غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 761
قديم(ـة) 25-06-2014, 07:09 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


البارت الثامن عشر(18)

"تعرف بحقيقة علاقتك مع الشخص الآخر .. في المواقف الصعبة!..حيثَ إنه يكون مُخير بين خياران لا ثالثَ لهُما..إما أن يتركك بِمُصيبتك لوحدك!......وإما يقف معكَ كسند ويهمس في إذنك :أنا وأنت روحَ واحدة لا تخف لن أتخلى عنكَ فأنتَ أنا!"


جات سيـــــــــارة من وراها بسسسرررعة مجـــــــــنووووووونـــــننننة ..
لــــفـــها اتـــجـــاهه بســــــرعة قبل لا تصــــدمها الســـيارة .. كــــــردة فـــعـــل
طاححــــت على ذراعــــه وانــحنــى .. طاحت اللــثــمــة من وجهها .. صار وجــهــه مايــفــصــل عن وجــهـــها الا شعرات .. صارت تحــس بأنــفاســه .. وجــهها حَـــمر ..
ذابـــت عيـــنه البـــنية في عيـــنها الخـــضراء .. وصارت نبضـــــاته تدق بجنـــون!

موسيقى اشتتغلت .. كانت نغمة جواهر
جواهر بوجه أحمر بعدت عنه .. وترفع جوالها
مشعل انخطف لونه وانربط لسانه ... ويحس بنبضاته قوية

بتوتر رهيب : هلا سارة
سارة بعصيبة : هلا ايش شوفي الساعة كم !! متى رااح تجيين ؟!! بنات عمي جاءو وانتي بعدك يلا بسرعه
جواهر لحد الآن مو مستوعبة الموقف الي صار من شوي ببرود وهدوء تام : راح اجيكِ اللحين
سارة صرخت فيها : وش فيك باردة ! جواااااااااااهر اصصححححييي!!!
جواهر فزت من صرخة سارة رفعت صوتها : طيب اللحين جاية لك
قفلت من عندها وشافت ساعتها .. شهقت ببقووة : ماااصدق تأخرت كثير " لفت لمشعل الي كان عقله طاير ومو معه" يلا بسرعة وصلني!

هالمرة توجهت للمقعد الي جنبه علطول تعقدت من الموقف الي صار من شوي .. دخلو السيارة

جواهر وهي تهز رجلها بتوتر : اففف وش هالحظ يلا مشعل بسرعة
مشعل رجع لحالته بهدوء ونذالة : تبين توصلين بسرعة ؟
جواهر تناظر ساعتها الذهبية: ايه يلا بسرررعه بتأ...

شخط فيها مشعل بسرررررعة رهييييييبة ...
جواهر وهي تتمسك بأي شي وبفزع: ممممشششعللل لااااااا!
مشعل وهو يسرع ويبتسم ابتسامة نذلة: انتِ الي قلتِ بسرعة وأنا أنفذ طلبك!
جواهر على نفس الحاله : اقصد بسرعة تحرك موب بسرعة امشي ااااااااااااااا
مشعل وهو يكمل سياقته السريعة وبنذالة : خاايفةة ؟!
جواهر بمغص من الخوف : حددددييي يلااا خفف السرعه يمااااااه
مشعل على نفس النذالة : تبيني اخفف السرعة تمسكي بيدي!
جواهر طلعت عينها من مكانها وبرفعة حاجب: نعممممم؟!! وش قلت ياسيد مشعل ؟؟؟
مشعل بنذالة وهو يشد على جملته : اذا تــبــينــي اخــفــف الســرعــة تــمــســكــي بــيــدي!
جواهر بعصبية وهي تتمسك بأي شي من الخوف :هاهاها تحلم !
زاد السرعة وصار يهز السيارة يمين ويسار موب على خط مستقيم ..
جواهر صرخت : مشعلللل ياااامجنوووون تبي يصيبنااا حادث!
مشعل اابتتسم بخبث: بيدك الحل!!!

من سرعته الخطيرة كان بيصدم في سيارة قدامه لكن لف على اخر لحظة لفة مجنونة ..
جواهر مسكت بيدها اليسار يد مشعل بخووف وهي شادة على اسنانها ومسكرة عينها بقوة ...

لف لها وابتسم بنذالة وانتصار .. خفف السرعة الى سرعته المعتادة
ناظرته بقهر وعيونها تطلع منها نارمن القهر: نِذل مجنون!
قبل ماتبعد يدها خمشت بأظافرها المطلية بالأحمر يد مشعل بنذالة ..
مشعل يبعد يده بألم : ااااخخخ وش ذاااا قطوووة مو بنت!
جواهر وهي ترسم على مبسمها ابتسامة انتصار ونذالة ناظرته: اييه قطوة احسسسن تنتقم وتاخذ حقها من الي يأذيها !
مشعل رفع حاجبه بقهر : والله تنتقم ؟!
جواهر هزت راسها بتصنع للغرور..
مشعل ناظر الطريق بحدة : طيب هيييييين ..
جواهر لما سمعت كلمة هين تشهدت في داخلها ..

انطلق فيها مثل الصاروخ في الشوارع وصارت هنا مو القطوة الي تنتقم القطوة المفزوعة !
....................

جالسة على كنبة بيضاء طويلة .. وتطق بكعبها الأرض بقوة من التوتر .. ماسكة الجوال بيدها وترسل مسجات لصديقتها ..

ام يوسف وهي تتفقد أوضاع أشياء بنتها ..لفت لها تنهدت على حالتها : يابنتي اصبري تظفري راح تجي قريب

سارة رفعت راسها لأمها وناظرتها بحدة : يمه صارلك ساعة تقولين نفس الكلام ولا جات .. متى راح تيجي ان شاء الله؟!! أخاف يجون الناس وانزف وهي مو معي ! انتي تدرين جواهر قبل ماتكون بنت عمي كانت صديقتي المقربة !

ام يوسف ناظرت بنتها بيأس .. تقدمت لها وجلست بجنبها على الكنبة وحطت يدها وراء ظهرها تواسيها : لا تخافين راح تجي قبل ماتنزفين وراح تشوفي .. كل شي راح يتيسر بإذن الله !
....................

وأخيرا وصلت لعند القاعة ..
جواهر بتوتر : وأخيرا
ومشعل يناظرها بملل ..
فتحت باب السيارة بعجلة تطلع .. من العجلة طاحت جزمتها في السيارة ونزلت وسكرت الباب .. جواهر حست انها بجزمة وحدة .. ضربت قزاز النافذة : يووو نسيت جزمتي افتح الباب باخذها!
مشعل ناظرها بملل وفتح نافذتها .. اخذ جزمتها ورماها لها من النافذة بدون مايتحرك!
جواهر بعدت بسرعة قبل لا تصيبها .. ناظرتها بصدمة .. زفرت بسخرية:هه!
مشعل بملل : شكلك اخذتي في نفسك مقلب انك سندريلا !
جواهر بقهر حبت تنرفزه : ايه سندريلا عند يوسف طيب؟!!
مشعل بقهر يحاول يخبيه: ايه اوك سندريلا عند يوسف وباكستانية عندي وكذا تكونين سندريلا الباكستانية!
سكر النافذة وبسرعة مشى عنها ..

جزمتها مرمية على الأرض وهي واقفة بذهول من كلامه بقهر: سخييف! انا سندريلا باكستانية !! اكرهك !

لبست جزمتها ومشت بقهر للقاعة ...
وقفت عند باب العروس ..
تدور رقمها .. لين ماشافته "صديقة عمري"
دقت عليها ...
بلهفة : الو
جواهر : هلا سارونه انا برا افتحي لي الباب
سارة انبسطت على الاخر:واخيراااا طيب اللحين

فتحت لها الباب بسرعة ولهفة ... دخلت ... قفلت الباب وابتسمت لصديقتها .
سارة ضمت جواهر بقووووة ولهفة ..سكرت عينها بأمان: واخيرااا جيتي !! طولتي كثيرر!
جواهر اتفاجئت من ضم سارة لها ... ابتسمت وضمتها مثلها : هههههه لهدرجة وحشتك ماصار لنا الا كم ساعة لما تفارقنا !
سارة بعدتها بدفاشة : ههههههههههه لا ماوحشتيني ولا شي بس عشاني احتاجك
جواهر ابتسمت : مصلحجية
سارة : يل ايلا افسخي عباتك واطلعي ترا الناس بدؤو يجون وبنات عمي جوو
جواهر : طيب
فسخت عباتها ناظرت نفسها في المراية رتبت غُرتها .. وتعطرت بعطرها المفضل بربري سبورت .. وطلعت برا

مشت بهدوء مع ذلك كانت انظار الكل حولها .. لأنها بقمة الأناقة والجمال ..

