غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 291
قديم(ـة) 29-05-2014, 04:11 PM
صورة حكاية شموخ الرمزية
حكاية شموخ حكاية شموخ متصل الآن
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين



البارت العاشر(10)


..جاء نهاية العام الدراسي وجات معه الاختبارات والقلق..كل شخصية من شخصياتنا لها مستوى وطريقة مذاكره مختلفة
وأخيرا .. كم يوم وتيجي اللي الكل يحبها (الإجازة!) بس اصبر تظفر


في مكان كله أوراق وملازم وأقلام .. وثلاجة قهوة و3اكواب في اتجاهات متفرقه مشروبة ومنسية ...والتشوكليت والحلاو ياكثره.. طبعا كل ذا الي يشوفه يقول ذول اكيد مجتهدين ودفاره ومقطعين الكتب تُقطع وحتى أرقام الصفحات حافظينهم هع
كان الاب توب قبالهم .. والكتب على جنبهم

ساره : هههههههههههههههههههههه بصراحه مكياجها هبااااااال
جواهر :هههههههههههههههههههههههههههههههه يعني بصراحة متعبة نفسها ومسوية لها قناة في اليوتيوب ومكياج ومكياج واخر شيء دعايه دهانات جوتن !
ساره فاقعة ضحك : ههههههههههههههههه وش هالتشبيه باللهِ عليك ! ههههههه
جواهر:ههههههههه لا جد شكها ضحك بهالمكياج !
ساره : جد يعني المكياج لإبراز الملامح وفي ناس الله يهديهم مثلها يخفون الملامح على قولتك بدهانات جوتن ههههههههه!

صوت من وراها : والله مافي الا غيرك الي راح تنمسح ملامحه من الكفخ قومي انتي وياها ذاكرو!!!

شهقو من الفجعه والتفتو لها
ساره مصدومة وحاطه يدها على قلبها : بسم الله الرحمن الرحيم ! يــمه ! ليش ماتطقين الباب ! خرعتينا الله يهديكِ!
أم يوسف بعصبيه:والله طقيت الباب خمس مرات بس لأنكم مشغلين لي ذي الفيدهوات الماسخه ماتسمعون شي!!!
جواهر ماسكة ضحكتها وحاطة يدها على فمها وتناظر ساره بشماته
أم يوسف تلتفت لها : ترا انت مقصودة بعد!
جواهر تفجرت جبهتها
ساره:ههههههههههههههههههههههههههه
ام يوسف بقهر وصراخ فزعهم: يلاااااا قومي ادرسي انت وياها وراكم امتحانات مدري وش هالدم البارد الي عندكم!
ساره بفجعه : ان ..ان شاء الله
جواهر نفس حالة ساره:عُلِم !
أم يوسف وهي تسكر الباب:عمرهم 21 واهمالهم يعطيهم 12 !!!

.........................

جالسين على السرير .. وحدة ساندة ظهرها على المخدة والثانيه في الجهة الي قبالها
وماسكين كتبهم وكل وحدة ماخذة جوال الثانية عشان تذاكر ومايلهيها

غرام وهي نافخة ريشها ومضخمة صوتها :
How I can help you my lady?
رانيا بدلع :
Can you give me one slide of this cake please
غرام بنفس النبرة:
Of course..which cake?
رانيا ترمش بقوه تبع الدلع :
Emmmmm…chocolate cake please
But can you make a sale for me?
غرام بإنفعال:
Surly yeeees!
رانيا :
Are you sure?
غرام بعبط :
This is not my face if I don!
رانيا تسمرت وجلست تناظر غرام بتناحه ... شوي:ههههههههههههههههههههه والله انك سخيفه اجل الرجال بيقول لها هذا موب وجهي اذا مانا متأكد ههههههه !
غرام تفجرت ضحك:هههههههههههههه أجل وش اسوي لك طفشتيني وانتي تسألين ار يو شور !
رانيا بجد : لاجد غرامو لازم نسوي كونفرسيشن مثل الخلق! داخلين تخصص انجلش وعاجزين نعمل محادثة بسيطة!
غرام تنرفزت: أي بسيطة مع جهك ! حتى عدد الكلمات محددينها وتقولين بسيطة!

رانيا طفشت : شفتي مذاكرة بنات عمك الشاطحين!؟!!!
غرام بنص عين:مين؟!
رانيا بإستهزاء:سارة وجواهر تشوفين اشيائهم تقولين هذول يخترعون اختراع وهم لاعبين لعب وساحبين على أم أم المذاكره!
غرام : قولي قسم؟! شعرفك؟
رانيا وتمد يدها لغرام : في الانستغرام جيبي ارويكِ!
غرام عطتها جوالها وقربت فيسها للجوال ..الا وتدخل شيخة مدرعمة

شيخة (أم فيصل):ايييييييه ايييييييه هذول الي يذاكرووون هااااه !!! وانتم جالسين لي على هالجوالات 24 ساعه صححح!؟
رانيا تبلع ريقها ...غرام بقهر : لا مين قال ! بس يمه انت الله يهديك ماتدخلين الا وقت البريك !
شيخة بعصبية: وقت بريييييييك هاه ! وطول الوقت وقت بريك صح!
غرام في نفسها – حظنا مخيس ما تدخل علينا الا واحنا ماسكين الجوال حتى ماتمر علينا ثانيه واحنا ماسكينه!_
.................................................. ......

