدق نفسي قدتس حلالي ورأس مالي
"من قال هالكلمة بطنها مغصها وصار خلاط
متعب لعن دليم الف مره لابالخطبه ريحه ولابالملكه تكلم"

بقهر واضح:خالتس ذا زلابه ماهوب خالي من حركاته السخيفه
"ضحكت بخفه ومدنقه توسعت ابتسامته يوم شافها تبتسم حط يده"

على يدها وبهمس:جعلني فدا هالثغر المبوسم فاطمة
همست :لبيه
تنهد براحه:جعلتس تلبين بمنى اقربي ابي اقولتس شيء
استغربت كمل:اقربي

قربت منه شد على يدها بقوة :بألاول ارفعي عيونتس دخيلتس
لاتحرميني منها بالبليا يالله اصبر حالي لين يجي هاليوم واشكر ربي
واحمده انه جاء خليني اتكحل بشوفتها

"كلامه ذوبها جننها بعرثها رفعت عيونها وجات بعيونه غاص فيها
مو هالعيون اللي كانت تحرمه من النوم ليالي مو هالعيون اللي
خلته يسهى بصلاته"

تكلم بأعجاب واضح:صلاة محمد عليتس "صلوا عليه"
اسمعيني يابنت الناس من هاللحظه وانتي صرتي رأس مالي ولتس غلا
مايشيلونه هالناس بهالكون كله وعهدن علي من هاللحظه ما شي يضيمتس
وانتي معي وعسى الله يقدرني واسعدتس طول العمر ان قالها الله

"ابتسمت بخجل ممزوج بفرحه وحب.. عمرها ماتوقعت هاللحظه
لكن ربي عوضها "وبشر الصابرين" آية كفيله ان تبعث بالنفس
الارتياح والانشراح فقط وكلوا امركم لبارئكم وقولوا ياااااااارب
ولن يخيب دعوة من رجاه مثل فاطمة بالظبط"

الجازي بهبال وتاكل القاتوه:تتوقعين وش يسون هاللحظه؟

صالحه بسخرية:مشروع انجاب وغدان وش يسوون يعني

الجازي بضحكة ونص عين:ههههههههههه لاتضمنين اخوتس
تراه من شاف هالفطيم غدى كأنه خبل

صالحه هزت راسها ولفت راسها تسولف معهم والجازي تموت وتعرف
وش يدور بينهم "ملقوفه الاخت"

شوي طلعت فاطمة وجلست معهم وعين العنود المعجبه ماتفارقها
تمنت الارض تنشق وتبلعها

الجازي تتفحصها:لفي خدتس اشوف
استغربت لفت خدها

الجازي :لفي الثاني..مسكت وجهها ولفته
الجازي بتفحص :روجتس زين مالطختيه معناته ماخربتوها

مطت عينها بذهول وصالحه ضربت صدرها وبراعه:حسبي عليتس
يالخايسه وش تفكرين فيه؟

الجازي بطفش:اوووف وش يعني عادي احسب اخوي رومنسي وش صار؟

فاطمة برفعة حاجب:ماصار شيء سولفنا عادي عطاني الجوال والشريحه
والساعه وطلع

الجازي بنص عين:وغيره ليه رقبتس محمره هاا؟

فاطمة بربكه بسرعه حطت يدها على الحمار:يمكن شيء قرصني
الجازي بضحكة:وهالشيء اللي اقرصك اسمراني وطويل
وله سنون

فاطمة بقهر:وش دخلك هاا؟

الجازي فرطتها ضحك والكل طالعها:ههههههههههههه
امها نقدت كتمت ضحكتها قربت لفاطمة وبهمس:مقيوله
تطلعين من عند متعبوه اللي هايم فيتس سالمه ماظنتي

فاطمة طاح وجهها وبصدمه:الجازي انبهلتي
الجازي اخذت العصير وشربته وتضحك:ههههههه
ابدن سلامتس ..

ومضت ليلة من اجل ماتكون لفاطمة..
وهادئة نوعا ما لليلى..
ومخيفه لروز..

