غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 331
قديم(ـة) 01-06-2014, 01:45 PM
صورة إشراقة فجر الرمزية
إشراقة فجر إشراقة فجر غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


لاااااااا عااادد موو هناااا) )::

احم يالله التعليق المفصفص المعتاد عند كل روايه<<الله يعينك تخاف تحسبينه بارت ههههه:


مشعل& جواهر:
[COLOR="Red"]اتوقع ينحبسون طول الليل في المصعد وطبعا كالعاده كله مناقر
ورفعة ظغط للثاني واحتمال ينتبهون الموظفين مت ضوت الهواش
هذا اذا ما كانوا طلعو ..ثم اذا ملو من المشاكل ذاك تجي حالة الرعب
المحتمة واحتمال تحصل حالة اغماء فورية بسبب ازدياد شحنات الرعب
اللامفاوية المخلوطه بخلطة الارتفاع الظغطي.. وهناك يحدث الجنون
العقلي لمشعل ..محبوسين +حالة اغمااء!! !>>مامليتي وانتي توصفين هههه

يوسف:
هذا بتجييه حالةة اغماااء عظييييييييييمة
بسسبب الغيره الفظيعةة المخفية ..بس لو يدور له وحدة
غير جواهر يصير خير.. ثم اعتقد انه بيروح المجمعات كلها
يدور عنهم من زود الغيره ..ويمكن يصل الموضوع للاب ..
*اند يكون في حالة رعب *


فاتن*
اتوقع تكون في حالة خارج نطاق الحياة
بسبب الخجل العظيييم واحتمال تجي ملاك الا اكيد
وتجلس تكلمها لكن الاخت في عالم احلامها الى
ان تمل ملاك ثم تحس فاتن ع نفسها وتستخدم
حيلة اللف والدوران!!


ملاك*
الانسه تشوف الانسه 2 وتحاول معها بلا فائدة
ثم تكتشف وتبدا حركات الخبث العظييييمةة وتسمى هذه الحاله%
النادره بنسبة2% حالة* انمحاء البراءة*




ابو يوسف*
البيت مقلوبٌ فوقٌ تحتٌ والرعب موجودٌ
بسبب تأخر الاثنين لكن ماعندي ادنى شك بأن القلق اللي
عنده هو قلق ع جواهر فقط.. واول مايرجعون يستلم
مشعل تهزيئة لا تخلو من بعض الاثار الجانبية كالاورام
والكفوف والترجيف وريما الخنق<<حشى وحش هو!!


ام يوسف *
دموعٌ تنهمر.. وقلبٌ منفطر.. تبكي خوفا
ع فلذة كبدها ..وفلذة كبدتها.. اقصد وفلدة كبدة القريبه ..
وايضا لا يخلو من بعض العصبية المفاجئة.. !!!!



سارة*
انوااع البكاء تشوفها تقول جا قصف لبيت"م!!
وتحاول تدق ع جوااهر لكن بدون فائدة ..وتبدا الشهقات
الخارجة عن نطاق القانون بالخروج من الحلق الجاف.. !!



وليد*
جملة تفي بالغرض:
))حب وتعب واخرته دمار وشغب!! ((
يعني بالنهايه جوري ماراح تكون لهه.. !!


جوري*
اتوقع تكون هي غرب ووليد شرق
يعني مااتهتم لهه وتعتبره كأخ فينجرح وكذاا


فرح*
مااتوقع انها تتوب اعتقد بتضيع.. وان تابت فبتكون من نصيب يوسف
لكن اتوقع بالبدايه انها تحاول تسوي جرائم ككل حاقده!!


مرح*
مثلها مثل اختها !!

فزاع*
يحاول يتقرب من عايلة ملاك او يمكن يكون صديق لاخوها
..وتكثر المواقف بينهم ..ويزداد حبهه لملاك ..ومرده يخطبها.. وتوافق<<استعجلت الاحداث اختنا في الله


راشد*
مايهتم لا لفاتن ولا غيرها
والتفسير الوحيد هو مجرد اعجاب
اما انه يهتم لها هذا احس مستححيييلل


غرام*
تنجح بدراستها..

رانيا*
اوتقع تطلق ع جواهر لقب مرييع.. ولكن بيجي احد
يخليها تتوب ..هذا اذا مااطلقت ع زوجها وعيالها القاب


الشباب الثلاثه اللي كانت يفكرون بفعل امر سيئ بملاك<<مانست :
يكون لهم يد في افساد علاقة فزاع وملاك>>هو اصلا فيه علاقه??
وثم حادث سيارة يشيلهم


الكاتبة*
اتوقع انها بطيبة قلبها الرقيق بتنزل بارتات كثارات >>حلوه ذي
وجميلات خلال الاجازات^حلوه ذي بعد ههه








التعليقات*

ابو يوسف*
من كل كل اعماق اعماق قلبي اقول لك اني:
اكــــــــرهــــــك. انت انسان خالي من المشاعر
سيئ جدا في التعامل مع الابناء.. ولو تموت يصير خير <<انه الحقد


ام وسف*
احبك قليلا ياذات القلب الهش* هشهشه وانا مدري*

جواهر*
ي جمييل ي رئع احبببك تدري? ياختي انتي سعاادده
س ع ا د ه..بس لااااتحبين يوسسسف حبي مششعل


مشعل*
ياااخيي احبببك ..انت معجبنيي يااخي انت شي جمييل
ترا ابوك ماعنده عيون ..وشلون يكون عنده عيون ولا يشوف
كل ذا الرزه والجمال ..اححم لا داعي للشكر



يوسف*
ياااخييي افففههممم ااااككرررهههكككك انت وابووك مردك فرح
وتخب عليك ساااااااااامع ويلا مناك الباب يوسع جمل ي فيلل


فرح*
شوفي انا مو مانعتك من يوسف شرط ان تكبحي الحب الغبي
اللنااتج من شحنات القلب اللامفعويه


فاتن *
تعجبيني وتعجبيني وتعجبيني احببك ي سعااادددهه..
بس ها ياجبل لا يهزك ريح لا تحبين رشيد<<اتطنز في الاسم


ملاك& فزاع*
ياااخييي ااحبببككمممممممممم تعطون الرواية سكر فوق سكرها


رانيا*
ااحببكك انتيي بععدد
بس الدلع السسساامج هذا ع جنب


غرام *
بسم الله اللهم اني اعوذ بك من الخبث والخبائث ..تصدقين انك تخوفين احيانا
لدرجة الصوت وصل عندي من زود ماهو عالي >>ايه ايه انزين صدقت





مرح*
احس فيك طيبه عجيييبه محد يحس فيهااا..

