غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 681
قديم(ـة) 21-06-2014, 01:13 PM
صورة جوودي & الرمزية
جوودي & جوودي & غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


تصدقين كنت احسب التاريخ هجري قلت البنت استخفت
مو نعستي شكلك تاخذين نفس حشيش وليييييد يوم يكلم جوري هههههههههههههههههههههههههههه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 682
قديم(ـة) 21-06-2014, 01:19 PM
صورة بشَاير . الرمزية
بشَاير . بشَاير . غير متصل
حِجازيّة العينينّ مكيةُ الحشَا ♪ .
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


ياااا دووبااا

صدقت والله
بانتظار البارت الجاي على احر من الجمر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 683
قديم(ـة) 21-06-2014, 03:35 PM
صورة دلال الكندري الرمزية
دلال الكندري دلال الكندري غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


البارت ناااااااااااااااااااااااااااااااااااااااااااااار و خطيييييييييييييييييييييييييييييييييييييييييييييير أنا ألحين أنتظر البارت الجاي على أحر من الجمر بلا مجامله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 684
قديم(ـة) 21-06-2014, 06:33 PM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


اقتباس:
المشاركة الأساسية كتبها ^بنت قحطان ^ مشاهدة المشاركة
تصدقين كنت احسب التاريخ هجري قلت البنت استخفت
مو نعستي شكلك تاخذين نفس حشيش وليييييد يوم يكلم جوري هههههههههههههههههههههههههههه
هههههههه ...هههههههه مسكين الرجال بس حشيشه فاخر ترا لووول
اقتباس:
المشاركة الأساسية كتبها آنثـى خرافيـهہ مشاهدة المشاركة
ياااا دووبااا

صدقت والله
بانتظار البارت الجاي على احر من الجمر
يالبى المتححمسسسة
اقتباس:
المشاركة الأساسية كتبها دلال الكندري مشاهدة المشاركة
البارت ناااااااااااااااااااااااااااااااااااااااااااااار و خطيييييييييييييييييييييييييييييييييييييييييييييير أنا ألحين أنتظر البارت الجاي على أحر من الجمر بلا مجامله
شكرا ياجميلة ..احم احم ..يالبى هالحماااس

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 685
قديم(ـة) 21-06-2014, 07:05 PM
صورة رنيمان الرمزية
رنيمان رنيمان غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


اقتباس:
المشاركة الأساسية كتبها ^بنت قحطان ^ مشاهدة المشاركة
اماااااااااااااااااااااااااا حرييييم
رقم الصفحة 62
تحياتي جودي
ههههااه اجل ببنتت

ممممممممررررهه شششكككككككككررررن

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 686
قديم(ـة) 21-06-2014, 07:23 PM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


البارت السابع عشر (17)

"بِ العادة يكون السَجان هو المُعذب والأسير هو المُتعذب.. ولكن حينما يكون شَخص مأسور في قَلبك .. هُنا يَنطبق مَثل لُكلِ قاعدة شواذ... يكون السَجان وهو القلب ..المُتعذب!"


مو قادرة تستوعب الي قدامها .. يخطبني وبكل وقاحة يظل يغازل؟!!.. حست بإنكسار وانها رخيصة بالنسبة له

جواهر منصدمة ... تبلدت .. فيصل!! لحد الآن تغازل!
ورانيا نفس الشي..

فيصل صار نبضات قلبه متخربطة .. ابتلش مايدري وش يقول .. بخوف وتلعثم تكلم : ساره تر..

سارة بحزم : مايحتاج تبرر لي موقفك! "لفت على البنات..بهمس" يلا نمشي

فيصل غمض عينه بقوة وضرب جبهته بقهر : غبي غبي! اكيد راح تغير رايها!
من وراه حامل الكوفي حقه وحق فيصل : مين الي راح تغير رايها؟!!

تمشي وهي تحس بنار الغيرة تحرقها .. عينها مدمعة من القهر .. شادة على قبضة يدها بأقوى ماعندها..بجدية : ياليت ماتقولون للبنات عن الي صار!
جواهر بإنفعال:أكيد!
رانيا بترردد: اكيد بس مااوعدك مااقول لغرام تعرفين انا أقول لها كل ...
قاطعتها بصرامة وعصبية: رانيا غرام تصير اخت فيصل!!!
رانيا فهمتها ..سكتت وهزت راسها بأوك
جواهر تناظر سارة بحزن .. وتفكر بطريقة تواسيها .. بس كيف وش تقول لها ؟!! الحدث الي صار قوي !

قطع تفكيرها صوت جوالها .. فتحت شنطتها وطلعت جوالها
المتصل " بنت عمي فاتن"

ردت : هلا
فاتن بعصبية : وينكم انتم صار لنا ساعة ندوركم وجينا لكرسبي كريم وماشفناكم وين مختفيين؟!
جواهر بهدوء: عند مانجو
سارة تأشر لها ببرود مين ؟
جواهر تحرك فمها بدون صوت فاتن!
فاتن انقهرت : ياسلااام !! وكيف ماتبلغونا انكم غيرتو الوجهة؟
سارة بهمس: قولي لها راح نطلع !
جواهر أومأت براسها : فاتن مو وقت الهواش اللحين تعالو عشان راح نطلع من المجمع
فاتن : ليش!
جواهر:تعبت ساروه وتأخر الوقت
صوت هادئ : خلاص راح نقابلكم عند البوابة 2
جواهر رفعت حاجبها : جوري!
جوري: هههه داخلة عرض ادري بس لو تكلمين فاتن راح تهاوشك وماراح نخلص
جواهر:اوك بباي
جوري: سيو

التقو عند البوابة 2 مثل ماتفقو وكل وحدة رجعت بيتها..