نائمه بسلام فتحت الباب ودخلت
تقلبت للجهه الثانيه قربت منها بهدوء اخذت مخده جنبها وخنقتها
بقوة تقاومه وتصيح وهي تخنقها
صاحت بفزع:لااااااااااااااااااااااا

قام سلمان مفزوع وبقلق:روز وش فيك؟
تصبب العرق من جبينها ويدها على قلبها سمت بالله:بسم الله
سلمان بحنان:تعوذي من ابليس ضغائن شيطان

طالعته بهدوء وهالشيطان كان بحلمها هدت وشربت مويه ورجع سلمان
ينام ماعاد جاها نوم فتحت البلكونه وشدت الديشنبور الذهبي الحرير عليها
وعينها على القصر اللي يسوده الهدوء الا من صراصير الليل وصوت البومه
والحشرات بدخول سيارة سوداء مغيمه للقصر نزلت منها رفعت راسها
وشافتها ركزت عينها عليها ونظرات نارية متبادله وكأنها تعلن عن اعصار
قادم قاتل مدممممرر من قبلها

تممت بخوف روز وعينها على ندى:يارب تكفيني شرها يارب

:
:

لاتسألني ماهو الحاضر!
انه حدث مرتبط بك,خبأته حينما تجمعنا قناديل القدر
وهبته لك !..
ووهبتني اسوء مالديك ..
رسمت السعادة كشيء مستمر لكنني نسيت انني في
عالم مبطن بالقذارة !
معادله تجمعني بك واعجز عن حلها..
اشياء تحدث لاتفسير لها.ولنفسك نصيب مما يعتري الخراب
في لوحة مايتبقى من حياتي..لاحب يبقى
بل انني اتذكر جرائم ماترتكبه نفسك بحق نفسي الضائعه..

"كاتبة الخاطرة انصحكم بمتابعة حسابها جميلة جدا خواطرها"
Saden11111



مرت يومين الاجواء هادئه نوعا ما بالقصر وهاللي بث الشك
والتساؤل بسلمان اللي صار ينام عند روز ويطلعون ويخرجون

دخل البيت ولا احد متوقع وصوله غلبه العمر واصبح يكافح
فقط من اجل حماية مستقبل العائلة ومستقبل هالوطن يحميه
تعرض لليرز بأحد الاجتماعات الدولية بواسطة قلم فقط لأنه
داهيه ..نابغه لامثيل له بالسياسة الخارجيه واصيب من بعده بمرض
الرعاش سخر منه اليابانيون ونسبوا هذا المرض لشدة ذكائه!!

منسدح على السرير ويسولف معها
سلمان بضحكة:تتذكرين ذيك الايام ايام الدراسة؟
روز بهمس ونعومه:كيف ما اتذكرها مو هاذي اللي جمعتني فيك احمد
ربي كل ثانيه عليها
كشر وبداخله فرق بين اسلوبها الناعم الهادي واسلوبها الاخرى
الدفش والغرور ويتذكر كلامها"يمكن امي داعيه علي يوم خذيتك"

نزلت بهدوء ولابسه عبايتها وشيلتها على كتوفها تحسبا لوجود
احد تحس بالوحدة والضيق بهالقصر اللي صار يكتم على انفاسها
جلست على الكرسي بالمدخل رجعت راسها لورى وتصارع
مشاعر سلبية بداخلها غيييرة قهرر نزلت دمعه وكأنها تجبرها على الاستسلام
ثواني حتى نزلت بقية الدموع ..

بخروجه من المجلس اللي توقعهم مجتمعين فيه خاب ظنه توقف
على منظرها جورية ببداية الذبلان عقد حواجبه بأستغراب ماتعود
يشوفها بحالة الضعف كان يشوف فيها ارادة وقوة صدمته بضعفها
قرب بوهن منها وهي مو حاسه مغمضه عينها
مسح دمعه قاربت السقوط بيده فتحت عينها بفجع وخوف
بسرعه قفت واتسعت عينها بشوفته توه خطر ببالها واجاب القدر
دعوته تمردت دموع طاحت عند رجوله ومسكتها وببكاء
:دخيلك خرجني من هالقصر ماعاد لي طاقة اتحمل اكثر هالوجع
ينهش قلبي ما ابغى هالحياة ابغى حياتي الاولى "ًصرخت بقهر
ممزوج ببكاء" انا آدميه وش ذنبي انا حتى ترموني على ولدكم
وتعرفون قلبه وعقله عند وحده ثانيه اهىى اهىى
مد يده لها وبأمر:قومي
رفعت عينها اللي غرقت دموع كرر كلمته:قومي
رفعها من كتفها وبسرعه باس راسها كتقدير لها فتحت فمها
سعود ربت على كتفها:لاتظنين انه ولدي برضى بالغلط روحي غسلي وجهك
والحقيني المجلس اشر لها بعيونه مشت من جنبه بوهن وهو يراقبها