الكاتبه*
يااخيي ابداااااااع… ♥😍😍😍












اتمنى يكوون طويل لاني جلست سااعه كاامله اكتبه لا مو سااعه يعني 44 دقيقه كذا

ودي لك :
shosh$:!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 332
قديم(ـة) 01-06-2014, 01:47 PM
صورة إشراقة فجر الرمزية
إشراقة فجر إشراقة فجر غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


الاغلاط الاملائية بسبب الكيبورد-_-
لقد حطم قلبي
هومن نفسه يسوي فيها فاهم ويعدل الكلمة بدون اخذ رأيي ويلعوز!! !!!!!!!!!!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 333
قديم(ـة) 01-06-2014, 02:01 PM
صورة ملاذ.. الرمزية
ملاذ.. ملاذ.. غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


بارت جميل هههههههه ودي اتمنى جواهر تكون لمشعل احب هالثنائي
وفواع ياخد فتون وملاك تتزوج ةلد الجيران

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 334
قديم(ـة) 01-06-2014, 03:35 PM
صورة المتني يازماني الرمزية
المتني يازماني المتني يازماني غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


اشراقة فجر
واللي يرحم والديك مالكيتي اطول من هذا التعليق؟؟
اكيد حكاية شموخ بعد ماتقره تعليقك تضربنا عرض الحائط احنه وتعليقاتنا المختصرة
يا اختي راعينا شوي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 335
قديم(ـة) 01-06-2014, 03:39 PM
صورة المتني يازماني الرمزية
المتني يازماني المتني يازماني غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


حكاية شموخ
انتي وتعليقاتك شي خورافي اموت في دمك العسل
عاد انا اكثر رواية احب اعلق فيها واقرأ كل تعليقات الأعضاء هي روايتك
لان صدوك تموت ضحك
ادري عندك امتحانات ولهذا كاعدة ارفع معنوياتك سويت معروف ومدحتج ليش ما اكملة ما ادري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 336
قديم(ـة) 01-06-2014, 11:08 PM
صورة *غلا الروح* الرمزية
*غلا الروح* *غلا الروح* غير متصل
©؛°¨غرامي جديد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


يووووههه تلخبطت في الكتابهه المهم عادي عاديي
الكتابب قلب امم رااسييي<<< ايهه صح نسيت ان راسي ماعنده امم هع هع
اهم شي يلا بسس عادي مافي حد تفجرت جبهته
بس صراحه انا اقولكك انا ماهتم بالشخصيه يعني منو يقرب ليها ومنو تعرف اهم شي عندي الروايه حلوه ولا لا
اقول قلك اقعد ساعه احفظ البنت منو يقرب لها ياخي انا شدخلني فيهم اهم شي عندي القصه
عاد اهرب من الكتاب ايجي احفظ النسب حقهم بلاهي كيف تيجي ذي
بس شكليي بعد ما تفجرت جبهتي احفظهم من اول <<< اييهه صح نسيت ان جبهتي ماتفجرت
اقول شكل صرت مفهيه من امم الكتبب هذي الي ماتسبب الا عوار الراس
^
ادري ان كلامي ملخبط حاولي تفكينه شوي شوي عشان تفهمينن

باااايووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 337
قديم(ـة) 02-06-2014, 06:42 AM
صورة Shamma_h الرمزية
Shamma_h Shamma_h غير متصل
©؛°¨غرامي جديد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


احم احم السلاااام علييكمم .. الصراحهه الروراايهه ولا اروووعع يعني يعني جي اجنن <<اتخبلت😂
همم وهااي اول مره اقرا فيهعا رروايه سعوديهه.. واايد حبييت الشيي وواحلى شي رمستكم ي لبه قلبكمم ي السعوديين 😍😍..""قمت اتكلم سعودي مع اهلي ""<ههههههه متأثره .. وجيي يعنيي
احس انيي واايد اتلكممتت ههههه <<حمااس
ونسييتت اخر شيي ربيي يوفقجج حبيبتيي❤️

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 338
قديم(ـة) 02-06-2014, 05:17 PM
صورة $راما$ الرمزية
$راما$ $راما$ غير متصل
©؛°¨غرامي نشيط¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


اليوم الاثنين اين البارت ياحكايه

من الحماس متحمسه بقووه
فديتك
♥♥

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 339
قديم(ـة) 02-06-2014, 11:21 PM
وهم بن رحم وهم بن رحم غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


السلام عليكم وين البارت موب على اساس اليوم؟؟؟؟


تعديل وهم بن رحم; بتاريخ 03-06-2014 الساعة 01:16 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 340
قديم(ـة) 03-06-2014, 12:04 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


البارت الحادي عشر (11)


" مابين الحياة والموت شعرة ... ومابين الضحكة والبكاء شعرة....ومابين الحنان والقسوة شعرة ...بإختصار!.....الحياه هي فرح وحزن لا يلتقيان!"

راح يضغط في كل الأزرار .. يحاول يفك في باب المصعد .. وصل اتش
ضرب باب المصعد بقوة : لااااااا علق فينا!!!
جواهر بخوف:تمزح؟!!!!1
مشعل التفت لها بعصبية: تشوفي الوقت ذا وقت مزح؟!
جلس يناظر كل زاوية في المصعد يمكن يكون فيه زر طوارئ بقهر:مصعد فاشل!
ناظر جواهر:راح انتظر 5 دقايق اذا ماتحرك فينا ..(سكت شوي وتنهد) راح نتصل لأحد يشوف لنا حل

مستندين على نفس الجدار ..جواهر في زاوية ..ومشعل في زاوية
مرت دقيقة..دقيقتين..3 دقايق...4 دقايق..5 دقايق...6 دقايق ..7 دقايق ..8 دقايق
9 دقايق
حط يده في جيبه ..انصدم ... جلس يحرك يده بسرعه في جيبه .. رفع راسه مصدوم
جواهر : شفيك ؟
مشعل لف لها مصدوم: جوالي...نسيته في السيارة!
جواهر بلعت ريقها بخوف:أصلا عادي أنا عندي جوالي
فتحت شنطتها وجلست تدور عن جوالها بهستيرية ..(اتنهدت برتياح) آآآه الحمدلله شفته ..(التفتت له) اتصل لمين؟
مشعل لاف وجهه للجدار بقهر :ليوسف !
جواهر بإستغراب : ليشم و أبوك؟
مشعل متضايق بس رد عليها ببرود : مجبر أخاك لا بطل!
جواهر :طيب
فتحت جوالها ..بخوف: هيه انت اشتغل لا تورطنا يرحم امك!!
لف لها : شفيه!!؟!
جواهر ناظرته وقلبها يرقص سامري من الخوف : مافيه شحن!
ضرب الجدار بيده بقهر: افففففف وش ذا الحظ!!!