..في جهة ثانية .. لابس قميص مكمم كحلي وفوقه جاكيت جلد اسود ووانفه احمر من الزكام .. يكلم بالجوال:فارسوه تلايط لا اجيك اللحين وافقع لك وجهك الزفت!
: مو كفاية الي فيني مااقدر اتحمل سخافتك بعد والله لو تشوف انفي احمررر تقول مهرج ماخلصت من الحرارة جيت للزكام المرض وراي وراي استغفر الله
: ايه صح ترا انا اشتريت لك طلبك .. بس احترت انت ماقلت لي اللون الا تبيه واتصل لك الف مره وانت الحمار اسم عندك جوال كل ماادق لك ماترد والله اني اشك ان جوالك ذا الي يقول ياطيبة
: وش ذي الضحكة اعوذ بالله! ضحكة مشعوذة ! .. لا جد تجيب الكورونا انت طول الوقت على الجوال بس اذا اتصلت لك فجأة يصير جوالك الا يقول ياطيبة .. اعووووذ بالله خلاص لا تضحك فجرت لي اذني
: الزبدة هو كحلي واسود .. ايه .. مدري بوريك إياهم عاد انت اختار الي يعجبك .. عادي الثاني نتصدق فيه على فصلووه هاااع
فيصل كان جنبه في السيارة وباله مو معه ..
مشعل يناظره بإستغراب: بل ساكت عني شكله راحمني من لون انفي هههه .. طس انت بس... يللا خلاص انقلع الواحد مايعطيك وجه جد ناقص حنان ..فارق
وسكر الخط

ساكت ويناظر فيصل مستغرب وش فيه ساكت كذا .. يغير الجو بفضول: الا فصيل وش كان قصدك باللحين اكيد راح تغير رأيها ؟!
فيصل كأن صاعقة ضربت جسمه ... عجز عن الكلام .. ماالتفت لمشعل ولا حتى ناظره
مشعل باستغراب: هيييه فيصل اكلمك
فيصل بهمس: ولا شي
مشعل تنهد وهو يأخذ المناديل الله يكرمكم ويناظر نفسه في المرايه الامامية : اعوذ بالله شكلي كأني من المدمنين عيني ذابلة وانفي احمر وشفتي متشققة بالله وش ذي الحالة ..ماراح يعجبون فيي الرجال يوم ملكتك خخخ"يقلد البنات"
فيصل بدون نفس لا اراديا : هذا اذا صارت
مشعل لف له باستغراب : ايش؟!
فيصل ناظره بتوتر: لاولاشي
مشعل حط عينه بعين صديقه وبحدة: فيصل وش صاير؟!
فيصل يتجنب مشعل : ولاولا شي
مشعل على نفس الحالة بحدة اكثر : انت ماتناظر عيني وانت تتكلم هاذي مو عادتك عادتك لما تتكلم تحط عينك بعين الي تكلمه ولا ماتعرف تتكلم فيييصل انا صديقك وخابزك وش صاير
فيصل بتردد: والله لو اقولك تذبحني !
مشعل باصرار: طيب اذبحك ويعني فداء لفضولي يلا خلصني تكلم
فيصل سكت .. وسكت ... مايدري ليش حس لازم يقوله عن الي صار .. بكلمتين فجرها:غازلت سارة!

دعس بقووة ولف بالسيارة على اليمين بحركة متهورة جدا .. وقف بريك بقوة نقزتهم من مكانهم ... بعصبية طق فيه عرق الغيرة : ايييييييييييش !
فيصل منصدم من الي صار .. بدون وعي : اسف بس ا..

قاطعه بكف على وجهه .. طلع حرارة غضبه عليه .. يتنفس بسرعة من القهر ويده مفتوحة من بعد ضربته
فيصل لاف وجهه من الكف ومصدوم ..

مشعل ويده ترجف والعصبية تفجر عروقه بصراخ : فيييصل كيف تسوووي كذاااا!! كييييف تظل تخوون اختي !! الي تكون بنت عمك يانذل! احسن تستاهل انك غازلتها وطاح وجهك قدامها!!وانا الي أقول بيخطب وبيترك هالحركات وانت بااقي "رفع صوته بجنون وهو يضرب الدريكسون" على حركات المصــــيييييعة!

فيصل على نفس وضعه ومنلجم وانربط لسانه مو قادر يقول ولا شي ..
مشعل يكمل بقهر : بس اذا رفضتك راح أكون معها لان حركتك تافهة مثلك .. ماقلت لك لا تغازل من قبل بس انك تظل تغازل وانت راح تخطبها يافيصل قوووية قوووية وماترضاها أي بنت على نفسها!!
مشعل كمل سواقة والقهر مالينه من راسه لاخمص قدميه : الله ياخذك!

.................

أول مادخلت رمت الأكياس بدون مبالاة على الأرض في الصالة وركبت لغرفتها بخطوات سريعة ..

