غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 491
قديم(ـة) 09-06-2014, 10:17 PM
وهم بن رحم وهم بن رحم غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


هلا علومت ....بتنزلين البارت اليوم ؟؟؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 492
قديم(ـة) 09-06-2014, 10:18 PM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


راح انزل البارت في منتصف الليل >اما

انتظرووووني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 493
قديم(ـة) 09-06-2014, 10:38 PM
صورة وَعـــــــد الرمزية
وَعـــــــد وَعـــــــد غير متصل
♥..يُحـكَى انّ حُلمـآ جَمِيلآ تحَققَ بالدُعَـآء..♥
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


الساعة كم يوووعني 12..؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 494
قديم(ـة) 10-06-2014, 12:29 AM
صورة Perfect.L الرمزية
Perfect.L Perfect.L غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


السلام عليكم .. مساء الخير يالحب
ياخي روايتك تجنن تجنن تجنن
معرف اعبر بس تجنن
المهم انا مره حبيت مشعل الناس اللي مثله يكونوا عفويين لكن اللي مثل يوسف يصيروا خبيثين
انتظر البارت الجاي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 495
قديم(ـة) 10-06-2014, 12:30 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


البارت فيه احداث كثيرة...جيبو لكم ورقة وقلم واكتبو تعليقاتكم على كل حدث عشان لاتنسون هههههه

البارت الرابع عشر(14)

" ماشعور .. ان لا يكون لك يد في هذا الأمر.. ان لا تستطيع فعل شيء .. ان تكون عاجز ان تفعل أي شي .. ان تشعر بإنك بلا حيلة..امر صعب "


واقف يصب الشاي ..عينه على الشاي ولكنه سرحان .. هو في مكان وعقله في مكان ثاني..

مشعل نصدم بصراخ : فيصل الشاااااي!
فيصل رفع راسه لمشعل ناظر الاستكانة والأرض غرقااااانه شاااي.. واقف بدون مايسوي شي

مشعل وقف واخذ عنه الدلة والاستكانة : وش فيك فاهي؟!!
فيصل مو مع مشعل ..منزل عينه ويناظر الأرض...دفه بقوة : هيه فيصل وش فيك!

فيصل حس على نفسه رفع راسه بتوتر: ولا شي ولا شي!
وجلس مكانه ... الشباب ناظروه بإستغراب

وليد اخذ المناديل وجلس ينشف الأرض....
فزاع يمسك وليد: مو مشكلة مو مشكلة حصل خير اللحين أقوم اخذ منشفة وانشفها
وليد ابتسم له : آسفين ..
فزاع قاطعه : لا وش دعوة عادي تحصل في احسن العائلات
وقف وطلع من مكان الشباب...

راشد : فصلوه وش فيك فاهي فشلتنا مع الرجال؟!
فارس:وش صاير؟
مشعل يرقع لفيصل : ماعليكم منه مفهي ....

...............في مكان الحريم

دخلت مكان الحريم بتعطي هيفاء جوالها لأنها نسته في غرفة البنات .. أول ماتدخل مكان الحريم فيه ممر صغير فيه مطبخ صغير .. وقفها كلام جدتها ... الباب كان مفتوح شوية .. قربت اذنها للباب عشان تسمع

الجدة:صدقني بترتاح وبتعيش افضل عيشة
جاسم : يمه آسف و....
قاطعته بحدة : انت تحتاجها يا جاسم! تفهم يعني ايش تحتاجها !!واولادك مع مكابرتهم بس يحتاجونها !.. خاصة شوق وملاك!
جاسم: يمه شوق وملاك كبرو مايحتاجو أي..
الجدة بحدة كعادتها : انت توهم نفسك!..انت رجال ماتقدر تتفهمهم لو وش سويت ..مهما كانت الأنثى تحتاج انثى نفسها ! تفهمها .. تفهم مشاعرها .. تفهم تفكيرها .. جاسم لا تنزل راسك ناظرني .. جاسم!
اوك خلك من بناتك واولادك .. فكر بنفسك!بعدين عبدالله ووليد وراشد وشوق وملاك كلهم راح يتزوجون ويتركونك .. انت تحتاج زوجة صدقني! انا افهم بمصلحتك ومصلحة عيلتك
هنا ملاك عضت على شفتها بقوة ..سندت نفسها للجدار ورفعت راسها وسكرت عينها بحسرة ...

جاسم : يمه الهدف الأساسي اني مابي زوجة عشان اولادي مايبونها .. انا مقدر اجيب لهم دخيله
الجدة بعصبية:وش دخيلة هاذي! هاذي راح تكون زوجة وليست دخيلة! راح تناديها زوجتي وراح ينادونها ماما!
جاسم بهدوء عكس النيران الي تشب داخله : مستحيل يايمه .. كلمة ماما ماتنقال الا للأم ..
الجدة : للأم الي ربت وتعبت موب اليي خلفت
جاسم يهدي نفسه وبداخله براكين : يمه أزهار (أم شوق وراشد وملاك ووليد وعبدالله) ربتهم احسن تربية بس الله ماكتب تعيش معاهم اكثر(بح صوته بعد هالجملة) .. بس هي مو بس خلفت هي حنت وربت .. هي صحيح ماتت بس ما ماتت في قلبي يا يمه هي بعدها عايشة هنا(اشر على قلبه)
الجدة : بلا كلام الحب هذا الفاضي..
جاسم بقهر بس بهدوء: يمه لما تحزنين عشان ابوي مو معك .. هذا كلام فاضي؟!
انقهرت الجدة : جاسم انا غير وانت غير
جاسم : يمه مافي فرق ..انا ارمل وانت ارمله .. انت عندك عيال وانا نفس الشي ... انا كل شي ولا عيالي .. اموت ولا ينكسر ظفر اصغر صبع فيهم
الجدة : مايهمني كل كلامك .. اختر بين الثنيتن لعلمك .. ثنتينهم طيبات وخلق ودين وكل شي .. لا تخاف على عيالك !
جاسم : عن اذنك يمه !
خرج من المطبخ بحزن .. انصدم شاف ملاك
ملاك والدموع في عيونها ..ببحة : يبه ! راح تزوج ؟
خرجت الجدة من المطبخ بحدة : انت تتجسسين ؟ هاذي تربية أزهار ياجاسم .. وش هالقلة الحياء ياملاك ..
جاسم :يمه!!!!
الجدة : ازهار تعز عليي الله يرحمها ولكن انت اغلى واغلى راح تزوج بدون نقـ....
شهقت شهقة الم نزلت راسها تغطي دموعها وركضت بسرعة ... ضربت كتف ابوها وهي تركض ..
جاسم بخوف:ملاااااك!
بدور راحت عندهم : وش السالفه ؟
جاسم طلع وراء ملاك وترك امه واخته ..
الجدة : انا الغلطانه كلمته في مطبخ الحريم!
"كما الشتان بين يوسف ومشعل ... عبدالرحمن وجاسم شتان مع اولادهما !!!!"
..............................

ركضت وهي منزلة راسها بقوة .. ماتدري لوين تركض ..ووين ارح توصل..بس كانت تبي تهرب .. تبي تهرب من واقعها ..تبي تهرب من فكرة ان أمها ماتت .. تبي تهرب من فكرة ان ابوها راح يتزوج وحدة غيرها

قطع كل هذا انها انصدمت في شي ضخم ... طاحت على الأرض بقوة ...جلست تبكي بقوة ..بكائها البريئ .. دموعها الممزوجة بحمرة وجهها وشهقاتها العاليه

انصدم !..وش جابها هاذي هنا !! هاذي ملاك ! وانصدم اكثر من بكائها!

نزل لمستواها .. جلس القرفصاء ..بحنية وخوف:ملاك شفيك!
غطت وجهها يدها تحاول تخفي دموعها بس شهقاتها فاضحتنها ...

هنا "فزاع" قال اكيد فيها شي كايد ... خاف نغزه قلبه
مصدوم بقوة .. من شوفتها هنا ومن بكائها الهستيري
مسك يدها وبعدها عن وجهها ..بحنية:ملاك وش فيكِ؟

ملاك رفعت عينها الغرقانه بالدموع له ..ليش هو بالذات الي صدمته ...

سكرت عينها بقوة وجلست تبكي مثل الأطفال الضبط ..بألم ممزوج بالشهقات : أبـ...أبووي......... يتزوج
فزاع رفع حاجبه موب فاهم شي..
ملاك تكلم : أمي .............. متـ... متـ.....متوفية! جا..جاسم !
مع ان كلامه ملخبط ... ولكن جمعه ... صــــدمة!
هاذي بنت جاسم! .. اخت راشد! ... أمها متوفيه!
صدمات وراء بعض ..
مايدري كيف يواسيها ... مايدري وش يقول ... وقفها على رجلها بسرعه بما انه قوي وهي ريشة ... فرق الطول واضح

بكم عباتها مسحت دموعها بقوة .. ببحة : شكرا آسفة
فزاع بحنية يبي يواسيها : ملاك ...
صرخت عليه بقوة : ابـــــــــــعــــــــــد عــــــــنــــــــي!
دفته مع ان دفتها ماحركت فيه شعره بما انها نتفة قدامه ومشت بسرعة .. منصدم من صرختها وهو ماسوى لها شي!

