يارا . ©؛°¨غرامي مشارك¨°؛©

المشاركة الأساسية كتبها آججمل آحسسَآس , اقتباس :
السلام عليكم ورحمة الله وبرركاته.
الرواية بجد أعجبتني و عنوانها لفت انتباهي.
وإن شاء الله أكمل معك لحد النهاية.
وأنتظر البارت بفارغ الصبر
وعليكم السلام
مشكورة يشرفني تكوني من متابعين روايتي
نورتيني

يارا . ©؛°¨غرامي مشارك¨°؛©

المشاركة الأساسية كتبها faadfaad اقتباس :
واو البارت روعه

نستناكي في بارت جديد

faadfaad
مشكورة نورتيني

يارا . ©؛°¨غرامي مشارك¨°؛©

المشاركة الأساسية كتبها الندى الجريح اقتباس :
اعتذر منك تاخرتي كثير لذا انا بنسحب من متابعة الرواية
براحتك اختي:)

يارا . ©؛°¨غرامي مشارك¨°؛©

المشاركة الأساسية كتبها سكررره اقتباس :
صبايا ياحلوات .. اعذروا الكاتبه في غيابها .. و اكيد عندها ظروف صعبه تجبرها انها ماتدخل .. عموما انا متابعة لج وللنهاية .. بانتظارج وان شاء الله المانع في عدم دخولج خير يارب ...
مشكورة حبيبتي :** ومثل ما قالت عندي ظروف اجبرتني ما ادخل
ويشرفني تكونين من متابعين الرواية والليلة بينزل بارت ان شاء الله
نورتيني

يارا . ©؛°¨غرامي مشارك¨°؛©

المشاركة الأساسية كتبها assyirt alhorrya اقتباس :
ونا ما بقدر افوت برواية واتركها وخاصة انها حلوة وممتعة جدا

بانتظارك بفارغ الصبر
مشكورة نورتيني والليلة في بارت باذن الله

يارا . ©؛°¨غرامي مشارك¨°؛©

المشاركة الأساسية كتبها لوعة غرام اقتباس :
ننتظرك بفارغ الصبر
الليلة ان شاء الله :)
نورتيني

سَيدهـہ نمّلـہ ©؛°¨غرامي مشارك¨°؛©

متتى البارت قلبوشي

assyirt alhorrya ©؛°¨غرامي نشيط¨°؛©

وانا بانتظار بارت امبارح هههههههههه

يارا . ©؛°¨غرامي مشارك¨°؛©

رزان : اروى ميهاف قامت ؟
اروى وهي تلبس يزن : اي تتروش الحين
رزان :اااااه ، تصدقي انه ميهاف متزوجة وزوج يتحكم فيها و تشاوره عالروحة و الجية ههههههه ؟ صعبه
اروى بجدية : واجب كل زوجة هذا يا رزان
رزان : بس ميهاف تدرين ان ماحد له سلطة عليها
اروى : اي ميهاف الي ما حد له سلطة عليها اليوم بتكون زوجة رجال وكلمته تكون عليها
رزان : اييه الله يسعدهم بس
اروى : آمين
وفجأة انفتح الباب
سارة : هآآآآآآآآآآآآآآآآآاي
اروى تتمسخر : وعليكم السلام ورحمة الله وبركاته اختي
سارة : هف بس السلام عليكم
اروى : وعليكم السلام
اريام : اخباركم بنات ؟ وينها العروس ؟
رزان : تاخذ شاور
اريام : اي الكوافيرات بيوصلون بعد ساعة تقريبا
سارة : يوه مو كانها تاخرت ؟
رزان : اي والله طولت ، تعالي معي نروح نشوفها
اريام : لا والله استنو انا جاية معاكم
رزان : ههه يلا
راحو البنات لغرفة ميهاف و نزلت اروى تحت مع يزن
دخلو بشويش ولقوها تنشف شعرها
اريام : صباحك رعد يا عروووووس
ابتسمت ميهاف باستهزاء : صباح الخير
تربعت رزان فوق الفرش وقالت بخبث : بنات تصدقون جدي طلع خابر حتى بامور الفساتين ؟
سارة : ما فهمت
رزان : اقصد انه مو جايب فستان لميهاف ، جايب موت اخوكي رعد بايدينه
اريام : ويي اسم الله على اخوي ، اقول فكينا من الغازك تكلمي
قامت رزان و فتحت بيت الملابس وخرجت منها فستان الزفاف ، فستان ميهاف [IMG][/IMG]