تقدمت لها مبسوطة .. لابسة فستان كحلي درجته جدا جميلة وتناسب بياضها ..يتصل برقبتها مثل الحلق المليان فصوص فضية ويتصل بالفستان وعند البطن حزام ضعيف عبارة عن فصوص فضية .. وفيه ذيل .. فستان ناعم و انيق ويناسب ملكة اخوها .. اما تسرحتها فشعرها الكستنائي مرفوع ببساطة بما انه قصير ومطلعة غرتها القصيرة .. مكياجها ناعم جدا ماسكرا تزيد رموشها الكثيفة جمال وروج وردي وبلاشر وردي واكسسوارات فضية ..وطالعة جدا ملفتة وجميلة كعادتها بأناقتها

جوري وهي تتقرب من جواهر بوناسة :جوج وأخيرا جيتي!
جواهر بإبتسامه:هههه يب وأخيرا اوووب وش ذي الكشخة طالعة قمررر
جوري ابتسمت :وانت طالعة عسسسل ياحياتي
جواهر غمزت لها بنذالة :بيخطبوكِ!
جوري انقلب وجهها من السيرة وتأففتت: لاتكفين فالك ماقبلته !
جواهر طلعت عينها باستغراب وهي تضحك:ههههههه لحد الآن مو ناوية تزوجين؟!
جوري ابتسمت تدريجيا:شوفي السالفة مو سالفة مابي اتزوج بس بصراحة موضوع الزواج مهم وانا مابي أي زوج ولحد الان ماجاني الرجال الي ابيه فااا فاهمة عليي؟!
جواهر لوت فمها بعدم اقتناع: اممم يعني تبين تفصلين زوجك
جوري:ههههههههه استغفرالله بس شي مثل هذا ..

جات بخطوات سريعة ماركضت عشان ماتخرب البرستيج ..
كانت لابسة فستان ون شولدر اخضر غامق بدرجة حلوة ونااعم جدا جدا وشعرها البني الفاتح الطويل مسويته بمكوة الشعر سيدة ومطلعة غرتها ..مكياجها مثل جوري ..طالعة ناعمة جدا وحلوة

جميلة بتوتر: حلوات تدرون متى بيجون بنات عمي جاسم هالبنات دائما متأخرات وبس .."انتبهت بان البنت الي تكلمها جوري هي جواهر" اووه جوج مانتبهت انك انت ههههه ياهلا فيك طالعة تهبلين
جواهر ابتسمت: اهلين فيك شكرا على المجاملة انتي طالعة خقة
جميلة:بلا هبل انا ما اجامل جد طالعة حلوة
جوري تناظرها بنص عين: انا طول الوقت اسألك وش رايك في شكلي تقولين لي مو فاضية لك والحين تمدحين في جواهر ايه اااه يادنيا الشقى
جميلة : ههههههههه الناس مقامات ياحلوة
..............
عند البنات الي دايما متأخرات ...

واقفة عند المراية وتتأمل في شكلها ..

ملاك بعجلة : اففف ياربي تأخرنا وأخيرا جهزت ..وانت شوق؟
شوق بدون نفس جالسة تعدل كحلتها الخارجية : ملاك سكتي عني احسن لا يجيك شي يخرب لك مزاجك
ملاك تأففت .. وجلست ترتب عدة المكياج في شنطتها
شوق بعدت الكحلة عنها وابتسمت بإنجاز: ايووه وأخيرا زبطت .. والله يبيلي افتح لي كوافير كوافيرات هالايام مايعرفون يسوون شي
لفت لملاك الي كانت ترتب شنطتها ... : هيه ملوك تعالي عندي برتب شعرك ليه حايس كذا ؟
ملاك تمسك شعرها: والله؟!
تقربت لشوق الي كانت عكسها طويلة ..كانت تسريحة ملاك بما ان شعرها قصير مفتوح ومسووين لها مثل الطوق جديلة من شعرها ..بس جديلتهم كانت معفوسة
شوق وهي تفل جديلة اختها : جد شغلهم خراب في خراب وش ذا حتى جديلة مثل الناس مايعرفون يسوونها!

كانت ترتب شعر اختها مثل الام لبنتها .. تعودت من بعد وفاة أمها تكون مثل الام لأختها الي اصغر منها ..تهتم بشكلها بصحتها بدراستها بنفسيتها ..صحيح تعاندها مثل أي اخت بس تهتم فيها مثل أي ام!

شوق بإنجاز: كشخة يلا روحي قولي لراشد اننا جهزنا
ملاك :طيب
شوق تناظر ساعتها : مو معقوول!مرررة تاخرنا يلا هاري اب اركضي بأسرع ماعندك له!

ملاك حطت رجلها وركضت بأسرع ماعندها ..تعودت هم دائما متأخرات ودائما تركض لهالسبب..

كانت لابسة فستان قصير لأنه منفوش .. وردي بناتي ناعم وفي الظهر فُتحة على شكل قلب ..اكسسواراتها كانت وردية وفضية ..مكياجها عبارة عن كحلة خارجية ضعيفة وماسكرا وبلاشر وروج وردي ..وشعرها الأسود القصير مثل ماقلت سابقا ...طالعة كيوت كعادتها وراح تلبس جزمة فلات مع انها قصيرة بس ماتلبس كعب

نزلت من الدرج بسرعة وتوجهت للمجلس فتحت الباب بعجلة : راااشد يلـ......

تفاجئت بفنجان طاير لها ... كان من راشد المعصب!
وجنبه شاب منزل راسه بحياء...

تصنمت مكانها لثواني بس صحاها صوت راشد: هيييه اطلعي هنا فزاع ياغبية!

سكرت الباب بقوة وهي منصدمة من الموقف..

راشد منقهر طق فيه عرق الغيرة على اخته: هالغبية متى بتعقل وبتطق الباب قبل ماتدخل!!
فزاع رفع راسه وكان وجهه احمر من الفشلة كعادته خجول..: احممم بس مو كأنك قسيت عليها بالفنجان !؟
راشد بعصبية :تستاهل واصلا ماصابها !
فزاع ضحك:ههههههه قم بس لها يمكن يبونك توصلهم
راشد وقف: طبعا مبسوط مو حصلتلك نظرة شرعية من شوي!
فزاع طلعت عينه من مكانه : هههههههههه الله يرجك تحرك بس

راشد طلع شافها قدامه .. اول ماشافته راحت وراء شوق تحتمي بيها

راشد وهو يناظرها بحدة:خييير
شوق مفجوعة من الوضع: هيه وش صاير
راشد بقهر: اختك المصونة مدرعمة داخل المجلس وفزاع موجود!

شوق انفجرت ضحك:ههههههههههههههه عادي ههههههه نظرة شرعية!
ملاك تخصرت : ياسلام ذي نظرة غير شرعية!
راشد رفع يده يخوفها : انت طمي حلقك لا يجيك كفين اللحين على ذا الوجه ..
ملاك احتمت بشوق علطول ..
شوق بملل: أقول انتم الاثنين بلا هواش بزارين ويلا شدو الهمة وتحركو نبي نروح الحفلة
..............
عند عزيمة الرجال ...
كانت في مزرعة أبو فزاع بما انها واسعة وجميلة وتناسب لعزيمة والجو حلو ..الطاولات مرتبة وعليها غطاء مخملي احمر يعطيها فخامة .. وفواكه وعصيرات واكل بكل الاشكال والانواع .. وفي احدى الطاولات تمرية والقهوة والشاي والحلا.. وطاولة عليها البخور والعود.. قبال البحر
بإختصاار جوو العزييمة رهييييب

مشعل يحاول مايحرك راسه كثير عشان ماتطيح الغترة ..
فارس فاقع ضحك :هههههههههههه شوفو مشعل صاير مثل بوذا مايتحرك لايمين ولا شمال عشان الغترة كاااااااااك
وليد ضحك:ههههههههههههه جد
راشد: يا سبحان الله مافي فرق هههههههههههه
مشعل بقهر: هه هه هه ياثقالة دمكم! الغيييييرة تذبح !

كان واقف جنبهم .. لابس بدلة رسمية كحلية والقميص ابيض وربطة العنق كحلية .. قصلة وبريء

مشعل في باله " خليني أتكلم معه" يحاول يبعد الجلافة عنه ويصطنع الحنية معه : هلا هيثوم اخبارك؟!

هيثم مثل ماقلت سابقا .. ولد ال3 سنوات .. ابوه عزام وامه هيفاء ..عزام اخو فارس ورانيا الأكبر..وهيفاء اخت فيصل وجيش البنات

هيثم ناظره ببراءة ..
مشعل بلع ريقه " وش فيه ذا عاطني طاف وساكت" حمله يلاعبه : وش هالكشخة هاذي طالع جميل بقوة

ناظره بلا تعابير لفترة ..واخيرا نطق : انا دائما كسخة"كشخة" مو مثلك!
مشعل انلجم بصدمة وفي داخله يغلي قهر..
الشباب يضحكو عليه بشماته ..
عزام نطق بصوتته القوي : هيثوم حبيبي عيب
مشعل يرسم الابتسامة غصب على وجهه: والله ؟! ليش انا مو كشخة!
هيثم تجاهل سؤاله :ندلني "نزلني"
مشعل رفع حاجبه ويقتل نفسه عشان يبتسم : ليش م اراح انزلك سولف معي شوي
هيثم عفس غترة مشعل بقهر ..والشباب فقعو ضحك
مشعل نزله بقهر وهو يحاول يعدلها ...
عزام ابتسم : ما شاء الله عليه عنده طاقة كبيرة!
مشعل بقهر وهو يرتب الغترة أي كلام: ايه مره ..ما شاء الله عليه ..
عزام قام وحمل معه هيثم : تبي تمر ياحلو؟
هيثم اومأ براسه ان ايه ..

مشعل بقهر : وهالعيلة دائما كذا دفشين من صغيرهم لكبيرهم!
فارس وهو يمسك بطنه من الضحك: أقول هههههه قم عدل غترتك والله انه افحمك ههههههه وانت تسلك لعزام هههههه
مشعل قام بقهر .. مر جنب فارس وبنذالة عفس غترته ومشى!
.......................

كانو جالسات على طاولة وحدة ويحشون في خلق الله ..