رجعت بسرعة وهي مبرطمة : آسفة !
التفت لها منصدم ...
وانصدم اكثر لما شاف هذيك البنت القوية ... تركض ناحية ملاك ...ناظر "فاتن بصدمة " بدون ماينبس بشفه

وصلت لملاك بسرعة مسكت معصمها بقوووة
ملاك اخترعت لفت لجهة الي مسك يدها : فاتن!
فاتن بقوة تخبي القهر الي داخلها ..شدت على يد ملاك : أمي قالت لي الي صار!
ملاك غرقت عينها بالدموع لما تذكرت الي صار وبرطمت
فاتن بعصبية ضربت راسها : ياغبية لاتخافين! ماراح يتزوج !
منصدم من موقفها .. وش هالمواساة !
ملاك تبكي بقوة : فااااتن جدتي تبي تجبر ابوي!
فاتن بعصبية : بلا حيونة ! وين احنا في الجاهلية! ماراح يتزوج احد فاهمة! "لفت لفزاع " وانت ليش واقف تتمنظر!
فزاع يغمض عينه ويسكرها عدة مرات بسرعة : انا صدمتها بالغلط !
فاتن بعصبية : غبي ماتشوف ! اعمى!
ملاك بدفاع وهي تبكي مثل الهبلة : انا الي صدمته !
فاتن بعصبية : قلت لك لا تبكين خلاااص لو حيوانة فهمت !
سحبتها معها بقوة لمكان البنات ...

" في المكان الكريه .. مكان الأجهزة .. والأسرة البيضاء.. وريحة المعقمات .. والمرض .................... والموت !

كانت منسدحة على السرير .. شعرها الأسود الناعم الطويل ..بيضاء جميلة .. عيونها غائرة بنية ..عطت راشد ملامحها بكل حذافيرها :البياض , الشعر, العين .. رسمة الملامح نفسها !
ولكن ملامحها انمسحت!!!!!!!!!

جالسة طفلة الثالث ابتدائي على سريرها ..لابسة زيها المدرسي .. مصرة ان بعد مايخلص دوام المدرسة تجي المشفى.. فاتحة شعرها الأسود الناعم الطويل .. وزوجة عمها منسدحة وتسرح شعرها

الطفلة " فاتن " : مرت عمي .. تدري اليوم ضربت بنت وشديت شعرها بقوة
زوجة عمها جاسم " أم ملاك " بحنية ابتسمت : ليش؟
فاتن : لأنها حيوانة قالت كلام لملاك موب زين ..
زوجة عمها وقفت المشط عند شعر فاتن بإستغراب: ايش هو ؟
فاتن بغرور : ملاك جابت العلامة الكاملة في الاملاء طيب؟ قالت لها انت تغشي .. بنتك الحيوانة الثانية " أم ملاك جلست تضحك في هالجملة" جلست تبكي وتقول لا والله ماغشيت .. ضربت راسها بقوة وقلت لها ياغبية لا تخافين !
قالت الحيوانة الأولى امبلا غشت مستحيل تذاكر وامها في المشفى " هنا أم ملاك ابتسمت بألم"
أم ملاك بألم وحنية : ايوه وايش قلت لها ؟
فاتن تنفخ ريشها : قلت لها ملاك ذكية وعندها اخو حنون وطيب يذاكر لها ..
أم ملاك : تقصدين وليد ؟
فاتن : اييه .. بعدين قالت لملاك .. ترا امك بتموت .. عاد بنتك جلست تبكي بدموع اربع اربع ..قلت لها تأسفي وضربتها لين ما تأسفت ! بطله صح ؟ بعدين ودوني للمديرة طبعا
أم ملاك بإبتسامة وهي تسرح شعر فاتن : بطلة ! انتهيت
فاتن قامت عن السرير : وينها ملاك ؟
أم ملاك وهي تمسك خد فاتن بحنية : في حديقة المزرعة مع عمك .. "بتردد" فاتن ؟
فاتن : نعم ؟
أم ملاك : حبيبتي انت قوية صح ؟
فاتن تهز راسها بوثوق : اكيد !
أم ملاك : ماترضين على ملاك صح ؟
فاتن تهز راسها بوثوق : اكيد!
أم ملاك : وتدافعين عن الحق صح ؟
فاتن تهز راسها بوثوق : يب لو ااموت اهم شي حقي وحق اهلي
ابتسمت على كلام الطفلة الي قبالها .. بتتحمل شي كبير .. لأنها فاتن ! : تعطيني وعد ؟
فاتن رفعت حاجبها بإستغراب: على ايش؟
مدت صبع الوعد لفاتن وابتسمت بتعب .. : انك ماتتركين ملاك وتهتمين فيها ؟ لانك صديقتها وتحبك .. وأنا احبك لانك بنتي وصديقتي
فاتن تضرب صدرها بقوة تقلد حركات الرجال : افا عليك .. انا سند لملاك
ابتسمت وبعدت غرة فاتن عن عينها : فاتن انت جوهرة .. قوية وطموحة .. لا تسمحين لاحد يكسرك !
فاتن ببراءة أي طفلة : مافهمت !
أم ملاك ابتسمت : راح تفهمين لما تكبرين ..
فاتن هزت راسها بالإيجاب ...
سمعت صوت عمها ركضت برا الغرفة ..
بسرعة ركضت تضم رجله : عميييييييييي!
جاسم بضحكة وهو حامل ملاك .. حمل فاتن على يده الثانيه : هههههههه اص فزعتي المشفى !
فاتن بفرح : هههههههههههه عادي
ملاك : شفتي الورود الي في المزرعة ؟
فاتن : ههههههههههههههه اسمها حديقة ياغبية هههههه
ملاك بورزت : بابا شوف بنت اختك
جاسم يضحك : ههههههههههههه بنت اخوي ياملاك كم مره اعلمك ياحلوة
سمع صوت الكاس ينكسر في غرفة زوجته .. نزلهم على الأرض وركض للغرفة بجنون..
شافها تحاول تأخذ المناديل الي على الطاولة ..انفها وملابسها مغرقة بالدم ..
صرخ:أزهااااار!
حط يده على جبينها يتفقدها حرارتها مرتفعه!
صرخ : دكتووووووووووووووور!
مسكت يده بوهن وتعب: جا س م! أنا ...أحـ...تضر!
جاسم يصرخ ويبكي بجنون : لاتقولي كذاااا!!!! ماراح تموتيين! أزهاار راااح تعيييييشييييين
أزهار ابتسمت بتعب ..نزف انفها مرة ثانيه ..

عند الباب .. مدت يدها تغطي عيون بنت عمها .. ترتجف خايفة!

جاسم بهستيرية يحاول يمسح الدم الي ينزفه انفها ..
أزهار بتعب تتكلم مع كل الي حولها ... ارتفاع حرارتها , نزيف انفها , صراخ زوجها ..
: اهـ.. اهتم ..ع(تحاول ماتسكر عينها ) ع ...
فجأة ررجعت دم على سريرها ... لطخت البياض بالدم!
جاسم يبكي بهستيرية .. جاءت الدكتورة .. وبعدته عنها
أزهار بتعب : عيالي!!!
سكرت عينها .... سلمت نفسها لربها !....تركت وراها الرجال اللي حبها من أعماق قلبها .. وعيالها الخمسة! "


سكرت عينها بقوة تحاول تمسك دموعها ...بعد هالذكرى...وفي نفسها تتكلم ... مرت عمي ! .. كيف أقدر اخلى عمي مايتزوج من بعدك ؟ .. مرت عمي ! .. ليش تركتينا ؟ .. مرت عمي ! .. أنا
تايهة !

............................
في مكان الشباب.....

فارس ماسك جواله .. ويبتسم ابتسامة خبيثة!

راشد انتبه له .. بصوت عالي : فرسوه وش قاعد تسوي ؟!
فارس اخترع رفع عينه لراشد : ولا شي!
الشباب كلهم : اوووووووب اعترررررررررررف!
فارس يبتسم : تفكيركم وصخ ياشباب!
راشد ابتسم وغمز لفارس: على هالابتسامة الوصخة لازم يكون تفكيرنا وصخ !
فارس ضحك : ههههههههههههههه أي ابتسامة وصخة الله يهديك
وليد : شباب انتم مجانين اليوم واحد يكب لي الشاي فجأة .. واحد ماسك جواله ويتبوسم يورينا طقم اسنانه هالتركيب .. يعني حالتكم صعبة جد
راشد : أقول مافي غيرك المجنون فجأة داخل لنا وتقول لنا شباب احبكم لان خليتوني اطلع !
الشباب انفجرو ضحك ماعدا وليد ..
وليد وهو يحك راسه ويمثل العصبية : مو عيب مو عيب تقصف جبهة أخوك الكبير .. هاه ليش ماتصير مثل فيصل يحترم اخوه الكبير ؟
الكل:هههههههههههههههههههههههههههههههه3
وليد منصدم : وش فيكم ؟!
راشد ماسك بطنه من كثر الضحك : ماعليش بس انا ماعرفه .. هههههههههههههه هذا مايقرب لي ههههههههه
فارس : هههههههههههه وليد يالمفهي فيصل ماعنده اخوة هههههههههههههههههههههه
وليد يمسك راسه بفهاوة : يوه جد نسيت! ياربي وش ذا !
مشعل : ههههههههههههههه اسكت اسكت ماتترقع ..
مشعل ضرب كتف فيصل : هههههههه اجل فصول طلع عندك اخو واحنا ماندري هاه

كان منزل عينه في الأرض ومو معهم ..
مشعل وتتلاشى الابتسامة من وجهه تدريجيا : هيه فيصل وش فيك مو على بعضك ؟
فيصل ناظر مشعل بجدية : مشعل
مشعل خاف .. فيصل والجدية عداوة ..بتوتر: نعم ؟
فيصل بجدية:قم معي برا

طلعو برا ....