في مكان ..كله تشوكليت وشبسات وحلويات وهالأشياء الزينة .. كانو واقفين قدام رفوف الشبسات وكل شيء يشوفوه ويخش مزاجهم رموه في ذيك السلة الي يشوفها يقول هذول رايحين يشبعون 100 صومالي!

فاتن : ايوه ايوه وأخيرا شفتك يالحب ... هاتيه راح اشتريه!
ملاك تناظرها بنص عين : وبلاكِ انتِ ماتاخذينه بنفسك؟!
فاتن تناظرها وبإستهزاء: اوه نسيت انك قزمة!
واخذت الشبس بنفسها
ملاك بقهر: سخييييييييييييفه ! الشره على اللي يجيبك معه تقضين!
فاتن وتناظر التشوكليت : كلي تبن وشوفي ذا العرض ...
لفت وجهها لملاك :ناخذه؟!
ناظرتها .. كانت معصبة وشوي بتقتلها بنبرة قهر: والله لو اكلم جدار احسن لي! ماراح اعطيك رأيي !
فاتن وهي ترميه في السله وببرود : مو مهم به ولا بدونه راح اخذه !
ماسمعت لها صوت التفتت تشوف ردت فعلها .. شافتها جامدة
فاتن بإستغراب : شفيكِ؟!! لهدرجة انقهرتي؟
ملاك ساحبة على فاتن وتناظر مكان معين وبصدمه
فاتن بنبرة قهر :هييييييي انت! شفيك تحولتي صنم!
ملاك ومابعدت ناظرها .. وبصدمة : فـ...فزاع!
فاتن فتحت عينها على أوسعها لفت تناظر المكان الي تناظر فيه ملاك..بالضبط هذا هوه بلحمه ودمه!

كان عاطنهم ظهره ..لابس تيشيرت اصفر من ماركة لاكوست شادة على جسمه وبارزة عضلاته .. وجنز غامق ..وجالس يناظر تاريخ الشبس

فاتن وعيونها طايرة : ماشاء الله طالع بالبس خطييير!
ملاك تناظرها بنص عين:عيب عليك تخزين الرجال !
فاتن تناظرها بتناحه .. شوي شوي ارتسمت على وجهها ملامح الخبث:اهااا تغاااارين هااا
ملاك مفجوعة :وش اغار ! جدتك اغار! على ايش اغار! موب رجلي عشان اغار! ابي افهم ليه اغار!
فاتن تسمرت تناظرها .. :اندفاعك يدل على انك تغارين!
ملاك وتضربها بالشنطة : يااااحيوانه كيف اغار وانا ماجلست معه الا يوم هاااه هاه؟!
فاتن لا اراديا رفعت صوتها : يااااااااا مجنونة آلمتيني !!

التفت لجهة الصوت وبيده علبة البرنجلز .. وهو مصدوم يناظرهم .. ناظر فاتن ماميزها .. التفت لملاك.....تجمد مكانه!

يعرفها زييين !...مستحيل ينسى العيون العسلية هاذي ! براءتها مميزة مستحيل مايميزها!

ملاك اتفشلت من فاتن وبعدت عنها شوي وجلست تحوس في الشبسات بتوتر :مين هاذي استغفر الله موب صاحيه الله يكملها بالعقل!

فاتن تناظرها وهي مصدومة من ردت فعلها ..

فزاع تقرب لها وهو ماسك ضحكته ...قال لها وهو شاق الحلق بس اهم شي مايضحك : أخبارك ملاك؟!
ملاك كانت عاطيته ظهرها .. تصنمت .. لفت له ببطئ مثل الانسان الآلي ..لين قدرت تشوفه ..ويدها مازالت ماسكة الشبسات ...بنبرة فشلة :تممممام...وانت؟
فزاع بإبتسامة:بخير دامك بخير
ملاك تبي ترد بس خربتها : هاليوم مو دوم ان شاء الله!
فتحت عيونها على آخرها استوعبت ايش قالت
ناظرها بصدمة ...وبتناحة:هاه؟!
ملاك بسرعة وتوتر : ققصدي ..هاليوم ..لا حول ..استغفر الله ..اققصد(تبلع ريقها) دوم مو يوم !
خلاص ماقدر يستحمل وانفجر ضحك
ملاك تفشلت ونزلت راسها
تقربت فاتن :اهلا
فزاع التفت لها :وسهلا
فاتن وهي تمسك يد ملاك وبإبتسامة صفراء : نستأذن بنكمل اشغالنا !
^يقال لكم بزنس وومنز ههههه

فزاع تنح على حركتها .. حسها البودي قارد تبع ملاك!