تقدمت لهم بشموخها كالعادة .. لابسة فستان اسود ماسك على الجسم على كل كتف مجموعة كريستال فضي ..وحزام فضي .. الفستان انيق جدا وطالع عليها خيال .. فاتحة شعرها الأسود الطول ومسوية لها بف خفيف بدون غرة .. مكياجها فرنسي يعني معتمد على الكحلة الكات الي تناسب عينها النمرية وروج احمر .. تمشي مثل الملكة بشموخها ..ومن اكسسواراتها ضماد يدها البيجي!

وصلت لعندهم ..البنات : ياهلا ومسهلا ..واخيرا تنازلتي وجلستي معنا
فاتن سحبت الكرسي وجلست : بلا سخف كنت أتصور
ملاك همست لها : يدك!
فاتن بضجر همست : ما خفت!
ملاك تأففت وفي داخلها تسب اخوها الي كان السبب..
فاتن لفت لأختها: انتِ هيه خلاص فشلتينا بالله اول ماجيتي وانت تاكلين ولا ياليت اكلتك ذوق الا استغفر الله بس..اللحين الناس بيقولون أهلها ما يأكلوننها!
غرام وهي تكمل تاكل الفطيرة الصغيرة :وش عليك مني انتِ؟! كرشة مين؟ كرشتي..خلاص انتهى!
فاتن تصطنع الغرور:طيب احترمي اني معك في نفس الطاولة ..فشلة ان الناس يعرفون انك اختي وتاكلي كذا!
غرام بجلافة : فتون حبيبتي شفتي الشنطة الي قدامك؟
فاتن هزت راسها :ايوه وش فيها؟!
غرام كملت : بضربها على راسك ان ماسكتي عني!
فاتن رفعت حاجبها:خوفتيني يعني!
جميلة سكتتهم :بنات سكتو سكتو شوفو مين قابلة!
كل البنات رمو عينهم عليها ..

كانت لابسة فستان اصفر فاقع ضيق بدون اكمام وفي وسط الصدر فتحة طويلة والظهر كله طالع الي نهاية الظهر ... وفتحة طويلة من بداية الفخذ ..اللبس مفسخ بإختصار! طبعا عرفتو مين صاحبة هاللبس.. وشعرها المصبوغ اشقر الطويل على جنب مسوى بالفير .. ومكياجها ااوووفر روج احمر فاقع وظلال اسود وكحلة داخلية وخارجية وبلاشر وردي

البنات فتحو عينهم وفمهم ..
جميلة بصدمة :جراءة!
غرام بصدمة :لا وقاحة!
جوري تناظرها بإزدراء : كان مالبست شي أصلا!
شوق بسخرية : ياااسلااام مع اللون ..كأنها لمبة نيون من بعيد
البنات فقعو ضحك على التشبيه ..
تقربت ناحيتهم بغرور .. الكل رافع نظره لها وفي داخله الف تعليق
بدلع مصطنع مايع: هاي
سحبت الكرسي وجلست معهم
شوق الي كانت جنبها لفت لها وبسخرية : ماشاء الله لون فستانك مرة يجنن من وين ماخذته!
جميلة تقرصها .. والبنات يكتمون ضحكتهم
فرح تحرك شعرها بغرور ودلع : من مصادري الخاصة!
شوق فجرتها: اييه هين تلقينها بسطة سوق الحراج!
البنات انفجرو ضحك ماقدرو يكتمون ضحكتهم ..
فرح بقهر وفشلة : حدك عاااد لهنا وبس!
شوق ناظرتها وابتسمت بسخرية : يممه خوفتيني وش بتسووين ؟!
فرح وهي تلعب بشعرها : اوريك وانا بنت ابوي!
غرام تدخلت كانت قدام فرح بالضبط ..قربت وجهها لها بخبث: مين.. ابوكِ الي كأنه خاتم في صبع أمك ..مثل الصخلة تقول له يمين يروح يمين تقوله يسار يمشي يسار ..بالضبط تناسبه كلمة خكري!
فرح رفعت يدهاب تضرب غرام كف بقهر .. غرام مسكت يدها وضغطت عليها بقوة وابتسمت بإستهزاء :حشرة مثلك ماتمد يدها عليي! عيدي هالحركة وليلتك في المشفى!
بدأت ترجف ..تخاف من غرام بقوة ...نظراتها حادة جدا .. ومشكلجية لأقصى درجة!
وقفت بقهر وغرور ومشت بمياعة عنهم ..
غرام عدلت جلستها وهي تناظرها : قطيييعة!
البنات : زين ماسويتي فيها!
فاتن حطت يدها على كتف اختها : كفو خية رجال وعن الف رجال!
غرام تعدل فستانها بغرور : احم احم افا عليك
والبنات فاقعين ضحك ..

قاطعتهم شيخة الي واقفة على راسهم: خير على ايش تضحكون!
جميلة : يمه سوالف بنات!
شيخة بفضول : طيب دخلوني فيها!
غرام تأشر بصبعها لا : لا مانقولها للعجايز اااقصد الكبار
شيخة وهي تتمالك اعصابها : غرموو يامال الوجع مافي عجوز الا انت .. بعدين انتي ليش طول الوقت ترعمين في ذا الاكل فشلتينا اللحين بيقولون مفجوعة
غرام وتكمل اكلها ولا في إحساس : يمه مين الغبي الي يلاقي له اكل ببلاش ومايستغل هالفرصة؟! هاه علميني؟!
شيخة حطت يدينها على راسها بضيق: اففف ياربي رحمتك ياربي صبرني على هالابتلاء الي رزقتني بيهم!
سحبت جوري من كوعها : وانت قومي معي .. ام عدنان تبي تتعرف عليك!
جوري كانت تناظر أمها باستغراب لما سمعت وش قالت زفرت بضيق: لاحوول مابي ولدها ولا ابي أقوم!
شيخة سحبتها بقوة لين ماوقفت : امشي معي وانت ساكتة!

جميلة همست : اللحين اذا خلصت من جوري بتقلب عليي.. امي عندها علينا مشروع تزويج!
غرام بموافقة : من جد تحسينها حالفة تزوجنا كلنا وراء بعض!

مشت معها ناحية ام عدنان وجوري لافة وجهها ويبان عليها الطفش ..
ام عدنان باعجاب : ما شاء الله هاذي بنتك!
جوري في بالها " لا شافوني لقيطة أي اكيد بنتها يعني ايش!"
شيخة بلهفة ووناسة : ايه جوري الحلوة
ام عدنان مدت يدها لجوري الي كانت لافة وجهها ولاوية فمها..ظلت الحرمة مادة يدها وجوري موو منتبهة ..شيخة قرصة جوري عشان تنتبه ..لفت بفزع كاتمة الألم .. سلمت على الحرمة بضيق

ام عدنان بابتسامة : كم عمرك ياجوري!؟
جوري تناظرها ساكتة وماتتكلم ..
ام عدنان قالت في بالها يمكن ماسمعت او مافهمت: كم عمرك ياجوري؟!
جوري على نفس الحالة ..
شيخة قرصت جوري وفي داخلها تبي تدفنها ..
جوري ساكتة ..
شيخة انقهرت وقرصتها بقوة :تكلمي!
جوري مسكت يدها بألم وانزعاج:اااااه وش؟!!! انتي قلتي امشي وانتي ساكتة!!!
ام عدنان ابتسمت وفيها الضحكة...شيخة اتفشلت من بنتها همست لها : كنت اقصد تسكتين عن التحرطم مالت عليك!
تحبون تفجرون جبهتي مدري ليش!
شيخة التفتت لأم عدنان وتضضحك بترقيع: هههههه بنتي تأخذ الكلام بجدية أي كلام أقوله ما شاء الله تطبقه مطيع ةلوالدينها دائما ما شاء الله!
ام عدنان خزت جوري بإعجاب: ما شاء الله!
جوري طلعت عينها "كيف تلاقي ترقيعة لكل المصايب؟!"
قاطعتهم دخول يارا الي كانت في عجلة :يمه جوري سارة بتدخل!
جوري في بالها "فرج!":اوك يلا
ومشت معها ..
............

عندها..
كانت متوترة بشكل كبيييير ..ترجف وهي ماسكة باقتها
جواهر واقفة عندها وتعطرها من فوقها لتحتها ..
ام يوسف ترتب فستان بنتها ..
سارة بخوف:بموت من الخوف ياجواهر بموت!
جواهر باندماج مع الرش تقوولون عملية جراحية موب ترش عطر: سوير طمي حلقك ولا تقولين أشياء هبلة .. ابتسمي الليلة ليلتك الي تتمنينها!
سارة بخوف : لهدرجة انا خايسة عشان ترشين عليي كل هالعطر؟!
جواهر وام يوسف انفجرو ضحك..
جواهر :ههههههههههههه لا ياهبلة بس عشان تصيرين مثل الفواحة لا قبل عليكِ..

شيخة فتحت الباب بدفاشة كعادتها :هاه جهزتو؟!
ناظرت سارة طلعت عينها من مكانها وفتحت فمها بإإعجاب وفي داخلها "احسنت الاختيار يافصيل !"
وش ذا الزين وش ذي الكشخة يا أنك بتهبيلين في فصيل الليلة بيخققققق عليك!
سارة نزلت راسها بحياء...
ام يوسف:ههههههههه فديت الي يستحون
شيخة : هاه جاهزة؟!
سارة هزت راسها ..
طلعت شيخة وام يوسف ..
جواهر : سارة وش رايك البس العباءة عشان لا طلعت في التصوير وفيصل شافه عادي؟ لازم اعدل لك فستانك وانت تمشين
سارة هزت راسها بايه..
جواهر لبست عباتها ابتسمت وهي تشوف سارة لأول مرة خايفة كذا مركزة نظرها في الأرض بخوف وترتجف ..
جواهر قربت منها ومشو ناحية الباب ..
جواهر ابتسمت : اهم شي ..الابتسامة
سارة التفتت لجواهر وابتسمت ..