سندو جسمهم على الجدار ...طلع من جيبه سيجار وولاعة ... شعل السيجارة وحطها في فمه .... مد السجارة والولاعة لمشعل

مشعل هز راسه بـ لا...
فيصل وفي فمه السيجارة رفع حاجبه بإستغراب : غريبة!
مشعل:مايفهم لك الا ربك شل السيجارة واتكلم!
فيصل شال السيجارة ...وخرج الدخان بقوة : غريبة!
مشعل ناظر الأرض ..بتردد:جواهر
فيصل ناظر مشعل بجد : وش فيها؟
مشعل بنفس الحالة ...بلع ريقه بقوة : معاها الربو!
فيصل بحدة: متأكد بس عشان كذا؟
مشعل ناظره ..رفع حاجبه :تستهبل مع وجهك ..الزبدة وش تبي تقول
فيصل :تركت الدخان كليا عشانها؟
مشعل بتأفف: افففف ايه عشانها معاها الربو ...تكلم وش فيك فقعت مرارتي
فيصل : مشعل كنت أبي اسألك..."بتردد" انتتتتتتتت...معجب بجواهر صح؟
مشعل فتح عينه بقوة منصدم ":هاااه؟!
فيصل تكلم وحط السيجارة في فمه بسرعه : من قال ها سمع!
مشعل بصدمة: طبعا لا!
فيصل بصرامة : امبلا!
مشعل عصب:فصيييل لا تفقع قولوني..وش احب في جواهرو ماغير ترفع ضغطي
فيصل بعصبية : قول والله اذا انت منت معجب فيها!
مشعل بعصبية يبي يتكلم ..دخل شفايفه داخل فمه بقهر : مانا حالف على بياخة!
فيصل بعصبية: احلف! لو انت صادق احلف!
مشعل بعصبيه : يا اخي بيجيك كف اللحين يفلقع لك هالوجه ! يا اخي قلت لك موب معجب فيها ما احبها يا اخي ليش مُصِر!
فيصل بعصبية وصراخ : مشعل لأني فاهمك!
مشعل بعصبية : مين قال انت فاهمني لو فاهمني ماقلت اني معجب فيـ...
قاطعه بعصبية وصراخ : احلف اذا مانت معجب فيها !
مشعل بعصبية ماتمالك نفسه وصرخ: مــــعــــجــــب فــيــهـــا زيـــن!!!!!!
فيصل تصنم مكانه ...
مشعل بعصبية:غبي! ماخذني هنا عشان هالهبال! طبعا ما احبها بس معجب في هبالها ..هبالها وتفكيرها بس..بس!
فيصل بهدوء: ولو!
مشعل رفع حاجبها : ولو ايش؟
فيصل بهدوء منزل عينه للأرض: مايصير .. ولو خيانة!
مشعل مسح وجهه بقوة بقهر : يا اخي وش هالطلاسم الي تقولها .. بنقلع عنك لانك فقت كبدي!
مشى عنه .. تحرك يمشي في المزرعة يغير نفسيته ..

............"في مكان البنات "

كانو البنات يضحكو ويسخرو كعادتهم .. في زاوية الي تحط مناكير اشكال وألوان .. وفي جهة ثانية جلسة الحش الي مايستغنون عنها .. وفي جهة الي تضرب الثانية لأنها منقهرة منها .. كلهم جالسات مع بعض .. الا ثنتين .. وحدة جالسة بجسدها بدون عقلها "ملاك" .. ووحدة جالسة بعيد عنهم !

"بتصل لك ردي فاهمة؟!
فارسك المجهول"

بقهر ترد عليه " انقلع"

رسل لها :
" جوري ...
احسن لك تردي ..
فارسك المجهول"

ردت عليه بعصبية " انت مجنون!"

رسل لها " مجنون بحبك
آآآآآآآه منك احبك وابيك
ردي عليي اوك
فارسك المجهول"

جوري رسلت لها " ماراح ارد!"

رسل لها :

"آها .. يقولون انك في المزرعة اللحين صح؟!
غذاكم لحم وتغذيتو الساعة 2 بالضبط ما شاء الله بالعافية
والله شبساتكم خطييييييرة ..واهم شي بيناتهم كلهم البرنجلز.. ايه ايه صح
ليش حاطة لك مناكير موف؟
حطي لك أحمر...أحلى هه!
فارسك المجهول"

ارتجفت ... لا مو لهاذي الدرجة! يعرف اني في مزرعة!!!
الغذاء عرفه وحتى وقته ! ... الشبسات وعرف انواعهم!
المناكير الي حاطته وعرفه !!!!!!!

رسل لها
"خفتي صح ؟
قلت لك ... أنا أعرف كل شي عنك
اسألي أي سؤال عن يومك وراح اجاوبه
فارسك المجهول"

جوري بصوت عالي سألت البنات : بنات اعطوني اسم ولد صاحب المزرعة ؟!
رانيا : ههههههههه ليش معجبة فيه ؟
ملاك : فزاع!
الكل ناظرها ..
ملاك بهبال وخوف: وش فيك ههههه اعرفه ولد صيدق ابوي

حاولت تشوف اصعب سؤال وسألته ... بتردد"ايش اسم ولد صاحب المزرعة (الثاني) ؟"

رسل لها بسرعة :
" فزاع ..
انسان طيب وشهم ..
الجلسة معاه تجنن تصدقي؟!
فارسك المجهول"

هنا هي استخفت ... مو طبيعي هالفارس!
اسمه .. صفاته .. وايش ذي الجلسة معاه تجنن !

اتصل لها .. لمت شجاعتها ووقفت
طلعت برا .. للحديقة تكلمه

بتردد جلست تناظر شاشة جوالها .. حفظت رقمه من كثر مازهقها!
شجعت نفسها وردت عليه .. بدون ماتتكلم !
الفارس المجهول : الو هلا
حست صوته مألوف .. سكرت عينها تحاول تميزه .. مين ذا ! صوته مألوف !
الفارس المجهول : هه وش فيك تكلمي!
جوري بصوت واطي : مين انت؟
الفارس المجهول:لبى هالصووووت ياناس!
صارت ترتجف بقوة .. ركبها تصقع في بعض من ثقوة الارتجاف!
جوري شوي وبتبكي : ممكن توقف عن مراسلتي؟
الفارس المجهول بتجاهل لكلامها ..بسرعة رهيبة في الكلام :جلستي من نومك الساعة 9 و 55 الصباح غرفتك حمراء لانه لونك المفضل فطرتي اومليت وفيه اغلب الخضروات بس الفلفل الأخضر لانك ماتحبينه لبستي تيشيرت ابيض دانتيل وبنطلون جلد اسود واكتفيتي بروج احمر وماسكرا خرجتو من بيتكم الساعه 11 بالضبط انت رحتي مع اخوك فيصل ووصلتي الساعة 1 الا ثلث تغذيتو الساعة 2 واكلتو لحم عجبك الغذاء بقوة لان طبخ زوجة صاحب المزرعة رهيب بعدها شربتي شاي وقهوة مع جدتك انت شربتي قهوة وجدتك هزأتك لانك ماتعرفين تصبين القهوة بعدين ...
قاطعته بصدمة وبخوف وهي تبكي :خلاااااااص!بس خلااااااااااااااااااااااص!!!!!كيف تعرف كل هاذي المعلوماااااات !! خبرني من انت !؟!!!!
الفارس المجهول :قلت لك اسمي قريب من لقبي عاد انت افهميها ؟
جوري ببكاء: اللقب ؟
الفارس المجهول : تحلمين ..
جوري تبكي بقوة :يرحم امك اتركني بو...
فجأة انسحب منها الجوال ...فتحت عينها على اوسعها
التفتت
فيصل بعصبية :خيييييييير !!! ميييييين انت وش تبي!!!!!!انقلع لا عاد اشوفك تتصل على هالرقم ولا قسما عظما عظامك هاذي الي تخليك تقدر تراسلها اكسر لك إياهم وارميهم للكلاب يتسلون فيها ويسون فيها عزيمة فااااااااهم! حيوااااااان!