فاتن وهي تسحب في ملاك : كان عطيتيه رقمك بعد!!!
ملاك مصدومة:خير لا ليش؟.. جاء يسلم عليي رديت عليه
فاتن بقهر:وفجرتيها ضحك معاه!
ملاك تناظرها مصدومة : وش هالهبال الي تقولينه !
فاتن : تخيلي احد مر وش راح يقولون الناس عنك؟ تتكلم مع شاب موب من محارمها!
ملاك: ليش ايش يعرفهم أصلا!
فاتن : القرب ياماما ! يبان من وقفته معك!
ملاك لوت فمها:طيب خلينا نكمل تسوقنا
فاتن اتنرفزت من ملاك نرفزة مو طبيعية :عمرك ماراح تفكرين في تصرفاتك!

..................................................

في المجلس جالس مع فيصل ويذاكر بإجتهاد...قباله ثلاجة قهوة وكتكات
أصدقائه الي مايتركهم وقت المذاكره
وكل نقطة وكل حرف يدرسه بإهتمام وتركيز ...ملامحه جادة مافيها هرج في هالوقت

منسدح على الكنبة ورامي الكتاب على حضنه وماسك بيديه جوال ويحوس فيه من برنامج لبرنامج!

فيصل :ههههههههههه مشعل اسمع بقولك نكته!
مشعل بتركيز :موب فاضي لك!
فيصل لوى فمه:افاااا ... كم باقي عليك وتفنش المادة ؟
مشعل بنفس الحاله:شبتر
فيصل مفجوع وبصوت عالي : والله!!!!!!!!!!!!!!
مشعل ناظره بنص عين:قول ما شاء الله!
فيصل وعيونها مفتوحة على الاخر : ما شاء الله تبارك الله !!..كيف خلصت كل ذول الشباتر في هالوقت القياسي؟!
مشعل يتأفف ويفتح الصفحة الثانية :لاني ما اجلس على الجوال من برنامج لبرنامج ورامي الكتاب على حضني من الظهر لحد الآن !
فيصل عرف انه يقصده ... لاييم فتات جبهته وسكت
……………………………………………………………

جالسة على مكتبها المنظم..وقبالها الكتاب ودفتر وقلم ..وبيدها كوب شاي أخضر
وبهدوء تذاكر ...قطع تركيزها صوت طقة الجوال ..كان على سريرها توجهت له وفتحت المسج
"أخبارك عسل ؟
كيف المذاكرة ؟ هه يلا ذاكري زين عشان تصيرين طبيبة اسنان
ناجحة وتسوين لي اسناني
فارسك المجهول"

تأففت بقهر : افففففففف ذا الغثة ... قسم بالله ازعج امن امن جابتني اف !
وبقهر أرسلت له مسج
" تمام يا بصل .. اوك و وعد مني راح اقلعهم كلهم لك!"
طفت الصوت من جوالها ورمته بقوة على السرير وتوجهت لمكتبتها تكمل مذاكره..

.................................................. ........................

يتصفح الكتاب بسرعة يشوف اذا فاته شي .. سكر الكتاب بقوة وتنهد
فيصل يبعد الكتاب من على وجهه ..وبكسل :خلصت؟
مشعل يناظره بنص عين : ايه
فيصل بكسل :قم نهيت مع الشباب!
مشعل عطاه نظره ليزرية ..ووقف : انا اذا بطلع بروح مكان بسيط اكل واتمشى وارجع.. اما اروح مع قرودك لاء ... اكيد بيتأخرون وبعد بكره الاختبار ومابي نومي يعتفس
فيصل مسك جواله ووقف : اف طيب خلاص بروح بدونك!
مشعل :أذنت لك!
فيصل :قول قسم بس
مشعل: يلا يلا وريني عرض اكتافك!!
فيصل :افااااااااااا ماهقيتها منك ...(ويحاول يستفزه)الزبدة اذا قالوا لي ليش مشعل ماجاء معك وش أقول؟ عشانك دافور (ويحرك حواجبه)
مشعل يعطيه نظرة الـوش تحس فيه ..: ايه وش فيها يعني ..والله انكم هِبل يعني وش الي يضايق الانسان بتلقيبه بالدافور؟ بالعكس هاذي صفة إيجابية فيه
فيصل : يا اني اليوم جبهتي اندفنت في بيتكم!
مشعل : ههههههههههههه يلا اذلف بس
فيصل : سيوووو يالدافور
مشعل :ههههه سيو يالداج

قفل الباب وراح للصالة ...شافها جالسة قبال التلفزيون مشغل بس مكتوم الصوت ومركزة مع الجوال ويبان انها تكتب بحماس

انطلقت من راسه فكره شريرة ..وحب يعاندها
يمشي لها بخفة عشان ماتسمع صوت خطواته ..صار وراها ...سحب الجوال من عندها بسرعه