جيسيكا جات بسرعة لجواهر الي كانت وراء سارة :
Can I help you miss?
جواهر تورطت تهش بيدها للدرج :
Yes yes..go
فوق ... مدري وش اسمه ذا ياربي وش هالوهقة
اشرت على الدرج :
Go this يلا

جيسيكا تناظرها بتركيز تحاول تفهم كل كلمة تقولها وأخيرا وصلت لها المعلومة : اوكي شور

فتحت باب غرفتها وسكرته بقوة .. فسخت عباتها بعنف ورمت نفسها على سريرها ..انقلب وجهها انشد فمها وبدات تبكي.. تبكي بصوت عالي..تطلع الي فيها من حُرقة وقهر

...
تمشي على الدرج بتصعد لسارة .. وقفها عبوره بجنبها بسرعة لفوق
طق الباب وفتحه بسرعة .. :سارة

سارة وهي تبكي بقوة : اطلع برا مابي اشوف احد!
مشعل جلس على سريرها بحنية: سارة لاتبكين والله فصلوه مايستاهل دموعك!
سارة وهي تبكي بشهقات : صديقك حيووان خاااين كان ماخطبني اذا هو كذا مايستغني عن البنا ت!
مشعل لف وجهه وتنهد تنهيدة طويلة .. مايعرف يواسي !

مسكها من يديها وجلسها قباله .. فجعه وجهها الي كان احمر ودموعها تنزل من عينها بحرارة ..
مشعل عاقد حواجبه مايدري وش يقول بحنية : ساره اذا خلاص ماتبيه قولي راح أوقف بجنبك "في باله الي يقول احد يسمع لي" وماحد راح يجبرك عليه .. تقدرين ترفضين قبل الملكة ومعك سببك المقنع .."سكت فترة يجمع له كلام وش يقول" القرار بيدك!

تفاجئ بسارة ترمي نفسها بحضنه وتبكي بقوة ..
منصدم مو متعود يواسي .. واذا واسى يواسي بدفاشة بس هاذي سارة وموضوعها حساس مايقدر يواسيها بدفاشة
قرر انه يتصرف بدون تفكير في هالموقف ...

قرب يديه ببطء شديد وتررد لظهرها وضمها ... ابتسم ابتسامة هادئة بحنية : لا تبكين

واقفة عند الباب وتبتسم .. ظهر الجانب الحنون من مشعل ..الي يخبيه بغروره وقسوته .. في هذه اللحظة تحول في عينها الى ملاك .. مع انها واثقة انه شيطان !
.............

اليوم الثاني الظهر ..
جالسات في المطبخ على الرف وبيدهم علبة ايس كريم لندن وملعقة ويطقون عليهم ويطقطقون على امهم شيخة:

غرام تلحن : العيووون كبااار والشامة حلوووة
فاتن تكمل :شايل جمال الكوون وباليني بلووة

شيخة تتقرب من المجلى الي جالسات قريب منه غرام وفاتن ومنفسة وهي تشرف على الاكل
غرام تستهبل وتقرب وجهها لوجه أمها وتحط عينها بعين أمها الي متجاهلتنها :هالعيون شلون املها سحر ذوبني بغزلها
وفاتن تأشر على خدها:بووسة من عندك حبيبي تسوى عندي الدنيااا كلهااا

شيخة بقهر صرخت فيهم : بنننننت انتتييي وياها اعقلو ماتشوفوني مشغولة!

غرام تكتم ضحكتها ..بإستياء وتصنع للحزن: افاااا "وتلحن" زعلان منه انا وانا اللي راااضيته
فاتن تكمل : ادري غلطت والدليل الناس لامووني

شيخة بقهر تخاطب الخدامة : انت كيف تحرقين الاكل هااه اللحين يرجع ناصر ومافيه شي يعبي كرشته ويزعل .. "لفت لبناتها" وانتم جبتولي جنون البقر اطلعو من المطبخ طفشتوني

غرام باندفاع: حاااشاك يمه منتي بقرة
فاتن فطست ضحك

شيخه طلعت عينها وضربت غرام بالمقلة ... وغرام فاقعة ضحك:ههههه وش قلت هههههه انت ههههه الي قلتي جنون ههههههه ال ههههههه البقر مالي دخل انا ههههههه انا قلت حاشاك

شيخة بعدت عنهم وتتابع شغلها بقهر ..
غرام طقت على العلبة وهي تتميل :ون تو ثري فور فايف
فاتن كملت وهي طربانة: سكس سفن ايت ناين تن
مع بعض: ولد ولد ولد
فاتن : سيدي يلبس بارووكة
غرام تكمل: وانا قرعة ليه ليه

شيخة ترفع يدها وبترجي : يارب تصيرين قرعة عشان تتفشلين وتحبسين نفسك في الغرفة عشان لايشوفك احد وتفكيني من ازعاجك

غرام وفاتن فقعو ضحك ....
غرام بنذالة : انت قلبك قاسي اوي اوي انت مش بتحس!
التفتت لها شيخة وناظرتها نظرة ليزرية ... غرام فزت ركض قبل لا تقتلها أمها وهي تضحك

وفاتن دموعها تنزل من عينها من كثر الضحك

شيخة وهي تحط الملعقة في المجلى بيأس: بنات مجنونات!
ناظرت يد فاتن بقوة .. بحدة :فاتن وش فيها يدك؟!

فاتن وقفت ضحك بجمود.. خبت يدها وراء ظهرها بسرعة ..بتوتر : مافيها شي!
شيخة بحدة: تستهبلين مافيها شي وانت مضمدتنها !!تبي تروحين المشفى؟
فاتن تكابر: ابد
نزلت من الرف وتوجهت لبرا بتهرب ...
تناظرها وهي تبعد من المطبخ .. وفي نفسها " اعرفها ... تكابر .. بس اكيد فيها شي ! "
................