سكر الجوال بعصبية ... :غبي! حتى ماتكلم ولا كلمة !
التفت لأخته بعصبية صرخ : من متى وهو يزهقك ويراسلك هاه ؟
جوري بلعت ريقها بقوة مسحت دموعها...بكذب:اليوم !
فيصل مسك كتف جوري بقوة وهزها ..صرخ فيها : جوووري قولي الحقيقة!
جوري غمضت عينها بخوف ..بكذب: اليوم!
فيصل رفع يده بيضربه .. نزلها .. تنهدت بقوة : جوري تكلمي !
جوري تبكي : اليوم!
فيصل مسك بقوووووة وهزها صرخ فيها :اليييووووووم وانت من فترة مو على بعضكككك جووووووري تكلمي انا اخوووك الوحييييييد راح اساعدك !
جوري تبكي بقوة : آلمتني !
تركها ...عطاها ظهره مسح وجهه بقوة بقهر .. لف لها بهدوء:آسف! جوري تكفين اذا صار لك شي كلميني .. صدق انا اصغر منك بس كلها سنة وانا في النهاية اخوك ..اوك ؟
بلعت الغصة : اوك ! باي
ومشت عنه ...مسك راسه بقوة وتنهد ... هو الرجال العديم من المسؤولية ... يلتفت لمين اللحين ...لأمه اللي تبي تزوجه غصبا عنه وحلفت اذا ماتزوج ماهوب ولدها ...أو لجواهر بنت عمه اليتمية اليي مايميل لها بأي شكل من الأشكال اللي راح يظلمها اذا تزوجت انسان مثله .. او لصديق عمره الي وأخيرا قلبها مال لاحد كيف يخونه .. أو لأخته والمصيبة الي عندها وماتقدر تقولها له !
هو اللحين ... تايه!
.........................................

"عند البنات..وقت الغروب"

البنات فاقعين ضحك ..
رانيا : هههههههههههه وش فيك فادي
فاتن بقهر: هه هه هه هه انقلعي لا قسم يجيك ذاك الكف الي ينفخ لك ذا الوجه المخيس
غرام بستهبل: ههههههههه رانيو تأدبي عن اخوي فادي لا يضربك اللحين
فاتن وقفت بقهر : مالت عليكم وعلى سخافتكم وعلى الي يجلس معكم ياحيوانات
غرام : بل بل بل وين بتروحين ؟
فاتن بعصبية : بتمشى احسن لي من مقابل ذي الوجيه الزفتة
ساره بملل: باقوم معك طفشانة
جواهر : ايه اكيد طفشانة مو جالسة لي 24 ساعة على هالجوال ولا كأننا في رحلة وبعدين طفى شحنك احسن تستاهلين محد رضى يعطيك شاحنه
سارة بقهر : مالت عليك
سارة وقفت ويه فاتن :اامشي فتون نطلع عن هالمهابيل
فاتن : بلا

طبعا فاتن تمشي كأن المزرعة مزرعة أبوها تقطف الي تبيه ترمي الي تبيه وسارة تمشي معاها مثل الزومبي

فاتن ابتسمت ابتسامة خبث..
ساره بخوف:هيه فاتنوه وش ناويه عليه ؟
فاتن بخبث: هل تفكرين كما افكر؟
سارة بإستهبال: ليش بنكي وبرين ؟
فاتن بخبث: الي تبيه .. تبي تغامري معي؟
ساره بخوف : لا !
فاتن بقهر: جبانة ! حتى المغامرة ماتعرفين ايش هي وعلطول قلتي لا!
ساره اشرت على شي:هاذي صح !
فاتن بخبث: بالضبببببط! طلعتي شوي تفكرين وانا مدري .. هاه وشرايك ؟
سارة:
In your pink dreams baby
مستحيل اخاطر بنفسي
فاتن بقهر سوت لها مالت :مالت عليك انا مدري ليش متهاوشة مع غرام في وقت غلط .. انقلعي مامنك فايدة خيسي هنا
تركتها .. لفت يمين يسار.. قالت في بالها " محد راح يشوفني هنا .. المزرعة واسعه وما أتوقع احد يعرف لها كثير ومحد بيخاطر مثلنا بيجي هنا .." فسخت عباتها وشيلتها

وقفت قبال البحر .... مدت يدها كأنها بتطير .. الهواء يلاعب شعرها الأسود..لابسة فستان زهري سادة وطالعة كيوت ..

الهواء قوي خاصة انها قبال بحر .. صرخت بإستهبال : جاااااااااااك وير ار يووووووو
^متأثرة بتايتينك البنت هههههههه

ضحكت على نفسها مثل الهبلة .. لفت بتاخذ عباتها .. شافت مشعل جالس على الكرسي بعيد شوي..

فرحت من زمان ماتتكلم معه ..
فسخت جزمتها .. وركضت مثل المجنونة له ....

كان معطيها ظهره .. راحت له وبقوة رمت نفسها عليه .. حضنته من وراء وبصراخ : اشتـــقـــت لــــك مــــشعلووووو !
ماشافت منه ردة فعل .. ولا نقطة
فتحت عينها .. ياربي!

كل العيون حولها منفجعة ... الشباب جالسين برا يرتبون الشوي ... كل أولاد عمها جالسين .. انفجعت تمنت تموت اللحين .. اللي فاهي يناظرها .. والي نزل عينها بسرعة

مشعل صرخ : هييييييييييييييييييييييه!
سارة خلاص صارت صنم واقفة .. اذا هذا مشعل .. اجل اللي انا ضامته ؟!؟؟؟؟؟؟؟
يوسف رمى الاسياخ من يده بسرعة توجه لها سحبها من يدها بقوة ومشى عنها بعيد ....


حمدت ربها ان يوسف الي قام لها ...
وقفها التفت لها ...
سارة متصنمه ...
يوسف بعصبية اول مرة تشوفه كذا صرخ فيها : مجنوووووووووووووونة؟!!!!!!كيف تفسخين عباتك واحنا في مزرعة وين مخك سارررررررره!!!
ضرب جبهته بقوة من القهر ولأنه مايبي يضربها ..
:تدرين اللحين ان أولاد اعمامك كلهم من كبيرهم لصغيرهم شافوك !!! بما فيهم فزاع ولد صاحب المزرعة!!! والمشكلة انك حضنتي فيصل !!!!!!
سارة متصنمة ماتدري وش تسوي ومتفشلة حدها لابعد درجة ..
صرخ فيها : وييين عباااتك؟!
شاف مشعل يجي من وراء ساره ... كان معصب حده والنيران داخله تشتعل .. مد يده بيضرب سارة ... سحبها يوسف من يدها وخلاها وراه ..

مشعل بعصبية صرخ : بـــعـــــد عنها!!
يوسف معصب حده بس مايبي يضربها : مشعل ماله داعي تضربها !
شدت على قميص يوسف ومتخبيه وراء ظهره ماتبي مشعل يشوفها ..
مشعل بعصبية يكلم سارة : ساااااااره ياحيووااااانه كيف تفسخين عباتك هنااا هاااااااا؟! تفكرين المزرعة مزرعة ابوك ؟!!! والله العظيم ...تصدقين
دف يوسف وسحب سارة ...
يوسف فك سارة عن مشعل : مشعل مشعل ... خلاص بعد عن البنت لا تكسر يدها
مشعل بعصبية : والله العظيم وقسما عظما لو يوسف ما بعدك كان اللحين انت ميته !!! تفهمين ايش يعني ميته !!
ومشى وهو منقهر
ساره تبكي .. من الفشلة ومن التهزيئ
يوسف رمى على سارة العباية : البسيها وانقلعي داخل!

"عند الشباب"

في الموقف :وليد وفزاع نزلو عينهم ..راشد شوي تنح بعدين نزل عينه..فارس وفهد تنحو....وطبعا فيصل حالة خاصة

فارس مفهي :أمااااااا طلعت ساروه بنت عمي خقة!
وليد معصب: هيه انت احترم نفسك!
راشد :ههههههههههههه اما انتو شفتو وجه فيصل
فارس: ههههههههههههه اجل بردان هاه جات من تدفيك
فيصل متنح:استغفر الله راحت فيها البنت

في مكان ثاني...عند المغامرة
"فاتن"
فاتن تناظرهم وهي تضحك :هلا والله بالخيووووول ياحبي لكم تقربت لهم ...معتنيين فيه عناية فائقة ..واكلهم والماي موجود لفت نظرها حلمها ...الأدهم!
كم مرة كانت تبي تركبه ..تقربت له مسحت على راسه ... صهل صهيل قووووي ..اخترعت بعدت يدها ...بإصرار اخذت جزرة وقربته لفمه ...تحسسها في البداية كعادة الحيوانات ..فتح فمه واكلها بسرعة ... بعدت يدها تخاف يعضها ...جلست تضحك بوناسة اكلت الخيل الأدهم!

وقفت تفكر بتفكير جنوني للحظات .. وبما انها مجنونة فراح تطبقه!