تقرب لباب المصعد وجلس يدق بقوة وبصراخ لدرجة وجهه صار احمر: احناااااااااااااااااااااا هنااااااااااااااااااا ..احد يجي يساااااااااااااااااعدنا
.................................................. ..........................

في غرفة جميلة وفاتن
النور طافي... مشغلين الثرية .. وبينامون على النور الأصفر...والمكيف شغال اعلى درجة
كانت جميلة منسدحة على سريرها . وشوق منسدحة على سرير فاتن

جلست شوق والتفتت لجميلة الي كانت منسدحة..بهمس : هيه ..جميلة نمتي ؟!
جميلة فتحت عينها وتناظر السقف: لا
شوق : ملانة ومو جايني النوم ...سولفي معاي
جميلة : مي تو .. طيب اعطينا سالفة
شوق: بقولك السالفه بس مو تعصبين وتقولين مللتينا بهالسالفه
جميلة ضحكت : ههههههههههههه ايوه شفيها المزرعة
شوق: هههههه يالنذلة فاهمتني .. تدرين ان في المزرعة بركة ؟
جميلة:يب قلتي لي
شوق: طيب تتوقعي عادي نسبح فيها ؟
جميلة : اها والرجال يشوفونا
شوق:بلا هب انا شفت مخوخ منتهية بس مثل مخك عمري ماشفت ولا باشوف
جميلة:لان من عاشر القوم 40 يوما صار مثلهم
شوق رمت عليها المخدة..وبقهر:والله اثرت عليك فاتنو بالجلافة
جميلة فاطسة ضحك:هههههههههه أقول اخذي مخدتها لاتجي وتذبحنا
شوق بقهر:ارميها
جميلة رمتها
شوق حطتها مكانه وكملت : الزبدة ان المزرعة فيها مبنى فيه مجالس وحمامات ومطبخ وفي مبنى ثاني كذا وكل واحد قباله بركة
جميلة : ههههههههههههههههههههه مبنى ههههههه مبنى مرة وحدة
شوق: هه هه هه بالبايخة سلكي
جميلة:طيب آسفة شسمه ذا أتوقع ايه يعني هم عزمونا على مزرعتهم لازم يتحملونا
شوق انسدحت : افففففف متحمسه حدي متى نخلص اختباراات
جميلة لفت وعطت شوق ظهرها : هانت ..

.................................................
بعد الطق القوي والصراخ الغير مسموع ... تعب وجلس عند الزاوية
وجهه احمر .. مستند على الجدار ورجل مرفوعة ورجل منسدحة
^اما الشرح
التفت لجواهر..توقعها ذابحة نفسها من البكاء
كانت جالسة ورجلها مرفوعة وضامتنها لحضنها .. وجالسة تناظر المكان بتركيز
مشعل مستغرب: شفيك ؟
جواهر بدون ماتلتفت : جالسة افكر كم الساعة اللحين .. واذا الوقت متأخر ... يعني سكرو المجمع ..واذا سكروا مجمع (التفتت له..وبجدية) يعني مافي احد!... واذا مافي احد مين راح يخرجنا ؟ ... وجوالاتنا واحد طافي والثاني منسي في السيارة .. يمكن فيه زر او شي حق طوارئ .. مافيه شيء ! .. يمكن فيه فتحة مافيه ! ... يمكن اذا ضغطنا كل الازرار يصير شي.. ماصار! ..جالسة افكر بعقدة شكلها مالها حل الا الانتظار!
مشعل جالس يناظرها بصدمة .. منصدم من تفكيرها ... هاذي لو وحدة غيرها جلست تبكي وبس.. بهدوء: توقعتك تبكين!
جواهر نزلت راسها وناظرت الأرض أو بالأحرى رجلها وضحكت ضحكة استهزاء:هه ..ليش ؟ مشكلتنا موب عويصة مالها حل .. على الأقل اذا انتظرنا راح يجي احد وينقذنا ..في النهاية اكيد راح نخرج ! ...لفت له وابتسمت
ناظرها بدون مايبدي أي ملامح .. وهو في داخله منصدم منها ومن تفكيرها وأملها في هاللحظة

جلست تدور في شنطتها عن شي ..التفت له :عندك ساعه؟
مشعل : لا نسيتها في السيارة
جواهر: ماشاء الله كان نسيت نفسك في السيارة بعد
مشعل : ياليت كان انت لحالك محبوسة هنا لين ماتخيسين
جواهر بقهر: سخيييييييييييييييييف

سسكتو لفترة طويلة .. طويلة جدا
مشعل ووجه احمر وعرق:حرررررررر
التفت لجواهر
كانت مسندة راسها للجدار ورافعتنه كان احمر جد وبالموت تتنفس : حر
مشعل : بزيادة
جواهر بتعب : عندي ماي بس أخاف نعطش ونحتاجه
فتحت شنطتها بالموت يبان انها تعبانه .. اخذت دفترها وشقت منه ورقه وجلست تكفسها
بمزح وابتسامة صفراء: هه ..العاب الطفولة فادتنا
وعطته ورقة (مروحة)
مشعل ابتسم وجلس يحركها
قطعت لها ورقة وكفستها مثل ورقة مشعل .. وجلست تبرد على نفسها
مشعل مغمض عينه وبإبتسامة : اما انها تجيب هواء
جواهر : افا عليك اعجبك..عطشان؟
مشعل يكابر: لا
جواهر: متأكد؟
مشعل : ايه
جواهر سندت راسها وغمضت عيونها : مشعل.. تتوقع لو أنا مع يوسف اللحين وش راح يسوي؟
مشعل بقهر وبإبتسامه سخرية: ههههه كان انتم طالعين من هالورطة من زمااان
جواهر على نفس الحاله:ليش؟! وش الفررق بين تفكيرك وتفكير يوسف في هاللحظة ؟
مشعل وقف تحريك المروحة ..وناظر الأرض... بهدوء : الفرق عند أبوي...ان أنا مشعل .. وهو يوسف!
فهمت قصده ... ان ابوه كان من زمان يتصل على يوسف .. واذا شاف ان يوسف مايرد .. عادي جدا يروح المجمع نفسه ! ... بس مشعل مو مهم ! أصلا ليش يتصل له ويستفسر عنه ؟ هذا عمي