بتردد واقفة عند باب غرفته ... تشاور نفسها تسوي كذا ولالا .. واقفة ربع ساعة تقريبا تشاور نفسها

قطع سرحانها فتحه للباب ... انلجمت وقفت مكانها متصنمة
رفع راسه لها متعجب من وقفتها عند باب غرفته ..بهدوء:وش عندك هنا ؟!

جواهر بتردد ابتسمت بعباطة : ولا شي.. ابد ولا شي .. كذا بس عشان ..
مدت له كاس عصير البرتقال بسرعة : لك عشانك مريض مع السلامه!
ومشت بسرعة مثل الهبلة ..
مشعل يناظرها باستغراب مو مستوعب .. ويناظر العصير الي بيده .. ابتسم بسخرية : هه !
وفي داخله ممتن لها ... وبقوة!

بعد ماشرب عصيره توجه لغرفة سارة ...
طق طق طق

سارة :ميين؟!
مشعل بهدوء: انا !
سارة فتحت الباب كانت لابسة بجامة سبورت خضراء فسفورية ورافعة شعرها ذيل حصان مرفوع كثيير وفي اذنها سماعات الأم بي ثري .. كانت تعمل رياضة

سارة بدون نفس: نعم؟!!
مشعل ناظرها بإزدراء .. ودفها بدفاشة ودخل غرفتها : نعامة ترفسك وش ذي الجلافة!
سارة تخصرت : وش عندك انا مشغولة!
مشعل ناظرها بلا مبالاة ... وتوجه لسريرها وجلس عليه
سارة توجهت لتسريحتها وجلست ترتب شعرها :وش عندك؟!
مشعل ضم يديه ببعض بجدية : ايش هو قرارك؟!

سارة وقفت عن ترتيبها لشعرها .. ناظرته من مرايتها بسكوت ..واخيرا تشجعت ونطقت : موافقة!

مشعل طلعت عينه من مكانها ماكان متوقع هالاجابة ابدا ابدا : سارة انت متأكدة ؟!
سارة وهي تكمل ترتيب شعرها : ايه!
مشعل رفع حاجبه: وش الي خلاك ماترفضين؟
سارة : كذا مدام بدينا لازم نكمل ...

ناظرها بحدة لفترة موب قصيرة .. وقف : على راحتك بس الملكة بعد بكره اذا غيرتي قرارك قوليه من الان افضل!
سارة باصرار : ماراع اغيره!
مستغرب من إصرارها هز راسه بعدم مبالاه :اوك

طلع من غرفتها ...
رمت المشط من يدها بقهر على التسريحة .. وفي داخلها تغلي عكس الي كانت مبينته لمشعل .. ناظرت نفسها : راح اوريك يافيصل ان ماطيحتك في شباكي وخليتك تموت فيني وعينك تعمى عن غيري ما أكون سارة بنت عبدالرحمن!
....................

لابسة بجامة حمراء برمود لتحت الركبة وفاتحة شعرها البني الفاتح الطويل وواقفة قدام مرايتها الطويلة وماسكة مشطها على انه مايك ..مشغلة اغنية اجنبية على لاب توبها والصوت عالي بقوووة .. ومنطربة معاه
وترقص رقص مجنون .. تفتح فمها وتهز راسها بقوة .. وتحرك شعرها بحركة سريعة ..

تقرب لها بخفة وسحب من عندها المشط على انه مايك وانطرب مع المغني سكر عينه بقوة وهز راسه مثل المجنون: يييييييييييييييييييس!

تناظره مصدومة : انت وش جابك هنا ؟!!
يأشر على اذنه انه مايسمع ..
رفعت صوتها : فررررريس وش جابك للديسكو حقي؟!
فارس ضربها على ظهرها بدفاشة ومرفع صوته عشان تسمعه : امحق ديسكو .. فاااشل مثل صاحبته .. بعدين انتي ليش مرفعة الصوت لهدرجة ؟؟ ابوي وامي مو هنا ؟
رانيا ترفع صوتها : لااا امي طلعت معاه تكمل تجهيز لملكة سارة ماخلصت
فارس بنذالة : اهااا وانتي اذا غاب القط العب يافار!
رانيا ابتسمت بعباطة وأومأت براسها : صح عليك بإستثناء اني فار!
فارس ضحك عليها ... جاء مقطع في الاغنية :
Are you readyyyyyyyyyy??!!!

فارس ورانيا بجنون صرخو : يييييييييييييييس!
جلسو يرقصون ويستعبطون مثل المجانين .. وطبقو قاعدتهم الي يحبونها .. اذا غاب القط العب يافار!
.................

جاء اليوم الموعود... الي الكل ينتظره .. مِلكة الجميلة سارة على شاروخانها فيصل .. طبعا بما إن سارة دلوعة ابوها .. الحفلة راح تكون فخمة .. وراح تكون في افضل القاعات .. الضيافة مجهزة على اكمل وجه .. وكل شي موجود .. ماعدا
السواق!

سارة والكوافيرة تعدل شعرها وتسحبه وجبهتها مشدودة وهي معصبة وعينها مليانة دموع : افففففف هذول مادورو يسفرون السواق الا قريب ملكتي ! نسيت تاجي اللحين مين يجيبه لي!! اففف حظي معفن مالت علييي اففف

جواهر المرافقة البطلة .. صابرة على سارة وتساعدها : ماعليك لا تخافين اللحين اخلي يوسف او مشعل يجيبه !

سارة وهي شوي بتبكي : وهاذي المتني وهي بس تسحب في شعري شوفي مقدمة شعري صرت صلعة منها .. والمكياج ماسوته مثل الي ابيه .. ولا الحظ الجميل طالعة لي حبة شوفيها هنا هنا " كانت في ذقنها على تحت وصغيرة مرره" راح نطلع اللية الجميلة والوحش مع شكلي ذا اكيد طبعا فيصل الجميلة وانا الوحش!