حضنته وبدلع:تحبني؟
سلمان خق:احد مايحب ..ما امداه يكمل كلمته الا دق
الباب زفر بطفش:نعمم
دق الباب مره ثانيه قام موصل معه بيلعن خير اللي قطع عليه جوه
فتح شاف فواز صرخ بوجهه:خيييييررر
فواز كشر:امحق ابوي يبغانا كلنا تحت
فهى متى وصل ويبغاهم:يبغانا!
فواز برفعة حاجب:انتي ومصونك الجديدة الكل تحت ننتظركم

دخل بسرعه ودقائق حتى نزل ومعه روز اللي متمسكه فيه خائفه
من لقائها بسعود تهابه تتمنى عزرائيل ولاتشوفه..

الكل جالسين بدخوله وهو ميت خوف سلم ووراه روز
اشر لها تبعد عنه لكن تمسكت فيه اضطر يجلس بعيد شوي عن اخوانه
رفع عينه يدورها مالقاها اكيد لها دور كبير بهالجمعه بالوقت المتأخرة
ومو أي دور "دور بطولي"

طالع فيهم واحد واحد نطق بحسافه:ليت كل خلفتي كانت بنات يمكن كان
ارتحت من غثاكم
بهتت وجيهم وتغير لونها..
كمل بغيض:سلمان
رفع عينه وبسرعه:سم
سعود بأمر:طلق ندى
طارت عيونه بفزع:على جثتي اطلقها هالكلبه
صرخ لدرجة انتفظوا:اقطع واخسى مالكلب غيرك يالعاصي "جات عينه بروز
رفع عصاته ويأشر على سلمان" شفتي ذا اللي شاده فيه الظهر
مارجع عشان سواد عيونك ولا حبا فيك عشان يكسر خشومنا وياخذها
معانده والا كان طلق بنت الحمائل وام عياله بكل برود

دمعت عينها وانتفظت بقوة ومسكت يد سلمان اللي شد عليها

سلمان بعصبيه:يبه ماله داعي هالكلا
صرخ سعود:لامن تكلمت تسد فمك وتاكل شحم

نزل عينه بقهر يتكلم عليه قدام اخوانه وحريمهم وروز صعبببه
سعود جات عينه بعين عادله:ها طاب خاطرك وفرحتي يالساحرة؟
شهقت والبنات كتموا ضحكتهم

بنبرة امر:فوزية نادوا ندى خلوها تجي لازم تسمع الكلام اللي بقوله
قامت فوزية ونادتها ودخلت بعد صعوبة كانت واقفه برا وتسمع
المشاده اللي صارت..

دخلت بهدوء وشافته يطالعها بحقد وروز بعد طنشت جلست جنب
سعود اللي قال بنبرة غريبه:بنت خالد ماتنضام وهي ببيتي واليد
اللي تنرفع عليها ابترها مو اكسرها وانت "يوجه الكلام لسلمان"
خذ هالخايسه اللي معك واطلع بيتي يتعذرك

شهقوا قف محمد اللي شاف سلمان عصب ووقف ويصارخ
على ندى ويقول:عاجبك يابنت الكلب

ندى بقهر:الزم حدك ما اسمح لك تتكلم على ابوي كذا

بيتهجم صرخ فواز ودفه وبقهر:يدك شغاله هاليومين اطلع ياسلمان
سعود اللي قاعد وعينه عليهم اول مره يشوفهم بهالحاله

تكلم بعصبيه:تبغى تمد يدك وانا موجود يالعاصي روح الله لايبارك فيك
ماهي بحاجتك تفوو
انصدم سلمان ويشوف ابوه يرجف تكلم بهدوء وخوف
:بطلع بس هد نفسك
سعود بعصبيه الكبر باين عليه من رجفته:اطلع يالكلب
تضيم بنت الناس الله لايبيحك لادنيا ولا آخره
فواز بخوف على ابوه مسكه ويهديه:اهدى يا ابو محمد
سلمان بخوف على ابوه همس لمحمد:اكيد ضغطه نزل
محمد بهمس ويدفه:اطلع انت هاليومين لين يهدى