فتحو الباب .. كانت زفتها على موسيقى رومانسية ورايقة ..
مشت اول خطوة على الممر بخوف .. كانت لابسة فستان موديل ميريام فارس..بس منفوش اكثر واكثر ..يكون بدون اكمام ومن فوق ترتر فضي وبعدها شيفون احمر ومنفووووش ..احتارو في شعرها الاسود بما انه قصير مرة ..سووه بالفير وبف وعليه التاج"سبب الدراما"..مكياجها ظل ترابي حلو وكحلة خارجية وداخلية تناسب عينها الزرقاء وروج احمر
وطالعة جناااااااان كلمة رهيبة قليلة عليها .. باقتها عبارة عن جوري ابيض والمسكة دانتيل ابيض وفيونكة حمراء..

كل الأنظار عليها ..جواهر في كل خطوة ترتب الفستان فستانه منفوش بقوة وصعب عليها المشي فيه ..تمشي بإبتسامة مطلعة صفة اسنانها .. وتناظر الكاميرا بجرأة ...عكس الي داخلها خوووف بقوة ..البنات يترقبون كل حركاتها والي تضحك والي عايشة الجو والي....غيرانة!

يتبع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 762
قديم(ـة) 25-06-2014, 07:11 AM
صورة حكاية شموخ الرمزية
حكاية شموخ حكاية شموخ غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


وصلت لكوشتها الناعمة زخارف بيضاء وعلى جوانبها ورود جوري حمراء ..
أمها قربت لها ودموعها في عينها..
سارة ابتسمت بقوة لما شافتها مقبلة صوبها ..
اتقربت لها وضمتها بحرارة .. بحنان أم: مبرروووك يابعد قلبي
سارة: ههههههه يمه لا تبكين تراني بس مخطوبة!
ام يوسف وعينها غرقانة بالدموع: بس مخطوبة! بعد شهرين وبتزوجين !
سارة بنرفزة:يمه!
وبدات تبكي ام يوسف ... شيخة قربت لها وحطت يدها على كتف ام يوسف بمواساة وشماته:خلووود بلا بكا الناس يضحكون ولا يبكون في هاليوم هههههه والله انك تحفة
قربت لسارة الي كانت مستحية من شيخة ..
شيخة ضمتها وهي تضحك: ههههههه اللحين مسوية فيها مستحية تراني مرت عمك خخ!
سارة بفشلة :طيب خليني اتصنع الحياء شوي ههههههه
بعدت عنها البنات تقربو لها وصارو يباركون لها وكل وحدة بطريقتها الدفشة والناعمة...

جاء وقت جواهر .. تلاقت عينهم ..ابتسمو
سارة حركت فمها بـتعالي..
جواهر تقربت بهدوء ..
سارة ضمت جواهر بقووووووووة والباقة وراء ظهر جواهر : احححححبببك يا احلى صدييييقة في العالم مابنسى وقفتك معي ابد!
جواهر ونفسها منكتم من الضيق: لا تقولين كذا انا اخدمك بعيوني ومو انتي عيوني؟!سارة زواجك بعد شهرين صح؟
سارة ابتسمت: ايه!
جواهر ضمتها اقوى وعينها غرقت بالدموع الي تبي تخبيها بصوت مبحوح ومرتجف: راح اشتاقلك!
سارة بحنية : وش في صوتك؟!
جواهر بدأت تبكي : سارة كيف ببقى في بيت عمي بدونك! كيف بعيش بدون عنادك؟ كيف بصحى مو على صوتك؟!
سارة بصدمة :جوج ترا انا مخطوبة بس ..
جواهر تبكي : بعد شهرين زواجك ..وسكتت من قوة البكاء
سارة غرقت عينها بالدموع..

شوق حست فيه شي صعدت للكوشة وسحبت جواهر معها الي منزلة راسها عشان ماتبين انها تبكي ... وصلت معها للحمام
وقفت جنبها قبال المراية .. تناظر نفسها بالمراية : مسحي دموعك"ومدت لها مناديل"
جواهر اخذت المناديل من عند شوق بهدوء ..ببحة:شكرا
ابتسمت شوق : كل ذا حب لسوير الله لنا !
جواهر ابتسمت على كلامها ..
شوق التفتت لجواهر وتخصرت: بس الدراما حقتك وقتها غلط وبقوة شوفي مكياجك يبيله تعديل!
جواهر في بالها" مو انا دائما اسوي لهم دراما في وقت غلط"
شوق فتحت شنطة مكياجها وبوثوق: شوفي بما اني كوافيرة بالفطرة وبداخلي جويل صغيرة فراح اعدل مكياجك !
جواهر ابتسمت وقربت وجهها لها : يلا ورينا ابداعك الله يستر
شوق وهي تعدل كحلة جواهر : لا تخافين وانا بنت عمتس ..ان مارجعتك مثل ماكنتي واحلى وخليت الحريم يخطبونتس لعيالهم ما أكون شوق بنت جاسم
جواهر تضحك مثل المعاقة عشان لاتهز يد شوق وتخرب المكياج: اهم شي اللهجة يالواثقة!
..............
عند الرجال..

3 رجال واقفين بالثوب والشماغ ..كانوا يتناقشون عن شي يثير اهتمامهم ...وشغلهم الشاغل .. الا واحد كان يناقشهم بمعلوماته العامة فقط!

الرجال بإعجاب بتفكيره: ما شاء الله يا يوسف عندك عقل تجاري نظيف ليش ما اشتغلت مع ابوك وصرت يده اليمين؟
يوسف ابتسم : طموحي الطُب وماتثير اهتمامي التجارة ولكن عندي معلومات واسعة عنها
أبو يوسف : هه اولادي دائما كذا تفكيرهم بالطب والهندسة وعقلهم عقل تجاري ولكن ظالمينه ومطنشينه .. مدري وش يسوون بهالدم والرسوم والخرابيط!
يوسف ماعجبه كلام ابوه في النهاية كل شخص وطموحه .. قطع تفكيره صوت مسج .. يوسف ناظر جواله رفع راسه بإبتسامة : عن إذنكم ..

بعد شوي عنهم وفتح المسج ..
صورتها وهي في حمام القاعة ..متخصرة ومشكلة فمها شكل بوسة. .
انصدم من الصورة ولا ارادياً طيح الجوال من يده ..
عينه طالعة من مكانها ويناظر الجوال بصدمة الي على الأرض .. كل مالها تتمادى وتتواقح !! لوين بتوصلي يافرح لوين ؟!
.............
في حمام القاعة ..

تناظر نفسها بفخر وغرور .. وتضحك وفي بالها : بتنجن يايوسف على شكلي الخقة ههههههه

دخلت الحمام بملل .. ناظرتها بإزدراء .. ووقفت جنبها قبال المراية .. كانت لابسة فستان أسود سادة مفصل على الجسم ومكمم فيه فتحة في الظهر صغيرة .. لابسة سلسلة فضية فخمة عشان تبرز الفستان الناعم ..مكياجها اضاءة فضية وكحلة خارجية تبرز عينها الرمادية وروج عنابي يناسبها .. شعرها الأسود المتوسط الطول مسويته بالفير على خفيف وقصتها مفيرة وطالعة جنان

كانت حاملة معها شنطة مكياج جلد عنابية .. طبعا كانت مو لها .. كانت لأختها جميلة .. طلعت منه روج عنابي ..
ناظرت نفسها في المراية بملل : مدري وش يحبون البنات في هالمكياج ؟!!
وعدلت روجها الي اخترب من الأكل ..

فرح ناظرت غرام بشفقة : ياااحرااام حتى روج ماتعرفين تحطين ! أنا أشك إنك بنت !
غرام بعدت الروج عن شفتها شوي وابتسمت بخبث وهي تناظر نفسها في المراية: والله؟! أنا أشك إنك إنسانة مو حيوانة!
فرح تفجرت جبهتها بس صامدة .. ناظرت نفسها في المراية وبغرور جلست ترول شعرها بإصبعها : اممم اكيد انك من الجنس الثالث !!!
سحبت يدها بحركة سريعة ولزقتها في الجدار بقوة آلمتها .. قربت وجهها لها بعصبية ونظراتها الحادة تقتلها : هه! مو عيب إنك بنت"شدت على الكلمة"وماتعرفين تاكلين وفيك روج بدون ماينمسح او أي شي من هالقبيل العيييب يابنت بدوور انك تتفسخين قدام كل هالبشرية وفوق هذا تتلزقين في ولد عمك وتتفسخين قدامه وتقولين له بكل وقاحة أحبك !!!
فرح تناظر عين غرام الرمادية برموشها الكثيفة ونظرتها الحادة الي خلتها تناظرها بهلع وشفتها ترجف .. هالمرة مافجرت جبهتها بل فجرتها كلها!

بعدت عنها شوي .. ضربت بيدها الباردة خد فرح اليمين عدة مرات بخفة واستهزاء : ياحلوة اعرفي زين مع مين تتعاملي !