جواهر كاتمة ضحكتها وتهديها : سوير هدي اللحين راح اتصل للشباب واحد يفزع لنا .. وشعرك معليش اصبري تظفري اكيد في النهاية راح يطلع يجننن .. والمكياج بالعكس مرررة فظيع عليك .. والحبة اذكري الله تراها ماتبان ابد ومع المكياج مختفية تماما .. ولا تبكين حبيبتي لا يخترب مكياجك وينقلب اليوم دراما اكثر مما هو دراما !

سارة وهي تتمالك نفسها : طيب ..بس قولي لهم يعجلون !
جواهر تصبر نفسها "طيب طيب

جواهر دقت على " الشيطان"

بنرفزة : خيييير؟!
جواهر رفعت حاجبها بإنزعاج:وووجع وش ذي الاخلاق
بعصبية: توجعك خلصيني وش تبين
جواهر تصبر نفسها : سارة نست تاجها في البيت وتبيه اللحين عشان الكوافيرة تثبته لـ
قاطعها : نعمممم!؟!! خير توها تذكره محد فاضي لكم صار لخبطة في عزيمة الرجال وابوي يحتاجني .. يلا انقلعي
وسكر في وجهها
بعدت الجوال عن اذنها بقهر : مااالت عليك قال ايش " تقلد صوته بصوت معفن" محد فاضي لكم ابوي يحتاجني.. خف علينا يابزنس مان يالمطلوب في كل مكان طير بس الشره علي الي داقة عليك اول مفروض ادق على يوسف

بعكس رد اخوه : اهلا
جواهر ابتسمت : اهلين فيك.. طلبتك
يوسف : لبييه
جواهر متشققة : احمم ساره نست تاجها في البيت وتبيه اللحين ضروري عشان تثبته الكوافيرة في شعرها
يوسف : اوك ولا يهمكم بس وينه بالضبط ؟
جواهر انبسطت وأخيرا انحلت عقدة : في كرتون زهري صغير وعليه شريط ذهبي راح تلاقيه في كيس زارا الي راح يكون في كيس ازرق كبير الي راح يكون موجود تحت سرير سارة
يوسف يحاول يركز على هالتفاصيل الكثيرة وفي نفسه ليش كل هالمتاهات هاذي..بتناحة : اوك
جواهر : ماراح تطول وانت تدوره مكانه واضح وبقوة
يوسف في داخله واضح ! : اوك ولا يهمك ابشري
جواهر : شكرااااا شكرا شكرا يلا مع السلامة
يوسف ابتسم : العفو مع السلامه

جواهر راحت لسارة ببإبتسامة شاقة الحلق : شفتي اللحين يوسف بيجيبه وبتنتهي المشكلة !
سارة تناظرها ببرود هالبنت مزاجية اليوم لدرجة مو معقولة : تراهم نادونك من شوي يبون يحطون لك المكياج
جواهر طلعت عينها : ايييييش؟! وليش ماقلتيلي اللحين بيقدمون علي وحدة ثانية !
سارة ببرود : كنتي بعيدة ومافيني حيل اصارخ !
جواهر بقهر تحاول كتمه : امحق صديقة !
وتجري بسرعة لدورها ..
.................

في كوافير ثاني كانت منسدحة والكوافيرة الفلبينية تهتم بمكياجها
الفلبينية : ماما انت واجد هلووو شكل مال انت شكل مال شباب واجد جميلة وبشرة صافية
شيخة وهي تطبطب على بشرتها بخجل وتتصنع الغرور : ههههههه اكيد مو انا شباب .. أصلا كثير ناس لما يشوفون بناتي يقولون مستحيل مايبان اكيد هذول خواتك .. وانتي اصغر منهم بعد " صورايخ"!
فاتن بتدخل : يييمه وش ذي الصواريخ بالعكس هم دائما لما يشوفوني ويشوفوك يقولون هاذي اكيد بنتك نفس الملامح
شيخة وهي تكشها بقهر : مالت عليك ليش تقصفين جبهتي على قولتك تلايطي بس خلهم يعدلون لك هالخشة شوي !
..............
رجعو للبيت والعجلة ذابحتهم في هاليوم .. يبون كل شي بيرفكت .. وهالشي صعب مع الدلوعة ساره

الكل كان موجود في الصالة ..ومتربك والبيت كله حايس
مشعل يزعط :انت وياها اصعدو الغرفة الشيخ جاااء
جواهر بصوت واطي تتحلطم : كأنه مراهق توه بالغ ويبي يطلع رجولته !