واقفه وترجف بقوة حست الدنيا اسودت بعينها شافته يطالعها بحقد
وحسرة وطلع وماسك بيده روز جات عينها بعين سعود
نزلت راسها وخرجت بسرعه

يحط ثيابه بالشنطه ويصرخ بجنون لعنت وسبت ندى
الف مره كل اللي صار بسببها
طلعوا بوقوفها عند الدرج وكأنها تنتظر احد بيروح لها
مسكته روز وبهداوه:اتركها ماتستاهل
قرب منها ويصر على اسنانه:ارتحتي هالمهزله وصارت وفرقتي
بين اب وولده
رفعت عينها وابتسمت بأنتصار:تتذكر لما قلت راح اجيب لك
الولد وبعدها راح ترميني تغديت فيك قبل ماتتعشى فيني
وهذا ابوك اللي كان يفضلك بينهم طردك من هالقصر ياشماتتي
فيك يا ابن سعود هه تظن زواجك بهاذي "رفعت سبابتها بأنتقاص"
راح تكسر شوكتي وربك لو تصف عشرين وحده مثلها جنبك
ماجبت خبرك
سلمان بصدمه:انتي مو ندى لا لا
ندى بقهر:قلت لك بأمكاني اكون جنبك ونارك وللأسف انت حديتني
على الاخيرة
سلمان بقهر:اجل السالفه كذا هااا؟
رفعت حاجب بسخرية ماحست الا باليد اللي تسحبها بالدرج
وهي تصيح :اتركني يامجنون
لف عليها وصرخ بوجهها تنافظت:لا اسمع حسسسسسسسسك انكتممي
صاحت بقوة:عميييييي
روز تنزل الدرج وتبكي بقهر:سلمان
خرج محمد وفواز على اصواتهم رفع يده:ابعدوا عن طريقي
بعدوا عنه ويشوفون حالته المزريه سحبها لبرا فتح باب السيارة
ورماها وركب السيارة وشخط فيها بقوة ..
فواز بقهر:ليه مامنعته اكيد بيسوي فيها بلاء
محمد :زوجته يربيها على كيفه مالنا حق..ودخل

"بكت روز بخفه ناظر فيها رحمها حتى هي مالها ذنب
انانية وجشع سلمان بأن يكسر راس اهله ويربي زوجته سمحت له
يظلمها بعد هز راسه كرهه هالرجعه من اساسها "

يسوق بسرعه وهي خائفه يصرخ عليها ويسب يشتم
وهي مو ببالها غير خوف على حياة اللي ببطنها
دخل الطريق السريع ويسرع شافت شاحنه"تريله" قدامهم وهو مسرع
صرخت بفزع ومسكت يده وشدتها بقوة:لاااااا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 574
قديم(ـة) 09-08-2014, 04:58 PM
صورة ghaidaa122 الرمزية
ghaidaa122 ghaidaa122 غير متصل
©؛°¨غرامي جديد¨°؛©
 
الافتراضي رد: روايتي الثانيه:عابرات فـوق السنة النيران


حماااااااااااااس طلعت عيوني يوم خلص
وترى ماعندي مشكله اذا مارديتي عليه اصلا مااقرى الردود هههه
يازينها من روايه >>بكلام الجازي
المهم التوقعات
ندى تسير في غيبوبه ويكون حملها في خطر
ليلى تندم انها وافقت على جسار
فطوم بتسحرهم مناير
الجازي تتتزوج دليم
ام فطوم تسير مشلوله
اتوقع كمان ان ندى مايسير لها شي وتطلق ويتزوجها فواز بس


تعديل ghaidaa122; بتاريخ 09-08-2014 الساعة 06:34 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 575
قديم(ـة) 09-08-2014, 05:51 PM
صورة رمووششه الرمزية
رمووششه رمووششه غير متصل
©؛°¨غرامي متألق ¨°؛©
 
الافتراضي رد: روايتي الثانيه:عابرات فـوق السنة النيران


يالبييييييييييييه
البااااارت جميل جميل جميييل
ياخي عندك اسلوب ابداع مو طبييعي
قلتي عادي انتي تحطين قفلات ؟
وش هالقفلة هذي ؟
خلاص انا قررت بسوي دايم قفلات بروايتي > معليش شريره هههههههههههه
بس بجد ابدااااع و القفللهه حمااسسسس مرهه