خلتها تغلي بقهرها عند الجدار وهي بعدت عنها ببرود ووقفت قبال المراية تكمل حطوطها لروجها ..

وقفت شوي بقهر وفي داخلها الف تحسيبة ولعنة على غرام .. قربت منها بقهر ودفت الروج الي بيد غرام .. صار خط الروج من شفة غرام الى نص خدها .. غرام تناظر الروج بصدمة .. تحولت نظراتها لقهر .. رمت الروج من يدها وضربت فرح كف قوي على خدها .. فرح منصدمة وحاطة يدها على خدها الي حمر من قوة الكف .. غرام عدلت غرتها بقهر .. ومدت يدها للمناديل عشان تمسح ماخربته فرح من روجها .. بحركة سريعة فرح خمشت خد غرام بأظافرها الطوووويلة المصبوغة بالأصفر .. صار في وجهها 3 خطوط باللون الأحمر من جنب عينها اليمين بشوي الى نهاية خدها .. هنا صارت مثل الثور الهايج

تقربت لها وسحبت شعر فرح بقوة وفرح مصدومة وتصارخ .. وصارت تضرب في فرح وتعوج يدها وترميها للجدار بقهر .. صارت تضرب فيها بجنون وقهر على كل فعايلها ...تحاول تمسك يديها عشان ماتضربها .. وغرام اقوى من فرح بيدها اليمين حاولت تكفخ وجهها .. فرح خمشت يد غرام .. غرام صرخت وصارت تشد في شعر فرح بقوة لدرجة ان شعر فرح صار بيد غرام .. وفرح تصارخ وحاطة يديها على رقبة غرام تخنقها .. وغرام تشد بيدها اليمين شعر فرح وبيدها اليسار تكفخها في وجهها

كانت خلود"أم يوسف" و شيخة "أم فيصل" وبدور"أم فهد"
عابرين جنب الحمام سمعو صراخ فرح ودخلو الحمام بسرعة بهلع..

شافوا الوضع الغريب..غرام راح مظهر انوثتها بعصبيتها ومشكلجيتها وفرح الدلوعة جالسة تصارخ

أم يوسف حطت يدها على فمها بصدمة من الوضع الي قدامها
شيخة من شافت غرام طلعت عيونها وتقربت لهم بسرعة تفككهم : هيييه انتي وياها بعدو عن بعض بسررعة
بدور بعصبية : وش هالوقاحة بعدي عنها بسرعة!
غرام بعصبية وتشد على فرح ماتبي تتركها:بعدييي عني خليني اعلمها الأدب !
شيخة وهي تتفككهم : بعدووو بسرعة الله ياخذكم وش هالهواش قلت بعدوووو !
فكت غرام عن فرح بقوة وهي تمسكها من يديها .. وغرام تبي تفك أمها عنها بعصبية تصارخ ووجها مخمش وروجها واصل لخدها وشعرها معفوس ويدها مخمشة وكم نازل عن كتفها وكم عادي : وووقحة الله ياخذك يالصايعة والله لو بكيفي ماخليت فيك شي صااااحي !
شيخة وهي تهدي غرام بقهر: غرااام! اهدأي لا اقتلك اللحين ولد مو بنت حشى !! متى بتتركين هالهوشات هااه؟!
بدور شهقت لما شافت شكل فررح فستانها اتمزع شوي من جهة الصدر ومكياجها اخترب الكحلة سالت والروج اخترب وشعرها حايس ومنكوش وظفرلها منكسر وهي تبكي .. قربت لبنتها وضمتها ..بعصبية ناظرت غرام من فوق لتحت بغرور ونبرة أمر: شيخة!... بعدي بنتك البوية والمتوحشة عن بنتي وربيها وعلميها الأخلاق اثاريكِ نسيتين ماتربيها!

غرام كانت بتهجم عليها بس شيخة تمسكها بصراخ : انتِ احترمي نفسك وربي نفسك واولادك قبل ماتتكلمين عن تربية غيرك شوفي كيف اولادك يتصرفون ويلبسون هالصايعين شوفي كيف انت مربية ثلاث أولاد بهالعمر وكلهم مربيين تربية خاايسة !
شيخة بعصبية ونبرة أمر صرخت فيها : غـــرام!
غرام فكت أمها عنها بقهر وناظرتها بنظراتها الحادة وبداخلها تغللييي غلياان من العصبية : ليييش تبيني اسكت؟!!! ليش نسكت عن تصرفات مثل هاذي !! وقاحة وقلة ادب وعدم احترااام درجة اول .. "لفت لبدور الي كانت منصدمة من غرام واشرت بصبعها عليهم " انــتِ ماتدرين عن شي انت مخلفة وناااسية اولادك من فوقهم لتحتهم وسخييييين تفهمين يعني ايش وسخين! ولدك يغازل بنت خاله وهي بدون عباءة ويقولها بكل وقاحة خلنا ننشئ علاقة مع بعضَ وبنتك المصون تتفسخ قدام ولد عمها عشان تبيه يتزوجها ! وبنتك الثانية مثل الذيل لبنتك الأولى وكل مالها تتفصل على طِباع فررح! اذا تبين تتكلمين عن تربايتي انصحك تطمي حلقك وتنزلين راسك في الأرض لان لو تناظرين اولادك راح تعرفين زيين كيف تفتخرين بتربيتك !

بدور منصدمة ومو قادرة تقول ولا حرف انربط لسانها ..
غرام ناظرتها بقهر وحدة من فوقهم لتحتهم وطلعت من الحمام ..
شيخة بصراخ : غـــــــــــراااااام!!!

طلعت وهي تمشي بقهر ناحية طاولة البنات .. بنتين عبرو بجنبها ووحدة ناظرتها بفزع من مظهرها .. غرام لفت لها وبعصبيه : خيييير وش فيك تناظرين؟؟!! أول مرة تشوفين بنت متهاووشة؟!!
البنتين مشوو بسرعة عنها وهي تغلي من القهر ..
شافوها البنات اخترعو من مظهرها .. جوري وقفت لها بفزع مسكت خدها الي كان مليان بخموش فرح .. وغرام تناظرها بعين مقهورة
جوري بفزع : غرااام وش هذا؟!! متهاوشة؟!!
غرام بعصبية فجرتها : بنت عمتك الكلبة تمادت كثير جزاها الثورة!
جوري شهقت عقدت حواجبها : ايييييش غرام وش سويتي اللحين وش يفكنا من لسان عمتك ؟!
غرام بقهر: ليش تخافون من كلامها تستاهل لمتى واحنا نتحمل وقاحة بنتها تستاهل كل الي جاها ولو بكيفي كفختها اكثر لين ما اشوفها تدوخ بين ايدي!
توها بتجلس سحبتها جوري بتنهد : طيب خلنا اول نعدل لك شكلك يبان كأنك طالعة من مصارعة!
..................
جالسة على كوشتها بملل فظيع وتتصنع الإبتسامة قبال الكاميرا عشان يطلعون صورها حلوين وفي داخلها : وش هالملل ياربييييييي! افف اللحين وقت مسلسلي افف ان شاء الله كيت ماماتت وجاك يجي وينقذها .. اللحين أليكس عمياء حقيقة ولا تكذب ! اففف حماس هالحلقة بتفوتني

قاطعها همس : أشغل أي أغنية ؟!
لفت لها بفزع : بسم الله وش جابك انت هنا فجأة؟ّ!
ناظرتها بإستغراب وضحكت : هههههه هبول بإيش تفكري اعترفي ..
سارة رفعت حاجبها وابتسمت : اقولك بس ماتتسخرين علي؟
جواهر ابتسمت : نوب يلا قولي
سارة : افكر بمسلسلي ووش راح يصير في حلقة اليوم!
جواهر فتحت عينها على اوسعها وضحكت : من جدك انت؟! انا اول مرة اشوف عروس تفكر بمسلسلها على كوشتها هههههههههههههههه والله انك تووحفة
سارة : ههههه جوزيي عني بسس ..
جواهر : هههههه يلا خلصيني انا حطيت أغاني من عندك في اليو اس بي وبس مدري وش الحلو وبنات عمك يبون يرقصون على شي يحمس وش الحلو ؟
سارة : اممممم مدري شوفي في اغنية اسمها مشعل مزعج حطيها يرقصون عليها
جواهر طلعت عينها : وووش مشعل المزعج!!!؟
سارة ضحكت : ههههههههههه ماعليك مني هالأغنية مو راضية تنحفظ بإسمها الأصلي وفي نفس اللحظة دخل مشعل وازعجني سميتها كذا وزبط !! ههههههههه
جواهر فقعت ضحك : ههههههههههه يا إنك مسسخرة! طيب اوك بشغلها
قالت للبنات والبنات وقفو متحمسين ..
توجهت للاب توب الي كان موصل بالسماعات وضغطت عليه..بالغلط ضغطت على شي جنبه !