صعدو وسارة بالموت تتحرك ..
سارة اول مادخلت غرفتها : جوج شوفي شكلي عدل مكياجي عدل شعري عدل اظافيري عدلة فستاني عدل اكسسواراتي عدله هاه هاه ؟؟
جواهر وهي تضحك : هههههههههه كل شي بيرفكت ما شاء الله انت اليوم تقولين للقمر قوم وانا اجلس محلك!
سارة وهي تناظر نفسها في المرايه : ايه تمام تمام وانت اليوم طالعة قملة يوووه اقصد قميييلة
جواهر طلعت عينها من مكانها : ههههههه يالنذلة اجل صرت قملة هاه بمشيها لك عشانها ملكتك اليوم ولزوم ندلعك

طق الغرفة بهدوء .. سارة : مين ؟
أبوكِ ..
سارة : تفضل
دخل برزته وهيبته المعتادة .. بحنية مده لها : لحظتك الحاسمة .. وقعي ياحبيبتي
انجلطت جلطة ثلاثية الابعاد .. تحس بقلبها طاح من مكانه من قوة نبضاته .. اتجمدت في مكانها

أبو يوسف ابتسم وناظر جواهر الي ردت الابتسامة علطول ..
انفتح الباب بلهفة : هاه فاتتني اللقطة ؟
أبو يوسف يضحك : هههههه لا مافاتتك تعالي الحقي عليها
ام يوسف وهي تناظر بنتها وتبتسم بفرح والدموع في عينها

أبو يوسف لاحظ جمود بنته حط القلم في يدها وحط العقد على الطاولة الي قبالها ... ارتجفت يدها بشكل مو طبيعي .. اول مرة ترتجف في حياتها كذا ...لان هالشي مصيري

قربت القلم للورقة .. ووقفت ... وقفت فترة طووويلة
جواهر بلعت ريقها بقوة ياكون راح تغير رايها على اخر لحظة ؟
أبو يوسف يناظر ام يوسف بخوف وش فيها ماتوقع!

تقربت لها أمها وبهمس بحنية : تذكرين لما كنتي صغيرة كنت اقولك اذا خفتي ..شهيييييق
تنفست سارة الشهيق
ام يوسف كملت بإبتسامة رضا :زفيييير
زفرت بقوة .. ووقعت أي شخابيط بسرعة

أبو يوسف ابستم : مبروك!
ام يوسف زغرطت بسعادة والدموع تنزل من عينها
سارة وجهها احمر وفي نفس الوقت خايفة
جواهر ابتسمت تحس بفرحة لبنت عمها وتدعي لها من قلب
.........

يوسف بإبتسامته الجميلة ضم فيصل : مبروووك الله يخليكم لبعض ان شاء الله ما اوصيك حطها في عينك
فيصل متشقق ماكان متوقع موافقتها بعد الي صار : الله يبارك فيك عقبالك ان شاء الله .. تآمر امر

تقرب له وهو يحك رقبته بتوتر .. مشعل بإبتسامة توتر متنحة.. مايعرف يبين مشاعره في هالمواقف : مبروك فصييل
وتقرب له بيضمه ويباوسه مثل ماسوى يوسف " ياعمري الصغنطط القلود خخ "

بالغلط صقع و طيح غترته وغترت فيصل ...
الكل فقع ضحك عليهم وهم يرقعو جبهاتهم
ناصر " أبو فيصل" : هههههههههه ماينشره عليكم مو متعودين على الغترة وكشخة السعوديين ماغير تلبسون لي في ذي الاقمصة بس ههههههه
فيصل وهو يهمس لمشعل: يالدوب ماكنت تقدر تصير ارق شوي خربت لي الكشخه اللحين هالغترة وش يعدلها هاه
مشعل وهو يحاول يرقع غترته : تلايط بس الشره عليي مسوي فيها طيب وبسلم عليك !
..............
جواهر راحت لغرفتها تحط لها مناكير ..
تحوس في غرفتها الحايسة أصلا .. من جهزو لملكة سارة وغرفتها حالتها حالة كأن إعصار ضاربها

جواهر بقهر: افففف وينه ذا مادور يضيع الا اليوم !
فتحت الباب بدون ماتطقه .. لفت وجهها للباب بسرعة بخوف .. تنهدت بإرتياح لما شافت ساره

بس كان كلام سارة مايريح كانت لابسة عباتها : بعددك ماخلصتيي!!!
جواهر باستغراب: لا بقى المناكير وجالسة ادوره ليش؟
ساره بصدمة :ياسلام خلاص انا براء منك بروح القاعة مع ابوي وامي وانتي دبري نفسك
جواهر انفجعت وطار عقلها : ساروه يالمحششة وش نوع حشيشك انت مين يوديني ياحظي وسواقكم مو هنا !
سارة وهي تسكر الباب: مدري دوري لك صرفة سواق رانيا مثلا !

جواهر صرخت : سااااااااااااااااااره!
ماردت عليها ... ضربت الأرض برجلها بقهر : وجع الغبية كيف اللحين بروح ؟
طاحت عينها عليه كان مرمي تحت مخدتها .. شقت الحلق واخذته بسرعة تحطه في اظافرها

عند اخر ظفر وتخلص .. انكسر ظفرها!!
جواهر صرخت بتوجع : اااااااااااي ..
ناظرت ظفرها بفجعة : لالالالالا مو وقتك اففف ياربي وش هالحظ الزفت الي عندي هاليوم .. "شهقت" ياااحرام انكسر حتى الجرم! ااااي اافف وش ذا الدم ..
وقفت بإرتباك تدور لها ماي بارد او أي شي وهي تغطي ظفرها بمناديل .. انتظرت فتره وبعدت عنه المناديل: الحمدلله وقف الدم بس يبيلي احط عليه ثلج .. ااه يارب يعدي هاليوم على خير

فتحت باب غرفتها بشويش .. طلت يمين يسار مافيه احد .. ابتسمت بحماس وطلعت .. كان البييت هادئ وفاضي .. مبسوطة من زمان ماتمشي في بيت كذا بحريتها بدون عباءة .. وقفت عند مراية في الصالة الي فوق

ناظرت نفسها برضا ... كانت لابسة " الله يعينكم على الشرح المنتهي حاولو تركزو" فستان احمر طويل نااعم عاري الاكمام ماسك على الصدر بعدين حر طليق يعني اذا مشت يتحرك معها بشكل ملفت.. لابسة اكسسوارات ذهبية فخمة عشان الفستان ناعم .. رافعة شعرها البني ومطلعة غرتها وخصلات الي مسوينهم بالفير .. كان الحلق طويل ويناسب تسريحتها .. بالنسبة للمكياج اضاءة ذهبية وكحلة خارجية فرنسية وماسكرا بارزة عينها الخضراء.. وبلاشر بني وروج احمر .. وطالعة خطييييرة وجمالها يطيح الطير من السماء

بعدت عينها عن المراية وبإستهبال غنت : بيبي دونت لت مي قو بيبي دونت لت مي داون ..