احمم
نجي للتوقعااات $:

ندى & سلمان

هفف هالسلمان صايرة ما اطيقه ابد
عليه حركات لا تطااق ابدد
يرفع ضغطي وقت يتعامل مع ندى بهالطريقة

اول شي اتوقع رح يكون الحادث
الييييييم و رح يتضررو
و احتمال يروح الولد

بالنسبة لقرار سعود
قوي على سلمان صراحة
و يمكن سعود قربت نهايته
بس يارب لا !!
بس ندى مب هينه ابد اابد
فيها قوووه مو طبيعيه $
و على قولتك تميل للديكتاتورية !
بس تمشي على حق ؛؛

روز حسيتها هالمرة طيبه !
بس مع كذا مو داخلة مزاجي هالانسانة


فاطمهه & متعب

بس بجد فاطمه دميعة
على طووول تبكي يا حليلها ههههههههه

دليم مسكين ما يرحمها
و متعب شكله بيسعدها
الا اذا تدخلت مناير الخايسه
اللي كذبت عليهم بالحمل !
وجع تقهر ياخي
فيه احد يكذب هالكذبة ؟

و حريم اخوان فاطمه هم الثانيين فيهم طمع
و رحمت فاطمه وقت ما علقت امها على شكلها و كذا
و اتوقع امها وقت ترجع لزوجها رح ترجع زي اول بعلاقتها مع عيالها
خصوصاً فاطمه ):

الجازي البنت ما فيها صفاء نيه ههههههههه

،،،

جسسار & ليلى
سواها هالمخلوق هذا
يعني لازم يتزوجها ؟
مسكينه ليلى تنرحم
بس اهم شي تبعد عن رجب
احس نيته مب صافيه
الله يعين ليلى على حياتها مع جسار
شكلها رح تكون كلها عذاب بعذاب

,,,,,,,,

و بسسسس
انتظظظظر الباااارت الجااااي بحماااسسس
،،
وددي ♡


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 576
قديم(ـة) 09-08-2014, 07:12 PM
وردةشقى وردةشقى غير متصل
©؛°¨غرامي فعال ¨°؛©
 
الافتراضي رد: روايتي الثانيه:عابرات فـوق السنة النيران




مساء النور ،،

ندى غبيه جدا
ما عرفت حق شخصية سلمان
سلمان يحب البنت الضعيفه جدامه الي تحسسه بأهميته
و انها ولا شي بدونه وهذا ما يتنافى كونها قويه مع غيره
ندى عاملته راس براس بدون لا تستوعب انها ريلها
و انه مو ضعيف شخصيه قاعده تستفزه و تجبره على اشياء ما يبي يسويها
و هو قاعد يكسرها بكل رد من ردونه لي درجة مدة الايد
وهذي بحد ذاتها فيها تفقد المراه احترامها لنفسها و جدام زوجها
تتخبط بسواتها و المشكله مو قاعده تشوف فايده
اطلع اسوء ما بشخصية سلمان الي يمكن اهله مصدومين فيها ،،


سعود غلطته تعدت اعياله يوم يوم زرع الكبر بندى
و نسى انها مرة ولده مو مرته و حاليا يحصد
زرع ايده بعياله و قريب بيحصد زرع ايده بندى ،،


تخبط ندى بافعالها
يواجها تخبط سلمان بافعاله
خاصه انها تعاود كرة الإجبار عن طريق ابوه
و نست ان مهما كان يظل سلمان ريلها
و الوضع بينهم متأزم ،،
و سلمان ريال شرقي ما تربى ان المراه تحط راسها براسه حتى لو مرته ،،
و زادت الطين مره يوم يابت طاري الياهل
الي ما استبعد بوضع سلمان انه يسقطه و يقولها يلا ورينا الحين شطارتج ،،

كل واحد يزرع بالثاني و يحصد بوقت قياسي ،،


ليلى ضحكتني شكلها بتبرد قهرها من لؤي بالحساب ،،


جسار مستحقا ليلى و انت كنت متزوج لاعبة باليه
يالله قلو الحريم ،،
جسار بينتقم من محمد بس شلون ؟


صالحه خبله رازه عمرها و زوقت قلب دليم لا و بعد تتحلطم
اثنينهم غلطانين اهي بزينتها وهو بخزه بس اهي طينتها تطين :/ ،،


ما استبعد حادث او شفير حادث
يشيل الغمامه الي على عيونهم ! بس هل ممكن العواصف تهدى بسهوله ؟؟!