زفرت اريام باعجاب : ياهو ناوية تقتلين اخوي انتي ؟
طق طق طق
ميهاف : تفضل !
طلت ام رعد : صباح الخير
الكل : صباح النور
ام رعد : كيفك ميهاف ؟
ميهاف بابتسامة : تمام و انتي خالتي ؟
ام رعد : تمام ... بنات ممكن تتركوني مع عروسنا شوي ؟
رزان : اي .. يلا يا بنات
طلعو البنات و جلست ام رعد جنب ميهاف
ام رعد : خايفة من اليوم ؟
هزت ميهاف اكتافها بعدم اهتمام يخفي غرور : عادي
خرجت ام رعد علبة مخمل كبيرة لونها احمر ، وفتحتها قدام ميهاف وكانت فيها شبكة الماس بالرغم من انها بسيطة الا انها فخمة وتناسب رقة ميهاف
ام رعد : هذي هدية بسيطة من رعد لك ، اتمنى انك تلبسينها الليلة
ميهاف بابتسامة جانبية : خالتي !!! مع اني اصغر منك لكن صدقيني اعرف كل شي من عيون الواحد (وكملت بابتسامة عريضة ) ذوقك حلو
ام رعد : ههههه كل مرة يزيد اعجابي فيكي اكثر و اكثر بصراحة
ميهاف : و كل مة يزيد اعجابي بذوقك اكثر و اكثر خالتي
ام رعد وهي تمسح على شعرها : دام ذوقي خلاني اختارك انتي من بين الكل حتى تكوني زوجة ولدي ، صدقيني انا بعد معجبة بذوقي كثير
اكتفت ميهاف بابتسامة
ام رعد بجدية : ميهاف بكلمك واتمنى تفهميني و تسمعيني .... اتوقع انك تعرفي انه رعد كان متزوج بنت اختي ، اميرة وتعلقه فيها كان الكل يشهد عليه ، رعد لما يحب الواحد يحب
بكل جوارحه ، ما راح احكيلك ابدا عن اميرة لانه اميرة صارت الحين ماضي ومن الليلة ، بعد ساعات ، انتي بتكوني حاضر رعد و اتمنى انك تقدري تحافظي على مكانتك ككنة لعيلتنا
وتبقي حتى مستقبله لرعد ، ما اخفي عنك ، رعد ما قبل الزواج منك الا عناد لانك بهذاك اليوم ردك جرحه كثير و علشان ملاك بعد لان وصية اميرة كانت انه يتزوج يعني اتوقع
انه علاقتك برعد ما رح تكون علاقة زوج وزوجة عاديين بس انا لي ثقة كاملة انك انتي الي بتخلي هالعلاقة تتغير اذا انتي بغيتي هالشي ( وقالت بخبث) وتكسبي التحدي
لانه اكيد الي ملكك ما بيروح لغيرك يا بنت يوسف وهذا الي اعرفه ...
قاطعتها ميهاف : خالتي انا اعرف كل هالكلام بس ابغى انك تعرفي يا خالتي انه انا كل هالكلام ما يهمني ، رعد بالنسبة لي ما غير فرد من العيلة ، المشاعر ابدا ما تهمني كل
الي يهمني يزن ، يزن هو السبب الوحيد الي خلاني اوافق عالزواج ، بس شي واحد حطيه ببالك ، ملاك تطمني مالها دخل وانا ما رح اعاملها على هالاساس ، بتكون مثلها مثل يزن
( ابتسمت ابتسامة جانبي' ) ولا تخافي محد غريب بيحس انه في شي بيني و بين رعد ، حتى .....(وبهمس ) خالته
ناظرتها ام رعد باعجاب : صدق تفهمي الواحد من نظراته
طلت نورة براسها من الباب : اقدر ادخل ؟ والا باقي في اسرار ؟
ام رعد : ههه دخلتي والحين تستاذني ؟
نارة : هه يمة !! الكوافيرات جو
ام رعد : اجل خلاص احنا بنروح للغرفة الي تحت نجهز ونخلي عروسنا تجهز بعد