جواهر بصدمة : بسم الله!!! ساروه ياحيو........
انصدمت لما شافته
مشعل بإبتسامة نصر وخبث:حرااااام شدخل اختي في السالفة!؟
جواهر منقهرة :هاات الجواال!
مشعل سكر عينه ويلوح بجوالها في الهواء يبي يستفزها : لا لا لا تحلمين !
جواهر عصبت : افففففففف وش حركات البزورة هاذي .. جيبه انت وش دخلك!
مشعل بجد: ليش ما تذاكرين؟
جواهر معصبة منه : أبوي ولا أمي ولا زوجي ولا وش السالفه!
مشعل : يعني اللحين لازم أكون واحد من هذول الثلاثه عشان اقدر أسألك؟!
جواهر بعصبية: ايه طيب؟!
مشعل بخبث :خلاص لنفترض اني زوجك ..ليش ماتذاكرين؟
جواهر اتفشلت بس صامدة ماتبي تبين : تخسي! بس كذا
مشعل عصب من كلمتها تقرب لها ومسك كتفها بقوة وعيونه تطلع منها شرار : سألتك جاااااااوبيني!!! ليش هاملة دراستك كذا!؟
جواهر انصدمت من حركته وفي نفس الوقت آلمها ..بغبنة وتصطنع القوه: مالي خلق!
مشعل هدأ قبضته عليها لين ماتركها ...مسك الطرف العلوي للكنبة وتنفس الصعداء ..بهدوء : آلمتك؟!
جواهر بغبنة : لا دغدغتني تصدق!
مشعل جلس على الكنبة الي جالسة فيها جواهر بس بعيد : جد جواهر ليش هاملة دراستك كذا؟
جواهر تناظره بحقد : وش استفيد لا درست!؟
انصدم من ردها .. حاول يتمالك اعصابه:انك تأمنين نفسك بالشهادة!
جواهر تناظر جوالها الي بيد مشعل : الشهادة مو شيء يشجعني على المذاكره!
مشعل بصبر كأنه يكلم بزر : طيب ايش الي يخليك تتشجعين ؟
جواهر انقضت على جوالها تبي تاخذه ..بس مشعل كان اسرع منها وبعده
مشعل بخبث وقهر : على مييين هالحركات!
جواهر انقهرت :اففففففففففففففففففففففففففف!
مشعل بحدة : جاوبي على سؤالي!
جواهر بقهر وبسرعة كأنها تغني راب(اما التشبيه هع) : شنطة مايكل كورس ومكياج برجوا وشوز من برادا و فستان من ديور وباقة ورد قوس قزح!
مشعل بصدمة : امااااااااااااااا ! كل ذا حاطته في نفسك!؟!!!
جواهر بقهر وفضفضة :ايييه!
مشعل : ليش ماطلعتي المول مع ساره؟
جواهر : لا!
مشعل كسرت بخاطره .. بنت اكيد تبي تتسوق وتقضي وتنفس عن نفسها وذا الهرج ..لأول مرة يتكلم معها بهالنبرة ..نبرة الحنية : طيب .. اذا ذاكرتي اللحين وخلصتي شبتر لي منك طلعة للمول!
جواهر بصدمة تناظره...مين اكلم مشعل او يوسف؟ :جد!؟
مشعل : يب
ما شاف الا غبارها .... راحت غرفتها طيران تذاكر هع
.................................................. .........
دخلو بيت جاسم بأكياس كثاااااااار
كان في الصالة وليد وعبدالله ...انصدمو من المشهد
عبد الله فاتح عيونه على الآخر :وووووول! تقضون لشهر رمضان؟!
فاتن وبالموت تحمل الأكياس : ايه اوك قم احمل عنا هالأثقال!
فزع لهم وليد وقام واخذ عنهم الاكياس
فاتن وملاك يحركون يدهم من كثر الاثقال الي كانو حاملينهم
وليد: من جدكم شاريين كل السوبرماركت؟
ملاك : يااا اخي اختبااارات!
عبدالله بإستهبال: هههههههه الي يقول ان في أيام الاجازة ماتطفحين ابد هههههه
ملاك تناظر وليد: هل يجوز قتل هالمخرف ذا؟
وليد : ههههه مستحب
عبدالله بقهر:اذلفو انتي وياه اخوكم الكبير وكذا تعاملوني هاه
وليد ودى الأغراض المجلس وملاك سفهته
ملاك تكلم فاتن: فاتن اصعدي...راح نجلس في غرفتي للأذان بعدين راح نجلس في المجلس
فاتن :اوكيشن

ركبت مدرعمه لغرفة ملاك وأول مافتحت الباب فتحت شيلتها وحركة شعرها المفتوح بوناسه بصراخ وهبال :اووووووووووووووف براااااااااااااااد!