في البداية مسحت عليه تختبره .. كان هادئ بعكس اول مرة .. ابتسمت وفتحت الحاجز ..حاولت تركب عليه ... طاحت
فاتن : آآآآآآآي بركبه يعني بركبه
ركبته للمره الثانية طاحت ... مرة ثالثه ..قدرت تركبه!!!!
راكبته وهي حدهااااااا فرحانه ...ومن الخبالة تحمست
ضربته بقووووة وصرخت : يلااااااااااااا

هاج فيها وصار يركض بسسرررررررررعة الخيول سريعة وهو كأدهم من اسرع الخيول ....خافت حاولت تتمسك بأقوى ماعندها .... صار يركض في المزرعة بسرعه هائلة.. وهي كل مايجيها تنزاح عنه وبتطيح ... الخيل رفع نفسه .. هنا فاتن كانت بتطيح حاولت تتمسك بكل شي صرخت : آآآآآآآآآآآآآآآآآآآآآآآآآآآآآآآآآآآآآآآآآآآآآآ وووووووقف يااااااااااااربي ااااااااااااا

تحرك فيها ورجولها ترقص في الهواء ... سكرت عينها وتصرخ صراخ موب طبيعي : ووووووووووقففففففففف يووووووووووووووو ياااااااااااريي قلت لك وقف يااااااااحيووووووووووواااااااااااااااااااااااااااا ااان

فجأة سمعت صوت ركض خيل ثاني .... تقرب الخيل ابيض للخيل الادهم ... مد يده

راشد : فاااتن مدي يدك
فاتن تهز راسها بلا : لا لا لا اذا عطيتك يدراح اطيح
راشد بصراخ : فاااااتن مو وقتك خلصيتي وعطيني يدك!
مدت يدها ... انزلقت !

على اخر لحظة راشد سحبها بقوة من تحت الابط .. وخلاها وراه ...
راشد بعصبية صرخ : فزااااااااااااع امسكه !
فزاع تصرف مع الادهم بخبرته مع الخيووول

راشد صرخ في فاتن الي وراه : تمسكي فيني ولا تبي تطيحين !!!
فاتن تكابر : ماراح اطيح يييييييييييي (كانت بتطيح )
ضمت راشد بسرعة ...
حس بفشلة بس في نفس الوقت مايبي بنت عمه تطيح وتضرر..
فاتن بقهرلأنها متفشلة لوت فمها : وين جالسين امسكك كذا!
راشد بعصبية : والله وش اسوي لك اذا تبين تسويلي نفسك عنتر وراكبة الخيل ولا بعد الأدهم مع وجهك!! اكرهك فشلتي نفسك وفشلتيني معك جالسة تضميني!!!
فاتن انحرجت من كلامه وبعدت يدها ..
راشد صرخ فيها : هيه هيه هيه رجعي يدك بسرعة تبين تطيحين!
رجعتها مجبر اخاك لابطل وهي متفشلة ...
حست انها مثل الأفلام وتتخيل شعرها مفتوح وهي تركض وهو يتحرك معها .. والي ضامته فارس احلامها وجالس يركض معها بالخيل .. لكن للأسف ماغير انها مثل مااقال راشد مسوية فيها عنتر وشوي بتطيح مثل الخبلة ولا مع راشد !

رجعه راشد للاسطبل ... وقف الخيل مثل ما اتعود

راشد لف شوي من وجهه لفاتن : عاجبتك الجلسة ؟!
فاتن اتفشلت : لا طبعا بس معرف كيف انزل
راشد اتنهد : آآآآه ياربي ليش بليتني بذي البلوة .. طيب ارجعي لوراء شوي يا الدوبة عشان اقدر انزل
فاتن بعد : بايخ !
نزل .. كان بيحملها عشان تنزل
فاتن بنهر : لا ابيك تعلمني!
راشد ناظرها بحدة : مصر انك عنتر يعني ؟
فاتن بغرور : قول الي تبيه اهم شي اسوي الي في راسي
راشد بغرور اكثر : الي في راسك هاه ؟!
فاتن رفعت راسها : ايه
راشد حملها ونزلها عناد ...
فاتن بعصبية : اووووووووووووف وش ذا العقل الا عندك و قلت لك تنزلني مثل ماتنزل الفارسة من الخيل !
راشد بعصبية : قولي لنفسك وش ذا العقل الي منتهية صلاحيته اجل راكبة لي خيل اول مرة وادهم بعد جد عنتر انتي !
فاتن ناظرته بإستحقار ومشت عنه ...
فتح عينه على اوسعها .. وش فيها ذي الحمدلله والشكر!
................................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 496
قديم(ـة) 10-06-2014, 12:45 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


عند البنات"

شيخة دخلت على البنات : بنات صليتو؟
البنات :ايه
غرام :إجازة!
شيخة سوت لها مالت : الناس يسترو على نفسهم ياحظي
الزببدة قومو اجلسو معنا شوي عند الحريم ..جات اخت زوجة صاحب المزرعة
غرام رفعت راسها تفكر تفك النسب
شيخه تنهدت : آآآآآه استغفر الله ربي ليش رزقتني ببنات فاهيات وعلى رأسهم ذي يعني بتجي اخت ام رويد
غرام : يعني كان قلتي من البدايه كذا ا...الحريم يحبون يطوولون الأمور!
جواهر:ههههههه ليش انت مو حرمة ؟
شيخةخزت جواهر وفي بالها " والله ان فصول غبي لو يشوف هالجمال بس"

على طاري فيصل ... سارة كانت متنحة عند البنات ومتفشلة فشلة عظيمة

قامو البنات لعند الحريم .. ماعدا جواهر !

"عند الحريم "

اخت ام رويد " ام سلطان" : الله يحيكم ياحليلكم ما شاء الله
شيخة كالعادة ماتوقف سوالف: والله مرة فرحنا لما جيتي انا من النوع الاجتماعيين الي يحبون يتعرفون على الناس الجدد مرة بصراحة فرحت لما قالت ام رويد انك بتجين
فاتن بصوت واطي : ايه هين ماغير قلتي تجيب معها القبيلة احسن!
شيخة قرصت يد فاتن بقوة .. فاتن لا اراديا : آآآآآآآآآآي
ام سلطان ابتسمت منفجعة : بسم الله عليك
ام رويد بحنية (مثل ولدها هووع) :يوه يوه وش فيك حبيبتي قرصتك حشرة شي؟
فاتن تبي تقهر أمها ابتسمت بهبال: ايه
ام رويد : يوووو حبيبتي والله اسفة بس تعرفين المزارع
فاتن تبتسم بهبال:لا عاد..."حصلت له ضربة في الظهر من أمها"
فاتن وامها ناظرو بعض نظرات ليزرية ..
شيخة ترقع وتبي تفشل فاتن: لا ماعليك منها هي كذا كثير يقرصونها الحشرات علاقتها قوية معاهم ههههههه
ام رويد ابتسمت :يااااقلبي اكيييد مو هي عسل
شيخة انقصفت الجبهة عندها : هاه أيه ايه
فاتن حطت يدها على فمها تكتم الضحكة
في هالوقت ...
جميلة تهمس لشوق: شوفي ذي اخت ام رويد خزت فيك لين ماقالت بس!
شوق منزلة راسها مستحية : ادري عنها خلاص احسها اكلتني بنظراتها!
جميلة دفت شوق بمزح : ايوووه يقولون انها تدور لولدها سلطان عروس احم احم وتخز فيك عاد انت افهميها
شوق تضحك مستحية : اسكتي بس
ام سلطان ابتسمت : وش اسمك انت حبيبتي؟
فرح نفخت ريشها بغرور : أنا فرح ياخاله بنت بدور
ام سلطان سكتت شوي بعدين تكلمت : اقصد الي على يسارك "تقصد شوق"
هنا انقصفت جبهة فرح ..
البنات فقعو ضحك ولاحاولو يكتمون ضحكتهم ...
الجدة بنبرة أمر: يابنات!
سكتو ...
الجدة : تكلمي "تقصد شوق"
شوق بخجل : أنا شوق
ام سلطان ابتسمت : عاشت الاسامي ياحلوة .. وكم عمرك ؟
شوق متفشلة خاصة انها قدام كل زوجات عمها وبنات عمها تنسأل: ثلاثة وعشرين
شيخة:قومي يابنتي صبي القهوة لأم سلطان
وقفت فرح وتوجهت للدلة ..
شيخة بحدة :اقصد شوق!
هنا عا د انقصفت جبة فرح كليا ..
البنات : هههههههههههههههههههههههههههه
شوق وقفت وصبت القهوة لأم سلطان .. خزتها خز مو طبيعي
والبنات يناظرونها وكل وحدة بداخلها حش تبي تفرغه
كانت بتتوجه لمكانها سحبتها شيخة بتجلسها جنبها دفت فاتن بقوة عشان تجلس على الأرض ..
فاتن تناظر أمها بصدمة وبصوت واطي :افا
شيخة سفهتها وجلست شوق جنبها وضمتها لجنبها : ايه هاذي شوق بنت جاسم اخلاق ما شاء الله عليها
ام سلطان : ايه يبان ما شاء الله
شوق بصوت واطي وهي تبتسم وتشد على اسنانها : خالتي كسرتي ضلوعي
شيخة نفس حالة شوق: اسكتي لا اللحين أقول لها اخلاقها تفشل عاد لو تعرفك زين مع هبالك رحتي فيها!
.........................
"عند البنات ......أو بالأحرى جواهر!"
ملت من الجلسة لوحدها ..وتضايقت ..عشان تبعد عنها الأفكار السلبية قررت تطلع تتمشى