مشعل بغصة :أوقات كثيرة .. افكر فيها ... يمكن ابوي تزوج وحدة غير امي .. وانا ولدها ! ... فلهذا ابوي يعاملني كذا! .. واحيانا افكر ... يمكن انا ... ولد أمي بس! .. يمكن امي كانت متزوجة شخص وطلقها ونساني .. او تزوجت شخص ثم صارت ارملة .. وابوي تزوجها وجاب منها يوسف وسارة .. المشكلة ان يوسف اكبر مني!
أحيانا افكر .. يمكن انا سويت له شي خلاه يكرهني ..(ناظرها وهو يرص على اسنانه بقهر ورفع صوته ) بس كل ما أتذكر مافيه شي ! مرة وأحنا صغار مانفهم ... كنا ملانين..اقترح يوسف ان نلعب بالشاي..لعبنا فيه وبعدين ؟ احترقت يدي انا .. وصرخنا ..كانت امي نايمة فوق وماسمعت ..ابوي كان في الدور الا احنا فيه وسمع وجاء ركض..شاف اللي صار تدرين وش سوى ..صارخ عليي ليش لعبت في الشاي انت غبي متخلف ماتفهم ؟والتفتت ليوسف وبحنيه عكس النبرة الي كان يكلمني فيها سأله : صار لك شي؟ تأذيت ؟ يوسف قال يبه انا الي قلت لمشعل نلعب شاي انا الغلطان .. ابوي التفت لي ومسكني بقوه (هنا عينه دمعت) اخر مرة تلعب في الشاي فاهم ولا قسم مو بس يدك الي تنحرق !
جواهر ليش؟ ... ليش ؟... ليش بدل مايوديني المستشفى بسرعه قال لي هالكلام؟ .. ليش بدل مايهاوش يوسف وهو اعترف هاوشني انا ؟ ... جواهر ليش ؟ وش الفرق بيني وبين يوسف ؟
لف وجهه للجدار بقهر وضيق

جالسة تناظره وتسمع كلامه وقلبها يتقطع أشلاء عليه .. وسؤاله يرن في بالها ..جد .. ليش ؟ ... (جواهر ليش؟ وش الفرق بيني وبين يوسف؟)