ناظرها منصدم من الهبال الي عايشة فيها ...وفي نفس الوقت خق مع شعرها الأسود الناعم الطويل ...وفي نفس الوقت ارتبك مايدري وش يسوي

رفعت عينها الي كانت مغطية بغرتها من هبالها ....جمدت ... بلعت العافية لما شافته

نزل عيونه بحركة سريعة

مادرت ايش تسوي .. من الهبال راحت قفلت الباب وجلست على سرير ملاك بدون ماتغطي شعرها .. زي المهبولة وبدون استيعاب ..
وهو مصدوم من حركتها
ببرود قالت :برآ !
راشد كمل سرقته واخذ شاحن ملاك وممشى بسرعة بدون مايناظر فاتن وخرج
فجأة رجع لها النفس ...صارت تتنفس بسرعه ... وجهها صار لونه احمر
مسكت خدودها بفشله : يااااااااااااااااااااااااربي ......اكرهنييييييي!
.................................................. ................
كان يشاهد في الصالة ومندمج .فجأة شاف شي اسود قدامه

رفع عيونه لها : هاه؟
جواهر بإبتسامة نصر :خلصت !
مشعل يبتسم ويرفع حاجبه : شبتر؟!
جواهر بغرور: شبترين!
مشعل مصدوم:اوووب اووب كويس ..
ورفع الصوت
جواهر تناظره مصدومه....:هيييه
مشعل يناظرها ويرفع حاجبه : هيييييه وجهك
جواهر خايفة يخلف وعده: قم وديني المول
تأفف: اف منك مثل البزر لا انوعدتي تذكرين
جواهر تسلك:اوك يلا قم
مشعل قام وطفى التي في
وفتح جواله ودق رقم وحطه على اذونه
جواهر بخوف: مين؟
مشعل بإستهبال: بدق على ابوي أقول له اني بخطفك!
جواهر براحه:اها
في هالأثناء دخل يوسف
ابتسم لها كعادته : السلام
جواهر : وعليكم السلام
مشعل : ايه بوديها السوق
يوسف رفع حاجبه : مين؟!
جواهر بفرح: اناا!
يوسف انصدم وبإندفاع:ليش؟!
جواهر استغربت من ردة فعله : عشان ....عشان...عشان اتسوق!
يوسف:وساره؟
جواهر : قلت لها قالت ماتبي
يوسف : طيب أنا بوديك
مشعل خلص مكالمته : ليش؟
يوسف ببرود عكس البركان الي داخله..وبكذب:عشانك عندك اختبارات وانا فاضي
مشعل ناظره بقوه : خلصت مذاكرة وقلت ابي اغير جو واغير جو بنت عمي معي
يوسف رفع حاجبه : لوحدكم ؟
مشعل قلده ورفع حاجبه : ليش كنتم لوحدكم لما رحتو الكرنيش؟
يوسف بلع ريقه بقوه ... كلام مشعل افحمه
جواهر حست نفسها صايعه وهم يقولون لوحدكم لوحدكم .. بلعت ريقها : بلاها طلعة!
اثنينهم في نفس الوقت وبصوت عالي صدمها: لااااااا راح تطلعين!
جواهر خافت: طيـ..(بلعت ريقها) طيب مع مين ؟!
في نفس الوقت : معي!
ناظرو بعضهم نظرة ليزرية
جواهر بهبل : ههه بلاها خلاص .. النوم أزين !
مشعل : جواهر أنا وعدتك!
جواهر : طيب مايحتاج توفي بوعدك !
مشعل:تحلمين! يلا للسياره
يوسف اتنرفز بس مايقدر يعارض اكثر ولا المسألة بتنقلب ضده
مشعل طلع من البيت وتوجه لسيارته
جواهر ابتسمت ليوسف واخذت شنطتها : مع السلامه
يوسف بنبرة حدة : انتبهي لنفسك
جواهر حست بشي غريب في نبرته .. كملت مشي وطلعت
طلعت من الباب وقلبها ناغزنها بقوووووووه
.................................................. ....
وليد : هههههههههههههههههههههه ايوه حاصل لك تشوف خت جووري
راشد بقهر : هه هه هه سامج كل شي حلو وعلقته بجولييت حقتك ذي!
وليد بخبث : ههههههههههههه حلو ها حلو !
راشد ناظره باستغراب .. اتذدكر كلامه وانتبه انه قال (كل شي حلو) تفشلللللللل
وليد : ههههههههههههههههه رقع رقع جبهتك يرحم والديك!
راشد يغير السالفه : متحمس للمزرعه وانت ؟
وليد يبتسم : هه غير غير السالفه ! حددددي متحمس وانتظر ذاك اليوم على احر من الجمر احسه راااح يكون فله وحمااس
راشد : مي تو .. خاصة ان المزرعه تروق الاعصاب وتجنن تنفع رحلة بعد الاختبارات مثل الي بنسويه !