مشت مشت مشت بدون ماتحس على نفسها لين وصلت الى المكان الي جالسيين يشون فيه الشباب .. انتبهت لهم فجلست بعيد ...قبال البحر وتفكر بحياتها


شوي تفاجئت بسيخ لحم قبال وجهها
استغربت لفت .. ضحكت بإستغراب
ضحك وجلس على الكرسي بس بعيد : خذيها
جواهر ابتسمت واخذتها :شكرا
يوسف ابتسم :شفتك جالسة هنا لوحدك قلت اجيب لك من الشوي ...
جواهر اكلت شوي :يمممم لذيذ مرة
يوسف:مرة وليد الي شواه ..الا ليش جالسة لوحدك؟
جواهر ابتسمت بألم :عشان البنات راحو يسلمون على ام سلطان وجدتي هناك
يوسف فهمها : ماعليك شوي شوي تتقبل الوضع
ابتسمت ونزلت راسها : ما اعتقد
يوسف:ليش خلي عندك أمل .. تذكرت حالة في الإسعاف جات لمشفانا...الاب والام وطفلة احترق بيتهم بشطل فظيع الأم والأب احترقو حروق من الدرجة الثالثة بس البنت تضررت رجلها فقط
جواهر بتررد:يعني ايش حروق من الدرجة الثالثة ؟
يوسف ابتسم : يعني اخطر الحروق الي تضرر الجسد بشكل كبير وأحيانا توصل لدرجة الموت .. طبعا الأم والأب توفو في الحريق
جواهر حزنت على الطفلة .. من صغرها بيصير لها مثلها
يوسف:اتصلنا لعم الطفلة ..قال لنا بيجي بس صار يومين والطفلة نايمة في المشفى ننتظر عمها يجي .. انا اتوقعت انه يبي يتهرب من مسؤوليتها ..وغيري كثير فكرو بنفس التفكير..في النهاية جاء عم الطفلة واخذها بس كان عايش فترة صراع مع حزنه على اخوه ..نفس الشي جدتي
جواهر ابتسمت بتفائل: ان شاء الله
ناظرها وهي مبتسمة يحس ان الدنيا تبتسم معها ..حس بشعور غريب اول مرة يحس فيه

مشعل في المكان الي يشوو فيه صرخ : يوووووووووووووسف

جواهر لوت فمها : وجع مزعج
يوسف بإستغراب:هههههههههههه ليش حرام عليك يناديني عشان العشاء..يلا استئذن وانتي قومي بعد عشان بتتعشون
وقف
جواهر بتردد:يو..يوسف
يوسف لف لها : لبيه؟
جواهر : انا ادري ان مشعل يعاملك معاملة زفتة ...بسسسس..لاتتغير عليه اوك؟ لأنك حنون فلا تخلي عنصرية عمي تحولك لمغرور و تعامل مشعل مدري كيف.. فاهم عليي؟ "حكت راسها " استغفر الله بس مفروض مااقول لك هالكلام
يوسف ابتسم على كلامها: اكيد ماراح اتغير عليه ..مستحيل اخسره اكثر من كذا
هزت راسها بالإيجاب ,ومشى ...
................................................
"بعد العشاء"
البنات جلسو يستهبلون وسوو مرقص ..

رانيا : ملاك ملاك حطي اغنية سحرني حلاها
غرام ناظرتها بنص عين: رانيا اذلفي ملاك حطي اغنية اجنبية ترقص بقوة
سارة : هيه هيه انت وياها بعدو انا الي بختار الاغنية ..حطي لنا اغنية لمايكل جاكسون
البنات : ايييييييييه ايه مايكل جاكسون
ملاك حطت لهم وجلسو يرقصون مثل الهبلان .. ماعدا شوق
جميلة : شوقو قومي ارقصي
شوق تبتسم ابتسامة عبط : لا
فاتن بنص عين:ليش يعني؟
شوق بنفس الابتسامة : لأني انا العروسة
البنات :ههههههههههههههههههههههههههههههه
ملاك جالسة عند الاب وتشغل لهم الأغاني: بنات بنات شوفو جواهر تعرف ترقص رقصهااااا خطير
جواهر استحت ووقفت ..
غرام بإعجاب : من جد بنت اللذين علميني شوي مو انا بنت عمك
ساره : افاااا هذا واانا بنت عمك واعيش معك وصديقتك فوق ذلك ولا مرة علمتيني كيف اقرص افا افا
جواهر:ههههههههه سر المهنة
جوري: بنات بنات وقفو رقص مليت نبي نلعب
فاتن:نلعب وش مع وجهك؟
غرام : تصويت تصوين
جواهر: ولا كلمة
سارة : بلوت
ملاك:أمهات
البنات : اماااااااااا ملاك بنات احدعش احنا
ملاك تناظرهم ببراءة : وش عادي
رانيا :بر بحر
غرام : انتم جيبو العاب مثل الخلق وش بر بحر وامهات مع وجهكم
فاتن : بلاي ستيشن
غرام ورانيا : ايوووووووه جبتيها وجابتك شيخة
سارة لوت فمها : لاوش نلعب العاب الأولاد ذي
غرام: أقول العاب الأولاد ذي الا مو عاجبتك احسن من البلوت الا ملينا واحنا نلعبه
ساره: طيب نلعب صراحة وتحدي
رانيا بتحرطم:لا اففففف مالي خلقها
جوري:صحيح خلاص خلصت التحديات والاسئلة
جواهر : أي انا مابيها ماجابت لي غير الفشايل
البنات:ههههههههههههههههههههههه
جميلة :خلاص كل نفرة تسوي الي تبي
غرام: أي والله خلاص انا ورانيا وفاتن بنلعب بلاي ستيشن
ملاك: وانا معاكم
غرام بابتسامة خبث: مو كنتي بتلعبين أمهات هههه
ملاك انقهرت: هه بايخة انقلعي مابلعب معكم
رانيا: حرااام خلاص العبي معنا بلا تغلي
جميلة : انا ابي احد امكيجه مين يتبرع
ساره: انا انا انا
شوق : تلبي النداء ذي ... صح صح بنات تدرون
كل البنات التفتو لها
شوق تسوي نفسها مستحية وتسبل برموشها وتتكلم بدلع : ام سلتان تبي تسوفني اشان تبي تختبني لولدها الوهيد ووو بتسوفني في بيت ا(ع)مي ناسر ..
الترجمة: ام سلطان تبي تشوفني عشان تبي تخطبني لولدها الوحيد ووو بتشوفني في عمي ناسر
البنات :اوووووووووووب
فاتن بنص عين : طيب مايحتاج تسوين نفسك شغالة اللحين
االبنات كلهم فقعو ضحك الا شوق منقهرة
فاتن بإستغراب :وش فيكم وش صاير؟
غرام تضحك:ههههههههههههه شوق تسوي نفسها هههههدلوعة وانت تقولين شغاله ههههههههههه حطمتي امالها ان تكون بنت ههههههههههه
فاتن :ههههههههههههههه والله اللهجة لهجة شغالات موب دلع
شوق رمت على فاتن المخدة .. فاتن نزلت راسها

: ااااه وووووووجع أولاد موب صبيان يال استغفر الله بس
شوق حطت يدها على فمها .. فاتن باستهبال:يوه يمه
شيخة: لا ابوك مع وجهك ..خلاص كانت عندي بشارة بس خلاص
البنات كلهم: وش وشو وش
شيخة تتصنع الغرور : بوسو يدي
البنات كلهم : نااااااااااااااااااااااااااا
شيخة فتحت عينها على اوسعها : شف ذول بنات اخر زمن اسمعو بس خلصوني ..لبسك حلو رانيا ... ايه اسمعو ..عجبني روجك جواهر من أي ماركة؟
غرام بقهر : يمه !!مو وقت سوالفك اللحين قولي وش هي البشارة؟
شيخة:اص خليني اسمع وش ماركة الروج
جواهر ابتسمت :من افون
شيخة : ايه ايفون
البنات كلهم:هههههههههههههههههههههه
شيخة منصدمة: وجع ليش تضحكون؟
جوري : هههههههه يمه لانها قال افون موب ايفون
شيخة: ايه نفس الشي
جميلة : هههههههه لا مو نفس الشي يمه ايفون شركة حقت أجهزة وكذا افون حقت مكياج ههههههه
شيخة ترقع : ايه نفس الشي وش عرفكم انتم أصلا غير سقط حرف سهوا ... خلاص اسكتو خلوني أقول سالفتي ماغير تبربرون وتسألوني وش نوع روجك ...بتنامون الليلة هنا
وسكرت الباب قبل لا تفقع اذنها
البنات : يسسسسسسسسس حماااااااااااااس
شوق : بس ما تحسون ان هي الي سألت وش نوع الروج وبعدين قالت احنا الي سألنها
البنات:جد ههههههههههههههههههه