بس المشكلة ... ماتقدر تجاوبه .. سؤاله ماله جواب!
كان يبي يفضفض قلبه مليان هموم ..كمل وهو لاف وجهه للجدار : من كثر مايوسف يأخذ حقي من عند ابوي في أشياء كثيرة (يقصد الحنان والخ).. أحيانا كنت افكر انه بياخذ من عندي وظيفتي وشي ثاني .. وفعلا الوظيفه كان بياخذها .. مو ابوي كان يبي يوسف الا يشتغل معه بس لان يوسف طموحه الطب فأبوي خلاه على راحته ..
بس انا .... سكت شوي ... انا رمى طموحي في عرض الحائط ..كان بيجبرني على الوظيفة (لف لها ) لولاكِ! ... تدري جواهر في اللحظة الي قال فيها ابوي انك انت الي اقنعتيه .. طار عقلي من الوناسه .. في احد دافع عني .. في احد اهتم لامري ..يمكن تكون شفقة بس مايهم .. على الأقل كنتي بنت عمي الجديدة ومع ذلك فتحتي سالفتي مع ابوي . واقنعتيه !
جواهر بإبتسامه : لأنك ولد عمي وتستحق طموحك ! مشعل اذا تبي تفتح قلبك لأحد انا موجودة..اعتبرني مثل اختك وراح أكون معك دائما!
وايش هو الشيء الثاني ؟
مشعل حس براحة من كلامها مايدري ليش ..: الشيء الثاني ..هه ... بس يمكن لي لا .. ماباقول حبيبتي لأني ما اثق في هاذي الخرابيط .. بس خليني أقول زوجتي .. تخيلي زوجتي تحب اخوي ؟ تعرفي يوسف حنون على الكل وطيب ..وانا مافيني إحساس! .. يمكن زوجتي يميل قلبها له ! وتحبه! وش راح يكون موقفي ؟
جواهر انقهرت بقوووه وبإندفاع :مشعل وش هاللكلاااااام ؟!
أولا: وش هالهرج ليش ما تثق في الحب ؟ ليش تعتبر الحب مو حقيقي؟
ثانيا: مين قال انك بدون إحساس ؟!!!! عشانك مو طيب يعني انت مافيك إحساس؟! وش هالكلام الغير منطقي كليا !!! صحيح انك شرس ووحشي ومعفن بس تراك حنون وتهتم بالناس بس انت تكابر وماتبين لهم .. مو عشان كذا تقول انت ماعندك إحساس!
ثالثا : وش هالهبال الي في
زوجتك عشان تترك زوجها وتحب اخو زوجها ؟!
انصدم من اندفاعها .. جلس يناظرها بتناحه لمده ... وأخيرا فتح فمه : أي! انا ما اثق بالحب ! كله كلام روايات وافلام ومسلسلات ! مافيه احبك وتحبني وبعدين يتزوجها ترا هذا كله خرابيط! لا تصدقيها!
جواهر : مين قال اول مثال عندك ولد عمك عزام حب هيفاء وتزوجها بعد !
مشعل : اها وتتوقعيه حبها عشانه عرف شخصيتها ؟ ولا عشان شكلها ؟ اكيد شافها بالخطأ واعجب بشكلها وخلاص حبها وانتهي .. ولا هو وش عرفه في شخصيتها
جواهر : اوك خلنا نحذف سالفه عزام وهيفاء انت تعرفهم قبلي وابخص فيهم..وحب زليخة للنبي ؟
مشعل : مافيه مقارنه ..حبها له كان لحكمة إلهية
جواهر اتفشلت وماعرفت ترد: اوك ان شاء الله تحب وتتفشل وتتعترف ان فيه حب !
مشعل ضحك عليها بإستهزاء
سكتو لمدة قام مشعل للباب وجلس يطق فيه ويصارخ
جلس بقهر
قامت جواهر ...ضغطت على جميع الازار وجلست تطق الباب بأقوى ما عندها وتصارخ وفجأة تقول هيلب
مشعل يناظرها وهو مصدوم اول مرة يشوفها كذا ..: اللحين وش بيصير اذا صارختي انت يعني انا صوتي ارفع اذا ماسمعوه كيف بيسمعوك ؟
جواهر تجلس مكانها وبالموت تتنفس من الحر والصراخ الي صارخته :وش فيك انا بنت يمكن ااذا سمعو صراخي يفزعو لي
مشعل بسخريه:اها طيب والهيلب ذي حقتك؟
جواهر:يمكن الي موجود اجنبي ومايفهم كلامنا وصراخنا يحسبنا نهرج
مشعل فقع ضحك :ههههههههههههههههههههههههههههههههههههههههههههههههه ههههههههههههههههههههههههههههههه اما ان تووووحفه هههههههههههه
جواهر سندت راسها على الجدار بتعب وابتسمت
مشعل بقهر : مصعد فاشل!
جواهر مسندة راسها ومسكرة عينها .. فجأة تشم شي غريب
لفت لمشعل...انصدمت ... وحطت يدها على انفها... وبقهر:مشعل من جدك؟! للآن تتدخن !؟
مشعل ببرود : ايه عادي مايضر!
جواهر عصبت منه بقوة : مشعل يرحم امك طفيها !
مشعل ببرود : مالك دخل!
جواهر : طفيها بس اللحين لما نطلع شغلها سوي الا تبيه ... ماتحس بالحر انت وتشغلها ؟!
مشعل : عادي عندي الوضع تعودت على الحر
شرب دفعه قوية وهفها
جواهر تحاول ماتتنفس هالتلويث بس هيهات ماتقدر هم في مكان مغلق موب مفتوح... بتعب : مشعل طفيها
مشعل بنرفزة : وش تبي انت ؟ اللحين انا الي بنضر مالك دخل
طبعا طول المحادثة وهو مايناظرها لاف وجهه جهة الجدار
شوي .. سمع صوت صفير
لف لجواهر ... لقاها رجولها مهدودة وراسها مسند على الجدار ومغضة عينها ووجها احمر بقوة .. وتتنفس بصعوبة ... هي اللي يطلع منها صوت الصفير!
انصدم من وضعها ... طفى السيجارة بسرعه وتقرب لها
مشعل بخوف : جواهر شفيك ؟
مايطلع منها غير صوت الصفير
مشعل منفجع مايدري وش يسوي ...تقرب لها ومسك راسها :جواهر !
جواهر فتحت عينها بصعوبة .. رفعت يدها بالموت واشرت على صدرها
مشعل مصدوم مو قادر يصدق ..ضيق تنفس؟ بسسبب السيجارة ؟ بسببي؟
مسكت قميصه بقوة عشان ينتبه لها وناظرت شنطتها ..
مشعل في باله ...صوت صفير .. ضيق التنفس .. صعوبة الزفير ؟!!! مو معقولة مستحيل!
انتبه لها وجلس يناظر مكان الي تناظر فيه ... اخذ شنطتها وجلس يفتش فيها بسرعه في هالاثناء كل شي مر على باله .. رفع راسه بخوف: جواهر معاك الربو ؟
جواهر اومأت له بالإيجاب!
انصدم وبسرعه جلس يدور في شنطتها ... الجهاز اللي يسخدموه أصحاب الربو ويدعو ان يكون عندها
شافه .. تقرب لها بسرعه ..فتحت فمها ... حط الجهاز في فمها .. جواهر بعدته عن فمها بقوة واخذت الجهاز من يده واستعملته ... شوي شوي رجعت تتنفس ..صدرها يرتفع وينزل .. في تجربة ضيق التنفس تشوف الموت بعيونها
ناظرته وهي تتنفس بقوة
كان حاط يده على ركبه ويناظرها بخوف بقوووه
جواهر بإبتسامه صفراء وتعب : اهبل انت تحط نص الجهاز في فمي ؟
بإندفاع : ماكنت ادري ان معاك الربو ليش ماقلتي لي ؟!!!!!!! كان مادخنت وانت موجودة .. انا اذيتك اللحين !
جواهر لوت فمها : انا قلت لك طفيها !
مشعل سكت مايدري وش يقول
جواهر وهي تحط الجهاز في شنطتها : ماتدري وش تقول صح ؟
مشعل ناظرها
جواهر وهي تسكر الشنطة : بإمكانك تقول كلمة وحده ببساطه ... آسف!
مشعل بقهر:مستحيل أتأسف!
جواهر ناظرته : انا مابيك تتأسف عشاني .. بس اقولك طريقه لتصحيح الخطأ !
مشعل : مستحيل الأسف اذلال!
جواهر ناظرته بصدمة وقهر : وش هالمنطق الي تمشي عليه انت ! مين قالك ان الأسف اذلال! الأسف كلمة تصلح اخطاااء كثير!
مشعل : اها لو منها فايدة كان اذا المجرم قال للشرطي اسف انتهت المشكله صح !
جواهر عصبت من كلامه :انت تحصر تفكيرك عند زاوية معينة ! خلنا نترك القانون لانه ماراح يستجيب لهالكلمة .. ولكن لانك انسان وقلت لشخص اسف راح تمحي جرحهه منك واحيانا راح تخفهه ! لكن كلمة اسف تعني الكثير ! كلمة اسف مو بس اني باخفف جرحك او بمحيه ! لا كلمة اسف تعني انك تعرف انك غلطت بحق هالانسان تحسسه انك نادم على الي سويته ... اسف كلمة ماتذل ! بالعكس تكبر الشخص في عيون غيره !
مشعل :أ..
قاطعته جواهر:آسفه بس لا تتأسف بدون نفس..
قاطعها : مين قالك أصلا اني كنت بتأسف؟
جواهر:طيب اسكت خلني اكمل كلامي...
مشعل:عن الأسف؟
جواهر:ايه!
مشعل بتأفف:لا حول ولا قوة الا بالله ...افففف وش تعني لك هالكلمة مكبرتنها بزيادة تراك ؟
جواهر:لأن اسف تفيد الشخصين ..القائل والمتلقي...جرب انك تغلط بحق شخص وتتأسف له صدقني بتحس برااااحه ..وجرب ان احد يغلط بحقك ويقول لك اسف .. صدقني بتحس بشعور حلو وبتحس بإهتمام هذا الشخص لك ... طبعا مو تقولها كذا والسلام ..(اشرت على قلبها) لازم تكون نابعه من قلبك ..اذا كنت تحس صعب عليك تتأسف تخيلها كلمة شكرا .. لأن مثل ما انت تحس بفرح لا احد قالك شكرا نفس شي الأسف ..مدري ليش الناس يقدرون كلمة شكرا ويستحقرون كلمة آسف مع انهم من نفس الطينة .. لأن للأسف مجتمعنا يستحقر ثقافة الإعتذار مع انها مهمة جدا جدا جدا ..طيب انت تستصعب كلمة اسف مو لازم تقولها ! .. تقدر تأخذ ورقة وتكتب فيها اسف مع عبارات والتبريرات .. وتحطها في المكان اللي يجلس فيه الي تبي تقوله اسف .و(ناظرته )
كان يناظر فيها بتركيز قوي..
بلعت ريقها :شكلي قلت محاصرة خلاص بسكت لا تذبحني!
مشعل بهدوء واعجاب: لا ماشاء الله عندك ذهن حاضر وتفكير واعي ..كلامك توصليه للشخص بسلاسة وبسهولة ماتحسسيه انك جالسة تتفلسفي عليه
جواهر بصدمة :والله ؟! توقعت انك بتذبحني على هالمحاضرة العريضة الطويلة
مشعل بإستهبال:ليش هي خزانة طويل وعريضة هاهاها ..لا عادي تضييع وقت
جواهر:مالت عليك
....................................
عند شخصية انتم تحبوها كثيييييييير