دمت برضى الرحمن




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 577
قديم(ـة) 10-08-2014, 03:55 AM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: روايتي الثانيه:عابرات فـوق السنة النيران



ندي
كل مرة اكرهها اكثر من المرة الي قبل
شخصيتها القوية جات بطريقة الصراحه غلط
وقلت ادب فوق الطبيعيومنفره مالها حدود
وتناقض عجيب تعز ابو سلمان وماتبغا ينقهر من عيالة
ولاكن برضو من خبثها تروح تشكيله بطريقة غير مباشرة
يعني ابو سعود تعب من ولدة بسببك وكرهتي في ولده
فين انك انتي تعزي لمن تعملي كدا وتتعبي وماقصرتي خرجتي
تشوفي وهو خارج حتي تتشمتي اهو وقت الحدث هذا ازا حصل الحدث
نشوف ايش تستفيدي .
دا الصراحه غير الموقف الي سار قدام اهله قمة القلت الادب واسلوب غير اخلاقي
الفاظ نحني بين اخواتنا ماتنقال ايش زلابة وحقير وحريقة رغم اني انقد كمان علي
سلمان انو هو ضربها بالعقال قمة العيب الي يسير دا اترفع عنها
روز
الي الان ماشية بالفعل صح لاالفاظ سوقيه ولا اسلوب بنرفز ورغم انو في اعتقادي
وفي كلمة قالها فواز انها انانيه ماعرف ايش المقصد منها انانيه في سلمان ولاحب في الفلوس
وربما ولا اكيد ميس هتقلب الموضوع كله بعدين وتقريبا اقدر اعرف ايش الي راح يحصل
من ناحية سلمان وندي وروز
روز
يحقلها ينحرق دمها بس بس الاساس كان شرطت عليه انها تسكن لوحدها عشان المواقف الي زي كدا
وقتها كانت عرفت نيه سلمان ايش لانه لو رفض معناته صحيح ابا يكسر خشم اهله لو كان يعزها كان جبلها شقة خاصة بيها
ليلي ومتعب
اطلبي وادلعي ايش وراكي رغم انهم بدء يخلوني امل منهم مواقفهم الو احلي والجازي
الصراحه وصلت لمرحلة القلت الادب .
ليلي وجسار
اتارية جسار حاقد علي محمد اخو سلمان
وكان متزوج قبل واتوقع الطلقة ليها ظهور تاني
اتحمست لزواج الاتنين دول
بانتظارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 578
قديم(ـة) 10-08-2014, 04:17 AM
صورة sho_awr الرمزية
sho_awr sho_awr غير متصل
©؛°¨غرامي فضي¨°؛©
 
الافتراضي رد: روايتي الثانيه:عابرات فـوق السنة النيران


هذا ردي حق هذاك البارت
بارت جمممممممممممممممممميل مررررررررررررا
ع فكره انا زعلانه منك بس مو زعلانه من الروايه
عشان كذا حأرد للروايه مو لكي
توقعاتي
فاطمه فديتها الي تستحي وقسم شي جممممممممميل ذي الآدمي هي رب يوفقها ويسعدها مع متعب
متعب اخيراً بيجتمع مع روحه وقسم فرحتلهم بس ذي مناير الكلبه قالتلهم انها حامل من متعب وهي حامل من اخو زوج صالحه حسبي الله فيها
ندى اخخخخخخ ي ندى مسكيييينه وع انها مسكيييينه بس انها قويه ولكن من الداخل ضعيفه انا ابغاها دايم قويه م تضعف لا لسلمان ولا لغيره وأحسن م سوت فيه فشلته وخلت ابوه يطلع رجال عدل
روز مالت عليها قال حب وخرابيط وهو رازعها فوق وسايبها ولا يدري عنها
جسار عرف ندى ويمكن يتفق معاها وندى توافق بس تسوي خطه او م توافق وتعرف انه عدو لهم وتحذرهم منه وأمه المسكينة طلعت تعرف كل شي عن ابوه بس م كانت تبغا تبين والحمدلله ليلى افتكت من جسار والورطه الي قال انها زوجته
سلمان يستاهل م جاه من ندى ولسع م شاف شي
وبس ذولا الي في راسي