صوت نذل من وراها : قو!
طاح قلبها من الخوف والصدمة " كيف مو البيت مافيه احد!"
لفت مثل الانسان الآلي بخوف .. جمدت مكانها قباله

ابتسامته النذلة اتلاشت .. وتحولت لنظرة دهشة واعجاب ... اول مرة يشوفها بدون عباءة من جات بيتهم .. توقع انها حلوة بس كان ينكر هذا الشي .. ولما شافها اللحين ايقن انها آية في الجمال في داخلها كلمة وحدة " خـــقـــة!"

وفي المقابل كان مشعل كاشخ بشكل غير هالمرة .. اول مرة تشوفه بالثوب والغترة .. كان رزة وجميييل .. تنحت

مشعل خربها : ماتوقعت ان الباكستانية تعرف تكشخ !
جواهر غلت من القهر .. فتحت عينها على اوسعها تذكرت انها بدون عباءة .. هربت منه بسرعه للدرج تنزل منه كان اقرب وسيلة لها للهرب ..
ابتسم وهو يوصلها بنظراته ..في باله.. وش هالجمال ياجواهر؟!

نزلت بسرعة .. كعبها تصادم مع العتبة وطاحت!!!! ..
سكرت عينها بقوة تحس بألم فظيع طيحتها الييييمه ..
جزمة لابستها وجزمة طاحت "الله يكرمكم"
فتحت عين وحدة بتوجع وهي تشد على اسنانها .. تناظر جزمتها الي في نهاية الدرج الي تبعد عنها عتبتين

تفاجئت بيد تمسك الجزمة بهدوء وتتقرب لها .. رفعت راسها .. كان يوسف توجه لها .. اخذ رجلها ولبسها الجزمة :سلامتك
حست نفسها سندريلا في هذه اللحظة .. ياربي وش هالاحراج اخلص من واحد يجيني الثاني .. وقفت بسرعة وهربت عنه هو الثاني للمطبخ

رفع راسه وهو نزل راسه .. تلاقت عينهم في بعض
في نفس الوقت : انت هنا

هو صعد والثاني نزل .. لما صارو جنب بعض .. مشعل بدون مايلتفت : ليش صاعد ؟
يوسف نفس الشي: بجيب لها عباتها !
مشعل زفر بسخرية : هه!

هي في المطبخ تعاتب حظها ..
بعصبية جالسة تتكلم مع ظفرها مثل المجنونة : انت مادورت الا اللحين تنكسر فشلتنا مالت عليك! ارفع علومك شووي وانكسر في وقت عدل ! شفت من حركاتك البايخة ودلعك انكسرت في وقت غلط وفشلتني أولاد عمي اثنينهم شافوني كذا افففف وكل واحد شافنني في وضع اخس من الثا..

: احمم احمم

تجمدت مكانها من الخوف ..
يوسف: عباتكك

جوواهر في بالها " شكررررررا شكراا شكررا والله انك كفو كذا الناس الي تفهم "

مدت يدها واخذت العباءة من وراء الباب بسرعة : شكرا
يوسف ابتسم : العفو ومشى

طلعت بعد مالبست عباتها كانت شنطتها تحت لحسن الحظ اخذتها ..
جواهر بفشلة : اممم في واحد منكم يقدر يوصلني للقاعة ماعندي احد يوصلني!
في نفس الوقت اثنينهم : انا!
طلعت عينها من مكانها .. .

مشعل يناظر يوسف: انت الكبير ويد ابوي اليمين يحتاجك
يوسف : انت صديق المعرس وفيصل يحتاجك

نظرات ليزرية تعبر بين اعينهم ..

وجواهر ضايعة في النص ... بإستهبال: خلاص واحد يوصلني للقاعة وواحد للبيت!
الاثنين في نفس الوقت وهو يناظرون بعض: طيب!
جواهر انصدمت كانت تستهبل بس .. بلعت ريقها تحسهم يحرقون بعضهم بهالنظرات " طيب مين بيوصلني اللحين؟!

مشعل: انا راح اوديها
يوسف: مايحتاج تتعب نفسك
مشعل بحزم : انا ابي اتعب نفسي!
يوسف رفع حاجبه: والله؟!
مشعل بإصرار: يب ثانيا سيارتي سبورت يعني تأمن لها سرعة الوصول بشكل اكبر
يوسف تنهد : اوك وانا برجعها
مشعل ابتسم : اتفقنا

مشو كل واحد في طريق .. وهي تناظرهم منصدمة ومتنحة

وصل للباب .. التفت لها بجلافة: راح تبقين هنا ؟!
جواهر التفت له وبإندفاع : لا !

طلعو من البيت .. شهقت وهي تناظر ساعتها : ياااربي تأخرت !!!
"تلف يمين يسار" وينها وينها سيارتك !