كانت جالسة تسوي بروفا للملابس الي راح تلبسهم في المزرعة
:هاه مرح شرايك وش البس؟
مرح بتوتر :اممم مدري فرح هاللبس كثير عاري!
فرح تتأفف:افففف انت كيف تبي يوسف يعجب فيي بدون مالبس كذا؟
مرح : أخاف تبعديه عنك بهاللبس مو تقربيه!
فرح بعصبية : انت غبية وش فهمك!
توجهت للمرايه ووقفت عندها وبغرور:في المزرعة راح يكون اول لقاء لجواهر مع زوجات عمك .. وهي طبعا مو احلى مني !..ولازم زوجة عمي تشوفني احلى وحدة عشان تزوجني ليوسف لبى قللللللبه
مرح حطت يدها على قلبها بخوف...خايفة فعايل اختها وين بتوديها
............................................
في السوبر ماركت اقصد في المجلس
كانت فاتن وملاك يذاكرون واكلهم في كل مكان ..
فاتن وهي تاكل الدوريتوس وبيدها الكتاب ..وجالسة تلحن عشان تحفظ : نيوتن خان حبيبته فضربته كف فقال لها لللللليش؟ فقالت له : لكل فعل ردة فعل مساوية له في المقدار ومعاكسة ...معاكسة معاكسة معاكسة ...له في الإتجااااااااااااااااااااااااه!
ملاك تسكر اذنيها بيدها : اووووووووووف ازعجتينا تفكرين صوتك حلو يعني ؟صوتك كأنك ولد مراهق...ثانيا وش ذي القصة بالله عليك وش ذا قاعدين في مسلسل تركي نحن؟
فاتن رمت عليها المخدة : ياحيوانه مالت عليك شفهمك انت أصلا غيرانه لان صوتي حلو مو مثل صوتك المخنخن ثم هاذي طريقه للحفظ بسرعه بس وش افهم فيك انت مع مخك القوطي!
ملاك لوت فمها : اوف منك يالهجومية !
.............................................
جالسين في ذاك المكان المغلق....بدون تكييف ... بدون اكل ....بدون جوالات!