أقولك ليش زعلانه منك لانك م خبرتيني بنزول البارت ولو ان روايتك م تهمني كان م شيكت عليها وبحثت اذا نزل بارت ولا لاء
بس عشنها تهمني بحثت عن الروايه ولأنها دخلت مزاجي وعجبتني
بس الى الان انا زعلانه منك << فيس زعلان

والبارت الجاي اذا م خبرتيني ي ويلك مو بس اصير زعلانه لا زعلانه ومعصبه وكل شي
ودحين بقرا ذا البارت وارد لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 579
قديم(ـة) 10-08-2014, 07:27 AM
صورة sho_awr الرمزية
sho_awr sho_awr غير متصل
©؛°¨غرامي فضي¨°؛©
 
الافتراضي رد: روايتي الثانيه:عابرات فـوق السنة النيران


بارت جمممممميل وأبدعتي فيه
لحظه انا قعدت اقرأ الآراء وكان الأغلبية ان ندى غبيه او يكرهوها هما حريين لكن م يعرفون ان المره الي كذا هي الي راح تعيش لكن المره الضعيفة الساذجه حتموت في اليوم مليون مرا
صح ان ندى تنجرح وكذا وتموت في اليوم مليون مرا وم تبين لاحد انها ضعيفه وأنها قويه وم يهزها ريح هذا هوا الصح ليش اسوي نفسي شماته ومهزله والكل يشفق عليا لآني ضعيفه والكل يحزن والكل يراعي مشاعري بس عشان ضعفي لا وألف لا
انا صراحه احب شخصية ندى تقريبا شخصيتها زي شخصيتي انا صح احيانا ابكي وكذا لكن م اكون ضعيفه وأخلي الكل يتشفق عليا لا بعد م ابكي في الغرفة لحالي اطلع ولا كأنه صار قبل شوي حاجه هذا الي خلاني اعشق ندى مو بس احبها واحييها ع هذي الشخصين صراحه
ليلي حتحب جسار وتعيش حياه سعيده بإذن الله
فاطمه ي زينها وي زين حياها وقسم احببببها وأمها ذي مجرمه اذا رجعلها زوجها رمت بنتها واذا طلقها رجعت لبنتها
ودليم ذا مأخذ راحته ع الاخر مزودها الأخ م شاء الله
Saden11111 هذي حسابها في ايت برنامج انستقرام تويتر ايش؟!
هذا ردي قصير لآني زعلانه م خبرتيني انه نزل بارت
وهذا اللون إهداء مني لكي لانك م خبرتيني بنزول بارتين يمكن تخبريني المرا الجايه ي ويلك اصلا اذا م خبرتيني
سحبتي عليا سحبة اليمه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 580
قديم(ـة) 10-08-2014, 07:34 AM
صورة sho_awr الرمزية
sho_awr sho_awr غير متصل
©؛°¨غرامي فضي¨°؛©
 
الافتراضي رد: روايتي الثانيه:عابرات فـوق السنة النيران


هذا البارت التاسع عشر صح؟!

الرد باقتباس
إضافة رد

روايتي الثانيه:عابرات فـوق السنة النيران/كاملة

الوسوم
الثانيه:عابرات , السنة , النيــــــران , روايتي , فــوق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية:غرورك مجنني يابنت عمي/كاملة وربك نسيتك روايات كامله - يتم نقل الرواية هنا بعد اكتمالها 139 25-09-2018 01:13 AM
رواية مأقسى من غيابك الا شوفتك صدفه / بقلمي ؛كاملة اتالم بصمت روايات كامله - يتم نقل الرواية هنا بعد اكتمالها 43 08-06-2017 04:39 PM
روايتي الأولى : أيام عشناها زمان أمل مستحيل روايات - طويلة 10 21-04-2015 12:21 PM
(Volume Booster) برنامج لتضخيم ورفع الصوت في الجوال Mileys ارشيف غرام 2 05-04-2015 10:35 AM
برنامج جوال رائع [Volume Booster] يضخم ويزيد الصوت Mileys ارشيف غرام 1 02-04-2015 05:05 PM

الساعة الآن +3: 08:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1