"الليل"
الضوء مطفى والبنات نايمات ...ماعدى غرام ورانيا وفاتن وملاك

يتكلمون بهمس ...
غرام: هه هه هه انا الي هزمتك انت الي بتشترين القيم الجديد
فاتن: أقول كلي تبن انا فزتك في البداية انت الي بتشتريه
رانيا : هيه انتم مو وقت هالهواش
فاتن :مالي دخل هي الي تشتريه انا مفلسة
غرام : اهااا اوك ..بتحداك تحدي اذا انا الي فزت انت الي بتشتريه واذا انتي سويتيه انا الي بشتريه
فاتن بخبث: سهلة ... انت الي في النهاية بتشتريه
غرام غمزت :واثقة؟!
فاتن بإصرار:ايه
ملاك تتأفف:اففففف اكره تحدياتهم ذول الثنتين كل وحدة راسها يابس اكثر من الثانية
رانيا :جد!
غرام بخبث: ماراح تسوينه ادري ..اتحداك
فاتن : والله انا قدها ايش هو؟
غرام بخبث جنوني:ههههههههههههه...اتحداك تشترين لنا من باسكن وانتي على هيئة ولد
ملاك ورانيا شهقو:ايييييش؟!!
غرام تسكت فيهم: اصصصص اصص فضحتونا مع وجيهكسم قصرو حسكم
فاتن بحدة : اوك!
رانيا وملاك: مجنونة ماعليك منها
غرام ابتسمت : وانا قد وعدي!
فاتن : اوك اعطوني الثوب والغترة بس
رانيا منفجعة : عندي سرقته من فارس عشان اذا نبي نستهبل
غرام: عادي مادورتي الا فارس طوويل
رانيا : أي نو بس تبين اجيب حق عزام مثلا ..عريض..فارس اهون
فاتن : اوك يلا جيبيبه

جابته ولبسته فاتن...
ملاك فتحت فمها بصدمة : فاتن ملامحك صبيانية!
رانيا بخوف: مو مرة راح يكشفونها
فاتن تضرب رانيا على كتفها : لا تخافين ماراح يشكون "غمزت لها"
ملاك : ابي اروح معاك!
ثلاثتهم ناظروها بصدمة...
ملاك:وش؟
غرام: غريبة ملاك تبي تغامر
رانيا : لهدرجة
فاتن : اوك قومي
ملاك: اي لا اوك لا يعني مابي البس ثوب بروح بعباتي
غرام رفعت حاجبها: كيف؟
فاتن:خلاص تصير اختي
غرام:اوك وسيارة مين؟
كلهم ناظرو رانيا ..
رانيا منصدمة: لا تحلمون تبونه يقتلني اعز ماعنده سيارته
فاتن : عادي سيارة فصلو
ملاك: ياربي مجانين
غرام تغمز لها : عادي بتصير احلى الذكريات
رانيا : بس فاتن التفتي دقيقة لبسي الشد..
فاتن : ايه اكيد افا عليك ورفعت شعري معيق ان يكون شعرك طويل اذا انت مغامرة
رانيا : قصدك مجنونة يلا اتحركو قبل مايصير الوقت متأخر بقوة .. ولا تطولون انا قلبي بيراقع لين ماتوصلون
فاتن ناظرت غرام الي كانت رافعة يدها وحاطة راسها عليهم ..ناظرتها بعينها الرصاصية بنظراتها الحادة : انا قد كلمتي!
مشت هي وملاك ..وطلعو بشويش عشان لا احد يحس لهم ..
وصلو عند باب المزرعة ... لفت فاتن لملاك
فاتن : ملاك بنصير حراميه
ملاك فهت وش تقصد فاتن : هاهاها ماعرف أخاف تحلمين
فاتن :اذلفي غصبا عنك ..السور قصير أصلا
ركبت بسرعة ووصلت عند مرتفع السور ناظرت ملاك وابتسمت وسوت لها حبتين
ملاك فاتحة فمها بفهاوة : سبال ماعليك شره!
فاتن : ههههههههههه يلا اصعدي
ملاك نقزت وفاتن سحبتها من يدها بما انها خفيفة وطاحو مع بعض في الشارع ...
ملاك بخوف : ياااربيه وش سوينا احنا ...يوووه يوووه بسؤعة عدلي شكلك لحد يشوفك
فاتن عدلت شكلها بسرعة ومسكت يد ملاك وقومتها...
وصلو لسسيارة فيصل وفتحتها ..فاتن تطمن نفسها : أصلا فيصل ماراح يدري عشان يذبحني
ملاك تسلك لصديقتها ولنفسها : ايه صح
دخلو السيارة فاتن مكان السايق وملاك جنبها ...
فاتن بتوتر بس ماتبي تبينه: بسم الله
وشغلت السيارة ...
ملاك بتوتر: فاتن تعرفين تسوقين؟
فاتن دعست : لا
ملاك هنا انجنت : لاااااااا يمه
فاتن ابتسمت لها : راح تكون ذكرى حلوة
ملاك : يا مجنونة جد انت مراهقة مجنونة
فاتن : ههههههههههههههههههههههه
وبدأت تسوق .... بسرررررعة
ملاك بخوف جنوني : فاتن فاتن خففي السرعة بنموووت بيصير لنا حادث
فاتن بتوتر : ماعرف
ملاك : يممممه فاتتن تكفين
فاتن : ملاك قلت لك ماعرف هاه
ملاك بخوف تقرض اظافرها : يااااربي تخيلي لو نوقف عند تفتيش
فاتن بتوتر انقهرت من ملاك: ملاك اسكتي اوك؟

وأخيرا وصلو لباسكن بعد كل الإشارات الي خطروها بسبب ان فاتن ماتعرف تتحكم بالسيارة ...
فاتن لفت لملاك: مابتنزلين؟
ملاك هزت راسها بلا ..

ماضغطت عليها لانها تدري اذا نزلت وخافت فتفضحهم...
فاتن قبل ماتسكر الباب : لا تنسي انت اختي اوك؟
هزت راسها بالإيجاب ...
دخلت فاتن المحل ... الا فجأة تشوف العمال يصفقون لها
هنا هي ماتت خوف قالت في نفسها اكيد عرفو اني بنت موب ولد...
بعدها تقرب لها احدى العمال : مبروك انت الزائر ال 30 لهذا اليوم ... فيه هدايا في الركن تقدر تاخذ الهدية الا تعجبك
فاتن انبسطت انه يكلمها بصيغة مذكر هزت راسها بالإيجاب ..وتجهت اول شي للايس كريم
فاتن خشنت صوتها : احم احم لو سمحت ابي سطل ايس كريم توفي
العامل : على راسي ...
وعطاها السطل ....
راحت لركن الهدايا تشوف لها هدية .. شافت ولدين واقفين جنبها يدورون في الهدايا
جلست تناظرهم بقوة ...تفكر في نفسها اللحين يبان اني ولد مثلهم
واحد من الأولاد بدون مايلتفت : واضح انك خكري !
فاتن انصدمت انه انتبه انها راقبته ..خشنت صوتها : لا طبعا
الثاني : مدري ملامحك تحوي كذا ..املس بدون لحية ولا شنب وملامح بناتية شوي
فاتن انقهرت بس مشتها ...
الأول : يمكن شاذ؟
فاتن بقهر : لا ط...احم احم(خشنت صوتها) لا طبعا موب شاذ!
الولدين ناظرو بعض وابتسمو ..الولد الأول : مدري من نظراتك لنا
فاتن مخشنة صوتها وترقع: لا بس مشبه عليكم بسبب سيارتكم الي برا
الولد الثاني : كومارو الحمراء؟
فاتن تبي تخلص منهم : ايه
الولد الأول بخبث: وش رايك بسرعتها ؟
فاتن ناظرتهم بخوف ..بلعت ريقها: سريعة
الثاني بخبث: طيب بكم يقيسو سرعة السيارات؟
فاتن حركت نظرها بينهم اثنينهم يخفون شي : بالـ
الأول : ايوه بايش؟
فاتن بلعت ريقها وبجواب ماهي متأكدة منه ومفروض أي ولد متأكد منه : حيوان
الأولاد اثنينهم ضحكو ...الاول سكت الثاني : طيب أي حيوان بالضبط ؟ وش اسمك انت؟