راكان : عبد العزيز تراني اعرفك زين
عبد العزيز : شفيك ؟
راكان : ميهاف هي البنت الي تحبها صح ؟
عبد العزيز : شقاعد تقول انت ؟
راكان : عبد العزي تراني اخوك واعرفك زين ، نظراتك فاضحتك ، انت تحبها ؟
عبد العزيز بعصبية : اي احبها احبها احبها و اموت فيها بس اليوم بتصير لرعد ، الي بحسبة اخوي
راكان : اذا انت تبيها جد قول لرعد ، ما اظن انه بيزعل عليك ، بالعكس بيساعدك
عبد العزيز : ههه صاحي انت ؟ اتوقع سمعت جدي ايش قال ، وبعدين رعد ما صدقنا وافق يتزوج شتتوقع يكون رده بالله ؟
راكان : جرب ما رح تخسر شي ؟
عبد العزيز بصراخ : بس هي الي رافضة يا راكان ، اذا كانت هي رافضة شاقدر اسوي انا بالله ؟
راكان بخوف الاخو على اخوه : تنساها يا عبد العزيز ، اذا هي من نصيبك صدقني محد بيغير القدر لا جدي ولا رعد ولا هي نفسها واذا هي مو مقدرة لك بعد ولا اي ضرف يخليكم
مع بعض
تنهد عبد العزيز : استغفر الله العظيم ، يلا نروح ماباقي كثير ويوصلو المعازيم ... الا رعد جاء ؟
راكان : هو وسند بالطريق ، دقايق ويوصلو
عبد العزيز : يلا اجل نروح







دخلو البنات لعند ميهاف هم وام رعد وامها وجدتهم، لقوا الكوافيرة الفرنسية تحطلها آخر اللمسات
الكوافيره :oh madame mais tu es très belle , magnifique !!
ميهاف :merci c'est très gentil de votre part
الكوافيرة de rien mais c'est la vérité
اريام : اقول سكتو صجيتو راسي بالفرنسي بس ، قريتي على روحك
ميهاف : لا
الجدة : تعالي يمة اقرى عليك
سارة زفرت : قايلة لكم انا هذي ناوية تذبح خالي اليوم ايش هالجمال ؟
اريام : اظن رعد بعد ما يشوفها اليوم بيخلي الملكة والعرس والدخلة كلها اليوم شقلتو يا بنات ؟
رزان : اي والله
ام رعد : ههههههه .... ميهاف جاهزة ؟ الزفة بعد شوي
ميهاف : اي بس ممكن تخلوني دقيقتين مع ماما ؟
نورة : اكيد ، يلا يا بنات انزلو شوي
ميهاف : رزان ، خليكي انتي
عرفت رزان ايش تفكر فيه اختها ( يا رب استر )
طلعو الكل وما ضل بالجناح غير ميهاف و امها ورزان
ميهاف بابتسامة : شفيه وجهك انقلب ؟ relax mom ، relax !!
ام ميهاف : ميهاف يا بنتي ....
ميهاف بعصبية : لا تقولي بنتي ، لا تشوهي هالكلمة على فمك
رزان : ميهاف اهدي لا تفضحينا الحين
ميهاف : هههه فضيحة ؟ يا حرام بس هي ما تحس
امها بصراخ : ميهاف !!
ميهاف : لا تصرخي ! على بالك يعني اذا اتفقتي مع جدي على انه ابقى هنا وما ارجع هناك بنسى الكسندرا ؟ ههههه غلطانة ، بالعكس عاد تعرفين " بنتك " اقدر العب على رعد
بكلمتين ترى وارجع واساوي كل الي براسي
رزان : ميهاف العني الشيطان مو وقته
ام ميهاف ودموعها على خدها : كل واحد يغلط وانا غلطت
ميهاف : الغلط الحقيقي هو انك تكملي وتغطي على اغلاطك بغلط اكبر ، شذنبها البنت المرمية بالمستشفى ها ؟ قولي !! صدقيني ما رح تمرلك بخير ، ووعد مني راحة بابا بقبره
انا اجيبها
رزان : ميهاف فكينا من هالموضوع الحين لا تخليهم يحسو باي شي ، خلي الكلام بعدين حبيبتي
طق طق طق
ام رعد : ميهاف بنتي الحين الزفة جاهزة ؟
ميهاف : اهه ... اي خالتي
نزلت من على الدرج الكبير بالقصر بفستانها ، كان شعرها مخليته كيرلي و طويل ، هذا اقل شي قدرت تساويه حتى تغطى ظهرها ، مكياج خفيف ، عيون كحلها زاد بين جمال العين ،
ولونها الازرق ،ويا سبحان الي خلقها ....
نزلت على موسيقى هاديةوعيون الكل معلقة عليها
الي تصلي عالنبي والي تعدد المحاسن والي تحسد
وصلت للكوشة وانطلقت الاغاني وراحو البنات يتمايلو باجسماهم مع الايقاع