جالس يتأفف وملان حده وحران ... كم صار لهم اللحين ولا احد درى عن هواء دارهم
التففت لجواهر وهو لاوي فمه
كانت متربعة وضامة شنطتها وجالسة تلمع اظافرها!
مشعل منصدم : من جدك انتِ؟
جواهر تلتفت له ببرود : خير وش ؟
مشعل : جالسه تلمعين اظافرك واحنا في ذا الوضع المخيس؟
جواهر تجاهلته وناظرت اظافرها وجلست تلمعهم : وش تبيني اسوي يعني .. ارفه عن نفسي!
مشعل يستهبل:تبين ترفهين عن نفسك وجالسة تنظفين اظافرك وانا موجود ! افاا ! انت لو تسولفين معي يروح عنك الملل عطول!
جواهر ناظرته بنص عين : أولا اسمه تلميع اسمه ايش تلميع الا قاعدة اسويه تلميع مو تنظيف مع خشتك ثانيا قلها مباشرة وفك نفسك انك تبي تسولف!
مشعل : ما شاء الله اللهم لا حسد يعني بس جلافتك 1000 على 100
جواهر سفهت كلامه : ايوه يقولن بكره عليك اختبار ؟ هاهاههاااي ماراح تختبر بيروح عليك الاختبار ياحراااام ههههههههههه
مشعل بقهر : هه هه هه مرررررة تضحكي مع كرشتك ذي .. في حاجة اسمها عذر ياماما
جواهر : اها وايش راح تقول كنت محبوس في المصعد هههههههه
مشعل يناظرها بنظرة هاذي مجنونة : الله يهديك ِ بس .. انا مدري ليش ربي بلاني بوحدة مهبولة مثلك .. وعلقت معها في ذا المصعد اكيد داخل معك من وين ماراح يجيني الحظ السيء
جواهر :يعني ليش....الطيور على اشكالها تقع !
نزلت راسها وضمته بيدينها خافت يجيها شي يفلق راسها من حيث لا تدري
مشعل يناظرها بقهر : ياااا انك انسانة يعني مدري وش أقول .... سيييدة اول مانطلع اوديك المشفى ذا حق المجانين حالتك صعبة
جواهر تلف له : تبي المع اظافرك ؟
رمقها بنظرة ...
جواهر بخوف : استهبل استهبل .. بس خلصت وملانه مدري وش اسوي ... (مسكت بطنها ) وجووووووعانه حدييييييييييييييييي
مشعل سند راسه على الجدار : حتى انا!
لفت لها : دوري في شنطتك يمكن فيه ذا شسمه اكل !
جواهر : مع اني ما أتوقع بس بحاااول
مسكت شنطتها وجلست تدور فيها
جواهر لفت له بإستياء وبلهجة مصريه :مفيييش!
مشعل : اف ... (وفجأة) تعاااااالي ! تذكرت
وحط يده في جيبه ... : حبيت فيصل فجأة !
وطلع من جيبه معمول .. التفت لها وهو مبسوط : هذا معمول عطاني وياه فيصل مادريت انه بيفك ازمة!
جواهر : ههههههه حسستني انه شي كبير بس يلا اقسمه خلنا ناكل نحسس كريشنا انهم بأمان
مشعل وهو يفتح المعمول : شوفي انا ماعرف اسوي حركات الايثار ذي واعطيك المعمول لك لوحدك ...لااااا حبيبتي هاذي وراها بطن ... بقسمه بالتساوي!
وعطاها نص ..
جواهر وهي تاكل: ههههههه فجأة حسيت نفسي في فلم اكشن والبطل والبطلة ضاعو ومبتلشين وجواعة فجالسين ياكلو كذا نص بنص ههههههه حماااس
ارمقها بنظرة : والله جد جد جد انك مهبولة! احد في ذا الوضع وفرحان ومبسوط انه جالس ياكل نص معمول مع ولد عمه والمصعد معلق !
جواهر : ههههههههه تيك ات ايزي يا عزيزي
شسمه ذا انا عطشانة بشرب اول بعدين بعطيك
^ماعندهم ايثار ابد
مشعل : طيب طيب بس مو تمليه لي بريقك !
جواهر : ايش امليه بريقي اوك مو مشكلة بس أخاف سكرك يرتفع ريقي عسل!
مشعل يناظرها بنص عين : أي عسل الا بصل الله يسلمك .. خلصيني يلا
شربت وعطته ...
جواهر:رجلي نامت!
مشعل:صحيها ههههههههههههههه
جواهر ناظرته بطرف عين : المطلوب اضحك ؟
وقفت عشان رجلها تتحسن .. وقف معاها
جواهر:خير وش تبي؟
مشعل:برقص معاك ..يعني وش ابي؟ ابي احرك رجلي
جواهر:يااااااااااا الله البزران ذول يقلدوك في كل شي!
مشعل : هبلة ذي كل شي تصدقه ! بحاول في هالمصعد يعني ايش
توجه للمصعد في البداية طق وطق وصارخ
بعدين حاول يفك في الباب
جواهر مصدومة : من جدك ماراح تقدر!
مشعل وعروق يده بانت من قوة الشد ووجه احمر : اقدررررررررررررررررر
جواهر : يارباه..اساعدك ؟
مشعل وعلى نفس الحال: تستهبلين مع وجهك انت بنت!!!!
فتح جززززززء بسييييط من الباب .. علا صوته : جواااهر جيبي شي يمسك الباب !
جواهر ركضت له بشنطتها
مشعل حطه بدون نقاش عشان لا يتسكر..
لف لها : مالت على حظنا المخيس ..
جواهر بخوف:ليش؟
مشعل بقهر:لأن مفروض واحنا نفتح باب المصعد نشوف الطابق الثالث ونخرج .. بس احنا في النص بين الطابق الثاني والثالث اف !
جواهر:طيب فيه فتحة بسيطة
مشعل:تستهبيلن انتِ!هاذي الفتحة زين ورقة تخرج منها !
مشعل تسند على الجدار بيأس
مشت ناحيته ..فجأة تحرك في المصعد او بالأحرى رقع فيهم المصعد بقووه
لا اراديا جواهر طاحت عند حضن مشعل ..مشعل مصدود كحركة طبيعية اذا كنت بتسقط بتمسك الجدار او أي شي .. فكانت يده ماسكة الجدار ... وجواهر صارت في حضنه
جواهر بعدت نفسها بسرعة ووجها احمر من الفشلة وماتدري ايش تسوي نزلت راسها : آسفه آسفه
كانت بتمشي عنه بتتجه لزاويتها بتجلس فيها
مشعل مسكها ..هنا جواهر ماتدري ليش خافت ..خافت ابليس يلعب في راسه
سكرت عينها بقوة وبلعت ريقها : مشعل بلا طيش اوك اح......
قاطعها : بلا استهبل وش هالكلام ناظري
التفتت له تناظر وين يناظر
مو معقول الفتحة كبرت ..صحيح انها مايطلع منها الا كورة بس كبرت!
ناظرها وهو شاق الحلق بإبتسامه سحريه : انفتح جزء كبير!
جواهر تناظره منصدمة ... ماتدري تتفشل على تفكيرها .. ولا تخق على ابتسامته .. ولا تنبسط عشان جزء بسيط انفتح .. ولا ايش.. اكتفت بكلمة : مبروك!
مشعل بهبال : الله يبارك فيكِ اهم شيء تشرفينا في العرس(تغيرت نبرته بجلافة) تستهبلين انتِ اقولك جزء انفتح من المصعد تقولين مبروك !
جواهر:يا أخي مد......
فجأة سمعو صوت خطوات .. ركضو للفتحة مشعل يطلع يديه وهو وجواهر يصارخو
تحسهم كأنهم محتجزين في القبو في حرب أمريكا على اليابان
: احنااااااااااااااااااااااااا هنا ... ساعدونااا ..علقنااااااااااااااا ....افزعو لنااااااااااااااااااااااا
فجأة شافو جزمة سوداء قبالهم .. سكتو بصدمة مو مصدقين الا يشوفوه
فجأة تحركت الجزمة وصار مكانها .. وجه رجال!
بصراخ ويحطون يدهم على قلوبهم : بسم الله !
الرجال مصدوم : بسم الله ! مين انتم ليش هنا !
مشعل تقرب : علقنا في المصعد من زمااان ! حاولنا بكل الوسائل نطلع بس !
الرجال : من جدكم انتم ؟! الساعه الآن 8 الصباح ! كل هذا الوقت انتم في المصعد محبوسين ؟ ماجعتم ماجاكم اهاليكم ولا شي ؟
مشعل يسلك له : دبرنا امورنا .. شف لنا شي ينجينا من ذا الجحيم افتح الباب
الرجال : آسف والله ما اقدر !
مشعل بقهر : ايش الي ماتقدر افتح لنا المصعد اقولك!
الرجال:انتم أصلا علقانين بين الطابق الثاني والثالث .. يعني مستحيل اقدر افتح الباب مستحيل .. بس أتوقع تقدرون تطلعون من ذي الفتحة
مشعل يدخل راسه يشوف ..رجعه بتعب : أي نقدر
الرجال: يلا الحرمة أول
مشعل يناظرها بقوة : تحلم أنا اول !
الرجال مصدوم : استغفر الله لا تكون اناني خلنا نطلع الحرمة اول
مشعل :وش اناني ! (وطى صوته) مابيك تلمسها بس!
سمعه الرجال وتفهم .. مد يده له ومسكه امشعل وبالموت طلعه لان مشعل ثقييل
مشعل ناظر جواهرومد يده لها
جواهر تناظره بخوف :يمه وش اطلع من ذي!
مشعل:جواهر بلا هبال موب وقت جبنك اللحين يلا مدي يدك
جواهر ضمت يدها وتومأ بلا: لا لا لا خلهم يفتحو الباب أخاف
مشعل بقهر وبدون صبر: جواهر يلا يقولك مايقدر يفتح الباب مدي يدك بسرعه قبل لا يرقع فيك المصعد للمره الثالثه!
جواهر:لا
مشعل بعصبية وصراخ : جوااااهر بسرعه مدي يدك والله العظيم اذا رقع فيك المصعد ونزل فيك مدري كيف بتطلعي
جواهر مدت يدها وبسرعه شالتها
مشعل : جوااااااااااااااهر! والله العظيم قسما بمن خلقني وخلقك اذا صار فيك شيء بموووت انت مسؤوليتي يرحم والديك هاتي يدك !
جواهر تنهدت بقوة ... مدت يدها
سحبها بقوة .. بقى بس رجلها ... تحرك المصعد!!!
جواهر صرخت
مشعل هنا انهبل ورفعها بقوووووة وبسرعه
على اخر لحظة رجلها طلعت من المصعد ... انرمت بقوة على مشعل
جلست تبكي ..
مشعل بعدها عنها..ومسك يدها يبعدها عن وجها وبحنية:جواهر بلا هبل لا تبكين طول الوقت كنت صامدة على الاخر تبكين !
جواهر تبكي : كانت رجلي بتروح يامشعل .. بتروح!
الرجال كسرو بخاطره : حصل خير يا أولاد الحلال حصل خير .. محمددددددددددددد جب ماي للأهل
جا وهو مفجوع : أي ناس؟ (شهق) بسم الله من ذول ووش جيبهم بعدنا مانفتح المحل ؟
مشعل بقهر يناظره : مو لأن مصعد مجمعكم الفاشل علق فييناا من أمس لليوم ولا فيه جرس انذار ولا بطيخ ! انا برفع شكوى على الإهمال والرجعية الا انتم فيها كيف مصعد في هالزمن المتطور ماله جرس انذار!
خافو وابتلشو فيه : اسمح لنا والله اسفين..راح يكون فيه جرس ان شاء الله بس لا تشتكي ماحصل الا خير
وقف وهو يسحب يد جواهر عشان توقف معه : حصل خير هااه ! كل الي صار تسميه خير؟! مهبول انت ! ولا بشتكي وش ضمني اذا ماشتكيت حسنتو شي في ذا المصعد انتم ماتمشون الا بالعين الحمرا....يلا افتحو لنا الباب نبي نطلع(بصوت واطي ماسمعه الا جواهر) علينا اختبار!
الرجال بلعو العافيه : آمرك!
نزلو بالدرج طبعا بعد المآساة الي صارت لهم ..لحد ماوصلو الباب وطلعو
جواهر وهي تناظر الشارع بصدمة : يااااااااااااااااا الله !شف والله نعمة انك تطلع
مشعل وهو يتوجه للسياره : ههههههه حسستيني انك مسجونة منذ مبطي خلصيني بسرعه للسياره الساعه 1 عندي امتحان
جواهر تحركت بسرعه معه .....مسك جواله : واااااااااااااااال!
جواهر تاظره نظرة الـوش صاير؟
مشعل: 52 اتصال من امي ... 40 من يوسف... 28 اتصال من أبوي! و 15 اتصال من فيصل!
جواهر:والل تمزح؟
مشعل: لا والله!