مشعل ببرود يهز راسه بإستياء: قدامك يالحولة !
جواهر توجهت للباب الي وراء مقعد مشعل تنتظره يشغل السيارة..

وهو واقف عند باب مقعده ناظرها بصدمة : تمزحين صح ؟
جواهرببراءة : على ايش؟!
مشعل بنفس الأسلوب: تصعدين وراء وقدام فاضي حسابلك سواق عندك!
جواهر طلعت عينها من مكانها : يعني تبيني اجلس قدام مثلا!!!؟
مشعل يأشر على راسه: اكيد مايبيلها تفكير !
يلا اصعدي قدام!
جواهر بإصرار: تحلم !
مشعل : نعم وش ؟! وش قلتي؟!
جواهر شدت على الكلمة : تــــــحــــلـــم !
مشعل بحدة قرب منها شوي: خلصيني واركبي قدام !
جواهر بعدت على وراء تهرب منه بقهر: مو على كيـ.....

جات سيـــــــــارة من وراها بسسسرررعة مجـــــــــنووووووونـــــننننة ..

لــــفـــها اتـــجـــاهه بســــــرعة قبل لا تصــــدمها الســـيارة ..
كــــــردة فـــعـــل

طاححــــت على ذراعــــه وانــحنــى ..
طاحت اللــثــمــة من وجهها ..

صار وجــهــه مايــفــصــل عن وجــهـــها الا شعرات .. صارت تحــس بأنــفاســه .. وجــهها حَـــمر ..

ذابـــت عيـــنه البـــنية في عيـــنها الخـــضراء ..
وصارت نبضـــــاته تدق بجنـــون!

انتهى الباااارت ... هو اهداء لزهرة المايا
هاه ما اوصيكم تعليقات على كل حدث نياهاها
وسؤاال ..بما ان شرحي جميل جدا .. تبون لما اوصف الشكل انزل صور او عادي تعتمدون على شرحي؟؟
وو وشرايكم بالقفلة نياهاهاااهاهاها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 687
قديم(ـة) 21-06-2014, 07:25 PM
صورة رنيمان الرمزية
رنيمان رنيمان غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


جججججججههههههههههههززززوووووو ننننننففففففسسسسسسكم الباارت بعد المممممممغغرب

ويا ام شمماخ طوووووولي الباااااارط رجاااااااااااء تاااااام

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 688
قديم(ـة) 21-06-2014, 07:27 PM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


اقتباس:
المشاركة الأساسية كتبها رنيمان مشاهدة المشاركة
جججججججههههههههههههززززوووووو ننننننففففففسسسسسسكم الباارت بعد المممممممغغرب

ويا ام شمماخ طوووووولي الباااااارط رجاااااااااااء تاااااام
ههههههههههه ياعمري رنيمان نزل البارت يلا اقرأيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 689
قديم(ـة) 21-06-2014, 07:44 PM
صورة Faadfaad الرمزية
Faadfaad Faadfaad غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


واو البارت روعه

نستناكي في بارت جديد

faadfaad

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 690
قديم(ـة) 21-06-2014, 08:01 PM
صورة أروى. الرمزية
أروى. أروى. غير متصل
©؛°¨غرامي مجتهد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


يالبييه وش هالبارت الروعة
__
الحدث الأول
ﻻ ﻻ تخرب عﻻقتهم ببعض حرام :(؟
شلعلع بلليز... خلي سارة تسامح
فصوليا
جوجو *تبتسم بشرانية * أحبك ونتي كذا..راح تعجبين بشعول.. غصب عنك :)
__
الحدث الثاني
ههههههههههه يارباه ه هالبنات..
يازينهم
سؤال:فاتن انتي ليش عنيدة كذا (شوف من يسأل مفروض أسأله لنفسي هذا السؤال)
مشعل.. ﻻ تعليق :)
سويره ايووا هذهه هي سوسو علميه الأدب (تحمست..)
__
الحدث الثالث
سوسو.. ليتني جنبك..
مشعل ياخي تبيها تحبك.. سوي نفس اخوك المقرود
يوسف.. يالله يعنني انا روميو ياشيخ روح موت قتيعة تقتعك
__
الحدث الثالث
هههههههههههههه شيخة
أجل انتي أصغر من بناتك (صارووووخ)
يازين فاتن بس
--
الحدث الرابع
ذكرني هالموقف.. بملكة اخوي
بنت عمي(زوجته) كانت مثل حالة سارة
الله يوفقها..♡♡
__
الحدث الخامس
ياواو ي يوسفي..
ي كشخة هش يﻻ برآ..
مشعل وفيصل وقسم بالله
أنكم /نكته/
__
الحدث السادس
ايوا خلك كذا ي شعول..
يوسف انت وش تبي ياخي انقلع دور لك حتا تانيه تبات فيها ياخراشي.. ايه الواد الرخم الرزل الغتت دا (هذه شتايم مصرية..،)
واو وش هاللحظة الرومنتيك (خقت البنت)
ﻻﻻﻻ وش هالقفلة أصيح وﻻ أصيح ��
__
توقعاتي
اممم..
يوسف راح يشوف هاللحظة الرومنتيك..
وبيعصب "ي جعله دوم"
وراح يطلع ع حقيقته..
مشعل يمكن راح يعترف بحبه ل جواهر..
سارة وفيصل هﻻ بالاكشن الي راح يصير
♡♡وننتظرك♡♡

روايتي الأولى: وإذا إلهاج بفرح ليلة فأنا تهت لبكاج سنين

الوسوم
رواية وإذا ألهاج
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 12:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1