سند : ابتسم يا اخي ، بالله ابتسم
رعد بجدية : سند والي يعافيك اسكت مو ناقصك
سند : جد شفيك معصب ؟
مدله رعد الجوال : خذ اقرى !!
سند بعدم تصديق : رعد !! شهالمسج ؟
رعد : مدري !! الحين ما ينفع بس بكرة ابقول لفهد يشوف مين صاحب هالرقم
سند :تتوقع يكون منصور ؟
رعد : ممكن ليش لا ....
الجد : رعد يلا قم الزفة الحين
رعد : ان شاء الله
راح مع جده واعمامه ودخل للقاعة على صوت قصيدة الزفة

الكل كان يصلي عالنبي
ـ ـ ـ ـ ـ 1 : ما شاء الله عليهم الاثنين يهبلون
ـ ـ ـ ـ ـ 2 : اي والله سبحان الي صورهم كانهم مخلوقين لبعضهم
ماشي وسط اعمامه ، حاضر معاهم جسد وروحه وقلبه وبعقله بعيد عنهم ، مع اميرته ، تذكر يوم ملكته منها قد ايش كان طاير بالفرح ، حس وقتها انه لو طلب الجنة كانت عنده، الدنيا
مو سايعته بالفرحة .... واليوم ؟ هه مو ساعات يقولو خلينا ساكتين احسن ؟ ايوه احسن خلو بطلي ساكت
تقدم ناحيتها هو واعمامه سلم عليها وباسها من راسها ، وسلموا عليها اعمامها وجدها
الجد : الف مبروك يا بنتي !!
هزت ميهاف حاجبها وباستهزاء : عقبالك !!
ضحكة صغيرة فلتت من افواه اعمامها ورعد وامه
عمها فهد باسها من راسها : الف مبروك يا بنت الغالي
هذا من الاشخاص الي تحس عنده انسانية بهالبيت ، ابتسمتله
العمة ام جابر : منك المال ومنها العيال مبروك
رعد ( ههه اي عيال بالله ؟ عيال من وحدة غير اميرة ؟ ) : الله يبارك فيك
تقدمت ام رعد ومدتله الشبكة ، الماس ، ناعمة ورقيقة تناسب جمالها و رقتها [IMG][/IMG]
قطعه القاتو بايدين باردة ، كان طعمها مر بفم ميهاف وامر اكثر بفم رعد
تصورو مع عيلتهم وباركولهم الكل
نورة : رعد ، يلا روحو للغرفة المصورة تستناكم هناك
راحو الاثنين بدون ما يتكلمو ، كانهم اطفال صغار يوجهونهم دخلو للغرفة
تصوروا ثلاث صور و بس !!
رعد : كافي
المصورة باستغراب : but sir ...
رعد : كافي صور ، تقدري تتفضلي
المصورة : عن ازنكم والف مبروك