افطر الصبح زيتووونة اررررجع من المدررسة مجنووونة ... البنات واقفات منصدمين وين الأغنية الي قالت عنها .. الحريم منصدمين ويتهامسون مع بعض .. شغلت بالغلط صوت سارة وهي تستهبل! ... سارة غطت بيدها وجهها بفشلة .. جواهر وقفت شوي منصدمة شغلت بسرعة الاغنية

بدأت الأغنية والبنات مو مستوعبات الي صاار ..
شوق بهمس : بنات اتحركو نرقص عشان نغير موضوع الحريم لنا
بدأوو البنات يرقصون بحماس متجاهلين الي صار وسارة تحاول تبعد عنها الإحراج بقدر الإمكان .. جواهر منزلة راسها بفشلة ووتقرب لسارة الي كانت بتقتلها أول ماشافتها .. سارة بهمس : يالبقرة كيف تشغلين صوتي وانا كذااا فشلتينااا!
جواهر بفشلة حكت راسها : والله بلغط ضغطت على هالصوت الي كان جنب الاغنية ماكان قصدي!
سارة وهي تهز راسها بإحراج : يا إن هالليلة فلم هندي !!
قاطعتهم رانيا الي كانت متوجهة لهم وهي ترقص .. مدت يدها كانت تبي ترقصها معهم .. جواهر مدت يدها لها بإبتسامة .. ورانيا توجه يدها لسارة!

جواهر اتفشلت مدت يدها للهوى! .. جميلة حطت يدها على فمها تخبي الضحكة وتقربت للجواهر ترقصها عشان لا تفشلها .. وقفو يرقصون بحماس .. وسارة تهز بهدوء ورقة مع فستانها المعيق .. رانيا تهمس لسارة بنذالة : لو هاذي الحفلة مو حفلتك ..
سارة كملت : كان رقصت لكم رقص هز لكم القاعة افا عليك بس عشان البرستيج ارقص كذا اللحين ..
رانيا ضحكت ..
بدأت جواهر تطلع مواهبها بالرقص وتميل خصرها وتهز بموهبة والبنات متونسين عليها ويرقصون معها ..
.............
كان واقف مع أولاده الاثنين..

أبو يوسف :مدري شكله تعبان أو شي .. وش أقوله يعني قلت له خذ راحتك واخذته من عنده .. "نزل نظره لإصبع يوسف" وش فيه إصبعك؟
يوسف ناظره بإستغراب .. نزل نظره لصبعه إبتسم : اوه صبعي مافيه شي جرح بسيط من السكين !
أبو يوسف بحدة : انتبه لنفسك مرة ثانية !
مشعل يراقب الوضع بألم وينزل كم ثوبه بهدوء يغطي خمش جواهر الي يبان اكثر من جرح يوسف!
أبو يوسف تنهد : خلاص اذا خلصنا نقفل المزرعة وبكره ارجع المفتاح لأبو رويد"أبو فزاع"
يوسف: اوك تمام
أبويوسف ناظر مشعل بتمعن الي كان مشغول بتسكير زر كِمه .. سحب يده وفتحها بهدوء حط المفتاح فيها وسكرها بحزم..ومشعل يناظره بتعجب !
أبو يوسف حط يده على كتف مشعل : أمانة عندك!..أعتمد عليك!
ومشى .. وخلا مشعل ماسك المفتاح بيده بقوة كأنه طفل متمسك بدميته مايبيها تضيع .. ومنصدم .. وفي داخله فرح كبير بسبب بسيط ..كلمة : أعتمد عليك!
ابتسم وطلع صفة اسنانه بوناسة ..
...........
كانت واقفة وترتجف ترتجف بشكل مو طبيعي .. كلمتين بس خلتها تصير كذا ...:فيصل بيدخل !
ماسكة باقتها بقوة وواقفة تنتظره .. شغلو موسيقى رومانسية
تقدم بخطواتها .. يحس نفسه غبي ومكانه غلط .. لابس ثوبه وشماغه وصاير رزة ..تناسبه الرزة مع ملامحه المملوحة بسمارته الجميلة وعينه الواسعة البنية انفه السلة السيف بإختصار تحقق حلم سارة بشاروخانها!.. كان حامل لها باقة روز أحمر .. طبعاُ يحس نفسه غبي بس اول مادخل رفع عينه يناظرها .. تربكت مع انه من بعيد يناظرها بس تحس ان كل شعرة في جسمها توقف .. يتقرب لها شوي شوي .. والبنات متجمعين عند طاولة ويتهامسون ويضحكون ..

تقرب لعندها ماصار ييفصل بيناتهم مسافة كبيرة .. مايدري وش يسوي بس واقف ويتأمل ملامحها ... كانت في قمة الجمال متنح فيها .. تقربت شيخة له وهمست " بوسها فوق جبينها" فيصل بهمس لأمه " ليش هي عجوز!" شيخة ضربت كتفه بخفة" لايالأهبل هذا دليل على الاحترام"

قرب شفته لجبهتها وهي ترتجف وكل مايقرب كل ماتشد على الباقة .. باسها وهي شوي وبتذوب من الحياء .. ناظر عينها الي كانت منزلة للأرض .. ابتسم بجاذبية وشال وردة حمراء من باقته وحطها في نص باقتها البيضاء وهي ترتجف.. قدم لها الباقة بكبرها وبصوت دافي:تفضلي.. ماتت من الحياء مدت يدها وهي ترجف واخذت الباقة

شيخة بدأت عينها تغرق بالدموع وهي تبتسم ... نزلت الدموع لا اراديا من عينها .. هيفاء دفت أمها بخفة وهي تبتسم بنذالة: شفتي الشماته ماتنفع ! كنتي تتشمتين على ام يوسف واللحين صرتي مثلها ههههه !
شيخة ناظرت بنتها وضحكت وهي تمسح دموعها ..

قربو طاولة الشبكة ... الشبكة كانت على مجسم .. شيخة عطت فيصل دبلة سارة عشان يلبسها إياها كانت ناعمة جدا عبارة عن الماس ونفسه الخاتم فصوص الماس .. كان بيمسك يدها هي مدتها بسرعة بشكل يقدر يلبسها الدبلة بدون مايمسكها .. رفع عينه لها ناظرها بإستغراب وابتسم .. لبسها الدبلة ووجهها أحمر .. عطت سارة دبلة فيصل .. تقرب يدها الناعمة ليده بشكل بطيئ ويدها تترتجف بقوة .. كانت بتحط الدبلة في الخنصر من قوة الوهقة .. ضحك وقرب صبعه البنصر للدبلة لبسته إياه بسرعة وصلته لنص الاصبع وتركته .. ناظرها وهو مبتسم طلع صفة اسنانه وقرب دبلته لنهاية صبعه ..
لفت عشان يلبسها السلسلة الي كانت عبارة عن ألماس .. اخذ السلسة وحطها على عنق سارة نزل راسه يناظر القفلة .. حست بلفحة أنفاسه على رقبتها تحس تبي تمسك فستانها وتهرب من الاحراج .. سكر السلسلة وبالغلط قفل على شعرها .. سارة وهي تمسك شعرها بألم : أآآآآي ... فيصل ابتلش وتوهق .. شيخة تقربت وهي تضحك بشماته بعدت شعر سارة الي تقطع من السلسلة وسكرتها مرة ثانيه ..

اخذ الحلق وهو متفشل .. كان طويل تقريبا ..قربه لإذنها وهو يدور وين خرق اذنها .. هنا سارة تتشهد اصعب شي على الرجال تلبيس الحلق .. حط الحلق وضرب شوي من جنب الخرق .. سارة مسكت اذنها بتوجع وأول مرة تناظر فيصل ناظرته بحقد وهو متووووهق حده مايعرف يلبس ولا تدرب .. شيخة تدخلت ولبستها الحلق الثاني .. جاء وقت الساعة الي من فرزاتشي .. لبسها إياها بسلام لأول مرة .. اخذ سوار الألماس .. قربه بيحطه على يدها طيحه على الأرض!! .. ناظر أمه وهو شاد على اسنانه متوهق .. سارة تعض على شفتها بحسرة وين ضاع .. جوري وهيفاء يدورونه ..
جوري تقربت له : لقيته لا تطيحه مرة ثانية
ابتسمت سارة لها بشكر.. وفيصل ابتسم ولبسه سارة

تنهدو اثنينهم وأخيرا خلصو من الشبكة الي هبلت فيهم ..
قربو لهم الكيكة كانت عبارة عن 3 طوابق مغطية بكريمة بيضاء وبعجينة السكر مسويين ورود بلون الأحمر تحيط بالكيكة من النهاية الى الفوق ومن الداخل الكيكة حمراء
والعصير فروالة طبيعي..شيخة أخذت السكين الفضية وعطتها سارة تمسكها وحطت يد فيصل على يد سارة

سارة لا اراديا بعدت يد فيصل عنها وفيصل يناظرها بإستغراب
شيخة ضحكت وحطت يد فيصل مرة ثانية على يد سارة الي كانت متفشلة من نفسها ..قصو الكيكة بسلام وحطوها في الصحون أكلو بعضهم وهم يضحكون على انفسهم .. اخذو العصير فيصل شرب سارة رشفة وبعده عن فمها بسلام ..سارة قربت الكاس من فمه وهي ترتجف وبالغلط كبته !

فيصل انفجع وجلس يتحسس ذقنه الي صابه العصير وخايف يوصل للثوب ويتوسخ وتصير علوم هيفاء فزعت له ونشفت ذقنه بالمناديل .. سارة حاطة يدها على فمها منفجعة وشوي شوي تضحك .. جلسو شوي على الكوشة وهم ساكتين ويبتسومون للكاميرا ..قرب فمه لإذنها وهمس بإبتسامة : تضحكين هااه بعد مابدعتي فيني بالعصير!
سارة بدون ماتلتفت له ابتسمة بحياء..
بعد فترة طلعو على موسيقى هادئة ورومانسية وفيصل ييحاول يمسك يد سارة وهي تبعدها ..