وليد : بالضبط!
راشد : الا اخبااار الحب؟
وليد تنهد : مدري .. اخر ظهور لها 8:25 الصباح وصورتها وردة جوري حمراء ..والستاتوس حقها (اللهم وفقني لكل متحبه وترضاه!)
راشد بصدمة : من جدك انت؟!!
وليد يلتفت له : ايش؟
راشد : حافظ كل شيء عنها اخر ظهور والصورة والسستاتوس و وو ... من جد ... انت هايم فيها!
..................................................
وصلو المول ... كان مو الي مليان ومو فاضي
اول مادخلو جواهر : ياالله روح عني اني في وادي وانت في وادي!
مشعل : هاهاها تحلمين ... تبين احد يتحرش فيك وما افزع لك!
جواهر بإستهزاء:خف علينا يالهيرو (تقلده لما كانو يشاهدون الفلم وقال لها خفي علينا يالهيرو)
ناظرها بنص عين وسفهها ومشى معها ..
كانو محلين جنب بعض نسائي ورجالي .. كانت بتدخل النسائي وهو بيدخل الرجالي
انتبه انها بتدخل النسائي رجع على وراء وهو يتأفف !
دخل معها .. كان مكان مكياج
جلس يحوس في ظلال العيون الي مكتوب عليه (جربني , للتجربة وهلم مجره)
^ هههههه مثل البزران لا دخلو محل مكياج
جلست تناظر الأرواج .. ومحتارة
سألت الموظفه : شرايك اخذ هاذي الدرجة او ذي؟
كانو روجين لونهم احمر بس واحد افتح من الثاني بشوي
الموظفه : امممم احس هذا احلى (وتأشر على الأغمق)
جواهر تناظره : امممم مدري احس هذا احلى
الموظفه : مدري تقدرين تسألين زوجك!
جواهر تناظرها بقوه أيش زوجي ماعندي زوج ..
الموظفه انتبهت انها تناظرها بقوه اشرت على مشعل : مو هذا زوجك؟!
التفتت شافته وراها .. انصدمت ..
كان يستهبل بالظلال ويلون فيه أصابعه .. حس ان في احد يناظره .. رفع عينه .. تفشلللل : هاه ؟
جواهر تناظره بنظره الـ(تراك فشلتنا!)
الموظفة : لو سمحت تعال اختر مع زوجتك الروج محتارة بالألوان!
انصدم من اللقب وبالخطأ طاح من يده علبة الظلال
جواهر لفت عنه (عطته ظهرها) .. وصوت واطي : مين ذا ما عرفه !
مشعل : اووووووبس! كم قيمته ؟
الموظفه تتميلح : ما يحتاح حصل خير !
مشعل : هذا من طيب اصلك .. بس لازم ادفع لاني (كان يبي يقول كنت العب فيه بس قال) انا الي كسرته !
الموظفه وهي تحرك رموشها بدلع : اوك
جواهر لا اراديا : ياشين السرج على البقر !
الموظفه تناظرها بإستغراب
مشعل يسلك لها : هههه الله يهديك ! (ويرقع ترقيعتن فاشله ..يأشر على لوحة الإعلان موججود فيها ممثلة مع روج) تكره ذي الممثلة كره الله لا يرويك إياه ! هههه
جواهر تناظره بنص عين
الموظفه بدلع : ههههههه
مشعل عطاها الفلوس .. وهمس لجواهر : خلصينا اشتري أي روج عساه ازرق !
جواهر : هبـ...
الموظفه بلقافه :اممممم انتم متزوجين ولا ؟
في فس الوقت ...
مشعل : ايه !
جواهر: لا!
ناظرو بعض بصدمه
الموظفهبإستغراب: هههههه اللحين ايه ولا لا ؟!
مشعل : لا !
جواهر: ايه!
ناظرو بعض بقهر
الموظفه : هههههههههههه شكلكم لا !
مشعل بقهر من سخافتها ويبي يقهرها مسك يد جواهر وقربها له : امبلا .. يلا حبيبتي نختار لك لون الروج !
جواهر انشلت من كلمة حبيبتي .. : آآآ .. آآ
مشعل سحب من يدها الغامق : هذا أحلى ! وانت بتخليه احلى واحلى!
اشتراه لها وهي منجلطة جلطة ثلاثيه الابعاد من الموقف الي افتعله مشعل
الموظفه عطته الكيس بقهر ..
مسكها وطلع
جواهر بعصبيه وتترك يده : يااااااااا انك فشلتناااااااا! ليش قلت انك زوجي هاه هاه ؟
مشعل بعصبيه:تمثيل مع وجهك ! عاد انا ميت عليك ابيك زوجه !
جواهر : وبعدين لييش تلعب الظلال كأنك بزر فشلتنا قدام الحرمه!
مشعل تفشل بس يكابر:يلا نصعد مو حلوة المحلات الي تحت
جواهر : اف يلا ! اللهم صبرني!