فاتن بلعت ريقها بقوة : فا...فادي
الأول بخبث: ايوه يافادي جاوب على سؤالنا
فاتن بتردد: الثور ؟
الأولاد اثنينهم اتفجرو ضحك ...
الأول : طيب طيب اخر سؤال
فاتن وقلبها ينبض في الثانية مليون مرة :وش هو؟
الأول دزها على الجدار وقرب وجهه لوجهها وجلس يتحسسه وهي ميتة من الرعب والصدمة ... همس في اذنها : انت بنت صح؟
هنا فاتن ماتت ... قلبها فقع من كثر الخوف
فاتن أحاول تتمالك قوتها ..ابتسمت بخوف : وش تقول انت؟! لا طبعا!
ابتسم بخبث شديد : متأكد او متأكدة؟
فاتن بوثوق اصطناعي:اكيد احد ينسأل عن جنسه
تفاجئت بيده عند صدرها ... بعد عنه بسرعة جنونية
الأولاد ضحكو :هههههههههههههههههه
الأول بخبث اكثر منه ماشافته من قبل : ههههه لو انتي ولد يافادية مدري شسمك كان مانقزتي خوف لما كنت بلمس صدرك
فاتن بقهر : انقلع عني الوصخ!
كانت بتطلع من المحل سحبها بقوة من يدها سندها على الجدار
الأول : ليش متنكرة بانك ولد؟
فاتن : انقلع مالك دخل
كان بفتح ازرار ثوبها عضت يده بقوة وركضت تهرب
الأول : اااااااااي امسكها هالمجنونة
مسكها من وراء بسرعة ...فاتن : اتركنيييييي انتو تحركو سوو شي اتركني ياحيوان
رفعت راسها وضربت فيه ذقنه بقوووة انرمت من عليها الغترة وبان شعرها وانفكت منه ...سحبها من ثوبها فجأة يد سحبتها لعنده وبعدت يد الثاني عنها .....رفعت عينه ...توسعت بؤبتها لدرجة الخيال ..بتموت اليوم:راشد!!!
كان يشتعل داخله بشكل فظيع خلاه مايشوف الي قدامه اخذ الغترة الي على الأرض ورماها على شعر فاتن ...
وقفو الخكاروه بخوف لما شافوه ...
تفل عليهم وسحبها معه للشارع .....
وصل لسيارة فيصل صرخ عليها مثل المجنون بصوت يسمعه الاصم :مجنووووووووووونة انت!!! كيف تطلعين كذاااا؟!!!!
فاتن بخوف بس ماتبي تبينه: راشد لا تصرخ كذا مثل المجنون في الشارع ....
مسك كتفها اليمين بقوة رصعه بين أصابعه: انت المجنونة تطلعين كذا في الشارع !!! تحركي اركبي وراء!
فاتن بعناد : مالك دخل رح اركب سيارتك ...
قاطعها سحبها من ثوبها ورماها وراء ...وملاك طول الوقت ترتجف في السيارة بس شافت الحدث الي صار بين فاتن وراشد .. راششد ركب قدام صرخ فيهم : تدرون لو ابوتكم يدرون شنقوكم من الوريد الى الوريد مجانين انتم!وين عقلكم ! ثنتينكم حسابكم معي بعدين!.
فاتن تكتفت بغرور عكس الخوف الي داخلها : وش دخلك فيني انت!
راشد صرخ فيها نقزت من الصرخة : انت بالذات حسابك معي عسيييير!!! غطي كشتك بس!
فاتن بعد الخرعة تحاول تبين انها قوية وهي ترتجف: بالغترة مغطية
راشد يصرخ :تحجبي بها!
فاتن بقهر:تمزح صح؟!
راشد صرخ لدرجة ان ملاك سكرت اذانيها : فاااااااااااااااااااتن!
طاوعته وهي ترتجف ...
وصلو للمزرعة ...
ناظرهم بحدة :انتو كيف طلعتو والمفتاح عندي؟!!
فاتن صدت عنه ... مسكها من ذقنها بقوة ولفها له : كييف؟!
ملاك تدخلت : نطينا من السور!
راشد بإستهزاء وعصبية : ياسلاااام طيرزان على غفلة !!! لاتصدقين انك عنتر ياااافاتن!!!
فتح الباب بالمفتاح ... دخلت ملاك ودخلت معاها فاتن
راشد وهو يقفل الباب :ملاك انت ادخلي وفاتن ابقي
لف شاف ملاك دخلت وفاتن وراها ...
راشد صرخ:وقـــــفــــي!
وقفت ناظرته ورجعت تمشي ....بإختصار سفهته
انقهر فوق حركاتها البايخة تسفهه!....مشى ليها والعصبية فاقت العصبية الطبيعية ....صار مثل الثور الهايج اليي مايفكر وش الي قاعد يسويه

سحبها من يدها بقوة ....وعطاها كف!!!!!
توقعها بتبكي بتصرخ مثل أي انثى طبيعية المفاجأة انها
ردت له الكف!
اشتعل نار وضربها بالجدار ..حست ان عظام ظهرها تكسرت من قوة الضربة ..يد ماسكة الجدار ويد ماسكه فاتن:تفكرين نفسك لهدرجة قوووية يافاتن؟! تتوقعين انك تقدرين تدافعين عن نفسك دائما ؟ انت مهما كنت ضعييييييييييييفة تفهمين وش قاعد أقول ضعيييييييييييفة!
حست بالضعف الشعور الي مستحيل تتحمل انها تشعر فيه ..كابرت وعاندت وقالت له : أي انا قوية!
راشد والنار تحرق كل احاسيسه :قوية هااه ؟! اتحداك ماتتألمين !
لوى يدها بقوة ... حست انها بتنكسر بتنشد بيصير فيها أي شي غمضت عينها بقوة وشدت على اسنانها : انا قويــة !
صرخ في وجهها : تتوقعين انك اقوى مني!! تتوقعين انك اقوى من الرجالل!! لهدرجة ؟!؟!؟
فاتن مع كل الألم الي راشد يسببه لها هزت راسها بإيه :انا...قويه!
انقهر لازم تفهم انها مولذيك الدرجة قوية مثل ماتصور لام تعترف انها ضعيفة...سحبها ورماها على الكرسي الطويل بقوة ..هنا حست ان كل ضلوعها تكسرت حست انها بتصير معاقة ..حاولت تكابر وتعانده مثل ماسوت قبل ...تقرب لها : لحد اللحين تتصورين انك قوية؟!تقدرين تدافعين عن نفسك مع الرجاال؟
فاتن هزت راسها بإيه مع كل تحملها للألم:قوية وغصبا عنك والي مثلك!
في هاذي اللحظة صابته حالة جنون .. شال عنها الشيلة او الغترة عفوا ..فاتن منصدمة ... مسك وجهها بيده حاولت تبعده عنها كان اقوى مما تصورت لوى يدها وكتمت صرختها بوجه احمر.. حط يده على رقبته حاولت تتحرك ماقدرت الا بوسيلة رجلها ..سند كوعه على رجلها ... لا هي ماتبي تحس بالهشعور! ماتبي تحس بالضعف وهي موب قادرة تحمي نفسها! مسك ثوبها وفتح ازرارها الي فوق ..حاولت تمنعه مسك يدها وضغط عليها بقووووة .... هنا مهما كانت ..فاتن انثى... ماتقدر مهما كانت قوية تتحميل كل هذا ... لفت وجهها عنه .. ونزلت من عينها الدموع بغزارة .. تركها
راشد : شفتي انك ضعيفة! انت ضعيفة يافاتن ! اذا انتي بالنسبة للبنات قوية فانت بالنسبة لنا ضعيفة لا تتفخشرين على هالشي!
تركها وهو يحس بإنجاز .. نزل دموعها حسسها انها ضعيفة

لمت ركبها لحضنها وهي تبكي .. من زمان مابكت كذا ... اول مرة تحس بالضعف بالوهن بهالألم!...ليش تبي تحسسني بأكثر شي اكرهه ..الضعف؟
اللحين فهمت كلام مرت عمها "
فاتن انت جوهرة .. قوية وطموحة .. لا تسمحين لاحد يكسرك !
راشد...ولدك يبي يكسرني!
انتهى البارت توقعاتك ارائكم سبككم مدحكم كل شي اتقبله وبإنتظاره


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 497
قديم(ـة) 10-06-2014, 12:47 AM
صورة وَعـــــــد الرمزية
وَعـــــــد وَعـــــــد غير متصل
♥..يُحـكَى انّ حُلمـآ جَمِيلآ تحَققَ بالدُعَـآء..♥
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


لي رد بعد القراءه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 498
قديم(ـة) 10-06-2014, 12:58 AM
صورة **أدمـنـتـگ** الرمزية
**أدمـنـتـگ** **أدمـنـتـگ** غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


ابداااااااااع
يارب ما يتزوج ابو ملاك
و اخيراً عرف فزاع ان ملاك موجودة في المزرعه
و أتوقع الفارس المجهول هو ((فارس))
فيصل أظن بيخطب ساره
مشــــــــعل يا لبى قلبه والله
و يوســـــف مدري ليش اكره معنا هو طيب و حنون
و ام سلطان بتخطب شـــوق لولدها سلطـــان
و بــــــــس
و ننتظرج يا الغلا 😘🌹😍❤️❤️


تعديل **أدمـنـتـگ**; بتاريخ 10-06-2014 الساعة 01:24 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 499
قديم(ـة) 10-06-2014, 01:12 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


انتهى البارت ياحلوةاحم احم تعليقاتكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 500
قديم(ـة) 10-06-2014, 01:17 AM
صورة إشراقة فجر الرمزية
إشراقة فجر إشراقة فجر غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


مقققففففلله

………… وعندي مشوار ع الفجر


فالحاله استثنائيه��

روايتي الأولى: وإذا إلهاج بفرح ليلة فأنا تهت لبكاج سنين

الوسوم
رواية وإذا ألهاج
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 05:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1