"عند البنات"

فاتن ماسكة بطنها وهي تضحك :ههههههههههه شفتو ساروه هههه وهي تكب العصير على فصيييل ههههه
جواهر واقفة وتضحك : ههههههه جد لعبت فيه لعببب هههههه
غرام تضحك وتصافق بيدينها : هههههههه اهم شي لما آلمها وهو يلبسها ورمقته بنظررة ههههههه
رانيا تضحك : هههههههههههه لالا اهم شي لما فيصل طيح السوار وابتلششش هههههههه
جميلة جالسة جنب فاتن وعينها مدمعة : خلااص توأمي مَلك!
فاتن تضربها على ظهرها بدفاشة : ييييب تقبلي الأمر الواقع يافتاة!
جميلة وهي تمسك ظهرها بألم :آآآخ يالدفشة وش ذي اليد!
شكلها يدك اليمين ملوتة لأنك ضربتي احد بيها ودعا عليها بالضر!
فاتن بلعت ريقها بقوة وبداخلها مقهورة .. وملاك تناظرها بريبة
شوق : هوووع جمووول مايحتاج تسووين هالدراما صرتي جواهر تو كككاك!
جواهر رمقت شوق بنظرة .. شوقر بتوتر: امزح امزح معك!
جميلة وهي ضامة يدينها وبترجي: شوقو حبيبتي انتِ تكفين خليني أنام معك الليلة بحس بالوحشة يل ايلا!
شوق تناظرها من فوقها لتحتها بإزدراء: يا إنك مدري شقول! أولا تراه مالك مالك تفهمين وش يعني مالك يعني موب متزوج يعني راح يرجع بيتكم في النهاية ثانيا ليش هو ينام معك في نفس الغرفة عشان تحسين بالوحشة!
جميلة بقهر : مالت عليكِ! كذا كيفي أنا أبي أحس بالوحشة وأتدلل وأسوي دراما وراح اجي بيتكم وانام معك !
شوق بمزح تأففت: اففف منك يلا طيب طيب عشان لاتبكين بخليك تنامين معنا!
ملاك ابتسمت بعباطة : وفااتن بتنااام معيي!
فاتن تأشر على نفسها بصدمة : مين أنا!!!!
ملاك بإسستعباط : لا تعرفين غيرون اسمك سموك فادي أي اكيد انت يعني مين!
شوق: لالا مانبيك مانرحب بمن هم اصغر من العشرين!
فاتن : كلي تبن وعناد راح انخمد معكم !
..........
"عند سارة وفيصل والمصورة تصورهم"
المصورة : حطي يدك على خده وانت حط يدك على خصرها!
سارة نزلت راسها بفشلة وهي تشد على اسنانها .. فيصل ابتسم وعلطول طَبق!
سارة تناظره بصدمة قربت يدها لخده وضربته كــف من الفشلة والرجفة!!
فيصل طلعت عينه من مكانها وهو منصدم ..
المصورة تخبي ضحكتها ..
سارة برجفة وهي تبعد يدها : آآآآسسسفة آسفة !
فيصل وهو يحك خده بقهر: ماعليكِ!
ساررة في داخلها " يااااربي وش هاللفششلة بس احسن يستاهل هذا الكف حق ذاك اليوم لما غازلني خخخخخخ ماشفت شي يافصلوو هالمرة بالغلط المرات الجايات عن عمد!"
..................
واقفة برا تنتظره 3 ثواني ووقف سيارته عندها .. نزل وهو مبتسم فتح لها الباب الخلفي .. ابتسمت بحياء ودخلت .سكر الباب وركب قدام :السلام
جواهر:وعليكم السلام
يوسف: أخبار الحفلة؟!
جواهر ضحكت بخفة : ههه وناسة مع كثير من الفشايل!
يوسف:ههههه تحصل بأحسن العائلات !
جواهر هزت راسها بالموافقة .. باقي الوقت كانو ساكتين ..بالمراية الأمامية التقت عينه بعينها بعدها بسرعة وهي ناظرت النافذة .. وصلو للبيت .. فتح لها الباب بإبتسامة .. نزلت :شكرا
مشت كم خطوة ..يوسف : جواهر
جواهر لفت له بتساؤل..
يوسف بتوتر: أبي أقولك شي!!!
................
في سيارة راشد .. كانت شوق جنبه .. وراه فاتن وفي النص ملاك بعدين جميلة

شوق بعصبية: جد لبسها حالته حاله ولا اللون جمال لايوصف!
ملاك : هههههههههههه جد انتم شفتو مكياجها كيف
!
فاتن : كككاك لا ذا لاتتكلمون عنه مكياج دراكولا في فلم!
البنات:هههههههههههه
جميلة : لالا بالله انتم شفتم بنت خالة سارة كيف لابسة!
فاتن : مين أي وحدة ؟
جميلة: مدري نسيت اسمها بس هي تصير بنت بنت خالة صاحبة هيفاء الي تكون اخت زوجة ولد خالي!
البنات : ايه ايه عرفناها لبسهاا يفشل!
راشد صج راسه من سوالفهم في باله " وش ذااا يعرفون شجرة العايلة!!وبعدين وش هالحش الراهي الا عندهم ماخلصت طاقة السوالف الي عندهم!"
ملاك : ههههههه شفتو شعرها يقال انه مستشور اللحين!
شوق:جد جد يفشل انتم شفتون سلسالها يفشللل يبين معدوم وبقوة!
جميلة: لا أنا ماقهرني الا حلق اذنها طايح منه فصين وهي لابسته!
راشد طلع عينه " مو معقولين ولا صقوور فصين وانتبهتم له يالظالمات !"
فاتن : المشكلة انها تمشي بغرور وحالتها يرثى لها!
شوق : جد .. خلاص خلاص بنات استغفرو ربكم بس
جميلة : أيه استغفرالله بس ماقلنا الا الحق!
ملاك : خلاص حشينا شووي استغفرالله!
فاتن : بسنا حش استغفرالله!
راشد مصدوم " حشينا شووي هاه شوووي والله ماباقي الا تعرفون من وين شارية حلقها والساعة كم ومع مين وليش! بنات ماينشره عليكم!"
شوق بنظرة حادة :فتييين وش ذا الي بيدك!
فاتن ببرود وهي تناظر الطريق: مالك دخل!
شوق سحبته من عندها بدفاشة ..
فاتن صرخت بصدمة:شووووق لا تفتحيه!
شوق مفهية فتحت الظرف وطلعت منه .... صورة فاتن!
شوق تنحت لمدة .. راشد بالغلط ناظر اللي بيد شوق ببرود وبلا مبالاة ... انصدم من الصورة فهى شوي وبعد نظره للطريق بتوتر
فاتن مسكت الظرف من شوق بسرعة بقهر:ياااحيوواانه لما اقولك لاتفتحيه يعني لاتفتحيه غبية!
جلست وبداخلها تغلي اللحين اكيد راشدوه شاف صورتي!
المشكلة إني متأنقة ومتمكيجة ووو قهرر اكرهك ياشوق!
...............
عند الرجال في المزرعة ..

مشعل بتعب :فرسووه وين المفتاح الا أمنتك عليه!؟
فارس لف لمشعل بتوتر شديد والعرق ينزل من جبينه:آآ آمم مشعل!
مشعل رفع حاجبه :خيير!!؟
فارس بلع ريقه بقوة وكمل:دورته مالقييته!
مشعل بصدمة مسك ياقة ثوب فارس وقرب وجهه له وهو يغلي شد على اسنانه وبعصبية:يعنييي اييييش؟!!! فااارس هذا المفتاح اذا مارجعته لصاحبه سالم غانم بنذبببح !! بتصلوون عليي بكره!!
فارس بتوتر : والله حطيته في جيبي والآن حطيت يدي في جيبي اتحسسه ومالقيته والله!
بعده عنه بقوة وهو متنررفزز حده ويحس كأن موية حارة تنصب عليه :اللحين وش اسوووي! علمني وش اسوووي!وييين ممكن الاقييي المفتااح!
صوت من وراه يعرفه زييين ..صوت رجولي حاااد .. تعود بصراخه عليه : أي مفتاح؟!
بلع ريقه بقوة وفي داخله " جاك الموت ياتارك الصلاة!"