بعد غضون كم ساعه .*اعجبكم وانا أتكلم بالفصحى هع*
وصلو للبيت
مشعل لف لها : يلا بسرعه انا بدخل باخذ كتابي وبطلع!
جواهر هزت راسها ونزلت
فتحو الباب ..
ماتدري ليش نغزها قلبها للمرة الثانيه
فتحوه ...كانت امه جالسة على الكنبة وتبكي بكاء كأنهم توفو ...ويوسف جالس يكلم وخايف حددددده.....طبعا ساره نايمة .....وابو يوسف مو هادي له بال ويمشي!

لما انفتح الباب ....الكل التفت له بأمل!
يوسف : يلا وصلو اكلمك بعدين ..اي أي ..يلا يلا با..اي
ام يوسف وقفت بولهة بسرعه ومبسوطة وكانت تبي تتقرب لمشعل تضمه
سبقها أبو يوسف وتقرب لمشعل ...مسكه من قميصه بقوة وضربه كف حاااار : ياااااااااااا حيواااااااااااااااااااان وش سويت فيها هاااااااه!
يوسف مصدوم:يلا انقلع بعدين اكلمك باي ..يالنشبة باي ...سكر في وجهه
أبو يوسف ما اكتفى جلس يضرب مشعل كأنه سوى شي غلط!
أم يوسف تبكي:عبدالرحممممن بعد عن ولدي تكفى
يوسف مصدوم : وش صاير!
مشعل يمسح الدم من فمه جاه كف من ابوه وجالس يضرب فيه بقوة :واللللللللللللله موتك على ايدي !وش سوووووووووووووويت في بنت عمك هااااااااااااااااااا؟تكلم !!!!!!!!1
جواهر تبكي تقربت لعمها تحاول تفكه عن مشعل:عمي والله ماسوى شي(شهقت) بعد عنه تكفى لا تموته !
أبو يوسف والعصبية والشك عامية عينه وتفكيره!:تدااااااافعين عنه ليييييش هددك!
في هاللحظة حست جواهر قد ايش مشعل يعاني من ابوه .. مستحيل يفكر بمشعل بإيجابيه .. كيف اب مايثق بولده لهدرجه !
يوسف بعد ابوه : يبه يبه! اذكر الله ! وش الي يخليك واثق !!
بعده أبو يوسف بقوة يبي يكمل ضرب ...
يوسف وقف قبال مشعل ورفع يده حماية من هالضربات : ييبببببببببببه ووووقف!
[COLOR="rgb(105, 105, 105)"]
" في لحظات الضرب ... مثل أي انسان طبيعي راح يخبي نفسه بيده كدفاع ... مشعل واقف ببرود ويتحمل الا يجيه بدون أي دفاع"[/COLOR]

ابو يوسف بعصبية :يوسف بعد اخوك هذا لازم يتربى اليوم!
يوسف علا صوته : لا يبه مشعل اكيد ماسوى شي في جوااهر!

[COLOR="rgb(105, 105, 105)"]"أحيانا الثقة تكون اقوى من الغيرة"[/COLOR]

مشعل لف وجهه ومسح الدم الي يخرج من فمه بإستهزاء:ههه هه عادي خله يكمل..تدري نسى يربيني من بينكم!

أبو يوسف بعد يوسف بقوة وتقرب لمشعل عطاه كف قووووي بشكلللللل
: قليييييييييييييييييييييييييييل الحياااااااااا !
منزل راسه ووجهه احمر .. ماسك خده ....ودمعة حاره كان يقاومها نزلت من عينه
كان يبي يصرخ .. يبي يتكلم بأعلى صوته ... يبي يقووول ليش تعاملني كذا
بعد يده عن خده وبعده منزل راسه ..بغصة :ياليتني اموت واريحك !

توجه للباب بسرعه وهو ينتظر يسمع كلمة " ان شاء الله"
رمق جواهر اللي كانت مفجوعة وتبكي ...وسكر الباب

يوسف لأول مرة يرفع صوته كذا على ابوه : يبه ليييييييييييش! ليش سويت كذا !! بدل ماترحبه وتحمد الله انه بخير تسوي فيه كذا !!!
أبو يوسف شوي شوي يهدأ: كنت خايف انه أذى جواهر!
جواهر بعصبية:مفروض تخاف عليه كأول شي!

انتهى الباااااااااااااااااااارت
شسمه ذاك ارائكم وتععليقاتكم وسوووري على التاخير


روايتي الأولى: وإذا إلهاج بفرح ليلة فأنا تهت لبكاج سنين

الوسوم
رواية وإذا ألهاج
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 10:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1