طلعت المصورة من الغرفة مع معداتها وهي مستغربة من الي قاله رعد وشافتها نورة
نورة وهي مو مصدقة : يمة يمة !! شوفي
ام رعد : شصاير ؟
التفتت وشافت المصورة
ام رعد : لو سمحتي ... !
المصورة شافت التساؤلات بعيون ام رعد : الاستاز طلب انه بطل تصوير ، بس تلات صور ..... عن اذنكم
راحت ام رعد حتى تدخل للغرفه بس وقفتها نورة : لا يمة اتركيهم ..
ام رعد : ايش هالولد ؟ ايش بتقول البنت الحين ؟
نورة : طولي بالك يمة ، طولي بالك



رعد : ميهاف هاتي جوالك
رفعت ميهاف جوالها باستغراب : جوالي !!؟
اخذه من عندها وشال الشريحة وحطها بجيبه وطلعلها شريحة ثانية من جواله وركبها ورجعلها جوالها
ميهاف : صاحي يعني انت ؟
رعد : ليش ؟ لاني بدلت الشريحة ؟
ميهاف : في شي ثاني يعني ؟
رعد استند عالكرسي ورجع راسه ورى : بسيطة زوجتي وما ابغى اي احد يتصل فيك غير عيلتك ، يعني لا الي كنتي تشتغلي معهم والا ..... الشباب الي كنتي تعرفينهم ؟
ميهاف : هههه شباب ؟
رعد : لاكون متزوج شريفة مكة ...... والا اقول شريفة ليفربول ههه
ميهاف : حدك ، شرفي من شرفك يا ... ولد العم
رعد : هههه اي صحيح .... امرك بكرة تروحي تختاري غرفة نومك ؟ ( وركز على كلمة نومك ) والا اختار انا ؟
ميهاف : حتى غرفتي بعد بتختارونها لي ؟ ...
رعد قام : طيب .... بعد الظهر بمرك
توجه للباب وقال بابتسامة جانبية : بس طالعة حلوة ... بس تدرين من طبعي ما اخذ " شي " ما يكون حلو
ميهاف : شي ؟ ههههه غلطان حبيبي ميهاف مو شي
رعد : اقول ... بكرة لا تنسين بمرك ، تصبحي على خير



دخلت عليه وهو حامل بنته ، ابتسملها
ام رعد : شسويت اليوم ؟ كيف تطلب من المصورة تخرج وانتم ما اخذتو حتى صورة ؟
رعد : الا يمة اخذنا 3 صور ، اسالي حتى ميهاف
ام رعد : رعد !!! ما امزح معك انا
رعد : يمة الله يهداك صوري انا وميهاف شبسوي فيهم يعني ، آخرتها نبلهم ونشرب مويتهم انا وهي
ام رعد : ما في منكم فايدة والله ، اروح انام احسنلي ....
رعد : تصبحي على خير
ام رعد : وانت من اهل الخير حبيبي

طلعت ام رعد وحط بنته جنبه نايمة واتكى جنبها
(( اووف يا ربي شهالبلشة ؟ شسوي الحين ؟ اذا قلتلها مشكلة و اذا ما قلتلها مشكلة ، بس انا لازم اقولها قبل لا يوصلون لها ، اووف منك يا ميهاف اوف من اولها بمشاكلك )) طلع جواله وشاف الصورة والمسج الي معاها ، تالم بحسرة عاللي صار ، الله يستر من الي جاي بس ، الله يستر ...

سكررره ©؛°¨غرامي مشارك¨°؛©

لا لا لا حيل قصير والله ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1