انتهىىىىىىىى ابي ردود تشرح الصدر وتعليق على كل حدث هوووع جد تعبت على هالبارت كثير بس تستاهلووون واتمنى يعجبكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 763
قديم(ـة) 25-06-2014, 07:14 AM
صورة روليت. الرمزية
روليت. روليت. غير متصل
©؛°¨غرامي مجتهد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


احببببببببببببببك احببببببببببببببببببك
لسسى ماقريته .. برررررررب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 764
قديم(ـة) 25-06-2014, 07:41 AM
صورة miss.bdliat الرمزية
miss.bdliat miss.bdliat غير متصل
©؛°¨غرامي متألق ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


ي لبيـــــــــــــــــــــــــه البارت خوقاااااقي



غرام زززين ماسوووت في فرح الود ودي لو ذبحتهاااا وبردت قلللبي فيهااا الزززفت

مشعل ي فرحة ماتمت عليه مسسسسكككين عوور قلبي الله ياخذك ي فارس وجعلك ما تتوفق لا دنياا ولا آخره

ملاك زين ماجاك من راشد أحد قالك تدخلين بددون استئاذن بس يله (( نظرة شرعية ))

جواهر ويوسف وبعدين مع الجووو الرومنسي اللي بينكم ؟؟؟

سارة وفيصل ي لبى قلبهم بسسسس ... ولا عاد المواقف والفشاااايل أليممممممة


تسسسلمين ي قلبي على البارت الخقق

ويعطططيك الف عاااافيه

تقبلي مروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 765
قديم(ـة) 25-06-2014, 08:03 AM
صورة أروى. الرمزية
أروى. أروى. غير متصل
©؛°¨غرامي مجتهد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


أخيرا أخيرا
يارباهه ي بنت وش هالجمال حق البارت
...
الحدث اﻻول
ﻻﻻ ساروه حمارة ليش اتصلتي
جواهر وش رأيك أكون بدالك (انحرفت البنت)
وه و ي لبى..شعول (حسيت أنهه بنت آحم ماعلينا)
...
الحدث الثاني
سوسو قلبي والله انتي》م كأني كنت اسبها قبل شوي
ﻻ تخافين ي عيني♡
...
الحدث الثالث
حلو لما.. يكون ارتباط زي كذا
بنات عم مع بعض ي زين هالشعور
الله يدوم المحبة (م اعتقد..!)
...
الحدث الرابع
يازين شوق ليتها مثل الي عندي..~
أعتقد بيشوفها سلطان بالغلط :)
وش ذي النظرة الشرعية.. نظرة شرعية من النوع المختلف والجديد
راشد ياخي انت واقف ببلعومي
من يوم م هالشئ فتوتي (فاتن)
واستعد لنظرة الشرعية حقتك
فزاع وه ي زين الخجول (قايلة من قبل اني انحرفت خﻻص)
...
الحدث الخامس
هيه انتم اﻻ شعول
هههههههه هيثم طير جبهتك شعول
فار(فارس) برآ يخي اكرهك
...
الحدث السادس
فتوتي احبج♡
فرح تم قصف الجبهه بنجاح..*اللهم ﻻ شماته*
تعجبيني غروم..
شيخة يازينها هالعجيز (أخاف تصطرني)..آحم أقصد الصغيرة
جوري وه فديت قلبج♡♡
...
الحدث السابع
الف مبروك سوسو
هههههههه،،الله أكبر سارة تستحي؟
م أصدق
قلبيه ع الصداقة ♡
شوق..يازينها ♡
...
الحدث الثامن
يوسف انقلع ياخي انت وهالطموحات حقتك مو عندنا
فرح لهدرجة توصل الحقارة.. قليلة ادب
أعتقد بتسوي مشكلة او بتحاول تحتك بجواهر
...
الحدث التاسع
يا تبن يا حمارة يالي م تستحين ع وجهج
جعلك الساحق الماحق الي يﻻحقك ي فرحوه ي بنت بدور
كفو غرام تعجبيني هذه هي البنت الي تدافع عن نفسها
أم فهد روحي قطيعة تقطعك انتي وبناتك
...
الحدث العاشر
سارة وقتك هو الحين؟
هههههههههههههه وش هالموقف البايخ
...
الحدث الحادي عشر
حياتي شعول فرح
يازين قلبك
الله يدومها ي أبو يوسف
...
الحدث الثاني العاشر
ههههههههههههههههههههههههههههههههههههههههه..
ايش هالمواقف
جميلة شكثر صعب فراق اﻻخ (مجرربة)
...
الحدث الثالث عشر والرابع عشر
هههههههههههههه
ي خراشي.. ليه كده ي سوسو
..
فرحان يالي م تستحي
يارب يجي شعول عشان يخرب عليكم (نذالة)
يالخايس انقلع..
..
الحدث الخامس عشر والسادس عشر
ههههههههه ذكرتوني انا وبنات عمي يوم نحش..
راشد عاجبتك فتوتي؟
.
يخربيتك ي فار
شعول قلبي انت ♡
هف اكيد ذا أبو يوسف
..
انا انجلط خﻻص من هالقفلات
توقعاتي
يوسف بيعترف..
ل جواهر بحبه، ويمكن هي تميل له
مشعل بياخذ كم ضربة كذا بالعقال..
فار برآ
..
شموخ تدري لو تأخرتي مرآآ ثانية بموتك.. :)
آحم.. استهبل
..
تسلمين قلبي

.~♡~.


تعديل أروى.; بتاريخ 25-06-2014 الساعة 09:27 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 766
قديم(ـة) 25-06-2014, 08:14 AM
صورة روليت. الرمزية
روليت. روليت. غير متصل
©؛°¨غرامي مجتهد¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


واااااااااااو البااااااارت خطططير وقسسم
يؤؤؤؤؤؤه مششششعل يحزن ياقلبي عليييه .. أكيد ابوه بيوهقه ويحرجججه
يسسسلمممو شموووخ ، وودي والله اتوقع على كل بطل وشخص بس نعسااااااااااانه
صاحيه من امس العصر ... يسسلمو مره ثانيه ياااقلبي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 767
قديم(ـة) 25-06-2014, 10:14 AM
صورة Faadfaad الرمزية
Faadfaad Faadfaad غير متصل
©؛°¨غرامي فعال ¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


واو لبارت روعه

نستناكي في بارت جديد

faadfaad

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 768
قديم(ـة) 25-06-2014, 10:34 AM
صورة Ghyida_D الرمزية
Ghyida_D Ghyida_D غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


السلاام عليكم

يعطيك العافية وتسلم يدك على هالبارت

مشعل غلطان يعني بما انه حسن اسلوبه معك وعطاك المفتاح امانه كان حاولت تثببت انك قد هالأمانة وتخليه معك ،، اكيد ابو يوسف بيمد يده على مشعل كل عاده بس التوقع مشعل يهجر البيت كم يوم او يصير له شي يخلي قلب ابو يوسف يفز لولده

ساره انفجرت عليها ضحكك يا انها هبله تعطيه كف واهم توهم مملكين فضيييعه
قريب بتمشي فيصل على عجينه مايلخبطها بتوريه نجوم الليل في عز الظهر
بس اكيد في هالشهرين اللي قبل الزواج حتكون في مواقف بينهم وكلها بتقهر سارونه وبتسعد فيصل بس بعد الزواج بينقلب الوضع بتصير ساره ترفع ضغطه وتضحك واهوا بينقهر

غرام حبيلها هالبنت اممم عجبتني باللي سوته في هاللي ماتتسمى اهي وامها
التوقع فرح ماراح تتأدب بحركاتها مع يوسف وبتنفضح عند الكل بس كيف مادري

راشد ماتوقع ينام بيقعد يفكر في فاتن وللحظات يتخيلها تتزوج غيره ويغلي من الغيره وممكن هذا الشي يخليه يتقدم لها >>لو ماشطحت مدري وش يصير لي = )


احم طولت عليييك
مابقى شي على رمضان ياثلاث ايام او اربع ايام ويدخل علينا
الله يجيبه بصحه والسلامه ونصومه لافاقدين ولامفقودين
والله يسهل علينا صيامه وقيامه وتقبل الله منكم سائر اعمالكم
قولوا امييين 3>

غيدا،،


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 769
قديم(ـة) 25-06-2014, 10:58 AM
صورة احساس ثاني14 الرمزية
احساس ثاني14 احساس ثاني14 غير متصل
©؛°¨غرامي مشارك¨°؛©
 
B11 رد: روايتي الأولى: وإذا إلهاج بفرح ليلة فأنا تهت لبكاج سنين


سلام كيفك شخبارك ههههه ,,, قلبتها سوالف
البارت جنان وايد روووووووعة ما ادري وش اقلك بس
كان على غرام وفرح غرام بردت قلبي بس كان زودتها شو قطعت فستانها طشت الميه عليها كان خلتها تعفن
وبعدين وقاحت فرح تصور نفسها ترسلها الى يوسف هذي مو من صجها ( اللة ياخذها )
اما ساره فشلت نفسها مع زوج المستقبل ( شاروخان )ههههههههههههههههه وقاعدة اضحك اختي حسبتني مجنونة تقولي مع مييين تضحكييين هههههههههههههههه اية المهم ,,,,,كبت العصير والحلق والسواره وكل شى اما تذكرت جواهر فشيلة شغلت صوت ساره( افطر الصبح زيتووونة اررررجع من المدررسة مجنووونة ...)ههههههههههههههههههههههه موتني من ضحك الجيران يمكن سمعوا صوتي احم احم
ههههههههههاي هههههههههههههههههههههه
اية ومشعل اية عرفت لما ابوه اعطاه المفتاح بصيير شئ وش ذا الغباء يعطي فراسوووه وابوه امنه عنده
في كتيييييييييييييييير مواقف تضحك, تفشل , تحمس , تبكي كل شئ ما اقدر اعلق عليها كولها
البارت وايد يهبل يجننننن ومدري وش عاد اقولك...................
ارسيليلي الرابط اذا نزل البارت وبالتوفيق ,.,.,.,.
وفي البارت الجاي نبي اكشن هههههههه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 770
قديم(ـة) 25-06-2014, 11:16 AM
صورة سكررره الرمزية
سكررره سكررره غير متصل
©؛°¨غرامي مشارك¨°؛©
 
الافتراضي رد: روايتي الأولى: وإذا إلهاج بفرح ليلة فأنا تهت لبكاج سنين


طافني كثير و الله .. و داخله من الكليه .. يعني متابعه من خلف الكواليس ... لي عوده باذن الله

روايتي الأولى: وإذا إلهاج بفرح ليلة فأنا تهت لبكاج سنين

الوسوم
رواية وإذا ألهاج
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 04:00 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1