صعدو فوق ..
مشعل لف لجواهر:تبي نتعشى ؟
جواهر تقز في حرمه قز قوي ..
مشعل : هيييييي انت وجع!
جواهر لفت له : يوجعك ! خير؟
مشعل بعصبيه : يوجعك انت ليش تخزين في الحرمة ومسفهتني ؟
جواهر : افففف ياذي غثثثثثثثه اكرهها معي بالجامعه شف مسويه نفسها الكاشخه و..
قاطعها : ايوه ! تبي نتعشى؟
جواهر ناظرته بطرف عين : مالت عليك نسيت اني أتكلم مع مشعل ! ايه !
مشعل سفهه كلامها : باستا ؟
جواهر : ما شاء الله تقرأ الأفكار يب
مشعل : خلاص انقلعي اجلسي على هالطاولة !
جواهر جلست وبصوت واطي: اكرهك!

جالسة تحوس في جوالها تغير خلفيتها لين مايجي مشعل فجأة لمحت يد تحط شي على طاولتها رفعت عينها .. رجال مملوح حاط لها ورقه على طاولتها ابتسم لها
جواهر اخذت الورقت تقراها : 050.....
انصدمت ! يرقمها !
حطت الورقه على الطاولة .. وسفهته وجلست تحوس في جوالها !
الرجال سحب الكرسي وجلس معها بكل وقاحه : ايش تحبي تشربي؟
جواهر تنتحت .. شيبي ذا ؟! اليوم ذا شكله امتحان من عند ربي ابتلشت بناس هبال
جواهر بإحترام : لو سمحت انا جالسه مع زوجي (اللحين صار زوجك هاه ) مابيه يجي ويشوفك هنا وابتلش عشان حركتك ذي!
الرجال يبتسم بخبث : خلاص اجل اخليه يطلقـ....
فجأة ..


حط الأكل على الطاولة وسحب الرجال من تيشيرته من وراء .. بصوت واطي بنبرة تهديد تخوف : ياكلب وراك مضيع راعيك !؟ (بصوت عالي شوي) انقلع!

ارتجف واخذ رقمه ومشى بسرعه
جلس على الطاول بقهر : اشكال تقهر ! وانت عادي مخليته يجلس ويسولف !
جواهر بإندفاع : من قال قلت له بالحرف الواحد لو سمحت أنا جالسة مع زوجي مابيـ...
انتبهت انها قالت زوجي ... سكتت متفشله
مشعل انصدم .. ابتسم بخبث : ههههههههه والله اني صرت اليوم زوجك التسوقي هع ! خلصينا اطفحي لا يسكرون علينا !
جواهر في داخلها حششش عليه

المجمع فضى تقريبا ...
وهم جالسين يتهاوشون ويتسحرون اقصد يتعشون
مشعل : خلصينا ..اخرتينا
جواهر قامت وقام معها
وهم يتوجهون للمصعد ..جواهر:وااال المجمع فاضي
مشعل:جد!

دخلو المصعد .. كان ضيق نوعا ما
صمتو شوي...واخيرا بعد طول ماكانو مايشكتون كله هواش وبس

مشعل :من جدي أنا جاي بس عشان الروج الذهبي حقك !
جواهر : والله من هرجك ماقدرنا نتسوق مثل البشريه!
مشعل: اف مامليتي وانت تتهاوشين معي ؟
جواهر تناظره بنص عين : لا!
مشعل يغمز لها : اعترفي تنبسطين لما تتهاوشين معي ها ؟!
جواهر : استغفر الله وش ذا البلوة !
كأن المصعد طول ! ماصارت كل ذا ! حسيت نفسي مسافره من اليابان لأستراليا !
مشعل : جد! تعرفين أصلا كم الفترة بين اليابان وأستراليا ؟
جواهر بفشله : هاه ؟! لا ! احم
مشعل : ههههههههههه
سكتو شوي ...
جواهر : اففففف يالزمن توقف ياذا المصعد شايب ! طول جد !
مشعل بدأ يشك : احسه مايتحرك !
جواهر بخوف : لا ايش مايتحرك .. يتحرك انا احس
مشعل : متأكده ؟
جواهر تبلع العافيه : يب
مشعل : شكله هالمـ.....
فجأة يرقع فيهم المصعد بقوة ويوقف عند حد معيين ..
جواهر صرخت من الخرعه ولزقت في مشعل ..
مشعل منصدم وشفيه ذا!
مشعل الاندرالين ارتفعت عنده : لا حوول ! لا تقولون وقف !
جواهر بخوف ويها الغبنة : بسم الله !! ياااااربي
تباعد مشعل يبي يضغط على الزر
انتبهت جواهر انها لازقه في مشعل .. تفشلت وبعدت عنه
راح يضغط في كل الأزرار .. يحاول يفك في باب المصعد .. وصل اتش
ضرب باب المصعد بقوة : لااااااا علق فينا!!!


خلص البارت ...
شسمه ذا رأيكم... وتوقعاتكم ..بانتظاركم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 292
قديم(ـة) 29-05-2014, 05:31 PM
صورة **أدمـنـتـگ** الرمزية
**أدمـنـتـگ** **أدمـنـتـگ** غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


وااااااااو البارت حمااااااااس
أتوقع ان مشعل و يوسف يحبون جواهر
ننتظرج حبيبتي ولا تتأخرين علينا ❤️

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 293
قديم(ـة) 29-05-2014, 05:39 PM
صورة elizabithbenet الرمزية
elizabithbenet elizabithbenet غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


واوووووووووووووووووو نزل الفصل اخيرا مو مصدقة ابدا كيفك يا حلوة ان شاء الله تمام وكيف الاختبارات معك ربي يوفقك وتكوني في اعلى المراتب الفصل ابداااااااااااااااع شو هل خفة الدم روايتك مميزة بشكل وكلما اقرا البارت انسى الدنيا واحس نفسي بمسلسل حقيقي اهنيك بالسلاسة في السرد وسهولة الاحداث والرومانسية الي فيه تستحقي جائزة والله هالكلام طالع من قلبي بس قفلة البارت شريرة جدا وحمستينا وشوقتينا للبارت الجديد متتاخري علينا يا عسل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 294
قديم(ـة) 29-05-2014, 05:42 PM
صورة قلب جريح :$ الرمزية
قلب جريح :$ قلب جريح :$ غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


واااااااااااااااو وااااااااااااااااااو برفكت تسلمي تسلمي
انت كوووووووووول والبارت رووووووووووعة
توقعاتي
والله بظن مشعل و جواهر راح يقضوا الليلة في المصعد
وهييك ما يكون في ارسال داخل المصعد وما يقدروا يتصلوا على حدا
بعدين م التعب جواهر تنام على كتف مشعل
لانه المول راح يقفل ولا حدا يحس عليهم ويبقوا لحالهم
او بعدين يوسف يفكر صار لهم مشكل
ولما يروح للمول ويطلب من الحارس يفتح الباب
يشوف في خيال من المصعد ولما يفتح المصعد يشوفهم في هذاك الوضعية
اللي قلتها بالاول "لما نامت على كتفه" بعدين يحمر وجهه وعروقه تطلع
ويشد مشعل من قميصه ويصير هواااااش مثل مبارزة جون سينا مع دولف زيغلر
وهذا يعطيه بوكس والاخر كف الثاني ركلة <<< حمااااااس اسسسفة بالغت شوي ههههههه
وبعدين جواهر تتدخل بينهم عشان تفك الهواش
بس يجيها بوكس عالطاير << ههه هذا كله غيرة انا مافي حدا ياخذني عالمول وهي في الثنين يضاربوا عشان ياخذوها
اييييه وبظن راح تصير كثير مقابلات بين فزاع و ملاك
بس اوعك في مقابلة اخرى بينهم << تجي الوسخة الزفتة مرة اخرى ترى احراج مرة واحدة يكفي
باتمنى فهمتي مين الوسخة اللي عم بتكلم عليها ههههههه
هذا اللي طلع معييييييييييي ههههههههه
بانتظار البارت الجاي



تعديل قلب جريح :$; بتاريخ 29-05-2014 الساعة 05:48 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 295
قديم(ـة) 29-05-2014, 05:51 PM
صورة فوشية :$ الرمزية
فوشية :$ فوشية :$ غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


روايتك خيال

اكره يوسف مدري ليش
جواهر ومشعل رح يطلعون

كملي ابداع وأرسلي لي البارت لمن ينزل لأنو اختبارات وما قدر كل شوي افتح

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 296
قديم(ـة) 29-05-2014, 05:55 PM
صورة فوشية :$ الرمزية
فوشية :$ فوشية :$ غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


أيوة وتبصيرهم قصة حب بين جواهر ومشعل
ويووووووسف أكرهه مدري ليش يعني كل ذا غيرة
وملاك وفزاع رح يحبون بعض
وراشد هو الي يرسل لجوري
او وليد مدري مين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 297
قديم(ـة) 29-05-2014, 06:37 PM
صورة صرخةة انسانه الرمزية
صرخةة انسانه صرخةة انسانه غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


يوووسف و مشععل اككيددين انهم يحبوون جواههر و مشعل و جواهر بيعلقون فالمصعد و محد بينتبه عقب ف نص الليل يعني جواهر و مشعل يتعرفوون ع بعض اكثر و جواهر تحبه و مشعل يحبها و ججي ...




^بالتوفيقق ف دراستج ❤


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 298
قديم(ـة) 29-05-2014, 07:07 PM
صورة Strigoi الرمزية
Strigoi Strigoi غير متصل
عضوية اللصوص
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


بجد روووووووعة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 299
قديم(ـة) 29-05-2014, 07:52 PM
صورة نملة طفشانة الرمزية
نملة طفشانة نملة طفشانة غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


رووووووووووووعة اتريا البارت الياي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 300
قديم(ـة) 29-05-2014, 07:58 PM
صورة وَعـــــــد الرمزية
وَعـــــــد وَعـــــــد غير متصل
♥..يُحـكَى انّ حُلمـآ جَمِيلآ تحَققَ بالدُعَـآء..♥
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


خوقـــــــــــــــــــأق
احم احم يلا نبدأ التوقعات>>ماعندي بس عشان التهديد
امممم...ماعندي والله بس بتكلم عن المواقف
جواهر ومشعل....لا تعليق -_-
يوووسف...ولعت نار الغيرة ي حليله
فاتن..وش فيها ذي قهرتني
ملاك..بديت احس انها غبيه وربي>>دايم تتفشل وكمان قدام فزاع^^
خلاص عجزت

روايتي الأولى: وإذا إلهاج بفرح ليلة فأنا تهت لبكاج سنين

الوسوم
رواية وإذا ألهاج
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 01:28 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1